မြန်မာဘုန်းတော်ကြီး ကျောင်းထိုင်ခွင့်ရရှိရေး၊ ထိုင်းရှိ မြန်မာသံအမတ်ကြီး ဆွေးနွေး


ထိုင်းနိုင်ငံ၊ ချင်းမိုင်မြို့က ဝပ်ဆိုင်းမွန်း မြန်မာကျောင်းမှာ မြန်မာ ဆရာတော် ကျောင်းထိုင် ခန့်အပ်ရေးအတွက် ဘန်ကောက် မြန်မာ သံရုံးက သံအမတ်ကြီးနဲ့အဖွဲ့ ယမန်နေ့ ကဘုန်းကြီးကျောင်းကို လာရောက် လေ့လာပါတယ်။မြန်မာသံအမတ် ဦးတင်ဝင်းနဲ့အဖွဲ့ဟာ ဝပ်ဆိုင်းမွန်း ကျောင်းက မြန်မာသံဃာတွေ၊ ဝပ်ဆိုင်းမွန်း မြန်မာ ဗုဒ္ဓဘာသာ အသင်းဝင်တွေ၊ ချင်းမိုင်အခြေစိုက် စေတနာ နာရေးကူညီမှု အသင်းဝင်တွေနဲ့ တွေ့ဆုံခဲ့ပါတယ်။
အဲဒီလို တွေဆုံကြရာမှာ မြန်မာဘုန်းတော်ကြီးတစ်ပါး ကျောင်းထိုင် ထားရှိရေးနဲ့ ပတ်သက်ပြီး မြန်မာသံရုံး အနေနဲ့ အတတ်နိုင်ဆုံး ကူညီမယ်။ နိုင်ငံတော်သမ္မတ ဦးသိန်းစိန်လည်း မကြာခင် ထိုင်းနိုင်ငံ ချစ်ကြည်ရေးခရီး လာဖို့ ရှိတာကြောင့် ဒီအကြောင်း သမ္မတကို တင်ပြမယ်လို့ သံအမတ်ကြီး ဦးတင်ဝင်းက အခုလို ပြောပါတယ်။
"အချက်လက်တွေ ရှာခိုင်းတော့ မြန်မာ ဘုန်တော်ကြီးကျောင်းက တစ်ရာကျော်တောင် ရှိတာလေ။ တဖြည်းဖြည်း လျော့လာတာ အခုက အရမ်းနည်းသွားပြီ။ ဒီမှာဆို ဒီတစ်ကျောင်းပဲ ကျန်တော့ တာကို။ နည်းလမ်းတစ်ခုကတော့ သမ္မတကြီး ခရီးစဉ်ရှိတယ်။ သမ္မတကြီး ခရီးစဉ်မှာ သမ္မတကြီးနဲ့ ဒီဘက်က ဝန်ကြီးချုပ်နဲ့ ပြောကြ ဆိုကြ ဆိုတဲ့အခါမှာ အဲဒါလေး ထည့်ပြောဖို့ဆိုတာ ကျွန်တော် သမ္မတကြီးကို တင်ပြမယ်လေ။ သမ္မတကြီးက အကြမ်းဖျင်းတော့ သိထားတာ ရှိမယ်ထင်တယ်"
နိုင်ငံတော်သမ္မတ ဦးသိန်းစိန်ဟာ လာမယ့် တနင်္ဂနွေနေ့မှာ ထိုင်းနိုင်ငံကို လာရောက် လည်ပတ်မှာဖြစ်ပြီး ဒီအကြောင်းကို စာနဲ့ ကြိုတင် အစီရင်ခံမယ်လို့လည်း သံအမတ်ကြီးက ပြောပါတယ်။
ပြီးခဲ့တဲ့နှစ် သြဂုတ်လမှာ ဝပ်ဆိုင်းမွန်း ဆရာတော် ဦးအာသဘ ပျံလွန်ခဲ့ပြီးတဲ့နောက် ထိုင်းသံဃာနာယက အဖွဲ့က ဒီကျောင်းမှာ ထိုင်းဆရာတော်တစ်ပါး ကျောင်းထိုင်ဖို့ ဆုံးဖြတ်ခဲ့ပါတယ်။ ချင်းမိုင်မှာ မြန်မာပြည်သား ဗုဒ္ဓဘာသာဝင် ၂ သိန်းလောက် ရှိတာကြောင့် မိမိတို့ ရိုးရာ အစဉ်လာအတိုင်း ဝပ်ဆိုင်းမွန်းကျောင်းမှာ မြန်မာသံဃာတွေကပဲ အုပ်ချုပ်ဖို့ မြန်မာတွေဘက်က တောင်းဆိုနေ ကြတာပါ။
မြန်မာနိုင်ငံ သံဃမဟာနာယက အဖွဲ့ကလည်း လွန်ခဲ့တဲ့ နှစ်ပေါင်း လေးရာကျော်ကတည်းက မြန်မာဘုန်းတော်ကြီးတွေ အဆက်ဆက် ကျောင်းထိုင်ခဲ့တဲ့ ဒီကျောင်းမှာ မြန်မာသံဃာတွေပဲ ဆက်လက် ကျောင်းထိုင်ခွင့်ရရေး အကူညီပေးဖို့ ဘန်ကောက်က မြန်မာသံရုံးကို ပြီးခဲ့တဲ့လက စာပို့ထားကြောင်း သိရပါတယ်။

ချင်းမိုင် မြန်မာ ဘုန်းကြီးကျောင်းအရေး သမ္မတ ဦးသိန်းစိန်ထံ တင်ပြမည်


ချင်းမိုင်မြို့ရှိ ၀ပ် ဆိုင်းမွန်း မြန်မာ ဘုန်းကြီးကျောင်း၌ မြန်မာ ကျောင်းထိုင် ဆရာတော် ဆက်လက်ထား ခွင့်ရရန် သမ္မတ ဦးသိန်းစိန်ထံ တင်ပြပေးမည်ဟု ထိုင်းနိုင်ငံ ဆိုင်ရာ မြန်မာ သံအမတ်ကြီး ဦးတင်ဝင်းက ပြောကြားသည်။
ဦးသိန်းစိန်၏ ထိုင်းနိုင်ငံသို့ ဇူလိုင်လ ၂၂ ရက်နေ့မှ စတင်၍ ၃ ရက်ကြာ လာရောက်မည့် ခရီးစဉ် မတိုင်ခင် ယင်းကိစ္စကို နှစ်နိုင်ငံ တာဝန်ရှိသူများနှင့် ဆွေးနွေးနိုင်ရန် တင်ပြသွားမည် ဖြစ်ကြောင်း ယနေ့ ၀ပ်ဆိုင်းမွန်း ကျောင်းတွင် ဂေါပက အဖွဲ့ဝင်များ အပါအ၀င် မြန်မာ သံရုံး တာဝန်ရှိသူများနှင့် တွေ့ဆုံ ဆွေးနွေးရာတွင် သံအမတ်ကြီး ဦးတင်ဝင်းက ပြောကြားခြင်းဖြစ် သည်။
“၀ပ်ဆိုင်းမွန်း ကျောင်းထိုင် ပြဿနာလေးတွေမှာ လာပြီးတော့ သံဃာတော်တွေကိုလျှောက်ရင်း ဒကာ၊ ဒကာမတွေကို တွေ့ရင် ဖြစ် နိုင်မယ့် နည်းလမ်းတွေ ရှာဖွေဖို့ လာခဲ့တာပါ၊ အဓိကတော့ ကျနော်တို့တွေက ၀ိုင်းဝန်းပြီးတော့ ကူညီဆောင်ရွက်ဖို့ လာခဲ့တာ ပါ” ဟု သံအမတ်ကြီး ဦးတင်ဝင်းက သတင်းထောက်များကို ရှင်းပြသည်။
တွေ့ဆုံဆွေးနွေးသည့် အထဲတွင် ပါဝင်သည့် ချင်းမိုင်မြို့မှ ဗုဒ္ဓဘာသာ အသင်း ဥက္ကဌ ကိုစိုးဝင်းကလည်း သံအမတ်ကြီး အနေနှင့် ကူညီ ဆောင်ရွက်ပေးမည်ဟု ပြောဆိုသည်ကို အားရကျေနပ်ကြောင်း ပြောသည်။
“ကျနော်တို့ ထိုင်းပိုင်၊ မြန်မာပိုင် ဆိုတာထက် မြန်မာဘုန်းကြီးနဲ့ မြန်မာယဉ်ကျေးမှု၊ မြန်မာ အသိုင်းအ၀ိုင်းနဲ့ပဲ ဆက်လက်နေသွား နိုင်တဲ့ အခြေအနေတွေကိုပဲ မျှော်လင့်ပါတယ်”ဟု ကိုစိုးဝင်းက ဆက်ပြောသည်။
ဝပ်ဆိုင်းမွန်း ဘုန်းတော်ကြီးကျောင်းသည် ချင်းမိုင်မြို့ရှိ မြန်မာနိုင်ငံသားအများစုက ကိုးကွယ်သည့်ကျောင်းဖြစ်ပြီး မြန်မာ့ယဉ်ကျေး မှု ထုံးတမ်းစဉ်လာအရ ရိုးရာပွဲလမ်း အခမ်းအနားများ ပြုလုပ်ရန် အားထားရသော ကျောင်းလည်း ဖြစ်သည်
၂၀၁၁ ခုနှစ် ဒီဇင်ဘာလ ၁၉ ရက် တွင် ပျံလွန်တော်မှုသွားသည့် နောက်ဆုံး ကျောင်းထိုင် ဆရာတော် ဦးအာသဘ (သက်တော် ၉၁နှစ်၊ ၀ါတော် ၇၀)၏ နေရာတွင် ထိုင်း ဥပဒေအရ ထိုင်း သံဃာတော် တပါးကို အစားထိုး ခန့်အပ်ရန် ထိုင်း သာသနာရေး ဦးစီး ဌာနနှင့် ထိုင်း သံဃာတော်များက စီစဉ်နေခြင်း ဖြစ်သည်။
ပြီးခဲ့သည့်အပတ် တနင်္လာနေ့က ထိုင်း သာသနာရေးဦးစီးဌာနအပါအ၀င် ထိုင်းလူမျိုးတချို့က ထိုင်းသံဃာများကို ကျောင်းအပ်ပွဲပြု လုပ်ရန် စီစဉ်မှုကြောင့် ကျောင်းဂေါပက အဖွဲ့နှင့် ချင်းမိုင်ရှိ မြန်မာ အသိုင်းအ၀ိုင်း က ကန့်ကွက်၍ အစီအစဉ်ပျက်ခဲ့သည်။
ပျံလွန်တော်မှုသွားသည့် ဆရာတော်ကြီး ဦးအာသဘသည် ၁၃၀၈ ခုနှစ်မှ စတင်၍ ၆၅ နှစ်ခန့် ၀ပ်ဆိုင်းမွန်း ကျောင်းတွင် သတင်း သုံး နေထိုင်ခဲ့ကြောင်း ဆရာတော်၏ ထေရုပ္ပတ္တိတွင် ပါရှိသည်။
ဝပ် ဆိုင်းမွန်း ကျောင်း၌ ဆရာတော် ဦးဝရဓမ္မသည် ပထမဆုံး ကျောင်းထိုင်၍ ဦးဂန္ဓမာလာ၊ ဦးဘောဂဓမ္မ၊ ဦးဇိန၊ ဦးသာဒရ၊ ဦးတေ ဇောသိရီ၊ ဦးအာစိဏ္ဏ၊ ဦးပညာသာရ၊ ဦးဝဇီရိန္ဒနှင့် ယမန်နှစ်က ပျံလွန်တော်မူခဲ့သော ဦးအာသဘ အပါအ၀င် ကျောင်းထိုင် ဆရာ တော် ၁၀ ဆက် သီတင်းသုံးခဲ့ကြကြောင်း ကျောင်း မှတ်တမ်း၌ ဖော်ပြထားသည်။
ထိုင်း ဥပဒေအရ ထိုင်းနိုင်ငံရှိ ဘုန်းကြီးကျောင်းများတွင် သီတင်းသုံးနေထိုင်လျက်ရှိသော မြန်မာ ကျောင်းထိုင် ဆရာတော်များ ပျံ လွန်တော်မူသွားပါက ထိုင်း သံဃာတော်များ ကျောင်းထိုင်ခွင့်ရှိသည်ဟု ပြဌာန်းထားကြောင်း၊ ထိုင်းနိုင်ငံ မြောက်ပိုင်း၌ လန်ပန်းမြို့ ရှိ မြန်မာဘုန်းကြီးကျောင်း တကျောင်းကိုသာ ထိုင်းအစိုးရက တရားဝင် သတ်မှတ်ထားကြောင်းလည်း သိရှိရသည်။
ယမန်နေ့ညပိုင်းက ၀ပ် ဆိုင်းမွန်း ကျောင်း၌ ကျင်းပသည့်တရားပွဲတွင် သီတဂူ ဆရာတော် အရှင် ဉာဏိဿရက မြန်မာ ဘုန်းတော်ကြီးများ အဆက်ဆက် ကျောင်းထိုင်ခဲ့သည့် ၀ပ် ဆိုင်းမွန်း မြန်မာ ဘုန်းကြီးကျောင်းကို မြန်မာ နိုင်ငံသားများ အနေနှင့် စနစ်တကျ သမိုင်းကြောင်းများ လေ့လာ၍ ညီညီ ညွတ်ညွတ် ထိန်းသိမ်း ဆောင်ရွက်သင့်ကြောင်း မိန့်ကြားခဲ့သည်။
“ယဉ်ကျေးမှု အမွေအနှစ်တွေကို စနစ်တကျ ကာကွယ်ပြီးတော့ ထိန်းသိမ်း စောင့်ရှောက်နိုင်ရင် လူမျိုးရဲ့ သမိုင်းဟာ ခိုင်လုံတယ်၊ ဒီလူမျိုး ဘယ်က ဆင်းသက်တယ် ဆိုတာကို ခိုင်ခိုင်လုံလုံ ပြောကြားနိုင်လိမ့်မယ်”ဟု အရှင် ဉာဏိဿရက မိန့်သည်။
ဝပ် ဆိုင်းမွန်း ကျောင်း ကိစ္စကို ဆရာတော်ကြီးများ အနေနှင့် လေးနက်စွာ မိန့်ကြား၍ လာရောက်အားပေးခြင်း ဖြစ်ကြောင်း၊ လိုအပ်သည့်အကြံ အဉာဏ်များ ပေးရန် အဆင်သင့် ရှိကြောင်းလည်း အရှင် ဉာဏိဿရက ဆိုသည်။

LWIN PWIN
NLABR
Web-site:                   www.nlabr.com
Blog:                         http://wanna23-23.blogspot.com/
Facebook:                   Sa Maung

0 comments:

Post a Comment