မြန်မာနိုင်ငံဆိုင်ရာ အမေရိကန် သံအမတ်ကြီး ရန်ကုန်ရောက်ပြီ

မြန်မာနိုင်ငံဆိုင်ရာ အမေရိကန် သံအမတ်ကြီး ဒဲရက် မစ်ချဲလ် Derek Mitchell ဟာ မနေ့က မြန်မာနိုင်ငံကို ရောက်ရှိသွားပြီ ဖြစ်ပါတယ်။
သံအမတ်ကြီး မစ္စတာ Mitchell ဟာ သူ့ရဲ့ သံအမတ်ခန့်အပ်လွှာကို သမ္မတ ဦးသိန်းစိန်ထံ ပေးအပ်ဖို့အတွက် နေပြည်တော်ကို ခရီးရောက်မဆိုက် သွားရောက်မှာ ဖြစ်တယ်လို့ ရန်ကုန်မြို့ အမေရိကန်သံရုံးရဲ့ ထုတ်ပြန်ကြေညာချက်မှာ ဖော်ပြထားပါတယ်။နောက်ဆုံးရရှိတဲ့ သတင်းအရသူဟာ သမ္မတ ဦးသိန်းစိန်ကို မနေ့က နေ့လည်ပိုင်းမှာ သံအမတ် ခန့်အပ်လွှာ ပေးအပ်လိုက်ပြီ ဖြစ်ပါတယ်။
၁၉၈၈ ခုနှစ် ဒီမိုကရေစီ အရေးတော်ပုံနောက်ပိုင်း အမေရိကန်နဲ့ မြန်မာစစ်အစိုးရတို့ အကြား သံတမန် ဆက်ဆံရေး တဆင့်နှိမ့်ချခဲ့ပြီး မြန်မာနိုင်ငံမှာ အမေရိကန် သံအမတ်ကြီး ခန့်အပ်ထားတာ မရှိခဲ့ပဲ ယာယီ သံရုံးတာဝန်ခံ အဆင့်ပဲ ထားရှိခဲ့တာပါ။မြန်မာနိုင်ငံက ဒီမိုကရေစီ အသွင်ကူးပြောင်းရေး လုပ်ငန်းစဉ်တွေကို အသိအမှတ်ပြုတဲ့ အနေနဲ့ အမေရိကန်အစိုးရက ခုလို သံအမတ်ကြီးအဆင့် ပြန်လည်ထားရှိတာ ဖြစ်ပါတယ်။
ခုလို မစ္စတာ  ဒဲရက် မစ်ချယ်ကို ခန့်အပ်လိုက်တာနဲ့ ပတ်သက်ပြီး ကြိုဆိုကြောင်း ဒေါ်အောင်ဆန်းစုကြည်က ပြောကြားလိုက်ပါတယ်။ သူဟာ မြန်မာပြည်အကြောင်း တော်တော် သိထားတဲ့အတွက် လက်ခံနိုင်လောက်ပါတယ် လို့ ဒီကနေ့ မွန်းလွဲ ၃ နာရီခွဲက ပြည်သူ့လွှတ်တော်မှာ ပြုလုပ်တဲ့ သတင်းစာ ရှင်းလင်းပွဲမှာ ဒေါ်အောင်ဆန်းစုကြည်က မှတ်ချက်ချခဲ့တာ ဖြစ်ပါတယ်။
မစ္စတာ Derek Mitchell ဟာ သံအမတ်အဖြစ် တာဝန်ပေးအပ်ခြင်း မခံရခင်က အမေရိကန်အစိုးရရဲ့ မြန်မာနိုင်ငံဆိုင်ရာ အထူး သံကိုယ်စားလှယ်အဖြစ် သြဂုတ်လ ၂၀၁၁ ခုနှစ်ကနေ စတင်ထမ်းဆောင်ခဲ့သူ ဖြစ်ပါတယ်။အဲဒီမတိုင်ခင်က အမေရိကန် ကာကွယ်ရေးဝန်ကြီးဌာနမှာ အာရှပစ္စဖိတ်ဒေသ လုံခြုံရေးဆိုင်ရာ ဒုတိယ လက်ထောက် နိုင်ငံခြားရေးဝန်ကြီး အဖြစ်လည်း တာဝန်ထမ်းဆောင်ပါတယ်။ သူဟာ ၀ါရှင်တန်ဒီစီ အခြေစိုက် နိုင်ငံတကာနဲ့ မဟာဗျူဟာ လေ့လာရေးဌာန CSIS ရဲ့ ညွှန်ကြားရေးမှူးအဖြစ်လည်း ၂ဝဝ၉ ခုနှစ်ကနေ ၂ဝ၁၁ ခုနှစ်အထိ တာဝန်ယူခဲ့ပါတယ်။

နိုင်ငံ အုပ်ချုပ်ရေးပိုင်းမှာ စစ်တပ် မပါဝင်တော့ကြောင်း သမ္မတ ဦးသိန်းစိန် ပြောကြား

မြန်မာနိုင်ငံမှာ အနှစ် ၅၀ တိုင်တိုင် စစ်တပ်က အာဏာရှင်မူဝါဒ ကျင့်သုံးအုပ်ချုပ်ခဲ့ပေမဲ့ ဒီမိုကရေစီစနစ် ခိုင်မာ အားကောင်းအောင် ရှေ့ဆက် တိုးသွားနေတာနဲ့ အမျှ အခုဆိုရင် နိုင်ငံ အုပ်ချုပ်ရေးပိုင်းမှာ စစ်တပ် မပါဝင်တော့တဲ့ အကြောင်း သမ္မတ ဦးသိန်းစိန်က မနေ့က ပြောကြားလိုက်ပါတယ်။
စင်ကာပူနိုင်ငံထုတ် The Straits Times သတင်းစာနဲ့ မေးမြန်းခန်းမှာ စစ်တပ်ဟာ နိုင်ငံအနာဂတ်အတွက် အရေးပါတဲ့ အခန်းကဏ္ဍက ပါဝင်ပေမဲ့ အစိုးရ မူဝါဒပိုင်းမှာ မပါဝင်ဘူးလို့ ဦးသိန်းစိန်က ပြောပါတယ်။
မြန်မာနိုင်ငံရဲ့ လုံခြုံရေးနဲ့ ပြည်ပက ထိပါးလာမယ့် အန္တရာယ်တွေကို ကာကွယ်ဖို့ ကာလကြာမြင့်စွာကပဲ တိုင်းပြည်က စစ်တပ်ကို အားကိုး နေခဲ့ရတယ်။ ဒါကြောင့် ခုလိုအချိန်မှာ တပ်မတော်ကို နောက်ချန်ရစ် မထားဖို့ အရေးကြီးတယ်လို့ ပြောပါတယ်။
တပ်မတော်ဟာ ဖွဲ့စည်းအုပ်ချုပ်ပုံ အခြေခံဥပဒေ ဘောင်တွင်းမှာ အကန့်အသတ်နဲ့ ပါဝင်တဲ့ အခန်းကဏ္ဍရှိပေမဲ့ အစိုးရ ဒါမှမဟုတ် အစိုးရ မူဝါဒရေးရာတွေမှာ တိုက်ရိုက် ပါဝင်ပတ်သက်မှုမရှိဘူး။ သူ့ အစိုးရဟာ တိုင်းရင်းသား လူနည်းစုတွေနဲ့ ဖြစ်ပွားနေတဲ့ ပဋိပက္ခတွေ ချုပ်ငြိမ်းရေး ပန်းတိုင်ကို တက်လှမ်းနိုင်ပြီး နိုင်ငံရေးပိုင်းကို ခေါ်ဆောင်လာနိုင်မယ်လို့လည်း ဦးသိန်းစိန်က အကောင်းဘက်က ရှုမြင် ပြောဆိုပါတယ်။
မြန်မာနိုင်ငံဟာ တည်ငြိမ်ပြီး ငြိမ်းချမ်းတဲ့ နိုင်ငံတနိုင်ငံလို့ မပြောနိုင်သေးပေမဲ့ အစိုးရရဲ့ အပစ်ရပ်ရေး ကမ်းလှမ်းချက်ကို လက်မခံဘဲ ကျန်နေသေးတဲ့ KIA ကချင်လွတ်မြောက်ရေး တပ်မတော်နဲ့ အောင်မြင်စွာ ဆွေးနွေးနိုင်မယ်လို့ ယုံကြည်တဲ့ အကြောင်း သမ္မတ ဦးသိန်းစိန်က ပြောသွားပါတယ်။
အမျိုးသားဒီမိုကရေစီအဖွဲ့ချုပ်ဥက္ကဋ္ဌ ပြည်သူ့လွှတ်တော်ကိုယ်စားလှယ် ဒေါ်အောင်ဆန်းစုကြည်သည် လွှတ်တော်တွင်း သတင်းစာရှင်းလင်းပွဲတစ်ခုကို  ဇူလိုင်လ ၁၁ ရက်နေ့တွင် သတင်းထောက်များ၏ တောင်းဆိုချက်အရ ပြုလုပ်ပေးခဲ့သည်။
ဇူလိုင်လ ၁၁ ရက်နေ့တွင် ကျင်းပသည့် ပထမအကြိမ် ပြည်သူ့လွှတ်တော် စတုတ္ထပုံမှန်အစည်းအဝေး ခေတ္တရပ်နားစဉ် သတင်းထောက်များမှ လွှတ်တော်ဆိုင်ရာ ကိစ္စများအတွက် သတင်းစာရှင်းလင်းပွဲတစ်ခု ပြုလုပ်ပေးရန် တောင်းဆိုခဲ့ရာမှ ယခုကဲ့သို့ သတင်းထောက်များ၏ မေးမြန်းချက်ကို ပြန်လည် ဖြေကြားပေးခဲ့ခြင်းဖြစ်သည်။
သတင်းထောက်တစ်ဦးမှ အမျိုးသားဒီမိုကရေစီအဖွဲ့ချုပ် လွှတ်တော်ကိုယ်စားလှယ်များနှင့် တွေ့ဆုံစဉ် ပြောကြားခဲ့သည့် ကိစ္စများနှင့် ပတ်သက်၍ မေးမြန်းရာ ''ဒီမိုကရေစီမှာ အတိုက်အခံ အဖွဲ့အစည်းဆိုတာ ရှိရမှာပဲ။ အခု အခြေအနေအရ အန်တီတို့ကို အတိုက် အခံ အဖွဲ့အစည်းလို့ခေါ်ရင်လည်း အန်တီတို့အနေနဲ့ မကန့်ကွက်ပါဘူး။ အန်တီပြောခဲ့တာက ရန်လုပ်ဖို့လာတာ မဟုတ်ဘူး။ စည်းစည်းလုံးလုံးနဲ့ တတ်နိုင်သမျှ နိုင်ငံအကျိုးအတွက် ပူးပေါင်းဆောင်ရွက်ဖို့ လာတာပါ။ အန်တီတို့ကတော့ နိုင်ငံအပေါ်မှာ သစ္စာစောင့်သိတဲ့ အတိုက်အခံ အဖွဲ့အစည်းဆိုတဲ့အမြင်နဲ့ လုပ်သွားမှာပါ။ ဘယ်သူ့ကိုမှ တိုက်ခိုက်ချင်လို့ မဟုတ်ဘူး။ နိုင်ငံတော် အကျိုးပြုချင်လို့ အကျိုးပြုတဲ့နေရာမှာ ပူးပေါင်းဆောင်ရွက်သင့်တဲ့သူနဲ့ ပူးပေါင်းဆောင်ရွက်သွားပါမယ်''ဟု ပြန်လည်ဖြေကြားခဲ့သည်။
''လွှတ်တော်ကို ၃ ရက်တက်ပြီး နောက်လွှတ်တော်ကို ဘယ်လိုမြင်ပါသလဲ'ဟု မေးမြန်းရာ ဒေါ်အောင်ဆန်းစုကြည်က 'ခြုံငုံပြီးပြောရမယ်ဆိုရင် အန်တီတို့အနေနဲ့ လွှတ်တော်ကို နည်းနည်းပိုပြီးတော့ လွတ်လွတ်လပ်လပ် ဖြစ်စေချင်တယ်။ အန်တီတို့ကိုယ်တိုင် က ကိုယ်စားလှယ်တွေဆိုတော့ ၀င်လိုက် ထွက်လိုက်လုပ်နိုင်တဲ့ အခွင့်အရေးတွေ ပိုပြီးတော့ များစေချင်တယ်။ ဥပမာဆိုရင် တချို့ကိစ္စရပ်တွေဟာ ကိုယ့်ရဲ့ကျွမ်းကျင်မှု၊ ကိုယ့်ရဲ့စိတ်ဝင်စားမှု မဟုတ်ဘူးဆိုရင် တခြားမှာသွားပြီးတော့ ကိုယ်စိတ်ဝင်စားတဲ့ အဆိုတွေနဲ့ ပတ်သက်လို့ ပြင်ဆင်ဖို့၊ ဆွေးနွေးဖို့ အဲလို အနေအထားမျိုး ရှိနိုင်မယ်ဆိုရင်တော့ ကိုယ်စားလှယ်တွေအတွက် ပိုလွတ်လပ်တာပေါ့။ ဒါပေမယ့် အခုကျတော့ အားလုံးထိုင်ပြီးတော့ တစ်ချိန်ထဲမှာထိုင်၊ တစ်ချိန်ထဲမှာထဆိုတော့ အဲဒါကတော့ နောက်လည်းဖြစ်လာမယ်လို့ ထင်ပါတယ်။ ရင့်ကျက်တဲ့ လွှတ်တော်တွေနဲ့တော့ နည်းနည်းကွာသေးတာပေါ့''ဟု ဖြေကြားခဲ့သည်။
''လွှတ်တော်မှာ အန်တီအဆိုတွေ၊ မေးခွန်းတွေ ဘယ်တော့လောက်တွေ့ မြင်ရနိုင်ပါသလဲ''ဟု မေးမြန်းရာ 'အဲဒါ မသိဘူး။ ဒါက အန်တီတို့ဆုံးဖြတ်တာ မဟုတ်ဘူး။ တင်တာတင်တာ။ ဘယ်တော့လောက် လက်ခံမလဲဆိုတာကတော့ လွှတ်တော်ရုံးအပေါ်မှာ မူတည်တာပေါ့။ အခုတစ်ခုပဲ စဉ်းစားထားတာ ရှိပါတယ်။ အခုမပြောသေးဘူး။ ပညာရေးနဲ့တော့ ဆက်စပ်မှာပေါ့။ အဆိုတင်သွင်းမှုတွေကို လုပ်ဖို့တော့ အန်တီတို့ ကိုယ်စားလှယ်တွေက တင်ထားတယ်။ ဥပဒေကြမ်းတင်ဖို့တော့ မရှိသေးပါဘူး''ဟု ပြောကြားခဲ့သည်။
လွှတ်တော်တွင်းမှ ပြည်သူ့အတွက် ဘာတွေဆောင်ရွက်ဖို့ ရှိပါသလဲဟု မေးမြန်းရာ 'အန်တီအမြဲပြောတယ်။ အန်တီပေးနိုင်တဲ့ ကတိတစ်ခုပဲ ရှိတယ်။ အန်တီ အကောင်းဆုံးကြိုးစားမယ်။ အကောင်းဆုံးလုပ်မယ်။ လွှတ်တော်ထဲမှာလည်း အကောင်းဆုံးကြိုးစားမယ်။ ဒါပေမယ့် လွှတ်တော်ထဲရောက်လို့ လွှတ်တော်ပြင်ပက နိုင်ငံရေးကို လုံးဝလက်လွှတ်မှာ မဟုတ်ဘူးဆိုတာ အန်တီ သေချာပြောချင်ပါတယ်''ဟု ဖြေကြားခဲ့သည်။
ကော့မှူးမြို့နယ်အတွက် သီးခြားအဆိုတင်သွင်းရန် မရှိသေးကြောင်း၊ ၀န်ကြီးအပြောင်းအလဲ သတင်းများနှင့်ပတ်သက်၍ အဓိက အပြောင်းအလဲဆိုသည်မှာ မည်သူမည်ဝါဆိုသည်ထက် ကောင်းသည့်ပြောင်းလဲခြင်းဘက်သို့ ဦးတည်ရန်သာ အရေးကြီးကြောင်း ပြန်လည်ဖြေကြားခဲ့သည်။ 
 
 

ပဲခူးတိုင်း NDF ပါတီဝင်များ NLD ပါတီဝင်ဖို့ စီစဉ်

NDF အမျိုးသား ဒီမိုကရေစီ အင်အားစုပါတီရဲ့ ပဲခူးတိုင်း စည်းရုံးရေး ဥက္ကဋ္ဌလည်းဖြစ် ဗဟိုဦးစီး အဖွဲ့ ဝင်လည်း ဖြစ်တဲ့ ဦးအောင်မျိုးဝင်း အပါအ၀င် ပဲခူးမြို့ပေါ် က NDF ပါတီဝင် အင်အား ၁၀၀ ခန့် ဟာ NDF ပါတီကို ဒီလ စောစောပိုင်းမှာ နှုတ်ထွက်စာ တင်ခဲ့ပြီး NLD အမျိုးသားဒီမိုကရေစီ အဖွဲ့ ချုပ်ကို အဖွဲ့ ဝင်အဖြစ် လျှောက်လွှာပေးဖို့ စီစဉ်နေပြီလို့ သိရပါတယ်။
ပါတီက နုတ်ထွက်တဲ့ အကြောင်း ရွေးကောက်ပွဲ ကော်မရှင်ကို မနေ့က အကြောင်းကြားထားပြီ ဖြစ်ကြောင်းနဲ့  ပါတီဝင်အဖြစ်က နှုတ်ထွက်ဖို့  ဆုံးဖြတ်တာနဲ့ ပတ်သက်ပြီး ဦးအောင်မျိုးဝင်းက အခုလို ပြောပါတယ်။
"ကျွန်တော် ပဲခူးတိုင်း စည်းရုံးရေး ဥက္ကဋ္ဌ အဖြစ် အမျိုးသားဒီမိုကရေစီ အင်အားစုပါတီအတွက် လုပ်ဆောင်ပေးခဲ့ပါတယ်ဗျာ။ အခု ကျွန်တော်အနေနဲ့ ဒီပါတီမှာ ဆက်ပြီးလုပ်ချင်စိတ် မရှိတော့တဲ့အတွက် ကျွန်တော်ဒီကနေ နုတ်ထွက်ပြီးတော့ အမျိုးသားဒီမိုကရေစီ အဖွဲ့ချုပ်ကို ပြန်လည်ဝင်ရောက်ဖို့ ဆုံးဖြတ်လိုက်တဲ့ အတွက်ကြောင့်မို့လို့ ကျွန်တော် အခုလိုထွက်တာပါ။ ဒေါ်အောင်ဆန်းစုကြည်ကို ကျွန်တော် ဝိုင်းရံချင်တယ်။ အဲဒီအတွက်ကြောင့် ကျွန်တော် အခုလို နုတ်ထွက်ဖြစ်တာပါ။ ဒီပါတီက လူကြီးတွေနဲ့လည်း ကျွန်တော် ပြဿနာ မရှိပါဘူး။ ဘယ်သူဘယ်ဝါကြောင့်မှလည်း ထွက်တာမဟုတ်ပါဘူး"
တချိန်တည်းမှာပဲ ပဲခူးမြို့ပေါ်က NDF ပါတီဝင် အဖြစ်ကနေ နှုတ်ထွက်သူ ၁၀၀ခန့်  ရှိပြီး ပဲခူးတိုင်း အရှေ့ခြမ်း တောင်ငူ၊ ဖြူး၊ ညောင်လေးပင်နဲ့  ပဲခူးခရိုင် ဒေသခံ အမြောက်အများ NLD ပါတီဝင် အဖြစ် လျှောက်ထားဖို့  ပြင်ဆင်နေကြတယ်လို့ ဦးအောင်မျိုးဝင်းက ပြောပါတယ် ။

ရင်းနှီးမြှုပ်နှံမှုဆိုင်ရာ ဥပဒေသစ် စက်တင်ဘာလဆန်းပိုင်းမှာ စတင် ကျင့်သုံးဖွယ်ရှိ

မြန်မာနိုင်ငံ ရင်းနှီးမြှုပ်နှံမှုဆိုင်ရာ ဥပဒေသစ်အပေါ် လွှတ်တော်နှစ်ရပ်က ဆုံးဖြတ်အတည်ပြုပြီးရင် အစိုးရ အနေနဲ့  လာမယ့် စက်တင်ဘာလဆန်းပိုင်းက စတင်ပြီး ဥပဒေသစ်အတိုင်း ကျင့်သုံးဆောင်ရွက်တော့မယ်လို့ အမျိုးသား စီမံကိန်းနဲ့ စီးပွားရေး ဖွံ့ ဖြိုးမှုဌာန ဒုတိယ ၀န်ကြီး ဦးကံဇော်က ပြောကြားလိုက်ပါတယ် ။
ဟောင်ကောင်မှာ သတင်းထောက်တွေနဲ့ တွေ့ဆုံရာမှာ ဒု-၀န်ကြီး ဦးကံဇော်က ရင်းနှီးမြှုပ်နှံမှုဆိုင်ရာ ဥပဒေသစ်ဟာ ဒီမိုကရေစီ အသွင်ကူးပြောင်းရေး ဖော်ဆောင်နေတဲ့ မြန်မာနိုင်ငံအတွက် ရင်းနှီးမြှုပ်နှံမှုတွေ ပိုမိုတိုးမြှင့်လာစေမှာ ဖြစ်တယ်လို့ ပြောပါတယ်။
ပုံမှန်အားဖြင့် ဥပဒေသစ်တရပ်ကို အတည်ပြုဖို့  ၂ လခန့် အချိန်ယူတာမျိုး ရှိခဲ့ပေမဲ့  ဒီဥပဒေမူကြမ်းကိုတော့ အမျိုးသားလွှတ်တော်က ဆွေးနွေးအတည်ပြုပြီး နောက်တနေ့ ကစပြီး ဥပဒေ အသက်ဝင်မှာ ဖြစ်တယ်လို့  ဆိုပါတယ်။ဒီရင်းနှီးမြှုပ်နှံမှုဆိုင်ရာ ဥပဒေမူကြမ်းကို အခု ကျင်းပနေတဲ့ ပထမအကြိမ် အမျိုးသား လွှတ်တော် စတုတ္ထ ပုံမှန်အစည်းအဝေးမှာ ဆွေးနွေးကြမှာ ဖြစ်ပါတယ် ။

တားမြစ် လယ်တွေမှာ ထွန်ယက်စိုက်ပျိုးလျှင် အရေးယူမည်

အာဏာပိုင်တွေက စိုက်ပျိုးခွင့် ပိတ်ပင်တားမြစ်ထားတဲ့ လယ်တွေမှာ ထွန်ယက်စိုက်ပျိုးတဲ့ ပဲခူးတိုင်း ပန်းတောင်းမြို့နယ်က လယ်သမားတွေကို ဒီနေ့ ဆက်စိုက်ပျိုးရင် ဖမ်းဆီးအရေးယူမယ်လို့ အာဏာပိုင်တွေက ခြိမ်းခြောက်တယ်လို့ စုံစမ်းသိရှိရပါတယ်။ ပြီးခဲ့တဲ့လက စထွန်ယက်တာ ဘာမှအရေးမယူဘဲ နေရာက ပြီးခဲ့တဲ့ အင်္ဂါနေ့နဲ့ မနေ့ကတော့ လယ်သမားတွေ ထွန်ယက်တဲ့နေရာမှာ တပ်၊ ရဲနဲ့ အာဏာပိုင်အဖွဲ့အစည်းတွေ လာဝိုင်းတယ်လို့ လယ်သမားအရေး ဆောင်ရွက်ပေးနေတဲ့ နိုင်ငံသားနှင့်နိုင်ငံရေး အခွင့်အရေးလှုပ်ရှား ဆောင်ရွက်ရေးအဖွဲ့က ဦးရဲထင်က ပြောပြပါတယ်။

ဘိုးဘွားပိုင် လယ်တွေကို စစ်တပ်နဲ့ ဌာနဆိုင်ရာတွေက ဦးနေ၀င်း အုပ်ချုပ်တဲ့ ၁၉၇၂ ခုနှစ်မှာ တစ်ကြိမ်၊ ရှစ်လေးလုံး အရေးတော်ပုံကြီး နောက်ပိုင်း တက်လာတဲ့ စစ်အစိုးရလက်ထက် ၁၉၈၉ ခုနှစ်မှာ ကိုယ့်တပ်ရိက္ခာ ကိုယ်ရှာရမယ့် ညွှန်ကြားချက် ထွက်လာချိန်မှာ တစ်ကြိမ် သိမ်းထားခဲ့တာပါ။လယ်သမားတွေဟာ စစ်တပ်နဲ့ ဌာနဆိုင်ရာတွေက သိမ်းထားတဲ့ ဒီဘိုးဘွားပိုင် လယ်တွေမှာ သီးစားခပေးပြီး နှစ်စဉ် စိုက်ပျိုးခဲ့ရပါတယ်။ ဒါပေမဲ့ သီးစားခကလည်း တစ်နှစ်ထက် တစ်နှစ်ပိုပေးလာရ၊ ၀မ်းစာကလည်း မလုံလောက်၊ စိုက်စရိတ်လည်းမရ၊ စပါးရောင်းပြန်တော့လည်း ဈေးကောင်းမရ၊ အထွက်နှုန်း ကလည်းကျတဲ့အတွက် လယ်သမားတွေ အခက်အခဲတွေနဲ့ ရင်ဆိုင်ရပါတယ်။ဒါကြောင့် ပြည်၊ ပန်းတောင်း၊ သဲကုန်း၊ ကံမ မြို့နယ်တွေက လယ်သမား ၇၀၀ ကျော်ဟာ ဒီလယ်တွေမှာ လွတ်လွတ်လပ်လပ် စိုက်ပျိုးခွင့်ပေးဖို့ နိုင်ငံတော် သမ္မတဆီ မတ်လတုန်းက အသနားခံစာ ပေးပို့ခဲ့ပါတယ်။ ဒီလို ပေးပို့တဲ့အတွက် အာဏာပိုင်တွေက လယ်သမားတွေကို လယ်စိုက်ခွင့် ပိတ်ပင်လိုက်ပါတယ်။နည်းဥပဒေတွေ၊ လုပ်ထုံးလုပ်နည်းတွေနဲ့ မညီဘဲ သိမ်းထားတဲ့ လယ်တွေမှာ ၀င်ရောက်ထွန်ယက် ပြန်တော့လည်း ခုလို အာဏာပိုင်တွေက ခြိမ်းခြောက်နေတာပဲ ဖြစ်ပါတယ်။
ဒါကြောင့် လယ်ပဲစိုက်တတ်တဲ့ လယ်သမားတွေ လွတ်လပ်လပ် စိုက်ပျိုးခွင့်ပေးဖို့ နိုင်ငံသားနှင့် နိုင်ငံရေး အခွင့်အရေး လှုပ်ရှား ဆောင်ရွက်ရေးအဖွဲ့က အရေးပေါ် မေတ္တာရပ်ခံချက် တစ်စောင် မနေ့က ထုတ်ပြန်ပြီး နိုင်ငံတော် သမ္မတနဲ့ သက်ဆိုင်တဲ့ အစိုးရ အဖွဲ့အစည်းတွေဆီ ဒီနေ့ ပေးပို့မယ်လို့ ဦးရဲထင်က ပြောပါတယ်။


ကိုကာကိုလာကုမ္ပဏီနှင့် Max အချိုရည် ထုတ်လုပ်သော ပင်းယကုန်ထုတ်လုပ်ရေး ကုမ္ပဏီတို့ မြန်မာပြည် စီးပွားဖက်အဖြစ် ချိတ်ဆက်လုပ်ဆောင်ရန် ဆွေးနွေးနေ


နာမည်ကျော် အမေရိကန် ကုမ္ပဏီတစ်ခုဖြစ်သည့် ကိုကာကိုလာကုမ္ပဏီ နှင့် Max ၊ Max plus အချိုရည်များ၊ Max2O ၊ မြနန္ဒာ သောက်ရေသန့်များ ထုတ်လုပ်ရောင်းချနေသော မြန်မာထိပ်တန်း လုပ်ငန်းတစ်ခုဖြစ်သည့် ပင်းယကုန်ထုတ်လုပ်ရေး ကုမ္ပဏီတို့သည် မြန်မာပြည်စီးပွားဖက်အဖြစ် ချိတ်ဆက်လုပ်ဆောင်ရန် ဆွေးနွေးနေကြောင်း အချိုရည်လုပ်ငန်းများနှင့် နီးစပ်သည့် လုပ်ငန်းရှင်များထံမှ သတင်းရရှိပါသည်။

''ကိုကာကိုလာကုမ္ပဏီနဲ့ ပင်းယကုမ္ပဏီတို့ စီးပွားဖက်အဖြစ် ချိတ်ဆက်ဖို့ ဆွေးနွေးနေပါပြီ။ ကိုကာကိုလာ အချိုရည်တွေကို ပင်းယက တင်သွင်းဖြန့်ချိမယ်လို့ သိရပါတယ်''ဟု အဆိုပါလုပ်ငန်းနှင့် နီးစပ်သည့် စီးပွားရေးလုပ်ငန်းရှင်တစ်ဦးက ပြော ကြားပါသည်။ ပင်းယကုမ္ပဏီအနေဖြင့် ကိုကာကိုလာကုမ္ပဏီ အခြေစိုက်ထားသည့် အိမ်နီးချင်းနိုင်ငံများမှတစ်ဆင့် အချိုရည်များကို တင်သွင်းဖြန့်ချိသွားမည်ဖြစ်ပြီး လာမည့်နှစ်များတွင် မြန်မာနိုင်ငံအတွင်း အကျိုးတူဖက်စပ်စက် ရုံများ တည်ထောင်ကာ ထုတ်လုပ်ရောင်းချရန် စီစဉ်ထားကြောင်း သိရသည်။
ကိုကာကိုလာကုမ္ပဏီသည် လာမည့် သုံးနှစ်မှ ငါးနှစ်အတွင်း မြန်မာနိုင်ငံတွင် သိသာထင်ရှားသည့် ရင်းနှီးမြှုပ်နှံမှုများ ပြုလုပ်သွားရန် မျှော်မှန်းထားကြောင်း ထုတ်ပြန်ပြောကြားထားသည်။ ကိုကာကိုလာနှင့် ချိတ်ဆက်လုပ်ကိုင်မည့် ပင်းယ ကုန်ထုတ်လုပ်ရေးကုမ္ပဏီသည် မြန်မာနိုင်ငံ၏ ထိပ်တန်း အချိုရည်လုပ်ငန်းတစ်ခုဖြစ်ပြီး နှစ်စဉ်အချိုရည်ပုလင်းနှင့် ဘူးထုတ်လုပ်ရောင်းချမှု ပမာဏသန်း ရာဂဏန်းရှိကြောင်း အချိုရည်ဈေးကွက်အတွင်းမှ သိရပါသည်။
ကိုကာကိုလာကုမ္ပဏီသည် မြန်မာနိုင်ငံတွင် နှစ်ပေါင်း ၆၀ ကျော်အတွင်း တရားဝင် ပြန်လည်ရင်းနှီးမြှုပ်နှံရန် စီစဉ်နေပြီဖြစ်ကြောင်း ဇွန်လ ၁၄ ရက်နေ့က ထုတ်ပြန်ကြေညာခဲ့ပြီး ဇူလိုင်လဆန်းပိုင်းတွင် ပင်းယ ကုန်ထုတ်လုပ်ရေးကုမ္ပဏီနှင့် ချိတ်ဆက်ခဲ့ခြင်းဖြစ်ပါသည်။ ထို့ပြင် အခြားအမေရိကန် ကုမ္ပဏီအချို့သည် အမေရိကန်ပြည်ထောင်စုအစိုးရက  မြန်မာနိုင်ငံတွင် ရင်းနှီးမြှုပ်နှံမှုများ ပြုလုပ်နိုင်ရန် လိုင်စင် ထုတ်ပေးသည်နှင့်တစ်ပြိုင်နက် လုပ်ငန်းစတင်ရန် မြန်မာကုမ္ပဏီများနှင့် ချိတ်ဆက်မှုများ ပြုလုပ်နေပြီဖြစ်သည်။
ကိုကာကိုလာကုမ္ပဏီသည် မြန်မာနိုင်ငံသို့ ၁၉၂၇ ခုနှစ် စတင်ဝင်ရောက်ခဲ့ပြီး ဒုတိယကမ္ဘာစစ် မဖြစ်ခင်အချိန်ထိ ရင်းနှီးမြှုပ်နှံဖူးကြောင်း၊ မြန်မာနိုင်ငံသို့ ပြန်လည်ဝင်ရောက်မှုနှင့်အတူ မြန်မာအမျိုးသမီးများ အလုပ်အကိုင် အခွင့်အလမ်းအတွက် ပံ့ပိုးနိုင်ရန် အမေရိကန်ဒေါ်လာ သုံးသန်းကို ကိုကာကိုလာဖောင်ဒေးရှင်းအနေဖြင့် ကူညီထောက်ပံ့သွားမည်ဖြစ်ကြောင်း သိရပါသည်။ ပက်စီကုမ္ပဏီကလည်း မြန်မာထိပ်တန်းကုမ္ပဏီတစ်ခုဖြစ်သည့် ဒိုင်းမွန်းစတားကုမ္ပဏီနှင့် ချိတ်ဆက်ပြီး မြန်မာနိုင်ငံ အချိုရည်ဈေးကွက်အတွင်း မကြာမီဝင်ရောက်နိုင်ရန် ပြင်ဆင်နေပြီဖြစ်ပါသည်။


မြန်မာနိုင်ငံ ပိုင်နက်နယ်မြေအတွင်းသို့ တရားမ၀င် ၀င်ရောက်ပြီး စီးပွားဖြစ် ရော်ဘာခြံလုပ်ငန်း လာရောက်လုပ်ကိုင်နေသည့် ထိုင်းနိုင်ငံသားများအား ဖမ်းဆီးကြောင်းသိရ


တနင်္သာရီ တိုင်းဒေသကြီး ကော့သောင်းမြို့နယ် ခမောက်ကြီး မြို့နယ်ခွဲ နန့်တွန်နှင့် နန်ဟေ့လူနယ်စပ် စစ်ဆင်ရေး ခြေကုပ်စခန်းအကြား နယ်မြေရှင်းလင်းစဉ် မြန်မာနိုင်ငံ ပိုင်နက်နယ်မြေအတွင်း တရားမ၀င် ၀င်ရောက်ပြီး စီးပွားဖြစ် ရော်ဘာခြံလုပ်ငန်း လာရောက်လုပ်ကိုင်နေသည့် ထိုင်းနိုင်ငံသားများအား  လက်နက်ခဲယမ်းများ၊ ယာဉ်ယန္တရားများနှင့် အတူ ဖမ်းဆီးရမိခဲ့ကြောင်း ဇူလိုင်လ ၁၀ ရက်နေ့ထုတ် နိုင်ငံပိုင်သတင်းစာ များတွင် ဖော်ပြချက်အရသိရှိရသည်။
တပ်မတော် စစ်ကြောင်းများသည် အဆိုပါဒေသ၌ ဇူလိုင်လ ၄ ရက်နေ့ ညနေပိုင်းက နယ်မြေရှင်းလင်းရေးစဉ် ထိုင်းနိုင်ငံနှင့် ဆက်သွယ်သော မြေသားလမ်းကြောင်းနှင့် ရော်ဘာပင်ဧက ၁၀၀၀ ခန့်စိုက်ခင်းနှင့် အတူ  တဲပေါင်း ၂၀ ကျော်ကို တွေ့ရှိခဲ့ရပြီး  မြန်မာနိုင်ငံအတွင်း တရားမ၀င် ကျူးကျော်ဝင်ရောက် လုပ်ကိုင်နေသူ ထိုင်းနိုင်ငံသားများအား လက်နက်ခဲယမ်းများ၊ ယာဉ်ယန္တရားများ နှင့် အတူ ဖမ်းဆီးရမိခဲ့ကြောင်း သိရပြီး ဇူလိုင်လ ၅ ရက်နေ့တွင်လည်း ထပ်မံ ဖမ်းဆီးရမိခြင်း ရှိခဲ့ပြီး ဇူလိုင် ၇ ရက်နေ့အထိ ထိုင်းနိုင်ငံသား ကျား ၅၂ ဦး၊ မ ကိုးဦး စုစုပေါင်း  ၆၁ ဦးကို လက်နက်ငယ်မျိုးစုံ ၂၉ လက်၊ ခဲယမ်း မီးကျောက်မျိုးစုံ၊ မြေထိုးစက် သုံးစီး၊ ယာဉ်ငယ်မျိုးစုံ ၁၇ စီး၊ ဘက်ဟိုး ငါးစီး၊ မော်တော်ဆိုင်ကယ် အစီး ၂၀နှင့် ရော်ဘာပင် ဧက ၁၅၀၀ ဖမ်းဆီးရမိခဲ့သည်ဟု သိရသည်။
သတင်း ထုတ်ပြန်ချက်များအရ ထိုင်းနိုင်ငံသားများသည် မြန်မာနိုင်ငံ ပိုင်နက်နယ်မြေအတွင်းသို့ တရားမ၀င် ၀င်ရောက်ပြီး စီးပွားဖြစ် ရော်ဘာခြံလုပ်ငန်း လာရောက်နေကြခြင်းဖြစ်ပြီး လက်နက်ခဲယမ်းများ ကိုင်ဆောင် အသုံးပြုလျက်ရှိကြောင်း၊ တပ်မတော် စစ်ကြောင်းများမှ ရှင်းလင်း ဖမ်းဆီးထိန်းသိမ်းစဉ် အပြန်အလှန် ပစ်ခတ်တိုက်ခိုက်မှု တစ်စုံတစ်ရာ တိုက်ခိုက်မှုမရှိခဲ့ကြောင်း၊ ထိခိုက်ဒဏ်ရာရရှိမှုလည်း မရှိခဲ့ကြောင်း၊ ဖမ်းဆီးထားသည့် ထိုင်းနိုင်ငံသားများအား ကောင်းမွန်လုံခြုံစွာ စောင့်ရှောက်ထားပြီး သံတမန်နည်းအရ သက်ဆိုင်ရာ ထိုင်းအစိုးရထံသို့ အသိပေး အကြောင်းကြားထားကာ တည်ဆဲ ဥပဒေများဖြင့် ဆက်လက် အရေးယူရန် ဆောင်ရွက်သွားမည်ဟု သိရှိ ရပါသည်။
အဆိုပါ ဖြစ်စဉ်များနှင့် ပတ်သက်ပြီး တနင်္သာရီတိုင်းဒေသကြီးအတွင်းရှိ ဒေသခံများအား ဆက်သွယ်မေးမြန်းခဲ့ရာတွင် ယင်းဒေသမှာ လူသူ အရောက်အပေါက် နည်းသည့်ဒေသတစ်ခုဖြစ်ပြီး တောတောင် ထူထပ်ကြောင်း၊ ထို့အပြင် ရော်ဘာစိုက်ပျိုးခြင်း၏ နောက်ကွယ်တွင် အခြားစီးပွားရေးလုပ်ငန်းများလည်း လုပ်ကိုင်မှုရှိနေကြောင်း မြိတ်မြို့ခံတစ်ဦးက ပြောကြားပါသည်။