ဓာတ်ပုံ ASSOCIATED PRESS
ဂျပန်အစိုးရအနေနဲ့ မြန်မာနိုင်ငံတွင်း နိုင်ငံရေးအပြောင်းအလဲတွေကို စောင့်ကြည့်နေပြီး အပြောင်းအလဲတွေ အတွက် အားပေးမှု ထောက်ခံကူညီမှုတွေ လုပ်သွားဖို့ရှိတယ်လို့ ဂျပန်နိုင်ငံခြားရေးဝန်ကြီး ဂမ်ဘ (Gamba) က ပြောလိုက်ပါတယ်။ မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်ရဲ့ ဂျပန်ခရီးစဉ်အတွင်း မနေ့က ဂျပန်နိုင်ငံခြားရေးဝန်ကြီးနဲ့ တွေ့ဆုံစဉ် နှစ်နိုင်ငံ အပြန်အလှန် ပူးပေါင်းဆောင်ရွက်ရေး ကိစ္စရပ်တွေကို ဆွေးနွေးခဲ့ကြပါတယ်။ နှစ်ဘက် ပူးပေါင်း ဆောင်ရွက်ရေးဆိုင်ရာ ကိစ္စရပ် လေးခုကို ဆွေးနွေးခဲ့ကြပါတယ်။ နှစ်ဘက် အဆင့်မြင့် အစိုးရတာဝန်ရှိသူတွေ အကြား အပြန်အလှန်ဆက်ဆံရေးကိစ္စ၊ စီးပွားရေး အထောက်အပံ့ အကူအညီတွေ ဂျပန်ဘက်က ပေးဖို့ကိစ္စ၊ ကုန်သွယ်ရေးနဲ့ ရင်းနှီးမြှုပ်နှံမှုကိစ္စ၊ ယဉ်ကျေးမှုဖလှယ်ရေး အစီအစဉ် ကိစ္စရပ်တွေ ဖြစ်ပါတယ်။ ယဉ်ကျေးမှု အပြန်အလှန်ဖလှယ်ရေး အစီအစဉ်အောက်မှာတော့ ရှေးဟောင်း ဘုရားပုထိုးတွေ ပြန်လည် ပြုပြင်ရေး အစီအစဉ်တွေ ပြန်စဖို့ကိုလည်း နှစ်ဘက် ဆွေးနွေးခဲ့တယ်လို့ သိရပါတယ်။ အခု ခရီးစဉ်ဟာဆိုရင် မြန်မာနဲ့ဂျပန်အကြားနိုင်ငံခြားရေးဝန်ကြီးအဆင့် ဆက်ဆံရေး ၁၆ နှစ်အတွင်း ပထမဆုံး ပြန်လည် စတင်လိုက်နိုင်တာလည်း ဖြစ်ပါတယ်။
Lwin Pwin
Subscribe to:
Post Comments (Atom)
0 comments:
Post a Comment