ပြည်ထဲရေး ဝန်ကြီးဌာနမှ တင်သွင်းသည့် 'ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်း လှည့်လှည်ခွင့်' ဥပဒေမူကြမ်းတွင် ပါရှိသည့် ဆန္ဒထုတ်ဖေါ်ခွင့်နေရာ ကန့်သတ်ထားချက်ကို အောက်လွှတ်တော် ဥပဒေမူကြမ်း ကော်မတီမှ ဖြုတ်ပစ်လိုက်သည်ဟု လွှတ်တော် အမတ်များက ပြောသည်။
ပြည်ထဲရေး ဝန်ကြီးဌာနမှ ဒုတိယဗိုလ်ချုပ်ကြီး ကိုကို တင်သွင်းသည့် အဆိုပါ ဥပဒေမူကြမ်း၏ အခန်း (၅) အပိုဒ်
(က) တွင် 'အစိုးရဌာန အစိုးရ အဖွဲ့အစည်းရုံး၊ အလုပ်ရုံ၊ စက်ရုံ၊ အလုပ်ဌာန ဘာသာရေးနှင့် သက်ဆိုင်သော
နေရာများ၊ စာသင်ကျောင်း၊ ဘူတာရုံ၊ လေဆိပ်၊ သင်္ဘောဆိပ်ကမ်း၊ ကားဂိတ်၊ ဆေးရုံတို့နှင့် အဆိုပါ နေရာတို့ကို အနှောက်အယှက် ဖြစ်စေသည့် နေရာများတွင် စီတန်းခွင့်နှင့် စုဝေးခွင့်မရှိ' ဟူသည့် ကန့်သတ်ချက် ပါရှိသည်။
သို့သော် ယင်းဥပဒေမူကြမ်းကို အောက်လွှတ်တော် ဥပဒေမူကြမ်း ကော်မတီမှ စိစစ်အပြီး ကော်မတီဝင်
ဦးငွန်မောင်းမှ တနင်္လာနေ့တွင် လွှတ်တော်သို့ ပြန်လည် တင်ပြရာတွင် မပါဝင်တော့ဟု အမတ်များက Lwin Pwin ကို ပြောသည်။ဥပဒေမူကြမ်းတွင် ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်း လှည့်လှည်ခွင့် တို့အတွက် သက်ဆိုင်ရာ အထွေ
အထွေ အုပ်ချုပ်ရေးမှူးထံတွင် ခုနှစ် ရက်ကြိုတင် အကြောင်းကြားကာ ခွင့်ပြုချက်ရယူရမည်ဟု ပါရှိပြီး စီတန်း လှည့်လှည်ခွင့် ပြုမပြု ဆုံးဖြတ်ချက်ကို မြို့နယ် ရဲတပ်ဖွဲ့မှူးမှ ဆုံးဖြတ်ပိုင်ခွင့် ရှိသည်ဟုလည်း ပါရှိသည်။
ဥပဒေမူကြမ်းပါ အထက်ပါ အချက်နှင့် ပတ်သက်၍ မြို့နယ် ရဲတပ်ဖွဲ့မှူးမှ ခွင့်ပြုချက် မပေးပါက၊ တိုင်းဒေသကြီး သို့မဟုတ် ပြည်နယ် ရဲတပ်ဖွဲ့မှူးထံသို့ ထပ်မံ တင်ပြနိုင်သည်ဟုလည်း ဥပဒေကြမ်း ကော်မတီက ပြင်ဆင်လိုက်
သည်။
ဥပဒေမူကြမ်းနှင့် ပတ်သက်၍ ဆွေးနွေးလိုသည့် လွှတ်တော် အမတ်များ အနေဖြင့် စက်တင်ဘာ ၂၉ ရက်နေ့
နောက်ဆုံးထားကာ လွှတ်တော်ရုံးသို့ စာရင်း ပေးသွင်းနိုင်ကြောင်း သိရသည်။
Lwin Pwin
Subscribe to:
Post Comments (Atom)
0 comments:
Post a Comment