ဒေါ်အောင်ဆန်းစုကြည် ကော့မှူးကို သွားရောက်ဆွေးနွေး

အမျိုးသားဒီမိုကရေစီ ဥက္ကဋ္ဌ ဒေါ်အောင်ဆန်းစုကြည်ဟာ မနေ့က သူ့ရဲ့ မဲဆန္ဒနယ်မြေဖြစ်တဲ့ ကော့မှူးမြို့နယ်ကို သွားရောက်ပြီး ဒေသခံပြည်သူတွေရဲ့ လိုအပ်ချက်တွေကို တွေ့ဆုံမေးမြန်းခဲ့ကြောင်း သိရပါတယ်။
ကောမှူးမြို့က အောင်ဇမ္ဗူ ပရဟိတကျောင်းတိုက်မှာ ဒေသခံတွေနဲ့ ဒေါ်အောင်ဆန်းစုကြည်တို့ တွေ့ဆုံပြီး ဒေသခံတွေ တင်ပြလာတဲ့ အခက်အခဲတွေကို ဆွေးနွေးမေးမြန်းခဲ့တယ်လို့ NLD ဗဟိုအလုပ်အမှုဆောင်အဖွဲ့က ဦးသိန်းဦးက ပြောပါတယ်။

"၁၁ နာရီမှာ ကော့မှူး အောင်ဇမ္ဗူ ဘုန်းကြီးကျောင်းကို ရောက်လာတယ်။ ဘုန်းကြီးကျောင်းကို ငွေလှူပြီးတော့ အဲဒီက နယ်ခံတွေနဲ့ တွေ့တယ်။ တွေ့ပြီးတော့ သူတို့လိုအပ်တာတွေ အဲတာအကုန် တင်ပြကြတယ်ပေါ့။ အစ်မလည်း လုပ်နိုင်သလောက် လုပ်ပေးမယ်။ အထူးသဖြင့်တော့ ဒီလမ်းပန်း ဆက်သွယ်ရေး ကိစ္စတွေပေါ့။ နောက်ပညာရေး၊ ကျန်းမာရေး နောက်ကျောင်းထဲမှာ ရှိတဲ့ စာသင်ခန်းတွေ လိုက်ပြီးတော့ လေ့လာတယ်"
ဒေါ်အောင်ဆန်းစုကြည်ဟာ အောင်ဇမ္ဗူ ပရိယတ္တိ စာသင်တိုက် ဆရာတော်ကို ပရဟိတကျောင်းအတွက် ပညာရေး အလှူငွေအဖြစ် ၁၈ သိန်း လှုဒါန်းခဲ့ပါတယ်။ ကော့မှူးမြို့နယ် NLD အဖွဲ့ဝင်တွေနဲ့ တွေ့ဆုံ ဆွေးနွေးပြီး ဒေါ်အောင်ဆန်းစုကြည်ဟာ ညနေပိုင်းမှာ ရန်ကုန်မြို့ကို ပြန်လည် ထွက်ခွာလာကြောင်း သိရပါတယ်။

မြန်မာ အကျဉ်းသား လွှတ်ပေးမှု ကုလသမဂ္ဂ ကြိုဆို

 

ဦးဉာဏ်ဝင်းကို မမှန်သတင်းပေးမှုဖြင့် တရားစွဲကြောင်း ထုတ်ပြန်

 

ထိုင်းနိုင်ငံရောက် သာသနာပြု လန်ပန်း ဆရာတော်ကြီး ဦးဓမ္မာနန္ဒ ပျံလွန်တော်မူ

လွန်ခဲ့နှစ်ပေါင်း (၅၀) ကျော်က မြန်မာနိုင်ငံကနေ ထိုင်းနိုင်ငံကို ကြွချီပြီး ပရိယတ္တိ၊ ပဋိပတ္တိစာပေတွေ သာသနာပြု သင်ကြားပေးနေတဲ့ သက်တော် (၉၃) နှစ်၊ ဝါတော် (၇၃) ဝါ ရှိပြီဖြစ်တဲ့ အဂ္ဂမဟာပဏ္ဍိတ ဘွဲ့ရ ဝပ်ထာ့မအို ကျောင်းတိုက် လန်ပန်း ဆရာတော်ကြီး ဦးဓမ္မာနန္ဒဟာ မနေ့ မနက်က လန်ပန်းခရိုင် ပြည်သူ့ဆေးရုံကြီးမှာ ပျံလွန်တော်မူသွားပါတယ်။ဆရာတော်ကြီး ပျံလွန်တော်မူတာနဲ့ပတ်သက်လို့ (၁၀) နှစ်ကြာ အနီးကပ် ပြုစုခဲ့တဲ့ အရှင်ဇနကက အခုလို မိန့်ပါတယ်။
“ဆရာတော်ကြီးက ပြီးခဲ့တဲ့နှစ် (၂၇) ရက် ဇူလိုင်လကနေ ဆေးရုံတက်ရတာ၊ အခုဆို တနှစ်နီးပါးပဲပေါ့။ ရင်ကြပ်တာလေးနဲ့ စပြီးတော့ ဆေးရုံတင်လိုက်တာ၊ ဆေးရုံမှာပဲ သက်တောင့်သက်သာ special nurse တွေ ထားပြီးတော့ ဆေးကုသ ထားတာပေါ့နော်၊ ဒီနေ့ မနက်ခင်းပဲ မနက်ခင်း (၅း၅၀) လောက်က ပျံလွန်တော်မှုသွားတာ”
လွန်ခဲ့တဲ့ နှစ်ပေါင်း(၅၀) ကတည်းက ဆရာတော် ဦးဓမ္မာနန္ဒနဲ့ အမေရိကန်မှာ သီတင်းသုံးနေတဲ့ ဆရာတော် ဦးသောဇနရယ်တို့ဟာ မြန်မာအစိုးရနဲ့ ထိုင်းအစိုးရတို့ အစီအစဉ်အရ ဗုဒ္ဓသာသနာ ပြန့်ပွားရေးအတွက် ထိုင်းနိုင်ငံ နခွန်ဆဝမ်မြို့မှာ စာဝါပို့ချပြီး သီတင်းသုံးနေခဲ့တာ ဖြစ်ပါတယ်။အဲဒီနောက် ဝပ်ထာ့မအိုကျောင်းမှာ ကျောင်းထိုင်ဆရာတော် ဖြစ်လာပြီး ပရိယတ္တိ စာသင်တိုက် တည်ထောင်ခဲ့ပါတယ်။ ဆရာတော်ဟာ ဗုဒ္ဓသာသနာနဲ့ ပတ်သက်လို့ ပါဠိစာပေတွေကို ထိုင်းလူမျိုး အများစုအပါအဝင် နိုင်ငံခြားသားတွေကို သင်ကြားပို့ချပေးခဲ့တာ ဖြစ်ပါတယ်။
အဲဒီလို စာပေသင်ကြားပေးတဲ့အတွက် နာမည်ကျော်ကြားလာပြီး ထိုင်းဘုရင့်သမီးတော် သီရိဒုံ ဆက်ကပ်တဲ့ ကျမ်းပြုအကျော်အမော်ဘွဲ့နဲ့ မြန်မာစာသင်သား ရဟန်းတော်များ တက်ရောက် သင်ကြားနေတဲ့ မဟာချုလာလောင်ကွန်း ဗုဒ္ဓတက္ကသိုလ်က ပါရဂူဘွဲ့ ဆက်ကပ်ခံခဲ့ရပါတယ်။
ထိုင်းနိုင်ငံကို မြန်မာနိုင်ငံကနေ လာပြီးတော့ ပရိယတ္တိ၊ ပဋိပတ္တိစာပေ ပြန့်ပွားရေးအတွက် သာသနာပြုခဲ့တဲ့ အကျော်အမော် ဆရာတော်တွေ ရှိတဲ့အထဲမှာ ပရိယတ္တိစာပေနဲ့ ပတ်သက်လို့ ဆရာတော်ကြီးဟာ နောက်ဆုံးလို့ ပြောရမှာ ဖြစ်ကြောင်းလည်း ဆရာတော် ဦးဇနကက မိန့်ပါတယ်။ဆရာတော်ရဲ့ အန္တိမ ဈာပနကို (၆) လ (၁) နှစ်ကြာမှ ပြုလုပ်မှာ ဖြစ်တဲ့အတွက် အပတ်တိုင်းမှာတော့ အလှူရှင်အပေါ် မူတည်ပြီး ဝပ်ထာ့မအိုကျောင်းမှာ ကုသိုလ်ကောင်းမှုတွေကို ပြုလုပ်မယ်လို့လည်း သိရပါတယ်။

အလုပ်သမားအရေး ၈၈ ခေါင်းဆောင်တွေ ပါဝင်ဆွေးနွေး

စက်မှုဇုန် အလုပ်သမားတွေရဲ့ အခြေခံအခွင့်အရေး တောင်းဆိုချက်တွေနဲ့ ပတ်သက်ပြီး အလုပ်သမားရေး ၀န်ကြီးဌာန ဒုတိယ၀န်ကြီးနဲ့ တာဝန်ရှိသူတွေ ၊ အလုပ်သမားကိုယ်စားလှယ်တွေ၊ ၈၈ မျိုးဆက် ကျောင်းသားများအဖွဲ့က အလုပ်သမားရေး ဆောင်ရွက်သူတွေ လှိုင်သာယာမြို့က ကနောင်မင်းသားကြီး ခန်းမမှာ မနေ့က တွေ့ဆုံ ဆွေးနွေးကြကြောင်း သိရပါတယ်။
တွေ့ဆုံပွဲမှာ လက်တလော ဖြစ်ပွားနေတဲ့ မင်္ဂလာဒုံမြို့နယ်က ဖာမိုဆို အထည်ချုပ်စက်ရုံ အလုပ်သမားတွေရဲ့ အရေးကို အဓိက ဆွေးနွေးကြကြောင်း ၈၈ မျိုးဆက် ကျောင်းသားခေါင်းဆောင် ကိုကိုကြီးက ပြောပါတယ်။
"အထူးသဖြင့် လုပ်ခလစာပါ။ လုပ်ခလစာမှာ သဘာဝချင်း ကွာတာက တခြားအထည်ချုပ် စက်ရုံတွေမှာက အကူလုပ်သား အဆင့် ဆိုတာရှိတယ်။ တခြားစက်ရုံတွေမှာ အနိမ့်ဆုံးလစာ ညှိနှိုင်းတာက အကူလုပ်သားအဆင့်နဲ့ ညှိတာ၊ ဆိုတော့ အခု ဖာမိုဆို မှာကျတော့ အကူအလုပ်သားအဆင့် မရှိဘူး။ အနိမ့်ဆုံး အဆင့်က ကျွမ်းကျင်လုပ်သားတွေချည်းပဲ ဖြစ်နေတော့ သူတို့လုပ်ခလစာနဲ့ ပတ်သက်လို့က သီးခြားညှိနှိုင်းပေးရတော့မယ် ပေါ့နော်"
အနောက်တိုင်းဝတ်စုံတွေ ချုပ်တဲ့ ဖာမိုဆို စက်ရုံကို ဂျပန်နိုင်ငံသားတစ်ဦး ပိုင်ဖြစ်ပြီး မြန်မာနိုင်ငံမှာ စက်ရုံ ၃ ရုံ တည်ထားပါတယ်။ မင်္ဂလာဒုံ စက်မှုဇုန်က စက်ရုံမှာတော့ အလုပ်သမား (၆၅၄) ဦး ရှိပါတယ်။သူတို့ကို အခြေခံလုပ်ခလစာ ၁ သောင်း ၄ ထောင်ကျော်ပဲ ပေးတဲ့အတွက် လစာတိုးပေးဖို့ ဇွန်လ ၈ ရက်နေ့ကစပြီး ဆန္ဒပြနေကြတာ ဖြစ်ပါတယ်။အလုပ်သမားတွေရဲ့ ယာယီ အခြေခံလစာ သတ်မှတ်ဖို့အတွက် အလုပ်သမား ၀န်ကြီးဌာန တာဝန်ရှိသူတွေနဲ့ အလုပ်ရှင်တွေ၊ အလုပ်သမားကိုယ်စားလှယ်တွေ၊ ဆန္ဒပြ အလုပ်သမား ခေါင်းဆောင်တွေ ဇွန်လ ၅ ရက်နေ့က စတင်ပြီး ညှိနှိုင်းခဲ့ကြပါတယ်။ ပြီးခဲ့တဲ့ ဇွန်လ ၁၂ ရက်နေ့မှာ စက်မှုဇုန် စက်ရုံအလုပ်သမားတွေရဲ့ အနိမ့်ဆုံး ယာယီလစာကို ကျပ် ငါးသောင်း ခြောက်ထောင် ခုနှစ်ရာ (၅၆၇၀၀) သတ်မှတ်ခဲ့ပါတယ်။

အစ္စလာမ်အဖွဲ့က ဒေါ်အောင်ဆန်းစုကြည်ကို တိုက်တွန်း

OIC ခေါ် အစ္စလာမ် ပူးပေါင်းဆောင်ရွက်ရေး အဖွဲ့က အမျိုးသား ဒီမိုကရေစီ ဥက္ကဋ္ဌ ဒေါ်အောင်ဆန်းစုကြည်ကို မြန်မာပြည်က ရိုဟင်ဂျာတွေ အကြမ်းဖက်ခံရမှု အဆုံးသတ်ရေးအတွက် ကူညီပါရန် တိုက်တွန်းလိုက်ပါတယ်။ OIC အဖွဲ့အကြီးအကဲ မစ္စတာ အစ်ကမက်လဒင်း  အီစားနို (Ekmeleddin Ihsanoglu) က ဒေါ်အောင်ဆန်းစုကြည်ကို စာနဲ့ရေးသား မေတ္တာရပ်ခံရာမှာ ငြိမ်းချမ်းရေး နိုဘယ်လ်ဆုရှင်တဦးအနေနဲ့ ကမ္ဘာ့ ငြိမ်းချမ်းရေးအတွက် လုပ်ငန်းတွေကို မြန်မာပြည်ထဲရေး ပြဿနာတွေ ဖြေရှင်းရာကနေ စတင်ဆောင်ရွက်လိမ့်မယ်လို့ မိမိတို့ ယုံကြည်ပါကြောင်း ဖော်ပြပါရှိပါတယ်။
အဖွဲ့ဝင် ၅၇ နိုင်ငံ ပါရှိတဲ့ OIC အဖွဲ့ရဲ့ ညွန်ကြားရေးမှူးချုပ် မစ္စတာ အစ်ကမက်လဒင်း အီစားနိုက ဒုက္ခသည်တွေ မိမိတို့ နေရာကို မြန်မြန်ဆန်ဆန် ပြန်နိုင်ရေးအတွက်လည်း တိုက်တွန်း ပြောကြားလိုက်ပြီး ရိုဟင်ဂျာများရဲ့ အခွင့်အရေးတွေ ဖောက်ဖျက်ခံရမှု အပေါ်လည်း စိုးရိမ်ပူပန်ကြောင်း ဖော်ပြထားပါတယ်။
ဒါ့အပြင် သူ့ရဲ့စာထဲမှာ ဆော်ဒီအာရေးဗီးယားနိုင်ငံ ဂျက်ဒါမြို့က OIC ဌာနာချုပ်ကို လာရောက် လည်ပတ်ဖို့လည်း ဒေါ်အောင်ဆန်းစုကြည်ကို ဖိတ်ခေါ်ထားပါတယ်။

သမဂ္ဂအဆောက်အဦး ပြန်လည်တည်ဆောက်ရေး ကျောင်းသားတွေဆွေးနွေး

ရန်ကုန်တက္ကသိုလ် ရှင်သန်ဖွံ့ဖြိုးရေးနဲ့ တကသ အဆောက်အဦး ပြန်လည် တည်ဆောက်ရေးအတွက် မျိုးဆက် ၃ ဆက် ကျောင်းသားတွေ့  မနေ့က ရန်ကုန်မြို့က M3 စားသောက်ဆိုင်မှာ တွေ့ဆုံ ဆွေးနွေးခဲ့ကြပါတယ်။ဒီကိစ္စနဲ့ ပတ်သက်လို့ အစည်းအဝေး တက်ရောက်ခဲ့တဲ့ နိုင်ငံရေး အကျဉ်းသားဟောင်း ကိုဆန်နီက ပြောပါတယ်။
"အစည်းအဝေး ဆုံးဖြတ်ချက်ကတော့ ရန်ကုန်တက္ကသိုလ် ရှင်သန်ဖွံ့ဖြိုးရေးနှင့် တကသ အဆောက်အအုံ ပြန်လည် တည်ဆောက်ရေးအဖွဲ့ ဆိုပြီးတော့ အမည်ပြောင်းတယ်။ အဲဒီလုပ်ငန်း အကောင်အထည် ဖော်မှုမှာ သက်ဆိုင်ရာ အစိုးရ အဖွဲ့အစည်း၊ လွှတ်တော်တွေနဲ့ ပါမောက္ခချုပ်တွေနဲ့လည်း လိုအပ်ရင် ညှိနှိုင်းဆက်သွယ်မှုတွေ လုပ်သွားမယ်။ နောက်တစ်ခုက ရန်ကုန်တက္ကသိုလ်နဲ့ သက်ဆိုင်သူများအားလုံး၊ ကျောင်းသားသမိုင်းနဲ့ သက်ဆိုင်သူများအားလုံး ပူးပေါင်းဆောင်ရွက်နိုင်ရေးကို ဖိတ်ခေါ်မယ်"
ဒီနေ့ အစည်းအဝေးကို ၈၈ မျိုးဆက်က ကိုမင်းကိုနိုင်၊ ကိုကိုကြီး၊ ကိုဂျင်မီ၊ ကိုညိုထွန်း၊ ကိုဆန်နီ၊ ၇၄ မျိုးဆက်အဖြစ် ဒေါ်နေရည်ဗဆွေ၊ ဦးရာကျော်၊ ဦးအောင်ထိုက်နဲ့ ၂၀၀၇ မျိုးဆက်က ကိုစည်သူမောင်နဲ့ ကိုဒီငြိမ်းလင်းတို့ တက်ရောက်ကြပါတယ်။ ဒီလုပ်ငန်းစဉ်အတွက် နာယကတွေထဲမှာ ကဗျာဆရာကြီး ဒဂုန်တာရာလည်း ပါဝင်တယ်လို့ သိရပါတယ်။ဒီအတောအတွင်းမှာပဲ လာမယ့် စနေနေ့မှာ ကျရောက်မယ့် ဇူလိုင် ၇ ရက် နှစ် ၅၀ ပြည့် အထိမ်းအမှတ် အခမ်းအနားကို တော်ဝင်နှင်းဆီ ခန်းမမှာ မကျင်းပနိုင်တော့တဲ့အတွက် ရန်ကုန်မြို့က ၈၈ မျိုးဆက် ကျောင်းသားများအဖွဲ့ ရုံးခန်းမှာ ကျင်းပဖို့ စီစဉ်ထားတယ်လို့ ဗကသများအဖွဲ့ချုပ် ဥက္ကဋ္ဌ ကိုကျော်ကိုကိုက ပြောပါတယ်။
အထက်ဗမာပြည် ကျောက်ဆည်ခရိုင် ကျောင်းသား သမဂ္ဂအဖွဲ့ဝင်တွေက ဒီနေ့ မနက်မှာ ဇူလိုင် ၇ ရက် အထိမ်းအမှတ်အဖြစ် ဘုန်းကြီးကျောင်း တစ်ကျောင်းမှာ ဆွမ်းကြွေးပြီး အခမ်းအနား ပြုလုပ်ကြသလို၊ မုံရွာခရိုင် ကျောင်းသားသမဂ္ဂကတော့ ပြီးခဲ့တဲ့ ဇူလိုင် (၃) ရက်နေ့ မနက်က ဘုန်းတော်ကြီးကျောင်း တစ်ကျောင်းမှာ အရုဏ်ဆွမ်းကပ်ပြီး ဇူလိုင် ၇ ရက် အရေးအခင်းမှာ သေဆုံးသွားသူတွေအတွက် ကုသိုလ်ဒါန ပြုခဲ့ကြတယ်လို့ သိရပါတယ်။


လယ်မြေသိမ်းဆည်းခံရသည့် တောင်သူလယ်သမားများထံမှ အကူအညီတောင်းခံစာပေါင်း ၂၅၀ ကျော် လွှတ်တော်သို့ ရောက်ရှိလာကြောင်း ဇလွန်မဲဆန္ဒနယ်မှ ဦးတင်ထွတ်က ဇူလိုင်လ ၄ရက်နေ့တွင် ကျင်းပသည့် ပထမအကြိမ် ပြည်ထောင်စုလွှတ်တော် စတုတ္ထပုံမှန် အစည်းဝေးတွင် ပြောကြားခဲ့သည်။
ထို့ကြောင့် ပြည်ထောင်စုလွှတ်တော်သို့ လယ်ယာမြေများ သိမ်းဆည်းခံရခြင်းများအား စုံစမ်းလေ့လာ ဖော်ထုတ်ပြီး တောင်သူလယ်သမား နစ်နာမှုမရှိစေရေး၊ တရားမျှတစွာ ဖြေရှင်းဆောင်ရွက်ပေးရန် အဆိုတင်သွင်းခဲ့ရာ လွှတ်တော်မှ လက်ခံဆွေးနွေးရန် ဆုံးဖြတ်ခဲ့သည်။
ဇလွန်မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးတင်ထွတ်က "ကျွန်တော်တို့ တောင်သူလယ်သမား၊ အလုပ်သမားနှင့် လူငယ်ရေးရာ ကော်မတီထံသို့ မြန်မာနိုင်ငံ အနယ်နယ် အရပ်ရပ်မှ လယ်ယာမြေ သိမ်းဆည်းခံခဲ့ရတဲ့ တောင်သူလယ်သမားများက တင်ပြအကူအညီ တောင်းခံစာပေါင်း ၂၅၀ကျော် လက်ခံ ရရှိခဲ့ပါတယ်။ မြို့ပြတိုးချဲ့ရေးနှင့် စက်မှုဇုန်တည်ဆောက်ရေး စီမံကိန်းများအတွက် တောင်ဒဂုံမြို့နယ်၊ ဒဂုံဆိပ်ကမ်းမြို့နယ်၊ ဒဂုံအရှေ့မြို့နယ်၊ မင်္ဂလာဒုံမြို့နယ်တို့တွင် လယ်မြေများ ဧက ၁၀၀၀၀ကျော် သိမ်းဆည်းခံခဲ့ရပါတယ်။ ဒါ့အပြင် ထိုမြို့နယ်များတွင် လယ်မြေသိမ်းဆည်းထားပြီး မြို့ပြ တိုးချဲ့တည်ဆောက်ရေး မလုပ်ဖြစ်တော့သည့် လယ်ဧက ၈၀၀၀ ကျော်တွင် မူလပိုင်ရှင် လယ်သမားများနှင့် ကုမ္ပဏီများပူးပေါင်း၍ အကျိုးတူ ဆောင်ရွက်စေခဲ့ပါတယ်။ အဆိုပါ လယ်မြေများအတွင်း စိုက်ပျိုးရာတွင် ကုမ္ပဏီများကသာ စိုက်ပျိုးသည့် မြေရှင်ကြီးစနစ်သို့ ကူးပြောင်း ရောက်ရှိသွားပြီး လက်တွေ့တွင်မူ ဘိုးသွားစဉ်ဆက် စိုက်ပျိုးလုပ်ကိုင်လာသည့် ပိုင်ရှင်လယ်သမားများ လယ်လုပ်ခွင့်မရရှိဘဲ လယ်မဲ့၊ မြေမဲ့ဘ၀ ရောက်ရှိသွားခဲ့ပါတယ်။အလားတူ ဧရာဝတီတိုင်းဒေသကြီး မအူပင်မြို့နယ်၊ သောင်းဇားကျေးရွာအုပ်စုတွင် စိုက်ပျိုးရေးနှင့် မွေးမြူရေး လုပ်ရန်အတွက် တောင်သူလယ်သမား ၁၆၀ဦး၏ လယ်မြေဧက ၂၄၄၀ ကျော်၊ မန္တလေးတိုင်းဒေသကြီး မြင်းခြံမြို့နယ် ခေါင်းကွဲအုပ်စု သင်္ဘောတင် ကျေးရွာတွင် ကြက်သွန်စိုက်ပျိုးရန်အတွက် မြေနုကျွန်းဧက ၆၀၀ ကျော်၊ တောင်သာမြို့နယ် ကျွဲဆင်းကျေးရွာအုပ်စုတွင် ဧက ၄၅၀တို့ကို ကုမ္ပဏီများသို့ လုပ်ကိုင်ခွင့် ချထားပေးခဲ့ပါတယ်။ ယခုအခါကုမ္ပဏီများ အနေဖြင့် စိုက်ပျိုးခြင်းမရှိဘဲ မူလ လယ်သမားများကို ပြန်၍ အငှားချထားခြင်း၊ နီးစပ်သူများကို လုပ်ကိုင်ခွင့် ပြုထားခြင်း၊ ပြန်လည်ရောင်းချခြင်း၊ ကုမ္ပဏီ၏ ခွင့်ပြုချက်မရှိဘဲ ၀င်ရောက်စိုက်ပျိုးသူများကို နှင်ထုတ်ခြင်း၊ စိုက်ပျိုးထားသည့် သီးနှံများကို ဖျက်ဆီးခြင်း စသည့် မတရားပြုကျင့်မှုများ၊ အနိုင်ကျင့်မှုများ ခံစားနေရကြောင်း ကာယကံရှင် တောင်သူများက အကူအညီတောင်းခံလျက် ရှိကြပါတယ်။ လမ်းပန်းဆက်သွယ်ရေး စီမံကိန်းများဖြစ်သည့် ရထားလမ်းများ၊ ကားလမ်းများ၊ လေယာဉ်ကွင်းများ တိုးချဲ့တည်ဆောက်ရေးအတွက် မြေများ သိမ်းဆည်းခဲ့ကြရာတွင်လည်း သင့်တင့်မျှတသည့် လျော်ကြေးမရရှိမှုများ၊ ရသင့်ရထိုက်သည့် အခွင့်အရေး မရရှိမှု ဖြစ်စဉ်များလည်း ရှိပါတယ်"ဟု ပြောကြားခဲ့သည်။
လွှတ်တော်သို့ ရောက်ရှိလာသည့် တင်ပြတိုင်ကြားစာများနှင့် ပတ်သက်၍ ကွင်းဆင်းလေ့လာ စုံစမ်းရာတွင် လယ်ယာမြေတွေကို မြို့ပြများတိုးချဲ့ တည်ဆောက်ရေးအတွက် သိမ်းဆည်ခြင်း၊ စက်မှုဇုန်များ တည်ဆောက်ရေးအတွက် သိမ်းဆည်းခြင်း၊ တပ်မတော် တပ်ရင်းတပ်ဖွဲ့များ တိုးချဲ့ဖွဲ့စည်းရာတွင် တပ်မြေအဖြစ် သိမ်းဆည်းခြင်း၊ နိုင်ငံတော် စီမံကိန်းဖြစ်သည့် ရထားလမ်းများ၊ ကားလမ်းများ၊ လေယာဉ်ကွင်းများ တိုးချဲ့တည်ဆောက်ရေးအတွက် သိမ်းဆည်းခြင်း၊ နိုင်ငံတော်ပိုင် စက်ရုံအလုပ်ရုံများ တည်ဆောက်ရေးအတွက် သိမ်းဆည်းခြင်း၊ စိုက်ပျိုးရေး၊ မွေးမြူရေး စီမံကိန်းများဆောင်ရွက်ရန် ပုဂ္ဂလိက ကုမ္ပဏီများသို့ မြေနေရာ ချထားပေးရာတွင် တောင်သူလယ်သမားများ လက်ရှိလုပ်ကိုင်နေသည့် လယ်ယာမြေများ ပါရှိသွားခြင်းစသည့် အကြောင်းအရင်းများ ဖြစ်ကြောင်း သိရှိရသည်။


တိုင်းရင်းသားလူမျိုးရေးရာ ဝန်ကြီးများနှင့် ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌများအား တိုင်းဒေသကြီး (သို့) ပြည်နယ်အစိုးရအဖွဲ့ အဖွဲ့ဝင်အဖြစ် ထည့်သွင်းဖွဲ့စည်းပေးရန် အဆိုအား လက်ခံဆွေးနွေးရန် အမျိုးသားလွှတ်တော် သဘောတူ

တိုင်းရင်းသားလူမျိုးရေးရာ ဝန်ကြီးများနှင့် ရာထူးအလျောက် တိုင်းဒေသကြီး (သို့) ပြည်နယ်ဝန်ကြီး ဖြစ်ပြီးသော ကိုယ်ပိုင်အုပ်ချုပ်ခွင့်ရတိုင်း (သို့) ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌများအား တိုင်းဒေသကြီး (သို့) ပြည်နယ်အစိုးရအဖွဲ့ အဖွဲ့ဝင်အဖြစ် ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံ ဥပဒေနှင့်အညီ ထည့်သွင်းဖွဲ့စည်း ပေးပါရန် အဆိုအား အမျိုးသား လွှတ်တော်တွင် ဆွေးနွေးရန် သဘောတူခဲ့ကြောင်း သိရှိရသည်။
အဆိုပါအဆိုအား ရခိုင်ပြည်နယ် မဲဆန္ဒနယ် အမှတ်(၁)မှ ဒေါက်တာအေးမောင်က တင်သွင်းခဲ့ရာတွင် "တိုင်းရင်းသား လူမျိုးရေးရာ ၀န်ကြီးများနှင့် ရာထူးအလျောက် တိုင်းဒေသကြီး (သို့) ပြည်နယ်ဝန်ကြီး ဖြစ်ပြီးသော ကိုယ်ပိုင်အုပ်ချုပ်ခွင့်ရတိုင်း (သို့) ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဌများအား တိုင်းဒေသကြီး (သို့) ပြည်နယ်အစိုးရအဖွဲ့ အဖွဲ့ဥပဒေပုဒ်မ ၃၊ ပုဒ်မခွဲငယ် (၂) အရ တိုင်းဒေသကြီး (သို့) ပြည်နယ်အစိုးရ ဖွဲ့စည်းရာတွင် ပါဝင်ရမည့် အစိုးရအဖွဲ့ဝင် ဝန်ကြီးများ ဖြစ်ကြပါတယ်။ အဆိုပါ ဥပဒေပုဒ်မ၄၊ ပုဒ်မခွဲ (က)ပါ တိုင်းဒေသကြီး (သို့) ပြည်နယ်ဝန်ကြီး ဦးရေကို ကန့်သတ်ထားခြင်းတို့သည် ဥပဒေပုဒ်မ ၄၊ ပုဒ်မခွဲ(ဂ)ပါ ပြဌာန်းချက် ဖြစ်သည့် တိုင်းရင်းသား လူမျိုးရေးရာ ၀န်ကြီးများနှင့် ကိုယ်ပိုင်အုပ်ချုပ်ခွင့်ရ ဒေသဥက္ကဌများ မပါဝင်စေရဆိုတဲ့ ပြဌာန်းစာပိုဒ်ဟာ ပုဒ်မ ၃၊ ပုဒ်မခွဲ(က)၊ ပုဒ်မခွဲငယ်(၂)ပါ ပြဌာန်းချက်နဲ့ ဆန့်ကျင်နေပြီး ဖွဲ့စည်းပုံ အခြေခံဥပဒေပါ တိုင်းဒေသကြီး (သို့) ပြည်နယ်ဝန်ကြီး သတ်မှတ်ပြဌာန်းချက်များနဲ့လည်း ဆန့်ကျင်နေ၍ ဤအဆိုကို တင်သွင်းရခြင်း ဖြစ်ပါတယ်" ဟု အဆိုတင်သွင်းခဲ့သည်။
နိုင်ငံတော်ဖွဲ့စည်းပုံအခြေခံ ဥပဒေဆိုင်ရာခုံရုံး၏ ဆုံးဖြတ်ချက်တွင်လည်း ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံ ဥပဒေတွင်လည်း တိုင်းရင်းသားရေးရာ ဝန်ကြီးများကို သက်ဆိုင်ရာ တိုင်းဒေသကြီး (သို့) ပြည်နယ်ဝန်ကြီးများအဖြစ် အတိအလင်း ပြဌာန်း သတ်မှတ်ထားသည့်အပြင် အမျိုးသား ညီလာခံ စုံညီအစည်းအဝေးက ချမှတ်ထားသည့် အသေးစိတ် အခြေခံမူများ ရှိနေသော်လည်း တိုင်းဒေသကြီး (သို့) ပြည်နယ်အဆင့်ပုဂ္ဂိုလ်များ၏ ချီးမြှင့်ငွေ၊ စရိတ်နှင့် အဆောင်အယောင်များဆိုင်ရာ ဥပဒေပုဒ်မ ၅ နှင့် ပုဒ်မ ၁၇ တို့တွင် တိုင်းဒေသကြီး (သို့) ပြည်နယ်ဝန်ကြီးများနှင့်မတူ ခွဲခြားကာ တိုင်းရင်းသားလူမျိုးရေးရာ ဝန်ကြီးများ၏ ခံစားခွင့်ကို သီးခြားပြဌာန်း သတ်မှတ်ထားခြင်းမှာ ဖွဲ့စည်းပုံ အခြေခံဥပဒေနှင့် ညီညွတ်ခြင်းရှိမည် မဟုတ်ပေဟု ဆုံးဖြတ်ထားကြောင်း သိရသည်။

အငြိမ်းစား သံအမတ်ကြီး ဦးသက်ထွန်း ကွယ်လွန်