ကမ္ဘာ့သတင်းများ 25/04/2012
နိုင်ငံတကာသတင်း
ဆီးရီးယား အပစ်ရပ်ရေး ယိမ်းယိုင်
ထောက်လှမ်းရေး အရာရှိဟာ မြို့တော်ရဲ့ Barzeh အရပ်မှာ ဒီကနေ့ အစောပိုင်းက ပစ်သတ်ခံခဲ့ရ တာဖြစ်တယ် လို့ ဗြိတိန်နိုင်ငံ အခြေစိုက် ဆီးရီးယား လူ့အခွင့်အရေး စောင့်ကြည့် အကဲခတ် အဖွဲ့ က ပြောဆို လိုက်ပေမဲ့ အသေးစိတ်ကိုတော့ မသိရသလို၊ အစိုးရဘက်ကလည်း တစုံတရာ ထုတ်ဖော် ပြောဆိုတာ မရှိပါဘူး။
သမ္မတ Bashar al-Assad ကို ဖယ်ရှားဖို့ ကြိုးပမ်း နေတဲ့ အတိုက်အခံ သူပုန်တွေကတော့ အစိုးရရဲ့ စစ်ဘက်ဆိုင်ရာ ပစ်မှတ်တွေနဲ့ လုံခြုံရေး အရာရှိ တွေကို တိုက်ခိုက်မှုတွေ တိုးမြှင့်လုပ်ဆောင် လာနေရာ မှာ တချို့ဟာ ဆိုရင်တော့ အလုပ်သွားရာ လမ်းတွေမှာ တိုက်ခိုက်သတ်ဖြတ်တာတွေလည်း ခံကြရပါတယ်။
ဒမတ်စကတ်မြို့တော် အလယ်ပိုင်း က Marjeh အရပ်မှာ နောက်ထပ် ဖြစ်ပွားတဲ့ တိုက်ခိုက်မှုမှာတော့ စစ်တပ်က ထရပ်ကားတစင်း ပေါက်ကွဲခဲ့ပြီး အစိုးရလိုလားတဲ့ ရုပ်မြင်သံကြား သတင်းမှာတော့ လက်နက် ကိုင် အကြမ်းဖက်သမားတွေ လက်ချက်ကြောင့်လို့ ဖော်ပြခဲ့တာပါ။ အပစ်အခတ် ရပ်စဲရေး ပြိုကွဲလု နီးနီး ဖြစ်နေရတာ တွေကို ကုလသမဂ္ဂရဲ့ ကိုယ်စားလှယ်တွေ အကဲခတ်ဖို့အတွက် မြို့တော် ဆင်ခြေဖုံး အရပ်တခုဖြစ်တဲ့ Douma ကို သွားရောက် ချိန်မှာပဲ တိုက်ခိုက်မှုတွေနဲ့ ကြုံခဲ့ရတာလည်း ဖြစ်ပါတယ်။
ကုလသမဂ္ဂ အကဲခတ်တွေ တနင်္လာနေ့က သွားရောက် အကဲခတ်ပြီးတဲ့နောက် Hama မြို့မှာ အများစု ဖြစ်တဲ့ လူပေါင်း ၅၅ ယောက် သေဆုံးခဲ့ပြီး လက်နက်ကြီးတွေ၊ သေနတ်တွေနဲ့ ပစ်ခတ်မှုတွေ လည်း ဖြစ်ပွား ခဲ့ကြောင်း လှုပ်ရှားသူတွေရဲ့ ဗွီဒီယို ရိုက်ကူးဖော်ပြချက်တွေမှာ တွေ့ရပါတယ်။
မြောက်ကိုရီးယား ခြိမ်းခြောက်မှုအန္တရာယ် ကြီးမား
တောင်ကိုရီးယားကို ပြာပုံ ဖြစ်အောင် မြောက်ကိုရီးယားက ချေမှုန်းနိုင်တယ်လို့ ခြိမ်းခြောက်ခဲ့တာဟာ ပြင်းထန်ပြီး အန္တရာယ်ကြီးတဲ့ သတိပေးချက် တခု ဖြစ်တဲ့ အကြောင်းလည်း တောင်ကိုရီးယား နိုင်ငံခြားရေးဝန်ကြီးဌာန ပြောခွင့်ရသူ Cho Byung-je က ပြောလိုက်ပါတယ်။ ကြုံလာနိုင်တဲ့ အခြေအနေတွေအတွက် အသင့်ပြင်ဆင်ထားဖို့ အစိုးရနဲ့ စစ်တပ်က လုံခြုံရေး တာဝန်ရှိသူတွေကို ညွှန်ကြားထားတယ် လို့လည်း ပြောခဲ့တာပါ။ မြောက်ကိုရီးယားရဲ့ စစ်ရေးအရ ရန်စမှုမျိုးတွေကိုလည်း တုံ့ပြန်သွားမှာ ဖြစ်တယ်လို့ သတိပေးသွားပါတယ်။
တောင်ကိုရီးယား ကာကွယ်ရေးဝန်ကြီးဌာန ပြောခွင့်ရသူ ကတော့ မြောက်ကိုရီးယားရဲ့ စစ်ရေး အခြေအနေတွေကို စောင့်ကြည့်အကဲခတ်နေပေမဲ့ သမားရိုးကျ လှုပ်ရှားမှု တစုံတရာတော့ မတွေ့ရသေးဘူး လို့ ပြောခဲ့တာပါ။ ဒီအတွက်လည်း မြောက်ကိုရီးယားရဲ့ တိုက်ခိုက်မယ့် အစီအစဉ်တွေဟာ သမားရိုးကျ စစ်ရေးနည်းလမ်းမျိုး မဟုတ်ပဲ အစိုးရနဲ့ သတင်း မီဒီယာတွေ အပေါ် အင်တာနက်ကနေ ဆိုက်ဘာ တိုက်ခိုက် မှုတွေလို ဖြစ်နိုင်တယ်ဆိုတဲ့ သတင်းတွေ လည်း ထွက်ပေါ်လာပါတယ်။
ပြင်သစ်သမ္မတ ပထမအကျော့ ရွေးကောက်ပွဲ ဆာကိုဇီ ဒုတိယလိုက်
ပြင်သစ်သမ္မတ နီကိုလပ် ဆာကိုဇီဟာ အခုပြီးခဲ့တဲ့ ပထမအကျော့ ရွေးကောက်ပွဲမှာ ဒုတိယနေရာ ရထားပြီး တဲ့နောက် ရွေးကောက်ပွဲတွေအတွက် လက်ယာစွန်း မဲဆန္ဒရှင်တွေကို ချဉ်းကပ် စည်းရုံးနေပါတယ်။ ပြီးခဲ့တဲ့ ပထမ အကျော့ သမ္မတရွေးကောက်ပွဲအတွင်းမှာ သူဟာ မဲ ၂၇ ရာခိုင်နှုန်း ရရှိခဲ့ပါတယ်။ သူ့ပြိုင်ဘက် ဆိုရှယ်လစ်ဝါဒီ Francois Hollande ဟာ ၂၈ ရာခိုင်နှုန်းနဲ့ ရှေ့က ပြေးနေပါတယ်။
လက်ယာစွန်းဝါဒီ Marine Len Pen ကတော့ ပထမအကျော့ ရွေးကောက်ပွဲ အတွင်း မဲအရေအတွက် ၁၈ ရာခိုင်နှုန်းကျော် အနိုင်ရနေတာမို့ ရွေးကောက်ပွဲ လေ့လာသူတွေက အံအားသင့်စေခဲ့ပါတယ်။ သူဟာ နိုင်ငံ အတွင်း ပြောင်းရွှေ့လာမှု တွေကို ဆန့်ကျင်တဲ့ အမျိုးသားတပ်ဦးပါတီရဲ့ ကိုယ်စားလှယ် ဖြစ်ပါတယ်။ အခုလို အမျိုးသားတပ်ဦးပါတီကို မဲပေးသူတွေကို လေးစားရမယ်လို့ မစ္စတာဆာကိုဇီက ပြောပါတယ်။
လက်ယာစွန်းဝါဒီ Marine Len Pen ကတော့ ပထမအကျော့ ရွေးကောက်ပွဲ အတွင်း မဲအရေအတွက် ၁၈ ရာခိုင်နှုန်းကျော် အနိုင်ရနေတာမို့ ရွေးကောက်ပွဲ လေ့လာသူတွေက အံအားသင့်စေခဲ့ပါတယ်။ သူဟာ နိုင်ငံ အတွင်း ပြောင်းရွှေ့လာမှု တွေကို ဆန့်ကျင်တဲ့ အမျိုးသားတပ်ဦးပါတီရဲ့ ကိုယ်စားလှယ် ဖြစ်ပါတယ်။ အခုလို အမျိုးသားတပ်ဦးပါတီကို မဲပေးသူတွေကို လေးစားရမယ်လို့ မစ္စတာဆာကိုဇီက ပြောပါတယ်။
LWIN PWIN
NLABR
Web-site: www.nlabr.com
http://wanna23-23.blogspot.com/
Subscribe to:
Post Comments (Atom)
0 comments:
Post a Comment