ကမ္ဘာ့သတင်းများ 04/07/2012
နိုင်ငံတကာသတင်း
NATO ထောက်ပံ့လမ်းကြောင်း ပါကစ္စတန် ပြန်ဖွင့်မည်
အာဖဂန်နစ္စတန်နိုင်ငံမှာ အကြမ်းဖက်လုပ်ငန်းတွေကို တိုက်ဖျက်ကြရင်းနဲ့ NATO တပ်ဖွဲ့တွေရဲ့ မတော်တဆ မှားယွင်းမှုကြောင့် ပါကစ္စတန်စစ်သား ၂၄ ဦး သေဆုံးခဲ့ရပြီးကတည်းက ပိတ်ထား ခဲ့တဲ့ ပါကစ္စတန်မြေကို ဖြတ်ပြီးတော့ သယ်ယူရတဲ့ NATO ထောက်ပံ့ရေးလမ်းကြောင်းကို ပြန်ဖွင့်တော့မှာဖြစ်တဲ့အကြောင်း အမေရိကန်နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) က ပြောပါတယ်။
ဝန်ကြီး ဟီလာရီ ကလင်တန်က ပါကစ္စတန်နိုင်ငံခြားရေးဝန်ကြီး ဟီနာ ရပ်ဘ်ဘနီ ခါး (Hina Rabbani Khar) နဲ့ တိုက်ရိုက် ဖုန်းဆက်သွယ်ပြီးတော့ ပါကစ္စတန်စစ်သား ၂၄ ဦး သေဆုံးရမှုနဲ့ ပတ်သက်ပြီးတော့ မတော်တဆမှားယွင်းမှုကို အသိပေး တောင်းပန်စကား ပြောကြားပါတယ်။ နှစ်ဘက်စလုံးရဲ့ ချို့ယွင်းမှုတွေကို အင်္ဂါနေ့က ပြောခဲ့ကြတာဖြစ်ပါတယ်။ နှစ်ဘက်စလုံးက ၀မ်းနည်းကြောင်း ပြောကြပါတယ်။
အရင်တုန်းကတော့ အပြည့်အ၀ တောင်းပန်ရမယ်လို့ ပါကစ္စတန်အစိုးရက တောင်းဆိုခဲ့ပါ တယ်။ အမေရိကန်အာဏာပိုင်တွေက အလွန်ဝမ်းနည်းပါကြောင်းသာ ပြောခဲ့ကြတာပါ။
ပါကစ္စတန်နယ်မြေကို NATO ရဲ့ ထောက်ပံ့ရေးလမ်းကြောင်း ဖြတ်သန်းရာမှာလည်း အကောက် အခွန် ကောက်ယူမှာမဟုတ်ဘူးလို့ ပါကစ္စတန်အစိုးရက ပြောပါတယ်။
အမေရိကန်နိုင်ငံခြားရေးဝန်ကြီး ကလင်တန်ရဲ့ ၀မ်းနည်းကြောင်းနဲ့ ရှင်းလင်း ပြောပြချက်တွေ ကို ပါကစ္စတန်အစိုးရက ကျေနပ်တဲ့အကြောင်း၊ အမေရိကန်-ပါကစ္စတန် နှစ်နိုင်ငံ ဆက်ဆံရေး ကို ဆက်လက် ထိန်းသိမ်းသွားကြမှာ ဖြစ်တဲ့အကြောင်း အမေရိကန်ပြည်ထောင်စုဆိုင်ရာ ပါကစ္စတန်သံအမတ်ကြီး ရှယ်ရီ ရယ်မန် (Sherry Rehman) က ပြောကြားသွားပါတယ်။
တူရကီတိုက်လေယာဉ် ပစ်ချခံရမှု ဆီးရီးယားတောင်းပန်
တူရကီစစ်တပ်က တိုက်လေယာဉ် တစင်းကို ပြီးခဲ့တဲ့လထဲမှာ ပစ်ချခဲ့တာအတွက် ဆီးရီးယား သမ္မတ Bashar al-Assad က စိတ်မကောင်း ဖြစ်မိတယ်လို့ ပြောဆိုတဲ့အကြောင်း တူရကီ သတင်းစာ တစောင်က ကိုးကား ဖော်ပြလိုက်ပါတယ်။ အရင်တုန်းက အစ္စရေးလ် နိုင်ငံက အသုံးပြုလေ့ရှိတဲ့ လေယာဉ်အမျိုးအစားက ဆီးရီးယား လေကြောင်း ပိုင်နက်ထဲကို ၀င်လာရာက ပစ်ခတ်မှု ဖြစ်ခဲ့တာ လို့လည်း သမ္မတ အာဆတ် ရဲ့ ပြောဆိုချက်ကို ကိုးကားပြီး အင်္ဂါနေ့ထုတ် Cumhuriyet သတင်းစာက ဖော်ပြလိုက်တာပါ။
တူရကီ နိုင်ငံကတော့ လေယာဉ်ဟာ ဆီးရီးယား လေကြောင်းပိုင်နက်ထဲ မတော်တဆ ၀င်မိပြီး ဇွန်လ ၂၂ ရက်နေ့က ပစ်ချမခံရမီ အချိန်မှာ နိုင်ငံတကာ လေပိုင်နက်ထဲ ရောက်နေပြီလို့ ပြောနေတာ ဖြစ်ပါတယ်။ တူရကီနိုင်ငံဘက်က ပြောဆိုချက်ဟာ မှန်တယ်ဆိုရင် သူ့အနေနဲ့ တောင်းပန်ဖို့ ၀န်မလေးဘူးလို့ ဆီးရီးယား သမ္မတက ပြောတဲ့ အကြောင်းကိုလည်း သတင်းစာက ကိုးကားဖော်ပြထားတာပါ။ တူရကီနဲ့ ဆီးရီးယားကြား တင်းမာမှုတွေ ပေါ်ပေါက်နေတဲ့ အပေါ်မှာတော့ လက်နက်ကိုင် ပဋိပက္ခတွေ ဖြစ်လောက်တဲ့ အခြေအနေအထိ မရှိဘူးလို့လည်း ပြောသွားပါတယ်။ တူရကီ နိုင်ငံကတော့ နယ်စပ်ဒေသမှာ ကာကွယ်ရေးအင်အား တိုးမြှင့် ချထားနေတာဖြစ်ပြီး၊ ဆီးရီးယား သမ္မတကတော့ သူ့ဘက်က တူရကီလို မလုပ်ဘူးလို့ ပြောခဲ့တာကိုလည်း သတင်းစာက ရေးသားထားတာပါ။
လူ့အခွင့်အရေး လှုပ်ရှားမှု အဖွဲ့တခုဖြစ်တဲ့ Human Rights Watch အဖွဲ့ကတော့ ဆီးရီးယား နိုင်ငံတ၀ှမ်းမှာ ရှိတဲ့ ထိန်းသိမ်းရေးစခန်း ၂၇ ခုမှာ ဖမ်းဆီးထားသူတွေကို ညှင်းပမ်း နှိပ်စက်မှုတွေ ရှိနေတယ်ဆိုပြီး ဒီကနေ့ မှာပဲ အစီရင်ခံစာသစ် ထုတ်ပြန်ခဲ့ပါတယ်။
မြောက်ကိုရီးယား ကုလပိတ်ဆို့မှု ချိုးဖောက်
မြောက်ကိုရီးယားဟာ မြန်မာနဲ့ ဆီးရီးယား နိုင်ငံတွေကို လက်နက်တွေ တင်ပို့ပြီး နိုင်ငံတကာက အရေးယူ ဒဏ်ခတ်မှုတွေကို ချိုးဖောက်တာတွေ ရှိခဲ့တယ်လို့ ကုလသမဂ္ဂရဲ့ အစီရင်ခံစာ တစောင်က ဖော်ပြလိုက်ပါတယ်။
၂၀၀၆ နဲ့ ၂၀၀၉ ခုနှစ်တွေမှာ ချမှတ်ခဲ့တဲ့ ကုလသမဂ္ဂရဲ့ အရေးယူ ဒဏ်ခတ်မှု တွေဟာ မြောက်ကိုရီးယားအပေါ် တားမြစ်ထားတဲ့ လုပ်ရပ်တွေကို မဟန့်တား နိုင်ခဲ့ဘူးလို့လည်း ကုလသမဂ္ဂ ကျွမ်းကျင်သူ ပညာရှင်အဖွဲ့ရဲ့ အစီရင်ခံစာက ဖော်ပြခဲ့တာပါ။ ဒါပေမဲ့လည်း နျူကလီးယား၊ ဓာတု ဇီဝ လက်နက် နဲ့ တာဝေးပစ်ဒုံးပျံတွေနဲ့ ဆက်နွယ်ပြီး ချိုးဖောက်မှု အသစ်တွေကိုတော့ မတွေ့ရဘူးလို့ ဖော်ပြပါတယ်။
အရေးယူ ဒဏ်ခတ်မှုတွေကို စောင့်ကြည့်နေတဲ့ ကုလသမဂ္ဂ လုံခြုံရေး ကောင်စီရဲ့ ကော်မီတီတရပ်ကို တင်သွင်းတဲ့ စာမျက်နှာ ၇၄ မျက်နှာရှိတဲ့ ကုလသမဂ္ဂရဲ့ အစီရင်ခံစာ ကိုတော့ တရုတ်နိုင်ငံရဲ့ ကန့်ကွက်မှုတွေကြောင့် ကြန့်ကြာနေခဲ့ပြီး သောကြာနေ့ကမှ တရားဝင် ထုတ်ပြန်ခဲ့တာပါ။ တရုတ်နိုင်ငံဟာ မြောက်ကိုရီးယား အပေါ် တားမြစ်ထားတဲ့ ပစ္စည်းတွေကို တဆင့်ခံ တင်ပို့ရာ နေရာလို့လည်း အများက ယူဆထားတာ ဖြစ်ပါတယ်။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment