မြန်မာသတင်းများ  ဇူလိုင် ၉၊ ၂၀၁၂

ပုံနှိပ်ဥပဒေသစ် လွှတ်တော်တွင် တင်ပြ ဆွေးနွေးတော့မည်

အခုတကြိမ် ကျင်းပနေတဲ့ စတုတ္ထအကြိမ် လွှတ်တော် အစည်းအဝေးမှာ ၁၉၆၂ ခုနှစ် ပုံနှိပ်ဥပဒေ နေရာမှာ အစားထိုးမယ့် ပုံနှိပ်ဥပဒေသစ်ကို တင်ပြ ဆွေးနွေးမှာ ဖြစ်တယ်လို့ ညွှန်ကြားရေးမှူးချုပ် ဦးရဲထွဋ်က ပြောပါတယ်။ ဒါပေမဲ့ ဒီ ပုံနှိပ် ဥပဒေသစ်နဲ့ အဲဒီအထဲမှာပါတဲ့ စာနယ်ဇင်းကောင်စီ ဖွဲ့စည်းရေး ကိစ္စတွေနဲ့ ပတ်သက်လို့ သူတို့အနေနဲ့ ကြိုတင် သိခွင့်မရဘူးလို့ စာနယ်ဇင်း သမားတွေက ထောက်ပြ ပြောဆိုနေကြပါတယ်။
စတုတ္ထအကြိမ် လွှတ်တော် အစည်းအဝေး ကျင်းပနေစဉ်မှာ ပုံနှိပ်ဥပဒေ (press law) ကို ချပြ ဆွေးနွေးနိုင်ဖို့အတွက် သက်ဆိုင်ရာ ၀န်ကြီးဌာန ကနေ အစိုးရအဖွဲ့ကို မူကြမ်းတင်ပြထားပြီး အစိုးရအဖွဲ့က အတည်ပြု တယ်ဆိုရင် လွှတ်တော်ကိုတင်ပြသွားမှာ ဖြစ်တယ်လို့ ပြန်ကြားရေးဝန်ကြီးဌာနက ညွှန်ကြားရေးမှူးချုပ ဦးရဲထွဋ် က အခုလို ပြောပါတယ်။
“မှန်ပါတယ်။ အခုဗျာ ကျနော်တို့ အစိုးရအဖွဲ့ကို မူကြမ်း တင်ပြထားပါတယ်။ အစိုးရအဖွဲ့က အတည်ပြုလို့ရှိရင် အဲဒါကို လွှတ်တော်ကို ဆက်ပြီးတော့ တင်ပြမှာဖြစ်ပါတယ်။ ကျနော်တို့ အခု ကျင်းပနေတဲ့ ပြည်ထောင်စု လွှတ်တော် အစည်းအဝေးမှာ ကျနော်တို့ တင်ပြဖို့အတွက် ပြင်ဆင်နေပါတယ်ခင်ဗျ။”
၁၉၆၂ ခုနှစ် ပုံနှိပ်ဥပဒေကို အစားထိုးမယ့် ပုံနှိပ်ဥပဒေ အသစ်မှာ စာနယ်ဇင်း သမားတွေနဲ့ သက်ဆိုင်မယ့် အချက်တွေ၊ စာနယ်ဇင်းကောင်စီ တရပ် ဖွဲ့စည်းဖို့ ကိစ္စတွေ၊ ထုတ်ဝေခွင့်ဆိုင်ရာ ကိစ္စရပ်တွေ ပါဝင်မယ်လို့ ပြန်ကြားရေးဝန်ကြီးဌာနက ပြောပါတယ်။
စာပေစိစစ်ရေး မရှိတော့ တဲ့အခါမှာ တိုင်ကြားလာမယ့် ကိစ္စရပ်တွေကို ဖြေရှင်းဖို့ စာနယ်ဇင်း ကောင်စီတရပ် အမြန်ဖွဲ့ဖို့ ပြန်ကြားရေးဝန်ကြီးဌာနက ဆိုထားတယ်လို့လည်း သိရပါတယ်။
ဇူလိုင်လထဲမှာ စာပေစိစစ်ရေးဌာန ရဲ့ လုပ်ငန်းစဉ်တွေကို ရပ်ဆိုင်းမယ်လို့ ဆိုထားပေမဲ့ အခုထိ မရပ်ဆိုင်း သေးတာဟာ စာနယ်ဇင်း သမားတွေ အားလုံးပါဝင်တဲ့ အမတေ စာနယ်ဇင်းကောင်စီ တရပ် မပေါ်ပေါ်က်သေးတာကြောင့် ဖြစ်တယ်လို့ ဦးရဲထွဋ်က အခုလိုပြောပါတယ်။
“ဇူလိုင် မတိုင်ခင်မှာ ဖျက်သိမ်းမယ်လို့ ပြောတဲ့ကိစ္စဗျာ၊ ပထမ ကျနော်တို့  ၀န်ကြီးက ရည်မှန်းထားတာတော့ အမတေ စာနယ်ဇင်း ကောင်စီတခု၊ လွတ်လပ်တဲ့ အမတေ စာနယ်ဇင်း ကောင်စီတခု ဖွဲ့မယ်၊ ဖွဲ့ပြီးတော့ အဲဒီ စာနယ်ဇင်းကောင်စီ ပေါ်တာနဲ့ ဆင်ဆာ တင်စရာမလိုတဲ့ ထုတ်ဝေခွင့်ပေးမယ်။ ကျနော်တို့က စာပေစိစစ်ရေး မရှိတော့ဘူးဆိုရင် ဒီရေးသားချက်တွေနဲ့ ပတ်သက်လို့ တိုင်ကြားလာတဲ့ဟာတွေ၊ စောဒကတက်တဲ့ဟာမျိုး ဖြေရှင်းမယ့် အဖွဲ့တခု ရှိဖို့ လိုတယ်ဗျ။ အဲဒီအဖွဲ့တခု ရှိဖို့ဆိုတော့ ကျနော်တို့ အဲဒါလေးကို ဖွဲ့ဖို့ဆိုတော့ ၀န်ကြီးကိုယ်တိုင် ကျနော်တို့ စာနယ်ဇင်းလောကသားတွေနဲ့ တွေ့ပြီးတော့မှ တောင်းမှ။ အမည်စာရင်းတွေတောင်းတော့ တချို့လည်းပေးတယ်။ တချို့လည်း မပေးတော့ ကျနော်တို့ နည်းနည်းလေး ကြန့်ကြာသွားတာပေါ့။ အဲဒီလို အခြေအနေ ဖြစ်နေလို့ပါ။”
ပုံနှိပ် ဥပဒေသစ် ပြဌာန်းပြီးရင် နည်းဥပဒေတွေကိုလည်း အမြန်ဆုံး ထွက်ရှိလာဖို့ ပြန်ကြားရေး ၀န်ကြီးဌာနက ပြင်ဆင်နေတယ်လို့လည်း ဦးရဲထွဋ်က ပြောပါတယ်။ စာနယ်ဇင်းကောင်စီတရပ် အမြန် ဖွဲ့ဖို့ ကြန့်ကြာနေတာကြောင့် စာပေစိစစ်ရေးကို မရုပ်သိမ်းသေးတာလို့လည်း ဦးရဲထွဋ်က ပြောခဲ့ပါသေးတယ်။
ပြန်ကြားရေးဝန်ကြီးဌာနက တာဝန်ယူပြီး ရေးဆွဲနေတဲ့ ဒီပုံနှိပ်ဥပဒေသစ်ကို လက်ရှိ စာနယ်ဇင်း လောကသားတွေအနေနဲ့ ကြိုတင် သိရှိခွင့်မရတဲ့ ကိစ္စနဲ့ ပတ်သက်လို့ အပတ်စဉ်ထုတ် Open သတင်းဂျာနယ်ရဲ့ အယ်ဒီတာချုပ်တဦးဖြစ်တဲ့ ဦးသီဟစော က ဗွီအိုအေ ကို အခုလို ပြောပါတယ်။
“မီဒီယာ ဥပဒေသစ်ပေါ့နော်၊ ဒီဟာက နှစ်မျိုး သုံးမျိုး ရှိတာပေါ့။ Online မီဒီယာ၊ Print မီဒီယာ၊ Broadcast မီဒီယာ။ Broadcast မီဒီယာနဲ့ ပုံနှိပ် မီဒီယာ ဥပဒေတော့ အသစ်ပြန်ရေးတယ်လို့ ပြောတယ်။ ဒါပေမဲ့ အဲဒါက လောလောဆယ်မှာတော့ သက်ရောက်မှု မရှိသေးဘူးပေါ့နော်။ လက်ရှိ လွှတ်တော် ဥပဒေတွေအရဆိုရင် ၀န်ကြီးဌာနကို ဥပဒေကြမ်းကို ရေးတယ်၊ ရှေ့နေချုပ်ရုံးကို တင်မယ်၊ နောက် ပြန်ကျတယ်။ နောက် second draft လုပ်တယ်။ ပြီးတော့မှ အဲဒါကို လွှတ်တော် တင်တယ်။ လွှတ်တော်ကိုရောက်တော့ လွှတ်တော် ကိုယ်စားလှယ်တွေ လက်ထဲကို ရောက်မှ လွှတ်တော်က အတည်ပြုမယ် မပြုဘူး သိရမယ်ပေါ့နော်။ အဲဒီတော့ ရေးတဲ့သူတွေ လက်ထဲမှာ ဘာတွေ ရေးနေလဲ မသိရဘူးပေါ့။ အဲဒီလို အခြေအနေ ရှိတယ်။ တခုတော့ ရှိတယ်။ ပြီးခဲ့တဲ့ မီဒီယာနဲ့ ပတ်သက်တဲ့ ဆွေးနွေးမှုတွေပေါ့နော်။ ဇန်န၀ါရီ တုန်းက လုပ်ခဲ့တာရှိတယ်။ တာဝန်ရှိသူတွေက နည်းနည်းပါးပါး ရှင်းပြတယ်။ ဒါပေမဲ့ သူက ခေါင်းစဉ်လောက်ပဲ ရှင်းပြပြီးတော့ အထဲကဟာတွေ အသေးစိတ်က မသိရဘူး။ အဲဒီတော့ မီဒီယာ လောက ကလူတွေနဲ့ တခြား လွှတ်တော်အမတ်တွေက စိတ်တော့ ၀င်စားတယ်။ ဒါပေမဲ့ မသိရသေးတဲ့အခါမှာ ဒါကို ကြိုက်တယ် မကြိုက်ဘူး ပြောဖို့ တော်တော် ခက်တာပေါ့။ အဲဒါက လွှတ်တော်ကို စတင်တဲ့အခါမှာ လွှတ်တ်ာမှာ ရေးရာ ကော်မတီ ဆိုတာ ရှိတယ်။ ပြည်သူ့လွှတ်တော်မှာရော၊ အမျိုးသား လွှတ်တော် မှာရောပေါ့နော်။ ပြည်သူ့လွှတ်တော် ရေးရာကော်မတီက ဒီကိစ္စကို စိတ်ဝင်စားတယ်။ သူတို့ကလည်း သူတို့ ရပြီဆိုတော့ သူတို့လက်ထဲကို ရောက်ပြီဆိုရင်တော့ ပြည်သူလူထုကို ပြလို့ရပြီပေါ့။ အခု ဥပဒေကြမ်း ဆိုတာက အတည်တော့ မပြုရသေးဘူး။ ဒါပေမဲ့ လွှတ်တော် ကိုယ်စားလှယ်တွေ လက်ထဲကို ရောက်ပြီဆိုတဲ့ အဆင့်ပေါ့နော်။ အဲဒီလိုမျိုးကျမှ ဖြစ်ကောင်းဖြစ်နိုင်မယ်။ အခု မီဒီယာ လော ကတော့ ဘာမှလည်း မမြင်ရသေးဘူး။”
၁၉၆၂ ခုနှစ် ပုံနှိပ်ဥပဒေ ကို အစားထိုးမယ့် ပုံနှိပ်ဥပဒေ အသစ်ကို ပြည်သူ့လွှတ်တော်ရဲ့ရေးရာကော်မတီတခုက စိတ်ဝင်စားပေမဲ့လည်း အဆိုပါ ပုဂ္ဂိုလ်တွေရဲ့ လက်ထဲတောင် မရောက်သေးတဲ့အတွက် ချပြဆွေးနွေးမှုတွေ မပြုလုပ်နိုင်သေးဘူးလို့ ဦးသီဟစောက ဆိုပါတယ်။
ပုံနှိပ်ဥပဒေ အသစ် ပြဌာန်းပြီးချိန်မှာ စာပေစိစစ်ရေးဌာန အနေနဲ့ စာပေတွေကို စိစစ်တဲ့ လုပ်ငန်းတွေကို ဆက်လက် လုပ်ဆောင်မှာ မဟုတ်တော့ဘဲ မူပိုင်ခွင့် ကိစ္စတွေ၊ ထုတ်ဝေခွင့်ဆိုင်ရာ လုပ်ငန်းစဉ်တွေသာ ဆက်လက် လုပ်ဆောင်သွားမယ်လို့ ပြန်ကြားရေး ၀န်ကြီးဌာနက တာဝန်ရှိသူတွေက ပြောပါတယ်။

ဒေါ်အောင်ဆန်းစုကြည် လွှတ်တော် စတက်


NLD ပါတီ ဥက္ကဋ္ဌ ဒေါ်အောင်ဆန်းစုကြည်သည် လွှတ်တော် အစည်းအဝေး တက်ရောက်ရန် ယမန်နေ့က နေပြည်တော် သို့ ရောက် ရှိနေပြီဖြစ်သည်။ စတုတ္ထအကြိမ် ပုံမှန်လွှတ်တော် အစည်းဝေးကို ဇူလိုင်လ ၄ ရက်နေ့ကတည်းက စတင်ခဲ့ခြင်းဖြစ်သော် လည်း ဒေါ်အောင်ဆန်းစုကြည်သည် ဇွန်လ ၁၃ ရက်မှ လကုန်ပိုင်းအထိ သွားရောက်ခဲ့သည့် ဥရောပ ခရီးစဉ်ကြောင့် အနားယူခဲ့ရပြီး ဇူလိုင် ၉ ရက်မှ တက်ရောက်ရန် စီစဉ်ခဲ့ခြင်းဖြစ်သည်။ လွှတ်တော် အစည်းအဝေးများ တက်ရောက်နေစဉ် အတွင်း ငှားရမ်းထားသော နေပြည်တော် ဥတ္တရ သီရိ မြို့နယ်ရှိ နေအိမ်၌ နေထိုင်မည် ဖြစ်ကြောင်း NLD က ပြော သည်။

လွှတ်တော်တက်ဖို့ ဒေါ်အောင်ဆန်းစုကြည် နေပြည်တော်ကိုရောက်ရှိ

 

မနက်ဖြန် ဆက်လက်ကျင်းပမယ့် စတုတ္ထအကြိမ် ပုံမှန်လွှတ်တော်ကို တက်ရောက်ဖို့အတွက်NLD ပါတီဥက္ကဋ္ဌ ဒေါ်အောင်ဆန်းစုကြည်ဟာ မနေ့က နေပြည်တော်ကို ရောက်ရှိသွားပြီ လို့ သိရပါတယ်။

ကျောက်ဖြူတွင် ကျောင်းသားများ ဆန္ဒပြ


ရခိုင်ပြည်နယ် ကျောက်ဖြူ မြို့နယ် ဂုံးချိန် အ.ထ.က ကျောင်းမှ ကျောင်းသား၊ ကျောင်းသူ ၁၀၀ ကျော် ယနေ့ နံက် ၇ နာရီ ၀န်းကျင်က ဆန္ဒပြကြောင်း သိရသည်။ ကျောက်ဖြူမြို့၌ တည်ဆောက်နေသော ရွှေ သဘာဝ ဓာတ်ငွေ့ ပိုက်လိုင်းကြောင့် ဂုံးချိန် အ.ထ.က သို့ သွားရာလမ်းများ အားလုံး ပျက်စီးနေကြောင်း၊ ထို့ကြောင့် ကျောင်းသားများ ကျောင်း သွားရန် အခက်အခဲများ ဖြစ်နေသည့် အတွက် လမ်းများကို အမြန်ဆုံး ပြပြုင်ပေးပါ ဟူသော ဆိုင်းဘုတ်များ ကိုင်ဆောင်၍ ဆန္ဒပြ တောင်းဆိုခြင်းဖြစ်ကြောင်း ဒေသခံများ က ပြောသည်။ ဆန္ဒပြရာသို့ ဒေသ အာဏာပိုင်များက သွားရောက် ညှိနှိုင်းနေကြောင်း၊ ဆန္ဒပြသူများအား ယခု အချိန်အထိ ဖမ်းဆီး အရေးယူမှု မရှိသေးကြောင်း သိရသည်။


မြန်မာနိုင်ငံလုံးဆိုင်ရာ တောင်သူလယ်သမားအစည်းအရုံး ဖြစ်မြောက်ရေးကော်မတီမှ မြန်မာနိုင်ငံလုံးဆိုင်ရာ တောင်သူလယ်သမား အစည်းအရုံး ဖွဲ့စည်းနိုင်ရေးနှင့် ပတ်သက်၍ သတင်းစာရှင်းလင်းပွဲကို ဇူလိုင်လ ၇ ရက်နေ့က ရန်ကုန်မြို့ City Star ဟိုတယ်၌ ပြုလုပ်ခဲ့ကြောင်း သိရသည်။
အဆိုပါ တောင်သူလယ်သမား အစည်းအရုံး ဖြစ်မြောက်ရေးကော်မတီကို ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ အမျိုးသားမဟာမိတ် နိုင်ငံရေးပါတီ၊ ညီညွတ်ရေးနှင့် ငြိမ်းချမ်းရေးပါတီ၊ ခေတ်သစ်ပြည်သူ့ပါတီ၊ မြန်မာအမျိုးသား ကွန်ဂရက်ပါတီတို့မှ ပါတီဝင်များနှင့် အခြားအဖွဲ့ဝင်များ ပါဝင်ဖွဲ့စည်းထားပြီး ပါတီကိုယ်စား လုပ်ဆောင်ခြင်း မဟုတ်ကြောင်း၊ နိုင်ငံရေး သြဇာ ထူထောင်ခြင်းနှင့် လာမည့်ရွေးကောက်ပွဲ အနိုင်ရရှိရေးအတွက် လုပ်ဆောင်ခြင်းမဟုတ်ကြောင်း၊ မည်သည့် နိုင်ငံရေးပါတီမှ မည်သည့်အဆင့်ဖြစ်စေ ပါဝင်နိုင်ကြောင်းနှင့် အစိုးရနဲ့ နိုင်ငံရေးပါတီများ၏ စွတ်ဖက်မှုကင်းတဲ့ တောင်သူလယ်သမား အစည်းအရုံးသန့်သန့် ဖြစ်ပေါ်လာရေး အတွက် ရည်ရွယ်ဖွဲ့စည်းထားကြောင်း သိရသည်။
တောင်သူလယ်သမားအစည်းအရုံး ဖြစ်မြောက်ရေး ကော်မတီဝင် ဦးကျော်စွာစိုးမှ ''မြန်မာနိုင်ငံမှာ အလုပ်လုပ်ရဆုံးနဲ့ အဆင်းရဲဆုံးက တောင်သူလယ်သမားတွေပါ။ မော်တော်ကား၊ ဆိုက္ကားနဲ့ မြင်းလှည်းတွေမှာတောင် အစည်းအရုံးတွေ ရှိကြတယ်။ ဒါကြောင့် မြန်မာပြည်မှာ တောင်သူလယ်သမား အစည်းအရုံးကို အနှောင်အဖွဲ့ ကင်းကင်းနဲ့ လယ်သမားတွေကိုယ်တိုင် ဖွဲ့စည်းသွားနိုင်အောင်လို့ ကျွန်တော်တို့က ကူညီပေးတာပါ''ဟု ပြောပြသွားပါသည်။


ဒုတိယ ကမ္ဘာစစ်က အင်္ဂလိပ် တိုက်လေယာဉ်များ ရှာတွေ့


ဒုတိယ ကမ္ဘာ စစ်အတွင်းက မြန်မာပြည်တွင်း မြေအောက်၌ လျှို့ဝှက်စွာ သိမ်းဆည်းထားခဲ့သော ဗြိတိသျှ စပစ်ဖိုင်းရား(Spitfire) တိုက် လေယာဉ် ၃၆ စီးကို ရှာဖွေတွေ့ရှိကြောင်း သိရသည်။ ယင်းလေယာဉ်များကို ဗြိတိန်ရှိ ပြတိုက်တွင် ထားရှိရန် မြန်မာအစိုးရနှင့် သဘောတူညီထားကြောင်း၊ ပြီးခဲ့သည့် ဧပြီလ အတွင်း ဗြိတိန် ၀န်ကြီးချုပ် ဒေးဗစ် ကင်မရွန်း မြန်မာ နိုင်ငံသို့ လာရောက်စဉ် သဘောတူညီချက်ပြုလုပ်ခဲ့ခြင်း ဖြစ်ကြောင်း သတင်းများက ဆိုသည်။

ရခိုင်ဒေသ သေဆုံးခဲ့သည့် ရိုဟင်ဂျာ အရေး စုံစမ်းစစ်ဆေးရန် တိုက်တွန်း


ရခိုင်ဒေသ ပဋိပက္ခများအတွင်း သေဆုံးခဲ့သော ရိုဟင်ဂျာများနှင့် ပတ်သက်ပြီး တရား ဥပဒေနှင့်အညီ အမြန်ဆုံး စုံစမ်း စစ်ဆေးရန် အစ္စလမ် အဖွဲ့တဖွဲ့ဖြစ်သည့် Organization of Islamic Cooperation (OIC) အဖွဲ့က မြန်မာအစိုးရကို တောင်းဆိုလိုက်သည်။ ယင်း ကိစ္စကို နိုင်ငံတကာ အနေနှင့်ပါ ကြားဝင်ဆောင်ရွက်နိုင်ရေး အတွက် ဆက်လက် ဆောင်ရွက်သွားရန် ရှိကြောင်း OIC အဖွဲ့၏ အထွေထွေ အတွင်းရေးမှူးချုပ် Ekmeleddin Ihsanoglu က ပြောကြားသည်ဟု Arab News သတင်းတွင်း ရေးထားသည်။ ပြီး ခဲ့သည့် ဇူလိုင် ၅ ရက်နေ့ကလည်း ရခိုင်ပြည်နယ်အတွင်း ဖြစ်ပွားသည့်အကြမ်းဖက်မှုများ အဆုံးသတ်ရေးအတွက် NLD ဥက္ကဌ ဒေါ်အောင်ဆန်းစုကြည် ကို ကူညီဖြေ ရှင်းပေးရန် OIC က တိုက်တွန်း ခဲ့သေးသည်။

ဒု ဗိုလ်ချူပ်မှူးကြီးဟောင်း မောင်အေး စင်္ကာပူ ဆေးသွားကုမည်


ဒုတိယ တပ်မတော် ကာကွယ်ရေး ဦးစီးချုပ်(အငြိမ်းစား) ဒုတိယ ဗိုလ်ချူပ်မှူးကြီးဟောင်း မောင်အေးသည် ယနေ့ စင်္ကာပူနိုင်ငံသို့ သွားရောက်၍ ဆေးကုသမည်ဖြစ်ကြောင်း သတင်းရသည်။ ၎င်းသည် ဇူလိုင် ၈ ရက်နေ့ ညနေပိုင်းက ရုတ်တရက် နာမကျန်းဖြစ်ပြီး တပ်မတော် စစ်ဆေးရုံတွင် အရေးပေါ်လူနာအဖြစ် ဆေးကုသမှုခံယူနေခဲ့ရကြောင်း အစိုးရနှင့်နီးစပ်သည့် နေပြည်တော် အသိုင်း အ၀ိုင်းမှ သိရသည်။ ဒုတိယ ဗိုလ်ချူပ်မှူးကြီး မောင်အေးသည် စစ်တက္ကသိုလ်(DSA) အပတ်စဉ် ၁ ဆင်းဖြစ်ပြီး အသက် ၇၄ နှစ် ခန့်ရှိပြီဖြစ်သည်။ ရန်ကုန်မြို့ရှိ ၎င်း၏ နေအိမ်တွင် စစ်တက္ကသိုလ် အပတ်စဉ် ၁ အထိမ်းအမှတ် အခမ်းအနားကို ပြီးခဲ့သည် ဇွန်လ ၁ ရက် နေ့ က ကျင်းပခဲ့သေးသည်။

ဦးရွှေမန်း စစ်တွေသို့ သွားရောက်


ပြည်သူ့ လွှတ်တော် ဥက္ကဌ ဦးရွှေမန်း ဦးဆောင်သော လွှတ်တော် ကိုယ်စားလှယ်အဖွဲ့သည် ရခိုင်ပြည်နယ် စစ်တွေမြို့သို့ ဇူလိုင် ၇ ရက်နေ့က သွားရောက်ခဲ့ကြောင်း သိရသည်။ ဒေသခံ ဒုက္ခသည်များအတွက် လွှတ်တော် ကိုယ်စားလှယ်များ၏ သုံးရက်စာ စရိတ် ကျပ် သိန်း ၁၂၀ ကျော်ကို လှူဒါန်းရန် လာရောက်ခြင်းဖြစ်ကြောင်း နိရဉ္ဇရာ သတင်းက ဖော်ပြသည်။ မောင်တော၊ ရသေ့တောင်နှင့် ဘူးသီးတောင် မြို့များသို့လည်း သွားရောက်မည်ဟု ဆိုသည်။

ဆန်ဖရန်စ္စကို မြို့တ၀ိုက်က မြန်မာမိသားစု ရန်ပုံငွေ ဈေးရောင်းပွဲ ကျင်းပ

 

ရခိုင်ပြည်နယ်က ဒုက္ခသည်တွေအတွက် အမေရိကန်ပြည်ထောင်စု ကယ်လီဖိုးနီးယားပြည်နယ် ဆန်ဖရန်စ္စကို မြို့တ၀ိုက်က မြန်မာမိသားစုတွေက ကြီးမှူးပြီး ရန်ပုံငွေ ဈေးရောင်းပွဲတော် ကျင်းပရာ အမေရိကန်ဒေါ်လာ တစ်သောင်းကျော် ရရှိတယ်လို့ ပွဲစီစဉ်သူတွေက ပြောပါတယ်။

LWIN PWIN
NLABR
Web-site:                   www.nlabr.com
Blog:                         http://wanna23-23.blogspot.com/
Facebook:                   Sa Maung

0 comments:

Post a Comment