လက်ပံတောင်း အရေး ဖမ်းဆီးထားသူများ ခံဝန်ကတိဖြင့် ပြန်လွှတ်
“အခု မုံရွာအကျဉ်းထောင်က မသွဲ့သွဲ့ဝင်းတို့ အားလုံး ပြန်လွတ်လာပါပြီ”ဟု ၈၈ မျိုးဆက်ကျောင်းသား ခေါင်းဆောင် ကိုဂျင် မီ က မီဒီယာကို ပြောသည်။
လွတ်မြောက်လာသူများထဲက မသွဲ့သွဲ့ဝင်းကလည်း ၀မ်းမြောက်ကြောင်း မီဒီယာသို့ တယ်လီဖုန်းဖြင့် ဖြေကြားသည်။
“အခုလို လွတ်မြောက်လာတဲ့အတွက် အရမ်းကို ၀မ်းသာပါတယ်ရှင်။ ကျမ အတိုင်းမသိ ၀မ်းသာပါတယ်။ အစစ အရာရာ ကျမတို့ လွတ်မြောက်အောင် လုပ်ပေးတဲ့ သူတွေအားလုံးလည်း ကျမ ကျေးဇူးတင်ပါတယ်”ဟု မသွဲ့သွဲ့ဝင်းက ဆိုသည်။ယနေ့ နံနက် ၁၀ နာရီကျော်က အမျိုးသား ဒီမိုကရေစီ အဖွဲ့ချုပ်(NLD) ပါတီ ပြည်သူ့လွှတ်တော် ကိုယ်စားလှယ် ဒေါ်ခင် စန်းလှိုင်၊ ၈၈ မျိုးဆက် ကျောင်းသားများအဖွဲ့က ကိုဂျင်မီ ပါဝင်သည့် အဖွဲ့တို့က စစ်ကိုင်းတိုင်းဒေသကြီး အစိုးရ ၀န်ကြီးချုပ် ဦးသာအေးနှင့် ဆွေးနွေးညှိနှိုင်းမှုများအပြီး ယခုကဲ့သို့ ပြန်လည် လွှတ်ပေးလိုက်ခြင်းဖြစ်သည်။
“၀န်ကြီးချုပ်နဲ့ မနက်က တွေ့တယ်။ အန်တီတို့ တောင်းဆိုထားတဲ့ အချက်တွေနဲ့ ပတ်သက်ပြီးတော့ သူက အန်တီတို့ကို အမြန်ဆုံး သတင်းကောင်း ပေးပါ့မယ်လို့ ကတိပေးခဲ့တယ်၊ ခံဝန်နဲ့ ခဏနေရင် ပြန်လွှတ်မယ်လို့ ရဲမှူးက အန်တီ့ကို အကြောင်းကြားလာပါတယ်”ဟု ဒေါ်ခင်စန်းလှိုင်က ပြောပြသည်။
ပြန်လွှတ်ပေးသည့်အခါ လုံးဝကင်းကင်းရှင်းရှင်း ပြန်လွှတ်ပေးစေလိုကြောင်း ပြောခဲ့သော်လည်း ခံဝန်နှင့် ဖြစ်သည့်အတွက် အပြည့်အ၀ စိတ်မချမ်းသာနိုင်ကြောင်း၊ တဖက်ကလည်း တိုင်းဒေသကြီး အစိုးရက ပြဿနာကို ပို၍ မကြီးထွားစေရေး အကောင်းဆုံး ဆုံးဖြတ်ပေးမည်ဟု ပြောခဲ့ကြောင်း၊ ၀န်ကြီးချုပ်နှင့်တွေ့ပြီး နာရီပိုင်းအကြာတွင် ဒေါ်အောင်ဆန်းစုကြည် က လည်း ဖုန်းဆက်၍ အခြေအနေ အကျိုးအကြောင်း မေးမြန်းလာကြောင်း သူက ဆက်ပြောသည်။
စက်တင်ဘာ ၁၀ ရက်နေ့က မုံရွာမြို့သို့ သွားရောက်ဝတ်ပြု ဆုတောင်းသူများထဲမှ ၁၂ ဦးကိုထိန်းသိမ်းခဲ့ပြီး ၉ ဦးကို နေ့တွင်း ချင်း ပြန်လွှတ်ခဲ့သော်လည်း ၀က်မှေးရွာသူ ၃ ဦး ဖြစ်သော မသွဲ့သွဲ့ဝင်း၊ မအေးနက်နှင့် မဖြူဖြူဝင်းတို့ကို ဖမ်းဆီးထားခြင်း ဖြစ်သည်။
ထိုဒေသခံရွာသားများကို ကူညီပေးနေသည့် ကိုဝေဠု ကိုလည်း သြဂုတ် လကုန်ပိုင်းကဖမ်းဆီးခဲ့ရာ ၄င်းတို့အားလုံးကို ပြန် လွှတ် ပေးရေးအတွက် မုံရွာမြို့တွင် ဆန္ဒပြမှု ဖြစ်ပွားခဲ့သည်။
ယမန်နေ့က ဆွေးနွေးညှိနှိုင်းမှု ရလာဒ်အရ ဆန္ဒပြမှုတွင် ပါဝင်သည့် ဒေသခံရွာသူ ရွာသားများ နှင့် ကျောင်းသားများကို ဆက် လက်ဖမ်းဆီးမှု မလုပ်တော့ဘဲ အေးချမ်းလုံခြုံစွာ နေနိုင်ကြောင်းနှင့် လုံခြုံရေး တင်းကျပ် ထားမှုများကို လျှော့ချ ခဲ့ကြောင်း၊ ဒေသခံများဘက်ကလည်း ဆန္ဒပြမှုကို ရပ်ဆိုင်းထားကြောင်း သိရသည်။ဒေသခံများ၏ ဆန္ဒမှာ ၄င်းတို့၏ သိမ်းဆီးခံ လယ်ယာမြေများပြန်ရရေး၊ ကြေးစင်တောင်ကို နမူနာယူကာ သဘာဝ ပတ် ၀န်းကျင် ပျက်စီးမည့် အရေး၊ ဘ၀တသက်တာ စားဝတ်နေရေးတို့ကို ထောက်ပြပြီး ကြေးနီ စီမံကိန်းကို လုံးဝ ရပ်တန့် သွားစေလိုသည်ကိုလည်း တိုင်းဒေသကြီး အစိုးရကို မနေ့ကနံနက်က တင်ပြခဲ့ကြောင်း ဒေါ်ခင်စန်းလှိုင်က ဆိုသည်။
ဆွေးနွေးမှုတွင် စစ်ကိုင်းတိုင်း ဒေသကြီး အစိုးရ ၀န်ကြီးချုပ် ဦးသာအေး၊ တိုင်းဒေသကြီး လွှတ်တော် ဒုတိယ ဥက္ကဋ္ဌ ဦး သောင်းစိန်၊ တိုင်းဒေသကြီး သတ္တုတွင်းဝန်ကြီး ဦးသန်းထိုက်တို့လည်း ပါဝင်ပြီး စီမံကိန်းရပ်တန့်ရေး ကိစ္စသည် ပြည်ထောင် စု အစိုးရ အဆင့်သာ ဖြေရှင်းပေးနိုင်ကြောင်း စစ်ကိုင်းတိုင်းဒေသကြီး ၀န်ကြီးချုပ်က ပြောဆိုကြောင်း သိရသည်။“စီမံကိန်းကိစ္စ၊ မြေယာ သိမ်းမှုနဲ့ လျော်ကြေးကိစ္စတွေနဲ့ပတ်သက်ပြီး သူတို့က တိုင်းဒေသကြီး အဆင့်မှာဘဲ ရှိတဲ့အတွက် ဒီ ကိစ္စဟာ ပြည်ထောင်စု အစိုးရက ဖြေရှင်းရမယ့် ကိစ္စမျိုးဖြစ်တာကြောင့် သူတို့ အဆင့်နဲ့ ရှင်းလို့ မရနိုင်ဘူး၊ ဒါကြောင့် ပြည် ထောင်စု အစိုးရနဲ့ ရှင်းမှဘဲ အလုပ်ဖြစ်မယ့် သဘော ပြောပါတယ်”ဟု ကိုဂျင်မီက ပြောဆိုသည်။
ယခုကဲ့သို့ ဖမ်းဆီးထားသူများ ပြန်လည် လွတ်မြောက်လာသော်လည်း စီမံကိန်းကို ရပ်တန့်ခြင်း မရှိသေးပေ။
စက်တင်ဘာ ၁၂ ရက်နေ့က လက်ပံတောင်းတောင် ကြေးနီစီမံကိန်း ဧရိယာအတွင်းရှိ ကျေးရွာ ၂၆ ရွာကို ကိုယ်စားပြုသော ရွာသူရွာသားများက ဆည်တဲရွာတွင် လူထုအစည်းအဝေးလုပ်ကာ လျော်ကြေးပေးရေးထက် ထိခိုက်နစ် နာမှုများ ဖြစ် လာမည်ကို စိုးရိမ်သည့်အတွက် ယင်းစီမံကိန်းအား လုံးဝ ရပ်ဆိုင်းပေးရန် တောင်းဆိုသည့် ကြေညာချက် တစောင်ကို ထုတ်ပြန်ထားသည်။
“လက်ပံတောင်းတောင် ကြေးနီစီမံကိန်းသည် ချင်းတွင်းမြစ်အား ညစ်ညမ်းစေနိုင်ခြင်း၊ သာသနာ့အောင်မြေအား ဖျက်ဆီး နေခြင်း၊ လက်ပံတောင်းတောင် ဒေသ ပတ်ဝန်းကျင် ပျက်စီးဆုံးရှုံးနိုင်ခြင်း၊ မုံရွာမြို့ ပတ်ဝန်းကျင်တွင် ညစ်ညမ်းမှု ဖြစ်ပေါ် နိုင်ခြင်းတို့ကြောင့် ကြေးနီစီမံကိန်း လုံးဝမလုပ်ဘဲ အပြီးတိုင် ဖျက်သိမ်းရန်နှင့် လက်ပံတောင်းတောင်ရှိ ကျေးရွာပေါင်း ၂၆ ရွာကိုယ်စား ရွာ ၁၂ ရွာ မှ လူအင်အား ၃၂၀ တို့ဟာ တဦးချင်းသဘောထက် နိုင်ငံတော် လူထု အကျိုးစီးပွားကို ရှေးရှုပြီး မိမိတို့ ဆန္ဒကို အသိပေးအပ်ပါကြောင်း”ဟု ကြေညာချက်က ဆိုသည်။
မြန်မာ့စီးပွားရေးဦးပိုင် လိမိတက်နှင့် တရုတ် ၀မ်ပေါင် ကုမ္ပဏီတို့ ဖက်စပ်လုပ်ကိုင်နေသော လက်ပံတောင်းတောင် ကြေးနီ စီမံကိန်းတ၀ိုက်၌ ကုမ္ပဏီဘက်မှ လုံခြုံရေးများ လာရောက်ချထားရာမှ ဒေသခံများနှင့် တင်းမာမှု စတင်ခဲ့ခြင်း ဖြစ်သည်။ထို့အပြင် ၀က်မှေး၊ ဆည်တဲ၊ တုံတောကျောင်း၊ ဇီးတော ရွာများ ၀န်းကျင်က မြေများကို ကုမ္ပဏီဘက်က ဘူဒိုဇာများနှင့် ထပ်ထိုးသည့်အတွက် စီမံကိန်းပြန်မလုပ်ရန် ရွာသားများက ကားများ ရှေ့တွင် ကာ၍ တားမြစ်ခဲ့ကြပြီး လယ်သိမ်း တိုက်ပွဲများ ဖော်ဆောင်ကာ ဆန္ဒထုတ်ဖော်မှုများလည်း ပြုလုပ်ခဲ့သည်။
ကြေးနီစီမံကိန်းရပ်ရန် ဆန္ဒပြသည့် ဝက်မှေးရွာသူတို့ကို ပြန်လွှတ်ပြီ
မုံရွာခရိုင်၊ ဆားလင်းကြီးမြို့နယ်၊ လက်ပန်တောင်းတောင် ကြေးနီစီမံကိန်း ရပ်ပေးရန်နှင့် သိမ်းဆည်းခံ လယ်မြေများ ပြန်လည်ရရှိရေး ဆန္ဒပြတောင်းဆိုခဲ့ကြသည့် ဝက်မှေးရွာသူ မသွဲ့သွဲ့ဝင်း၊ မဖြူဖြူဝင်း၊ မအေးနက်တို့ သုံးဦးကို မုံရွာ အကျဉ်းထောင်မှ သောကြာနေ့ညနေတွင် ပြန်လည်လွှတ်ပေးလိုက်ပြီဟု မုံရွာသို့ သွားရောက်သတင်းယူနေကြသည့် သတင်းထောက်များက သတင်းပေးပို့သည်။အဆိုပါ ဝက်မှေးရွာသူ သုံးဦးကို ၈၈ မျိုးဆက်ကျောင်းသားခေါင်းဆောင်များ၊ မုံရွာ ဗကသ ကျောင်းသား အဖွဲ့ဝင်များနှင့် ဝက်မှေးရွာသူရွာသားများ၊ မုံရွာ NLD အဖွဲ့ဝင်များက ဝက်မှေးရွာသို့ ကားဖြင့် ပြန်လည်ပို့ဆောင်နေပြီဟုလည်း သတင်းထောက်များက သတင်းပေးပို့သည်။
စက်တင်ဘာ ၁ဝ ရက်နေ့တွင် ဆန္ဒဖော် ထုတ်သူ ၁၂ ဦးကို ဖမ်းဆီးခဲ့ပြီး ယင်းနေ့ ညနေ ၄ နာရီတွင် ၉ ဦးကို
ပြန်လည်လွှတ်ပေးခဲ့သော်လည်း မသွဲ့သွဲ့ဝင်း၊ မဖြူဖြူဝင်း၊ မအေးနက်တို့ ကျန်ရှိနေခြင်းဖြစ်သည်။ဗုဒ္ဓဟူးနေ့တွင် ၈၈ မျိုးဆက်ကျောင်းသားခေါင်းဆောင် ကိုဂျင်မီနှင့် စစ်ကိုင်းတိုင်းဒေသကြီး ဝန်ကြီးချုပ်၊ သစ်တောနှင့် သဘာဝ ပတ်ဝန်းကျင်ဆိုင်ရာ ဝန်ကြီး ဦးသန်းထိုက်၊ စစ်ကိုင်းတိုင်း ဒေသကြီး လွှတ်တော်အမတ် ဦးသောင်းစိန်တို့
တွေ့ဆုံဆွေးနွေးမှုအပြီး ကျန်ရှိနေသူများကို ထပ်မံလွှတ်ပေးလိုက်ခြင်းဖြစ်သည်။
စက်တင်ဘာ ၁ဝ ရက်နေ့တွင် ဖမ်းဆီးခံခဲ့ရပြီး ပြန်လည်လွှတ်မြောက်လာသူတဦးဖြစ်သည့် ဝက်မှေးရွာသူ မစန်းစန်းလှ က “ကျွန်မတို့ကိုခွေးဆွဲသလို ဆွဲပြီး အချုပ်ခန်းထဲ ထည့်ထားကြတယ်၊ ပြီးတော့ ရဲမေတွေက အရမ်းကြမ်းတမ်းတာပဲ၊ ကျွန်မတို့ကို ကုတ်တယ်၊ ဆံပင်တွေ ဆောင့်ဆွဲတယ်၊ ကျွန်မတို့က ကယ်ကြပါ၊ ကယ်ကြပါလို့အော်တယ်၊ နောက်တော့ ကျန်တဲ့ သုံးယောက်ကို ဘယ်ခေါ်သွားမှန်းမသိလိုက်ဘူး၊ ကျွန်မကိုတော့ ပြန်လွှတ်ပေး လိုက်တယ်” ဟု သူ၏ အကျဉ်းကျ အတွေ့အကြုံကို ပြောဆိုထားသည်။
၈၈ မျိုးဆက်ကျောင်းသားခေါင်းဆောင်များနှင့် စစ်ကိုင်းတိုင်း တာဝန်ရှိ အာဏာပိုင်များ တွေ့ဆုံမှုအတွင်း ကြေးနီတောင် စီမံကိန်း ရပ်ဆိုင်းရန်မှာ တိုင်းဒေသကြီးအစိုးရ၏ ဆုံးဖြတ်ချက်တခုတည်းနှင့် ဆုံးဖြတ်၍ မရကြောင်းလည်း စစ်ကိုင်းတိုင်းဝန်ကြီးချုပ်က ပြောဆိုထားသည်။ကြေးနီတောင်စီမံကိန်းသည် မြန်မာ့စီးပွားရေး ဦးပိုင်လီမိတက်နှင့် တရုတ်ကုမ္ပဏီ ဝမ်ပေါင်းတို့ ပေါင်းစပ် လုပ်ဆောင် သည့် စီမံကိန်းတစ်ခုဖြစ်ပြီး အဆိုပါစီမံကိန်းကြောင့် လက်ပံတောင်းတောင် ပတ်ဝန်းကျင်ရှိ စံပါယ်တောင်နှင့်ကြေးစင်တောင် နှစ်ခုသည် ယခုအခါ တွင်းကျယ်ကြီးများအဖြစ် ကျန်ရှိပြီး လက်ရှိစီမံကိန်း လုပ်ကိုင်လျက်ရှိသည့်ကြေးနီတောင်ကိုလည်း ယင်းတောင်များကဲ့သို့ ကွယ်ပျောက်သွားမည်ကို ပတ်ဝန်းကျင်ရှိ ကျေးရွာသူ/သားများက စိုးရိမ်လျက် ရှိသည်။
စက်တင်ဘာ ၁ဝ ရက်နေ့တွင် ဆန္ဒဖော် ထုတ်သူ ၁၂ ဦးကို ဖမ်းဆီးခဲ့ပြီး ယင်းနေ့ ညနေ ၄ နာရီတွင် ၉ ဦးကို
ပြန်လည်လွှတ်ပေးခဲ့သော်လည်း မသွဲ့သွဲ့ဝင်း၊ မဖြူဖြူဝင်း၊ မအေးနက်တို့ ကျန်ရှိနေခြင်းဖြစ်သည်။ဗုဒ္ဓဟူးနေ့တွင် ၈၈ မျိုးဆက်ကျောင်းသားခေါင်းဆောင် ကိုဂျင်မီနှင့် စစ်ကိုင်းတိုင်းဒေသကြီး ဝန်ကြီးချုပ်၊ သစ်တောနှင့် သဘာဝ ပတ်ဝန်းကျင်ဆိုင်ရာ ဝန်ကြီး ဦးသန်းထိုက်၊ စစ်ကိုင်းတိုင်း ဒေသကြီး လွှတ်တော်အမတ် ဦးသောင်းစိန်တို့
တွေ့ဆုံဆွေးနွေးမှုအပြီး ကျန်ရှိနေသူများကို ထပ်မံလွှတ်ပေးလိုက်ခြင်းဖြစ်သည်။
စက်တင်ဘာ ၁ဝ ရက်နေ့တွင် ဖမ်းဆီးခံခဲ့ရပြီး ပြန်လည်လွှတ်မြောက်လာသူတဦးဖြစ်သည့် ဝက်မှေးရွာသူ မစန်းစန်းလှ က “ကျွန်မတို့ကိုခွေးဆွဲသလို ဆွဲပြီး အချုပ်ခန်းထဲ ထည့်ထားကြတယ်၊ ပြီးတော့ ရဲမေတွေက အရမ်းကြမ်းတမ်းတာပဲ၊ ကျွန်မတို့ကို ကုတ်တယ်၊ ဆံပင်တွေ ဆောင့်ဆွဲတယ်၊ ကျွန်မတို့က ကယ်ကြပါ၊ ကယ်ကြပါလို့အော်တယ်၊ နောက်တော့ ကျန်တဲ့ သုံးယောက်ကို ဘယ်ခေါ်သွားမှန်းမသိလိုက်ဘူး၊ ကျွန်မကိုတော့ ပြန်လွှတ်ပေး လိုက်တယ်” ဟု သူ၏ အကျဉ်းကျ အတွေ့အကြုံကို ပြောဆိုထားသည်။
၈၈ မျိုးဆက်ကျောင်းသားခေါင်းဆောင်များနှင့် စစ်ကိုင်းတိုင်း တာဝန်ရှိ အာဏာပိုင်များ တွေ့ဆုံမှုအတွင်း ကြေးနီတောင် စီမံကိန်း ရပ်ဆိုင်းရန်မှာ တိုင်းဒေသကြီးအစိုးရ၏ ဆုံးဖြတ်ချက်တခုတည်းနှင့် ဆုံးဖြတ်၍ မရကြောင်းလည်း စစ်ကိုင်းတိုင်းဝန်ကြီးချုပ်က ပြောဆိုထားသည်။ကြေးနီတောင်စီမံကိန်းသည် မြန်မာ့စီးပွားရေး ဦးပိုင်လီမိတက်နှင့် တရုတ်ကုမ္ပဏီ ဝမ်ပေါင်းတို့ ပေါင်းစပ် လုပ်ဆောင် သည့် စီမံကိန်းတစ်ခုဖြစ်ပြီး အဆိုပါစီမံကိန်းကြောင့် လက်ပံတောင်းတောင် ပတ်ဝန်းကျင်ရှိ စံပါယ်တောင်နှင့်ကြေးစင်တောင် နှစ်ခုသည် ယခုအခါ တွင်းကျယ်ကြီးများအဖြစ် ကျန်ရှိပြီး လက်ရှိစီမံကိန်း လုပ်ကိုင်လျက်ရှိသည့်ကြေးနီတောင်ကိုလည်း ယင်းတောင်များကဲ့သို့ ကွယ်ပျောက်သွားမည်ကို ပတ်ဝန်းကျင်ရှိ ကျေးရွာသူ/သားများက စိုးရိမ်လျက် ရှိသည်။
ကြေးနီစီမံကိန်း ရပ်တန့်ရေး လှုပ်ရှားသူများ ပြန်လည်လွှတ်မြောက်
စစ်ကိုင်းတိုင်း၊ မုံရွာခရိုင် လက်ပံတောင်းတောင် ကြေးနီစီမံကိန်း ရပ်တန့်ဖို့ လှုပ်ရှားဆောင်ရွက်ခဲ့တဲ့ နိုင်ငံရေး အကျဉ်းသားဟောင်း ကိုဝေလု အပါအ၀င် ဖမ်းဆီး ထိန်းသိမ်းထားတဲ့ မသွဲ့သွဲ့ဝင်း၊ မဖြူဖြူဝင်းနဲ့ မအေးနက်တို့ကို အာမခံတွေနဲ့ မနေ့ကညနေ ၅ နာရီမှာ လွှတ်ပေးလိုက်တယ်လို့ သိရပါတယ်။
အခုလို လွှတ်ပေးလိုက်တာဟာ နောက်နောင် စစ်ကိုင်းတိုင်း ဒေသကြီးကို လုံးဝ ပြန်မ၀င်ရဘူးဆိုတဲ့ ခံဝန်ကတိနဲ့ လွှတ်ပေးလိုက်တာ ဖြစ်တယ်လို့ ပြန်လည်လွတ်မြောက်လာတဲ့ ရန်ကုန်ပြည်သူ့အကျိုးဆောင် ကွန်ယက်အဖွဲ့ဝင် ကိုဝေလုက မီဒီယာ ကို အခုလို ပြောပြပါတယ်။
" ၅ နာရီကျော်ကျော်လောက်မှာ ကျွန်တော့်ကို ပြန်ပြီးလွှတ်တယ် ဆိုတဲ့နေရာမှာ ခြွင်းချက်ထားပြီးစစ်ကိုင်းတိုင်း ဒေသကြီးကို နောက်နောင် လုံးဝ ပြန်မ၀င်တော့ပါဘူးဆိုတဲ့ ကတိ ခံဝန်ချက် ထိုးခိုင်းပြီးတော့ ကျွန်တော့်ကို ပြန်လွှတ်တာပါ။ နှိပ်စက်မှုတော့ မရှိဘူးဗျ။ မိသားစုနဲ့ လုံးဝ အဆက်အသွယ် မပေးတာ။ ပြင်ပက လူတွေနဲ့ ထိစပ်ခွင့် မပေးတာ။ နောက်ဆုံးဗျာ အချုပ်ထဲမှာ ကျွန်တော်တို့နဲ့ အတူရှိနေတဲ့ ကျန်တဲ့ အချုပ်သားတွေကိုပါ ဧည့်တွေ့ခွင့် ပိတ်ပစ်တာမျိုးပေါ့"ကိုဝေလု လွှတ်မြောက်ရေးအတွက် (၈၈)မျိုးဆက် ကျောင်းသား ခေါင်းဆောင် ကိုဂျင်မီက အာမခံပေးခဲ့တာဖြစ်ပြီး မသွဲ့သွဲ့ဝင်း အပါအ၀င် အမျိုးသမီး (၃) ဦး လွှတ်မြောက်ရေး အတွက်ကိုတော့ ကျန်တဲ့ (၈၈)မျိုးဆက် ကျောင်းသားများ အဖွဲ့က အာမခံချက် ပေးခဲ့ကြတယ်လို့ သိရပါတယ်။
ကိုဝေလုကို ချောင်းဦးရဲစခန်းက လွှတ်ပေးခဲ့တာဖြစ်ပြီး မသွဲ့သွဲ့ဝင်း အပါအ၀င် အမျိုးသမီး (၃) ဦးကိုတော့ မုံရွာအကျဉ်းထောင်ကနေ ပြန်လည် လွှတ်ပေးခဲ့တာလို့ သိရပါတယ်။ အခုလို ပြန်လည် လွှတ်မြောက်လာတဲ့ သူတွေကို မုံရွာဒေသခံ လူဦးရေ ၃၀၀၀ နီးပါးလောက် လာရောက် ကြိုဆိုခဲ့ကြတယ်လို့လည်း သတင်းရရှိပါတယ်။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment