ရှမ်းပြည်တပ်မတော် SSA တောင်ပိုင်းနဲ့ ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီတို့  ကျိုင်းတုံမြို့မှာ ဒီကနေ့ ဆွေးနွေးရာမှာ မူးယစ်ဆေးဝါး တိုက်ဖျက်ရေးနဲ့ လက်နက်ကိုင် တိုက်ခိုက်မှုတွေ လုံးဝ အဆုံးသတ်ရေး အပါအ၀င် အချက် ၁၂ ချက် သဘောတူညီခဲ့ပါတယ်။ ဒီဆွေးနွေးပွဲကိုတော့ SSA တောင်ပိုင်းရဲ့ ဥက္ကဋ္ဌ ဒုဗိုလ်ချုပ်ကြီး ယွတ်ဆစ်နဲ့ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီ ဒုဥက္ကဋ္ဌ ဒုတိယကာကွယ်ရေးဦးစီးချုပ် ဗိုလ်ချုပ်ကြီးစိုးဝင်းတို့ ဦးဆောင်တက်ရောက် ဆွေးနွေးခဲ့ကြတာ ဖြစ်ပါတယ်။ ဒီလို မြန်မာ ကိုယ်စားလှယ်ဖက် ဒုတိယကာကွယ်ရေး ဦးစီးချုပ်ကိုယ်တိုင် တက်ရောက် လာတာကြောင့် မပြေလည်သေးတဲ့ စစ်ဘက်ဆိုင်ရာကိစ္စတွေမှာ အလေးအနက် အကောင်အထည် ဖော်နိုင်လိမ့်မယ်လို့ ဆွေးနွေးပွဲကို ကိုယ်တိုင်တက်ရောက်နေတဲ့ ရှမ်းသံတော်ဆင့် သတင်းဌာန အယ်ဒီတာက သုံးသပ်ပါတယ်။
ရှမ်းပြည်တပ်မတော် - တောင်ပိုင်းလို့ လူသိများတဲ့ ရှမ်းပြည်ပြန်လည်ထူတောင်ရေး ကောင်စီ RCSS/SSA နဲ့ မြန်မာအစိုးရရဲ့ ပြည်ထောင်စုငြိမ်းချမ်းရေး ဖော်ဆောင်ရေးလုပ်ငန်း ကော်မတီတို့ဟာ ဒီကနေ့ မနက် ၉ နာရီ စတင်ဆွေးနွေးခဲ့ပြီး ညနေ ၅ နာရီလောက်မှာတော့ သဘောတူညီချက် ၁၂ချက် ရရှိခဲ့တာဖြစ်ပါတယ်။
ဒီကနေ့ ဆွေးနွေးပွဲအခြေအနေကို RCSS ရဲ့ အတိုင်ပင်ခံ တဦးဖြစ်တဲ့ ရှမ်းသံတော်ဆင့် သတင်းအယ်ဒီတာ ဦးခွန်ဆိုင်းက အခုလို ပြောပါတယ်။
“ဒီနေ့ ဆွေးနွေးပွဲ အခြေအနေကတော့ RCSS/SSA ဘက်ကနေပြီးတော့မှ ဆွေးနွေးချက်တွေ ၁၂ ချက် ရှိပါတယ်။ အဓိကကတော့ ဒီ မူးယစ်ဆေးဝါးနဲ့ပတ်သက်ပြီးတော့မှ ပူးပေါင်းဆောင်ရွက်ဖို့။ နံပတ် (၁) အနေနဲ့က။ နံပတ် (၂) ကတော့ အရင့် အရင်က ဒီအပစ်အခတ်ရပ်စဲရေး စာချုပ်တွေ ချုပ်ခဲ့ပြီးတော့မှ ဆက်လက် တိုက်ခိုက်မှုတွေ ဖြစ်ပွားနေမှုကို ဘယ်လို ဖြေရှင်းမလဲဆိုတဲ့ ကိစ္စတွေပေါ့နော်။ အဲဒီကိစ္စတွေနဲ့ ပတ်သက်ပြီးတော့မှ လောလောဆယ် သဘောတူညီချက် ရပြီးတော့မှ မကြာခင်မိနစ်ပိုင်းအတွင်းမှာ သူတို့ လက်မှတ်ထိုးမယ်လို့ ကျနော် ထင်တယ်ပေါ့နော်။”
ဒါကတော့ ဦးခွန်ဆိုင်းက ညနေ ၅ နာရီလောက်က ပြောဆိုထားတာဖြစ်ပါတယ်။ ငြိမ်းချမ်းရေး အကျိုးတော်ဆောင်တဦးကတော့ ၇ နာရီခွဲလောက်မှာ လက်မှတ်ရေးထိုး ဖြစ်မယ်လို့ ပြောပါတယ်။
RCSS နဲ့ မြန်မာအစိုးရကိုယ်စားလှယ်တွေ အရင်ဆွေးနွေးစဉ်က အစိုးရအဖွဲ့ဝင် ၀န်ကြီးတွေနဲ့ အဓိက ဆွေးနွေးခဲ့တာဖြစ်ပါတယ်။ ဒီလို ဆွေးနွေးပြီး အပစ်အခတ်ရပ်စဲဖို့ သဘောတူပြီးတဲ့နောက်မှာ အနည်းဆုံး တိုက်ပွဲ ၁၇ ကြိမ်လောက် ဖြစ်ပွားခဲ့ပါတယ်။
ဒီတခေါက်မှာတော့ ဒုတိယကာကွယ်ရေးဦးစီးချုပ် ဗိုလ်ချုပ်ကြီးစိုးဝင်း ဦးဆောင် တက်ရောက်လာတဲ့အတွက် တပ်ပိုင်းဆိုင်ရာကိစ္စတွေ ဆောင်ရွက်ရာမှာ ပိုပြီး အကောင်အထည် ဖော်ဆောင်နိုင်မယ်လို့ ယုံကြည်ကြောင်း ဦးခွန်ဆိုင်းက ပြောပါတယ်။
“ထူးခြားချက်က ဘာလဲ ဆိုတော့ ဒု ကာကွယ်ရေးဦးစီးချုပ်။ နောက်ပြီးတော့မှ ကာကွယ်ရေးဦးစီးချုပ် ကြည်း အနေနဲ့ လာပြီးတော့မှ တက်ရောက်တယ်။ တိုင်းမှူးတွေ ကိုယ်တိုင်တက်ရောက်တယ်။ အဲတော့ ဆွေးနွေးပွဲ ဒီနေ့က ပိုပြီးတော့မှ ထိရောက်တယ်။ ဒီဆွေးနွေးပွဲမှာ ဆုံးဖြတ်ချက်ရတာတွေ အားလုံးက အထက်ကနေ အောက်ခြေအထိ အကောင်အထည် ဖော်သွားနိုင်လိမ့်မယ်လို့ ယုံကြည်ကြတာပေါ့ဗျာ။”
ဒီကနေ့ ဆွေးနွေးပွဲမှာ မီးရထား ၀န်ကြီး ဦးအောင်မင်း၊ အမှတ် (၂) လျှပ်စစ်ဝန်ကြီး ဦးခင်မောင်စိုး၊ စွမ်းအင်ဝန်ကြီး ဦးသန်းဌေးတို့နဲ့အတူ ရှမ်းပြည်နယ်က စစ်တိုင်းမှူး ၃ ယောက်လည်း ပါဝင်တက်ရောက်ခဲ့တာ ဖြစ်ပါတယ်။
ဆွေးနွေးပွဲအပေါ်မှာတော့ ဦးခွန်ဆိုင်းက အခုလို သုံးသပ်ပါတယ်။
“ဒီကနေ့ ရင်းရင်းနှီးနှီးနဲ့ ပွင့်ပွင့်လင်းလင်း ဆွေးနွေးတာကို ကျနော်တို့ မြင်ရတယ်။ နောက် စိတ်ရှည်လက်ရှည်နဲ့ ဆွေးနွေးတာ ဒီဥစ္စာ အင်မတန်မှ နိမိတ်လက္ခဏာ ကောင်းတယ်လို့ ကျနော်လည်း မြင်ပါတယ်။ ဘယ်အဖွဲ့နဲ့ပဲဖြစ်ဖြစ် ဒီတိုင်းပဲ ဆွေးနွေးသွားမယ်ဆိုရင် နောက်ပိုင်းဆိုရင် ကျနော်တို့ ပြည်ထောင်စုကြီး ငြိမ်းချမ်းရေးရရှိဖို့ရာ အထောက်အကူ ဖြစ်လိမ့်မယ်လို့ ယုံကြည်နိုင်လောက်တယ် ပေါ့ဗျာ။”
RCSS နဲ့ ဒီလို ဆွေးနွေးတဲ့နေ့မှာပဲ မြန်မာအစိုးရက ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီက အကောင်အထည်ဖော် ဆောင်ရွက်ရမယ့် လုပ်ငန်းတာဝန်တွေကို ဒီကနေ့ တရားဝင် ထုတ်ပြန်လိုက်ပါတယ်။
ဒီလုပ်ငန်းတာဝန်တွေမှာတော့ ၂၀၀၉ ခုနှစ်က အပစ်ရပ် လက်နက်ကိုင်အဖွဲ့တွေကို စစ်အစိုးရက တောင်းဆိုခဲ့တဲ့ ပါတီဖွဲ့စည်းပြီး ရွေးကောက်ပွဲဝင်ဖို့နဲ့ တခုတည်းသော လက်နက်ကိုင်အဖွဲ့အဖြစ် အသွင်ပြောင်းဖို့ ဆိုတဲ့အချက်တွေ ပါဝင်နေပါတယ်။ ဒီတောင်းဆိုချက်တွေကြောင့် အရင် အပစ်ရပ်ထားတဲ့ ၀၊ မိုင်းလား၊ ကချင် နဲ့ မွန် လက်နက်ကိုင်တပ်ဖွဲ့တွေနဲ့ စစ်အစိုးရကြားမှာ တင်းမာမှုတွေ ဖြစ်ခဲ့ပါတယ်။ RCSS ကတော့ ဒီအချက်တွေကို လတ်တလောမဆွေးနွေးဖို့ အရင်ဆွေးနွေးပွဲတွေမှာကတည်းက တင်ပြထားတယ်လို့ ဦးခွန်ဆိုင်းက ပြောပါတယ်။
ရှမ်းပြည်တပ်မတော် တောင်ပိုင်းခေါ် RCSS/SSA အဖွဲ့ဟာ ၁၉၉၆ခုနှစ်က ဘိန်းဘုရင်ခွန်ဆာ လက်နက်ချတုန်းက သီးခြားခွဲထွက်ပြီး အစိုးရကို ဆက်လက် တော်လှန်နေတဲ့အဖွဲ့ ဖြစ်ပါတယ်။ အရင်စစ်အစိုးရလက်ထက်က အပစ်အခတ် ရပ်စဲဖို့ သဘောတူညီချက် မရခဲ့ဘဲ သမ္မတဦးသိန်းစိန် ခေါင်းဆောင်တဲ့ အစိုးသစ် လက်ထက်မှာမှ အပစ်အခတ်ရပ်ခဲ့တာလည်း ဖြစ်ပါတယ်။
အခု နောက်ဆုံးရတဲ့သတင်းအရတော့ သဘောတူညီချက်တွေကို ၇ နာရီခွဲလောက်က လက်မှတ် ရေးထိုးခဲ့ကြပါတယ်။ မြန်မာအစိုးရဘက်က ဒုတိယ ကာကွယ်ရေးဦးစီးချုပ် ဗိုလ်ချုပ်ကြီး စိုးဝင်း၊ ၀န်ကြီးတချို့နဲ့ တိုင်းမှူးတွေ ပါဝင် လက်မှတ်ရေးထိုးခဲ့ကြသလို SSA ဘက်ကတော့ ဒုဗိုလ်ချုပ်ကြီး ယွတ်ဆစ် ဦးဆောင်တဲ့ ခေါင်းဆောင်တွေ ပါဝင်ပြီး လက်မှတ်ရေးထိုးခဲ့ကြတာ ဖြစ်ပါတယ်။

ကချင်စစ်ပြေးဒုက္ခသည်များအတွက် ထားဝယ်ဒေသအလှူ

တနင်္သာရီတိုင်း ထားဝယ်မြို့နယ် ဒေသခံတွေက ကချင်ပြည်နယ်ထဲက စစ်ပြေးဒုက္ခသည်တွေ အတွက် စာနာမှု အကူအညီအဖြစ် ကျပ်ငွေ ၂၈ သိန်းကို ၈၈ မျိုးဆက်ကျောင်းသားများအဖွဲ့ကို လွှဲပြောင်း ပေးအပ်လိုက်တယ်လို့ သတင်းရရှိပါတယ်။
ဒါ့အပြင် ၈၈ မျိုးဆက်ကျောင်းသားများအဖွဲ့ကလည်း ထားဝယ်မြို့ခံပြည်သူ တစ်ထောင်လောက်နဲ့ ဒီနေ့ တွေ့ဆုံခဲ့ပြီး ငြိမ်းချမ်းရေးနဲ့ ပွင့်လင်းလူ့အဖွဲ့အစည်း ပေါ်ပေါက်ရေး ဟောပြော ဆွေးနွေးခဲ့တယ် လို့ ၈၈ မျိုးဆက်ကျောင်းသား ခေါင်းဆောင်တစ်ဦး ဖြစ်တဲ့ ကိုပြုံးချိုက
"ကချင်ဒေသက ဒုက္ခသည်တွေအတွက် မြောက်ဘက်နဲ့ တောင်ဘက် ဘယ်လောက်ပဲ ဝေးဝေး သူတို့ စိတ်မချမ်းသာဘူးပေါ့နော်။ ဒီလိုတွေ ဖြစ်နေတာကို။ အခုအချိန်မှာ ဆိုလို့ရှိရင် စားရေးသောက်ရေး၊ နေရေးထိုင်ရေး အခက်အခဲတွေ၊ မိုးကျလာတော့ဗျာ။ အမိုးအကာတွေ မရှိကြဘူး။ အကူအညီတွေလိုမယ်ဆိုတာ သူတို့ သိတယ်။ အဲဒါကြောင့်မို့လို့ သူတို့ ဒေသထဲမှာ ရှိတဲ့ ပြည်သူလူထုတွေ ပေါင်းပြီးတော့ စုပေါင်းထည့်လှူငွေ အားလုံးပေါင်းလိုက်ရင် ၂၈ သိန်း ကျော်ကျော် ရတယ်။ အဲဒါကို ကျွန်တော်တို့ကနေတဆင့် ဟိုဘက်ကို သွားလှူပေးဖို့ အကူအညီတောင်းထားတယ်။"
ထားဝယ်ရေနက်ဆိပ်ကမ်းနဲ့ စက်မှုဇုန် စီမံကိန်းနေရာမှာ မြေယာ အသိမ်းခံရမှုတွေနဲ့ ပတ်သက်ပြီး အကောင်းဆုံး အဖြေရနိုင်မယ့် အလုပ်ရုံ ဆွေးနွေးပွဲတွေ ဆက်လက်ပြုလုပ်ဖို့ကိုလည်း ကြိုးစားပေးခဲ့တယ်လို့ ကိုပြုံးချိုက ပြောပါတယ်။သူတို့ ၈၈ မျိုးဆက်ကျောင်းသားများ အဖွဲ့က အဲဒီဖြစ်ရပ်တွေ စုဆောင်း ရယူနိုင်ခဲ့သလို၊ ဒီကိစ္စကို အစီရင်ခံစာတစောင် ထုတ်ပြန်နိုင်ဖို့ ကြိုးစားမယ်လို့ သိရပါတယ်။

မြန်မာ့ ပြုပြင်ပြောင်းလဲရေး ကမ္ဘာ့နိုင်ငံကြီးများ ၀ိုင်းကူမည်

မြန်မာနိုင်ငံရဲ့ နိုင်ငံရေး ပြုပြင်ပြောင်းလဲမှုတွေအပေါ် ကမ္ဘာ့အင်အားကြီးနိုင်ငံတွေက တတ်နိုင်သမျှ ၀ိုင်းဝန်းပံ့ပိုး ကူညီသွားကြမှာဖြစ်ကြောင်း အမေရိကန်သမ္မတ အိုဘားမားက စနေနေ့က ပြောလိုက်ပါတယ်။
G8 ခေါ် အင်အားကြီး (၈) နိုင်ငံ ဆွေးနွေးပွဲမှာ သမ္မတ အိုဘားမားက ပြောဆိုလိုက်တာပါ။ မြန်မာနိုင်ငံရဲ့ ပြုပြင်ပြောင်းလဲမှု လုပ်ငန်းစဉ်တွေဟာ ရှေ့ကို ဆက်သွားနေလိမ့်မယ်လို့ မိမိတို့ မျှော်လင့်ထားကြောင်း၊ အဲဒီ လုပ်ငန်းစဉ်ကိုလည်း မိမိတို့က တတ်နိုင်သမျှ အားပေးကူညီသွားမှာ ဖြစ်ကြောင်းလည်း ပြောကြားခဲ့ပါတယ်။
အင်အားကြီး (၈) နိုင်ငံ ခေါင်းဆောင်တွေကလည်း သမ္မတ ဦးသိန်းစိန်နဲ့ ဒီမိုကရေစီခေါင်းဆောင် ဒေါ်အောင်ဆန်းစုကြည်တို့ရဲ့ မြန်မာပြည် ဒီမိုကရေစီ ပြုပြင်ပြောင်းလဲရေး အားထုတ်ချက်တွေကို ပြောစမှတ် ပြုလောက်တဲ့ စွမ်းဆောင်ချက်တွေအဖြစ် ချီးကျူး ထောပနာပြုလိုက်ကြပါတယ်။
မြန်မာပြည် အပြောင်းအလဲတွေ ရေရှည်တည်တံ့ခိုင်မြဲနေဖို့ လိုအပ်တယ်ဆိုတာ မိမိတို့ အသိအမှတ်ပြုကြောင်း၊ လက်ရှိ အားထုတ်မှုတွေ အထူးသဖြင့် တိုင်းရင်သားဒေသတွေမှာ ငြိမ်းချမ်းမှုရှိရေး၊ အမျိုးသားပြန်လည် သင့်မြတ်ရေး၊ ဒီမိုကရေစီ အခြေကျ အမြစ်တွယ်ရေး ဆောင်ရွက်မှုတွေအပေါ် မိမိတို့ အားပေးကူညီသွားဖို့ ကတိပြုကြောင်း ပူးတွဲကြေညာချက် ထုတ်ပြန်ခဲ့ကြပါတယ်။

ရန်ကုန်တက္ကသိုလ် ဂုဏ်သိက္ခာ ပြန်လည်တည်ဆောက်ရေး သမ္မတ အကြံပေးရဲ့ အိတ်ဖွင့်ပေးစာ

ရန်ကုန်တက္ကသိုလ်ရဲ့ အစဉ်အလာ ဂုဏ်သိက္ခာကို ပြန်လည်တည်ဆောက်ရေး အတွက် Myanmar Development Resource Institute- MDRI မြန်မာ့ဖွံ့ဖြိုး တိုးတက်ရေး အရင်းအမြစ် အဖွဲ့အစည်း ခေါင်းဆောင်လည်းဖြစ် နိုင်ငံတော် သမ္မတရဲ့စီးပွားရေး အကြံပေးလည်း ဖြစ်တဲ့ ဦးမြင့်က ပြည်သူသို့ အိတ်ဖွင့်ပေးစာ တစ်စောင် ဒီနေ့ ဖြန့်ချိလိုက်ပါတယ်။
ပညာရေးကဏ္ဍ လိုအပ်ချက် အတွက် ရန်ကုန် တက္ကသိုလ်ရဲ့ အစဉ်အလာ ဂုဏ်သိက္ခာကို ပြန်လည်တည်ဆောက်ရေး အတွက် စဉ်းစားကြဖို့ စာမှာ အဆိုပြုထားတာပါ။
ရန်ကုန်တက္ကသိုလ် ဆိုတာ ပြည်သူတရပ်လုံးက ပိုင်ဆိုင်တဲ့ အမျိုးအသား အမွေအနှစ်ဖြစ်တဲ့ အကြောင်း၊ တက္ကသိုလ် သမိုင်းဦးကာလမှာ အာရှတိုက်က အကောင်းဆုံး၊ အကြီးအကျယ်ဆုံး တက္ကသိုလ်တွေထဲက တစ်ခု ဖြစ်တဲ့အကြောင်း၊ အရင်က ရှိခဲ့တဲ့ ဂုဏ်ရောင်တွေနဲ့ အသွေးအရောင်စုံတွေ လွင့်ပြယ်ခဲ့ရတဲ့ အကြောင်းတွေကို ပေးစာမှာ ဖော်ပြထားပါတယ်။
ရန်ကုန်တက္ကသိုလ် ပင်မ၀င်းထဲက စာသင်ခန်းတွေမှာ ဘွဲ့ကြို၊ ဘွဲ့လွန် ပုံမှန်အတန်းတွေ ပြန်သင်ကြားဖို့၊ ၁၉၉၀ ပြည့်နှစ်ပိုင်းတွေက စပြီး ကျောင်းသူ ကျောင်းသားတွေ ကင်းမဲ့သွားတဲ့ အဆောင်တွေမှာ အဆောင်သူ အဆောင်သားတွေ ပြန်ထားဖို့ ကိုလည်း ရေးထားပါတယ်။
ရန်ကုန်တက္ကသိုလ်မှာ စာပြန်သင်နိုင်အောင် အဲဒီလို အဆိုပြုထားတဲ့အပြင် တက္ကသိုလ်ရဲ့သမိုင်း၊ လက်ရှိတက္ကသိုလ်ရဲ့ အခြေအနေတွေကို ပြောဆိုရေးသား တင်ပြပေးဖို့နဲ့ ရန်ကုန်တက္ကသိုလ်ကို အရင်က ဂုဏ်သိက္ခာမျိုး ပြန်ရရှိဖို့ လုပ်ငန်းစီမံကိန်း ရေးဆွဲ အကောင်အထည်ဖော်ရေး အကြံပြုကြဖို့လည်း တင်ပြထားပါတယ်။
ဒီလို အရင်က ဂုဏ်သိက္ခာ အတိုင်း ပြန်တည်ဆောက်ဖို့ ကျောင်းသားသမဂ္ဂ အဆောက်အဦ ပြန်တည်ဆောက်ရေးကိုလည်း ဦးမြင့်ရဲ့ ပေးစာမှာ ရေးသားထားပါတယ်။

တောင်ကြီးခရိုင် ရွာငံမြို့နယ်မှာ ၀က်သက်ရောဂါ ဖြစ်ပွား

ရှမ်းပြည်နယ်တောင်ပိုင်း တောင်ကြီးခရိုင် ရွာငံမြို့နယ်အတွင်းမှာ အသက် ၂၀ အထက်ဝန်းကျင် လူငယ်အတော်များများ ဖျားနာရာကနေပြီး အဖုအပိန့်တွေထွက်ခါ ၀က်သက်ရောဂါတွေ ဖြစ်ပွားနေကြတယ်လို့ သိရပါတယ်။
အခုလဆန်းပိုင်းကတည်းက ရောဂါဖြစ်ပွားနေတာလို့ သိရပြီး အခုရက်ပိုင်း အတွင်းမှာတော့ မြို့ပေါ်ရပ်ကွက်တွေအပြင် ကျေးရွာတွေမှာပါ အများအပြား ဖြစ်ပွားလာနေတာဖြစ်တယ်လို့ သိရပါတယ်။  ရောဂါဖြစ်ပွားသူတွေ အတွက် ဆေးဝါး အကူအညီပေးဖို့ စီစဉ်နေတဲ့ တောင်ကြီးမြို့နယ် အမျိုးသားဒီမိုကရေစီ အဖွဲ့ချူပ်က ရှေ့နေ ဒေါ်ခင်မိုးမိုး က ရွာငံမြို့နယ်ထဲမှာ ၁၅ ရက်နေ့လောက်ကနေ စတင် ပြန့်နှံ့ပြီး ဆေးရုံမှာ လူမဆံ့တော့တဲ့ အခြေအနေ  ရှိတယ်လို့  ပြောပါတယ်။

စစ်တပ်ကိုယ်စားလှယ် မပါသည့် လွှတ်တော် ဖြစ်ရန်၊ လူထု ကိုယ်စားပြု လွှတ်တော် ဖြစ်ရန် အချိန်စောသေးကြောင်းနှင့် စစ်တပ် တွင်း၌လည်း ဒီမိုကရေစီ ရှိကြောင်း ဗြိတိန်နိုင်ငံသို့ ရောက်ရှိနေသော ပြည်သူ့ လွှတ်တော် ဥက္ကဌ ဦးရွှေမန်းက ပြောဆိုလိုက် သည်။ ထို့အပြင် အခြေခံ ဥပဒေကို ပြင်ဆင်ရန် ပြဌာန်းထားသော ဥပဒေများလည်း ရှိထားပြီးဖြစ်၍ အကြောင်းညီညွတ်လျှင် ပြင် ဆင်နိုင်သော အနေအထားရှိသည်ဟု ဦးရွှေမန်းက လန်ဒန်မြို့၌ ဘီဘီစီ နှင့် တွေ့ဆုံမေးမြန်းခန်းတွင် ပြောဆိုသွားသည်။ ဦးရွှေမန်း သည် ဥရောပ ပါလီမန်များကို လေ့လာရန် ရောက်ရှိနေခြင်းဖြစ်ပြီး မေလ အစောပိုင်းတွင် ဂျမနီ၊ ဘယ်လ်ဂျီယန်၊ နော်ဝေ စသည့် နိုင်ငံများသို့ သွားရောက်ခဲ့သည်။

အိန္ဒိယ ၀န်ကြီးချုပ် မန်မိုဟန်ဆင်းသည် လာမည့် မေ၂၇ ရက်တွင် မြန်မာနိုင်ငံသို့ ၃ ရက်ကြာ ခရီးစဉ် စတင် သွားရောက်မည် ဖြစ် ကြောင်း သိရသည်။ ၎င်း၏ ခရီးစဉ်အတွင်း ဒေါ်အောင်ဆန်းစုကြည်၊ သမ္မတ ဦးသိန်းစိန်တို့ နှင့် တွေ့ဆုံမည် ဖြစ်ပြီး ၂ နိုင်ငံ ကုန်သွယ်ရေးနှင့် စီးပွားရေး ဆိုင်ရာများကို ဆွေးနွေးရန် ရှိကြောင်း အိန္ဒိယ နိုင်ငံခြားရေး ၀န်ကြီးဌာနက ပြောသည်။

ထိုင်းနိုင်ငံတွင် ရောက်ရှိ အလုပ်လုပ်ကိုင်နေသော မြန်မာ အလုပ်သမားများအရေးအတွက် နှစ်နိုင်ငံ တာဝန်ရှိသူများ ရှမ်းပြည်နယ် ညောရွှေမြို့နယ် အင်းလေး ဒေသတွင် ရွှေနန်းတော် ဟိုတယ်၌ မေ လ ၁၅ ရက်မှ ၁၇ ရက်အထိ ၃ ရက်ကြာ တွေ့ဆုံဆွေးနွေးကြ သည်။ ယင်းဆွေးနွေးပွဲသည် ၁၁ ကြိမ်မြောက်ဖြစ်ပြီး မြန်မာအလုပ်သမားများအတွက် အထောက်အထားများ ထုတ်ပေးရေး၊ ကောက်ခံငွေ များ အနည်းဆုံး လျှော့ချပေးရေး၊ အကာအကွယ်ပေးရေ၊ အလုပ်သမား သစ်များ စေလွှတ်ရေး၊ အလုပ်သမားများ၏ သားသမီးများအတွက် အထောက်အထားများ ထုတ်ပေးရေးနှင့် ပညာသင်ကြားရေး များကို အဓိက ဆွေးနွေးကြကြောင်း သိရသည်။

ကားတင်သွင်းရန် ဘဏ်စာရင်းဖွင့်သူများပြား

ကားတင်သွင်းရန်အတွက် မြန်မာ့ နိုင်ငံခြား ကုန်သွယ်မှုဘဏ်နှင့် မြန်မာ့ရင်းနှီးမြုပ်နှံမှုနှင့် ကူးသန်းရောင်းဝယ်ရေး ဘဏ်တို့တွင် နိုင်ငံခြားငွေ စာရင်းသစ် လက်ခံဖွင့်လှစ်ပေးလျက်ရှိရာ ယခုရက်ပိုင်းအတွင်း ငွေစာရင်းသစ် ဖွင့်လှစ်သူများပြားလျက် ရှိသည်။နိုင်ငံသားတိုင်း နိုင်ငံခြားငွေစာရင်း ဖွင့်လှစ်ကာ ၂၀၀၇ ခုနှစ်မော်ဒယ်အထက် ကားများ ဘတ်စ်ကားမှ အပ တင်သွင်းခွင့် ပြုကြောင်း မေလ ၇ ရက်နေ့က ကြေညာချက် ထုတ်ပြန်ပြီးနောက်ပိုင်း နိုင်ငံခြား ဘဏ်စာရင်း ဖွင့်လှစ်နိုင်သော မြန်မာ့ နိုင်ငံခြား ကုန်သွယ်မှုဘဏ်နှင့် မြန်မာ့ရင်းနှီးမြုပ်နှံမှုနှင့် ကူးသန်းရောင်းဝယ်ရေး ဘဏ်တို့တွင် ငွေစာရင်းသစ် ဖွင့်လှစ်သူများအတွက် လွန်ခဲ့သော အပတ်က အခက်အခဲ ရှိခဲ့သော်လည်း ယခုအပတ်အတွင်း ငွေစာရင်းသစ် ဖွင့်လှစ်ပေးမှုများ ဆောင်ရွက်ပေးလျက်ရှိသည်။

သေမင်းတမန်ရထားလမ်း ပြန်ဖောက်မည်ဟု ဝန်ကြီးပြောဆို

မွန်ပြည်နယ် သံဖြူဇရပ်မြို့နှင့် ထိုင်း-မြန်မာနယ်စပ် ဘုရားသုံးဆူမြို့သို့ ဆက်သွယ်ထားသော သေမင်းတမန် ရထားလမ်း ဟောင်းကို ပြန်လည်ဖောက်လုပ်သွားမည်ဟု မီးရထားဝန်ကြီးဦးအောင်မင်း က ယခုလ ၁၅ ရက်နေ့က ဘုရားသုံးဆူမြို့တွင် ပြုလုပ်သော ကရင်အမျိုးသား အစည်းအရုံး(KNU) ဆက်ဆံရေးရုံးဖွင့်ပွဲတွင် ပြောဆိုခဲ့ကြောင်း သိရသည်။

ရန်ကုန်မြို့ ကားကျပ်မှုပြဿနာကို ဖြေရှင်းနိုင်ရန် အနည်းဆုံး အချိန်တစ်နှစ်ကြာဦးမည်

ယခင်နှစ်ကထက် အချိန်ကြာမြင့်စွာ ယာဉ်ကြောပိတ်ဆို့မှု ဖြစ်ပေါ်နေသည့် ရန်ကုန်မြို့ကားကျပ်မှုကို ဖြေရှင်းရန် အနည်းဆုံး အချိန်တစ်နှစ် ထပ်မံကြာမြင့်ဦးမည်ဟု တရားဝင်ထုတ်ပြန်ချက်များ၊ လက်ရှိကားအစီးရေ တိုးနှုန်းနှင့် ကားမူဝါဒသစ်များအပေါ် အခြေခံ၍ လေ့လာသူများ က ပြောကြားခဲ့သည်။
ရန်ကုန်မြို့တော် စည်ပင်သာယာရေး ကော်မတီမှ တာဝန်ရှိသူများက လှည်းတန်းခုံးကျော် တစ်ခုတည်း တည်ဆောက်မှုပင် အချိန်တစ်နှစ်ကြာမည် ဟု ခန့်မှန်းထားကြောင်း တရားဝင် ထုတ်ဖော်ပြောကြားခဲ့သည်။

လက်ရှိကားတင်သွင်းမှု မူဝါဒသစ်အရလည်း ကားများ များစွာဝင်ရောက်လာမည့် အခြေအနေ၊ ကားကြပ်မှုကို ပိုမိုဖြစ်ပေါ်စေသည့် မိုးတွင်းကာလရောက်ရှိတော့မည့် အခြေအနေ၊ အဆိုပါအခြေအနေကို ဖြေရှင်းမည့် ခုံးကျော်နှင့် လမ်းချဲ့ထွင်မှုမှာလည်း အချိန်များစွာ ယူရဦးမည့် အခြေအနေများ အတိုင်းဆိုလျှင် ယခုမိုးတွင်းကာလ၌ ရန်ကုန်မြို့နေ ပြည်သူများ ယာဉ်ကြောပိတ်ဆို့မှုကို ဆိုးရွားစွာခံစား ရမည်ဟု သုံးသပ်ကြသည်။

အရေးပေါ် လျှပ်စစ်ဓာတ်အားပြတ်တောက်မှုများ ဖြစ်ပေါ်လာပါက ရန်ကုန်မြို့ရှိ လူစည်ကားရာ နေရာ ၈ နေရာတွင် လုံခြုံရေး မီးပေးနိုင်ရန် မီးစက်များထားရှိ

အရေးပေါ် လျှပ်စစ်ဓာတ်အားပြတ်တောက်မှုများ ဖြစ်ပေါ်လာပါက ရန်ကုန်မြို့ရှိ လူစည်ကားရာ နေရာ ၈ နေရာတွင် လုံခြုံရေး မီး၊ လမ်းမီးများပေးနိုင်ရန် မီးစက်များထားရှိပြီး ဖြစ်ကြောင်း ရန်ကုန်မြို့တော် လျှပ်စစ် ဓာတ်အားပေးရေး အဖွဲ့မှ ဥက္ကဌ ဦးအောင်ခိုင်က မေလ ၁၉ ရက်နေ့က ရန်ကုန်မြို့တော် လျှပ်စစ်ဓာတ်အားပေးရေးအဖွဲ့ အစည်းအဝေးခန်းမတွင် ပြုလုပ်သည့် မီဒီယာတွေ့ဆုံပွဲတွင်
ရန်ကုန်မြိုရှိ အရေးကြီးနေရာများကို အုပ်စုသီးခြားသတ်မှတ်ကာ လျှပ်စစ်မီး ပေးသွားမည်ဖြစ်သော်လည်း လူစည်ကားရာနေရာများတွင် အရေးပေါ် လျှပ်စစ်မီးပြတ်တောက်မှုများ ဖြစ်ပေါ်လာပါက ချက်ချင်းမီးပြန်ပေးနိုင်ရန် မီးစက်ကြီးများကို ထားရှိစီစဉ်ရခြင်းဖြစ်ကြောင်း ၎င်းက ထပ်မံပြောကြားခဲ့သည်။