မြန်မာသတင်းများ  ဇူလိုင် ၂၁၊ ၂၀၁၂

ပြည်ပ ရင်းနှီးမြှုပ်နှံမှုအတွက် လူ့အရင်းအမြစ်တိုးတက်ဖို့ လို


မြန်မာနိုင်ငံအစိုးရက ရင်းနှီးမြုပ်နှံမှုတွေ လာရောက်လုပ်ကိုင်ကြဖို့ တံခါးဖွင့်ပေးလိုက်ပြီးတဲ့နောက် ပြည်ပက ရင်းနှီးမြုပ်နှံလိုသူတွေ အလုံးအရင်းနဲ့ ၀င်ရောက်လာနေတဲ့အတွက် မြန်မာနိုင်ငံမှာရှိနေတဲ့ လူ့အရင်းအမြစ်တွေနဲ့ ပေါင်းစပ်နိုင် အောင် ကြိုတင် ပြင်ဆင်မှုတွေ အမြန်ဆုံး လုပ်ဆောင်ဖို့ လိုအပ်တယ်လို့ စီးပွားရေးပညာရှင် ဒေါက်တာဇော်ဦးက ပြောပါတယ်။

နှစ်ပေါင်းများစွာ ပြင်ပကမ္ဘာနဲ့ အဆက်အသွယ်ဖြတ်ပြီး တံခါးပိတ်မူဝါဒကို ကျင့်သုံးလာခဲ့တဲ့ မြန်မာနိုင်ငံမှာ အခု သမ္မတ ဦးသိန်းစိန် ဦးဆောင်တဲ့ အစိုးရသစ် တက်လာပြီးနောက်ပိုင်း အနောက်နိုင်ငံတွေက ရင်းနှီးမြှုပ်နှံမှုတွေ လာရောက် လုပ်ကိုင် ခွင့်ပြုတော့မယ်လို့ တံခါးဖွင့်ပေးလိုက်တာကြောင့် မြန်မာနိုင်ငံက သယံဇာတနဲ့ တွင်းထွက်ပစ္စည်းတွေကို စိတ်ဝင်စားကြတဲ့ ပြည်ပက ရင်းနှီးမြှုပ်နှံမှုတွေ အလုံးအရင်းနဲ့ လာရောက်တော့မှာဖြစ်ပေမယ့် မြန်မာနိုင်ငံထဲမှာ လုပ်ငန်းကျွမ်းကျင်သူမရှိတဲ့ အခက်အခဲနဲ့ ရင်ဆိုင်နေရတာပါ။
ဒါကြောင့်လည်း မြန်မာနိုင်ငံအတွင်းမှာ လူ့အရင်းအမြစ်စွမ်းအားတွေ ပိုမိုတိုးတက်လာအောင် ကြိုတင် ပြင်ဆင်မှုတွေ လုပ်ဆောင်ဖို့ အမြန်ဆုံး လိုအပ်နေပြီလို့ စီးပွားရေးပညာရှင် ဒေါက်တာဇော်ဦးက ပြောပါတယ်။
“အခုလောလောဆယ်ကတော့ ဒါ ဥပဒေတရပ် အမြန်ဆုံးထွက်ဖို့ဆိုတဲ့ကိစ္စကို လုပ်နေတယ်ပေါ့။ ဆိုတော့ ဒီဟာကလည်း ပြည့်စုံ တဲ့ဥပဒေတခု ဖြစ်လာပါလိမ့်မယ်။ ပိုပြီးတော့ အရေးကြီးတာက ဒီဥပဒေရဲ့နောက်မှာ နည်းဥပဒေနဲ့ လုပ်ထုံးလုပ်နည်းတွေပါ ဆက် ပြီးတော့ ဖြစ်လာဖို့ အရေးကြီးမယ်။ ကျနော်တို့ဘက်က ပိုပြီးတော့ ဂရုတစိုက်နဲ့ ပြင်ဆင်ထားသင့်တဲ့ကိစ္စကတော့ Capacity Building လို့ခေါ်တဲ့ ကိုယ့်ရဲ့ လူ့အရင်းအမြစ် စွမ်းအားတွေကို ခုန ၀င်လာမယ့် ရင်းနှီးမြှုပ်နှံမှုတွေနဲ့ ပေါင်းစပ်နိုင်အောင် ပေါင်းကူး လုပ်ပေးနိုင်မယ့် Bridging Program လို ဟာမျိုးပေါ့နော်၊ အဲလို အစီအစဉ်တွေက သီးသန့် ဆောင်ရွက်ထားဖို့ လိုပါလိမ့်မယ်။
“အဲဒီကိစ္စကို အမြန်ဆုံးနဲ့ လုပ်မယ်ဆိုရင်လည်း လုပ်ပေးနိုင်တဲ့ နိုင်ငံတကာ အကူအညီပေးရေး အစီအစဉ်တွေလည်းရှိသလို ကျနော်တို့ဆီမှာလည်း ဒါကို ကူညီဖြေရှင်းပေးနိုင်မယ့်၊ အထူးသဖြင့်တော့ နိုင်ငံရပ်ခြားမှာရောက်ပြီးတော့ လုပ်ငန်းတွေမှာ အကျွမ်းတ၀င်ရှိပြီးသား ကျနော်တို့ရဲ့ မြန်မာလူငယ် ပညာရှင်တွေကို ပြန်လည် ဖိတ်ခေါ်ပြီးတော့ ဒီကိစ္စကို လုပ်မယ်ဆိုရင် အချိန် တိုတိုအတွင်းမှာ အချိန်မီလုပ်နိုင်မယ့်အနေအထားမျိုး ရှိပါတယ်။”
မြန်မာနိုင်ငံထဲကို ရင်းနှီးမြှုပ်နှံမှုတွေ ရောက်လာတာနဲ့တပြိုင်ထဲ အရင်အစိုးရ အဆက်ဆက်ကလို မှားယွင်းတဲ့ အတွေ့အကြုံတွေ၊ တိုးတိုးတိတ်တိတ် လုပ်ဆောင်မှုတွေ မရှိရလေအောင် စီးပွားရေးလုပ်ငန်း အားလုံးတိုင်းလိုလိုမှာ ပွင့်လင်းမြင်သာမှု၊ သိသာ မြင်သာမှုတွေရှိဖို့ ဆိုတာဟာလည်း အရေးကြီးတယ်လို့ ဒေါက်တာဇော်ဦးက ဆက်ပြောပါတယ်။
“အဲဒါ သိပ်အရေးကြီးပါတယ်။ ဒီ ပွင့်လင်းမြင်သာမှုရှိအောင် ထင်သာမြင်သာရှိတဲ့ ရင်းနှီးမြှုပ်နှံမှုမျိုးကို EITI လို ကမ္ဘာ့နိုင်ငံ အသီးသီးက ပူးပေါင်းဆောင်ရွက်တဲ့ကိစ္စမျိုးမှာ ကျနော်တို့က ပါဝင်ဆောင်ရွက်ဖို့ သမ္မတကြီးရဲ့ ခွင့်ပြုချက်နဲ့ အစိုးရအဖွဲ့ကနေပြီး တော့ စတင် ဆောင်ရွက်နေပြီဖြစ်တယ်၊ သိသာမြင်သာရှိမှုတွေကို အားပေးတဲ့၊ Quality Investment မျိုးကိုအားပေးတဲ့ ဥပဒေ မျိုးဖြစ်ဖို့ ပိုအရေးကြီးတာပေါ့။ အဲဒါမျိုး လုပ်နိုင်လေလေ ကျနော်တို့အတွက်က ပိုပြီးတော့ အစထဲက အရည်အချင်း စစ်ပြီးသား ဖြစ်သွားတယ်။
“ကျနော်တို့ကို တပွဲတိုးနဲ့ လာပြီးတော့ သွေးတိုးစမ်းမယ့်၊ ကျနော်တို့ကို ရေတို ဒီ ငါးနှစ်တာ အခွန်မက်လုံးလောက်ကိုပဲ ဦးစား ပေးပြီးတော့ လုပ်သွားမယ့် စီးပွားရေးမျိုးထက်စာရင် ရေရှည် အနှစ် ၂၀၊ ၃၀ ကျနော်တို့နဲ့အတူ လက်တွဲပြီးတော့ ရေရှည်လုပ် သွားမယ့် ရင်းနှီးမြှုပ်နှံမှုမျိုးဖြစ်လာဖို့ ကျနော်တို့က ဘက်ပေါင်းစုံက ကြိုးစားကြဖို့လိုမယ်လို့ ထင်ပါတယ်။”
မြန်မာနိုင်ငံဖက်က ပြည်ပ ရင်းနှီးမြုပ်နှံမှုတွေကို ဖိတ်ခေါ်နေပေမယ့်လည်း အမေရိကန်ပြည်ထောင်စုဖက်က မြန်မာနိုင်ငံက ပို့ကုန် တင်သွင်းမှုကို အခုချိန်ထိ ကန့်သတ် ချုပ်ချယ်ထားဆဲဖြစ်တာကြောင့် မြန်မာနိုင်ငံဖက်က နစ်နာမှုတွေရှိတယ်ဆိုပြီး စီးပွားရေး လုပ်ငန်းရှင်တွေက ဝေဖန် ပြောဆိုနေကြတာပါ။
မြန်မာနိုင်ငံ အသွင်ပြောင်းကာလဖြစ်နေတာကြောင့် အရှိန်အဟုန်နဲ့ စီးပွားရေးတိုးတက်ဖို့ လိုအပ်နေတဲ့အချိန်မှာ အဲဒီလို မမျှတမှုတွေ အမြန်ဆုံး အဆင်ပြေအောင် နှစ်ဖက် ညှိနှိုင်း ဆောင်ရွက်ဖို့ လိုမယ်လို့လည်း ဒေါက်တာဇော်ဦးက ထောက်ပြ ပြောဆိုပါတယ်။အမေရိကန်ပြည်ထောင်စုရဲ့ မြန်မာနိုင်ငံအပေါ် အရေးယူဒဏ်ခတ်မှုတခုဖြစ်တဲ့ ၂၀၀၃ ခုနှစ် မြန်မာနိုင်ငံ လွတ်မြောက်ရေးနဲ့ ဒီမိုကရေစီ အက်ဥပဒေကို နောက်ထပ် သက်တမ်းတိုးဖို့ အထက်လွှတ်တော် ဘဏ္ဍာရေးကော်မတီကနေ ဇူလိုင်လ ၁၈ ရက် နေ့ကပဲ မဲခွဲအတည်ပြုလိုက်တာပါ။မြန်မာနိုင်ငံအတွင်းမှာတော့ ရင်းနှီးမြှုပ်နှံမှုနဲ့ဆိုင်တဲ့ ဥပဒေတွေကို ခေတ်နဲ့အညီ ပြုပြင် ပြောင်းလဲနိုင်အောင်၊ ဟောင်းနွမ်းနေပြီ ဖြစ်တဲ့ မြန်မာနိုင်ငံရဲ့ ရင်းနှီးမြှုပ်နှံမှုဆိုင်ရာ ဥပဒေတွေကို ပြင်ဆင်နိုင်အောင် လွှတ်တော်အတွင်းမှာ တင်သွင်း ဆွေးနွေးကြပြီ ဖြစ်ပါတယ်။

သမ္မတ ဦးသိန်းစိန် ၂၂ ရက်နေ့ ထိုင်းကိုသွားမယ်

ထိုင်းအစိုးရရဲ့ ဖိတ်ကြားချက်အရ သမ္မတ ဦးသိန်းစိန်ဟာ လာမဲ့ ၂၂ ရက်နေ့  တနင်္ဂနွေနေ့ မှာ ထိုင်းနိုင်ငံကို ၃ ရက်ကြာ အလည်အပတ် သွားရောက်မယ်လို့ သိရပါတယ်။


ဗန်းမော်-ကသာ သွား ရှပ်ပြေး ရေယာဉ် တိမ်းမှောက်

 

ကချင်ပြည်နယ် ဗန်းမော်မြို့မှ စစ်ကိုင်းတိုင်း ကသာမြို့သို့ ပြေးဆွဲနေသည့် ရှပ်ပြေး ရေယာဉ်တစင်း ယနေ့ နံနက် ၉ နာရီခန့်က ဧရာဝတီမြစ် အတွင်း တိမ်းမှောက်မှု ဖြစ်ပွားခဲ့ရာ လူအသေအပျောက် ရှိကြောင်း သိရသည်။ အဆိုပါ ရေယာဉ်တွင် ခရီးသည် ၇၀ ခန့် လိုက်ပါသွားပြီး ဗန်းမော် ဆိပ်ကမ်းမှ စတင်ထွက်ခွာရာ ရေကြောင်း အကွေ့ တွင် တိမ်းမှောက်သွားခြင်းဖြစ်ကြောင်း ဒေသခံများက ဆိုသည်။ ဗန်းမော် ရဲစခန်းမှ ဒု ရဲအုပ် အောင်အောင်က တဦးသေဆုံးပြီး သက်ဆိုင်ရာ တာဝန်ရှိသူများက ကယ်ဆယ်ရေး လုပ်ငန်းများ လုပ်ဆောင်နေဆဲဖြစ်ကြောင်း ဧရာဝတီသို့ ပြောသည်။

ထိုင်ဝမ်-ရန်ကုန် လေကြောင်းလိုင်း ဆွဲမည်

 

ထိုင်ဝမ်နှင့် မြန်မာနိုင်ငံ ရန်ကုန်မြို့သို့ လေကြောင်းလိုင်း ပြေးဆွဲမည် ဖြစ်ကြောင်း သတင်းရသည်။ ထိုင်ဝမ် နိုင်ငံတကာ လေကြောင်း လိုင်း ဖြစ်သော EVA Airways က စီးပွားရေး သမားများနှင့် ကမ္ဘာလှည့် ခရီးသွားများ အတွက် ရည်ရွယ် တပတ်လျှင် သုံးကြိမ် ပြေး ဆွဲရန် စီစဉ်နေကြောင်း၊ လာမည့် အောက်တိုဘာလအတွင်း စတင် ပြေးဆွဲနိုင်ရန် မျှော်လင့်ထားကြောင်း EVA Airways လေကြောင်း လိုင်းက ပြောသည်ဟု AFP သတင်း တပုဒ်တွင် ဖော်ပြထားသည်။


မြန်မာအပါအ၀င် အာဆီယံ ၄ နိုင်ငံ ရင်းနှံမြှုပ်နှံမှုများ တိုးမြှင့်ရန် စီစဉ်

 

မြန်မာအပါအ၀င် အာဆီယံ ၄ နိုင်ငံမှ ရင်းနှံမြှုပ်နှံမှုများ အပြန်အလှန် တိုးမြှင့်ပြုလုပ်ရန် သဘောတူလိုက်ကြောင်း သိရသည်။ ၂၀၁၅ ခုနှစ်စတင်မည့် အာဆီယံ စီးပွားရေးအသိုက်အ၀န်း အစီအစဉ်တွင် မြန်မာ၊ ကမ္ဘောဒီးယား၊ လာအိုနှင့် အင်ဒိုနီးရှား နိုင်ငံများ က ယင်းသို့ ရင်းနှီးမြှုပ်နှံမှုများ ပြုလုပ်ရန် ဖြစ်ကြောင်း The Nation သတင်းတွင် ပါရှိသည်။


ကချင်ဒုက္ခသည်များအတွက် ယာယီတဲ ၂၅၀၀ ဆောက်ပေးမည်

 

ကချင် ဒုက္ခသည်များအတွက် ယာယီတဲ အလုံးပေါင်း ၂၅၀၀ ခန့် ဆောက်လုပ်ပေးမည် ဖြစ်ကြောင်း ကမ္ဘာ့ ကုလသမဂ္ဂ ဒုက္ခသည် များ ဆိုင်ရာ မဟာမင်းကြီးရုံး (UNHCR) က ပြောသည်။ ကချင် တိုင်းရင်းသား လက်နက်ကိုင် အဖွဲ့များနှင့် အစိုးရ တပ်များ၏ တိုက်ပွဲများကြောင့် ထွတ်ပြေး တိမ်းရှောင်နေကြရသော စစ်ဘေး ဒုက္ခသည် ၄၈၀၀၀ ကျော်အတွက် ခြင်ထောင်၊ စောင် နှင့် ပလတ် စတစ် အခင်းများကိုလည်း ကူညီထောက်ပံ့ ပေးထားကြောင်း UNHCR ပြောခွင့်ရ Vivian Tan က ပြောဆိုသည်။

အမေရိကန် ကမ္ဘာလှည့်ခရီးသွား သဘောင်္လိုင်း မြန်မာကို လာမည်


အမေရိကန် အခြေစိုက် ကမ္ဘာလှည့်ခရီးသွား အပျော်စီး သဘောင်္လိုင်း Grand Circle Cruise Line က မြန်မာနိုင်ငံနှင့် ခရီးသွားလာရေး လုပ်ငန်း လုပ်ကိုင်ရန် စီစဉ်နေကြောင်း သိရသည်။ ဧရာဝတီ မြစ်ကြောင်းအတွင်း သွာလာရေး အတွက်ဟု မျှော်လင့်ရကြောင်း နှင့် ယင်း အစီအစဉ်ကို လာမည့် ၂၀၁၃ ခုနှစ် တွင် ၁၅ ရက်ကြာ လည်ပတ်ရေး ခရီးစဉ်ဖြင့် စတင်မည်ဖြစ်ကြောင်း ကုမ္ပဏီ က ထုတ်ပြန်ကြေညာထားဟု USA Today သတင်းက ဆိုသည်။ Grand Circle Cruise Line ကုမ္ပဏီခွဲ တခုဖြစ်သည့် Overseas Adventure Travel(OAT) ခရီးသွား ကုမ္ပဏီကလည်း မြန်မာနိုင်ငံတွင်း စွန့်စားသွားလာရသည့် ခရီးစဉ်များကို အမေရိကန် ခရီး သွားများအတွက် စီစဉ်နေသည်ဟုဆိုသည်။ အမေရိကန်က မြန်မာအပေါ် စီးပွားရေးပိတ်ဆို့မှုများကို မကြာသေးခင်က ရုပ်သိမ်းပေး ခဲ့ပြီးနောက် ယင်း အစီအစဉ်များ ထွက်ပေါ်လာခြင်းဖြစ်ပြီး ယခင်က ခရီး သွားလုပ်ငန်းနှင့် ပတ်သက်ပြီး မြန်မာကို သပိတ်မှောက် ထားသော ကုမ္ပဏီများ ဖြစ်ကြောင်း သိရသည်။

ရခိုင်ဒေသအတွင်း ဥပဒေမဲ့ ဖမ်းဆီးနှိပ်စက်မှုများ ရပ်ရန် AI တောင်းဆို

ရခိုင်ပြည်နယ်အတွင်းရှိ ရိုဟင်ဂျာများနှင့် တခြားသော မွတ်စလင် လူနည်းစုများအပေါ် ဥပဒေမဲ့ ဖမ်းဆီးနှိပ်စက်မှုများ အပါအ၀င် လူ့အခွင့်အရေး ချိုးဖောက်နေမှုများကို ရပ်တန့်သွားစေရေး ဆောင်ရွက်ရန် နိုင်ငံတကာ လွတ်ငြိမ်းချမ်းသာခွင့်အဖွဲ့(AI)က မြန်မာ အစိုးရကို တောင်းဆိုလိုက်သည်။ အရေးပေါ် အခြေအနေ ကြေညာပြီးနောက်ပိုင်း၌ ထိုသို့ ဖမ်းဆီးမှု များလာကြောင်း၊ ခွဲခြား ဆက် ဆံခံရမှုများလည်း ရှိကြောင်း၊ ထို့ကြောင့် မြန်မာအာဏာပိုင်များအနေနှင့် ခွဲခြား ဆက်ဆံခြင်း မရှိဘဲ လုံခြုံရေးအတွက် အကာကွယ် ပေးရန် တာဝန်ရှိကြောင်း AI ၏ ယမန်နေ့က ထုတ်ပြန်ချက်၌ ဖော်ပြထားသည်။ ရခိုင်ပြည်နယ်အတွင်း အရေးပေါ်အခြေအနေ ကို သမ္မတ ဦးသိန်းစိန် က ဇွန်လ ၁၀ ရက်နေ့တွင် ကြေညာခဲ့ခြင်းဖြစ်သည်။

မြန်မာ့ အသားတင်ပို့မှု တရုတ် အကန့်အသတ်မရှိ ပိတ်


မြန်မာနိုင်ငံမှ တရုတ်နိုင်ငံသို့ ပုံမှန်တင်ပို့နေသော အေးခဲအသားများကို တရုတ်နိုင်ငံက အကန့် အသတ်မရှိ ပိတ်ပင်ထားသဖြင့် တင်ပို့မှု ရပ်ဆိုင်းထားရကြောင်း ရှမ်းပြည်နယ် မူဆယ် နယ်စပ်ကုန်သွယ်ရေး ဦးစီးဌာန ကပြောသည်။ အမဲသားများ အပါအ၀င် ရန်ကုန်နှင့်မန္တလေး မြို့များမှ သယ်ဆောင်လာသော အခြား အေးခဲ အသားများအား မြန်မာနိုင်ငံ မွေးမြူရေးနှင့် ကုသရေး ဦးစီး ဌာနကလည်း တရုတ်နိုင်ငံသို့ တင်ပို့မှုကို ယခုလ ၁၁ ရက်နေ့ကစ၍ ပိတ်ပင်ရန် ညွှန်ကြား ထားသည်ဟုလည်း သိရ သည်။
တရုတ်အာဏာပိုင်များက တင်ပို့ခွင့်ပိတ်ပင်မည့် အသား အမျိုးအစားများနှင့် ပတ်သက်ပြီး မြန်မာနိုင်ငံ မွေးမြူရေးနှင့် ရေလုပ်ငန်း ဝန်ကြီးဌာန အောက်ရှိ မွေးမြူရေးနှင့် ကုသရေးဦးစီးဌာန နေပြည်တော်မှတဆင့် မန္တလေးတိုင်း ရုံးခွဲသို့ ယခုလဆန်းပိုင်းက အကြောင်း ကြားခဲ့ခြင်း ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန လက်အောက်ရှိ မူဆယ် ၁၀၅ မိုင် နယ်စပ်ကုန်သွယ်ရေး ဇုန်မှ အရာရှိ တဦးက ပြောပြသည်။
အမဲသားတမျိုးမှလွဲ၍ ကျန်ပိတ်ပင်ထားသော အသားအမျိုးအစားများနှင့် မည်သည့် အတွက်ကြောင့် ပိတ်ပင်ခြင်းကိုလည်း မသိရှိရဟု မန္တလေးတိုင်း မွေးမြူရေးနှင့် ကုသရေး ဦးစီးဌာနက ဆိုသည်။တရုတ်နိုင်ငံအနေဖြင့် မိုးရာသီ၌ မြန်မာနိုင်ငံတွင် တိရစ္ဆာန်များ ခွာနာလျှာနာ ဖြစ်လေ့ဖြစ်ထ ရှိခြင်းကြောင့် ၎င်းတို့နိုင်ငံက ပြဌာန်း ထားသော တိရစ္ဆာန်များ၊ သစ်ပင်ပန်းပင်များ ပိုးမွှားကင်းစင်ရေး ဥပဒေနှင့် ငြိစွန်းနေသည့်အတွက် အသားများနှင့်တိရစ္ဆာန် သားရေ များ တင်ပို့ခွင့်ကို ရပ်ဆိုင်းထားခြင်းဖြစ်ကြောင်း ယမန်နေ့က ထုတ်လွှင့်ခဲ့သော MRTV-4 သတင်းတွင်လည်း ဖော်ပြခဲ့သည်။အေးခဲအသားများ တင်ပို့မှုရပ်ဆိုင်းခံခဲ့ရပြီးနောက် တရုတ်နိုင်ငံသို့ အသားတင်ပို့နေသော အသားအေးခဲ စက်ရုံများမှာလည်း ရပ် ဆိုင်း ထားကြရသည်ဟု သိရသည်။ ပြီးခဲ့သည့် မေလကလည်း ရန်ကုန်အခြေစိုက် အအေးခန်း စက်ရုံ ၇၀ ကျော်ရှိသည့် အနက် အများစုမှာ မီးပုံမှန်မရသဖြင့် နှစ်ပတ်ကျော်ကြာ ရပ်ဆိုင်းခဲ့ရသေးသည်။
တရုတ်နိုင်ငံက မြန်မာနိုင်ငံမှ တိရစ္ဆာန် အသားများကို ပိတ်ပင်ထားကြောင်း ကြားသိနေရသော်လည်း ရေထွက်ကုန် အေးခဲ အသား များနှင့် ကဏန်း၊ ငါးရှဥ့် အရှင်များမှာ ပိတ်ပင်မှုတွင် မပါဝင်ကြောင်း၊ ယင်းကုန်ပစ္စည်းများကို မူဆယ် နယ်စပ်ကုန်သွယ်ရေး ဂိတ်၊  ချင်းရွှေဟော်၊ ကန်ပိုက်တီး၊ လိုင်ဇာ၊ ဗန်းမော်နှင့် လွယ်ဂျယ် စသည့်ဂိတ်များမှ တဆင့် ၂၀ ရက်နေ့အထိ နေ့စဉ်တင်ပို့နေကြောင်း မြန်မာနိုင်ငံ ငါးလုပ်ငန်းအဖွဲ့ချုပ် က ပြောသည်။၂၀၁၁ ခုနှစ်ဖေဖော်ဝါရီလပိုင်းက တရုတ်နယ်စပ်မှတဆင့် ကူးစက်လာခဲ့သော ဝက်နားရွက်ပြာခေါ် မျိုးပွားအင်္ဂါနှင့် အသက်ရှူလမ်းကြောင်း ဗိုင်းရပ်စ်ပိုး ကူးစက်ရောဂါသည် မူဆယ် မန္တလေးဘက်မှတဆင့် မြန်မာနိုင်ငံအတွင်း ပြည်နယ်နှင့်တိုင်းအသီးသီးသို့ ပျံ့နှံ့ခဲ့ပြီး မွေးမြူရေးခြံများ၊ အိမ်မွေးဝက်များ အပါအဝင် ဝက်အကောင်ရေ သောင်းနှင့်ချီ သေဆုံးမှု ဖြစ်ခဲ့သည်။ထိုရောဂါသည် မြန်မာနိုင်ငံ၌ ပထမဆုံးဖြစ်ပွားခဲ့ခြင်းဖြစ်ပြီး နိုင်ငံတွင်း ကုသရန် ဆေးမရှိ ဖြစ်နေသည့် ကူးစက်အားပြင်း ဝက် နားရွက်ပြာ ရောဂါကို အစိုးရ မွေးမြူရေးနှင့် ကုသရေးဦးစီးဌာန က ဇီဝနည်းပညာဖြင့်သာ ကုသရန် လမ်းညွှန်ခဲ့ပြီး ထိုရောဂါသည် ယခု ချိန်အထိ ရှိနေဆဲဖြစ်ကြောင်း ကူးစက်ရောဂါ ရှာဖွေရေး ဆေးသုတေသန ပညာရှင် ဒေါက်တာ အောင်မြင့် က ဧရာဝတီသို့ ပြောပြ သည်။


သမ္မတ ဦးသိန်းစိန်ကို ထိုင်းသတင်းစာက ပြင်းထန်စွာ ဝေဖန် 

မြန်မာသမ္မတ ဦးသိန်းစိန်သည် ဇွန်လ အတွင်းက သူ၏ ထိုင်းနိုင်ငံ ခရီးစဉ်ကို နှစ်ကြိမ် တိုင်တိုင် ရွှေ့ဆိုင်းခဲ့ရပြီးနောက် လာမည့် တနင်္ဂနွေနေ့တွင် သုံးရက်ကြာ ထိုင်းနိုင်ငံ ခရီးစဉ်ကို စတင်မည် ဖြစ်သည်။ ထိုစဉ်တွင် ရခိုင်ပြည်နယ်ရှိ ရိုဟင်ဂျာများနှင့် ပတ်သက်၍ သမ္မတ ဦးသိန်းစိန်၏ မကြာသေးခင်က မှတ်ချက်များကိုသောကြာနေ့ထုတ် ထိုင်းနိုင်ငံ အခြေစိုက် ဘန်ကောက်ပို့စ် သတင်းစာ၏ အယ်ဒီတာ့ အာဘော်က ပြင်းပြင်းထန်ထန်ဝေဖန်ခြင်းဖြင့် မြန်မာသမ္မတ ခရီးစဉ်အား ကြိုဆိုလိုက်သည်။

မူလက ဇွန်လ ၄ ရက်နေ့တွင် ဦးသိန်းစိန်၏ ထိုင်းနိုင်ငံ ခရီးစဉ် စတင်ရန် သတ်မှတ်ခဲ့ပြီး ထိုင်းနိုင်ငံ ဘန်ကောက်မြို့တွင် ကျင်းပခဲ့သည့် အရှေ့အာရှ ကမ္ဘာ့စီးပွါးရေးဖိုရမ် တွင်လည်း မိန့်ခွန်းပြောရန် စီစဉ်ခဲ့သေးသည်။ သို့ရာတွင် မြန်မာ့ အတိုက်အခံ ခေါင်းဆောင် ဒေါ်အောင်ဆန်းစုကြည်အား လာရောက်ရန်နှင့် ထိုကွန်ဖရင့်တွင် မိန့်ခွန်းပြောကြားရန် အားတက်သရော ဖိတ်ကြားခဲ့ကြပြီးသည့် နောက်တွင်မူ သမ္မတ ဦးသိန်းစိန်၏ ထိုင်းနိုင်ငံ ခရီးစဉ်ကို ဖျက်သိမ်းလိုက်ကြ ပြီး သမ္မတ ဦးသိန်းစိန်အနေဖြင့် ခရီးစဉ်အတွင်း ဒေါ်အောင်ဆန်းစုကြည်၏ အရှိန်အဝါအောက်တွင် လွှမ်းမိုးခံရမည်ကို မလိုလားသဖြင့် ခရီးစဉ် ဖျက်သိမ်းလိုက်ကြခြင်း ဖြစ်ကြောင်း ထင်ကြေးများလည်း ထွက်ပေါ်ခဲ့သည်။
မြန်မာအစိုးရကမူ နိုင်ငံအတွင်းတွင် ထမ်းဆောင်ရန် တာဝန်များ ရှိနေခြင်းကြောင့် ခရီးစဉ်ကို ဖျက်သိမ်းခဲ့ရခြင်း
ဖြစ်သည်ဟု ဆိုခဲ့သည်။ နောက်ပိုင်းတွင်လည်း နောက်ထပ် ခရီးစဉ် တခုကို ဖျက်သိမ်းခဲ့ပြန်သည်။

သမ္မတဦးသိန်းစိန် အနေဖြင့် ထိုင်းဝန်ကြီးချုပ် ယင်လပ် နှင့် တွေ့ဆုံဆွေးနွေးမည် ဖြစ်ကာ ခေါင်းဆောင်နှစ်ဦးသည် လူ့အရင်းအမြစ် ဖွံ့ဖြိုးရေးနှင့် ၂ဝ၁၄ ခုနှစ် အာဆီယံ ဥက္ကဋ္ဌ နေရာကို မြန်မာနိုင်ငံက လက်ခံဆောင်ရွက်မည် ဖြစ်သည့် အတွက် ကြိုတင် ပြင်ဆင်ရေးများ အပါအဝင် မြန်မာနိုင်ငံအတွင်း ဖွံ့ဖြိုးရေးများတွင် နှစ်နိုင်ငံ ပူးပေါင်း ဆောင်ရွက်မည့် နားလည်မှု စာချွန်လွှာတရပ် လက်မှတ်ရေးထိုးပွဲသို့လည်း တက်ရောက် ကြမည်ဖြစ်သည်ဟု ထိုင်းအရာရှိများက အစောပိုင်းက ပြောကြားခဲ့သည်။

ကုလသမဂ္ဂ အရာရှိတဦးသို့ ရိုဟင်ဂျာ အရေးနှင့် ပတ်သက်၍ သမ္မတ ဦးသိန်းစိန် မကြာသေးခင်က ပြောကြားခဲ့သည့် မှတ်ချက်ကို ဘန်ကောက်ပို့စ် သတင်းစာ၏ အယ်ဒီတာ့ အာဘော်က သောကြာနေ့တွင် ပြင်းပြင်းထန်ထန် စိန်ခေါ် ထားခြင်း ဖြစ်သည်။သမ္မတ ဦးသိန်းစိန်၏ မှတ်ချက်မှာ မြန်မာနိုင်ငံအတွင်းရှိ သိန်းနှင့်ချီသည့် ရိုဟင်ဂျာများအား ကုလသမဂ္ဂက လက်ခံရန် အကြံပေးခြင်း ဖြစ်သည်။ ဇွန်လအတွင်းက ရခိုင်ပြည်နယ်တွင် ပဋိပက္ခများ ဖြစ်ပွါးကာ လူပေါင်း ၇ဝ ကျော် အသက် ဆုံးရှုံးခဲ့ရသည့် အပြင် အိုးအိမ်များနှင့် ပိုင်ဆိုင်မှုများ များစွာ ပျက်စီး ဆုံးရှုံးခဲ့ရပြီး နောက်တွင် သမ္မတက ကုလသမဂ္ဂ အရာရှိအား အကြံပေးခဲ့ခြင်း ဖြစ်သည်။

ဘန်ကောက်ပို့စ် အယ်ဒီတာ့ အာဘော်တွင် “မြန်မာနိုင်ငံနဲ့ သူတို့အစိုးရဟာ ၄၈ နှစ်လုံးလုံး ရက်စက် ကြမ်းတမ်းလှတဲ့ စစ်အာဏာရှင်စနစ် အပြီးမှာ ပြန်လည် အမီလိုက်ဖို့အတွက် သွားစရာခရီးတွေ အများကြီး ရှိနေသေးပါတယ်။ မကြာခင် က မြန်မာနိုင်ငံ အနောက်ပိုင်းမှာ ဖြစ်ပျက်ခဲ့တဲ့ လူမျိုးရေး ပဋိပက္ခတွေဟာ အပြင်ပန်း စည်းလုံးညီညွတ်မှု မျက်နှာစာကြီး ကို ပြိုကျစေခဲ့ပါတယ်” ဟု ဆိုထားသည်။

“သမ္မတ ဦးသိန်းစိန်ရဲ့ မှတ်ချက်ဟာ ပြုပြင်ပြောင်းလဲရေး လုပ်နေတဲ့ အစိုးရ တရပ်ဆီက ကြားရတဲ့ ခုတလောအတွင်း စိတ်ပျက်စရာ အကောင်းဆုံး မှတ်ချက်ပါပဲ” ဟု အယ်ဒီတာ့ အာဘော်က ဆိုသည်။

ဘန်ကောက်ပို့စ် အယ်ဒီတာ့ အာဘော်က ဆက်လက်၍ ဆိုထားသည်မှာ “သူ [သမ္မတ ဦးသိန်းစိန်] က ကုလသမဂ္ဂကို လွန်ခဲ့တဲ့ အပါတ်က ပြောခဲ့ရာမှာ ရခိုင်ပြည်နယ်မှာ ရှိတဲ့ တသန်းနီးပါးရှိတဲ့ ရိုဟင်ဂျာတွေကို မြန်မာနိုင်ငံက လက်ခံ ကြိုဆိုမှာ မဟုတ်ပါဘူးလို့ ဆိုပါတယ်။ သူတို့ကို ဒုက္ခသည် စခန်းတွေမှာ နေရာချထားဖို့နဲ့ ပိုကောင်းတာကတော့မြန်မာနိုင်ငံကနေ နှင်ထုတ်ဖို့ပါပဲလို့ ဆိုခဲ့ပါတယ်။ သူတို့ဟာ လူမျိုးအရလည်း အများစု ဗမာတွေနဲ့ ခြားနားနေပြီး ဘာသာရေးအရလည်း မူစလင်တွေ ဖြစ်ကြတယ်လို့ သမ္မတက ပြောခဲ့ပါတယ်။ တခုတည်းသော အဖြေကတော့ သူတို့ကို ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးကို လွှဲပြောင်းပေးဖို့ ဒါမှမဟုတ် သူတို့ကို လက်ခံချင်တဲ့ တတိယ နိုင်ငံတွေမှာ သူတို့ကို အခြေချစေဖို့ပါပဲ လို့ သူက ဆိုပါတယ်” ဟု ရေးသားထားသည်။

ဘန်ကောက်ပို့စ် သတင်းစာက မြန်မာသမ္မတ ဦးသိန်းစိန်၏ အမြင်အား ထိုင်းအစိုးရက စောဒက တက်ပါရန် တိုက်တွန်း ထားသည်။

“ရိုဟင်ဂျာတွေရဲ့ ဖြစ်တည်မှုနဲ့တကွ ပြဿနာတွေကို ဦးသိန်းစိန်ရဲ့ ခရီးစဉ်အတွင်းမှာ ဆွေးနွေးသင့်ပါတယ်။ ထိုင်းနိုင်ငံ နဲ့ တခြားအိမ်နီးချင်း နိုင်ငံတွေဟာ ဒီလူတွေရဲ့ အတိဒုက္ခတွေကို သေသေချာချာ သတိထားမိပါတယ်” ဟု သတင်းစာက ဆိုသည်။

“မြန်မာ သမ္မတရဲ့ အံ့သြထိတ်လန့်စရာ ကောင်းတဲ့ မှတ်ချက်ကို မြန်မာနိုင်ငံဟာ စစ်တပ်ရဲ့ သေနတ်အောက်မှာ တကယ့်ကမ္ဘာနဲ့ နှစ်ပေါင်းများစွာ အဆက်ပြတ် အထီးကျန်နေခဲ့ရတဲ့အတွက် ခုလို ပြောမိတာလို့ ဆင်ခြေပေးလို့တော့ ရနိုင်ပါတယ်” ဟု ဘန်ကောက်ပို့စ်က ရေးသားထားသည်။

သမ္မတ ဦးသိန်းစိန် အနေဖြင့် သူပြောခဲ့သည့် စကားအတိုင်း အကောင်အထည်ဖော် လုပ်ဆောင်လာခဲ့လျှင်လည်း လက်ခံနိုင်စရာမရှိဟု အယ်ဒီတာ့ အာဘော်က ဆိုထားသေးသည်။

“မြန်မာနိုင်ငံဟာ ရှည်လျားပြီး အမှောင်ဖုံးလွှမ်းနေတဲ့ အကြမ်းဖက်မှု သမိုင်းကြောင်းကနေ ရုန်းကန်ပေါ်ထွက်လာနေတာ ဖြစ်ပါတယ်။ လွန်ခဲ့တဲ့ နှစ် ၅ဝ က စံနှုန်းတွေနဲ့ အလွန် ကွဲပြားခြားနားတဲ့ စံနှုန်းတွေနဲ့ ကမ္ဘာသစ်ထဲကို ဝင်ရောက်နေ တာ ဖြစ်ပါတယ်။ ရိုဟင်ဂျာနဲ့ ပတ်သက်ပြီး ဦးသိန်းစိန်ရဲ့ မှတ်ချက်တွေကတော့ လူမျိုးရေးခွဲခြားမှု၊ မလိုမုန်းထားမှု၊ ခြိမ်းခြောက်မှု ဆန်နေပါတယ်။ သူတို့ကို စောဒကတက် ဝေဖန်မှုတွေ ရှိသင့်ပါတယ်” ဟု ထိုင်းနိုင်ငံထုတ်ဘန်ကောက်ပို့စ်
သတင်းစာ အယ်ဒီတာ့အာဘော်က ရေးသားထားသည်။


မော်လမြိုင်နှင့် ဘားအံဆေးရုံတွင် သွေးလွန်တုတ်ကွေးရောဂါ ကုတင်မဆံ့ 

သွေးလွန်တုတ်ကွေးရောဂါ ကူးစက်မှုကြောင့် မွန်ပြည်နယ် မော်လမြိုင် ကလေးအထူးကု
ဆေးရုံနှင့် ကရင်ပြည်နယ် ဆေးရုံကြီးတွင် ကလေးငယ် ၅၀၀ ကျော် တက်ရောက်ကုသမှု ခံယူနေရကြောင်း မြို့နယ် ကျန်းမာရေး ဝန်ထမ်းများက ပြောသည်။
ကုတင် ၅၀၀ ဆံ့ မော်လမြိုင် ကလေးအထူးကုဆေးရုံကြီးတွင် တက်ရောက်ကုသမှု ခံယူသည့် ကလေးများမှာ ကုတင်မလောက်အောင် များပြားကြောင်း ဆေးရုံသို့ လူနာကြည့် သွားရောက်ခဲ့သည့် မုဒုံမြို့နယ်မှ အမျိုးသမီး တဦးကပြောသည်။

ကရင်ပြည်နယ် ဘားအံ ပြည်သူ့ဆေးရုံကြီးတွင်မူ ကလေးငယ် အယောက် ၂၀၀ ကျော် တက်ရောက် ကုသမှု ခံယူနေကြောင်း သွေးလွန်တုတ်ကွေးရောဂါမှာ ယခင်က မိုးရာသီနှင့် အသက် ၁၂ နှစ်အောက် ကလေးများတွင်သာ ဖြစ်ပွားလေ့ရှိသော် လည်း ယခင်နှစ်မှ စ၍ ရာသီမရွေးဘဲ လူကြီးများတွင်လည်း ဖြစ်ပွားလာသည်ကို တွေ့ရှိရကြောင်း ရောဂါ ဖြစ်ပွားမှုနှုန်း နှစ်စဉ် များပြားလာသော်လည်း မြန်မာနိုင်ငံတွင်းသို့ ၎င်းရောဂါ ဝင်ရောက်လာသည်မှာ နှစ်ကာလ ကြာရှည်ပြီ ဖြစ်၍ လူများ၌ ခံနိုင်ရည် ရှိလာခြင်းကြောင့် သေပျောက်မှုနှုန်း နည်းလာကြောင်းလည်း သူက ပြောသည်။ဘားအံမြို့တွင် ဆေးခန်း ဖွင့်ကာ ကုသနေသည့် ဒေါက်တာအောင်နွေဦးက “မနှစ်ကလောက်တော့ မများဘူး၊ အများအားဖြင့် နယ်ဘက်က လာကုကြတာ များတယ်။ အသေအပျောက်လည်း အရင်နှစ်တွေနဲ့စာရင် အတော်လေး နည်းလာတယ်” ဟု ပြောသည်။

ထိုင်းမှာ မြန်မာဘာသာစကား သင်ကြားဖို့ စိတ်ဝင်စားသူ များပြား


မြန်မာနိုင်ငံက ပြုပြင်ပြောင်းလဲရေး ဆောင်ရွက်မှုတွေကြောင့် ရင်းနှီးမြုပ်နှံမှုနဲ့ ခရီးသွားလုပ်ငန်းတွေ လုပ်ကိုင်ဖို့ အခွင့်အလမ်း များပြားလာတဲ့အတွက် ထိုင်းနိုင်ငံမှာ မြန်မာဘာသာစကား သင်ကြားဖို့ စိတ်ဝင်စားသူ များပြားလာတယ်လို့ သိရပါတယ်။
အရင်က အခြေခံမြန်မာစာ သင်တန်းမှာတောင် လူများများမရှိခဲ့ဘူးလို့ ထိုင်းနိုင်ငံ ချူလာလောင်ကွန်း တက္ကသိုလ်မှာ နှစ်ပေါင်း ၂၀ ကျော် မြန်မာစာ သင်ကြားနေတဲ့ ဆရာမ ဒေါ်သန်းသန်းမြင့်က ပြောပါတယ်။
ဒါပေမဲ့ ခုတလောမှာတော့ အတန်းခွဲသစ်တွေ စဖွင့်မှာကို စောင့်နေတဲ့သူတွေ အတော်များလာပါတယ်။ လောလောဆယ် တန်းခွဲသစ် မဖွင့်နိုင်သေးပေမဲ့ ဒီလအတွင်း ဖွင့်နိုင်မယ် ထင်ပါတယ်လို့ ဒေါ်သန်းသန်းမြင့်က ပြောဆိုကြောင်း Channel News Asia သတင်းမှာ ဖော်ပြထားပါတယ်။
နာရီ (၃၀) စာ သင်တန်းကို ကလေးတွေနဲ့ လူကြီးတွေအတွက် အတန်းခွဲပြီး သင်ကြားမှာ ဖြစ်ပါတယ်။ မြန်မာစာ တတ်ထားရင် ထိုင်းနိုင်ငံမှာဖြစ်ဖြစ် မြန်မာနိုင်ငံမှာဖြစ်ဖြစ် စီးပွားရေးလုပ်တဲ့အခါ အသုံးဝင်မှာ ဖြစ်တယ်လို့ ကျောင်းသားတွေက ပြောပါတယ်။


ကျောက်မျက်ဥပဒေ အတွက် ကချင်ပြည်နယ် အစိုးရ ဆောင်ရွက်နေ

ကချင်ပြည်နယ် အတွင်း ကျောက်မျက် ရတနာ ထုတ်လုပ် ရောင်းဝယ်မှုနှင့် ပတ်သက်၍
ပြည်နယ်အဆင့် ပထမ အဆင့် ဥပဒေမူကြမ်းကို အတည်ပြုလိုက်သည့်အတွက် မြစ်ကြီးနား ကျောက်မျက်ရတနာ ကုန်သွယ်ရေး အသင်း (MGTA) အနေဖြင့် ရလဒ်များအပေါ် ကျေနပ်အားရမိကြောင်း

ကချင်ပြည်နယ် လွှတ်တော် ဥက္ကဋ္ဌ နှင့် မြစ်ကြီးနားတက္ကသိုလ်မှ ဥပဒေ ပါမောက္ခဖြစ်သူ ဒေါက်တာ ဒေါ်ရင်ရင်ဝင်း၊ ဥပဒေဌာန ကိုယ်စားလှယ်များ၊ ရှေ့နေချုပ်ရုံး၊ ကချင်ပြည်နယ် သတ္ထုတွင်း ဝန်ကြီးနှင့် မြစ်ကြီးနား ကျောက်မျက်ရတနာ ကုန်သွယ်ရေးအသင်းမှ ကိုယ်စားလှယ်များက ဇွန်နှင့် ဇူလိုင်လများတွင် ဥပဒေမူကြမ်း ပေါ်ပေါ်လာရေးအတွက်ဆောင်ရွက်ခဲ့ကြခြင်း ဖြစ်သည်။

ဥပဒေမူကြမ်း၏ သတ်မှတ်ချက်အရ ကချင်ပြည်နယ်အတွင်းရှိ ကျောက်မျက်ရတနာ လုပ်ငန်းအားလုံးသည် အသေးစိတ် မှတ်တမ်းတင်ရမည် ဖြစ်ပြီး သတ်မှတ်ထားသည့် အခွန်များ ပေးဆောင်ရမည်ဖြစ်ကာ အကြောင်းမကြားဘဲ ပြုလုပ်သည့် အလုပ်မှန်သမျှအား ဥပဒေချိုးဖောက်မှုအဖြစ် သတ်မှတ်မည် ဖြစ်ပြီး ထို ဥပဒေ ချိုးဖောက်မှုအတွက် တရားစွဲခြင်းလည်း ခံရမည် ဖြစ်သည်။

ဥပဒေမူကြမ်း အသစ်သည် ၂ဝဝ၈ ခုနှစ် အခြေခံဥပဒေ၏ ကျောက်မျက်ရတနာ အခန်းကဏ္ဍအား အခြေခံထားပြီးပြောင်းလွယ်ပြင်လွယ်ဖြစ်ရန် စီမံထားသည်ဟု အရာရှိများက ဆိုကြသည်။
ထိုဥပဒေမူကြမ်းကို ဥပဒေအဖြစ် အတည်ပြုရန်အတွက် ပထမဦးစွာ ပြည်နယ်အဆင့် အစိုးရအဖွဲ့ထံသို့ တင်သွင်းရမည်ဖြစ်ပြီး ထို့နောက်တွင် ပြည်ထောင်စု အစိုးရအဖွဲ့သို့ တင်သွင်းရမည် ဖြစ်သည်
၂ဝဝ၈ ခုနှစ်၊ အခြေခံ ဥပဒေအရ ပြည်နယ်များ အနေဖြင့် စွမ်းအင်၊ လျှပ်စစ်၊ သတ္ထု တူးဖော်ရေးနှင့် သစ်တော ကဏ္ဍများရှိ သတ်မှတ်ထားသော ဧရိယာများနှင့် ပတ်သက်၍ ဥပဒေပြုနိုင်သည့် လုပ်ပိုင်ခွင့်ကို ရရှိထားကြသည်။  ယခုလက်ရှိ အချိန်တွင်မူ ကျောက်စိမ်းများကို ကချင်ပြည်နယ်မှ တူးဖော်ရရှိသော်လည်း ထိုကျောက်စိမ်းရိုင်းများ တန်ဖိုးတက်လာရေးအတွက် ဖြတ်တောက်ရန်နှင့် ကျောက်စိမ်း သွေးရန်အတွက် နေပြည်တော်သို့ ပို့ကြရသည်။ထိုဥပဒေမူကြမ်းသည် ကချင်ပြည်နယ်ရှိ ကျောက်စိမ်းကုန်သည်များကိုသာမက ပြည်နယ်နေ ပြည်သူများကိုပါ အကျိုးရှိစေလိမ့်မည်ဟု ကျောက်မျက် လုပ်ငန်းရှင်များအသင်း (မြစ်ကြီးနား)၏ ဒုတိယ ဥက္ကဋ္ဌ ဦးလအောင် က ဆိုသည်။တရုတ်နိုင်ငံမှ ပိုမိုများပြားလာသည့် ဝယ်လိုအားနှင့် မြင့်မား လာသည့် ဈေးနှုန်းများကြောင့် ကချင်ပြည်နယ် အတွင်းရှိ ပယင်း ဈေးကွက်တွင် ဈေးနှုန်းများ တရှိန်ထိုး မြင့်တက် လာကြောင်း ဖော်ပြခဲ့သည်။ သို့ရာတွင် ပယင်းဈေးများ မည်မျှပင် တက်စေကာမူ ကျောက်စိမ်းနှင့် နှိုင်းယှဉ်ပါက
ကျောက်စိမ်းထက် ဈေးနှုန်းချိုသာဆဲပင် ဖြစ်သည်။  ကချင်ပြည်နယ်တွင် ကျောက်စိမ်းနှင့် ပယင်း အပါအဝင် ကျောက်မျက်ရတနာ များစွာ ထုတ်လုပ်လျက် ရှိသည်။အခြား ဝယ်ယူသူများမှာ ထိုင်းနိုင်ငံနှင့် တိဘက် ဒေသတို့မှ ဖြစ်ကြသည်။

တနိုင်းမြို့နယ်သည် ကချင်ပြည်နယ်၏ အဓိက ပယင်း ထုတ်လုပ်ရာ ဒေသဖြစ်သည်။ ပယင်းအား လက်ဝတ်ရတနာ ပစ္စည်းအဖြစ် သာမက ပန်းပုတွင်လည်း အသုံးပြုကြသည်။ ပယင်းကို အဆောင်ပစ္စည်းအဖြစ်ဖြင့်လည်း ဝတ်ဆင်ကြသေးသည်။ အရောင်များမှာ လိမ္မော်ရောင်အကြည်၊ အဝါရောင်အကြည်၊ ကြက်သွေးရောင်၊ ဖန်သားရောင်နှင့်ရွှေရောင်တို့ ဖြစ်ကြသည်။ ရွှေရောင် ပယင်းမှာ ဈေးအကြီးဆုံး ဖြစ်သည်။တရုတ်လူမျိုးများက ပယင်းကို ဆောင်ထားပါက သွေးလည်ပတ်မှုကို အားကောင်းစေသည်ဟု ယုံကြည်ကြပြီး ကံမကောင်းမှုများကို ရှောင်လွှဲနိုင်ရန် အတွက်လည်း အဆောင်အနေဖြင့် ဝတ်ဆင်လေ့ရှိကြသည်ဟု ပယင်းဝတ်ဆင်သူ အမျိုးသမီးကြီး တဦးက ပြောသည်။
ကချင်ပြည်နယ်အတွင်းရှိ အဓိက ပယင်း တူးဖော်သူများမှာ လီဆူးလူမျိုးများ ဖြစ်ကြသည်။ တနိုင်းနှင့် ဆွမ်ပရာဘွမ် တို့အပြင် စစ်ကိုင်းတိုင်းရှိ ခန္တီးမြို့နယ်နှင့် ရှမ်းပြည်နယ်အတွင်းရှိ အချို့မြို့နယ်များတွင်လည်း ပယင်း ထွက်ရှိသည်။

 ကချင်ပြည်နယ် ငြိမ်းချမ်းရေးရရှိရေး ဆန္ဒပြရန် စီစဉ်နေ

ကချင်ပြည်နယ်တွင် ငြိမ်းချမ်းရေး လိုလားကြောင်း မြစ်ကြီးနားမြို့ခံ အမျိုးသမီးများ ဦးဆောင်၍ လူမျိုးဘာသာမရွေး ပါဝင်သော စီတန်းလှည့်လည် ဆန္ဒပြပွဲတရပ်ကို လာမည့်သီတင်းပါတ်တွင် ပြုလုပ်ရန် စီစဉ်နေသည် ဟု ဦးဆောင် စီစဉ်သူတဦးဖြစ်သည့် ဒေါ်ဂျာခေါန်က ပြောသည်။သူက ဆက်ပြီး “ကျမတို့ ကချင်ပြည်နယ်မှာ သိတဲ့အတိုင်းပဲ နှစ်ဦးနှစ်ဖက် ငြိမ်းချမ်းသွားအောင်လို့ အေးအေးဆေးဆေး သွားလာနိုင်အောင်၊ ကျမတို့ မိခင်တွေရော အကုန်လုံး အေးအေးဆေးဆေး နေနိုင်ဖို့အတွက် ရည်ရွယ်ပြီးတော့မှ လုပ်ဆောင်ခြင်း ဖြစ်တယ်။ တခြားဘာမှ မတောင်းဆိုဘူး၊ ငြိမ်းချမ်းရေးတခုပဲ တောင်းဆိုမှာပါ” ဟု ပြောသည်။

မြစ်ကြီးနားမြို့ပေါ်တွင် စစ်ပြေးဒုက္ခသည်များ အများအပြားရှိနေသဖြင့် ထိုစစ်ပြေးဒုက္ခသည်များ မိမိတို့ ကျေးရွာ၊
နေအိမ်များသို့ ငြိမ်းငြိမ်းချမ်းချမ်း ပြန်နိုင်ရေးအတွက် ရည်ရွယ်၍ လုပ်ဆောင်ရခြင်း ဖြစ်သည်ဟု သူက ဆိုသည်။ ငြိမ်းချမ်းစွာ ဆန္ဒဖော်ထုတ်ခွင့် ဥပဒေအရ သက်ဆိုင်ရာ မြို့နယ် ရဲစခန်းသို့ အကြောင်းကြား၍ လုပ်ဆောင်သွားမည်ဟု သိရသည်။သို့သော် ထိုဆန္ဒဖော်ထုတ်ရန် စီစဉ်သူ ဒေါ်ဂျာခေါန်သည် ကြံ့ခိုင်ရေးပါတီမှ ဆွမ်ပရဘွမ်မြို့နယ် ပြည်သူ့လွှတ်တော် ကိုယ်စားလှယ် ဦးခမိုင်တန်၏ ဇနီး ဖြစ်နေသဖြင့် ပြည်သူလူထုအကြား သံသယ ရှိနေကြသည်ဟု မြစ်ကြီးနားမြို့ခံ တဦးက ပြောသည်။

မြန်မာနိုင်ငံတွင် ပြောင်းလဲလာပြီဟု ဆိုသော်လည်း ကချင်ပြည်နယ်တွင် ဒီမိုကရေစီ၏ အနစ်သာရ မခံစားရသေးသဖြင့် ငြိမ်းချမ်းရေးကို လိုလာကြောင်း ဆန္ဒဖော်ထုတ်ရန် စီစဉ်နေကြသည်ဟု ဒေါက်တာတူးဂျာက ပြောသည်။ ထို့ပြင် အစိုးရဘက်မှ တပ်များ ဆုတ်ပေးခြင်း မရှိသဖြင့် ကချင်လွတ်လပ်ရေးအဖွဲ့ KIO နှင့် တိုက်ပွဲ ဆက်လက်ဖြစ်ပွားနေပြီး ယခုထိ ဆွေးနွေးပွဲများ အဆင်မပြေမှု ဖြစ်နေရခြင်း ဖြစ်သည်ဟု သူက ဆက်ပြောသည်။၎င်းတို့နှစ်ဖက် ယခုတကြိမ် တွေ့ဆုံမှုတွင် အစိုးရဘက်၏ တပ်ရုပ်သိမ်းရေးကိစ္စ ဆွေးနွေးမည် ဖြစ်သော်လည်း
ဆွေးနွေးမည့် နေရာ ညှိနှိုင်း၍မရ ဖြစ်နေကြခြင်း ဖြစ်သည်။

ကချင်ပြည်နယ် ဗန်းမော်မြို့တွင် တွေ့ဆုံမှုကို KIO ဘက်က ပယ်ချခဲ့ပြီးနောက် ရှမ်းပြည်နယ် မူဆယ်မြို့တွင် တွေ့ဆုံရန် အစိုးရဘက်က ကမ်းလှမ်းမှုကိုလည်း KIO ဘက်မှ တိုက်ပွဲများ ဆက်လက် ဖြစ်ပွားနေသဖြင့် မဖြစ်နိုင်ကြောင်း ဇူလိုင်လ ၁၇ ရက်နေ့က KIO ဘက်မှ အစိုးရ ငြိမ်းချမ်းရေး ဖော်ဆောင်ရေး လုပ်ငန်းကော်မတီသို့ စာပို့လိုက်ပြီး ဖြစ်ကြောင်း ငြိမ်းချမ်းရေး အကျိုးဆောင် ဦးဂွမ်ဂျာက ပြောသည်။
ဇူလိုင်လ ၁ ရက်နေ့မှ ၁၆ ရက်နေ့ထိ တိုက်ပွဲပေါင်း ၁၆၁ ကြိမ် ဖြစ်ပွားခဲ့သည်။ ထိုအထဲမှ ၁၄၉ ကြိမ်သည် ထိပ်တိုက် ရင်ဆိုင်တိုက်ပွဲများ ဖြစ်ပြီး ၁၅ ကြိမ်မှာ အစိုးရဘက်မှ ထိုးစစ်ဆင်လာ၍ တိုက်ခိုက်ခြင်း ဖြစ်ကြောင်း၊ လက်ရှိ KIO တပ်မဟာ ၁၊ ၄၊ ၅ နယ်မြေများတွင် တိုက်ပွဲများ ဆက်လက် ဖြစ်ပွားနေသဖြင့် ၎င်းနေရာတွင် တွေ့ဆုံ မဖြစ်နိုင်ကြောင်း စာပေးပို့ထားသည်ဟု သိရသည်။ KIO ၏ တပ်မဟာ ၄ ကိုလည်း အစိုးရဘက်မှ ထိုးစစ်ဆင်နေ၍ တရုတ်နယ်စပ် မိုင်ဂျာယန်နှင် လွယ်ဂျယ်အကြားရှိ ပရန်ဝမ်ဒေသ သို့မဟုတ် ယခင် တွေ့ဆုံခဲ့သော ရွှေလီမြို့တွင် ထပ်မံတွေ့ဆုံလိုကြောင်း KIO က စာပေးပို့ထားမှုကို အစိုးရဘက်မှ ပြန်လည်တုံ့ပြန်မှု မရှိသေးကြောင်း သိရသည်။


ဒုဗိုလ်ချုပ်မှူးကြီး မင်းအောင်လှိုင် အိန္ဒိယကို သွားမည်

မြန်မာ့တပ်မတော် ကာကွယ်ရေးဦးစီးချုပ် ဒုတိယ ဗိုလ်ချုပ်မှူးကြီး မင်းအောင်လှိုင် သည် သြဂုတ်လဆန်းပိုင်းတွင် အိန္ဒိယသို့ တပါတ်ကြာ သွားရာက်လည်ပတ်မည်ဟု သိရသည်။

သြဂုတ်လ ၁ ရက်နေ့တွင် ရောက်ရှိလာမည့် မြန်မာ ကာ/ချုပ်သည် ၃ ရက်နေ့တွင် အိန္ဒိယ ကာကွယ်ရေးဝန်ကြီး A K Antony အပြင် ရေတပ်ဦးစီးချုပ် Admiral Nirmal Verma၊ လေတပ်ဦးစီးချုပ် Chief Marshal N A K Browne နှင့် ကြည်းတပ်ဦးစီးချုပ် General Bikram Singh တို့နှင့် နယူးဒေလီတွင် တွေ့ဆုံရန်ရှိကြောင်း အိန္ဒိယ သတင်းစာများကရေးသားကြသည်။ဒေသတွင်းတွင် တရုတ်နိုင်ငံ အနေဖြင့် နယူးဒေလီအား (အိန္ဒိယအား) နောက်တကြိမ် အသာစီး မရယူနိုင်ရေး အာမခံနိုင်ရန် မူဝါဒတခုလုံးနှင့်အညီ ဤသို့ မြန်မာ့ထိပ်တန်း တပ်မတော်ခေါင်းဆောင်တဦး လာရောက်ခြင်းဖြစ်ကြောင်း လည်း ဆိုသည်။

ခရီးစဉ်အတွင်းတွင် ဒုဗိုလ်ချုပ်မှူးကြီးသည် ကိုလ်ကတ္တားအခြေစိုက် အရှေ့တိုင်း စစ်ဌာနချုပ်နှင့် Visakhapatnam ရှိ အရှေ့တိုင်း ရေတပ်မတော် ဌာနချုပ်တို့အပြင် အခြားသော ကာကွယ်ရေးအခြေစိုက်ဌာနမျးသို့လည်း သွားရောက်မည်ဖြစ်သည်။သြဂုတ်လ ၈ ရက်နေ့ထိ အိန္ဒိယတွင် ရှိနေစဉ်အတွင်း မြန်မာခေါင်းဆောင်များ အိန္ဒိယသို့ လာရောက်တိုင်း သွားရောက်လေ့ရှိသည့် ဗုဒ္ဓဂါယာ ဘုရားဖူးအစီအစဉ်လည်း ပါဝင်မည်ဖြစ်သည်။

ယခု ခရီးစဉ်မှာ မေလကုန်ပိုင်းက အိန္ဒိယ ဝန်ကြီးချုပ် ဒေါက်တာ မန်မိုဟန်ဆင်း နေပြည်တော်နှင့်ရန်ကုန်သို့ သွားရောက်ပြီးနောက် မြန်မာဘက်မှ အဆင့်မြင့်ပုဂ္ဂိုလ်တဦး ပြန်လည် လာရောက်ခြင်းလည်းဖြစ်သည်။
မစ္စတာ မန်မိုဟန်ဆင်း၏ ၃ ရက်ကြာခရီးစဉ်အတွင်း မြန်မာအစိုးရနှင့် နှစ်နိုင်ငံ သဘောတူစာချုပ် ၁၂ ခု လက်မှတ်ရေးထိုးနိုင်ခဲ့သလို အတိုက်အခံခေါင်းဆောင် ဒေါ်အောင်ဆန်းစုကြည်နှင့်လည်း ရန်ကုန်မြို့တွင် တွေ့ဆုံခဲ့သေးသည်။၂ဝ၁၁ ခုနှစ်၊ အောက်တိုဘာလအတွင်းကလည်း ဝန်ကြီး ၁၃ ဦးအား ခေါင်းဆောင်၍ မြန်မာသမ္မတ ဦးသိန်းစိန် အိန္ဒိယနိုင်ငံသို့ ၄ ရက်ကြာ လာရောက်လည်ပတ်ခဲ့ဖူးသည်။


LWIN PWIN
NLABR
Web-site:                   www.nlabr.com
Blog:                         http://wanna23-23.blogspot.com/
Facebook:                   Sa Maung

0 comments:

Post a Comment