ဆန္ဒပြ သတင်းများ စက်တင်ဘာ ၂၉ ၊ ၂၀၁၂
ကြံ့ခိုင်ရေးအသင်း လယ်သိမ်းခဲ့မှု ဖြေရှင်းပေးရန် တောင်းဆို
“ကျနော်တို့လယ်တွေ အသိမ်းခံရတဲ့အချိန်ကစပြီး လူတွေက အလုပ်လက်မဲ့ ဖြစ်သွားပြီးတော့ ကျပန်းအလုပ်သမားတွေ ဖြစ်ကုန်တယ်။ မိသားစုတွေမှာ စားဝတ်နေရေး ကျပ်တည်းပြီး ဆင်းရဲဒုက္ခတွေ ကြုံနေရတယ်။ ဒါကြောင့် ကျနော်တို့ လယ်တွေနဲ့ ပတ်သတ်ပြီး လျော်ကြေး ရလိုတဲ့အတွက် တောင်းဆိုတာပါ” ဟု လယ်ဧက ၂၀ ကျော် သိမ်းယူခံခဲ့ရသည့် ထောက်ရှာရွာသား ကိုအေးနိုင်က ပြောသည်။
ယင်းလယ်များသည် ၎င်းတို့ ဘိုးဘွားစဉ်ဆက် လုပ်ကိုင် စားသောက်ခဲ့သည့် လယ်ယာများဖြစ်ပြီး နှစ်စဉ် စပါး၊ ပဲ၊ နေကြာ စသည့် သီးနှံများ စိုက်ပျိုး ဖြစ်ထွန်းခဲ့ကြောင်း လယ်သမားများ၏ အဆိုအရ သိရသည်။လယ်ယာမြေ ဆုံးရှုံးခဲ့သူများမှာ ပန်းတနော်မြို့နယ် သစ်ဆိမ့်ကုန်း၊ ဖုန်းဆိုးလေး၊ ချောင်ကြီး၊ ထောက်ရှာနှင့် နာ့ကဆာ ကျေးရွာမှ လယ်သမားများဖြစ်ပြီး တဦးလျှင် အနည်းဆုံး ၂ ဧကမှ ဧက ၆၀ အထိ သိမ်းယူခြင်း ခံခဲ့ရပြီး မည်သူမှ ယနေ့တိုင်လျော်ကြေး မရရှိခဲ့ဟု လယ်သမားများက ဆိုသည်။လယ်သိမ်းစဉ်က စိုက်ပျိုးထားသည့် စပါးနှင့် ပဲခင်းများကိုပါ ကြံ့ခိုင်ရေးအသင်းက သိမ်းဆည်းခဲ့ခြင်းဖြစ်ပြီး ယနေ့တိုင် ထိုငါးကန်များကို မွေးမြူလုပ်ကိုင်နေဆဲ ဖြစ်ကြောင်း သိရသည်။
လယ်သိမ်းခံရပြီး နောက်ပိုင်းတွင် လယ်သမားများ၏ လူနေမှု ဘ၀သာမက သားသမီးများ၏ ပညာရေးပါ ထိခိုက် ပျက်စီးသွားခဲ့ကြောင်း လယ်သမားများကို ကူညီပေးနေသည့် လူ့အခွင့်အရေး စောင့်ကြည့် ကာကွယ်ရေးအဖွဲ့မှ ကိုမြင့်နိုင်က ပြောသည်။
“လယ်သမားတွေ ခမျာ မူလတန်း အဆင့်အောင်တဲ့ ကလေးကို အလယ်တန်း ဆက်မထားနိုင်ဘူး၊ အလယ်တန်း ထားနိုင်လို့ အောင်ပြန်တော့ အထက်တန်း ဆက်ထားဖို့က စားဝတ်နေရေး မပြေလည်ကြတော့ မစဉ်းစားနိုင်တဲ့ အခြေအနေ ဖြစ်နေတယ်” ဟု သူက ဆိုသည်။
လယ်ယာမြေများအတွက် ခံစားခွင့်တစုံတရာ ရရှိခဲ့ပါက လယ်သမားများ အနေဖြင့် တခြားလုပ်ငန်းများ ရင်းနှီးလုပ်ကိုင်နိုင်မည် ဖြစ်ပြီး ၎င်းတို့ သားသမီးများ၏ ပညာရေးကိုလည်း ထောက်ပံ့ ပေးနိုင်မည်ဖြစ်ကြောင်း ကိုမြင့်နိုင်ကဆက်ပြောသည်။
“ကိုယ်ကျိုးရှာ အသင်းအဖွဲ့တခု၏ ကြီးပွားတိုးတက် ချမ်းသာမှုကို အလေးထား ပေးမည့်အစား နစ်နာဆုံးရှုံးသွားသော ဒေသခံ တောင်သူ လယ်သမားများ၏ နစ်နာဆုံးရှုံးမှုကို အလေးထား၍ တောင်သူများ နစ်နာခြင်းမရှိစေဘဲ စစ်ဆေး ဆောင်ရွက် ပေးပါရန်” ဟူ၍ လယ်သမားများက ၀န်ကြီးချုပ်ထံ ပေးပို့သောစာတွင် ရေးသားထားသည်။
ပြီးခဲ့သည့် စတုတ္ထအကြိမ်မြောက် လွှတ်တော် အစည်းအဝေးများအတွင် မြေယာသိမ်းဆည်းမှု စစ်ဆေးဖော်ထုတ်ရေး ကော်မရှင် တရပ်ကို ဇလွန်မြို့နယ်မှ ကြံ့ခိုင်ရေးပါတီ အမတ် ဦးတင်ထွဋ် ဦးဆောင်၍ ဖွဲ့စည်းခဲ့ပြီး အနယ်နယ်အရပ်ရပ်တွင် ဖြစ်ပေါ်ခဲ့သည့် မြေယာသိမ်း အမှုများကို စတင်စစ်ဆေးနေပြီ ဖြစ်ကြောင်း သိရသည်။
ရှားခဲကြီးအင်း ပဋိပက္ခ ၂ ဦးသေ ၂ ဦး ဒဏ်ရာရ
ဧရာဝတီတိုင်း
ပုသိမ်ခရိုင် ကျုံပျော်မြို့နယ် ရှားခဲကြီးရွာတွင် အင်းလေလံကိစ္စနှင့် ပတ်သက်၍ လေလံအောင်သူနှင့်
ဒေသခံများအကြား ယမန်နေ့ညက အချင်းပွားမှုကို နယ်မြေခံ ရဲတပ်ဖွဲ့က ပစ်ခတ်ထိန်းသိမ်းခြင်းကြောင့်
ဒေသခံ ၂ ဦးသေဆုံးပြီး ၂ ဦး ဒဏ်ရာ အပြင်းအထန် ရသွားကြောင်း သတင်းရရှိသည်။
“ကိုကြည်သိန်းက
ညာဘက်ရင်အုံမှာ သေနတ်ထိပြီး နေရာတင် သေသွားတယ်။ ဒဏ်ရာရတာ ၃ ယောက်။ ကျော်ဆန်းငွေက ခေါင်းမှာ
ထိထားတယ်။ ကျော်ဇင်သန့်က လက်မောင်းမှာထိတယ်။ ၀င်းသန်းက ရင်အုံနဲ့ လည်ပင်းမှာ ထိထားတယ်။
သူတို့ကို ဆေးရုံကို ပို့ထားတယ်”ဟု မျက်မြင်တဦးက ပြောသည်။ဒဏ်ရာရသူများကို ယမန်နေ့ညက ဟသာင်္တ ဆေးရုံသို့ ပို့ဆောင်ပြီးနောက် ယနေ့နံနက်တွင် ပုသိမ်ဆေးရုံသို့ ပို့လိုက်ကြောင်း၊ ခေါင်းတွင် ဒဏ်ရာရသော ကျော်ဆန်းငွေမှာ ဆေးရုံပေါ်တွင် ထပ်မံ သေဆုံးသွားကြောင်း သိရသည်။ဒေသခံရွာသားတဦးအား အင်းမှထွက်သည့် ဆည်မြောင်းဝကို ဖျက်ဆီးသည်ဆိုကာ အင်းလေလံ အောင်ထားသည့် ၀ိုင်းဝိုင်း လည် ကုန်ထုတ် သမ အဖွဲ့က ကျေးရွာအုပ်ချုပ်ရေးမှူးရုံးတွင် ခေါ်ယူစစ်ဆေးရာမှ လက်လွန်၍ သေဆုံးသွားသည်ကို မကျေနပ်သည့် ရွာသားများက ဖြေရှင်းပေးရန် တောင်းဆိုရာမှ ပဋိပက္ခ စတင်ခဲ့သည်ဟု ဒေသခံများက ပြောဆိုသည်။
“ကိုတလုတ် ခေါ် ကိုဝင်းနိုင်ကို သူတို့က ခေါ်သွားတာ။ ရိုက်နှက်တယ် ထင်ပါတယ် သေသွားတယ်။ မကျေနပ်တဲ့ ရွာသားတွေက အုပ်ချုပ်ရေးမှူးရုံးကို ၀ိုင်းပြီးတော့ ဒီကိစ္စ ဖြေရှင်းပေးဖို့ ပြောတာမှာ အချေအတင်တွေဖြစ်တော့ သူတို့က အထောင် ရဲစခန်း ကို အကြောင်းကြားတယ်။ ဟိုက ရဲကား သုံးစီးနဲ့ လာထိန်းတာ။ သေနတ် ၆ ချက် ပစ်တယ်။ ၄ ယောက်မှန်သွားတာ”ဟု ရှားခဲကြီး ဒေသခံ ကိုထွန်းထွန်းက ပြောသည်။
အထောင် ရဲစခန်းကို ဆက်သွယ်မေးမြန်းခဲ့ရာ ဖြစ်စဉ်ကို စုံစမ်းနေဆဲဖြစ်၍ အသေးစိတ် မပြောနိုင်သေးကြောင်း ဖြေ ကြားသည်။ ဟင်္သာတ ဆေးရုံကမူ အဆိုပါကိစ္စကို ဖြေကြားခွင့် မရှိကြောင်း ငြင်းဆိုခဲ့သည်။ယခုဖြစ်ရပ်နှင့် ပတ်သက်ပြီး ဒေသခံများနှင့် လေလံအောင်ထားသည့် အင်းသူကြီး ၀ိုင်းဝိုင်းလည် သမ အဖွဲ့ အကြား တင်းမာမှုများ ပိုများလာနေကြောင်း၊ သေဆုံး ဒဏ်ရာရရမှု များကို သက်ဆိုင်ရာက အမြန်ဆုံး ဖြေရှင်းပေးစေချင်ကြောင်း၊ ဒေသခံများက ဆိုသည်။
“အင်းလေလံကိစ္စ ဆန္ဒပြတုန်းက ငါးလုပ်ငန်းက လူကြီးတွေက ဒေသခံတွေကိုပဲ ဦးစားပေးမယ် ပြောပေမယ့် အခု စီးပွားရေး လုပ်ငန်းရှင်ကြီးတွေကိုပဲ ပေးလိုက်တာကို မကျေမနပ်ဖြစ်နေကြတာ။ အင်းသူကြီး ၀ိုင်းဝိုင်းလည်သမ ကလည်း လူမိုက်တွေထား ပြီးတော့ ကျနော်တို့ကို ခြိမ်းခြောက်တာမျိုးတွေ လုပ်တယ်။ ပြီးခဲ့တဲ့ ၂ ရက်လောက်ကလည်း ရွာသား၂ယောက် ချောင်းရိုက်ခံထားရတာကို အခုလိုဖြစ်တော့ ပိုဆိုးကုန်တယ်။ ဒေသခံတွေရဲ့ အသက်မွေးဝမ်းကျောင်း အတွက်ရော၊ ရွာသားတွေ သေ ဆုံး၊ ဒဏ်ရာရမှုကိုရော ပြေလည်အောင် ဖြေရှင်းပေးစေချင်တယ်”ဟု ဒေသခံတဦးက ပြောသည်။
ရှားခဲအင်းတွင် ဧရာရွှေဝါ ကုမ္ပဏီသည် ၁၄ နှစ်တာ ကာလအတွင်း နှစ်အများဆုံး လုပ်ကိုင်ခွင့်ရသော ကုမ္ပဏီ ဖြစ်ခဲ့ပြီး အင်း အတွင်း ငါးများကို မွေးမြူ ထုတ်လုပ်ရောင်းချခြင်းပြုလုပ်ကာ အင်းအနီးနေထိုင်သူ ဒေသခံများကိုလည်း အင်းအတွင်း သွားလာ မှုများ ကန့်သတ်ခြင်း၊ ကျုံပျော်မြို့ အခြေစိုက် ခလရ ၃၆ တပ်ရင်းကို အခကြေးငွေပေး၍ လုံခြုံရေး တာဝန် ယူစေကာ အင်း အနီး သွားလာသူ ဒေသခံတချို့ကို ငါးခိုးမှုနှင့် ဖမ်းဆီးရိုက်နှက်ခြင်း၊ ပစ်ခတ်ခြင်းများလည်း ရှိခဲ့ဖူးကြောင်း၊ ယခု အင်းသူကြီး အသစ်သည်လည်း ထိုသို့ ပြုလုပ်မည်ကို ဒေသခံရွာသားများက စိုးရိမ်နေကြသည်ဟုလည်း ဆိုသည်။
ဧရာရွှေဝါ ကုမ္ပဏီသည် လက်ရှိ ပြည်သူ့လွှတ်တော် ဥက္ကဌ ဦးရွှေမန်း၏ သား ဦးအောင်သက်မန်း ပိုင် ကုမ္ပဏီ ဖြစ်ကြောင်း သိရ သည်။ရှားခဲကြီးအင်းတွင် ငါးလုပ်ငန်းလုပ်ကိုင်ရေးအတွက် ငါးလုပ်ငန်း ဦးစီးဌာနက လေလံတင်နေရာချပေးသည်ကို ဒေသခံများက မကျေနပ်မှုများ ရှိခဲ့သည်။
ပြီးခဲ့သည့် မေလအတွင်းက အဆိုပါလေလံကိစ္စတွင် အင်းလုပ်ကိုင်နေသည့် ဒေသခံများကို ကြိုတင်အသိပေးခြင်းမရှိဘဲ စီးပွားရေးလုပ်ငန်းရှင်ကြီးများကို ဦးစားပေးလေလံတင်ရန် စီစဉ်မှုကြောင့် ဒေသခံများ၏ အသက်မွေးဝမ်းကျောင်း ထိခိုက်သည်ဆိုပြီး ကျေးရွာစု ၆ စုမှ လူ ၁၅၀ ခန့်က ဆန္ဒပြကန့်ကွက်ခဲ့၍ လေလံကို ခေတ္တ ရပ်ဆိုင်း ထားခဲ့သည်။ နောက်ပိုင်းတွင် လေလံပြန် တင် ခဲ့ပြီး ၀ိုင်းဝိုင်းလည် သမ အဖွဲ့မှ လေလံအောင်နိုင်ခဲ့ခြင်း ဖြစ်သည်။အလျား ၁၃ မိုင် အနံ ၆ မိုင် ကျယ်ဝန်းသော ရှားခဲအင်းကို ၁၉၉၈ ခုနှစ်မတိုင်မီ သမဝါယမဝန်ကြီးဌာနထံ အခွန်ဆောင်ကာ ဒေ သ ခံများက အင်းအတွင်း ငါးဖမ်းခြင်းဖြင့် အသက်မွေးဝမ်းကျောင်း လုပ်ကိုင်ခဲ့ကြပြီး ထိုနှစ်မှစတင်ကာ မြန်မာနိုင်ငံ ငါးလုပ်ငန်း ဦးစီးဌာနက ကုမ္ပဏီများကို လေလံပေး ရောင်းချခဲ့သည်။
ငြိမ်းချမ်းရေးနေ့ ဆန္ဒပြခေါင်းဆောင်များကို စတင်ကြားနာ စစ်ဆေး
“ဆန္ဒပြပွဲ ဦးဆောင်ခဲ့တဲ့သူတွေထဲမှာ ကျနော်တို့နှစ်ဦးကို ပထမဆုံး တရားရုံးတင် စစ်ဆေးတာပါ။ တရားရုံး ဆင့်ခေါ်စာနဲ့ခေါ်တာမဟုတ်ပါဘူး။ ဒဂုံမြို့နယ် ရဲတပ်ဖွဲ့မှူးက ဖုန်းဆက်ပြီး တရားရုံးလာခဲ့ပါဆိုပြီး ခေါ်တာ။ ကြိုလည်းမသိဘူး။ ဒီလိုလုပ်တာက တရားဥပဒေနဲ့ မညီညွတ်ဘူး ” ဟု ကိုဂျော်ဂွန်းက ပြောသည်။
မနေ့က အမှုစတင်စစ်ဆေးချိန်တွင် တရားသူကြီးက ကိုကျော်ဂွန်းနှင့် မမေစပါယ်ဖြူတို့ကို အာမခံလျှောက်ထားရန် ပြောဆိုသော်လည်း ကိုဂျော်ဂွန်းနှင့် မမေစပယ်ဖြူတို့က အာမခံလျှောက်ထားခြင်းမပြုဘဲ တရားရုံးက ရုံးချိန်းဆင့်ခေါ်သမျှ တရားရုံးလာရောက်ပါမည်ဆိုသော ကိုယ်တိုင်ခံဝန်ကတိဖြင့် နေထိုင်မည်ဖြစ်ကြောင်း လျှောက်ထားသည်ဟု သိရှိရသည်။
ရန်ကုန်မြို့ ငြိမ်းချမ်းရေး ဆန္ဒပြပွဲ ဦးဆောင်ခဲ့ကြသော ကိုဂျော်ဂွန်း၊ါ်မမေစပယ်ဖြူ၊ ကိုမိုဃ်းသွေး၊ မခင်စန္ဒာညွန့်၊ မဖွေးယုမွန်၊ ကိုကျော်ဘိုဘို၊ ဗိုလ်ကြီးဟောင်း နေမျိုးဇင်၊ ဦးဝင်းချို၊ ကိုဝေဠု တို့ကို စမ်းချောင်း၊ ကမာရွတ်၊ ကျောက်တံတား၊လှိုင်၊ ဗဟန်း၊ ကြည့်မြင်တိုင်၊ မင်္ဂလာတောင်ညွန့်၊ တာမွေ၊ ဗိုလ်တထောင်၊ ပုဇွန်တောင် မြို့နယ်ရဲစခန်းများက အမှုဖွင့် အရေးယူထားပြီး တောင်ကြီးမြို့တွင်လည်း ငြိမ်းချမ်းရေးအတွက် လမ်းလျှောက်ဆန္ဒပြပွဲ ဦးဆောင်ပြုလုပ်ခဲ့သည့် တောင်ကြီးမြို့ အမျိုးသား ဒီမိုကရေစီအဖွဲ့ချုပ် (NLD) လူငယ်အဖွဲ့ဝင် ကိုအောင်သူ၊ ၈၈ မျိုးဆက် ကျောင်းသားအဖွဲ့ဝင် ကိုဘိုဘိုဟန်နှင့် တောင်ကြီးမြို့ခံ တဦးဖြစ်သည့် ကိုနေမျိုးအောင်တို့ ၃ ဦးကို တောင်ကြီးမြို့နယ် ရဲစခန်းက ပုဒ်မ ၁၈ ဖြင့် အမှုဖွင့်ထားကြောင်း သိရှိရသည်။
အမှုဖွင့်ခံထားရသော ဆန္ဒပြပွဲဦးဆောင်ခဲ့သူ ၁၀ဦးမှာမူ မနေ့က တရားရုံးတင်ခြင်း မရှိသေးသော်လည်း အာဏာပိုင်များက ခေါ်ယူစစ်ဆေး ခံနေရဆဲဟု သိရှိရသည်။
“ခွင့်တောင်းရဲ့သားနဲ့ ခွင့်မပြုတာပဲ။ ဥပဒေကလည်း ငြိမ်းချမ်းစွာ ဆန္ဒပြခွင့်ပြုသင့်တဲ့ နိုင်ငံသားအခွင့်အရေး ပိတ်ပင်ထားတယ်” ဟု ဆန္ဒပြပွဲ ဦးဆောင်မှုဖြင့် အမှုဖွင့်ခံထားရသူ ကိုမိုးသွေး က ရှင်းပြသည်။
ဆန္ဒပြပွဲဖြင့် အာဏာပိုင်များ၏ အမှုဖွင့်ခံထားရသူများကလည်း ရန်ကုန်တိုင်းအစိုးရနှင့် ရဲတပ်ဖွဲ့ကို လူ့အခွင့်အရေးချိုးဖောက်မှုဖြင့် တန်ပြန်တရားစွဲဆိုရန် စီစဉ်နေပြီး လတ်တလော နိုင်ငံတော်သမ္မတရုံး၊ ကာကွယ်ရေးဦးစီးချူပ်ရုံး၊ တရားဥပဒေစိုးမိုးရေးနှင့် တည်ငြိမ်အေးချမ်းရေး ကော်မတီနှင့် မြန်မာနိင်ငံလူ့အခွင့်အရေးကော်မရှင်တို့သို့ တိုင်ကြားစာများပေးပို့ထားကြောင်း ဆန္ဒပြပွဲဦးဆောင်သူများက ဆိုသည်။ငြိမ်းချမ်းစွာစုဝေးခွင့်နှင့် ငြိမ်းချမ်းစွာစီတန်း လှည့်လည်ခွင့်ဆိုင်ရာ ဥပဒေချိုးဖောက်မှုအနေဖြင့် ပြစ်မှုထင်ရှားပါက ထောင်ဒဏ် ၁ နှစ် (သို့မဟုတ်) ငွေဒဏ် ကျပ် ၃ သောင်း၊ ထောင်ဒဏ်နှင့် ငွေဒဏ်ပါ ပူးတွဲ ချမှတ်နိုင်ကြောင်း တရားဝင်ပြဋ္ဌာန်းထားသည်။
ကချင်ငြိမ်းချမ်းရေးကွန်ရက် ခေါင်းဆောင်နှစ်ဦးကို တရားရုံးမှာ စတင်စစ်ဆေး
ဒဂုံမြို့နယ် တရားသူကြီး ဒေါ်ခင်သန့်စင်က ကချင်ငြိမ်းချမ်းရေး ကွန်ရက်က ခေါင်းဆောင် ဦးမရန်ဂျော်ဂွန်းနဲ့ ဒေါ်မေစံပယ်ဖြူ (အယ်လ်ခေါန်ထွဲ) တို့ကို ဥပဒေကြောင်းအရ အာမခံထားပေးမယ့် လူပုဂ္ဂိုလ် (၂) ဦး တောင်းဆိုပါတယ်။
ဦးမရန်ဂျော်ဂွန်းတို့က တခြားလူပုဂ္ဂိုလ်တွေကို အာမခံမထားဘဲ မိမိကိုယ်မိမိပဲ အာမခံတာဝန်ယူမယ့် အကြောင်းပြောပြီး ကိုယ်တိုင်ခံဝန်ချက် ရရှိအောင် ကြိုးစားခဲ့တာကို အခုလိုပြောပါတယ်။
"ဒီကိစ္စမှာ ကျွန်တော်တို့က ခံယူချက်ကောင်းကောင်းနဲ့ နိုင်ငံငြိမ်းချမ်းရေးအတွက် ပြည်သူတစ်ယောက်ရဲ့ တာဝန်အနေနဲ့ ပါဝင်တာဖြစ်တယ်။ အဲ့ဒီအတွက်ကြောင့် ကျွန်တော်တို့ဟာ တရားခံ မဟုတ်ဘူး။ မှားတယ်လို့ လုံးဝမယူဆဘူး။ အဲ့ဒါကြောင့် မထွက်ပြေးဘူး။ ဘယ်နေရာပဲရောက်ရောက် လာမှာပဲ။ ကိုယ်ပိုင်ခံဝန်ချက်ပဲ ကျွန်တော်တို့ လိုချင်တယ်။ ကျွန်တော်တို့ တောင်းဆိုတော့ သူက ကိုယ်ပိုင်ခံဝန်ချက်နဲ့ ပက်သက်တဲ့ စာချုပ်ကို ထပ်ချုပ်တယ်။ ကိုယ်ပိုင်ခံဝန်ချက် ဖြစ်သွားမှာ ဖြစ်တဲ့အတွက် ကိုယ့်ကိုယ်ကိုယ် တာဝန်ယူတဲ့အကြောင်း လက်မှတ်ထိုးခဲ့တယ်"
ကချင်ငြိမ်းချမ်းရေးကွန်ယက်က ခေါင်းဆောင် ဦးမရန်ဂျော်ဂွန်းနဲ့ ဒေါ်မေစံပယ်ဖြူ (အယ်လ်ခေါန်ထွဲ) တို့ကို ဒဂုံမြို့နယ် ရဲအုပ် ဦးထွန်းထွန်းဝင်းက တရားလိုပြုလုပ် တိုင်ကြားခဲ့တာပါ။့ မနေ့က ဦးမရန်ဂျော်ဂွန်းတို့က မိမိကိုယ်မိမိ တာဝန်ယူတဲ့ ကိုယ်တိုင် ခံဝန်ချက်ရယ်၊ အာမခံကြေး ၁၀ သိန်းနဲ့ တရားရုံးမှာ လက်မှတ်ထိုးခဲ့ပြီး ဒီအမှုကို လာမယ့် အောက်တိုဘာလ (၁၀) ရက်နေ့ ရုံးချိန်း ပြန်လည်သတ်မှတ်လိုက်တယ်လို့ သိရပါတယ်။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment