ကမ္ဘာ့သတင်းများ 14/07/2012
နိုင်ငံတကာသတင်း
ပါကစ္စတန်ကလေးတွေ ပိုလီယိုကာကွယ်ဆေးမပေးနိုင်အောင် စစ်သွေးကြွတွေ ဟန့်တား
ပါကစ္စတန်အနောက်မြောက်ပိုင်းမှာ စစ်သွေးကြွတွေရဲ့ ခြိမ်းခြောက်မှုကြောင့် ပိုလီယိုရောဂါကို တိုက်ဖျက်ရေး အသက်ကယ်ဆေးတွေ ကလေးသူငယ် နှစ်သိန်းခွဲလောက် အခက်အခဲဖြစ်နိုင်ပါတယ်။
တနင်္လာနေ့မှာ စတင်မယ့် ပိုလီယိုတိုက်ဖျက်ရေး အစီအစဉ်မှာ ဝါဇီရစ္စတန်မြောက်ပိုင်းက တိုင်းရင်းသားကလေး တစ်သိန်းခွဲ လောက်နဲ့ ဝါဇီရစ္စတန်တောင်ပိုင်းက တိုင်းရင်းသားကလေး တစ်သိန်းလောက်ဟာ ပိုလီယိုဆေးတွေ အချိန်မီ ရနိုင်ကြမှာ မဟုတ်ပါဘူးလို့ လူမှုရေးရာ ဝန်ကြီးဌာနက ပြောကြားပါတယ်။
ဝါဇီရစ္စတန် တိုင်းရင်းသားများဒေသဟာ အာဖဂန်နစ္စတန်နယ်နဲ့ နယ်ချင်းထိစပ်နေပြီးတော့ တာလီဘန်နဲ့ အယ်လ်ကိုင်းဒါးတို့ရဲ့အဆက်အသွယ်ရှိတဲ့ စစ်သွေးကြွတွေရဲ့ ဒေသဖြစ်ပါတယ်။
ပြီးခဲ့တဲ့လက ပိုလီယိုရောဂါတိုက်ဖျက်ရေး ဝန်ထမ်းတွေကို တိုင်းရင်းသားတွေနဲ့ ဝေးဝေးနေဖို့၊ မနေရင် နောက် ဆက်တွဲ ဖြစ်ရပ်တွေနဲ့ ရင်ဆိုင်ရလိမ့်မယ်လို့ ဟာဖစ်ဇဂူး၊ ဘာလ်တူး ခေါင်းဆောင်တဲ့ ဝါဇီရစ္စတန် မြောက်ပိုင်း စစ်သွေးကြွတွေက ခြိမ်းခြောက်ထားပါတယ်။
ပိုလီယိုရောဂါကုသရေး အဖွဲ့တွေက အမေရိကန်တွေအတွက် သတင်းထောက်လှမ်းဖို့ဖြစ်တယ်လို့ စစ်သွေးကြွတွေက စွပ်စွဲပါတယ်။ အဘော့ဒါဘတ် မြို့မှာ အိုစမာဘင်လာဒင် ရှိနေတာကိုသိဖို့ ပါကစ္စတန် ဆရာဝန် Shakil Afrid က ကာကွယ်ရေးထိုးဆေး စီမံချက် ဟန်ဆောင်ပြီးတော့ကာ DNA ဖော်ထုတ်စစ်ဆေး ခဲ့တာကို နမူနာပြပြီးတော့ စစ်သွေးကြွတွေက စွပ်စွဲတာဖြစ်ပါတယ်။
အာဆီယံအစည်းအဝေး ပူးတွဲကြေညာချက် မထုတ်နိုင်
ကမ္ဘောဒီးယားနိုင်ငံ၊ ဖနွမ်းပင်မြို့မှာ ကျင်းပတဲ့ အာဆီယံအဖွဲ့ကြီးရဲ့ အဖွဲ့ဝင် ၁၀ နိုင်ငံက နိုင်ငံခြားရေး ၀န်ကြီးတွေရဲ့ အစည်းအဝေးဟာ ပြီးဆုံးသွားပါပြီ။
တောင်တရုတ်ပင်လယ်အတွင်းမှာ ဖြစ်ပွားနေတဲ့ ရေပိုင်နယ်နမိတ် အငြင်းပွားနေတဲ့ ကိစ္စနဲ့ပတ်သက်ပြီး လိုက်နာရမယ့် ကျင့်ထုံးသတ်မှတ်ချက်အတွက် သဘောတူညီမှုတစုံတရာမရရှိဘဲ အစည်းအဝေးကို အဆုံးသတ်သွားတာ ဖြစ်ပါတယ်။
အာဆီယံနိုင်ငံခြားရေးဝန်ကြီးတွေအနေနဲ့ ပူးတွဲကြေညာချက် တစုံတရာထုတ်ပြန်နိုင်ခြင်းမရှိတဲ့အပေါ် ဖိလစ်ပိုင်နိုင်ငံက မကျေမနပ်ဖြစ်ခဲ့တဲ့အတွက် သောကြာနေ့ ဆွေးနွေးမှုအဆုံးသပ်ချိန်မှာ တော်တော်လေး ဖရိုဖရဲ ဖြစ်ခဲ့ရပါတယ်။
သယံဇာတပေါများတဲ့ ပင်လယ်ရေပြင် နယ်နိမိတ်တော်တော်များများကို တရုတ်နိုင်ငံက သူ့ရဲ့ အချုပ်အခြာ`ပိုင် နယ်နိမိတ် အတွင်းမှာရှိတယ်လို့ ပြောဆိုနေတာပါ။ ဖိလစ်ပိုင် ဘရူနိုင်း၊ မလေးရှား၊ ဗီယက်နမ်နဲ့ ထိုင်ဝမ်တို့ကလည်း သူတို့ပိုင်ဆိုင်ကြောင်း ပြောကြပါတယ်။
တရုတ်နိုင်ငံက တောင်တရုတ်ပင်လယ်အတွင်း အငြင်းပွားနေတဲ့ နယ်မြေကိစ္စကို ဆွေးနွေးပြောဆိုမှု မလုပ်နိုင်အောင် အစည်းဝေး လက်ခံကျင်းပတဲ့ အိမ်ရှင်နိုင်ငံဖြစ်တဲ့ ကမ္ဘောဒီးယားနိုင်ငံအပေါ် တရုတ်က သြဇာအရှိန်အ၀ါ အသုံးပြုခဲ့တယ်ဆိုတဲ့ စွပ်စွဲချက်တွေ ထွက်ပေါ်နေပါတယ်။
ဒီနယ်မြေ အငြင်းပွားနေမှုကို အာဆီယံအဖွဲ့ကြီးအနေနဲ့ ၀င်ရောက်မစွက်ဖက်သင့်ဘူးလို့ ကမ္ဘောဒီးယား နိုင်ငံခြားရေးဝန်ကြီး ဟော် နမ်ဟုမ်း (Hor Namhong) က ပြောဆိုခဲ့ပါတယ် ခင်ဗျား။
ထိုင်းဖွဲ့စည်းပုံ ပြင်ဆင်ရေး
ထိုင်းနိုင်ငံမှာ အစိုးရအနေနဲ့ နိုင်ငံရဲ့အုပ်ချုပ်ပုံအခြေခံဥပဒေကို တရားဝင်ပြောင်းလဲ ပြင်ဆင်ပိုင်ခွင့် ရှိရမယ် ဆိုတဲ့ အချက်အပေါ် အတိုက်အခံဘက်က ခုခံ ချေပချက် တင်သွင်းထားမှုကို ထိုင်းနိုင်ငံ အခြေခံဥပဒေခုံရုံးက ပယ်ချလိုက်ပါတယ်။
ဒီပြောင်းလဲတဲ့အချက်က ဘုရင်စနစ်ကို ထိခိုက်စေခြင်းမရှိဘူးလို့ ထိုင်းတရားရုံးက သောကြာနေ့မှာ အမိန့် ချမှတ်လိုက်ပါတယ်။ ဒါပေမယ့် အစိုးရအနေနဲ့ ပြောင်းလဲမှုတစုံတရာ ပြုလုပ်မယ်ဆိုရင် ပြည်သူလူထုထံက လူထုဆန္ဒသဘောထား ကောက်ယူရလိမ့်မယ်လို့ ခုံရုံးရဲ့ ဆုံးဖြတ်ချက်မှာ ဖော်ပြထားပါတယ်။
လက်ရှိထိုင်းနိုင်ငံရဲ့ အခြေခံဥပဒေဟာ ၀န်ကြီးချုပ်ဟောင်း သက်ဆင်ရှင်နာဝပ်ကို ဖြုတ်ချပစ်ခဲ့တဲ့ စစ်အာဏာသိမ်းအဖွဲ့က ရေးဆွဲထားခဲ့တာဖြစ်ပါတယ်။
မစ္စတာသက်ဆင်ရဲ့ ညီမတော်သူ ၀န်ကြီးချုပ်ယင်းလပ်ရှင်နာဝပ် ဦးဆောင်တဲ့ လက်ရှိအစိုးရက ထိုင်းနိုင်ငံ မှာ ဒီမိုကရေစီ ပိုမို ပြည့်ဝစေဖို့အတွက် အခြေခံ ဥပဒေကို ပြုပြင်ပြောင်းလဲဖို့ လိုအပ်တယ်ဆိုပြီး ပြောဆို ထားပါတယ်။
ဒါပေမယ့် ဒီလိုပြင်ဆင်ပြောင်းလဲမှု ပြုလုပ်တဲ့အတွက် တိုင်းပြည်ရဲ့ရှင်ဘုရင် အခန်းကဏ္ဍကို ခြိမ်းခြောက် မှုဖြစ်စေသလို အဂတိလိုက်စားမှုနဲ့ ထောင်ဒဏ် အပစ်ပေးခံထားရပြီး တိုင်းပြည်ကနေ ထွက်ပြေး တိမ်းရှောင်နေရတဲ့ ၀န်ကြီးချုပ်ဟောင်း သက်ဆင်ရှင်နာဝပ်ကို ပစ်ဒဏ်အပေးမခံရဘဲ တိုင်းပြည်ကို လွတ်လွတ်လပ်လပ် ပြန်လာနိုင်အောင် ခွင့်ပြုပေးလိုက်တာပဲ ဖြစ်လိမ့်မယ်လို့ အတိုက်အခံ ဒီမိုကရက် ပါတီကတော့ ပြောပါတယ် ခင်ဗျား။
LWIN PWIN
NLABR
Web-site: www.nlabr.com
Facebook: Sa Maung
Subscribe to:
Post Comments (Atom)
0 comments:
Post a Comment