ABSDF သတင်းများ  စက်တင်ဘာ ၀၅၂၀၁၂


ကိုမိုးသီးဇွန်နှင့် ABSDF အဖွဲ့ဝင်များ မြန်မာပြည် ပြန်နေမည်


အစိုးရက နိုင်ငံသား မှတ်ပုံတင်ပြန်ထုတ်ပေး၍ နေထိုင်ခွင့်ပြုမည်ဆိုပါက အမေရိကန်နိုင်ငံသား ခံယူထားခြင်းကို စွန့်လွှတ်၍ မြန်မာ နိုင်ငံတွင် ပြန်လည် နေထိုင်သွားမည် ဖြစ်ကြောင်း မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) အဖွဲ့ဝင်များက ပြောဆိုလိုက်သည်။
စနေနေ့က မြန်မာနိုင်ငံသို့ ရောက်ရှိလာသော ABSDF ဥက္ကဌ ဟောင်း ကိုမိုးသီးဇွန် နှင့် ၇ ဦးက ၎င်းတို့ ၏ ဆန္ဒသဘောထားကို ယမန်နေ့က ရန်ကုန်မြို့ ယုဇန ဟိုတယ်တွင် ကျင်းပသည့် သတင်းစာရှင်းလင်းပွဲ၌ ထုတ်ဖော်ပြောဆိုခြင်း ဖြစ်သည်။
“ကျနော်တို့ အားလုံးက မြန်မာပြည်ထဲမှာ ပြန်နေခွင့်ရမယ်ဆိုရင် အမေရိကန် နိုင်ငံသားကို ဖျက်သိမ်းသွားမှာပါ။ ကျနော်တို့ အားလုံး က အဲ့ဒီ စိတ်တွေရှိကြပါတယ်”ဟု ABSDF အဖွဲ့ဝင် ကိုရွှေစင်ထွန်းက ပြောသည်။
မိမိတိုင်းပြည်ကို အကြောင်းအမျိုးမျိုးကြောင့် စွန့်ခွာ၍ တိုင်းတပါး၌ နိုင်ငံသားအဖြစ် ခံယူခဲ့ရကြောင်း၊ မိမိ တိုင်းပြည်အတွင်း နေ ထိုင်ပြီး ပြည်သူအတွက် ပြန်လည်လုပ်ဆောင်သွားရန်လည်း စဉ်းစားနေကြောင်း၊ တိုင်းတပါး နိုင်ငံသား ခံယူထားသည်ကိုပါ ဖျက် သိမ်းပြီး ပြည်တွင်း၌ ၀င်ရောက်နေထိုင်နိုင်ရန် ကြိုးစားနေကြောင်းကိုလည်း ၎င်းက ပြောဆိုသည်။
အဆိုပါ သတင်းစာရှင်းလင်းပွဲကို အမိမြေငြိမ်းချမ်းရေး လုပ်ငန်းစဉ်(The Mission For Peace in Motherland) အမည်နှင့် ပြုလုပ်ခြင်း ဖြစ်ပြီး အဓိက မြန်မာပြည်အတွင်းဖြစ်ပွားနေသည့် ပြည်တွင်းစစ်ရပ်စဲရေးနှင့် လူသားအရင်းအမြစ် ဖွံ့ဖြိုးရေးကို ပိုမို လုပ်ဆောင် သွားမည်ဟု သိရသည်။
“တိုင်းပြည် ဖွံ့ ဖြိုးတိုးတက်ဖို့ဆိုတာ ပြည်တွင်းစစ်ရပ်စဲရေး ငြိမ်းချမ်းရေးက အဓိက လိုအပ်တယ်။ ပြည်တွင်း စစ်ရှိနေသရွေ့မြန်မာပြည်က ဆင်းရဲတွင်းကနေ လွတ်မှာမဟုတ်ဘူး။ ပြီးတော့ လူသားရင်းမြစ်တွေ၊ ပညာရေး ကဏ္ဍတွေ ကို အကူအညီပေးကာ ပြုလုပ် ချင်တယ်”ဟု ABSDF ဥက္ကဌ ဟောင်း တဦးဖြစ်သည့် ကိုထွန်းအောင်ကျော် က ပြောကြားသည်။
ပြည်တွင်းငြိမ်းချမ်းရေး အမြန်ဆုံးရရှိရန်လည်း ဆောင်ရွက်လိုကြောင်း၊ အထူးသဖြင့် ကချင် အပါအ၀င် တိုင်းရင်းသား လက်နက် ကိုင် အဖွဲ့များနှင့် ငြိမ်းချမ်းရေး လုပ်ငန်းစဉ်များတွင် ပါဝင်ဆွေးနွေး လိုကြောင်း၊ ပြည်ပသို့ အကြောင်းအမျိုးမျိုးဖြင့် ရောက်ရှိနေသူ အားလုံး ပြည်တွင်းသို့ ပြန်လာ၍ တိုင်းပြည်တိုးတက်ရေး အတွက် ဆောင်ရွက်ကြစေလိုကြောင်း ABSDF အဖွဲ့ဝင်များက သတင်းစာ ရှင်းလင်းပွဲတွင် ပြောဆိုသွားသည်။
ABSDF မြောက်ပိုင်း သတ်ဖြတ်မှုနှင့်ပတ်သက်၍ ကိုမိုးသီးဇွန်ကလည်း“ကိုယ်တိုင်ပါဝင်တဲ့ မြောက်ပိုင်းမှ ရဲဘော်ရဲဘက်တွေ ကျရှုံးတဲ့ သူတွေ ကျန်နေသေးတဲ့ သူတွေအားလုံးနဲ့ သူတို့မိသားစုတွေကို ဆက်သွယ်ပြီး ဂုဏ်ပြန်ဆယ်နိုင်ဖို့နဲ့ အသိအမှတ်ပြုဖို့ လုပ်ဆောင် သွားမှာပါ”ဟု ယခု သတင်းစာရှင်းလင်းပွဲတွင် ပြောဆိုသည်။
၁၉၉၁-၉၂ ခုနှစ်က ကချင်ပြည်နယ် ပါဂျောင်ဒေသတွင် စစ်ထောက်လှမ်းရေးဟု စွပ်စွဲပြီးလူ ၁၀၀ ကျော်ကို ဖမ်းဆီး၍ ပြစ်ဒဏ်ပေး စီရင်မှု ဖြစ်ပွားခဲ့ရာ ABSDF မြောက်ပိုင်း ဥက္ကဌ ကိုထွန်းအောင်ကျော် အပါအ၀င် ၃၅ ဦး သေဆုံး၍လူ ၅၀ ကျော်မှာ တရုတ်ပြည် ဘက်သို့ ထွက်ပြေးလွတ်မြောက် သွားခဲ့ကြောင်း သိရသည်။
ကိုမိုးသီးဇွန်၊ ကိုထွန်းအောင်ကျော်၊ ကိုကိုလေး၊ ကိုရင်အေး၊ ကိုမူးသာ၊ ကိုရွှေစင်ထွန်း၊ ကိုကိုအောင် တို့သည် ပြီးခဲ့သည့် စနေနေ့က ရန်ကုန်မြို့သို့ စတင်ရောက် ရှိလာခြင်းဖြစ်သည်။
အမိမြေငြိမ်းချမ်းရေး လုပ်ငန်းစဉ်(The Mission For Peace in Motherland)တွင် အမေရိကန်မှ ကိုထွန်းအောင်ကျော်၊ ကိုမိုးသီးဇွန်၊ ကိုကိုလေး ၊ ကိုဇော်မင်း၊ ကိုမူးသာ၊ ကိုရင်အေး၊ ကိုရွှေစင်ထွန်း၊ ကိုသက်ထွန်း၊ ဒေါက်တာ အေးမင်း၊ ကိုအောင်မျိုးတင့် နှင့် ဂျပန် နိုင်ငံမှ ကိုကိုအောင် တို့ ပါဝင် ဆောင်ရွက်ကြမည်ဖြစ်ကြောင်း သိရသည်။
၎င်းတို့သည် စက်တင်ဘာ ၂ရက်နေ့က ကိုမင်းကိုနိုင်၊ ကိုကိုကြီး အစရှိသည့် ၈၈ အရေးအခင်း ကာလ ဦးဆောင်လှုပ်ရှားသူများနှင့် တွေ့ဆုံကြပြီး အစိုးရ ၀န်ကြီးများနှင့်လည်း တွေ့ဆုံခဲ့သေးသည်။


ပြည်တော်ပြန် အတိုက်အခံများအပေါ် ဘယ်လို မြင်ကြသလဲ


သမ္မတ ဦးသိန်းစိန်က အမည်ပျက် စာရင်း ၃ ပုံ ၁ ပုံကို ပယ်ဖျက်ပေးလိုက်ပြီး ပြည်ပရောက်မြန်မာ အတိုက်အခံများ ပြည်တော်ပြန်လာကြခြင်း အပေါ် ပြည်တွင်း နိုင်ငံရေးအသိုင်းအ၀ိုင်းက အပြုသဘော ရှုမြင်ကြသည်။
“အစိုးရဘက်ကလည်း စမ်းသပ်ကာပဲ ရှိသေးတာကိုး။ သူတို့လည်း လာကြည့်တာပေါ့ဗျာ။ မှန်ကန်တဲ့ လမ်းဘက်ကို လျှောက်နိုင်ကြမယ် ဆိုရင် ကောင်းသွားမှာပေါ့။ ဘာလို့လဲဆိုတော့ နှစ်ဖက်စလုံးက မြေစမ်း ခရမ်းပျိုးပဲလေ။ ကောင်းတဲ့ အစဉ်အလာလို့တော့ ကျနော်တို့ ပြောလို့ရပါတယ်” ဟု ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) ဥက္ကဋ္ဌ ဦးခွန်ထွန်းဦးက ပြောသည်။
ပြည်တော်ပြန်ဝင်ခွင့် ပြုလိုက်ခြင်းသည် တိုင်းပြည်အတွက်လည်း ကောင်းကြောင်း၊ ယခု ပြည်တော်ပြန်လာသူများ အနေဖြင့်လည်း ၄င်းတို့ တတ်နိုင်သည့် ကဏ္ဍများက ပါဝင်မည်ဆိုပါက ပို၍ ကောင်းမွန်ကြောင်း သူက ဆက်ပြောသည်။
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် (ABSDF) ဥက္ကဋ္ဌဟောင်းများ ဖြစ်ကြသော ဦးမိုးသီးဇွန်၊ ဦးထွန်းအောင်ကျော် အစရှိသူများ၊ ဒေါက်တာ နိုင်အောင်၊ ဦးအောင်မိုးဇော် စသည့် တခြားသော ပြည်ပရောက် အတိုက်အခံများသည်လည်း မကြာသေးမီက ပြည်တော်ပြန်ခဲ့ကြသည်။
၈၈ မျိုးဆက်ကျောင်းသား ခေါင်းဆောင် ဦးကိုကိုကြီးက တချိန်က လုပ်ဖော်ကိုင်ဖက်ဟောင်းများ ပြန်လာခွင့် ရခြင်းသည် ကောင်းမွန်သည့် လက္ခဏာဖြစ်ကြောင်း ပြောသည်။
“ပြန်လာတယ်ဆိုတာကလည်း ဘာပဲဖြစ်ဖြစ် ပြောင်းလဲလာတဲ့ ကောင်းတဲ့ လက္ခဏာပဲလေ။ ဖြစ်စေချင်တာက ကျန်တဲ့ လူတွေကိုလည်း အားလုံးတပြေးညီ ပြန်လာစေချင်တယ်။ ဒါမှ တိုင်းပြည် ပြန်လည်တည်ဆောက်ရေးမှာ အားဖြစ်စေမှာပါ။ ပြန်ဝင်လာတဲ့ လူတွေကိုလည်း တပြေးညီ သတ်မှတ်ပေးချင်ပါတယ်” ဟု ဦးကိုကိုကြီးက ဆိုသည်။
အမျိုးသားဒီမိုကရေစီ အဖွဲ့ချုပ် (NLD) ခေါင်းဆောင်တဦးဖြစ်သူ ဦးဝင်းတင်ကမူ ယခု ပြည်တော် ပြန်လာကြသူများနှင့် ပြည်တွင်းအင်အားစုများ အဆင်ပြေစေရန် ဆန္ဒပြုလိုကြောင်း၊ ပြည်တွင်း အင်အားစုများကလည်း နှစ်ပေါင်းများစွာ ထောင်ကျခံ၊ ဒုက္ခခံကြရပြီး စစ်အာဏာရှင်၏ အမျိုးမျိုး ဖိနှိပ်မှုအောက်တွင် ခက်ခဲစွာ ဘ၀ဖြတ်သန်းခဲ့ရကြောင်း၊ ပြည်ပမှသူများလည်း အခက်အခဲများနှင့် ရင်ဆိုင်ခဲ့ကြရကြောင်း ဖြတ်သန်းမှုချင်း မတူကြောင်း ပြောသည်။
“ဒီလိုအခက်အခဲတွေ ရှိပေမယ့်လို့ သူတို့ (ပြည်တော်ပြန်များ) ဟာ ဒီမိုကရေစီနိုင်ငံတွေမှာ နေကြတယ်။ တစုံတရာသော လွတ်လပ်မှုတွေရှိတယ်။ တစုံတရာသော လုပ်ငန်းတွေ လုပ်နိုင်တယ်။ လုပ်ငန်းတွေလုပ်ဖို့၊ ကိုင်ဖို့အတွက်လည်း သူတို့မှာ ကျယ်ပြန့်တဲ့ အဆက်အသွယ်တွေ ရှိမယ်ပေါ့။ အဲဒီတော့ အဲဒီ အနေအထိုင် ဖြတ်သန်းမှု ပုံသဏ္ဍန်တွေကလည်း မတူတာတွေ ရှိတဲ့အခါကျတော့ သူတို့အထဲမှာတော့ နည်းနည်း ပြဿနာတွေ ရှိများ ရှိမလားလို့ စိုးရိမ်တယ်။ အဲဒါတွေ မရှိအောင် ကျော်လွှားနိုင်အောင် ဖြေရှင်းနိုင်ကြပါစေလို့ ဆန္ဒပြုပါတယ်” ဟု ဦးဝင်းတင်က ဆိုသည်။
ယခုကဲ့သို့ မိမိတို့ကျွမ်းကျင်ရာများဖြင့် တိုင်းပြည်အကျိုး သယ်ပိုးရန် ယခုကဲ့သို့ ပြန်လာခြင်းသည် ကောင်းမွန်ကြောင်း၊ ဒီမိုကရေစီရေး၊ လူ့အခွင့်အရေး၊ တိုင်းပြည် ပြန်လည်ထူထောင်ရေး လုပ်ငန်းစဉ်များတွင် အားလုံးအဆင်ပြေပြေ လုပ်ဆောင်နိုင်ရန် မျှော်လင့်ကြောင်း သူက ဆက်ပြောသည်။
“ဒါတွေအကုန်လုံး လုပ်ဖို့အတွက်တော့ ဘာပဲပြောပြော ပြည်တွင်းမှာပဲ လုပ်လို့ရမယ့် အနေအထားပါ။ ပြည်တွင်းမှာပဲ ညီညီညွတ်ညွတ် ပေါင်းစည်းပြီးတော့ လုပ်ရမယ့် အနေအထားတွေရှိတာကိုး” ဟု ဦးဝင်းတင်က ဆိုသည်။
သို့သော် အစိုးရက နာမည်ပျက်စာရင်းများ ပယ်ဖျက်ပေး၍ ပြည်ပ အတိုက်အခံများကို ဖိတ်ခေါ်ခြင်း၊ ပြည်တော် ပြန်လာခွင့်ပြုခြင်းများသည် သက်ဆိုင်ရာအဖွဲ့များ၏ အောက်ခြေလူများ မပါဝင်၊ အဖွဲ့အစည်း သဘောလည်း မဟုတ်ဘဲ သီးခြား ရွေးချယ် လုပ်နေသကဲ့သို့ဖြစ်ကြောင်း၊ ဦးဆောင်သူများကိုသာ အသိအမှတ်ပြု နာမည်ပျက်စာရင်းက ပယ်ဖျက်ပေးနေကြောင်း ဦးဝင်းတင်က ထောက်ပြသည်။
ဦးမိုးသီးဇွန်က မြန်မာနိုင်ကို ပြန်လာခြင်းသည် မည်သည့် ပါတီကိုမျှ ကိုယ်စားပြု လာခြင်းမဟုတ်ကြောင်း၊ အမှန်တကယ် မြန်မာနိုင်ငံ ဒီမိုကရေစီ ရရေးသာ အရေးကြီးကြောင်း ပြောသည်။
“ဘာ ပါတီတွေ၊ သမ္မတတွေ ရွေးကောက်ပွဲတွေရော ဘာမှ မလုပ်ချင်ဘူး၊ မြန်မာပြည် ဒီမိုကရေစီ အပြည့်အ၀ရရင် တော်ပြီ။ ဒီမိုကရေစီ မြန်မြန်ရဖို့ပဲ ကျနော့် စိတ်ထဲမှာ ရှိတယ်။ ဒီမိုကရေစီရဖို့ လုပ်နိုင်တဲ့ နည်းလမ်းတွေ အများကြီးရှိတယ်။ အခုတောင် နေရာတွေလုကြ၊ ခတ်ကြနဲ့ စိတ်တွေ ညစ်နေရရော။ တို့ပြည်သူတွေ ဆင်းရဲနေပါပြီ၊ အဲဒါကို အခုချိန်မှာ Change မလုပ်ခဲ့ရင် ဘယ်အချိန်မှ Change လုပ်မလဲ” ဟု သူက ဆိုသည်။
ကိုမိုးသီးဇွန်နှင့် အဖွဲ့သည် မြန်မာပြည်ပြန်လာခိုက် တချိန်က လုပ်ဖော်ကိုင်ဖက်ဟောင်းများ ဖြစ်ကြသည့် ၈၈ မျိုးဆက် ကျောင်းသားခေါင်းဆောင်များနှင့် ၄င်းတို့၏ ရုံးခန်းတွင် တွေ့ဆုံခဲ့ကြသည်။
ကွဲကွာသွားကြစဉ်ကာလ မတူကွဲပြားသည့် ဘ၀ဖြတ်သန်းမှုများကို ပြန်ပြောင်းပြောဆိုခဲ့ကြကြောင်း၊ ၀ိဝါဒ ကွဲပြားစေမည့် ငြင်းခုန်ရသည့် ကိစ္စများ မပါဝင်ကြောင်း၊ ပြည်ပရောက်နေသူများကလည်း ပြန်လည် ပေါင်းစည်းလိုကြကြောင်း ၈၈ မျိုးဆက် ကျောင်းသားတဦးဖြစ်သူ ဦးဂျင်မီက ပြောသည်။
“အပြင်မှာ ရှိနေတဲ့လူတွေရဲ့ ခံစားချက်က ၈၈ တုန်းက ကွဲသွားတဲ့လူတွေက ဒီမှာ ပြန်ပေါင်းချင်နေကြတယ်။ သူတို့ ဖာသာ ဆုံးဖြတ်ကြပေါ့၊ ကိုမိုးသီးတို့ ပြန်လာခဲ့တဲ့အပေါ် ကျနော်တို့ ၈၈ က ဘာမှ ပါဝင်ပတ်သက်ခဲ့မှု မရှိဘူး။ တခုပဲ၊ ကျနော်တို့ ထောင်ကထွက်ပြီး တပတ်အကြာမှာ သတင်းစာရှင်းလင်းပွဲလုပ်တယ်။ ပြောခဲ့တာက ပြည်ပရောက်သွားတဲ့ ဒီမိုကရေစီ အင်အားစုတွေကို သိက္ခာရှိရှိ ပြန်လာနိုင်အောင် စီစဉ်ပေးပါပေါ့” ဟု ဦးဂျင်မီ ဆိုသည်။


ABSDF ခေါင်းဆောင်ဟောင်းများနှင့် UNA ခေါင်းဆောင်များ တိုင်းရင်းသားပြဿနာ ဆွေးနွေး


မြန်မာနိုင်ငံကို လတ်တလော ပြန်ရောက်နေတဲ့ ABSDF ခေါင်းဆောင်ဟောင်းတွေ ဖြစ်ကြတဲ့ ဒေါက်တာနိုင်အောင်နဲ့ ဒေါက်တာသောင်းထွန်းတို့ဟာ UNA လို့ခေါ်တဲ့ ညီညွတ်သော တိုင်းရင်းသားလူမျိုးများ မဟာမိတ်အဖွဲ့ ခေါင်းဆောင်တွေနဲ့ မနေ့က တွေ့ဆုံပြီး တိုင်းရင်းသား ပြဿနာ ပြေလည်ရေး ကိစ္စတွေကို ဆွေးနွေးကြောင်း သိရပါတယ်။


FTUB အထွေထွေ အတွင်းရေးမှူး မြန်မာနိုင်ငံကို ပြန်လည်ရောက်ရှိ


မြန်မာနိုင်ငံ အလုပ်သမားသမဂ္ဂများ အဖွဲ့ချုပ် FTUB ရဲ့ အထွေထွေ အတွင်းရေးမှူး ဦးမောင်မောင်ဟာ ၂၄ နှစ်တာအတွင်း ပထမဆုံးအကြိမ်အဖြစ် မနေ့က မနက်ပိုင်းက မြန်မာနိုင်ငံကို ပြန်လည် ရောက်ရှိလာပါတယ်။


မြောက်ပိုင်းလူသတ်မှု အမှုမှန်ပေါ်ရေး ဥက္ကဋ္ဌဟောင်းကမ်းလှမ်း

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF တွင်း လွန်ခဲ့သော အနှစ် ၂၀ က ဖြစ်ပွားခဲ့သည့် မြောက်ပိုင်းလူသတ်မှုနှင့် ပတ်သက်၍ အမှုမှန်ပေါ်ပေါက်ရန် ကိုယ်တိုင် ဦးဆောင် လုပ်ဆောင်သွားမည်ဟု ဥက္ကဋ္ဌဟောင်း ဦးထွန်းအောင်ကျော်က ပြောဆိုခဲ့သည်။

တနင်္လာနေ့ ရန်ကုန်မြို့ ယုဇန ဟိုတယ်တွင်ပြုလုပ်သည့် အမိမြေငြိမ်းချမ်းရေးလုပ်ငန်း သတင်းစာရှင်းလင်းပွဲတွင် “မြောက်ပိုင်းကိစ္စနှင့်ပတ်သက်ပြီး အမှန်တရားပေါ်ပေါက်ရေးကို ကျွန်တော်ကိုယ်တိုင် ဦးဆောင်ပြီး ပါဝင်မယ် ” ဟု ဦးထွန်းအောင်ကျော်က ဆိုသည်။

၁၉၈၈ ခုနှစ် ဒီမိုကရေစီလိုလားသော ဆန္ဒပြသူများကို စစ်တပ်ကပစ်ခတ်ဖြိုခွင်းကာ အာဏာသိမ်းပြီးနောက် လက်နက်စွဲကိုင်တော်လှန်ရန် နယ်စပ်သို့တိမ်းရှောင်သွားသည့် ကျောင်းသားများဖြင့် ဖွဲ့စည်းခဲ့သည့် ABSDF အတွင်း လူသတ်မှုကျူးလွန်သည်ဆိုခြင်းမှာ လွဲမှားနေသည့် ခေါင်းဆောင်တချို့၏ အာဏာရူးမှု၊ အတွေ့အကြုံ မရင့်ကျက်မှု များကြောင့် ဖြစ်သည်ဟု သူက ပြောသည်။

ကချင်ပြည်နယ်မြောက်ပိုင်း ပါဂျောင်ဒေသတွင် ၁၉၉၂ ခုနှစ်အစောပိုင်းက ဖြစ်ပွားခဲ့သော ညှင်းပန်းသတ်ဖြတ်မှုများနှင့် ပတ်သက်၍ လွတ်မြောက်လာသူများနှင့် မိသားစုဝင်များက သတ်ဖြတ်မှုကျူးလွန်သူများကို တရားစွဲဆိုသွားမည်ဟု ထုတ်ဖော်ပြောဆိုထားကြသည်။

ဦးထွန်းအောင်ကျော် ဦးမိုးသီးဇွန်အပါအဝင် အမိမြေ ငြိမ်းချမ်းရေး လုပ်ငန်းတွင် ပါဝင်သူတို့အနေနှင့် မြန်မာနိုင်ငံသို့ရောက်ရှိလာစဉ် အချိန်အတွင်း ရခိုင်ပြည်နယ်အတွင်း ဖြစ်ပွားနေသည့် ကိစ္စများ၊ ကချင်ပြည်နယ်အတွင်း စစ်ဖြစ်နေ သည့် ကိစ္စရပ်များကို အစိုးရနှင့် ဆွေးနွေးရန် ဆန္ဒရှိနေပြီး လုပ်နိုင်သမျှ လုပ်ဆောင်သွားနိုင်ရန် မျှော်မှန်းထားကြောင်း ABSDF အဖွဲ့ဝင်ဟောင်း ဦးကိုကိုလေးက သတင်းစာရှင်းလင်းပွဲတွင် ပြောသည်။

“ကျွန်တော်တို့ မြန်မာနိုင်ငံကို ခုရောက်လာပြီး ဘာလုပ်နိုင်လဲလို့မေးရင် အစိုးရပိုင်းမှာ ဒီအတွက် အစီအစဉ်တွေ ရှိပါတယ်၊ နောက်ပြီး မြန်မာနိုင်ငံကို ခဏခဏ ဝင်လို့ရအောင် ဝန်ကြီးက လုပ်ပေးထားတဲ့ အစီအစဉ်တွေလည်း ရှိတယ်၊ နောက်ပြီး အမြဲတမ်းနေထိုင်ခွင့်ရသူ (Permenent Resident) အဖြစ်နဲ့ နေခွင့်ရအောင် လုပ်ပေးမယ့် အစီအစဉ်တွေလည်း ရှိပါတယ်” ဟု ဦးကိုကိုလေးက ဆိုသည်။

သမ္မတဦးသိန်းစိန်၏ Black List စာရင်းမှ ပယ်ဖျက်ပေးမှုအပြီး မြန်မာနိုင်ငံသို့ ပြန်လည်ရောက်ရှိလာသည့် ဦးမိုးသီးဇွန် အပါအဝင် အဆိုပါပုဂ္ဂိုလ်များသည် မြန်မာနိုင်ငံတွင် နေထိုင်ခွင့်ကို ပထမ ခုနစ်ရက်ရရှိခဲ့သည့်အပြင် သမ္မတရုံးဝန်ကြီး ဦးအောင်မင်း၏ စီစဉ်ပေးမှုကြောင့် သီတင်းလေးပတ်ခန့်ကြာ နေထိုင်နိုင်မည် ဖြစ်သည်။

ယခုလ ၂ ရက်နေ့က ဦးမိုးသီးဇွန်၊ ABSDF ဥက္ကဋ္ဌဟောင်း ဒေါက်တာနိုင်အောင်နှင့် သမ္မတရုံး ဝန်ကြီးများဖြစ်သည့် ဦးအောင်မင်း ဦးစိုးသိန်း ကမာရွတ်၊ ရွှေလီလမ်းရှိ ငြိမ်းချမ်းရေးစင်တာတွင် တွေ့ဆုံခဲ့ပြီး တိုင်းရင်းသားအရေးကိစ္စများ၊ကျောင်းပညာရေးကိစ္စများ ဆွေးနွေးခဲ့ကြသည်။



မြောက်ပိုင်းလူသတ်မှု ထောက်လှမ်းရေးပါ အစစ်ခံဖို့လိုဟု ဒေါက်တာနိုင်အောင်ပြော

ယခင်စစ်အစိုးရအဆက်ဆက် ချမှတ်ထားသော ပြည်ဝင်ခွင့် ပိတ်ပင်ထားသူများစာရင်း Black List မှ ပယ်ဖျက်မှုအပြီး ပြည်ပရောက် မြန်မာ့ဒီမိုကရေစီအရေး လှုပ်ရှားသူတဦးဖြစ်သော  မြန်မာနိုင်ငံ ဒီမိုကရက်တစ်အင်အားစု၏ အတွင်းရေးမှူးချုပ် ဒေါက်တာနိုင်အောင်လည်း ပြန်ရောက်လာခဲ့သည်။

အိမ်ပြန်ခရီးစဉ်အစမှာပင် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF ၏ ဥက္ကဋ္ဌဟောင်း လည်း ဖြစ်သော ဒေါက်တာနိုင်အောင်ကို သတင်းသမားအများစု၏ မေးခွန်းက ကျောင်းသားတပ်အတွင်း လွန်ခဲ့သော အနှစ် ၂ဝ က ဖြစ်ပွားခဲ့သော မြောက်ပိုင်းလူသတ်မှုနှင့် ပတ်သက်သော မေးခွန်းများ ဖြစ်သည်။

ကချင်ပြည်နယ်မြောက်ပိုင်း ပါဂျောင်ဒေသရှိ  ABSDF မြောက်ပိုင်း စခန်းတွင် ထိုစဉ်က စစ်အစိုးရ၏ “ရေလှိုင်း စစ်ဆင်ရေး” အောက်  သူလျှိုလုပ်သည်ဟူသော သံသယဖြင့် အဖွဲ့ဝင် ၁၅ ဦးမှာ နှိပ်စက်ခံရပြီး သေဆုံးခဲ့သည်။  စွပ်စွဲခံရသူပေါင်း ၁ဝ၆ ဦးအထိရှိခဲ့သော အမှုနှင့်ပတ်သက်ပြီး  သေကံမရောက် လွတ်မြောက်လာသူအချို့၏ တာဝန်ရှိသူဟု စွပ်စွဲထားသူများတွင် ထိုင်း-မြန်မာနယ်စပ်အခြေစိုက် ABSDF ဗဟို၏ ဥက္ကဋ္ဌဟောင်းလည်း ပါဝင်သည်။

ဒေါက်တာနိုင်အောင်ကို မဇ္ဈိမ သတင်းထောက် မြတ်ကျော်သူက တွေ့ဆုံမေးမြန်းထားသည်။


မြောက်ပိုင်းမှာ ဖြစ်သွားတဲ့ ကိစ္စတွေကို အကြမ်းဖြင်း ပြောပြပေးပါ။


“မြန်မာနိုင်ငံကို ပြန်လာရတာက မြောက်ပိုင်းကိစ္စနဲ့ပတ်သက်လို့ ဖြေရှင်းဖို့တော့ မဟုတ်ပါဘူး။ ပြီးတော့ မြောက်ပိုင်း ကိစ္စတွေကို ပြောမယ်ဆိုရင် ဇာတ်ရည်လည်အောင် နောက်ခံ အခြေအနေတွေကို အရင်ဆုံး ရှင်းပြရပါမယ်။”

“ဒီကိစ္စကို ဖြစ်တဲ့အချိန်မှာ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး(ABSDF) ပေါ့။ အဲ့ဒီအချိန် တုန်းက စခန်းတွေ နယ်မြေအသီးသီးမှာရှိတယ်။ ထိုင်းနိုင်ငံတောင်ပိုင်း၊ မွန်၊ ကရင်၊ ကချင်၊ ရှမ်းပြည်နယ်နဲ့ အနောက် ဘက်၊ အိန္ဒယ၊ ဘင်္ဂလားဒေ့ရှ် မှာလည်း စခန်းတွေရှိတယ်။ တကယ်က ABSDF ဆိုတာက နယ်စပ်အသီးသီးကို
ရောက်သွားကြတဲ့ ကျောင်းသားတွေနဲ့ စခန်းဖွင့်ပြီး ဖွဲ့ထားတာ။ ထိုင်းနိုင်ငံတောင်ပိုင်းမှာဆိုရင်လည်း ကရင်ဘက်မှာ စခန်းခုနစ်ခုလောက်ရှိတယ်။ မွန်ဘက်မှာ စခန်းနှစ်ခုလောက်ရှိတယ်။ မြောက်ဘက်ပိုင်း ကချင်ဘက်မှာဆိုရင်လည်း ရှိတယ်။ နယ်ပယ်အသီးသီးကို ရောက်ရောက်သွားချင်းမှာတော့ ကျောင်းသားတွေက ကိုယ့်စခန်းနဲ့ကိုယ် ကိုယ်ကြိုက်
နှစ်သက်ရာ နာမည်ကို ပေးလိုက်ကြတဲ့အခါ ကျွန်တော်တို့က ပြန်ပြီးတော့ စုဖွဲ့ပြီးတော့ ABSDF ဆိုတာကို တူအောင် လုပ်ရတာ။ ဖွဲ့စည်းရတာပေါ့။ ပထမဆုံး ကိုထွန်းအောင်ကျော်က ဥက္ကဋ္ဌဖြစ်တယ်။ နောက်သိပ်မကြာခင်မှာ အရေးပေါ် ညီလာခံခေါ်ရတယ်။ အဲ့ဒီအချိန်မှာ အိန္ဒိယဘက်က ဒီနာမည် မဟုတ်သေးဘူး။ နာမည်တစ်မျိုး။ ကချင်ဘက်ကလည်း နာမည်တစ်မျိုး။ ဒါပေမယ့် အားလုံးလက်နက်ကိုင် တော်လှန်ရေးလုပ်ကြမယ် ဆိုပြီးတော့ စုစည်းကြတာ။ ညီလာခံ လုပ်တာဆိုပေမယ့်လည်း အကုန်လုံး ပါချင်မှပါတာ။”

“ကာလတစ်ခုကို ဖြတ်ပြောမယ်ဆိုရင်တော့ ကိုမိုးသီးဇွန် ဥက္ကဋ္ဌအဖြစ်တဲ့ အချိန်ကိုရောက်လာတာပေါ့ဗျာ။ ညီလာခံ
ခေါ်တဲ့အချိန်ပေါ့။ မှတ်မိသလောက်ဆိုရင် ၁၉၉၁ နှစ်ကုန်ပိုင်းလောက်ပေါ့။ အဲ့ဒီအချိန်မှာ ကိုမိုးသီးဇွန်က ဥက္ကဋ္ဌ၊ ကျွန်တော်က ညီလာခံကိုယ်စားလှယ်။ ညီလာခံလုပ်တဲ့အချိန်မှာပဲ ဖမ်းဆီးမှုတွေဖြစ်တယ်လို့ ကျွန်တော်တို့ သိရတယ်။ အဲ့ဒီညီလာခံမှာ တက်တဲ့သူတွေက နှစ်ခုသိရတယ်။ တစ်ခုက အဲ့ဒီအချိန်တုန်းက ပြန်သွားတဲ့၊ လွတ်သွားတဲ့လူလား မသိဘူး။ သတင်းစာရှင်းလင်းပွဲ လုပ်သွားတာရှိတယ်။ အဲ့ဒီကနေကြားရတာာ တစ်ခုရှိတယ်။ ဒုတိယတစ်ခုက ကိုမိုးသီးဇွန်က မဟာမိတ်ကြေးနန်း KIO ကနေတစ်ဆင့် ကျောင်းသားတွေကို ကျောင်းသားတွေကို ဒီလိုဖမ်းဆီးနေ တယ်ဆိုတဲ့ ကိစ္စတွေ ကြားရတယ်။ သူလျှိုတွေ ပါလာတယ်ဆိုတဲ့ ကိစ္စကို မြောက်ပိုင်းက ဖော်ထုတ်လိုက်တယ် ဆိုတာကို ပြောကြတာတွေရှိတယ်။ ဒါပေမယ့် ကျွန်တော်တို့လည်း တာဝန်မရှိဘူး။ ကျွန်တော်လည်း မသိဘူးပေါ့။”

“ညီလာခံဖြစ်နေတဲ့အချိန်မှာ သိသလားလို့မေးရင် သိတယ်။ ဒါပေမယ့် ကိုယ့်ညီလာခံကိစ္စ ကိုယ်ရှင်းနေတာဆိုတော့ ဒီဘက်မှာ အလုပ်ကပ်နေတယ်။ အဲဒီလို ရှင်းနေ၊ ရှုပ်နေရင်းနဲ့ပဲ ABSDF က နှစ်ခြမ်းကွဲသွားတယ်။ မှတ်မှတ်ရရဆိုရင်
ဒေါ်အောင်ဆန်းစုကြည် နိုဘယ်ဆုရတဲ့နှစ်ပဲ။ ငြိမ်းငြိမ်းချမ်းချမ်းနဲ့ပဲ အဖွဲ့အစည်း နှစ်ခြမ်းကွဲသွားတယ်။ ကိုမိုးသီးဇွန်က တစ်ခြမ်း၊ ကျွန်တော်တို့က တစ်ခြမ်းပေါ့။ အဲ့ဒီအချိန်မှာ မြောက်ပိုင်းက လူတွေက ကျွန်တော်တို့ဦးဆောင်မှုနဲ့ ပူးပေါင်း ပါတယ် ဆိုပြီးတော့ ဖြစ်တယ်။ ဗဟိုကော်မတီက နှစ်ခုမှာ ကိုမိုးသီးဇွန်ကို ထောက်ခံတာ တစ်ခု၊ ဒီစခန်းက ကိုနိုင်အောင်ကို ထောက်ခံတယ်ဆိုပြီးတော့ ဖြစ်ကြတယ်။ အဖွဲ့အစည်းနှစ်ခု ကွဲသွားပြီးတော့ စခန်းတွေပါ ကွဲသွား တယ်။ အဲ့ဒီအချိန်မှာ ကျွန်တော်တို့နေနေတဲ့ တောင်ပိုင်းမှာ ရန်သူ့ထိုးစစ်ဝင်ပါတယ်။ အဲဒီအချိန်မှာ ထိုးစစ်ကိစ္စ ရင်ဆိုင်နေရတာတွေရယ်၊ ကရင်ထဲမှာ ဗုဒ္ဓဘာသာနဲ့ ခရစ်ယာန်တွေရဲ့ ပြဿနာတွေရယ်။ စခန်းတွေ ရွှေ့နေတာ
တွေရယ်ကြောင့် ကျွန်တော်တို့ ချာချာလည်နေကြတယ်။ ဖြစ်နေတာ သိပေမယ်လို့ ကျွန်တော်တို့မှာ ဒီကိစ္စကို လက်တွေ့ဖြေရှင်းနိုင်ဖို့ အခြေအနေမပေးဘူး။ အဲဒီအခါ ညီလာခံကို လာတက်တဲ့ မြောက်ပိုင်းကိုယ်စားလှယ် တစ်ယောက်ကို ခင်ဗျားပြန်ပြီးတော့မှ အချက်အလက်တွေယူ ဆိုပြီးတော့ မြောက်ပိုင်းကို ပြန်လွှတ်လိုက်တယ်။ အဲ့ဒီအချိန်မှာ နေးရှင်း သတင်းစာကနေပြီးတော့ မြောက်ပိုင်းမှာ သူလျှိုတွေကို သတ်လိုက်ပြီဆိုတဲ့ သတင်းကို ဖတ်ရတယ်။ ဘာဖြစ်လို့ အဲဒီလို သိရလဲဆိုရင် ကျွန်တော်တို့နဲ့ စခန်းတွေ ကြားထဲမှာ ဆက်သွယ်မှု ဘာမှမရှိဘူး။”

“ဒီမှာ ဖြည့်ပြောချင်တာတစ်ခုက ကျွန်တော်တို့ စခန်းတွေကို စုဖွဲ့ထားတာဆိုပေမယ့် ဗဟိုဆိုတာက လုပ်လို့ရတာက မူနဲ့ပေါ်လစီ ကိစ္စတွေ၊ အဲဒါတွေကို လုပ်လို့ရတယ်။ စခန်းတွေအကုန်လုံးဟာ၊ သူ့ရဲ့ ဆုံးဖြတ်မှုနဲ့သူ ရှိနေတာ။ သူ့အုပ်ချုပ်ခွင့်နဲ့သူရှိတယ်။ နေ့စဉ်နဲ့အမျှ ကိစ္စတွေကို ကျွန်တော်တို့ဗဟိုက စီမံခန့်ခွဲနိုင်စွမ်းမရှိဘူး။ ဆက်သွယ်ရေး လည်း မရှိဘူး။ သြဇာအာဏာအရလည်း မရှိဘူးလို့လည်း ရှက်ရှက်နဲ့ပဲ ပြောရမှာပဲ။ ဒီကိစ္စတွေ ဖြစ်တယ်ဆိုတာ မီဒီယာတွေမှာ ပါလာမှပဲသိတယ်။ မေးခိုင်းလိုက်တဲ့ သူကလည်း ပြန်မလာဘူး။ ကျွန်တော်တို့ လိုက်သွားမှရမယ်။ သူလျှိုဝင်သလား၊ မဝင်သလားဆိုတာကို ကျွန်တော်တို့မှာ စုံစမ်းစစ်ဆေးနိုင်စွမ်းမရှိဘူး။ ဟိုဘက်က စွပ်စွဲတဲ့လူတွေကို ကျွန်တော်တို့ ပြန်လည် စစ်ဆေးဖို့ဆိုတာကို ကျွန်တော်တို့ မလုပ်နိုင်ဘူး။ ကျွန်တော်တို့ တိုင်ပင်လိုက်တာက ထပ်ပြီး
တော့ သတ်ခံရတဲ့ကိစ္စတွေ မဖြစ်ဖို့၊ ကျန်နေတဲ့သူတွေ လွှတ်ပေးဖို့၊ လွှတ်ပေးတဲ့နေရာမှာလည်း နိုင်ငံတကာ ကြက်ခြေနီအဖွဲ့ကနေတစ်ဆင့် မိဘတွေဆီကို ပြန်ပို့ပေဖို့ ထိုင်းနိုင်ငံမှာရှိတဲ့ ကြက်ခြေနီအဖွဲ့တွေနဲ့ ညှိပါတယ်။
ဖြစ်ချင်တော့ တရုတ်နိုင်ငံထဲကို ဖြတ်ရမယ်၊ နောက်ပြီးတော့ စစ်သုံ့ပန်းလဲ မဟုတ်ဘူး။”

“ဆိုတော့ သူတို့အနေနဲ့ အကူအညီမပေးနိုင်ဘူး။ အဲဒီအချိန်မှာလည်း မြောက်ပိုင်းဗဟိုက သူတို့ဆီမှာ သူလျှိုတွေ ဝင်နေတယ်၊ ကျွန်တော်တို့ တောင်ပိုင်းဗဟိုက မယုံဘူးဆိုတဲ့ ကိစ္စတွေရှိတယ်။ အဲဆိုတော့ ဗဟိုအနေနဲ့ တာဝန်ခံပြီး
တော့ ကျွန်တော်တစ်ယောက်တည်း သွားပြီးညှိတယ်။ ညှိတာကတော့ ခင်ဗျားတို့အချင်းချင်း တစ်ယောက်နဲ့ တစ်ယောက် သံသယ ဖြစ်နေကြပြီ ဆိုလို့ရှိရင် မှန်တာမှားတာ အပထား၊ နောက်တစ်ခုက လူအများကြီး မဖြစ်နိုင်ဘူး။ မမှန်ဘူးလို့လဲ မပြောနိုင်ဘူး။ ဒါပေမယ့် ထပ်ပြီး သတ်တဲ့ကိစ္စမျိုး လုပ်လို့မရဘူး။ တကယ်လို့ သံသယရှိတယ်ဆိုရင် လည်း ဖမ်းထားတာကို လက်မခံဘူး၊ မိဘလက်ကို ပြန်အပ်ရမယ် ဆိုတာမျိုး ကျွန်တော်တို့ညှိတယ်။ မဟာမိတ်တွေနဲ့ လည်း ပြောဆိုပြီးတဲ့အခါ သူတို့လည်း သဘောတူတယ်။ သူတို့ဘက်က တောင်းဆိုတာက စစ်ရေးအခြေအနေတွေ လည်း ဖြစ်နေတဲ့အတွက် တစ်နှစ်လောက်တော့ ထိန်းသိမ်းထားမယ်။ တစ်နှစ်ပြည့်ရင် မိဘလက် ပြန်အပ်မယ်။ ကျွန်တော်ပြည်လာပြီး လမ်းမှာပဲ သူတို့လွတ်မြောက်သွားကြတယ်လေ။ အဲ့ကိစ္စနဲ့ပတ်သက်ပြီးတော့လည်း ကျွန်တော် တို့ ကြေညာချက်တွေ အကြိမ်ကြိမ်ထုတ်ခဲ့တယ်။ ကျွန်တော်တို့က တာဝန်ယူတယ်၊ တာဝန်ရှိတယ်လို့ပြောတာက အဖွဲ့အစည်းတစ်ခုနဲ့ပတ်သက်လာလို့ရှိရင် ဗဟိုကနေပြီးတော့ တာဝန်သိစိတ်နဲ့ တာဝန်ယူတယ်လို့ပြောတာပါ။”

“ခုချိန်မှာလည်း ABSDF အဖွဲ့အစည်းကို ကျွန်တော်တို့ တင်ပြခဲ့တာတွေရှိတယ်။ ဒီမြောက်ပိုင်းကိစ္စနဲ့ ပတ်သက်လို့ တရားဥပဒေစိုးမိုးတဲ့ အခြေအနေရောက်လာပြီ ဆိုလို့ရှိရင်တော့ ဒီကိစ္စနဲ့ ပတ်သက်တဲ့ အဖြစ်မှန် ဖော်ထုတ်ရေး အတွက်ကို စုံစမ်းစစ်ဆေးတဲ့၊ လွပ်လပ်တဲ့ ကော်မရှင်တစ်ခု ဖွဲ့စည်းပြီးတော့ အဖြစ်မှန်ကို ဖော်ထုတ်သင့်တယ်။ ကျွန်တော်တို့လည်း အပြည့်အဝ ပူးပေါင်းပါဝင်မယ်။ မြောက်ပိုင်းမှာ တာဝန်ရှိတဲ့သူတွေ အပါအဝင်၊ အဲ့အချိန်တုန်းက အစိုးရဘက်မှာ တာဝန်ရှိတဲ့ ထောက်လှမ်းရေးဘက်က တာဝန်ရှိတဲ့သူတွေလည်း ဝင်ပြီး၊ ပူးပေါင်းပြီး အစစ်ဆေးခံဖို့ လိုတယ်။ ဒါမှသာလျှင် ဟုတ်တယ်၊ မဟုတ်ဘူးဆိုတဲ့ မြင်ကွင်းတစ်ခုလုံး ပေါ်လွင်မှာ ဖြစ်ပါတယ်။ အဲ့ဒီအထဲမှာမှ သတ်မှတ်ထားတဲ့ စံတွေ၊ အခြေအနေနဲ့ မကိုက်ညီတဲ့ လူ့အခွင့်အရေးနဲ့ မကိုက်ညီတဲ့၊ ချိုးဖောက်မှုတွေ ရှိတယ်လို့ ယူဆတယ်လို့ ရှိရင်လည်း အဲ့ဒီတွေ့ရှိချက်အတိုင်းပဲ လိုအပ်တဲ့ကိစ္စတွေကို ဆက်ပြီးဆောင်ရွက်ရမှာပဲလေ။ အဲ့ဒီအတိုင်းပဲလဲ ကျွန်တော်တို့ နာခံသွားမှာပဲ။”


ခုနကပြောခဲ့တဲ့အထဲမှာ တကယ်လို့ တရားဥပဒေစိုးမိုးရေးပီပြင်လာရင် စုံစမ်းစစ်ဆေးရေးကော်မရှင်ဖွဲ့ပြီး ဒီမြောက်ပိုင်းကိစ္စကို ဖော်ထုတ်မှုလုပ်မယ်ဆိုတော့ အခုအခြေအနေက တရားဥပဒေစိုးမိုးမှု မရှိသေးဘူးလို့ ဆိုလိုတဲ့သဘောလား။


“ကချင်မှာဖြစ်တဲ့ကိစ္စတွေ၊ ခုဂျာနယ်တွေကို တရားစွဲဆိုတဲ့ကိစ္စတွေကိုကြည့်ရင် တရားမျှတမှု၊ တရားဥပဒေစိုးမိုးမှု ဆိုတာ ရှိမှမရှိတာပဲလေ။ အနည်းဆုံးကျွန်တော် ပြောမယ်ဆိုရင် ဗိုလ်ချုပ်တင်ဦးတို့ ဗုံးခွဲခံရတဲ့ ကိစ္စတွေ၊ ပေါ်မှမပေါ်
တော့တာပဲ။ ဘယ်ရောက်နေမှန်းကို မသိဘူး။ ပြောချင်တာက တကယ်စစ်ရင် သိနိုင်တဲ့ ကိစ္စတွေကို မစစ်နဲ့ဆိုတဲ့ တစ်ခြားစိုးမိုးမှုတစ်ခု၊ ပယောဂ တစ်ခုက ရှိနေသမျှ ကာလပတ်လုံး ဒီလိုမျိုးကိစ္စတွေမှာ မျှတတယ်ဆိုတာ ဖြစ်နေနိုင် မှာမှ မဟုတ်တာ။ တရားမျှတတယ်လို့ ဖြစ်လာတဲ့အခြေအနေမှာတော့ ဒီလိုစုံးစမ်းစစ်ဆေးတယ်ဆိုတာ လုပ်ကို လုပ်သင့်တယ်လို့ မြင်ပါတယ်။”


မြောက်ပိုင်းကိစ္စကို ပြန်ကြည့်လိုက်ရင် တကယ်လုပ်ချင်တာက စစ်အာဏာရှင်ကို တော်လှန်ချင်တာပေါ့။ ဒါပေမယ့် အဲ့ဒီအပိုင်းမှာ မအောင်မြင်ခဲ့ဘဲ အဖွဲ့အစည်းအတွင်း ပဋိပက္ခတွေပဲ ဖြစ်ပေါ်ခဲ့တယ်။ ဒီလို
တော်လှန်ရေး မအောင်မြင်ခဲ့တာက ဘာကြောင့်လဲ။


“ABSDF က ပထမတော့ စစ်အာဏာရှင် စနစ်ကို တွန်းလှန်မယ်ပေါ့။ ဒါပေမယ့် အဲ့ဒီရည်ရွယ်ချက်ကို ရောက်သလား ဆိုတော့ မရောက်ပါဘူး။ ကျွန်တော်တို့ နားလည်စေချင်တာက ABSDF က အဓိကက နိုင်ငံရေး ဦးတည်ချက်ပဲ။ ဒီမိုကရေစီနဲ့ လူ့အခွင့်အရေးရရှိရေး။ စစ်မှန်တဲ့ ပြည်ထောင်စုစနစ်ရရှိရေး၊ ပြည်တွင်းငြိမ်းချမ်းရေးပေါ့။ အဲ့ဒါတွေကို ရဖို့ လက်နက်ကိုင် တော်လှန်ရေးကို အဓိကထားပြီးတော့ ကျန်တဲ့ တိုက်ပွဲပေါင်းစုံနဲ့ ဝန်းရံသွားကြမယ်။ ဒါကတော့ လုပ်နည်းပေါ့။ တကယ်တမ်းမှာ ကျွန်တော်တို့လုပ်နေတဲ့ ရည်မှန်းချက်တွေကို ရောက်နေပြီလားဆိုလို့ရှိရင် ကျွန်တော် တို့ နယ်စပ်မှာရှိနေတဲ့ လက်နက်ကိုင် အင်အားစုတွေ အပါအဝင်၊ တစ်ခြားအင်အားစုတွေ အပါအဝင်၊ ပြည်တွင်းမှာ ရှိနေတဲ့ ပြည်သူတွေနဲ့ အဲ့တိုက်ပွဲ အင်အားစုတွေကြောင့်မို့လို့ ဒီနေ့ဖြစ်နေတဲ့ အပြောင်းအလဲတွေက ဖြစ်လာရတာ ပါလို့ ကျွန်တော်က ပြောချင်တယ်။ ပြောချင်တာက ဒါတွေဟာ (စစ်အစိုးရအနေနဲ့) အိမ်မက်မက်လို့ ထလုပ်ခဲ့တဲ့ ဟာတွေ မဟုတ်ဘူး။ ခြုံပြောမယ်ဆိုရင်တော့ ကျွန်တော်တို့ရဲ့ ရည်ရွယ်ချက်တွေကို အထိုက်အလျောက် တစ်စုံတစ်ရာ
တော့ ဖြစ်လာခဲ့တဲ့ ကိစ္စတွေလည်း ရှိခဲ့ပါတယ်။ ဒါပေမယ့် လက်နက်ကိုင်တိုက်လိုက်လို့ ခင်ဗျားတို့ နေပြည်တော်ကို သိမ်းပြီးပြီလားလို့ မေးရင်တော့ ကျွန်တော်တို့ မသိမ်းနိုင်ဘူး။”


တစ်ချိန်တည်းမှာပဲ မြောက်ပိုင်းကိစ္စမှာ ပါဝင်ပတ်သက်ခဲ့တဲ့သူတွေကို တရားစွဲဆိုမယ်ဆိုတဲ့ အပေါ်မှာရော ဘယ်လို ထင်မြင်ပါသလဲ။


“လက်ရှိ တရားရုံးရဲ့အနေအထားက နောက်ဆုံးဆိုရင် ကိုဖြိုးဝေအောင်တို့ ကိစ္စက အစ၊ မဟုတ်ပါဘူးလို့ သက်သေ အထောက်အထားတွေလည်းရှိတယ်။ ဒါပေမယ့် ဒီအမှုနဲ့ပဲ ထောင်ကျခံလိုက်ရတာပဲ။ နောက် ကိုသန်းဇော်၊ သန်လျင် ဗုံးခွဲတဲ့ ကိစ္စနဲ့ ပတ်သက်ပြီးတော့လေ။ အပြင်မှာရောက်နေတဲ့သူတွေက သူတို့လုပ်ပါတယ်၊ သူနဲ့မဆိုင်ပါဘူးလို့
ပြောတာလည်း ထောင်ကျခံရတာပဲ။ ဆိုတော့ တရားရုံးတွေရဲ့ တရားစီရင်ရေးစနစ်ကိုတော့ ကျွန်တော် သံသယ
ဖြစ်တယ်။ တည့်တည့်ပြောရင် ယုံလားဆိုရင် မယုံဘူး။ ဒါပေမယ့် တရားစွဲဆိုနိုင်ခွင့်ရှိတယ်ဆိုတဲ့ လူတွေရဲ့ အခွင့်အရေးကို မတားဘူး။ ဒါက သူတို့ အခွင့်အရေးပဲလေ။”


ခုအချိန်မှာ အပြင်ကလူတွေလည်းရောက်လာပြီ၊ ပြည်တွင်းကလူတွေလည်းရှိနေပြီ ဆိုတော့ အားလုံးတွေ့ဆုံသွားမယ့် အခြေအနေတစ်ခုခုများ လုပ်ဆောင်သွားဖို့ ရှိပါသလား။


“ဒါကတော့ ကျွန်တော် အဖွဲ့အစည်းကို ထပ်မေးထားတယ်။ ကျွန်တော် လာတုန်းကတော့ “ခင်ဗျားလည်း ABSDF ဥက္ကဋ္ဌဟောင်းဆိုတော့ ခင်ဗျားနဲ့ဆိုင်တဲ့အပိုင်းကို ခင်ဗျားပြော၊ ABSDF အဖွဲ့အစည်းအနေနဲ့ ပြောရမယ် ကိစ္စတွေကို
တော့ အဖွဲ့အစည်းကပဲ ပြောမယ်” လို့ပြောထားပါတယ်။ ကျွန်တော့်အနေနဲ့ ပြောစရာရှိတဲ့ ကိစ္စတွေကိုပြောမယ်၊ ဒါပေမယ့် တွေ့ဖို့၊ ဆုံဖို့ ကိစ္စတွေကတော့ ABSDF ကပဲ တာဝန်ယူမယ်လို့ ပြောထားတာရှိတယ်။ ခုတွေ့ချင်နေပြီလို့ ထပ်ပြီးပြောလာတဲ့ အခါကျတော့ ကျွန်တော်လည်း အဖွဲ့အစည်းကို ထပ်ပြောထားပါတယ်။ ကျွန်တော်တို့က အဖွဲ့အစည်းနဲ့ လုပ်ရတာ ဆိုတော့ စည်းတွေ၊ ဘောင်တွေရှိတယ်။ ကျွန်တော့်အနေနဲ့ ABSDF ဥက္ကဋ္ဌ ဟောင်း ဆိုပေမယ့်လို့ ABSDF ဥက္ကဋ္ဌဟောင်းက ပြန်သွားပြီး ABSDF ရဲဘော်တွေက ကျန်ခဲ့တယ်ဆိုတော့ သူတို့ ဘယ်လိုလုပ် စိတ်ထဲမှာကောင်းမလဲ။ ဒါပေမယ့် ကျန်တဲ့သူတွေကတော့ အဲ့လို နားလည်ပေးနိုင်မှာ မဟုတ်ဘူး။ ဒါကိုလည်း နားလည်တယ်။ ကျွန်တော်က ဥက္ကဋ္ဌဟောင်းကြီးဖြစ်လို့ ပြန်ခွင့်ရတယ်အချိန်မှာ တောထဲမှာကျန်ခဲ့တဲ့ ရဲဘော်က အခု ခြုံပုတ်အောက်ထဲမှာ နေနေရတုန်းဆိုတဲ့ ရဲဘော်ရဲ့ စိတ်ထဲမှာဘယ်လိုနေမလဲဆိုတာ ရှိပါတယ်။ ကျွန်တော့်အနေနဲ့ ကတော့ ဒီလို တွေ့ဆုံမှုဖြစ်လာရင် ကောင်းတယ်လို့ပဲ ပြောချင်ပါတယ်။”


LWIN PWIN
NLABR
Web-site:                   www.nlabr.com
Blog:                         http://wanna23-23.blogspot.com/
Facebook:                   Sa Maung

0 comments:

Post a Comment