ကြားဖြတ်ရွေးကောက်ပွဲ ကျင်းပသည့် ဒေသအားလုံးလိုလိုတွင် NLD အနိုင်ရပြီးနောက် အမေရိကန်အစိုးရက မြန်မာပြည်အပေါ်ဒဏ်ခတ်ပိတ်ဆို့မှုတချို့ လျှော့ချပေးမည်ဟု ဗုဒ္ဓဟူးနေ့တွင် ပြောဆိုလိုက်သည်။
မြန်မာပြည်သို့ စေလွှတ်မည့် သံအမတ် အမည်ကို မကြာခင်ကာလအတွင်း အဆိုပြုမည့်အစီအစဉ် ရှိပြီး ကန့်သတ်ထားသည့် ပြည်ဝင်ခွင့်နှင့် ဘဏ္ဍာရေးဆိုင်ရာ ပိတ်ဆို့မှုများကိုလည်း လျှော့ပေါ့ပေးမည်ဟု ဆိုသည်။
“မြန်မာနိုင်ငံမှာ ဖြစ်ပေါ်နေတဲ့ပြောင်းလဲတိုးတက်မှုတွေကို အမေရိကန်အစိုးရက ကြိုဆိုပါတယ်၊ မြန်မာအစိုးရခေါင်းဆောင်များ နိုင်ငံရဲ့ အနာဂတ်နဲ့ ပတ်သက်ပြီး နားလည်တယ်ဆိုတာ ပြသခဲ့တယ်၊
အစိုးရ လုပ်ဆောင်တာတွေကို ကြည့်ပြီး ကျန်နေသေးတဲ့ ဒဏ်ခတ်ပိတ်ဆို့မှုများကို တဆင့်ချင်း လျှော့ချ ရုပ်သိမ်းသွားမယ်” ဟု အမေရိကန် နိုင်ငံခြားရေး ၀န်ကြီး ဟီလာရီ ကလင်တန်က ပြောသည်။
ပြည်ဝင်ခွင့်နှင့် ဘဏ္ဍာရေးဆိုင်ရာ ပိတ်ဆို့မှုများကိုလည်း လျှော့ပေါ့ပေးမည်ဟု ဆိုသော်လည်း မည်သည့်အချိန်တွင် မည်မျှအထိ လျှော့မည်ကို ရှင်းရှင်းလင်းလင်း ပြောဆိုခြင်း မရှိသေးပေ။
မြန်မာအစိုးရ ထိပ်တန်းအရာရှိတချို့အား မကြာသေးခင်က အမေရိကန်သို့ လာရောက်ခွင့် ပြုခဲ့ပြီးဖြစ်သည်။
ဝန်ကြီးကလင်တန်၏ ပြောဆိုချက်ထဲတွင် မြောက်ကိုရီးယား-မြန်မာ စစ်ရေးဆက်နွယ်မှု ဖြတ်တောက်ရေး၊ လက်ကျန်နိုင်ငံရေးအကျဉ်းသား လွှတ်ပေးရေး၊ တိုင်းရင်းသားဒေသ စစ်ပွဲများ အဆုံးသတ်ရေး စသည့် မြန်မာပြည်တွင်း ပြုပြင်ပြောင်းလဲရေးများ ဖြစ်ပေါ်စေရန် ဆက်လက် ဖိအားပေးသွားမည်ဟု ပါရှိသည်။
အမေရိကန်၏ ဒဏ်ခတ်ပိတ်ဆို့မှုများမှာ ၁၉၉၀ ရွေးကောက်ပွဲအပြီး စစ်တပ်အစိုးရက ဆက်လက် ဖိနှိပ်အုပ်ချုပ်ခဲ့ခြင်းကြောင့် ပေါ်ပေါက်လာခြင်း ဖြစ်သည်။

မြန်မာနိုင်ငံမှာ ဧပြီလ ၁ ရက်နေ့က ကျင်းပခဲ့တဲ့ ကြားဖြတ်ရွေးကောက်ပွဲ ကျင်းပနိုင်ခဲ့တာဟာ ဒီမိုကရေစီလမ်း လျှောက်လှမ်းရာမှာ ထင်ရှားတဲ့ခြေလှမ်းတရပ်ဖြစ်တယ်လို့ အမေရိကန်ရဲ့ သြဇာတိက္ကမကြီးမားတဲ့ အမေရိကန်အထက်လွှတ်တော်အမတ် ဂျွန်မက်ကိန်းက ပြောကြားလိုက်ပါတယ်။ မြန်မာ့လွှတ်တော်ထဲကို ဒေါ်အောင်ဆန်းစုကြည်ရောက်လာပြီးရင် မြန်မာနိုင်ငံရဲ့ ပြုပြင်ပြောင်းလဲရေး လုပ်ငန်းတွေ အခုထက်ပိုပြီး တိုးတက်ကောင်းမွန်လာဖို့ မျှော်လင့်ထားတယ်လို့ ဗွီအိုအေ မြန်မာပိုင်းနဲ့ သီးသန့်မေးမြန်းခန်းမှာ မစ္စတာ မက်ကိန်းက ပြောကြားသွားတာဖြစ်ပါတယ်။ အပြည့်အစုံကို ဆက်သွယ်မေးမြန်းခဲ့တဲ့ ဒေါ်ခင်မျိုးသက်က တင်ပြထားပါတယ်။
မြန်မာနိုင်ငံမှာ မကြာခင်က ကျင်းပခဲ့တဲ့ ရွေးကောက်ပွဲကိုကြည့်ရင် ဒီမိုကရေစီရေး တိုးတက်မှု ခြေလှမ်းတရပ် အဖြစ် ထင်ထင်ရှားရှား မြင်နေရပေမယ့် ရွေးကောက်ပွဲမှာ ပြဿနာတွေ ရှိနေတာတွေ့ရတယ်လို့ အထက်လွှတ်တော် အမတ် John McCain က
“ဒီရွေးကောက်ပွဲနဲ့ ပတ်သက်ပြီး ဖြေရှင်းဖို့ လိုနေသေးတဲ့ ပြဿနာတွေ ရှိနေသေးတယ်လို့ ထင်ပါတယ်။ ဒါပေမယ့် အချိန်တိုတိုအတွင်းမှာပဲ သိသိသာသာ ပြောင်းလဲလာတာတွေ့ရပြီး ယေဘုယျခြုံပြောရရင် ရွေးကောက်ပွဲဟာ တရားမျှတတဲ့ ရွေးကောက်ပွဲလို့ ပြောလို့ ရပါတယ်။ ဒေါ် အောင်ဆန်းစုကြည်ပါဝင်တဲ့ ရွေးကောက်ပွဲဟာ သိပ်အရေးပါတဲ့ ခြေလှမ်းတရပ်ဖြစ်သလို လွှတ်တော်မှာ သူပါဝင်ခွင့်ရတဲ့အနေထားက ရာခိုင်နှုန်းအားဖြင့် သိပ်နည်းနေပေမယ့် အနာဂတ်လွှတ်တော်ကို ပြောင်းလဲတိုးတက်အောင်လုပ်နိုင်မယ်လို့ ထင်ပါတယ်။ ဒါ့ကြောင့် အမေရိကန်အစိုးရအနေနဲ့ ဒဏ်ခတ်အရေးယူမှုတွေ လျှော့ချဖို့ စဉ်းစားတာမျိုးလို သင့်တော်တဲ့ တုံ့ပြန်မှုတွေ လုပ်ဖို့စဉ်းစားနေတာပါ”
အခုရွေးကောက်ပွဲဟာ ၂၀၁၀ ရွေးကောက်ပွဲနဲ့စာရင် သိသိသာသာ တိုးတက်လာတာတွေ့ခဲ့ရတယ်လို့လည်း ပြောပါတယ်။ ဒီရွေးကောက်ပွဲ အတွက် လုံးဝကျေနပ်မှု ရှိတယ်လို့ ပြောလို့မရပေမယ့် သိသာတဲ့တိုးတက်မှုမျိုးမို့ တုံ့ပြန်ဆုတွေပေးသင့်တယ်လို့ ထင်မြင်ကြောင်းလည်း ပြောပါတယ်။
“ကျနော်တို့ ဒီကနေ့ချမှတ်ထားတဲ့ တားမြစ်ပိတ်ပင်မှုအားလုံးကို ပြန်ကြည့်ရင် တချို့ဟာ လွှတ်တော်ကနေချထားတာဖြစ်သလို ကျန် တားမြစ်မှုတွေက သမ္မတက ချမှတ်ထားတာပါ။ ဒါကြောင့် ကျနော်တို့လွှတ်တော်ဘက်က ချမှတ်ထားတဲ့တားမြစ်မှုတွေအတွက် ပြန်လှန် သုံးသပ်ပြီး တချို့တားမြစ်ချက်တွေကိုလျှော့ပေးဖို့ လုပ်ရမှာပါ။ အခုလို ဒီမိုကရေစီရေးတိုးတက်မှုတွေ တွေ့နေရချိန်မှာ ရှေ့ဆက်ပြီး တိုးတက်မှုတွေ ပိုရှိလာစေဖို့ ကျနော်တို့က သေသေချာချာအားပေးရမှာပါ”
အခုအချိန်ဟာ အမေရိကန်လွှတ်တော် ၂ ပတ် နားချိန်မို့ နားရက်ကုန်ရင် ရီပတ်ဘလစ်ကင်နဲ့ ဒီမိုကရက်တစ်ပါတီတွေက လွှတ်တော် ကိုယ်စားလှယ်တွေဟာ နိုင်ငံခြားရေးဌာနနဲ့ရော သမ္မတနဲ့ပါ တွေ့ဆုံဆွေးနွေးမှာဖြစ်ပြီး တချို့ မြန်မာနိုင်ငံအတွက်ချမှတ်ထားတဲ့ တားမြစ်ချက် တွေကို လျှော့ချပေးဖို့ တိုင်ပင်မှာဖြစ်တယ်လို့လည်း ပြောပါတယ်။ ဒါပေမယ့် မြန်မာနိုင်ငံရဲ့ပြောင်းလဲမှုတွေထဲမှာ အခုလုပ်ရပ်ဟာ အရေးပါတဲ့ ခြေလှမ်းဖြစ်ပေမယ့် အမေရိကန်နိုင်ငံက ဒါကို ပထမခြေလှမ်းအဖြစ်လက်ခံထားပြီး လူ့အခွင့်အရေးဆိုင်ရာတွေကို စောင့်ကြည့်အုံးမှာ ဖြစ်တယ်လို့လည်း ဆိုပါတယ်။ မြန်မာနိုင်ငံအကျဉ်းထောင်တွေထဲမှာ ရှိနေသေးတဲ့ နိုင်ငံရေးအကျဉ်းသားအားလုံးကို ပြန်လွှတ်ပေးဖို့ လိုနေသေးတယ်လို့လည်း ပြောပါတယ်။
အခုရွေးကောက်ပွဲဟာ လွှတ်တော်အမတ်နေရာ ၆၀၀ ကျော်မှာ ၄၀ ကျော်အတွက်သာ လစ်လပ်တဲ့အတွက် ဖြည့်ဆည်းပေးဖို့ ဖြစ်ပြီး အများစုဟာ ၂၀၁၀ ရွေးကောက်ပွဲနဲ့ တက်လာတဲ့ စစ်ဘက်နဲ့စစ်တပ်က ကျောထောက်နောက်ခံပေးထားတဲ့ ကိုယ်စားလှယ်တွေ ဖြစ်နေကြ ပါတယ်။ ဒါ့ကြောင့် မြန်မာနိုင်ငံရဲ့ လာမယ့် အနာဂတ်လွှတ်တော်အတွက် ဒီမိုကရေစီရေး အပြောင်းအလဲတွေ အခုထက် ပိုဖေါ်ဆောင်နိုင်ဖို့ အခု ဒေါ်အောင်ဆန်းစုကြည်နဲ့ NLD အဖွဲ့က ကိုယ်စားလှယ်တွေအနေနဲ့ ဘယ်လောက်စွမ်းဆောင်နိုင်မယ် ထင်ပါသလဲလို့ မေးတဲ့အခါမှာ တော့-
“မြန်မာလူထုရဲ့ သူရဲကောင်းဖြစ်တဲ့ ဒေါ်အောင်ဆန်းစုကြည်နဲ့ ပတ်သက်ပြီး ဒါကို သံသယဖြစ်နေစရာတောင် မလိုပါဘူး။ သူဟာ ဒေါ်အောင်ဆန်းစုကြည် ဖြစ်နေတာမို့ သူ့ရဲ့ လုပ်ရပ်ဟာ လွှမ်းမိုးနိုင်မှာ သေချာပါတယ်။ ဒါ့အပြင် သူနဲ့ မြန်မာသမ္မတတို့ရဲ့ ဆက်ဆံရေး တိုးတက်မှု ရှိနေတာကလည်း အားတက်စရာပါ။ သူ့ရဲ့ကျွမ်းကျင်လိမ္မာမှုတွေကြောင့် မြန်မာနိုင်ငံအတွက် အလွန်အားတက်မိပေမယ့် ကျနော်တို့အနေနဲ့ သတိနဲ့တဆင့်ပြီးတဆင့် စောင့်ကြည့်ဖို့လိုအပ်ပါတယ်။ မြန်မာနိုင်ငံက ပြောင်းလဲမှုတခုချင်းစီအတွက် စောင့်ကြည့် နေရာမှာ ဒါဟာ တဆင့်တက်လာတာပါ။ ဒီမိုကရေစီပန်းတိုင်ရောက်ဖို့ကတော့ တက်လှမ်းရမယ့်အဆင့်တွေ အများကြီး လိုနေပါသေးတယ်”
ဒီမိုကရေစီကို လက်တွေ့ကျင့်သုံးနေတဲ့ အမေရိကန်နိုင်ငံကို မကြာခင်မှာပဲ မြန်မာနိုင်ငံက လွှတ်တော်ကိုယ်စားလှယ်တွေလည်း လာရောက် နိုင်မယ်လို့ မျှော်လင့်ထားကြောင်းလည်း အထက်လွှတ်တော်အမတ် John McCain ကပြောကြားခဲ့ပါတယ်။


111အမေရိကန်အထက်လွှတ်တော်အမတ် John McCain က မြန်မာနိုင်ငံရဲ့ ကြားဖြတ် ရွေးကောက်ပွဲဟာ ဒီမိုကရေစီရေး ဖြစ်ထွန်းမှုတွေကို ရှေ့ရှုတဲ့ ခရီးလမ်းအတွက် ထူးကဲတဲ့ ခြေလှမ်းတရပ် ဖြစ်ပါတယ် လို့ ပြောဆိုလိုက်ပါတယ်။
မြန်မာလူထုက သူတို့စိတ်ကြိုက် အောင်အောင်မြင်မြင် ရွေးချယ်ခဲ့ကြတဲ့အတွက် ချီးကျူးဂုဏ်ပြု ပါကြောင်း၊ နေပြည်တော်က အစိုးရအနေနဲ့လည်း ရွေးကောက်ပွဲကို ကျင်းပပေးခဲ့တဲ့ အတွက်ရော၊ အများအားဖြင့် လွှတ်လပ်ပြီး မျှတပုံရတဲ့ ရွေးကောက်ပွဲကို အမေရိကန်အပါအ၀င် နိုင်ငံတကာ အဖွဲ့အစည်းတွေ ကို လေ့လာခွင့်ပြုခဲ့တဲ့ အတွက်ပါ အသိအမှတ်ပြုပါကြောင်း ဂျွန်မက်ကိန်းရဲ့ ကြေညာချက် မှာ ဖော်ပြထားပါတယ်။
ဒီရွေးကောက်ပွဲမှာ အနိုင်ရခဲ့တဲ့ ဒေါ်အောင်ဆန်းစုကြည်ကို အထူးတလည် ချီးကျူး ပါကြောင်း၊ နောက်ဆုံး မှာ မြန်မာပြည်သူတွေ အတွက် ရွေးကောက်ခံ ခေါင်းဆောင် တယောက်အနေနဲ့ လူမှန် နေရာမှန် ဆောင် ကျဉ်းပေးခဲ့တဲ့ မြန်မာနိုင်ငံအတွက် သမိုင်းတွင်မယ့် အခိုက်အတန့် ဖြစ်ပါတယ်လို့လည်း ပြောဆိုလိုက်ပါတယ်။
ဒီရွေးကောက်ပွဲဟာ မြန်မာနဲ့ အမေရိကန် ပြည်ထောင်စု အပါအ၀င် နိုင်ငံတကာနဲ့ ဆက်ဆံရေးအတွက် အရေးကြီးတဲ့ မှတ်တိုင်တခု ဖြစ်သင့်တယ်၊ ဒါ့ကြောင့် မြန်မာနိုင်ငံအပေါ် ပိတ်ဆို့မှုတွေ လျှော့ပေါ့ပေးရေး အတွက် နိုင်ငံတကာ မိတ်ဖက်တွေနဲ့အတူ စတင် ဆောင်ရွက်သင့်တဲ့အကြောင်း၊ အမေရိကန် ကွန်ဂရက် လွှတ်တော် အနေနဲ့လည်း ဒီလုပ်ငန်းစဉ်မှာ အရေးပါတဲ့ အခန်းကဏ္ဍကနေပါဝင်ပြီး တဖြည်းဖြည်းနဲ့ တဆင့် ချင်း တိုးပြီး ဆောင်ရွက်ရမှာ ဖြစ်တယ်လို့ ဆိုပါတယ်။
မြန်မာပြည်သူတွေရဲ့ဘ၀ တိုးတက်ရေးနဲ့ မြန်မာအစိုးရနဲ့ လွှတ်တော်အနေနဲ့ ဒီမိုကရေစီနဲ့ စီးပွားရေး ပြုပြင်ပြောင်းလဲမှုတွေ ခိုင်မာရေးအတွက် သူ့အနေနဲ့ လွှတ်တော်အတွင်း လုပ်ဖော် ကိုင်ဖက် တွေနဲ့ အတူ အစိုးရပိုင်းတာဝန်ရှိသူတွေနဲ့ပါ ဆက်သွယ် ညှိနှိုင်းသွားဖို့ ရှေ့ရှုနေတဲ့အကြောင်း စသဖြင့် ဖော်ပြထား ပါတယ်။
မြန်မာနိုင်ငံက လွှတ်တော် ကိုယ်စားလှယ် အဖွဲ့တွေကိုလည်း အမေရိကန် ပြည်ထောင်စုကို မဝေးတော့တဲ့ အနာဂတ် ကာလမှာ အလည် လာရောက်နိုင်လိမ့်မယ်လို့ မျှော်လင့်တဲ့အကြောင်း အထက်လွှတ်တော်အမတ် ဂျွန်မက်ကိန်းရဲ့ ကြေညာချက်မှာ ဖော်ပြထားပါတယ်။


မက်ဆာချူးဆက်ပြည်နယ် အုပ်ချုပ်ရေးမှူးဟောင်း Mitt Romney ဟာ Republican သမ္မတလောင်း အဖြစ်အရွေးခံရဖို့ သေချာသလောက်ရှိနေပြီး သမ္မတအိုဘားမားကို စိန်ခေါ်နိုင်ဖို့ စိုင်းပြင်းနေပါပြီ။
ဝါရှင်တန်မြို့တော်၊ အရှေ့ပိုင်းက မေရီလင်းပြည်နယ်နဲ့ အနောက်အလယ်ပိုင်းက Wisconsin ပြည်နယ်မှာ မနေ့က အင်္ဂါနေ့မှာကျင်းပခဲ့တဲ့ Republican သမ္မတလောင်း ပဏာမရွေးကောက်ပွဲမှာ Mitt Romney က အပြတ်အသတ် အနိုင်ရရှိခဲ့ပါတယ်။
Wisconsin ပြည်နယ်က ထောက်ခံသူတွေကို Mitt Romney က အောင်ပွဲခံမိန့်ခွန်းပြောကြားခဲ့ရာမှာ သူ့ရဲ့ မဲဆွယ် စည်းရုံးရေး မဟာအောင်မြင်မှုကနေ အမေရိကန်ပြည်သူတွေအတွက် ပေးထားတဲ့ ကတိတွေကို ပြန်လည်ထိန်းသိမ်းနိုင်တော့မယ်လို့ ဆိုပါတယ်။
ဝါရှင်တန်မြို့တော်နဲ့ မေရီလင်းက ပဏာမရွေးကောက်ပွဲမှာ Mitt Romney က သူ့ရဲ့ ပြိုင်ဘက် Rick Santorum ကို အပြတ်အသတ်နိုင်ခဲ့တာဖြစ်ပါတယ်။ Wiscosin ပြည်နယ်မှာတော့ Rick Santorum က အကြီးအကျယ် မဲဆွယ်ထား တာကြောင့် မဲအရေအတွက် သိပ်မကွာပေမဲ့ Mitt Romney အနိုင်ရခဲ့ပါတယ်။
သမ္မတအိုဘာမားကို ထောက်ခံသူတွေကလည်း မဲဆွယ်စည်းရေး စတင်နေပြီး Republican တွေရဲ့ ဘတ်ဂျက် အစီအစဉ်ဟာ တယူသန်အစွန်းရောက်လွန်းတယ်လို့ သမ္မတအိုဘားမားက ဝေဖန်လိုက်ပါတယ်။


အာရှ-ပစိဖိတ်ဒေသမှာ အမေရိကန်စစ်အင်အား သြဇာအရှိန်အ၀ါ တိုးမြှင့်တဲ့ အစပျိုး အစီအစဉ်တရပ်အဖြစ် ပထမအသုတ်အမေရိကန်ကမ်းတပ်တပ်ဖွဲ့ဝင်တွေသြစတြေးလျနိုင်ငံ မြောက်ပိုင်းကို ရောက်ရှိလာကြပါတယ်။
ဗုဒ္ဓဟူးနေ့က ဒါဝင်မြို့ကို စင်းလုံးငှားလေယာဉ်နဲ့ ရောက်လာကြတဲ့ အမေရိကန် ကမ်းတက်တပ်ဖွဲ့ဝင် ၂၀၀ လောက်ကိုတော့ သြစတြေးလျ ကာကွယ်ရေးဝန်ကြီး Stephen Smith က ကြိုဆိုခဲ့တာပါ။ သြစတြေးလျ စစ်တပ်နဲ့ ပူးတွဲစစ်ရေးလေ့ကျင့်သွားမယ့် မြေပြင်နဲ့ဝေဟင် တပ်ဖွဲ့ဝင် ၂,၅၀၀ ထဲက ပထမဆုံး အသုတ်အဖြစ်အမေရိကန်ကမ်းတက်တပ်သားတွေ ရောက်လာတာလည်း ဖြစ်ပါတယ်။သဘောတူညီချက်အရ ဂျက်တိုက်လေယာဉ်တွေနဲ့ ဗုံးကြဲလေယာဉ်တွေ အပါအ၀င် အမေရိကန် စစ်လေယာဉ်တွေ ဒါဝင်စစ်အခြေစိုက် စခန်းကို ပိုပြီး အသုံးပြုခွင့်ပေးသွားမှာလည်း ဖြစ်ပါတယ်။ အမေရိကန် ပြည်ထောင်စုရဲ့ သြစတြေးလျနိုင်ငံဆိုင်ရာ သံအမတ်ကြီး Jeffery Bleich ကတော့ လတ်တလော ကမ္ဘာပေါ်မှာ အရှိန်အဟုန် အကောင်းဆုံးနဲ့ ဖွံ့ဖြိုးတိုးတက်နေတဲ့ ဒေသအဖြစ် ရည်ညွှန်းသုံးနှုန်းပြီး အမေရိကန် တပ်တွေ အခြေချခွင့်ရတာဟာ အခွင့်အလမ်းကောင်း တရပ်လို့ ပြောခဲ့တာပါ။
အမေရိကန် ကမ်းတက်တပ်ဖွဲ့ဝင်တွေ အနေနဲ့ ဒါဝင်မြို့မှာ အမြဲတမ်း အခြေစိုက်ကျမှာ မဟုတ်ဘဲ မြို့စွန်မှာရှိတဲ့ စစ်တန်းလျားတွေမှာ ၆ လ တကြိမ် အလှည့်ကျစနစ်နဲ့ ထားရှိသွားမှာ ဖြစ်ပါတယ်။ အမေရိကန်တပ်တွေ သြစတြေးလျမှာ ချထားမယ့် အစီအစဉ်ကိုတော့ ၂ နိုင်ငံကြား စစ်ဘက်ဆိုင်ရာနဲ့ မဟာဗျူဟာမြောက်ဆက်ဆံရေးတွေ အနှစ် ၆၀ ပြည့် အထိမ်းအမှတ်အဖြစ် ပြီးခဲ့တဲ့နှစ် နိုဝင်ဘာလက အမေရိကန်သမ္မတ ဘရက်ခ် အိုဘားမားနဲ့ သြစတြေးလျ ၀န်ကြီးချုပ် Julia Gillard တို့ကြား သဘောတူခဲ့ကြတာ ဖြစ်ပါတယ်။

ဟောင်ကောင် အုပ်ချုပ်ရေးမှူးသစ်အဖြစ် ရွေးချယ်ခံရသူကို လူထောင်ပေါင်းများစွာက ဧပြီလ ၁ ရက်နေ့တွင် ကန့်ကွက် ဆန္ဒပြခဲ့ပြီး အုပ်ချုပ်ရေးမှူး ရွေးကောက်ပွဲတွင် တရုတ်က ၀င်ရောက်စွက်ဖက်မှုအပေါ် ပြစ်တင်ဝေဖန် ခဲ့သည်။
''လူတစ်ယောက် မဲတစ်မဲ''၊ ''လျန် ရာထူးမှထွက်'' စသောစာတမ်းများကို ကိုင်ဆောင်ကာ ကြွေးကြော်သံများ ဟစ်ကြွေးပြီး ဟောင်ကောင်မြို့လယ်ရှိ ပေကျင်း ကိုယ်စားလှယ်ရုံးသို့ ချီတက်ဆန္ဒပြခဲ့ကြသည်။
မတ်လ ၂၅ ရက်က ပြုလုပ်ခဲ့သော ရွေးကောက်ပွဲအပြီးတွင် အနိုင်ရခဲ့သော အသက် ၅၇ နှစ်ရှိ လျန်ချန်ယင်မှာ ပထမဆုံးအကြိမ် ဆန္ဒပြမှု ကြုံခဲ့ရခြင်းဖြစ်သည်။

အငြိမ်းစား ၀န်ထမ်းတစ်ဦးဖြစ်သူ Lam Sum-shing တရုတ်သည် မိမိတို့ ရွေးကောက်ပွဲတွင် စွက်ဖက်ခဲ့ကြောင်း၊ လျန်ကို ဟောင်ကောင်ပြည်သူ ခုနစ်သန်းက ရွေးချယ်ခဲ့ခြင်း မဟုတ်ဘဲ ပေကျင်းထောက်ခံသူ ၆၈၉ ဦးကသာ ရွေးချယ်ခဲ့ခြင်းဖြစ်ကြောင်း ပြောကြားခဲ့သည်။
ဗြိတိန် ကိုလိုနီဖြစ်ခဲ့သော ဟောင်ကောင်သည် ၁၉၉၇ ခုနှစ်တွင် တရုတ်အုပ်ချုပ်မှုအောက် ရောက်ခဲ့သော်လည်း လွတ်လပ်ခွင့် အပြည့်အ၀ ရထားခဲ့သည်။ သို့သော် အုပ်ချုပ်ရေးမှူးကိုမူ ပြည်သူများက တိုက်ရိုက် မရွေးချယ်နိုင်သေးပေ။ တရုတ်ပြည်မကြီးမှာမူ ''တစ်နိုင်ငံ၊ မူနှစ်မျိုး'' ကျင့်သုံးနေပြီး လွတ်လပ်ခွင့်မရှိပေ။ ဟောင်ကောင် အုပ်ချုပ်ရေးမှူး ရွေးကောက်ပွဲမတိုင်မီ ပြုလုပ်ခဲ့သော စစ်တမ်းများအရ ပေကျင်းလိုလားသူ သန်းကြွယ်သူဌေးလျန်နှင့် ယခင်က ရေပန်းအစားဆုံးဖြစ်ပြီးမှ အရှုပ်တော်ပုံများကြောင့် နာမည်ပျက်ခဲ့သူ ဟင်နရီတန်တို့ နှစ်ဦးစလုံးကို ပြည်သူများက လိုလားခြင်း မရှိကြောင်း သိရသည်။


မြောက်ကိုရီးယားတွင် ၁၉၉၀ ပြည့်နှစ်က အငတ်ဘေးဆိုးဆိုးရွား ရွားဖြစ်ပွားခဲ့သဖြင့် ယင်းအချိန်ကာလက မွေးဖွားခဲ့သော လက်ရှိမျိုးဆက်သည် ခန္ဓာကိုယ် ဖွံ့ဖြိုးမှုအားနည်းမှုကြောင့် စစ်မှုထမ်းရမည့်သူများအတွက် လိုအပ်သော အရပ်အမောင်း အနိမ့်ဆုံး သတ်မှတ်ချက်ကို လျော့ချပေးခဲ့ကြောင်း ဧပြီလ ၂ ရက်တွင် ထုတ်ပြန်ခဲ့သော သတင်းဖော်ပြချက် အရ သိရသည်။

အနိမ့်ဆုံးသတ်မှတ်ချက် ၁၄၅ စင်တီမီတာကို ၁၄၂ စင်တီမီတာ (၄ ပေ၊ ၉ လက်မ) သို့လျော့ချပေးခဲ့ခြင်း ဖြစ်ကြောင်း မြောက်ကိုရီးယားမှ ထွက်ပြေးလာသူများဦးစီးသော ဆိုးလ်အခြေစိုက် အွန်လိုင်းသတင်းစာ Daily NK က ရေးသားဖော်ပြခဲ့သည်။

ကိုယ်ခန္ဓာ ပုံမှန်အနေအထားရှိသော အသက် ၁၆ နှစ်မှ ၁၇ နှစ် အထိ အမျိုးသားများသည် မဖြစ်မနေ စစ်မှုထမ်းရမည့်ဥပဒေကို ပြဋ္ဌာန်းထားသည်မှာ ဆယ်စုနှစ်တစ်ခုခန့် ကြာမြင့်ခဲ့ပြီဖြစ်သည်။ ခန္ဓာကိုယ်ပုံ မှန်ဖွံ့ဖြိုးသော အမျိုးသမီးများသည်လည်း ကာလတစ်ခုခန့် စစ်မှုထမ်းရမည်ဖြစ်ကြောင်း ဥပဒေထုတ်ပြန်ထားသည်။ မြောက်ကိုရီးယားတွင် အရပ်ပု သူများပြားလာသောကြောင့် စစ်တပ်က သတ်မှတ်ချက် လျော့ချလက်ခံခြင်းဖြစ်ကြောင်း Daily NK က မြောက်ကိုရီးယားမှ သတင်းရင်းမြစ်တစ်ခုကို ကိုးကားဖော်ပြခဲ့သည်။

မြောက်ကိုရီးယားတွင် ၁၉၉၀ ပြည့်နှစ်က အငတ်ဘေးကြောင့် လူထောင်ပေါင်းများစွာ သေဆုံးခဲ့ပြီး ကလေးသေနှုန်းမြင့်မားခဲ့သလို ကလေးမွေးနှုန်းမှာလည်း ကျဆင်းခဲ့ကြောင်း ယင်းသတင်းရင်းမြစ်က ပြောကြားခဲ့သည်။


ဖိလစ်ပိုင်နိုင်ငံသည် မြောက်ကိုရီးယား ဒုံးကျည်လွှတ်တင်မည့် ကိစ္စနှင့် ပတ်သက်၍ သံတမန်ရေးဆိုင်ရာ ကန့်ကွက်ဝေဖန်မှုများ ပြုလုပ်ပြီးနောက် အာဆီယံဆွေးနွေးပွဲတွင် မြောက်ကိုရီးယား အရေးအား ထည့်သွင်း ဆွေးနွေးသွားမည်ဖြစ်ကြောင်း အာ ဆီယံ အတွင်းရေးမှူးချုပ် ဆူရင်ပစ်ဆူဝမ်က ဧပြီလ ၁ ရက်နေ့တွင် ပြောကြားခဲ့သည်။

''မြောက်ကိုရီးယား ဒုံးကျည် ပစ်လွှတ်မယ့်ကိစ္စကို နှစ်ရက်ကြာ ထည့်သွင်း ဆွေးနွေးသွားမှာ ဖြစ်ပါတယ်။ ကိုရီးယားကျွန်းဆွယ်မှာ ဖြစ်နေတဲ့ ဘယ်လိုမတည်ငြိမ်မှုမျိုးမဆို လက်နက်နဲ့ နျူကလီးယားပြိုင်ဆိုင်မှုတွေ ဖြစ်သွားနိုင်တဲ့အတွက် ကျွန်တော်တို့နဲ့ အရမ်းကို ပတ်သက်နေပါတယ်။ ဒါ့အပြင် ဒီကိစ္စက အာဆီယံ အပါအ၀င် ဒေသတွင်းနိုင်ငံတွေရဲ့ ကုန်သွယ်ရေးနဲ့ ရင်းနှီးမြှုပ်နှံရေး ယုံကြည်မှုတွေကိုပါ ထိခိုက်နိုင်ပါတယ်'' ဟု ဆူရင်ပစ်ဆူဝမ်က ယင်းအစည်းအဝေးပွဲ ကျင်းပနေသည့် ကမ္ဘောဒီးယားမြို့တော် ဖနွမ်းပင်၌ သတင်းထောက်များကို ပြောကြားခဲ့ခြင်းဖြစ်သည်။

ဧပြီလ ၁၂-၁၆ ရက်နေ့ကြားတွင် ဂြိုဟ်တုပါသော ဒုံးကျည်ကို ပစ်လွှတ်နိုင်ခြေရှိကြောင်း မြောက်ကိုရီးယားအစိုးရက ပြီးခဲ့သောလတွင် ထုတ်ပြန်ခဲ့သည်။ ထိုကဲ့သို့ လွှတ်တင်ခြင်းမှာ မြောက်ကိုရီးယားသည် အမေရိကန်နှင့် ကတိပြုထားသော ဒုံးကျည်မစမ်းသပ်ရေး ကတိအား ချိုးဖောက်သကဲ့သို့ ဖြစ်နေပြီး ကုလလုံခြုံရေးကောင်စီ ဆုံးဖြတ်ချက်အား ချိုးဖောက်သလို ဖြစ်နေသည်။

ဖိလစ်ပိုင်နိုင်ငံခြားရေးဝန်ကြီး Albert del Rosario က မိမိတို့သည် မြောက်ကိုရီးယား ကိုယ်စားလှယ်များအား သံတမန်နည်းလမ်းအရ ကန့်ကွက်ဆန္ဒပြခဲ့ကြောင်း ဧပြီလ ၁ ရက်နေ့က ပြောကြားခဲ့ပြီး ယခု အာဆီယံဆွေးနွေးပွဲတွင်လည်း ဖိလစ်ပိုင်အမြင်ကို ဆက်လက် ဆွေးနွေးသွားမည်ဖြစ်ကြောင်း ပြောကြားခဲ့သည်။မြောက်ကိုရီးယားမှ ပစ်လွှတ်မည့် ဒုံးကျည်သည် အကယ်၍ ပျက်ကျခဲ့ပါက အပျက်အစီးများသည် ဖိလစ်ပိုင်ကျွန်းစုဆီသို့ ကျလာနိုင်ကြောင်း အမေရိကန်အကြီးတန်း သံတမန်တစ်ဦးက ခန့်မှန်းပြောကြားခဲ့သည်။


တောင်တရုတ်ပင်လယ်အတွင်း တရုတ်နှင့်အငြင်းပွားမှုများ သက် သာရာရစေရန်အတွက် ကျင့်ထုံးများသတ်မှတ်ရန် အာဆီယံ အစည်းအဝေးတွင် အရှေ့တောင်အာရှ နိုင်ငံခြားရေးဝန်ကြီးများက ဆွေးနွေးခဲ့ကြသည်။

ပင်လယ်ရေပိုင်နက် အငြင်းပွားမှုများ လျော့ကျရန်အတွက် မျှော်လင့်ထားကြောင်းနှင့် ယခုနှစ်ကုန်တွင် ရေပိုင်နက်ဆိုင်ရာ ကျင့်ထုံးများကို တရုတ်နှင့် လက်မှတ်ရေးထိုးနိုင်မည်ဟု မျှော်လင့်ကြောင်း အာဆီယံ အစည်းအဝေး၌ နိုင်ငံခြားရေးဝန်ကြီးများက မျှော်လင့်ထားကြသည်။
''တရုတ်နဲ့ မဆွေးနွေးခင်မှာ ရေပိုင်နက်ဆိုင်ရာ ကျင့်ထုံးမူကြမ်းတစ်ခုကို ပြင်ဆင်ထားဖို့ ကျွန်တော်တို့ ကြိုးပမ်းနေပါတယ်။ အမြင်တွေကလည်း အမျိုးမျိုးပဲရှိနေပါတယ်''ဟု ဖိလစ်ပိုင် နိုင်ငံခြားရေးဝန်ကြီးက ပြောကြားခဲ့သည်။ အာဆီယံအနေဖြင့် ပိုင်နက်ဆိုင်ရာ ကျင့်ထုံးများကို ပေကျင်းနှင့် မဆွေးနွေးမီ တရုတ်၏ အမြင်ကိုလည်း ထည့်သွင်းဆွေးနွေးသင့်ကြောင်း အင်ဒိုနီးရှားနိုင်ငံခြားရေးဝန်ကြီးက ပြောကြားခဲ့သည်။
ရေပိုင်နက်ဆိုင်ရာကျင့်ထုံး ရေးဆွဲရေးအတွက် လမ်းညွှန်ချက် များချမှတ်ရန် အာဆီယံနှင့်တရုတ် တို့က ပြီးခဲ့သောနှစ်တွင် သဘောတူခဲ့ကြသည်။


ညီညွတ်မှု အားနည်းနေသေးသော ဆီးရီးယား အတိုက်အခံတို့ဖြင့် ဖွဲ့စည်းထားသည့် ဆီးရီးယားအမျိုးသားကောင်စီ SNC ကို တူရကီတွင် ဧပြီလ ၁ ရက်နေ့၌ ပြုလုပ်သော 'ဆီးရီးယားမိတ်ဆွေနိုင်ငံများ' ဆွေးနွေးပွဲ တက်ရောက်ခဲ့သည့် နိုင်ငံများက အသိအမှတ်ပြုခဲ့သည်။

ဆီးရီးယားသမ္မတ ဘာရှားအယ်လ်အာဆတ် အစိုးရတပ်များအား ပြန်လည်တိုက်ခိုက်နေသော ဆီးရီးယား လွတ်မြောက်ရေးတပ်မတော် FSA အဖွဲ့ဝင်များကို လစာပေးသွားမည်ဟု SNC က ဧပြီလ ၁ ရက်နေ့ တွင် ကတိပြု ခဲ့သည်။ FSA တွင် ဆီး ရီးယားစစ်တပ်နှင့် အစိုးရဘက်မှ ဘက်ပြောင်းလာသူအများစုပါဝင်ပြီး ယင်းကဲ့သို့ လစာပေးခြင်းပြုလုပ်ပါက ဆီးရီးယားအစိုးရဘက်မှ ဘက် ပြောင်းသူများ ပိုမိုများပြားလာနိုင် ကြောင်း SNC က ထုတ်ပြန်ခဲ့သည်။
ဧပြီလ ၁ ရက်နေ့က ဒုတိယအကြိမ်မြောက် 'ဆီးရီးယားမိတ်ဆွေ နိုင်ငံများအဖွဲ့' ဆွေးနွေးပွဲပြုလုပ်ခဲ့ပြီး SNC ကို အသိအမှတ်ပြုခဲ့ခြင်း ဖြစ်သည်။ အကယ်၍ အာဆတ်အစိုးရကို ဖြုတ်ချပြီးပါက အတိုက်အခံတို့သည် ဘာသာရေး သို့မဟုတ် လူမျိုး စုအပေါ် အခြေခံသော လူမျိုးရေးခွဲခြားမှုမျိုး ပြုလုပ်မည်မဟုတ်ဘဲ ပြည်သူ့အခွင့်အရေးများကို အာမခံသည့် အားလုံးပါဝင်သော၊ ဒီမိုကရေစီနည်းကျသော အစိုးရတစ်ရပ် ထူထောင်သွား မည်ဟု ကတိပြုကြောင်း SNC အဖွဲ့ခေါင်းဆောင် ဘာဟန်ဂါလီယွန်က ပြောကြားခဲ့သည်။

သို့သော် ဆီးရီးယား အတိုက်အခံတို့က ယင်းကဲ့သို့ မလုပ်ဆောင်နိုင်မီ နိုင်ငံတကာ အသိုက်အ၀န်း၏ အကူအညီပေးမှု လိုအပ်ကြောင်း ၎င်းက ပြောကြားခဲ့သည်။ နိုင်ငံတကာမှ ခေါင်းဆောင်များအနေဖြင့် ဆီးရီးယား အရေးတွင် စကားလုံးပြင်းပြင်း ပြောခြင်းဖြင့်သာ ရပ်တန့်မနေဘဲ အတိုက်အခံတို့ကို လက်တွေ့ကျသော အကူအညီများပေးရန် ဂါလီယွန်က တိုက်တွန်းခဲ့သည်။ နိုင်ငံတကာက ဆီးရီးယားအရေးတွင် တွန့်ဆုတ်ခြင်း၊ သဘောကွဲလွဲခြင်းဖြစ်နေပါက အာဆတ် အစိုးရက အခွင့်ကောင်းယူပြီး မြို့များကို သိမ်းပိုက်ခြင်း၊ ပြည်သူများကို အိုးအိမ်မဲ့ဖြစ်စေခြင်း၊ အမြောက်များဖြင့် ပစ်ခတ်ခြင်းတို့ ပိုမိုပြုလုပ်လာနိုင်သည်ဟု ထောက်ပြခဲ့သည်။
တူရကီဝန်ကြီးချုပ် ရီဆက်တေယက်အာဒိုဂန်က ဆီးရီးယားပြည်သူများကို စွန့်ပစ်ထားမည်မဟုတ်ကြောင်း ကတိပြုခဲ့သည်။ အမေရိကန်ကလည်း ဆီးရီးယား အတိုက်အခံတို့ကို ကူညီပေးမည်ဟု ကြေညာထားသော ပမာဏထက် နှစ်ဆနီးပါး တိုးကာ ဒေါ်လာ ၁၂ သန်း ထပ်တိုးပေးသွားမည်ဟု နိုင်ငံခြားရေးဝန်ကြီး ဟီလာရီကလင်တန်က ကြေညာခဲ့သည်။
သို့သော် ဆီးရီးယားနိုင်ငံတွင်း ပြည်သူတစ်သန်းကျော်မှာ အကူအညီ လိုအပ်နေသဖြင့် အကူအညီပေးမည်ဆိုသည့် ဒေါ်လာသန်း ၃၀ မှာ လုံလောက်မှုမရှိကြောင်း၊ တစ်နေ့လျှင် အနိမ့်ဆုံးအားဖြင့် ဒေါ်လာသန်းနှင့်ချီ၍ လိုအပ်နေကြောင်ှးSNC အဖွဲ့ဝင်တစ်ဦးဖြစ်သူ Adib Shishakly က ပြောကြားခဲ့သည်။ နိုင်ငံတကာက FSA ကို ထောက်ပံ့ပေးခြင်း၊ အရပ်သားများကို ကာကွယ်ပေးသည့် ဇုန်များ ပြုလုပ်ပေးခြင်း၊ ဆေးဝါးစသော အကူအညီများပေးခြင်းတို့ ပြုလုပ်ရန် ၎င်းက တိုက်တွန်းခဲ့သည်။
ဆီးရီးယားနိုင်ငံရေး ပဋိပက္ခကြောင့် သေဆုံးသူ ၉၀၀၀ ကျော်လာပြီး အနည်းဆုံးလူ တစ်သန်းခန့် ဒုက္ခဖြစ်နေကြောင်း ကုလသမဂ္ဂက ထုတ်ပြန်ခဲ့သည်။ အတိုက်အခံများကမူ သေဆုံးသူ ၁၀၀၀၀ ကျော်သွားပြီဟု ထုတ်ပြန်ခဲ့သည်။