အမျိုးသားပြန်လည်သင့်မြတ်ရေးနဲ့ တိုင်းပြည် ပြန်လည်ထူထောင်ရေး ကြိုးပမ်းနေတဲ့ အခုလိုကာလမျိုးမှာ ဘာသာရေးအရ အငြင်းပွားမှု၊ ခိုက်ရန်ဖြစ်ပွါးမှုတွေကို ရှောင်ရှားကြဖို့ လိုအပ်ကြောင်း အမျိုးသားဒီမိုကရေစီအဖွဲ့ချုပ် NLD ပါတီဥက္ကဌ ဒေါ်အောင်ဆန်း စုကြည်က မြန်မာနှစ်သစ်ကူးကာလမှာ ပြည်သူလူထုကို မေတ္တာရပ်ခံ ပန်ကြားလိုက်ပါတယ်။
ပြီးခဲ့တဲ့ ရက်ပိုင်းအတွင်း ကချင်ပြည်နယ် ဖါးကန့်မြို့နဲ့ မကွေးတိုင်း ကံမမြို့တွေမှာ ဖြစ်ပေါ်ခဲ့တဲ့ အစ္စလမ်ဘာသာဝင်တွေနဲ့ ဗုဒ္ဓဘာသာဝင်တွေကြား ခိုက်ရန်ဖြစ်ပွားမှုတွေကို ရည်ညွှန်းပြီး ဒေါ်အောင်ဆန်းစုကြည်က အခုလို မေတ္တာရပ်ခံ လိုက်တာ ဖြစ်တယ်လို့ NLD ပါတီပြောခွင့်ရပုဂ္ဂိုလ် ဦးဥာဏ်ဝင်းက
"ဒေါ်အောင်ဆန်းစုကြည်က ဘာပြောလဲဆိုတော့ အခုလို နိုင်ငံသစ် တည်ထောင်မယ့် အချိန်အခါမျိုးမှာ ဘာသာရေးနဲ့ ပတ်သက်တဲ့ ယုံကြည်မှုနဲ့ ပတ်သက်တဲ့ဟာတွေ အငြင်းပွားနေမယ့်အစားကို တစ်ဦးပေါ် တစ်ဦး နားလည်မှု ရှိကြပါလို့ သူက အဲဒီလို ပြောပါတယ်။ ဘာသာရေးက သိပ်ပြီးတော့ သိမ်မွေ့တယ်။ အခုလို အချိန်အခါမျိုးမှာ သည်းခံပါ။ တယောက်ကို တယောက် နားလည်နိုင်အောင် ကြိုးစားကြပါလို့ အဲလို မှတ်ချက်ပေးတယ်ဗျ။ နောက် ကျွန်တော်တို့ နိုင်ငံတင် မဟုတ်ဘူး။ ဘယ်နိုင်ငံ ဖြစ်ဖြစ် ဘာသာရေးနဲ့ ပတ်သက်ရင် ဖြေရှင်းရ ခက်ကြတယ်။ အဲဒါကြောင့်မို့ မဖြစ်စေချင်လို ဒီလို ပြောလိုက်ရတာပါ။"
ယခင်အစိုးရ အဆက်ဆက်တုန်းကလည်း မြန်မာနိုင်ငံမှာ ဘာသာရေးနဲ့ပတ်သက်တဲ့ ရုန်းရင်းဆန်ခတ်မှုတွေ ဖြစ်ပေါ်ခဲ့ဖူးတာ ရှိပြီး၊ နိုင်ငံရေးပယောဂ မကင်းဘဲ ဖြစ်ပေါ်လေ့ရှိတယ်လို့ မြန်မာ့သမိုင်း လေ့လာသူတွေက သုံးသပ်ထားကြ ပါတယ်။
ဘာသာရေးပေါ် အခြေခံပြီး ခိုက်ရန်ဖြစ်ပွားတာတွေကို NLD ပါတီအနေနဲ့ မလိုလားကြောင်း ပါတီပြောခွင့်ရပုဂ္ဂိုလ် ဦးဥာဏ်ဝင်းက ပြောပါတယ်။


NLD အမျိုးသားဒီမိုကရေစီ အဖွဲ့ချုပ်က တင်ပြထားတဲ့ ၂၀၀၈ ဖွဲ့စည်းပုံ အခြေခံဥပဒေကို ကာကွယ်စောင့်ရှောက်ပါမည် ဆိုတဲ့ စကားရပ်အစား လေးစားလိုက်နာပါမည် ဆိုတဲ့ အသုံးအနှုန်း သုံးစွဲဖို့ကိစ္စ အချိန်မီ အဆင်ပြေသွားလိမ့်မယ်လို့ ထင်မြင်တဲ့အကြောင်း ဦးတင်ဦးက ဒီနေ့ ပြောကြားလိုက်ပါတယ်။
လွှတ်တော်ပြန်ခေါ်ချိန်တဲ့ ဧပြီလ ၂၃ ရက်နေ့မှာ စကားရပ် ပြောင်းလဲသုံးစွဲဖို့ ကိစ္စ ချောချောမောမော ပြေလည်သွားမယ်လို့ ယူဆတဲ့အကြောင်း NLD နာယက အဖွဲ့ဝင် ဦးတင်ဦးက ပြောပါတယ်။
ကာကွယ်စောင့်ရှောက်ပါမည်ဆိုတဲ့ စကားရပ်ဟာ တပ်ထဲမှာ သုံးစွဲတာ ဖြစ်ပြီး နေရာတိုင်းမှာ အရိုးစွဲနေတဲ့ တပ်ပုံစံအတိုင်း လိုက်လုပ်တာလို့ ဦးတင်ဦးက ပြောပါတယ်။
အရပ်သားတွေ အနေနဲ့ လေးစား လိုက်နာပါမည် ဆိုတဲ့ အသုံးအနှုန်းသုံးရင် လုံလောက်တယ်လို့လည်း ဆိုပါတယ်။ ရွေးကောက်ခံ လွှတ်တော် ကိုယ်စားလှယ်သစ်တွေ ကျမ်းကျိန်တဲ့အခါ ရွတ်ဆိုရတဲ့ အသုံးအနှုန်းကို ဥပဒေနဲ့ အညီပြင်ဆင်ဖို့ NLD အမျိုးသားဒီမိုကရေစီအဖွဲ့ချုပ်က နေပြည်တော်ကို စနေနေ့က သွားပြီး နိုင်ငံတော်သမ္မတဆီ အကြံပြုစာ တင်လိုက်ပြီလို့လည်း သိရပါတယ်။


၈၈ မျိုးဆက် ကျောင်းသားများရဲ့ သင်္ကြန်သံချပ်အဖွဲ့က ဒီကနေ့ သင်္ကြန်အကြတ်နေ့မှာလည်း အနည်းဆုံး (၄) နေရာမှာ လိုက်လံဖျော်ဖြေခဲ့တယ်လို့ သတင်းရရှိပါတယ်။
မနက်ပိုင်းမှာတော့ လူစည်ကားတဲ့ ရန်ကင်းစင်တာနဲ့ ဖဆပလ-စီးတီးမတ်တွေမှာ သွားရောက်ဖျော်ဖြေခဲ့သလို ညနေပိုင်းမှာလည်း ရွှေဂုံတိုင်က တော်ဝင်နှင်းဆီခြံနဲ့ ဗိုလ်ချုပ်ရွာက ပြည်သူတွေကို သွားရောက် ဖျော်ဖြေခဲ့ကြောင်း သိရပါတယ်။
ဒီသင်္ကြန်သံချပ်အဖွဲ့ဟာ မနက်ဖြန်မှာလည်း ဒေါ်အောင်ဆန်းစုကြည် နေအိမ်ကို သွားရောက်ပြီး သံချပ်ထိုးကြမှာဖြစ်ပြီး အခြားနေရာတွေကိုလည်း သွားရောက် ဖျော်ဖြေ ကြဦးမှာ ဖြစ်ပါတယ်။
၈၈-မျိုးဆက်အဖွဲ့ရဲ့ သင်္ကြန်သံချပ်တွေကို ကိုမင်းကိုနိုင်က အဓိက ရေးစပ်ထားတာဖြစ်ပြီး အဲဒီအဖွဲ့ထဲမှာ အဖွဲ့ဝင် (၂၀) လောက်ပါဝင်ပါတယ်။ သူတို့အဖွဲ့နဲ့အတူ မောင်မောင်ဆိုလေ-ထီးရိုးရှည်အဖွဲ့က ပူးတွဲပြီး လိုက်လံ ဖျော်ဖြေနေတာ ဖြစ်ပါတယ်။


ရန်ကုန်၊ နေပြည်တော်နဲ့ မန္တလေးတို့မှာ သင်္ကြန်ရက်တွေကို ငြိမ်းငြိမ်းချမ်းချမ်း တရက်ပြီးတရက် ကုန်ဆုံးခဲ့ပေမဲ့ ကချင်ပြည်နယ် မြို့တော် မြစ်ကြီးနားမှာ စနေနေ့ညက ဗုံး ပေါက်ခဲ့ပါတယ်။ သံလမ်းပေါ်မှာ ထောင်ထားတဲ့ ဗုံးပေါက်ကွဲတာကြောင့် မီးရထားသံလမ်း ခင်ထားတဲ့ ဇလီဖားတုံးတချို့ ပျက်ဆီးသွားခဲ့ပေမဲ့ ထိခိုက်ဒဏ်ရာရတာတော့ မရှိပါဘူး။ သင်္ကြန် အကြတ်နေ့ မြစ်ကြီးနားမှာ ဖြစ်ခဲ့တဲ့ ဗုံးပေါက်ကွဲမှုအကြောင်း--
စနေနေ့ ညပိုင်း ၉ နာရီလောက်မှာ မြစ်ကြီးနား မြို့သစ်ဘက်က သံလမ်းပေါ်မှာ ထောင်ထားတဲ့ ဗုံးပေါက်ကွဲ ခဲ့တာပါ။ ဗုံးပေါက်တဲ့ နေရာကို ကိုယ်တိုင်သွားကြည့်ခဲ့တဲ့ မြစ်ကြီးနား ဒေသခံ တဦးက အခုလို ပြောပါတယ်။
“အစတုန်းကတော့ သင်္ကြန်မဏ္ဍပ် အောက်မေ့တာ၊ မနေ့ညနေ ၈ နာရီ ၄၅ ပေါ့နော်။ သင်္ကြန်မဏ္ဍပ် မဟုတ်ဘူး ဒီနေ့မနက် သိတာကလေ မြို့သစ်ကြီးနားက သံလမ်းမှာ ကွဲတာ။ မြို့သစ်ကြီးဆိုတာ ကျနော်တို့ မြစ်ကြီးနားမြို့က အထွက်ပေ့ါ။ အဲဒီသံလမ်းနားမှာ ကွဲတာ။ အပျက်အစီးကလည်း သိပ်မဖြစ်ပါဘူး။ အဲဒီမှာ ဇလီဖာတုံး နှစ်တုံးသုံးတုံးလောက် လွှင့်စင်သွားတာပဲ ဖြစ်တယ်။ သံလမ်းလည်း မပျက်သွားဘူး။ တချို့ကတော့ အသံသေးသေးနဲ့ တလုံးကွဲတယ် ဘာညာဆိုပြီးတော့ ပြောတယ်လေ။ ဒါပေမဲ့ တွေ့ရှိတာကတော့ အဲဒီံသံလမ်းမှာ ဇလီဖားတုံး နှစ်တုံးသုံးတုံးလောက်ပဲ ပျက်စီးသွားတဲ့ ဗုံးကွဲတာပဲ တွေ့တယ်။”
ဒေသခံ တချို့ကတော့ စနေနေ့ညက ဗုံး ၂ နေရာမှာ ပေါက်ခဲ့တာ ဖြစ်တယ်လို့ ပြောကြပါတယ်။ ညပိုင်း ၈ နာရီ ၁၅ မိနစ်မှာ တကြိမ်ပေါက်ကွဲပြီး နောက်ထပ် ၁၅ မိနစ်အကြာမှာ နောက်တကြိမ် ထပ် ပေါက်ကွဲခဲ့တယ် လို့လည်း ပြောကြပါတယ်။
“ည ၈ နာရီခွဲ ၉ နာရီလောက်။ နှစ်လုံး။ တစ်လုံးက ဘယ်နေရာလဲ မသိဘူး။ ဆက်တိုက် ၅ မိနစ်လောက်ပဲ ခြားတယ်။ အသံလည်း ကြားတယ်ဗျာ ကျနော်တို့။”
စနေနေ့ညက ဗုံးပေါက်ကွဲမှုမှာ ထိခိုက်ဒဏ်ရာရသူတော့ မရှိဘူးလို့ ဆိုကြပါတယ်။ သင်္ကြန် ရေကစားသူတွေ ကတော့ ကြောက်လန့်ပြီး မနက်ပိုင်း အပြင်ထွက်လည်တဲ့သူတွေ နည်းခဲ့ပါတယ်။ ဒါပေမဲ့ သင်္ကြန်မဏ္ဍပ်မှာ ပေါက်ကွဲတာ မဟုတ်ဘဲ သံလမ်းမှာ ပေါက်ကွဲတယ် ဆိုတာ သိလိုက်ကြပြီးတဲ့နောက် နေ့လယ်ပိုင်းမှာတော့ သင်္ကြန်ပွဲတော်က ပြန်ပြီး စည်းစည်းကားကား ဖြစ်ခဲ့တယ်လို့လည်း မြစ်ကြီးနား ဒေသခံက ပြောပါတယ်။
“ခါတိုင်းဆိုလို့ရှိရင် မနက် ၇ နာရီကျော် ၈ နာရီလောက်ဆို စည်နေပြီပေါ့နော်။ ကနေ့ကျတော့ နေ့လယ်ပိုင်း ရောက်မှပဲ လူတွေက ပြန်များလာတယ်။ ပထမတော့ သင်္ကြန်မဏ္ဍပ် ဆိုပြီးတော့မှ ကြားနေကြတော့ လူတွေက လန့်တာပေါ့နော်။ သံလမ်းမှာ သိသွားတဲ့အချိန်ကျတော့ လူတွေက ပြန်များလာပါတယ်။”
အခု ဗုံးပေါက်ကွဲမှုဟာ ဘယ် လက်နက်ကိုင် အဖွဲ့အစည်းရဲ့ လက်ချက်ဆိုတာတော့ မသိရပါဘူး။ ဒါပေမဲ့ လက်နက်ကိုင် ကချင်လွတ်လပ်ရေး အဖွဲ့ ကေအိုင်အိုနဲ့ မြန်မာ အစိုးရ အကြား စစ်ရေး တင်းမာမှုတွေ ဖြစ်ပွားနေပြီးတဲ့ နောက်ပိုင်းမှာတော့ ကြိုကြားဆိုသလို ကချင်ပြည်နယ်ထဲမှာ ပေါက်ကွဲမှုတွေ ဖြစ်နေတာပါ။ မြန်မာ အစိုးရကတော့ ကချင်ပြည်နယ်ဟာ ဒေသလုံခြုံ ငြိမ်းချမ်းမှုမရှိဘူး ဆိုပြီး ဧပြီလ ၁ ရက်နေ့က ကျင်းပတဲ့ ကြားဖြတ်ရွေးကောက်ပွဲမှာ ကချင်ပြည်နယ်ထဲက လစ်လပ်နေရာ ၃ နေရာကို ချန်လှပ်ခဲ့ပါတယ်။


ဧပြီလ (၉) ရက်နေ့က မြိတ်လေတပ်စခန်းက လေတပ်အရာရှိသုံးဦးကို စစ်အကျဉ်းထောင် တရားရုံးချုပ်ကနေ စစ်ခုံရုံးဖွဲ့ပြီး အီလက်ထရောနစ်ပုဒ်မနဲ့ ထောင်ဒဏ်အနှစ် (၂၀) နဲ့ (၇) နှစ်စီ အသီးသီး ချမှတ်ခဲ့ကြောင်း နီးစပ်တဲ့ အသိုင်းအ၀ိုင်းက ပြောပါတယ်။

ရန်ကုန်မြို့က အင်တာနက် ကဖေးဆိုင်တဆိုင်မှာ အင်တာသုံးစွဲသူများ ပြည့်နက်နေချိန် မြင်ကွင်း။
လေတပ်အရာရှိ သုံးဦးကို အင်တာနက် ဘလော့ဂ်နဲ့ ၀က်ဘ်ဆိုက်ဒ်တွေမှာ တပ်မတော်သားတွေရဲ့ ဘ၀အခြေအနေတွေကို ဖော်ပြရေးသားမှုနဲ့ ထောင်ချခဲ့တာဖြစ်ပြီး ထောင်ဒဏ်ချမှတ်ခံခဲ့ကြရတဲ့ လေတပ်အရာရှိ သုံးဦးအနက် ဗိုလ်ကြီးနေလင်းဒွေးဟာ ကျန်းမာရေးမကောင်းဘဲ ဖြစ်နေတယ်လို့ သိရပါတယ်။
အရာရှိ ဗိုလ်ကြီးနေလင်းဒွေး ကိုယ်ပိုင်အမှတ် (လေ-၂၂၈၂) ကို အီလက်ထရောနစ်ပုဒ်မ ၃၃ (က) အပါအ၀င် ပုဒ်မ ၅/ည နဲ့ ထောင်ဒဏ်အနှစ် (၂၀) ချမှတ်လိုက်ပြီး လက်ရှိအင်းစိန်ထောင်မှာ ထိန်းသိမ်းထားပါတယ်။ ကျန်တဲ့ ယာယီဗိုလ်မှူးအဆင့်နဲ့ ဗိုလ်ကြီး နှစ်ဦးကိုတော့ ဘယ်ထောင်မှာ ထိန်းသိမ်းထားသလဲဆိုတာ အတိအကျ မသိရသေးပါဘူး။

သူတို့အားလုံးကို စစ်ခုံးရုံးက စီရင်ချက်ချတဲ့အခါမှာ ရှေ့နေငှားခွင့်၊ ထုချေခွင့် မပေးခဲ့ဘူးလို့ သိရပါတယ်။
သမ္မတ ဦးသိန်းစိန်အစိုးရ တက်လာပြီးတဲ့နောက် ပြည်တွင်းမှာ မပြောင်းလဲတာဆိုလို့ တရားစီရင်ရေးစနစ်ဖြစ်ပြီး အရင်စစ်အစိုးရ လက်ထက်ကအတိုင်း စီရင်နေဆဲပဲဆိုတာ တွေ့နေရတယ်လို့ အာရှ လူ့အခွင့်အရေးကော်မရှင်ရဲ့ ပြောခွင့်ရပုဂ္ဂိုလ် ဦးမင်းလွင်ဦးကပြောပါတယ်။
ဗိုလ်ကြီး နေလင်းဒွေးနဲ့ လေတပ်အရာရှိ နှစ်ဦးကို ပြီးခဲ့တဲ့ ၂၀၁၁ ခုနှစ် ဒီဇင်ဘာလ (၁၅) ရက်နေ့က တာဝန်ထမ်းဆောင်နေချိန်အတွင်း ရုတ်တရက်ဖမ်းဆီးခဲ့ပြီး မိသားစုတွေနဲ့ အဆက်အသွယ် ဖြတ်တောက်ခဲ့ပါတယ်။ လက်ရှိအခြေအနေမှာလည်း မိသားစုဝင်တွေအနေနဲ့ ထောင်ဝင်စာ တရားဝင် တွေ့ခွင့်မရသေးပါဘူး။

အဖမ်းခံရတဲ့ လေတပ်အရာရှိ သုံးဦးလုံးဟာ အင်တာနက်အီးမေးလ်တွေကို ကျွမ်းကျွမ်းကျင်ကျင် သုံးစွဲတတ်သူတွေဖြစ်ပါတယ်။ ဗိုလ်ကြီး နေလင်းဒွေးဟာ တာဝန်ထမ်းဆောင်နေစဉ်မှာ ခြေထောက် ထိခိုက်ခဲ့တဲ့ ဒဏ်ရာကြောင့် အရိုးမှာ ထုံကျဉ်ခိုက်ခဲတဲ့ ဝေဒနာခံစားနေရသူ ဖြစ်တယ်လို့လည်း သိရပါတယ်။



ဒုတိယ ကမ္ဘာစစ်ကြီးအတွင်း မြန်မာနိုင်ငံက ဗြိတိသျှစစ်တပ်တွေ ဆုတ်ခွာစဉ် မြန်မာနိုင်ငံ မှာ မြှုပ်ဝှက်ထားခဲ့တဲ့ ဗြိတိသျှ Spitfire တိုက်လေယဉ် အစင်း၂၀ ကို မြန်မာအစိုးရနဲ့ ပူးပေါင်းပြီး ပြန်လည် တူးဖေါ်ဖို့ သဘောတူ ခဲ့တယ်လို့ ဗြိတိသျှ အရာရှိတွေက ပြောပါတယ်။
၁၉၄၅ ခုနှစ်က မြန်မာနိုင်ငံကို ဂျပန်တွေ ဝင်လာ ချိန်မှာ ဆုတ်ခွာနေတဲ့ ဗြိတိသျှစစ်တပ်က ဂျပန်တွေ ရသွားပြီး အသုံးချမှာ ၊ ဒါမှမဟုတ် ဖျက်ဆီးလိုက် မှာကို စိုးရိမ်လို့ Spitfire တိုက်လေယဉ် အစင်း ၂၀ ကို မြှုပ်ထားခဲ့တာပါ။အဲဒီလေယာဉ်တွေဟာ ဆင်တောင် မဆင်ရသေးတဲ့ လေယာဉ်တွေ ဖြစ်ပြီး အစိတ်အပိုင်း တွေကို သေတ္တာကြီးတွေနဲ့ ထည့်ပြီး မြှုပ်ထားခဲ့တာလို့ သိရပါတယ်။စစ်ပြီးလို့ ဂျပန်တွေ လက်နက်ချပြီးတဲ့ နောက်မှာလဲ လေယာဉ်တွေ ဝှက်ထားခဲ့တာကို မေ့နေခဲ့ကြသလို၊ ဒီနောက်မှာလဲ မြန်မာနိုင်ငံမှာ ရာစုနှစ်တဝက်လောက် စစ်တပ် အုပ်ချုပ်မှု အောက်ကို ရောက်နေခဲ့ လို့ တူးဖေါ်ခွင့်မရခဲ့ပါဘူး။
Spitfire တိုက်လေယဉ်တွေဟာ ၁၉၄၀ ပြည့်လွန်နှစ်တွေက ဂျာမန်တိုက်လေယာဉ်တွေကို ယှဉ်ရာမှာ အနိုင်ရတဲ့ အောင်မြင်တဲ့ တိုက်လေယာဉ်တွေ အဖြစ် ကျော်ကြားပြီး ဂျာမဏီကို အံတုနိုင်တဲ့ အတွက် ဗြိတိသျှတို့ရဲ့ အမျိုးသားရေး လက္ခဏာတခု ဖြစ်လာခဲ့ပါတယ်။
အခု လောလောဆယ်မှာ ပျံသန်းနိုင်လောက်အောင် အခြေအနေ ရှိနေတဲ့ Spitfire တိုက်လေယဉ် တကမ္ဘာလုံးမှာ ၃၅ စင်းလောက်ဘဲ ရှိတယ်လို့ ယူဆရပါတယ်။အခုလို လေယာဉ်တွေ ပြန်လည်တူးဖေါ်ရေးနဲ့ နောက်ပြီး လေကြောင်း ပျံသန်းမှု သမိုင်းမှာ အရေးပါဆုံးဖြစ်တဲ့ Spitfire တိုက်လေယာဉ်တွေ ပြန်လည် တပ်ဆင်ရေး လုပ်ငန်းတွေ ဟာ မြန်မာအစိုးရနဲ့ အတူ လုပ်ကိုင် ဆောင်ရွက်နိုင်မယ့် အခွင့်အလမ်း တခု ဖြစ်လိမ့်မယ်လို့ မျှော့်လင့်ကြောင်း ဗြိတိသျှ အရာရှိတဦးက ပြောပါတယ်။
ဒီကိစ္စကို ဗြိတိန်ဝန်ကြီးချုပ် ဒေးဗစ်ကင်မရွန်ရဲ့ မြန်မာနိုင်ငံခရီးစဉ်အတွင်း မြန်မာသမ္မတ ဦးသိန်းစိန်နဲ့ တွေ့ဆုံရာမှာ ဒီကိစ္စကို ထုတ်ဖေါ်ပြောဆိုခဲ့ကြတယ်လို့ သိရပါတယ်။


မနေ့က ကျင်းပခဲ့တဲ့ လန်ဒန်မြို့က ၁၁ ကြိမ်မြောက် မြန်မာ့ရိုးရာ အတာသင်္ကြန်ပွဲမှာ မြန်မာနိုင်ငံက သမ္မတ ဦးသိန်းစိန်ကို ငြိမ်းချမ်းရေးဆု ပေးအပ်လိုက်ပါတယ်။
လန်ဒန်မှာ နှစ်စဉ်ရိုးရာသင်္ကြန် ဦးဆောင်ကျင်းပနေတဲ့ သာသနာရံသီ ဝီဟာရကျောင်းတိုက် ဆရာတော် ဦးဥတ္တရက အခုလို မိန့်ပါတယ်။
" ဒီနှစ်မှာ ထူးခြားတာက မြန်မာပြည်မှာ ငြိမ်းချမ်းရေး ဖော်ဆောင်မှုတွေ လုပ်နေတယ်။ တိုင်းရင်းသားတွေနဲ့လည်း ငြိမ်းချမ်းရေး ဖော်ဆောင်နေတာ၊ လုပ်ဆောင်နေတာကို ကြည့်သောအားဖြင့် ဘုန်းကြီးတို့  ငြိမ်းချမ်းရေးဆုကို ပေးပါတယ်။ မြန်မာနိုင်ငံသူ နိုင်ငံသား အားလုံးကလည်း ငြိမ်းချမ်းချင်ကြတယ်။ ကမ္ဘာသူ ကမ္ဘာသား အားလုံးကလည်းပဲ မြန်မာနိုင်ငံမှာ ငြိမ်းချမ်းရေးကို မြင်ချင်ကြတဲ့ အတွက်ကြောင့် ဘုန်းကြီးတို့က ဒီနှစ်ကိုတော့ နိုင်ငံတော်သမ္မတ ဦးသိန်းစိန်ကို မြန်မာနိုင်ငံမှာ ငြိမ်းချမ်းရေး ပိုလုပ်လာနိုင်အောင် ဆိုပြီးတော့ ငြိမ်းချမ်းရေးဆုကို ချီးမြှင့်ပါတယ်"
လန်ဒန်သင်္ကြန်ကနေ ငြိမ်းချမ်းရေးဆု ချီးမြှင့်ကြောင်း အကြောင်းကြားစာကို သမ္မတဆီ လိပ်မူပြီး မြန်မာသံရုံးက တစ်ဆင့် ပေးပို့မယ်လို့ သိရပါတယ်။
မနေ့က ကျင်းပတဲ့ လန်ဒန်မြို့ ရိုးရာအတာသင်္ကြန်ပွဲကို နှစ်ပိုင်းခွဲပြီး ကျင်းပရာမှာ မနက်ပိုင်းမှာ ဗြိတိန်နိုင်ငံရောက် ဆရာတော် ၂၅ ပါးအတွက် ဆွမ်းဆန်စိမ်း လောင်းလှူပွဲ၊ ညနေပိုင်းမှာ ရခိုင်နဲ့ မွန် အပါအ၀င် တိုင်းရင်းသားရိုးရာ သင်္ကြန်ယိမ်းတွေ၊ သင်္ကြန်အဆိုအကတွေနဲ့ ဖျော်ဖြေခဲ့ပါတယ်။
မနေ့က ကျင်းပတဲ့ သင်္ကြန်ပွဲကို လန်ဒန်ရောက် မြန်မာနိုင်ငံသား တစ်ထောင်နီးပါး တက်ရောက်ခဲ့ကြပါတယ်။


မြန်မာနဲ့ ဘင်္ဂလားဒေ့ရှ် နှစ်နိုင်ငံကြား ရေပိုင်နက် အငြင်းပွားမှုအပေါ် ကုလသမဂ္ဂ ရေပိုင်နက်ဆိုင်ရာ တရားရုံးက စီရင်ဆုံးဖြတ်ခဲ့ပြီးတဲ့နောက် လူသုံးများတဲ့ ဘင်္ဂလားဒေ့ရှ် အင်တာနက် စာမျက်နှာတွေ အတော်များများကို “ဟက်ကာ” ( hacker ) လို့ ခေါ်တဲ့ အင်တာနက် ဖောက်ထွင်း ၀င်ရောက်မွှေနှောက်သူတွေက တိုက်ခိုက်ခဲ့တယ်လို့ ဆိုပါတယ်။
တရားရုံးရဲ့အဆုံးအဖြတ်ဟာ နှစ်နိုင်ငံလုံးအတွက် မျှတပါတယ်လို့ ကျွမ်းကျင်သူတချို့က မှတ်ချက်ပြုခဲ့ကြပေမဲ့ ပြီးခဲ့တဲ့ သီတင်းပတ်အတွင်း နှစ်နိုင်ငံဘက်က ဟက်ကာတွေရဲ့ အင်တာနက် တိုက်ခိုက်မှုတွေ အရှိန်မြင့်လာခဲ့တယ်လို့ အိန္ဒိယ အင်တာနက် အွန်လိုင်းသတင်းစာ တစ်စောင်က ဖော်ပြပါတယ်။
ဧပြီလ (၁၁) ရက်နေ့ညက ဘင်္ဂလားဒေ့ရ်ှနိုင်ငံမှာ လူကြည့်အများဆုံး bdnews24.com အွန်လိုင်းသတင်း စာမျက်နှာကို (၁၅) မိနစ်ကြာ ဖွင့်ကြည့်လို့မရဘဲ မြန်မာနိုင်ငံက ဟက်ကာတစ်ဦးရဲ့အမည်နဲ့ အလုပ်အကိုင်သာ ပေါ်နေတယ်လို့ ဆိုပါတယ်။
အလားတူ ဘင်္ဂလားဒေ့ရှ် အစိုးရရဲ့ အင်တာနက်စာမျက်နှာ (၃) ခုအပါအ၀င် အနည်းဆုံး ၀က်ဘ်ဆိုက် (၄၀) လောက်ဟာ မြန်မာနိုင်ငံကလို့ ဆိုတဲ့ ဟက်ကာတွေရဲ့ အတိုက်ခိုက် ခံခဲ့ရတယ်လို့ rediff.com ဆိုတဲ့ အိန္ဒိယ အွန်လိုင်းသတင်းစာက ဖော်ပြပါတယ်။
ဒါ့အပြင် မကြာခင် ရက်ပိုင်းအတွင်း တိုက်ခိုက်မှုတွေ အရှိန်မြင့်လာဖွယ် ရှိတယ်လို့လည်း ဆိုပါတယ်။
LWIN PWIN