OIC ရုံးဖွင့်မည်ကို ရခိုင်လူထု မလိုလား

အစ္စလာမ်မစ် ပူးပေါင်း ဆောင်ရွက်ရေးအသင်း OIC ရုံးကို ရခိုင်ပြည်နယ်နှင့် မြန်မာနိုင်ငံတွင် ဖွင့်လှစ်ရန် ကြိုးပမ်းနေခြင်းအား ရခိုင်ပြည်သူအများစု က ကန့်ကွက်ကြောင်း သိရသည်။
မောင်တောမြို့ အလိုတော်ပြည့်ကျောင်းတိုက်မှ ဆရာတော် ဦးမဏိစာရ က ဧရာဝတီကို “စစ်တွေနဲ့ ရခိုင်ပြည်တွင်းက ဘယ်နေရာမှာပဲ ဖြစ်ဖြစ်ဖွင့်ဖို့ ကိစ္စကန့်ကွက်တယ်၊ အလားတူပဲ မြန်မာနိုင်ငံရဲ့ တခြားဒေသတွေမှာ ဖွင့်ခွင့်ပေးမယ်ဆိုရင် လည်းပဲ သဘောမတူဘူး”ဟု မိန့်သည်။
OIC ရုံးအား ရခိုင်ပြည်၏ မည်သည့်နေရာတွင်မဆို ဖွင့်လှစ်ခွင့် ပေးမည်မဟုတ် သကဲ့သို့ မြန်မာနိုင်ငံ၏ တခြားဒေသများတွင် လည်း ဖွင့်လှစ်ရန် ကြိုးပမ်းပါက လည်း ကန့်ကွက်ကြောင်း မကြာသေးခင်က ပြုလုပ်ခဲ့သည့် ရသေ့တောင် ရခိုင်ဒေသ လူထု စည်းဝေးပွဲ ဆုံးဖြတ်ချက်၌ လည်း ပါရှိ သည်။
စစ်တွေဒေသမှ သံဃာတော် ၁၀၈ ပါးသည်  OIC ဖွင့်ရေး ကိစ္စကန့်ကွက်သည့်အနေဖြင့် မနက်ဖြန် အောက်တိုဘာ ၉ ရက်တွင် လမ်းလျှောက်ချီတက် ကြမည်ဟု သံဃာတော်များ စည်းကမ်းထိန်းသိမ်းရေးအဖွဲ့ (စစ်တွေ) မှ အရှင် ဦးဥတ္တမကလည်း မိန့်ကြားသည်။
ဘင်္ဂလားဒေ့ရှ် နိုင်ငံ၊ စစ်တကောင်း ဒေသရှိ ဗုဒ္ဓဘာသာဝင် ဘုန်းတော်ကြီးကျောင်းများ၊ လူနေအိမ်များ မီးရှို့ဖျက်ဆီး ခံရခြင်း နှင့် ပတ်သက်၍ ဗုဒ္ဓဘာသာဝင်များအား ကာကွယ်ပေးရန် သံဃာတော်အပါး ၁၀၀ ကျော်က တောင်းဆို ဆန္ဒပြမှု တခု ရန် ကုန်မြို့၌ ပြီးခဲ့သည့် ရက်ပိုင်းက  ပြူလုပ်ရာတွင်လည်း မြန်မာနိုင်ငံတွင်း OIC ရုံးဖွင့်ခွင့်ကို ကန့်ကွက်ခဲ့ကြသေးသည်။
OIC အဖွဲ့သည် အစ္စလာမ်နိုင်ငံ ၅၇ ခုအား ကိုယ်စားပြုဖွဲ့သည့် အဖွဲ့တခုဖြစ်ပြီး ရခိုင်ပြည်နယ်မြောက်ပိုင်းရှိ မူဆလင်များကို ကူညီထောက်ပံ့နိုင်ရေး မြန်မာနိုင်ငံတွင် ရုံးဖွင့်နိုင်ရေး အတွက် မြန်မာအစိုးရနှင့်သဘောတူညီမှု ရရှိထားပြီး ဖြစ်သည်။
OIC ရုံးဖွင့်ခွင့်ကို ရခိုင်နိုင်ငံရေး ပါတီများကလည်း လုံးဝ ကန့်ကွက်ကြောင်း ပြော သည်။
“တကယ်လို့ အစိုးရက အမိန့်အာဏာနဲ့ ဖွင့်မယ်ဆိုရင်ဆို ရခိုင်ပြည်သူလူထုရဲ့ အားနဲ့ ကျနော်တို့က ကန့်ကွက်မှာပါ၊ ပြည်နယ် အစိုးရက ဖွင့်ခွင့်ပေးမယ်ဆိုရင်လည်း လွှတ်တော်မှာ ကန့်ကွက်ရပါလိမ့်မယ်”ဟု ရခိုင်တိုင်းရင်းသားများ တိုးတက်ရေး ပါတီ (RNDP) ၏ ဥက္ကဋ္ဌနှင့်အမျိုးသားလွှတ်တော် ကိုယ်စားလှယ် ဒေါက်တာ အေးမောင်က ပြောသည်။
ရခိုင်ဒေသတွင်း ပဋိပက္ခများကြောင့် ဒုက္ခရောက်နေသူများအား လူသားချင်းစာနာ ထောက်ပံ့မှုများကို OIC အပြင် မည်သည့်နိုင် ငံ၏ အဖွဲ့အစည်းများကို မဆို လက်ခံကြောင်း၊ ကူညီထောက်ပံ့ရေး ကိစ္စ ကို OIC အနေဖြင့် သီးသန့်ရုံးဖွင့်ရန် မလိုဘဲ အစိုး ရနှင့်ပူးပေါင်း ဆောင်ရွက်မှုများ လုပ်ဆောင်နိုင်ကြောင်း ၎င်းက ဆက်ပြောသည်။
“ရခိုင်ဒေသမှာ OIC ရုံးဖွင့်မယ်ဆိုရင် ပဋိပက္ခတွေကို ပိုပြီးတော့ ကြီးထွားလာစေနိုင်တယ်၊ နိုင်ငံတခုရဲ့ အချုပ်အချာအာဏာကို ခြိမ်းခြောက်လာနိုင်တာမျိုး၊ နယ်မြေတခုရဲ့ ဘာသာရေး၊ နိုင်ငံရေးတွေ အပေါ်မှာ ၀င်ရောက်စွက်ဖက်မှု တွေ ဖြစ်လာမှာကို လည်းပဲ စိုးရိမ်ပါတယ်”ဟု ဒေါက်တာ အေးမောင်က ဆိုသည်။
အကယ်၍ နိုင်ငံတကာ ဖိအားများကြောင့် ရန်ကုန်မြို့၊ နေပြည်တော်တို့တွင် ဖွင့်ခွင့်ပေးမည်ဟု ဆိုလျှင် ၎င်းတို့အနေဖြင့် ကန့်ကွက်ရန် မရှိကြောင်း ဆက်ပြောသည်။
ရခိုင်ပြည်နယ် အစိုးရ၏ သတင်းပြန်ကြားရေးနှင့်မှတ်တမ်း စုဆောင်ရေး ဆပ်ကော်မတီ ဥက္ကဋ္ဌနှင့်ပြည်နယ် ဥပဒေချုပ် ဦးလှ သိန်း က ပြောဆိုရာတွင် OIC ရုံးဖွင့်ရေး ကိစ္စနှင့်ပတ်သက်၍ ဗဟိုအစိုးရအပါအ၀င် မည်သည့် အဖွဲ့အစည်းကမျှ ပြောဆိုခြင်း၊ ဆွေးနွေးခြင်း မရှိသေးကြောင်း ပြောသည်။
OIC ရုံးဖွင့်မည့် ကိစ္စအား ကန့်ကွက်ခြင်းနှင့် ရခိုင်အမျိုးသမီးများ အပါအ၀င်မြန်မာ အမျိုးသမီးထု တရပ်လုံး၏ ဘ၀လုံခြုံရေး၊ အခွင့်အရေးများ ရရှိရေးတို့အတွက် စစ်တွေမြို့ခံ အမျိုးသမီးများ ဦးဆောင်လှုပ်ရှားမှု တခုကို စစ်တွေမြို့၌လုပ်ဆောင် ရန် ခွင့်ပြုချက်ရထားပြီး ဖြစ်ကြောင်း ခေါင်းဆောင်ဖြစ်သူ ဒေါ်ညိုအေးက ပြောသည်။ ရခိုင်ဒီမိုကရေစီ အဖွဲ့ချုပ် (ALD) ပါတီ က လည်း ရခိုင်ဒေသတွင်း OIC ရုံးဖွင့်မည့် ကိစ္စကို ကန့်ကွက် ထားကြောင်း သိရသည်။
ရန်ကုန်အခြေစိုက် အစ္စလမ်သာသနာရေးရာ ကောင်စီဌာနချုပ် ၏ ပြောခွင့်ရသူ ဦးဝဏ္ဏရွှေကို ဆက်သွယ်စုံစမ်းရာ ၎င်းတို့အဖွဲ့ အနေဖြင့် OIC နှင့်တရားဝင် ပတ်သက်ဆက်သွယ်မှု မရှိကြောင်း၊ ရုံးဖွင့်ရေး ကိစ္စသည် အစိုးရနှင့်OIC တို့ အကြား ဆွေးနွေး မှုသာ ဖြစ်ကြောင်း၊ သို့သော် လူအများ၏ ကောင်းကျိုးအတွက် ပြုလုပ်သည့်အဖွဲ့ ဖြစ်ပါက မည်သည့် နိုင်ငံတကာအဖွဲ့ကိုမဆို ကြိုဆိုကြောင်း  ပြောသည်။
OIC အဖွဲ့သည် အစ္စလာမ်နိုင်ငံများ ကိုယ်စားပြုသည့် အစိုးရများ စုပေါင်း ဖွဲ့စည်းထားကြောင်း၊ အကြမ်းဖက်မှုလုပ်ဆောင်သည့် အဖွဲ့မဟုတ်ကြောင်း၊ သို့သော် OIC အဖွဲ့၏ လှုပ်ရှားဆောင်ရွက်မှု၊ ရည်ရွယ်ချက်များကို အတိအကျမသိရသေး ကြောင်း၊ သို့ဖြစ်၍ ရုံးဖွင့်ခွင့် ကိစ္စ ကန့်ကွက်သူများနှင့် ပတ်သက်၍လည်း မှတ်ချက် မပေးလိုကြောင်း ဦးဝဏ္ဏရွှေ က ဆိုသည်။
OIC ၏ လူသားချင်း စာနာမှုဆိုင်ရာ ရုံးတစ်ရုံး မြန်မာပြည်တွင် ဖွင့်လှစ်ရန် မြန်မာအစိုးရနှင့် သဘောတူညီချက် လက်မှတ် ရေးထိုးလိုက်ပြီဖြစ်ကြောင်း ကူဝိတ်နိုင်ငံရှိ OIC အထွေထွေ အတွင်းရေးမှူးရုံးက ကြေညာချက် ထုတ်ပြန်ထားသည်။
ရခိုင်ပြည်နယ်ရှိ မူဆလင်များအရေး OIC အတွင်းရေးမှူးချုပ်က အချက်အလက် ရှာဖွေရေး အဖွဲ့တဖွဲ့ကို ရခိုင်ပြည်သို့ သွားရောက်ခဲ့ပြီးနောက် ယင်းသဘောတူညီချက်ကို စက်တင်ဘာလအတွင်း လက်မှတ်ရေးထိုးခြင်းဖြစ်သည်။
OIC အတွင်းရေးမှူးချုပ်လည်း မြန်မာနိုင်ငံ သွားရောက်ဖို့ အစီအစဉ်ရှိပြီး ခရီးစဉ်အတွက် မြန်မာအစိုးရနှင့် ဆွေးနွေးနေသည်။

မလေးရှားသံအဖွဲ့ စစ်တွေ ဒုက္ခသည်စခန်း သွားရောက်

မြန်မာနိုင်ငံဆိုင်ရာ မလေးရှားသံအမတ် Mr.H.E.Dr.Ahmad Faifal နဲ့ မလေးရှားနိုင်ငံက အလှူရှင်တွေ ပါဝင်တဲ့ အဖွဲ့ဟာ အောက်တိုဘာလ ၇ ရက်နေ့မှာ ရခိုင်ပြည်နယ် စစ်တွေမြို့ကို ရောက်ရှိလာပြီး မနေ့က ဒုက္ခသည်စခန်းတွေကို သွားရောက်ခဲ့ပါတယ်။
အဲဒီအဖွဲ့မှာ မလေးရှားနိုင်ငံက ဗုဒ္ဓသာသနာပိုင် အဖွဲ့ချုပ်က ဆရာတော်ကြီး ၅ ပါးနဲ့ ဘာသာပေါင်းစုံက ဘာသာရေး ခေါင်းဆောင်တွေ အပါအဝင် အဖွဲ့ဝင် ၄၀ ကျော်ပါဝင်ပြီး မနေ့က မနက်ပိုင်းက ရခိုင်ပြည်နယ် အစိုးရအဖွဲ့နဲ့ တွေ့ဆုံကာ နေ့လည်ပိုင်းမှာ ရွှေစေတီ ဘုန်းတော်ကြီးကျောင်း ဒုက္ခသည်စခန်း၊ သက္ကေပြင် ဒုက္ခသည်စခန်း၊ ဘောဒူဘ ဒုက္ခသည်စခန်းတွေကို သွားရောက်ခဲ့တယ်လို့ သိရပါတယ်။
ဒီကိစ္စနဲ့ပတ်သက်ပြီး ရခိုင်ပြည်နယ် အစိုးရအဖွဲ့ သတင်းပြန်ကြားရေး တာဝန်ခံ ဦးဝင်းမြိုင်က အခုလို ပြောပါတယ်။

"ဆန်က သူက ၅ ကီလို အိတ်ကလေးတွေ၊ အဲဒါ အိတ် ၅၀၀၀ လောက်ပါတယ်။ နောက် ဆေးပါတယ်။ နောက် Family Box တွေပါတယ်။ နောက် ငါးဘူးတွေ အဲဒါပါတယ်။ အဲဒီ ဟိုဘက်က သက္ကေပြင် ဆိုတဲ့စခန်း အဲဒီဘက်တွေကိုသွားတယ်။ နောက် ဒီဘက်က ရခိုင်ဘက်က ရွှေစေတီကျောင်းကို သွားတယ်"

ဒါ့အပြင် အဲဒီအဖွဲ့ထဲမှာ ဆရာဝန်အဖွဲ့လည်း ပါဝင်ပြီး ဒုက္ခသည်တွေကို ကျန်းမာရေး စစ်ဆေးခဲ့တယ်လို့လည်း သိရပါတယ်။ ဒီအဖွဲ့ဟာ မနက်ဖြန်မှာ တစ်ခြားကျန်ရှိနေသေးတဲ့ ဒုက္ခသည် စခန်းတွေကို ဆက်လက်သွားရောက်ဦးမှာ ဖြစ်ပါတယ်။

စစ်တွေမြို့ ယဉ်ကျေးမှုပြတိုက် အနီးမှာ ကပ်လျှက်ရှိတဲ့ ဗလီကြီးဝင်းအတွင်း မနေ့က နေအိမ်မီးလောင်မှု ဖြစ်ပွားခဲ့တာကြောင့် အခြေအနေတွေ မငြိမ်မသက် ဖြစ်ခဲ့ပေမယ့် မနေ့က အခြေအနေတွေ ပုံမှန်အတိုင်း ဖြစ်နေပြီလို့လည်း သိရပါတယ်။

ဘုန်းကြီးကျောင်းများကို ကာကွယ်ပေးရန် မြန်မာ နစက ဘင်္ဂလားဒေ့ရ်ှကို တောင်းဆို

ဘင်္ဂလားဒေ့ရ်ှနိုင်ငံ၊ ဘန်တရိုဘန်ခရိုင်၊ နတ်ကျောက်စရီမြို့နယ်ရှိ ဒူဆိုးရီကျေးရွာ စာသင်ကျောင်းတွင် ယမန်နေ့က ကျင်းပသည့် မြန်မာ-ဘင်္ဂလားဒေ့ရှ် နှစ်နိုင်ငံ နယ်ခြားစောင့်တပ် အစည်းအဝေးတွင် ဗုဒ္ဓဘာသာ ဘုန်ကြီးကျောင်းများကို အကာအကွယ်ပေးရန် မြန်မာ နယ်စပ်ဒေသ လုံခြုံရေးနှင့် ကွပ်ကဲရေး (နစက) က ဘင်္ဂလားဒေ့ရှ် နယ်ခြားစောင့်တပ် (BGB) ကို တောင်းဆိုလိုက်သည်။
နံနက် ၁၀ နာရီမှ ၁၁ နာရီအထိ ကျင်းပသည့် ယင်းအစည်းအဝေးတွင် ဘင်္ဂါလီများ တရားမဝင် သွားလာနေမှုများကို ပူးပေါင်း တားဆီးရေးအပြင် ဘုန်းကြီးကျောင်းများ အကာအကွယ်ပေးရေး ကိစ္စကိုပါ ထည့်သွင်းဆွေးနွေးခြင်း ဖြစ်ကြောင်း ယင်းအစည်းအဝေးသို့ တက်ရောက်ခဲ့သည့် ဒူဆိုးရီ ရွာသူကြီး ဦးမောင်နုက ပြောသည်။
“နစကဘက်က တောင်းဆိုတာက ဘုန်းကြီးကျောင်းတွေကို လုံခြုံရေးပေးဖို့ကိစ္စကို BGB ပြန်ဖြေတာက အခုလည်း ဘုန်းကြီးကျောင်းတွေကို သူတို့ အစိုးရက လုံခြုံရေးတွေ ချထားပေးတယ်ဆိုတာကို ပြောတယ်။ ဘင်္ဂလာဒေ့ရ်ှဘက်က တောင်းဆိုတာကတော့ ဘင်္ဂါလီတွေ တရားမဝင်လမ်းကနေ ဘင်္ဂလားဘက်ကို မလာနိုင်အောင် တားဆီပေးဖို့ ကိစ္စကို တောင်းဆိုတယ်။ နောက်ပြီး နှစ်နိုင်ငံ နယ်စပ်အစည်းအဝေးတွေ ပုံမှန်ဖြစ်ဖို့ BGB ဘက်က လိုလားတယ် ပြောတယ်။ အဲ့ဒါကို နစကကတော့ သူတို့အနေနဲ့ အထက်ကို တင်ပြပြီး ပုံမှန်တွေ့ဖြစ်အောင် ကြိုးစားသွားမယ်လို့ ပြောတယ်” ဟု ဦးမောင်နုက ပြောသည်။
ယင်းအစည်းအဝေးသို့ ဘင်္ဂလားဒေ့ရှ် နယ်ခြားစောင့်တပ်ဘက်မှ နတ်ကျောက်စရီ အခြေစိုက် အမှတ် (၁၅) BGB မှ ဒုဗိုလ်မှူးကြီး Mahbubur Rahman ဦးဆောင်သော ၉ ဦး အဖွဲ့နှင့် မြန်မာ နစက နယ်မြေ (၁) နယ်မြေမှူး ဗိုလ်မှူး အောင်ဇော်မိုး ဦးဆောင်သော ၁၀ ဦးပါ အဖွဲ့တို့ တက်ရောက်ခဲ့သည်။
အောက်တိုဘာလ ၂ ရက်နေ့ကလည်း နှစ်နိုင်ငံ နယ်ခြားစောင့်တပ် ဆွေးနွေးပွဲကို ကောက်စ်ဘဇားခရိုင် ဦကီယာမြို့နယ် ခေါင်းတုန်းကျေးရွာတွင် ပြုလုပ်ခဲ့သေးသည်။
ယင်းဆွေးနွေးပွဲတွင် မြန်မာဘက်မှ နစက နယ်မြေ (၃) နယ်မြေမှူး ဦးဆောင်သော  ကိုယ်စားလှယ် ၁၁ ဦးနှင့် ဘင်္ဂလားဒေ့ရ်ှဘက်မှ BGB အမှတ် (၁၇) နယ်ခြားစောင့်တပ်မှူး ဦးဆောင်သော ကိုယ်စားလှယ် ၁၀ ဦး တက်ရောက်ခဲ့သည်။
အဆိုပါ ဆွေးနွေးပွဲတွင် ပုံမှန်ဆွေးနွေးနေကျ မြန်မာနိုင်ငံဘက်မှ မွတ်စလင်များ ဘင်္ဂလားဒေ့ရ်ှသို့ ၀င်ရောက်နေသည့် ကိစ္စ၊ ယာဘဆေးများ ၀င်ရောက်နေသည့် ကိစ္စနှင့် မှောင်ခို တားဆီးရေး ကိစ္စများကို ဆွေးနွေးခဲ့ကြကြောင်း၊ စစ်တွေထောင်မှ လွတ်မြောက်လာသော ဘင်္ဂလာဒေ့ရ်ှနိုင်ငံသား ၂၃၈ ဦးကိုလည်း ဘင်္ဂလာဒေ့ရ်ှနိုင်ငံသို့ မကြာခင် လွှဲပြောင်းပေးမည်ဟု မြန်မာ နစကက ပြောခဲ့ကြောင်း ကောက်စ်ဘဇား သတင်းစာတွင် ရေးသားထားသည်။
မြန်မာ-ဘင်္ဂလာဒေ့ရှ် နယ်ခြားစောင့်တပ် ဆွေးနွေးပွဲများကို ရခိုင်ပြည်နယ်အတွင်း အဓိကရုဏ်းများ ဖြစ်ပွားခဲ့ပြီးနောက် ၂ ကြိမ်သာ ပြုလုပ်နိုင်ခဲ့ပြီး ဘင်္ဂလာဒေ့ရ်ှနိုင်ငံ ပန်းဝါ (ခေါ်) ရာမူးမြို့တွင် မွတ်စလင် အစွန်းရောက်များက ဗုဒ္ဓဘာသာ ဘုရားဆင်တုတော်နှင့် ဘုန်းကြီးကျောင်းများကို မီးရှို့ဖျက်ဆီးမှု ဖြစ်ပွားခဲ့ပြီးနောက်ပိုင်း တပတ်အတွင်း ဆွေးနွေးပွဲ ၂ ကြိမ် ပြုလုပ်ခဲ့ခြင်းဖြစ်သည်။
ဗုဒ္ဓ ဆင်းတုတော်များနှင့် ဘုန်းကြီးကျောင်းများ အကြမ်းဖက် မီးရှို့ဖျက်ဆီးခံခဲ့ရသည့် ပန်းဝါမြို့သို့ ဘင်္ဂလာဒေ့ရှ် ဝန်ကြီးချုပ် ရှိတ်ခါဆီနာသည် ယနေ့ ဒေသစံတော်ချိန်  နံက် ၁၁ နာရီတွင် ရောက်ရှိလာခဲ့ပြီး ပျက်ဆီးသွားခဲ့သည့် ဘုန်းကြီးကျောင်းများနှင့် လူနေအိမ်များကို လှည့်လည်ကြည့်ရှုခဲ့ကြောင်း သိရသည်။
ဝန်ကြီးချုပ်သည် သံဃာတော်များ၊ မွတ်စလင် ဘာသာရေး ခေါင်းဆောင်များနှင့် တွေ့ဆုံခဲ့ပြီး တန်ဖိုးမဖြတ်နိုင်သည့် ရှေးဟောင်း အမွေအနှစ်များ ဆုံးရှုံးခဲ့ကြောင်း၊ ယခုကဲ့သို့ ဆုံးရှုံးမှု ထပ်မဖြစ်အောင် အစိုးရနှင့် ပြည်သူတို့ ထိမ်းသိမ်းရန်လိုကြောင်း ပြောကြားခဲ့သည်ဟု သိရှိရသည်။

ဖားကန့်ရှိ ကချင် စစ်ပြေး ဒုက္ခသည်များ နေရပ်ပြန်

ကချင်ပြည်နယ် ဖားကန့်မြို့ပေါ်သို့ ထွက်ပြေး တိမ်းရှောင်လာသော စစ်ပြေး ဒုက္ခသည်များသည် အောက်တိုဘာ လဆန်းပိုင်းမှ စတင်၍ မူလ နေရပ်ရင်းများသို့ ပြန်နေကြပြီ ဖြစ်သည်။ဖားကန့်မြို့ပေါ်တွင် ယာယီ ဒုက္ခသည် စခန်း ၂၃ နေရာခန့် ရှိပြီး အားလုံးနီးပါး ပြန်သွားကြကြောင်း ဖားကန့်မြို့နယ် အမျိုးသား ဒီမို ကရေစီ အဖွဲ့ချုပ် (NLD) ပါတီဝင် ဦးဒါချီလစိုင်းက ပြောသည်။
သြဂုတ်လ အတွင်း အစိုးရတပ်နှင့် ကချင်လွတ်လပ်ရေး တပ်မတော်(KIA)တို့ တိုက်ပွဲဖြစ်ပွားမှုကြောင့် လူဦးရေ ၈၀၀၀ ခန့် ဖားကန့် မြို့ပေါ်ရှိ ခရစ်ယာန် ဘုရားကျောင်းများ၊ ဘုန်းတော်ကြီးကျောင်းများနှင့် လူမှုကယ်ဆယ်ရေး စခန်းများသို့ တိမ်းရှောင်ခဲ့ကြကြောင်း လည်း ၎င်းက ပြောပြသည်။
“လတ်တလော မြို့ပေါ်မှာ စစ်ပြေး ဒုက္ခသည်တွေကတော့ မရှိသလောက်ဖြစ်သွားပြီ၊ သူတို့ မူလနေရာကို ပြန်သွားကြတယ်၊ အဓိ က လမောင်းကုန်း ဒေသခံတွေလောက်ပဲ မပြန်ကြသေးတာ၊ ရာဂဏန်းလောက်ပဲ ကျန်ပါတော့တယ်”ဟု ဦးဒါချီလစိုင်းက ဆို သည်။
ဦးဒါချီလစိုင်း က ဆက်လက်ပြီး“လောလောဆယ် အခြေအနေကတော့ နည်းနည်းတည်ငြိမ်မှုရှိလာပါပြီ၊ မှော်မောင်းလျှံ၊ ရှရော်ခ တို့ဆိုရင် မနက်ဖြန်မှာ ကျောင်းတွေ စပြီး ပြန်ဖွင့်တော့မယ်”ဟုလည်း ပြောဆိုသည်။
ဒုက္ခသည်များသည် အစိုးရတပ်နှင့် KIA တပ်ဖွဲ့တို့ တိုက်ပွဲများ ရပ်ဆိုင်းသွားသောကြောင့် ၎င်းတို့၏ ကျေးရွာဒေသများသို့ ပြန်သွားကြ ခြင်း ဖြစ်ကြောင်း သိရသည်။
ထွက်ပြေးတိမ်းရှောင်လာသည့် ဒုက္ခသည်များမှာ ဖားကန့်မြို့နှင့် ၃ မိုင်ခန့် အကွာ တိုက်ပွဲဖြစ်ပွားရာ ဒေသရှိ ဖလခ၊ စိုင်းတောင်၊ မှော်မောင်းကုန်း၊ မှော်ဝန်းကြီး၊ မှော်ဝန်းလေး၊ ရှရော်ခ၊ စိုင်းဂျာဘုံ၊ လမောင်းကုန်း၊ မြောက်ဖြူနှင့် သန်းကြွယ် အပါအဝင် ကျေးရွာ ပေါင်း ၂၀ ကျော်မှ ဒေသခံများ ဖြစ်သည်။
ယင်း ဒုက္ခသည်များသည် ကျောက်စိမ်း တူဖော်ရေးလုပ်ငန်းများ၌ အသက်မွေးဝမ်းကျောင်းအဖြစ် လုပ်ကိုင်နေသကဲ့သို့ ဆန်စပါးနှင့် ရာသီပေါ်သီးနှံများ စိုက်ပျိုး လုပ်ကိုင်သူများလည်း ဖြစ်ကြောင်း ဒေသခံများ ပြောပြချက်အရ သိရသည်။
KIA နှင့် အစိုးရတပ်များ အကြား ၂၀၁၁ ခုနှစ် ဇွန်လပိုင်းမှ စတင်ကာ ကချင်ပြည်နယ် အတွင်း တိုက်ပွဲများ တနှစ်ကျော်ကြာအထိ ဖြစ် ပွားလျက်ရှိရာ ဒေသခံ ၉၀၀၀၀ ခန့် အိုးအိမ် တောင်ယာများကို စွန့်ခွာ၍ တရုတ်-မြန်မာ နယ်စပ် ဒုက္ခသည် စခန်းများတွင် ခိုလှုံနေရကြောင်း ကချင် လူ့အခွင့်အရေး ဆောင်ရွက်နေသူများက ထုတ်ပြန်ထားသည်။
KIA သည် ၁၉၉၄ ခုနှစ်တွင် အစိုးရနှင့် အပစ်အခတ်ရပ်စဲရေး လက်မှတ်ထိုးထားသည့် တိုင်းရင်းသား လက်နက်ကိုင်အဖွဲ့ဖြစ်ပြီး ၂၀၁၁ ခုနှစ် ဇွန်လတွင် တိုက်ပွဲများ ပြန်လည် ဖြစ်ပွားခဲ့ပြီးနောက် အပစ်အခတ် ရပ်စဲရေးလည်း ပျက်ပြားခဲ့သည်။
ယင်း တိုက်ပွဲများကြောင့် အစိုးရနှင့် KIA ကြား ငြိမ်းချမ်းရေး ပြန်လည်တည်ဆောက်ရန် ၂၀၁၁ ခုနှစ် နိုဝင်ဘာလမှ စတင်၍ ၂၀၁၂ ခုနှစ် အတွင်း အကြိမ်ကြိမ် တွေ့ဆုံခဲ့ကြသော်လည်း ယနေ့အထိ ရေရာသည့် သဘောတူညီချက် တစုံတရာ မရရှိသေးပေ။
သမ္မတ ဦးသိန်းစိန်က KIA မှ ကိုယ်စားလှယ်များကို အပစ်အခတ်ရပ်စဲရေးအတွက် နေပြည်တော်သို့ လာရောက်ရန် ကမ်းလှမ်း ခဲ့သော်လည်း KIA အဖွဲ့ ကိုယ်စားလှယ်များက အကြောင်းပြန်ကြားခြင်း မရှိကြောင်း သိရသည်။

ချင်းတိုင်းရင်းသား နှစ်ပါတီ ပူးပေါင်းမည်

ချင်းအမျိုးသားပါတီ (CNP) နဲ့ ချင်းတိုးတက်ရေးပါတီ (CPP) တို့ ပူးပေါင်းပြီး ချင်းအမျိုးသား တိုးတက်ရေးပါတီ (Chin National progressive Party, CNPP) ထူထောင်ဖို့ ဆုံးဖြတ်လိုက်ကြတယ်လို့ သိရပါတယ်။
အခုလို ပါတီနှစ်ခု ပေါင်းစည်းနိုင်ဖို့ အတွက်  မနေ့က ပြုလုပ်တဲ့ ချင်းတိုးတက်ရေးပါတီ CPP ရဲ့ ဗဟိုအလုပ်အမှုဆောင် အစည်းအဝေးကနေ ဆုံးဖြတ်ချက် ချလိုက်တဲ့အကြောင်း ပါတီပြောရေးဆိုခွင့်ရှိသူ အထွေထွေ အတွင်းရေးမှူး(၂) ဦးရှိန်းထွန်းက အခုလို ပြောပါတယ်။
“မနေ့က လုပ်တဲ့ အစည်းအဝေးမှာ ဆုံးဖြတ်ကြတယ်ပေါ့နော်၊ အဓိက CNP ကနေလှမ်းပြီး ကမ်းလှမ်းတာကတော့ ကြာပြီ။ ကျွန်တော်တို့ အတွင်းထဲမှာ ဆွေးနွေးစရာလေးတွေ အချက်တွေ၊ စုဆောင်းပြီးတော့မှ အချက် (၉) ချက်နဲ့ မနေ့ကတင်ပြီးတော့မှ ကျွန်တော်တို့ CNP ကို အကြောင်း ပြန်ထားပါတယ်။”
ဒီအချက် (၉) ချက်ထဲက  အရေးအကြီးဆုံး အချက်အနေနဲ့ CNP ပါတီဟာ (၉) မြို့နယ်ကို ကိုယ်စားပြုတဲ့  ပြည်နယ် ပါတီအဆင့် မှတ်ပုံတင်ထားတဲ့အတွက် ဒီပါတီကို တရားဝင် ဖျက်သိမ်းပြီး၊ တနိုင်ငံလုံးဆိုင်ရာ National level အဖြစ် မှတ်ပုံတင်ထားတဲ့ CPP ပါတီနဲ့ ပူးပေါင်းကာ တနိုင်ငံလုံး အတိုင်းအတာဆောင်တဲ့ CNPP ပါတီကို ထူထောင်တဲ့သဘော ဖြစ်တယ်လို့လည်း ဦးရှိန်းထွန်းက ပြောပါတယ်။
“CNP ကို ဖျက်သိမ်းပြီးတော့မှ CNPP ဆိုတဲ့ အမည်နာမအောက်ထဲ ပူးပေါင်းဖို့ အဲဒါ အချက်တချက်ပါတယ်။ နောက်ဒုတိယအချက် အရေးအကြီးဆုံးမှာကတော့ CNP က ပူးပေါင်းရေး ကော်မတီက ကြားကာလမှာ ပူးပေါင်းရေး ကော်မတီဖွဲ့မယ်ပေါ့နော်။ အဲဒီပူးပေါင်းရေး ကော်မတီ ဖွဲ့တဲ့ သက်တမ်းက တနှစ်ဖြစ်မယ်။ နာယက အနေနဲ့က CNP ကကူမယ်။  CPP ကပူးပေါင်းရေး ကော်မတီ ဥက္ကဋ္ဌ အနေနဲ့ယူမယ်၊ အတွင်းရေးမှူးနေရာက CNP ကယူမယ် ဆိုတာက နံပါတ်(၂) အချက် အဓိက အချက်ပေါ့နော်။”
ဒီလိုစတင် အကောင်အထည်ဖော်ဖို့ အတွက် ညီလာခံတရပ် ခေါ်ယူ ဖွဲ့စည်းသွားဖို့ ရှိတယ်လို့ သိရပါတယ်။