ကမ္ဘာ့သတင်းများ 17/04/2012
နိုင်ငံတကာသတင်း
ဂျင်(မ်)ယုံကင်(မ်) ကို ကမ္ဘာ့ဘဏ် ဥက္ကဋ္ဌ အဖြစ်ရွေးချယ်
သူဟာဆိုရင် ကုလသမဂ္ဂရဲ့ AIDS တိုက်ဖျက်ရေး လုပ်ငန်းတွေမှာ ပါဝင်ဆောင်ရွက်ဖူးသူ တဦးအဖြစ် ဆင်းရဲတဲ့ တိုင်းပြည်တွေက ကျန်းမာရေး စောင့်ရှောက်မှု ကိစ္စတွေ တိုးတက်ရေးအတွက် အစိုးရမဟုတ်တဲ့ အဖွဲ့အစည်း တခုကို ထူထောင်ခဲ့သူတဦး၊ နာမည်ကျော် ဟားဗတ်တက္ကသိုလ်မှာ စာသင်ကြားပို့ချခဲ့သူ တဦးလည်း ဖြစ်ပါတယ်။
လက်ရှိ ကမ္ဘာ့ဘဏ် အကြီးအကဲ ရောဘတ် ဇိုးလစ် (Robert Zoellick) ရဲ့ သက်တမ်း ဇွန်လမှာ ကုန်ဆုံးပြီးတဲ့နောက် ဥက္ကဋ္ဌသစ် အဖြစ် ဒေါက်တာကမ် ဟာ ဇူလိုင်လ ၁ ရက်နေ့ကစလို့ ၅ နှစ် သက်တမ်းကို စတင် တာဝန်ယူသွားရမှာပါ။ ဒေါက်တာကမ် ကတော့ မြန်မြန်ဆန်ဆန် ပြောင်းလဲလာနေတဲ့ ကမ္ဘာကြီးရဲ့ လိုအပ်ချက်တွေကို ရောင်ပြန်ဟပ်တဲ့ အစီအစဉ်သစ်တွေ ချမှတ်ဖို့နဲ့ အားလုံးပါဝင်နိုင်မယ့် ဖွံ့ဖြိုးတိုးတက်မှုတွေ ရရှိစေရေး ဆောင်ရွက်သွားမယ်လို့ တနင်္လာနေ့က သတင်းထောက်တွေကို မှတ်ချက်ပေး ပြောဆိုလိုက်ပါတယ်။
သူ့ကိုတော့ အမေရိကန် သမ္မတ ဘာရက် အိုဘားမား က အမည်စာရင်း တင်သွင်းခဲ့တာဖြစ်ပြီး တာဝန်ယူဖို့ လက်ခံခဲ့တဲ့အတွက်လည်း ချီးကျူးစကား ပြောဆိုထားတာပါ။ ကမ္ဘာ့ဘဏ် ဥက္ကဋ္ဌ နေရာအတွက် နိုင်ဂျီးရီးယား နဲ့ ကိုလံဘီယာနိုင်ငံတွေက အမည်စာရင်း တင်သွင်းခံရသူတွေဟာလည်း အရည်အချင်း ပြည့်ဝသူတွေ၊ သန္နိဓာန် ခိုင်မာကျသူတွေ ဖြစ်တယ်လို့ သမ္မတ အိုဘားမား ကမှတ်ချက်ပေးခဲ့တာ ဖြစ်ပါတယ်။ တရားဝင်မဟုတ်ပေမဲ့လည်း အစဉ်အလာ အားဖြင့် ကမ္ဘာ့ဘဏ် ဥက္ကဋ္ဌ တာဝန်ကို အမေရိကန် နိုင်ငံသားတွေကသာ ရယူလေ့ ရှိကြသလို၊ နိုင်ငံတကာ ငွေကြေး ရန်ပုံငွေအဖွဲ့ (IMF) အကြီးအကဲ အဖြစ်နဲ့ ဥရောပက ဆောင်ရွက်လေ့ ရှိပေမဲ့ ဒီအလေ့အထဟာ ခေတ်မမှီဘူးလို့ ဝေဖန်ခံနေရတာလည်း ဖြစ်ပါတယ်။
နျူကလီးယား အရေး စိုးရိမ်မှု အီရန် ဖြေရှင်းရန် အသင့်
ကုလသမဂ္ဂ လုံခြုံရေးကောင်စီ အမြဲတန်း အဖွဲ့ဝင်တွေဖြစ်ကြတဲ့ အမေရိကန်၊ ဗြိတိန်၊ ပြင်သစ်၊ ရုရှားနဲ့ တရုတ် နိုင်ငံတို့အပြင် ဂျာမဏီ နိုင်ငံတွေက သံတမန်တွေနဲ့ပါ စနေနေ့က ဆွေးနွေးရာ မှာတော့ အပြု သဘောဆောင် တိုးတက်မှုတွေ ရှိတယ်လို့လည်း ပြောပါတယ်။ တချိန်တည်းမှာပဲ အီရန်ရဲ့ နျူကလီးယား အစီအစဉ် တွေနဲ့ ပတ်သက်လို့ လိုက်နာဖို့ တောင်းဆိုချက်တွေကို စတင်ဆောင်ရွက်တာတွေ မရှိပဲနဲ့ ပိတ်ဆို့ဒဏ်ခတ်မှုတွေ လျှော့ပေါ့စရာ အကြောင်းမရှိဘူးလို့ ဥရောပသမဂ္ဂ (EU) ရဲ့ အလှည့်ကျ ဥက္ကဋ္ဌ တာဝန်ယူထားတဲ့ ဒိန်းမတ်နိုင်ငံက နိုင်ငံခြားရေး ၀န်ကြီးက ပြောလိုက်တဲ့အကြောင်း ရိုက်တာစ် သတင်းတပုဒ်က ဖော်ပြခဲ့တာပါ။
အီရန်နိုင်ငံဟာ နျူကလီးယား လက်နက် ထုတ်လုပ်မှုတွေကို အရပ်ဖက် လုပ်ငန်းတွေနဲ့ ဖုံးကွယ်ထားတယ်လို့ နိုင်ငံ အတော်များများက သံသယ၀င်နေကြပေမဲ့ အီရန်ကတော့ ဒါဟာ မဟုတ်ဘူးလို့ ငြင်းဆန်ထားတာ ဖြစ်ပါတယ်။ နျူကလီးယား အရေး တူရကီနိုင်ငံမှာ နောက်ဆုံးဆွေးနွေးပွဲတွေ ကျင်းပခဲ့တဲ့ တနင်္ဂနွေနေ့မှာ တော့ အမေရိကန် သမ္မတ ဘရက်ခ် အိုဘားမား က အီရန်နိုင်ငံကို ဘာအခွင့်အရေးမှ ပေးမှာ မဟုတ်တဲ့ အကြောင်း ပြောသွားခဲ့ပါတယ်။
လူသတ်ကြောင်း ဝန်ခံသူ နော်ဝေ နိုင်ငံသား အပြစ်မရှိကြောင်း လျှောက်လဲ
လက်ဝဲယိမ်း စစ်သွေးကြွတဦးဖြစ်သူ နော်ဝေးနိုင်ငံသားက မနှစ်ကဇူလိုင်လအတွင်း လူ ၇၇ ယောက်ကို သတ်ခဲ့တယ် လို့ ၀န်ခံလိုက်ပေမဲ့ အကြမ်းဖက်မှုနဲ့ လူသတ်မှု အတွက် အပြစ်မရှိကြောင်း ကိုယ့်ကို ကိုယ် ခုခံကာကွယ် ဖို့အတွက် တိုက်ခိုက်ခဲ့ရတာလို့ တရားခွင်မှာ ထွက်ဆိုလိုက်ပါတယ်။
၂၀၁၀ ပြည့်နှစ် ဇူလိုင်လ ၂၂ ရက်နေ့တုံးက အော်စလိုမြို့လယ်မှာ ကားဗုံးခွဲတာနဲ့ မြို့ပြင် ယူတိုရာကျွန်း မှာ စုဝေးခဲ့တဲ့ အာဏာရလေဘာပါတီ လူငယ်နွေရာသီစခန်းကို တိုက်ခိုက်ခဲ့တာတွေအတွက် Anders Behring Breivik က တရားရုံးမှာ ဒီနေ့ ဖြောင့်ချက်ပေးဝန်ခံလိုက်တာဖြစ်ပါတယ်။
Breivik က သူ့လုပ်ရပ်တွေ အတွက်ဝန်ခံကြောင်း၊ ဒါပေမဲ့ ရာဇ၀တ်မှုအတွက် သူ့မှာ အပြစ်မရှိဘူး လို့ တရားရုံး မှာ ထွက်ဆို လိုက်ပါတယ်။ အော်စလိုမြို့ ကားဗုံးခွဲမှုမှာ ၈ ယောက် သေဆုံးခဲ့ပြီး လူငယ်စခန်းမှာ ၆၉ ယောက် သေဆုံး ခဲ့ရတာဖြစ် ပါတယ်။ နော်ဝေးနိုင်ငံမှာ မူဆလင်တွေ နေရာယူလာမယ့် အရေးနဲ့ ယဉ်ကျေးမှုပေါင်းစုံ နော်ဝေးနိုင်ငံ မှာ အမြစ်တွယ် လာမှာကို ကြိုတင်ကာကွယ်တဲ့အနေနဲ့ အာဏာရပါတီ ရဲ့လူဝင်မှု စနစ်ကိုင်တွယ် ပုံကို ကန့်ကွက်ပြီး အခုလိုတိုက်ခိုက်ခဲ့ တာလို့ Breivik ကထွက်ဆိုသွားပါတယ်။
မြောက်ကိုးရီးယား ဒုံးကျည် လွှတ်တင်မှု ကုလ လုံခြုံရေးကောင်စီ ရှုံချ
လုံခြုံရေးကောင်စီအဖွဲ့ဝင်တွေက မြောက်ကိုရီးယားအရေး သုံးရက်ကြာ တံခါးပိတ်ဆွေးနွေးခဲ့ကြပြီး သဘောတူခဲ့ကြတာ ဖြစ်တယ်လို့ အမည်မဖေါ်လိုသူ သံတမန်တွေက ပြောဆိုလိုက်တာပါ။ တကယ်လို့ တနင်္ဂနွေနေ့ညက ကန့်ကွက်တာတွေ မရှိခဲ့ရင်တော့ တနင်္လာနေ့ မနက်ပိုင်းမှာ အဲဒီ ကြေညာချက် ထုတ်ပြန် မှာ ဖြစ်ပါတယ်။
ကြေညာချက်ပါ အသေးစိတ်အချက်အလက်တွေ မသိရသေးပေမဲ့၊ ကျေနပ်ဖွယ်ရာ ထူးခြားတဲ့ဖြစ်ထွန်းမှုတွေ ပါဝင် တယ်လို့ အမေရိကန် လက်ထောက်နိုင်ငံခြားရေးဝန်ကြီး Kurt Campbell ကဂျပန်နိုင်ငံခရီးစဉ်အတွင်း ပြောဆိုလိုက် ပါတယ်။
ကုလသမဂ္ဂ အတွင်းရေးမှူးချုပ် ဘန်ကီမွန်းနဲ့ ကုလသမဂ္ဂ ဆိုင်ရာ အမေရိကန်သံအမတ်ကြီး Susan Rice တို့ကလည်း တားမြစ်နေတဲ့ကြားက မြောက်ကိုရီးယားက ဒုံးပျံလွှတ် တင်ခဲ့အတွက် စိတ်ပျက်ကြောင်း သောကြာနေ့က ပြောဆိုခဲ့ ကြပေမဲ့ တရားဝင် ကြေညာချက် မထုတ်ပြန်ရသေးပါဘူး။ အမေရိကန်က အဆိုပြု ထားတဲ့ ပြင်းထန်တဲ့ အသုံးအနှုန်း အစား ညင်သာတဲ့ စကားလုံး အစားထိုး ဖို့အတွက် တရုတ်နိုင်ငံ ကတောင်းဆို နေတာကြောင့် လုံခြုံရေးကောင်စီ ရဲ့ ကြေညာချက် နှောင့်နှေးခဲ့ရတာဖြစ်ပါတယ်။ မြောက်ကိုရီးယားက ကြာသပတေး နေ့ က လွှတ်တင်လိုက်တဲ့ ဒုံးပျံဟာ အာကာသထဲ မရောက်ဘဲ လွှတ်တင်လိုက်ပြီးမကြာခင်မှာဘဲ ပင်လယ်ဝါ အတွင်းပျက်ကျခဲ့ပါတယ်။
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment