ကရင် ရခိုင် ချင်း နဲ့  ကချင် သတင်းများ  စက်တင်ဘာ ၁၄၂၀၁၂

နေပြည်တော်လာရန် KIO ကို သမ္မတ ဦးသိန်းစိန် ဖိတ်ကြား


သမ္မတ ဦးသိန်းစိန်က ကချင်လွတ်လပ်ရေး အဖွဲ့ (KIO) မှ ကိုယ်စားလှယ်များကို အပစ်အခတ်ရပ်စဲရေး အတွက် နေပြည်တော်၌ တွေ့ဆုံဆွေးနွေးရန် ကမ်းလှမ်း ထားကြောင်း ပြည်ထောင်စု အဆင့် ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု ဥက္ကဋ္ဌ သမ္မတရုံးဝန်ကြီး ဦးအောင်မင်းက ပြောသည်။
အဆိုပါ သမ္မတ ဦးသိန်းစိန်၏ ကမ်းလှမ်းမူကို KIO အဖွဲ့ ကိုယ်စားလှယ်များက အကြောင်းပြန်ကြားခြင်း မရှိသေးကြောင်း ယခုရက်ပိုင်းအတွင်း နေပြည်တော်၌ ဧရာဝတီ မဂ္ဂဇင်း အယ်ဒီတာ ကိုအောင်ဇော်နှင့် သီးသန့် တွေ့ဆုံမေးမြန်းရာတွင် ဦးအောင်မင်းက ပြောကြားသည်။
“နိုင်ငံတော် သမ္မတကြီးက ဒီလောက်တောင် ဖြစ်လှတာ၊ နေပြည်တော်မှာ လာလုပ်၊ သူ့မျက်စိရှေ့မှာ လာလုပ်ဆိုပြီးတော့ ဒီလောက်အထိကို အခွင့်အရေး ပေးထားတယ်။ သွားရေး၊ လာရေး၊ လုံခြုံရေး ကိစ္စအားလုံး တာဝန်ယူတယ်။ ဒီမှာ လာလုပ်ပါ။ အဲဒါ အဖြေ မရသေးဘူး” ဟု ဦးအောင်မင်းက ဆိုသည်။
အစိုးရအနေနှင့် ကချင်ပြည်နယ် မြစ်ကြီးနားမြို့ အပါအ၀င် ဗန်းမော်မြို့နယ်နှင့် မူဆယ်မြို့များတွင် တွေ့ဆုံ ဆွေးနွေးရန် KIO အဖွဲ့မှ တာဝန်ရှိသူတို့ကိုလည်း ကမ်းလှမ်းခဲ့သေးကြောင်း သိရသည်။
“ဗန်းမော်မှာ တွေ့ရအောင်လို့ ပြောတယ်၊ မဟုတ်ဘူး၊ သူတို့က လွယ်ဂျယ်နားက ပရန်ငေါန်ကျေးရွာမှာ တွေ့မယ်ဆိုပြီးတော့ ပြောသွားတယ်၊ သူတို့နယ်မြေထဲမှာပေါ့။ ကဲ … ဒီနေရာ မကြိုက်ရင် နောက်တနေရာ မူဆယ်မှာ တွေ့ရအောင် ပြောတယ်၊ သူတို့က မဟုတ်ဘူး၊ တဖက်နိုင်ငံ တနေရာ၊ ရွှေလီမှာ တွေ့ရအောင် ပြောတယ်။ ဒီလိုနေရာ ညှိတဲ့အခါမှာ အဆင်မပြေတာလေးတွေ ရှိတယ်” ဟု ဦးအောင်မင်းက ပြောသည်။
KIO ခေါင်းဆောင်များနှင့် အစိုးရ ဒု တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး စိုးဝင်း ဦးဆောင်သော နှစ်ဘက် ကိုယ်စားလှယ်များအနေဖြင့် တင်းမာနေသည့် စစ်ရေးကိစ္စများ ပြေလည်ရေးအတွက် တွေ့ဆုံဆွေးနွေးရန် စီစဉ်ခဲ့ခြင်း ဖြစ်သည်။
“နိုင်ငံရေးနဲ့ စီးပွားရေး ကိစ္စအားလုံးကို ရှင်းပေးလို့ ရတယ်။ မူဝါဒ၊ မူဘောင်နဲ့ ကိုက်ညီတဲ့ ဥစ္စာတွေ ဥပဒေက ခွင့်ပြုထားတဲ့ ဥစ္စာတွေကို အကုန် ရှင်းပေးလို့ရတယ်။ သို့သော်လည်းပဲ ဒီစစ်ရေး စွမ်းအားကိုတော့ ကျနော် ရှင်းပေးလို့ မရဘူး။ ဒါတွေ အားလုံးက နှစ်ဘက်တပ်တွေက ဒီဘက်က တပ်ခေါင်းဆောင်တွေနဲ့ ဟိုဘက်က တပ်ခေါင်းဆောင်တွေ ရှင်းရမယ့် ကိစ္စဖြစ်တယ်” ဟု ဦးအောင်မင်းက ဆိုသည်။
ကချင် လွတ်လပ်ရေး တပ်မတော် (KIA) ဒု စစ်ဦးစီးချုပ် ဗိုလ်မှူးချုပ် ဂွမ်မော်ကမူ အစိုးရထံသို့ တရားဝင် အစည်းအဝေး ပြုလုပ်ရန် ကမ်းလှမ်းခဲ့သော်လည်း ဖြစ်မလာကြောင်း ကချင်ငြိမ်းချမ်းရေး ကွန်ရက်သို့ ပြောသည်ဟု ဘားမား ဗီဂျေ မီဒီယာ၏ ရုပ်သံသတင်းတွင် ဖော်ပြထားသည်။
“တရားဝင် အစည်းအဝေးလုပ်ရအောင် ကျနော်တို့ တောင်းဆိုတယ်၊ ရွှေလီမှာပဲ တကြိမ် တရားဝင် အစည်းအဝေးလုပ်မယ်၊ မူတခု ချမယ်၊ မူချပြီးလို့ရှိရင် ကျနော်တို့ မြစ်ကြီးနားမှာ လုပ်ရအောင်လို့ ပြောထားပြီးသား။ မြစ်ကြီးနား ဘယ်မှာလုပ်မယ်၊ ဘယ်သူက တာဝန်ယူမှာကအစ အဆိုပြုထားတယ်။ ဒါပေမယ့် တရားဝင် အစည်းအဝေးက ဖြစ်မလားဘူး” ဟု ဗိုလ်မှူးချုပ် ဂွန်မော်က ပြောကြောင်း အဆိုပါ ရုပ်သံသတင်းအရ သိရသည်။
ပြီးခဲ့သည့် ဇွန်လ ၂၀ ရက်နေ့က ဦးအောင်မင်းနှင့် KIO ခေါင်းဆောင်များ မိုင်ဂျာယန် ဒေသတွင် နောက်ဆုံး တွေ့ဆုံခဲ့ပြီး စစ်ဘက်ဆိုင်ရာ နှစ်ဘက်ကိုယ်စားလှယ်များကို ကမ်းလှမ်းထားခြင်း ဖြစ်ကြောင်း သိရှိရသည်။
ကချင်တွင် တိုက်ပွဲများ ဆက်လက်ဖြစ်ပွားခြင်းနှင့် ပတ်သက်၍ အစိုးရ တပ်မတော်က သမ္မတ၏ အမိန့်ကို နာခံခြင်း ရှိမရှိ ဧရာဝတီက မေးမြန်းခဲ့ရာ ဦးအောင်မင်းက “တပ်မတော်က အမိန့်မနာခံဘူး ဆိုတာကတော့ မဟုတ်ပါဘူး။ ကျနော်ကိုယ်တိုင်လည်း တပ်မတော်သားပဲ။ အထက်က အမိန့်ပေးရင် ဖြစ်အောင်လုပ်ရမှာပေါ့။ တိတိကျကျ လိုက်နာရမှာပေါ့။ ပေးလည်းပေးပြီးသားပဲ။ စာရွက်စာတမ်းကအစ ကျနော်တို့က ရှိပြီးသားပဲ။ ဒီစာရွက်စာတမ်းတွေကိုလည်း တိုင်းရင်းသား အကုန်လုံးကို လိုက်ဖြန့်ဝေထားတာပဲ။ အဲဒီတော့ ဘာပဲဖြစ်ဖြစ် ရှုပ်ထွေးနေလို့ ဖြစ်တဲ့အခြေအနေလို့ပဲ ကျနော်ယူဆပါတယ်။ တပ်မတော်က အမိန့်မနာခံတာ မဟုတ်ပါဘူး” ဟု ဖြေကြားသည်။ ကချင်ဒေသတွင် ယမန်နှစ် ဇွန်လမှ စတင်ဖြစ်ပွားခဲ့သည့် တိုက်ပွဲများကြောင့် အိုးအိမ် စွန့်ခွာထွက်ပြေးရသော ဒေသခံ ဒုက္ခသည်များမှာ ကချင်ပြည်နယ်နှင့် ရှမ်းပြည်နယ်အတွင်း စုစုပေါင်း ၉၀၀၀၀ ခန့် ရှိကြောင်း သိရသည်။


တရုတ်ပြည်ရောက် ကချင်ဒုက္ခသည်များကို `ထောက်ပံ့ကူညီရန်´ ကုလအသင့်ရှိ

ကချင်ပြည်နယ်တွင်း အကြမ်းဖက်မှုများကြောင့် ဘေးလွတ်ရာသို့ ထွက်ပြေးခိုလှုံ ရောက်ရှိ လာသော မြန်မာနိုင်ငံသားများကို တရုတ်နိုင်ငံ၊ ယူနန်ပြည်နယ်မှ ပြန်လည် နှင်ထုတ်ခဲ့သည့်အတွက် “အထူး စိုးရိမ် ပူပန်မိ” ကြောင်း ကုလသမဂ္ဂ ဒုက္ခသည် အေဂျင်စီ UNHCR က ပြောဆိုလိုက်သည်။

“တိုက်ပွဲများကြောင့် ထွက်ပြေး ခိုလှုံလာကြသော ဒုက္ခသည်များကို ယာယီ အကာအကွယ်များ ပေးပါရန်၊ သူတို့၏ လူသားလိုအပ်ချက်များကို လေးစားပါရန်၊ လုံခြုံမှုနှင့် စားဝတ်နေရေးအတွက် အန္တရာယ်ရှိသည့် ဒေသများသို့ အတင်းအကြပ် ပြန်မပို့ပါရန် တရုတ်အစိုးရကို UNHCR က တိုက်တွန်းပါသည်” ဟု အဆိုပါရုံးမှ ပြောရေးဆိုခွင့်ရှိသူ အာဒရီယန်အက်ဒဝပ် (Adrian Edwards) က ဆွတ်ဇာလန်နိုင်ငံ၊ ဂျီနီဗာမြို့တွင် ပြုလုပ်သည့် သတင်းစာရှင်းလင်းပွဲ တွင် ပြောကြားခဲ့သည်။

“သူတို့၏ နေရင်းရပ်ရွာများတွင် တည်ငြိမ်သွားသည်အထိ အဆိုပါ ဒုက္ခသည်များအား ကူညီနိုင်ရန် တရုတ်နိုင်ငံကိုထောက်ပံ့ကူညီရန် ကျွန်ုပ်တို့ အသင့်ရှိပါသည်” ဟုလည်း သူက ပြောသည်။

၂ဝ၁၁ ခုနှစ်မှစ၍ ကချင်လွတ်လပ်ရေးအဖွဲ့ KIO  နှင့် အစိုးရတပ်များအကြား တိုက်ပွဲများ ဖြစ်ပွါးလာကတည်းက ရှမ်းပြည်နယ်နှင့် ကချင်ပြည်နယ်တို့မှ နေအိမ်များကို စွန့်ခွါ ထွက်ပြေးလာသူ အရပ်သားပေါင်း ၇၅,ဝဝဝ ရှိပြီဟု UNHCR က ခန့်မှန်းထားပြီး နောက်ထပ်လည်း နေ့စဉ်ထွက်ပြေး ရောက်ရှိနေဆဲဖြစ်သည်။

ယမန်နှစ် ဇွန်လတွင် ဖြစ်ပွါးခဲ့သော တိုက်ပွဲများကြောင့် ထွက်ပြေးလာခဲ့သူများအနက် ကချင်ဒုက္ခသည် ၅,ဝဝဝ ခန့်သည် သြဂုတ်လလယ်ကတည်းက တရုတ်ပြည်မှ ပြန်သွားခဲ့ကြပြီး ယခုအခါ မြန်မာနယ်စပ်ရှိ ယာယီစခန်းများ တွင် နေထိုင်လျက်ရှိကြသည် ဟု အက်ဒဝပ် က ဆိုသည်။

၎င်းတို့ နေရင်းရပ်ရွာများတွင် တိုက်ပွဲများ ဖြစ်ပွားနေ၍ အဆိုပါပြန်သွားသူ ၃,၄ဝဝ ကျော်သည် မိမိတို့ရွာသို့ မပြန်ရဲကြဘဲ ကချင်ပြည်နယ်အတွင်း ဖွင့်လှစ်ထားသည့် ပြည်တွင်း ရွှေ့ပြောင်း ဒုက္ခသည် စခန်းများတွင် ဆက်လက်နေထိုင်နေကြရသည်ဟု အဆိုပါ ပြောရေးဆိုခွင့်ရှိသူက ပြောသည်။

“အစားအစာ၊ အိုးအိမ်၊ ဆေးဝါးနဲ့ အခြား ကယ်ဆယ်ရေး ပစ္စည်းတွေ သူတို့ အရေးတကြီး လိုအပ်နေပါတယ်" ဟု သူက ဆက်လက်ပြောကြားခဲ့သည်။

တရုတ်အာဏာပိုင်များကို ကြိမ်ဖန်များစွာ ပြောကြားခဲ့သော်လည်း နယ်စပ် တရုတ်ပြည် ဘက်အခြမ်းရှိ ကချင်အုပ်စု များထံ ယခုအထိ အကူအညီများ သွားရောက် ပေးအပ်ခြင်း မပြုနိုင်သေးဟု UNHCR က ဆိုသည်။
သို့သော် မကြာမှကမူ အကူအညီများ ပေးအပ်ရန်နှင့် ပြန်လာသူများအတွက် လိုအပ်ချက်များကို လေ့လာနိုင်ရန်
မြန်မာပြည်ဘက်အခြမ်းရှိ လွယ်ဂျယ်သို့ UNHCR က သွားရောက်နိုင်ခဲ့သည်။တွေ့ဆုံမေးမြန်းခဲ့သူ အချို့၏ ပြောကြားချက်အရ တရုတ်အာဏာပိုင်များက ၎င်းတို့ ခိုလှုံရာ တဲများကို အတင်းဆွဲချ ဖျက်ဆီးခဲ့ကြောင်း၊ အရပ်ဝတ်ပုလိပ်များက သူတို့ကို ထရပ်ကားများပေါ်သို့ အတင်းမောင်းတင်ခဲ့ကြောင်း၊ သူတို့ ပစ္စည်းများကိုလည်း ဤသို့ပင်ကားပေါ်သို့ တင်ပေးလိုက်ကြောင်း၊ ထို့နောက် နယ်စပ်ဂိတ်သို့ မောင်းသွားခဲ့ကြသည် ဟု ဆိုကြသည်။NGO တွင် လုပ်ကိုင်နေသော ဒေသခံဝန်ထမ်းများက အဖြစ်အပျက်များကို တွေ့မြင်ခဲ့ကြသည်။ မြန်မာပြည်ရှိ အနီးဆုံး ဒုက္ခသည် စခန်းများသို့ ထိုပြန်သွားသူများကို တင်ဆောင်သွားနိုင်ရန် ထရပ်ကားများလည်း စီစဉ်ပေးခဲ့ကြသည်ဟု အက်ဒဝပ် က ပြောသည်။ နောက်ထပ်လည်းလူများကို တရုတ်ပြည်မှ အတင်းပြန်ပို့လိမ့်မည်ဟု မျှော်လင့်ထားသည် ဟုလည်း UNHCR ပြောရေးဆိုခွင့်ရှိသူ အာဒရီယန် အက်ဒဝပ် က ပြောဆိုသွားသည်။

ကေအိုင်အိုနှင့်အစိုးရတပ် ဖားကန့်မြို့တွင်း တိုက်ပွဲဖြစ်

ကေအိုင်အိုနဲ့ အစိုးရတပ်တွေ မနေ့က ညနေ ၄ နာရီကနေ ည ၈ နာရီကျော်လောက်အထိ ဖားကန့် မြို့တွင်းမှာ တိုက်ပွဲဖြစ်ပွားခဲ့လို့ ဒေသခံတွေ နီးစပ်ရာ ဒုက္ခသည် စခန်းတွေကို ထွက်ပြေးတိမ်းရှောင် နေကြရပါတယ်။

သမ္မတဦးသိန်းစိန် ကုလအထူးကိုယ်စားလှယ်ကို တွေ့ဆုံ


သမ္မတ ဦးသိန်းစိန်နဲ့ ကုလသမဂ္ဂ အထွေထွေ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူး အကြံပေး ပုဂ္ဂိုလ် Vijay Nambiar တို့ မနေ့က နေပြည်တော်မှာ တွေ့ဆုံခဲ့ကြတာပါ။ သမ္မတဦးသိန်းစိန်ရဲ့ ကုလသမဂ္ဂခရီးစဉ်ကိစ္စ၊ ရခိုင်ပြည်နယ်အတွင်းက အခြေအနေ စတာတွေကို ဆွေးနွေး တိုင်ပင်ခဲ့ကြတယ်လို့ နိုင်ငံတော်သမ္မတရုံးက သတင်း ထုတ်ပြန်ပါတယ်။ မစ္စတာ နမ်ဘီယားဟာ နောက်ရက်တွေမှာလည်း အစိုးရ တာဝန်ရှိသူတွေနဲ့ ဆက်လက် တွေ့ဆုံဖို့ ရှိတယ်လို့ သိရပါတယ်။

ကုလသမဂ္ဂအတွင်းရေးမှူးချုပ် မစ္စတာ ဘန်ကီးမွန်းရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် ဗီဂျေး နမ်ဘီယားဟာ စက်တင်ဘာလ ၁၂ ရက်နေ့က မြန်မာနိုင်ငံကို ရောက်လာတာဖြစ်ပြီး နောက်တနေ့ စက်တင်ဘာလ ၁၃ ရက်နေ့မှာ သမ္မတ ဦးသိန်းစိန်နဲ့ နေပြည်တော်မှာ တွေ့ဆုံခဲ့တာပါ။
သမ္မတနဲ့ မစ္စတာ နမ်ဘီယားတို့ဟာ သမ္မတ မကြာခင်သွားတက်ဖို့ရှိတဲ့ ကုလသမဂ္ဂအထွေထွေ ညီလာခံကိစ္စအပါအ၀င် အကြောင်းအရာ တော်တော်များများကို ဆွေးနွေးဖြစ်ခဲ့တယ်လို့ သမ္မတရုံး ညွှန်ကြားရေးမှူး ဦးဇော်ဌေးက ပြောပါတယ်။

“အဓိက နံပတ်တစ် သမ္မတကြီးရဲ့ UN ခရီးစဉ် ဆိုင်ရာကိစ္စပေါ့နော်။ အဲ့တာဆွေးနွေးခဲ့တယ်။ နံပတ်နှစ် ရခိုင်ကိစ္စနဲ့ ပတ်သက်ပြီးတော့ UN နဲ့ ပူးပေါင်းဆောင်ရွက်တဲ့ ကိစ္စတွေ ဆွေးနွေးတယ်။ နောက် နံပတ်သုံး ထောင်စုနှစ် ရည်မှန်းချက်တွေ ပြည့်ဝဖို့  မြန်မာနိုင်ငံက ဆောင်ရွက်နေတာတွေ UN က တိုးမြှင့်ဆောင်ရွက်နေမယ့် အလားအလာတွေပေါ့နော်။  အရင်တုန်းက ကျနော်တို့ အပြည့်အ၀ မရတာတွေ ဆွေးနွေးတယ်။

နောက်တခုက တူရကီ၊ အင်ဒိုနီးရှား၊ အမေရိကန်၊ OIC လေ့လာရေးအဖွဲ့တွေ ရခိုင်ပြည်နယ်သွားပြီးတော့ လေ့လာကြည့်ရှု့ခွင့်ပေးတဲ့ဟာတွေ၊ မစ္စတာ နမ်ဗီယား သွားကြည့်တဲ့ဟာတွေ၊ အဲ့တာတွေ နောက် ရခိုင်ပြည်နယ်နဲ့ပတ်သက်လို့ နောက်ထပ် Humanitarians Assistants တွေသွားဖို့ စားဝတ်နေရေး၊ ကျမ်းမာရေး၊ နောက်သူတို့နေထိုင်ရေးပေါ့နော်။ နောက် ကျနော်တို့ဘက်က လုပ်နေတဲ့ဟာက Independence Commission ဖွဲ့ဖို့ ဆောင်ရွက်နေတဲ့ဟာပေါ့၊ အဲ့ဒီ့အပေါ် မူတည်ပြီး ဆောင်ရွက်သွားမယ့်ဟာ အဲ့တာတွေပါပဲ။”

သမ္မတအနေနဲ့ ကုလသမဂ္ဂအထွေထွေညီလာခံမှာ တက်ရောက် အမှာစကားပြောကြားမှာ ဖြစ်တဲ့အပြင် ကုလသမဂ္ဂအတွင်းရေးမှူးချုပ် မစ္စတာဘန်ကီမွန်းနဲ့ တခြား နိုင်ငံတကာ ခေါင်းဆောင်တွေနဲ့လည်း တွေ့ဆုံမှာဖြစ်ပါတယ်။

“တွေ့ဖို့ အချို့ Bilateral တွေပေါ့နော်။ အဲ့မှာရောက်တဲ့အခါ Bilateral တွေ့ဖို့က ညှိနှိုင်းနေဆဲပါပဲ။ Confirm မဖြစ်သေးဘူး။  မသေချာသေးပါဘူး။ အဓိကကတော့ UN မှာ ကျနော်တို့က အထွေထွေအတွင်းရေးမှုးချုပ် မစ္စတာဘမ်ကီမွန်းနဲ့တွေ့မယ်။ နောက်တခုက General Debate တက်ပြောရမယ်။ အဲ့မှာရောက်တဲ့အချိန်မှာ  တခြား တွေ့သင့်တွေ့ထိုက်တဲ့ နိုင်ငံခေါင်းဆောင်တွေအဲ့တာတော့ ကျနော်တို့ မိုဖာက လုပ်နေတယ်။ အဓိကကတော့ New York only ဖြစ်နေတော့ ဝါရှင်တန်တော့ မပါနိုင်ဘူး။”

သမ္မတ ဦးသိန်းစိန်ရဲ့ ခရီးစဉ်ထဲမှာ ၀ါရှင်တန်မြို့ကိုသွားမယ့် အစီအစဉ်မပါတဲ့အတွက် သမ္မတ အိုဘားမားအနေနဲ့ သမ္မတ ဦးသိန်းစိန်နဲ့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်တို့ အမေရိကန်နိုင်ငံကို ရောက်နေတဲ့အချိန် မြန်မာခေါင်းဆောင် နှစ်ဦးစလုံးနဲ့ တွေ့ဖို့ အမေရိကန်နိုင်ငံမှာ သြဇာကြီးတဲ့ CSIS လို့ခေါ်တဲ့ မဟာဗြူဟာနဲ့ နိုင်ငံတကာရေးရာ လေ့လာရေးဌာနက အကြံပြု တင်ပြထားတဲ့အတိုင်း ဖြစ်မဖြစ်ဆိုတာတော့ မသေချာသေးပါဘူး။

မစ္စတာ နမ်ဘီးယားဟာ စက်တင်ဘာ ၁၄ ရက်နဲ့ ၁၅ ရက်နေ့တွေမှာ နေပြည်တော်မှာ ဆက်ရှိနေဦးမှာဖြစ်ပြီး စက်တင်ဘာ ၁၆ ရက်နေ့မှာတော့ ရန်ကုန်မြို့မှာ ကျင်းပမယ့် Peace Center ခေါ် ငြိမ်းချမ်းရေးစင်တာအတွက် ပြုလုပ်မယ့် အလှုရှင်နိုင်ငံများ အလုပ်ရုံဆွေးနွေးပွဲကိုလည်း တက်ရောက်ဖို့ ရှိတယ်လို့ ဦးဇော်ဌေးက ဆက်ပြောပါတယ်။

“အဲ့တာလည်း သမ္မတကြီးနဲ့ ဆွေးနွေးတဲ့အထဲမှာ ပါတယ်။ ကျနော်တို့ရဲ့ Peace Building ပေါ့နော်။ သူတို့က UN က Peace Buildingမှာ Donor Countries တွေနဲ့ သူတို့က တစိတ်တပိုင်းပေါ့။ မစ္စတာ နမ်ဗီးယားတို့ နော်ဝေနိုင်ငံတို့ သူတို့က ဦးဆောင်ပြီး လုပ်ပေးမှာ။ ကျနော်တို့ဘက်က  Peace Centerဖွဲ့ ထောင်ပြီးတော့ ဝန်ကြီးဦးအောင်မင်းတို့ လုပ်နေတာရှိတယ်။ အဲ့Peace Centerနဲ့  Peace Donor ပေါ့နော်။  Donor Group နဲ့ ပူးပေါင်းဆောင်ရွက်မယ့်ဟာတွေ ဒါတွေလည်း သူတို့ဆက်ဆွေးနွေးမှာပေါ့။ အဓိကကတော့ ကျနော်တို့က Resettlements သွားပြီးရင် တောက်လျောက်ပေါ့ Assitants က နောက်က လိုက်ရမှာပါ။”

သမ္မတရုံး ညွှန်ကြားရေးမှူး ဦးဇော်ဌေး ပြောပြခဲ့တာပါ။

ထာဝရ ငြိမ်းချမ်းရေး ဖော်ဆောင်ဖို့ဆိုတဲ့ ရည်ရွယ်ချက်နဲ့ ဒီငြိမ်းချမ်းရေးစင်တာကို့ သမ္မတရုံး ပြည်ထောင်စုဝန်ကြီး ဦးအောင်မင်းက ဦးဆောင်ပြီး ပြည်တွင်း၊ ပြည်ပက ပညာရှင်တွေ၊ တိုင်းရင်းသား ခေါင်းဆောင်တွေ၊ သတင်းမီဒီလောကက သူတွေနဲ့ နိုင်ငံတကာက အလှုရှင်တွေ ပေါင်းကူးပေးနိုင်အောင် ဆိုတဲ့ ရည်ရွယ်ချက်နဲ့ အကောင်အထည်ဖော် လုပ်ဆောင်နေတာ ဖြစ်တယ်လို့ သိရပါတယ်။


ကျောက်တော်မြို့နယ်တွင် လုယက်သတ်ဖြတ်မှုဖြစ်ပွား

 

မကြာခင်ရက်ပိုင်းက ရခိုင်ပြည်နယ် ကျောက်တော်မြို့နယ်မှာ သတ်ဖြတ်ခံခဲ့ရတဲ့ သရက်အုပ်ကျေးရွာနေ ဦးကျော်မောင်ချေကို မနေ့နေ့လည်ပိုင်းက ကျောက်တော်မြို့မှာ သဂြိုဟ်ခဲ့ရာမှာ မြို့ပေါ်နဲ့ ကျေးရွာတွေက ဒေသခံ နှစ်သောင်းနီးပါး လိုက်ပါ ပို့ဆောင်ခဲ့ကြကြောင်း မြို့ခံတစ်ဦးဖြစ်သူ ကိုဗျာလာခိုင်က ပြောပါတယ်။

OIC ရုံး မြန်မာနိုင်ငံတွင် ဖွင့်မည်


အစ္စလာမ်မစ် ပူးပေါင်း ဆောင်ရွက်ရေးအသင်း OIC ၏ လူသားချင်း စာနာမှုဆိုင်ရာ ရုံးတစ်ရုံး မြန်မာပြည်တွင် ဖွင့်လှစ်ရန် မြန်မာအစိုးရနှင့် သဘောတူညီချက် လက်မှတ် ရေးထိုးလိုက်ပြီဖြစ်ကြောင်း ကူဝိတ်နိုင်ငံရှိ OIC အထွေထွေ အတွင်းရေးမှူးရုံးက ကြေညာချက် ထုတ်ပြန်ထားသည်။ ရခိုင်ပြည်နယ်ရှိ မူဆလင်များအရေး OIC အတွင်းရေးမှူးချုပ်က အချက်အလက် ရှာဖွေရေး အဖွဲ့တဖွဲ့ကို မကြာသေးခင်က စေလွှတ်ခဲ့ပြီးနောက် ယင်းသဘောတူညီချက်ကို အင်္ဂါနေ့က လက်မှတ်ရေးထိုးခြင်းဖြစ်သည်။ OIC အတွင်းရေးမှူးချုပ်လည်း မြန်မာနိုင်ငံ သွားရောက်ဖို့ အစီအစဉ်ရှိပြီး ခရီးစဉ်အတွက် မြန်မာအစိုးရနှင့် ဆွေးနွေးနေကြောင်း သိရသည်။

ပြန်မလာတဲ့ စစ်တွေတက္ကသိုလ် ဆရာတွေ လစာဖြတ်


ရခိုင်ပြည်နယ်အတွင်း ဖြစ်ပွားခဲ့သော ပဋိပက္ခများကြောင့် စစ်တွေ တက္ကသိုလ်မှ ဆရာ၊ ဆရာမ ၈၀ ကျော်သည် မိမိတို့ နေရပ် ဒေသ အသီးသီးသို့ ပြန်သွားကြပြီး အချိန်မီ ပြန်ရောက်မလာသောကြောင့် လစာ ဖြတ်တောက်ခံရသည်။
ဇွန်လဆန်းက စတင်သော ပဋိပက္ခများကြောင့် စစ်တွေ တက္ကသိုလ်အပါအ၀င် တက္ကသိုလ်များအား ခေတ္တ ပိတ် ထားရသဖြင့် ပြန်သွားကြ သော ဆရာ၊ ဆရာမ များကို ဇူလိုင် ၂၀ ရက်တွင် ပြန်လာကြရန် စစ်တွေ တက္ကသိုလ် ပါမောက္ခချုပ် က စာထုတ်ထားသော်လည်း အကြောင်းအမျိုးမျိုးကြောင့် ပြန်မရောက်သူများ၏ လစာဖြတ်ခံရ ကြောင်း စစ်တွေ တက္ကသိုလ်မှ ကျောင်း ဆရာတဦး က ပြောသည်။
“အရေးပေါ်ကာလ ဖြစ်တဲ့အတွက် ၂၀ ရက်မှာ အားလုံးအရောက်ပြန်လာဖို့၊ မရောက်ဘူးဆိုရင် ရက်အလိုက် လစာဖြတ်မယ် ဆိုတဲ့ အကြောင်းကို ပါမောက္ခချုပ်က  ကြိုတင်ပြောထားတာ တော့ရှိတယ်၊ ဖြတ်ခံရတဲ့ ငွေက ကျပ်သိန်း ၅၀ ၀န်းကျင် လို့ သိ ရတယ်”ဟု ၎င်း က ဆိုသည်။
ဆရာ၊ ဆရာမ များ၏ လစာဖြတ်တောက်ခြင်းကို ပြည်ထောင်စုအဆင့် ပညာရေးဝန်ကြီးဌာနက တိုက်ရိုက်ဆောင်ရွက်ခြင်း ဖြစ်ကြောင်း၊ တဦးလျှင် ၁၀ ရက်မှ ၁၅ ရက်စာ ဖြတ်ခံရ၍ လစာ တ၀က်ခန့်သာ ရကြကြောင်း၊ တက္ကသိုလ် ဆရာ၊ဆရာမ တဦး၏ လစာသည် ကျပ် တသိန်း ၃ သောင်းရှိကြောင်း၊ စစ်တွေ တက္ကသိုလ်တွင် ဆရာ၊ ဆရာမ ဦးရေ ၂၀၀ ၀န်းကျင်ရှိ ကြောင်း သိရသည်။
စစ်တွေ တက္ကသိုလ်မှ ဆရာ၊ ဆရာမများ လစာဖြတ်တောက်ခံရမှု ကိစ္စကို ပြန်လည် စဉ်းစားပေးရန်အတွက် တက္ကသိုလ် ဆရာ၊ဆရာမများအသင်း ( ရန်ကုန် တက္ကသိုလ်၊ ဒဂုံ တက္ကသိုလ်၊ ရန်ကုန် အရှေ့ပိုင်းတက္ကသိုလ်၊ ရန်ကုန်အနောက်ပိုင်း တက္ကသိုလ်) စသည့် တို့မှ ဆရာ၊ ဆရာများသည်  စက်တင်ဘာလ ၁၁ နေ့ ရက်စွဲဖြင့်  မေတ္တာရပ်ခံစာ တစောင်ထုတ်ပြန်၍ သက်ဆိုင်ရာ ဌာန များသို့ ပေးပို့ထားကြောင်း ပေါ်ပြူလာဂျာနယ်၌ ဖော်ပြထားသည်။
ရန်ကုန်အခြေစိုက် တက္ကသိုလ် ဆရာ၊ ဆရာမ အသင်း ၏ ထုတ်ပြန်ချက်အား နိုင်ငံတော် သမ္မတရုံး၊ ပညာရေး ၀န်ကြီးဌာန၊ လွှတ်တော်ရေးရာ ဌာနများသို့  ပေးပို့ ထားကြောင်းလည်း သိရသည်။
အဝေးရောက်နေသည့် ဆရာ၊ ဆရာမ များသည် ခရီးလမ်းကြောင်း၊ လမ်းစရိတ်၊ မိသားစု အရေး စသည့် အခက်အခဲများ အပြင် ရခိုင်ဒေသတွင်း ထုတ်ပြန်ထားသည့် ပုဒ်မ ၁၄၄ အမိန့် စသည့် အခြေအနေတို့ကြောင့် လုံခြုံရေး စိုးရိမ်မှုများ ရှိနေသေး ခြင်း စသည့် အခြေအနေများ ရှိနေခြင်းအပေါ် မိသားစု သဘောထားဖြင့် ပြန်လည်သုံးသပ်ပေးရန် ကြေညာချက်၌ ဖော်ပြထားကြောင်း ပေါ်ပြူလာဂျာနယ်က ရေးထားသည်။
ဇွန်လဆန်းမှ စတင်ပြီး စစ်တွေမြို့နယ် အပါအ၀င် ရခိုင်ပြည်၏ မြို့အများစု၌ ပဋိပက္ခများဖြစ်ပွားသည့်အတွက် တက္ကသိုလ်များ၊ ကောလိပ်များ၊ အခြေခံပညာ ကျောင်းများ ပိတ်ထားခဲ့ရသည်။ တက္ကသိုလ်တချို့နှင့် အခြေခံ ပညာကျောင်း တချို့အား ဇူလိုင် လ အတွင်း ပြန်လည် ဖွင့်ခဲ့ပြီး စစ်တွေ တက္ကသိုလ် (ပင်မ )အား သြဂုတ်လ ၆ ရက်နေ့တွင် ပြန်လည်ဖွင့်လှစ်ခဲ့သည်။
ထိုပဋိပက္ခ များကြောင့် မောင်တော၊ ဘူးသီးတောင်၊ စစ်တွေ စသည့်မြို့နယ်များ မှ ဒေသခံ မဟုတ်သည့် ဆရာ၊ ဆရာမ များ သည် မိမိဒေသ အသီးသီးသို့ ပြန်သွားကြသည်။ စစ်တွေ တက္ကသိုလ် ဆရာ၊ ဆရာမ အများစု သည် ရခိုင်ပြည် နယ်နှင့် ရန်ကုန်တိုင်း တို့မှ ဖြစ်ပြီး မြန်မာနိုင်ငံ အနှံ့မှ ပါဝင်ကြောင်း သိရသည်။
ရခိုင်ဒေသတွင်း ဖြစ်ပေါ်ခဲ့သော ပဋိပက္ခများ၊ အကြမ်းဖက်မှုများကြောင့် စစ်တွေ၊ ဘူးသီးတောင်၊ ကျောက်ဖြူ၊ ရမ်းဗြဲ၊ သံတွဲ စသည့် မြို့နယ်များကို ညမထွက်ရ အမိန့် ပုဒ်မ ၁၄၄ အား သမ္မတ ဦးသိန်းစိန် က ဇွန်လ ၁၀ ရက်နေ့တွင် ကြေ ညာခဲ့ခြင်း ဖြစ်သည်။ ရခိုင်ပြည်နယ်ကို ထိုနေ့မှ စ၍ အရေးပေါ် အခြေအနေလည်း ကြေညာခဲ့သည်။ အကြမ်းဖက်မှု စတင်ခဲ့သည့် မောင်တောမြို့၌ ဇွန်လ ၈ ရက်နေ့က စတင်၍ ပုဒ်မ ၁၄၄ ထုတ်ပြန်ခဲ့သည်။
ရခိုင်ဒေသတွင်း ပဋိပက္ခဖြစ်ပွားပြီး ၃ လ ကျော်လာသည့်တိုင် တည်ငြိမ်မှု အပြည့်အ၀ မရှိသေးပေ။ လုံခြုံရေး အားနည်း သည့် မြို့နယ် တချို့တွင် ခိုးမှု၊ လုယက်မှု၊ လူသတ်မှု တချို့ဖြစ်ပွားနေကြောင်း သိရပြီး ကျောက်တော်မြို့နယ် အတွင်းမှ ဦးကျော်မောင်ချေ ဆိုသူ ပြီးခဲ့သည့် ရက်ပိုင်းအတွင်း သတ်ဖြတ်ခြင်း ခံခဲ့ရသည်။
ရခိုင်ပြည်နယ် ပဋိပက္ခများအတွင်း လူ ၇၇ ဦးသေဆုံး၍ ဒုက္ခသည်ပေါင်း ခြောက်သောင်း ကျော်ရှိနေပြီး အရေးပေါ်အကူ အ ညီနှင့် ပြန်လည် ထူထောင်ရေး အကူအညီများ လိုအပ်နေသည်ဟု နယ်စပ်ရေးရာ ၀န်ကြီးဌာန ၀န်ကြီး ဒု ဗိုလ်ချုပ်ကြီး သိန်းဌေး က ဇူလိုင် ၃၀ ရက်က ရန်ကုန်မြို့ နိုင်ငံခြားရေး ၀န်ကြီးဌာန ၌ ကျင်းပသော အစိုးရ သတင်းရှင်းလင်းပွဲတွင်   ပြောသည်။
ပဋိပက္ခများကြောင့် အဆောက်အအုံ ၄၈၂၂ လုံး၊ ဘုန်းကြီးကျောင်း ၁၄ ကျောင်း၊ စာသင်ကျောင်း ၃ ကျောင်း၊ ဗလီ ၁၇ ခု ပျက် စီး သွားခဲ့သည် ဟု လည်း သတင်းစာရှင်းလင်းပွဲ ထုတ်ပြန်ချက်အရ သိရှိရသည်။

LWIN PWIN
NLABR      
Web-site:                   www.nlabr.com
Blog:                                 http://wanna23-23.blogspot.com/
Facebook:                   Sa Maung

0 comments:

Post a Comment