မြန်မာသတင်းများ မေလ ၀၈ ရက် ၂၀၁၂ ခုနှစ်

ဆေးရွက်ကြီးပါသည့် ကွမ်းစားသုံးမှု အများဆုံးနိုင်ငံများတွင် မြန်မာနိုင်ငံသည် ထိပ်ဆုံး၌ ရပ်တည်နေကြောင်း ကမ္ဘာ့ကျန်းမာရေး အဖွဲ့၏ စစ်တမ်းအရ သိရ
 
ဆေးရွက်ကြီးပါဝင်သည့် ကွမ်းစားသုံးမှု အများဆုံးနိုင်ငံများတွင် မြန်မာနိုင်ငံသည် ပထမနေရာ၌ ရပ်တည်နေကြောင်း ကမ္ဘာ့ကျန်းမာရေး အဖွဲ့မှ ကောက်ယူထားသည့် စစ်တမ်းများအရ သိရသည်။
ကွမ်းစားသုံးမှုနှုန်း မြင့်မားသည့် နိုင်ငံများဖြစ်သည့် အိန္ဒိယ၊ ဘင်္ဂလားဒေ့ရှ်၊ နီပေါ စသည့် နိုင်ငံများထက် မြန်မာနိုင်ငံ၏ ကွမ်းစားသုံးမှုနှုန်းမှာ ပိုမိုမြင့်မားနေကြောင်းနှင့် အမျိုးသားများ သာမက အမျိုးသမီးများတွင်လည်း စားသုံးမှုနှုန်း များလာကြောင်း သိရသည်။
ကမ္ဘာ့ကျန်းမာရေးအဖွဲ့တွင် ရရှိထားသည့် စာရင်းများအရမှ ကွမ်းစားသုံးမှု အများဆုံးဖြစ်သည့် နိုင်ငံ ခြောက်နိုင်ငံတွင် မြန်မာအမျိုးသားများ၏ ကွမ်းစားသုံးမှုနှုန်းမှာ ၅၁ ဒသမ ၄ ရာခိုင်နှုန်းဖြင့် ပထမနေရာ တွင်ရှိနေပြီး အိန္ဒိယအမျိုးသားများတွင် စားသုံးမှုနှုန်းမှာ ၃၂ ဒသမ ၉ ရာခိုင်နှုန်း၊ နီပေါအမျိုးသားများတွင် ၃၁ ဒသမ ၂ ရာခိုင်နှုန်း၊ ဘင်္ဂလားဒေ့ရှ် အမျိုးသားများတွင် ၂၆ ဒသမ ၄ရာခိုင်နှုန်း၊ ဆရီလင်္ကာ အမျိုးသားများတွင် ၂၄ဒသမ၉ ရာခိုင်နှုန်းနှင့် ထိုင်းအမျိုးသားများတွင် ၁ ဒသမ၃ ရာခိုင်နှုန်းတို့ အသီးသီးရှိကြောင်း သိရသည်။

မြန်မာနိုင်ငံတွင် ဆေးရွက်ကြီး ပါဝင်သည့် ကွမ်းစားသုံးမှုနှုန်းမှာ ၈၃ ဒသမ ၃ ရာခိုင်နှုန်း၊ ထုံးဖြူသီး သန့်ပါဝင်သည့် ကွမ်းစားသုံးမှုနှုန်း မှာ ၂ ဒသမ ၂ ရာခိုင်နှုန်း၊ အိန္ဒိယ နိုင်ငံထုတ် ဆေးပေါင်းများ ပါဝင်သည့် ကွမ်းစားသုံးမှုနှုန်းမှာ ၈ ဒသမ ၀ ရာ ခိုင်နှုန်း၊ အခြားစားသုံးမှုနှုန်းမှာ ၆ဒ သမ၅ ရာခိုင်နှုန်းတို့ဖြစ်ကြောင်း သိရသည်။ မြန်မာနိုင်ငံရှိ အမျိုးသားနှင့် အမျိုးသမီးများတွင် ဆေးရွက်ကြီးပါသည့် ကွမ်းစားသုံးမှုနှုန်းကို စစ်တမ်း ကောက်ယူခဲ့ရာ အသက်၁၅နှစ်မှ၆၄ နှစ်အတွင်းရှိအမျိုးသားများတွင် နေ့ စဉ်စားသုံးမှုမှာ ၃၇ ဒသမ ၇ ရာခိုင် နှုန်း၊ တစ်ခါတစ်ရံစားသုံးမှုမှာ ၁၃ ဒသမ ၇ ရာခိုင်နှုန်းနှင့် လုံးဝစားသုံး မှုမရှိသူမှာ ၄၈ ဒသမ ၆ ရာခိုင်နှုန်း တို့ဖြစ်ကြောင်း၊ အမျိုးသမီးများတွင် ဆေးရွက်ကြီးပါသည့် ကွမ်းနေ့စဉ် စားသုံးမှုနှုန်းမှာ ၁၂ ဒသမ ၂ ရာ ခိုင်နှုန်း၊ တစ်ခါတစ်ရံ စားသုံးမှုမှာ ၃ ဒသမ ၉ ရာခိုင်နှုန်းနှင့် လုံးဝစားသုံးမှုမရှိသူမှာ ၈၃ ဒသမ ၉ ရာခိုင်နှုန်းတို့ အသီးသီးရှိကြောင်း သိရသည်။

 

အမျိုးသမီးများအပေါ် အကြမ်းဖက်မှုရပ်တန့်ဖို့ ဒေါ်စုတိုက်တွန်း

အကြောက်တရားတွေ၊ ချိုးနှိမ်မှုတွေကို ဖြစ်ပေါ်စေတဲ့ အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှုတွေ ရပ်တန့်အောင် ဆောင်ရွက်ခြင်းအားဖြင့် ကမ္ဘာတ၀ှမ်းက အမျိုးသမီးအားလုံးအတွက် ငြိမ်းချမ်းမှုနဲ့ ပျှော်ရွှင်မှုတွေကို ဆောင်ကြဉ်းကြဖို့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က တိုက်တွန်းလိုက်ပါတယ်။ ကနေဒါနိုင်ငံအခြေစိုက် Nobel Women’s Initiative အဖွဲ့က ဦးဆောင် လှုပ်ရှားတဲ့ အမျိုးသမီးတွေအပေါ် လိင်ပိုင်းဆိုင်ရာ မတရားပြုကျင့်မှုတွေ အဆုံးသတ်ရေး နိုင်ငံတကာ လှုပ်ရှားမှုကို ပေးပို့တဲ့ ဗွီဒီယိုမိန့်ခွန်းမှာ တိုက်တွန်း ပြောဆိုသွားတယ်လို့သိရပါတယ်။

မြစ်ဆုံဆည် ပြန်ဆောက်ရေး CPI စည်းရုံးရေး ဗီဒီယို မြန်မာပြန်ထွက်ရှိ

မြန်မာ ပြည်သူအများက ကန့်ကွက်ခြင်းခံရသည့် မြစ်ဆုံရေကာတာ စီမံကိန်းနှင့် ပတ်သက်၍
ဒေသခံများအား တရုတ်နိုင်ငံ ရင်းနှီးမြှုပ်နှံမှုကော်ပိုရေးရှင်း CPI မှ စည်းရုံးပြောကြားချက် ဗီဒီယို မှတ်တမ်းတခုကို ကချင်လူမှုဖွံ့ဖြိုးရေးကွန်ယက်အဖွဲ့ KDNG က မြန်မာဘာသာသို့ ပြန်ဆိုကာ တနင်္လာနေ့က ဖြန့်ချိလိုက်သည်။

ဧပြီလ ၁၈ ရက်နေ့က အောင်မြင်သာ ကျေးရွာရှိ ဒေသခံအချို့နှင့် CPI ကုမ္ပဏီ တွေ့ဆုံမှု ဗီဒီယိုမှတ်တမ်းမှ CPI အရာရှိ LU Qizhou တရုတ်ဘာသာဖြင့် ပြောဆိုမှုကို မြန်မာဘာသာ ပြန်ဆိုပေးထားခြင်း ဖြစ်သည်။

“မြစ်ဆုံစီမံကိန်း ဆောင်ရွက်မယ်ဆိုလို့ရှိရင် ဒီရွာမှာ အကျိုးအရရှိဆုံးပေါ့။ ဒီ မြန်မာနိုင်ငံဟာ အကျိုးအရရှိဆုံးနိုင်ငံဖြစ်လာမယ်ဗျ။ အခုကျနော်တို့ စီမံကိန်း ဆိုင်းငံ့တဲ့အတွက် အစစအရာရာ အဆင်မပြေဘူး ဖြစ်လာတယ်။ နောက်ပိုင်း ဒီစီမံကိန်း ပြန်စမယ်။ အကုန်လုံး ကောင်းကောင်းမွန်မွန်ဖြစ်လာမယ်။ စီမံကိန်း အကောင်အထည် ဖော်တဲ့အချိန် ဒီရွာထဲမှာ ရှိတဲ့ ရွာသားတွေရော အကုန်လုံး Site ထဲ ဝင်သွားလို့ ရပါတယ်။ ပြီးရင် လူဦးရေ နှစ်သောင်းကျော်ကျော် က ဘေးနားမှာ ဆိုင်ဖွင့်လို့ ရပါတယ်။ စီမံကိန်းထဲမှာ စီးပွားရေးလုပ်လို့ ရတယ်။ နောက်ပိုင်း ဒီစီမံကိန်းပြီးရင် စက်ရုံထဲမှာ အလုပ်လုပ်လို့ ရမယ်” ဟု LU Qizhou ၏ အပြောကို စကားပြန်က ဘာသာပြန်ပေးထားသည်။

ထို့ပြင် “မြစ်ဆုံရေကာတာ ဆောက်လုပ်ရေးဟာ လုံးဝစိတ်ချရပါတယ်လို့ ဒီနေရာမှာ အာမခံပါတယ်”ဟု CPI အရာရှိက ထပ်မံ ပြောဆိုသွားသည်။

DKBA နဲ့ အစိုးရကြား တင်းမာမှု KNU ကြားဝင် စေ့စပ်ဖို့ ကမ်းလှမ်း

ထိုင်းမြန်မာ နယ်စပ်မှာ လက်နက်ကိုင် ပဋိပက္ခတွေ ပေါ်ပေါက်လာမယ့် အရေးကို ကြားဝင်ဖြေရှင်းပေးဖို့ အတွက် ကရင် အမျိုးသား အစည်းအရုံး ကေအန်ယူ (KNU) ဘက်က ဖြေရှင်းပေးဖို့ အဆင့်သင့်ရှိပါတယ် လို့ ကမ်းလှမ်းလိုက်ပါတယ်။ လက်နက်ကိုင် ကရင်ဗုဒ္ဓဘာသာ တပ်မတော် ဒီကေဘီအေ (DKBA) တပ်မဟာ (၅) က ခေါင်းဆောင်တွေကို ထိုင်းနဲ့ မြန်မာ အာဏာ ပိုင်တွေက မူးယစ်ဆေးဝါး မှောင်ခိုမှု စွပ်စွဲချက်တွေ နဲ့ အလိုရှိကြောင်း ကြေငြာခဲ့ပြီးတဲ့ နောက်မှာ တင်းမာမှု တွေကလည်း ကြီးထွားလာခဲ့တာပါ။
ထိုင်း အစိုးရ က တိုးတက်သော ကရင် ဗုဒ္ဓဘာသာ အဖွဲ့ ဒီကေဘီအေ (DKBA) ရဲ့ ခေါင်းဆောင်တစ်ဦး ဖြစ်တဲ့ ဗိုလ်ချုပ် နှုတ်ခမ်းမွှေးလို့ လူသိများတဲ့ ဗိုလ်ချုပ် စောလားပွယ် ကို မူးယစ်ဆေးဝါးမှာ ပါဝင် ပတ်သက်နေမှု နဲ့ ဘတ်ငွေ တစ်သန်း ဆုကြေးငွေ ပေးပြီး အလိုရှိကြောင်း ထုတ်ပြန်ခဲ့ပါတယ်။ အဲဒီ နောက်ပိုင်း ထိုင်း မြန်မာ နယ်စပ်မှာ သွားရေး လာရေး ကိစ္စတွေ တင်းမာမှု တွေ ဖြစ်ပေါ်လာခဲ့ပါတယ်။ ဗိုလ်ချုပ် စောလားပွယ် ဘက် ကလည်း မူးယစ်ဆေးဝါး ကိစ္စနဲ့ ပတ်သက်ပြီး ငြင်းပယ်နေသလို ထိုင်းဘက် ကလည်း သူတို့မှာ အခိုင်အလုံ သက်သေတွေ ရှိတယ် ဆိုပြီး ပြောဆိုနေတာပါ။ နှစ်ဘက် စလုံးက လက်ခံမယ် ဆိုရင် အမှန် အတိုင်း ဖြစ်အောင်လို့ ကေအန်ယူ ဘက်ကနေ ဝင်ရောက် ဖြေရှင်းပေးဖို့ ဆန္ဒ ရှိတဲ့ အကြောင်း ကေအန်ယူ ရဲ့ ထိပ်တန်း ခေါင်းဆောင် တစ်ဦး ဖြစ်တဲ့ ဗိုလ်မှူး စောလငွေ က ပြောပါတယ်လို့သိရပါတယ်။

အစိုးရ ငြိမ်းချမ်းရေး ကိုယ်စားလှယ်အဖွဲ့နဲ့ ချင်းအမျိုးသားတပ်ဦး သဘောတူညီချက်ရ

ဝန်ကြီး ဦးအောင်မင်း ဦးဆောင်တဲ့ ပြည်ထောင်စုအဆင့် အစိုးရ ငြိမ်းချမ်းရေး ကိုယ်စားလှယ်အဖွဲ့နဲ့ ဒေါက်တာ ရွှေခါး ဦးဆောင်တဲ့ CNF ချင်းအမျိုးသားတပ်ဦးတို့ဟာ ဒီကနေ့ ဒုတိယအကြိမ်မြောက် တွေ့ဆုံဆွေးနွေးခဲ့ကြပြီး အချက် (၁၆) ကို သဘောတူညီမှု ရရှိခဲ့ကြပါတယ်။ဒီဆွေးနွေးပွဲကို ချင်းပြည်နယ် ဟားခါးမြို့ ပြည်ထောင်စုရိပ်သာမှာ ကျင်းပခဲ့တာ ဖြစ်ပါတယ်။ ဒီကနေ့ နှစ်ဘက် သဘောတူညီချက်တွေအရ CNF နဲ့ အစိုးရအဖွဲ့တို့အကြား ငြိမ်းချမ်းရေးကိစ္စတွေ အားလုံးနီးပါး ပြေလည်မှု ရရှိသွားပြီလို့ အစိုးရငြိမ်းချမ်းရေး ဖော်ဆောင်ရေးအဖွဲ့ဝင် ပြည်ထောင်စု သစ်တောဝန်ကြီး ဦးဝင်းထွန်းက မီဒီယာများကို အခုလို ပြောပါတယ်။
" ခြုံပြောရမယ်ဆိုရင်တော့ အားလုံးနှစ်ဘက် သဘောတူညီမှုရခဲ့ပါပြီ။ ပထမအချက်မှာတော့ ကျွန်တော်တို့ ယခင်တုန်းကဟာတွေကို ပြည်ထောင်စုအဆင့်မှာ ပြန်ပြီးတော့ သဘောတူပါတယ် ဆိုတာကို ပြန်ပြောတယ်ဗျာ။ နောက်ပြီးတော့ ယာယီအခြေပြု နေထိုင်ခွင့်ဆိုင်ရာ သဘောတူညီချက်ပေါ့။ အဲတာကတော့ နှစ်ဦးနှစ်ဘက် လက်နက်ကိုင် အဖွဲ့အစည်းများနဲ့ ပတ်သက်တဲ့ Hard case ဆိုတော့ ကျွန်တော်တို့ ဒီဘက်က တပ်မတော် တိုင်းစစ်ဌာနချုပ်တွေရဲ့ ကိုယ်စားလှယ်နဲ့ ဒီပြည်နယ်မှာရှိတဲ့ လုံခြုံရေးနဲ့ နယ်စပ်ဝန်ကြီးနဲ့ နောက်တဘက်က ချင်းအမျိုးသားတပ်ဦးရဲ့ တပ်မတော်ပိုင်းဆိုင်ရာ အကြီးအကဲတွေနဲ့ ကျွန်တော်တို့ ဒီဘက်က ခေါင်းဆောင်နှစ်ယောက်က သူတို့ကို မူပေးပြီးတော့ နယ်မြေခွဲတဲ့ ကိစ္စတွေကို ဆွေးနွေးစေပါတယ်။ အဲတာတွေ အားလုံးလည်း ကျွန်တော်တို့ သဘောတူညီချက်ရခဲ့ပါတယ်"
ချင်းအမျိုးသားတပ်ဦးနဲ့ မြန်မာအစိုးရအကြား ပထမအကြိမ် ငြိမ်းချမ်းရေးဆွေးနွေးပွဲကို အခုနှစ် ဇန်န၀ါရီလ (၆) ရက်နေ့က ဟားခါးမြို့မှာ ပြုလုပ်ခဲ့ပြီး အချက် (၉) ချက်ပါ အပစ်အခတ်ရပ်စဲရေး ပဏာမ သဘောတူညီချက်ကို လက်မှတ်ရေးထိုးခဲ့ကြပါတယ်။

နာရေးကူညီမှုအသင်း ဒေါ်လာငွေ ခြောက်သောင်း ရရှိ

အမေရိကန်ပြည်ထောင်စု ကယ်လီဖိုးနီးယားပြည်နယ် အခြေစိုက် လူမှုရေးအဖွဲ့တခုဖြစ်တဲ့ ပြည်သူ့ဂုဏ်ရည်အသင်းရဲ့ ဖိတ်ကြားချက်အရ အမေရိကန် ပြည်ထောင်စုကို ရောက်နေတဲ့ နာရေးကူညီမှုအသင်း ဦးဆောင်သူ ရုပ်ရှင်သရုပ်ဆောင် ဒါရိုက်တာ အကယ်ဒမီ ကျော်သူနဲ့ဇနီး ဒေါ်ရွှေဇီးကွက်တို့ကို ကယ်လီဖိုးနီးယား ပြည်နယ်ရောက် မြန်မာနိုင်ငံသားတွေက ပြည်တွင်း လူမှုရေးလုပ်ငန်းတွေအတွက် ပြီးခဲ့တဲ့ ရက်ပိုင်းအတွင်း ဒေါ်လာငွေ ၆ သောင်းခန့် လှူဒါန်းခဲ့ကြပါတယ် ကယ်လီဖိုးနီးယားပြည်နယ် လော့စ်အိန်ဂျယ်လိမြို့မှာ စနေနေ့က ကျင်းပတဲ့ မြန်မာနိုင်ငံသားတွေနဲ့ တွေ့ဆုံပွဲမှာ နာရီပိုင်းအတွင်း ဒေါ်လာငွေ သုံးသောင်း ငါးထောင်နီးပါး ကောက်ခံရရှိခဲ့ပြီး တနင်္ဂနွေနေ့က ဆန်ဖရန်စစ္စကိုမြို့မှာ ကျင်းပတဲ့ ပွဲမှာတော့ လှူဒါန်းငွေ ဒေါ်လာ နှစ်သောင်း သုံးထောင်ကျော် ရရှိခဲ့တယ်လို့သိရပါတယ်။

ငြိမ်းချမ်းရေးအတွက် ‘ပန်းရဲ့လမ်း’ ဂီတလှုပ်ရှားမှု

ဂီတပညာရှင်တဦးဖြစ်သည့် ကိုရဲလွင် (မဇ္ဈိမလှိုင်း) ဦးဆောင်၍ ‘ပန်းရဲ့လမ်း’ အမည်ရှိ အဖွဲ့တခုကို တနင်္ဂနွေနေ့တွင် ဖွဲ့စည်းခဲ့ပြီး မြန်မာပြည်တွင်း ငြိမ်းချမ်းရေးနှင့် ကချင်ပြည်နယ်ရှိ ဒုက္ခသည်များအတွက် ရန်ပုံငွေရှာကာ ကူညီသွားမည်ဟု ကိုရဲလွင်က ပြောသည်။

“ရန်ပုံငွေရှာတာရယ်၊ လှုပ်ရှားမှုလေးတွေပေါ့။ ငြိမ်းချမ်းရေးအတွက် သီချင်းဆိုပြီးတော့ ရန်ပုံငွေရှာတာပေါ့။ အလှူငွေ မရရင်လည်း ငြိမ်းချမ်းရေး လိုအပ်တယ်ဆိုတာကို သီချင်းဆိုရင်း ပြောနေမှာပေါ့ဗျာ။ လူထုကြားထဲကို ရောက်သွားအောင်ပါ” ဟု ကိုရဲလွင် က ပြောသည်။ ပန်းရဲ့လမ်း အဖွဲ့တွင်အဆိုတော်နှင့်တေးရေးဆရာများဖြစ်သည့် သားထွေး၊ တိုးလွင် (ဥတ္တရအလင်း)၊ ညီညီလွင်တို့ဖြင့် ဖွဲ့စည်းထားပြီး တနင်္ဂနွေနေ့တွင် ရန်ကုန်မြို့ရှိ Morning Star လက်ဘက်ရည်ဆိုင်၊ အလုံမြို့နယ်ရှိ IC၊ ကြည့်မြင်တိုင်ရှိ ဒေါ်ကြည် လက်ဘက်ရည်ဆိုင်များတွင်ဖျော်ဖြေခဲ့ပြီး ရန်ပုံငွေ ၉ သိန်းကျော် ရရှိသည်ဟု ကိုရဲလွင် က ပြောသည်။

“ကျနော်တို့က တကယ်ငြိမ်းချမ်းရေး လိုချင်လို့ ထလုပ်တာပဲလေ။ အရင်တုန်းကတော့ ဒါမျိုးလည်း ကျနော်တို့
ထလုပ် တာမရှိဘူး။ ကျနော်တို့ လုပ်ခွင့်ရတာလည်း မရှိဘူး။ ကျနော်တို့ သီချင်းဆိုတာက လွတ်လွတ်လပ်လပ် ဆိုခွင့်ရတယ် ဆိုတဲ့ ပုံစံမျိုးဖြစ်အောင် ကျနော်တို့ ဖန်တီးတာပဲ။ ကိုယ့်ကို အားပေးတဲ့ဆိုင်တွေမှာ အလှူငွေ ကောက်တဲ့ ပုံစံမျိုးလေးပါ။ အရေးကြီးဆုံးကတော့ စစ်ရပ်စဲဖို့နဲ့ ငြိမ်းချမ်းရေးရဖို့အတွက် ရည်ရွယ်ပါတယ်။ လူရင်းတွေချည်းပဲ ကျနော်တို့ စုဖွဲ့ထား တာပါ” ဟုလည်း ကိုရဲလွင် က ပြောသည်။

ပန်းရဲ့လမ်း အဖွဲ့သည် ရန်ကုန်မြို့တွင်း လက်ဘက်ရည်ဆိုင်များတွင် တပတ်လျှင်တကြိမ် ဖျော်ဖြေပွဲများ ပြုလုပ်သွား မည်ဖြစ်ပြီး ရရှိသည့် လှူဒါန်းငွေများကို တလတကြိမ် ကချင်စစ်ပြေး ဒုက္ခသည်များထံ ပေးပို့ လှူဒါန်းသွားမည်ဟုလည်း သိရသည်။

ကချင်လွတ်လပ်ရေးအဖွဲ့ KIO နှင့် အစိုးရတပ်တို့ကြား ဝိုင်းမော်မြို့နယ် ပါဂျောင်ဒေသတွင် တနင်္ဂနွေနေ့က တိုက်ပွဲငယ် တခု ဖြစ်ပွားခဲ့ပြီး အိမ်ထောင်စု ၂၀ ခန့် တရုတ်နယ်စပ်သို့ တိမ်းရှောင်ရန် ပြင်ဆင်နေကြသည်ဟုလည်း KIO  စစ်ပြေး ဒုက္ခသည် ကူညီရေးကော်မတီ တာဝန်ခံ ဦးဒွဲပီဆားက ပြောသည်။

“မနေ့ကဆိုရင် အိမ်ခြေ ၂ဝ ကျော်ရှိတဲ့ ရွာမှာ လက်နက်ကြီး ကျည်ဆံကျလာတဲ့အတွက် ပြောင်းလာဖို့ ရှိပါတယ်။ မိုးကလည်း ဝင်လာတော့မယ်။ လူဦးရေကလည်း ဒီလောက် များတယ်ဆိုတော့ စားရေးသောက်ရေးကတော့ ပူပန်ပါ တယ်။ ဒါ့ကြောင့် ကူမယ့်လူ မရှိရင်တော့ ကျနော်တို့အတွက် စိတ်ပူစရာတွေ အများကြီးရှိပါတယ်” ဟု ပြော သည်။

တရုတ်နယ်စပ်တွင် စစ်ပြေးဒုက္ခသည်စခန်းပေါင်း ၁၉ ခုခန့် ရှိနေပြီး ကချင်ပြည်နယ် အတွင်းရှိ လိုင်ဇာ၊ မန်စီ၊ မိုင်ဂျာယန်၊ လွယ်ဂျယ်၊ ဒေါ့ဖုယန်၊ ဝိုင်းမော်နှင့် မန်ဝင်းကြီး မြို့နယ်များတွင် ဒုက္ခသည်စခန်းပေါင်း ၄ဝ ကျော်ရှိနေသည်။ ဒုက္ခသည်စခန်းအားလုံးတွင် ဒုက္ခသည်ပေါင်း ငါးသောင်းကျော် ခုံလှုံနေနိုင်သည်ဟု ဒုက္ခသည် ကူညီရေးကော်မတီက ခန့်မှန်းထားသည်။ဧပြီလ ၈ ရက်နေ့မှ ၁၃ ရက်နေ့အထိ ဒုက္ခသည်စခန်း ၁၁ ခုသို့ သွားရောက်ကာ အလှူငွေ သိန်း ၃ဝဝ လှူဒါန်းခဲ့သည်ဟု ရုပ်ရှင်သရုပ်ဆောင် ရဲတိုက်ကို ပြောသည်။

“စုနေကြတယ်၊ စုချက်စားကြတယ် ကူညီမယ့်လူကတော့ ဒုက္ခရောက်နေတဲ့သူထက်စာရင် နည်းတယ်ဗျ။ သူတို့ပြော တာကတော့ အဓိက လိုတာကတော့ ငြိမ်းချမ်းရေးပဲပေါ့။ သူတို့ ဒုက္ခသည် စခန်းတွေမှာ မနေချင်တော့ဘူး။ အဲဒါမျိုးတွေ ပြောကြပါတယ်” ဟု ရဲတိုက်က ပြောသည်။

မြန်မာပြည်မှာ မလေးရှား သန်းတထောင်နီးနီး မြှုပ်နှံထား

မလေးရှားနိုင်ငံက မြန်မာနိုင်ငံတွင် ဒေါ်လာ ၉၇၇ သန်း ရင်းနှီးမြှုပ်နှံထားပြီး ဆက်လက် လုပ်ကိုင်ကြရန်လည်း မလေးရှားအစိုးရက ဒေသခံကုမ္ပဏီများအား တိုက်တွန်းအားပေးလိုက်သည်။

အထူးသဖြင့် ဆောက်လုပ်ရေးနှင့် အိမ်ခြံမြေကဏ္ဍများတွင် တည်ထောင် လုပ်ကိုင်ကြစေလိုကြောင်း မလေးရှားနိုင်ငံတကာ ကုန်သွယ်ရေးနှင့် စက်မှုဝန်ကြီး Datuk Seri Mustapa Mohamed က တနင်္လာနေ့တွင် ပြောကြားလိုက် သည်။မလေးရှား ပြည်ပကုန်သွယ်မှု ဖွံ့ဖြှိးရေးကော်ပိုရေးရှင်း (MATRADE)လည်း မကြာမီ ရန်ကုန်မြို့တွင် ရုံးစိုက် လည်ပတ်နိုင်တော့မည်ဟု ကွာလာလံပူမြို့တွင် ကျင်းပသည့် မြန်မာကိုယ်စားလှယ်အဖွဲ့နှင့် ဆွေးနွေးပွဲအတွင်း မလေးရှားဝန်ကြီးက ပြောကြားလိုက်ခြင်း ဖြစ်သည်။

“နဂိုရှိရင်းစွဲတွေကို ကုန်သွယ်ရေးနဲ့ ရေရှည်အသုံးပြုဖို့အတွက် ပြောင်းလဲရေးမှာ ကျနော်တို့ ကျွမ်းကျင်မှုတွေ ရှိပါတယ်။ ဒါတွေကို မြန်မာပြည်ကို ဝေငှဖို့ ဆန္ဒရှိသလို အဆင်သင့်လည်း ဖြစ်နေပါတယ်” ဟု ဝန်ကြီး Datuk Seri Mustapa Mohamed က ပြောသည်။

မြန်မာနိုင်ငံအတွင်း မလေးရှားမှ လက်ရှိ ရင်းနှီးမြှုပ်နှံမှုများတွင် ဟိုတယ်၊ မြေ အိမ်ယာ၊ အဆောက်အအုံနှင့် Petronas ဦးဆောင်သည့် ရေနံနှင့် သဘာဝဓါတ်ငွေ့တို့ ဖြစ်သည်။
မလေးရှား-မြန်မာ နှစ်နိုင်ငံ ကုန်သွယ်မှုပမာဏမှာ ဒေါ်လာ ၇၉၂ သန်း ရှိသည်။

ပြည်တွင်းစစ် ရပ်စဲရေး လှုံ့ဆော်မှု တေးဂီတ ဖျော်ဖြေပွဲပြုလုပ်

တေးရေးဆရာ ကိုရဲလွင်နဲ့အဖွဲ့က လွတ်လပ်ငြိမ်းချမ်း ပန်းရဲ့လမ်းလို့ အမည်ပေးထားတဲ့ ပြည်တွင်းစစ် ရပ်စဲရေး လှုံ့ဆော်မှု၊ လှုပ်ရှားမှုတစ်ခုအဖြစ် မနေ့က ရန်ကုန်မြို့တွင်းက စားသောက်ဆိုင်တချို့မှာ တေးဂီတ ဖျော်ဖြေပြီး ရန်ပုံငွေရှာဖွေပွဲ ပြုလုပ်ခဲ့ပါတယ်။ ရရှိတဲ့ရန်ပုံငွေကို ကချင်ဒေသက စစ်ပြေးဒုက္ခသည်တွေအတွက် ပေးပို့လှူဒါန်းသွားမယ်လို့ သိရပါတယ်။
ဒီအစီအစဉ်ကို တနင်္ဂနွေနေ့တိုင်း ပြုလုပ်မှာဖြစ်ပြီး အစီအစဉ် အကောင်အထည်ဖော်ရတဲ့ ရည်ရွယ်ချက်နဲ့ ပတ်သက်လို့ ကိုရဲလွင်က
“ရည်ရွယ်ချက်ကတော့ ကျွန်တော်တို့ ဒီပြည်တွင်းစစ်ဆိုတာက အခုထိ မပြီးသေးဘူးပေါ့။ ကျွန်တော်တို့ဆီမှာ ဖြစ်နေတာက၊ အဲဒီတော့ ပြည်တွင်းစစ် ရပ်စဲစေချင်လို့ တွန်းအားပေးဖို့လို့ ရည်ရွယ်တာပေါ့။ ဒီပွဲလုပ်မယ်။ ကျွန်တော်တို့ လုပ်တဲ့ပွဲက ရန်ပုံငွေရှာရင်းနဲ့ ပြည်တွင်းစစ်ကို ရပ်စဲဖို့လုပ်ရင်း ပြည်တွင်းစစ် ရပ်စဲတယ်ဆိုတာ သေချာပြီလို့ တိုင်းပြည်က အသိအမှတ်ပြုတဲ့အထိ ကျွန်တော်တို့လုပ်မယ်”
ရည်ရွယ်ချက်တူ ဝါသနာရှင်တွေ စုပေါင်းပြီး စစ်ပြေးဒုက္ခသည်တွေအတွက် ရန်ပုံငွေရှာတဲ့ ဂီတဖျော်ဖြေပွဲကို ကိုရဲလွင်နဲ့အတူ သားလေး၊ တိုးလွင် (ဥတ္တရအလင်း)၊ ညီညီလွင်၊ Eချိုတို့ ပါဝင်တဲ့အဖွဲ့က စားသောက်ဆိုင် (၃) ခုမှာ မနေ့က စတင်ခဲ့တာ ဖြစ်ပါတယ်။
မင်္ဂလာတောင်ညွန့်က morning star၊ အလုံမှာရှိတဲ့ IT၊ ဝါးတန်းလမ်းက စံပြဒေါ်ကြည်စတဲ့ ဆိုင် (၃) ဆိုင်မှာ ဖျော်ဖြေခဲ့ကြပြီး ရန်ပုံငွေအဖြစ် ကျပ် ၈သိန်းကျော် ရရှိခဲ့လို့ ဒီအလှူငွေတွေကို ကချင်ဒုက္ခသည်တွေအတွက် ကူညီပေးနေတဲ့ အဖွဲ့တွေကို ဆက်သွယ်လှူဒါန်းပေးအပ် သွားမှာဖြစ်ပြီး မနက်ဖြန်မှာတော့ မန္တလေးမှာရှိတဲ့ လူမှုကူညီရေးအဖွဲ့တွေနဲ့ တွေ့ဆုံမယ်လို့ ကိုရဲလွင်က ပြောပါတယ်။
"မန္တလေးကနေပြီးတော့ ဒီလူမှုကွန်ယက်တွေ ရှိတယ်လေ။ အဲဒီကချင်ပြည်နယ်နဲ့ ဆက်သွယ်နေတဲ့ ၂ ဖွဲ့ ၃ ဖွဲ့ ကျွန်တ်ာတို့နဲ့ အခု contact ရသွားတယ်။ အဲဒီအဖွဲ့နဲ့ သေချာဆွေးနွေးပြီးတော့ ကျွန်တော်တို့ သွားပြီးတော့ လှူရမှာ”
ဒီကနေ့မှာတော့ အဆိုတော် အကော်ဒီယံ အုန်းကျော်ကလည်း ငွေ ၁သိန်း လာရောက်လှူဒါန်းတဲ့အတွက် အလှူငွေ စုစုပေါင်း ကျပ် ၉ သိန်း ၃ သောင်းကျော် ရရှိနေပြီလို့ သိရပါတယ်။

မွန်ပြည်နယ်မှာ ပထမဆုံးပုဂ္ဂလိက သတင်းဂျာနယ် စတင်ဖြန့်ချိ

မွန်ပြည်နယ်မှာ ပထမဆုံးပုဂ္ဂလိက သတင်းဂျာနယ် တစ်စောင်အဖြစ် မွန်ပြည်နယ်အတွင်းက သတင်းတွေကို ဦးစားပေး ရေးသားဖော်ပြမယ့် သံလွင်တိုင်းမ်စ် ဂျာနယ်ကို မြန်မာဘာသာနဲ့ ဒီကနေ့ စတင်ဖြန့်ချိ ထုတ်ဝေလိုက်ပြီလို့သိရပါတယ်။
ဒေသတွင်း ဖြစ်ပေါ်ပြောင်းလဲနေတာတွေကို ပြည်သူတွေသိရှိနိုင်ဖို့ ရည်ရွယ်ပြီး ဒီဂျာနယ် ထုတ်ဝေနိုင်ဖို့ ပြီးခဲ့တဲ့ ဇန်န၀ါရီလက စာပေစီစစ်ရေးထံ တင်ပြခဲ့ပြီးနောက် ထုတ်ဝေခွင့်ရရှိတဲ့အတွက် ဒီကနေ့ စတင်ဖြန့်ဝေလိုက်တာ ဖြစ်တယ်လို့သိရပါတယ်။

ကားလွတ်လပ်စွာ တင်သွင်းခွင့် ပြုကြောင်း စီးပွား/ကူးသန်းဝန်ကြီး ပြောဆို

နိုင်ငံခြားငွေ သုံးစွဲနိုင်မယ့် ဘဏ်စာရင်းတစ်ခုဖွင့်ပြီး ၂၀၀၇ ခုနှစ် အထက် မော်ဒယ်လ်ကားတွေကို လွတ်လပ်စွာ တင်သွင်းခွင့် ပြုကြောင်း စီးပွား/ကူးသန်းဝန်ကြီး ဦးဝင်းမြင့်က နေပြည်တော်မှာပြုလုပ်တဲ့ သတင်းစာရှင်းလင်းပွဲမှာ ဒီကနေ့ ပြောကြားလိုက်ပါတယ်။
နိုင်ငံခြား ငွေသွင်းငွေထုတ် MFTB / MICB ဘဏ်တွေနဲ့ ပုဂ္ဂလိကဘဏ်တွေမှာ နိုင်ငံခြားငွေစာရင်းတစ်ခု ဖွင့်နိုင်မယ်ဆိုရင် မိမိနှစ်သက်တဲ့ ၂၀၀၇ ခုနှစ်နဲ့ နောက်ပိုင်းထုတ်ကားတွေကို နိုင်ငံခြားက မှာယူတင်သွင်းခွင့် ရမှာဖြစ်ကြောင်း ဝန်ကြီးက သတင်းထောက်တွေကို ရှင်းပြခဲ့တယ်လို့ သိရပါတယ်။
အရင်လို လူတစ်စုကသာ ကားတင်သွင်းခွင့် ရတာမျိုးမဟုတ်ဘဲ မိမိလက်ထဲမှာငွေရှိရင် ကားတင်သွင်းခွင့် ရလာတာဟာ ရေရှည်မှာကောင်းပေမယ့် ဒီသတင်းကြောင့် စနေ၊ တနင်္ဂနွေနေ့တုန်းက ကားဈေးတွေ ပြုတ်ကျပြီး အရောင်းအဝယ်တွေ ရပ်ခဲ့ကြောင်း ကုန်သည်တစ်ဦးက အခုလို ပြောပါတယ်။
" ၂၀၀၇ ခုနှစ် အထက်ကို အင်ဂျင်ပါဝါ မရွေးဘဲနဲ့ တင်သွင်းခွင့်ပြုလိုက်ပြီ။ တင်သွင်းချင်တဲ့သူက ဘဏ်စာအုပ်မှာ ငွေသွင်းပေါ့နော်။ နိုင်ငံခြားငွေပေါ့ခင်ဗျ။ MFTB တို့ MICB တို့ပေါ့။ သွင်းပြီးတဲ့ အခါကျရင် အဲဒီငွေနဲ့ သွင်းလို့ရတယ်လို့ ပြောပါတယ်။ ဘာကွာသလဲဆိုတော့ အဲဒီမှာ လက်ရှိ ဒီစီမံချက်နဲ့ အပ်ထားတဲ့ "န" နဲ့ "ပ" နှစ်မျိုးရှိတယ်လေ။ ပထမရောင်းနေတာက ၁၄၄ သိန်းလောက်နဲ့ရောင်းနေတဲ့ ကားတွေက အဲဒီအသံ ကြားကြားချင်းမှာ တနင်္ဂနွေနေ့ကပေါ့၊ မနေ့က ဝယ်မည့်သူမရှိတော့ဘူး။ ဘယ်လောက်ဖြစ်ကုန်သလဲဆိုတော့ ၁၁၀ တွေ ၁၁၅ တွေ ဖြစ်ကုန်တယ်။ ကောင်းတာကတော့ ဘာပဲပြောပြော အားလုံးက စီးလို့တော့ ရသွားတာပေါ့။ ဒါပေမဲ့ လက်ရှိ မော်တော်ကား ဈေးကွက်ကြီးကတော့ မဝယ်ရဲတော့ဘူးပေါ့။ ကားဈေးကွက်ကြီးက လောလောဆယ်မှာ ရပ်တန့်သွားတာပေါ့နော်"
ဘဏ်စာရင်းမှာ ကားဝယ်ယူ တင်သွင်းနိုင်လောက်တဲ့ ပမာဏရှိမယ်ဆိုရင် အခုမေလ (၉) ရက်နေ့ကစပြီး ကားတင်သွင်းခွင့်အတွက် စတင်လုပ်ဆောင်နိုင်တယ်လို့ စီးပွား/ကူးသန်းဝန်ကြီးဌာနက ပြောပါတယ်။
နယ်မြို့တွေမှာတော့ ဘယ်လိုကားအမျိုးအစား တင်သွင်းခွင့် ရနိုင်မလဲဆိုတာကို သက်ဆိုင်ရာ ပြည်နယ်နဲ့တိုင်း အာဏာပိုင်တွေက သီးသန့် ထုတ်ပြန်သွားမယ်လို့လည်း သိရပါတယ်။

ကျန်ရှိနိုင်ငံရေး အကျဉ်းသားတွေအတွက် NLD ထောက်ပံ့ငွေ ပေးအပ်

အကျဉ်းထောင်တွေမှာ မလွတ်မြောက်ဘဲ ကျန်ရှိနေသေးတဲ့ နိုင်ငံရေးအကျဉ်းသားတွေအတွက် NLD ပါတီ ဗဟိုလူမှုအထောက်အကူပြု အဖွဲ့က ပေးအပ်လိုက်တဲ့ ထောက်ပံ့ငွေကို မန္တလေး-အိုးဘိုထောင်က နိုင်ငံရေးအကျဉ်းသား ၈၈ ဦးအတွက် လိုက်လံ ပေးအပ်နေကြောင်း သိရပါတယ်။ နိုင်ငံရေးအကျဉ်းသား တဦးအတွက် ကျပ်ငွေ ငါးထောင်စီကို မန္တလေးတိုင်း လူမှုအထောက်အကူပြုအဖွဲ့က တာဝန်ယူပြီး ပေးပို့ခဲ့တာဖြစ်ကြောင်း မန္တလေးတိုင်းစည်း-အဖွဲ့ဝင် ဒေါ်ဝင်းမြမြက
"မန္တလေး အကျဉ်းထောင်ထဲမှာရှိတဲ့ နိုင်ငံရေးအကျဉ်းသား ၈၈ ယောက်အတွက်ကို ဗဟိုကနေပြီးတော့မှ ထောက်ပံ့ပါတယ်။ ကျွန်မ မနေ့တုန်းကဆိုရင် ကျောက်ဆည်ကို သွားခဲ့ပါတယ်။ ကျောက်ဆည်မှာ ဆရာတော် သံဃာတော်များ အတွက်ကိုတော့ မကြာသေးခင်မှ လွတ်ထားတဲ့ ဆရာတော် ဦးသီဟဆီမှာ လွှဲအပ်ပြီးတော့မှ ဘုန်းကြီး ၂၂ ပါး အတွက်ကို ဝထ္ထု ငါးထောင်နှုန်း ကပ်ခဲ့ပါတယ်။ အနယ်နယ် အရပ်ရပ်က မုံရွာတို့၊ ပျော်ဘွယ်တို့၊ ပခုက္ကူတို့က သံဃာတော်က ၁၄ ပါးပါ။ တခါ ကျောက်ဆည်မြို့ပေါ်က မန္တလေးထောင်ထဲရောက်နေတဲ့ နိုင်ငံရေး အကျဉ်းသား ၃၈ ဦးအတွက်ကိုကျတော့ မိသားစုဝင်တွေဆီကိုပဲ လွဲခဲ့ပြီးတော့မှ သူတို့ကနေ တဆင့်ပို့ပေးပါလိမ့်မယ်"
အိုးဘိုထောင်မှာ လက်ရှိ ကျန်နေရတဲ့ ကျောက်ဆည်မြို့က သံဃာတွေ၊ နိုင်ငံရေး တက်ကြွလှုပ်ရှားသူတွေနဲ့ အရပ်သူ အရပ်သားတွေဟာ ကျောက်ဆည်မှာ ဖြစ်ပွားခဲ့တဲ့ ဗုဒ္ဓဘာသာ-အစ္စလမ် ဘာသာရေး ခိုက်ရန်ဖြစ်ပွားမှုအတွင်း အဖမ်းဆီးခံခဲ့ရသူတွေ ဖြစ်ကြပါတယ်။မနက်ဖြန်မှာလည်း ဒေါ်ဝင်းမြမြနဲ့အဖွဲ့ဟာ (၈၈) ဦးထဲက ကျန်ရှိနေသေးတဲ့ နိုင်ငံရေးအကျဉ်းသားတွေရဲ့မိသားစုနဲ့ သွားရောက်တွေ့ဆုံပြီး အကူငွေတွေ ပေးအပ်ဦးမယ်လို့ သိရပါတယ်။

အမျိုးသမီးတွေအပေါ် အကြမ်းဖက်မှု ရပ်တန့်ရေး ဒေါ်အောင်ဆန်းစုကြည် ပြောကြား

ကမ္ဘာပေါ်မှာ စစ်မှန်တဲ့ ငြိမ်းချမ်းရေးရဖို့အတွက် အမျိုးသမီးတွေအပေါ်အကြမ်းဖက်မှုတွေကို ရပ်တန့်ဖို့ လိုအပ်တယ်လို့ မနေ့က စတင်တဲ့ အမျိုးသမီးအခွင့်အရေး ကာကွယ်ရေး နိုင်ငံတကာ လှုပ်ရှားမှုအတွက် ပေးပို့တဲ့ ဗီဒီယိုမိန့်ခွန်းမှာ ဒေါ်အောင်ဆန်းစုကြည်က ပြောဆိုသွားပါတယ်။ အကြောက်တရားတွေကို ဖြစ်ပေါ်စေတဲ့ အမျိုးသမီးတွေအပေါ် မတရားပြုကျင့်မှုနဲ့ အကြမ်းဖက်မှုတွေ ရပ်တန့်အောင် ဆောင်ရွက်ပေးခြင်းအားဖြင့် နိုင်ငံတကာမှာ ရှိနေတဲ့ အမျိုးသမီးထု တရပ်လုံးဆီ ငြိမ်းချမ်းမှုနဲ့ ပျော်ရွှင်မှုတွေကို ကျွန်မတို့အားလုံး ဆောင်ကြဉ်းပေးကြပါစို့လို့ ဒေါ်အောင်ဆန်းစုကြည်က ပြောပါတယ်။
အမျိုးသမီးတွေအပေါ် မတရားပြုကျင့်မှုနဲ့ အကြမ်းဖက်မှုတွေ ရပ်ဆိုင်းရေးအတွက် အမျိုးသမီး နိုဘယ်လ် ငြိမ်းချမ်းရေးဆုရှင်တွေ ပါဝင်ဦးဆောင်တဲ့ နိုင်ငံတကာလှုပ်ရှားမှုကို မနေ့က စတင်လိုက်ပါတယ်။
ဒီ Campaign လှုပ်ရှားမှုတွေကို မေလ (၆) ရက်နေ့ ကနေ (၁၃) ရက်နေ့ အထိ မြန်မာအပါအ၀င် ကွန်ဂို၊ ကင်ညာနဲ့ ကမ္ဘောဒီယား လေးနိုင်ငံမှာ အဓိကထား ဆောင်ရွက်သွားမှာ ဖြစ်တယ်လို့ လှုပ်ရှားမှုမှာ ပါဝင်ဆောင်ရွက်နေသူ တစ်ဦးဖြစ်တဲ့ မရီမွန်ထွန်းက ပြောပါတယ်။အခုလို နိုင်ငံတကာ အဖွဲ့အစည်း ၅၀၀ နီးပါး ပါဝင်တဲ့ ကမ္ဘာလုံးဆိုင်ရာ လှုပ်ရှားမှု အောင်မြင်ရေးအတွက် အရေးပါတဲ့ ဆက်သွယ်ညှိနှိုင်းရေးမှူးအဖြစ် မရီမွန်ထွန်းကို တာဝန်ပေးအပ်တာဟာ မြန်မာအမျိုးသမီး တစ်ဦးအနေနဲ့ ပထမဦးဆုံး ဖြစ်ပါတယ်။အမျိုးသမီးတွေအပေါ် အကြမ်းဖက်မှု ရပ်တန့်ရေး နိုင်ငံတကာ လှုပ်ရှားမှုကြီး ဖြစ်ပေါ်လာဖို့အတွက် ကနေဒါနိုင်ငံ အခြေစိုက် အမျိုးသမီး နိုဘယ်လ် ငြိမ်းချမ်းရေးဆုရှင်များအဖွဲ့ ဦးဆောင်ကြိုးပမ်းခဲ့တာ ဖြစ်ပါတယ်။

မြန်မာနိုင်ငံကို အကူအညီ အများအပြား ပေးမယ်လို့ ကနေဒါဝန်ကြီး ပြောဆို

ကနေဒါနိုင်ငံ တိုရန်တိုမြို့ မဟာဓမ္မိကကျောင်းကို မနေ့က လာရောက်လည်ပတ်တဲ့ ကနေဒါအစိုးရ နိုင်ငံသားနဲ့ လူဝင်မှုကြီးကြပ်ရေးဆိုင်ရာ ၀န်ကြီး Jason Kenney က မြန်မာပြည်က အပြောင်းအလဲတွေကို ကနေဒါနိုင်ငံအနေနဲ့ အကူအညီ အများအပြား ပေးသွားမယ်လို့ ပြောကြားလိုက်ပါတယ်။ Mr. Kenney ဟာ မြန်မာ့အရေးကို အလေးပေးဆောင်ရွက်နေတဲ့ ကနေဒါဝန်ကြီးတစ်ဦး ဖြစ်တယ်လို့လည်း မဟာဓမ္မိက ကျောင်းထိုင်ဆရာတော် ဦးကောဝိဒက မိန့်ကြားပါတယ်။
ဝန်ကြီး Jason Kenney ဟာ မြန်မာ့အရေး လှုပ်ရှားနေသူတွေ၊ တိုင်းရင်းသား အဖွဲ့အစည်းတွေနဲ့လည်း တွေ့ဆုံပြီး လက်ရှိ ကချင်ပြည်နယ်မှာ တိုက်ပွဲတွေ ဖြစ်ပွားနေတာကြောင့် ထွက်ပြေးလာတဲ့ ကချင်ဒုက္ခသည်တွေကို ကနေဒါအနေနဲ့ အကူအညီပေးနိုင်ဖို့ သူ့အနေနဲ့ ကြိုးစားသွားမယ်လို့ ပြောဆိုခဲ့တဲ့အကြောင်း ဆရာတော်က မိန့်ပါတယ်။
ဒါ့အပြင် ကနေဒါနိုင်ငံမှာ နိုင်ငံရေးခိုလှုံခွင့်ရဖို့ (၇) နှစ်ကျော် စောင့်ဆိုင်းနေရတဲ့ ကရင် တိုင်းရင်းသား စောလှဝါးကိုလည်း ခိုလှုံခွင့်ပေးလိုက်တယ်လို့ ပြောဆိုသွားကြောင်း ကနေဒါ မြန်မာမိတ်ဆွေများအဖွဲ့ရဲ့ ဦးဆောင်ညွန်ကြားရေးမှူး ဦးတင်မောင်ထူးကလည်း ပြောပါတယ်။
Mr Kenney ဟာ သူရဲ့နိုင်ငံရေး ဆောင်ရွက်မှုတွေကြောင့် ကနေဒါလွှတ်တော်နဲ့ အစိုးရအတွင်းမှာ သြဇာကြီးမားသူ တစ်ဦးဖြစ်ပါတယ်။

ရန်ကုန်တစ်မြို့လုံးရှိ လူသွားစင်္ကြံ၊ ပလက်ဖောင်း စသည်တို့တွင် စိုက်ထူထားသော ကြော်ငြာဆိုင်းဘုတ်များ ဖြုတ်သိမ်းရန် မြို့တော်စည်ပင်မှ ညွှန်ကြားချက် ထုတ်ပြန်

ရန်ကုန်တစ်မြို့လုံးရှိ လူသွားစင်္ကြံ၊ ပလက်ဖောင်းစသည်တို့ရှိ ကြော်ငြာဆိုင်းဘုတ် အားလုံးနီးပါးကို  မေလ ၂ ရက်နေ့မှစတင်၍ ဖြုတ်သိမ်းရန် ရန်ကုန်မြို့တော် စည်ပင်သာယာရေး ကော်မတီ၏ ညွှန်ကြားချက် ထွက်ရှိလာသည်ဟု သတင်းရရှိသည်။
မြို့တော်အင်္ဂါရပ်နှင့် ညီညွတ် စေရန်အတွက် ရန်ကုန်မြို့ရှိ ကြော်ငြာ ဆိုင်းဘုတ်များနှင့် ပတ်သက်၍ ညှိနှိုင်းမည်ဟု ပြီးခဲ့သည့် ဧပြီလ ၃၀ ရက်နေ့က ကြော်ငြာဆိုင်းဘုတ် လုပ်ငန်းရှင်များအား ရန်ကုန်မြို့တော် စည်ပင်သာယာရေး ကော်မတီက ပထမအကြိမ် အစည်းအဝေးခေါ်ယူ တွေ့ဆုံခဲ့ကြောင်း၊ မေလ ၂ ရက်နေ့တွင် ဒုတိယအကြိမ် အစည်းအဝေး ထပ်မံခေါ်ယူ၍ ဆိုင်းဘုတ်များ အားလုံးနီးပါးကို ဖြုတ်သိမ်းရန် ညွှန်ကြားခဲ့ခြင်းဖြစ်ကြောင်း ရန်ကုန်မြို့နေရာအချို့ရှိ ကြော်ငြာဆိုင်းဘုတ်အကြီးနှင့် အသေးအချို့မှလွဲ၍ ကျန်ရှိသည့် ကြော်ငြာဆိုင်းဘုတ်များကို ဖြုတ်သိမ်းစေခဲ့ခြင်း ဖြစ်ကြောင်း၊ ဖြုတ်သိမ်းစေသည့် ကြော်ငြာဆိုင်းဘုတ် အရေအတွက်မှာ တစ်မြို့လုံးတွင်ရှိသော ကြော်ငြာဆိုင်းဘုတ်များ အားလုံး၏ ၉၀ ရာခိုင်နှုန်း ပါဝင်သည်ဟု ကြော်ငြာ ဆိုင်းဘုတ်လုပ်ငန်းရှင်များက ပြောပြခဲ့သည်။

လေကြောင်းပို့ဆောင်ရေး ကဏ္ဍတွင် အရေးပါသည့် ရဟတ်ယာဉ်ဖြင့် သယ်ယူပို့ဆောင်ရေး လုပ်ငန်းအား နိုင်ငံသားပိုင်အဖြစ် လုပ်ကိုင်နိုင်ရန် မြန်မာ့လေကြောင်းမှ စီစဉ်နေ

လေကြောင်း ပို့ဆောင်ရေးကဏ္ဍတွင် အရေးပါသည့် ရဟတ်ယာဉ်လုပ်ငန်းအား နိုင်ငံသားပိုင်အဖြစ် လုပ်ကိုင်နိုင်ရန် မြန်မာ့လေကြောင်း မှ စီစဉ်နေကြောင်း လက်ရှိအချိန်တွင် ရဟတ် ယာဉ်ဖြင့် သယ်ယူပို့ဆောင်ရေး လုပ်ငန်းအား စစ်ဘက်နှင့် မြန်မာ့ကမ်းလွန်နှင့် ရေနံသဘာဝဓာတ်ငွေ့ လုပ်ငန်းတွင်သာ အသုံးပြုနေသည်ဟု သိရသည်။
မြို့ပြလေကြောင်းသယ်ယူ ပို့ဆောင်ရေးလုပ်ငန်းတွင် ရဟတ်ယာဉ်ဖြင့် သယ်ယူပို့ဆောင်ရေး လုပ်ငန်းမှာ လေယာဉ်ကဲ့သို့ ဆင်း တက်ပြုလုပ်ရန်နေရာယူသော လေယာဉ်ကွင်း အသုံးပြုရန် မလိုအပ်ခြင်းကြောင့် သွားလာရန်ခက်ခဲသော နေရာဒေသများတွင် ရဟတ်ယာဉ် ဖြင့် သယ်ယူပို့ဆောင်ရေးမှာ များစွာ အရေးပါကြောင်း မြန်မာနိုင်ငံကမ်းလွန် ရေနံနှင့် သဘာဝဓာတ်ငွေ့ ရှာဖွေရေးလုပ်ငန်းများကို ၁၉၉၃ ခုနှစ်တွင် စတင်လုပ်ကိုင်ခဲ့ပြီး၊ နိုင်ငံခြားကုမ္ပဏီများမှ အများဆုံး လုပ်ကိုင်လျက်ရှိရာ အဆိုပါလုပ်ငန်းခွင်၏ အဓိကလုပ်ငန်းဖြစ်သော ရဟတ်ယာဉ် သယ်ယူ ပို့ဆောင်ရေးလုပ်ငန်းကို နိုင်ငံခြားရဟတ်ယာဉ် ကုမ္ပဏီများမှလာ ရောက်လုပ်ကိုင်မှုရှိကြောင်း ကမ်းလွန်ရေနံနှင့် သဘာဝဓာတ်ငွေ့လုပ်ငန်း၏ ရဟတ်ယာဉ် ပို့ဆောင်ရေးလုပ်ငန်းကို အဓိက လာရောက် လုပ်ကိုင်နေသော နိုင်ငံခြားရဟတ်ယာဉ်ကုမ္ပဏီများမှာ ပြင်သစ်နိုင်ငံမှ Heliunion ၊ သြစတြေး လျနိုင်ငံမှ Heavy Lift၊ တရုတ်နိုင်ငံမှ China Off Shore Helicopter  ကုမ္ပဏီနှင့် ကိုရီးယားနိုင်ငံမှ Korean Express တို့ဖြစ်ကြောင်း သိရသည်။ ယခင်က ရဟတ်ယာဉ်ဖြင့် သယ်ယူပို့ဆောင်ရေး လုပ်ငန်းအား မြန်မာ့လေကြောင်းမှ ပူးမားရဟတ်ယာဉ်၃စီးဖြင့် ဆောင်ရွက်ခဲ့ဖူးပြီး၊ ကမ်းလွန် ရေနံရှာဖွေရေး လုပ်ငန်း နှင့် ခရီးသည် သယ်ယူပို့ဆောင်ရေး လုပ်ငန်းတွင် အသုံးပြုခဲ့ကြောင်း သိရသည်။   

UNFPA မှ မြန်မာနိုင်ငံသို့ တတိယအကြိမ်မြောက် အကူအညီပေးရေး လုပ်ငန်းစီမံကိန်းအတွက် အမေရိကန်ဒေါ်လာ၂၈ ဒသမ ၆ သန်း သဘောတူထား

ကုလသမဂ္ဂလူဦးရေ ရန်ပုံငွေ အဖွဲ့(UNFPA) မှ မြန်မာနိုင်ငံသို့ တတိယအကြိမ်မြောက် အကူအညီ ပေးရေး လုပ်ငန်းစီမံကိန်းအတွက် အမေရိကန်ဒေါ်လာ ၂၈ ဒသမ ၆ သန်း သဘောတူထားပြီးဖြစ်ကြောင်း သိရသည်။
အဆိုပါတတိယအကြိမ်မြောက် အကူအညီပေးရေးစီမံကိန်းတွင် မိခင်ကျန်းမာရေးဆိုင်ရာလုပ်ငန်းများ၊ အိတ်ခ်ျအိုင်ဗွီ/အေအိုင်ဒီအက်စ် ကာ ကွယ်ရေးနှင့်ပတ်သက်သည့်လုပ်ငန်း များ၊ လူဦးရေဆိုင်ရာ ကိန်းဂဏန်း အချက်အလက်များရရှိရေးနှင့်ကျား/မ ညီမျှမှုဆိုင်ရာလုပ်ငန်းများစသည် တို့ပါဝင်မည်ဖြစ်ပြီး စီမံကိန်းကာလ မှာ ၂၀၁၂ မှ ၂၀၁၅ ခုနှစ်အထိ လေး နှစ်စီမံကိန်းဖြစ်ကြောင်းသိရှိရသည်။
တတိယအကြိမ်မြောက် စီမံ ကိန်းစတင်လုပ်ဆောင်နိုင်ရန်အတွက် သက်ဆိုင်ရာဌာနဆိုင်ရာများနှင့်နောက် ဆုံးအဆင့် ညှိနှိုင်းဆွေးနွေးမှုများ ပြုလုပ်လျက်ရှိပြီး သဘောတူညီမှု လက်မှတ်ရေးထိုးပြီးပါက စတင် လုပ်ဆောင်သွားမည်ဖြစ်သည်။
မိခင်ကျန်းမာရေးဆိုင်ရာ လုပ်ငန်းများ ဆောင်ရွက်ရာတွင် ကျန်းမာရေးဦးစီးဌာန၊ မြန်မာနိုင်ငံမိခင်နှင့် ကလေးစောင့်ရှောက်ရေး အသင်း၊ ကျန်းမာရေးဌာနစိတ်၊ ဗဟိုကျန်းမာ ရေးပညာပေးဌာန၊ ကျန်းမာရေးစီမံ ကိန်းဦးစီးဌာန၊ ဆေးသိပ္ပံပညာဦးစီး ဌာန၊ မြန်မာနိုင်ငံဆရာဝန်အသင်း၊ မြန်မာနိုင်ငံသူနာပြုနှင့် သားဖွားဆရာမများအသင်း၊ MSI စသည့် အဖွဲ့အစည်းများနှင့် ပူးပေါင်းလုပ်ဆောင် သွားမည်ဖြစ်ကြောင်း၊ အိတ်ခ်ျအိုင်ဗွီ /အေအိုင်ဒီအက်စ် ကာကွယ်ရေးနှင့် ပတ်သက်သည့် လုပ်ငန်းများ ဆောင်ရွက်ရာတွင် ခုခံကျ/ကာလသား ရောဂါတိုက်ဖျက်ရေး စီမံချက်၊ မြန်မာနိုင်ငံ မူးယစ်ဆေးဝါး ဆန့်ကျင်ရေး အသင်း၊  PSI စသည့် အဖွဲ့အစည်းများနှင့် ပူးပေါင်းလုပ်ဆောင်သွားမည် ဖြစ်ကြောင်း သိရသည်။
လူဦးရေဆိုင်ရာ ကိန်းဂဏန်း အချက်အလက်များ ရရှိရေးလုပ်ငန်းများ ဆောင်ရွက်ရာတွင် လူဝင်မှုကြီးကြပ်ရေးနှင့် ပြည်သူ့အင်အားဝန် ကြီးဌာန၊ ပြည်သူ့အင်အားဦးစီးဌာန စသည့်အဖွဲ့အစည်းများနှင့် ကျားမ ညီမျှမှုဆိုင်ရာ လုပ်ငန်းများ ဆောင်ရွက်ရာတွင် လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန၊ လူမှုဝန်ထမ်းဦးစီးဌာန နှင့်၊ FXC စသည့် အဖွဲ့အစည်းများ နှင့် ပူးပေါင်းလုပ်ဆောင်သွားမည် ဖြစ်ကြောင်း သိရသည်။ ပထမအကြိမ် အကူအညီပေးရေးစီမံကိန်းကို ၂၀၀၂ ခုနှစ်မှ၂၀၀၆ခုနှစ်၊ ဒုတိယအကြိမ် အကူအညီပေးရေး စီမံကိန်းကို၂၀၀၈ ခုနှစ်မှ ၂၀၁၁ ခုနှစ်အထိ ဆောင်ရွက် ခဲ့ပြီးဖြစ်ကြောင်း သိရှိရပါသည်။

LWIN PWIN
NLABR
Blog:                          http://wanna23-23.blogspot.com/
Web-site:                    www.nlabr.com  


0 comments:

Post a Comment