မြန်မာနိုင်ငံရဲ့ နိုင်ငံရေး ပြုပြင်ပြောင်းလဲမှုတွေဟာ နောက်ကြောင်းပြန်လှည့် သွားနိုင်စရာ ရှိနေသေးတယ်လို့ မတ်လ ၁၂ရက်နေ့က ကျင်းပတဲ့ ဂျနီဗာမြို့ ကုလသမဂ္ဂ လူ့အခွင့်အရေးကောင်စီရဲ့ ၁၉ကြိမ်မြောက် ဆွေးနွေးပွဲမှာ မြန်မာနိုင်ငံ လူ့အခွင့်အရေးဆိုင်ရာ ကုလသမဂ္ဂ ကိုယ်စားလှယ် သောမတ်စ် အိုဟေး ကင်တားနားက ပြောကြားလိုက်တာ ဖြစ်ပါတယ်။ ဒါပေမယ့် မြန်မာကိုယ်စားလှယ်ကတော့ နောက်ကြောင်း ပြန်လှည့်သွားနိုင်ချေ လုံးဝမရှိဘူးလို့ အာမခံလိုက်ပါတယ်။
မကြာသေးခင်ကမှ မြန်မာနိုင်ငံထဲက ပြောင်းလဲမှုတွေကို အနီးကပ် သွားရောက်စစ်ဆေးခဲ့တဲ့ မစ္စတာ ကင်တားနားက လက်ရှိ ပြုပြင်ပြောင်းလဲ နေမှုတွေဟာ မြန်မာနိုင်ငံရဲ့ လူ့အခွင့်အရေး အခြေနေတွေအတွက် အပြုသဘောဆောင်တဲ့ ရိုက်ခတ်မှုတွေကို တွေ့နေရတယ်လို့ ပြောကြားခဲ့ ပေမယ့် အခြေအနေဟာ အချိန်မရွေး နောက်ကြောင်းပြန် ဆုတ်သွားနိုင်တဲ့ အနေထားမှာ ရှိနေတယ်လို့ တနင်္လာနေ့ လူ့အခွင့်အရေး ကောင်စီရဲ့ မြန်မာနိုင်ငံ ဆိုင်ရာဆွေးနွေးပွဲမှာ ပြောကြားခဲ့ပါတယ်။
“မြန်မာနိုင်ငံမှာ တရားဥပဒေရေး ပြုပြင်ရေးဆွဲရေး ကိစ္စဟာ လုပ်ဆောင်ဆဲ ကိစ္စဖြစ်ပါတယ်။ မပြီးဆုံးသေးပါဘူး။ ဒါ့ကြောင့် ဒီမိုကရေစီကို ကျင့်သုံး အကောင်အထည်ဖေါ်ဖို့ လိုအပ်တဲ့ တရားဥပဒေတွေ တကယ် မရှိသေးပါဘူး။ ဥပမာ တခုပြောရရင် စစ်အုပ်စု အုပ်စိုးတဲ့ခေတ် က တည်ရှိခဲ့တဲ့ မတရားစည်းဝေး စည်းရုံးရေး ဆိုတာ ဆက်လက်တည်ရှိနေဆဲပါ။ ဒီဥပဒေဟာ အရပ်သားအဖွဲ့အစည်း တွေရဲ့ လွတ်လပ်စွာ စုဝေးခွင့် စည်းရုံးခွင့် အတွက် အခက်အခဲ ဖြစ်နေပါတယ်။ ဒါ့အပြင် အစိုးရနဲ့ သဘောကွဲလွဲသူ ဆန့်ကျင်ဘက် လုပ်သူတွေကို ထောင်ချနိုင်တဲ့ ဥပဒေလည်း ဆက်လက် တည်ရှိနေဆဲပါ။ ဒါဟာ နိုင်ငံရေး အတိုက်အခံတွေကို ဖိနှိပ်ချုပ်ချယ်ဖို့ အတွက် အသုံးပြုနိုင်ပါသေးတယ်။
တခါ တရားစီရင်ရေးယန္တရားဟာအုပ်ချုပ်ရေးအာဏာစက်အောက်ကမလွတ်မြောက်သေးပါဘူး။ နိုင်ငံတကာ လူ့အခွင့်အရေး ဆိုင်ရာ ကြေငြာ စာတမ်းတွေကိုလည်း အသိအမှတ်ပြု လက်ခံ ကျင့်သုံးဖို့ လိုအပ်နေပါသေးတယ်။ နောက်ပြီး မြန်မာနိုင်ငံ ပြုပြင်ရေးတွေကို နောက် ပြန်လှည့်သွားနိုင်သေးတဲ့ နောက်အခြေအနေ တခုကတော့ဖွဲ့စည်းပုံအခြေခံဥပဒေထဲမှာစစ်တပ်ကိုအခွင့်အာဏာတွေအဆမတန် ပေးထားခြင်းပဲ ဖြစ်ပါတယ်။”
အခုလို မစ္စတာ ကင်တားနားရဲ့ ပြောကြားချက်ကို မြန်မာ ကိုယ်စားလှယ်ဖြစ်တဲ့ ကုလသမဂ္ဂ ဆိုင်ရာ အမြဲတမ်းကိုယ်စားလှယ် သံအမတ်ကြီး ဦးမောင်ဝေက လက်မခံတဲ့ အပြင် မြန်မာနိုင်ငံတွင်း လက်ရှိ ပြုပြင်ပြောင်းလဲ နေမှုတွေဟာ နောက်ကြောင်း ပြန်လှည့်တာမျိုး မဖြစ်စေရဘူးလို့ ပါ အာမခံ ခဲ့ပါတယ်။
“မြန်မာနိုင်ငံရဲ့ လက်ရှိ ဒီမိုကရေစီ ပြုပြင်ပြောင်းလဲရေး လုပ်ငန်းတွေ ဘယ်တော့မှ နောက်ကြောင်းပြန် လှည့်မသွားနိုင်ဘူး ဆိုတာ အာမခံ ပါတယ်။ ဒီပြုပြင်ပြောင်းလဲရေး လုပ်ငန်းစဉ်ဟာ အစီအစဉ်မရှိပဲ ထလုပ်တာမျိုး မဟုတ်ပါဘူး။ ၂၀၀၄ ခုနှစ်မှာ စပြီး သေသေချာချာ ချမှတ် ထားတဲ့ ဒီမိုကရေစီ ပြုပြင်ပြောင်းလဲရေး လမ်းပြမြေပုံ အဆင့် ၇ဆင့် အတိုင်း လုပ်ဆောင်နေတာပါ။ ဒါ့ကြောင့် နောက်ကြောင်းပြန် ဆုတ်ဖို့ လုံးဝမရှိနိုင်ပါဘူး။ ဒါဟာ မြန်မာခေါင်းဆောင်တွေရဲ့ ဒီမိုကရေစီ ပြုပြင်ပြောင်းလဲရေး လုပ်ငန်းစဉ်အတွက် ချမှတ်ထားတဲ့ စစ်မှန်တဲ့ ပြုပြင် ပြောင်းလဲမှုပါ။”
မစ္စတာကင်တားနားက နိုင်ငံတကာကနေ မြန်မာနိုင်ငံ အပေါ် အရေးယူ ဒဏ်ခတ်မှု ချမှတ်ထားတာတွေ အတွက် ပြန်လည်စဉ်းစား ကြဖို့ တိုက်တွန်းခဲ့တာအတွက် ကျေးဇူးတင်ကြောင်း သံအမတ်ကြီး ဦးမောင်ဝေက ပြောကြားခဲ့တဲ့အပြင် ဒီအရေးယူ ဒဏ်ခတ်မှုတွေကို အမြန်ဆုံး စောစောစီးစီး ရုတ်သိမ်းပေးကြဖို့လည်း တောင်းဆိုခဲ့ပါတယ်။
မြန်မာနိုင်ငံနဲ့ ထိတွေ့ဆက်ဆန်ရေး တိုးပြီး လုပ်ဆောင်လာ ပေမယ့် အခုထိ အရေးယူ ဒဏ်ခတ်မှုကို မရုတ်သိမ်းပေးသေးတဲ့ အမေရိကန် နိုင်ငံက ကုလသမဂ္ဂ ကိုယ်စားလှယ် ကတော့ မြန်မာနိုင်ငံရဲ့ ပြုပြင်ပြောင်းလဲမှု အတွက် သတိကြီးကြီးနဲ့ စောင့်ကြည့်နေတဲ့အပြင် လက်ရှိ တိုက်ပွဲတွေ ဖြစ်ပွါးနေတဲ့ကချင်ဒေသတွေကိုလူသားချင်းစာနာမှုဆိုင်ရာအကူညီတွေ ပေးနိုင်အောင် မြန်မာအစိုးရက သွားရောက်ခွင့်ပြုဖို့ တောင်းဆိုလိုက်ပါတယ်။
“မြန်မာနိုင်ငံထဲမှာ တိုက်ပွဲတွေ ဖြစ်နေတဲ့ နေရာတွေဆီကို ကုလသမဂ္ဂ၊ နိုင်ငံတကာ လူသားချင်းစာနာ တဲ့ အဖွဲ့အစည်းတွေနဲ့သတင်း ထောက် တွေကိုသွားရောက်ခွင့် ပေးဖို့အမေရိကန် ပြည်ထောင်စုက တောင်းဆိုပါတယ်။ မြန်မာအစိုးရအနေနဲ့ လူနဲစု တိုင်းရင်းသား အဖွဲ့အစည်းတွေကို နားလည်လက်လှမ်းမှီအောင် ကျိုးစားနေတာတွေ အတွက် အမေရိကန်ပြည်ထောင်စုက ထောက်ခံ သလို အမျိုးသား ပြန်လည် သင့်မြတ်ရေးအတွက် ရှေ့ရှုပြီး စစ်မှန်တဲ့ ဆွေးနွေးပြောဆိုမှုတွေ လုပ်ဖို့ အားပေးပါတယ်။”
မြန်မာနိုင်ငံတွင်းပြုပြင်ပြောင်းလဲမှု အခြေနေတွေအတွက် အမေရိကန်က စိုးရိမ် စိတ်ပူနေချိန်မှာ တရုတ်နိုင်ငံကတော့ မြန်မာနိုင်ငံတွင်း အခြေအနေတွေဟာ တည်ငြိမ်နေတာ တွေ့ရတယ်လို့ ကုလသမဂ္ဂ ဆိုင်ရာ တရုတ်ကိုယ်စားလှယ်က ပြောပါတယ်
“ပြီးခဲ့တဲ့ နှစ်က မြန်မာနိုင်ငံမှာ အစိုးရသစ်ဖွဲ့ပြီး လွှတ်တော်သစ် တရပ်ပါ ပေါ်ပေါက်လာပြီး ပြည်တွင်း အခြေနေတွေလည်း တည်ငြိမ် နေတာတွေ့ရပါတယ်။ မြန်မာအစိုးရ အနေနဲ့ စီးပွါးရေးနဲ့ နိုင်ငံသားတွေရဲ့ လူမှု အဆင့်အတန်း တိုးတက်လာအောင် ဂရုစိုက် နေတာ တွေ့ရပြီး မြန်မာနိုင်ငံ သွေးစည်း ညီညွတ်ရေး အတွက် လုပ်ဆောင်နေတာ တွေ့ရ ပါတယ်။ မြန်မာ နိုင်ငံရဲ့ အခြေနေဟာ အပြုသဘောဆောင်တဲ့ ဘက်ကို တဖြေးဖြေး ပြောင်းလဲနေတာပါ။”
မြန်မာနိုင်ငံက အခုလို အပြုသဘောဆောင်တဲ့ ပြုပြင်ပြောင်းလဲရေး တွေ နောက်ပြန်လှည့် မသွားစေဖို့ အတွက် စိန်ခေါ်မှုတွေ အများကြီးနဲ့ ရင်ဆိုင်နေရတဲ့ မြန်မာနိုင်ငံကို နိုင်ငံတကာ အသိုင်းအ၀ိုင်းကနေ ၀ိုင်းဝန်းပံ့ပိုးကြဖို့လည်း မစ္စတာ ကင်တားနားက အစည်းအဝေးမှာ ပန်ကြားခဲ့ပါတယ်။


အရှေ့အလယ်ပိုင်းက ဂါဇာ ကမ်းမြှောင်ဒေသမှာ တိုက်ခိုက်မှုတွေ ဖြစ်ပွားတာ လေးရက် ရှိနေပြီ ဖြစ်လို့ နိုင်ငံတကာ အသိုင်း အဝိုင်းက စိတ်ပူနေပြီးတော့ အစ္စရေးတွေရဲ့ လေကြောင်းနဲ့ တိုက်ခိုက်မှုတွေကြောင့် ပါလစ်စတိုင်း ၆ ဦး သေဆုံးသွားရသလို ပါလစ်စတိုင်း စစ်သွေးကြွတွေ ကလည်း တနင်္လာနေ့က အစ္စရေး တောင်ပိုင်းကို ဒုံးကျည်တွေနဲ့ ထပ်ပြီးတော့ ပစ်ခတ်နေတာပါ။
အစ္စရေးတို့ရဲ့ မနေ့က လေကြောင်း တိုက်ခိုက်မှု ကြောင့် စစ်သွေးကြွ လေးဦး အပြင် အသက် ၆၀ ဖခင် ဖြစ်သူ နဲ့ သူ့ရဲ့ သမီး ဒီလို အရပ်သား နှစ်ဦးလည်း သေဆုံးသွားရတယ် လို့ ပါလစ်စတိုင်းက ကျန်းမာရေး ဝန်ထမ်းတွေ က ပြောပါတယ်။ အစ္စရေးတို့ရဲ့ လေယာဉ်က လက်နက် သိုလှောင်ရုံ တစ်ခုနဲ့ ဒုံးကျည် ပစ်တင်တဲ့ နေရာတွေ အပါအဝင် စစ်သွေးကြွ ပစ်မှတ် တော်တော်များများကို မှန်အောင် ပစ်ခတ်နိုင်ခဲ့ တယ် လို့ အစ္စရေး စစ်တပ်က ဆိုပါတယ်။
ဂါဇာ စစ်သွေးကြွတွေကလည်း မနေ့က အစ္စရေး တောင်ပိုင်းကို ဒုံးကျည် အစင်း ၃၀ ပစ်ခတ်ခဲ့ ပြီးတော့ အဲဒီ အထဲမှာ တော်တော်များများက လူနေ ရပ်ကွက်တွေကို ထိမှန်ခဲ့ပါတယ်။ လူသေဆုံး ဒဏ်ရ ရတဲ့ သတင်း တော့ မကြားရပါဘူး။ပြီးခဲ့တဲ့ သောကြာနေ့က စပြီး ဖြစ်ပွားတဲ့ တိုက်ခိုက်မှုတွေ ကြောင့် ပါလစ်စတိုင်း ၂၄ ဦး သေဆုံး သွားရပြီးတော့ သေဆုံးသူတွေ အများစုက စစ်သွေးကြွတွေ ဖြစ်ကြပါတယ်။
ပါလစ်စတိုင်း စစ်သွေးကြွတွေကတော့ အစ္စရေး တောင်ပိုင်းကို ဒုံးကျည် တစ်ရာကျော်နဲ့ ပစ်ခတ်ခဲ့လို့ တိုင်း လယ်ယာ စိုက်ပျိုးရေး အလုပ်သမား အများအပြား ဒဏ်ရာ ရသွားပြီးတော့ ကျောင်းတွေလည်း ပိတ်ထား ရသလို အစ္စရေး ဒေသခံ သိန်းပေါင်းများစွာရဲ့ နေ့စဉ် ဘဝတွေ ထိခိုက်နေရပါတယ်။ ဒီ ဂါဇာ နဲ့ အစ္စရေး က နောက်ဆုံးဖြစ်ပွားတဲ့ တိုက်ခိုက်မှုတွေ ကြောင့် အထူး စိုးရိမ် ပူပန်ပါကြောင်း ကုလသမဂ္ဂ အတွင်းရေးမှူးချုပ် ဘန်ကီမွန်းက ပြောပါတယ်။ အစ္စရေး အရပ်သားတွေက ဒုံးကျည်နဲ့ ပစ်ခတ်တာ လုံးဝ လက်မခံ နိုင်ကြောင်း သူက မနေ့ကပဲ ပြောသွားပြီးတော့ အစ္စရေးတို့ဘက် ကလည်း ထိန်းထိန်းသိမ်းသိမ်း ရှိကြဖို့ ပြောဆိုသွားပါတယ်။


အာဖဂန်နစ္စတန် နိုင်ငံမှာ ကလေးငယ်တွေ နဲ့ အမျိုးသမီးတွေ အပါအဝင် အရပ်သား ၁၆ ဦး သေဆုံးခဲ့တဲ့ အမေရိကန်ရဲ့ ရက်စက် ရိုင်းစိုင်းမှုလို့ ရည်ညွှန်းတဲ့ ဖြစ်ရပ်အပေါ် ပြန်လက်စားချေမယ်လို့ တာလီဘန်တွေက ကြေညာလိုက်ပါတယ်။
နိုင်ငံတောင်ပိုင်း ကန်ဒါဟာ (Kahdahar) ပြည်နယ်၊ ပန်ရွိုင် (Panjwai) ခရိုင် အမေရိကန် စစ်စခန်းတခုက အမေရိကန်တပ်ကြပ်တဦး တနင်္ဂနွေနေ့ မနက်လင်းအားကြီး အချိန်မှာ တပ်စခန်းထဲ ကထွက်ပြီး အနီးအနား ရွာထဲက အိမ်တွေကို ပစ်ခတ်မှု ကြောင့် သေဆုံးခဲ့ရသူ အများအပြားဟာ အမျိုးသမီးတွေနဲ့ ကလေးငယ်တွေ ဖြစ်တယ်လို့ အမေရိကန်နဲ့ အာဖဂန် အရာရှိတွေက ဆိုပါတယ်။ ဒီအမေရိကန် စစ်သားက အလောင်းတချို့ကို မီးရှို့ ခဲ့သေးတယ်လို့လဲ ရွာသားတွေက ပြောပါတယ်။
ပြီးခဲ့တဲ့လက အမေရိကန် စစ်စခန်းတခုမှာ ကိုရမ် ကျမ်းစာအုပ် တွေ မီးရှို့ မှုကြောင့် မကျေနပ်ဆန္ဒပြ အကြမ်းဖက်မှုတွေထဲမှာ အာဖဂန်တွေရော အမေရိကန် စစ်သားတွေပါ စုစုပေါင်း လူ ၄၀ ကျော်သေခဲ့ရတဲ့ ကိစ္စအပြီး နှစ်နိုင်ငံ ဆက်ဆံရေး ပိုတင်းမာ လာနေချိန်မှာ ဒီသတ်ဖြတ်မှု ဖြစ်လာတာပါ။ခုလို တာလီဘန်ဘက်က လက်တုံပြန်မယ်လို့ပြောအပြီးမှာ အာဖဂန်က အမေရိကန်တပ်တွေအနေနဲ့ လုံခြုံရေး မြှင့်တင်ထားလိုက်ပြီး၊ အမေရိကန်သံရုံးအနေနဲ့လဲ အမေရိကန် ပြည်သူ တွေကို ဒီ လက်တုံ့ ပြန်နိုင်တဲ့ အန္တရာယ် ရှိနေ တာကို သတိ ပေးထားပါတယ်။
အာဖဂန် ပါလီမန်ကလည်း ဒီလို နိုင်ငံခြား စစ်သားတွေ မထိန်းသိမ်းနိုင်ဘဲ ဖြစ်နေတာ တွေကို ဆက်သည်းခံ လို့ မရတော့ဘူးလို့ တနင်္လာနေ့က ပြင်းပြင်းထန်ထန် ဝေဖန်လိုက်ပြီး၊ အမေရိကန်အစိုးရ အနေနဲ့ တာဝန်ရှိ သူတွေကို လူုသိရှင်ကြား ခုံရုံးတင် အပြစ်ပေးဖို့ တိုက်တွန်းလိုက်ပါတယ်။
နေတိုးရဲ့ နိုင်ငံတကာ လုံခြုံရေး အထောက်အကူတပ်က ပြောခွင့်ရ ဗိုလ်မှုးချုပ်တဦး ကလည်း ဒီတိုက်ခိုက်မှု ဟာ နေတိုးတပ်တွေ အတွက် အထူး စိုးရိမ်စရာ ဖြစ်တယ်လို့ ဆိုလိုက်ပါတယ်။
အာဖဂန်သမ္မတ ဟာမစ်ကာဇိုင်း (Hamid Karzai) ကလည်း ကလေး ၉ ဦးနဲ့ အမျိုးသမီး ၃ ဦးသေခဲ့ရတဲ့ ဒီတိုက်ခိုက်မှုဟာ အပြစ်မဲ့ အရပ်သားတွေကို ရက်ရက်စက်စက် ရည်ရွယ် လုပ်ခဲ့တာမို့ ခွင့်လွှတ်စရာ အကြောင်းမရှိဘူး။ အမေရိကန်ဖက်က အမြန်ဆုံး ဖြေရှင်းချက်ပေးဖို့ လိုတယ်လို့ တောင်းဆိုလိုက်ပါတယ်။
ဒါကိုတုံ့ပြန်တဲ့အနေနဲ့ အမေရိကန် သမ္မတ ဘာရက် အိုဘားမား (Barak Obama) က သူကိုယ်တိုင် အာဖဂန်သမ္မတ ကို ဖုန်းခေါ် ခဲ့ပြီး အာဖဂန် ပြည်သူတွေ အတွက် ဝမ်းနည်း စကား ပါးပေးဖို့ ပြောလိုက် ပါတယ်။ ဒါ့အပြင် မစ္စတာ အိုဘာမား (Mr.Obama) ကဘဲ သူ အကြီးအကျယ် တုန်လှုပ်သွားခဲ့ရတဲ့ ဒီကိစ္စဟာ အမေရိကန် စစ်တပ်ရဲ့ ကြီးမြတ်တဲ့ အစဉ်အလာ၊ အမေရိကန် ပြည်သူ တွေက ထားရှိတဲ့ အာဖဂန် နိုင်ငံသားတွေ အပေါ် လေးစားမှု စတာတွေကို ကိုယ်စားမပြုတဲ့ ဖြစ်ရပ်ပါလို့ ကြေညာချက် ထုတ်ပြန်ပါတယ်။ ဒီတိုက်ခိုက်မှု အပေါ် အမြန်ဆုံးစစ်ဆေး အရေးယူဖို့ ကာကွယ်ရေးဝန်ကြီး လီယွန် ပါနတ်တာ (Leon Pannetta) တောင်းဆိုထားတာကိုလဲ သူ သဘော တူတယ်လို့ အိုဘာမား ဆိုပါတယ်။
ဝါရှင်တန် (Washington) ပြည်နယ်အခြေစိုက် အမေရိကန်တပ်ဖွဲ့ တခုနဲ့ အတူ အာဖန်မှာ ရောက်ရှိနေတဲ့ ဒီအမေရိကန် စစ်သားကို အခုဒီတိုက်ခိုက်မှု အပြီး မနက်ပိုင်းမှာပဲ ဖမ်းဆီးထားတယ် လို့ နေတိုး အရာရှိတွေက ဆိုပါတယ်။