မြန်မာသတင်းများ ဇူလိုင် ၈၊ ၂၀၁၂
7 July အဖမ်းခံရသူတွေ ပြန်လွတ်
ရန်ကုန်တက္ကသိုလ် ပင်မဝင်းထဲမှာ ဗုံးခွဲဖျက်ဆီးခံခဲ့ရတဲ့ သမဂ္ဂအဆောက်အဦး ပြန်လည် တည်ဆောက်ရေး ကြိုးပမ်းနေကြတဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် ဗကသ ကျောင်းသားခေါင်းဆောင်တွေ ဖြစ်ကြတဲ့ ကိုဒီငြိမ်းလင်း၊ မဖြိုးဖြိုးအောင်၊ ကိုရဲမြတ်ဟိန်း၊ ကိုစည်သူမောင်တို့ ဒီနေ့ ညပိုင်းကပဲ ပြန်လည် လွတ်မြောက်လာကြပါတယ်။ သူတို့ဟာ အနှစ် (၅၀) ပြည်တဲ့ 7 July အခမ်းအနားကို ရန်ကုန်မှာ လုပ်ဖို့ စီစဉ်နေရင်း မနေ့ညက အဖမ်းခံခဲ့ရတာ ဖြစ်ပါတယ်။
ဗကသများအဖွဲ့ချုပ်ဟာ တရားမ၀င် အသင်းအဖွဲ့ ဖြစ်တဲ့အတွက် 7 July လုပ်မယ့်ပွဲနဲ့ ပတ်သက်ပြီး ကျင့်ထုံးဥပဒေ (၁၆၂) အရ ခေါ်ယူစစ်ဆေး မေးမြန်းရတာ ဖြစ်ကြောင်း အာဏာပိုင်တွေဘက်က ပြောဆိုခဲ့တယ်ဆိုပြီး ဇူလိုင်လ ၇ ရက်နေ့ညမှာ ပြန်လည် လွတ်မြောက်လာခဲ့တဲ့ ဗကသများ အဖွဲ့ချုပ်ရဲ့ အထွေထွေ အတွင်းရေးမှူး မဖြိုးဖြိုးအောင်က ပြောပါတယ်။
“သူတို့က ကျင့်ထုံးဥပဒေဆိုင်ရာ ပုဒ်မ (၁၆၂) အရ တရားမ၀င် အဖွဲ့အစည်း ဖြစ်တယ်၊ ဒီ တရားမ၀င် အသင်းကနေပြီးတော့ 7 July နှစ် (၅၀) အခမ်းအနားကို ကျင်းပတဲ့နေရာမှာ သူတို့က အဲဒါနဲ့ပတ်သက်ပြီးတော့ မေးမြန်းတာပါတဲ့။ အခုလို ခေါ်ရခြင်းအကြောင်းရင်းကလည်း ကျမတို့ရဲ့ ဂုဏ်သိက္ခာကို လေးစားသောအားဖြင့်ရော၊ နောက်ပြီးတော့ အများပြည်သူ ထိတ်လန့်မှုကို ဖြစ်တဲ့အတွက်ကြောင့်မိုလို့ ညဘက်ကို ခေါ်ယူရတာပါတဲ့။ တရက် ခေါ်ယူ မေးမြန်းရတာပါတဲ့။ 7 July နဲ့ ပတ်သက်တဲ့ အခမ်းအနားကိုပေါ့နော်။”
သူတို့ကို ရန်ကင်းမြို့နယ်မှာရှိတဲ့ ပြည်ထဲရေးဌာန ရုံးချုပ်မှာ ခေါ်ယူစစ်ဆေးခဲ့တာ ဖြစ်ပြီး တဦးချင်းစီကို အခန်းခွဲပြီး စစ်ဆေးခဲ့တာလို့ ဆိုပါတယ်။ အခုအခါမှာတော့ မဖြိုးဖြိုးအောင် အပါအ၀င် ကျောင်းသားခေါင်းဆောင် လေးယောက်လုံးဟာ ပြန်လည် လွတ်မြောက်လာခဲ့ပြီ ဖြစ်ပါတယ်။ ဒီလို အခမ်းအနားကို ဖြစ်မြောက်ဖို့အတွက် စောင့်ဆိုင်းလာခဲ့တာဟာ နှစ် ၅၀ ရှိပြီဖြစ်တဲ့အတွက် ဒီပွဲကို မဖြစ်ဖြစ်အောင် လုပ်ဖို့အတွက် စီစဉ်ခဲ့တာလို့လည်း မဖြိုးဖြိုးအောင်က ပြောပါတယ်။ ဖမ်းဆီးခံရသူ လေးဦးထဲက မဖြိုးဖြိုးအောင်ဟာ 7 July ပွဲကို စီစဉ်တဲ့အထဲမှာ ပါဝင်သူဖြစ်ပြီး 7 July ပွဲဟာ အဲဒီနေ့မှာ ကျဆုံးခဲ့ရတဲ့ ကျောင်းသားတွေ အတွက် ဂုဏ်ပြုဖို့ ရည်ရွယ်ခဲ့တာဖြစ်ကြောင်း အာဏာပိုင်တွေကို ရှင်းပြခဲ့တယ်လို့ ဆိုပါတယ်။
ဒီကနေ့ အထိန်းအမှတ် ပွဲကိုတော့ ဗကသ ဥက္ကဋ္ဌ ကိုကျော်ကိုကို ဦးဆောင်ပြီး ကျင်းပခဲ့သလို စက်မှုတက္ကသိုလ်ကွန်ယက်နဲ့ ရန်ကုန် ၀ိဇ္ဇာ သိပ္ပံ ကျောင်းသားများ ကွန်ယက်ကလည်း ကျောင်းသား သမဂ္ဂ အဆောက်အဦး တည်ဆောက်ခွင့် ရရှိရေး၊ ကျောင်းသားသမဂ္ဂကို လွတ်လပ်စွာ ဖွဲ့စည်းခွင့်ပြုရေး၊ ဒီမိုကရေစီ ပညာရေးစနစ်ကို ဖော်ဆောင်ရေး တွေကို တောင်းဆိုခဲ့ပြီး မတ္ထီလာ တက္ကသိုလ်၊ မိတ္ထီလာ နည်းပညာတက္ကသိုလ်တွေမှာလည်း အထိန်းအမှတ် နံရံကပ် စာစောင်တွေ၊ အနက်ရောင် အလံတွေကို ကျောင်းတွေမှာ ချိတ်ဆွဲခဲ့ကြပြီး ကျဆုံးခဲ့ရတဲ့ ကျောင်းသားတွေအတွက် ဂုဏ်ပြုပွဲတွေကို ကိုယ့်အစီအစဉ်နဲ့ကိုယ် ကျင်းပခဲ့ကြပါတယ်။
WFP ဒုက္ခသည်အကူအညီ စစ်တွေ ရွှေစေတီဆရာတော်ငြင်းပယ်
ဗကသ ခေါင်းဆောင်များ ပြန်လည် လွတ်မြောက်လာ
မန္တလေးမြို့ ဇူလိုင် (၇) ရက် အခမ်းအနား
မန္တလေးမြို့ အထက်ဗမာပြည် ဗကသက ကျောင်းသား (၈) ဦး အဖမ်းဆီးခံနေရစဉ် အတောအတွင်းမှာပဲ ကျန်ရှိနေတဲ့ ဗကသ ကျောင်းသားတွေက မန္တလေးမြို့၊ ပြည်ကြီးတံခွန်မြို့နယ်၊ (၆၂) လမ်းမှာရှိတဲ့ မြဝတီမင်းကြီး ကျောင်းတိုက်မှာ မနေ့က ကျရောက်တဲ့ အနှစ် (၅၀) မြောက် ဇူလိုင် (၇) ရက် အခမ်းအနားကို ပြုလုပ်ခဲ့ပါတယ်။
ဇူလိုင် ၇ ရက် အခမ်းအနား ၈၈ ရုံးချုပ်မှာကျင်းပ
ဇူလိုင် (၇) ရက် အထိမ်းအမှတ် မကွေးမြို့မှာ ကျင်းပ
ဇူလိုင်လ (၇) ရက်နေ့က ကျောင်းသားသမဂ္ဂ ဖျက်ဆီးခံရခြင်း နှစ် (၅၀) ပြည့် အထိမ်းအမှတ်ကို မြေလတ် ဗကသ ကျောင်းသားများက မကွေးမြို့မှာ မနေ့က ကျင်းပခဲ့ကြပါတယ်။
မဲဆောက်မြို့ က ဇူလိုင် ၇ အခမ်းအနား ထိုင်းအာဏာပိုင်တွေ ခွင့်မပြု
ဇူလိုင် (၇) ရက်နေ့ အထိမ်းအမှတ် အခမ်းအနား တရပ်ကို ထိုင်း-မြန်မာနယ်စပ် မဲဆောက်မြို့ OTOPခမ်းမမှာ ကျင်းပဖို့ ၁၉၆၂ခုနှစ်က ၂၀၀၇ ခုနှစ်ထိ ကျောင်းသား နိုင်ငံရေး လှုပ်ရှားမှုတွေမှာ ပါဝင်ခဲ့သူတွေ စုပေါင်း စီစဉ်ခဲ့ပေမယ့် မနေ့က နေ့လည်မှာ ဒေသတွင်း ထိုင်းအာဏာပိုင်တွေရဲ့ တားမြစ်မှုကြောင့် ဖျက်သိမ်းလိုက်ရ ပါတယ်။
နယူးဒေလီမြို့မှာ ဇူလိုင် ၇ အခမ်းအနား ကျင်းပ
ထားဝယ်တက္ကသိုလ် ၃ ခု ကျောင်းသားသမဂ္ဂဖွဲ့
ကလေးတွေကို ပြုစုပျိုးထောင်ပေးဖို့ အရေးကြီးဟု ဂျက်ကီချန်းဆို
ဟောင်ကောင် ရုပ်ရှင်မင်းသား ဂျက်ကီချန်း ဟာ UNICEF ကုလသမဂ္ဂ ကလေးများ အရေးပေါ် ရန်ပုံငွေအဖွဲ့ရဲ့ ချစ်ကြည်ရေး သံအမတ်ကြီးအဖြစ်နဲ့ မြန်မာနိုင်ငံကို ၃ ရက်ကြာ ခရီးရောက်ရှိခဲ့ပြီး ကလေးများ လူကုန်ကူးမှု အန္တရာယ်ကာကွယ်ရေး ဆောင်ရွက်မှုတွေကို လေ့လာခဲ့ပါတယ်။
မြန်မာနိုင်ငံကို ဇူလိုင်လ ၅ ရက် ကြာသပတေးနေ့ နေ့လယ်ပိုင်းက ရောက်ရှိလာတဲ့ ဟောင်ကောင် ရုပ်ရှင်မင်းသား ဂျက်ကီချန်း ဟာ လူမှုဝန်ထမ်း ၀န်ကြီးဌာနနဲ့ မန္တလေးမြို့က လူကုန်ကူးမှု တိုက်ဖျက်ရေးဆိုင်ရာ ရဲတပ်ဖွဲ့ တာဝန်ရှိသူတွေနဲ့ တွေ့ဆုံ ဆွေးနွေးခဲ့ပါတယ်။ လူကုန်ကူးခံရတဲ့ ကလေးတွေ၊ မိဘမဲ့ကလေးတွေနဲ့ အိပ်ခ်ျအိုင်ဗွီ ရောဂါပိုး ကူးစက်ခံနေရတဲ့ ကလေးတွေနဲ့လည်း ဂျက်ကီချန်းက တွေ့ဆုံ အားပေးခဲ့ပါတယ်။ UNICEF ရဲ့ ချစ်ကြည်ရေး သံအမတ်ကြီးအဖြစ်နဲ့ ကလေးတွေရဲ့ အနာဂတ်အတွက် သူ့ရဲ့ ကြိုးပမ်းမှုနဲ့ ပတ်သက်ပြီး အေပီသတင်းဌာနနဲ့ သီးသန့်တွေ့ဆုံခန်းမှာ ဂျက်ကီချန်းက အခုလို ပြောသွားပါတယ်။
“ဗီယက်နမ်၊ ကမ္ဘောဒီယား၊ မြန်မာ စတဲ့ ဘယ်နိုင်ငံကိုပဲ သွားသွား အရေးကြီးဆုံး ကျနော် ပြောချင်တာကတော့ မေတ္တာ ထားကြဖို့ပါပဲ။ အေးအတူပူအမျှ စည်းလုံးညီညွတ်ကြဖို့ လိုပါတယ်။ ကလေးတွေဟာ ကျနော်တို့ရဲ့ အနာဂတ် ဖြစ်တာကြောင့် ကလေးတွေကို စောင့်ရှောက်ကြရမယ်၊ ပြုစုပျိုးထောင် ကြရပါမယ်။ ကျနော် ငယ်ငယ်က ပညာကောင်းကောင်း မသင်ခဲ့ရပါဘူး။ ဒါ့ကြောင့် ကမ္ဘာတ၀န်းက ကလေးတွေ၊ အထူးသဖြင့် တရုတ်ပြည်က ကလေးတွေရဲ့ ပညာရေးကို အားပေးရင်း စာသင်ကျောင်း ၂၇ ကျောင်း ထူထောင်ပေးခဲ့ပါတယ်။ ကလေးတွေဟာ နိုင်ငံတိုင်းအတွက် အနာဂတ် ဖြစ်ပါတယ်။ ဒီကိုလာရတဲ့ ရည်ရွယ်ချက်ထဲမှာ ပညာရေးအတွက် အားပေးဖို့လည်း ပါ ပါတယ်။”
ကလေးတွေ ပညာသင်တဲ့အရွယ်မှာ ကျောင်းမတက်ကြရဘဲ ရောင်းစားခံနေကြရတဲ့ အဖြစ်ဟာ မြန်မာ တနိုင်ငံတည်း မဟုတ်ဘူးလို့ ဂျက်ကီချန်းက ထောက်ပြပါတယ်။ လူကုန်ကူးမှုနဲ့ ပတ်သက်ပြီး သူ ဆက်လက်ပြီး လေ့လာနေတယ်။ ကလေးတွေကို ဘယ်လို ခိုင်းစေနေကြသလဲ ဆိုတာကိုလည်း သူ သိရှိလိုတဲ့အကြောင်း ပြောပါတယ်။ လူကုန်ကူးမှု ပြဿနာဟာ ကမ္ဘာတ၀ှမ်းမှာ ရှိနေဆဲဖြစ်ပြီး အမေရိကန် ပြည်ထောင်စုမှာတောင် ရင်ဆိုင် ဖြေရှင်းနေရဆဲ ဖြစ်တယ်လို့ ဂျက်ကီချန်းက ပြောပါတယ်။ မြန်မာနိုင်ငံနဲ့ ပတ်သက်လို့ သူ အရင်က သိပ်မသိတဲ့အကြောင်းကို ရိုးသား ပွင့်လင်းစွာ အခုလို ပြောပါတယ်။
“မြန်မာနိုင်ငံနဲ့ ပတ်သက်ပြီး အရင်က သတင်းတွေထဲမှာ သိပ်မကြားမိပါဘူး။ မြန်မာဆိုတဲ့ နိုင်ငံနဲ့ ဒေါ်အောင်ဆန်းစုကြည်ကိုပဲ ကျနော် သိပါတယ်။ သတင်းတွေကလည်း စက္ကန့် ၃၀၊ တမိနစ်လောက်သာ မြန်မာအကြောင်း ပါတတ်တာ ဆိုတော့ ကျနော့်အတွက်တော့ မြန်မာဆိုတာ အသစ်အဆန်းတခုပါပဲ။ ဒါ့ကြောင့်လဲ သိချင်တာနဲ့ မြန်မာကိုရွေးပြီး လာခဲ့တာဖြစ်ပါတယ်။ မြန်မာနိုင်ငံအကြောင်းလည်း ပိုပြီး သိချင်လာပါတယ်။ ဒီကိုရောက်တော့ သိပ်ကို အံ့သြမိပါတယ်။ ကြည့်ပါအုံးဗျာ။ သာယာလှပတဲ့ ရေမြေအနေအထား၊ သိပ်ကို ဖော်ရွေကြတဲ့ ဧည့်ဝတ်ကျေပွန်ကြတဲ့ မြန်မာလူမျိုးတွေပါပဲ။ တဘက်နဲ့တဘက် မတိုက်ခိုက်ကြဘဲ အစိုးရကလည်း အားလုံနဲ့အတူတူ လက်တွဲ ဆောင်ရွက်သွားမယ် ဆိုရင်တော့ သိပ်ပြီး သာယာပျော်ရွှင်ဖွယ်ကောင်းတဲ့ နိုင်ငံရဲ့ အနာဂတ်ကို ကျနော်တို့ တွေ့နိုင်ကြမှာ ဖြစ်ပါတယ်။”
၁၉၈၈ ခုနှစ်တုန်းက ဂျက်ကီချန်းဟာ အလှူဒါန ရန်ပုံငွေ အဖွဲ့ကြီး တခုကို ဖွဲ့စည်းခဲ့ပြီးတော့ လူငယ်တွေအတွက် ပညာသင်ဆုတွေကို ချီးမြှင့်နေပါတယ်။
မြန်မာနိုင်ငံမှာ ထောင်နဲ့ချီတဲ့ အရွယ်မရောက်သေးတဲ့ ကလေးတွေ လူကုန်ကူး ရောင်းစားခံရပြီး မြန်မာစစ်တပ်ကရော တိုင်းရင်းသားလက်နက်ကိုင် အဖွဲ့တွေကပါ အဓမ္မကလေးစစ်သားတွေ စုဆောင်းနေတယ်လို့ အမေရိကန် နိုင်ငံခြားရေးဝန်ကြီးဌာန ရဲ့ နှစ်စဉ်လူကုန်ကူးမှု အစီရင်ခံစာမှာ ဖော်ပြထားပါတယ်။ မြန်မာအစိုးရဟာ ကလေးစစ်သား စုဆောင်းတာကို တားမြစ်ပိတ်ပင်လိုက်ပြီး စုဆောင်းထားတဲ့ ကလေးစစ်သားတွေကိုလည်း ပြန်လည် လွှတ်ပေးဖို့အတွက် ကုလသမဂ္ဂနဲ့ ပြီးခဲ့တဲ့ သီတင်းပတ်အတွင်းက သဘောတူ လက်မှတ် ရေးထိုးခဲ့ပြီးဖြစ်ပါတယ်။
ရန်ကုန် မိဘမဲ့ကလေးများနဲ့ Jackie Chan တွေ့ဆုံ
ကလေးငယ်များ ရောင်းစားခံရမှု တိုက်ဖျက်ရေးအတွက် ကုလသမဂ္ဂရဲ့ ကလေးများအရေးအပေါ် ရန်ပုံငွေအဖွဲ့ UNICEF ရဲ့ အကျိုးဆောင် သံအမတ်ကြီးအဖြစ် ရောက်နေတဲ့ မင်းသား Jackie Chan ဟာ မနေ့က ရန်ကုန်မြို့က မိဘမဲ့ ကလေးငယ်တွေကို တွေ့ဆုံ အားပေးခဲ့ပါတယ်။ ဒါ့အပြင် သူ မြန်မာနိုင်ငံမှာ လေ့လာခဲ့ရတဲ့ ကလေးငယ်တွေရဲ့ အခြေအနေနဲ့ လိုအပ်ချက်တွေကို သတင်းစာရှင်းလင်းပွဲ လုပ်ပြီးလည်း ရှင်းပြခဲ့ပါတယ်။
ကုလသမဂ္ဂ ကလေးများရန်ပုံငွေအဖွဲ့ (UNICEF) ရဲ့ အထူးသံတမန် ကမ္ဘာကျော် ရုပ်ရှင်မင်းသား ဂျက်ကီချန်းဟာ မြန်မာနိုင်ငံထဲက ကလေးသူငယ်အရေး ကူညီဆောင်ရွက်နိုင်ဖို့အတွက် မြန်မာနိုင်ငံကို ရောက်ရှိနေပါတယ်။ အခုဆိုရင် မန္တလေးမြို့ကနေ ရန်ကုန်မြို့ကို ခရီးဆက်ခဲ့ပါတယ်။ ဂျက်ကီချန်းဟာ စနေနေ့မှာ ရန်ကုန်ကို ရောက်ရှိခဲ့ပြီးနောက် ကုလသမဂ္ဂ ကလေးများ အရေးပေါ်ရန်ပုံငွေအဖွဲ့ ယူနီဆက်ဖ်က တာဝန်ရှိသူတွေနဲ့အတူ လိုက်ပါပြီးတော့ ရန်ကုန်မြို့ ရွှေတိဂုံဘုရား တောင်ဘက်မုခ်မှာရှိတဲ့ ရွှေကျင်မြို့နယ်အသင်း ဓမ္မာရုံမှာ ရတနာ့မေတ္တာအဖွဲ့က စောင့်ရှောက်ထားတဲ့ မိဘမဲ့ကလေးငယ်တွေနဲ့ ဇူလိုင်လ ၇ ရက်နေ့ မနက်ပိုင်းမှာ တွေ့ဆုံ အားပေးခဲ့ပါတယ်။
အခုလိုမျိုး ကမ္ဘာကျော်ပုဂ္ဂိုလ်ဖြစ်တဲ့ ဟောင်ကောင် အက်ရှင်မင်းသား ဂျက်ကီချန်း ကိုယ်တိုင် မြန်မာပြည် လမ်းတွေပေါ်က လေလွင့်ကလေးငယ်တွေ၊ မိဘမဲ့ကလေးတွေနဲ့ ရင်းရင်းနှီးနှီး တွေ့ဆုံအားပေးခဲ့တာဟာ မိဘမဲ့ကလေးတွေရဲ့ စိတ်ခွန်အားကို တကယ်ကို မြှင့်တင်ပေးရာ ရောက်တဲ့အကြောင်း ရတနာ့မေတ္တာအဖွဲ့ ဥက္ကဋ္ဌ ဦးမြင့်ဆွေက ဗွီအိုအေကို ပြောပါတယ်။
“အန်ကယ်လ်တို့ ၀မ်းသာတယ်။ ဒီလို ကမ္ဘာသိ အနုပညာရှင် တစ်ယောက်က ဒီကလေးတွေကို စိတ်ဝင်စားတယ်။ ဒီကလေးတွေနဲ့လည်း သူ အတော်ကြာကြာ နေသွားတယ်။ နောက်ပြီးတော့ ဒီကလေးတွေရဲ့ ဘ၀ကိုလည်း သူစာနာတယ်။ နောက်တခေါက် သူ အေးအေးဆေးဆေး သူ လာဦးမယ်ပြောတယ်။ ဒီတခေါက် မြန်မာပြည်မှာ သုံးရက် မနက်ဖြန် ပြန်မယ်ပြောတယ်။ အဲ့ဒီတော့ သူလာတာ အန်ကယ်လ်တို့ မြန်မာပြည်က ကလေးတွေအတွက် အများကြီး အကျိုးရှိပါတယ်။ အန်ကယ်လ်တို့ community မိဘတွေ လူထုအတွင်းမှာ တာဝန်ရှိတဲ့သူတွေ အတွင်းမှာ ဒီကလေးတွေရဲ့ ပြဿနာတွေကို တော်တော်များများ မသိတာတွေ ရှိနေသေးတယ်။ အဲ့လိုဟာကို သူရောက်လာပြီးတော့ တွေ့တယ်ဆုံတယ် ဆိုတဲ့အခါကျတော့ အားလုံးအမြင် ပွင့်လာတာပေါ့။ စိတ်ဝင်စားလာတာပေါ့၊ အထူးသဖြင့် မြန်မာနိုင်ငံကို စိတ်ဝင်စားတဲ့အချိန်မှာ ဒီကလေးသူငယ်တွေ မြန်မာနိုင်ငံမှာ ဒီပြဿနာတွေ ရှိတယ်ဆိုတာ ကျနော်တို့ ပြောလိုက်နိုင်တယ်။”
ဂျက်ကီချန်းဟာ မြန်မာပြည်နေရာအနှံ့အပြားက ကလေးငယ်တွေကို နောက်တကြိမ် လာရောက် တွေ့ဆုံဖို့ ကြိုးစားမယ့်အကြောင်းနဲ့ မြန်မာပြည်က ပရဟိတ မိဘမဲ့ ကလေးသူငယ် စောင့်ရှောက်ရေး လုပ်ငန်းတွေအတွက်လည်း တတ်နိုင်သလောက် ကူညီပံ့ပိုးသွားမယ်လို့ ကတိပေးသွားတဲ့အကြောင်းလည်း ဦးမြင့်ဆွေက ပြောပါတယ်။
“အန်ကယ်လ်တို့လုပ်နေတဲ့ လုပ်ငန်းတွေက အင်မတန် မွန်မြတ်တယ်၊ ကောင်းတယ်။ ပိုပြီးတော့ လုပ်နိုင်ဖို့အတွက်လည်း သူတတ်နိုင်တဲ့ဘက်က အားပေးမယ်။ ဆက်လက်ပြီးတော့ လုပ်ဆောင်မယ်လို့ သူပြောပါတယ်။”
မင်းသားဂျက်ကီချန်းဟာ ရတနာ့မေတ္တာ အဖွဲ့က စောင့်ရှောက်ထားတဲ့ မိဘမဲ့ကလေးအယောက် ၅၀ နဲ့ တွေ့ဆုံပြီး အမှတ်တရ ဓာတ်ပုံများ ရိုက်ကူးခဲ့ပြီး ကလေးငယ်တွေရဲ့ ဖျော်ဖြေရေးအစီအစဉ်တွေကို ကြည့်ရှု အားပေးပြီးတဲ့နောက်မှာ ရွှေကျင်မြို့နယ်အသင်း ဓမ္မာရုံကနေ ဂျက်ကီချန်းဟာ နေ့လည် ၁ နာရီမှာ ပြန်လည် ထွက်ခွာသွားခဲ့ပါတယ်။
ဇူလိုင်လ ၇ ရက်နေ့ နေ့လည် ၂ နာရီခွဲမှာတော့ ကုလသမဂ္ဂ ကလေးများ အရေးပေါ် ရန်ပုံငွေအဖွဲ့ ယူနီဆက်ဖ်ရဲ့ အထူးသံတမန် ဂျက်ကီချန်းဟာ မြန်မာပြည် ခရီးစဉ်နဲ့ ပတ်သတ်ပြီး ရန်ကုန်မြို့ဆီဒိုးနားဟိုတယ်မှာ ပြည်တွင်းပြည်ပ သတင်းစာဆရာများနဲ့ တွေ့ဆုံပြီး စာနယ်ဇင်း ရှင်းလင်းပွဲ တရပ် ပြုလုပ်ခဲ့ပါတယ်။ စနေနေ့ ညပိုင်းမှာတော့ မင်းသားဂျက်ကီချန်းကို ရန်ကုန် ကုလသမဂ္ဂ ကလေးများ အရေးပေါ်ရန်ပုံငွေအဖွဲ့ ယူနီဆက်ဖ်က ဆီဒိုနားဟိုတယ်မှာ ဂုဏ်ပြုညစာ စားပွဲနဲ့ တည်ခင်း ဧည့်ခံမှာ ဖြစ်ပါတယ်။
ဂျက်ကီချန်းဟာ မြန်မာပြည်ခရီးစဉ်အတွင်း ရန်ကုန်နဲ့ မန္တလေးမြို့က မိဘမဲ့ ကလေးဂေဟာတွေ၊ အသက်မွေးပညာ လူငယ်အတတ်သင်ကျောင်းတွေ၊ လူမှုဝန်ထမ်း ဦးစီးဌာနရဲ့ လူငယ်သင်တန်းကျောင်းတွေ၊ အမျိုးသမီးစောင့်ရှောက်ရေး ဂေဟာတွေ နဲ့ ဘုန်းတော်ကြီးကျောင်း ပညာသင်ကျောင်းတွေကို သွားရောက်လေ့လာခဲ့ပြီး မိဘမဲ့ကလေးတွေနဲ့ တွေ့ဆုံခဲ့ပါတယ်။ မြန်မာနိုင်ငံ လူကုန်ကူးမှု တိုက်ဖျက်ရေး တာဝန်ရှိသူတွေကိုလည်း တွေ့ဆုံပြီး ကလေးသူငယ် လူကုန်ကူးမူတွေနဲ့ ပတ်သတ်ပြီးတော့လည်း ဆွေးနွေးခဲ့ပါတယ်။
ကလေးငယ်များ ဘ၀ လုံခြုံရေး ပူးပေါင်းဆောင်ရွက်ရန် ဂျက်ကီချမ်း တိုက်တွန်း
နိုင်ငံတကာ လေကြောင်းလိုင်း တိုးချဲ့ပြေးဆွဲမည်
မြန်မာနိုင်ငံမှာ နိုင်ငံတကာ လေကြောင်းလိုင်း ၈ လိုင်းထက်မနည်း ပြေးဆွဲဖို့ စီစဉ်နေပါပြီ။ အဲဒီ လေကြောင်းလိုင်းတွေ ကတော့ ဂျပန်က All Nippon လေကြောင်းလိုင်း၊ Qatar လေကြောင်းလိုင်း၊ သိရိလင်္ကာ လေကြောင်းလိုင်း၊ ဘင်္ဂလားဒေ့ရှ် နိုင်ငံက Biman လေကြောင်းလိုင်း၊ Hong Kong Express လေကြောင်းလိုင်း၊ ပါကစ္စတန် လေကြောင်းလိုင်း၊ ကိုရီးယား လေကြောင်းလိုင်းနဲ့ တိုင်ပေ အခြေစိုက် EVA လေကြောင်းလိုင်းတို့ ဖြစ်ပါတယ်။
ဖာမိုဆို အထည်ချုပ်စက်ရုံ ဆန္ဒပြလုပ်သားများ ညှိနှိုင်းမှု ရရှိ
ပြည်သူ့လွှတ်တော်ဥက္ကဋ္ဌ သူရဦးရွှေမန်းနှင့် အဖွဲ့ ဘူးသီးတောင်၊ မောင်တောဘက် သွားရောက်
ချင်းမိုင် က ဇူလိုင် ၇ ရက် အခမ်းအနား
ထိုင်းနိုင်ငံ၊ ချင်းမိုင်မြို့ မှာလည်း ဇူလိုင်လ (၇) ရက်နေ့ အခမ်းအနားနဲ့ စကားဝိုင်းတခုကို CDO Resource Center မှာ မနေ့က ပြုလုပ်ခဲ့ပါတယ်။
၂၀၁၂ ခုနှစ် ဇူလိုင်လ ၁၈ ရက်နေ့တွင် လျှောက်လွှာပိတ်မည့် Newzeland Asean ပညာသင်ဆုနှင့် ဇူလိုင်လ ၃၀ရက်နေ့တွင် လျှောက်လွှာပိတ်မည့် ဘွဲ့ရကျောင်းသားများအတွက် စိုက်ပျိုးရေးဆိုင်ရာ သုတေသနပြုလုပ်ရန် အရှေ့တောင်အာရှ ဒေသတွင်းစင်တာ SEARCA မှပေးအပ်သည့် ပညာသင်ဆုများကို အချိန်မီလျှောက်ထားနိုင်ကြောင်း သိရသည်။
Newzeland Asean ပညာသင်ဆုကို နယူးဇီလန် နိုင်ငံနိုင်ငံခြားရေးဝန်ကြီးဌာနနှင့် ကုန်သွယ်ရေးဝန်ကြီးဌာနတို့က ထောက်ပံ့ပေးအပ်ခြင်း ဖြစ်သည်။ မိမိနိုင်ငံအတွက် နိုင်ငံရေး၊ စီးပွားရေး၊ လူမှုရေး ဖွံ့ဖြိုးတိုးတက်မှုအတွက် ပြန်လည်စွမ်း ဆောင်ပေးလိုသူ အာဆီယံအဖွဲ့ဝင် နိုင်ငံသားများကို ပေးအပ်သည့် ပညာသင်ဆုဖြစ်သည်။ ပညာသင်ဆုသည် နယူးဇီလန်တွင် နေထိုင်စဉ် နေထိုင်စရိတ်၊ ကျောင်းစရိတ်များ အားလုံးကို ပေးအပ်မည်ဖြစ်ပြီး လေယာဉ်ခကိုပါ ပေးအပ်သွားမည်ဖြစ် သည်။ လျှောက်ထားသူသည် အသက် ၄၀မကျော်သေးသော မြန်မာနိုင်ငံသားဖြစ်ရမည်ဖြစ်ပြီး နယူးဇီလန်တက္ကသိုလ်များတွင် ပညာသင်ကြားရမည်ဖြစ်ကာ အသေးစိတ် အချက်အလက်များကို http://www.aid.govt.nz တွင် ၀င်ရောက်လေ့လာနိုင် ကြောင်း သိရသည်။
SEARCA ပညာသင်ဆုရရှိလျှင် ကျောင်းလခ၊ စာအုပ်ဖိုး၊ အာမခံကြေးနှင့် ခရီးသွားစရိတ်များအတွက် ထောက်ပံ့ငွေ ရရှိမည်ဖြစ်ပြီး အစားအသောက်နှင့် နေထိုင်စရိတ်များအတွက် တစ်လလျှင် အမေရိကန်ဒေါ်လာ ၅၀၀ ပေးအပ်သွားမည်ဖြစ်သည်။ လျှောက်ထားသူသည် ပညာရေးအဖွဲ့အစည်း၊ သုတေသနအဖွဲ့အစည်း၊ သို့မဟုတ် အစိုးရအေဂျင်စီတစ်ခုခု၏ အမြဲတမ်းဝန်ထမ်း ဖြစ်ရမည်ဖြစ်သည်။
ပညာသင်ဆု ရရှိသူများအနေနှင့် အင်ဒိုနီးရှား၊ မလေးရှား၊ ထိုင်း စသည့် နိုင်ငံများရှိ တက္ကသိုလ်များ ပညာရေး အဖွဲ့အစည်းများတွင် မဟာဘွဲ့၊ Ph.D ဘွဲ့များ ရယူနိုင်မည်ဖြစ်သည်။
ဖြစ်စဉ်မှာ ဇွန်လ ၅ ရက်နေ့ နံနက်ပိုင်း ၆ နာရီ ၁၅ မိနစ်အချိန်တွင် ဧရာဝတီရေတပ်စခန်း အမှတ်(၃၆)စစ်ရေယာဉ်စုမှ တပ်ကြပ်ကြီး လစောနေနှင့်အဖွဲ့သည် မြန်မာ့ပင်လယ်ပြင် လုံခြုံရေးတာဝန် ဆောင်ရွက်နေစဉ် လတ္တီကျူ ၁၆ ဒီကရီ ၁၆.၅ မိနစ်၊ မြောက်လောင်ဂျီကျူ ၉၆ဒီကရီ ၁၀.၄မိနစ် အရှေ့ရေပြင်တွင် မသင်္ကာဖွယ် တွေရသည့်အလျား ၉၀ ပေ၊ အနံ ၁၈.၅ ပေနှင့် အမြင့် ၉ ပေခန့် အမည်မရှိ လှေအား လိုက်လံဖမ်းဆီးစစ်ဆေးခဲ့ရာ တရားမ၀င် စားအုန်းဆီပေပါ ၉၀ လုံးအား စစ်ဆေးတွေ့ရှိခဲ့ကြောင်း သိရသည်။
ထို့ကြောင့် စက်လှေလုပ်ငန်းလုပ်ကိုင်သူနှင့် စက်လှေပေါ်လိုက်ပါလာသည့် လှေလုပ်သားရှစ်ဦးတို့အား တပ်ကြပ်ကြီး စောလနေမှ တရားလိုပြုလုပ် တိုင်တန်းမှုအား ဆိပ်ကမ်းရဲစခန်း(ပ) ၁၄၆/၂၀၁၂၊ သွင်း/ ထုတ်ပုဒ်မ-၅(၁)/၅(၃)ဖြင့် အမှုဖွင့် အရေးယူ ဆောင်ရွက်လျက်ရှိ ကြောင်းသိရသည်။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment