“မွတ်ဆလင်ကုလား” ဟူသော စာသားပြင်ဖတ်ရန် ပြန်ကြားရေးဝန်ကြီးဌာန မေတ္တာရပ်ခံ
အလားတူ ပြင်ဆင်ချက်ကို ပြန်ကြားရေးဝန်ကြီးဌာနက ၎င်း၏ အင်တာနက် ဝက်ဘ်ဆိုက် စာမျက်နှာတွင် ယမန်နေ့ ညနေကပင် တရားဝင် ဖော်ပြထားသည်။
စစ်တွေမြို့ ရဲစခန်းအား ဖျက်ဆီးမှု၊ သံတွဲမှ ရန်ကုန်သွားသည့် ရိုးမ သစ္စာ ခရီးသည်တင် မှန်လုံယာဉ်ပေါ်မှ လူ ၁၀ ဦး အသတ်ခံရမှု၊ သပြောင်ချောင် ကျေးရွာမှ အမျိုး သမီးတဦးအား လူသုံးဦးက အဓမ္မပြုကျင့်ပြီး ဓားဖြင့် ထိုးသတ်ကာ ရွှေထည် ပစ္စည်းများ ယူဆောင်မှုတို့၌ ပြစ်မှု ကျူးလွန် သူများကို ထိရောက်သော ပြစ်ဒဏ် ချမှတ်နိုင်ရေး ဆောင်ရွက်လျက် ရှိကြောင်း ယမန်နေ့ထုတ် သတင်းစာများ၌ ရေးသားသော်လည်း ရိုးမသစ္စာ ယာဉ်ပေါ်၌ လိုက်ပါလာ သူများအား သတ်ဖြတ်ခံရမှုနှင့် ပတ်သက်၍မူ “မွတ်စလင်ကုလား ၁၀ ဦး အသတ်ခံရ” ဟု သုံးနှုန်းထားသည်ကို တွေ့ရသည်။
ရခိုင်ပြည်နယ်အတွင်း ဖြစ်ပေါ်ခဲ့သည့် အထက်ပါအ ပဋိပက္ခများနှင့် ပတ်သတ်၍ မေ ၄ ရက်နေ့ ည ၈ နာရီ နိုင်ငံပိုင် သတင်းတွင် စတင် ထုတ်လွှင့်ခဲ့ရာ အထက်ပအတိုင်း သုံးနှုန်း ကြေညာသွားသည့်အပြင် နိုင်ငံပိုင် သတင်းစာ များကပါ ထပ်ဆင့် ဖော်ပြခဲ့သောကြောင့် လူအများ၏ ဝေဖန်မှုများ ထွက်ပေါ်ခဲ့သည်။
သတင်းစာ ဆရာကြီး ဦးဝင်းတင်က “ရခိုင်ဒေသ ကိစ္စ အေးအေးချမ်းချမ်းပဲ ဖြစ်စေချင်တယ်၊ ဘာသာရေး၊ လူမျိုးရေး အငြင်းပွားမှုတွေ မလိုလားပါဘူး။ အစိုးရ အာဏာပိုင်တွေ အနေနဲ့လည်း မီးလောင်ရာ လေပင့် ဖြစ်စေတဲ့ အသုံးအနှုန်းတွေ မသုံးသင့်ဘူး” ဟု ဆိုသည်။
နိုင်ငံပိုင် သတင်းမီဒီယာများ၏ သတင်းဖော်ပြချက်များနှင့် ပတ်သက်၍ ပြန်ကြားရေးဝန်ကြီးဌာန အနေဖြင့် ပြန်လည် တောင်းပန်ပေးရန် မေ ၅ ရက်နေ့ နေ့လယ်ပိုင်းက ရန်ကုန်မြို့ ဆူးလေဘုရားလမ်းပေါ်ရှိ ဗလီရှေ့တွင် အစ္စလမ်ဘာသာဝင် တချို့ ငြိမ်းချမ်းစွာ စုရုံး၍ တောင်းဆိုမှုများ ပြုလုပ်ခဲ့သည်။
သတင်းမီဒီယာများ အနေဖြင့် ရခိုင်ဒေသ ပဋိပက္ခနှင့် ပတ်သက်၍ ရေးသားရာ၌ ပြည်သူများထံ အချက်လက်ပေးရန်သာ ဖြစ်ပြီး ပဋိပက္ခ ပိုမိုကြီးထွားလာစေရန် လှုံ့ဆော်သည့် သဘော မရေးသင့်ကြောင်း၊ လူမျိုးရေး၊ ဘာသာရေး ခွဲခြားမှုများ ထည့်သွင်း မရေးသင့်ကြောင်း ပြန်ကြားရေး ၀န်ကြီးဌာန ညွန်ကြားရေးမှူးချုပ် ဦးရဲထွဋ်က ၎င်း၏ facebook စာမျက်နှာ၌ ယမန်နေ့က ရေးသားထားသည်ကို တွေ့ရသည်။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment