မြန်မာပြည်မှပေးပို့သောနောက်ဆုံးဖြစ်ရပ်မှန်သတင်းများ ဖေဖေါ်ဝါရီလ၊ ၁ ရက်၊ ၂၀၁၂

" တပ်လည်းရူံး၊ ငြိမ်းချမ်းရေးလည်း ရှုံးဖြစ်မှာ ကြောက်နေတယ် "

မွန်ပြည်သစ် ပါတီသည် ၁၉၆၂ ခုနှစ်တွင် လက်နက်ကိုင် တော်လှန်ရေး စတင်ပြုလုပ်ခဲ့သည်။  
 မွန်ပြည်သစ် ပါတီအား ယနေ့နံနက် ၈ နာရီ အချိန်တွင် ပြည်ထောင်စုအဆင့် ငြိမ်းချမ်းရေး ဖော်ဆောင်ရေး အဖွဲ့ ခေါင်းဆောင် ဦးအောင်မင်းက သံဖြူဇရပ် မြို့နယ်တွင် သွားရောက် ကြိုဆိုခဲ့ပြီး ယနေ့ညနေတွင် ညစာစားပွဲ ပြုလုပ်မည် ဖြစ်သည်။ မွန်ပြည်သစ် ပါတီ ငြိမ်းချမ်းရေး အဖွဲ့တွင် ပါတီ ဒုဥက္ကဋ္ဌ နိုင်ရော့စ အပါအဝင် ပါတီဗဟို ကော်မတီဝင်များနှင့် စစ်ဘက်ဆိုင်ရာ ခေါင်းဆောင်များ အပါအဝင် ၁၂ ဦးက ဖေဖော်ဝါရီလ ၁ ရက်နေ့တွင် မော်လမြိုင်မြို့ရှိ ကမ်းနားလမ်း ဟိုတယ် (Strand) တွင် အပစ်အခတ် ရပ်စဲရေးအတွက် ဆွေးနွေးမည်။ ဆွေးနွေးပွဲ မတိုင်မီ မွန်ပြည်သစ် ပါတီဘက်မှ ဆွေးနွေးရန် ငြိမ်းချမ်းရေး အကျိုးဆောင်ပေးသူ ဦးညွန့်အုန်းမြင့်၏ The Voice Weekly သို့ ပြောကြားချက်များကို ကောက်နှုတ် ဖော်ပြအပ်ပါသည်။
 " ဆွေးနွေးရင် လက်မှတ်ထိုးဖြစ်ဖို့က သေချာတယ်။ နည်းနည်းတော့ ခက်လိမ့်မယ်လို့ ထင်တယ်။ ယုံကြည်မှု တည်ဆောက်ရ ဦးမယ်။ မွန်ခေါင်းဆောင်တွေရဲ့ အမြင်က အရင်တစ်ခါ လက်နက်နဲ့ ငြိမ်းချမ်းရေး လဲတုန်းကလို ဖြစ်မှာ စိုးတယ်။ သူတို့မှာ စစ်သား အယောက် ၅၀၀၀ လောက် ရှိရာက ၁၀၀၀ လောက်ပဲ ကျန်တယ်။ ပြီးတော့ အဲဒီ ငြိမ်းချမ်းရေး ကလည်း မတည်မြဲခဲ့ဘူး "
 " မွန်ခေါင်းဆောင်တွေ အဓိက တောင်းဆိုချင်တာက နိုင်ငံရေးမှာ ပါဝင်ခွင့်ရဖို့ မွန်တစ်မျိုးသားလုံး နိုင်ငံတော်မှာ ဘယ်အခန်း ကဏ္ဍက ပါဝင်မလဲ ဆိုတာတွေ ဆွေးနွေးဖြစ်မယ်။ မွန်ခေါင်းဆောင်တွေ အကုန်လုံး ကလည်း ငြိမ်းချမ်းရေး ဖော်ဆောင်ဖို့ အဆင်သင့် ရှိတယ်လို့ကျွန်တော် ထင်တယ်။ နောက်ပြီး မွန် ခေါင်းဆောင် နိုင်ယက္ခနဲ့ ကျန်တဲ့ ခေါင်းဆောင်တွေ၊ မွန် နိုင်ငံရေးအကျဉ်းသားတွေ ပြန်လွှတ်ပေးဖို့၊ မွန်လူမျိုးတွေရဲ့ စာပေ မွန်ပြည်နယ် သင်ကြားဖို့၊ မွန်ပြည်နယ်မှာ မွန်ဘာသာစကား ရုံးသုံးဘာသာ ဖြစ်ဖို့ အဲဒါတွေ တောင်းဆို ကြလိမ့်မယ်လို့ ကျွန်တော် ထင်တယ် "
 " ကျွန်တော်တို့ အကျိုးတော်ဆောင်တွေ အနေနဲ့ ဒီဆွေးနွေးပွဲ လုပ်မယ် ဆိုကတည်းက လက်မှတ်ထိုးနိုင်ဖို့ ၈၀ ရာခိုင်နှုန်းလောက် သေချာအောင် လုပ်ထားရတာပေါ့။ အခု မွန်ပြည်သစ် ပါတီက ဒီကို ဆွေးနွေးဖို့ သက်သက်ပဲ လာတာပေါ့။ ဆုံးဖြတ်ချက် ချဖို့က ဗဟိုကော်မတီဝင်တွေ သဘောထား ဖြစ်တာပေါ့။ အကျိုးဆောင် အနေနဲ့ကတော့ ဒီမှာ ညှိနိုင်သလောက် ရအောင်ညှိ နိုင်အောင် ကြိုးစားမယ်။ အစိုးရနဲ့ ညှိလိုက် မွန်ပြည်သစ်ပါတီနဲ့ ညှိလိုက် တစ်ယောက်နဲ့ တစ်ယောက်ကြားမှာ နားလည်မှုကတော့ တော်တော် တည်ဆောက်ပြီး နေပါပြီ "
 " နိုင်ငံတစ်ခုမှာ အင်အားစု တစ်ခုနဲ့တစ်ခု အခြေအနေက မတူညီကြဘူး။ တစ်ဖွဲနဲ့တစ်ဖွဲ့ ကွားခြားတယ်။ KNU နဲ့ ပတ်သက်ပြီး ဒုက္ခတွေ နှစ်ရှည်လများ ခံစားလာရတယ်။ အစိုးရဘက် ကလည်း ဒီတိုင်းပဲ ခံလာရတယ်။ အဲဒီတော့ နှစ်ဖက်လုံး မြန်မြန် ပြီးချင်တယ်။ အခု မွန်ကတော့ သူတို့အရင်တစ်ခေါက် လက်နက်နဲ့ ငြိမ်းချမ်းရေး လဲလှယ်ခဲ့တုန်းက အခြေအနေမျိုး တပ်လည်း ရှုံး ၊ငြိမ်းချမ်းရေးလည်း ရှုံး ဖြစ်မှာကြောက်နေတယ် "

အိန္ဒိယမှ တက္ကသိုလ်ကြီးတစ်ခုက ဒေါ်စုကို ဂုဏ်ထူးဆောင် ဒေါက်တာဘွဲ့ပေးမည်

ဂျပန်နိုင်ငံနှင့် ASEAN နိုင်ငံများမှ GSM ဖုန်းများ ပြည်တွင်း၌ အသုံးပြုနိုင်

ယခုလပထမအပတ်မှစတင်၍ အာဆီယံနိုင်ငံများနှင့် ဂျပန်နိုင်ငံတို့မှ မိုဘိုင်းဖုန်းများကို ပြည်တွင်း၌ အသုံးပြုနိုင်ခဲ့သည်ဟု မြန်မာ့ဆက်သွယ်ရေးလုပ်ငန်းမှ တာဝန်ရှိသူတစ်ဦးကပြောသည်။ ၁၁ ကြိမ်မြောက် အာဆီယံဆက်သွယ်ရေးနှင့် နည်းပညာဆိုင်ရာ ၀န်ကြီးအဆင့် အစည်းအဝေးပွဲမှစတင်၍ ပြည်ပမှမိုဘိုင်းဖုန်းများကို ပြည်တွင်းသို့သယ်ဆောင် အသုံးပြုနိုင်ခဲ့ခြင်းဖြစ်ကြောင်း သိရသည်။ “အာဆီယံနိုင်ငံက ဖုန်းတွေနဲ့ ဂျပန်နိုင်ငံဖုန်းတွေ အသုံးပြုခွင့်ပေးခဲ့တာပါ။ ဘီလ်ကတော့ အင်တာနေရှင်နယ်ဘီလ်အနေနဲ့ပဲ ကောက်ခံမှာပါပဲ” ဟု၎င်းကပြောသည်။
အာဆီယံဆက်သွယ်ရေးနှင့် သတင်းအချက်အလက် နည်းပညာဆိုင်ရာ ၀န်ကြီးအဆင့်အစည်းအဝေးပွဲအတွက်ရည်ရွယ်၍ ပြည်ပမှမိုဘိုင်းဖုန်းများကို ပြည်တွင်း၌ အသုံးပြုခွင့်ပေးခဲ့ခြင်းဖြစ်ပြီး အဆိုပါမိုဘိုင်းကွန်ရက်ကို အစည်းအဝေးပြီးသည့်နောက်ပိုင်း၌လည်း အသုံးပြုခွင့်ဆက်လက်ပေးသွားမည်ဖြစ်ကြောင်း သိရသည်။
နေပြည်တော်နှင့် ရန်ကုန်၌ အသုံးပြုခွင့်ပေးခဲ့သည့် ပြည်ပမိုဘိုင်းဖုန်းကွန်ရက်သည် ဂျီအက်စ်အမ်မိုဘိုင်းဖုန်းကွန်ရက်ဖြစ်ပြီး ပြည်ပနိုင်ငံများမှ သယ်ဆောင်လာသည့် ဂျီအက်စ်အမ်မိုဘိုင်းဖုန်းများကို ပြည်တွင်း၌ အသုံးပြုနိုင်ခဲ့ခြင်းဖြစ်သည်။ “အာဆီယံနိုင်ငံတွေနဲ့ ဂျပန်နိုင်ငံက ဂျီအက်စ်အမ်မိုဘိုင်းဖုန်းတွေ ပြည်တွင်းမှာ အ၀င်ကောအထွက်ကော သုံးနိုင်ပါတယ်” ဟု ဆက်သွယ်ရေးမှ တာဝန်ရှိသူကပြောသည်။ ထပ်ဆင့်အစီအစဉ်အရ ပြည်ပမှသယ်ဆောင်လာသည့် ဂျီအက်စ်အမ်ဖုန်းများကို ဂျီအက်စ်အမ်နက်ဝက်ခ်ရှိရာမြို့တိုင်း၌ သယ်ဆောင်အသုံးပြုနိုင်ရန် ပြုလုပ်ဆောင်ရွက်သွားမည်ဖြစ်သည်။
- မြင့်ကျော်လှိုင် (အတွဲ ၁၂၊ အမှတ် ၄၈)


ကနဦးတပ်ဆင်ခ မြန်မာငွေနဲ့ (၁၅)သိန်းဝန်းကျင် (ဖုန်း+အင်တာနက်+ရုပ်သံ)

မြန်မာတွေဘာကြောင့်ဆင်းရဲသလဲ - မေတ္တာရှင် အရှင်ဇ၀န (ရွှေပြည်သာ)

မေတ္တာရှင် - ငါ သြစတြေးလျနိုင်ငံ ဆစ်ဒနီမြို့ကို တရားဟောကြွတော့ ဆစ်ဒနီက
ဗုဒ္ဓဘာသာ လူငယ်တွေက မြန်မာတစ်မျိုးသားလုံး သိသင့်တဲ့ မေးခွန်းတစ်ခု
မေးတယ်။ အဲဒီမေးခွန်းက -
 မြန်မာတွေဟာ အမြင့်မြတ်ဆုံးဖြစ်တဲ့ ဗုဒ္ဓဘာသာကိုလည်း ကိုးကွယ်ခွင့်ရတယ်။
ဒါနကုသိုလ်လည်း အများကြီးပြုကြတယ်။ အဲဒီနှစ်ချက်ကို ထောက်ကြည့်ရင်
မြန်မာတွေဟာ ကမ္ဘာမှာ အချမ်းသာဆုံး ဖြစ်သင့်တယ်။ ဒါပေမယ့် ထင်သလောက်
မချမ်းသာဘူး။ အဲဒါ ဘယ်အကြောင်းတွေကြောင့်လဲ တဲ့။
 သန်း - ဟာ သိပ်ကောင်းတဲ့ မေးခွန်းပဲ ဘုရား။ ဆရာတော်က ဘယ်လိုဖြေလိုက်လဲ ဘုရား။
 မေတ္တာရှင် - အကျဉ်းချုပ် ဖြေလိုက်တာက မြန်မာတွေဟာ ဗုဒ္ဓစကားကို
နားမထောင်ကြလို့ ဆင်းရဲနေကြတာလို့ ဖြေလိုက်တယ်။
 သန်း - အဲဒီလောက် ကျဉ်းလွန်းအားကြီးတော့လည်း ဘယ်နားလည်ပါ့မလဲ ဘုရား။
နည်းနည်းအကျယ်ချဲ့ ဖြေဦးမှပေါ့ ဘုရား။
 မေတ္တာရှင် - မြန်မာအများစု မကြီးပွါးခြင်း အကြောင်း ၁၁ ချက်ကို တွေ့ရတယ်။
အဲဒီ ၁၁ ချက်ကို ပြင်လိုက်လျှင်တော့ ကြီးပွါးချမ်းသာလာကြမှာ။ အဲဒီ ၁၁
ချက်က -
 ၁။ တကယ် လိုအပ်သော နေရတွင် မလှူဘဲ နာမည်ကြီးမည့် နေရတွင်သာ
စုပြုံလှူကြခြင်း။ ဥပမာအားဖြင့် စာသင်တိုက်တစ်တိုက်မှာ ကုဋီ (အိမ်သာ)
လိုနေတယ်။ ဒါပေမယ့် လှူမယ့်သူ မရှိဘူး။ ဘာကျတော့ လှူသလဲ ဆိုတော့
ဘုရားခန်းထဲမှာ ရုပ်ပွါးတော်တစ်ဆူ ရှိပြီးဖြစ်လျက်နဲ့ နောက်ထပ်
ရှစ်ဆူလောက် ထပ်လှူတော့ ဘုရားကိုးဆူဟာ ကျပ်ကျပ်တည်းတည်း
စံနေတော်မူကြရတယ်။
 ဗုဒ္ဓဘာသာအများစုဟာ ဘုရားဒကာ၊ ဘုရားအမသာ အမည်ခံချင်ကြတာ။ အိမ်သာဒကာ၊
အိမ်သာအမ အမည်မခံချင်ကြဘူး။ လှူတယ်ဆိုတာ ကိုယ့်အတွက် မဟုတ်ပါဘူး။
အလှူခံအတွက်ပါ။ ဒါကြောင့် အလှူခံ လိုအပ်တာကို ရွေးချယ်ပြီး လှူသင့်တယ်။
ကိုယ်လှူချင်တာကို ရမ်းပြီး မလှူသင့်ဘူး။
 ၂။ မြတ်စွာဘုရားက အင်္ဂုတ္တိရ်ပါဠိတော် ဇဏုသောဏိသုတ်မှာ သမ္မဒါလေးပါးနဲ့
ပြည့်စုံရင် ကြီးပွါးချမ်းသာမယ်လို့ ဟောခဲ့တယ်။ ဗုဒ္ဓဘာသာအများစုဟာ
တစ်ပါးမှ မပြည့်စုံဘူး။
 ၃။ ဘာသာရေးအပေါ်မှာထားတဲ့ မေတ္တာ စေတနာမျိုးကို စီးပွါးရေးအပေါ်မှာ
မထားကြလို့လည်း မြန်မာအများစုဟာ ကြီးပွါးသင့်သလောက် မကြီးပွားကြဘူး။
 ၄။ ပျင်းရိခြင်း အကုသိုလ်ကို ရောင့်ရဲခြင်းကုသိုလ်လို့ အထင်မှား
ကျင့်သုံးနေတဲ့အတွက်လည်း မြန်မာတွေဟာ ကြီးပွါးသင့်သလောက် မကြီးပွါးကြဘူး။
 ၅။ အတ္တသမာပဏီဓိ မင်္ဂလာချို့တဲ့လို့ တစ်နည်းအားဖြင့် မိမိကိုယ်မိမိ
ကောင်းတဲ့အလုပ်မှာ ဆောက်တည်နေနိုင်စွမ်း မရှိလို့လည်း မြန်မာအများစုဟာ
ကြီးပွါးသင့်သလောက် မကြီးပွါးကြဘူး။
 ၆။ အချိန်တန်ဖိုးကို မသိကြတဲ့အတွက်လည်း ကြီးပွါးသင့်သလောက်
မကြီးပွါးကြဘူး။ အချိန်တန်ဖိုး သိတဲ့သူများဟာ ဥစ္စာစည်းစိမ်ကို ရခြင်း၊
ကုသိုလ်တရားကို ရခြင်း၊ ပညာဗဟုသုတကို ရခြင်း အမျိုးမျိုးနဲ့ အချိန်ကို
တန်ဖိုးရှိစွာ အသုံးချတယ်။ အချိန်တန်ဖိုး မသိတဲ့သူများကတော့
မြူးထူးပျော်ပါးကစားခြင်း၊ ငြင်းခုံခိုက်ရန် စကားများခြင်း အချိန်ကို
တန်ဖိုးမဲ့စွာ အသုံးချတယ်။
 ၇။ ကိုယ့်ထက်သာလျှင် မနာလိုဖြစ်ပြီး သူတစ်ပါးအကျိုး ပျက်စီးအောင်
ဖျက်ဆီးတတ်ကြတယ်။ ဒီအချက်ဟာလည်း မြန်မာအများစု မကြီးပွါးခြင်းရဲ့
အကြောင်းတစ်ခုပဲ။ ကိုယ့်ထက်သာလို့ ဝမ်းသာရင် မုဒိတာလို့ ခေါ်တဲ့
ကုသိုလ်တရားဖြစ်တယ်။ ကိုယ့်ထက်သာလို့ မနာလိုဖြစ်ရင် ဣဿာဆိုတဲ့
အကုသိုလ်တရား ဖြစ်တယ်။
 ပညာရှိ ပညာမဲ့ဆိုတာ ဒီနေရာမှာ ကွဲသွားတာပဲ။ ပညာရှိက ကိုယ့်ထက်သာတဲ့
လူကိုတွေ့ရင် ဝမ်းမြောက်ခြင်းဆိုတဲ့ မုဒိတာကုသိုလ်ကို အရယူတယ်။ ပညာမဲ့က
ကိုယ့်ထက်သာတဲံသူကို တွေ့ရင် ဣဿာလို့ခေါ်တဲ့ အကုသိုလ်ကို အရယူတယ်။
ဒေါက်တာဘွဲ့ကြီး ရထားပါစေ၊ မနာလိုတတ်တဲ့သူဟာ ပညာမဲ့ပါပဲ။ ဘာအတန်းပညာမှ
မတတ်ရင် နေပါစေ၊ ကိုယ့်ထက်သာတဲ့ သူအပေါ်မှာ ဝမ်းမြောက်ရင် ပညာရှိပဲ။
 ဣဿာဖြစ်နေသလား၊ မုဒိတာဖြစ်နေသလား ဆိုတာ သူ့ရဲ့နှုတ်က ထုတ်ဖော်
အစီရင်ခံပါလိမ့်မယ်။ တော်တာကို တော်ပါတယ်လို့ လှိုက်လှိုက်လှဲလှဲ
ချီးမွမ်းစကားပြောရင် သူ့သန္တာန်မှာ မုဒိတာတရား ဖြစ်နေတယ်လို့ သိနိုင်တယ်။
မချီးမွမ်းဘဲ နှုတ်ဆိတ်နေခြင်း၊ မပြောပလောက်တဲ့ အားနည်းချက်ကို
ထောက်ပြပြီး အပြစ်ပြောနေခြင်းဟာ သူ့သန္တာန်မှာ ဣဿာဖြစ်တယ်လို့ ပြတာပါပဲ။

ပညာမဲ့က သူ့သန္တာန်မှာ ဣဿာတရားဖြစ်နေတယ် ဆိုတာကို သူတစ်ပါးရဲ့ အပြစ်ကို
အတုံးလိုက် အတစ်လိုက်ပြပြီး ထင်ထင်ရှားရှား ပြတယ်။ ပညာတတ်တွေကျတော့
သူတို့သန္တာန်မှာ ဖြစ်နေတဲ့ ဣဿာကို ထင်ထင်ရှားရှား မပြဘူး။ မသိမသာဘဲ
ပြတယ်။ ပညာတတ်က သူတို့သန္တာန်မှာ ဣဿာဖြစ်နေတာကို သူတစ်ပါး
သိသွားမှာကိုလည်း စိုးရိမ်တယ်။ အဲဒီတော့ ပညာတတ်က အောင်မြင်နေတဲ့
လူတစ်ယောက်ရဲ့ မပြောပလောက်တဲ့ အပြစ်ကလေးကို ခပ်ပါးပါး ထောက်ပြပြီး
အမှတ်ယူတတ်တယ်။ အပေါ်ယံ ကြည့်ရင်တော့ အောင်မြင်နေတဲ့ လူရော၊
သူ့နောက်လိုက်တပည့်တွေကိုပါ မှားမှာစိုးလို့ သတိပေးတဲ့ ပုံစံမျိုးပေါ့။
အမှန်က မိမိရဲ့ဣဿာကို သူတစ်ပါး မသိအောင် ခပ်ပါးပါး လှစ်ပြတာပါပဲ။
 ၈။ မြန်မာအများစု မကြီးပွါးခြင်းရဲ့ နံပါတ်ရှစ် အကြောင်းကတော့ စာပေဗဟုသုတ
မရှိတာပါပဲ။
 ၉။ နံပါတ် ၉ အကြောင်းကတော့ ဒေသန္တရဗဟုသုတ မရှိတာပါပဲ။ ဒါကြောင့်
စာပေဗဟုသုတရှိအောင် စာမျိုးစုံ ဖတ်သင့်ပြီး တစ်နှစ် တစ်ကြိမ်
ဒေသန္တရဗဟုသုတခရီးကို သွားသင့်ပါတယ်။
 ၁၀။ နံပါတ်တစ်ဆယ် အကြောင်းကတော့ ခေါင်းဆောင်စိတ် နည်းပါးတာပါပဲ။
ကောင်းတဲ့ အလုပ်ဆိုရင် မခိုင်းဘဲ လုပ်တာ။ အလုပ်ကို အများကြီး လုပ်ပြီး
အခွင့်အရေးကို နည်းနည်းယူတာတွေဟာ ခေါင်းဆောင်စိတ်ပါပဲ။
ဆန့်ကျင်ဘက်အားဖြင့် ခိုင်းမှ လုပ်တတ်တာ။ အလုပ်ကို နည်းနည်းလုပ်ပြီး
အခွင့်အရေး အများကြီးယူတာဟာ နောက်လိုက်စိတ် ခေါ် ကျွန်စိတ်ပါပဲ။
 ၁၁။ မြန်မာအများစု မကြီးပွါးခြင်းရဲ့ ၁၁ ခုမြောက် အကြောင်းကတော့
ကိုယ့်အားကိုယ်ကိုးလိုစိတ် နည်းပါးတာပါပဲ။ အနောက်တိုင်းနိုင်ငံ အများစုက
အရှေ့တိုင်းနိုင်ငံ အများစုထက် ချမ်းသာကြွယ်ဝနေရခြင်းရဲ့ အဓိကအကြောင်းဟာ
၁၈ နှစ်ပြည့်တာနဲ့ ကိုယ့်အားကိုယ်ကိုးပြီး စီးပွါးရေး အလုပ်လုပ်ကြလို့ပဲ။
အနောက်နိုင်ငံက လူငယ်တွေဟာ ၁၈ နှစ်ပြည့်ပြီးတာနဲ့ လူကြီးဖြစ်ပြီလို့
သတ်မှတ်ပြီး စီးပွါးရေးလုပ်ငန်း၊ တစ်နည်း ငွေဝင်တဲ့ လုပ်ငန်းတစ်ခုခုကို
မဖြစ်မနေ လုပ်ကြတော့တာပဲ။
 မြန်မာအမျိုးသမီးတစ်ဦး နယူးဇီလန်နိုင်ငံကို ပညာတော်သင် ရောက်သွားတယ်။
တစ်နေ့ ကိစ္စတစ်ခုရှိလို့ တက္ကစီ ငှားစီးသွားတယ်။ ကားမောင်းသမားလေးက အသက်
ငယ်ရွယ်သူလေး ဖြစ်နေလို့ ကျောင်းမတက်ဘူးလားလို့ မေးကြည့်တဲ့အခါ
ဆေးတက္ကသိုလ် နောက်ဆုံးနှစ် ကျောင်းသားဖြစ်နေတယ်။ မြန်မာအမျိုးသမီးဆိုတော့
မြန်မာပြည်ရဲ့ အလေ့အထအတိုင်း မိဘက မတတ်နိုင်လို့ တက္ကစီမောင်းနေရတာလို့
ထင်သွားတာပေါ့။
 သန်း - အဲဒီအတိုင်း ဟုတ်ပါသလား ဘုရား။
 မေတ္တာရှင် - ဘယ်ဟုတ်ရမှာလဲ။ မေးလိုက်တဲ့အခါ ဟိုက ဘယ်လို ပြောသလဲဆိုတော့
ကျွန်တော်တို့ နိုင်ငံရဲ့ အလေ့အထက အနောက်တိုင်းဆန်ပါတယ်။ ဒါကြောင့် ၁၈
နှစ် ပြည့်ပြီးတာနဲ့ မိဘကို အားကိုးပြီး မနေကြပါဘူး။ ကိုယ်ပိုင်လုပ်ငန်း
တစ်ခုခုလုပ်ပြီး ငွေရှာပါတယ်။ အဲဒီငွေနဲ့ ကျောင်းတက်ပါတယ်။ ၁၈ နှစ်
ပြည့်ပြီးရင် လူကြီးဖြစ်ပြီလို့ သတ်မှတ်ပါတယ်။ လူကြီးဘဝ ရောက်နေပြီ
ဖြစ်ရက်နဲ့ မိဘလုပ်စာ ထိုင်စားရမှာ မိဘလုပ်စာနဲ့ ကျောင်းတက်ရမှာကို
အင်မတန် ရှက်ကြပါတယ်။
 ၁၈ နှစ်ပြည့်ပြီး သူငယ်ချင်းတွေ တွေ့ကြတဲ့အခါ ဘာအလုပ် လုပ်သလဲလို့
မေးမြန်းနှုတ်ဆက်တတ်ပါတယ်။ ၁၈ နှစ်ပြည့်ပြီးသူ ဖြစ်ရက်နဲ့ စီးပွါးရေး
အလုပ်တစ်ခုမှ မလုပ်တဲ့သူကို လူရာမဝင်သူလို့ သတ်မှတ်ပြီး ဘယ်သူမှ
အပေါင်းအသင်း မလုပ်ကြပါဘူးလို့ အားရပါးရ ပြန်ပြောတယ်။
 သန်း - တပည့်တော်တို့ မြန်မာလူငယ်တွေနဲ့ ကွာလိုက်တာ ဘုရား။ ဒီမှာတော့
ကိုယ့်ကျောင်းစရိတ် ကိုယ်ရှာပြီး ကျောင်းတက်တဲ့လူကို ဆင်းရဲသားဆိုပြီး
ဝိုင်းအထင်သေးကြတယ်။ မိဘလုပ်စာစား၊ မိဘအိမ်က ကားနဲ့ စတိုင်ကျကျ
ကျောင်းတက်နိုင်သူကိုမှ သူဌေးဆိုပြီး အထင်ကြီးကြတယ်။
 မေတ္တာရှင် - အေး ဟုတ်တယ်။ မြန်မာ အများစုဟာ ဂုဏ်မယူသင့်တာတွေကို
ဂုဏ်ယူပြီး ဂုဏ်ယူသင့်တာကို ဂုဏ်မယူတဲ့အတွက် ကြီးပွါးသင့်သလောက်
မကြီးပွါးကြတာဘဲ။
~~~
မေတ္တာရှင်(ရွှေပြည်သာ)၏ လူငယ်များအတွက် ဂမ္ဘီရဝိပဿနာ -
အောက်ပါ Link မှကူးယူဖော်ပြပါသည် ။http://strawberrywine.ning.com/profiles/blogs/6248351:BlogPost:63097 

တိရစ္ဆာန်လောက ပညာရေး

ဟိုးရှေးရှေးတုန်းက တောအုပ်တစ်ခုထဲမှာ တိရစ္ဆာန်တွေ စုဝေးနေထိုင်ကြသတဲ့။ အမျိုးအစားပေါင်းစုံ၊ အရွယ်အစားပေါင်းစုံ၊ အရောင်အသွေးပေါင်းစုံ တိရစ္ဆာန်မျိုးစုံဟာ သဘာဝတရားကြီးက ပေးသနားလာတဲ့ ဖြစ်တည်မှုတစ်ခုအောက်မှာ စည်းလုံးညီညွတ်စွာနဲ့ နေထိုင်ကြပါတယ်။ တစ်ကောင်အပေါ်တစ်ကောင် နားလည်မှုတွေနဲ့ မှီခိုအားထား ပွားများနေကြတယ်။ တိရစ္ဆာန်တွေဆိုတော့ ကြီးနိုင် ငယ်ညှင်းဝါဒတွေလည်း ရှိကောင်း ရှိနိုင်တာပေါ့။
ဒါပေမယ့် တိရစ္ဆာန်လောကပဲလေ ဒါတွေဟာ ပြဿနာမဟုတ်ပါဘူး။ မြက်စားတဲ့ အကောင်တွေကမြက်စား၊ အသားစားတဲ့အကောင်တွေကအသားစား ဒါလည်း သူတို့လောကမှာ ပြဿနာ မဟုတ်ကြဘူး။ မြက်စားတဲ့အကောင်တွေက မြက်စားဖို့ဖြစ်တည်လာတာ၊ အသားစားတဲ့ အကောင်တွေက အသားစားဖို့ ဖြစ်တည်လာတာပဲဆိုပြီး သဘာဝတရားကို ကျေနပ်စွာ လက်ခံရင်းနေထိုင်ကြတယ်။ ဘာပြောပြော ကိုယ့်မျိုးနွယ်ကို ပွားများအောင် ထိန်းသိမ်းစောင့်ရှောက်ရင်း ဒီတောကြီးကို မှီခိုအားထားနေထိုင်ကြတယ်။
အဲဒီတောအုပ်ကြီးထဲမှာ ကျောင်းတစ်ကျောင်းရှိတယ်။ “တိရစ္ဆာန်အားလုံးအတွက်ပညာရေး” ဆိုတဲ့မူနဲ့ အကောင်အထည်ဖော်နေတယ်။ ဘယ်တိရစ္ဆာန်မဆို ကျောင်းကိုရောက်လာရင် အတူတူပဲဆိုတဲ့မူကို လက်ကိုင်ထားတယ်။ တိရစ္ဆာန်လောကသားချင်း ခွဲခြားတဲ့စိတ်ဓာတ်တွေမရှိရဘူး။ အပြန်အလှန်လေးစား တန်ဖိုးထားပြီး သင့်မြတ်စွာ ပညာသင်ကြားကြရတယ်။
ကျောင်းရဲ့ သင်ရိုးညွှန်းတမ်းကိုလည်း ပညာရေးကျွမ်းကျင်တဲ့ တိရစ္ဆာန်တွေက ရေးဆွဲထားတယ်။ ကိုယ့်မျိုးနွယ်အုပ်စုအလိုက် ရွေးကောက်တင်မြှောက်ပေးလိုက်တဲ့ ပညာရှင်ဆိုသူတွေကို တိရစ္ဆာန်ဘုတ် ကော်မီတီဖွဲ့စည်းပေးပြီး အဲဒီတိရစ္ဆာန်တွေက ပညာရေးမှာ ဘာတွေသင်ကြားပေးရမယ်ဆိုတာ သတ်မှတ် ပြဌာန်းပေးကြတယ်။
တိရစ္ဆာန်လောကပညာရေးအတွက် ဘုတ်အဖွဲ့က အောက်ပါအတိုင်း သင်ရိုးညွှန်းတမ်းကို ရေးဆွဲပြဌာန်းကြ ပါသတဲ့။ ဒါကိုပဲ ပညာရေးအနာဂတ်ပန်းတိုင်ဆိုပြီး သတ်မှတ်ထားတယ်။
၁။ အသက်ရှင်နေထိုင်ရေးအတွက် ပညာရေးဖြစ်ရမည်
          အသက်ရှင်နေထိုင်ရန်အတွက် အစားအစာလိုအပ်သည်။ ထို့ကြောင့် ကျွန်ုပ်တို့ (တိရစ္ဆာန်တို့) ပညာရေးကို ထူးချွန်ထက်မြက်စွာ အမဲလိုက်နိုင်ရေး၊ အစားအစာရှာဖွေစုဆောင်းနိုင်ရေးအား ဦးစားပေး သင်ကြားနိုင်သော ပညာရေးမျိုးဖြစ်စေရမည်။
၂။ ကိုယ့်မူဝါဒ ကိုယ့်အစွမ်းအစဖြင့် ပျော်ရွှင်စွာအတူလက်တွဲနေထိုင်နိုင်သော တိရစ္ဆာန်ဘောင်ကြီးကို ထူထောင်နိုင်စွမ်းရှိသည့် ပညာရေးဖြစ်ရမည်
          တိရစ္ဆာန်အားလုံးတို့သည် ဘ၀ပေးကံကြောင့် တစ်ကောင်နှင့်တစ်ကောင် မတူညီကြပေ။ ထို့ကြောင့် အားကြီးသူနှင့် အားနည်းသူဟူ၍ ကွဲပြားစွာဖြစ်တည်လာကြရသည်။ မိမိဘ၀ကို ကျေနပ်သူ၊ မကျေနပ်သူ၊ ပျော်ရွှင်သူ၊ မပျော်ရွှင်သူဟူ၍လည်း ကွဲပြားလာနိုင်ပေသည်။ သို့ဖြစ်ရာ ကိုယ်ကျိုးစွန့် အနစ်နာခံစိတ်၊ တစ်ကောင်အပေါ်တစ်ကောင် ယိုင်းပင်းကူညီချင်စိတ်များ ဖြစ်ပေါ်လာစေနိုင် ပညာရေးမျိုး ဖြစ်စေရမည်။
၃။ တိရစ္ဆာန်ဘောင်အတွင်း မှီတင်းနေထိုင်ကြသူအပေါင်းအတွက် လိုအပ်ချက်ကိုဖြည့်ဆည်းပေးနိုင်သည့် ပညာရေးမျိုးဖြစ်ရမည်
          ကျွန်ုပ်တို့တိရစ္ဆာန်လောကဆိုသည်မှာ သဘာဝဘေးများနှင့်ပြည့်နေသော တောအုပ်ကြီးထဲတွင် အကွယ်အကာမဲ့စွာ နေထိုင်ကြရသဖြင့် ကျွန်ုပ်တို့ဘ၀ရပ်တည်နိုင်ရေးအတွက် ခေါင်းဆောင်ကောင်းများ ပေါ်တွင် မှီခိုအားထားနေကြရပါသည်။ သို့ဖြစ်ရာ အနာဂတ်အတွက် ခေါင်းဆောင်ကောင်းများ မွေးထုတ် ပေးနိုင်သည့် ပညာရေးမျိုးဖြစ်လာစေရန် ဦးတည်ရမည်ဖြစ်သည်။
ထို့ကြောင့် ကျွန်ုပ်တို့ကျောင်းမှ ပညာ ဆုံးခန်းတိုင်အောင် သင်ကြားပြီးနောက်၊ ကျောင်းမှထွက်ခွာသွားသူတိုင်းသည် မိမိမျိုးနွယ်စုတို့အတွက် ခေါင်းဆောင်ကောင်းများ အလိုအလျောက်ဖြစ်သွားရန် ရည်ရွယ်ပါသည်။ ထို့ကြောင့် တိရစ္ဆာန်ဆန္ဒ (အိပ်-စား-ကာမ) ဤသုံးဝဖြင့် သာယာသော တိရစ္ဆာန်ဘောင်ကြီးထူထောင်နိုင်သော ပညာရေးမျိုးဖြစ်စေရမည်။
တိရစ္ဆာန်ပညာရှင်ကြီးတွေက အထက်ပါပညာရေးဆိုင်ရာ မူဝါဒတွေ၊ သဘောတရားတွေ၊ ပန်းတိုင်တွေ၊ ရည်မှန်းချက်တွေကိုချပြီး “လက်တွေ့ဘ၀ ကျွမ်းကျင်မှု ၅ ရပ်” သင်ရိုးညွှန်းတမ်းကို သတ်မှတ်ပြဌာန်း လိုက်ကြပါတယ်။ ပညာရှင်များချမှတ်လိုက်တဲ့ ဘ၀တစ်သက်တာ ကျွမ်းကျင်စရာ ၅ ရပ်ဆိုတာကတော့
၁။ အမြန်ဆုံး ပြေးနိုင်ရေး
၂။ အမြင့်ဆုံး ခုန်နိုင်ရေး
၃။ ခြေသံလုံလုံ လျှောက်နိုင်ရေး
၎။ သားကောင်ကို ခုန်အုပ်နိုင်ရေး
၅။ အမဲဖျက် စားသောက်တတ်ရေး တို့ပဲဖြစ်ပါတယ်။
ဒီပညာရပ်တွေကို သင်ကြားပေးရာမှာ ဆရာက လက်တွေ့မပါတဲ့ စာတွေနဲ့ သဘောတရားသက်သက် သင်ကြားတာမျိုးကို ပညာရှင်တွေက အားမပေးဘူး။ ဒါကြောင့် စာတွေ့လည်းသင်၊ သရုပ်ပြတာတွေလည်း လုပ်၊ လက်တွေ့လည်းလေ့ကျင့်ကွင်းဆင်းခိုင်းတာတွေကို ပညာသင်ကြားနေစဉ်ကာလတစ်လျှောက်လုံး ကျင့်သုံးလိုက်နာကြရတယ်။
တိရစ္ဆာန်ပညာရေးအတွက် သင်ရိုးညွှန်းတမ်းတွေဟာ ပြုပြင်ပြောင်းလဲသင့်ရင် ပြုပြင်ပြောင်းလဲမယ်၊ ပုံသေ နည်းကျ တစ်သမတ်တည်းမထားဘူးလို့လည်း စီစဉ်ထားကြတယ်။ တိရစ္ဆာန်တစ်ကောင်ရဲ့ အရည်အချင်း အလိုက် အတန်းတစ်တန်းကို ပညာသင်နှစ်မကုန်မီမှာပဲ အခြားတစ်တန်းကို ပြောင်းလဲတက်စေနိုင်အောင် လည်း စီစဉ်ထားတယ်။ တိရစ္ဆာန်တစ်ကောင်ဟာ လက်ရှိတက်နေတဲ့အတန်းမှာ အစွမ်းအစလည်းပြနိုင်၊ ကိုယ်သင်ယူနေတဲ့ ဘာသာရပ်မှာ ကျွမ်းကျင်ပိုင်နိုင်တယ်လို့ သတ်မှတ်ခြင်း ခံရရင် အချိန်တိုအတွင်း ဘွဲ့ရ သွားအောင် သတ်မှတ်ပေးနိုင်တယ်။ အချိန်တိုအတွင်း အုပ်စုခေါင်းဆောင်တွေ ပြန်လုပ်ခွင့်ရမယ်ဆိုတဲ့ သဘောပါ။
သင်ရိုးတွေက ကျား၊ ခြင်္သေ့၊ မြေခွေး၊ ၀ံပုလွေတွေအတွက် အထူးရေးဆွဲထားတဲ့ သင်ရိုးမျိုးတွေဖြစ်နေတာ ကြောင့် အဲဒီ တိရစ္ဆာန်တွေပဲ အမြန်ဆုံးဘွဲ့ရ၊ အမြန်ဆုံးကျောင်းထွက်၊ အမြန်ဆုံး ခေါင်းဆောင်တွေ ဖြစ်လာ ကြတယ်။ အခြားတိရစ္ဆာန်တွေဖြစ်တဲ့ ကြက်၊ မြွေ၊ ကြွက်၊၊ ပက်ကျိတွေအတွက်ကတော့ ပညာရေးမှာ ပြဿနာတွေ တက်ကြရတယ်။ အဲဒီအကောင်တွေဟာ ကျောင်းလည်းမပြီး၊ ပညာလည်းမထူးချွန်သူတွေ အဖြစ်အမြဲသတ်မှတ်ခြင်းခံရတာကြောင့် ခေါင်းဆောင်တွေလည်း ဖြစ်မလာနိုင်ကြပါဘူး။ ဒါကြောင့်လည်း တိရစ္ဆာန်လောကမှာ သူတို့ဟာ ဒုတိယတန်းစားတွေ (နောက်လိုက်တွေ) အနေနဲ့သာ နေထိုင်ကြရတယ်။
ဒီလိုနဲ့ တိရစ္ဆာန်လောကကြီး ကာလကြာရှည်စွာ ရှိနေခဲ့ပါတယ်။ တစ်နေ့တော့ ဒုတိယတန်းစားလို့ သတ်မှတ်ခြင်းခံရတဲ့ တိရစ္ဆာန်တွေထဲကတစ်ကောင်က သည်းမခံနိုင်တော့တဲ့အဆုံးမှာ ပေါက်ကွဲပါတော့ တယ်။ ဒုတိယတန်းစားတွေကြီးစုဝေးပြီး ညီလာခံတစ်ခု ကျင်းပကြတယ်။ ဘာကြောင့် ဒီလိုဖြစ်နေရသလဲ ဆိုတာကို စုပေါင်းပြီး အဖြေရှာကြတယ်။
ကြက်ဆင်တစ်ကောင်က
“ဒါ ပညာရေးမှာ ပြဌာန်းထားတဲ့ သင်ရိုးညွှန်းတမ်းကြောင့်ပါ။ ဒီ သင်ရိုးက မမျှတပါဘူး။ သင်ရိုးအရ ပညာ ရည်အကဲဖြတ်မှုဟာ သူတို့ပထမတန်းစားဆိုတဲ့မျိုးနွယ်တွေအတွက် အလေးပေးထားတဲ့ ပညာရေးမျိုးဖြစ် နေတယ်။ ဥပမာ ခင်ဗျားတို့ကြည့်။ မြင့်မြင့်ခုန်၊ မြန်မြန်ပြေးဆိုတဲ့သင်ရိုးတွေဟာ ကျုပ်တို့အတွက် ရည်စူး ထားတာတွေ မဟုတ်ဘူး။ ဒါကြောင့် ခြေနှစ်ချောင်းတွေက ခြေလေးချောင်းတွေကို မယှဉ်နိုင်ဘူး” လို့ ပြော လိုက်တယ်။
မြွေစိမ်းတစ်ကောင်ကလည်း
“မှန်တယ်။ ကျုပ်တို့အတွက်ဆိုရင် ပိုဆိုးတာပေါ့။ ကျုပ်တို့မှာ ခြေထောက်တွေမှ မပါတာ”
ပက်ကျိမကလည်း ဒေါသတွေပေါက်ကွဲပြီး
“ကိုမြွေပြောတာ ကျွန်မထောက်ခံတယ်။ အဲဒီပြဌာန်းထားတဲ့ သင်ရိုးတွေဟာ ကျွန်မတို့ကို စော်ကားထားသလို တောင်ဖြစ်နေသေးတယ်”
ကြွက်ကတစ်ခါ
“ကျွန်တော်တို့လို ကြွက်တွေအတွက် သားကောင်ကို ချောင်းမြောင်းတယ်ဆိုတာ အပိုတွေပါ။ ကျွန်တော်တို့ ကသာ သူများတွေကစားဖို့ ချောင်းမြောင်းခံနေရတာ”
ငှက်နက်လေးတစ်ကောင်က
“ရှင်တို့သတိထားမိကြသလားတော့မသိဘူး။ သင်ရိုးညွှန်းတမ်းမှာ သီချင်းဆိုခြင်းနဲ့ တီကောင်ဖမ်းနည်းတွေ ထည့်မထားတော့ ကျွန်မတို့နဲ့ ဘယ်လိုမှ အဆင်မပြေပါဘူး”
ကြက်ဆင်ကြီးက
“ဒီပြဿနာကို ဖြေရှင်းနိုင်မယ့် နည်းလမ်းတစ်ခုခုတော့ ရှာရမယ်။ ဒါကြောင့် တိရစ္ဆာန်တိုင်းအတွက်မဟုတ် တဲ့ပညာရေးအစား ငါတို့ ဒုတိယတန်းစားတွေအတွက်ပါ အဆင်ပြေစေနိုင်တဲ့ ပညာရေးမျိုးကို ထူထောင်ကြ မယ်။ ပညာရေးလမ်းခွဲမယ်။ ကိုယ်ပိုင်ပညာရေး၊ ကိုယ်ပိုင်သင်ရိုးညွှန်းတမ်းတွေပြဌာန်းပြီး သင်ကြမယ်။ ကိုယ်ပိုင်ကျောင်းတွေထောင်ကြမယ်။ ဒီအကြောင်းကို ဇီးကွက်ကတစ်ဆင့် တိရစ္ဆာန်အပေါင်းသိစေရန် ကြေညာချက်ထုတ်ပြန်လိုက်”
ပိုးစုန်းကြူးကလည်း ၀မ်းမြောက်စွာနဲ့
“ကောင်းတယ်၊ ထောက်ခံတယ်၊ ကဲ ကျားသစ်ရေ ရှင် ကျွန်မတို့လို ဖင်ကနေ အရောင်တောက်ပြနိုင်မလား ကြည့်ကြသေးတာပေါ့”
ဒီအချိန်မှာ တစ်ကောင်က
“ကောင်းပါပြီ .. ကောင်းပါပြီ .. ဒါဆိုရင် ဒီအဖွဲ့အတွက် ဘယ်သူက ခေါင်းဆောင်လုပ်မှာလဲ”
“ဟေး … ကောင်းလိုက်တာ။ ခုဆိုရင် တို့ဘာသာတို့ ခေါင်းဆောင်လုပ်နိုင်ပြီဟေ့”
ဒုတိယတန်းစားမျိုးနွယ်တို့ဟာ ပျော်ရွှင်မြူးတူးစွာ အော်ဟစ်ကြပြီးနောက် ခုန်ပေါက်နေကြတယ်။
မကြာမီမှာပဲ သူတို့ ကော်မီတီကို သီးခြားဖွဲ့စည်းလိုက်တယ်။ သူတို့ပညာရေးအတွက် သင်ရိုးသစ်ကို ရေးဆွဲ ကြတယ်။ ကော်မီတီဝင်တွေက မူဝါဒတွေ၊ သဘောတရားတွေ၊ စည်းမျဉ်းတွေအသီးသီးကို လေ့လာကြပြီး တဲ့နောက်မှာ နည်းဗျူဟာတွေ၊ မဟာဗျူဟာတွေချမှတ်ပြီး စီမံကိန်းတွေနဲ့ အကောင်အထည်ဖော်ဖို့ သဘော တူကြတယ်။ သူတို့မူဝါဒမှာ တိရစ္ဆာန်အဆင့်အတန်းအလိုက်၊ ခံယူနိုင်စွမ်းအလိုက်ပညာသင်ကြားရေးကို ဦးစားပေးရန်ဆိုတာကို မဖြစ်မနေထည့်သွင်းလိုက်ကြတယ်။ ကိုယ့်နည်းကိုယ့်ဟန်ဖြင့် ဘွဲ့ရပညာတတ်ဖြစ် ရေးဟာ ဒုတိယတန်းစားတွေအတွက် ပညာရေးပန်းတိုင်ဖြစ်ပါတယ်။
လိပ်က
“တကယ့်ကိုကောင်းတဲ့ သင်ရိုးညွှန်းတမ်းကြီးပဲ။ ဒါပေမယ့် ကျောင်းက သိပ်ဝေးလွန်းနေတယ်။ ဒါကြောင့် ကျောင်းကိုရောက်ဖို့ ကျွန်တော့်အတွက် သိပ်မလွယ်ဘူးဖြစ်နေတယ်။ ကျောင်းပြီးလို့ အိမ်ပြန်လည်း မိုးချုပ်မှ ရောက်လိမ့်မယ်။ ဒါဆိုရင် ကျွန်တော့်အနေနဲ့ ပညာရေးနဲ့လည်း အလှမ်းဝေးမယ်။ ဘွဲ့လည်းမရနိုင်၊ ခေါင်းဆောင်လည်း မဖြစ်နိုင်တော့ဘူးပေါ့”
သာလိကမကလည်း
“ကျွန်မလည်း ဒီအတိုင်းပဲ။ ရှင်တို့ကျောင်းတက်နေချိန်မှာ ကျွန်မက ကလေးတွေအတွက် အစာရှာနေရ သေးတယ်။ အဲဒီအချိန်မှာ ကျွန်မကျောင်းလာမတက်နိုင်ဘူး။ ကျွန်မအတွက် ပညာရေးကို သီးသန့် မစီစဉ် ပေးနိုင်ဘူးလား”
ဒီလို တစ်ကောင်ပြီးတစ်ကောင် ငြင်းခုန်ဝေဖန်ဆွေးနွေးမှုများကြားကနေ ပညာရေးဆိုင်ရာ ဒုတိယတန်းစား များအတွက် သင်ရိုးညွှန်းတမ်းကြီးကို အောင်မြင်စွာရေးဆွဲပြီးသကာလ ပြဌာန်းနိုင်လိုက်ကြပါတယ်။ တိရစ္ဆာန်တိုင်းက ပညာရေးမှာ “အဝေးသင်”၊ “ကိုယ်တိုင်သင်”၊ “အစဉ်အလာအတိုင်းသင်” ဆိုတာတွေကိုပါ တောင်းဆိုကြတာနဲ့ “တိရစ္ဆာန်တိုင်းအတွက် လိုအပ်ချိန်တွင်၊ လိုအပ်သည့်ပညာရပ်ကို၊ လိုအပ်သလို သင်ကြားပေးရန်” ဆိုတာကိုပါ ထည့်သွင်းပြဌာန်းထားလိုက်ကြပါတယ်။
သင်ရိုးသစ်ကို တိရစ္ဆာန်တွေအများစုက ကြိုဆိုထောက်ခံကြတယ်။ ပညာရေးစနစ်သစ်က တိရစ္ဆာန်တိုင်း အတွက် ဘွဲ့ရပညာတတ်တွေဖြစ်လာပြီး ခေါင်းဆောင်တွေဖြစ်လာနိုင်တယ်ဆိုပြီး တိရစ္ဆာန်မီဒီယာကလည်း ထောက်ခံအော်ဟစ်ပေးကြတယ်။ “ပညာရေးတိရစ္ဆာန်တိုင်းနဲ့မဝေး” ဆိုတာတွေ မျက်နှာဖုံးသတင်းတွေ အဖြစ်ပါလာတယ်။ မီဒီယာပြန်ကြားရေးကို တာဝန်ယူထားရတဲ့ ဇီးကွက်ကြီးရဲ့ပုံကို မတွေ့ချင်မှအဆုံးဖြစ် လာရတယ်။
“အစဉ်အလာပညာရေးလမ်းကြောင်းက တိရစ္ဆာန်တိုင်း ပညာတတ်ဖို့မလွယ်ဘူး။ ဘွဲ့ရသွားဖို့လည်း မလွယ်ဘူး။ ဒါကြောင့် ပညာတတ်တွေဖြစ်မလာတော့ ခေါင်းဆောင်တွေလည်း ဖြစ်မလာတော့ဘူးပေါ့။ ဒါကို ကုစားဖို့ ကျွန်တော်တို့ တီထွင်ပြဌာန်းလိုက်တာ” လို့ ဇီးကွက်က မီဒီယာကို ထုတ်ပြန်တယ်။
ကြက်ဆင်ကလည်း
“ပညာရေးစနစ်ဟောင်းက မမျှတပါဘူး။ ကျောင်းပြီးဘွဲ့ရမှ ခေါင်းဆောင်ဖြစ်ကြရမယ်ဆိုတော့၊ ကျောင်းမပြီး ဘွဲ့မရသူတွေအတွက် အခွင့်အလမ်းတွေနဲ့ ဝေးပြီပေါ့။ ခု ဒါမျိုးတွေ မရှိတော့ဘူး” လို့ပြောတယ်။
ကြွက်က
“ မှန်တာပေါ့။ ကျူပ်တို့နှစ်ပေါင်းများစွာ အလှည့်စားခံခဲ့ကြရတာ။ ဒါကြောင့် သင်ရိုးဟောင်းကြီးကို တော်လှန်ပစ်ရမယ်။ စနစ်ဟောင်းက ကျုပ်တို့ကို စနစ်တကျဖျက်ဆီး နှိမ်ထားနိုင်အောင် စီစဉ်ထားတာ။ ဒါ တိရစ္ဆာန်အခွင့်ကို ချိုးဖောက်တာ”
သာလိကာမကလည်း
“ခေါင်းဆောင်ဖြစ်ခွင့်အရေး တိရစ္ဆာန်တိုင်းရဲ့ အခွင့်အရေးလို့ ကြွေးကြော်ပေးကြပါ”
ပက်ကျိက
“တောင်းဆိုပြီး အော်နေတာတော့ ဟုတ်ပါပြီ။ အဲဒီ အခွင့်အရေးကို ဘယ်သူတွေက အာမခံချက်ပေးမလဲ”
ဒီလိုနဲ့ ဒုတိယတန်းစားအုပ်စုဝင် တိရစ္ဆာန်တွေဟာ တောအုပ်မျိုးနွယ်စုကော်မီတီခေါင်းဆောင်တွေထံ ချီတက်ပြီး မိမိတို့ဆန္ဒကိုဖော်ထုတ်ပြကြတယ်။ အဲဒီကော်မီတီမှာ တိရစ္ဆာန်ပညာရှင်တွေ၊ ပညာရေးဆိုင်ရာ သင်ရိုး ညွှန်းတမ်းရေးဆွဲရေးကော်မီတီဝင်တွေလည်း ရှိနေကြတယ်။
ကြက်ဆင်က အဖွဲ့ကိုယ်စား
“ကျွန်တော်တို့ အခု ဒီကိုရောက်လာကြတာ ခင်ဗျားတို့ရဲ့ တရားမမျှတတဲ့ ခေါင်းဆောင်မှုကို ဆန္ဒပြဖို့ဖြစ် ပါတယ်။ ကျွန်တော်တို့ ပြုပြင်ပြောင်းလဲရေးကို အလိုရှိပါတယ်။ ကျွန်တော်တို့ ပြုပြင်ပြောင်းလဲမှုတွေ လုပ်နေပါတယ်။ အဲဒါကို အသိအမှတ်ပြုပေးကြပါ။ ကျွန်တော်တို့မှာ ပညာရေးတန်းတူညီမျှခွင့်ရှိပါတယ်။ ခံစားပိုင်ခွင့် အခွင့်အရေးတွေလည်းရှိတယ်။ ကျွန်တော်တို့ကိုလည်း ခေါင်ဆောင်ပိုင်းမှာ ပါဝင်ခေါင်းဆောင် နိုင်ခွင့်ပေးဖို့ တောင်းဆိုပါတယ်” ဟုပြောလိုက်သည်။
ကြက်ကလည်း
“ကျွန်တော်တို့ ရပိုင်ခွင့်ကို အခွင့်အရေးတစ်ခုအနေနဲ့ တောင်းဆိုပါတယ်။ ကဲ တိရစ္ဆာန်ကြီးမင်းတို့က ဘယ်လိုဖြည့်ဆည်းပေးမှာလဲ။ သဘာဝတရားအရ၊ အခြေအနေအရ မဖြစ်နိုင်ဘူးလို့တော့ ဆင်ခြေမပေးပါနဲ့။ တိရစ္ဆာန်အခွင့်အရေးအရ တိရစ္ဆာန်တိုင်း ခေါင်းဆောင်ဖြစ်ပိုင်ခွင့်ရှိတယ်။ အားလုံးသဘောမတူ မထောက်ခံရင် လည်း ခင်ဗျားတို့ ခေါင်းဆောင်ဖြစ်ပိုင်ခွင့် မရှိသင့်ဘူး”
ထိုအချိန်တွင် မြေခွေးကထပြီး
“မင်းတို့လို ခြေနှစ်ချောင်းတွေကများ ရာရာစစ” ဟုပြောလိုက်သည်။
ကြက်ဆင်က မြေခွေးကို ယဉ်ကျေးစွာဖြင့်
“ရာရာစစဆိုတဲ့စကားကို မသုံးပါနဲ့။ အားလုံးတန်းတူအခွင့်အရေးတွေရှိပါတယ်။ ခင်ဗျားလည်း ခင်ဗျားတို့ အတွက် သတ်မှတ်တဲ့ပညာရေးနဲ့ ဘွဲ့ရပိုင်ခွင့်ရှိသလို၊ ကျုပ်တို့လည်း ကျုပ်တို့သတ်မှတ်ထားတဲ့ ပညာရေးနဲ့ ဘွဲ့ရပိုင်ခွင့်ရှိပါတယ်။ နောက်ဆုံးပန်းတိုင်က ပညာတတ်ဖြစ်ရေးဆိုရင် အဲဒါကို ကိုယ့်နည်းကိုယ်ဟန်နဲ့ အကောင်အထည်ဖော်ခွင့်ရှိသင့်ပါတယ်”
မြေခွေးက
“မဖြစ်နိုင်တာကို မပြောကြနဲ့။ မင်းတို့လည်း မင်းတို့နည်း မင်းတို့ပညာ မင်းတို့ကျောင်းနဲ့ ဘွဲ့ရတွေဖြစ်လာ။ ငါတို့လည်း ငါတို့နည်းတွေနဲ့ ဘွဲ့ရလာတယ်ဆိုရင် စံဆိုတာ ဘယ်လိုသတ်မှတ် ရတော့မှာလဲ။ ငါတို့အတိုင်း မလုပ်နိုင်တဲ့ ပညာရေးကို ပညာရေးလို့ သတ်မှတ်ပြီး ဘွဲ့ပေးရမှာလား” လို့ပြန်ပြီးရန်ထောင်တယ်
ကြက်ဆင်က မခံမရပ်နိုင်ဖြစ်လာလို့ စားပွဲပေါ် ခုန်တက်လိုက်ပြီး မြေခွေးကို မျက်နှာချင်းဆိုင်လိုက်တယ်။ ပြီးမှ အားလုံးကြားအောင်
“ကောင်းပြီလေ ဒါဆိုရင် ဘယ်လိုများ တန်းတူညီမျှတဲ့ အခွင့်အရေးရအောင် လုပ်ဆောင်ပေးနိုင်မယ်ဆိုတာ ပညာရှိမြေခွေးမင်းက ပြောကြားစမ်းပါအုံး”
မြေခွေးက သွားဖြဲပြလိုက်ပြီး အစွယ်တွေကိုပါထုတ်ပြလိုက်တယ်။ ပြီးမှ
“ဒီမှာလေ ငါတို့မှ အစွယ်တွေရှိတယ်။ မင်းတို့မှာ အစွယ်တွေရှိသလား။ ဒါဆိုရင် တန်းတူညီမျှခွင့်တွေ တောင်းဆိုဖို့ ဖြစ်နိုင်သလား”
ပြောပြောဆိုဆိုနဲ့ မြေခွေးဟာ ကြက်ဆင်အပေါ် ခုန်အုပ်လိုက်ပြီး တစ်စစီ ဆွဲဖျက်ကာ အားလုံးရှေ့မှာ တကျွတ်ကျွတ် ၀ါးစားလိုက်တယ်။
အဲဒီအချိန်ကစပြီး ပညာရေးမှာ တန်းတူညီမျှအခွင့်အရေးအော်သံတွေ ပျောက်ဆုံးသွားတယ်။ တိရစ္ဆာန်တွေ လည်း ပိုနေမြဲ ကျားနေမြဲဝါဒကို ဆက်လက်ကျင့်သုံးပြီး မူလအတိုင်းနေထိုင်ကြတယ်။
ဒါကြောင့် အစဉ်အလာမဟုတ်တဲ့ပညာရေးပြုပြင်ပြောင်းလဲမှုတွေကို တိရစ္ဆာန်တွေ မလုပ်ကြတော့ဘူး။ စားသူနဲ့ အစားခံ၊ ကြီးနိုင်ငယ်ညှင်းဝါဒ ဆက်လက်ထွန်းကားတယ်။ အင်အားရှိသူ၊ အပြေးမြန်သူ၊ အမြင့်ခုန် နိုင်သူတွေ ဆက်လက်ကြီးစိုးတယ်။ တောအုပ်ထဲမှာ အင်အားရှိသူ၊ အပြေးမြန်သူ၊ အမြင့်ခုန်နိုင်သူတွေ ဆက်လက် ကြီးစိုးတယ်။ တောအုပ်ထဲမှာ ဒီအတိုင်းပဲရှိနေတယ်။
ပုံပြင်လေးကတော့ ဒါပါပဲကွယ်။
တင်ညွန့်

ယနေ့ အိန္ဒိယ ရင်ဆိုင်နေရသော အခက်အခဲများ

အိန္ဒိယနိုင်ငံသည် ကမ္ဘာပေါ်တွင် အဆင်းရဲဆုံး နိုင်ငံတခုဖြစ်သည်။ အိန္ဒိယနိုင်ငံသည် စိတ်ပိုင်းဆိုင်ရာသာ ဆင်းရဲသော နိုင်ငံ မဟုတ်၊ လူမှုရေး အနေဖြင့်သာ ဆင်းရဲသောနိုင်ငံမဟုတ်၊ ဘာသာရေးအရသာ ဆင်းရဲသော နိုင်ငံမဟုတ်၊ အလုံးစုံဆင်းရဲ သောနိုင်ငံဖြစ်ပါသည်။
အိန္ဒိယနိုင်ငံသည် ဆင်းရဲသောနိုင်ငံအဖြစ်သော်လည်း မည်မျှအထိ ဆင်းရဲသည်ကို ဘယ်သူမှ သေချာ မသိရှိပေ။ အိန္ဒိယနိုင်ငံ တွင် ဆင်းရဲမွဲတေမှုနှင့်ဆက်စပ်ပြီး လူအများအပြားနေ့စဉ် သေးဆုံးနေသည်။ နိုင်ငံတကာ ဆင်းရဲမွဲတေမှု အညွန်းကိန်းတွင် အိန္ဒိယနိုင်ငံသည် အာဖရိက ထက်များစွာ ဆင်းရဲကြောင်း တွေ့ရှိရသည်။ အောက်စ်ဖို့ဒ် တက္ကသိုလ်မှ လုပ်သည့် သုတေသန စစ်တမ်းတွင် ဖေါ်ပြထားသည်။
၁။ ငွေကြေးဖေါင်းပွမှု မြင့်မားခြင်း
လုပ်ခလစာ တိုးမြင့်လာမှုကြောင့် အိမ်ခြံဈေးနှုန်းများ မြင့်တက်ခြင်း၊ အစားအသောက်ဈေးနှုန်း မြင့်တက်ခြင်း စသည်တို့ကို ကြုံတွေ့နေရသည်။ ယခုအချိန်တွင် အိန္ဒိယ၏ ငွေကြေးဖောင်းပွနှုန်းသည် ၇ ရာခိုင်နှုန်းထိရှိသည်။ အိန္ဒိယနိုင်ငံ၏ စီးပွားရေးဖွံ့ဖြိုးမှုနှင့်အတူ ငွေကြေး ဖောင်းဖွနှုန်း မြင့်တက်လာဖွယ်ရှိသည်။ ၂၀၀၇ ခုနှစ်တွင် ရောင်းကုန်ပစ္စည်းများ၏ အညွန်းကိန်းမြင့်တက်မှုသည် ၆.၆ ရာခိုင်နှုန်းထိရှိသည်။
၂။ အမျိုးသမီး ပညာမတတ်သူများ
အိန္ဒိယနိုင်ငံသည် အင်္ဂလိပ်စကား ပြောနှုန်းမြင့်မားမှုကြောင့် အကျိုးအမြတ် ရရှိပေသည်။ သို့ရာတွင် နိုင်ငံ့လူဦး၏ အများစုတွင် စာမတတ်သူများပြားနေဆဲ ဖြစ်သည်။ ကျေးလက်ဒေသများတွင် အမျိုးသမီးဦးရေ ၅၀ ရာခိုင်နှုန်းကျော်မှာ စာတတ်မြောက်မှုမရှိပေ။
၃။ အခြေခံ အဆောက်အဦး ညံ့ဖျင်းခြင်း
အိန္ဒိယနိုင်ငံသားအများစုသည် အခြေခံရေ ရရှိမှုကင်းမဲ့နေဆဲဖြစ်သည်။ ပြည်သူ့ ၀န်ဆောင်မှု လုပ်ငန်းများမှာ ဗျူရိုကရေစီအုပ်ချုပ်ယန္တရားကြောင့် အခက်အခဲရှိနေဆဲ ဖြစ်သည်။ သစ်သီးဝလံ ၆၀ ရာခိုင်နှုန်းသာ ဈေးကွက်သို့ အချိန်မှီ ရောက်ရှိသည်။ ဤအချက်များကြောင့် အိန္ဒိယနိုင်ငံ စီးပွားရေးမှာ အခက်အခဲကြုံတွေ့နေရဆဲ ဖြစ်သည်။
၎။ အကြွေးပြန်ည်ဆပ်မှု ကျဆင်းနေခြင်း
အိန္ဒိယ နိုင်ငံတွင် နိုင်ငံခြားအရံငွေ စုဆောင်းမှုအများအပြားရှိသော်လည်း လိုငွေပြမှုသည် ဆက်လက်ကျဆင်းနေဆဲ ဖြစ်သည်။ ဤကဲ့သို ကျဆင်းမှု ဖြစ်နေရခြင်းမှာ အိန္ဒိယ၏ စီးပွားရေးတိုးတက်မှုနှုန်း မြင့်မားမှုကြောင့် ဖြစ်သည်။ ၀ယ်လိုအားသည် ရောင်းလိုအားထက် မြင့်မားမှုကြောင့် စားသုံးသူများမှာ သွင်းကုန်၏ အပေါ်တွင် မှီခိုနေရသည်။
၅။ ကြွေးမြီထူပြောခြင်း
အိမ်မြေခြံ ၀ယ်ယူမှုသည် လွန်ခဲ့သည့်နှစ်က ၃၀ ရာခိုင်နှုန်းထိ မြင့်တက်လာခဲ့သည်။ ဤကဲ့သို့ အိမ်မြေ ဈေးထိုးတက်နေပါက ပြသနာများ ဖြစ်ပေါ်စေနိုင်သည်။ အတိုးနှုန်းထားများ မြင့်တက်လာပါက အကြွေးပြန်ဆပ်မှု နည်းပါးလာပြီး၊ အနာဂါတ်ကာလ၏ စားသုံးမှုကို ထိခိုက်စေ နိုင်သည်။
၆။ မညီမျှမှု ကြီးထွားလာခြင်း
အိန္ဒိယ၏ တိုးတက်မှုသည် ဆင်းရဲတွင်းနက်မှုကို ကုစားပေးနိုင်မည်ဟု ယခုထက်တိုင် မျော်လင့်နေဆဲ ဖြစ်သည်။ စီးပွားရေး တိုးတက်မှုသည် အိန္ဒိယ နိုင်ငံ၏ ကျွမ်းကျင်လုပ်သားနှင့် ချမ်းသာသူများကိုသာ အကျိုးဖြစ်ထွန်း စေခဲ့သည်။ ကျေးလက်နေ ပြည်သူများမှာ အကျိုးခံစားခွင့် မရရှိပေ။ အိမ်ခြေ ၇၈ သန်းမှာ လျပ်စစ်မီး မရှိပေ။ နိုင်ငံလူဦးရေ၏ ၃၃ ရာခိုင်နှုန်း မှာ တနေ့ဝင်ငွေ တစ်ဒေါ်လာ အောက်တွင် ရှိနေဆဲ ဖြစ်သည်။
၇။ ဘတ်ဂျက် လိုငွေပြမှု မြင့်မားနေခြင်း
ဖွံ့ဖြိုးဆဲ နိုင်ငံများကြားတွင် အိန္ဒိယ နိုင်ငံသည် ဘတ်ဂျက် လိုငွေပြမှု အ မြင့်ဆုံး ဖြစ်သည်။ လိုငွေပြမှုသည် စုစုပေါင်း ပြည်တွင်းအသားတင် ထုတ်ကုန်၏ ၈ ရာခိုင်နှုန်းထိရှိသည်။ ပြည်သူ့ ၀န်ဆောင်မှု လုပ်ငန်းများ ဖြစ်သည့် ကျန်းမာရေးနဲ့၊ ပညာရေးကဏ္ဍတွင် ရင်းနှီုးမြှူတ်နှုံမှု နိမ့်ပါးနေဆဲ ဖြစ်သည်။
၈။ တင်းကျပ်သော အလုပ်သမား ဥပဒေ
အစိုးရ၏ သဘောတူညီမှု မရှိဘဲ လုပ်ငန်းရှင်များအနေဖြင့် အလုပ်သမား ဦးရေ  ၁၀၀ ကို အလုပ်ထုတ်ပိုင်ခွင့် မရှိပေ။ ဤ ဥပဒေသည် နိုင်ငံခြား ရင်းနှီုးမြှူတ်နှုံမှုကို ဆုတ်ယုတ်စေသည်။ အလုပ်သမား သမဂ္ဂတို့သည် နိုင်ငံရေးပါတီ တို့၏ လက်ကိုင်တုတ် ဖြစ်သည့် အတွက် အရေးကြီးသော ဥပဒေ ပြောင်းလဲမှုကို မလုပ်နိုင်ပေ။ ပညာရေးသည် နိုင်ငံတိုးတက်ရေးတွင် အဓိက နေရာတွင် ပါနေသော်လည်း လျစ်လျူရှူ ခံနေရဆဲ ဖြစ်သည်။
စောပြည့်ညို  
Sources; Problems facing India today - overpopulation, illiteracy, corruption