ပိတ်ဆို့မှုအားလုံး ရုပ်သိမ်းရန် စောလွန်းသေးဟု အမေရိကန်သံအမတ်ပြော

ပိတ်ဆို့မှုအားလုံး ရုပ်သိမ်းဖို့ဆိုတာ အချိန်စောလွန်းသေးကြောင်း မြန်မာနိုင်ငံဆိုင်ရာ အမေရိကန် သံအမတ်ကြီး ဒဲရက်ခ် မစ်ချဲလ်က ဒီကနေ့ ပြောဆိုလိုက်ပါတယ်။
ရန်ကုန်မြို့ အမေရိကန်သံရုံးမှာ ကျင်းပတဲ့ သံအမတ်ကြီးရဲ့ ပထမအကြိမ် သတင်းစာ ရှင်းလင်းပွဲမှာ အမေရိကန် ပြည်ထောင်စုက ရင်းနှီးမြှုပ်နှံမှုတွေဟာ အပြုသဘော ဆောင်ပြီး ပြောင်းလဲမှုတွေကို အထောက်အကူ ပြုမယ်လို့ မျှော်လင့်ကြောင်း ပြောဆိုသွားပါတယ်။
အမေရိကန် သံအမတ်ကြီး ဒဲရက်ခ် မစ်ချဲလ်က တာဝန်သိ ရင်းနှီးမြှုပ်နှံမှုနဲ့ ဒီမိုကရေစီရဲ့ အဓိက အရေးကြီးတဲ့ အစိတ်အပိုင်းက ပွင့်လင်းမြင်သာမှု ရှိခြင်းဖြစ်ကြောင်း၊ မြန်မာနိုင်ငံမှာ စီးပွားရေး လာလုပ်ကြမယ့် အမေရိကန် ကုမ္ပဏီတွေ အနေနဲ့ နိုင်ငံတကာ ကော်ပိုရိတ် အုပ်ချုပ်မှု စံနှုန်းကို အမြင့်ဆုံး အနေအထားမှာ ကျင့်သုံးပြီး လုပ်ကိုင်ကြရမှာဖြစ်ပြီး သူတို့ လုပ်ကိုင်နေပုံတွေကိုလည်း အမေရိကန် အစိုးရထံ အစီရင်ခံဖို့ လိုအပ်မှာ ဖြစ်ကြောင်းလည်း ပြောဆိုခဲ့ပါတယ်။
တဆက်တည်း အမေရိကန် သံအမတ်ကြီး ဒဲရက်ခ် မစ်ချဲလ်က စီးပွားရေး ပွင့်လင်းမြင်သာမှုက သယံဇာတ တူးဖော်ရေး လုပ်ငန်းတွေမှာ အင်မတန် အရေးကြီးပါတယ်။ ဘာလို့လဲဆိုတော့ ရင်းနှီးမြှုပ်နှံရတဲ့ ငွေပမာဏ ကြီးမားပြီး မြန်မာ့ရေနံနဲ့ သဘာဝဓာတ်ငွေ့လုပ်ငန်းလို နိုင်ငံပိုင် စီးပွားရေး လုပ်ငန်းတွေက နိုင်ငံရဲ့အမွေအနှစ်ဖြစ်တဲ့ သဘာဝ သယံဇာတတွေကို စီမံခန့်ခွဲကြရလို့ ဖြစ်ပါတယ်။
ဒါကြောင့် MOGE လို နိုင်ငံပိုင် စီးပွားရေးလုပ်ငန်းတွေနဲ့ ပတ်သက်မယ့် အမေရိကန် ကုမ္ပဏီတွေ အတွက် အထူးလိုအပ်ချက်တွေကို ကျွန်တော်တို့ဘက်က သတ်မှတ်ထားတာပဲ ဖြစ်ပါတယ်လို့လည်း ဆိုပါတယ်။
သတင်းစာ ရှင်းလင်းပွဲမှာ ကချင်ပြည်နယ်နှင့် ရှမ်းပြည်နယ် မြောက်ပိုင်းက စစ်ဘေး ဒုက္ခသည်တွေအတွက် အမေရိကန်ဒေါ်လာ သုံးသန်း တန်ဖိုးရှိတဲ့ စားနပ်ရိက္ခာတွေကို US AID အမေရိကန် ပြည်ထောင်စု နိုင်ငံတကာ ဖွံ့ဖြိုးရေး အစီအစဉ်က ကုလသမဂ္ဂ လက်အောက်ခံ ကမ္ဘာ့စားနပ်ရိက္ခာ အစီစဉ် WFP ကနေတဆင့် လှူဒါန်းမှာ ဖြစ်တယ်လို့ သံအမတ်ကြီးက ပြောပါတယ်။
ဒီအစီစဉ်အရ ဒုက္ခသည် လူဦးရေ ငါးသောင်းကျော် ခြောက်လကြာ စားသုံးနိုင်ရေးအတွက် ဆန်တန်ချိန် စုစုပေါင်း မက်ထရစ်တန်ချိန် သုံးထောင်ကျော် ထောက်ပံ့ ကူညီနိုင်မှာ ဖြစ်တယ်လို့လည်း ပြောဆိုသွားပါတယ်။

ဒဏ်ခတ်မှုရုပ်သိမ်းရေး ပြုပြင်ရေးအပေါ် မူတည်

အလုပ်သမား သမဂ္ဂ ခေါင်းဆောင်များ အလုပ်ထုတ်ခံရမှု သက်ဆိုင်ရာသို့ တင်ပြမည်

မြန်မာနိုင်ငံတွင်းရှိ စက်ရုံ အလုပ်ရုံများတွင် အလုပ်သမား သမဂ္ဂများ ဖွဲ့စည်းခွင့်ပေးရေး တောင်းဆိုသည့်
အလုပ်သမား ခေါင်းဆောင်များ အလုပ်မှ ထုတ်ပယ်ခြင်း ခံနေရသည့် ကိစ္စနှင့် ပတ်သက်၍ အလုပ်သမား ၀န်ကြီးဌာန အလုပ်သမားခုံ သမာဓိရုံးနှင့် သက်ဆိုင်ရာဝန်ကြီး ဌာနများသို့ တင်ပြသွားရန်ရှိကြောင်း နိုင်ငံတကာ အလုပ်သမား အဖွဲ့(ILO) မှ နည်းပညာ ဆိုင်ရာအကြံပေး အရာရှိ ရော့ခ် ၀ီလ်စင်က ပြောသည်။ ယင်းသို့ အလုပ်သမား ခေါင်းဆောင်များ အလုပ်မှ ထုတ်ပယ် ခံနေရခြင်းသည် မကြာမီက ထုတ်ပြန်ထားသည့်
အလုပ်သမား အခြေခံဥပဒေ၏ အကျိုးသက်ရောက်မှု အားနည်းနေသောကြောင့် ဖြစ်ကြောင်း၊ ထို့အပြင် လူထု သိရှိမှု နည်းနေပြီး ဥပဒေပါ အချက်အလက်များတွင် အလုပ်သမားများ အပေါ် ကာကွယ် တာဝန်ယူနိုင်သည့် အချက်အလက်များ နည်းပါးနေခြင်းကြောင့် ဖြစ်ကြောင်း၊ အလုပ်သမား ခေါင်းဆောင်များ ထုတ်ပယ် ခံနေရခြင်းကို သက်ဆိုင်ရာ ဌာနများကစုပေါင်း တားဆီးရန် လိုအပ်ကြောင်း ၎င်းက ယမန်နေ့ ရန်ကုန်တွင် ပထမဆုံးအကြိမ် ကျင်းပသည့် ILO အလုပ်ရုံ ဆွေးနွေးးပွဲတွင် ပြောဆိုလိုက်သည်။
အလုပ်သမားအဖွဲ့အစည်းများ၊ အလုပ်ရှင် အဖွဲ့အစည်းများနှင့် ဌာနများမှ ခုံသမာဓိ အဖွဲ့ဝင်များ၊ဥပဒေ ရေးရာ သက်ဆိုင်သူ များကို ILO က တာဝန်ယူကာ အဖွဲ့အစည်း တခုချင်းစီ သော်လည်းကောင်း၊ စုပေါင်း၍သော် လည်းကောင်း ပြီးပြည့်စုံမှု ရှိသည့် အလုပ်သမား၊ အလုပ်ရှင်နှင့် ပတ်သက်သည့် ဥပဒေရေးရာ သင်တန်းများ၊ အလုပ်ရုံ ဆွေးနွေးပွဲများ ပြုလုပ်ပို့ချ သွားရန် ရှိကြောင်း သိရသည်။
ဥပဒေ ပြဌာန်းချက်နှင့် မညီဘဲ အလုပ်သမား ခေါင်းဆောင်များကို အလုပ်မှ ထုတ်ပယ်ခြင်းသည် အလုပ်သမား ဥပဒေနှင့်အကျုံးမ၀င်ကြောင်း၊ ထို့ကြောင့် ဥပဒေ အသက်ဝင်စေရေးအတွက် ဆောင်ရွက်ရန် လိုအပ်ကြောင်း၊ အလုပ်သမား ခုံသမာဓိ အဖွဲ့များအနေဖြင့် လုပ်သားရေးရာ ကိစ္စများ ဆုံးဖြတ်ရာတွင် တရားမျှတမှုမရှိဘဲ ဘက်လိုက်မှုများ ရှိနေမည်ကို အလုပ်သမား များက စိုးရိမ်လျက်ရှိသည်ဟု အလုပ်သမား သမဂ္ဂ ခေါင်းဆောင်တဦးဖြစ်သည့် ဦးဇော်ညွန့်က ပြောသည်။ဖြစ်ရပ်တခုအနေဖြင့် စံကောင်း ကမ္ဘာကျော် စက်ရုံတွင် အလုပ်သမား အဖွဲ့အစည်း ဖွဲ့စည်းခဲ့ရာ ခေါင်းဆောင်အဖြစ် ပါဝင်ခဲ့သော လုပ်သား ကိုယ်စားလှယ် ၁၂ ဦးအား ပြစ်မှုကျူးလွန်ခြင်း မရှိဘဲ အလုပ်မှ ထုတ်ခဲ့ကြောင်း သိရသည်။စက်ရုံ အလုပ်ရုံများတွင် အလုပ်သမား ဆန္ဒပြမှုများ ဆက်လက်ရှိနေမည် ဆိုပါက ပြည်ပ ရင်းနှီးမြှုပ်နှံမှုများ ၀င်ရောက် လာသည့် အခါတွင် အကျိုး သက်ရောက်မှုများ ရှိလာနိုင်ကြောင်း လုပ်ငန်းရှင် အသိုင်းအ၀န်းက ဆိုသည်။
လက်ရှိတွင် မြန်မာနိုင်ငံ တ၀န်း၌ တရားဝင် မှတ်ပုံတင်ထားသည့် အခြေခံ အလုပ်သမား အဖွဲ့အစည်း စုစုပေါင်း ၁၂၇ ဖွဲ့ဖွဲ့စည်းထားပြီးဖြစ်ကြောင်း ယမန်နေ့က ကျင်းပသည့် ILO ၏ အလုပ်ရုံဆွေးနွေးပွဲသို့ အလုပ်သမားရေးရာ ၀န်ကြီးဌာနမှ ဒုတိယ ညွှန်ကြားရေးမှူး ဦးသက်နိုင်ဦး၊ အလုပ်ရှင် အဖွဲ့အစည်းမှ တာဝန်ရှိသူ အနေဖြင့် ကုန်သည်နှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) မှ ဒေါ်ခိုင်ခိုင်နွယ်၊ အလုပ်သမား အဖွဲ့အစည်းများ ဘက်မှ ဦးသန့်ဇင်ဦးနှင့် အလုပ်သမား အင်အား ၃၀၀ ကျော် တက်ရောက် ဆွေးနွေး ခဲ့သည်။

လွှတ်တော်အမတ်ပိုင် ကုမ္ပဏီရှေ့တွင် လယ်သမားများ ဆန္ဒထုတ်ဖော်

ရန်ကုန်တိုင်း ဒဂုံဆိပ်ကမ်းမြို့နယ်မှာရှိတဲ့ ရွာ ၉ ရွာက လယ်ဧက သောင်းချီ အသိမ်းခံထားရတဲ့ လယ်သမား တထောင်ကျော် ထဲက လယ်သမား ၃၀၀ နီးပါးဟာ သူတို့လယ်ယာမြေ ပြန်လည်ရရှိရေး၊ လယ်သမားအခွင့်အရေး ရရှိရေးတို့အတွက် လယ်မြေသိမ်းယူ ထားတဲ့ ကုမ္ပဏီ ၁၆ ခုထဲက တခုဖြစ်တဲ့ ပင်လယ်ကိုးသွယ်ကုမ္ပဏီရုံးရှေ့မှာ ဒီနေ့ စုရုံး ဆန္ဒပြခဲ့ပါတယ်။
ရန်ကုန်တိုင်း ဒေသကြီး လွှတ်တော်အမတ် ဦးအောင်သန်းဦး ပိုင်ဆိုင်တဲ့ ပင်လယ်ကိုးသွယ် ကုမ္ပဏီဟာ လယ်သမားတွေ အပေါ် အဆိုးဝါးဆုံး ဆက်ဆံတာ ဖြစ်တဲ့အတွက် ဒီကုမ္ပဏီရှေ့မှာ ဆန္ဒပြရတာဖြစ်တယ်လို့ လယ်သမားတွေက ပြောပါတယ်။ဒဂုံဆိပ်ကမ်း မြို့နယ် သဲပင်ချောင်ကျေးရွာက တောင်သူ ဦးမောင်ညိုက လယ်တွေကို ကုမ္ပဏီတွေက အဆမတန် ဈေးနှိမ်ဝယ်ယူတဲ့အပြင် သိမ်းယူသွားတဲ့ ကုမ္ပဏီတွေကပဲ စပါးစိုက်ပျိုးတဲ့ အတွက် လယ်သမားတွေ အလုပ်လက်မဲ့ ဖြစ်ရတယ်လို့ ဧရာဝတီကို ပြောပါတယ်။ ဦးမောင်ညိုရဲ့ လယ် လယ် ၇. ၃၃ ဧကကို အမျိုးသား ကြီးပွားတိုးတက်ရေး ကုမ္ပဏီက ၂၀၀၈ ခုနှစ်မှာ သိမ်းယူခဲ့တာပါ။
၂၀၀၈ ခုနှစ်က လယ်မြေသိမ်းယူသွားတဲ့ ကုမ္ပဏီ ၁၆ ခုကတော့ ပင်လယ်ကိုးသွယ်၊ ရွှေနဂါးမင်း၊ အမျိုးသား ကြီးပွား တိုးတက်ရေး၊ ဂွတ်ဘရားသား၊ ဂရန်း အေးရှား၊ မိုးယံခ၊ ဒဂုံအင်တာနေရှင်နယ်၊ ဧဒင်၊ စင်းရွှေလီ၊ ယုဇန၊ မြင့်ဇေယျာ၊ ရွှေတောင်၊ မက်စ် မြန်မာ၊ ရွှေဟိန်းထက်နဲ့ မြတ်ရွှေဝါ ကုမ္ပဏီတို့ ဖြစ်တယ်လို့ သိရပါတယ်။
ဒဂုံမြို့နယ်အတွင်းမှာရှိတဲ့ သရက်ပင်ချောင်၊ ညောင်ပင်၊ ကျည်စု အရှေ့၊ ကျည်စုအနောက်၊ သစ်ပင်၊ ထောင်တလုတ်၊ ရွာသာကြီး၊ သုံးခွ စတဲ့ရွာတွေက လယ်ယာမြေတွေကို နိုင်ငံတော်အမိန့်ဆိုပြီး စာနဲ့ ထုတ်ပြန်တာမျိုး မဟုတ်ဘဲ နှုတ်မိန့်နဲ့ သိမ်းယူသွားခဲ့တာ ဖြစ်တယ်လို့ ဦးမောင်ညိုက ပြောပါတယ်။
လယ်သမားတွေ ဆန္ဒပြဖို့အတွက် ပြီးခဲ့တဲ့ အင်္ဂါနေ့က မြို့နယ်ရဲတပ်ဖွဲ့မှူးက ခွင့်ပြုပေးလိုက်တာ ဖြစ်ပါတယ်။ ဒါပေမယ့် ဆန္ဒပြခွင့် လျှောက်ထားခဲ့တဲ့ လူဦးရေအတိုင်း ပါဝင်ခွင့်မရခဲ့ဘူးလို့ လယ်သမားတွေရဲ့ ဥပဒေ အတိုင်ပင်ခံ ရှေ့နေ ကိုဖိုးဖြူကို ပြောပါတယ်။
ဒီနေ့ ဆန္ဒပြပွဲဟာ ဒီလ အစောပိုင်းက ပြဌာန်းလိုက်တဲ့ လွတ်လပ်စွာ စုဝေးခွင့်နဲ့ ဆန္ဒပြခွင့် ဥပဒေတွေ ထွက်လာပြီး နောက်ပိုင်း ဒုတိယမြောက် လုပ်ခွင့်ရတာဖြစ်ပါတယ်။ ပထမဦးဆုံး ဆန္ဒပြပွဲကတော့ ပြီးခဲ့တဲ့တပတ်က မင်္ဂလာဒုံမြို့နယ်မှာရှိတဲ့ လယ်သမားတွေ ဆန္ဒဖော်ထုတ် နိုင်ခဲ့တာ ဖြစ်ပါတယ်။
မနှစ်က အောက်တိုဘာလတုန်းကလည်း လယ်သမားတွေ နစ်နာဆုံးရှုံး ရတာတွေအတွက် အိုးအိမ် ဦးစီးဌာန ရုံးရှေ့မှာ ဆန္ဒ ပြခဲ့ကြပါတယ်။ အဲဒီအတွက် လယ်သမားတွေ အရေးယူခံခဲ့ရပြီး ဒီနေ့ ဒီအချိန်အထိ ဗိုလ်တထောင်မြို့နယ် တရားရုံးမှာ အမှု ရင်ဆိုင်နေရဆဲ ဖြစ်တယ်လို့ ကိုဖိုးဖြူက ပြောပါတယ်။

ကချင်ပြည်နယ်အရေး ကချင်အမတ်များ စပြောသင့်ဟု KIO ဆို

လွှတ်တော်အတွင်း ရောက်ရှိနေသော ကချင်ပြည်နယ်မှ လွှတ်တော် ကိုယ်စားလှယ်များ အနေဖြင့် ကချင်ပြည်နယ်တွင်း တိုက်ပွဲများနှင့်ပတ်သက်၍ ခေါင်းစဉ်တခု တင်သွင်းကာ ဆွေးနွေးသင့်ကြောင်း ကချင်လွတ်လပ်ရေး တပ်မတော် (KIA) မှ ဒုတိယ စစ်ဦးစီးချုပ် ဗိုလ်မှူးချုပ် ဂွမ်မော်က ပြောသည်။
ဆက်လက်၍ ၎င်းက ကချင်ပြည်နယ် မတည်ငြိမ်သည့် ကိစ္စနှင့်ပတ်သက်၍ အမျိုးသား ဒီမိုကရေစီ အဖွဲ့ချုပ် (NLD) ခေါင်းဆောင် ဒေါ်အောင်ဆန်းစုကြည်က လူသိရှင်ကြား ထုတ်ဖော် ပြောဆိုမှု နည်းပါးနေသည် ဆိုသည့် ဝေဖန်မှုများ ရှိနေကြောင်း၊ သို့သော် သူ့အနေဖြင့် ဒေါ်အောင်ဆန်းစုကြည်ကို မေးခွန်းထုတ်ခြင်းထက် လက်ရှိ လွှတ်တော်တွင်း ရောက်ရှိ နေသော ကချင်ပြည်နယ်မှ လွှတ်တော် ကိုယ်စားလှယ်များကိုသာ ကချင်ကိစ္စ ဆွေးနွေးမှု ရှိ၊ မရှိ မေးခွန်း ထုတ်လိုကြောင်း ပြောသည်။
သို့သော် Peace talk creation group မှ ကချင်ငြိမ်းချမ်းရေး အကျိုးဆောင် ဦးလမိုင်ဂွမ်ဂျာက ကမူ ဒေါ်အောင်ဆန်းစုကြည်သည် လွှတ်တော်တွင်း ရောက်ရှိနေပြီ ဖြစ်သော်လည်း ကချင်ဒေသ အရေးနှင့် ပတ်သက်၍ ထုတ်ဖော် ပြောဆိုခြင်း မရှိသေးကြောင်း ပြောသည်။ကချင်ပြည်နယ်မှ လွှတ်တော် ကိုယ်စားလှယ် ဒေါ်ဒွဲဘူက ကချင်ပြည်နယ် ငြိမ်းချမ်းရေးနှင့် ပတ်သက်ပြီး တိုင်းရင်းသား ရေးရာနှင့် ပြည်တွင်း ငြိမ်းချမ်းရေး ဖော်ဆောင်မှု ကော်မတီမှ တဆင့် ပြည်သူ့လွှတ်တော်နှင့် ပြည်ထောင်စုလွှတ်တော်သို့ အဆို တင်သွင်းရန်ရှိကြောင်း ရှင်းပြသည်။
ပြီးခဲ့သည့် ဇွန်လက London School of Economic (LSE) တွင် ကျင်းပသည့် အင်္ဂလန်ရောက် မြန်မာနိုင်ငံသားများနှင့် တွေ့ဆုံပွဲ၌ အစိုးရ တပ်မတော်က ကချင်ပြည်နယ်တွင်း ထိုးစစ်များ ဆက်တိုက် ဆင်နေမှုနှင့် ပတ်သက်၍ ဒေါ်အောင်ဆန်းစုကြည် နှုတ်ဆိတ် နေမူအပေါ် ကချင် ဥပဒေကျောင်းသား ကိုခွန်နောင်က မေးခွန်းမေးရာ ဒေါ်အောင်ဆန်းစုကြည်က လေသံပြင်းပြင်းနှင့် တုံ့ပြန်ခဲ့သည် ဆိုသည့် ဝေဖန်မှုများ ရှိခဲ့သည်။အဆိုပါ ဆွေးနွေးပွဲ၌ ဒေါ်အောင်ဆန်းစုကြည်က စစ်ဖြစ်ရခြင်း အကြောင်းရင်းနှင့် ပတ်သက်၍ နှစ်ဘက်စလုံးတွင် တာဝန်ရှိကြောင်း၊ နှစ်ဘက် စလုံးကို ရှုတ်ချကြောင်း၊ ကချင်ဒေသတွင် ဖြစ်ပေါ်နေသော လူ့အခွင့်အရေး ချိုးဖောက်မှု များနှင့် ပတ်သက်၍လည်း အစိုးရနှင့် KIA နှစ်ဘက်စလုံးကို စောင့်ကြည့်ရန် လွတ်လပ်သည့် စောင့်ကြည့် လေ့လာသူများ ရှိရမည် ဖြစ်ကြောင်း ကိုခွန်နောင်၏ မေးခွန်းကို ပြန်လည် ဖြေကြားခဲ့သည်။ကိုခွန်နောင်က ဒေါ်အောင်ဆန်းစုကြည်၏ အမြင်တချို့ကို လက်ခံသော်လည်း ကချင်ပြည်နယ်တွင် ဖြစ်ပေါ်နေသည့် လူ့အခွင့်အရေး ချိုးဖောက်မှုများနှင့် ပတ်သက်၍ နှစ်ဘက်စလုံးကို စောင့်ကြည့်ရန် လိုအပ်သည် ဆိုသည့် စကားကို ဒေါ်အောင်ဆန်းစုကြည် အနေနှင့် မပြောသင့်ဟု ဆိုသည်။
ဗိုလ်မှူးချုပ် ဂွမ်မော်ကမူ စစ်ပွဲဖြစ်ပါက နှစ်ဘက်တပ်များ ကျူးလွန်သည့် လူ့အခွင့်အရေး ချိုးဖောက်မှုများကို ရှောင်လွှဲမရနိုင်ကြောင်း၊ တဘက်နှင့် တဘက် လူ့အခွင့်အရေး ချိုးဖောက်ခဲ့သည့် ကိစ္စများကြောင့် အပစ်အခတ် ရပ်စဲသည့်တိုင် ခံစားချက်များ ကျန်ရှိနေနိုင်ကြောင်း ပြောဆိုသည်။ကချင်ပြည်နယ် အတွင်း ဖြစ်ပွားနေသော စစ်ပွဲများကြောင့် ထွက်ပြေးတိမ်းရှောင်နေရသည့် ဒုက္ခသည်များအတွက် မြန်မာပြည်တွင်းရှိ တိုင်းရင်းသားပေါင်းစုံ အပါအဝင် အလွှာအသီးသီး၊ ကဏ္ဍအသီးသီးက ဝိုင်းဝန်းစောင့်ရှောက် လှူဒါန်းမှုများ ပြုလုပ်နေသည်ဟု ဒေါ်အောင်ဆန်းစုကြည်က LSE ဆွေးနွေးပွဲတွင် ပြောဆိုခဲ့သည်။
၂၀၁၁ ခုနှစ် ဇွန်လပိုင်းက အစိုးရတပ်များနှင့် KIA တို့အကြား တိုက်ပွဲများ ပြန်လည် ဖြစ်ပွားခဲ့သောကြောင့် တနှစ်တာ ကာလအတွင်း ဒုက္ခသည် သောင်းချီ၍ အိုးအိမ် စွန့်ခွာ ထွက်ပြေးခဲ့ကြရပြီး နယ်မြေ တည်ငြိမ်မှု မရရှိသေးသဖြင့် နေရပ်ရင်းသို့ မပြန်နိုင် ကြသေးချေ။လက်ရှိအခြေအနေအရ ၎င်းဒုက္ခသည်များသည် တရုတ် – မြန်မာနယ်စပ် တရုတ်ပြည်ဘက်ခြမ်းရှိ ဒုက္ခသည် စခန်း ၂ ခု အပါအဝင် ကချင်ပြည် လွတ်လပ်ရေးအဖွဲ့ (KIO) စောင့်ရှောက်ထားသည့် ဒုက္ခသည် စခန်းများတွင် နေထိုင်လျှက် ရှိသည်။KIO နှင့် အစိုးရသည် အပစ်ရပ်ရန်အတွက် တရားဝင်နှင့် အလွတ်သဘော ဆွေးနွေးမှုများ ရှိနေသည့် အချိန်ကာလ အတွင်း၌ပင် တိုက်ပွဲများ ဆက်လက် ဖြစ်ပွားနေသည်။ ယခု လဆန်းပိုင်းက ငြိမ်းချမ်းရေး ဆွေးနွေးပွဲ ပြုလုပ်ရန် စီစဉ်ခဲ့သော်လည်း ဆွေးနွေးကြမည့် နေရာကို နှစ်ဘက် ညှိနှိုင်း၍ မရသေးသောကြောင့် ယခုအချိန်တိုင်အောင် ဆွေးနွေးပွဲ မကျင်းပနိုင်သေးပေ။

နယ်စည်းမထား အဖွဲ့ဝင်ငါးဦး ဖမ်းဆီးခံနေရဆဲ

ရခိုင်ပြည်နယ်မှာ မကြာသေးခင်က ဖြစ်ပွားခဲ့တဲ့ အကြမ်းဖက် ပဋိပက္ခ ကာလအတွင်း ဖမ်းဆီးခံရသူတွေထဲမှာ AZG ဒါမှမဟုတ် MSF လို့ လူသိများတဲ့ နယ်စည်းမထား ဆရာဝန်များအဖွဲ့က ၀န်ထမ်း (၅) ဦး ပါဝင်ပြီး၊ သူတို့အားလုံး ထိန်းသိမ်း ခံထားရဆဲ ဖြစ်တယ်လို့ အဲဒီအဖွဲ့ရဲ့ မြန်မာနိုင်ငံဆိုင်ရာရုံး ဒုတိယ အကြီးအကဲ Ms. Vickie Hawkins က ဒီကနေ့ အတည်ပြု ပြောကြားပါတယ်။ပြီးခဲ့တဲ့ လအတွင်း ဖမ်းဆီးခံရသူတွေထဲမှာ AZG ၀န်ထမ်း ၅ ဦး ပါဝင်တယ်ဆိုတာ အတည်ပြုနိုင်ပါတယ်။ ဒီကိစ္စနဲ့ ပတ်သက်လို့ မြန်မာအစိုးရ အာဏာပိုင်တွေနဲ့ ဆက်သွယ်ဆောင်ရွက်မှု ရှိပါတယ်။ သူတို့ကို ဘယ်အမှုတွေနဲ့ တရားစွဲဆို ထားတယ်ဆိုတာ သိရဖို့အတွက်လည်း စုံစမ်းနေဆဲ ဖြစ်ပါတယ်လို့ AZG အဖွဲ့ရဲ့ မြန်မာနိုင်ငံရုံး ဒုတိယ အကြီးအကဲ Ms. Vickie Hawkins ရန်ကုန်မြို့မှာ ဒီကနေ့ တွေဆုံစဉ်မှာ ပြောသွားတာပါ။
ရခိုင်ပြည်နယ်မှာ ဖြစ်ပွားခဲ့တဲ့ သွေးထွက်သံယို ပဋိပက္ခတွေအတွင်း AZG အဖွဲ့က ဘင်္ဂါလီ မွတ်ဆလင် ၀န်ထမ်းတချို့ဟာ အယ်လ်ကိုင်းဒါးလို နိုင်ငံတကာ အကြမ်းဖက် အဖွဲ့အစည်းတွေနဲ့ ဆက်နွယ် ပတ်သက်မှု ရှိခဲ့တယ်လို့ ကောလာဟလတွေ ကျယ်ကျယ်ပြန့်ပြန့် ပေါ်ပေါက်ခဲ့ပါတယ်။ ဒီကောလာဟလတွေနဲ့ ပတ်သက်လို့ ငြင်းဆိုကြောင်း Ms. Vickie Hawkins က ပြောပါတယ်။
အဲဒီကာလက ရခိုင်ပြည်နယ်မှာ ကျွန်မတို့ ၀န်ထမ်းတွေ အဖမ်းခံရမှုနဲ့ ပတ်သက်လို့ အခြေအမြစ်မရှိတဲ့ ကောလာဟလတွေ အကြီးအကျယ် ပေါ်ထွက်ခဲ့တဲ့အတွက် AZG အဖွဲ့အပေါ် ဂယက်ရိုက်ခတ်မှုတွေ ရှိခဲ့ပါတယ်။ AZG အဖွဲ့ရဲ့ လုပ်ငန်း ဆောင်ရွက်ချက်တွေဟာ ဥပဒေနဲ့ ဆန့်ကျင်နေတယ်ဆိုတဲ့ စွပ်စွဲပြောဆိုချက်တွေ၊ အခြေအမြစ်မရှိတဲ့ ကောလာဟလတွေနဲ့ ပတ်သက်လို့ လုံးဝ ပယ်ချလိုပါတယ်။ ကောလာဟလတွေမှာ ဖော်ပြတဲ့ AZG ရဲ့နေရာတွေကိုလည်း အာဏာပိုင်တွေ ရှာဖွေခဲ့ပြီးပါပြီ။ စိုးရိမ် သံသယဖြစ်စရာ ဘာမှ မတွေ့ရှိခဲ့ပါဘူး။ AZG ဟာ ကျန်းမာရေး ကူညီမှု အဖွဲ့အစည်း သက်သက်ဖြစ်ပြီး မြန်မာနိုင်ငံရဲ့ တည်ဆဲ ဥပဒေတွေကိုလည်း အတိအကျ လိုက်နာနေပါတယ်လို့ ပြောသွားပါတယ်။
AZG နယ်စည်းမထား ဆရာဝန်များ အဖွဲ့ဟာ လွန်ခဲ့တဲ့ ၁၈ နှစ်က စလို့ မြန်မာနိုင်ငံ တ၀ှမ်းမှာ HIV/AIDS ရောဂါ၊ ငှက်ဖျားနဲ့ တီဘီရောဂါ ကာကွယ် တိုက်ဖျက်ရေး လုပ်ငန်းတွေကို ၀န်ထမ်းပေါင်း ၁၂၀၀ ကျော်နဲ့ ဆောင်ရွက်နေပါတယ်။မကြာခင်က ရခိုင်ပြည်နယ်မှာ ဖြစ်ပွားခဲ့တဲ့ ပဋိပက္ခတွေနဲ့ ပတ်သက်ပြီး ကုလသမဂ္ဂနဲ့ နိုင်ငံတကာ အစိုးရ မဟုတ်တဲ့ INGO ၀န်ထမ်း ၁၀ ဦး ဖမ်းဆီး ထိန်းသိမ်းခံထားရတယ်လို့ သိရပါတယ်။

စစ်တွေမှာ ARV ဆေးဝါးပြတ်လပ်

ရခိုင်ပြည်နယ် အတွင်း မကြာသေးခင်က ဖြစ်ပွားခဲ့တဲ့ ပဋိပက္ခတွေကြောင့် စစ်တွေမြို့ပေါ်နဲ့ မြို့နယ်တွေက HIV/AIDS ဝေဒနာရှင်တွေဟာ ARV ဆေးဝါး ပြတ်လပ်သွားတဲ့ အခြေအနေတွေနဲ့ ကြုံတွေ့ နေရတယ်လို့ သိရပါတယ်။စစ်တွေမြို့ပေါ်မှာ ARV ဆေးဝါး ပြတ်လပ်ပြီး ဒုက္ခရောက်နေကြရတဲ့ အခြေအနေတွေကို AIDS ဒေနာရှင် တစ်ဦးဖြစ်တဲ့ ကိုဦးဘရွှေကပြောပါတယ်။   စစ်တွေမြို့ပေါ်နဲ့ မြို့နယ်တွေမှာ ARV ဆေးဝါး သုံးစွဲနေရတဲ့ AIDS ဝေဒနာရှင် စုစုပေါင်း (၃၃၀) ရှိနေပြီး အစိုးရက ဖြန့်ဝေပေးတဲ့ ARV ဆေးဝါးက လူ ၄၅ ယောက်စာပဲ ရှိတဲ့အတွက် ဝေဒနာရှင်တွေ အနေနဲ့ ဆေးအခမဲ့ ဖြန့်ဝေပေးနေတဲ့ နိုင်ငံခြား NGO တွေကိုပဲ အဓိက အားကိုးနေရတာ ဖြစ်တယ်လို့ ဝေဒနာရှင်တွေက ပြောပါတယ်။ဒါပေမယ့် မကြာသေးခင်က ရခိုင်ပြည်နယ် အတွင်းမှာ ဖြစ်ပွားခဲ့တဲ့ ပဋိပက္ခတွေနဲ့ ဆက်နွယ်ပြီး နိုင်ငံခြား NGO တချို့ရဲ့လုပ်ငန်းတွေကို ရပ်ဆိုင်း လိုက်ရတဲ့အတွက် AIDS ဝေဒနာရှင်တွေကို ပေးဝေနေတဲ့ ARV ဆေးဝါး လုံးဝ ပြတ်တောက် သွားခဲ့ရတာ ဖြစ်တယ်လို့ သိရပါတယ်။ARV ဆေးဝါးဟာ AIDS ရောဂါ ဝေဒနာရှင်တွေ နေ့စဉ်နဲ့အမျှ အချိန်အတိအကျနဲ့ သောက်သုံးရတဲ့ ဆေးဝါးဖြစ်တဲ့အတွက် ဆေးပြတ်လပ် သွားတာနဲ့ HIV ရောဂါပိုး ပျံ့နှံ့မှု မြန်ဆန်လာပြီး မလိုလားအပ်တဲ့ ရောဂါ လက္ခဏာတွေ ဆက်တိုက် ဝင်ရောက် လာနိုင်တယ်လို့ သိရပါတယ်။ရခိုင်ပြည်နယ် အတွင်းမှာ ဖြစ်ပွားခဲ့တဲ့ ပဋိပက္ခကာလ အတွင်း အဲသည်လို ARV ဆေးဝါး ပြတ်လပ်မှုကြောင့် သေဆုံးသွားတဲ့ HIV/AIDS ဝေဒနာရှင် ၃ ဦး ရှိတယ်လို့ ဆိုပါတယ်။

စစ်ပြေးဒုက္ခသည်များကို အမေရိကန် ဆန်ကူညီမည်

ရှမ်းပြည် မြောက်ပိုင်းနှင့် ကချင်ပြည်နယ် အတွင်း ဖြစ်ပွားနေသည့် စစ်ပွဲများကြောင့် နေရပ်စွန့်ခွာ ထွက်ပြေးသူ ၅၅၀၀၀ အတွက် အမေရိကန်အစိုးရက ဆန် ၆ လစာ ထောက်ပံ့သွားမည် ဖြစ်ကြောင်း အမေရိကန် သံအမတ်ကြီး မစ္စတာ ဒဲရက် မစ်ချယ် (Mr. Derek J. Mitchell) က ယနေ့ ပြောသည်။
တန်ဖိုးအားဖြင့် အမေရိကန်ဒေါ်လာ ၃ သန်းခန့်ရှိသည့် ဆန် မက်ထရစ်တန် ၃၄၀၀ နီးပါးကို အမေရိကန် အစိုးရက ဒုက္ခသည် များအတွက် ထောက်ပံ့ ကူညီသွားမည် ဖြစ်ကြောင်း၊ အဆိုပါ အကူအညီ ငွေကြေးကို USAID မှတဆင့် ကမ္ဘာ့ စားနပ်ရိပ်က္ခာ အစီအစဉ် (WFP) သို့ ပေးအပ်မည် ဖြစ်ကာ WFPက ဆန်များဝယ်ယူပြီး ဒုက္ခသည်များထံ ဖြန့်ဖြူးပေးမည် ဖြစ်ကြောင်း ၎င်းက သံအမတ်ကြီး တာဝန်ဖြင့် မြန်မာပြည်ရှိ အမေရိကန်သံရုံးတွင် ပထမဆုံး ကျင်းပသည့် သတင်းစာရှင်းလင်းပွဲ၌ ပြောဆို လိုက်ခြင်း ဖြစ်သည်။
အမေရိကန် ပြည်ထောင်စု အနေဖြင့် မြန်မာနိုင်ငံတွင် အကူအညီ လိုအပ်နေသူများကို လူမျိုး၊ ဘာသာ မခွဲခြားဘဲ ကူညီသွားမည် ဖြစ်သည့်အပြင် ချက်ချင်းလိုအပ်နေသော အကူအညီများနှင့် ရေရှည်လိုအပ် နေသော အကူအညီများကို ပေးရန် နည်းလမ်းများ ရှာသွားမည်ဖြစ်ကြောင်း ပြောသည်။
ဆက်လက်၍ ၎င်းက အမေရိကန် အခြေစိုက် နိုင်ငံတကာ ကုမ္ပဏီ များကို အမေရိကန် အစိုးရက မြန်မာနိုင်ငံတွင်ရင်းနှီးမြှုပ်နှံခွင့် ပြုလိုက်ပြီ ဖြစ်သော်လည်း ရေနံနှင့် သဘာဝဓာတ်ငွေ့ လုပ်ငန်းတွင် ရင်းနှီးမြှုပ်နှံမည်ဆိုပါကပွင့်လင်းမြင်သာ မှုနှင့် အထူးခွင့်ပြုချက် လိုအပ်မည်ဟု ဆိုသည်။
မြန်မာ့သဘာဝ ရင်းမြစ် ထုတ်ယူသုံးစွဲခြင်း ဆိုင်ရာ လုပ်ငန်းများ၊ အထူးသဖြင့် ရေနံနှင့် သဘာဝဓာတ်ငွေ့လုပ်ငန်းများတွင် ရင်းနှီးမြှုပ်နှံမှု များသည် အရင်းအနှီး ကြီးမားသဖြင့် ယင်းကဲ့သို့သော လုပ်ငန်းများတွင် မြှုပ်နှံမည်ဆိုပါက ပွင့်လင်းမြင်သာမှုနှင့် အထူးခွင့်ပြုချက် လိုအပ်မည် ဖြစ်ကြောင်း ၎င်းက ရှင်းပြသည်။အမေရိကန်ပြည်ထောင်စုက ဇူလိုင်လ ၁၁ ရက်နေ့တွင် အမေရိကန် ကုမ္ပဏီများကို မြန်မာနိုင်ငံတွင် ရင်းနှီးမြှုပ်နှံခွင့် ပြုလိုက်ပြီ ဖြစ်ပြီး တာဝန်သိသော ရင်းနှီးမြှုပ်နှံမှု များသည် နှစ်နိုင်ငံ အကျိုးစီးပွား ဖြစ်ထွန်း စေမည်ဖြစ်ကြောင်း အမေရိကန် သံအမတ်က ဆိုသည်။
မစ္စတာ ဒဲရက် မစ်ချယ်သည် ၂၂ နှစ်အတွင်း မြန်မာနိုင်ငံတွင် ပထမဆုံးအကြိမ် အမေရိကန် သံအမတ်ကြီး အဖြစ် တာဝန် ထမ်းဆောင်ရသူ ဖြစ်သည်။၎င်းသည် ယခင်က မြန်မာနိုင်ငံဆိုင်ရာ အထူး ကိုယ်စားလှယ်နှင့် မူဝါဒရေးရာ ညှိနှိုင်းရေးမှူး တာဝန် ထမ်းဆောင်ခဲ့သူ ဖြစ်သည်။ ၂၀၀၁ ခုနှစ်မှ ၂၀၀၉ ခုနှစ်အထိ မဟာဗျူဟာနှင့် နိုင်ငံတကာ လေ့လာရေးဌာန၌ အကြီးတန်း အရာရှိအဖြစ် လည်းကောင်း၊ ညွှန်ကြားရေးမှူး တာဝန်ယူ၍ လည်းကောင်း ထမ်းဆောင် ခဲ့သူလည်း ဖြစ်သည်။ အမေရိကန်က ၁၉၉၀ ပြည့်နှစ်မှ စ၍ မြန်မာနိုင်ငံနှင့် သံတမန် အဆင့် လျှော့ချခဲ့သည်။အမေရိကန် အစိုးရသည် မြန်မာနိုင်ငံအပေါ် ၁၅ နှစ်ကြာ စီးပွားရေး ဒဏ်ခတ်ပိတ်ဆို့ထားရမှ ယခုလ ၁၁ ရက်နေ့တွင် ဒဏ်ခတ်ပိတ်ဆို့မှုများ ရုပ်သိမ်း ပေးလိုက်ပြီဖြစ်သည်။
သို့ရာတွင် အမေရိကန် အစိုးရက လူ့အခွင့်အရေး ချိုးဖောက်မှုများတွင် ပါဝင် ပတ်သက်သည်ဟု စာရင်းသွင်း ခံရသည့် မည်သည့် လုပ်ငန်းရှင်နှင့်မျှ တွဲမလုပ်လိုကြောင်း မကြာသေးမီက မြန်မာပြည်သို့ သွားရောက် လေ့လာခဲ့သည့် အမေရိကန် ကုမ္ပဏီ ၃၈ ခု၏ ကိုယ်စားလှယ်များ ပါဝင်သော စီးပွားရေးအဖွဲ့ တဖွဲ့၏ ထုတ်ပြန်ချက်အရ သိရသည်။လက်ရှိ အနေအထားအရ သမ္မတဦးသိန်းစိန် အစိုးရ လက်ထက် မြန်မာပြည် ပြုပြင်ပြောင်းလဲမှုများကို ကြိုဆိုသည့် အနေဖြင့် အမေရိကန်အပါအဝင် အနောက်နိုင်ငံများ၏ ဒဏ်ခတ်ပိတ်ဆို့မှုများ ရုပ်သိမ်းကာ စီးပွားရေး တိုးတက်အောင်မြင်မှုအတွက် လွှတ်တော်တွင် မူဝါဒများ ချမှတ်ဆောင်ရွက် တော့မည်ဟု ယူဆရသော်လည်း မြန်မာပြည် မြောက်ပိုင်း ကချင်ပြည်နယ်တွင် ဖြစ်ပွားနေသည့် စစ်ပွဲများ အဆုံးမသတ်နိုင်သေးသည့် အပြင် ယင်းဒေသများတွင် လူ့အခွင့်အရေး ချိုးဖောက်မှုများ ရှိနေဆဲ ဖြစ်ကြောင်း နိုင်ငံတကာ လူ့အခွင့်အရေး အဖွဲ့များက ပြောဆိုသည်။

ရေဆိုးကိစ္စ ဆန္ဒပြမည့်သတင်းကြောင့် လုံခြုံရေး တင်းကျပ်

စစ်ကိုင်းတိုင်း ဒေသကြီး အတွင်းရှိ ဂရိတ်ဝေါလ် သကြားစက်ရုံကို ဒေသခံ ပြည်သူများက ဆန္ဒပြမည် ဆိုသောကြောင့် တကောင်းဒေသရှိ အာဏာပိုင်များက တုတ်၊ ဓား၊ ဒိုင်းများနှင့် သေနတ်များ ကိုင်ဆောင်ကာ လုံခြုံရေးတင်းကျပ်စွာ ချထားကြောင်း သိရသည်။ဂရိတ်ဝေါလ် သကြားစက်မှ ရေဆိုးများ ဖောက်ချမှုကြောင့် အနံ့အသက် ဆိုးရွားသည့် အပြင် တခြား သဘာဝ ပတ်ဝန်းဆိုင်ရာ ဒဏ်များကို အနီးအနားရှိ ဒေသခံ ကျေးရွာများ ခံစားနေရသည့်အတွက် ယင်းကိစ္စကို ဆောင်ရွက်ပေးရန် တာဝန်ရှိသူများကို ပြောကြားသော်လည်း မည်သို့မျှ ထူးခြားမလာသောကြောင့် ယခုကဲ့သို့ ဆန္ဒထုတ်ဖော်ရန် စိတ်အားထက်သန်နေခြင်း ဖြစ်ကြောင်း သပိတ်ကျင်းမြို့နယ် အမျိုးသား ဒီမိုကရေစီ အဖွဲ့ချုပ် (NLD) ဒု ဥက္ကဋ္ဌ ဦးခင်မောင်သန်းက ပြောသည်။မောင်းကုန်း ဒေသခံပြည်သူများမှာ ဇူလိုင်လ ၁၆ ရက်နေ့က ဆန္ဒပြရန် စီစဉ်ထားသော်လည်း ရဲများက အကြမ်းဖက် နည်းများ အသုံးပြုမည်ကို စိုးရိမ်သောကြောင့် ဆန္ဒပြမည့်ကိစ္စကို ခေတ္တ ဆိုင်းငံ့လိုက်ကြောင်း သိရသည်။
သကြားစက်မှ ရေဆိုးများ လျှံကျမှုကြောင့် ဇူလိုင်လ ၄ ရက်နေ့က စက်ရုံအနီးဝန်းကျင်ရှိ မလိုင်ခြုံကျေးရွာမှ ခိုင်းနွားတကောင် သေဆုံးခဲ့ရပြီး ဒေသခံ တဦး ရေထဲဆင်းမိရာ ခန္ဓာကိုယ်အနှံ့ အနာဆိုးများ ပေါက်လျှက် ရှိကြောင်း သိရသည်။ထိုသို့ ဖြစ်ပေါ်နေမှုသည် ရေဆိုးမြောင်းအတွင်း အက်စစ်ဓါတ်များနှင့် အဆိပ်များ ပါဝင်မှု ရှိနေကြောင်း ရေတက်ချိန်ချောင်းရိုးမှ တက်လာသော ရေများသည် အနီရောင်ရှိပြီး အနံ့အသက်လည်း ဆိုးရွားသည့်အတွက် ဒေသခံများ အသက်ရှုကြပ်သည့်အထိ မခံမရပ်နိုင်အောင် ဖြစ်ကြောင်းဂရိတ်ဝေါလ် သကြားစက်ရုံမှ ထွက်ရှိသော ရေဆိုး အညစ်အကြေးနှင့် အနံ့အသက် ဆိုးများကို အများဆုံး ခံစားနေရသော ကျေးရွာများမှာ မောင်းကုန်းရွာ၊ မလိုင်ခြုံရွာ၊ ဥစ္စုံရွာ၊ ကင်ပွန်းကြီးရွာ၊ ကင်ပွန်းလေးရွာ၊ ဘူးကြီးကန်းရွာ၊ တောရရွာ၊ သပြေကုန်းရွာနှင့် မြတောင်ကျေးရွာတို့ ဖြစ်သည်။

သက်ဝင် လှုပ်ရှားလာတဲ့ လွှတ်တော်

အမျိုးသားဒီမိုကရေစီ အဖွဲ့ချုပ် (NLD) ပါတီ ဥက္ကဋ္ဌ ဒေါ်အောင်ဆန်းစုကြည်နဲ့ NLD ကိုယ်စားလှယ်တွေ လွှတ်တော်ထဲ ပါဝင် လာတဲ့ အတွက် အခုလဆန်းက စခဲ့တဲ့ လွှတ်တော် အစည်းအဝေးတွေဟာ အရင်ကထက်သက်ဝင် လှုပ်ရှားမှု ရှိလာပါတယ်။နိုင်ငံခြား ရင်းနှီးမြှုပ်မှု ဆိုင်ရာ ဥပဒေကြမ်း၊ သင်္ဃန်းကျွန်းမြို့နယ် ပြည်သူ့လွှတ်တော် ကိုယ်စားလှယ် ဦးသိန်းညွန့် တင်သွင်း တဲ့ ပုဒ်မ ၅(ည) နဲ့ တရားရုံးဆိုင်ရာ ဥပဒေ တချို့ပယ်ဖျက်ပေးရေး၊ လာဘ်ပေး လာဘ်ယူမှု၊ ရခိုင်ဒေသတွင်း ပဋိပ က္ခတွေ နဲ့ ပတ်သက်တဲ့ မေးခွန်းနဲ့ အဆို တချို့ ဟာလည်းပဲ လွှတ်တော်မှာ အပြန်အလှန် ဆွေးနွေးငြင်းခုံမှု များတဲ့အကြောင်း အရာတွေ ဖြစ်ခဲ့ပါတယ်။
အလားတူ စီးပွားရေး ပိတ်ဆို့မှု ရုပ်သိမ်းရေး၊ လယ်သမား၊ အလုပ်သမားတွေ နဲ့ ဆိုင်တဲ့ ဥပဒေ ကြမ်းတွေ၊ လူအများ စိတ်ဝင် စားနေကြတဲ့ ဒု သမ္မတ ရွေးချယ်ရေး နဲ့ ပြဌာန်းပြီး ဥပဒေတွေ အတွက် နည်းဥပဒေတွေ ထုတ်ပြန်ပေးရေး စတဲ့ ကိစ္စရပ် အများအပြားကို ပြည်ထောင်စု ကြံ့ခိုင်ရေးနှင့်ဖွံ့ဖြိုးပါတီ က ဦးဆောင် ဆွေးနွေးသွားပါတယ်။
ဒါပေမယ့် လွှတ်တော်မှာ ဆွေးနွေး အတည်ပြု ပြီးဖြစ်တဲ့ ဥပဒေ တချို့ဟာ နည်းဥပဒေတွေ မထုတ်ပြန်သေးတဲ့ အတွက် လက်တွေ့ ကျင့်သုံး မရ ဖြစ်နေတာတွေ အများအပြား ရှိနေတယ်လို့လည်း လွှတ်တော် အပေါ်မှာ ဝေဖန်မှုတွေရှိ နေပါတယ်။စီးပွားရေးပိတ်ဆို့ထားမှု အမြန်ဆုံး ရုပ်သိမ်းပေးဖို့ တောင်းဆိုတဲ့ အရေးကြီး အဆိုတင်သွင်းခြင်း ကဏ္ဍအနေနဲ့ အဆိုတခုကို ပြည်သူ့လွှတ်တော်မှာ ဇူလိုင်လ ၁၃ ရက်နေ့က တင်သွင်းလိုက်တာနဲ့ပတ်သက်ပြီး လွှတ်တော်ကိုယ်စားလှယ်တွေ၊ ပြည်သူတွေ၊ မီဒီယာတွေ က စိတ်ဝင်စားခဲ့ကြတယ်။
ဒီအဆိုဟာ ဒေါ်အောင်ဆန်းစုကြည်ကို ရည်ညွှန်း တင်သွင်းတာ ဖြစ်တယ်၊ NLD ကိုယ်စားလှယ်တွေကို အကျပ်ရိုက်စေ ရေး အတွက် ကြံ့ခိုင်ရေး ပါတီ ခေါင်းဆောင်ပိုင်းတွေ နဲ့ ရှမ်းတိုင်းရင်းသားများ ဒီမိုကရက်တစ်ပါတီ (SNDP) ကိုယ်စားလှယ် ဒေါ်နန်းဝါနု တို့ ပူးပေါင်း ကြံစည်မှုလို့ ဝေဖန်သံတွေ အမျိုးမျိုး ထွက်ပေါ်ခဲ့ပါတယ်။ဒေါ်နန်းဝါနု တင်တာကို ပြည်သူ့လွှတ်တော် ဥက္ကဋ္ဌ သူရ ဦးရွှေမန်း က ချက်ချင်းပဲ အတည်ပြု လိုက်တယ်လို့ NLD ကိုယ်စား လှယ်တွေက ပြောဆိုနေကြပါတယ်။ ဒေါ်နန်းဝါနု ကတော့ ဒေါ်အောင်ဆန်းစုကြည်ကို ရည်ရွယ်တာမဟုတ်ဘူးလို့ ဆိုပါတယ်။
ကြံ့ခိုင်ရေး ပါတီ နဲ့ ဒေါ်နန်းဝါနု အပေါ် မှာလည်း ဝေဖန်ထားတဲ့ ရေးသားချက်မျိုးစုံကို ဘလော့တွေ၊ ဖေ့စ်ဘုတ် စာမျက်နှာတွေမှာ တွေ့ရတယ်။ ဒေါ်နန်းဝါနု က တော့ ဒီကိစ္စနဲ့ ပတ်သက်ပြီး ဘာမှတ်ချက် မှ မပေးလိုဘူးလို့ ဆိုပါတယ်။အမေရိကန် သံတမန်အသိုင်း အ၀ိုင်းနဲ့နီးစပ်တဲ့ မိတ်ဆွေတယောက်ဆီက စီးပွားရေး ပိတ်ဆို့မှုတွေ သက်တမ်းတိုးဖို့ ရှိတဲ့ အကြောင်း သူ့ကို ပြောလာတယ်လို့ ဆိုပါတယ်။ အဲဒီ ပုဂ္ဂိုလ် ဘယ်သူဆိုတာတော့ ပြောဖို့မသင့်ဘူးလို့လည်း ပြောပါတယ်။ ဒီတော့ အမေရိကန်ရဲ့ သက်တမ်းတိုးမှု ကိစ္စ မပေါ်ပေါက်ခင် လုပ်သင့်တယ် ထင်လို့ အရေးကြီးအဆို တင်လိုက်တာပါလို့ ရှင်းပြပါတယ်။
စီးပွားရေးပိတ်ဆို့ထားရတဲ့ အကြောင်းရင်းတွေကို ဆွေးနွေးဖို့ NLD ကိုယ်စားလှယ် ဦးဝင်းထိန်က နှစ်ကြိမ်အထိ ခွင့်တောင်းပေ မယ့် ဆွေးနွေးခွင့်မရခဲ့ဘူးလို့ ပြောပါတယ်။ ဒါပေမယ့် NLD ကိုယ်စားလှယ်တချို့ကတော့ အဲဒီနေ့က ပါဝင် ဆွေးနွေးခွင့် ရခဲ့ပါ တယ်။ ဒီအဆိုဟာ အတည်ပြုချက်မရသေးတဲ့ အတွက် မကြာခင် ရက်ပိုင်းအတွင်း ထပ်မံ ဆွေးနွေးကြရ ဦးမှာပါ။ဒေါ်အောင်ဆန်းစုကြည် လွှတ်တော်ထဲ ရောက်လာပြီး နောက်ပိုင်းမှာတော့ လွှတ်တော် အစည်းအဝေးတွေအပေါ် ပြည်တွင်း၊ပြည်ပ မီဒီယာတွေ သာမကဘဲ မြန်မာ ပြည်သူတွေ နဲ့ ကမာ့္ဘနိုင်ငံတွေ ကလည်း အာရုံစိုက်လာကြပါတယ်။ ဒေါ်အောင်ဆန်း စုကြည် နဲ့ NLD ကိုယ်စားလှယ်တွေ ဘာမေးခွန်းတွေ မေးမလဲ၊ ဘယ်လို အဆိုတွေ၊ ဘယ် ဥပဒေတွေ တင်သွင်းကြမလဲ ဆိုတာ ကို ပြည်သူတွေ စိတ်ဝင်စားနေကြတာတော့ အမှန်ပါပဲ။
NLD ပါတီခေါင်းဆောင် ဦးဝင်းတင် ကတော့ တခြားသူတွေ မတင်သေးတဲ့ အဆိုသစ်၊ ဥပဒေတွေ ရှိရင် ရှိလာမယ်၊ ဒါမှ မ ဟုတ် ရင်လည်းပဲ သူများတွေ တင်ထားတဲ့ ကိစ္စတွေကို ပါဝင်ဆွေးနွေးတာ၊ ဝေဖန်ထောက်ပြ တာတွေ လုပ်သွားဖို့ တိုက်တွန်း မယ့် အကြောင်းကို ပြောပါတယ်။NLD ကိုယ်စားလှယ်တွေ အနေနဲ့ လူသစ်တွေဖြစ်ပေမယ့် စိတ်ဓာတ်ရှိပြီးသား ဖြစ်တဲ့အတွက် ကြိုးစားကြမယ်လို့ ယုံကြည် ကြောင်း၊ ဒီမိုကရက်တစ် တချို့နဲ့ ကြံ့ခိုင်ရေး ကိုယ်စားလှယ်တွေဟာလည်းပဲ လုပ်ငန်းပိုင်းဆိုင်ရာတွေမှာ ကျွမ်းကျင်မှု ရှိကြောင်း၊ ကိုယ်စားလှယ် အချင်းချင်းကြားမှာ ရင်းနှီးမှု ပူးပေါင်းဆောင်ရွက်မှုတွေ ရှိလာပြီး ပြုပြင်ပြောင်းလဲရေး အဆိုတွေကို ကြံ့ခိုင်ရေး ကိုယ်စားလှယ်တွေက အဓိက လုပ်ဆောင်နေတယ်လို့ ဒီမိုကရက်တစ်ပါတီ(မြန်မာ) ဥက္ကဋ္ဌ ဦးသုဝေ က ဆိုပါတယ်။နိုင်ငံခြားရင်း နှီးမြှုပ်နှံမှုဆိုင်ရာ ဥပဒေကြမ်း အပါအ၀င် လာဘ်ပေး၊ လာဘ်ယူမှု တွေကို အရေးယူနိုင်မယ့် ဥပဒေပြဌာန်း ပေးဖို့၊ လျှပ်စစ်မီး စတဲ့ အဆိုတွေနဲ့ မေးခွန်း အများအပြားကို ကြံ့ခိုင်ရေးပါတီက ဦးဆောင်တင်ပြ ဆွေးနွေးခဲ့ကြပါတယ်။ ဒီတော့ ကြံ့ ခိုင်ရေးပါတီ က မတင်နိုင်သေးတဲ့ကိစ္စတွေ ကို ဒီမိုကရက်တစ်ပါတီ တွေဘက်က စဉ်းစားသင့်တယ်လို့ ဆိုပါတယ်။
ကြံ့ခိုင်ရေး ကိုယ်စားလှယ်တွေ က တခုပြီးတခု အဆိုတင်တာ၊ ဥပဒေ တင်သွင်းတာတွေဟာ လွှတ်တော် စတင်ခဲ့စဉ်က ဒီမိုကရက်တစ် အင်အားစုတွေ တင်သွင်းခဲ့ပေမယ့် ပယ်ချခံခဲ့ရတဲ့ ကိစ္စတွေ ပါနေတယ်လို့ ကိုယ်စားလှယ်တွေက ဆိုပါတယ်။ ဥပမာ- လယ်ယာမြေ အသိမ်းခံရတာ တွေ၊ အလုပ်သမား လုပ်ခ လစာ တိုးမြှင့်ရေး ၊ လျှပ်စစ်မီး၊ ပညာရေး၊ ကျန်းမာရေး တွေ က အစဖြစ်ပါတယ်။ပြည်သူတွေကို အလေးမထားခဲ့တဲ့ ကြံ့ခိုင်ရေး ပါတီ ကိုယ်စားလှယ်တွေဟာ အခုအခါမှာတော့ ပြည်သူတွေရဲ့ လိုအပ်ချက်တွေ ကို ရှေ့တန်းတင်လာတာ တွေ့ရတယ်၊ ပြည်သူတွေကို အလေးထားရကောင်းမှန်း သိလာတယ်လို့ ပြည်သူ့ လွှတ်တော် ကိုယ်စားလှယ် ဦးဘရှိန် က ပြောပါတယ်။
ပြည်သူ့လွှတ်တော် ဥက္ကဋ္ဌ ဦးရွှေမန်းကတော့ ကိုယ်စားလှယ်တွေကို ပွင့်ပွင့်လင်းလင်း ရဲရဲ ၀ံ့ဝံ့ သတ္တိရှိရှိ ပြောဆိုတာတွေ လို လားတယ်၊ ဖိတ်ခေါ်တဲ့ အကြောင်း ဇူလိုင်လ  ၆ ရက်နေ့ ပြည်သူ့လွှတ်တော် အစည်းအဝေးမှာ ပြောခဲ့သလိုပဲ လွှတ်တော် ကို သိက္ခာ ကျစေမယ့် ဝေဖန်တာမျိုး မဖြစ်စေဖို့ အတွက် တာဝန်ရှိသူ ဥက္ကဋ္ဌ တယောက် အနေနဲ့ တင်ပြတဲ့ အကြောင်း ပြော ဆိုရင်း သတိပေးခဲ့သေးတယ်။
အစိုးရ အဖွဲ့ နဲ့ ၀န်ကြီးတွေ၊ အစိုးရ ဌာနတွေ၊ တခြား ကိစ္စတွေ ကိုတော့ လွှတ်တော် အသီးသီး ရဲ့ အစည်းအဝေးတွေ မှာ ဝေ ဖန် ထောက်ပြမှု တချို့ကိုလည်း တွေ့နေရပါတယ်။ လွှတ်တော်ရဲ့ အားနည်းချက်၊ လိုအပ်ချက်တွေကိုတော့ လွှတ်တော်ပြင်ပ က လွဲပြီး လွှတ်တော်ထဲမှာ ဝေ ဖန် ထောက်ပြ တဲ့ အသံတွေ မကြားရသေးပါဘူး။
ဒါပေမယ့် လွှတ်တော် ကိုယ်စားလှယ်တွေဟာ လက်ညှိုးထောင်၊ ခေါင်းညိတ် သူတွေလို့ ဝေဖန်ခဲ့တဲ့ လယ်ဆည်ဝန်ကြီး ဦးမြင့် လှိုင် ၀န်ချတောင်းပန်ခဲ့ရတဲ့ ဖြစ်ရပ်လည်း ရှိခဲ့ဖူးပါတယ်။
လွှတ်တော်မှာ ရှိတဲ့ စည်းကမ်းတွေကို သိထားရုံမက လိုက်နာဖို့လည်း လိုပါတယ်၊ လွှတ်တော်ဟာ အပြောသက်သက် မဟုတ်ဘဲ လက်တွေ့ လုပ်နေတဲ့ အကြောင်း၊ ပုဂ္ဂိုလ်တယောက်၊ အဖွဲ့တခု၊ အစိုးရ အဖွဲ့တို့ရဲ့ မျက်နှာကို မကြည့်ဘဲ ပြည်သူ အတွက်သာ အလုပ်လုပ်ကြဖို့ကိုလည်း ဦးရွှေမန်း က ပြောခဲ့ပါသေးတယ်။
ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည် က တော့ လွှတ်တော်မှာ အချိန်ကုန်မနေကြဘဲ ပြည်သူတွေ နဲ့ လည်းပဲ ထိတွေ့ ကြဖို့ NLD ကိုယ်စားလှယ်တွေကို လမ်းညွှန် ထားတယ်လို့ သိရတယ်။
လွှတ်တော်ကိုယ်စားလှယ် တချို့ဟာ ပြည်သူတွေနဲ့ ကင်းကွာ သလိုပဲ လွှတ်တော်ရဲ့ လုပ်ဆောင်မှု တချို့ လွဲချော်နေတာလဲတွေ့ရပါတယ်။ သတင်းစာကတဆင့် တရားဝင်ကြေညာပြီးဖြစ်တဲ့ နည်းဥပဒေ တွေကို ကိုယ်စားလှယ်တွေဆီ ဖြန့်ပေးဖို့၊ တရားဝင် ကြေညာပေးဖို့ တောင်းဆိုတာတွေကို ဇူလိုင် ၁၄ ရက်ထုတ် အစိုးရ သတင်းစာတွေ မှာဖော်ပြ ထားပါတယ်။
တကယ်တော့ ဒီမေးခွန်းတွေဟာ တင်ထားတာကြာပြီ ဖြစ်တဲ့အကြောင်း၊ ထုတ်ပြန်ပြီးတဲ့ မေးခွန်းတွေ၊ အဆိုတွေကို ပြန်လည် စိစစ်မှုတွေ လုပ်ပေးသင့်ကြောင်း၊ လွှတ်တော်စတင်ခဲ့စဉ်က လွဲမှားမှုတွေ၊ အားနည်းချက် လိုအပ်ချက်တွေ ရှိခဲ့ပေမယ့် ဒီအချိန် မှာ မဖြစ်သင့်တာတွေ မဖြစ်စေချင်တော့တဲ့ အကြောင်း၊ တချို့ အလွဲတွေဟာ လွှတ်တော်နဲ့ ကိုယ်စားလှယ်တွေ အပေါ်မှာ ပြည် သူတွေ ရဲ့ ယုံကြည်မှု ကို လျော့ကျစေတယ်လို့ ကိုယ်စားလှယ်တွေ က သုံးသပ်ကြ ပါတယ်။
ကြံ့ခိုင်ရေးပါတီ ကိုယ်စားလှယ်တွေဟာ ပြည်တွင်း ငြိမ်းချမ်းရေး၊ တိုင်းရင်းသားအရေး တွေကိုလည်းပဲ ဦးစားပေး လုပ်ဆောင် လာတာ၊ တင်ပြဆွေးနွေးလာတာ တွေ့ရတယ်။ ဒါပေမယ့် အဲဒီကိစ္စတွေဟာ အတိုက်အခံ အင်အားစုတွေ၊ ပြည်သူတွေ ရဲ့ ဆန္ဒအတိုင်း အပြည့်အ၀မဟုတ်ဘဲ ၂၀၀၈ ဖွဲ့ စည်းပုံ အခြေခံဥပဒေ အပေါ် အခြေခံတာဖြစ်လို့ လူအများက သဘောမကျ ပါဘူး။
စီးပွားရေး ပိတ်ဆို့ထားမှု ရုပ်သိမ်းရေး အဆိုကို မကြာခင် ဆွေးနွေးကြမှာ ဖြစ်သလို တိုင်းရင်းသားအရေး နဲ့ ပတ်သက်ပြီး တော့ လည်း “တိုင်းရင်းသား လူမျိုးများ၏ အခွင့်အရေး ကာကွယ်စောင့်ရှောက်သည့် ဥပဒေ ပြဌာန်းရေး” အဆိုဟာလည်းပဲ အကြိတ် အနယ် ဆွေးနွေးရမယ့် အဆိုတခု ဖြစ်နေပါတယ်။ဒေါ်အောင်ဆန်းစုကြည် အနေနဲ့ အဲဒီအဆိုကိုပါဝင်ဆွေးနွေးပေးဖို့ လွှတ်တော်ထဲက အတိုက်အခံအင်အားစုတွေက တိုက်တွန်း ထားပါတယ်။ အဲဒီ အဆိုဟာ တိုင်းရင်းသားများ အားလုံးကို ကိုယ်စားမပြုဘဲ ကြံ့ခိုင်ရေး ပါတီရဲ့ ကွတ်ခိုင်မဲဆန္ဒနယ် က ပြည် သူ့ လွှတ်တော် ကိုယ်စားလှယ် ဦးတီခွန်မြတ် တင်သွင်းခဲ့ တာလို့ တိုင်းရင်းသား ပါတီတွေက ပြောဆိုထားပါတယ်။
NLD ပါတီ ကိုယ်စားလှယ်တွေ၊ အတိုက်အခံ အင်အားစုတွေ၊  ကြံ့ခိုင်ရေးနဲ့ စစ်တပ် ကိုယ်စားလှယ်တွေ ပါဝင် ဆွေးနွေး ကြ မယ့် အဲဒီ အဆိုတွေ၊ ဥပဒေ တွေဟာ ဘယ်လိုရလဒ်မျိုးတွေ ထွက်လာမလဲ ဆိုတာတော့ လူအများက စိတ်ဝင်စားမှု ရှိနေပါတယ်။NLD ပါတီ ကိုယ်စားလှယ်တွေ နဲ့ ဒေါ်အောင်ဆန်းစုကြည် ပါဝင်လာတဲ့ အတွက် လွှတ်တော်ထဲမှာ အားပြိုင်မှုတွေ ရှိလာနိုင် တယ် လို့လည်း နိုင်ငံရေး အကဲခတ်တွေက သုံးသပ် နေကြပါတယ်။

ဗန်းမော်ရှပ်ပြေးယာဉ်တိမ်းမှောက် ၃၀ ခန့်ပျောက်ဆုံး

ဗိုလ်ချုပ်အောင်ဆန်းရုပ်ရှင် သရုပ်ဆောင်ရွေးပွဲကျင်းပ

အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က ဗိုလ်ချုပ်အောင်ဆန်း ရုပ်ရှင်ကား ရိုက်ကူးရေးအတွက် ပဏာမ ရွေးချယ်ထားတဲ့ သရုပ်ဆောင် ၁၁ ဦးကို ရန်ကုန် တက္ကသိုလ်ရိပ်သာလမ်း နေအိမ်မှာ ဒီကနေ့ တွေ့ဆုံပြီး လူတွေ့ စစ်ဆေးခဲ့ကြောင်း သိရပါတယ်။ ဒီကနေ့ ရွေးချယ်ပွဲမှာ ဒေါ်အောင်ဆန်းစုကြည်က သရုပ်ဆောင်ပုံတွေကို စိတ်ဝင်တစား ကြည့်ရှုပြီး အကြံဉာဏ်တွေ ပေးခဲ့တယ်လို့ ဇာတ်ညွန်းရေးဆရာ စာရေးဆရာ ကိုဇော်သက်ထွေးက ပြောပါတယ်။
ဗိုလ်ချုပ်နေရာမှာ သရုပ်ဆောင်ဖို့ ပဏာမ ရွေးချယ်ထားတဲ့သူ ၇ ဦးနဲ့ ဒေါ်ခင်ကြည်အဖြစ် သရုပ်ဆောင်မဲ့သူ ၄ ဦး တို့ရဲ့ တစ်ဦးချင်း သရုပ်ဆောင်မှုကို ဒေါ်အောင်ဆန်းစုကြည်နဲ့ ဗိုလ်ချုပ်အောင်ဆန်း ရုပ်ရှင်ဖြစ်မြောက်ရေး ကော်မတီအဖွဲ့က စစ်ဆေး အကဲဖြတ်ပြီး ၂ ဦးစီကို ဆန်ကာတင် ရွေးချယ်လိုက်ကြောင်း နောက်ဆုံး ရွေးချယ်ထားတဲ့ သရုပ်ဆောင်တွေရဲ့ အမည်စာရင်းကို လာမဲ့ သီတင်းပတ်အတွင်း တရားဝင် ထုတ်ပြန် ကြေညာမယ်လို့ ဆိုပါတယ်။