ကမ္ဘာ့သတင်းများ 02/04/2012
နိုင်ငံတကာသတင်း
ဆီးရီးယား သူပုန်တွေအတွက် ပင်လယ်ကွေ့နိုင်ငံတွေ ထောက်ပံ့မည်
ဆီးရီးယား သမ္မတ ဘက်ရှာအယ်လ်အာဆဒ် (Bashar al-Assad) ကို ဖယ်ရှားဖို့ ကြိုးပမ်းနေတဲ့ သူပုန်တွေကို လစာပေးအပ်နိုင်ဖို့ အတိုက်အခံ ဆီးရီးယား အမျိုးသား ကောင်စီကို ပင်လယ်ကွေ့နိုင်ငံ အများအပြားက ဒေါ်လာသန်းနဲ့ချီ ထောက်ပံ့သွားမှာ ဖြစ်တယ်လို့ တူရကီနိုင်ငံ အီစတန်ဘူမြို့က ဆီးရီးယား မိတ်ဆွေနိုင်ငံများ အဖွဲ့ရဲ့ တနင်္ဂနွေနေ့က ညီလာခံကို တက်ရောက် လာသူတွေက ပြောပါတယ်။ တစ်နှစ်ကျော်ကြာ လူထုအုံကြွမှုတွေအတွင်း အတိုက်အခံ အင်အားစုတွေဘက်ကို အစိုးရစစ်တပ်က ဘက်ပြောင်း ပူးပေါင်းလာကြဖို့ ရည်ရွယ်ပြီး ထောက်ပံ့မှာ ဖြစ်တယ်လို့လည်း ကိုယ်စားလှယ်တွေက ပြောခဲ့ကြတာပါ။
အမေရိကန် ပြည်ထောင်စုကတော့ အတိုက်အခံ လှုပ်ရှားသူတွေ စနစ်တကျ ဖြစ်စေဖို့နဲ့ ပြင်ပကမ္ဘာနဲ့ အဆက်အသွယ် မပြတ်စေဘဲ အစိုးရရဲ့ တိုက်ခိုက်မှုတွေကနေ ရှောင်ရှားနိုင်အောင် ဆက်သွယ်ရေး ကိရိယာတွေ ထောက်ပံ့ ကူညီနေတယ်လို့ နိုင်ငံခြားရေး ၀န်ကြီး ဟီလာရီ ကလင်တန် က ညီလာခံမှာ ပြောသွားပါတယ်။ အုံကြွမှုတွေကို သမ္မတ အာဆဒ် အစိုးရက သွေးထွက်သံယို နှိမ်နင်းရာမှာ လူမဆန်တဲ့ လုပ်ရပ်တွေကို မှတ်တမ်းတင်နိုင်မယ့် အစီအစဉ်တရပ်ကိုလည်း အကောင်အထည် ဖော်နေတယ်လို့ ပြောခဲ့တာပါ။
ပဋိပက္ခဒဏ် ခံရသူတွေအတွက် လူသားချင်း စာနာမှု အကူအညီတွေကို နှစ်ဆတိုးပြီး ဒေါ်လာ ၂၅ သန်းအထိ ပေးအပ်သွားဖို့ကိုလည်း ၀န်ကြီးကလင်တန်က ကြေညာခဲ့သလို၊ ညီလာခံ တက်လာကြတဲ့ ကျန်နိုင်ငံပေါင်း ၆၀ ကျော်ကိုလည်း ဆီးရီးယား အစိုးရအပေါ် တင်းကျပ်တဲ့ ဒဏ်ခတ် အရေးယူမှုတွေ ချမှတ်ကြဖို့ တိုက်တွန်းလိုက်ပါတယ်။ တချိန်တည်းမှာပဲ နိုင်ငံတ၀ှမ်း နေရာအတော်များများမှာ အစိုးရနဲ့ သူပုန်တပ်တွေရဲ့ တနင်္ဂနွေနေ့က တိုက်ခိုက်မှုတွေ အတွင်းမှာတော့ အစိုးရ တပ်ဖွဲ့ဝင်တွေ၊ သူပုန်တွေနဲ့ အရပ်သားတွေ စုစုပေါင်း လူ ၄၀ ထက်မနည်း သေဆုံးခဲ့တယ်လို့လည်း တက်ကြွလှုပ်ရှားသူတွေက ပြောခဲ့ကြတာပါ။ အလယ်ပိုင်း Homs မြို့မှာ အစိုးရတပ်ရဲ့ လက်နက်ကြီးနဲ့ ပစ်ခတ်မှုကြောင့် အရပ်သား အနည်းဆုံး ၆ ယောက် သေဆုံးခဲ့တယ်လို့လည်း ပြောပါတယ်။
ဆီးရီးယား တိုက်ခိုက်မှု ရပ်တန့်ရေး နိုင်ငံတကာစည်းဝေး
ဆီးရီးယားနိုင်ငံက လူထု အုံကြွမှုတွေကို ထောက်ခံအားပေးတဲ့ အနောက်နိုင်ငံနဲ့ အာရပ် နိုင်ငံတွေက နိုင်ငံခြားရေး ၀န်ကြီးပေါင်း ၇၀ ကျော်ဟာ ဆီးရီးယားနိုင်ငံမှာ ချက်ချင်း အပစ်အခတ် ရပ်စဲဖို့၊ ဆီးရီးယား အစိုးရကို ဖိအားပေးရအောင်လို့ အတိုက်အခံတွေကလည်း ပြန့်ကျဲနေတဲ့ သူတို့ရဲ့ လူတွေကို ပြန်ပြီးတော့ စုစည်းရအောင်လို့ ရည်ရွယ်ပြီးတော့ တူရကီနိုင်ငံ အီစတန်ဘူလ်မြို့တော်မှာ ဒီကနေ့ပဲ ဆွေးနွေးခဲ့ကြပါတယ်။
ကုလသမဂ္ဂနဲ့ အာရပ်အဖွဲ့ချုပ်ရဲ့ အထူးကိုယ်စားလှယ် ကိုဖီ အာနန် အဆိုပြုထားတဲ့ ငြိမ်းချမ်းရေး အစီအစဉ်ကို ဆီးရီးယားသမ္မတ ဘက်ရှာ အယ်လ်အာဆဒ် (Bashar al-Assad) လိုက်နာဖို့ အမေရိကန် နိုင်ငံခြားရေးဝန်ကြီး ဟီလာရီ ကလင်တန် အပါအ၀င် နိုင်ငံခြားရေးဝန်ကြီးတွေ တက်ရောက်နေတဲ့ ဆီးရီးယားမိတ်ဆွေများ အဖွဲ့ရဲ့ အစည်းဝေးကနေ တိုက်တွန်းလိမ့်မယ်လို့ ခန့်မှန်းရပါတယ်။
သမ္မတ အာဆဒ်ကလည်း မစ္စတာ အာနန်ရဲ့ အချက် ၆ ချက်ပါ အဆိုပြုချက်ကို လက်ခံပါတယ်လို့ ပြောခဲ့တာပါ။ ဒါပေမဲ့လည်း တိုက်ခိုက်မှုတွေ ဆက်ပြီးတော့ ဖြစ်ပွားနေတာမို့ အနောက်နိုင်ငံတွေနဲ့ အာရပ်အဖွဲ့ချုပ်က သူ့ကို သံသယ ရှိနေပါတယ်။
မော်စကိုမြို့မှာ ဆန္ဒပြမယ့်သူ ၅၀ ကျော် ဖမ်းဆီးခံရ
ရုရှားနိုင်ငံ မော်စကိုမြို့တော်မှာရှိတဲ့ ရင်ပြင်နီ အနီးဝန်းကျင်မှာ ခွင့်ပြုချက်မရဘဲ အစိုးရဆန့်ကျင် ဆန္ဒပြပွဲကျင်းပမယ့် အစီအစဉ်ကို ဟန့်တားတဲ့ အနေနဲ့ အတိုက်အခံတွေကို ထောက်ခံသူ လူပေါင်း ၅၅ ယောက်ကို ထိန်းသိမ်းလိုက်ကြောင်း ရဲတပ်ဖွဲ့က ပြောပါတယ်။ ဆန္ဒပြလှုပ်ရှားမှုရဲ့ သင်္ကေတအဖြစ် အဖြူရောင်ဖဲပြားတွေ ၀တ်ဆင်ပြီး ကရင်မလင်နန်းတော်ရှေ့က ရင်ပြင်နီမှာ လမ်းလျှောက်ကြဖို့ တက်ကြွလှုပ်ရှားသူတွေက ဆော်သြထားတာပါ။
ဒါပေမဲ့လည်း ရဲတပ်ဖွဲ့က ဆန္ဒပြစုဝေးပွဲကို တားဆီးဖို့ ရင်ပြင်နီနဲ့ အနီးအနား လမ်းတွေ အားလုံးကို ပိတ်ဆို့ထားခဲ့ပါတယ်။ ရုရှား အတိုက်အခံ တက်ကြွ လှုပ်ရှားသူတွေကတော့ သူတို့ရဲ့ လွတ်လပ်စွာ စုဝေးခွင့်ကို အစိုးရက ချိုးဖောက်နေတယ်ဆိုပြီး ပြစ်တင် ဝေဖန်နေတာပါ။
ပြီးခဲ့တဲ့လထဲ ကျင်းပခဲ့တဲ့ ၀န်ကြီးချုပ် Vladimir Putin အနိုင်ရခဲ့တဲ့ သမ္မတ ရွေးကောက်ပွဲတွေနဲ့ ဒီမတိုင်ခင် လွှတ်တော် ရွေးကောက်ပွဲတွေမှာလည်း မဲမသမာမှုတွေ အကြီးအကျယ် ရှိခဲ့တယ်ဆိုပြီး မကြာသေးခင် လတွေကစလို့ တက်ကြွလှုပ်ရှားသူ ထောင်သောင်းချီပြီး ဆန္ဒပြပွဲတွေ ကျင်းပခဲ့ကြတာလည်း ဖြစ်ပါတယ်။
ထိုင်းတောင်ပိုင်းဗုံးကွဲမှု ၈ ယောက်ထက်မနည်း သေဆုံး
ထိုင်းနိုင်ငံမှာ မူစလင် အစွန်းရောက်တွေရဲ့ အကြမ်းဖက်မှုတွေ ကြုံနေရတဲ့ နိုင်ငံတောင်ပိုင်းမှာ လွန်ခဲ့တဲ့ နှစ်အနည်းငယ်အတွင်း အပြင်းထန်ဆုံးလို့ ဆိုနိုင်တဲ့ တိုက်ခိုက်မှုတခု ဖြစ်ပွားခဲ့ပြီး အနည်းဆုံးလူပေါင်း ၈ ဦး သေခဲ့ရပြီး နောက်ထပ်လူပေါင်း အနည်းဆုံး ၇၀ လည်း ဒဏ်ရာတွေ ရသွားခဲ့ကြပါတယ်။
ထိုင်းနိုင်ငံ တောင်ပိုင်း Yala မြို့ကြီးက စီးပွားရေး အချက်အချာကျတဲ့ နေရာတခုမှာ စနေနေ့ နေလယ် ထမင်းစားချိန်မှာ မီးနစ်ပိုင်းပဲခြားပြီး ဗုံးသုံးလုံး ဆက်တိုက် ပေါက်ကွဲခဲ့တယ်လို့ Yala မြို့ပိုင်က ဆိုလိုက်ပါတယ်။
ထိုင်းနိုင်ငံတောင်ပိုင်းက စီးပွားရေး အချက်အချာကျတဲ့ ဒီ Yala မြို့မှာ စနေအားလပ်ရက် ဈေးဝယ်သူတွေနဲ့ နိုင်ငံခြားခရီးသွားတွေ တည်းခိုတဲ့ ဟိုတယ်တခုကို ပစ်မှတ်ထားတဲ့ ဒီတိုက်ခိုက်မှုထဲမှာ ကားနဲ့ ဆိုင်ကယ်တွေ ထဲမှာ ဗုံးတွေ ဖွက်ယူလာခဲ့ပြီး ဖောက်ခွဲ တိုက်ခိုက်လိုက်တာမို့ အနားက အဆောက်အဦးတွေလည်း မီးလောင်ကျွမ်း ကုန်ပါတယ်။
အနီးနားက Songkhla ခရိုင်မှာလည်း နောက်ထပ်ပေါက်ကွဲမှုတခု ဖြစ်ပြီး လူပေါင်း သုံးဦးနဲ့ နောက်ထပ် လူပေါင်း ၂၀၀ ကျော်လည်း ဒဏ်ရာတွေ ရခဲ့ကြပါတယ်။
ဒီ Songkhla ခရိုင် ဟတ်ယိုင်မြို့က ဟိုတယ်အမြင့်ကြီးတခုမှာ ဖြစ်တဲ့ ပေါက်ကွဲမှုကတော့ ဂတ်စ် ဓာတ်ငွေ့ ယိုစိမ့်မှုကြောင့် ဖြစ်တာလို့ ထိုင်းအစိုးရ အရာရှိတွေက ဆိုပါတယ်။
ဒါပေမဲ့ Yala မှာဖြစ်ခဲ့တဲ့ ဗုံးခွဲတိုက်ခိုက်မှုက မူစလင်အများစုရှိရာ နိုင်ငံတောင်ပိုင်းက Yala၊ Narathiwat နဲ့ Patani ခရိုင်တွေမှာ အစ္စလာမ်စစ်သွေးကြွတွေက ၂၀၀၄ ခုနှစ်ကတည်းက တိုက်ခိုက်လေ့ရှိတဲ့ ပုံနဲ့ တူပါတယ်လို့ ဒီအရာရှိတွေက ဆိုပါတယ်။ ဒီပဋိပက္ခကြောင့် လူပေါင်း ၅,၀၀၀ သေဆုံးခဲ့ရပြီး ဖြစ်ပါတယ်။
ဆီးရီယားအကြမ်းဖက်မှု အဆုံးသတ်ဖို့ သံတမန်ရေး ကြိုးပမ်းမှု
ဆီးရီးယားနိုင်ငံမှာ နှစ်နဲ့ချီ ဖြစ်ပွားနေတဲ့ ပဋိပက္ခပြေလည်ရေးအတွက် အမေရိကန်နိုင်ငံခြားရေးဝန်ကြီး Hillary Clinton ဟာ ဆော်ဒီအာရေးဗီးယား နိုင်ငံမှာ အာရပ် ပင်လယ်ကွေ့နိုင်ငံတွေက သံတမန်တွေနဲ့ စနေနေ့က တွေ့ဆုံ ဆွေးနွေးပွဲတွေ ဆက်လက် ပြုလုပ်နေပါတယ်။
ဒီတွေ့ဆုံ ဆွေးနွေးပွဲတွေဟာ တနင်္ဂနွေနေ့ကျရင် တူရကီနိုင်ငံ အစ္စတန်ဘူလ်မြို့မှာ ကျင်းပမယ့် နိုင်ငံ ၆၀ ပါ ဆီးရီးယားမိတ်ဆွေများ ဆွေးနွေးပွဲရဲ့ အကြို ဆွေးနွေးမှုတွေလည်း ဖြစ်ပါတယ်။ တူရကီနိုင်ငံမှာ ကျင်းပမယ့် အဲဒီ ဆွေးနွေးပွဲကို ဆီးရီးယားအတိုက်အခံ အင်အားစုတွေကို ထောက်ခံတဲ့ အမေရိကန်၊ အာရပ်နဲ့ တခြား အနောက်နိုင်ငံတွေက သံတမန်တွေ တက်ရောက်ကြမှာ ဖြစ်ပါတယ်။
ပင်လယ်ကွေ့နိုင်ငံတချို့က အဆိုပြုထားပေမဲ့ အမေရိကန်ကတော့ ဆီးရီးယားအတိုက်အခံတွေကို လက်နက် တပ်ဆင်ပေးရေး ကိစ္စကို ဆက်လက် ငြင်းဆန်နေဆဲ ဖြစ်ပါတယ်။ အဲဒီလို လက်နက် ထောက်ပံ့မယ့်အစား တကွဲ တပြားစီဖြစ်နေကြတဲ့ အတိုက်အခံ အင်အားစုတွေကို အမေရိကန်ပြည်ထောင်စုက လိုက်လံ စည်းရုံးနေပြီး ဆီးရီးယားနိုင်ငံအတွင်း လူသားချင်းစာနာတဲ့ အကူအညီတွေ ပို့ပေးနိုင်ရေးကိစ္စကို အာရုံစိုက် လုပ်ဆောင်နေတာပါ။
ဒီအတောအတွင်း ဆီးရီးယားနိုင်ငံတ၀ှမ်း သောကြာနေ့က လုံခြုံရေးတပ်ဖွဲ့တွေနဲ့ ဆန္ဒပြသူတွေအကြား ထိပ်တိုက် ရင်ဆိုင်မှုတွေ ဖြစ်ပွားခဲ့တာမှာ အနည်းဆုံး လူ ၁၁ ဦးလောက် သေဆုံးခဲ့တယ်လို့ ဆီးရီးယား လူ့အခွင့်အရေးအဖွဲ့က ပြောပါတယ်။
ဆီးရီးယား အစိုးရအနေနဲ့ ချက်ချင်း အပစ်အခတ် ရပ်ဆိုင်းပြီး အတိုက်အခံတွေကို တိုက်ခိုက်နေတာတွေ လည်း ရပ်တန့်ဖို့ ကုလသမဂ္ဂနဲ့ အာရပ်အဖွဲ့ချုပ်ရဲ့ ဆီးရီးယားနိုင်ငံဆိုင်ရာ အထူးသံတမန် ကိုဖီအာနန်က တောင်းဆိုထားပါတယ်။
Lwin Pwin
Web-site: www.nlabr.com
Subscribe to:
Post Comments (Atom)
0 comments:
Post a Comment