အခြေခံဥပဒေနဲ့ ကိုင်ပေါက်ခြင်း &  Burma မသုံးစွဲရန် ဒေါ်အောင်ဆန်းစုကြည် ထပ်မံသတိပေးခံရ

တရားဥပဒေစိုးမိုးရေး ဆိုတဲ့ စကားလုံးကို အခုတလော ဓာတ်ကျ နေသူတွေထဲမှာ ရွေးကောက်ပွဲ ကော်မရှင်လည်း ပါဝင်လာတာ ဒီကနေ့ တွေ့လိုက်ရပါတယ်။
ကော်မရှင်က ဒီကနေ့ သတင်းတပုဒ် ထုတ်ပြန်ရာမှာ နိုင်ငံအမည်ကို Myanmar လို့ ခေါ်ဖို့ လိုအပ်တယ်၊ ဒါမှ တရားဥပဒေ စိုးမိုးမယ်လို့ ဆိုထားပါတယ်။ ဒီလ ဒေါ်အောင်ဆန်းစုကြည်ရဲ့ ဥရောပ ခရီးစဉ်မိန့်ခွန်းတွေမှာ Burma လို့ပဲ ပြောပြော သွားတာဟာ အခြေခံဥပဒေနဲ့ ဆန့်ကျင်နေတယ်လို့ ဆိုပါတယ်။
ရွေးကောက်ပွဲ ကော်မရှင် အလုပ် အရမ်းကြိုးစားပါလားလို့ ချီးကျူးခံရနိုင်သလို၊ Burma လို့ ဒေါ်အောင်ဆန်းစုကြည် ပြောနေတာ ကြာလှပြီဆိုတာ မသိဘူးလား၊ ဘယ်မှာသွား အိပ်ပျော်နေတာလဲ၊ ဘာကြောင့် အခုမှ ကန့်ကွက်ရတာလဲလို့ မေးခွန်းထုတ်ခံရဖွယ် ရှိပါတယ်။
Myanmar လို့ ခေါ်ဖို့ အခြေခံဥပဒေမှာ ပြဋ္ဌာန်းထားတယ် လို့ ကော်မရှင်က ဆိုပါတယ်။ ဗိုလ်ချုပ်ကြီးတွေကလည်း သူတို့ စိမ်ပြေနပြေ စိတ်ကြိုက် ရေးဆွဲထားတဲ့ အခြေခံဥပဒေ ဆိုတာကြီးနဲ့ ကိုင်ကိုင်ပေါက် ရတာကို အင်မတန် အရသာတွေ့ဟန် တူပါရဲ့။
အခြေခံဥပဒေ ဖတ်ဖူးသူတချို့ကလည်း “ပြည်ထောင်စု သမ္မတ မြန်မာနိုင်ငံတော်ဟု ခေါ်တွင်ရမည်” လို့ပဲ ပြဋ္ဌာန်းထားတာ မှန်တယ်၊ The Republic of the Union of Myanmar လို့ အင်္ဂလိပ် ဘာသာပြန်စာအုပ်မှာ ပြဋ္ဌာန်းထားတာလည်း မှန်တယ်၊ ဒါပေမယ့် အခန်း ၁၅ ဆိုတဲ့ နေရာမှာတော့ စကားလုံး တလုံးချင်းရဲ့အဓိပ္ပာယ်ကို “မြန်မာစာဖြင့် ရေးသား ထားချက်များ အပေါ်တွင်သာ အခြေပြုရမည်” လို့ ဆိုနေကြတယ်။
ဒီအတိုင်းဆိုရင်တော့ လွှတ်တော် အစည်းအဝေးတွေ မကြာခင် ပြန်အစပြုတဲ့အခါ အခြေခံဥပဒေထဲက အဲဒီအပိုဒ်ကို တိတိကျကျ ပြင်ဆင် ရေးသားဖို့ ဗိုလ်ချုပ်ကြီးတွေ ပြောဆိုကြတော့မယ့် ပုံပဲ။
နိုင်ငံအမည်ပြောင်းတာဟာ လူထု (သို့မဟုတ် လူထုကိုယ်စားလှယ်တွေ) နဲ့ တိုင်ပင်ဖို့ လိုတယ်လို့ ဒေါ်အောင်ဆန်းစုကြည်က လက်ကိုင်ပြုထားတာ အစိုးရမင်းများလည်း သိမှာပါ။
၁၉၈၉ ခုနှစ်ကစပြီး နိုင်ငံအမည်ကို Myanmar လို့ ပြောင်းလဲခဲ့သူတွေဟာ နေရာတကာ ၀င်ပါပြီး လူတတ်ကြီးလုပ်လေ့ရှိတဲ့ စစ်ဗိုလ်ကြီးတွေပါပဲ။ မြန်မာ နဲ့ ဗမာ၊ Myanmar နဲ့ Burma ဆိုတဲ့ ဝေါဟာရတွေကို မြန်မာပြည်မှာ လွတ်လွတ်လပ်လပ် ဆွေးနွေးငြင်းခုံတာမျိုး မရှိခဲ့ဘဲ စစ်ဗိုလ်ကြီးတွေ သတ်မှတ်ပေးသလိုပဲ ပြောဆိုသုံးနှုန်းခဲ့ရတာ ကြာပါပြီ။
သူတို့ ပြောင်းထားတဲ့ နာမည်၊ သူတို့ သေနတ်နဲ့ချိန်ပြီးဆွဲခဲ့တဲ့ အခြေခံဥပဒေ ဆိုတော့ ဒီလို ကာကွယ်ပြောဆို ရေးသားနေတာဟာ သဘာဝ ခပ်ကျကျပါပဲ။
ဟိုတုန်းကတော့ ဒေါ်အောင်ဆန်းစုကြည်ရဲ့ လှုပ်ရှားပြောဆိုမှုတွေကို ကဏ္ဍကောစ လုပ်တာဟာ အစိုးရသတင်းစာတွေရဲ့ ဂျူတီပေါ့၊ အခု ဒီသတင်းစာများက ဒေါ်အောင်ဆန်းစုကြည်ကို မဝေဖန်တော့ဘူး ဆိုတော့ ဒီတာဝန်ကို ရွေးကောက်ပွဲ ကော်မရှင်ကပဲ ယူတော့မယ့် သဘောများလား၊ ဒီလိုလည်း မဟုတ်လောက်ပါဘူးလို့ ထင်ရတာပါပဲ။
ကော်မရှင်ရဲ့ ထုတ်ပြန်ချက်ကို ဖတ်ပြီး စဉ်းစားမိတာတွေ ရေးလိုက်တာပါ။ အလုပ်မရှိ အဝှာ သန်းရှာတယ်ပဲ ဆိုဆို ပေါ့လေ။ ဝေါဟာရ ပိုင်းဆိုင်ရာ ငြင်းခုန်လိုပေမယ့် ဒီလိုငြင်းခုန်ခွင့် ရှိမရှိ အခြေခံဥပဒေကို ဖင်ပြန်ခေါင်းပြန်၊ အထပ်ထပ်အခါခါ မွှေနှောက်ပြီး ပြန်လည်ဖတ်ရှု လိုက်ပါဦးမယ်။

Burma မသုံးစွဲရန် ဒေါ်အောင်ဆန်းစုကြည် ထပ်မံသတိပေးခံရ

အမျိုးသား ဒီမိုကရေစီ အဖွဲ့ချုပ်(NLD) ဥက္ကဌ ဒေါ်အောင်ဆန်းစုကြည်က ထိုင်းနိုင်ငံ အပါအ၀င် ဥရောပခရီးစဉ်များ၌ မြန်မာနိုင်ငံ၏ အမည်ကို Burma ဟု သုံးစွဲပြောဆိုနေခြင်းနှင့် ပတ်သက်ပြီး မသုံးစွဲရန် ပြည်ထောင်စုရွေးကောက်ပွဲ ကော်မရှင်က သတိပေး လိုက် သည်။
ဖွဲ့စည်းပုံ အခြေခံဥပဒေပါ ပြဌာန်းချက်နှင့်အညီ Myanmar ဟု သုံးစွဲရန် ဖြစ်ကြောင်း၊ NLD သည် ပါတီများမှတ်ပုံတင်ခြင်း ဥပဒေပါ “ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြေခံဥပဒေကို လေးစားလိုက်နာရေး”ဆိုသည့် အချက်အား ပါတီ မှတ်ပုံတင် လျှောက်ထားစဉ်ကပင် ၀န်ခံချက်ပြုထားပြီး ဖြစ်ကြောင်း ရွေးကောက်ပွဲ ကော်မရှင်၏ သတိပေး ထုတ်ပြန်ချက်ကို ယနေ့ထုတ် အစိုးရ သတင်းစာများတွင် ဖော်ပြထားသည်။
ဒေါ်အောင်ဆန်းစုကြည်သည် မေလကုန်ပိုင်းက ထိုင်းနိုင်ငံတွင် ပြုလုပ်သည့် ကမ္ဘာ့စီးပွားရေး ညီလာခံ(WEF)၌ မိန့်ခွန်းပြောကြား ရာတွင် မြန်မာနိုင်ငံကို “Burma”ဟု သုံးနှုန်းပြောဆိုသွားသောကြောင့် ဇွန်လ ၁ ရက်နေ့က အသိပေးထားပြီးဖြစ်ကြောင်း၊ သို့သော် လက်ရှိသွားရောက် နေသည့် ဥရောပခရီးစဉ်အတွင်း မိန့်ခွန်းများပြောကြားရာတွင်လည်း မြန်မာနိုင်ငံကို “Burma”ဟု ဆက်လက် သုံးနှုန်းပြောဆိုနေခြင်း ကြောင့် ထပ်မံသတိပေးရခြင်း ဖြစ်ကြောင်းလည်း သတင်းစာက ဆိုသည်။
NLD ပြောခွင့်ရသူ တဦးဖြစ်သည့် ဦးဉာဏ်ဝင်းကမူ“Burma လို့ သုံးနှုန်းလိုက်တာနဲ့ အခြေခံဥပဒေကို မလေးစားတဲ့ သဘော မသက်ရောက် ပါဘူး”ဟု AP သတင်းဌာနသို့ ပြောဆိုသည်။
ဒေါ်အောင်ဆန်းစုကြည်သည် ဇွန်လ ၁၃ ရက်က စတင်၍ ဥရောပ နိုင်ငံများသို့ သွားရောက်နေခြင်းဖြစ်ပြီး ယနေ့တွင် ခရီးစဉ် ပြီး ဆုံး၍ မနက်ဖြန်တွင် မြန်မာနိုင်ငံသို့ ပြန်လည်ရောက်ရှိမည် ဖြစ်ကြောင်း သိရသည်။
NLD ပြန်ကြားရေးတာဝန်ခံ ဦးအုန်းကြိုင်ကလည်း “ဥက္ကဌ (ဒေါ်အောင်ဆန်းစုကြည်) ကိုယ်တိုင်လာမှ သူ ဘယ်လိုကြောင့် Burma လို့ သုံးတယ်၊ ဘယ်နေရာမှာ သုံးတယ်ဆိုတာ ပြောလိမ့်မယ်လို့ ထင်တယ်” ဟု ပြောသည်။
ယခင် န၀တ စစ်အစိုးရက ၁၉၈၉ ခုနှစ်မှ စတင်၍ မြန်မာနိုင်ငံ၏ အမည်ကို Burma ဟု သုံးစွဲနေခြင်းမှ Myanmar ဟု ပြောင်းလဲ သုံးစွဲခဲ့ခြင်း ဖြစ်သည်။ ယခင် ရန်ကုန်မြို့ကို Rangoon ဟု သုံးစွဲနေခြင်မှ Yangon ဟုလည်းကောင်း၊ ရန်ကုန်မြို့ရှိ တခြား အင်္ဂလိပ် အမည် မှည့်ခေါ်ထားသော လမ်းအမည်များကိုလည်း မြန်မာ အမည်သို့ ပြောင်းလဲခဲ့သည်။
ဇွန်လ ၁၇ ရက်က နော်ဝေ နိုင်ငံတွင် ပြုလုပ်သည့် အော်စလို ဖိုရမ် တွင် ဒေါ်အောင်ဆန်းစုကြည်က န၀တ စစ်အစိုး၏ နိုင်ငံ အမည် ပြောင်းလဲလိုက်သည့် ပုံစံကို မကြိက်နှစ်သက်၍ Burma ဟု ဆက်လက် သုံးစွဲနေခြင်း ဖြစ်ကြောင်း ပြောဆိုထားသည်။
“ကျမ ဗမာနိုင်ငံလို့ ဆက်လက် ခေါ်နေရတာဟာ မြန်မာနိုင်ငံဆိုတဲ့ နာမည်ကို မကြိုက်လို့ မဟုတ်ပါဘူး။ ပြောင်းလိုက်တဲ့ ပုံစံကို မကြိုက် လို့ပါ။ SLORC (နဝတ) အစိုးရဟာ ဘယ်သူ တဦးတယောက်ကိုမှ မတိုင်ပင်ပါဘဲနဲ့ ပြည်သူ့ အခွင့်အရေးတွေကို ချိုးဖောက် ပြောင်းလဲလိုက်တဲ့ လုပ်နည်းလုပ်ဟန်ကို မနှစ်သက်လို့သာ ဗမာနိုင်ငံလို့ ဆက်လက်ခေါ်ဆိုနေတာပါ။ မိမိတို့ နိုင်ငံအပေါ် ကမ္ဘာကြီး က ဘယ်လိုနာမည်နဲ့ တွဲ သိမလဲဆိုတာ စိတ်တိုင်းကျ ရွေးချယ်ဖို့ အခွင့်အရေး ပြည်သူမှာ ရှိနေတာကို နဝတ အစိုးရက ချိုးဖောက်ခဲ့တာ၊ ဥပက္ခာပြုခဲ့တာပါ”ဟု ဒေါ်အောင်ဆန်းစုကြည်က ပြောဆိုသည်။


LWIN PWIN
NLABR
Web-site:                   www.nlabr.com
Blog:                         http://wanna23-23.blogspot.com/
Facebook:                   Sa Maung

0 comments:

Post a Comment