မြန်မာသတင်းများ  ဇူလိုင် ၁၅၊ ၂၀၁၂

အမေရိကန် စီးပွားရေးအဖွဲ့ ရန်ကုန်ရောက်

အမေရိကန်နဲ့ အာဆီယံနိုင်ငံများရဲ့ စီးပွားရေး ညီလာခံ တက်ရောက်ရင်း မနေ့က အလွတ်သဘော တွေ့ဆုံခဲ့ကြတဲ့ အမေရိကန် နိုင်ငံခြားရေးဝန်ကြီး ဟီလာရီကလင်တန် နဲ့ မြန်မာသမ္မတ ဦးသိန်းစိန်တို့ဟာ မြန်မာနိုင်ငံအပေါ် ထားရှိတဲ့ အမေရိကန်ရဲ့ ဒဏ်ခတ်အရေးယူမှုတွေ လျှော့ချခဲ့ပြီးနောက်ပိုင်း မြန်မာနိုင်ငံတွင်း ရင်းနှီးမြှုပ်နှံမှု လုပ်ငန်းသစ်တွေ လုပ်သွားဖို့ ကိစ္စ ပြောဆိုခဲ့ကြပါတယ်။ ခုလို အမေရိကန် နိုင်ငံခြားရေးဝန်ကြီး ကလင်တန်နဲ့ မြန်မာသမ္မတ ဦးသိန်းစိန်တို့ တွေ့ဆုံပြီးနောက်မှာပဲ အမေရိကန် စီးပွားရေး လုပ်ငန်းရှင်ကြီးတွေအဖွဲ့ဟာလည်း ဒီကနေ့ မြန်မာနိုင်ငံကို ဆိုက်ရောက်လာခဲ့ပါတယ်။ အပြည့်စုံကို ဆက်သွယ် စုံစမ်းထားတဲ့ မခင်ဖြူထွေးက တင်ပြထားပါတယ်။
အရှေ့တောင်အာရှဒေသမှာ အမေရိကန်ရဲ့ ရင်းနှီးမြှုပ်နှံမှုတွေ တိုးမြင့် တည်ဆောက်သွားဖို့ ရည်ရွယ်ချက်နဲ့ ကမ္ဘောဒီးယားနိုင်ငံမှာ ကျင်းပနေတဲ့ စီးပွားရေး ညီလာခံမတိုင်ခင်မှာ အမေရိကန် နိုင်ငံခြားရေးဝန်ကြီး ကလင်တန်နဲ့ မြန်မာသမ္မတ ဦးသိန်းစိန်တို့ မနေ့က တွေ့ဆုံခဲ့ကြတာ ဖြစ်ပါတယ်။
“မြန်မာနိုင်ငံရဲ့ ပြုပြင် ပြောင်းလဲမှု လုပ်ငန်းတွေ ရှေ့ဆက်သွားနိုင်အောင် ကျမတို့ ကူညီချင်ပါတယ်။ ဒီကိစ္စကို ကျမတို့ဘက်က အခိုင်အမာ စိတ်ပိုင်းဖြတ်ထားပြီး ဖြစ်ပါတယ်။” - လို့ ၀န်ကြီးကလင်တန်က သမ္မတ ဦးသိန်းစိန်နဲ့ တွေ့ဆုံစဉ် ပြောသွားတာပါ။
မြန်မာနိုင်ငံရဲ့ လက်ရှိ နိုင်ငံရေး ပြုပြင်ပြောင်းလဲမှုတွေကို အသိအမှတ်ပြုတဲ့အနေနဲ့ မြန်မာနိုင်ငံအပေါ် ထားရှိတဲ့ အမေရိကန်ရဲ့ စီးပွားရေးအရ ဒဏ်ခတ် ပိဆ်ဆို့ အရေးယူမှု အတော်များများကို အမေရိကန်က မကြာသေးခင်ကပဲ လျှော့ပေါ့ပေးခဲ့ပြီးတဲ့နောက် အခုတခါ အမေရိကန်က စီးပွားရေး ခေါင်းဆောင်တွေကို မြန်မာနိုင်ငံကို စေလွှတ်မယ့် အကြောင်းလည်း ၀န်ကြီးကလင်တန်က ပြောသွားခဲ့သလို အခု ဒီကိုယ်စားလှယ်အဖွဲ့ဟာ ဒီကနေ့ ညနေပိုင်းမှာပဲ မြန်မာနိုင်ငံကို ဆိုက်ရောက်လာပြီ ဖြစ်ပါတယ်။ မြန်မာ ပုဂ္ဂလိက လုပ်ငန်းရှင်တွေနဲ့ရော၊ အစိုးရပိုင်း တာဝန်ရှိသူတွေနဲ့ပါ မနက်ဖြန်မှာ တွေ့ဆုံဖို့ ရှိပြီး မြန်မာနိုင်တွင်း စီးပွားရေး လုပ်ကိုင်နိုင်မယ့် အခွင့်အလမ်းတွေနဲ့ ပတ်သက်လို့ ဆွေးနွေးကြမှာ ဖြစ်တယ်လို့ မြန်မာနိုင်ငံ ကုန်သည်များနဲ့ စက်မှုလက်မှု လုပ်ငန်းရှင်များ အသင်း ဥက္ကဋ္ဌ ဦးဝင်းအောင်က ဗွီအိုအေ မြန်မာပိုင်းကို ပြောပြပါတယ်။
“အခုအဖွဲ့တွေ လာမယ့်ဟာကတော့ ကျနော်တို့ ရန်ကုန်မှာကတော့ ဆီဒိုးနားမှာ မနက်ဖြန် မနက်ကို ရန်ကုန်မှာရှိတဲ့ လုပ်ငန်းရှင်တွေရော၊ ကျနော်တို့ရဲ့ ကုန်သွယ် စက်မှုအသင်းက တချို့ရော၊ အားလုံး မြန်မာနိုင်ငံမှာ ရှိတဲ့ စီးပွားရေး အခွင့်အလမ်းတွေ လုပ်ကိုင်နိုင်မယ့် အနေအထားတွေ၊ နောက် ဧည့်သည်တွေ သိချင်တဲ့ မြန်မာနိုင်ငံရဲ့ ရင်းနှီးမြှုပ်နှံမှုအတွက် လိုအပ်တဲ့ သိသင့်သိထိုက်တဲ့ ဥပဒေပိုင်းဆိုင်ရာတွေ၊ အားလုံး ဆွေးနွေးကြမှာပေါ့။ အန်ကယ်တို့တင် မဟုတ်ပါဘူး။ ဌာနဆိုင်ရာက အဖွဲ့တွေလည်း လာကြပါမယ်။ ဌာနဆိုင်ရာကလည်း ကဏ္ဍအလိုက်တွေ ရှင်းပြပါမယ်။ ရှင်းပြပြီးတော့ ဆွေးနွေးကြမှာပါ။ (အမေရိကန်ဘက်က) ပါလာမယ့် အဖွဲ့တွေထဲမှာ Chevron ရယ်၊ Caterpillar ရယ်က ဥက္ကဋ္ဌတွေလည်း ပါမယ်လို့ သိရပါတယ်။”
အမေရိကန် စီးပွားရေးလုပ်ငန်းရှင်များအဖွဲ့ဟာ မနက်ဖြန် မနက် ၉ နာရီမှာ စီးပွားရေးလုပ်ငန်းတွေနဲ့ သက်ဆိုင်တဲ့ အစိုးရပိုင်းက တာဝန်ရှိသူတွေနဲ့ တွေ့ဆုံမှာဖြစ်သလို နေ့လယ်ပိုင်းမှာတော့ ပုဂ္ဂလိက စီးပွားရေးလုပ်ငန်းရှင် အဖွဲ့တွေနဲ့ တွေ့ဆုံမှာ ဖြစ်တယ်လို့လည်း ဦးဝင်းအောင်က ပြောပြပါတယ်။ ခုလို စက်မှုအင်အားကြီး နိုင်ငံတွေက စီးပွားရေး လုပ်ငန်းရှင်တွေ လာရောက်တာကနေ မြန်မာနိုင်ငံအတွက် စီးပွားရေး အခွင့်အလမ်းတွေ ပွင့်လာဖို့ မျှော်လင့်ရတယ်လို့လည်း ဦးဝင်းအောင်က ပြောပြပါတယ်။
“သိတဲ့အတိုင်းပဲ အခုရက်တွေမှာ ပြင်သစ်က အဖွဲ့တွေလည်း လာတယ်။ ဗြိတိန်က အဖွဲ့တွေလည်း လာတယ်။ အခုတခါ ယူအက်စ်က အဖွဲ့တွေလည်း လာတယ်ဆိုတော့ အခွင့်အလမ်း ရင်းနှီးမြှုပ်နှံမှုတွေ လုပ်လာကြပြီဆိုရင် အန်ကယ်တို့ဆီက ဆိုရင်လည်း အလုပ်အကိုင် အခွင့်အလမ်းတွေ တိုးတက်လာမှာပေါ့နော်။ နောက်တခါ နည်းပညာ အားသာချက်ရှိတဲ့ နိုင်ငံတွေကနေ လာရောက် ရင်းနှီးမြှုပ်နှံကြမယ်ဆိုရင်တော့ အန်ကယ်တို့ဆီက ထွက်ကုန်တွေ၊ အခုလက်ရှိ လောလောဆယ်မှာ ကုန်ကြမ်းအနေနဲ့ပဲ ထုတ်နေရတဲ့ ပစ္စည်းတွေကို ကုန်ချောအနေနဲ့ ထုတ်လုပ်ပြီးတော့မှ၊ နောက်တခါ ဈေးကွက်ထဲ ခိုင်မာပြီးသား ပုဂ္ဂိုလ်တွေ ရောက်လာမှာဖြစ်တဲ့အတွက် ဈေးကွက်ကိုလည်း ပစ္စည်းတွေ ကျယ်ကျယ်ပြန့်ပြန့်နဲ့ ရောင်းချနိုင်မယ် ဆိုလို့ရှိရင် အန်ကယ်တို့ တိုင်းပြည်အတွက် စီးပွားရေး ၀င်ငွေရလမ်းရော၊ ခုနက အခြေခံ ပုဂ္ဂိုလ်များ လုပ်သားများရဲ့ အလုပ်အကိုင် အခွင့်အလမ်းတွေလည်း တိုးတက်လာမှာပေါ့လေ။”
မြန်မာနိုင်ငံ ကုန်သည်များနဲ့ စက်မှုလက်မှု လုပ်ငန်းရှင်များ အသင်း ဥက္ကဋ္ဌ ဦးဝင်းအောင် ပြောပြခဲ့တာပါ။
၁၅ နှစ်နီးပါးအတွင်း အမေရိကန် စီးပွားရေး လုပ်ငန်းတွေ မြန်မာနိုင်ငံမှာ ပြန်ပြီး ရင်းနှီးမြှုပ်နှံနိုင်ဖို့ အမေရိကန်အစိုးရက ဗုဒ္ဓဟူးနေ့က ခွင့်ပြုလိုက်တာဖြစ်ပြီး မြန်မာနိုင်ငံမှာ အမေရိကန် ဘဏ္ဍာရေးလုပ်ငန်းတွေ ဝန်ဆောင်မှု ပေးနိုင်ဖို့အတွက်ကိုလည်း ခွင့်ပြုလိုက်တာ ဖြစ်ပါတယ်။ မြန်မာနိုင်ငံတွင်း လက်ရှိဖော်ဆောင်နေတဲ့ နိုင်ငံရေး ပြုပြင်ပြောင်းလဲမှုတွေကို အသိအမှတ်ပြု တုံ့ပြန်တဲ့အနေနဲ့ အမေရိကန်က အရေးယူ ဒဏ်ခတ်မှုတွေကို ထပ်ပြီး လျှော့ပေါ့ပေးခဲ့တာ ဖြစ်တယ်လို့လည်း မနေ့ကပဲ ဖနွမ်းပင်မြို့မှာ ၀န်ကြီးကလင်တန်က ပြောကြားခဲ့တာပါ။
အမေရိကန်-အာဆီယံ စီးပွားရေး ကောင်စီရဲ့ အစီအစဉ်နဲ့ ရောက်လာမယ့် အမေရိကန် စီးပွားရေး ကိုယ်စားလှယ် အဖွဲ့နဲ့အတူ အမေရိကန်ပြည်ထောင်စုရဲ့ စီးပွားရေး ဖွံ့ဖြိုးမှု၊ စွမ်းအင်နဲ့ သဘာဝပတ်ဝန်းကျင်ဆိုင်ရာ လက်ထောက် နိုင်ငံခြားရေး ၀န်ကြီး Robert Hormats၊ နိုင်ငံတကာ ကုန်သွယ်ရေးဆိုင်ရာ လက်ထောက် ၀န်ကြီး Francisco Sanchez နဲ့ နိုင်ငံခြားရေးဝန်ကြီးဌာနက အကြီးတန်း အရာရှိတွေလည်း ဒီကနေ့ မြန်မာနိုင်ငံကို ရောက်ရှိမှာဖြစ်တဲ့အကြောင်း အမေရိကန် နိုင်ငံခြားရေးဌာနရဲ့ ဇူလိုင်လ ၁၀ ရက်နေ့က ထုတ်ပြန် ကြေညာချက်မှာ ဖော်ပြထားပါတယ်။ မြန်မာအစိုးရ တာဝန်ရှိသူတွေနဲ့ စီးပွားရေးအရ ထိတွေ့ဆက်ဆံမှုတွေ တိုးမြင့်ဆောင်ရွက်ပြီး မြန်မာနိုင်ငံရဲ့ ပြုပြင် ပြောင်းလဲမှု လုပ်ငန်းစဉ်တွေကို အားပေး ကူညီဖို့အတွက် အခုလို သွားရောက်မှာဖြစ်တယ်လို့လည်း အမေရိကန် နိုင်ငံခြားရေးဌာနက ထုတ်ပြန် ကြေညာထားပါတယ်။

မြန်မာဆေးရုံနှစ်ခုအတွက် GE လျှပ်စစ်ကုမ္ပဏီ ဓာတ်မှန်စက်များ ရောင်း

မြန်မာနိုင်ငံအပေါ် စီးပွားရေးဆိုင်ရာ ဒဏ်ခတ်ပိတ်ဆို့မှုတွေကို အမေရိကန်အစိုးရက တရားဝင်ဖယ်ရှားပေးလိုက်ပြီး ရက်ပိုင်း အတွင်းမှာပဲ General Electric – GE ကုမ္ပဏီက ရန်ကုန်က ပုဂ္ဂလိက ဆေးရုံနှစ်ရုံကို ဓာတ်မှန်ရိုက်ကူးစက်တွေ ရောင်းချဖို့ လက်မှတ်ရေးထိုးလိုက်ပြီ ဖြစ်ပါတယ်။ Sea Lion ဆိုတဲ့ မြန်မာကုမ္ပဏီကတဆင့် ဒေါ်လာ ၂ သန်းဖိုး အဲဒီ စက်ကိရိယာတွေကို ရောင်းချမှာဖြစ်တယ်လို့ GE ကုမ္ပဏီက ပြောပါတယ်။ အခုဆို စီးပွားရေး ဒဏ်ခတ်ပိတ်ဆို့မှုလည်း မရှိတော့ဘူးဆိုတော့ တခြား စီးပွားရေးလုပ်ငန်းတွေ ဘက်ကိုလည်း ချဲ့ထွင်လုပ်ဆောင်သွားဖို့ ကြည့်နေတယ်လို့ GE ကုမ္ပဏီ အာရှဌာနခွဲရဲ့ အကြီးအကဲ Stuart Dean က ပြောပါတယ်။
အမေရိကန်အစိုးရဟာ မြန်မာနိုင်ငံအပေါ် စီးပွားရေးဆိုင်ရာ ဒဏ်ခတ်ပိတ်ဆို့မှုတွေကို ဗုဒ္ဓဟူးနေ့ကပဲ  တရားဝင် ရုတ်သိမ်း ပေးလိုက်တာ ဖြစ်ပါတယ်။ မြန်မာနိုင်ငံမှာ ရင်းနှီးမြှုပ်နှံမှုတွေ ထပ်ပြီး လုပ်ဆောင်နိုင်ရေးနဲ့ ပတ်သတ်ပြီး ဆွေးနွေးဖို့အတွက် အမေရိကန် နိုင်ငံခြားရေးဝန်ကြီး ဟီလာရီကလင်တန် (Hillary Clinton) ဟာ မြန်မာ သမ္မတဦးသိန်းစိန်နဲ့ ကမ္ဘောဒီးယားနိုင်ငံမှာ သောကြာနေ့က တွေ့ဆုံခဲ့ပါတယ်။ မြန်မာအရာရှိတွေဟာ ကုမ္ပဏီကြီးတွေက ကိုယ်စားလှယ် (၇၀) လောက်ကို ဖိတ်ကြားပြီး တွေ့ဆုံနေပေမဲ့ အရင်က စစ်အစိုးရကြောင့် ဒဏ်ခတ်ပိတ်ဆို့မှုတွေ ပြူလုပ်ခံရပြီး နှစ်ပေါင်းများစွာ အထီးကျန်ဖြစ်ခဲ့တာကြောင့် နိုင်ငံခြားက ရင်းနှီးမြှုပ်နှံသူတွေကို ဆွဲဆောင်တဲ့နေရာမှာ အခက်အခဲ အများကြီးနဲ့ ကြုံတွေ့နေရပါတယ်။
အခက်အခဲတွေထဲက အဆိုးဆုံးကတော့ ခေတ်မမှီတော့တဲ့ အခြေခံ အဆောက်အအုံတွေပဲ ဖြစ်ပြီး အဲဒီထဲမှာ လျှပ်စစ်ပေးဝေရေး စနစ်က အမြဲတမ်း ပြဿနာပေါ်နေတာ ဖြစ်ပါတယ်။ မြန်မာနိုင်ငံ ကုန်သည်များနဲ့ စက်မှုလက်မှု လုပ်ငန်းရှင်များအသင်း ဥက္ကဋ္ဌ ဦးဝင်းအောင်ကတော့ ခုလို စက်မှုအင်အားကြီး နိုင်ငံတွေက စီးပွားရေးလုပ်ငန်းရှင်တွေ လာရောက်တာကနေ မြန်မာနိုင်ငံအတွက် စီးပွားရေး အခွင့်အလမ်းတွေ ပွင့်လာဖို့ မျှော်လင့်ရတယ်လို့ ပြောပြပါတယ်။

မြန်မာနိုင်ငံ ဒီမိုကရေစီထွန်းကားရေး အစွမ်းကုန် ကြိုးပမ်းမည်

နှစ်ပေါင်း ၆၀ လောက် အထီးကျန်ပြီး ဖွံ့ဖြိုးမှုနောက်ကျခဲ့တဲ့ မြန်မာနိုင်ငံကို အာရှမှာ အလေးထား အသိအမှတ်ပြုခံရတဲ့ ဒီမိုကရေစီနိုင်ငံတခု ဖြစ်အောင် အစွမ်းကုန် ကြိုးစားသွားမယ်လို့ သမ္မတ ဦးသိန်းစိန်က ပြောခဲ့ပါတယ်။ သောကြာနေ့က ကမ္ဘောဒီးယားနိုင်ငံ၊ Siam Reip မြို့မှာ ပြုလုပ်ခဲ့တဲ့ အမေရိကန်-အာဆီယံ စီးပွားရေး ဆွေးနွေးပွဲမှာ သမ္မတဦးသိန်းစိန်က မိန့်ခွန်း ပြောစဉ်မှာ ခုလို ပြောကြားသွားတာ ဖြစ်ပါတယ်။
ဒီမိုကရေစီ အလေ့အထ ပျောက်နေတာဟာ မြန်မာနိုင်ငံနဲ့ ပြည်သူတွေအတွက် အကြီးမားတဲ့ စိန်ခေါ်မှု ဖြစ်တယ်လို့ ထိုင်းနဲ့ ကမ္ဘောဒီးယား ဝန်ကြီးချုပ်တွေအပြင် အမေရိကန် နိုင်ငံခြားရေးဝန်ကြီး ဟီလာရီကလငတန်၊ အာဆီယံနဲ့ အမေရိကန် စီးပွားရေး လုပ်ငန်းရှင်ကြီးတွေ တက်ရောက်ကြတဲ့ ညစာစားပွဲမှာ သမ္မတ ဦးသိန်းစိန်က ပြောကြားခဲ့ပါတယ်။ ဒီမိန့်ခွန်းထဲမှာပဲ NLD ပါတီဥက္ကဋ္ဌ ဒေါ်အောင်ဆန်းစုကြည်နဲ့ မတူတာတွေဘေးဖယ်ပြီး တူတာတွေ လက်တွဲလုပ်ဖို့ ဖိတ်ခေါ်ခဲ့တဲ့ အကြောင်း၊ ဒါ့အပြင် တိုင်းရင်းသား ခေါင်းဆောင်တွေ၊ နိုင်ငံရေးပါတီ ခေါင်းဆောင်တွေ အပြင် ကဏ္ဍစုံက လူပေါင်းစုံနဲ့ တွေ့ဆုံညှိနှိုင်းမှုတွေ လုပ်ခဲ့တယ်ဆိုတာကိုလည်း သမ္မတက  မိန့်ခွန်းထဲမှာ ထည့်ပြောသွားပါတယ်။
သမ္မတ ဦးသိန်းစိန်နဲ့ တွေ့ဆုံခဲ့တဲ့ အမေရိကန် နိုင်ငံခြားရေးဝန်ကြီး ဟီလာရီကလင်တန် ကလည်း မြန်မာနိုင်ငံက ပြုပြင်ပြောင်းလဲရေး လုပ်ငန်းတွေ ရှေ့ဆက်သွားနိုင်ရေးမှာ ကူညီလိုပါတယ်လို့ ပြောကြားခဲ့ပါတယ်။ အမေရိကန်စီးပွားရေး လုပ်ငန်းတွေ မြန်မာနိုင်ငံမှာ ရင်းနှီးမြှုပ်နှံနိုင်ဖို့ အမေရိကန်အစိုးရက အရေးယူဒဏ်ခတ်မှု တချို့ကို ဖယ်ရှားပေးခဲ့ပြီး နောက်တရက်မှာပဲ ဝန်ကြီး ကလင်တန်က သမ္မတဦးသိန်းစိန်ကို အမေရိကန် စီးပွားရေး လုပ်ငန်းရှင်ကြီးတွေနဲ့ မိတ်ဆက်ပေးခဲ့ပါတယ်။
ဒီကနေ့ပဲ မြန်မာနိုင်ငံကို ဒီနေ့ရောက်လာတဲ့ Chevron၊ Caterpillar၊ General Motors စတဲ့ အမေရိကန်စီးပွားရေး လုပ်ငန်းရှင်ကြီးတွေဟာ နက်ဖြန်ကျရင် မြန်မာနိုင်ငံတွင်း စီးပွားရေး လုပ်ကိုင်မယ့် အခွင့်အလမ်းတွေကို မြန်မာနိုင်ငံက ပုဂ္ဂလိက လုပ်ငန်းရှင်တွေ၊ အစိုးရ တာဝန်ရှိသူတွေနဲ့ ဆွေးနွေးကြမှာဖြစ်ပါတယ်။ ခုလို စက်မှုအင်အားကြီး နိုင်ငံတွေက စီးပွားရေးလုပ်ငန်းရှင်တွေ လာရောက်တာကနေ မြန်မာနိုင်ငံအတွက် စီးပွားရေး အခွင့်အလမ်းတွေ ပွင့်လာဖို့ မျှော်လင့်ရတယ်လို့ မြန်မာနိုင်ငံ ကုန်သည်များနဲ့ စက်မှုလက်မှု လုပ်ငန်းရှင်များအသင်း ဥက္ကဋ္ဌ ဦးဝင်းအောင်က ဗွီအိုအေ မြန်မာပိုင်းကို ပြောပြပါတယ်။

ပြည်သူ့စစ်အသွင်ပြောင်းရမည့် အစီအစဉ် လက်ခံရေး ဝ' တပ်ဖွဲ့ စဉ်းစား

မြန်မာနိုင်ငံတွင် အင်အားအတောင့်တင်းဆုံး တိုင်းရင်းသား လက်နက်ကိုင် တပ်ဖွဲ့ဖြစ်သည့် ဝပြည်သွေးစည်း ညီညွတ်ရေး တပ်မတော် (UWSA) အနေဖြင့် ၄င်း၏ လွတ်လပ်သည့် အနေအထားကို စွန့်လွှတ်ကာ
မြန်မာစစ်တပ်မှ ဦးဆောင်သည့် ပြည်သူ့စစ်တပ်ဖွဲ့ (PMF) အသွင်သို့ ပြောင်းလဲရေးကို လက်ခံစဉ်းစားဖွယ်ရာရှိသည်ဟု သတင်းများက ဆိုကြောင်း သျှမ်းသံတော်ဆင့် သတင်းအေဂျင်စီ၏ သောကြာနေ့ သတင်းဆောင်းပါး တပုဒ်တွင်
ရေးသားထားသည်။

ဝပြည် သွေးစည်းညီညွတ်ရေးတပ်မတော် (UWSA) အနေဖြင့် ၂ဝဝ၉ခုနှစ်က နယ်ခြားစောင့်တပ် (BGF) အသွင်ပြောင်းလဲရေး အစိုးရ၏ ကမ်းလှမ်းချက်ကို ပယ်ချခဲ့ပြီး ဝပြည်သွေးစည်း ညီညွတ်ရေး တပ်မတော်ကဲ့သို့ပင် အခြား အဓိကတိုင်းရင်းသား လက်နက်ကိုင် အင်အားစုများကလည်း ပယ်ချခဲ့ကြသည်။

မြန်မာစစ်အရာရှိများ ဦးစီးသည့် နယ်ခြားစောင့်တပ်ဖွဲ့ (BGF) နှင့်  ပြည့်သူ့စစ်တပ်ဖွဲ့ (PMF) တို့ မတူညီသည့်အချက်မှာ (PMF) ကို ဒေသခံ အရာရှိများက ဦးစီးအမိန့်ပေးခြင်း ဖြစ်သည်။ နယ်ခြားစောင့်တပ်ဖွဲ့ (BGF) နှင့် ပြည့်သူ့စစ်တပ်ဖွဲ့ (PMF) အား မြန်မာစစ်တပ်၏ BGF နှင့် PMF ဦးစီးဌာနများက စီမံခန့်ခွဲ ညွှန်ကြားမည် ဖြစ်သည်။ဝပြည် သွေးစည်းညီညွတ်ရေး တပ်မတော်တွင် ခန့်မှန်းခြေ တပ်သား ၃ဝ,ဝဝဝ ခန့်နှင့် အရန်တပ်သား ၁ဝ,ဝဝဝခန့် ရှိသည်ဟု ခန့်မှန်းကြသည်။

“ကျနော်တို့ အဲဒါကို ဆွေးနွေးနေပါတယ်။ ဒါပေမဲ့ ကျနော်တို့ ခုထိ နောက်ဆုံး ဆုံးဖြတ်ချက်ကို မချရသေးပါဘူး” ဟု အရာရှိတဦး၏ စကားကို ကိုးကား၍ သျှမ်းသံတော်ဆင့်က ဖော်ပြခဲ့သည်။

အကယ်၍ ထိုပြောင်းလဲမှုမျိုး ဖြစ်ပေါ်လာပါက ပြောင်းလဲမှုသည် ဝ လက်နက်ကိုင် အင်အားစု၏ လှုပ်ရှားမှုနှင့် နယ်မြေ ထိန်းချုပ်ရေး အပေါ်တို့တွင် အကျိုးသက်ရောက်မည့်ပုံ မရှိသော်လည်း လက်ရှိအစိုးရ အတွက် အကျိုးကျေးဇူး ရှိလိမ့်မည်ဟု လေ့လာသူများက ဆိုကြသည်။ ဝပြည်သွေးစည်း ညီညွတ်ရေး တပ်မတော်နှင့် ပါတီအား မည်ကဲ့သို့ အကျိုးရှိစေမည်ကိုမူ ရှင်းလင်းစွာ မသိရသေးပေ။

ဝ တပ်ဖွဲ့အား မြန်မာနိုင်ငံတွင် စွမ်းအားအပြည့်ဆုံး တိုင်းရင်းသား လက်နက်ကိုင် တပ်ဖွဲ့အဖြစ် သိခဲ့ကြသည်။ ထိုအဖွဲ့ အနေဖြင့် ဘိန်းဖြူနှင့် တရားမဝင် စိတ်ကြွဆေးပြား ရောင်းဝယ်ရေးတို့တွင် အဓိက လှုပ်ရှားသူ ဖြစ်နေခဲ့ပြီး တရုတ်၊ ထိုင်းနှင့် အချို့နေရာများသို့ မူးယစ်ဆေးဝါးများ တင်ပို့ခြင်းနှင့် ပတ်သတ်၍လည်း တာဝန်ရှိသည်ဟု သိရသည်။အမေရိကန် အစိုးရက UWSA ဝ တပ်ဖွဲ့အား မူးယစ်ဆေးဝါး ကူးသန်းရောင်းဝယ်နေသော အဖွဲ့အစည်းအဖြစ် ၂ဝဝ၃ ခုနှစ် မေလ ၂၉ ရက်နေ့တွင် ကြေညာခဲ့သည်။

ဝတပ်ဖွဲ့အနေဖြင့် တပ်ဖွဲ့အား လက်နက်စွန့်ကာ ၂ဝ၁ဝ ရွေးကောက်ပွဲတွင် ပါဝင်ခိုင်းသည့် ယခင် စစ်အစိုးရ၏
တောင်းဆိုချက်ကို အန်တုခဲ့ပြီး ထိုအစား ထိုနယ်မြေအား ၄င်းတို့ ထိန်းချုပ်ရာ အထူး ကိုယ်ပိုင်အုပ်ချုပ်ခွင့်
ဒေသတခု အဖြစ် ကြေညာပေးရန် တောင်းဆိုခဲ့သည်။

၂ဝဝ၈ ခုနှစ် အခြေခံ ဥပဒေ အရ မြို့နယ်ခြောက်မြို့နယ်အား ဝ ကိုယ်ပိုင်အုပ်ချုပ်ခွင့်ရတိုင်း အဖြစ် သတ်မှတ်ပေးထား သည်။Jane’s Information Group ၏ ၂ဝဝ၈ ခုနှစ် ဒီဇင်ဘာတွင် ထုတ်ပြန်ခဲ့သည့် အစီရင်ခံစာ တခုတွင် ဝတပ်ဖွဲ့ အနေဖြင့် ၎င်းတို့၏ ဝင်ငွေရရှိရေးကို မူးယစ်ဆေးဝါး ကူးသန်းရောင်းဝယ်ခြင်းကို မှီခိုနေရာမှ လက်နက် ထုတ်လုပ်ခြင်းဆီသို့ပြောင်းလဲလာပြီး အေကေ ၄၇ ကဲ့သို့သော အသေးစား လက်နက်ထုတ်လုပ်မှုမျိုးကို လုပ်ကိုင်လာကြောင်း ဖော်ပြ ထားသည်။

ဝပြည်သွေးစည်း ညီညွတ်ရေး တပ်မတော် (UWSA) မှာ ဝပြည်သွေးစည်းညီညွတ်ရေး ပါတီ (UWSP) ၏ စစ်ဘက် ဆိုင်ရာ အဖွဲ့အစည်း ဖြစ်ပြီး ဗမာပြည် ကွန်မြူနစ်ပါတီ ၁၉၈၉ ခုနှစ်တွင် ပြိုကွဲသွားစဉ်က ဖွဲ့စည်းခဲ့ခြင်း ဖြစ်သည်။

ဝပြည်သွေးစည်း ညီညွတ်ရေး တပ်မတော်၏ လုပ်ငန်းခွင် ဘာသာစကားမှာ တရုတ် ဘာသာစကား ဖြစ်သည်။ ဝပြည်သွေးစည်း ညီညွတ်ရေး တပ်မတော် UWSA အနေဖြင့် ၄င်း၏ နယ်မြေအား ဝပြည်နယ် အစိုးရ အထူး အုပ်ချုပ်ရေးဒေသ အဖြစ် ၂ဝဝ၉ ခုနှစ် ဇန်နဝါရီတွင် ကြေညာခဲ့သည်။

ပိတ်ဆို့အရေးယူမှု ရုပ်သိမ်းရေး တာဝန်ပေးရန် အတည်ပြု\

မြန်မာနိုင်ငံအပေါ် ချမှတ်ထားတဲ့ စီးပွားရေး ဒဏ်ခတ်ပိတ်ဆို့မှု ရုပ်သိမ်းရေးအတွက် အရေးတကြီး အဆိုတရပ်ကို ရှမ်းပြည်နယ် ကွန်ဟိန်းမြို့နယ်က ပြည်သူ့လွှတ်တော် ကိုယ်စားလှယ် ဒေါ်နန်းဝါနုက တင်သွင်းခဲ့ရာ လွှတ်တော်က အပြန်အလှန်ဆွေးနွေးပြီး အတည်ပြုလိုက်ပါတယ်။
“ခေတ်မီဖွံ့ဖြိုးတိုးတက်၍ စည်းကမ်းရှိသော ဒီမိုကရေစီစနစ်ဖော်ဆောင်ရာတွင် အဟန့်အတားဖြစ်နေသော မြန်မာနိုင်ငံအပေါ် ချမှတ်ထားသည့် ဒဏ်ခတ်ပိတ်ဆို့ အရေးယူမှုအား အမြန်ဆုံးရုပ်သိမ်းပေးရန် လွှတ်တော်နှင့် ဆောင်ရွက်နိုင်သူ မည်သူ့ကိုမဆို မည်သည့်နည်းလမ်းကို အသုံးပြု၍ ဖြစ်စေ ညှိနှိုင်းဆောင်ရွက်ပေးရန် တိုက်တွန်းကြောင်း” လို့ ရှမ်းတိုင်းရင်းသားများ ဒီမိုကရက်တစ် ပါတီမှ  ဒေါ်နန်းဝါနုက ဆိုပါတယ်။
မြန်မာနိုင်ငံအပေါ် ချမှတ်ထားတဲ့ စီးပွားရေး ပိတ်ဆို့ဒဏ်ခတ်မှု အမြန်ဆုံး ရုပ်သိမ်းပေးဖို့ သင့်တော်တဲ့ လူပုဂ္ဂိုလ်တဦးကို ရွေးချယ်ပေးရန် အရေးတကြီးအဆိုကို ဒေါ်နန်းဝါနုက လွှတ်တော်မှာ ကြားဖြတ်တင်သွင်းတာလည်း ဖြစ်ပါတယ်။
ဒါကလည်း မကြာမီ ရက်သတ္တပတ်အတွင်းမှာ အမေရိကန် ပြန်ထောင်စုက မြန်မာအပေါ် ချမှတ်ထားတဲ့ စီးပွားရေး ဒဏ်ခတ်ပိတ်ဆို့မှုဆိုင်ရာ သက်တမ်းတိုးရေးကို လက်မှတ်ထိုးမှာဖြစ်တဲ့အတွက် အခုလို အရေးတကြီး အဆိုတင်တာလို့ ဒေါ်နန်းဝါနုက သတင်းထောက်တွေကို ပြောပါတယ်။
သူ့ရဲ့ အဆိုတင်သွင်းမှုနဲ့ ပတ်သက်ပြီး ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီဝင် တနင်္သာရီတိုင်းမှ ဦးဌေးမြင့်၊ ဦးဝင်းသန်း၊ ရခိုင်တိုင်းရင်းသားများ ဖွံ့ဖြိုးတိုးတက်ရေးပါတီမှ ဒေါ်ခင်စောဝေတို့ကလည်း မြန်မာနိုင်ငံဟာ အဖက်ဖက်က ဆင်းရဲနိမ့်ကျနေရတာဟာ အမေရိကန် အပါအ၀င် အနောက်နိုင်ငံတွေက မြန်မာအပေါ် စီးပွားရေး ဒဏ်ခတ် ပိတ်ဆို့မှုကြောင့်ဖြစ်ကြောင်း၊ စီးပွားရေး ပိတ်ဆို့မှုဟာ မြန်မာနိုင်ငံ ဒီမိုကရေစီစနစ် အသွင်ပြောင်းနေချိန်၊ တိုင်းပြည် ဖွံ့ဖြိုး တိုးတက်ရေး ဆောင်ရွက်နေချိန်မှာ အဓိက အဟန့်အတားဖြစ်နေတာမို့ ရုပ်သိမ်းရေး ကြိုးပမ်းမှု အဆိုပြုချက်ကို ထောက်ခံ ဆွေးနွေးသွားကြပါတယ်။
အမျိုးသား ဒီမိုကရေစီ အဖွဲ့ချုပ် (NLD) ပါတီရဲ့ နေပြည်တော်ကိုယ်စားလှယ် ဦးနိုင်ငံလင်းကလည်း စီးပွားရေး ပိတ်ဆို့မှု ရုပ်သိမ်းရေး အဆိုကို ထောက်ခံပေမယ့် ဒီအဆိုဟာ ပြည်သူ့လွှတ်တော် ကိုယ်စားလှယ်တွေအနေနဲ့ ကျယ်ကျယ်ပြန့်ပြန့် ဆွေးနွေးသွားကြရမယ့် အဆိုဖြစ်ကြောင်း၊ ပြည်ထောင်စု အစိုးရအနေနဲ့လည်း စီးပွားရေး ပိတ်ဆို့မှုတွေ ရပ်တန့်လိုက်မယ်ဆိုရင် နိုင်ငံသားတို့ရဲ့ လူ့အခွင့်အရေးနဲ့ တရားဥပဒေ စိုးမိုးရေး အာမခံချက် ပေးနိုင်ရေး ဆွေးနွေးရန် လိုအပ်ကြောင်း စသည်ဖြင့် ဒီကိစ္စဟာ ကျယ်ကျယ်ပြန့်ပြန့် ဆက်ဆွေးနွေးသင့်တယ်လို့ ထောက်ပြဆွေးနွေးသွားပါတယ်။
တခြား ပြည်သူ့လွှတ်တော် ကိုယ်စားလှယ်များဖြစ်ကြတဲ့ ဦးစိန်ဝင်း၊ ဦးကြည်မြင့်တို့ကလည်း အသီးသီး ထောက်ပြဆွေးနွေးမှုတွေ လုပ်ခဲ့ကြပါတယ်။
ပြည်သူ့လွှတ်တော် ဥက္ကဋ္ဌ သူရဦးရွှေမန်းကလည်း သူ့အနေနဲ့ စဉ်းစားဆုံးဖြတ်ပြီး အရေးအကြီး အဆိုတင်သွင်းသင့်တယ်လို့ ယုံကြည်တဲ့အတွက် တင်သွင်းခွင့်ပြုတာဖြစ်ပြီး မြန်မာနိုင်ငံဟာ အဖက်ဖက်က ဆင်းရဲ ဆုတ်ယုတ်နေတာတွေဟာ စီးပွားရေး ပိတ်ဆို့မှုကြောင့်ဖြစ်ကြောင်း၊ အခုလို ရုပ်သိမ်းရေးအဆိုကို အရေးတကြီး မတင်ပါက အမေရိကန်က ဒဏ်ခတ် ပိတ်ဆို့မှု သက်တမ်း ထပ်တိုးရင် နောက်ထပ် ၃ နှစ် စောင့်ရမှာဖြစ်ပြီး ဒီကာလအတွင်း တိုင်းပြည်ဖွံ့ဖြိုးတိုးတက်ရေးမှာ ငွေကြေးလွှဲပြောင်း စီးဆင်းရေးတွေပါ အဟန့်အတားတွေ ဖြစ်နေမှာကြောင့် ဒါကို အမြန်ရုပ်သိမ်းရေး နိုင်ငံသားကောင်းတိုင်းက လုပ်သင့်တယ်လို့ ၀င်ရောက်ဆွေးနွေးခဲ့ပါတယ်။
အဲဒီနောက် ပြည်သူ့လွှတ်တော် ဥက္ကဋ္ဌက လွှတ်တော်အနေနဲ့ ဒေါ်နန်းဝါနု တင်သွင်းတဲ့ အဆိုကို သဘောတူ၊ မတူ မေးမြန်းပြီး ကန့်ကွက်သူ မရှိတာကြောင့် အဆိုကို သဘောတူညီလိုက်ကြောင်း သိရပါတယ်။
ဒီကိစ္စနဲ့ပတ်သက်ပြီး NLD ပါတီ လွှတ်တော်ကိုယ်စားလှယ်တွေ ဖြစ်ကြတဲ့ ဦးဝင်းထိန်နဲ့ ဦးအုန်းကြိုင်တို့ကတော့ ဆွေးနွေးခွင့် မရခဲ့ကြပါဘူး။
လွှတ်တော်အစည်းအဝေး တက်ရောက်နေကြတဲ့ လွှတ်တော်ကိုယ်စားလှယ်များကတော့ ဒီကိစ္စအတွက် တာဝန်ကို ဒေါ်အောင်ဆန်းစုကြည်ကို တာဝန်ပေးလိုတဲ့အတွက် အခုလို တင်သွင်းတာဖြစ်နိုင်တယ်လို့ ပြောဆိုနေကြပါတယ်။
NLD ဥက္ကဋ္ဌ ဒေါ်အောင်ဆန်းစုကြည်ကတော့ “လွှတ်တော်က ဆုံးဖြတ်တဲ့ ကိစ္စဖြစ်တဲ့အတွက် လွှတ်တော်က ဘယ်လို ဆက်လက် ဆောင်ရွက်မယ်ဆိုတာ စောင့်ကြည့်သွားမယ်” လို့ ဒေါ်နန်းဝါနုရဲ့ အဆိုနဲ့ပတ်သက်ပြီး သတင်းထောက်တွေကို ပြောခဲ့ပါတယ်။
လွှတ်တော် အစည်းအဝေးပြီးနောက် ညနေပိုင်းမှာတော့ ပြည်သူ့လွှတ်တော် ဥက္ကဋ္ဌ ဦးရွှေမန်း၊ အဆို တင်သွင်းတဲ့ ဒေါ်နန်းဝါနုတို့ဟာ လွှတ်တော်အမတ် ဒေါ်အောင်ဆန်းစုကြည်နဲ့ လွှတ်တော်ရုံးခန်းတခုမှာ တွေ့ဆုံဆွေးနွေးခဲ့ကြပါတယ်။
အဲဒီလို ဦးရွှေမန်း၊ ဒေါ်နန်းဝါနုနဲ့ ဒေါ်အောင်ဆန်းစုကြည်တို့ရဲ့ ဆွေးနွေးချက် အသေးစိတ်ကို ဧရာဝတီက စုံစမ်းနေဆဲဖြစ်ပါတယ်။
ဇူလိုင်လ ၁၃ ရက်နေ့မှာ ပြည်သူ့လွှတ်တော်အစည်းအဝေး ၈ ရက်မြောက်နေ့ ကျင်းပကြတာမှာ ပြည်သူ့ လွှတ်တော် ကိုယ်စားလှယ်ပေါင်း ၄၀၀ ကျော် တက်ရောက်ခဲ့ပါတယ်။

တရားခံ ဇနီးသည်ကို ကိုယ်တိုင် ရဲလက်အပ်မည်ဟု ဆို

ပဲခူးတိုင်း ပဲခူးမြို့တွင် အသက် ၁၅ နှစ်အရွယ် အိမ်အကူအလုပ်သမ မအေးယုအောင်ကို လက်ရောက်ကျူးလွန်မှုဖြင့် အမှုဖွင့် တိုင်ကြားခံထားရပြီးနောက် ပုန်းရှောင်နေသူ ဒေါ်ဖြူဝင်းသက်အား သက်ဆိုင်ရာရဲစခန်းသို့ ခင်ပွန်းဖြစ်သူ ပဲခူးဒုတိယ တရားသူကြီး ကိုယ်တိုင် လာရောက် ပို့ဆောင်မည်ဖြစ်ကြောင်း သတင်းရရှိသည်။
လက်ရောက်ကျူးလွန်မှုဖြင့် မအေးယုအောင်က အိမ်ရှင် ဒေါ်ဖြူဝင်းသက်အား ပဲခူးမြို့ အမှတ် (၁) ရဲစခန်းတွင်  မေလ ၃ ရက်နေ့က အမှုဖွင့်တိုင်ကြားခဲ့ပြီးနောက် ဒေါ်ဖြူဝင်းသက်မှာ ၂ လကျော် တိမ်ရှောင်နေခဲ့ပြီး ခင်ပွန်းဖြစ်သူ ဦးအောင်ဖုန်းဝင်းက ၎င်းကိုယ်တိုင် ရဲစခန်းသို့ လာရောက်အပ်နှံမည်ဟု ပြောဆိုလာကြောင်း အမှတ် (၁) ရဲစခန်းမှ စခန်းမှူး ဦးသိန်းဦးက ပြောသည်။
“ဦးအောင်ဖုန်းဝင်းက သူကိုယ်တိုင်ပဲ ကျနော်တို့ စခန်းကို လာအပ်မယ်လို့ ပဲခူးမြို့နယ် တရားရုံးကို ဆက်သွယ်လာတယ် ဆိုတာကို တရားရုံးက ကျနော့်ဆီ အကြောင်းကြားလာတာပါ၊ ဘယ်နေ့ဘယ်ရက် ဆိုတာတော့ မသိသေးပါဘူး” ဟု စခန်းမှူး ဦးသိန်းဦးက ပြောသည်။
တရားလိုဘက်မှ ရဲစခန်းတွင် အမှုဖွင့်စဉ် ထွက်ဆိုချက်များအရ ယခုနှစ် မတ်လ ၂၅ ရက်နေ့က အိမ်ရှင် ဒေါ်ဖြူဝင်းသက်က မအေးယုအောင်အား မီးပူဖြင့် ထိုးကပ်ခဲ့သဖြင့် လည်ပင်းနှင့် ရင်ဘတ်တို့တွင် အရေပြားလွှာများ ပျက်စီးသည်အထိ ဒဏ်ရာများ ရရှိထားသကဲ့သို့ ဝမ်းဗိုက်တွင်လည်း ဓားထိရှ ဒဏ်ရာများ ရထားပြီး ဦးခေါင်းတွင် ပုလင်းနှင့် ရိုက်ထားကြောင်း ဒဏ်ရာများနှင့်တကွ ထွက်ဆိုထားသည်ဟု သိရသည်။
ဒဏ်ရာများနှင့် မအေးယုအောင်ကို တရပ်ကွက်တည်း ပြည်သူများက တွေ့ရှိပြီးနောက် ရုပ်သံမှတ်တမ်းများ ရိုက်ယူပြီး ရဲစခန်းသို့ တိုင်ကြားရန် ကြိုးစားခဲ့ကြပြီးနောက် မအေးယုအောင်ကို ဒဏ်ရာများပျောက်ကင်းသည်မထိ တလကျော်ကြာ ထိန်းသိမ်းခဲ့ပြီး မိခင်ထံ ပြန်လည်အပ်နှံခဲ့သည်။ နေရပ်ရင်းပြန်ရောက်သော မအေးယုအောင်က တရားစွဲဆိုပြီးနောက် ဒေါ်ဖြူဝင်းသက်က ပုန်းရှောင်နေခြင်း ဖြစ်သည်။
နှစ်လကျော်ကြာ ပုန်းရှောင်နေသော ဒေါ်ဖြူဝင်းသက်ကို ပဲခူး အမှတ် (၁) စခန်းတာဝန်ရှိသူများ အနေဖြင့် တရားခံပြေးအဖြစ် သတ်မှတ်ထားပြီး ၎င်းရောက်ရှိ နေထိုင်နိုင်သော နေရာများကို ဆက်သွယ်ရှာဖွေနေကြောင်း ဦးသိန်းဦးက ဆိုသည်။
“ကျနော်တို့ဘက်ကတော့ သူဘယ်မှာရှိတယ် ဆိုတာကိုတော့ သက်ဆိုင်ရာ မြို့နယ်တာဝန်ရှိသူတွေနဲ့ ဆက်သွယ်ပြီး တောက်လျှောက် စုံစမ်းနေတာပေါ့လေ။ တရားခံ တိမ်းရှောင်နေတဲ့နေရာကို အတိကျမသိနိုင်သေးတော့ ဖမ်းဆီး ရမိနိုင်ခြင်း မရှိသေးဘူးပေါ့” ဟု ဦးသိန်းဦးက ဧရာဝတီသို့ ပြောသည်။
ဒေါ်ဖြူဝင်းသက်အမှု ဖြစ်ပွားပြီးနောက် ခင်ပွန်းဖြစ်သူ ဦးအောင်ဖုန်းဝင်းကို ပဲခူးတရားရုံးက တောင်တွင်းကြီးမြို့နယ်သို့ ရွှေ့ပြောင်း တာဝန်ပေးအပ်ခဲ့ပြီးနောက် ပဲခူးရဲတပ်ဖွဲ့အနေဖြင့် တောင်းတွင်းကြီးမြို့နယ် ရဲတပ်ဖွဲ့အကူညီဖြင့် ထိုနေရာသို့ သွားရောက် စစ်ဆေးခဲ့သော်လည်း မတွေ့ရှိကြောင်း သိရသည်။
ပုန်းရှောင်နေသူ ဒေါ်ဖြူဝင်းသက်ကို ပဲခူးရဲနှင့် ခင်ပွန်းဖြစ်သူ ဦးအောင်ဖုန်းဝင်းတို့က ရှာမတွေ့နိုင်ဘဲ ဖြစ်နေသော်လည်း တရားခံဘက်မှ ဆွေမျိုးများက တရားလိုဘက်က အမှုကျေအေးပေးစေရန် ပဲခူးတိုင်း ဘုန်းတော်ကြီးသင် ပညာရေးကျောင်း ဥက္ကဋ္ဌ မင်္ဂလာရာမ ကျောင်းတိုက် ဆရာတော် အရှင်နန္ဒဝံသထံ ယခင်လ လဆန်းပိုင်းက သွားရောက်လျှောက်ထားမှုများ ရှိကြောင်း ဧရာဝတီက စုံစမ်းသိရှိရသည်။
ဆရာတော် အရှင်နန္ဒဝံသက ဒေါ်ဖြူဝင်းသက်အား တရားလိုများဘက်မှ ကျေအေးပေးရန် မအေးယုအောင်ဘက်မှ အမှုကို ကူညီဆောင်ရွက်ပေးနေသူ ပဲခူးမြို့ လမ်းပြကြယ်အဖွဲ့ခေါင်းဆောင် ဦးအေးမြင့်ကို ဆက်သွယ်ခဲ့သော်လည်း ပြေလည်မှု မရခဲ့ကြောင်း သိရသည်။
မအေးယုအောင်သည် ယခုအခါ မိခင်ဖြစ်သူနှင့်အတူ ပဲခူးတိုင်း ကျောက်ကြီးမြို့နယ်တွင် နေထိုင်လျက်ရှိသည်။ သို့သော် အိမ်ရှင် ဒေါ်ဖြူဝင်းသက်က မအေးယုအောင်အား ပုလင်းဖြင့်ရိုက်ထားခဲ့သည့် ဦးခေါင်းဒဏ်ရာမှာ မကြာခဏ နာကျင်ပြီး စိတ်ပုံမှန်အနေအထားတွင် မရှိကြောင်း မိခင်ဖြစ်သူ ဒေါ်ကြူကြူက ပြောသည်။

အစိုးရတပ်မှ ကလေးစစ်သား ၅ ဦး KIA ထိန်းသိမ်းထား

ကချင်လွတ်မြောက်ရေး တပ်မတော် (KIA) နှင့် မြန်မာအစိုးရ စစ်တပ်တို့ ၁ နှစ်ကျော်ကြာသည် အထိ တိုက်ပွဲများ ဖြစ်ပွားခဲ့စဉ် ကလေးစစ်သား ၅ ဦးအပါအဝင် မြန်မာအစိုးရ တပ်သား ၃၄ ဦးကို KIA ဘက်က ဖမ်းဆီးရမိခဲ့ကြောင်း သိရသည်။
ဖမ်းဆီးရသည့် မြန်မာ့တပ်သားများနှင့် ကလေးစစ်သားများကို အစိုးရတပ်များဘက်သို့ အေးချမ်းစွာ ပြန်လည်ပို့ဆောင် ချင်ကြောင်း KIA ဒုတိယ စစ်ဦးစီးမှူး ဂွမ်မော်က ပြောသည်။
“ဒီတပ်သားတွေ အားလုံးကို သူတို့တပ်ရင်း ပြန်ပို့ချင်တယ်။ အေးချမ်းစွာနဲ့ပေါ့။ အဲဒီအထဲမှာ ကလေးစစ်သား တွေလည်းပါ တယ်။ သူတို့ တပ်ကိုပြန်ရောက်အောင်၊ ဘာပြဿနာမှ မဖြစ်အောင်တော့ လုပ်ရမှာပေါ့။ ဒီကိစ္စနဲ့ ပတ်သတ်ပြီးတော့လည်း ဦးအောင်သောင်း တို့ကို စာပို့ထားပါတယ်။ ဒါပေမယ့် ဘာမှ အကြောင်းမပြန် သေးဘူး” ဟု သူက ဆိုသည်။
ယခုအခါတွင် KIA ထိန်းချုပ်ထားသည့် ကချင်စစ်ပြေး ဒုက္ခသည် စခန်းတခုတွင် ရောက်ရှိနေသော ကလေး စစ်သားတဦး ဖြစ်သည့် မောင်သန့်ဇင်အောင်က “ကျနော် စစ်တပ်ထဲ ၀င်လာတာ ၀ါသနာပါလို့ မဟုတ်ဘူး။ အိမ်နဲ့ရန်ဖြစ်ပြီး အိမ်ပေါ်ကနေ ဆင်းလာတော့ ကျနော့် အစ်ကိုဝမ်းကွဲက စစ်တပ်ထဲကို လိုက်ပို့တာပါ။ အဲဒီမှာ စစ်ကျောင်းဆင်းပြီးတာနဲ့ ချက်ချင်း စစ်ပွဲဖြစ်တဲ့ နေရာကို စစ်လာ တိုက်ခိုင်းတယ်။ ကျနော် သေနတ်မကိုင်ချင်ဘူး၊ စစ်မတိုက်ချင်ဘူး” ဟု ပြောသည်။
စစ်မတိုက်ချင်ကြောင်း ၎င်း၏ အထက်လူကြီး များအား ပြောရာ ကြိုးတုတ်၍ ရိုက်နှက်ခံရခြင်းကြောင့် စစ်တပ်မှ ထွက်ပြေး လာခဲ့ကြောင်း၊ KIA ဘက်က သူ့အား ဖမ်းဆီး လိုက်ကြောင်း၊ မြန်မာအစိုးရ တပ်များဘက်သို့ ပြန်ပို့မည်ကို စိုးရိမ်နေကြောင်း၊ တပ်ပြေး စစ်သားတဦးသည် ထောင်ဒဏ် တသက်တကျွန်း ကျနိုင်ကြောင်း မောင်သန့်ဇင်အောင်က ဆိုသည်။
ကချင်စစ်ပြေး ဒုက္ခသည်စခန်းများသို့ သွားရောက်ခဲ့သည့် ၈၈ မျိုးဆက် ကျောင်းသားခေါင်းဆောင် များထဲမှ တဦးဖြစ်သူ ကိုမြအေးက “လိုင်ဇာရောက်တော့ ဒုစစ်ဦးစီးမှူး ဂွမ်မော်က KIA ဘက်မှာ ဖမ်းထားတဲ့ အစိုးရ စစ်သား ၃၄ ဦးကို မြန်မာပြည် ပြန်ပို့ချင်တယ်၊ မြန်မာအစိုးရက ဘယ်လိုတာဝန်ယူမလဲ ဆိုတဲ့ မေးခွန်းမေးတယ်လို့ သိလိုက်ရတော့ ကျနော့် အနေနဲ့ ၀မ်းသာပါတယ်။ အဲဒီအထဲမှာ ကလေးစစ်သား တွေလည်း ပါနေတယ်။ သူတို့ အနေနဲ့ သူတို့ နေရပ်ကို ပြန်ချင်ကြတယ်။ ဒါပေမယ့် စစ်တပ်ရဲ့ အမိန့်ကို ကြောက်ကြတယ်။ တပ်ပြေးဆိုရင် ထောင်ဒဏ်က တသက်တကျွန်း ဆိုတော့ ကြောက်ကြတယ်။ အဲဒါကို ကျနော် မျက်မြင်တွေ့လာတာပါ” ဟု ပြောသည်။
စစ်ပွဲများကြောင့် တချို့ ကျောင်းသားအရွယ် ကလေးငယ်များ စစ်သုံ့ပန်းအဖြစ် အသုံးပြုခံနေရသည်ကို တွေ့ရကြောင်း၊အစိုးရ ကိုလည်း စွပ်စွဲပြောဆိုခြင်း မပြုလိုကြောင်း၊ စစ်တပ်သည် နိုင်ငံကို ကာကွယ်ရန် တာဝန်ယူပြီး စည်းစနစ် ရှိရမည်ဖြစ်ကြောင်း၊ယခုခေတ်သည် လူသားအချင်းချင်း တိုက်ခိုက်ရမည့် ခေတ်မဟုတ်တော့ကြောင်း၊ ထိုသို့ အချင်းချင်း တိုက်နေခြင်းကြောင့် ကြုံရာလူကို တပ်ထဲသွင်းသဖြင့် ကလေးစစ်သားများ တပ်ထဲရောက်လာရခြင်း ဖြစ်ကြောင်း ၎င်းက ဆိုသည်။
“ကျနော်တို့ အိမ်ပြန်ချင်တယ်။ ဒါပေမယ့် အခုက တပ်စွန့်ခွာမှု၊ နယ်မြေစွန့်ခွာမှု၊ လက်နက်စွန့်ခွာမှု အဲဒီအမှုသုံးခု ဆွဲခံရမယ်။ တပ်ပြေးဆိုရင် တသက်တကျွန်း ဖြစ်သွားနိုင်တယ်။ ကျနော်ကတော့ ပြန်ရင်လည်းမထူးဘူး။ ဒီမှာနေရင်လည်း မထူးပါဘူး။ ပြန်ချင်တယ်၊ အေးအေးပဲ နေချင်တယ်။ စစ်တပ်ထဲ မနေချင်တော့ဘူး” ဟု ကချင်စစ်ပြေး ဒုက္ခသည်စခန်းတွင် နေထိုင်သည့် ကလေးစစ်သား တစ်ဦးဖြစ်သူ မောင်အေးက ဧရာဝတီသို့ပြောသည်။
KIA ဘက်က ဖမ်းဆီးထားမိသည့် ကလေးစစ်သားများသည် အတန်းပညာ အရည်အချင်း မရှိကြကြောင်း၊ ၎င်းတို့ ဆန္ဒဖြင့်စစ်တပ်ထဲသို့ ၀င်လာခြင်းလည်း မဟုတ်ကြောင်း၊ အများစုသည် နေအိမ်နှင့် စိတ်အခန့်မသင့်ချိန်၊ လမ်းပေါ် ရောက်နေချိန်တွင် အတင်းအဓမ္မ ခေါ်ဆောင်ကာ တပ်ထဲသို့ ပို့ဆောင်ပြီး စစ်ပွဲတွင် အသုံးပြု ခံရခြင်းဖြစ်ကြောင်း သိရသည်။
ထို့အပြင် KIO နှင့် အစိုးရတပ်များ အကြားဖြစ်ပွားနေသော စစ်မြေပြင်၌ အသက် ၁၂၊ ၁၃ နှစ်အရွယ် ဒေသခံ ကလေး များကို အစိုးရ စစ်တပ်က ပေါ်တာဆွဲ၍ လူသားမိုင်းရှင်း ကိရိယားအဖြစ် လည်းကောင်း၊ အကာအကွယ် အဖြစ်လည်းကောင်း အသုံးပြုနေခြင်းများ ရှိကြောင်း KIO ၏ပြောရေးဆိုခွင့်ရှိသူ ဦးလနန်က ဆိုသည်။
“ဒီလ ၄ ရက်နေ့က ကျနော်တို့နဲ့ ဖြစ်တဲ့ တိုက်ပွဲမှာ အဲဒီကလေးလေး တွေကို ရှေ့ကနေထားပြီး သူတို့က လာတိုက်တယ်။ ကလေးတွေက မိုင်းပေါက်ပြီး ဒဏ်ရာရသွားတယ်။ ဒဏ်ရာရနေတဲ့ ကလေးတွေကို အဲဒီမှာပဲ ထားခဲ့လို့ ကျနော်တို့ ကယ်ထုတ်နိုင်ခဲ့တယ်။ အခု အဲဒီကလေးတွေကို ကျနော်တို့ ရှေ့တန်း ဆေးခန်းမှာ ဆေးကုပေးနေတယ်” ဟု သူက ဧရာဝတီသို့ ပြောသည်။
မြန်မာနိုင်ငံတွင် ကလေးစစ်သား အသုံးပြုမှု ပပျောက်ရေးအတွက် ကုလသမဂ္ဂနှင့် မြန်မာအစိုးရတို့ ယခုလ အတွင်း လက်တွေ့ လုပ်ငန်းစဉ်ဖော်ဆောင်ရေး သဘောတူညီမှု (Plan of Action) စာချုပ်ကို နေပြည်တော်တွင် လက်မှတ် ရေးထိုးခဲ့သည်။
မြန်မာအစိုးရနှင့် ကုလသမဂ္ဂတို့ သဘောတူကြသည့် လုပ်ငန်း ဖော်ဆောင်ရေး အစီအစဉ်တွင် ယခင်နှင့် မတူညီဘဲ ကလေးစစ်သားအဖြစ် အသုံးပြုနေကြသည့် လက်နက်ကိုင်အဖွဲ့များမှ လွတ်မြောက်လာကြသည့် ကလေးသူငယ်များကို အစိုးရက ပြန်လည်ပြုစု ပျိုးထောင်မည်ဆိုသည့် လုပ်ငန်းစဉ် သဘောတူညီချက်လည်း ပါဝင်ကြောင်း သိရသည်။
ကမ္ဘာ့ကုလသမဂ္ဂ ကလေးများရန်ပုံငွေ အဖွဲ့ (UNICEF) အနေဖြင့် ၂၀၁၄ ခုနစ်တွင် မြန်မာတ၀န်းလုံး၌ ကလေးစစ်သား လုံးဝပပျောက်ရေး ကြိုးပမ်း ဆောင်ရွက်သွားမည် ဖြစ်ကြောင်း သိရသည်။
မြန်မာ့ တပ်မတော်တွင် ကလေးစစ်သား မရှိကြောင်း နှစ်ပေါင်းများစွာက ငြင်းဆိုခဲ့ခြင်း၊ ကလေး စစ်သားများ ပပျောက်ရေး ကြိုးပမ်းခြင်းများ ရှိခဲ့သော်လည်း ကျယ်ပြန့်စွာ မဆောင်ရွက်နိုင် သေးသကဲ့သို့ ကလေးစစ်သားများ ရှိနေဆဲဖြစ်ကြောင်း ကုလသမဂ္ဂ၏ ထုတ်ပြန်ချက်များက ဆိုသည်။
ကလေးစစ်သားနှင့် အရွယ် မရောက်သေးသူများကို စစ်မှုထမ်းအဖြစ် အသုံးပြုနေသည်မှာ မြန်မာအစိုးရ စစ်တပ် တခုတည်း သာ မဟုတ်ဘဲ တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA)၊ ကချင်လွတ်မြောက်ရေး တပ်မတော် (KIA)၊ ကရင် အမျိုးသား အစည်းအရုံး (KNU)၊ ကရင်နီ အမျိုးသား တိုးတက်ရေးပါတီ (KNPP) ရှမ်းပြည် တပ်မတော် တောင်ပိုင်းတပ် (SSA-S)၊ ဝ ပြည် သွေးစည်းညီညွတ်ရေး တပ်မတော် (UWSA) တို့လည်း အရွယ်မရောက် သေးသူများကို စစ်မှုထမ်းအဖြစ် အသုံးပြုနေကြောင်း ကုလသမဂ္ဂ၏ ၅ နှစ် စစ်တမ်းအရ သိရသည်။
အဆိုပါ တိုင်းရင်းသား လက်နက်ကိုင် အဖွဲ့များကိုလည်း ထိတွေ့ဆွေးနွေးကာ ကလေးစစ်သား ပပျောက်ရန် ကြိုးပမ်း သွားမည်ဖြစ်ကြောင်း UNICEF က ဆိုသည်။
အသက်မရွယ် မပြည့်သည့် ကလေးငယ်များကို လက်နက်ကိုင် အဖွဲ့များက အသုံးပြုခြင်းဖြင့် သက်ဆိုင်ရာ အဖွဲ့အစည်းသည် စစ်ရာဇ၀တ်မှု ကျူးလွန်ရာရောက်ကြောင်း နိုင်ငံတကာ ဥပဒေတွင် ပြဌာန်းထားကြောင်း၊ အသက် ၁၈ နှစ် မပြည့်သေး သူများကို လက်နက်ကိုင်အဖွဲ့က အသုံးပြုခြင်းသည် အရွယ်မရောက်သေးသူအား စစ်မှုထမ်းစေခြင်းဟု သတ်မှတ်ထားကြောင်း သိရသည်။

ထွန်တုံးတိုက်ပွဲ ဆင်နွှဲသည့် လယ်သမားများ အဖမ်းခံရ

ပဲခူးတိုင်းဒေသကြီး ပြည်ခရိုင် ပန်တောင်းမြို့အတွင်း သိမ်းယူခံထားရသော လယ်မြေများတွင် လယ်ပြန်စိုက်ခွင့် ရရှိရန်ထွန်တုံးတိုက်ပွဲ ဆင်နွှဲသည့် လယ်သမား ၇ ဦး ယနေ့နံနက်တွင် ဖမ်းဆီးခံရကြောင်း သတင်းရရှိသည်။
အဆိုပါ လယ်သမားများကို နံနက် ၁၀ နာရီခန့်က ပန်းတောင်းမြို့နယ် တပ်မတော် ကာကွယ်ရေး ပစ္စည်းစက်ရုံ (ကပစ) ၃ က ဖမ်းဆီး ခေါ်ဆောင်သွားခြင်း ဖြစ်ကြောင်း၊ ဖမ်းဆီးခံရ သူများမှာ ဆင်တဲကျေးရွာအုပ်စု ရွာသစ်ကုန်း ကျေးရွာမှ လယ်သမား ၅ ဦးနှင့် ပုတီးတော ကျေးရွာမှ လယ်သမား ၂ ဦးတို့ဖြစ်ကြောင်း ဒေသခံ လယ်သမား တဦးက ပြောသည်။
“မနေ့က လယ်ထွန်နေတဲ့ လယ်သမားတွေကို ကပစ ၃ က ဗိုလ်ကြီးတွေ လာပြီးတော့ လယ်ဆင်းမထွန်ဖို့ ပြောတယ်။ ပြီးတော့ လယ်ခွန် ပြေစာ ရှိတယ်ဆိုရင် ကြေးတိုင်နဲ့ မြေစာရင်းကို သွားရှင်းဖို့ ပြောတယ်။ ဒီမနက် ကြေးတိုင်နဲ့ မြေစာရင်းကို အသွား လမ်းမှာ အဖမ်းခံ လိုက်ရတာပါ” ဟု လယ်သမား ၎င်းက ရှင်းပြသည်။
အဖမ်းဆီး ခံရပြီးနောက် ကပစ ၃ အုပ်ချုပ်ရေး ရုံးသို့ ခေါ်ဆောင်သွားကြောင်း၊ ယခု ညနေ ၅ နာရီခွဲခန့် အထိ ပြန်ရောက် မလာသေးကြောင်း သူက ဆက်ပြောသည်။
ဆင်တဲကျေးရွာ အုပ်စုမှ လယ်မြေများသည် ကပစ အမှတ် ၃ နှင့် လေကြောင်းရန် ကာကွယ်ရေးတပ်မှ ၁၉၈၈၊ ၈၉ ခုနှစ် ကတည်းက သိမ်းယူ ခံထားရခြင်းဖြစ်ပြီး သိမ်းယူပြီးနောက် သက်ဆိုင်ရာ စစ်တပ်ကို သီးစားခ ပေး၍ စိုက်ပျိုးခွင့် ရခဲ့သော်လည်း ယခုနှစ်မှ စတင်၍ လယ်လုံးဝ စိုက်ခွင့် မပေးတော့ကြောင်း သိရသည်။
“သီးစားခက မနှစ်က တဧကကို ၁၆ တင်း ပေးရတယ်။ ကိုယ့်လယ် ကိုယ်လုပ်ပြီး သီးစားခပြန်ပေးရတာ ကိုက်တော့ မကိုက်ဘူး၊ ဒါပေမယ့် လုပ်စားစရာ ရှိသေးတယ်။ ဒီနှစ်တော့ လုံးဝ မလုပ်ရတော့ဘူးလို့ ပြောလာတော့ ကိုယ့်လယ်ကိုယ်ပြန်လုပ်ချင်တဲ့အတွက် ဖြစ်တဲ့နည်းနဲ့ တိုက်ပွဲဝင်နေရတာ” ဟု ပုတီးတော ကျေးရွာမှ လယ်သမား ကိုအာကာထက်က ပြောသည်။
သီးစားခဖြင့် စိုက်ပျိုးခွင့် ပေးထားသော လယ်မြေများကို ယခုနှစ်မှစတင်ပြီး လုပ်ခွင့် မပေးနိုင်တော့ကြောင်း လယ်သမား များကို ဇွန်လအတွင်းက အစည်းအဝေးခေါ်ယူ၍ အသိပေး အကြောင်းကြားခဲ့ရာ လယ်သမားများက လက်မခံ နိုင်သဖြင့်လယ်မြေများတွင် ၀င်ရောက်ထွန်ယက်ခြင်းကို ဇူလိုင်လ ၁၁ ရက်နေမှ စတင်၍ နွား ၂၇ ရှဉ်းဖြင့် စတင်ခဲ့ကြကြောင်း သိရသည်။
မန္တလေးတိုင်း မိတ္ထီလာ ခရိုင်နှင့် ပဲခူးတိုင်း ဒေသကြီး အတွင်းတွင်လည်း သိမ်းဆည်း ခံထားရသော လယ်မြေများ ပြန်လည် ရရှိရေးအတွက် ဇူလိုင်လ ၁၂ ရက်နေ့မှ စတင်၍ ထွန်တုံးတိုက်ပွဲများ ဆင်နွှဲလျှက်ရှိသည်။
ရန်ကုန်မြို့နှင့် အနီးတ၀ိုက်တွင်လည်း စက်မှုဇုန် စီမံကိန်း အမျိုးမျိုး အမည်တပ်၍ လယ်ယာမြေ သိမ်းဆည်း ခံရမှုများအတွက် ဇူလိုင်လ ၁၅ ရက်နေ့တွင် လယ်သမားများ ငြိမ်းချမ်းစွာ စီတန်းလှည့်လည် ဆန္ဒထုတ်ဖော် ကြမည်ဖြစ်ကြောင်း သတင်း ရရှိသည်။


LWIN PWIN
NLABR
Web-site:                   www.nlabr.com
Blog:                         http://wanna23-23.blogspot.com/
Facebook:                   Sa Maung

0 comments:

Post a Comment