မြန်မာ သတင်းများ  အောက်တိုဘာ ၁၉ ၊ ၂၀၁၂

Forum 2000 အကြံပေးအဖွဲ့ ဒေါ်အောင်ဆန်းစုကြည် ပါဝင်

မြန်မာပြည်ကျန် ဗြိတိသျှ Spitfire တိုက်လေယာဉ်များ ပြန် တူးဖော်မည်

လွန်ခဲ့တဲ့ နှစ်ပေါင်း ၇၀လောက်က ဗြိတိသျှတွေ မြန်မာနိုင်ငံအတွင်းမှာ မြုတ်နှံဖွက်ထားခဲ့တဲ့
ဒါဇင်နဲ့ချီတဲ့ Spitfire တိုက်လေယာဉ်တွေကို ပြန်လည်တူးဖော်ခွင့်ပြုဖို့ မြန်မာအစိုးရနဲ့
ဗြိတိန်ဝန်ထမ်း ဝါသနာရှင်တဦး တို့ကြား သဘောတူညီမှုတခုပြုလုပ်ခဲ့ပါတယ်။

နှစ်ပေါင်းများစွာ လိုက်လံရှာဖွေပြီးတဲ့နောက် အခုနှစ်ဆန်းပိုင်းမှာ ရှာဖွေတွေ့ရှိခဲ့
တာဖြစ်ကြောင်း ဗြိတိန်နိုင်ငံသား David J. Cundall က ပြောဆိုတယ်လို့ အေပီသတင်းဌာနက ဖော်ပြထားပါတယ်။လေယာဉ်တွေဟာ အကောင်းပကတိ ရှိနေတယ်လို့ ယုံကြည်ကြောင်းလည်း သူက ပြောပါတယ်။

ဗြိတိသျှဝန်ကြီး ဒေးဗစ်ကမ်မရွမ်နဲ့ မြန်မာသမ္မတဦးသိန်းစိန်တို့ အခုနှစ်ဆန်းပိုင်းက တွေ့ဆုံချိန်မှာ ဒီအကြောင်း ဆွေးနွေးခဲ့ကြပြီးတော့ အခုလိုသဘောတူညီမှုရခဲ့တာဖြစ်တယ်လို့ ဆိုပါတယ်။

Spitfire လေယာဉ်ဟာ တစ်ယောက်မောင်း တိုက်လေယာဉ်အမျိုးအစားဖြစ်ပြီးတော့ အရှည်ပေ ၃၀ အတောင်ပံနှစ်ဖက် အစွန်းအထိ ၃၇ ပေရှိပါတယ်။ မြုတ်ထားတဲ့လေယာဉ်တွေဟာ အတောင်ပံတွေ ဖြုတ်ပြီးတော့ မြုတ်နှံထားတာ ဖြစ်နိုင်ကြောင်း လေယာဉ်တွေဟာ အသစ်စက်စက်ဖြစ်ပြီးတော့ သေချာ သေတ္တာနဲ့ထည့်ပြီးတော့ မြုတ်နှံထားတာ ဖြစ်တယ်လို့ ဆိုပါတယ်။

လေယာဉ်တွေပြန်လည်တူးဖော်မှုကို အောက်တိုဘာ လကုန်ပိုင်းမှာ လုပ်ဆောင်မယ်လို့ သိရပါတယ်။ မစ္စတာ David J Cundall ဟာ ဒီလေယာဉ်တွေရှိတဲ့အရပ်ကို သိရဖို့အတွက် ၁၆နှစ်လောက် ကြိုးပမ်းရှာဖွေခဲ့ရတယ်လို့ ဆိုပါတယ်။

ဥပဒေအချို့ ပြည်သူ့ လွှတ်တော် ပယ်ဖျက်

ပထမအကြိမ် လွှတ်တော် ပဉ္စမပုံမှန်အစည်းအဝေးတွေ ပြန်လည်စတင်တဲ့ နေ့မှာပဲ အမျိုးသားလွှတ်တော်ကနေအတည်ပြုထားတဲ့ ဥပဒေ ၄ ခု ဖျက်သိမ်းရေး ဥပဒေကြမ်းတွေကို ပြည်သူ့လွှတ်တော်ကလဲ ဖျက်သိမ်းကြောင်း အတည်ပြုခဲ့ပါတယ်။

အောက်တိုဘာ ၁၈ ရက် နေ့မှာ ပြန်လည် စတင်ခဲ့တဲ့ ပြည်သူ့လွှတ်တော်မှာ မလိုအပ်တော့တဲ့ ဥပဒေ ၄ ခုကို အမျိုးသားလွှတ်တော် အတည်ပြုချက်အတိုင်း အတည်ပြု ဖျက်သိမ်းလိုက်တယ်လို့ ရခိုင် တိုင်းရင်းသားများ တိုးတက်ရေးပါတီရဲ့ မြေပုံမြို့နယ် ပြည်သူ့လွှတ်တော် ကိုယ်စားလှယ် ဦးဖေသန်းက ခုလို ရှင်းပြပါတယ်၊

“ ၁၉၆၄ခု မြန်မာနိုင်ငံ ကြယ်ငါးပွင့် သဘောင်္လုပ်ငန်းကော်ပရေးရှင်း
ဥပဒေကို ရုပ်သိမ်းသည့် ဥပဒေကြမ်း အဲ့ဒီ့ဥပဒေကို ရုပ်သိမ်းပစ်လိုက်ပြီး အဲ့တာကို အမျိုးသားလွှတ်တော်ကနေ ဆွေးနွေးပြီးတော့ ပို့တာ။ အဲ့ဒီ့ထဲက ပြန်ပြီး ကျနော်တို့က ပြန်ပြီးတော့ ဆွေးနွေးတာ မရှိတဲ့အတွက် အဲ့ဒီ့အတိုင်းပဲ အတည်ပြုတယ်။ နောက်တခုက Agenda ၁၃မှာ နိုင်ငံတော် တာဝန်ကို
တည်ငြိမ်အေးချမ်းအောင် စနစ်တကျ လွှဲပြောင်းပေးရန်၊ အမျိုးသားညီလာခံ လုပ်ငန်းများ အောင်မြင်စွာ ဆောင်ရွက်နိုင်ရေးတို့ကို နှောင့်ယှက်ဆန့်ကျင်ခြင်း ကာကွယ်သည့်ဥပဒေ ရုပ်သိမ်းသည့်ဥပဒေ၊ ဒါလည်း အမျိုးသားညီလာခံပြီးတော့ ဒီဥပဒေက မလိုတော့ဘူးလေ။ ဒါကိုလည်း အမျိုးသားလွှတ်တော်ရဲ့ အတည်ပြုချက်အတိုင်းပဲ ကျနော်တို့က ပြန်ပြီး အတည်ပြုလိုက်တာပေါ့။

Agenda  ၁၄လည်း အဲ့ဒီ့အတိုင်းပဲ ပြည်သူ့အကျိုးပြုဝန်ဆောင်မှုကာကွယ်ရေး အက်ဥပဒေကို ရုပ်သိမ်းသည့် ဥပဒေကြမ်း အဲ့တာကိုလည်း အမျိုးသားလွှတ်တော်က အတည်ပြုချက်အတိုင်းပဲ ကျနော်တို့ ပြည်သူ့လွှတ်တော်က အတည်ပြုပြီး ရုပ်သိမ်းလိုက်တာ။

နောက်တခု Agenda ၁၅မှာက မြေသိမ်း သတ္တုတွင်းများ ဥပဒေကို ရုပ်သိမ်းသည့် ဥပဒေကြမ်း၊ အဲ့တာကိုလည်းပဲ အမျိုးသားလွှတ်တော်က ရုပ်သိမ်းပြီးပြီလို့ အတည်ပြုထားတဲ့အတိုင်း ပြည်သူ့လွှတ်တော်က ထပ်ပြီး အတည်ပြုပြီး ရုပ်သိမ်းလိုက်တာပေါ့။

အဲ့တော့ ဥပဒေကြမ်း ၄ခုပေါ့ ဆိုလိုတာကတော့ ပြည်ထောင်စုလွှတ်တော်က အဲ့ဒီ့ဥပဒေကြမ်းတွေ ဖျက်ပစ်လိုက်ပြီပေါ့နော်၊ အမျိုးသားလွှတ်တော်ရော ပြည်ထောင်စုလွှတ်တော်ရော ဒါကို အတည်ပြုပြီးပြီဆိုတော့ ပြည်ထောင်စုက လွှတ်တော်က ဖျက်ပြီးသားဖြစ်သွားတာပေါ့။ ခေတ်နဲ့ မညီတော့ဘူးဗျာ။ အလုပ်မဖြစ်တော့တဲ့ ဥပဒေကို အဲ့တာကို ကျနော်တို့က ဥပဒေဖောင်းပွနေလို့ များနေလို့ အကုန်လုံး ကျနော်တို့က မလိုတော့တဲ့ ဥပဒေတွေကို ဖျက်သိမ်းပစ်လိုက်တဲ့သဘောပါ။”

ပြည်သူ့လွှတ်တော်ပြန်စတဲ့ ပထမနေ့မှာ ခုလို အစည်းအဝေးအစီအစဉ်တွေအတိုင်း မဆောင်ရွက်ခင်က ဥက္ကဌ သူရဦးရွှေမန်းက မိန့်ခွန်းပြောခဲ့ပါတယ်။ တရားဥပဒေစိုးမိုးရေး အတွက် တည်ဆဲဥပဒေတွေအတိုင်း မလိုက်နာသူတွေကို အရေးယူဖို့ ပျက်ကွက်တဲ့ လူ၊ အဖွဲ့အစည်းတွေကို ပြည်သူ့ကိုယ်စားလှယ်တွေက အပြစ်ပေးအရေးယူနိုင်ဖို့ လုပ်ရမယ်လို့ မိန့်ခွန်းထဲမှာ ပြောသွားပါတယ်။

“ဥပဒေအရ အရေးယူဆောင်ရွက်ရန်၊ ပျက်ကွက်သူ သို့မဟုတ် အဖွဲ့အစည်းကိုလည်း ပြည်သူများ သို့မဟုတ် ပြည်သူ့ကိုယ်စားလှယ်များက ဥပဒေနဲ့အညီ အပြစ်ပေး အရေးယူနိုင်ရေးအတွက် ဆောင်ရွက်ခွင့်ရှိနေရမည်။ အရေးယူဆောင်ရွက်ကြရမည် ဖြစ်၍ ထိုကိစ္စ ထိုဖြစ်စဉ်များကို လက်တွေ့နယ်ပယ်တွင် အရေးယူဆောင်ရွက်နေမှုများ ရှင်သန်နေရန် မိမိတို့ လွှတ်တော်ကိုယ်စားလှယ်များတွင် တာဝန်ရှိနေသည်ဟု ခံယူပြီး မိမိလွှတ်တော်နယ်မြေရှိ ပြည်သူလူထုအားလုံးပါဝင်ရေးအတွက် ဆောင်ရွက်ကြပြီး မိမိတို့ မြန်မာနိုင်ငံရဲ့ ဒီမိုကရေစီ ပြုပြင်ပြောင်းလဲရေး အောင်မြင်အောင် ကြိုးပမ်းဆောင်ရွက်သွားကြရန် လိုပါတယ်။”

ဒီမိုကရေစီစနစ်ရှင်သန်ဖို့ အရေးကြီးတဲ့ တည်ငြိမ်အေးချမ်းမှုအတွက် တရားဥပဒေစိုးမိုးမှုရှိနေဖို့ လိုတယ်လို့လဲ ပြည်သူ့လွှတ်တော်အဖွင့်မိန့်ခွန်းမှာ ဥက္ကဌ သူရဦးရွှေမန်းက ဆိုပါတယ်။

“ငြိမ်းချမ်းမှု၊ တည်ငြိမ်အေးချမ်းမှု ရှိမှသာ ဒီမိုကရေစီစနစ် ရှင်သန်နိုင်မှာဖြစ်ပါတယ်။ ထို့အတူ တည်ငြိမ်အေးချမ်းမှုရှိမှလည်း တရားဥပဒေစိုးမိုးရေး Rule of Law ရှိမှာဖြစ်ပါတယ်။ ငြိမ်းချမ်းရေး၊ တည်ငြိမ်အေးချမ်းရေးနဲ့ တရားဥပဒေစိုးမိုးရေးတို့သည် အပြန်အလှန် အမှီသဟဲပြုပြီး အကျိုးသက်ရောက်မှုများလည်း ရှိနေကြတာဖြစ်ပါတယ်။”

မနေ့က ပြန်လည်စတင်တဲ့ ပြည်သူ့လွှတ်တော်မှာရော အမျိုးသားလွှတ်တော်မှာပါ၊ အသစ်ခန့်အပ်ခံရတဲ့ တပ်မတော်သားကိုယ်စားလှယ်တွေ ကတိသစ္စာပြုခဲ့ကြပါတယ်၊ ပြည်ထောင်စုလွှတ်တော်ကိုတော့ တနင်္လာနေ့မှာ ပြန်လည်စတင်မှာဖြစ်ပါတယ်။

ပုသိမ် တောင်သူ လယ်သမား သမဂ္ဂ ဖွဲ့

တောင်သူ လယ်သမားများ ၏ အရေးကိစ္စများကို ထိရောက်စွာ ဆောင်ရွက်နိုင်ရေးအတွက် ပုသိမ်မြို့နယ် အတွင်းရှိ ကျေးရွာ ၅၀ ကျော် မှ တောင်သူလယ်သမားများ စုစည်း၍ ပုသိမ်မြို့နယ် တောင်သူ လယ်သမား သမဂ္ဂ ကို ဖွဲ့စည်းလိုက်သည်။ပုသိမ်မြို့နယ် ကြက်ပေါင် တိုက်နယ်၊ ကြက်ပေါင် ကျေးရွာ ပေါ်တော်မူ ဘုန်းကြီးကျောင်း၌ ယမန်နေ့က ကျင်းပသည့် သမဂ္ဂ ဖွဲ့စည်းခြင်း အခမ်းအနားသို့ ကျေးရွာ ၅၀ ကျော်မှ တောင်သူ လယ်သမား ကိုယ်စားလှယ် ၁၀၀ ခန့် တက်ရောက်၍ ပုသိမ်မြို့နယ် တောင်သူ လယ်သမား သမဂ္ဂ အလုပ် အမှုဆောင် အဖွဲ့ဝင် ၄၆ ဦးကို ရွေးချယ်ခဲ့ကြခြင်း ဖြစ်သည်။
“ကျနော်တို့အနေနဲ့ တောင်သူ လယ်သမားနဲ့ပတ်သတ်တဲ့ ကိစ္စမှန်သမျှကို အတတ်နိုင်ဆုံး ကြိုးစား လုပ်ဆောင်သွားမှာပါ။ အဲဒီ အထဲ မှာ လယ်သမားတွေ မြေ အသိမ်းခံရတဲ့ကိစ္စ၊ ဘဏ်ချေးငွေကိစ္စတွေ နောက် တခြားတိုင်ကြားဖို့ လိုအပ်တာတွေပေါ့။ လယ် သမား အရေးကို အတတ်နိုင်ဆုံး ကြိုးစား လုပ်ဆောင်သွားမှာပါ”ဟု သမဂ္ဂ အထွေထွေ အတွင်းရေးမှူး အဖြစ် ခန့်အပ်ခံရသည့် ကြက် ပေါင် ကျေးရွာမှ လယ်သမား ကိုမျိုးကိုကို က ပြောသည်။
ပုသိမ်မြို့နယ် တောင်သူ လယ်သမား သမဂ္ဂ ဥက္ကဋ္ဌ မှာ ဦးထွန်းနု ဖြစ်၍ ဦးထွန်းထွန်းနိုင်နှင့် ဦးကျော်နိုင် တို့ နှစ်ဦးက ဒု ဥက္ကဋ္ဌ များ ဖြစ်ပြီး နာယက အဖြစ် ဦးသောင်းထွန်း၊ ဦးသာမောင်၊ ဦးဝင်းတင် တို့က တာဝန်ယူထားသည်။တဆက်တည်းတွင်ပင် သမဂ္ဂ အလုပ်အမှုဆောင်အဖွဲ့ ဦးဆောင်မှုအောက်၌ ဆက်သွယ်ရေး၊ ပြန်ကြားရေး နှင့် သုတေသန ကော် မတီ၊ မြေယာ၊ ကြွေးမြီ နှင့် ချေးငွေဆိုင်ရာ ကော်မတီ၊ ဘဏ္ဍာရေး နှင့် ဈေးကွက်ရှာဖွေရေး ကော်မတီ၊ သမဂ္ဂ၀င်များ စည်းရုံးရေး ကော်မတီ၊ သာရေးနာရေး၊ လူမှုစောင့်ရှောက်ရေး နှင့် သမဂ္ဂ အကြံပေးကော်မတီ များလည်း ဖွဲ့စည်းခဲ့သည်။ဧရာဝတီ တိုင်းတွင် ပုသိမ်အပြင် မြောင်းမြ၊ ကန်ကြီးထောင့် နှင့် လပွတ္တာမြို့နယ် များတွင်လည်း မြို့နယ် တောင်သူ လယ်သမား သမဂ္ဂများ ဖွဲ့စည်း ထားပြီးဖြစ်ကြောင်း သိရသည်။

ပါတီတွင်း ပြေလည်အောင် ဖြေရှင်းရန် ဦးတင်ဦး တိုက်တွန်း

အမျိုးသားဒီမိုကရေစီ အဖွဲ့ချုပ် (NLD) ညီလာခံမခေါ်ယူမီ ဖြစ်ပေါ်နေသည့် ပါတီတွင်းပြဿနာများကို အချင်းချင်း ပြေလည်အောင် ဖြေရှင်းကြရန် NLD နာယက ဦးတင်ဦးက တိုက်တွန်းလိုက်သည်။
အဆိုပါ ပြဿနာအများစုမှာ ရန်ကုန်တိုင်းဒေသကြီးထက် တခြားနယ်ဒေသများတွင် အဖြစ်များကြောင်း ဦးတင်ဦးက ယမန်နေ့တွင် ရန်ကုန်မြို့၌ ကျင်းပသည့် အမျိုးသားဒီမိုကရေစီ အဖွဲ့ချုပ် ဗဟို-တိုင်း-ခရိုင်-မြို့နယ် ညီလာခံ ကျင်းပရေး ကော်မရှင်များ ညှိနှိုင်းကျင်းပရေး စီမံချက် ရှင်းလင်းပွဲ တွင် ပြောကြားခဲ့သည်။
“အများဆုံးက ပါတီအဖွဲ့ဝင်ဟောင်းနဲ့ ပါတီအဖွဲ့ဝင်သစ်တွေပေါ့။ လူဟောင်းက လူသစ်တွေကို ပါတီဝင်ခွင့် မပေးတဲ့ကိစ္စကတော့ မဖြစ်သင့်ပါဘူး” ဟု ဦးတင်ဦးက ဆိုသည်။
ပါတီဝင် အချင်းချင်းဖြစ်သည့် ပဋိပက္ခကိစ္စကို မိမိ အဖွဲ့အစည်းက ပြေလည်အောင် ဖြေရှင်းသင့်ကြောင်း၊ တခြား အပြင် ရပ်ရွာအုပ်ချုပ်ရေး၊ လုံခြုံရေး ရဲများကို ဖြေရှင်းခိုင်းပါက ပါတီ၏ဂုဏ်သိက္ခာကို ထိခိုက်နိုင်ကြောင်း၊ ထိုသို့ မညီမညွတ် ဖြစ်မှုကြောင့်လည်း လုံးခြုံရေးအရ ပါတီအတွင်းသို့ လာရောက်စစ်ဆေးမှုများ ဖြစ်ပွားနိုင်သဖြင့် ပါတီအတွက်လည်း မကောင်းကြောင်း ဦးတင်ဦးက ဆက်ပြောသည်။
“မြို့နယ်တခုတည်းကနေ ပါတီရုံး နှစ်ခုဖွင့်တဲ့အပေါ် ဗဟိုကနေပြီးတော့ ဖွင့်တဲ့မြို့နယ်တွေက ပါတီရုံးမှန်သမျှကို အသိအမှတ်ပြုမှာ မဟုတ်ဘူး။ အဲ့ဒါကိုတော့ မြို့နယ်အတွင်းမှာရှိတဲ့ ပါတီဝင်အချင်းချင်း ညှိဖို့လည်း ဗဟိုကနေ ထုတ်ပြန်ထားပါတယ်” ဟု ဒဂုံမြို့သစ် တောင်ပိုင်းမြို့နယ် NLD ပါတီဝင် ဒေါ်ယဉ်ယဉ်ထိုက်က ပြောသည်။
သုံးခွမြို့နယ်အတွင်းရှိ NLD ပါတီတွင်း ပြဿနာများနှင့် ပတ်သက်၍ ပါတီဥက္ကဋ္ဌ ဒေါ်အောင်ဆန်းစုကြည်က အဆိုပါမြို့နယ်သို့ ယခုလ ၁၁ ရက်နေ့တွင် သွားရောက် ဖြေရှင်းမှုများ ပြုလုပ်ပေးခဲ့သည်။
“NLD ပါတီအတွင်း ဖြစ်နေတဲ့ ပဋိပက္ခတွေကို ကျမအနေနဲ့ ပြည်သူတွေကို တောင်းပန်ပါတယ်။ ဒီမိုကရေစီ အဖွဲ့အစည်းတိုင်းမှာ ဒီလိုပြဿနာတွေက ရှိတာပေါ့။ NLD ပါတီ အဖွဲ့ချုပ်အနေနဲ့ ပြည်သူလူထုကို ပွင့်လင်းစွာ ဆက်ဆံဖို့ လိုအပ်ပါတယ်”ဟု ဒေါ်အောင်ဆန်းစုကြည်က သုံးခွမြို့နယ် NLD ရုံး၌ ပြောကြားသည့် မိန့်ခွန်းတွင် ထည့်သွင်း ပြောခဲ့သည်။
ဒီမိုကရေစီ ဆိုသည့်အတိုင်း လုပ်ပိုင်ခွင့်ရှိတိုင်း မလုပ်ရန်၊ ပြောပိုင်ခွင့်ရှိတိုင်း မပြောရန် ၊လူပုဂ္ဂိုလ်ကို မဲဆွယ်သည့် အခါလည်း စကားပြောကို မကြည့်ဘဲ အလုပ်လုပ်သည့်ကိုကြည့်၍ မဲမေးရန်၊ နိုးကြားထကြွစွာ လေ့လာပြီးမှသာ မဲပေးရန်၊ ဝေဖန်သည့်အခါတွင်လည်း ယဉ်ကျေးစွာ ဝေဖန်ကြရန်၊ ပြည်သူ၏ ဝေဖန်မှုကိုလည်း လက်ခံသွားမည်ဟုလည်း ပြောကြားသည်။
သုံးခွမြို့နယ် NLD ပါတီဝင် အမျိုးသားတဦးက “ပါတီဝင်တချို့က အရင်ကတည်းက ဘာရယူလိုမှု မရှိဘဲ ၀င်ရောက်တယ်။ တချို့ကျတော့ ရယူလိုမှုတွေနဲ့ ပါတီဝင်အဖြစ် လျှောက်တယ်။ ၀င်လာတော့ အဲဒီပြဿနာတွေ ဖြစ်တာပေါ့။ ဒီပြဿနာက လွယ်လွယ်နဲ့ ပြီးသွားမယ်လို့ မထင်ဘူး။ အချိန်တော့ယူ ဖြေရှင်းရမယ်လို့လည်း အမေစုက ပြောသွားတယ်လေ” ဟု ဆိုသည်။
လက်ရှိတွင် တိုင်းနှင့် ပြည်နယ်များ၌ NLD ညီလာခံများ ပြုလုပ်နေချိန်တွင် မကွေးမြို့၊ ဒေါင်းနေကျေးရွာမှ NLD ပါတီဝင် ၁၅ ဦးခန့်  ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီသို့ ကူးပြောင်းသွားကြသည်ဟု မကွေးခရိုင် NLD ညီလာခံ ကျင်းပရေး ကော်မရှင်အဖွဲ့ဝင်  ဦးရဲတင့်က ပြောသည်။
ဒေါင်းနေကျေးရွာတွင် NLD ပါတီဝင်  ၃၀ ခန့် ရှိသည့်အနက် ထက်ဝက်ခန့် ပါတီကူးပြောင်းကြောင်း၊ ဘက်ပြောင်းသွားသူများကို ပြန်စည်းရုံးမည်ဟုလည်း ပြောကြောင်း၊ ပါတီတွင်းပဋိပက္ခိသည်လည်း ဖြစ်ရိုးဖြစ်စဉ် ဖြစ်ကြောင်း ၄င်းက ဆက်လက်ပြောသည်။

မြန်မာ-အမေရိကန် လူ့အခွင့်အရေး ဆွေးနွေးပွဲ ကျင်းပ

မြန်မာနှင့် အမေရိကန်နိုင်ငံတို့အကြား လူ့အခွင့်အရေးဆိုင်ရာ ဆွေးနွေးပွဲကို ယမန်နေ့နှင့် ယနေ့တို့တွင် နေပြည်တော်၌ ကျင်းပသည်။ နိုင်ငံခြားရေးဝန်ကြီးဌာနမှ ဒု ဝန်ကြီး ဦးဇင်ယော်နှင့် ဥပဒေနှင့် ကောင်စစ်ရေးရာ ညွှန်ချုပ် ဦးသာအောင်ညွန့် ဦးဆောင်သော အစိုးရတာဝန်ရှိသူများ၊ အမေရိကန်မှ ဒီမိုကရေစီ၊ လူ့အခွင့်အရေးနှင့် အလုပ်သမားရေးရာ လက်ထောက် ဝန်ကြီး မိုက်ကယ် ပိုစနာနှင့် အမေရိကန်သံအမတ်ကြီး ဒဲရက် မစ်ချယ် ဦးဆောင်သော အဖွဲ့များ တက်ရောက်ကြပြီး အလုပ်သမား ဥပဒေ အကောင်အထည်ဖော်ရေး၊ မြန်မာနှင့် အမေရိကန် နှစ်ဖက် ကာကွယ်ရေးအဖွဲ့များ၏ အနာဂတ် အပြန်အလှန် ပူးပေါင်းဆောင်ရွက်ရေး၊ လက်နက်ကိုင် ပဋိပက္ခဖြစ်ပွားသည့် ဒေသများ၌ ပြည်သူများကို အကာအကွယ်နှင့် အကူအညီပေးရေး၊ တရားဥပဒေ စိုးမိုးရေးတို့ကို ဆွေးနွေးကြကြောင်း သိရှိရသည်။ ယမန်နေ့ ဆွေးနွေးပွဲသို့ ဒေါ်အောင်ဆန်းစုကြည်လည်း တက်ရောက်ခဲ့သည်။

နေပြည်တော်စကားဝိုင်း အပြုသဘောဆောင်ဟု အမေရိကန် ပြော

ပြီးဆုံးခဲ့ပြီဖြစ်တဲ့ ပထမဆုံးအကြိမ် အမေရိကန်ပြည်ထောင်စုနဲ့ မြန်မာနိုင်ငံ လူ့အခွင့်အရေးစကားဝိုင်းဟာ “သိပ်ကိုအပြုသဘောဆောင် တယ်” လို့ အမေရိကန်အစိုးရ နိုင်ငံခြားရေးဝန်ကြီးဌာနက ပြောကြားလိုက်ပါတယ်။
“အခုဆိုရင် လူ့အခွင့်အရေးကိစ္စတွေကို ဆွေးနွေးဖို့နဲ့ မြန်မာအစိုးရနဲ့ အမေရိကန်ပြည်ထောင်စုအကြား လမ်းကြောင်း ပွင့်သွားပြီလို့ ကျမတို့ယုံကြည်ပါတယ်။ ပြီးတော့ ကျမတို့အနေနဲ့ လူ့အခွင့်အရေးစံချိန်စံညွှန်းတွေအရ မြန်မာအစိုးရက ဖြစ်ချင်တာတွေ ဖြစ်လာအောင် ဆက်လက်ဆောင်ရွက်ပေးနိုင်ဖို့ လမ်းပွင့်သွားပြီလို့လည်း ယုံကြည်ပါတယ်” လို့ အမေရိကန် နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ဗစ်တိုးရီးယား နူလန် (Victoria Nuland) က နေ့စဉ် သတင်းစာရှင်းလင်းပွဲမှာ သတင်းထောက်တွေကို ပြောပါတယ်။

ဒုတိယ ကမ္ဘာစစ်က ဗြိတိသျှ တိုက်လေယာဉ်များ တူးဖော်တော့မည်

မြန်မာနိုင်ငံ၌ ဒုတိယ ကမ္ဘာစစ်အတွင်းက ၀ှက်၍ မြှုပ်နှံထားခဲ့သော ဗြိတိသျှ စပစ်ဖိုင်းယား(Spitfire) တိုက်လေယာဉ်များနှင့် ဆက် စပ်ပစ္စည်းများ ပြန်လည် တူးဖော်ရေး ဆိုင်ရာ သဘောတူ စာချုပ်ကို အောက်တိုဘာ ၁၆ ရက်က လက်မှတ် ရေး ထိုးကြကြောင်း သိရသည်။ လေယာဉ်များ တူးဖော်ရေးကို မြန်မာ လေကြောင်း ပို့ဆောင်ရေး ဦးစီးဌာန၊ ရွှေတောင်ပေါ် ကုမ္ပဏီ လီမိတက် နှင့် ဗြိ တိန်နိုင်ငံ DJC ကုမ္ပဏီတို့က လုပ်ကိုင်မည်ဖြစ်ပြီး သဘောတူစာချုပ် ချုပ်ဆိုကြခြင်း ဖြစ်ကြောင်း အစိုးရ သတင်းစာများက ဖော်ပြ သည်။ ယင်း အစီအစဉ်မှာ ဗြိတိန် ၀န်ကြီးချုပ် ဒေးဗစ် ကင်မရွမ်း ယခုနှစ် အစောပိုင်းက မြန်မာနိုင်ငံသို့ လာရောက်သည့် ခရီးစဉ် အတွင်း သမ္မတ ဦးသိန်းစိန် နှင့် တွေ့ဆုံ ဆွေးနွေးပြီး နောက်ပိုင်း ဖြစ်ပေါ်လာခြင်း ဖြစ်ကြောင်း၊ အောက်တို လကုန်ပိုင်းတွင် လုပ်ငန်း စတင်နိုင်ရန် စီစဉ်နေကြာင်းလည်း AP သတင်းက ဆိုသည်။

နယ်စပ်ဝန်ကြီးနှင့် အမေရိကန် ကိုယ်စားလှယ်များကို ဒေါ်အောင်ဆန်းစုကြည် သီးခြား တွေ့ဆုံ

ဒေါ်အောင်ဆန်းစုကြည်သည် ယမန်နေ့က နေပြည်တော်၌ နယ်စပ်ရေးရာဝန်ကြီးဌာနသို့ သွားရောက်ပြီး ဝန်ကြီး ဒု ဗိုလ်ချုပ်ကြီး သိန်းဌေးနှင့် တွေ့ဆုံကြောင်း သိရသည်။ ထို့အပြင် ဒေါ်အောင်ဆန်းစုကြည်သည် ဒီမိုကရေစီ၊ လူ့အခွင့်အရေးနှင့် အလုပ်သမားရေးရာ လက်ထောက် ဝန်ကြီး မိုက်ကယ် ပိုစနာနှင့်အဖွဲ့ကိုလည်းကောင်း၊ ပစိဖိတ်ဆိုင်ရာ တပ်မှူး ဗိုလ်ချုပ်ကြီး Niercinski နှင့် အဖွဲ့ကိုလည်းကောင်း၊ သမ္မတ အိုဘားမား၏ အထူးလက်ထောက် မစ္စ ဆမန်သာ ပါဝါနှင့်လည်းကောင်း Aurium Palace ဟိုတယ်တွင် သီးခြားစီ တွေ့ဆုံဆွေးနွေးခဲ့ကြောင်း သိရသည်။

လက်ပံတောင်းတောင် ပြည်သူ့ညီလာခံ စတင်

စစ်ကိုင်းတိုင်း၊ မုံရွာခရိုင်၊ ဆားလင်းကြီးမြို့နယ်၊ ဆည်တည်းကျေးရွာမှာ နှစ်ရက်ကြာ ကျင်းပမယ့် လက်ပံတောင်းတောင် ပြည်သူ့ညီလာခံကို မနေ့က စတင် ကျင်းပခဲ့ပါတယ်။အဲဒီညီလာခံမှာ အဖွဲ့အစည်း (၄၀) ကျော် အပါအ၀င် လယ်မြေသိမ်းခံထားရတဲ့ ကျေးရွာ(၂၆) ရွာက ဒေသခံ (၂၀၀၀) ကျော် တတ်ရောက်ခဲ့တယ်လို့ သိရပါတယ်။ညီလာခံကို နှစ်ပိုင်းခွဲ ကျင်းပခဲ့ပြီး၊ ပထမပိုင်းမှာ ညီလာခံကို တက်ရောက်လာတဲ့ ပြည်ထောင်စု တိုင်းရင်းသားများ မဟာမိတ်အဖွဲ့(UNA)၊ ကယန်းပြည်သစ်ပါတီ၊ ၇၄-၇၅-၇၆ နိုင်ငံရေး အင်အားစု၊ ကိုးကန့် ဒီမိုကရက်တစ်ပါတီ စတဲ့အဖွဲ့ပေါင်း ၄၀ ရဲ့သဝဏ်လွှာတွေကို ဖတ်ကြားခဲ့ပါတယ်။
ညီလာခံကျင်းပရေးနဲ့ ပတ်သက်ပြီး လူ့အခွင့်အရေး လှုပ်ရှားနေသူ ကိုဟန်ဝင်းအောင်က အခုလို ပြောပါတယ်။
"အခြေခံအကျဆုံး ဖြစ်တဲ့ ပြည်သူလူထုနဲ့ တိုင်းရင်းသားတွေရဲ့ ပကတိအတိုင်း ခံစားနေရတဲ့ ဆန္ဒတွေကို လွတ်လွတ်လပ်လပ် ငြိမ်းငြိမ်းချမ်းချမ်း ပျော်ပျော်ရွှင်ရွှင်နဲ့ ဖော်ထုတ်နိုင်ဖို့ ဒီအခမ်းအနားကို စီစဉ်ရခြင်း ဖြစ်တယ်။ လယ်သမား၊ အလုပ်သမား၊ တိုင်းရင်းသားရေးရာ ဆိုင်ရာ ပြဿနာတွေကို ဆုံးဖြတ်ချက်တွေကို ညီလာခံ ဆုံးဖြတ်ချက် မှတ်တမ်းများအဖြစ် ပြည်သူများကို အသိပေးပြီးတော့ ထုတ်ပြန်သွားမယ်။ သက်ဆိုင်ရာ တာဝန်ရှိသူတွေကိုလည်း ကျွန်တော်တို့ အသိပေး အကြောင်းကြားသွားမယ်။"
ညီလာခံ ဒုတိယပိုင်းမှာ လက်ပံတောင်းဒေသရဲ့ ဖြစ်ပျက်နေတဲ့ ကိစ္စတွေကို ဆည်တဲရွာက ဆရာတော် ဦးသြသဓက  အဆိုတင်သွင်းခဲ့ပြီး၊ ရခိုင်ပြည်နယ်မှာ ဖြစ်ပျက်နေတဲ့ ပြဿနာတွေကို ပြည်ထောင်စု တိုင်းရင်းသားများ မဟာမိတ်အဖွဲ့(UNA) ကိုယ်စားလှယ် ဦးသာဘန်းက အဆိုတင်သွင်းခဲ့တယ်လို့ သိရပါတယ်။