နိုင်ငံတကာသတင်း


ရခိုင်ပြဿနာ ကုလစိုးရိမ်


ရခိုင်ပြည်နယ်မှာ အခုလောလောဆယ် ဖြစ်ပွားနေတဲ့ အကြမ်းဖက်မှုတွေဟာ အလွန်ဆိုးဝါးနေပြီး ဒီ့ထက်ပိုမိုပြင်းထန်လာမယ့်အရေး စိုးရိမ်မိကြောင်း ကုလသမဂ္ဂအတွင်းရေးမှူးချုပ်ရဲ့ မြန်မာ့အရေး အထူးအကြံပေးပုဂ္ဂိုလ် Vijay Nambiar က ပြောကြားလိုက်ပါတယ်။ဒါနဲ့ပတ်သက်ပြီး ကြာသပတေးနေ့ မွန်းလွဲအစောပိုင်းက ပြုလုပ်ခဲ့တဲ့ သတင်းစာရှင်းလင်းပွဲမှာ ကုလသမဂ္ဂပြောခွင့်ရပုဂ္ဂိုလ် မာတင်နာစကီးက အခုလိုပြောကြားသွားတာဖြစ်ပါတယ်။

“ အခုအခါ ရခိုင်ပြည်နယ်မှာ ပေါ်ပေါက်လာတဲ့ အကြမ်းဖက်မှုတွေနဲ့ပတ်သက်ပြီး ကုလသမဂ္ဂစာနာမှုဆိုင်ရာ ကိုယ်စားလှယ်က
မနေ့က ရန်ကုန်မြို့မှာ ကြေညာချက်တစောင် ထုတ်ပြန်ပါတယ်။ အတွင်းရေးမှူးချုပ်ရဲ့ အထူးအကြံပေးပုဂ္ဂိုလ်  Vijay Nambiar က အခုလောလောဆယ်ဖြစ်နေတဲ့ အကြမ်းဖက်မှုတွေဟာ အထူးပဲ စိတ်ထိခိုက်စရာ၊စိုးရိမ်စရာဖြစ်တယ်။ သူ့ရဲ့ရုံးဝန်ထမ်းတချို့ မြန်မာနိုင်ငံမှာ ရောက်ရှိနေကြပြီး
ဒီပြဿနာနဲ့ပတ်သက်လို့ သက်ဆိုင်ရာ အာဏာပိုင်တွေနဲ့အဆက်အသွယ်လုပ်နေကြပါတယ်။

ဒီဖြစ်ရပ်တွေဟာ ပိုမိုအရှိန်မြင့်မားလာပြီး မြန်မာနိုင်ငံအတွင်း လူမှုအဆောက်အဦးအားလုံးကို ပျက်စီးသွားစေမယ့်အပြင် တိုင်းပြည်ပွင့်လင်းမှုရှိအောင် အားထုတ်နေမှုတွေ ကိုလည်း နောက်ပြန်လှည့်သွားလေမလား ဆိုတာ စိုးရိမ်စရာဖြစ်နေတယ်လို့လည်း မစ္စတာနမ်ဗီးယားရဲ့ ရုံးက ပြောကြားလိုက်ပါတယ်။မြန်မာနိုင်ငံအတွင်းမှာ ရှိနေတဲ့ ဌာနကိုယ်စားလှယ်ကလည်း ရခိုင်ပြည်နယ်နဲ့ပတ်သက်ပြီး အလွန်အမင်းစိုးရိမ်ဖြစ်ရကြောင်း ကြေညာချက်ထုတ်ပြန်ခဲ့ပါတယ်။ အကြမ်းဖက်မှုကြောင့် ထိခိုက်စေတဲ့ လူအားလုံးတွေဆီကို ရောက်ရှိဆက်သွယ်နိုင်ဖို့ သိပ်အရေးကြီးနေပြီး လူသားချင်းစာနာမှု မူ အရ ဒုက္ခရောက်နေရတဲ့ လူပေါင်းစုံ၊ ဘက်ပေါင်းစုံဆီ ကို အမြန်ဆုံး ခြွင်းချက်မရှိ သွားရောက်ဆက်သွယ်ခွင့်ပြုဖို့ကိုလည်း ကုလသမဂ္ဂ က တောင်းဆိုထားပါတယ်။


အာရှကဆေးအတုတွေ အာဖရိကမှာမိ


ငှက်ဖျားရောဂါလို လူကိုသေဆုံးစေနိုင်တဲ့ရောဂါမျိုးအတွက် လူပေါင်း ၈၂သန်းလောက်သုံးစွဲနိုင်တဲ့ တရားမဝင်ဆေးဝါးအတုတွေကို အာဖရိကတိုက် ၁၆နိုင်ငံမှာ ဖမ်းဆီးရမိတယ်လို့ အကောက်ခွန်အရာရှိတွေကပြောပါတယ်။ အာဖရိကတိုက် အရှေ့နဲ့အနောက် ဆိပ်ကမ်းမြို့ကြီးတွေမှာ ဇူလိုင်လအတွင်း ဝင်ရောက်ရှာဖွေစဉ် ဖမ်းဆီးရမိတယ်လို့ WCO ခေါ် ကမ္ဘာ့အကောက်ခွန် အဖွဲ့ကြီးက ပြောကြားလိုက်ပါတယ်။

အများဆုံးတွေ့ရှိတဲ့နိုင်ငံတွေကတော့ Angola၊ Togo၊ Cameroon နဲ့ Ghana နိုင်ငံတွေမှာဖြစ်တယ်လို့ ဆိုပါတယ်။ ဒီဆေးဝါးတွေဟာ သုံးစွဲမိသူတွေကို အန္တရာယ်ဖြစ်စေမှာဖြစ်တယ်လို့ WCO အထွေထွေအတွင်းရေးမှူး Kunio Mikuriyaက ပြောကြားခဲ့ပါတယ်။ ဒီဆေးဝါးတွေဟာ တောင်အာရှ၊ အရှေ့အာရှနဲ့ အရှေ့အလယ်ပိုင်းနိုင်ငံတွေဆီက လာရောက်တာဖြစ်တယ်လို့လည်း သူကဆိုပါတယ်။

နျူကလီးယားစက်ရုံတွေ တရုတ် ဆက်လက် တည်ဆောက်မည်


ပြီးခဲ့တဲ့နှစ်က ဂျပန်နိုင်ငံက ဖူကူရှီးမား Fukushima နျူကလီးယားစက်ရုံ သဘာဝဘေးအန္တရာယ် ကျရောက် ခဲ့ပြီး တဲ့နောက် တရုတ်နိုင်ငံမှာ လည်း နျူကလီးယားစက်ရုံ တည်ဆောက်မယ့် အစီအစဉ်ကို ပိတ်ပင် ထားခဲ့တာမှာ အခုတော့ ပိတ်ပင်မှုကို တရုတ်အစိုးရ က ပြန်လည် ရုပ်သိမ်းလိုက်ပါပြီ။ ၂၀၁၅ခုနှစ်မတိုင်ခင် ကမ်းရိုးတန်းဒေသ မှာ နျူကလီးယားစက်ရုံ တချို့ ဆောက်လုပ်ဖို့ အစီအစဉ်ကိုခွင့်ပြုဖို့ နိုင်ငံတော်ကောင်စီက ဗုဒ္ဓဟူးနေ့မှာ ဆုံးဖြတ်ခဲ့တာပါ။ ဒီစက်ရုံတွေ အနေနဲ့ နိုင်ငံတကာ စံချိန်စံညွန်းတွေနဲ့အညီ လုံခြုံစိတ်ချမှုရှိမယ်လို့လည်း ကတိပေးထားပါတယ်။ တရုတ်နျူကလီးယားစက်ရုံတွေ လုံခြုံစိတ်ချရမှုရှိတယ်ဆိုတာကို အတည်ပြုနိုင်တဲ့ တိကျပြီး ပြည့်စုံလုံလောက်တဲ့ လုံခြုံရေးဆိုင်ရာ စစ်ဆေးမှုတွေ လုပ်ခဲ့တယ်လို့ တရုတ်အစိုးရက ပြောပါတယ်။

၂၀၁၁ခုနှစ် မတ်လက ဂျပန်နိုင်ငံမှာ အင်အားပြင်းငလျင်နဲ့အတူ ဆူနာမီရေလှိုင်းကြီးတွေကြောင့် Fukushima နျူကလီးယားစက်ရုံ ပျက်စီးထိခိုက်မှုတွေ ဖြစ်ခဲ့ပြီးတဲ့နောက် တရုတ်နိုင်ငံမှာလည်း နျူကလီးယားစက်ရုံတွေ တည်ဆောက်ဖို့ ကိစ္စကို ယာယီပိတ်ပင်ထားခဲ့တာဖြစ်ပါတယ်။ တရုတ်နိုင်ငံဟာ ကမ္ဘာပေါ်မှာ လောင်စာစွမ်းအင်အသုံးစွဲဆုံး နိုင်ငံကြီးဖြစ်ပါတယ်။ ဒါကြောင့် လောလောဆယ် ရေနံနဲ့ ကျောက်မီးသွေးလောင်စာအပေါ် မှီခိုနေရမှုကို လျော့ချနိုင်ဖို့ နျူကလီယားစွမ်းအင်ကို သုံးရနိုင်ဖို့ လုပ်လာတာပါ။ လက်ရှိမှာ နျူကလီးယားဓာတ်ပေါင်းဖို ၁၅ခုရှိနေပြီး နောက်ထပ် ၂၆ခုကိုလည်း တည်ဆောက်နေဆဲဖြစ်ပါတယ်။


LWIN PWIN
NLABR                  
Web-site:                   www.nlabr.com
Blog:                          http://wanna23-23.blogspot.com/
Facebook:                   Sa Maung



မြန်မာ့ စီးပွားရေး သတင်းများ  အောက်တိုဘာ ၂၆ ၊ ၂၀၁၂

မြန်မာ့ရေလုပ်ငန်း ဝန်ပိနေ


ပြည်တွင်းဘဏ်ချေးငွေ အတိုးနှုန်းမြင့်မားခြင်း အပါအဝင် လုပ်ငန်းလည်ပတ်နိုင်ရန် အရေးကြီးသော ရေ မီး လမ်းပန်းဆက်သွယ်ရေး ညံ့ဖျင်းမှုဒဏ်ကြောင့် ရေလုပ်ငန်း လုပ်ကိုင်သူများအနေဖြင့် အခက်အခဲများ ကြုံတွေ့နေရသည်။
“ဘဏ်အတိုးနှုန်း မြင့်မားခြင်းကို ခံစားနေရတာတော့ ရေလုပ်ငန်းရှင်တွေအနေနဲ့ တော်တော်ကြာနေပြီ။ နာဂစ်တိုက်ပြီးနောက်ပိုင်း လျှပ်စစ်မီးမရလို့ အအေးခန်းစက်ရုံတွေ မလည်ပတ်နိုင်လို့ရေခဲက အစ၊ ဓာတ်ဆီ၊ ဒီဇယ်၊ မီးစက်အဆုံး အကုန်လုံးကို ကိုယ့်ဘာသာကိုယ် သုံးခဲ့ရတော့ ငွေလိုတယ်။ ဆိုတော့ ဘဏ်ချေးငွေချေးရတယ်။ ချေးငွေ အတိုးနှုန်းတွေက မြင့်မားနေတော့ မဆပ်နိုင်။ ပြန်ပြီးတောင် မရင်းနိုင်တဲ့ အနေအထားတွေ ထိရောက်နေတယ်”ဟု ပုဇွန် လုပ်ငန်းရှင်များအသင် ဥက္ကဌ ဦးနှင်းဦးကပြောဆိုသည်။
ဘဏ်အတိုးနှုန်းမှာ ယခင် ၁၇ရာခိုင်နှုန်း၊ ယခုနောက်ပိုင်းတွင် ၁၄ ရာခိုင်နှုန်း ပေးရသည်။ ယင်းသို့ ဘဏ်တိုးနှုန်း မြင့်မားမှုကြောင့် လုပ်ငန်းလည်ပတ်ရန် လိုအပ်သောငွေကြေး အခက်အခဲဖြစ်လာရပြီး နောက်ပိုင်းတွင် ပြည်ပတင်ပို့မှုအပါအ၀င် ပြည်တွင်းဈေးကွက်ပါ ထိခိုက်လာမည်ကိုလည်း တချို့က စိုးရိမ်နေကြသည်။
ရေလုပ်ငန်းကဏ္ဍတွင် အဓိက ကြုံတွေနေရသော ရေထွက်ကုန်ပစ္စည်းရှားပါးမှုနှင့် မွေးမြုရေး လုပ်ငန်းများ ကျဆင်းနေမှုကြောင့် စက်ရုံများစွမ်းအားပြည့် မလည်ပတ်နိုင် ဖြစ်နေသည့်အပေါ် အမြန်ဆုံး ပြန်လည် ပြည့်မီ တိုးတက်လာစေရန် အစီအမံများ စနစ်တကျ ချမှတ်၍ ဆောင်ရွက်သင့်ကြောင်း၊ မွေးမြူုရေးလုပ်ငန်းများ အမြန်ဆုံးတိုးတက်လာစေရန် နိုင်ငံတော်အနေဖြင့် စီမံဆောင်ရွက်မှုကို မွေးမြူုရေးလုပ်ငန်းရှင်များက လိုလားလျှက်ရှိကြောင်းကို မြန်မာနိုင်ငံ ရေထွက်ပစ္စည်း ထုတ်လုပ်သူများနှင့် ပို့ကုန်လုပ်ငန်းရှင်များ အသင်းမှ ပြည်သူ့လွှတ်တော်ဥက္ကဌ ထံသို့တင်ပြထားကြောင်းလည်း သိရသည်။
“ရေထွက်ကုန်ပစ္စည်း ကုန်ကျစရိတ် တက်တာလည်း မပြောနဲ့။ အစာစပ် ပစ္စည်း လုပ်တဲ့ ကျနော်တို့ လုပ်ငန်းသမားတွေလည်း ပဲဖတ်၊ နှမ်းဖတ်ကအစ ဖွဲနုအဆုံး အကုန်ဈေး အရမ်းတက်နေတာ ခံနေရတယ်။ တချို့ အစာစပ် စက်ရုံတွေဆိုရင် ပိတ်တဲ့ အဆင့်တောင် ရှိနေပြီ။ ဘယ်လိုမှ အဆင်မပြေဘူး။ မီးကလည်း အပြည်အ၀ မရဘူး” ဟု လှိုင်သာယာရှိ အစာစပ်လုပ်ငန်း လုပ်ကိုင်သူ ဦးနေထွန်းမင်းက ပြောသည်။
ရေထွက်ပစ္စည်း ထုတ်လုပ်သူများ အသင်းနှင့် ပို့ကုန်လုပ်ငန်းရှင်များ အသင်းမှ အတွင်းရေးမှုး ဒေါ်တိုးနန္ဒာတင်ကလည်း “ခု ရေထွက် ကုန်ပစ္စည်း ထုတ်လုပ်သူတွေအနေနဲ့ များများထုတ်တဲ့သူက များများရှုံးမယ်။ နောက်ပိုင်း ဘာတွေဖြစ်လာလဲဆိုရင် ပြည်တွင်း ငါး ပုဇွန် ဈေးကြီးမှာတောင် ပစ္စည်းပြတ်တဲ့ထိ ဈေးကွက် ကမောက်ကမဖြစ်တာ ပြည်ပတင်ပို့မှု ဆိုရင်တော့အဝေးကြီးပဲ။ ဒီကြားထဲ ဘဏ်ချေးငွေတွေက များ၊ မဆပ်နိုင်တော့ အတိုးနှုန်းတွေက ထပ်တက်။ ဒါကြောင့် နောက်ပိုင်း ရင်းနှီးမြှုပ်နှံသူတွေဝင်လာရင် ပူးပေါင်းသင့်တယ်။ ဒါမှ သူတို့ဆီက နည်းပညာ၊ ငွေကြေး အရင်းအနှီး ရမယ်။ ဒါမှသာ ရေလုပ်ငန်းက ပြန်တိုးတက်လာနိုင်မယ် ထင်တယ်” ဟု ပြောသည်။
သို့သော် နိုင်ငံခြားရင်းနှီးမြှုပ်နှံမှု ဥပဒေ မထွက်လာနိုင်သေး၍ နိုင်ငံခြား စီးပွားရေး လုပ်ငန်းရှင်များ ရင်းနှီးမြှုပ်နှံမှုမရှိသေးဘဲ လာရောက်လေ့လာရုံ အဆင့်သာ ရှိသေးကြောင်း ပုဇွန်လုပ်ငန်းရှင်များအသင်း ဥက္ကဌ ဦးနှင်းဦးက ပြောသည်။
“အဓိကကတော့ ရေထွက်ကုန်ပစ္စည်းတွေ ပြည်တွင်းမှာတောင် မထုတ်လုပ်နိုင်တာ ပြည်ပနိုင်ငံတွေနဲ့ ယှဉ်နိူင်ဖို့ဆိုတာ အဝေးကြီးပဲ လိုပါသေးတယ်။ ဒီလို ကုန်ကျစရိတ်တွေ မြင့်မားနေတာ၊ လျှပ်စစ်မီး လုံလောက်စွာ မရရှိတာ၊ လမ်းပန်း ဆက်သွယ်ရေး အခက်အခဲတွေကြောင့် သယ်ယူစရိတ်တွေက အရမ်းမြင့်မားနေတာတွေ၊ဘဏ်ချေးငွေ အတိူးနှုန်း မြင့်မားတာတွေက အရမ်းအခက်အခဲဖြစ်စေတယ်။
ဒါတွေသာ ပြင်ဆင်ပေးမယ်ဆိုရင် ရေထွက်ကုန် ပြည်ပတင်ပို့တဲ့သူတွေအနေနဲ့ ပြည်တွင်း ထုတ်လုပ်မှုပါ အဆင်ပြေနိုင်တယ်” ဟု  ဦးနှင်းဦးက ဆက်လက် ပြောဆိုသည်။


အင်းလေး ရေပေါ်ဈေး ပြန်ဖော်ထုတ်သင့်ကြောင်း ဟိုတယ်လုပ်ငန်းရှင်များ အကြံပြု

နိုင်ငံခြားသား ခရီးသည်များ အများဆုံး စိတ်ဝင်စားမှုရှိခဲ့သော အင်းလေးဒေသရှိ ရေပေါ်ဈေးကို
ပြန်လည်ဖော်ထုတ်သင့်ကြောင်း ဟိုတယ်နှင့် ခရီးသွားလုပ်ငန်း လုပ်ကိုင်သူများက ပြောဆိုကြသည်။
“အင်းလေးဒေသရဲ့ ရေပေါ်ဈေးဆိုတာ ကမ္ဘာပေါ်မှာ တခုတည်းသာရှိခဲ့တဲ့ သဘာဝ ရေပေါ်ဈေး ဖြစ်ပါတယ်။ ထိုင်းမှာရှိတဲ့ ရေပေါ်ဈေးဆိုတာ လွန်ခဲ့တဲ့ နှစ် ၂၀ လောက်ကမှ ဖန်တီးပြုလုပ်ပြီး နိုင်ငံခြားသား ခရီးသည်တွေလည်း အတော်စိတ်ဝင်စားကြပါတယ်။ အင်းလေးဒေသမှာရှိတဲ့ ရေပေါ်ဈေးက လွန်ခဲ့တဲ့ ၁၅ နှစ်လောက်ကတည်းက တိမ်ကောသွားတာ၊ ကုန်းပေါ်တတ်ပြီး ဈေးရောင်းလာကြတယ်။ အခုဆိုရင် နာမည်ပဲ ကျန်တော့တယ်။ ဒီလိုရှားပါးတဲ့ သဘာဝ ရေပေါ်ဈေးကို ပြန်လည်ဖော်ထုတ်နိုင်ရင်တော့ ခရီးသွားတွေကို အတော်ဆွဲဆောင်နိုင်တဲ့ နေရာတခုဖြစ်လာမှာပါ” ဟု မြန်မာနိုင်ငံ ဟိုတယ်လုပ်ငန်းရှင်များအသင်း (တောင်ကြီးဟိုတယ်ဇုန်) မှ အတွင်းရေးမှူး ဦးအောင်ကျော်မိုး က ပြောသည်။

တောင်ကြီး ဟိုတယ်ဇုန်မှ အင်းလေး ညောင်ရွှေဒေသတွင် ဟိုတယ် အလုံး ၄၀၊ ကလောဒေသတွင် ဟိုတယ် ၂၃ လုံး၊ လွိုင်ကော်ဒေသတွင် သုံးလုံး၊ ပင်းတယ်ဒေသတွင် ငါးလုံး ရှိသည်။ အင်းလေးဒေသ ရွာမရွာတွင် တည်ရှိခဲ့သည့် ရေပေါ်ဈေးလေးမှာ အရှည်ပေ ၁၅၀ ဝန်းကျင် ရှိခဲ့သည်။ ၎င်းအား အတုယူ၍ ထိုင်းနိုင်ငံက ဖန်တီးနိုင်ခဲ့၍ ယခုအချိန်တွင် အာရှ၌ ဘန်ကောက် Damnoen Saduak ရေပေါ်ဈေး တခုသာ လူသိများနေရသည်။ ထိုဈေးတွင် အစားသောက်နှင့် သစ်သီးဝလံမျိုးစုံအပြင်၊ အဝတ်အထည်နှင့် လက်မှု
ပညာများပါ လှေချင်းထိ၍ ရောင်းချကြကာ နိုင်ငံခြားသား ဧည့်သည်များဖြင့် အလွန်စည်ကားသည်ဟု ဆိုသည်။

“ရေပေါ်ဈေးစာ လွန်ခဲ့တဲ့ နှစ်ပေါင်းများစွာကတည်းက အင်းလေးဒေသမှာ ရှိခဲ့ပါတယ်။ လုပ်ယူဖန်တီးထားတာ မဟုတ်ပါဘူး။ ချစ်စရာကောင်းတဲ့ ရေပေါ်ဈေးနေရာလေး တခုက အခြားပုံစံနဲ့ ဖြစ်တည်သွားတာ နှမြောစရာကာင်းပါတယ်။ ကျနော်တို့ အားလုံး နဂိုအတိုင်း ရှိအောင် ပြန်ကြိုးစားသင့်ပါတယ်။ ရေပေါ်ဈေးဟာ အင်းလေးဒေသ အတွက်လည်း ဂုဏ်ယူစရာနေရာလေးပါ” ဟု May Guest House မှ လုပ်ငန်းရှင် ဦးညီညီတင် က ဆိုသည်။

ခရီးသွားလုပ်ငန်း လုပ်ကိုင်ခဲ့ဖူးသည့် ထွေးဦး မြန်မာရုပ်သေးအဖွဲ့မှ ပညာရှင် ဦးခင်မောင်ထွေး က “ကျနော် ခရီးသွားလုပ်ငန်းမှာ ဝင်လုပ်ခဲ့က နိုင်ငံခြားသား ဧည့်သည်တွေကို အင်းလေးကို လိုက်ပို့ခဲ့ရတယ်။ အင်းလေးက ပြန်လာပြီးတဲ့ ဧည့်သည်တွေတိုင်းက တောတောင်ရေမြေ သဘာဝ အလှတရားတွေနဲ့ ပြည့်စုံနေတာကြောင့် အင်းလေးဟာ ကမ္ဘာပေါ်မှာ ဘယ်လိုနေရာမှာမှ မရှိနိုင်တဲ့ နေရာမျိုးတဲ့။ တခေါက်ရောက်ပြီးရင် နောက်တခေါက် ပြန်သွားချင်တယ်။ အင်းလေးကို နောက်တခါ ပြန်သွားနိုင်အောင် ကြိုးစားမယ်လို့ ပြောကြတယ်။ ခြုံပြောရရင် အင်းလေးဟာ ခရီးသွားလုပ်ငန်းအတွက်သာ မဟုတ်ဘဲ နိုင်ငံအတွက်ပါ ဂုဏ်ယူစရာ နေရာတခုပါ” ဟု ဆိုသည်။

ထို့ပြင် “ရန်ကုန်-အင်းလေး အဝေးပြေးလမ်းမကြီး တခုကို ၄ - ၅ နာရီခရီးနဲ့ သွားနိုင်အောင် အစိုးရဘက်က ပံ့ပိုး
ကူညီပေးလိုက်ရင် အင်းလေးဒေသဟာ ပြည်ပခရီးသည် အများဆုံး ဝင်ရောက်တဲ့နေရာ ဖြစ်လာမှာပါ” ဟု ဦးခင်မောင်ထွေး က အကြံပြုသည်။ ရှမ်းပြည်နယ်၊ ညောင်ရွှေမြို့နယ်ရှိ အင်းလေးကန်မှာ မြန်မာနိုင်ငံတွင် ဒုတိယ အကြီးဆုံးကန် ဖြစ်ပြီး ဖောင်တော်ဦး ဘုရားဖူးနှင့် ကမ္ဘာ့ခရီးသွားများ သွားရောက်လေ့ရှိသည်။

မူလက ရေပြင်ဧရိယာ ၁၀၀ စတုရန်းမိုင်အထိ ရှိခဲ့ရာမှ ၂ဝဝ၈ ခုနှစ်တွင် ၂၃ မိုင်ခန့်သာ ရှိတော့ကာ ၂ဝ၁ဝ ခုနှစ်ထဲတွင် စံချိန်တင် ရေခမ်းခြောက်ခဲ့သည်။  ရေခမ်းခြောက်ကာ ရေအဆိပ်သင့်နေသည့် အင်းလေးကန်အတွင်း ကျေးရွာ၊ နေအိမ်နှင့် ကျွန်းမျောများ ထပ်မံ မဆောက်လုပ်ရန် အပါအဝင် ၁ဝ ချက်အား ဒုသမ္မတ ဒေါက်တာ စိုင်းမောက်ခမ်းက ၂၀၁၁ ခုနှစ်၊ ဇွန်လပိုင်းကပြုလုပ်သည့် ဆွေးနွေးပွဲတရပ်တွင် တိုက်တွန်းခဲ့ဖူးသည်။



LWIN PWIN
NLABR
Web-site:                   www.nlabr.com
Blog:                          http://wanna23-23.blogspot.com/
Facebook:                   Sa Maung



မြန်မာ သတင်းများ  အောက်တိုဘာ ၂၆ ၊ ၂၀၁၂

ရခိုင်ပြည်နယ် အကြမ်းဖက်မှု ချက်ချင်း ရပ်ဖို့ အမေရိကန် တောင်းဆို


ရခိုင်ပြည်နယ်အတွင်း လက်ရှိ ဖြစ်ပေါ်နေတဲ့ အကြမ်းဖက် ဆူပူမှုတွေအပေါ် အမေရိကန်ပြည်ထောင်စု အနေနဲ့ အထူး စိုးရိမ် ပူပန်မိကြောင်းနဲ့ လက်ရှိ အခြေအနေတွေဟာ ခက်ခဲ ရှုပ်ထွေးနေပေမယ့်လည်း အမေရိကန် ပြည်ထောင်စုအနေနဲ့ မြန်မာအာဏာပိုင်တွေနဲ့ ပူးပေါင်းပြီး နည်းလမ်းပေါင်းစုံက ပြေလည်အောင် စီစဉ် ဆောင်ရွက်နေတယ်လို့ အမေရိကန်နိုင်ငံခြားရေးဝန်ကြီးဌာန ပြောခွင့်ရအမျိုးသမီး Victoria Nuland က ကြာသပတေးနေ့က ပြုလုပ်တဲ့ သတင်းစာရှင်းလင်းပွဲအတွင်း ပြောကြားလိုက်ပါတယ်။ အောက်တိုဘာ ၁၇ ရက်နေ့က ပြုလုပ်ခဲ့တဲ့ လူ့အခွင့်အရေး ဆိုင်ရာ ဆွေးနွေးပွဲ အပါအ၀င် မြန်မာအာဏာပိုင်တွေနဲ့ ပြုလုပ်တဲ့ တွေ့ဆုံ ဆွေးနွေးပွဲတိုင်းမှာလည်း ရခိုင်ပြည်နယ်အတွင်း ဖြစ်ပျက်နေတဲ့ အကြမ်းဖက် ဆူပူမှုနဲ့ဆိုင်တဲ့ ကိစ္စရပ်တွေကို သူတို့အနေနဲ့ အမြဲတမ်း ထည့်သွင်း ဆွေးနွေးတယ်လို့ Victoria Nuland က ပြောပါတယ်။

ဒါ့အပြင် ရခိုင်ပြည်နယ်အတွင်း ဖြစ်ပျက်နေတဲ့ အခြေအနေတွေနဲ့ ပတ်သက်လို့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်အနေနဲ့ ကနေ့အချိန်ထိ ထိထိ ရောက်ရောက် ပြောဆိုမှုရှိတယ်လို့ ထင်ပါသလားလို့ မေးတဲ့ မေးခွန်းနဲ့ ပတ်သက်လို့တော့ - Victoria Nuland က - ဒေါ်အောင်ဆန်းစုကြည်စကားပြောခဲ့တဲ့ အချိန်တွေအတွင်း သိရသလောက်ကတော့ ဒီကိစ္စဟာ သူမရဲ့ စိတ်ထဲမှာ ထိပ်တန်းအဆင့်ကနေ ရှိနေတယ်ဆိုတာ တွေ့ရတယ်လို့ Victoria Nuland က ပြန်လည် ဖြေကြားခဲ့ပါတယ်။

ရခိုင်ပြည်နယ်အတွင်း အိုးအိမ် ပျက်ဆီး ဆုံးရှုံးပြီး ဘေးဒုက္ခရောက်နေသူတွေအတွက် လူသားချင်း စာနာတဲ့ အကူအညီတွေ အမေရိကန် ပြည်ထောင်စုက ပေးနေတာမှာ အရင်က ပေးထားတဲ့ အကူအညီတွေအပြင် နောက်ထပ် အမေရိကန်ဒေါ်လာ ၂ ဒဿမ ၇၃ သန်း ပေးဖို့ အောက်တိုဘာလ ၁၉ ရက်နေ့မှာ တရားဝင် ကြေငြာချက် ထုတ်ပြန်လိုက်ပြီး အဲဒီအထဲက ၂ သန်း ကတော့ UNHCR က တဆင့် ပေးမှာဖြစ်သလို ကျန် ၇ သိန်း ၃ သောင်းကိုတော့ UNICEF အဖွဲ့က တဆင့် ပေးအပ်သွားမှာ ဖြစ်တဲ့အကြောင်း Victoria Nuland က ပြောကြားခဲ့ပါတယ်။


ရခိုင်ပြဿနာ အခြေခံကိုဖြေရှင်းဖို့ ကင်တားနားတိုက်တွန်း


မြန်မာနိုင်ငံမှာ ဗုဒ္ဓဘာသာဝင်တွေနဲ့ မူဆလင်လူအုပ်စုတွေကြား အကြမ်းဖက်မှုတွေ ဆက်လက်ဖြစ်ပွားနေတာနဲ့ ပတ်သက်ပြီးတော့ စိုးရိမ်မိကြောင်း ကုလသမဂ္ဂ အထူးကိုယ်စားလှယ်က ပြောကြားလိုက်ပါတယ်။ ဒီအကြောင်း VOA သတင်းထောက် မာဂရက်ဗားရှေး ကုလသမဂ္ဂကနေ သတင်းပေးပို့ထားတာကို တင်ပြပေးထားပါတယ်။

ကာလရှည်ကြာဖြစ်ပွားနေတဲ့ လူ့အခွင့်အရေး ပြဿနာတွေ ကို ဖြေရှင်းဖို့ ကိစ္စ ဟာ မြန်မာနိုင်ငံ ပြုပြင် ပြောင်းလဲရေးဖြစ်စဉ်မှာ အရေးကြီးတဲ့ အစိတ်အပိုင်းဖြစ်နေပါတယ်လို့ လူ့ အခွင့်အရေး ကိုယ်စားလှယ် သောမတ်စ် အိုဟေးကင်တာနားက သတင်းထောက်တွေ ကို ပြောကြား သွားတာပါ။ ရခိုင်ပြည်နယ်မှာ လူတွေ အတော်များများသေဆုံးပြီးတော့ အိမ်ခြေတထောင်ကျော် မီးရှို့ခံခဲ့ရတာကို ကြည့်မယ်ဆိုရင် အခြေခံ အကြောင်းရင်းတွေကို ဖြေရှင်းဖို့ လိုအပ်နေတယ် ဆိုတာ ပြသလိုက်တာပဲဖြစ်တယ်လို့ဆိုပါတယ်။

“ဗုဒ္ဓဘာသာနဲ့ မူဆလင်အဖွဲ့အစည်းတွေကြား ဖြစ်ပွားနေတဲ့ တင်းမာမှုတွေနဲ့ ပဋိပက္ခတွေအတွက် အရိုးစွဲနေတဲ့ ဘာသာရေး၊ လူမျိုးရေးခွဲခြားမှုတွေ မုန်းတီးမှုတွေ အပါအဝင် အခြေခံ အကြောင်းအရင်းတွေကို အစိုးရက ကိုင်တွယ်ဖြေရှင်းရမယ်လို့ ကျနော်ယုံကြည်ပါတယ်။ ဒီနေရာမှာ ရိုဟင်ဂျာတွေအပေါ် ခွဲခြားဆက်ဆံတာကို ပြုပြင်ပြီး သူတို့ရဲ့ လူ့အခွင့်အရေးကို လေးစားဖို့ အစိုးရကို ကျနော်တိုက်တွန်းပါတယ်။ ဒီထဲမှာ ၁၉၈၂ နိုင်ငံသားဥပဒေကို ပြန်ပြင်ဖို့ကိစ္စလည်း ပါဝင်ပါတယ်။”

နိုင်ငံသားဖြစ်ဖို့အတွက် လိုအပ်တဲ့အရည်အချင်းတွေ၊ အသေးစိတ်ပါဝင်တဲ့ အဲ့ဒီ့ဥပဒေမှာ ရိုဟင်ဂျာ မူဆလင်တွေကို ခွဲခြားချိုးနှိမ်ထားတယ်လို့ လူ့အခွင့်အရေးအဖွဲ့တွေက ဆိုနေကြတာပါ။ သူတို့ဟာ မြန်မာနိုင်ငံမှာ မျိုးဆက်နဲ့ချီပြီး နေထိုင်လာခဲ့ပေမယ့် နိုင်ငံသားဖြစ်ခွင့်မရရှိဘဲ၊ ဗုဒ္ဓဘာသာအများစုက သူတို့ကို ဘင်္ဂလားဒေ့ရ်ှက ဥပဒေမဲ့ ဝင်ရောက်လာသူတွေလို့ မှတ်ယူထားကြပါတယ်။

လူဦးရေ ၈သိန်းလောက်ရှိတဲ့ ရိုဟင်ဂျာတွေဟာ ခရီးသွားလာခွင့်၊ ပညာရေး၊ အလုပ်အကိုင်ရရှိရေး တို့မှာ ဟန့်တားခံနေရတယ်လို့လည်း မစ္စတာ ကင်တာနားက ဆိုပါတယ်။ လက်ထပ်ထိမ်းမြားဖို့ကိစ္စ ကိုတောင်မှ ခွင့်ပြုချက်တောင်းခံနေရတယ်လို့ ပြောပါတယ်။ ဒါပေမယ့် အစိုးရထဲမှာ ဒီပြဿနာကို ဖြေရှင်းဆောင်ရွက်လိုသူတွေရှိနေတယ်လို့ အခုလိုမျိုးပြောကြားသွားပါတယ်။

“မြန်မာပြည်ကို ပြီးခဲ့တဲ့ သြဂုတ်စ်လက ကျနော်ရောက်ခဲ့ပါတယ်။ အာဏာပိုင်တချို့ဟာ ဒီကိစ္စကိုအဖြေရှာဖို့ အဆင်သင့်ဖြစ်နေတာ၊ ရခိုင်ပြည်နယ်က လူ့အဖွဲ့တွေကို အထောက်အပံ့တွေ ရောက်စေဖို့ ရိုးသားစွာ အားထုတ်နေတာကို တွေ့ခဲ့ရပါတယ်။ အခုအခါမှာ သူတို့ဟာ စစ်မှန်တဲ့အဖြေကို ရှာဖွေဖြေရှင်းဖို့ မှန်ကန်တဲ့ဆုံးဖြတ်ချက် မချမှတ်ရသေးတာ ကို တွေ့နေရပါတယ်။”

အခုဒုက္ခသည်စခန်းမှာ နေနေကြရတဲ့အခြေအနေကိုလည်း မစ္စတာကင်တာနားက စိုးရိမ်မကင်းကြောင်း နဲ့ ကယ်ဆယ်ရေးဝန်ထမ်းတွေကို သွားရောက်ခွင့်ပေးဖို့ကိုလည်း တိုက်တွန်းထားပါတယ်။

ပြည်တွင်း ပြည်ပ ကြွေးမြီစာရင်း လွှတ်တော်တွင် ဖြေကြား


၂၀၁၁-၂၀၁၂ ဘဏ္ဍာရေးနှစ် ယာယီစာရင်းများအရ မြန်မာနိုင်ငံသည် ပြည်ပကြွေးမြီ တိုးရင်းစုစုပေါင်း အမေရိကန် ဒေါ်လာ ၁၅၀၈၉ ဒသမ ၄၃၄ သန်းရှိပြီး ပြည်တွင်းကြွေးမြီ စုစုပေါင်း ကျပ်သန်းပေါင်း ၉၉၈၈၈၅၇ ရှိကြောင်း ဘဏ္ဍာအခွန် ဒု ဝန်ကြီး ဒေါက်တာ မောင်မောင်သိမ်းက ယမန်နေ့ ပြည်သူ့လွှတ်တော်၌ မေးမြန်းမှုတခုတွင် ဖြေကြားသွားသည်။ ထို့အပြင် တနိုင်ငံလုံးတွင် လှည့်ပတ်သုံးစွဲနေသော ငွေပမာဏမှာ ၂၀၁၂-၂၀၁၃ တွင် ကျပ်သန်းပေါင်း ၆၁၉၉၁၂၂ ဒသမ ၉၅ ရှိကြောင်း၊ မြန်မာနိုင်ငံ၏ နိုင်ငံခြားအရန်ငွေနှင့် ရွှေတန်ဖိုးကိုလည်း စိစစ်ပြီး တင်ပြမည်ဖြစ်ကြောင်း သိရသည်။

FIFA ကျန်းမာရေး စီမံကိန်း မြန်မာ ရရှိ

 

ကမ္ဘာ့ဘောလုံး အဖွဲ့ချုပ် FIFA ၏ စီမံကိန်း တခုဖြစ်သော ကျန်းမာရေး အခြေပြု ဘောလုံး အားကစား နည်းသင်တန်း (FIFA football 11 for Health) ကို အာရှတွင် ပထမဆုံး အကြိမ်အဖြစ် ပြုလုပ်ရန် မြန်မာနိုင်ငံကို ရွေးချယ် လိုက်ကြောင်း သိရသည်။


နိုင်ငံတော်သမ္မတ အနေဖြင့် ကုရ်ဘာနီပြုလုပ်မှုနှင့် ပတ်သက်၍ ပိတ်ပင်ခြင်း၊ တားမြစ်ခြင်း လုံးဝ မရှိကြောင်း ထုတ်ပြန်


နိုင်ငံတော်သမ္မတအနေဖြင့် ကုရ်ဘာနီပြုလုပ်မှုနှင့် ပတ်သက်၍ ပိတ်ပင်ခြင်း၊ တားမြစ်ခြင်း လုံးဝ မရှိပါကြောင်း သမ္မတရုံးညွှန်ကြားရေးမှူး ဦးဇော်ဌေး(Hmuu Zaw) ၏ facebook စာမျက်နှာ တွင် ထုတ်ပြန်ချက်အရ သိရှိရပါသည်။ ၂၀၀၈ ခုနှစ် ဖွဲ့စည်းပုံအခြေခံဥပဒေ ပုဒ်မ ၃၄တွင် ဖော်ပြထားသည့်အတိုင်း ငြိမ်ဝပ်ပိပြားရေးနှင့် သော်လည်းကောင်း၊ ပြည်သူ့ ကိုယ်ကျင့် တရားနှင့် သော်လည်းကောင်း၊ ပြည်သူ့ကျန်းမာရေးနှင့် သော်လည်းကောင်း၊ ဖွဲ့စည်းပုံ အခြေခံဥပဒေပါ အခြားပြဌာန်းချက်တို့နှင့်သော်လည်းကောင်း မဆန့်ကျင်လျှင် နိုင်ငံသားတိုင်းသည် ဘာသာသာသနာရေးတွင် လွတ်လပ်စွာယူဆနိုင်သော အခွင့်အရေး လွတ်လပ်စွာကိုးကွယ် တည်ဆောက်နိုင်သော အခွင့်အရေးတို့ကို အညီအမျှရရှိစေရမည် ဟူသော အချက်များပါရှိပြီး ဖြစ်ကြောင်း ၎င်း၏ facebook တွင် ဖော်ပြထားသော အသိပေးကြေညာချက်တွင် ထည့်သွင်း ဖော်ပြထားပါသည်။ ထို့အပြင် ပြည်ထောင်စုသမ္မတ မြန်မာနိုင်ငံအတွင်းရှိ ရုံးများ၏ပိတ်ရက်နှင့် လွှဲပြောင်းနိုင်သည့် စာချုပ်စာတမ်းများ အက်ဥပဒေပုဒ်မ ၂၅ အရ (၂၇-၁၀-၂၀၁၂) ရက်နေ့သည် အီဒွလ်အဿွာဟာ (ဘက္ကရီအီးဒ်)နေ့ ဖြစ်သည့်အတွက် အများပြည်သူတို့၏ အလုပ်ပိတ်ရက် ဖြစ်ကြောင်းကို ပြည်ထောင်စု အစိုးရအဖွဲ့မှ နိုင်ငံပိုင်သတင်းစာနှင့် ရုပ်သံများတွင် ပါရှိပြီးဖြစ်ကြောင်းကိုလည်း သမ္မတရုံးညွှန်ကြားရေးမှူး ဦးဇော်ဌေးက ၄င်း၏ facebook စာမျက်နှာတွင် အသိပေးချက်တစ်ရပ် အဖြစ် ဖော်ပြထားပါသည်။


အိဒ် ပွဲတော် မကျင်းပရန် မော်လဝီအသင်း သဘောတူ


အောက်တိုဘာလ ၂၇ ရက်နေ့တွင် ကျရောက်မည့် ကုရ်ဘာနီ အိဒ်ပွဲတော် ရပ်ဆိုင်းထားရန်အတွက် မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ချုပ်ဝင် အားလုံး တညီတညွတ်တည်း သဘောတူကြောင်းက မနေ့က ရက်စွဲဖြင့် ကြေညာချက် ထုတ်ပြန်လိုက်သည်။ အောက်တိုဘာလ ၂၄ ရက်နေ့နှင့် ၂၅ ရက်နေ့ မနက်ပိုင်းတွင် အစ္စလာမ် ဘာသာရေး ခေါင်းဆောင်များနှင့် သာသာနာရေး ၀န်ကြီးဌာန တာဝန်ရှိသူများနှင့် တွေ့ဆုံခဲ့ပြီးနောက် နိုင်ငံတော်၏ တည်ငြိမ်အေးချမ်းမှု အခြေအနေအရ ကုရ်ဘာနီ ပြုလုပ်ခြင်း ရပ်ဆိုင်းထားရန် ဘာသာရေးခေါင်းဆောင်များက ဆုံးဖြတ်ခဲ့ခြင်း ဖြစ်ကြောင်း သတင်းရရှိသည်။

ပြောရေးဆိုခွင့် အာဏာပိုင်အဖွဲ့များ မရှိတော့ဟု ပြန်ကြားရေးဝန်ကြီး ပြော


ယခင်စစ်အစိုးရလက်ထက်က ဖွဲ့စည်းထားသော ပြန်ကြားရေးဝန်ကြီးဟောင်း ဦးကျော်ဆန်း ဦးဆောင်သည့် “ပြောရေးဆိုခွင့် အာဏာပိုင်အဖွဲ့” မရှိတော့ကြောင်း၊ ယခု သမ္မတ ဦးသိန်းစိန်လက်ထက် “ပြောရေးဆိုခွင့်နှင့် သတင်းထုတ်ပြန်ရေးအဖွဲ့” မှာလည်း ဝန်ကြီးဌာနများက တိုက်ရိုက် သတင်းထုတ်ပြန်ပေးမှုကြောင့် ဆက်လက် လုပ်ဆောင်ရန် အစီအစဉ် မရှိကြောင်း ယမန်နေ့က အမျိုးသားလွှတ်တော်တွင် ပြန်ကြားရေးဝန်ကြီး ဦးအောင်ကြည်က ဖြေကြားသွားသည်။


သတ္တုတွင်းဝန်ကြီးဌာနနှင့် The Voice ဂျာနယ်အမှုကို အနောက်ပိုင်းခရိုင်တရားရုံးမှ နိုဝင်ဘာ ၅ ရက်တွင်အမိန့်ချမည်


သတ္တုတွင်းဝန်ကြီးဌာနနှင့် The Voice ဂျာနယ်တို့အကြား ဖြစ်ပွားနေသောအမှုကို ဒဂုံမြို့နယ်တရားရုံးက The Voice ဂျာနယ်အပေါ် ပုဒ်မ ၅၀၀ ဖြင့် စွဲချက်တင်ကြောင်း အမိန့်ချမှတ်မှုကို The Voice ဂျာနယ်ဘက်မှ ကျေနပ်မှုမရှိသဖြင့် အနောက်ပိုင်းခရိုင် တရားရုံးသို့ ပြင်ဆင်မှုလျှောက်ထားခဲ့ရာ အနောက်ပိုင်းခရိုင် တွဲဖက် တရားရုံးမှ လက်ခံစစ်ဆေးခဲ့ကြောင်း အနောက်ပိုင်းခရိုင် တွဲဖက်တရားရုံးတွင် အောက်တိုဘာ ၂၆ ရက် (ယနေ့၌ အဆိုပါအမှုမှ နှစ်ဖက်အကျိုး ဆောင်များက လျှောက်လဲချက်များ ပေးခဲ့ကြပြီး ခရိုင်တွဲဖက်တရားသူကြီးက နိုဝင်ဘာလ ၅ ရက်နေ့တွင် အမိန့်ချမှတ်မည်ဖြစ်ကြောင်း သတင်းရရှိသည်။
ယနေ့ပြုလုပ်သည့် ကြားနာစစ်ဆေးမှုတွင် The Voice ဂျာနယ် ဘက်မှ အကျိုးဆောင်ရှေ့နေက မူလ တရားရုံး (ဒဂုံမြို့နယ်တရားရုံး) မှ ချမှတ်ထားသည့်အမိန့်ကို ပယ်ဖျက်ပေးရန် လျှောက်ထားခဲ့ပြီး သတ္တုတွင်းဝန်ကြီးဌာနဘက်မှ အကျိုးဆောင်က The Voice ဂျာနယ်ဘက်မှ ပြင်ဆင်လျှောက်ထားမှုကို ပလပ်သင့်ကြောင်း တရားရုံးတွင် လျှောက်လဲချက် ပေးခဲ့ကြသည်။ယင်းအမှုကို ဒဂုံမြို့နယ်တရားရုံးမှ လက်ရှိတွင်စစ်ဆေးကြားနာမှု မပြုလုပ်သော်လည်း ရုံးချိန်းကိုမူ ပုံမှန်ဆင့်ခေါ်ထားကြောင်း သိရသည်။ ယနေ့တွင်လည်း ဒဂုံမြို့နယ်တရားရုံးသို့ နှစ်ဖက်တရားလို တရားပြိုင်များ ရုံးချိန်းသွားရောက်ခဲ့ပြီး မြို့နယ်တရားရုံးမှ နောက်ထပ်ရုံးချိန်းကို နိုဝင်ဘာလ ၈ ရက်နေ့တွင် ထပ်မံဆင့်ခေါ်ထားကြောင်း The Voice ဂျာနယ်အနေဖြင့် မတ်လ၁၀ရက်နေ့က ထုတ်ဝေခဲ့သော ဂျာနယ် အတွဲ-၈၊ အမှတ် ၁၃ ၌ ၀န်ကြီးဌာနအချို့၏ ကျပ်သိန်းထောင်ချီ အလွဲသုံးစားမှု စစ်ဆေးတွေ့ရှိသတင်းကို မျက်နှာဖုံး သတင်းအနေဖြင့် ဖော်ပြခဲ့သဖြင့် သတ္တုတွင်းဝန်ကြီးဌာနကဒဂုံမြို့နယ်တရားရုံးသို့ပုဒ်မ၅၀၀ဖြင့်တရားစွဲရန်ဦးတိုက်လျှောက်ထားခဲ့ခြင်းဖြစ်ကြောင်း သတ္တုတွင်းဝန်ကြီးဌာနက The Voice ဂျာနယ်အပေါ် တရားစွဲဆိုထားခြင်းကို ဒဂုံမြို့နယ်တရားရုံးက ပြစ်မှုအမှတ် ၅၁/၂၀၁၂၊ ပုဒ်မ ၅၀၀ ဖြင့် လက်ခံစစ်ဆေးနေခြင်း ဖြစ်ကြောင်းယင်းအမှုကို ဒဂုံမြို့နယ်တရားရုံးက The Voice ဂျာနယ်ကို ပုဒ်မ ၅၀၀ ဖြင့် စွဲချက်တင်ကြောင်း အမိန့်ကို စက်တင်ဘာလ ၂၀ ရက်နေ့ က အမိန့်ချမှတ်ခဲ့ခြင်းဖြစ်သည်။ ယင်းအမိန့်ကို The Voice ဂျာနယ် ဘက်မှ ကျေနပ်မှုမရှိသဖြင့် ခရိုင်သို့ ပြင်ဆင်မှုလျှောက်ထားခဲ့ပြီး အနောက်ပိုင်းခရိုင် တရားရုံးကလည်း လျှောက်ထားမှုကို လက်ခံခဲ့ကြောင်း သိရှိရပါသည်။

မြန်မာ့နိုင်ငံရေး အကျဉ်းသားကိစ္စ အမေရိကန် မူဝါဒအတွက် အချက်အချာဖြစ်


မြန်မာနိုင်ငံအနေနဲ့ လွတ်လပ်တဲ့ ဒီမိုကရေစီနိုင်ငံတခုအဖြစ် အသွင်ကူးပြောင်းရာမှာ နိုင်ငံရေးအကျဉ်းသားတွေ လွှတ်ပေးတာထက် ပိုပြီး အချက်အချာကျတဲ့ ကိစ္စ ရှိချင်မှရှိလိမ့်မယ်၊ ဒါကြောင့် အမေရိကန်ပြည်ထောင်စုရဲ့ မြန်မာ နိုင်ငံဆိုင်ရာ ဘယ်မူဝါဒကိုမဆို လွှတ်တော်က စဉ်းစားရာမှာ နိုင်ငံရေးအကျဉ်းသားတွေနဲ့ ပတ်သက်တဲ့ တိုးတက်မှုကို ထည့်သွင်းစဉ်းစားနိုင်တယ်လို့ အမေရိကန်လွှတ်တော်ရဲ့ နောက်ဆုံး အစီရင်ခံစာတစောင်မှာ ရေးသားထားပါတယ်။
 “မြန်မာ့နိုင်ငံရေး အကျဉ်းသားများ အခြေအနေသည် အမေရိကန် ပြည်ထောင်စု၏ မြန်မာနိုင်ငံဆိုင်ရာ မည်သည့် မူဝါဒကိုမဆို လွှတ်တော်က စဉ်းစားရာ၌ အရေးပါနိုင်သည်။ လွှတ်တော် အနေနှင့် ယင်းကိစ္စအား သီးခြားဖြစ်စေ အမေရိကန် ပြည်ထောင်စု၏ မြန်မာနိုင်ငံဆိုင်ရာ မူဝါဒကို ပိုမို ကျယ်ကျယ် ပြန့်ပြန့် ပြန်လည် သုံးသပ်ရာ၌ အစိတ် အပိုင်းတခု အဖြစ်ဖြစ်စေ စောကြော စစ်ဆေးရန် ရွေးချယ်ကောင်း ရွေးချယ်နိုင်သည်” လို့ အစီရင်ခံစာက ဆိုပါတယ်။
“ထို့အပြင် လွှတ်တော် အနေနှင့် မြန်မာနိုင်ငံ အပေါ် ချမှတ်ထားဆဲ ဒဏ်ခတ် အရေးယူမှု တချို့အား ပြင်ဆင်ရန်၊ မွမ်းမံရန် သို့မဟုတ် ဖယ်ရှား ပစ်ရန်အတွက် ဥပဒေပြဌာန်းချက် အသစ် တရပ်ကိုလည်း လွှတ်တော်၏ သဘောဆန္ဒအရ ဖြစ်စေ သမ္မတအိုဘားမား အစိုးရအဖွဲ့က တောင်းဆို၍ဖြစ်စေ စဉ်စားကောင်း စဉ်းစားနိုင်သည်” လို့ ပါတီနှစ်ရပ်ပေါင်း ဖွဲ့ထားတဲ့ အမေရိကန် လွှတ်တော် သုတေသန အကူအဖွဲ့ (Congressional Research Service – CRS) က ပြောပါတယ်။
နိုင်ငံရေး အကျဉ်းသား ဆိုတဲ့ အဓိပ္ပာယ် သတ်မှတ်ချက် အပါအဝင် နိုင်ငံရေး အကျဉ်းသား ကိစ္စကို အမေရိကန် နိုင်ငံခြားရေး ဌာနက မြန်မာအစိုးရနဲ့ အတိုက်အခံ နိုင်ငံရေးပါတီတွေ ပြီးတော့ တိုင်းရင်းသားအဖွဲ့တချို့က ကိုယ်စားလှယ်တွေနဲ့ တက်တက်ကြွကြွ ဆွေးနွေးနေတယ်လို့ CRS က အမေရိကန် လွှတ်တော်အမတ်တွေအတွက် ပြင်ဆင်ပေးတဲ့ စာမျက် နှာ (၁၂) မျက်နှာပါ အဲဒီ အစီရင်ခံစာအရ သိရပါတယ်။ ဒီဆွေးနွေးမှုတွေမှာ နိုင်ငံရေးအကျဉ်းသားတွေ လွှတ်ပေးမှုဟာ မြန်မာနိုင်ငံအပေါ် ချမှတ်ထားတဲ့ ဒဏ်ခတ်အရေးယူမှုတွေ ဖယ်ရှားပစ်ရေးအတွက် အရေးပါတယ်ဆိုတာကို အမေရိကန် အရာရှိတွေက အလေးအနက်ထားပြီး ဆွေးနွေးကြတယ်လို့လည်း အစီရင်ခံစာက ဆိုပါတယ်။
“မြန်မာနိုင်ငံ၏ လွတ်လပ်သည့် ဒီမိုကရေစီနိုင်ငံတခုအဖြစ် အသွင်ကူးပြောင်းမှုတွင် နိုင်ငံရေးအကျဉ်းသားများ လွှတ်ပေးသည်ထက် ပို၍အချက်အချာကျသော ကိစ္စရပ် ရှိချင်မှရှိပါလိမ့်မည်” လို့ CRS ရဲ့ အစီရင်ခံစာထဲမှာ ရေးသားထားပါတယ်။ အဲဒီ နိုင်ငံရေးအကျဉ်းသားတွေရဲ့ အခြေအနေဟာ အမေရိကန်မူဝါဒ ပြောင်းလဲနိုင်ဖို့ အတွက် အရေးတကြီး ကိစ္စရပ်ဖြစ်တယ်လို့လည်း အစီရင်ခံစာထဲမှာ ဖြည့်စွက်ထားပါသေးတယ်။
အမေရိကန် အစိုးရအနေနဲ့ မြန်မာနိုင်ငံအပေါ် ချမှတ်ထားတဲ့ ဒဏ်ခတ်အရေးယူမှု အတော်များများကို ဖယ်ရှားပစ်ရေးဟာ နိုင်ငံရေးအကျဉ်းသားတွေ လွတ်မြောက်ရေးအပါအဝင် တချို့ အခြေအနေတွေအရ ဖြစ်နိုင်တယ်လို့ အစီရင်ခံစာက ဆိုပါတယ်။ မြန်မာနိုင်ငံရဲ့ အနာဂတ် နိုင်ငံရေး၊ စီးပွားရေး ဖွံ့ဖြိုးတိုးတက်မှုတွေအတွက် နိုင်ငံရေးအကျဉ်းသား ပြဿနာကို အားလုံးက နားလည်လာဖို့ထက် ဘာမှ ပိုအရေးမကြီးဘူးလို့လည်း အစီရင်ခံစာက ပြောပါတယ်။
“မြန်မာနိုင်ငံ၏ စီးပွားရေးဆောင်ရွက်မှုများအား ကန့်သတ်ထားသည့် အမေရိကန်ပြည်ထောင်စု၏ စီးပွားရေးအရ ဒဏ်ခတ် အရေးယူမှုများသည် နိုင်ငံရေးအကျဉ်းသားအားလုံး လွတ်မြောက်သည်အထိ ဆက်လက် တည်ရှိနေမည်ဖြစ်သည်။ ၄င်းတို့ ပါတီဝင်များ အကျဉ်းထောင်မှ လွတ်မြောက်လာရေးကို စောင့်ဆိုင်းနေကြသည့် နိုင်ငံရေးပါတီများ၏ ပါဝင်ဆောင်ရွက်မှု မရှိဘဲ မြန်မာနိုင်ငံတွင် လုံးဝလွတ်လပ်၍ တရားမျှတသော ရွေးကောက်ပွဲများ ကျင်းပနိုင်လိမ့်မည် မဟုတ်ပေ” လို့ အစီရင်ခံစာက ဆိုပါတယ်။
ဒါ့အပြင် အရေးကြီးတဲ့ တိုင်းရင်းသားအဖွဲ့တွေ အနေနဲ့လည်း သူတို့ခေါင်းဆောင်တွေ ထောင်က မလွတ်သရွေ့ အမျိုးသား ပြန်လည်သင့်မြတ်ရေးကိစ္စတွေကို ဆွေးနွေးဖို့ မဖြစ်နိုင်ဘူးလို့ အစီရင်ခံစာထဲမှာ ရေးထားပါတယ်။ ဒီအစီရင်ခံစာကို အာရှကိစ္စတွေအပေါ် အထူးပြုလေ့လာနေတဲ့ မိုက်ကယ် အက်ဖ် မာတင် (Michael F. Martin) က ရေးသားခဲ့တာပါ။
“လက်ရှိအချိန်တွင် မြန်မာနိုင်ငံ၌ နိုင်ငံရေးအကျဉ်းသား မည်မျှရှိသည်ကို အားလုံးကလက်ခံသည့် အရေအတွက် မရှိသေးပေ။ နိုင်ငံရေးအကျဉ်းသား အရေအတွက်နှင့် ပတ်သက်၍ ခန့်မှန်းမှုများမှာလည်း ၂၀၀ မှ ၇၀၀ ကျော်အထိ ကွဲပြားလျက်ရှိသည်။ ထို့အပြင် နိုင်ငံရေးမှုဖြင့် ထပ်မံ ဖမ်းဆီးထိန်းသိမ်း ခံရသည်များကိုလည်း အခါအားလျော်စွာ သတင်းဌာနများက ဖော်ပြနေကြသည်။ ယခုကဲ့သို့ မတူကွဲပြားမှုများ ဖြစ်နေရခြင်း၏ အဓိကအကြောင်းရင်းတရပ်မှာ မြန်မာနိုင်ငံရှိ ထောင် ၄၂ ထောင်နှင့် ရဲဘက်စခန်း ၁၀၉ ခု မှတ်တမ်းများတွင် ရှင်းရှင်းလင်းလင်း မရှိခြင်းပင် ဖြစ်သည်” လို့ အစီရင်ခံစာက ဆိုပါတယ်။
အကျဉ်းသားအရေအတွက် ကွာခြားမှုကြီးနေရတဲ့ နောက်ထပ် အဓိကအကြောင်းရင်းတရပ်ကတော့ ဘယ်သူ့ကို နိုင်ငံရေးအကျဉ်းသားအဖြစ် စာရင်းထဲထည့်မှာလဲဆိုတဲ့ နိုင်ငံရေး အကျဉ်းသားနဲ့ ပတ်သက်တဲ့ အဓိပ္ပာယ်ဖွင့်ဆိုမှုမှာ ကွဲပြားတာပါပဲလို့လည်း အစီရင်ခံစာထဲမှာ ဖြည့်စွက်ထားပါသေးတယ်။
နိုင်ငံရေးအကျဉ်းသားတွေအားလုံး လွတ်မြောက်ရေးဟာ မြန်မာနိုင်ငံအပေါ် ချမှတ်ထားတဲ့ အမေရိကန် ပြည်ထောင်စုရဲ့ ဒဏ်ခတ်အရေးယူမှု အများအပြားကို ဖယ်ရှားပစ်ဖို့အတွက် ကြိုတင်သတ်မှတ်ချက် တရပ်ဖြစ်တယ်လို့ CRS က ပြောပါတယ်။ အမေရိကန်ပြည်ထောင်စုရဲ့ ၁၉၉၀ အကောက်ခွန်နှင့် ကုန်သွယ်ရေး အက်ဥပဒေ (Customs and Trade Act of 1990) အရ ချမှတ်ထားခဲ့တဲ့ အဲဒီ ဒဏ်ခတ် အရေးယူမှုတွေဟာ သတ်မှတ်ထားတဲ့ အခြေအနေတွေနဲ့ ကိုက်ညီပါပြီလို့ သမ္မတက လွှတ်တော်ကို တရားဝင် အတည်မပြုသရွေ့ အရင်အတိုင်း ဆက်ရှိနေမှာဖြစ်ပါတယ်။
“မြန်မာအစိုးရအနေနှင့် ဒေါ်အောင်ဆန်းစုကြည်အား ရုပ်ပိုင်းဆိုင်ရာအရ ထိခိုက်နစ်နာစေခဲ့လျှင်၊ နိုင်ငံရေး လုပ်ရှားမှုကြောင့် ပြန်လည်ဖမ်းဆီးခဲ့လျှင် သို့မဟုတ် နိုင်ငံပြည်ပသို့ မောင်းထုတ်ခဲ့လျှင် သို့မဟုတ် ဒီမိုကရေစီ အတိုက်အခံ အင်အားစုများအား ကြီးကြီးမားမား ဖိနှိပ်ခဲ့လျှင် သို့မဟုတ် အကြမ်းဖက်ခဲ့လျှင်” မြန်မာနိုင်ငံမှာ ရင်းနှီးမြှုပ်နှံမှုအသစ်တွေ မလုပ်ဖို့ ပိတ်ပင်တားဆီးနိုင်တယ်လို့ ၁၉၉၇ နိုင်ငံရပ်ခြား ဆောင်ရွက်မှုများ၊ ပို့ကုန် ငွေကြေးအထောက်အပံ့နှင့် ဆက်စပ် အစီအစဉ်များ လျာထားခြင်းအက်ဥပဒေ (Foreign Operations, Export Financing, and Related Programs Appropriations Act of 1997) က သမ္မတကို လုပ်ပိုင်ခွင့်ပေးခဲ့တာပါ။
ဒါတင်မကပဲ ၂၀၀၃ ခုနှစ်မှာ အမေရိကန်ပြည်ထောင်စုက ချမှတ်ခဲ့တဲ့ မြန်မာ့လွတ်မြောက်ရေးနှင့် ဒီမိုကရေစီ အက် ဥပဒေ (Burmese Freedom and Democracy Act of 2003) ကလည်း မြန်မာပြည်ကနေ အမေရိကန် ပြည်ထောင်စုကို ပို့မယ့် ပို့ကုန်တွေ အားလုံးကို ပိတ်ပင်တားဆီးခဲ့ပါသေးတယ်။ အဲဒီ အက်ဥပဒေထဲမှာ မြန်မာကုမ္ပဏီတွေက ထွက်ကုန်တွေကို တားမြစ်တာနဲ့ မြန်မာအာဏာပိုင်တွေရဲ့ ပိုင်ဆိုင်မှုတွေကို ထိန်းချုပ်တာအပြင် အမေရိကန်ပြည်ထောင်စု အနေနဲ့ “နိုင်ငံရေးအကျဉ်းသားအားလုံး” လွတ်မြောက်ရေးအပါအဝင် သတ်မှတ်တဲ့ အခြေအနေတွေနဲ့ မကိုက်ညီသရွေ့ “မြန်မာပြည်ကို ငွေချေးခြင်း သို့မဟုတ် ဘဏ္ဍာရေး သို့မဟုတ် နည်းပညာ အကူအညီပေးခြင်း” မလုပ်ရဘူးလို့ ပါရှိပါတယ်။
၂၀၀၈ ခုနှစ်မှာ အမေရိကန်ပြည်ထောင်စုက ချမှတ်ခဲ့တဲ့ ဒီမိုကရေစီအရေး ကြိုးပမ်းမှုများအား အာဏာရှင်က ဖိနှိပ်နေသည့်အပေါ် ဆန့်ကျင်သည့် အက်ဥပဒေ (Junta’s Anti-Democratic Efforts of 2008 – JADE Act) မှာတော့ သတ်မှတ်ထားတဲ့  မြန်မာအာဏာပိုင်တွေနဲ့ သူတို့ရဲ့ နောက်လိုက်တွေကို အမေရိကန်ပြည်ဝင်ခွင့် ပိတ်တာ၊ သူတို့ရဲ့ ပိုင်ဆိုင်မှုတွေကို ထိန်းချုပ်တာနဲ့ သူတို့ကို ဘဏ္ဍာရေးဝန်ဆောင်မှုတွေ မပေးဖို့ ဟန့်တားတာတွေ ပါဝင်ပါတယ်။ နိုင်ငံရေးအကျဉ်းသား အားလုံး ချွင်းချက်မရှိ လွတ်မြောက်ရေးအပါအဝင် အက်ဥပဒေမှာ တိတိကျကျ သတ်မှတ်ထားတဲ့ အခြေအနေတွေ နဲ့ မကိုက်ညီသရွေ့ အဲဒီပိတ်ပင်မှုတွေကို ဆက်လုပ်သွားမှာဖြစ်တယ်လို့ ပြဌာန်းထားခဲ့တာပါ။
အဲဒီအက်ဥပဒေအရ မြန်မာပြည်ကနေ အမေရိကန်ပြည်ထောင်စုဆီ ကျောက်စိမ်းအရိုင်းနဲ့ ပတ္တမြားတွေ တင်ပို့တာကိုလည်း တားမြစ်ခဲ့တယ်လို့ CRC အစီရင်ခံစာထဲမှာ ရေးထားပါတယ်။ နိုင်ငံရေး အကျဉ်းသားတွေအားလုံး လွတ်မြောက်ရေးအပါအဝင် အက်ဥပဒေထဲက သတ်မှတ်အခြေအနေတွေနဲ့ မကိုက်ညီသရွေ့ အဲ့ဒီအရာတွေပါတဲ့ လက်ဝတ်ရတနာတွေ တင်ပို့မှုကို ဆက်လက် ပိတ်ပင်သွားမှာ ဖြစ်တယ်လို့လည်း အစီရင်ခံစာက ဆိုပါတယ်။


LWIN PWIN
NLABR
Web-site:                   www.nlabr.com
Blog:                          http://wanna23-23.blogspot.com/
Facebook:                   Sa Maung