မြန်မာ့ စီးပွားရေး သတင်းများ အောက်တိုဘာ ၁၄ ၊ ၂၀၁၂
မြန်မာရဲ့ နိုင်ငံတကာကြွေးမြီများ လျှော်ရေး ကမ္ဘာ့ဘဏ် ကူညီမည်
ကမ္ဘာ့ဘဏ် ဥက္ကဋ္ဌက မြန်မာနိုင်ငံက ကြွေးမြီတွေ လျှော်ပစ်ရေးအတွက် ကူညီနေတဲ့အကြောင်း မနေ့က ပြောဆိုလိုက်ပါတယ်။ ကမ္ဘာ့ဘဏ် အနေနဲ့ လက်ရှိ မြန်မာအစိုးရရဲ့ ပြုပြင်ပြောင်းလဲရေး ဒီ့ထက်မက ပိုပြီး ခရီးရောက်အောင် ထောက်ခံ အားပေးနေပါကြောင်း ဂျပန်နိုင်ငံ တိုကျိုမြို့ကို ရောက်ရှိနေတဲ့ ကမ္ဘာ့ဘဏ် ဥက္ကဋ္ဌ Jim Yong Kim က မနေ့က သတင်းစာ ရှင်းလင်းပွဲမှာ ပြောဆိုလိုက်တာပါ။
၂၀၁၃ ခုနှစ်ဆန်း ပိုင်းလောက်မှာ မြန်မာနိုင်ငံက ကြွေးမြီတွေ လျှော်ပစ်ရေးအတွက် အကောင်အထည် ဖော်နိုင်ဖို့ စတင် နိုင်လိမ့်မယ်လို့ ခန့်မှန်းထားတဲ့အကြောင်း လည်း ပြောပါတယ်။ ပြုပြင် ပြောင်းလဲရေး အကောင်အထည် ဖော်နေတာကို ချီးကျူးလိုက်ပေမဲ့လို့ လုပ်စရာတွေ အများကြီး ရှိနေဆဲပါပဲလို့လည်း ဆိုပါတယ်။
မြန်မာဘဏ္ဍာရေးဝန်ကြီး ဦးဝင်းရှိန်ကလည်း နိုင်ငံပိုင် စီးပွားရေးစနစ်ကနေ လွတ်လပ်တဲ့ ဈေးကွက် စီးပွားရေးစနစ်ကို ဘက်ပေါင်းစုံကနေ အသွင်ကူးပြောင်းနေတာ မကြုံစဖူး အကောင်အထည်ဖော် ကြိုးစားနေတဲ့အကြောင်း ပြောဆိုသွားတယ်လို့ ဆိုပါတယ်။ မြန်မာနိုင်ငံက ကမ္ဘာ့ဘဏ်အပေါ် ဒေါ်လာ သန်း ၄၀၀ နဲ့ အာရှဖွံ့ဖြိုးရေးဘဏ် (ADB) အပေါ် ဒေါ်လာ သန်း ၅၀၀ အကြွေးတင်နေတာ ဖြစ်ပါတယ်။
ဂျပန်နိုင်ငံကတော့ ဒေါ်လာ သန်းပေါင်း ၃,၈၀၀ ကို ဧပြီလတုန်းက လျှော်ပစ်ခဲ့ပါသေးတယ်။
စက်သုံးဆီဆိုင်များရှိ လီတာပန့်များ၏ တစ်ဂါလန်အမှန်ဆီထွက်နှုန်းအားကို ၄ ဒသမ ၅၄၆လီတာ အဖြစ် စံသတ်မှတ်ပြီး တစ်နိုင်ငံလုံး တစ်ပြေးညီသတ်မှတ်ရောင်းချရန် စွမ်းအင်ဝန်ကြီးဌာန ထုတ်ပြန်
မြန်မာနိုင်ငံတွင် စွမ်းအင်ဝန် ကြီးဌာနအပါအ၀င် အစိုးရဌာနဆိုင်ရာ အားလုံးသည် နိုင်ငံတကာ၌ အသုံးပြုလျက်ရှိသော မတ်ထရစ် စနစ်သို့ပြောင်းလဲမှု ဆက်စပ်ပုံသတ်မှတ်ချက်များအတိုင်း အသုံးပြုလျက် ရှိပြီး စက်သုံးဆီအခြင်အတွယ်စနစ် ပြောင်းလဲမှုဆက်စပ်ပုံ သတ်မှတ်ချက်အရ တစ်ဂါလန်လျှင် ၄ ဒသ မ ၅၄၆လီတာဖြစ်ကြောင်း စွမ်း အင်ဝန်ကြီးဌာန မြန်မာ့ရေနံထွက် ပစ္စည်းရောင်းဝယ်ရေး လုပ်ငန်းမှ ထုတ်ပြန်ကြေညာထားပါသည်။
မြန်မာနိုင်ငံတစ်ဝန်းရှိ လီတာပန့်အသုံးပြုပြီး တရားဝင်ဖွင့်လှစ် ရောင်းချနေသော စက်သုံးဆီ အရောင်းဆိုင်အားလုံး အဆိုပါသတ်မှတ်ချက်ကို သိရှိလိုက်နာဆောင်ရွက်ရမည် ဖြစ်ကြောင်းနှင့် ထိုသို့လုပ်ဆောင် နိုင်ရေးအတွက် မြန်မာနိုင်ငံစက်သုံး ဆီတင်သွင်း ရောင်းချဖြန့်ဖြူးရေး အသင်းနှင့် ပြည်နယ်၊ တိုင်းဒေသကြီး ရေနံထွက်ပစ္စည်းများတင်သွင်း သိုလှောင် သယ်ယူဖြန့်ဖြူးရောင်းချ ခြင်းလုပ်ငန်းများ ထိန်းသိမ်းကြီးကြပ်ရေး ဆပ်ကော်မတီများထံ မြန်မာ့ရေနံ ထွက်ပစ္စည်းရောင်းဝယ်ရေး လုပ်ငန်း က အသိပေးအကြောင်းကြားပြီး ဖြစ်ကြောင်း ပုဂ္ဂလိကစက်သုံးဆီဆိုင်များ ဆီအခြင်အတွယ် မပြည့်မှုအကြောင်း အများပြည်သူအကြား ကျယ်ကျယ်ပြန့်ပြန့်ဝေဖန်မှုများ ထွက်ပေါ်ခဲ့သောကြောင့် ရန်ကုန်တိုင်းအတွင်းရှိ စက်သုံးဆီအရောင်းဆိုင်များကို ၀င်ရောက်စစ်ဆေးခဲ့ခြင်း ဖြစ်ကြောင်း သိရပါသည်။
မြန်မာ့ ရေနံထွက်ပစ္စည်း ရောင်းဝယ်ရေးလုပ်ငန်း၊ ရန်ကုန်တိုင်း ဒေသကြီးတိုင်းရောင်းဝယ်ရေး အရာရှိရုံး၊ ရန်ကုန်တိုင်းဒေသကြီး ပြည်တွင်း အခွန်များဦးစီးဌာန၊ ရန်ကုန်တိုင်း ဒေသကြီး မီးသတ်ဦးစီးဌာနနှင့် ရန် ကုန်မြို့တော်စည်ပင်သာယာရေး ကော်မတီတို့မှ ကိုယ်စားလှယ်များ ပါဝင်သော စစ်ဆေးရေးအဖွဲ့သည် စက်တင်ဘာလ ၂၆နှင့် ၂၇ ရက်နေ့ များတွင် ရန်ကုန်စည်ပင်သာယာ နယ်နိမိတ်အတွင်းရှိ ပုဂ္ဂလိက စက်သုံးဆီ အရောင်းဆိုင် ၂၃ ဆိုင်ကို ရှောင်တခင် ၀င်ရောက်စစ်ဆေးပြီး နောက်၂၁ဆိုင်တွင် စက်သုံးဆီ အခြင်အတွယ်ပြည့်မီခြင်း မရှိကြောင်း ထုတ်ပြန်ခဲ့ခြင်းဖြစ်ပါသည်။ လက်ရှိ မြန်မာ တစ်နိုင်ငံလုံး တွင် ဖွင့်လှစ်ရောင်းချနေသော ပုဂ္ဂ လိကစက်သုံးဆီဆိုင် ၄၀၀ ၀န်း ကျင်ရှိပြီး အသစ်ဖွင့်ခွင့်ပြုရန် စိစစ်နေသည့် အရောင်းဆိုင် ၅၀၀ ကျော် ရှိပါသည်။ ပုဂ္ဂလိက စက်သုံးဆီ သိုလှောင်ဖြန့်ဖြူးရောင်းချခွင့်ကို ယခင်ကအစိုးရကသာ ထိန်းချုပ်ထားပြီး ၂၀၁၀ပြည့်နှစ် ဇွန်လ ၁၀ ရက်နေ့မှ ပုဂ္ဂလိက စက်သုံးဆီ အရောင်းဆိုင်များ ဖွင့်လှစ်ရောင်းချခွင့် ပြုခဲ့ခြင်းဖြစ်သည်။
ဟံသာဝတီ လေဆိပ် တည်ဆောက်ရေးလုပ်ငန်း အပါအဝင် ပို့ဆောင်ရေးဝန်ကြီးဌာနမှ ဆောင်ရွက်နေသည့် စီမံကိန်းများ၌ နည်းပညာနှင့် ငွေကြေးကဏ္ဍ ပူးပေါင်းဆောင်ရွက်ရန် ဂျာမနီနိုင်ငံက ဆန္ဒရှိနေ
ဂျာမနီနိုင်ငံသည် ဟံသာဝတီ လေဆိပ်တည်ဆောက်ရေး လုပ်ငန်းအပါအ၀င် ပို့ဆောင်ရေးဝန်ကြီး ဌာနမှ အကောင်အထည်ဖော်ဆောင် ရွက်နေသည့် စီမံကိန်းများအတွက် နည်းပညာနှင့် ငွေကြေးကဏ္ဍ ပူးပေါင်း ဆောင်ရွက်သွားရန် ဆန္ဒရှိနေကြောင်း ဂျာမနီနိုင်ငံ နိုင်ငံတကာ ရင်းနှီးမြှုပ်နှံမှုနှင့် ကုန်သွယ်ရေး ၀န်ကြီးဌာန ဒုတိယ၀န်ကြီး H.E.Dr.Ka-rl Brauner က ပြောကြားခဲ့ကြောင်း သိရသည်။
၂၀၁၂ ခုနှစ် အောက်တိုဘာလ ၃ရက်နေ့က နေပြည်တော်ရှိ ပို့ဆောင်ရေးဝန်ကြီးဌာနတွင် ပြည်ထောင်စု ၀န်ကြီး ဦးဥာဏ်ထွန်းအောင်အား ဂျာမနီနိုင်ငံ နိုင်ငံတကာ ရင်းနှီးမြှုပ်နှံမှု နှင့် ကုန်သွယ်ရေးဝန်ကြီးဌာန ဒုတိယ၀န်ကြီးံ H.E.Dr.Ka-rl Brauner ဦးဆောင်သည့် အဖွဲ့လာရောက်တွေ့ ဆုံရာတွင် ဒုတိယ၀န်ကြီးက ယင်းသို့ ပြောကြားခဲ့ခြင်းဖြစ်သည်။
ဂျာမနီနိုင်ငံမှ စီးပွားရေးလုပ်ငန်းရှင်များ မြန်မာနိုင်ငံ၌ ရင်းနှီးမြှုပ်နှံမှု ပြုလုပ်လိုသည့် လုပ်ငန်းများမှာ လေဆိပ်များ တိုးချဲ့တည်ဆောက်ခြင်း၊ ကွင်းတိုဆင်းသက်နိုင်သော လေယာဉ်ငယ်များ ဖြည့်တင်းရေး၊ ဆိပ်ကမ်းများ တည်ဆောက်ပြုပြင်ခြင်း စသည်တို့ဖြစ်သည်။
ဂျာမနီနိုင်ငံမှ စီးပွားရေးလုပ်ငန်းရှင်များက ယင်းသို့ဆွေးနွေးခဲ့ခြင်းကို ပြည်ထောင်စုဝန်ကြီးနှင့် တာဝန်ရှိသူများမှလည်း ရင်းနှီးမြှုပ်နှံမှု ပြုလုပ်နိုင်သည့် အခြေအနေများ ကို အသေးစိတ် ပြန်လည်ဆွေးနွေးခဲ့ ကြသည်ဟု သိရသည်။
အဆိုပါ ဂျာမနီနိုင်ငံမှစီးပွားရေး ကိုယ်စားလှယ်အဖွဲ့သည် မြန်မာ့ဆိပ်ကမ်းအာဏာပိုင် လက်အောက် ရှိ ဆိပ်ကမ်းများ၊ မြန်မာ့သင်္ဘောကျင်းလုပ်ငန်းများကို ဆက်လက် လေ့လာသွားရန် ရှိသည်ဟုလည်း သိရသည်။
“ဂျာမနီနိုင်ငံက OBERME-YAR PLANER BERATEN Gmb H ကုမ္ပဏီနဲ့ Gmp International ကုမ္ပဏီနှစ်ခုက ဟံသာဝတီ လေဆိပ် တည်ဆောက်ဖို့ အကြို အရည်အချင်းစစ် လျှောက်လွှာကို လာတင်ထားပါတယ်” ဟု လေကြောင်းပို့ဆောင်ရေး ညွှန်ကြားမှု ဦးစီးဌာနမှ တာဝန်ရှိသူတစ်ဦးက ပြောကြားခဲ့သည်။;
ဈေးကွက်ကို ချိန်ဆပြီး ဖွင့်စေချင်ပါတယ်
လွယ်ဟိန်းကုမ္ပဏီပိုင်ရှင်
ဒေါက်တာ စိုင်းဆမ်ထွန်း (ဓာတ်ပုံ – Loi Hein / Facebook) နှင့်အင်တာဗျူး
သမ္မတ ဦးသိန်းစိန် အစိုးရ တက်လာပြီးနောက် ပြုပြင်ပြောင်းလဲရေးများကို အသိအမှတ်ပြုသည့်အနေဖြင့် ပိတ်ဆို့အရေးမှုများ တဆင့်ချင်း ဖယ်ရှာပေးလာခဲ့သည်။ နိုင်ငံခြား ရင်းနှီးမြှုပ်နှံမှုများ ဝင်ရောက်မည့် အခြေအနေနှင့် ပြည်တွင်း စီးပွားရေး လုပ်ငန်းများ၊ နိုင်ငံခြား ရင်းနှီးမြှုပ်နှံမှု ဥပဒေ၊ ပြည်တွင်းမှ ပို့ကုန်များ အလားအလာ၊ အာဆီယံလွတ်လပ်စွာ ကုန်သွယ်မှု သဘောတူညီချက် (AFTA) အသက်ဝင်ချိန် မြန်မာ့ ကုန်သွယ်ရေး အလားအလာတို့နှင့် ပတ်သက်ပြီး ပြည်တွင်း စီးပွားရေးလုပ်ငန်းရှင်တဦးဖြစ်သော လွယ်ဟိန်းကုမ္ပဏီပိုင်ရှင် ဒေါက်တာ စိုင်းဆမ်ထွန်းကို ရန်ကုန်အခြေစိုက် ဧရာဝတီသတင်းထောက် ဂျူးဂျူးလှိုင်က တွေ့ဆုံမေးမြန်းထားပါသည်။
မေး ။ ။ အမေရိကန် အပါအ၀င် အနောက်နိုင်ငံကြီးတွေက စီးပွားရေးပိတ်ဆို့မှုတွေ ရုပ်သိမ်းနေပြီ ဖြစ်တဲ့အတွက်
ပြည်တွင်းစီးပွားရေး လုပ်ငန်းတွေအနေနဲ့ ၀င်လာမယ့် နိုင်ငံခြားရင်းနှီးမြှုပ်နှံမှုတွေအတွက် ဘယ်လိုပြင်ဆင်မှုတွေ လုပ်နေပြီလဲ။
ဖြေ ။ ။ နိုင်ငံခြားရင်းမြှုပ်နှံမှုတွေက လောလောဆယ် အားရပါးရ ၀င်ရောက်လာတာမျိုး မရှိသေးဘူး။ ပြည်တွင်း ကုမ္ပဏီတွေအနေနဲ့လည်း ပြင်ဆင်မှုတွေ လုပ်ထားပါတယ်။ ရင်းနှီးမြုပ်နှံမှုတွေ လာဖို့ဆိုတာကလည်း မြန်မာနိုင်ငံရဲ့ ရင်းနှီးမြှုပ်နှံမှုဥပဒေကို စောင့်နေတာလည်း ပါတယ်။ နိုင်ငံခြား ရင်းနှီးမြှုပ်နှံမှုဥပဒေကို လေ့လာနေတဲ့ အချိန်လည်းဖြစ်မယ်။ ဘာပဲဖြစ်ဖြစ် ရင်းနှီးမြှုပ်နှံမှုကတော့ ၀င်လာမှာပါ။ ရင်းနှီးမြှုပ်နှံမှုတွေ ၀င်လာရင် လုပ်ငန်းချင်း တူတဲ့ဟာတွေကတော့ သူတို့နဲ့ ပေါင်းရင်ပေါင်း၊ မပေါင်းရင်တော့ သူတို့ကိုရောင်းပေ့ါ။ မပေါင်းနိုင်ရင်တော့ ငွေအရင်းအနှီးထုတ်ပြီး ယှဉ်ပြိုင်ရမယ်။ လုပ်ငန်းသစ်တွေလည်း အများကြီး ပေါ်ပေါက်လာနိုင်တယ်။ အရင်တုန်းက ခရီးသွားလုပ်ငန်းဆိုရင် မြန်မာနိုင်ငံကိုလာတာ လူဦးရေ ၅ သိန်းလောက်ပဲရှိတယ်။ နောက်ပိုင်းမှာ စင်ကာပူ၊ ယိုးဒယားဘက်ကနေ ၁၀ သန်း၊ သန်း ၂၀ လောက်ဝင်လာဖို့ ရှိတယ်။ ဒီလို လူတွေဝင်လာတဲ့ အခါ သူတို့ဆီက နည်းပညာတွေ အများကြီး ရလာနိုင်တယ်။
မေး ။ ။ လက်ရှိ ပြည်တွင်းစီးပွားရေး အခြေအနေကရော ဘယ်လိုရှိပါသလဲ။
ဖြေ။ ။ လက်ရှိ စီးပွားအခြေအနေကတော့ တိတိကျကျ ကောင်းမွန် ပြောင်းလဲတယ်ဆိုတာတော့ မရှိသေးပါဘူး။ ပြင်ဆင်နေကြတုန်းပဲ။ အခြေခံကတော့ နဂိုအတိုင်းပဲရှိနေသေးတယ်။
မေး။ ။ နဂိုအတိုင်းရှိနေတဲ့ စီးပွာေးရးအခြေအနေကို ပြောင်းလဲဖို့ဆိုရင် အစိုးရနဲ့ စီးပွားရေးလုပ်ငန်းရှင်တွေက ဘာတွေလုပ်သင့်လဲ။
ဖြေ။ ။ နိုင်ငံတော်အနေနဲ့ကလည်း သူတို့တတ်နိုင်သမျှ လုပ်နေသေးတာပဲ။ စီးပွားရေးမှာ လိုအပ်တာတွေက အများကြီးရှိနေသေးတဲ့ အခါကျတော့ ဖြည်းဖြည်းချင်း လုပ်သွားရမှာလို့ ပြောချင်ပါတယ်။
မေး။ ။နိုင်ငံခြား ရင်းနှီးမြှုပ်နှံမှုတွေ ၀င်လာရင် ပြည်တွင်းမှာရှိတဲ့ အသေးစားနဲ့ အလတ်စား စီးပွားရေးလုပ်ငန်း (SME) တွေအနေနဲ့ ဘာစိန်ခေါ်မှုတွေ ဖြစ်လာနိုင်မလဲ။
ဖြေ။ ။ တခြား ကုမ္ပဏီတွေကတော့ မသိဘူး။ ကုမ္ပဏီကြီးတွေက စိန်ခေါ်မှုတွေက ရင်ဆိုင်နေရတာပဲ။ တိုင်းပြည်ကို ဈေးကွက်စီးပွားရေးစနစ်ပီပီ တံခါးတွေဖွင့်လိုက်တော့ ကုမ္ပဏီကြီးတွေ ၀င်လာတယ်။ ပြည်တွင်းမှာ ပြင်ဆင်ထားတဲ့ ကုမ္ပဏီတွေကတော့ ခံနိုင်ရည်ရှိမယ်၊ ယှဉ်ပြိုင်နိုင်မယ်။ ဒါတောင် သုံး၊ လေး၊ ငါးနှစ်အတွင်းမှာ ထိခိုက်ဆုံးရှုံးသွားနိုင်သလို
အကြီးအကျယ် ရှင်သန်ကြီးထွားသွားနိုင်တယ်။ ဒီနှစ်ခုကိုပဲ ရင်ဆိုင်ရမယ်။
မေး။ ။ အခုဆိုရင် အမေရိကန် မြန်မာ့ပို့ကုန်တွေ ပိတ်ပင်ထားမှုကို ဖယ်ရှားလိုက်ပြီဆိုတော့ မြန်မာပို့ကုန် အလားအလာနဲ့ လက်ရှိအခြေအနေ ဘယ်လိုရှိပါသလဲ။
ဖြေ။ ။ လောလောဆယ် ရုတ်တရက်တော့ ဘာမှ မဖြစ်နိုင်သေးဘူး။ အမေရိကန်က သူ့ဈေးကွက်ကို ဖွင့်ပေးလိုက်တဲ့ အတွက်ကြောင့် ပြည်တွင်းက သားငါးတွေ ပို့လို့ရမယ်။ အထည်ချုပ်လုပ်ငန်းတွေ ပို့လို့ရမယ်။ ကိုယ့်နိုင်ငံမှာရှိတဲ့ ပြည်တွင်း ထုတ်ကုန်တွေကို တန်ဖိုးမြှင့် ထုတ်ကုန်လုပ်ပြီး တင်ပို့နိုင်ပြီ။ အဲဒါတွေလုပ်ဖို့က အချိန်ယူရဦးမယ်။
မေး။ ။ပိတ်ဆို့မှုတွေ ဖယ်ရှားလိုက်ပြီးတဲ့နောက် နိုင်ငံခြားထုတ်ကုန်တွေ ပြည်တွင်းကို ၀င်လာတော့မယ်။ အဲဒီတော့ ပြည်တွင်း ထုတ်ကုန်တွေအနေနဲ့ ၀င်လာမယ့် နိုင်ငံခြားထုတ်ကုန်တွေကို ယှဉ်ပြိုင်နိုင်ပါ့မလား။
ဖြေ။ ။ ပြည်တွင်း ထုတ်ကုန်တွေအနေနဲ့ နိုင်ငံခြားထုတ်ကုန်တွေနဲ့ ယှဉ်ပြိုင်တဲ့အခါမှာ တော်တော်လေး ဒုက္ခရောက်တယ်။ ဥပမာ – ဘီယာ ဆိုရင် အိမ်နီးချင်းနိုင်ငံတွေက အမျိုးမျိုးဝင်ရောက်လာတော့ ပြည်တွင်းဘီယာတွေ
တော်တော်လေး ဒုက္ခရောက်တယ်။ ယှဉ်ပြိုင်ဖို့ဆိုတာ နည်းပညာ၊ အရည်အသွေးတွေ အများကြီး လိုအပ်နေသေးတယ်။ စက်ရုံအများကြီး တည်ဆောက်မယ်ဆိုရင် စက်ရုံဈေးနှုန်း လျှော့ချဖို့လိုတယ်။ စီမံကိန်းတွေ လုပ်နိုင်ဖို့က ချေးငွေတွေ လိုအပ်သလို ချေးငွေတွေရဲ့ အတိုးနှုန်းကလည်း လောလောဆယ် စီးပွားရေးအရ တော်တော်လေး မြင့်နေသေးတယ်။ လျှပ်စစ်မီးဆိုတာကလည်း သိပ်ကျေနပ်လောက်အောင် မရသေးဘူး။ တဖြည်းဖြည်းချင်း လုပ်ရမယ်။ နိုင်ငံတော်ကတော့ တတ်နိုင်သမျှတော့ လုပ်ပေးနေတာပဲ။ ဒီကြားထဲမှာ မပြေလည်မှုတွေ၊ အခက်အခဲတွေ၊ အပြောင်းအလဲတွေ ဖြစ်ပွားဖို့ အကြောင်းတွေ ရှိနေတယ်။ အကြီးအကျယ် ပြောင်းလဲသွားမယ်လို့လဲ ထင်တယ်။
မေး။ ။အစိုးရအနေနဲ့ ပြည်တွင်းလုပ်ငန်းရှင်တွေ နိုင်ငံတကာနဲ့ ပြိုင်ဆိုင်နိုင်ဖို့ ဘယ်လို လုပ်ဆောင်ပေးသင့်သလဲ။
ဖြေ။ ။ လက်ရှိအနေနဲ့ကတော့ အားလုံး ဒီခရီးကို သွားနေကြတာ။ တံခါးတွေ ဖွင့်ပေးလိုက်ပြီ၊ ရင်းနှီးမြှုပ်နှံမှုတွေ လာတယ်၊ အလုပ်အကိုင် အခွင့်အလမ်းတွေ ပေါ်လာမယ်၊ ၀င်ငွေတွေ များလာမယ်၊ ဆင်းရဲမွဲတေမှုတွေ တဖြည်းဖြည်း
ပြေလျော့သွားမယ်လို့ ထင်ပါတယ်။
မေး။ ။ ပြည်တွင်းလုပ်ငန်းတွေ အနေနဲ့ နိုင်ငံခြားက ၀င်လာမယ့် ကုမ္ပဏီတွေနဲ့ ယှဉ်ပြိုင်ဖို့ကို အဆင်မြင့် ခေတ်မီနည်းပညာပိုင်းမှာ ဘယ်လိုရယူနိုင်မလဲ။
ဖြေ။ ။ တချို့ကဏ္ဍတွေမှာ ရယူနိုင်ပါတယ်။ အဆင့်မြင့် နည်းပညာတွေကိုတော့ ရယူဖို့မစဉ်းထားဘူး။ စဉ်းစားသင့်တာကတော့ နိုင်ငံရဲ့ အခြေခံထားတဲ့ စိုက်ပျိုးရေး ထွက်ကုန်ပစ္စည်းသစ်တွေကို တန်ဖိုးမြင့် ထုတ်ကုန်လုပ်ပြီး
ဈေးကွက်ကို ဖောက်ရင် ငွေပိုရမယ်။ အမေရိကန်ဈေးကွက် ပွင့်လာတဲ့အတွက်ကြောင့် အထည်ချုပ်လုပ်ငန်း၊
ဖိနပ်ချုပ်လုပ်ငန်းတွေက ထွက်လာတဲ့ဟာတွေကို အမေရိကန်နိုင်ငံကို ပို့လို့ရတယ်။ ဒါတွေက အခွင့်အလမ်းကောင်းတွေ ဖြစ်လာနိုင်တယ်။
မေး။ ။ ၂၀၁၅ ဆိုရင် အာဆီယံလွတ်လပ်စွာ ကုန်သွယ်မှု သဘောတူညီချက် (AFTA) အသက်ဝင်ပြီ။ AFTA အသက်ဝင်လာရင် ပြည်တွင်းထုတ်ကုန်တွေရဲ့ အလားအလာဘယ်လိုရှိနိုင်မလဲ။
ဖြေ။ ။ ဈေးကွက်ကို ဖွင့်တဲနေရာမှာ ဖွင့်တာတော့ ဖွင့်စေချင်ပါတယ်။ တော်တော်ချိန်ဆပြီး ဖွင့်စေချင်ပါတယ်။
ဝုန်းဒိုင်း မဖွင့်စေချင်ဘူး။ ထိခိုက်ဒဏ်ရာရရှိမှု များနိုင်တယ်။ ဒါကြောင့်ဖြည်းဖြည်းချင်း သွားရမှာ။ ၂၀၁၅ ကတော့ အားလုံးသိတဲ့ အတိုင်းပဲ AFTA ၀င်လာမယ့် ကာလမှာ မြန်မာနိုင်ငံအနေနဲ့ နစ်နာစရာတွေများတယ်။ ရင်ဆိုင်ရမယ့် အနေအထားတွေနဲ့ ဆုံးရှုံးမှုများမှာဖြစ်လို့ အခုအချိန်ကစပြီး တော်တော်လေးကို ပြင်ရမယ်။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment