မြန်မာအာဏာပိုင်တွေရဲ့ ဖိနှိပ်ကန့်သတ်မှု အမျိုးမျိုးကြားကနေ ပြည်သူတွေရဲ့ခံစားချက် အခြေအနေမှန်တွေကို ကဗျာကနေတဆင့် ဖော်ထုတ်ပြသခဲ့တဲ့ ကဗျာဆရာ လှသန်း ကျောက်ကပ်ရောဂါနဲ့ မနေ့ညကပဲ ရန်ကုန်ဆေးရုံကြီးမှာ ကွယ်လွန်သွားခဲ့ပါပြီ။ သူကွယ်လွန်ချိန်မှာ အသက် ၄၈ နှစ်ရှိပါပြီ။ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ NLD ပါတီဝင်တွေကို စစ်အစိုးရ လိုလားသူတွေက ဒီပဲယင်းဒေသမှာ အကြမ်းဖက် ရိုက်နှက်ခဲ့တဲ့ အဖြစ်အပျက်ကိုလည်း ကဗျာဆရာ လှသန်းက ဒီပရင်္ဂ ဆိုတဲ့ကဗျာနဲ့ ပရိတ်သတ်တွေဆီရောက်အောင် ပါးပါးနပ်နပ်နဲ့ တင်ဆက်နိုင်ခဲ့ပါတယ်။ နိုင်ငံရေး အကျဉ်းသားဟောင်း တစ်ဦးဖြစ်တဲ့ ကဗျာဆရာ မြန်မာ့ဒီမိုကရေစီအရေး လှုပ်ရှားမှုတွေမှာ တက်တက်ကြွကြွ ပါဝင်လှုပ်ရှားခဲ့တဲ့ ကဗျာဆရာလှသန်းဟာ ကွယ်လွန်ခဲ့တဲ့အချိန်အထိ လှသန်းဆိုတဲ့နံမည်နဲ့ စာရေးသားခွင့် မရခဲ့ပါဘူး။ ဒါပေမဲ့လည်း ကြည်မောင်သန်း၊ မောင်သီးသန့် စတဲ့နံမည်တွေနဲ့ ကဗျာတွေကိုဆက်ပြီး ဖန်တီးခဲ့တဲ့သူပါ။ သူဟာ အဆိပ်ပြင်းတဲ့ မြွေတစ်ကောင်လို သဘာဝရှိပြီး သူ့ကဗျာတွေကလည်း အဆိပ်ပြင်းလှတယ်လို့ သူနဲ့ခေတ်ပြိုင် မော်ဒန်ကဗျာတွေကို ရေးသားခဲ့ ပါတယ်။
အထူးသဖြင့် NLD လူငယ်အဖွဲ့လုပ်တဲ့ ကဗျာစာအုပ်မှာ သူ့ရဲ့ကဗျာတွေ ပါဝင်ခွင့်ပေးပြီးတော့ ဖော်ပြခဲ့တဲ့အတွက် လှသန်းဆိုတဲ့ သူ့ကလောင် အပိတ်ခံရတယ်ပေါ့ဗျာ။ အဲဒီလို အပိတ်ခံရတဲ့အချိန်မှာ နောက်မဆုတ်ဘဲနဲ့ အဲဒီကာလအတွင်းထဲမှာ ကဗျာ ၁၆ ပုဒ်ကို ကိုယ့်ဟာကိုယ် လက်မရွံ့ ကဗျာဆရာဆိုပြီးတော့ သူ့ဟာသူ လက်ရေးနဲ့ရေးပြီးတော့၊ အဲဒါတွေကို ကော်ပီကူးစက်နဲ့ကူးပြီးတော့ မြေအောက်ကဗျာတွေအနေနဲ့ ထုတ်ဝေပစ်တာ။ အဲဒါဟာက မြန်မာခေတ်ပေါ် ကဗျာသမိုင်းမှာ တော်တော်ကို ဂယက်ရိုက်သွားတယ်။
Lwin Pwin
Subscribe to:
Post Comments (Atom)
0 comments:
Post a Comment