ပိတ်ဆို့မှု လုံးဝရုပ်သိမ်းစေချင်ရင် လက်တွေ့ဆောင်ရွက်ပြဖို့ ဒေါ်အောင်ဆန်း စုကြည် ပြောကြား

မြန်မာနိုင်ငံအပေါ် နိုင်ငံတကာက ချမှတ်ထားတဲ့ ပိတ်ဆို့ အရေးယူမှုတွေအားလုံး ဖယ်ရှားနိုင်ရေးအတွက် အခုလို ယာယီ ဆိုင်းငံ့ထားချိန်မှာ သက်ဆိုင်သူတွေက အောင်မြင်အောင် ဆောင်ရွက်ပြသနိုင်ဖို့ လိုတယ်လို့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောကြားလိုက်ပါတယ်။
ရန်ကုန်မြို့ အန်အယ်ဒီပါတီ ရုံးချုပ်မှာ မနေ့က ပြုလုပ်တဲ့ ဥရောပ (၅) နိုင်ငံခရီးစဉ် အတွေ့အကြုံ သတင်းစာရှင်းလင်းပွဲမှာမီဒီယာများ ရဲ့ မေးမြန်းချက်ကို ဒေါ်အောင်ဆန်းစုကြည်က အခုလို ဖြေကြားခဲ့ တာ ဖြစ်ပါတယ်။
ဒါ့အပြင် နိုင်ငံတကာက မိမိတို့ တိုင်းပြည်အပေါ် စေတနာရှိပါကြာင်း၊ အဲဒီစေတနာတွေ အကျိုးရှိလာအောင် မြန်မာနိုင်ငံဘက်က လုပ်ဆောင်ရမှာ ဖြစ်ကြောင်း စသဖြင့်လည်း ဒေါ်အောင်ဆန်းစုကြည် က သတင်းစာ ရှင်းလင်းပွဲမှာ ပြောပါတယ်။
ဆက်လက်ပြီး ရခိုင်ပြည်နယ်က ပဋိပက္ခကို ရေတိုရေရှည် နည်းလမ်း နှစ်မျိုးနှင့် ဖြေရှင်းသွားရလိမ့်မယ်လို့ ဒေါ်အောင်ဆန်းစုကြည်က ပြောပါတယ်။ မတူညီတဲ့ လူမျိုးစုတွေအကြား ပြန်လည် သင့်မြတ်မှု ရရှိရေးအတွက် တရားဥပဒေ စိုးမိုးရေး နည်းလမ်းတွေနဲ့ ဖြေရှင်းသွားရမှာ ဖြစ်တယ်လို့ သူက ပြောဆိုလိုက်ပါတယ်။
"ဒီရခိုင်ကိစ္စနဲ့ ပတ်သက်လို့ ကျွန်မတို့ ခရီးစဉ်မှာလည်း ခဏ ခဏ မေးပါတယ်။ ကျွန်မကတော့ ဒီဟာနှစ်ပိုင်း စဉ်းစားရမယ်ပေါ့နော်။ တစ်ပိုင်းကတော့ ရေရှည်အတွက်ဆိုလို့ရှိရင် ဘာသာ မတူတဲ့၊ ယဉ်ကျေးမှုမတူတဲ့ အစုအဖွဲ့တွေကြားထဲမှာ အဆင်ပြေအောင် လုပ်ဖို့ဆိုတာ အချိန်ယူရတယ်ဆိုတာ ဒါကတော့ အားလုံး သိပြီးသား ကိစ္စပါ။ ဒါပေမဲ့ ရေတိုမှာတော့ ကျွန်မအမြင်မှာတော့ ကျွန်မတို့က ဒီဥပဒေ စိုးမိုရေးကို ရှေ့တန်းတင်တင်နေလို့ ပြောတာ မဟုတ်ပါဘူး။ ဒီလို ကိစ္စတွေကြောင့်မို့လို့ ဥပဒေစိုးမိုးရေးကို ရှေ့တန်းတင်ရမယ်လို့ ကျွန်မတို့ မြင်တာပါ"
အခုလို ရခိုင်ပြည်က ပြဿနာတွေ ဖြေရှင်းဖို့အတွက် ရခိုင်အဖွဲ့ အစည်းတွေနဲ့ လက်တွဲဆောင်ရွက် သွားမယ်လို့လည်း ဒေါ်အောင် ဆန်းစုကြည်က ပြောကြားခဲ့ပါတယ်။
ဒီရှင်းလင်းပွဲမှာပဲ မြန်မာနိုင်ငံကို "Burma" လို့ အင်္ဂလိပ် ဘာသာစကားနဲ့ ပြောဆို သုံးစွဲတာဟာ လွတ်လပ်စွာ ပြောဆိုခွင့်နဲ့  ဒီမိုကရေစီ ကျင့်စဉ် သဘောအရ သုံးစွဲတာ ဖြစ်တယ်လို့ ဒေါ်အောင် ဆန်းစုကြည်က ပြောလိုက်ပါတယ်။
ဗိုလ်ချုပ်မှူးကြီး စောမောင်လက်ထက် န၀တ ခေတ်က ပြည်သူလူထုရဲ့ သဘောထား ဆန္ဒကို မလေ့လာပဲ Burma လို့ အရင်ကတည်းက သုံးစွဲခဲ့တာကို Myanmar လို့ ပြောင်းခဲ့တာ ဖြစ်တယ်လို့ ပြော ပါတယ်။
ဆန္ဒခံယူပွဲလို မဟုတ်တောင်မှ အနည်းဆုံး ပြည်သူတွေရဲ့ သဘောထားကို လေ့လာပြီး ပြောင်းမှသာ ဒီမိုကရေစီ သဘောထားကို လေးစားရာ ကျလိမ့်မယ်လို့ ဒေါ်အောင်ဆန်းစုကြည်က ပြောပါတယ်။

ဆွစ်ဇာလန်၊ နော်ဝေ၊ အိုင်ယာလန်၊ အင်္ဂလန်နှင့် ပြင်သစ်နိုင်ငံများသို့ ၁၇ ရက်ကြာ သွားရောက်ခဲ့သော ခရီးစဉ်နှင့် ပတ်သက်ပြီး ဇူလိုင်လ ၃ ရက်က ရွှေဂုံတိုင် အမျိုးသားဒီမိုကရေစီ အဖွဲ့ချုပ်ရုံးတွင် ပါတီဥက္ကဋ္ဌ ဒေါ်အောင်ဆန်းစုကြည်က သတင်းစာ ရှင်းလင်းပွဲကျင်းခဲ့ရာ ပြည်ပရင်း နှီးမြှုပ်နှံမှုများနှင့် ပတ်သက်ပြီး ပွင့်လင်းမြင်သာမှု ရှိရန်နှင့် ပြည်သူများ အကျိုးရှိရန် လိုအပ်ကြောင်းနှင့် ဥပဒေပြုရေး လုပ်ငန်းစဉ်များ ယခုထက်ပိုမို ပွင့်လင်းမြင်သာမှုရှိရန် ပြောကြားခဲ့သည်။
အဆိုပါ သတင်းစာရှင်းလင်းပွဲ၌ ဒေါ်အောင်ဆန်းစုကြည်က ဥရောပခရီးစဉ်နှင့် ပတ်သက်ပြီး အကျဉ်းချုံး ပြောကြားသွားခဲ့ပြီး သတင်းထောက်များ၏ မေးခွန်းများကို ပြန်လည်ဖြေကြားခဲ့သည်။
“ကျွန်မရောက်ခဲ့တဲ့ နိုင်ငံတွေက နိုင်ငံသူနိုင်ငံသားတွေတင် မကဘဲ အလည်အပတ် ရောက်ရှိနေကြတဲ့ တခြားနိုင်ငံတွေက ပြည်သူပြည်သားတွေကပါ မြန်မာနိုင်ငံရဲ့အရေးကိစ္စတွေ အပေါ်မှာ စိတ်ဝင်တစား ရှိကြပါတယ်။ ကျွန်မတို့နိုင်ငံဟာ တကယ့် ဒီမိုကရေစီလမ်းကြောင်းပေါ်ကို အောင်အောင်မြင်မြင်နဲ့ လျှောက်လှမ်းနိုင်ခဲ့ပြီဆိုရင် ကူညီချင်တဲ့သူတွေ၊ ၀ိုင်းဝန်းပြီးတော့ ထောက်ခံချင်တဲ့သူတွေ အင်မတန်များတာ တွေ့ခဲ့ရပါတယ်။ အမှတ်မထင်ဘဲနဲ့ တွေ့ခဲ့ရတာက ကျွန်မတို့နဲ့ဝေးနေတယ်လို့ ယူဆထားတဲ့ အာဖရိကတိုက်ကလူတွေကတောင် မြန်မာနိုင်ငံရဲ့ အရေးကိစ္စတွေ အပေါ် အားတက်သရောနဲ့ စိတ်ဝင်စားတာ တွေ့ခဲ့ရပါတယ်”ဟု ဒေါ်အောင်ဆန်းစုကြည်က ပြောကြားခဲ့သည်။
သတင်းထောက်များ၏ မေးခွန်းများကို ပြန်လည်ဖြေကြားခဲ့ရာတွင် မြန်မာနိုင်ငံတွင် လာရောက် လုပ်ကိုင်နေကြသည့် ပြည်ပရင်းနှီး မြှုပ်နှံမှုများအပေါ် အကာအကွယ်ပေးရေးနှင့် ပတ်သက်ပြီး ဟောင်ကောင်သတင်းထောက်၏ မေးမြန်းမှုအပေါ် “ပြည်ပက လာရောက် ရင်းနှီးမြှုပ်နှံမှု ပြုလုပ်ရာမှာ ဘယ်သူက၊ ဘယ်နေရာမှာ၊ ဘာရည်ရွယ်ချက်နဲ့ ရင်းနှီးမြှုပ်နှံမယ်ဆိုတာ ကျွန်မတို့ သိဖို့လိုပါတယ်။ ပွင့်လင်းမြင်သာမှု မရှိရင် တာဝန်ခံမှုဆိုတာမျိုးလည်း ရှိမှာ မဟုတ်တော့ပါဘူး။ ထပ်ပြီး ပြောရရင် ရင်းနှီးမြှုပ်နှံမှုတွေဟာ မြန်မာနိုင်ငံသားတွေအတွက် အကျိုးရှိ ရမယ်။ နိုင်ငံသားတွေ အကျိုးရှိရင် ကျွန်မတို့လက်ခံတယ်။ နံပါတ်တစ် အနေနဲ့ ပြောရမယ်ဆိုရင် ပွင့်လင်းမြင်သာမှုရှိဖို့က အရေးအကြီးဆုံးပါပဲ” ဟု ဖြေကြားခဲ့သည်။
ပိတ်ဆို့အရေးယူမှုများနှင့် ပတ်သက်ပြီး ဒေါ်အောင်ဆန်းစုကြည်က “စီးပွားရေးပိတ်ဆို့မှု ဆိုင်းငံ့တာနဲ့ ဖယ်ရှားတာနဲ့ မတူဘူး ဆိုပေမယ့် ဆိုင်းငံ့တုန်းမှာ စပြီးလုပ်ပေါ့။ ဆိုင်းငံ့ထားတုန်းမှာ ဘာမှမထူးခြားနိုင်ဘူးဆိုရင် ဖယ်ရှားတော့ရော ထူးခြားနိုင်မလားဆိုတာ မေးစရာဖြစ်ပါတယ်။ ဆိုင်းငံ့ထားတုန်း ရတဲ့အခွင့်အရေးကိုယူပြီး အောင်မြင်အောင် လုပ်ပေါ့”ဟု ဖြေကြားခဲ့သည်။
ပြီးခဲ့သော ဧပြီလ ၁ ရက်နေ့ ကြားဖြတ်ရွေးကောက်ပွဲတွင် ကော့မှူးမဲဆန္ဒနယ်မှ ပြည်သူ့လွှတ်တော် ကိုယ်စားလှယ်အဖြစ် ရွေးချယ်ထားခံရသူ ဒေါ်အောင်ဆန်းစုကြည်က လွှတ်တော်တွင်း၌ ဥပဒေပြုရေးနှင့် ပတ်သက်ပြီး “ဥပဒေပြုရေး ပြုပုံပြုနည်းကိုက ပြုပြင်ဖို့လိုမယ်လို့ ထင်ပါတယ်။ ဥပဒေပြုနေတဲ့အချိန်မှာ ပိုပြီးတော့ ပွင့်လင်းမြင်သာမှုရှိဖို့ လိုမယ်လို့ ထင်ပါတယ်။ အခုဆိုရင် ဥပဒေတွေကပြုပြီးမှ ထုတ်ပြန်ပြီးမှ အများပြည်သူတွေလေ့လာခွင့် ရပြီး ဥပဒေတွေထဲမှာ ဘာတွေပါတယ် ဆိုတာသိခွင့်ရကြတာ။ တကယ်ဆို ရင် ဥပဒေမပြုခင် လွှတ်တော်ထဲမှာ ဆွေးနွေးနေတဲ့အချိန်မှာ ပွင့်လင်းမြင် သာဖို့လိုပါတယ်။ ဒါမှသာ ပါဝင် ပတ်သက်နေတဲ့လူတွေက ဥပဒေထဲ မှာ ပါတဲ့အချက်တွေကို လေ့လာပြီး တော့မှ လိုရင်လိုသလို ပိုရင်ပိုသလို ပြောဆိုနိုင်တဲ့အခါကျတော့ မပြုခင်ကတည်းက အကောင်းဆုံးဖြစ်အောင် စီစဉ်နိုင်မယ်ထင်ပါတယ်။ ပြုပြင်တာတို့ မလိုတဲ့ဥပဒေတွေ ပယ်ဖျက်တာတို့ ဘာပဲလုပ်လုပ် ပွင့်လင်းမြင်သာမှု ရှိဖို့လိုအပ်ပါတယ်”ဟု ဆိုပါသည်။
အမျိုးသား ဒီမိုကရေစီအဖွဲ့ချုပ်အနေဖြင့် ကြားဖြတ်ရွေးကောက်ပွဲ မတိုင်မီ မဲဆွယ်စည်းရုံးစဉ်က တရား ဥပဒေစိုးမိုးရေး၊ အမျိုးသားရင်ကြားစေ့ရေးနှင့် ဖွဲ့စည်းပုံ အခြေခံဥပဒေ ပြင်ဆင်ရေးစသည့် အချက်သုံးချက် ကို ပြောဆိုထားခဲ့သလို လွှတ်တော်တွင်း ရောက်ရှိသွားချိန်တွင်လည်း အဆိုပါအချက်သုံးချက်ကိုပင် အကောင်အထည်ဖော်သွားမည်ဟု ပြောကြားခဲ့ပြီး တရားဥပဒေစိုးမိုးရေးကို ဦးစားပေးဆောင်ရွက်သွားမည်ဟု ၎င်းကပြောကြားခဲ့သည်။
“ဥပဒေစိုးမိုးရေးက အများကြီး အခြေခံကျလို့ ပထမဦးစားပေးနေရာမှာ ရွေးထားတာပါ။ ပြည်တွင်း ငြိမ်းချမ်းရေး ဆိုတာကလည်း ဥပဒေ စိုးမိုးရေးနဲ့ အများကြီးဆိုင်ပါတယ်။ ဒါကြောင့် ဥပဒေစိုးမိုးရေးနဲ့ဆိုင်သမျှကို ဦးစားပေးပြီးလုပ်သွားပါမယ်။ ကျန်နှစ်ခုကိုလည်း ဆက်စပ်ပြီး လုပ်သွားမှာပါ”ဟုပြောကြားခဲ့သည်။
ပြည်တွင်းတက္ကသိုလ်များ၏ အဆင့်အတန်း မြှင့်တင်ရေးအတွက် အစိုးရများ၊ အဖွဲ့အစည်းများနှင့် တက္ကသိုလ်များ၏ ကမ်းလှမ်းမှုများ ရှိခဲ့ပြီး ဆွေးနွေးနေဆဲဖြစ်ကြောင်း ၎င်းကပြောဆိုခဲ့ပြီး တက္ကသိုလ်ပညာရေးနှင့် ပတ်သက်ပြီး နှစ်ပိုင်းရှိကြောင်း ပထမအပိုင်းမှာ အတန်းတွင်း သင်ကြားပေးသော အတန်းပညာဖြစ်ပြီး ကျန်အပိုင်းမှာ တက္ကသိုလ်တွင်နေရသည့် အတွေ့အကြုံ(Campus Life) ဖြစ်ကြောင်း၊ တက္ကသိုလ်ကျောင်းသားများ၏ ဘ၀အတွေ့အကြုံသည်လည်း များစွာအရေးကြီး၊ မြန်မာနိုင်ငံတွင် အဆိုပါအချက်များစွာ အားနည်းနေကြောင်း ဒေါ်အောင်ဆန်းစုကြည်က ဆိုပါသည်။
ထို့အပြင်သူမက “မြန်မာနိုင်ငံမှာ ပညာရေးနဲ့ပတ်သက်ပြီး ပြောရရင် အသက်မွေးဝမ်းကြောင်းဆိုင်ရာ ပညာရပ်တွေ ထည့်သွင်းသင်ကြားဖို့ ခဏ ခဏပြောလေ့ရှိပါတယ်။ ဒါကလည်း ကျွန်မတို့နိုင်ငံမှာ လူငယ်တွေ အလုပ်လက်မဲ့ဖြစ်နေလို့ပါ။ အလုပ်လက်မဲ့ဖြစ်နေတဲ့ လူငယ်တွေအလုပ်ရဖို့ဆိုရင် အသက်မွေးဝမ်းကျောင်း ပညာတွေသင်ပေးမှ ဖြစ်မှာပါ။ နောက်ပြီး အလုပ်လည်း ဖန်တီးပေးရမှာပေါ့။ ကျောင်းပညာရေးစနစ် ကတော့ အခြေခံကပြီး စပြုပြင်ရမှာပါ။ နောက်ပြီးပညာရေးနဲ့ ပတ်သက်လို့ ခဏခဏ အစမ်းလုပ်နေတာဟာ ကျောင်းသူကျောင်းသားတွေ အတွက် နစ်နာပါတယ်။ ပညာရေးစနစ်တစ်ခုဟာ ခေတ်နဲ့ကိုက်ညီအောင်၊ လက်ရှိတိုင်းပြည်ရဲ့အခြေအနေနဲ့ ကိုက်ညီ ကျွမ်းကျင်သူတွေနဲ့ တိုင်ပင်ပြီးရေးဆွဲဖို့ လိုပါတယ်။ နောက်ပြီးပညာရေး နဲ့ပတ်သက်ပြီး အများကြီးသုံးဖို့ လိုပါတယ်။ ကိုယ့်နိုင်ငံကအများကြီး သုံးမှသာ တခြားနိုင်ငံကတောင်းရတာ လိပ်ပြာသန့်မယ်လို့ ထင်ပါတယ်။ ကိုယ့်နိုင်ငံက ပညာရေးနဲ့ပတ်သက်ပြီး နည်းနည်းလေးပဲသုံးပြီး တခြားနိုင်ငံတွေကို ကူပါကူပါလို့ပြောနေလို့တော့ မသင့်တော်ပါဘူး။ တခြားနိုင်ငံတွေရဲ့ အကူအညီကိုတော့ ရသလောက်တောင်းရမှာပဲ။ ကိုယ်ကလိုနေတာကိုး။ ဒါပေမယ့် ကိုယ့်နိုင်ငံအနေနဲ့လည်း သုံးရမှာပဲ”ဟု ပညာရေး စနစ် ပြုပြင်ပြောင်းလဲရေးနှင့် ပတ်သက်ပြီး သတင်းထောက်တစ်ဦး မေးမြန်းချက်အား ဖြေကြားသွားခဲ့သည်။
မီဒီယာဥပဒေနှင့် ပတ်သက်ပြီး အမျိုးသားဒီမိုကရေစီ အဖွဲ့ချုပ်အနေဖြင့် အဓိကပတ်သက်နေသည့် မီဒီယာများနှင့်ဆွေးနွေးရန် အစီအစဉ်ရှိ မရှိ မေးမြန်းမှုအပေါ် ဒေါ်အောင်ဆန်း စုကြည်က “အခုမှလွှတ်တော်ကို ပထမဆုံး တက်ရောက်ရမှာဖြစ်လို့ အဲဒီဥပဒေထဲမှာ ဘာတွေပါတယ်ဆိုတာ ကျွန်မတို့လည်းမသိပါဘူး။  စောစောကပြောခဲ့သလိုပဲ ပိုပြီးတော့ ပွင့်လင်းမြင်သာမှု လိုတယ်ဆိုတာပါ။ ပါဝင်ပတ်သက်တဲ့သူတွေက ဘာတွေပါလည်းဆိုတာ သိရမယ်။ အရေးအကြီးဆုံးက မီဒီယာလောက က လူ တွေသိရမယ်။ မီဒီယာလောက က လူတွေက ဒီဥပဒေတွေဟာ ကျွန်မတို့ နိုင်ငံမှာ လွတ်လပ်စွာရေးသားခွင့်ကို ဘယ်လောက် အားပေးရဲ့လား၊ ဘယ်လိုဥပဒေတွေနဲ့ ချုပ်ချယ်ထားတာရှိသေးလဲ။ ဒါတွေက မီဒီယာလောက က လူတွေအသိဆုံးဖြစ်မယ်။ ကျွန်မ တို့လည်း သိဖို့လိုတယ်။ သတင်းစာတွေနဲ့ ပတ်သက်တဲ့ဥပဒေတွေဟာ သတင်းသမားတွေ တင်မက သတင်း စာဖတ်တဲ့သူတွေလည်း သိဖို့လိုအပ်တယ်။ ဒါမှသာ သူတို့ဖတ်ရတဲ့ သတင်းတွေဟာ ဘယ်လောက် ဖြတ်တောက်ထားသလဲ၊ ဘယ်လောက် ပိတ်ဆို့ထားသလဲ၊ ဘယ်လောက် လွတ်လပ်ခွင့်ရထားသလဲ ဆိုတာ သုံးသပ်နိုင်မှာပါ။ အဲဒီတော့ ကျွန်မတို့အနေနဲ့ လွှတ်တော်ထဲမှာပိုပြီး ပွင့်လင်းမြင်သာမှုရှိဖို့ တတ်နိုင်သလောက် ကြိုးစားသွားမှာပါ။ နောက်ပြီး ကျွန်မတို့ အနေနဲ့ မီဒီယာသမားတွေနဲ့ ဆွေးနွေးမှာပါ။ မီဒီယာလောကနဲ့ဆိုင်တဲ့ဟာ တွေကို မီဒီယာသမားတွေနဲ့ မဆွေးနွေးဘဲ ဘယ်သူနဲ့ဆွေးနွေးရမှာလဲ။ ဥပမာဆိုရရင် ပညာရေးနဲ့ဆိုင်တဲ့ ကိစ္စတွေကို ပညာရေးနဲ့ ပတ်သက်ပြီး ကျွမ်းကျင်တဲ့သူတွေနဲ့ ဆွေးနွေးရမှာပေါ့။ သူတို့နဲ့မဆွေးနွေးဘဲ ဘယ်လိုအကြံဥာဏ်ကောင်းတွေ ရနိုင်ပါမလဲ။ အားလုံးပါဝင်မှုနဲ့ ပွင့်လင်းမြင်သာမှုစတဲ့ အချက်နှစ်ချက်ကို စွဲကိုင်ပြီး လုပ်သွားမှာပါ”ဟု ဖြေကြားခဲ့သည်။
ဆက်လက်ပြီး အမျိုးသားဒီမို ကရေစီအဖွဲ့ချုပ်အနေဖြင့် အနောက် နိုင်ငံများနှင့် ပိုမိုနီးကပ်သော ဆက်ဆံရေးရှိနေခြင်းကြောင့် တစ်ချိန်ချိန်တွင် အစိုးရအဖွဲ့အတွင်းသို့ ရောက်ရှိ လာပါက မြန်မာနိုင်ငံနှင့် ဆက်ဆံရေးအတွက် တရုတ်နိုင်ငံက ပူပန်မှုများရှိသည်ဆိုသော မေးခွန်းနှင့်ပတ်သက်ပြီး ၎င်းက နှစ်နိုင်ငံအကြား ဆက်ဆံမှုများ ယခင်အတိုင်း ဆက်ရှိနေရန် မျှော်လင့်ကြောင်း ပြောကြားခဲ့သည်။
“တရုတ်နဲ့ အရင်ကတည်းက ဆက်ဆံရေး ကောင်းခဲ့ပါတယ်။ မြန်မာနိုင်ငံ လွတ်လပ်ရေးရကတည်း က ဒီမိုကရေစီစနစ်နဲ့ရခဲ့တာပါ။ ပါလီ မန်ဒီမိုကရေစီစနစ်ကို ကျင့်သုံးခဲ့တာပါ။ အဲဒီအချိန်ကတည်းက တရုတ်ရဲ့ ကွန်မြူနစ်အစိုးရကို ပထမဆုံး အသိအမှတ်ပြုခဲ့တဲ့ နိုင်ငံဖြစ်ခဲ့ပါတယ်။ အင်မတန်ကောင်းမွန်တဲ့ ဆက်ဆံရေး ရှိခဲ့ပါတယ်။ ပြဿနာတွေရှိခဲ့ပေမယ့် ပြေပြေလည်လည် ဖြေရှင်းနိုင်ခဲ့ ကြပါတယ်။ စနစ်မတူလို့ ဆက်ဆံ ရေးမကောင်းနိုင်ဘူးဆိုတာ မဟုတ်ပါဘူး။ စိုးရိမ်ပူပန်မှုရှိတာဆိုတာကလည်း ကျွန်မတို့ကို ပြောတာမဖြစ်နိုင်ပါဘူး”ဟု ပြောကြားခဲ့သည်။
ဇူလိုင်လ ၄ ရက်နေ့တွင် ပြုလုပ်မည့် စတုတ္ထအကြိမ် ပြည်သူ့လွှတ်တော် ပုံမှန်အစည်းအဝေးအား တက်ရောက်နိုင်သေးခြင်း မရှိခြင်းနှင့်ပတ်သက်ပြီး ဒေါ်အောင်ဆန်းစုကြည်က “ရန်ကုန်မှာ လုပ်စရာအလုပ်တွေ မပြီးသေးလို့ မတက်ရသေးတာပါ။ ဒီမှာ တွေ့စရာလူတွေနဲ့တွေ့ပြီး ဆွေးနွေးဖို့ရှိသေးသလို အခုသတင်းစာ ရှင်းလင်းပွဲအပြီးမှာ အမှုဆောင်အဖွဲ့ဝင်တွေနဲ့ ဆွေးနွေးဖို့လည်း ရှိပါသေးတယ်။ နောက်ပြီး ကျွန်မရဲ့မြို့နယ်ကိုလည်း သွားရဦးမှာဖြစ်လို့ပါ။ ဒါတွေပြီးပြီဆိုရင် နေပြည်တော်ကိုသွားမှာပါ”ဟု ဖြေကြားခဲ့သည်။
ရခိုင်ပြည်နယ်တွင် ဖြစ်ပျက်ခဲ့သော အဖြစ်အပျက်များနှင့် ပတ်သက်ပြီး ဒေါ်အောင်ဆန်းစုကြည်က ပြောကြားခဲ့ရာတွင် “ရေရှည်အတွက်ဆိုရင် ဘာသာမတူတဲ့၊ ယဉ်ကျေးမှု မတူတဲ့ အစုအဖွဲ့တွေကြားမှာ အဆင်ပြေအောင် ဆိုရင်တော့ အချိန်ယူရပါ တယ်။ ရေတိုမှာတော့ ဒီလိုကိစ္စတွေဟာ ဥပဒေစိုးမိုးရေးနဲ့ ဆိုင်ပါတယ်။ ဒီကိစ္စကို ဥရောပမှာ တစ်ခေါက်မက ရှင်းပြပြီးပါပြီ။ ဥပဒေစိုးမိုးရေး ဆိုတာ ဥပဒေရဲ့အချက်အလက်တွေ မှာလည်း တည်တယ်။ ဥပဒေကိုထိ ရောက်အောင်လုပ်တဲ့ လုပ်ထုံးလုပ်နည်းတွေမှာလည်း တည်ပါတယ်။ အဲဒီတော့ နိုင်ငံသား ဥပဒေဘက်ကိုလည်း ကြည့်ရမယ်။ မြန်မာနိုင်ငံသား ဥပဒေဟာဘယ်လိုလဲ။ ဒီဥပဒေဟာ နိုင်ငံတကာ စံနှုန်းနဲ့ညီရဲ့လား။ ဒါတွေကိုလည်း ကြည့်ဖို့ လိုပါတယ်။ နောက်တစ်ခါဒီဥပဒေတွေကို ထိရောက်အောင် တကယ်ပဲလုပ်နိုင်ရဲ့ လား။ ဒါတရားဥပဒေစိုးမိုးရေး ပဲ။ တရားဥပဒေစိုးမိုးအောင် လုပ်နိုင်ပြီဆိုရင်ကြီးတဲ့ ပြဿနာဟာ ကျုံ့သွားနိုင်ပါတယ်။ ပြဿနာ ပျောက်သွားမယ်လို့ ပြောတာ မဟုတ်ဘူးနော်။ ချက်ချင်းလက်ငင်း မီးတောက်ကြီးကနေ မီးပွားလေးအဖြစ် ရောက်သွားအောင် လုပ်နိုင်မယ့် အခြေအနေ ရှိတယ်လို့ ပြောတာပါ။ ဥပဒေစိုးမိုးမှုသာ ရှိခဲ့ရင်ပေါ့။ သေးတဲ့အမှုကိုကြီး အောင်၊ ကြီးတဲ့အမှုကိုကိုင်တွယ်လို့ မရအောင်တော့ မလုပ်ကြပါနဲ့လို့ မေတ္တာ ရပ်ခံချင်ပါတယ်။ ကြီးတဲ့အမှုသေးအောင်၊ သေးတဲ့အမှု ပပျောက်အောင်၊ နိုင်ငံသူနိုင်ငံသားတွေ စိတ်လုံခြုံမှုအတွက် ဦးတည်ပြီးတော့ လုပ်စေချင်ပါတယ်”ဟု ပြောကြားခဲ့သည်။
ဇူလိုင်လ ၃ ရက်နေ့က နိုင်ငံရေး အကျဉ်းသားများ ပြန်လွှတ်ပေးခဲ့ခြင်း နှင့်ပတ်သက်ပြီး ဒေါ်အောင်ဆန်းစုကြည်က ပြောဆိုခဲ့ရာတွင် “နိုင်ငံရေးအကျဉ်းသားတွေနဲ့ ပတ်သက်လို့က တော့ အားလုံးလွှတ်ပေးပါလို့ အမြဲ ပြောခဲ့ပါတယ်။ကျွန်မတို့ရရှိထားတဲ့ စာရင်းအရကတော့ နိုင်ငံရေးအကျဉ်းသား ၃၃၀ ရှိတယ်လို့ပြောပါတယ်။ ဒီတော့ ကျွန်မတို့အနေနဲ့ ဒီ ၃၃၀ လုံး လွှတ်ပေးဖို့ တောင်းဆိုမှာဖြစ်ပါတယ်”ဟု ပြောကြားသွားခဲ့သည်။
အမျိုးသား ဒီမိုကရေစီအဖွဲ့ချုပ်အနေဖြင့် လွှတ်တော်တွင်း၌ လယ်သမား၊ အလုပ်သမားများ၏ အရေးနှင့် ပတ်သက်ပြီး ဆွေးနွေးရန်အစီအစဉ် ရှိ၊ မရှိ မေးမြန်းခဲ့ခြင်းအား ဒေါ်အောင်ဆန်းစုကြည်က “ဆွေးနွေးစရာတွေ ကတော့အများကြီးပါပဲ။ မြေလွတ် မြေရိုင်းဥပဒေဆိုတာ ထွက်လာမှပဲ ကျွန်မတို့သိရတယ်။ ဖတ်ခွင့်ရဖို့ တောင်မလွယ်ဘူး။ ထုတ်ပြန်တာကလည်း လွယ်လွယ်ကူကူ ၀ယ်လို့ရတာ မဟုတ်ဘူး။ ဥပဒေကို ဖတ်ကြည့်တဲ့အခါ တောင်သူလယ်သမားတွေဖက်က မကျေနပ်တာ တော်တော်များများ ရှိတယ်။ တောင်သူလယ်သမား တော်တော်များများကတော့ ဒီဥပဒေ တွေကိုမသိပါဘူး။ ဖတ်လည်းဖတ်ကြမှာ မဟုတ်ပါဘူး။ ဖတ်ဖို့လည်း မလွယ်ပါဘူး။ အဲဒါကြောင့် ပွင့်လင်း မြင်သာမှုတွေ အများကြီးလိုတယ်။ ကျွန်မတို့အနေနဲ့ လယ်ယာမြေကိစ္စတွေနဲ့ ပတ်သက်ပြီး အဆိုတင်သွင်းတာတွေ လုပ်မယ်ဆိုရင် တတ်နိုင်သမျှ ပွင့်ပွင့်လင်းလင်း လုပ်ပါမယ်။ ဘာမှ လျှို့ဝှက်ပြီးလုပ်မှာ မဟုတ်ပါဘူး။ ကျွန်မတို့ရဲ့ကိုယ်စားလှယ်တွေ က ၄၄ ယောက်ပဲရှိတယ်ဆိုတာ အားလုံး သိပြီးသားဖြစ်မှာပါ။ ၄၄ ယောက်ထဲမှာ နယ်ကကိုယ်စားလှယ်တွေများ ပါတယ်။ နယ်မှာကြုံနေရတဲ့ ပြဿနာတွေနဲ့ပတ်သက်ပြီး တင်ပြချင်တာတွေကတော့ အများကြီးရှိမှာ သေချာပါတယ်”ဟု ဖြေကြားခဲ့သည်။
ယခုဥရောပခရီးစဉ်နှင့် ပတ်သက်ပြီး ဒေါ်အောင်ဆန်းစုကြည်က “ကျွန်မ အခုသွားခဲ့တဲ့ နိုင်ငံတွေက ချမ်းသာတဲ့ နိုင်ငံတွေပါ။ မြန်မာနိုင်ငံသူ နိုင်ငံသားတွေကို အားတက်စရာ ပြောရမယ်ဆိုရင်တော့ နော်ဝေနိုင်ငံ ကို ရောက်တဲ့အခါမှာ နော်ဝေနိုင်ငံသားတွေ တော်တော်များများက သူတို့ နိုင်ငံဟာ တစ်ချိန်က တော်တော်ဆင်းရဲပါတယ်လို့ ပြောကြပါတယ်။ အခုဆိုရင် ကမ္ဘာပေါ်မှာ အချမ်းသာဆုံး နိုင်ငံ တစ်ခုဖြစ်နေတယ်။ တော်တော်များများက သမိုင်းကိုမမေ့ဘူး။ သူတို့ဟာ တစ်ချိန်ကဆင်းရဲခဲ့တယ်။ ဒါပေမယ့် သူတို့ချမ်းသာအောင် လုပ်နိုင်ခဲ့တယ်။ သူတို့ကိုယ်သူတို့ မမေ့ဘူး။ သူတို့ကိုယ်သူတို့ ဂုဏ်ယူတာလည်း ရှိတယ်။ နှိမ့်ချတာလည်းရှိတယ်။ မြန်မာနိုင်ငံသူနိုင်ငံသားတွေကို ပြောချင်တာက ဆင်းရဲတဲ့ နိုင်ငံတစ်ခုကလည်း ချမ်းသာနိုင်တယ်ဆိုတာ ပြောချင်ပါတယ်။ ကိုယ်ချမ်းသာတဲ့အခါ မှာ ဆင်းရဲတဲ့နိုင်ငံတွေကို ကူညီချင်တဲ့ စိတ်ရှိရမယ်။ ဒါနော်ဝေနိုင်ငံရဲ့ လေးစားစရာ ကောင်းတဲ့အချက်ပဲ” ဟု ပြောဆိုခဲ့ပါသည်။
နောက်ဆုံးအနေဖြင့် ဒေါ်အောင်ဆန်းစုကြည်က”ရခိုင်ပြည်နယ် အရေးနဲ့ ပတ်သက်လို့ကတော့ ရခိုင် အဖွဲ့အစည်းတွေနဲ့ ဆွေးနွေး တိုင်ပင်ပြီး အကူအညီပေးသွားမှာ ဖြစ်ပါတယ်”ဟု ပြောကြားသွားခဲ့သည်။              
 

တရုတ်နှင့် ဆက်ဆံရေး NLD အလေးထား

ဒေါ်အောင်ဆန်းစုကြည်နှင့် အနောက်နိုင်ငံများ နီးစပ်သည့်အပေါ် တရုတ်နိုင်ငံက စိုးရိမ်နေမှုနှင့် ပတ်သက်၍ အမျိုးသား ဒီမိုကရေစီအဖွဲ့ချုပ် (NLD) သည် အိမ်နီးချင်းတရုတ်နိုင်ငံနှင့် ဆက်ဆံရေးအပေါ် အလေးထားကြောင်းနှင့် စနစ်ချင်း မတူသော်လည်း အိမ်နီးချင်းကောင်းများ အဖြစ် လက်ခံထားကြောင်း NLD ဥက္ကဋ္ဌ ဒေါ်အောင်ဆန်းစုကြည်က ပြောဆိုလိုက်သည်။
“အမျိုးသား ဒီမိုကရေစီအဖွဲ့ချုပ်က တရုတ်နိုင်ငံနဲ့ ဆက်ဆံရေးကောင်းဖို့ အစဉ်တစိုက်ပဲ ကြိုးစားခဲ့ပါတယ်။ ဆက်ပြီးတော့ ကြိုးစားသွားမယ်။ ကြိုးစားသလောက် အသီးအပွင့် ရမယ်လို့ မျှော်လင့်ပါတယ်” ဟု သူက ရန်ကုန် NLD ရုံးချုပ်တွင် ယနေ့ကျင်းပသော ဥရောပခရီးစဉ်နှင့် ပတ်သက်သည့် သတင်းစာရှင်းလင်းပွဲတွင် ပြောလိုက်ခြင်း ဖြစ်သည်။
အရှေ့တိုင်း နိုင်ငံများက လာရောက် လည်ပတ်ရန် ဖိတ်ကြားပါကလည်း သွားရောက်မည် ဖြစ်ကြောင်း၊ တရုတ်နိုင်ငံနှင့် ပတ်သက်၍ ယခင်ကတည်းက ဆက်ဆံရေး ကောင်းခဲ့ကြောင်း၊ မြန်မာနိုင်ငံ သည် လွတ်လပ်ရေး ရပြီးကတည်းက ပါလီမန် ဒီမိုကရေစီကို ကျင့်သုံးခဲ့သည့် တိုင်အောင် တရုတ်နိုင်ငံ၏ ကွန်မြူနစ် အစိုးရကို ပထမဆုံး အသိအမှတ်ပြုသည့် အထဲ၌ မြန်မာနိုင်ငံ ပါခဲ့ကြောင်း ရှင်းပြသည်။
“အဲဒီတော့ စနစ်ချင်း မတူလို့ ဆက်ဆံရေး မကောင်းနိုင်ဘူး ဆိုတာ မဟုတ်ပါဘူး။ မြန်မာနိုင်ငံနဲ့ တရုတ်နိုင်ငံ အကြားမှာ အဲဒီအချိန်တုန်းက အင်မတန်မှ ရင်းနှီးနွေးထွေးတဲ့ ဆက်ဆံရေး ရှိခဲ့ပါတယ်။ ပြဿနာတွေ ဖြစ်ခဲ့ပေမယ့်လည်း အေးအေး ချမ်းချမ်း ဖြေရှင်းခဲ့ပါတယ်” ဟု သူက ဆိုသည်။
ပြည်ထောင်စု ရွေးကောက်ပွဲကော်မရှင်က Burma ဟု မသုံးနှုန်းရန် ပြောဆို အသိပေးခြင်းနှင့် ရွေးကောက်ပွဲတွင် မမှန်မကန် သတင်းမေး တိုင်ကြားသည်ဟုဆိုကာ အမျိုးသားဒီမိုကရေစီ အဖွဲ့ချုပ် (NLD) မှ ဦးဉာဏ်ဝင်းကို တရားစွဲဆိုလိုက်ခြင်းနှင့် ပတ်သက်၍ သတင်းထောက် တဦးက မေးမြန်းရာတွင် ၎င်းက နိုင်ငံတွင် ဒီမိုကရေစီ ထွန်းကားရေး လုပ်ဆောင်သည်ဟု ပြောဆိုနေမှုအပေါ် မေးခွန်းထုတ်စရာများ ဖြစ်နေကြောင်း ပြောသည်။
“တကယ်ပဲ ဒီမိုကရေစီ ထွန်းကားရေးအတွက် လုပ်နေတယ်ဆိုတာ ဟုတ်ပါ့မလား” ဟု ဒေါ်အောင်ဆန်းစုကြည်ကမေးခွန်းထုတ်သည်။
တရားစွဲဆို ခံထားရသူ ဦးဉာဏ်ဝင်းကလည်း ပြည်ထောင်စု ရွေးကောက်ပွဲကော်မရှင်၏ လုပ်ရပ်သည် ဒီမိုကရေစီ နောက်ကြောင်း ပြန်လှည့် သွားစေချင်သော လက္ခဏာဟု ထင်မြင်စရာဖြစ်ကြောင်း ပြောသည်။
ပြည်ထောင်စု ရွေးကောက်ပွဲကော်မရှင်က Burma ဟု မသုံးနှုန်းရန် သတိပေးမှုအပေါ် ဒေါ်အောင်ဆန်းစုကြည်က မြန်မာနိုင်ငံသည် လွတ်လပ်ရေး ရရှိချိန်တွင် ကမ္ဘာ့နိုင်ငံများက Burma ဟု သာသုံးနှုန်း ခဲ့ကြောင်း၊ Myanmar ဟူသောအသုံးအနှုန်းကို ယခင် စစ်အစိုးရလက်ထက်တွင် ပြည်သူလူထု ဆန္ဒမပါဘဲ ပြောင်းလဲခဲ့ကြောင်း၊ ၎င်းအနေဖြင့် Burma ဟု ခေါ်ဝေါ် သုံးစွဲခြင်းမှာ ဥပဒေ ချိုးဖောက်ခြင်း မဟုတ်ဘဲ ဒီမိုကရေစီ သဘောသဘာဝ အရ ကမ္ဘာတွင် တွင်ကျယ်သော အသုံးအနှုန်းကို သုံးနှုန်းခြင်းသာ ဖြစ်ကြောင်း ဒေါ်အောင်ဆန်းစုကြည်က ဆိုသည်။
“လွတ်လွတ်လပ်လပ် ပြောဆိုပိုင်ခွင့် ဆိုတာက ဘယ်သူ့ကိုမှလည်း စော်ကားတာ မဟုတ်ဘူး။ အဲဒီတော့ အဲဒါကလည်း ဒီမိုကရေစီရဲ့ သဘောတရား၊ ဒီမိုကရေစီရဲ့ မူဝါဒနဲ့ ဆိုင်တယ်။ ကျမအနေနဲ့ ဒီမိုကရေစီကို ယုံကြည်လို့ ကျမ သုံးချင်သလို သုံးလို့ရတယ်လို့ မြင်တယ်” ဟု ဒေါ်အောင်ဆန်းစုကြည်က ရှင်းလင်း ပြောဆိုသည်။
ဦးဉာဏ်ဝင်းကလည်း ဒေါ်အောင်ဆန်းစုကြည် အနေဖြင့် Burma ဟု သုံးနှုန်းခြင်းသည် ဥပဒေ ချိုးဖောက်မှု လုံးဝ မဟုတ်ဟု သတင်းစာ ရှင်းလင်းပွဲတွင် ပြောဆိုသည်။
“ဒီကိစ္စ စာပို့တဲ့ နေရာမှာ ဖွဲ့စည်းပုံ အခြေခံဥပဒေကို ကိုးကားပြီး ပြောတယ်။ အဲဒါနဲ့ ပတ်သက်လို့ ပထမဆုံး ပြောချင်တာက ကျနော်တို့ လိုက်နာရမယ့် ဖွဲ့စည်းပုံ အခြေခံဥပဒေက မြန်မာပြည်မှာ တခုပဲ ရှိတယ်။ ဗမာလိုပဲ ရှိတယ်၊ ဗမာစာနဲ့ပဲ ရှိတယ်။ အင်္ဂလိပ်လို မရှိပါဘူး။ ပြည်ထောင်စု ရွေးကောက်ပွဲ ကော်မရှင်က ပြောနေတာက အင်္ဂလိပ်လို ပြောနေတာ။ အင်္ဂလိပ်လို ဖွဲ့စည်းပုံ အခြေခံဥပဒေ တိုင်းပြည်မှာ မရှိဘူး” ဟု ဦးဉာဏ်ဝင်းက ဆိုသည်။
ယနေ့ ကျင်းပသော သတင်းစာ ရှင်းလင်းပွဲတွင် ဖမ်းဆီးထိန်းသိမ်း အကျဉ်းချခြင်း ခံထားရသော နိုင်ငံရေးအကျဉ်းသား ၃၃၀ကို အမြန်လွှတ်ပေးရန် တောင်းဆိုကြောင်း ဒေါ်အောင်ဆန်းစုကြည်က ပြောသည်။
“နိုင်ငံရေး အကျဉ်းသားတွေနဲ့ ပတ်သက်လို့ အားလုံးလွှတ်ပေးပါ။ ကျမတို့စာရင်းက ၃၃၀ ရှိတယ်။ ၃၃၀ စလုံး လွှတ်ဖို့ တောင်းဆိုပါတယ်” ဟု သူက ဆိုသည်။
ဥရောပ ၅ နိုင်ငံသို့ လှည့်လည် သွားရောက်ခဲ့သော ဒေါ်အောင်ဆန်းစုကြည်က ခရီးစဉ်အတွင်း ဥရောပနိုင်ငံများ၏မြန်မာ့ ဒီမိုကရေစီ ပြုပြင်ပြောင်းလဲမှုအပေါ် ထောက်ခံကြိုဆိုမှုနှင့် ကူညီလိုသော စေတနာများ တွေ့မြင်ခဲ့ရကြောင်း၊ မြန်မာနိုင်ငံ အနေဖြင့် ပြည်ပနိုင်ငံများ၏ စေတနာကို အသိအမှတ်ပြုကာ ပြောင်းလဲ လုပ်ဆောင်ခြင်းဖြင့်ရလဒ်ကောင်းများ ရရှိမည်ဖြစ်ကြောင်း ပြောသည်။
“ဥရောပ ခရီးစဉ်ရဲ့ အကြီးမားဆုံး ရလဒ်ကတော့ နိုင်ငံတကာအနေနဲ့ ဒီနိုင်ငံပေါ်မှာ အများကြီး စေတနာရှိတယ်။ ဒီစေတနာက အကျိုးတွေ ဖြစ်ဖို့ဆိုတာက ဒီနိုင်ငံကလုပ်ယူရမှာ။ အဲဒီတော့ ရလဒ်ကိုတော့ ကိုယ့်ဟာကိုယ် ရအောင် လုပ်ယူရမယ်။ စေတနာ က အကျိုးဖြစ်အောင် ကိုယ့်ဟာကိုယ် ရအောင် လုပ်ယူရမယ်။ ဥရောပ နိုင်ငံ့ခေါင်းဆောင် တွေနဲ့ တွေ့တဲ့အခါမှာ အားလုံးက
ပြောတဲ့ စကားပေါ့နော်။ မြန်မာနိုင်ငံရဲ့ ဒီမိုကရေစီဖြစ်စဉ်ကို လုံးဝ ထောက်ခံတယ်။ ဒီမိုကရေစီ ဖြစ်စဉ် စစ်မှန်ဖို့အတွက် တတ်နိုင်တဲ့ ဘက်ကနေ ၀ိုင်းပြီး ကူညီကြမယ်လို့ ပြောပါတယ်” ဟု ဒေါ်အောင်ဆန်းစုကြည် ရှင်းပြသည်။
လက်ရှိ မြန်မာနိုင်ငံအပေါ် ချမှတ်ထားသော စီးပွားရေး ပိတ်ဆို့မှုများ ဖယ်ရှားရေးကို နိုင်ငံအများစုက ဆိုင်းငံ့ လိုက်ကြပြီးစီးပွားရေး ပိတ်ဆို့မှုများ အားလုံး ဖယ်ရှားရေးမှာ ဒီမိုကရေစီ ပြုပြင်ပြောင်းလဲရေး လုပ်ငန်းများပေါ်တွင်သာ မူတည်နေကြောင်း၎င်းက ဆိုသည်။
ပညာရေး ကဏ္ဍနှင့်ပတ်သက်၍လည်း ၎င်းက ဥရောပနိုင်ငံများက ပညာရေးဆိုင်ရာ အကူအညီပေးရန် ကမ်းလှမ်းမှုများ ရှိနေရာ မြန်မာနိုင်ငံ အစိုးရက ပညာရေးအတွက် ပြုပြင်ပြောင်းလဲမှုများ ပြုလုပ်ရန် အရေးကြီးကြောင်း၊ အထူးသဖြင့် ပညာရေး အသုံးစရိတ် မြှင့်တင်ရန် လိုအပ်နေကြောင်း ပြောသည်။
ကျောင်းပညာရေး စနစ်ကို အခြေခံမှ စတင် ပြုပြင်ရာတွင် ဆရာ၊ ဆရာမများ ထံမှ စတင်ရမည် ဖြစ်ကြောင်း၊ ဆရာ၊ ဆရာမ များက ကောင်းမွန်စွာ သင်ကြားပေးနိုင်မှသာ ကျောင်းသူကျောင်းသား ကလေးငယ်များ ပညာ ကောင်းကောင်း တတ်မည် ဖြစ်ကြောင်း၊ ပညာရေးနှင့် ပတ်သက်၍ မကြာခဏ စမ်းသပ်နေခြင်းသည် ကျောင်းသားများ အတွက် နစ်နာကြောင်း၊ ပညာရေးစနစ် တခုကို ယခုခေတ် ကမ္ဘာနှင့်လည်း ကိုက်ညီ၊ နိုင်ငံ၏ အခြေအနေနှင့်လည်း ကိုက်ညီစေရန် ပညာရှင်များနှင့် ဆွေးနွေး လုပ်ဆောင်ရမည် ဖြစ်ကြောင်း သူက ဆိုသည်။
“ပညာရေးအတွက် အများကြီး ပိုသုံးဖို့ လိုတယ်။ ပညာရေးအတွက် ကိုယ့်နိုင်ငံက ပိုပြီးတော့ သုံးမှလည်း တခြားနိုင်ငံက တောင်းရတာ ကျမတို့ အနေနဲ့ လိပ်ပြာ သန့်တယ်လို့ ထင်ပါတယ်။ ကိုယ့်နိုင်ငံက ကိုယ့်ပညာရေးအတွက် နည်းနည်းလေး သုံးပြီးတော့ တခြားနိုင်ငံက ကူပါ၊ ကူပါဆိုရင် သိပ်ပြီးတော့ မသင့်လျော်ပါဘူး။ တခြားနိုင်ငံတွေ ဆီကလည်း အကူအညီတွေ ရသလောက် တောင်းမှာပဲ၊ လိုနေတာကိုး။ ကိုယ့်နိုင်ငံကလည်း ပညာရေးအတွက် မြှင့်တင်ပြီးတော့ သုံးစွဲဖို့လိုတယ်” ဟု
ဒေါ်အောင်ဆန်းစုကြည်က ပြောသည်။
လွှတ်တော်တွင် တင်သွင်းမည့် အဆိုနှင့် ဥပဒေကြမ်းများကို ယခုအချိန်တွင် ထုတ်ဖော်ပြောဆို နိုင်ခြင်း မရှိသေးသော်လည်းပွင့်လင်း မြင်သာမှုနှင့် အားလုံးပါဝင်မှုဖြင့် အများပြည်သူ အပါအဝင် နိုင်ငံအကျိုး ဖြစ်ထွန်း နိုင်သော ဥပဒေများ ပေါ်ထွက်ရေးအတွက် ဆောင်ရွက်မည်ဟု ဆိုသည်။
ပြန်ကြားရေးဝန်ကြီးဌာနက လာမည့် လွှတ်တော် အစည်းအဝေးများတွင် တင်သွင်းရန်ရှိသည့် မီဒီယာဥပဒေကြမ်းနှင့် ပတ်သက်ပြီး သတင်းထောက် တဦးက မေးမြန်းရာ ဒေါ်အောင်ဆန်းစုကြည်က “ဥပဒေတွေ ဆွဲတဲ့အခါမှာ ပိုပြီးတော့ ပွင့်လင်း မြင်သာဖို့လိုတယ်။ ပါဝင်ပတ်သက်တဲ့ သူတွေက ဘာတွေပါလဲ သိရမယ်။ ပြည်သူတွေက သိရမယ်။ ဒီဥပဒေတွေကတကယ်ပဲ ကျမတို့နိုင်ငံမှာ လွတ်လွတ်လပ်လပ် ရေးသားဖော်ပြခွင့်ကို အားပေးရဲ့လား၊ ဘယ်လိုနည်းတွေနဲ့ ချုပ်ခြယ်ထားတာ ရှိလဲ။ မီဒီယာလောကက အသိဆုံးပဲ။ ကျမတို့လည်း သိဖို့လိုတယ်။ ကျမတို့ သိရုံနဲ့လည်း မပြီးသေးဘူး။ သတင်းစာနဲ့ ပတ်သက်တဲ့ ဥပဒေတွေကို သတင်းသမားတွေသာ မက သတင်းစာဖတ်တဲ့ သူတွေလည်း သိပိုင်ခွင့်ရှိရမယ်” သူက ဖြေကြားသည်။
ဆက်လက်၍ ၎င်းက ထိုသို့ စာဖတ်သူများက သိရှိမှသာလျှင် သတင်းများကို မည်မျှ ဖြတ်တောက်ထားသည်၊ မည်သို့ ဖြတ်တောက်ထားသည်၊ မည်မျှ ပိတ်ဆို့ထားသည်၊ မည်မျှ လွတ်လပ်စွာ ရေးထားသည် ဆိုခြင်းကို လေ့လာသုံးသပ် နိုင်မည် ဖြစ်ကြောင်း ပြောသည်။
“ကျမတို့ လွှတ်တော်ထဲမှာ ရှိရင် ပိုပြီးတော့ ပွင့်လင်းမြင်သာမှု ရှိမယ်၊ တတ်နိုင်သလောက် ကြိုးစားပြီး လုပ်သွားမယ်။တတ်နိုင်သမျှ အားလုံးပါဝင်မှု၊ ပွင့်လင်းမြင်သာမှု နှစ်ခုကို ဆွဲကိုင်ပြီးတော့ အများပြည်သူ အကျိုးဖြစ်နိုင်မယ့်၊ နိုင်ငံကိုအကျိုးပြုနိုင်မယ့် ဥပဒေတွေ ပေါ်ထွက်လာအောင် ကြိုးစားမယ်” ဟု ၎င်းက ဆိုသည်။
ဖွဲ့စည်းပုံအခြေခံဥပဒေ ပြင်ဆင်ရေးအတွက်လည်း တပ်မတော်သား လွှတ်တော် ကိုယ်စားလှယ်များနှင့် ပူးပေါင်း ဆောင်ရွက် သွားမည်ဟု ဒေါ်အောင်ဆန်းစုကြည်က ပြောသည်။
“တပ်မတော်သား ကိုယ်စားလှယ်တွေကို ဖယ်ရှားလို့ မဖြစ်ပါဘူး။ သူတို့နဲ့အတူ လက်တွဲပြီးတော့ လုပ်ရမှာလေ။ ကျမ ပြောပြီးပြီလေ၊ အစ ကတည်းက ဖယ်ရှားချင်စိတ်နဲ့ ၀င်သွားတာ မဟုတ်ဘူး၊ ပူးတွဲဆောင်ရွက်ဖို့၊ ပူးတွဲ ဆောင်ရွက်မှသာလျှင် ဒီဖွဲ့စည်းပုံအခြေခံ ဥပဒေကို ပြုပြင်နိုင်မှာပါ။ ဖွဲ့စည်းပုံ အခြေခံဥပဒေကို ပြုပြင်နိုင်ဖို့ တပ်မတော်သားတွေနဲ့ ပူးတွဲ ဆောင်ရွက်မှ ရမှာပေါ့။ အဲဒါ စောင့်နေတယ်” ဟု သူက ရှင်းပြသည်။
ရခိုင်ပြည်နယ်တွင် ဖြစ်ပွားနေသော ပဋိပက္ခများနှင့် ပတ်သက်၍လည်း ဥပဒေ စိုးမိုးမှုရှိမှသာ အခြေအနေများ တည်ငြိမ် ဖြစ်ကြောင်း ဘာသာမတူ၊ ယဉ်ကျေးမှု မတူသည့် အစုအဖွဲ့များ ကြားထဲတွင် အဆင်ပြေစေရေးအတွက် လုပ်ဆောင် ရာတွင် အချိန်ယူရမည် ဖြစ်ကြောင်း၊ အဆိုပါ ကိစ္စရပ်များအတွက် ဥပဒေစိုးမိုးရေးကို ရှေ့တန်း တင်ရမည်ဖြစ်ကြောင်း၊ မကြာခဏ ၎င်းကို မေးမြန်းခဲ့သည့်အတွက် ထိုကိစ္စနှင့် ပတ်သက်၍ ဥရောပတွင်လည်း တခေါက်မက ရှင်းပြပြီး ဖြစ်ကြောင်း၊ ဥပဒေကို ထိရောက်စေရန် လုပ်သည့် လုပ်ထုံးလုပ်နည်းများ အပေါ်၌လည်း မူတည်ကြောင်း ဒေါ်အောင်ဆန်းစုကြည်က ပြောသည်။
“အဲဒီတော့ နိုင်ငံသား ဥပဒေကိုလည်း ကြည့်ရမယ်။ ဒီဥပဒေတွေက နိုင်ငံတကာ စံနှုန်းနဲ့ ညီလား၊ ဒါတွေလည်း ကြည့်ရမယ်။ ဒီဥပဒေတွေကို ထိထိရောက်ရောက် ဖြစ်အောင် လုပ်ရဲ့လား၊ တရားဥပဒေဘက်က ထိထိရောက်ရောက် လုပ်နိုင်လို့ရှိရင် ပြဿနာကြီးရာက နေပြီး ကျုံ့သွားနိုင်တယ်လို့ ယုံတယ်။ ပြဿနာ ပျောက်သွားမယ်လို့ ပြောတာ မဟုတ်ဘူး၊ ပြဿနာက ရှိနေဦးမှာ။ ဒါပေမယ့် မီးတောက်ကြီးကနေ ချက်ချင်းလက်ငင်း မီးပွားလေးအထိ ဖြစ်သွားအောင်တော့လုပ်နိုင်တဲ့ အခြေအနေရှိတယ်လို့မြင်တယ်။ သေးတဲ့အမှု ကြီးသွားအောင်၊ ကြီးတဲ့အမှု ကိုင်တွယ်လို့ မရအောင် လုပ်တဲ့ ဟာမျိုးကိုတော့ မလုပ်ကြပါနဲ့လို့ မေတ္တာရပ်ခံ ချင်ပါတယ်။ ကြီးတဲ့အမှု သေးအောင်၊ သေးတဲ့အမှု ပပျောက်အောင် ကျမတို့နိုင်ငံ အေးချမ်းသာယာရေးနဲ့ လူသားအားလုံး စိတ်လုံခြုံမှုကို ဦးတည်ပြီးတော့ လုပ်စေချင်ပါတယ်” ဟု
သူက ရှင်းပြသည်။
ဒေါ်အောင်ဆန်းစုကြည်က ဇူလိုင်လ ၉ ရက်နေ့ လွှတ်တော်အစည်းအဝေး မတက်ရောက်ခင် ၎င်း မဲအနိုင်ရရှိခဲ့သည့် ကော့မှူးမြို့နယ်သို့ သွားရောက်ပြီး မဲဆန္ဒရှင် ပြည်သူများနှင့် တွေ့ဆုံမည်ဖြစ်ကြောင်းလည်း ယနေ့ သတင်းစာ ရှင်းလင်းပွဲတွင် ထုတ်ဖော်ပြောဆို သွားသည်။

သစ်ခိုးခုတ်သူများနှင့် ထိုင်းအာဏာပိုင်များ ပစ်ခတ်မှု ၂ ဦး ဒဏ်ရာရ

ထိုင်း – မြန်မာ နယ်စပ်တွင် သစ်ခိုးခုတ်သည့် မြန်မာ နိုင်ငံသားများနှင့် ထိုင်း သစ်တော အာဏာပိုင်များ တနင်္ဂနွေနေ့ ညကပစ်ခတ်မှု ဖြစ်ပွားခဲ့ကြောင်း သိရှိရသည်။တာ့ခ်ခရိုင် မယ်လမမြို့နယ် အတွင်းရှိ ဟွေပါကလောင်း ကျေးရွာနှင့် ၈ ကီလိုမီတာခန့် အကွာတွင် သစ်ခိုးခုတ်နေသူများကို သွားရောက် ဖမ်းဆီရာမှ အပြန်အလှန် ပစ်ခတ်မှု ဖြစ်ပွားခဲ့ခြင်း ဖြစ်သည်။
ပစ်ခတ်မှု ဖြစ်ပွားခဲ့သောကြောင့် ထိုင်းသစ်တော အရာရှိ တဦးနှင့် မြန်မာနိုင်ငံသား တဦး သေနတ် ဒဏ်ရာများ ရရှိ၍ မယ်လမမြို့ နယ် ဆေးရုံတွင် ဆေးကုသမှု ခံယူနေရကြောင်း၊ ထိုင်းသစ်တော အရာရှိတွင် ဒဏ်ရာပြင်းထန်စွာ ရရှိထားကြောင်း ထိုင်း အာဏာပိုင်များက သစ်ခိုးခုတ်နေသည့် မြန်မာနိုင်ငံသား ၁၀ ဦးအနက် ၈ ဦးကို ဖမ်းဆီးထားပြီး သက်သေခံ ပစ္စည်းများအဖြစ် M16 သေနတ်တလက်နှင့် သစ်ခုတ်ရာတွင် သုံးသည့် စက်ပစ္စည်း တချို့တို့ကို သိမ်းဆည်းရမိကြောင်း သတင်းများအဆိုအရ အဖမ်းခံရသူများသည် အသက် ၁၈ နှစ်မှ ၃၅ နှစ်အရွယ်များ ဖြစ်ပြီး မယ်လဒုက္ခသည် စခန်းအတွင်း နေ ထိုင် သူများ ဖြစ်ကြောင်း သိရသည်။
မယ်လ ဒုက္ခသည် စခန်း ဥက္ကဌ စောထွန်းထွန်းကမူ ဒုက္ခသည် စခန်း၏ အပြင်တွင် ဖြစ်ပွားသောကြောင့် အတိအကျ မပြောပြနိုင် သော်လည်း မယ်လဒုက္ခသည် စခန်းက လူတချို့ ပါဝင်ကြောင်း ကြားသိရကြောင်းလတ်တလော အဖမ်းခံရသူများ၏ အခြေအနေကို မသိရှိရသော်လည်း ထိုင်း သူဌေး တဦး၏ တပည့် အဖြစ် အလုပ်လုပ်ကိုင် နေ သူများ ဖြစ်နိုင်ကြောင်း အဖမ်းခံရသူများကို မယ်လမမြို့နယ် ရဲစခန်းမှ တဆင့် ယနေ့ မဲဆောက်မြို့နယ် ရဲစခန်းသို့ ခေါ်ဆောင်သွားမည်ဟု ကြားသိ ရကြောင်းထိုင်း-မြန်မာနယ်စပ်တွင် ဒုက္ခသည်စခန်း ၉ ခုရှိသည့် အနက် မယ်လ ဒုက္ခသည်စခန်းသည် ဒုက္ခသည် ၅ သောင်းခန့် နေထိုင်သော စခန်းတခု ဖြစ်သည်။
မယ်လ ဒုက္ခသည် စခန်း အပါအ၀င် အုန်းဖျန်၊ နို့ဖိုး၊ မယ်လဦး၊ မယ်ရာမို၊ ထန်ဟင်း၊ ဘန့်ဒုံယမ်း စသည့် ဒုက္ခသည်စခန်း ၇ ခုနှင့် ကရင်နီ စခန်း အမှတ် (၁)၊ အမှတ် (၂) စခန်းတို့ ဖြစ်ပြီး ထိုစခန်းများတွင် ဒုက္ခသည် တသိန်း ခြောက်သောင်းခန့် ရှိကြောင်း ကူညီ ကယ်ဆယ်ရေးနှင့် အထောက်အပံ့ပေးရေး အဖွဲ့များ၏ စာရင်းအရ သိရသည်။ ယင်း ဒုက္ခသည်များသည် ၁၉၈၃ ခုနှစ်မှ စတင်၍ မြန်မာ အစိုးရ တပ်များ၏ ထိုးစစ်ဆင်မှုကြောင့် ထွက်ပြေးလာကြသူများ ဖြစ်သည်။

လမ်းတံတားကြေး မမှန်မကန်ကောက်ခံမှု ချင်းပြည်နယ် ၀န်ကြီးချုပ်ထံ တိုင်ကြား

စစ်ကိုင်းတိုင်း ကလေးမြို့ဘက်ကနေ ချင်းတောင်ကို တက်လာတဲ့ ကားတွေကို တီးတိန်မြို့နယ် ခိုင်ကမ်းကျေးရွာ Toll Gate လို့ခေါ်တဲ့ လမ်းတံတား အသုံးပြုခ ပေးဆောင်ရတဲ့ဂိတ်မှာ တာဝန်ကျသူတွေက မမှန်မကန် အခွန်ငွေ ကောက်ခံနေကြတာကြောင့် ချင်းပြည်နယ် ၀န်ကြီးချုပ် အနေနဲ့ ဒီကိစ္စကို ဖြေရှင်းပေးဖို့ တီးတိန် မြို့မိ မြို့ဖတွေက မနေ့က စာရေးသား တိုင်ကြား လိုက်တယ်လို့ သိရပါတယ်။
ကလေးမြို့ကနေ တီးတိန်မြို့ကို တက်မယ့်ကားတွေဟာ ခိုင်ကမ်းကျေးရွာကနေ ၂၂ မိုင်ဝေးတဲ့ သိုင်းငင်းကျေးရွာ အထိသာ အခွန်ပေးဆောင်ရမှာ ဖြစ်ပေမယ့် ဂိတ်တာဝန်ရှိသူတွေက မိုင်ပေါင်း ၁၄၀ ခန့်ရှိတဲ့ ခိုင်ကမ်း-သိုင်းငင်း-ဟားခါးအထိ အခွန်ပေးဆောင် ခိုင်းနေရတာကြောင့် နစ်နာနေရတာ ဖြစ်တယ်လို့ တီးတိန်မြို့က ကားပိုင်ရှင်တစ်ဦးက ကိုပြောပါတယ်။
တီးတိန်နဲ့ ဟားခါး သွားတဲ့လမ်းဟာ သိုင်းငင်းကျေးရွာကနေ သီးခြားစီ ခွဲထွက်သွားတာ ဖြစ်ပါတယ်။ နိုင်ငံတော်အစိုးရက ပြီးခဲ့တဲ့ ဧပြီလ ၂၂ ရက်နေ့ ကစပြီး Toll Gate လို့ ခေါ်တဲ့ အခွန်ဂိတ်တွေ ချမှတ်ဖို့ ကြေညာပြီး ခိုင်ကမ်းဂိတ်ကို မေလ ၁၂ ရက်နေ့က ဖွင့်လှစ်ခဲ့တာ ဖြစ်ပါတယ်။
တီးတိန်ကို တက်မယ့်ကားတွေဟာ အရင်က ဆန်တစ်အိတ် တန်ဆာခ ၈၀၀ ကျပ် ပေးဆောင်ရာကနေ အခု ၁၅၀၀ ကျပ်အထိ တိုးမြင့်လာတဲ့အတွက်ကြောင့် တီးတိန်၊ တွန်းဇံ၊ ကျီခါးနဲ့ ရိဒ်ခေါဒါရ်မြို့နယ်ခွဲတွေမှာ ကုန်ဈေးနှုန်းတွေ မြင့်တက်နေတယ်လို့ ၀န်ကြီးချုပ်ထံ တိုင်ကြားစာမှာ ဖော်ပြထားပါတယ်။
ဒါကြောင့် ဒီကိစ္စကို ချင်းပြည်နယ် အစိုးရအနေနဲ့ စုံစမ်းစစ်ဆေးပြီး Toll Gate ကို ကန်ထရိုက်ယူထားပြီး မတရားငွေ ကောက်ခံသူကို အရေးယူပေးဖို့ တင်ပြထားကြတာ ဖြစ်ပါတယ်။

စီးပွားရေး ဦးမော့ဖို့ မျိုးဆက်နဲ့ချီ လုပ်ရမယ်လို့ ADB ပြော

မြန်မာ့စီးပွားရေး ပြန်လည်ခေါင်းထောင်ပြီး အရှေ့တောင်အာရှဒေသတွင်း အောင်မြင်နေတဲ့ တခြားနိုင်ငံများကို မှီဖို့ မျိုးဆက်နဲ့ချီ အလုပ်လုပ်ရဦးမယ်လို့ ဖိလစ်ပိုင်နိုင်ငံ မနီလာမြို့အခြေစိုက် အာရှဖွံ့ဖြိုးရေးဘဏ် (Asian Development Bank – ADB) ဒု ဥက္ကဋ္ဌ မစ္စတာ စတိဗ်ဂရော့ဖ်က ပြောဆိုလိုက်ပါတယ်။
ADB က မကြာသေးမီက မြန်မာပြည်မှာ စီးပွားရေးလေ့လာမှု ပြုလုပ်ခဲ့ပြီး စစ်တမ်းထုတ်ပြန်ချိန်မှာ သူက ဒီလို ပြောဆိုတာပါ။
သမ္မတ ဦးသိန်းစိန်လက်ထက် စီးပွားရေးကဏ္ဍတွေကို ကနဦး လေ့လာဆန်းစစ်ချက်များ ပြုလုပ်ခဲ့ပြီး ထုတ်ပြန်ခဲ့တဲ့ စစ်တမ်းမှာ ADB က မြန်မာ့စီးပွားရေးမှာ အခရာကျတဲ့ စွမ်းအင်၊ လမ်းပန်းဆက်သွယ်ရေး၊ လယ်ယာစိုက်ပျိုးရေး ကဏ္ဍတွေမှာ အားကောင်းမောင်းသန် ဥပဒေများ အတည်ပြု စိုးမိုးရေးနဲ့ ကဏ္ဍအလိုက် အကောင်အထည်ဖော်မယ့် နည်းဗျူဟာ အကြမ်းဖျဉ်းကို ရေးဆွဲဖို့ တိုက်တွန်းထားပါတယ်။
ဒီတိုက်တွန်းပြောဆိုချက်ဟာ ယခုအပတ်မှာ ပြန်စတဲ့ လွှတ်တော်ညီလာခံများနဲ့ တိုက်ဆိုင်နေပြီး သုံးနှစ်အတွင်း စီးပွားရေးတိုးတက်နှုန်း သုံးဆမြှင့်မယ်လို့ မကြာခင်က သမ္မတဦးသိန်းစိန် ပြောကြားချက်ရဲ့ နောက်ဆက်တွဲလည်း ဖြစ်ပါတယ်။
“နှစ်စဉ် ပုံမှန် ၆ ရာခိုင်နှုန်း၊ ၇ ရာခိုင်နှုန်းနဲ့ တက်ခဲ့မယ်ဆိုရင်တောင် အခု ထိုင်းနိုင်ငံ ရောက်နေတဲ့နေရာကို နှစ် ၃၀ လောက် မြန်မာက လုပ်ရဦးမှာ” လို့ စတိဗ်ဂရော့ဖ်က The Wall Street Journal သတင်းစာကို ပြောပါတယ်။
ပြီးခဲ့တဲ့ သီတင်းပတ်ထဲမှာ လေးရက်ကြာ သွားခဲ့တဲ့ မြန်မာပြည် ခရီးစဉ်အတွင်း တွေ့ခဲ့ရတဲ့ ပြုပြင်ပြောင်းလဲရေး ဖြစ်စဉ်အပေါ် မြန်မာအစိုးရရဲ့ “စိတ်ဆုံးဖြတ်ချက်” နဲ့ “အရေးထားမှု” ကြောင့် အားတက်ရတယ်လို့ မစ္စတာ စတိဗ်ဂရော့ဖ်က ဆိုပါသေးတယ်။
ဒါပေမယ့် တိုင်းပြည်ဖွံ့ဖြိုးရေးမှာ ပျက်စီးဟောင်းနွမ်းနေတဲ့ လမ်း တံတားနဲ့ ပို့ဆောင်ဆက်သွယ်ရေး အခြေခံ အဆောက်အအုံတွေ၊ အားနည်းချိနဲ့နေတဲ့ လူမှုအဖွဲ့အစည်းစတဲ့ အဓိကကျတဲ့ စိန်ခေါ်မှုတွေကို အမြန်ဖြေရှင်းဖို့က အရေးကြီးတယ်လို့ မစ္စတာ စတိဗ်ဂရော့ဖ်က ပြောပါတယ်။
မစ္စတာ စတိဗ်ဂရော့ဖ်ရဲ့ ခရီးစဉ်ဟာ ၁၉၈၈ နောက်ပိုင်း ဘဏ်အကြီးအကဲ တယောက်အနေနဲ့ ပထမဦးဆုံးဖြစ်ပြီး မြန်မာက တင်နေတဲ့ ချေးငွေများ ပြန်ဆပ်ရေးနဲ့ ချေးငွေသစ် ပြန်ထုတ်နိုင်ရေးဦးတည်စေမယ့် မြန်မာ့စီးပွားရေး ကဏ္ဍတွေကို ကနဦး လေ့လာသုံးသပ်မှုရဲ့ အဆုံးသတ်လည်း ဖြစ်ပါတယ်။
လေ့လာတွေ့ရှိချက်ထဲမှာ မြန်မာပြည်ရဲ့ မြို့ပြဝန်ဆောင်မှုလုပ်ငန်းတွေဟာ “လက်ခံနိုင်မှု အဆင့်အတန်းထက် အကြိမ်ကြိမ် နိမ့်ကျ” နေပြီး ပြည့်စုံကောင်းမွန်တဲ့ သုံးရေ ဖြန့်ဖြူးရေး၊ ရေဆိုးနုတ်ယူရေး၊ အမှိုက်သိမ်းယူရေးနဲ့ မိလ္လာစနစ်တွေ မရှိဘူးလို့ ဆိုပါတယ်။ ကုန်းလမ်းသယ်ယူပို့ဆောင်ရေးနဲ့ ပတ်သက်ပြီးလည်း ဒေသတလွှား ပျမ်းမျှနှုန်း လူတထောင်၊ လမ်း ၁၁ ကီလိုမှာ မြန်မာက ၂ ကီလိုနှုန်းပဲ အရှည်ရှိပါတယ်။ ကားသုံးစွဲမှုနှုန်းမှာလည်း လူတထောင်မှာ အင်ဒိုနီးရှားက ၂၅၀၊ ထိုင်းက ၃၇၀ နဲ့ မြန်မာက ၁၈ ပါ။
“(မြန်မာပြည်က) အရှေ့တောင်အာရှနိုင်ငံတွေလို မြို့ပြယဉ်ကျေးမှု ထွန်းကားတဲ့နိုင်ငံ မဟုတ်သေးဘူး။ ဝန်ဆောင်မှု လုပ်ငန်းတွေ ပိုတိုးတက်ခေတ်မီလာအောင် ရင်းနှီးမြှုပ်နှံသူတွေ၊ ပုဂ္ဂလိက ကဏ္ဍတွေက လုပ်ရမှာဖြစ်သလို အစိုးရမှာလည်း တာဝန်ရှိပါတယ်” လို့ မစ္စတာ စတိဗ်ဂရော့ဖ်က ပြောပါတယ်။
ဆင်းရဲမွဲတေမှုနှုန်းဟာ တိုင်းရင်းသားနယ်မြေများမှာ အထူးမြင့်မားနေတာကြောင့် မငြိမ်မသက်မှုတွေ ဖြစ်နေရပြီး ပြုပြင်ပြောင်းလဲရေးကို နောက်ကဆွဲထားသလို ဖြစ်နေတယ်လို့ ဘဏ်အစီအရင်ခံစာက ဆိုပါသေးတယ်။ အလုပ်လက်မဲ့နှုန်းနဲ့ လယ်ယာထွက်ကုန် နိမ့်ကျမှုတို့ကြောင့် ချင်းပြည်မှာ လူဦးရေ ၃ ပုံ ၂ ပုံ၊ ရခိုင်မှာ ၂ ပုံ ၁ ပုံ၊ ရှမ်းပြည်မှာ ၃ ပုံ ၁ ပုံဟာ အလွန်အမင်း ဆင်းရဲမွဲတေနေရတယ်လို့လည်း သတိပေးထားပါတယ်။
“တိုင်းနဲ့ပြည်နယ်တွေမှာ စီးပွားရေးတိုးတက်မှုနဲ့ ဆင်းရဲမွဲတေမှု မညီမျှမှုတွေကို ပြောကြရမှာပါ။ တခြားနိုင်ငံတွေမှာလိုပဲ မညီမျှမှုတွေက လူမျိုးရေးနဲ့ လူမှုရေး အဓိကရုဏ်းတွေဆီ ဦးလှည့်သွားပြီး တိုင်းပြည်တိုးတက်ရေး နောက်ကြောင်းပြန်သွားနိုင်ပါတယ်” လို့ စတိဗ်ဂရော့ဖ်က ပြောပါတယ်။
လက်ရှိ ADB ဘဏ်ရဲ့ အနေအထားက ၁၉၈၈ ကတည်းက တင်နေတဲ့ ကြွေးကျန် အမေရိကန် ဒေါ်လာ သန်း ၅၀၀ ပြန်ဆပ်နိုင်ရေး၊ မြန်မာ့စီးပွားရေး ပြန်လည်တည်ဆောက်ရေးမှာ ချေးငွေသစ် ထည့်ဝင်ရေးတို့အထိ မရောက်သေးဘဲ ကနဦးအဆင့်သာ ရှိသေးကြောင်း စတိဗ်ဂရော့ဖ်က ဆိုပါတယ်။
ဒါပေမယ့် ဘဏ်က နောက်ဆက်တွဲ ထောက်ပံ့မယ့် စီမံကိန်းတွေအတွက် ပိုမိုတိကျတဲ့ စာချုပ်စာတမ်းတွေ ချုပ်ဆိုတာတွေနဲ့ နောက်ဆုံး ငွေထုတ်ချေးတာတွေ လိုက်လာပါလိမ့်မယ်လို့လည်း ဆိုပါတယ်။ ဘဏ်က ငွေထည့်ဝင်ဖို့ စိတ်ဝင်စားနေတာ လမ်းတံတား အခြေခံအဆောက်အအုံတွေမက ပညာရေးနဲ့ ကျန်းမာရေးမှာပါဖြစ်တယ်လို့ စတိဗ်ဂရော့ဖ်က ဆိုပါသေးတယ်။
ယခုထုတ်ပြန်တဲ့စာတမ်းမှာ လုပ်သားတွေရဲ့ ရပိုင်ခွင့် အကာအကွယ်မဲ့ ဖြစ်နေရတဲ့ သတ္တုတွင်းနဲ့ ကျောက်မျက်တွင်းတူးလုပ်ငန်းတွေ၊ လယ်ယာစိုက်ပျိုးရေး လုပ်ငန်းတွေမှာ နည်းဥပဒေ လုပ်ထုံးလုပ်နည်း အတိအကျကို ရေးဆွဲအတည်ပြုရေးကိုလည်း ADB က တိုက်တွန်းထားကြောင်း လန်ဒန်ထုတ် Financial Times သတင်းစာက ဆိုပါတယ်။
သတင်းစာအဆိုအရ ဂျပန်က အကြွေး ဒေါ်လာ ၃.၇ ဘီလီယံ လျှော်ပေးလိုက်သလို ADB နဲ့ ကမ္ဘာ့ဘဏ်မှာ တင်နေတဲ့ ဒေါ်လာ သန်း ၈၀၀ ကိုလည်း လျှော်နိုင်တယ်လို့ သံတမန်အသိုင်းအဝိုင်းက ခန့်မှန်းပါတယ်။ ဒါပေမယ့် ကြွေးကျန်ကိစ္စ အမြန် ပြေလည်ရင်တောင် ငွေသစ် ထုတ်ချေးနိုင်ဖို့ တနှစ်အချိန် ယူရလိမ့်မယ်လို့ စတိဗ်ဂရော့ဖ်က ပြောပါတယ်။
ADB အနေနဲ့ ရန်ကုန်မှာ ရုံးတရုံးဖွင့်ထားပြီး ဩဂုတ်လမှာလည်း ဘဏ်ရဲ့ ကမ္ဘောဒီးယားနိုင်ငံ ဌာနေ ဒါရိုက်တာ မစ္စတာ ဖုတုကာမာယန ဦးစီးမယ့်ရုံးကို နေပြည်တော်မှာ ဖွင့်ပါလိမ့်မယ်။