ကမ္ဘာ့သတင်းများ 03/07/2012
နိုင်ငံတကာသတင်း
ဆီးရီးယားက စစ်ရေးအကြမ်းဖက်မှုတွေရပ်ဖို့ ကုလပြော
ဆီးရီးယားနိုင်ငံမှာ ပဋိပက္ခဖြစ်နေတဲ့ ဘက် နှစ်ဘက်လုံးကို လက်နက်တပ်ဆင်ပေးတာဟာ အကြမ်းဖက်မှုကို ပိုဆိုးအောင်လုပ်တာ ဖြစ်ပြီးတော့ ဒီလိုလုပ်ရပ်မျိုးကို ရှောင်ကျဉ်ရလိမ့်မယ်လို့ ကုလသမဂ္ဂ လူ့အခွင့်အရေးဆိုင်ရာ အကြီးအကဲ နာဗီပီလေးက ပြောပါတယ်။
တနင်္လာနေ့က နယူးယောက်ခ်မြို့မှာ မစ္စ် နာဗီပီလေးက ပြောဆိုရာမှာ ဆီးရီးယားအစိုးရနဲ့ အစိုးရ ဆန့်ကျင်သူ နှစ်ဘက်စလုံး လူ့အခွင့်အရေးချိုးဖောက်မှုတွေအတွက် တာဝန်ရှိတယ်လို့ ပြောပါတယ်။ သမ္မတ ဘက်ရှာ၊ အယ်လ် အာဆဒ်ရဲ့တပ်ဖွဲ့တွေဟာ အရပ်သားတွေကို ပစ်ခတ်၊ နှိပ်စက်၊ ညှင်းပန်း၊ မုဒိမ်းကျင့်မှုတွေကို ကျူးလွန်ခဲ့ပြီး အတိုက်အခံတွေကို ထောက်ခံသူတွေ အသက်ဆုံးအောင် ပစ်မှတ်ထား တိုက်ခိုက်ခဲ့တယ်လို့ ဆိုပါတယ်။
ဒါ့အပြင် အစိုးရတပ်တွေဟာ ဆေးရုံတွေကိုပါ ပစ်ခတ်တိုက်ခိုက်တယ်လို့ မစ္စ်ပီလေးက ပြောပါတယ်။ ဆီးရီးယား အစိုးရအနေနဲ့ လွတ်လပ်တဲ့ စုံစမ်းစစ်ဆေးရေးမှူးတွေကို နိုင်ငံထဲဝင်ပြီး စုံစမ်းစစ်ဆေးခွင့် ပေးသင့်တယ်လို့ လည်း ပြောပါတယ်။ ဆီးရီးယားမှာဖြစ်ပွားတဲ့ အကြမ်းဖက်မှုနဲ့ အရပ်သားပြည်သူတွေ သေဆုံးမှုဖြစ်ရတာတွေဟာ အကြမ်းဖက်သမားတွေရဲ့လက်ချက်ဖြစ်တယ်လို့ ဆီးရီးယားသမ္မတ ဘက်ရှာ၊ အယ်လ် အာဆဒ်က ပြစ်တင် ပြောဆိုပါတယ်။
ကုလသမဂ္ဂ တာဝန်ရှိသူတွေက ကာတန်နဲ့ ဆော်ဒီအာရေဗျနိုင်ငံတွေက အတိုက်အခံတွေကို လက်နက်ထောက်ပံ့မှု ပေးတယ်လို့ ပြောဆိုပြီးတော့ သမ္မတအာဆဒ်ကို တရုတ်နဲ့ ရုရှားနိုင်ငံတွေက ကျောထောက် နောက်ခံပေးနေတယ်လို့ ပြောဆိုမှုတွေလည်း ရှိပါတယ်။
တူရကီအစိုးရသတင်းစာတွေအဆိုအရ ဆီးရီးယားဗိုလ်ချုပ် တဦးအပါအဝင် တပ်ဖွဲ့ဝင် ၈၅ ယောက် တူရကီနိုင်ငံထဲကို ထွက်ပြေးခဲ့တယ်လို့ ဆိုပါတယ်။
ဆီးရီးယားမှာ အသွင်ကူးပြောင်းရေးအစိုးရ တရပ်ရှိရေး နိုင်ငံတကာရဲ့အစီအစဉ်ဟာ စစ်တပ်အပါအ၀င် ဆီးရီးယားပြည်သူတွေကို ကျေနပ်စေဖို့ ဖြစ်တယ်လို့ အမေရိကန် နိုင်ငံခြားရေးဝန်ကြီးဌာနပြောခွင့်ရ Victoria Nuland ကပြောလိုက်ပါတယ်။
ကုလအရေးယူမှု မြောက်ကိုရီးယားဆက်ချိုးဖောက်
မြောက်ကိုရီးယားနိုင်ငံဟာ ဆီးရီးယားနဲ့ မြန်မာနိုင်ငံတို့ကို စစ်လက်နက်တွေ ပို့ပေးသလို ဇိမ်ခံလူသုံးကုန် ပစ္စည်းတွေ တင်သွင်းပြီး နိုင်ငံတကာရဲ့ အရေးယူပိတ်ဆို့မှုကို ဆက်ပြီး ချိုးဖောက်နေတယ်လို့ ကုလသမဂ္ဂက အစီရင်ခံစာထုတ်ပြန်ပါတယ်။
ဧပြီလမှာ ကျင်းပတဲ့ စစ်ရေးပြ အခမ်းအနားမှာ ပြသခဲ့တဲ့ ပဲ့ထိန်းတပ် ဒုံးကျည်အသစ် KN-08 ဟာ အတု ဖြစ်နိုင်တယ်လို့ ကျွမ်းကျင်သူအဖွဲ့က ပြောကြောင်း အစီရင်ခံစာမှာ ဖော်ပြထားပါတယ်။
မြောက်ကိုရီးယားနိုင်ငံကို စတင်ထူထောင်ခဲ့တဲ့ နိုင်ငံ့ဖခင်ကြီး Kim Il Sung နှစ်တရာပြည့် အထိမ်းအမှတ် အကြီးအကျယ်ဆင်နွှဲခဲ့တာမှာ စစ်ရေးပြအခမ်းအနားလည်း ပါဝင်ပါတယ်။ တချိန်တည်းမှာပဲ အဏုမြူ၊ ဓာတု ဒါမှမဟုတ် ဇီဝလက်နက်နဲ့ ပဲ့ထိန်းတပ်ဒုံးကျည်နဲ့ ပတ်သက်ပြီး ချိုးဖောက်မှုမရှိဘူးလို့ စာမျက်နှာ (၇၄) မျက်နှာရှိတဲ့ ဒီအစီရင်ခံစာမှာ ပြောထားပါတယ်။
မြောက်ကိုရီးယားနိုင်ငံကို စတင်ထူထောင်ခဲ့တဲ့ နိုင်ငံ့ဖခင်ကြီး Kim Il Sung နှစ်တရာပြည့် အထိမ်းအမှတ် အကြီးအကျယ်ဆင်နွှဲခဲ့တာမှာ စစ်ရေးပြအခမ်းအနားလည်း ပါဝင်ပါတယ်။ တချိန်တည်းမှာပဲ အဏုမြူ၊ ဓာတု ဒါမှမဟုတ် ဇီဝလက်နက်နဲ့ ပဲ့ထိန်းတပ်ဒုံးကျည်နဲ့ ပတ်သက်ပြီး ချိုးဖောက်မှုမရှိဘူးလို့ စာမျက်နှာ (၇၄) မျက်နှာရှိတဲ့ ဒီအစီရင်ခံစာမှာ ပြောထားပါတယ်။
အရေးယူပိတ်ဆို့မှုတွေကို စောင့်ကြည့်တဲ့ ကုလသမဂ္ဂလုံခြုံရေးကောင်စီ ကော်မတီကို တင်သွင်းတဲ့ အစီရင်ခံစာ ကို သောကြာနေ့မှာ ထုတ်ပြန်ခဲ့တာ ဖြစ်ပါတယ်။ ဒီတွေ့ရှိချက်တွေကို ကုလသမဂ္ဂမှာ ရှိတဲ့ မြောက်ကိုရီးယား သံတမန်က ပယ်ချတယ်လို့ AP သတင်းဌာနက ကိုးကားပြောဆိုပါတယ်။
မြောက်ကိုရီးယားက ၂၀၀၆ ခုနှစ်မှာ nuclear လက်နက်စမ်းသပ်မှု ပထမဆုံးအကြိမ်ပြုလုပ်ခဲ့ပြီးတဲ့နောက်မှာ လုံခြုံရေးကောင်စီက အရေးယူပိတ်ဆို့မှုတွေ ပြုလုပ်ခဲ့တာဖြစ်ပြီး ၂၀၀၉ ခုနှစ်မှာ ဒုတိယအကြိမ် nuclear လက်နက်စမ်းသပ်မှုပြုလုပ်တော့ အရေးယူပိတ်ဆို့မှုတွေကို တိုးမြှင့်ပြုလုပ်ခဲ့ပါတယ်။ မြောက်ကိုရီးယားအနေနဲ့ nuclear လက်နက်နဲ့ ပဲ့ထိန်းတပ်ဒုံးကျည် ထုတ်လုပ်ဖို့ လိုအပ်တဲ့ပစ္စည်းတွေ မရရှိစေဖို့ အရေးယူ ပိတ်ဆို့မှုတွေ ပြုလုပ်တာဖြစ်ပါတယ်ခင်ဗျာ။
ရေလွှမ်းမိုးမှုကြောင့် အိန္ဒိယမှာ လူ ၈၀ ခန့်သေ
India နိုင်ငံအရှေ့ပိုင်းမှာ မုတ်သုန်မိုးရွာသွန်းမှုကြောင့် ရေကြီးပြီး ၇၉ ယောက်ထက်မနည်း သေဆုံးပြီး ၂ သန်းလောက် အိုးမဲ့အိမ်မဲ့ ဖြစ်ခဲ့ပါတယ်။ အာသံပြည်နယ်မှာ ဗြဟ္မာ့ပုတ္တရမြစ် (Brahmaputra) ရေလျှံခဲ့တဲ့ အတွက် တချို့ရွာလုံးကျွတ် ရေအောက်ရောက်ခဲ့ပါတယ်။ ရေဘေးဒုက္ခသည်တွေကို ကူညီဖို့ စစ်တပ် ကိုလည်း ဖြန့်ချထားပါတယ်။
ဂူဝါဟာတီမြို့ (Guwahati) တမြို့လုံးနီးပါးမှာ အစားအသောက်တွေ၊ သောက်ရေတွေ၊ ဆေးဝါးတွေကို အကူအညီပေးနေတယ်လို့ ဗိုလ်မှူး RN Nair က သတင်းထောက်တွေကို ပြောပါတယ်။ သောင်တင်နေတဲ့ ဒုက္ခသည်တွေကို ရဟတ်ယာဉ်တွေပေါ်ကနေ အစားအသောက် အထုတ်တွေ ကြဲချပေးတယ်လို့လည်း သူကပြောပါတယ်။
လတ်တလောနှစ်တွေအတွင်း အဆိုးဆုံး ရေကြီးမှုကို အာသံပြည်နယ်က ပြည်သူတွေ ရင်ဆိုင်နေကြရတယ် လို့ ရေလွှမ်းခံရတဲ့ ဒေသတွေဆီ သွားကြည့်ခဲ့တဲ့ ဝန်ကြီးချုပ် Manmohan Singh က ပြောပါတယ်။ ကယ်ဆယ်ရေး စခန်းတွေမှာ ခိုလှုံနေကြသူပေါင်း ၅ သိန်းထက်မနည်း ရှိတယ်လို့ တာဝန်ရှိသူတွေက ပြောပါ တယ်။ ဆရာဝန်တွေကလည်း ရွှေ့ပြောင်းဆေးခန်းတွေဖွင့်လှစ်ပြီး ဒုက္ခသည်တွေကို ကုသပေးနေသလို ရေကြောင့်ဖြစ်တဲ့ ရောဂါတွေ ပျံ့ နှံဖြစ်ပွားမှုကို ကာကွယ်ဖို့လည်း ကြိုးစားနေကြပါတယ်။
ဦးချိုတချောင်းတည်းရှိတဲ့ ကြံ့ကြီးတွေကြောင့် ကျော်ကြားတဲ့ အာသံ Kaziranga အမျိုးသားဥယာဉ် လည်း ရေမြုပ်ခဲ့လို့ တိရစ္ဆာန်တွေဟာ ရေလွတ်ရာ ကုန်းမြင့်ပေါ်ပြောင်းနေကြရပါတယ်။ လက်ဖက်စိုက်တောင်ကုန်းတွေကြောင့် လူသိများတဲ့ အာသံပြည်နယ်မှာ အရင်နှစ်တွေထက် နည်းတဲ့ မိုးကြောင့် လယ်ယာထွက်ကုန်တွေ လျော့နည်းမှာကို စိုးရိမ်နေကြချိန်မှာ ခုလို ရေကြီးတာဖြစ်ပါတယ်ရှင်။
တောင်ကိုရီးယား အစိုးရရုံးစိုက်ရာ မြို့သစ်တည်ထောင်
တောင်ကိုရီးယားနိုင်ငံ Seoul မြို့တော်မှာ လူနေထူထပ်မှု လျော့နည်းသွားစေမယ်၊ ပိုပြီး မျှမျှတတ ဖွံ့ဖြိုး တိုးတက်စေမယ်ဆိုတဲ့ အစိုးရရဲ့ မျှော်လင့်ချက်နဲ့ အစိုးရရုံးစိုက်ရာ မြို့သစ်တခုကို ဖွင့်လှစ်လိုက်ပါတယ်။ Seoule မြို့တော်ရဲ့ တောင်ဘက် ၇၅ မိုင်အကွာမှာရှိတဲ့ Sejong မြို့ တရားဝင်ဖွင့်ပွဲ အခမ်းအနားကို တနင်္လာနေ့က လုပ်ခဲ့ပြီး ၂၀၁၄ ခုနှစ် မကုန်ခင်မှာ အစိုးရဝန်ထမ်း ၁၀,၀၀၀ လောက် အဲဒီမှာ ရုံးစိုက်မှာ ဖြစ်ပါတယ်။
ရှေ့နှစ်နှစ်အတွင်းမှာ ဝန်ကြီးချုပ်ရုံးနဲ့ အစိုးရ အသံလွှင့်ဌာနအပါအဝင် ဝန်ကြီးဌာန ၁၆ ခုနဲ့ အေဂျင်စီ (Agency) အခု ၂၀ ကို Sejong ကို ပြောင်းရွှေ့ဖို့ စီစဉ်ထားပါတယ်။
ဒီစီမံချက်ကို ၂၀၀၂ ခုနှစ်မှာ စတင်အဆိုပြုခဲ့တာဖြစ်ပြီး မြို့နှစ်မြို့မှာ အစိုးရရုံးတွေကို ခွဲထားရင် ထိရောက်မှု ရှိပါ့မလားလို့ တချို့က မေးခွန်း ထုတ်ခဲ့ကြပါတယ်။ Sejong မြို့မှာ လောလောဆယ် လူဦးရေ ၁၂၀,၀၀၀ ရှိပြီး ၂၀၂၀ ကျရင် ၂ ဆတိုးပြီး ၃၀၀,၀၀၀ အထိရှိလာမယ်လို့ အစိုးရက မျှော်လင့်ထားပါ တယ်။ ဆောက်လုပ်ရေး လုပ်ငန်းတွေ ပြီးစီးမဲ့ ၂၀၃၀ ခုနှစ် ရောက်ရင်တော့ လူဦးရေ ၅ သိန်းအထိ များလာ မယ်လို့ ခန့်မှန်းထားပါတယ်။
တောင်ကိုရီးယားနိုင်ငံရဲ့ လူဦးရေ စုစုပေါင်း ၄၉ သန်းမှာ ၁၀ သန်းက Seoul မြို့တော်မှာ နေထိုင်နေကြ တာဖြစ်ပါတယ်။ တကယ်တော့ တောင်ကိုရီးယား သမ္မတဟောင်း နိုမူဟွန်းက Sejong ကို မြို့တော်သစ် အဖြစ် သတ်မှတ်ချင်ခဲ့တာဖြစ်ပေမဲ့ ၂၀၀၄ ခုနှစ်က ဒီအစီအစဉ်ကို ဖွဲ့စည်းပုံအခြေခံရပဒေဆိုင်ရာ တရားရုံးကနေ ပယ်ချခဲ့ပါတယ်။ အခုသမ္မတ အီမြောင်ဘတ်ခ်ကတော့ နိုင်ငံရဲ့ သိပ္ပံနဲ့နည်းပညာဆိုင်ရာ အဓိကကျတဲ့မြို့အဖြစ်သတ်မှတ်ပြီး စီမံကိန်းကို အောင်အောင်မြင်မြင် လျှော့ချ အကောင်အထည်ဖော်ခဲ့ တာဖြစ်ပါတယ်။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment