ဦးသိန်းစိန်နဲ့ ဒေါ်အောင်ဆန်းစုကြည် တွေ့ဆုံဆွေးနွေး

မြန်မာပြုပြင်ပြောင်းလဲမှု အထက်လွှတ်တော်အမတ် ဂျင်ဝက် ချီးကျူး

ဒေါ်အောင်ဆန်းစုကြည် သမ္မတဦးသိန်းစိန်နှင့် ဒုအကြိမ် တွေ့မည်

NLD ခေါင်းဆောင် ဒေါ်အောင်ဆန်းစုကြည်သည် မနက်ဖြန်ဗုဒ္ဓဟူးနေ့တွင် နေပြည်တော်သို့ နေ့ချင်းပြန် သွားရောက်ပြီး သမ္မတဦးသိန်းစိန်နှင့် တွေ့ဆုံ ဆွေးနွေးမည်ဟု ရန်ကုန်မှ လာသည့် အေဂျင်စီသတင်းများက ဆိုသည်။
ထိပ်သီး ခေါင်းဆောင် နှစ်ဦးသည် ပြီးခဲ့သည့် သြဂုတ်လက နေပြည်တော်တွင် ပထမဆုံးအကြိမ် တွေ့ဆုံခဲ့ရာ နောက်တနေ့ အစိုးရ သတင်းစာများတွင် ထိုသတင်း ပါဝင်လာပြီး “မတူကွဲပြားသော သဘောထားအမြင်များ ဘေးဖယ်ထားပြီး နိုင်ငံနှင့် ပြည်သူလူထုအတွက် အမှန်တကယ် အကျိုးရှိစေမည့် ဘုံအကျိုးစီးပွားများတွင် ပူးပေါင်းဆောင်ရွက်နိုင်မည့် အလားအလာများအား ရင်းနှီးပွင့်လင်းစွာ ဆွေးနွေးခဲ့ကြောင်း” ရေးသား ဖော်ပြထားသည်။
ထိုတွေ့ဆုံပွဲအပြီး NLD က ကြားဖြတ်ရွေးကောက်ပွဲတွင် ၀င်ရောက်ယှဉ်ပြိုင်ရန် ခြေလှမ်းများ စတင်ခဲ့သည်။

မနက်ဖြန်တွင် ကြားဖြတ်ရွေးကောက်ပွဲ အနိုင်ရ၊ အမျိုးသားဒီမိုကရေစီ အဖွဲ့ချုပ် (NLD) ဥက္ကဋ္ဌ ဒေါ်အောင်ဆန်းစုကြည်နှင့် သမ္မတ ဦးသိန်းစိန်တို့ ဒုတိယအကြိမ် တွေ့ဆုံမည်ဟု သတင်းရရှိသည်။ ယင်းသို့တွေ့ဆုံရန် စီစဉ်နေသည်မှာ မှန်ကန်ကြောင်း NLD ပါတီ ခေါင်းဆောင် တဦးဖြစ်သူ ဦးစိုးဝင်းက ဧရာဝတီသို့ ပြောသည်။ NLD မှ အနိုင်ရ လွှတ်တော် အမတ်များကို လွှတ်တော် တက်ရန် တရားဝင် အကြောင်းကြားထားပြီး ၂၃ ရက်နေ့တွင် နေပြည်တော်သို့ NLD အမတ်များ သွားရောက်ကြမည်ဟု သိရသည်။

သမ္မတ ဦးသိန်းစိန်နှင့် ဒေါ်အောင်ဆန်းစုကြည် ပူးပေါင်းမှုကြောင့် အပြောင်းအလဲများ ဖြစ်

မြန်မာနိုင်ငံတွင် ဖြစ်ပေါ်နေသော သမိုင်းဝင် အပြောင်းအလဲများသည် ဒေါ်အောင်ဆန်းစုကြည်နှင့် သမ္မတ ဦးသိန်းစိန်တို့ နှစ်ဦး၏ ပူးပေါင်း ဆောင်ရွက်မှုကြောင့် ဖြစ်ပေါ်လာခြင်းဖြစ်ကြောင်း အမေရိကန် အထက် လွှတ်တော်အမတ် ဂျင်မ်ဝက်ဘ်က ပြောကြားသည်။ ရန်ကုန်မြို့ရှိ အမေရိကန်သံရုံးတွင် ယနေ့ကျင်းပသော သတင်းစာရှင်းလင်းပွဲတွင် ၄င်းက အထက်ပါအတိုင်း ပြောကြားလိုက်ခြင်း ဖြစ်သည်။ ယင်းပူးပေါင်းဆောင်ရွက်မှုကြောင့် မြန်မာပြည်သူအများစု နှစ်ပေါင်းများစွာ တောင့်တလိုလားနေသော အပြောင်းအလဲများ စတင်ဖြစ်ပေါ်လာကြောင်း၊ လက်ရှိအခြေအနေတွင် မြန်မာနိုင်ငံသည် အလွန်အရေးကြီးသောကာလသို့ ရောက်ရှိနေကြောင်း ၄င်းက ဆက်လက်ပြောသည်။ သမ္မတ ဦးသိန်းစိန်နှင့် ဒေါ်အောင်ဆန်းစုကြည်တို့ ယနေ့ နံနက်က နေပြည်တော်တွင် သီးသန့်တွေ့ဆုံဆွေးနွေးကြပြီး နေ့လည်စာ စားခဲ့ကြသည်။
မစ္စတာ ဂျင်မ်ဝက်ဘ်အနေဖြင့် အမေရိကန်ပြည်ထောင်စုသို့ ပြန်လည်ရောက်ရှိပါက မြန်မာနိုင်ငံနှင့် အမေရိကန် ဆက်ဆံရေးအတွက် လွှတ်တော်အမတ်များ၊ အုပ်ချုပ်ရေး ခေါင်းဆောင်များနှင့် တွေ့ဆုံဆွေးနွေးသွားရန် ရှိကြောင်း သိရှိရသည်။ မစ္စတာ ဂျင်မ်ဝက်ဘ်သည် ၄င်း၏ ခရီးစဉ်အတွင်း သမ္မတဦးသိန်းစိန်၊ လွှတ်တော်ဥက္ကဋ္ဌများ၊ နိုင်ငံရေးပါတီများမှ ခေါင်းဆောင်များ၊ မီဒီယာသမားများ၊ စီးပွားရေးသမားများနှင့် တွေ့ဆုံဆွေးနွေးခဲ့သည်။

NLD ပါတီ အကြိုတွေ့ဆုံ ဆွေးနွေးပွဲကျင်းပ

NLD ပါတီကို ပါတီအသစ် တစ်ရပ်အနေနဲ့ ဆက်လက်ဆောင်ရွက်ဖို့ ဒီကနေ့ အကြိုတွေ့ဆုံ ဆွေးနွေးပွဲကို ဒေါ်အောင်ဆန်းစုကြည်ရဲ့ နေအိမ်မှာ ပြုလုပ်ပါတယ်။ နိုင်ငံရေးပါတီ တစ်ခုဖြစ်တဲ့ NLD ပါတီကို အခုအသစ် ဖွဲ့စည်းခဲ့ပြီးတဲ့နောက် လူမှုရေးလုပ်ငန်းတွေပါ ယှဉ်တွဲဆောင်ရွက်ဖို့ အစီအစဉ်တွေရှိတယ်လို့ ဒီကနေ့ အစည်းအဝေး တက်ရောက်တဲ့ ပါတီပြောခွင့်ရ ပုဂ္ဂိုလ် ဦးဥာဏ်ဝင်းက ပြောပါတယ်။
လုပ်ငန်းစဉ်တွေကို အောက်ခြေက စတင်ပြီးပြောင်းလဲဖို့ မူဝါဒချမှတ်မှာ ဖြစ်တယ်လို့ ဆိုပါတယ်။ ဒီကနေ့ အကြိုညှိနှိုင်း အစည်းအဝေးမှာ ပါတီ ဥက္ကဋ္ဌ ဒေါ်အောင်ဆန်းစုကြည်၊ နာယက ဦးတင်ဦး၊ ဦးဝင်းတင်နဲ့ ပါတီ ပြောခွင့်ရပုဂ္ဂိုလ် ဦးဥာဏ်ဝင်းတို့ တက်ရောက်ပါတယ်။
ပါတီ ဗဟိုအလုပ်အမှုဆောင် အဖွဲ့ဝင် တော်တော်များများ ခရီးလွန်နေတာကြောင့် အစည်းအဝေး တက်ရောက်နိုင်ခြင်း မရှိဘူးလို့ သိရပါတယ်။

ဒီမိုကရေစီခရီးစဉ် လွယ်ကူဖွယ်ရာမရှိ

မြန်မာ့ဒီမိုကရေစီအရေးမှာ"လူထုခေါင်းဆောင်" အဖြစ်ကနေ လွှတ်တော်ထဲ ၀င်ရောက်ပြီး "နိုင်ငံရေးသမား" အဖြစ်ရပ်တည်တော့မှာ ဖြစ်တဲ့အတွက် ရှေ့လာမယ့် ခရီးလမ်းဟာ မလွယ်ကူဘူးဆိုတာ ဒေါ်အောင်ဆန်းစုကြည်ကို အကြံပြု သတိပေးခဲ့တယ်လို့ အမေရိကန် နိုင်ငံခြားရေးဝန်ကြီး Hillary Clinton ကမနေ့က ပြောကြားလိုက်ပါတယ်။ ဒေါ်အောင်ဆန်းစုကြည်နဲ့ တလောက သူတယ်လီဖုန်းပြောခဲ့စဉ်မှာ ဒေါ်အောင်ဆန်းစုကြည်အနေနဲ့ လွှတ်တော်ထဲဝင်ရောက်ပြီး ဆောင်ရွက်ရမယ့် နိုင်ငံရေးဟာ "စေ့စပ်ညှိနှိုင်း ဆွေးနွေးပြီး အဖြေရှာခြင်း တနည်းအားဖြင့် နိုင်ငံရေးမှာ အပေးအယူလုပ်ရမယ့်" နိုင်ငံရေးသဘောမျိုး အဓိကဖြစ်လာလိမ့်မယ်။ ဒါကလည်း ဒီမိုကရေစီရဲ့ အနှစ်သာရ သဘောတရားလည်းဖြစ်တယ်။ စေ့စပ်ညှိနှိုင်းအဖြေရှာခြင်း၊ အပေးအယူလုပ်ခြင်းဟာ ညစ်ညမ်းတဲ့ ဝေါဟာရမဟုတ်ပါဘူးလို့ အမေရိကန် နိုင်ငံခြားရေးဝန်ကြီးက ပြောပါတယ်။
Motion Picture Association of America အမေရိကန်ရုပ်ရှင်လုပ်ငန်း အသင်းကြီးမှာ မနေ့က ပြင်သစ်ဒါရိုက်တာ Luc Besson ရဲ့ ဒေါ်အောင်ဆန်းစုကြည်ရဲ့ ဘ၀ပုံရိပ်ကို ရိုက်ကူးထားတဲ့ The Lady ရုပ်ရှင်ကား ပြသတဲ့ပွဲမှာ အမေရိကန် နိုင်ငံခြားရေးဝန်ကြီးက ပြောသွားတာပါ။
ဒီမိုကရေစီဆိုတာ မိမိနဲ့အမြင်သဘောထား လုံးဝမတူညီသူတွေနဲ့ အတူတကွ လက်တွဲလုပ်ဆောင်ရမှာ ဖြစ်တယ်လို့ မစ္စစ် ကလင်တန်က ပြောပါတယ်။ ဒါ့အပြင် လက်ရှိ မြန်မာနိုင်ငံက ဒီမိုကရေစီ အသွင်ကူးပြောင်းရေးဟာ အချိန်မရွေး ပျက်စီးသွားနိုင်တယ်ဆိုတာ မြန်မာပြည်သူတွေကရော အားလုံးကပါ လက်ခံထားပြီးသားဖြစ်သလို၊ တစ်ချိန်တည်းမှာလည်း ဒီမိုကရေစီခရီးစဉ်မှာ အားလုံးနဲ့ လက်တွဲလုပ်ဆောင်မယ်ဆိုတဲ့ သံဓိဋ္ဌာန်ဟာ နိုင်ငံရေးသမား တစ်ဦးအနေနဲ့ ဆုံးဖြတ်ထားရမယ့် အချက်ဖြစ်တယ်လို့ အမေရိကန် နိုင်ငံခြားရေးဝန်ကြီးက ပြောသွားပါတယ်။
NLD အနေဖြင့် ကြားဖြတ် ရွေးကောက်ပွဲ ဝင်ရောက်ရသည့် အဓိက ရည်ရွယ်ချက်ထဲမှ တရားဥပဒေစိုးမိုးရေး
အောက်တွင် အဆိုပါ နိုင်ငံရေးအကျဉ်းသား လွတ်မြောက်ရေး ပါဝင်နေသဖြင့် လွှတ်တော်အတွင်း အတိုင်းအတာ တခုထိ ပြောဆိုလာနိုင်မည်ဟု မျှော်လင့်နေသည်ဟု ဆိုသည်။

ပုဗ္ဗသီရိမြို့နယ်မှ NLD ကိုယ်စားလှယ်အဖြစ် လွှတ်တော်သို့ မတက်ရောက်မီ ဥပဒေဆိုင်ရာ စာအုပ်များကို လေ့လာနေသော နိုင်ငံရေး အကျဉ်းသားဟောင်း ဦးဖြိုးဇေယျာသော် ကလည်း “ရှေ့မှာလုပ်တဲ့ အလုပ်တွေနဲ့ နောက်မှာ ရှိနေသေးတဲ့ ဥပဒေတွေကို နားလည်ချင်လို့ ဥပဒေတွေကို လိုက်လေ့လာနေတယ်။ ထောင်ထဲမှာ ရှိနေတဲ့ ကျနော်တို့ အကိုတွေ၊ အမတွေ အကုန်လုံးကို အကျဉ်းထောင်ထဲကနေ အမြန်ဆုံး ပြန်လွတ်စေချင်တယ်။ ဒါပေမယ့် အရင်တုန်းကနိုင်ငံရေး တက်ကြွလှုပ်ရှားသူအနေနဲ့၊ အခု ပါတီတရပ်ရဲ့ ကိုယ်စားလှယ် တယောက်အနေနဲ့ လုပ်ဆောင်ပုံကတော့ ကွာသွားမှာပါ”ဟု ပြောသည်။

မြန်မာနိုင်ငံအတွင်း ကျင့်သုံးနေသော အချို့ဥပဒေများသည် ခေတ်နှင့်မညီသည့် ဥပဒေများ ရှိနေကြောင်းလည်း ဦးဖြိုးဇေယျာသော်က ပြောသည်။မိထ္ထိလာမြို့နယ်မှ NLD ပြည်သူ့လွှတ်တော်ကိုယ်စားလှယ်ဖြစ်သည့် နိုင်ငံရေးအကျဉ်းသားဟောင်း ဦးဝင်းထိန် ကလည်း ပါတီဥက္ကဋ္ဌ၏ လမ်းညွှန်မှုဖြင့် လွှတ်တော်တွင်း လုပ်ဆောင်သွားမည်ဟု ပြောသည်။

“နိုင်ငံရေးအကျဉ်းသားနဲ့ ပတ်သက်လို့ မလွဲမသွေ ပြောဆိုရမှာပါ။ သို့သော် လွှတ်တော်အတွင်း ဘာတွေ ပြောမယ် ဆိုတာက ဒေါ်အောင်ဆန်းစုကြည်ရဲ့ လမ်းညွန်ချက်ကို ယူပြီးတော့မှ လွှတ်တော်မှာ အလုပ်လုပ်ကြမှာပါ”ဟု သူကို ပြောသည်။

ဧပြီလ ၁၉ ရက်နှင့် ၂ဝ ရက်များတွင် ကြားဖြတ်ရွေးကောက်ပွဲ အနိုင်ရ NLD ကိုယ်စားလှယ်များ ရန်ကုန်မြို့ ရုံးချုပ်သို့ စုဝေး၍ လွှတ်တော်အတွင်း တင်ပြမည့် အချက်အလက်များ အသေးစိတ်ကို ပြန်လည် ဆွေးဆွေးကြမည် ဖြစ်ကြောင်း သိရသည်။

NlD ပါတီမှ ကြားဖြတ်ရွေးကောက်ပွဲ အနိုင်ရ ကိုယ်စားလှယ် ၄၃ ဦးထဲမှ ၃ဝ ခန့်သည် ယုံကြည်ချက်ကြောင့်
ထောင်ဒဏ် အပြစ်ပေးကျခံခဲ့ရဖူးသော နိုင်ငံရေး အကျဉ်းသားဟောင်းများ ဖြစ်ကြသည်။
မြန်မာနိုင်ငံ အကျဉ်းထောင်အသီးသီးတွင် နိုင်ငံရေးအကျဉ်းသားပေါင်း ၉၅၉ ဦး ကျန်ရှိနေဆဲဖြစ်ကြောင်း ထိုင်းနိုင်ငံ အခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း AAPP မှတ်တမ်းများက ဆိုသည်။ နိုင်ငံရေးအကျဉ်းသား ၄၉၄ ဦးသည် အမှုတွဲများဖြင့် အခိုင်အမှာ စာရင်းပြုစုထားပြီး ကျန် ၄၆၅ ဦးကို အတည်ပြုရန် စစ်ဆေးနေဆဲ ဖြစ်၍ စုစုပေါင်း နိုင်ငံရေးအကျဉ်းသားပေါင်း ၉၅၉ ဦးရှိနေသေးသည်ဟု AAPP အတွင်းရေးမှူး ကိုတိတ်နိုင် က ပြောသည်။ကျန်ရှိနေသေးသော နိုင်ငံရေးအကျဉ်းသား အရေအတွက် ကွဲလွဲမှုများ ရှိနေရာ NLD ပါတီ၏ ဇန်နဝါရီ စာရင်းအရနိုင်ငံရေးအကျဉ်းသား ၃ဝဝ ကျော် ကျန်နေသေးသည်ဟု သိရသည်။NLD အနေဖြင့် မတရားသင်းဥပဒေ အပါအဝင် ဖောက်ခွဲရေးမှုများဖြင့် စွပ်စွဲခံရပြီး ပြစ်ဒဏ်ကျခံနေရသူများလည်းနိုင်ငံရေး အကျဉ်းသားအဖြစ် ထည့်သွင်း သတ်မှတ်ကြောင်း ဦးအုန်းကြိုင်က ပြောသည်။

“ဖောက်ခွဲတယ်လို့ စွပ်စွဲခံရသူတွေ၊ ဘုန်းကြီးအရေးအခင်းတုန်းက ပါဝင်ခဲ့တဲ့သူတွေ ၁၇ (၁)၊ ၁၇ (၂) တောင်ငူ ဘက်မှာ ဖမ်းခံရသူတွေ၊ နောက်ကျနော်တို့ ၅ (ည) ဘာညာနဲ့ အစွဲခံရတဲ့ အရေးပေါ် အက်ဥပဒေပုဒ်မ၊ နောက် ၅ဝ၅ နိုင်ငံတော် ကို အကြည်အညိုပျက်အောင် လုပ်တာ၊ အဲဒါတွေ အကုန်လုံးကို ကျနော်တို့က ထည့်ပါတယ်။ နောက် အားပေးကူညီတယ်ဆိုပြီး ဖမ်းတာတွေ ရှိတယ်။ အဲဒါတွေ အကုန်လုံးကို ကျနော်တို့က နိုင်ငံရေးအကျဉ်းသားထဲ ထည့်ပါတယ်” ဟုဆိုသည်။

နိုင်ငံရေးအကျဉ်းသား လွတ်မြောက်ရေးအတွက် လွှတ်တော်တွင်း အရေးဆိုမှုများလည်း ယခင်က ရှိခဲ့ဖူးသည်။

၂ဝ၁၁ ခုနှစ် သြဂုတ်လ ၂၆ ရက်နေ့က ကျင်းပခဲ့သည့် ပြည်သူ့လွှတ်တော် အစည်းအဝေးတွင် အမျိုးသားဒီမိုကရေစီ ပါတီသစ်မှ သင်္ကန်းကျွန်းမြို့နယ် ကိုယ်စားလှယ် ဦးသိန်းညွန့် တင်သွင်းသော “ယုံကြည်ချက်ကြောင့် အကျဉ်းကျခံနေရသူများ အတွက် အထွေထွေ လွတ်ငြိမ်းချမ်းသာခွင့် သမ္မတမှ ထုတ်ပြန်ပေးရေး” အဆိုအား တိုင်းရင်းသား စည်းလုံးညီညွတ်ရေး ပါတီ၊ ရှမ်းတိုင်းရင်းသားများ တိုးတက်ရေးပါတီ၊ ရခိုင်တိုင်းရင်းသားများ တိုးတက်ရေး ပါတီ၊ ဖလုံစဝေါ် ပါတီ၊ မွန်ဒေသလုံးဆိုင်ရာ ဒီမိုကရေစီ ပါတီ၊ ချင်းတိုးတက်ရေး ပါတီများမှ ထောက်ခံ ဆွေးနွေးခဲ့ကြသည်။

နိုင်ငံရေးလှုပ်ရှားတက်ကြွသူများအား အစိုးရအဆက်ဆက်က ဖမ်းဆီးထောင်ချခဲ့လေ့ရှိသော ဥပဒေ၊ အမိန့်များအားပြင်ဆင်၊ ပယ်ဖျက်ရေးအတွက်လည်း ကြားဖြတ်ရွေးကောက်ပွဲအနိုင်ရ NLD ပါတီက ကြိုးပမ်းဆောင်ရွက်သွားမည်ဟု ဆိုထားသည်။

“တစ် ၁၉၅ဝ ခုနှစ်က အရေးပေါ်စီမံချက် ဥပဒေ၊ (၅) ည တို့ဘာတို့ပေါ့ဗျာ၊ အဲဒါကို ဖျက်သိမ်းမယ်။ ပထမဆုံးလုပ်မယ့် အလုပ်က အဲဒီဥပဒေကို ပယ်ဖျက်ဖို့။ နောက်ဒုတိယက သိပ်ပြီးတော့ ဆိုးဝါးတဲ့ တရားရုံးမတင်ဘဲ စစ်ဆေးပြီးတော့ ၅ နှစ်ကြာ ချုပ်ထားတဲ့ဟာပေါ့။ နိုင်ငံတော် နှောက်ယှက်သူများ ဘေးအန္တရာယ်မှ ကာကွယ်တဲ့ ဥပဒေပေါ့။ အဲဒါတွေကို ဖျက်ပစ်မယ်ဆိုတဲ့ သဘောထား ဒီနေ့အထိရှိတယ်။ ပြည်သူလူထုနဲ့ အများအကျိုး ထိခိုက်တဲ့ ဥပဒေတွေ အားလုံးကို ဖျက်မယ်။ ပြင်မယ်” NLD ၏ ဥပဒေရေးရာကော်မတီ ခေါင်းဆောင် ဦးတင်ဦး က ပြောသည်။

၂ဝ၁၁ စက်တင်္ဘာလအတွင်းက ကျင်းပခဲ့သည့် ပြည်ထောင်စုလွှတ်တော် ဒုတိယအကြိမ် အစည်းအဝေးတွင် အဆိုပါ ဥပဒေပြင်ဆင်မှုနှင့် ပတ်သက်၍ အဆိုတင်သွင်းခဲ့ဖူးကြောင်း ပြည်သူ့လွှတ်တော်ကိုယ်စားလှယ် ဦးသိန်းညွန့်က ပြောသည်။

“ကျနော့်အနေနဲ့တော့ ၁၉၅ဝ ပြည့်အရေးပေါ် စီမံချက် ဥပဒေ ရုတ်ပေးဖို့ တင်ခဲ့တယ်။ အကျဉ်းသား လွှတ်ပေးဖို့ တင်ခဲ့တယ်။ လွှတ်ငြိမ်းချမ်းသာခွင့် တင်ခဲ့တယ်။ ကျနော် အဲတုန်းက ၈ မဲပဲ ရတယ်” ဟု ၎င်း၏ အတွေ့အကြုံအားပြန်ပြောင်း ပြောပြသည်။

NLD ဥက္ကဋ္ဌ ဒေါ်အောင်ဆန်းစုကြည်ကလည်း မြန်မာနိုင်ငံတွင် မတရားသင်းဟူ၍ မရှိသင့်ကြောင်း တနင်္လာနေ့က သတင်းထောက်များအား ပြောကြားခဲ့သည်။ဧပြီလ ၂၃ ရက်နေ့တွင် ပြန်လည်ကျင်းပမည့် နေပြည်တော် ပြည်ထောင်စု လွှတ်တော်တွင် အာဏာရ ကြံ့ခိုင်ရေးပါတီမှ ကိုယ်စားလှယ် ၃၄၃ ဦးဖြင့် ၅၂.၃ ရာခိုင်နှုန်း ရှိနေဦးမည်ဖြစ်ကာ တပ်မတော်သားကိုယ်စားလှယ် ၁၁၆ ဦးဖြင့် ၂၅ ရာခိုင်နှုန်း ရရှိထားမည် ဖြစ်သည်။ NLD မှ ၆.၄ ရာခိုင်နှုန်းအဖြစ် ၄၂ ဦး ရှိကာ ကျန်ပါတီများနှင့် တသီးပုဂ္ဂလ ကိုယ်စားလှယ်များက ၁၆.၃ ရာခိုင်နှုန်းအဖြစ် ၁ဝ၅ ဦး ရှိနေမည် ဖြစ်သည်။

ဗြိတိသျှ ၀န်ကြီးချုပ် မြန်မာနိုင်ငံကို လာမည်

ဗြိတိသျှ ၀န်ကြီးချုပ် David Cameron ဟာလာမယ့် သောကြာနေ့မှာ မြန်မာနိုင်ငံကို ရောက်ရှိမှာဖြစ်ပြီး အဲဒီနေ့မှာပဲ နေပြည်တော်မှာ သမ္မတဦးသိန်းစိန်နဲ့ တွေ့ဆုံဆွေးနွေးမှာဖြစ်သလို ရန်ကုန်မြို့မှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံဆွေးနွေးဖို့ ရှိတယ်လို့ သိရပါတယ်။

ပိတ်ဆို့မှု အမြန်ရုပ်သိမ်းဖို့ ICG တိုက်တွန်း

ICG ခေါ် အပြည်ပြည်ဆိုင်ရာ အကြပ်အတည်းများ လေ့လာရေး သုခမိန်အဖွဲ့က မြန်မာနိုင်ငံအပေါ် ချမှတ်ထားတဲ့ ပိတ်ဆို့ အရေးယူမှုတွေကို မဆိုင်းမငံ့ ချက်ခြင်း ရုပ်သိမ်းပေးဖို့  အကြံပြုလိုက်ပါတယ်၊
မြန်မာနိုင်ငံဟာ နောက်ကြောင်းပြန်လှည့်ဖို့ အလားအလာ နည်းပါးတဲ့အတွက် ပြုပြင်ပြောင်းလဲမှုကို ထောက်ကူတဲ့အနေနဲ့ အနောက်အုပ်စုဟာ ဒီအရေးယူမှုတွေ အမြန်ဆုံး ရုပ်သိမ်းသင့်တယ်လို့  ဗုဒ္ဓဟူးနေ့က ထုတ်ပြန်တဲ့ အစီရင်ခံစာမှာ ICG အဖွဲ့က ရေးသားဖော်ပြထားပါတယ်။
မြန်မာနိုင်ငံမှာ ပြောင်းလဲရေးပြုလုပ်ဖို့ တောင်းဆိုသူ အနောက်နိုင်ငံများအနေနဲ့ လတ်တလော လုပ်သင့်တဲ့ အလုပ်ကတော့ ဒီပြောင်းလဲမှုတွေကို ထောက်ခံအားပေးဖို့ ဖြစ်ပြီး၊ အရေးအကြီးဆုံး ထောက်ခံမှုအဖြစ် ပိတ်ဆို့အရေးယူမှုတွေကို ရုပ်သိမ်းပေးရေးပဲ ဖြစ်တယ်လို့  ICG က ဆိုပါတယ်။

တောင်ဥက္ကလာပ ဟေမ၀န်ဈေးမီး ကျပ် သိန်း ၆၀၀ ကျော်ဖိုး ဆုံးရှုံး

ရန်ကုန်တိုင်း၊ တောင်ဥက္ကလာပမြို့နယ်ထဲက ဟေမ၀န်ဈေးမှာ မီးလောင်ကျွမ်းတဲ့အတွက် ကျပ် သိန်း ၆၀၀ ကျော်ဖိုး ဆုံးရှုံးသွားပါတယ်။

နိုင်ငံခြားကုမ္ပဏီတွေ ရင်းနှီးမြှုပ်နှံမှု လွယ်ကူအောင် စီစဉ်နေ

နိုင်ငံခြား ရင်းနှီးမြှုပ်နှံသူတွေ အဆင်ပြေ ချောမွေ့စေရေးအတွက် ကုမ္ပဏီမှတ်ပုံတင်တဲ့ လုပ်ငန်းစဉ်ကို မြန်ဆန်သွက်လက်အောင် ဆောင်ရွက်ဖို့ စီစဉ်နေကြောင်း မြန်မာနိုင်ငံ ကုမ္ပဏီများမှတ်ပုံတင်ရုံး ညွှန်ကြားရေးမှူးချုပ် ဦးအေးကိုက ပြောဆိုတယ်လို့  အပြည်ပြည်ဆိုင်ရာ ဘဏ္ဍာရေးဥပဒေ စာစောင်က ဖော်ပြပါတယ်။
စနစ်သစ်အရ အရင်တစ်နှစ်ခန့် ကြာမြင့်တဲ့အလုပ်ကို ရက်သတ္တပတ် ၃ ပတ်အတွင်း ဆောင်ရွက်ပေးနိုင်လိမ့်မယ်လို့လည်း သူကပြောပါတယ်။ အသစ်ရေးဆွဲတဲ့ နိုင်ငံခြား ရင်းနှီးမြှုပ်နှံမှု ဥပဒေ ပြဋ္ဌာန်းချိန်အမီ နိုင်ငံခြား ရင်းနှီးမြှုပ်နှံသူတွေကို တစ်ထိုင်တည်း ဝန်ဆောင်မှုပေးနိုင်ဖို့  အခုလိုစီစဉ်တာ ဖြစ်ပါတယ်။
နိုင်ငံခြား ရင်းနှီးမြှုပ်နှံသူတွေကို သက်ဆိုင်ရာ ဝန်ကြီးဌာနက သဘောတူညီတယ်ဆိုရင် အဲဒီဝန်ကြီးဌာနက မြန်မာနိုင်ငံ ရင်းနှီးမြှုပ်နှံမှု ကော်မရှင်ကို တင်ပြမှာဖြစ်ပါတယ်။ ကော်မရှင်က သဘောတူရင် ရင်းနှီးမြှုပ်နှံ လုပ်ငန်းဆောင်ရွက်ခွင့် ပါမစ်ကို ရက်သတ္တပတ် တစ်ပတ်အတွင်း ထုတ်ပေးမယ်လို့  သိရပါတယ်။ ပါမစ်တစ်ခုဟာ သုံးနှစ်သက်တမ်း ရှိမှာဖြစ်ပြီး သုံးနှစ်တစ်ကြိမ် သက်တမ်းတိုးဖို့ လိုအပ်မှာပါ။
စနစ်သစ်အရ နိုင်ငံခြား ရင်းနှီးမြှုပ်နှံသူတွေဟာ နေပြည်တော်ကို ခေါက်တုံ့ခေါက်ပြန် သွားနေဖို့  မလိုအပ်တော့ဘူးလို့လည်း မြန်မာ့ရင်းနှီးမြှုပ်နှံမှု ကော်မရှင် အရာရှိတစ်ဦးက ပြောဆိုပါတယ်။

ကိုးကြိမ်မြောက် ရခိုင်ရိုးရာ သင်္ကြန်ပွဲ ရန်ကုန်တွင် ကျင်းပမည်

ရန်ကုန်မြို့တွင် ကျင်းပမည့် ကိုးကြိမ်မြောက် ရခိုင်ရိုးရာ မဟာသင်္ကြန်ပွဲတော်ကို ရခိုင် တိုင်းရင်းသားရေးရာ ၀န်ကြီး ဦးဇော်အေးမောင် အပါအ၀င် ရခိုင် တိုင်းရင်းသားများစုံစုံညီညီ တက်ရောက်ကြမည်ဖြစ်ကြောင်း ရန်ကုန်အခြေစိုက် ရခိုင်စာပေနှင့် ယဉ်ကျေးမှုအဖွဲ့မှ တာဝန်ရှိသူတဦးက ပြောကြားသည်။ ၁၉၉၄ ခုနှစ်မှ နှစ်စဉ်နှစ်တိုင်း ရန်ကုန်တွင် ကျင်းပလာသော ရခိုင်ရိုးရာ မဟာသင်္ကြန်ပွဲတော်ကို ယခုနှစ်တွင် မင်္ဂလာတောင်ညွှန့်မြို့နယ်၊ သိမ်ဖြူယာဉ်မောင်းသင်တန်းကွင်း၌ ကျင်းပမည်ဖြစ်ပြီး ရခိုင်ရိုးရာအတိုင်း လောင်းလှေများတွင် ရေထည့်ပြီး ရေလောင်းပွဲ ကျင်းပမည်ဖြစ်ကြောင်း သိရှိရသည်။

သင်္ကြန်မှာ သီချင်းဆိုခွင့် အပိတ်ခံရသူများ

မီးမီးခဲနဲ့ ဘရိတ်ကီက မအူပင် NLD အောင်နိုင်ရေးမှာ ပါဝင် ဖျော်ဖြေ ခဲ့လို့ ဖြစ်တယ်လို့သာ သိရပါတယ် တိကျတဲ့အကြောင်းပြချက် မသိရပါဘူး ..။
သီချင်းလည်းတိုက်ပြီး အားလုံးအဆင်သင့် ဖြစ်ပြီး ဒီနေ့ညနေမှ Ban လုပ်လိုက်တယ် လို့ ကဗျာဘွဲ့မှူးဆီက သိရပါတယ်။
…. လင်းလင်း ကိုလည်း အားလုံး သေချာပြီးမှ ဒေါ်စုကို ဝန်းရံ တဲ့ အတွက် ခေါ်လို့မရဘူး ဆိုပြီး cancel ပြန်လုပ်သွားတယ် လို့ သိရပါတယ် ..။
ဖျော်ဖြေ ရေးမဏ္ဍပ် တွေကို ဖိအားပေး ထားပုံရပါတယ်.. ထလော့မြန်မာ သီချင်းကို ဆိုတဲ့ နေဇော် ကို လည်း စရံ ပေး ပြီးမှ ပြန်ဖျက်သွား တယ်လို့ ဆိုပါတယ်.. ။
သျှီ ကိုလည်းထိုနည်းတူ..
ထူးအယ်လင်းကတော့ သူ ဖျော်ဖြေခွင့်မရဘူး ဆိုတာကိုဒီနေ့ ညနေ DVB ကနေ ပြောသွားတာ ကြားလိုက်ရပါတယ်… ။
ကဗျာဘွဲ့မှူး ကတော့ ခရီးသွားမှာ မို့မသိပါဘူး..
အနဂ္ဂရယ် ကျမ [သံသာဝင်း] ရယ်ကတော့ မဆို ဖြစ်ပါဘူး.. ဆိုရင်လည်း ပိတ်မှာတော့ သေချာသလောက်ပါပဲ ..။
၂၀၁၀ တုန်းက မဖြူဖြူသင်း ရဲ့ တောင်ဒဂုံက ဝေဒနာသည်တွေ ကို သွားအားပေးလို့ ဆိုပီး လူမှုရေးလုပ်တာတောင် ပိတ်သေးတာပဲ ..။
လူတွေသိပ်မသိလိုက် ပေမဲ့ (‘၈၈ တော်လှန်ရေးနှင့် စွန့်လွှတ်ခြင်း’ ‘ခွပ်ဒေါင်းဝိဥာဉ်’ စတဲ့ သီချင်းများကြောင့် ) ဟိုးအရင် စစ်အစိုးရလက်ထက် ကတည်းကလည်း ကျမက ပိတ်ခံနေကြပါပဲ မဆန်းတော့ပါဘူး….
အခုချိန်မှာတော့ ကိုယ်ယုံကြည်ရာကို လွတ်လွတ်လပ်လပ် လုပ်ခွင့်ရသင့်ပြီ လို့ ထင်ပါတယ် ဒါပေမဲ့……………….

သီချင်း သီဆိုခွင့် ပိတ်ပင်ကန့်သတ်

ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီ အဖွဲ့ချုပ်အတွက် ရပ်တည်နေတဲ့ အဆိုတော်တချို့ကို အခုသင်္ကြန်တွင်း စတိတ်ရှိုးတွေမှာ သီဆိုခွင့် ပိတ်ပင်ကန့်သတ် ခံနေရတယ်လို့ သတင်းရရှိပါတယ်။ အခုလောလောဆယ် အပိတ်ခံနေရတဲ့ အဆိုတော်တွေက လင်းလင်း၊ ထူးအယ်လင်း၊ မီးမီးခဲနဲ့ ဘရိတ်ကီတို့ ဖြစ်တယ်လို့ သိရပါတယ်။

ဘန်ကောက်ပို့စ် ဆောင်းပါးရှင် ဦးမြင့်ရွှေနှင့် ဦးခင်ညွန့် တွေ့ဆုံစဉ် ဒီပဲယင်းကိစ္စနှင့် ပက်သက်သော အကြောင်းအရာ များကို တစုံတရာ ပြောဆိုခဲ့ခြင်းမရှိကြောင်း ဦးခင်ညွန့်၏ မီဒီယာတွေ့ဆုံမှုများတွင် ဝင်ရောက် ဆောင်ရွက်ပေးနေသည့် ဗိုလ်မှူးဟောင်း ဝင်းမောင်မောင် က ပြည်တွင်းသတင်းထောက်များအား ပြောဆိုခဲ့သည်။

“ဘန်ကောက်ပို့စ် သတင်းထောက်နဲ့ တွေ့ဆုံတယ်ဆိုတာ မဟုတ်ဘူး ဖြစ်ပါတယ်။  တွေ့ဆုံတဲ့ပွဲမှာ ကျနော် ကံအား
လျော်စွာပေါ့လေ အစအဆုံးနီးပါး နားထောင်ခွင့် ရတယ်ဆိုတော့ ဒီပဲယင်းကိစ္စကို ဘာမှ ပြောသွားတာ မရှိဘူး” ဟု သူက ပြောသည်။

ဘန်ကောက်ပို့စ်တွင် ဆောင်းပါးရေးခဲ့သူ ဦးမြင့်ရွှေအား သတင်းထောက်တယောက် အနေနှင့် မဟုတ်ဘဲ လောကဝတ်
ပြုသည့်အနေဖြင့်သာ တွေ့ဆုံခွင့်ပေးခဲ့ဖူးကြောင်း သူက ပြောသည်။

မြန်မာနိုင်ငံ ရဲသတင်းတပ်ဖွဲ့ ဒုတပ်ဖွဲ့မှူး ရဲမှူးကြီးဝင်းနိုင်ထွန်း ကလည်း ဘန်ကောက်ပို့စ် ဆောင်းပါးပါ ဦးခင်ညွန့်
ပြောကြားချက်နှင့် ပတ်သက်၍ ဦးခင်ညွန့်အား ကိုယ်တိုင်သွားရောက် မေးမြန်းခဲ့သည်ဟု ဆိုသည်။
“ဒီကိစ္စနဲ့ ပက်သက်ပြီးတော့ သူ့အနေနဲ့ ကျနော်တို့ကို အသေးစိတ် ရှင်းပြပါတယ်။ ဝန်ကြီးချုပ်ဟောင်း ဦးခင်ညွန့်ဟာ
နေအိမ်အကျယ်ချုပ်ကနေ လွတ်မြောက်ပြီးတဲ့ နောက်ပိုင်းမှာ မီဒီယာတွေနဲ့ တွေ့ဆုံတဲ့အခါမှာ ပြည်တွင်း မီဒီယာတွေ ကိုသာလျှင် အဓိကထားပြီးတော့ တွေ့ဆုံမှုတွေ ပြုလုပ်ခဲ့တယ်။ ပြည်ပ မီဒီယာတွေကိုတော့ တွေ့ဆုံမှု လုံးဝ မပြုလုပ် ခဲ့ဘူးဆိုတာကို ရှင်းပြပါတယ်” ဟု ရဲမှူးကြီး ဝင်းနိုင်ထွန်း က သတင်းထောက်များကို ပြောသည်။

၁ နာရီ ၅၅ မိနစ် ကြာမြင့်သည့် ဦးမြင့်ရွှေနှင့် ဦးခင်ညွန့် တွေ့ဆုံမှု မှတ်တမ်း အသံဖိုင်နှင့် ပက်သက်ပြီး ရနိုင်/မရနိုင်ကို ဗီးနပ်စ် စာစောင် သတင်းထောက်က မေးမြန်းရာတွင်မူ အသံဖိုင်အား လိုအပ်လာလျှင် ရှင်းလင်းတင်ပြပေးရန် အစီအစဉ်ရှိကြောင်း ဦးဝင်းမောင်မောင် က ပြန်လည် ဖြေကြားခဲ့သည်။

မေ ၃ဝ ဒီပဲယင်း အရေးအခင်းမှာ ဒေါ်အောင်ဆန်းစုကြည် ၏ အထက်ဗမာပြည် စည်းရုံးရေး ခရီးစဉ်တွင် မုံရွာမြို့မှ အထွက် ဒီပဲယင်းမြို့နယ် ကျီရွာ အနီးတွင် ဒေါ်အောင်ဆန်းစုကြည်တို့ ယာဉ်တန်းအား လက်နက်ကိုင် လူအုပ်ကြီးက ရိုက်နှက်လုပ်ကြံကြခြင်း ဖြစ်သည်။ အဆိုပါလုပ်ကြံမှုကြီးအတွင်း သေဆုံး၊ ဒဏ်ရာရရှိသူ စာရင်းကို အတိအကျ မသိရသော်လည်း အနည်းဆုံး လူ ၅၀ သေဆုံးခဲ့ရသည်ဟု အတိုက်အခံများက ဆိုသည်။

ထို ဒီပဲယင်း အဖြစ်အပျက်နှင့် ပတ်သက်၍ တရားဥပဒေအရ အရေယူဆောင်ရွက်ပေးရန် ဒေါ်အောင်ဆန်းစုကြည်မှ
တောင်းဆိုခဲ့ဖူးသော်လည်း အာဏာပိုင်များဘက်မှ အရေးယူဆောင်ရွက်ခြင်း မရှိခဲ့ပေ။

ဦးခင်ညွန့်ကို ပြန်ဖမ်းနိုင်

ဒီပဲယင်း လုပ်ကြံမှုအတွင်း ဒေါ်အောင်ဆန်းစုကြည်၏ အသက်ကို ကယ်တင်ခဲ့သည်ဟု ၀န်ကြီးချုပ်ဟောင်း ဦးခင်ညွန့်က ပြောဆိုခဲ့မှုအပေါ် နေပြည်တော်အစိုးရ အဖွဲ့အတွင်းစိုးရိမ်မှုများ ဖြစ်ပေါ်နေပြီး ၎င်းအား ပြန်လည် ဖမ်းဆီးနိုင်သည်ဟူသော သတင်းများလည်း ထွက်ပေါ်နေကြောင်း စုံစမ်းသိရှိရသည်။
စစ်အစိုးရဟောင်း လက်ထက် အမိန့်ဖီဆန်မှု၊ အကျင့်ပျက်ချစားမှုတို့ဖြင့် စွပ်စွဲခံရ၍ ဆိုင်းငံ့ ထောင်ဒဏ် ၄၄ နှစ်ဖြင့် နေအိမ် အကျယ်ချုပ် ချထားရာက လွန်ခဲ့သည့် ဇန်န၀ါရီလ ၁၃ ရက်နေ့ က သမ္မတ ဦးသိန်းစိန်၏ လွတ်ငြိမ်းချမ်းသာခွင့်ဖြင့် ဦးခင်ညွန့်ကို ကောင်းမွန်စွာနေရန် ပြောဆို၍ ပြန်လွှတ်ပေးခဲ့ကြောင်းနှင့် ယခုကဲ့သို့ ပြောဆိုခဲ့ခြင်းသည် နိုင်ငံရေး တိုးတက်မှုအပေါ် အကျိုးသက်ရောက်မှု တစုံတရာဖြစ်သွားနိုင်ကြောင်း နေပြည်တော် အသိုင်းအ၀ိုင်းတွင် ပြောနေကြသည်။
နိုင်ငံရေးမှ အငြိမ်းစား ယူသွားပြီးဖြစ်သည့် ဗိုလ်ချုပ်မှူးကြီးဟောင်း ဦးသန်းရွှေအား ပြန်လည် ၀င်ရောက် စွက်ဖက် လာနိုင် သည့် အခြေအနေကို ဖိတ်ခေါ်လိုက်သကဲ့သို့ အခြေအနေများ ရှုပ်ထွေးသွားမည်ကို နေပြည်တော် အကြီးအကဲများကြား စိုးရိမ်နေကြခြင်း ဖြစ်သည်။
“အိပ်နေတဲ့ ကျားကို နှိုးလိုက်သလို ဖြစ်သွားမှာ စိုးရိမ်တယ်”ဟု နေပြည်တော်ရှိ အမည်မဖော်လိုသူ အုပ်ချုပ်ရေး အရာရှိတဦး က ပြောသည်။
ဧပြီလ ၈ ရက်နေ့က ထိုင်းနိုင်ငံထုတ် ဘန်ကောက်ပို့စ် သတင်းစာပါ အင်တာဗျူးတခုတွင်“လူအုပ်ကြီး ကြားထဲက သူ့ကို(ဒေါ်အောင်ဆန်းစုကြည်ကို)ဆွဲထုတ်ဖို့ ကျနော့် လူတွေကို အဲဒီညမှာ လွှတ်လိုက်ပါတယ်။ သူတို့က အဲဒီနားက လုံခြုံရာ စစ်တပ် စခန်းထဲရောက်အောင် စီစဉ်ပေးလိုက်တာပါ”ဟု ဦးခင်ညွန့်က ပြောဆိုခဲ့သည်။
ယင်း ပြောဆိုမှုသည် အင်တာနက် လူမှုကွန်ရက် ဖေ့စ်ဘုတ်များ ပေါ်တွင် ပျံ့နှံ့သွားပြီး ရေဒီယို သတင်းဌာနများကလည်း ဒီပဲယင်း အရေးအခင်းတွင် ပါဝင်သူများနှင့် ဆက်သွယ်မေးမြန်းပြီး သတင်းပို့ခဲ့ကြသည်။
ဒေါ်အောင်ဆန်းစုကြည်၏ အသက်ကို ဦးခင်ညွန့်က ကယ်တင်ခဲ့သည်ဟု ယခု ထုတ်ဖော်ပြောဆိုသော်လည်း ထိုစဉ်က ဒီပဲ ယင်း အရေးအခင်းတွင် ကိုယ်တိုင် ရိုက်နှက်ညဉ်းပန်း ခံခဲ့ရသူများကမူ ဒေါ်အောင်ဆန်းစုကြည်၏ကားမောင်းသူ မန္တလေးမြို့နေ ကိုကျော်စိုးလင်းက မောင်းထွက်ပြေးသည့်အတွက်သာ ဒေါ်အောင်ဆန်းစုကြည် အသက်ချမ်းသာရာရခဲ့ကြောင်း ပြောဆိုကြ သည်။
တပ်မတော်တွင်း၌ ရှိစဉ်က ဦးခင်ညွန့်နှင့် သူငယ်ချင်းလည်းဖြစ်သူ ယခု အမျိုးသား ဒီမိုကရေစီ အဖွဲ့ချုပ်ပါတီ(NLD) ခေါင်း ဆောင် တဦးဖြစ်သည့် ဗိုလ်ကြီးဟောင်း ဦးဝင်းထိန်က ဒေါ်အောင်ဆန်းစုကြည် ကိုယ်တိုင်က သူ အပါအ၀င် အားလုံးရဲ့ နစ်နာမှု များကို ပြည်ဖုံးကားချပြီး အနာဂတ်အတွက် လုပ်ဆောင်နေချိန်မှာ ယခု ဦးခင်ညွန့်၏ စကား ပေါ်လာသည့်အတွက် အလွန် စိတ် မကောင်းဖြစ်မိကြောင်း ဧရာဝတီကို ပြောသည်။
“သူ ပြောတာ မှန်ကောင်းလည်း မှန်မယ်။ မမှန်ကောင်းလည်း မမှန်ဘူး။ ကျနော် ကိုယ်တိုင်လည်း အဲဒီအချိန်တုန်းက ထောင် ထဲရောက်နေချိန်ဆိုတော့ မဝေဖန်တတ်ဘူး။ သူ ဘာရည်ရွယ်ချက်နဲ့ ပြောလဲဆိုတာတော့ စဉ်းစားစရာရှိတယ်”ဟု ဦးဝင်းထိန် က ဆိုသည်။
ဦးခင်ညွန့် ပြန်လည်လွတ်မြောက်ပြီးနောက်ပိုင်း နေအိမ်သို့ သွား၍ စကားပြော ဖြစ်ကြောင်း၊ နိုင်ငံရေး စီးပွားရေး မလုပ်တော့ ဟု သူ့ကို ပြောဆိုခဲ့ကြောင်း၊ သို့သော်ယခုပြောဆိုမှုသည် ယခင်က ကျောင်းသား သမဂ္ဂ အဆောက်အအုံ ဗုံးခွဲမှုအား တဦးကို တဦး လက်ညှိုးထိုးခဲ့သည့်ဖြစ်စဉ်မျိုးဟု ထင်မြင်ကြောင်း ဦးဝင်းထိန်က ဆက်ပြောသည်။
“အခု သူပြောတဲ့ စကားက အရင်ပြောတဲ့ စကားနဲ့ ဆန့်ကျင်တယ်။ ဒီဥစ္စာက နိုင်ငံရေး စကားဗျ။ ဒီကိစ္စနဲ့ပတ်သက်လို့ သူ ကိုယ်လွတ်ရုန်းချင်တာလား။ အဲဒါလည်း မစဉ်းစားဘဲ နေလို့ မရတဲ့ အချက်ပဲ”ဟု ဦးဝင်းထိန်က ဆိုသည်။
ဦးခင်ညွန့်လက်ထက်က ဖမ်းဆီး နှိပ်စက် အကျဉ်းချခံခဲ့ရသူ ၈၈ မျိုးဆက်ကျောင်းသား တဦးဖြစ်သည့် ကိုဇော်မင်း ကလည်း “ဒီလိုပြောလိုက်ခြင်းဟာ ဒီနေ့ သွားနေတဲ့ အမျိုးသားပြန်လည်သင့်မြတ်ရေးကို အထောက်အပံ့ ဖြစ်စေချင်တာလား၊ အနှောင့် အယှက်ဖြစ်စေချင်တာလား ဆိုတာ မေးခွန်းထုတ်ဖို့ ရှိတယ်”ဟု ဆိုသည်။
အကယ်၍ ဦးခင်ညွန့်အနေဖြင့် အမျိုးသား ပြန်လည်သင့်မြတ်ရေးကို အထောက်အပံ့ဖြစ်စေလိုသည့် ရည်ရွယ်ချက် ကောင်း ထားရှိသည်ဆိုပါက ပိုမိုပွင့်လင်းရန် လိုအပ်ကြောင်း၊ မကောင်းသည့် ရည်ရွယ်ချက်မျိုးဖြင့် မလုပ်သင့်ကြောင်း ကိုဇော်မင်းက ဆက်ပြောသည်။
နောက်ဆုံးရရှိသော သတင်းများ အရ ဦးခင်ညွန့်သည် တနင်္လာနေ့က ရန်ကုန် တာမွေမြို့နယ်ရှိ အလိုတော်ပြည့် ကျောင်းတွင် သား၂ ဦး၊ မြေးဖြစ်သူတို့နှင့်အတူ သာသနာ့ဘောင်သို့ ၇ ရက်တာ ဒုလ္လဘ ရဟန်းအဖြစ် ခံယူသွားခဲ့ကြောင်း သိရသည်။
ထိုသို့ ရဟန်းခံသွားခြင်း အပေါ် ဖေ့စ်ဘုတ် စာမျက်နှာများတွင် ဝေဖန်မှုများ ပို၍ ကျယ်လောင်လာပြီး တချို့က ပြဿနာ ဖြစ် ဖွယ်၊ အငြင်းပွားဖွယ် စကားကို ဆိုသောကြောင့် ဖြစ်ပေါ်လာမည့် အကျိုးဆက်များကို ရှောင်ရှားရန် ရဟန်းဝတ်သွားခြင်း ဖြစ် သည်ဟု ပြောဆိုနေကြသည်။
ရန်ကုန်မြို့ ပြည်ထဲရေး ၀န်ကြီး ရုံးဟောင်း၌ ယနေ့ကျင်းပသော သတင်းစာရှင်းလင်းပွဲတွင် ဦးခင်ညွန့် သည် ဘန်ကောက်ပို့စ် အပါအ၀င် မည် သည့် ပြည်ပ သတင်းမီဒီယာများနှင့်မျှ တွေ့ဆုံခြင်း မရှိကြောင်း၊ ဒီပဲယင်းနှင့် ပတ်သက်၍ပြောဆိုခြင်းမရှိကြောင်း ရဲ သတင်းတပ်ဖွဲ့မှ ဒု ရဲမှူးကြီး ၀င်းနိုင်ထွန်း နှင့် ဦးခင်ညွန့်၏ တပည့် ဗိုလ်မှူး ဟောင်း ၀င်းမောင်မောင်တို့က ရှင်းလင်း ပြောကြားသည်ဟု 7 day news ဂျာနယ် ဖေ့စ်ဘုတ် စာမျက်နှာ၌ ရေးသားထားသည်။
သို့သော် ဘန်ကောက်ပို့စ် သတင်းစာက ဦးခင်ညွန့်နှင့် အမှန်တကယ် တွေ့ဆုံမေးမြန်းမှု ပြုခဲ့သည့်အပြင် သတင်းရေးသားသူ ကိုမြင့်ရွှေ ကိုယ်တိုင် ဦးခင်ညွန့် နှင့် အတူတွဲ၍ ဓာတ်ပုံ ရိုက်ခဲ့သေးကြောင်း အခိုင်အမာ ပြောဆိုသည်။

ဦးခင်ညွန့်အကြောင်း ဘန်ကောက်ပို့စ် ဖော်ပြချက် မှားယွင်းဟု ဆို

၂၀၀၃ ခုနှစ် ဒီပဲယင်း အကြမ်းဖက် တိုက်ခိုက်မှုတွင် ဒေါ်အောင်ဆန်းစုကြည်ကို ဗိုလ်ချုပ်ကြီး ခင်ညွှန့် ဦးဆောင်သော ထောက်လှမ်းရေး အဖွဲ့က ကယ်ဆယ် လိုက်သည်ဆိုသောဘန်ကောက်ပို့စ် သတင်းစာပါ ဖော်ပြချက်မှာ မမှန်ကန်ကြောင်း ရဲသတင်းတပ်ဖွဲ့နှင့် ဦးခင်ညွန့်၏ တပည့်တို့က ငြင်းဆိုလိုက်သည်။
ရန်ကုန်မြို့ရှိ ပြည်ထဲရေးဝန်ကြီးဌာနရုံး အဆောက်အအုံတွင် ယနေ့ကျင်းပသော သတင်းစာရှင်းလင်းပွဲတွင် ပြည်ထဲရေးဝန်ကြီးဌာန၊ မြန်မာနိုင်ငံရဲတပ်ဖွဲ့၊ ဒုတိယ သတင်းတပ်ဖွဲ့မှူး ရဲမှူးကြီး ၀င်းနိုင်ထွန်းနှင့် ဗိုလ်ချုပ်ကြီးဟောင်း ခင်ညွန့်၏ တပည့်တဦးဖြစ်သူ ဗိုလ်မှူးဟောင်း ၀င်းမောင်မောင်တို့က အထက်ပါအတိုင်း ငြင်းဆိုခြင်းဖြစ်သည်။
“ဘန်ကောက်ပို့စ်မှာ ထောက်လှမ်းရေးတပ်စုက ဒေါ်အောင်ဆန်းစုကြည်ကို ဒီပဲယင်းအရေးအခင်းမှာ ကယ်လိုက်တယ် ဆိုတာမျိုးပါလာတော့ ကျနော်ကိုယ်တိုင် ၀န်ကြီးချုပ်ဟောင်း ဦးခင်ညွန့်ကို သွားမေးပါတယ်။ ဦးခင်ညွန့်က သင်္ကန်းစည်းနေတာနဲ့ တိုက်ဆိုင်တော့ ကျနော်လည်း အဲဒီကိစ္စကို အကျိုးအကြောင်း လျှောက်ထားပြီး မေးကြည့်တယ်။ ဦးခင်ညွန့်က သူဘယ်တုန်းကမှ ပြည်ပမီဒီယာတွေကို မဖြေပါဘူး၊ အဲဒီကိစ္စ မဟုတ်ပါဘူးလို့ ပြောတယ်” ဟု ရဲမှူးကြီး ၀င်းနိုင်ထွန်းက သတင်းထောက်များကို ပြောသည်။
၂၀၀၃ ခုနှစ် မေလ ၃၀ ရက်နေ့တွင် စည်းရုံးရေးခရီးထွက်နေသော ဒေါ်အောင်ဆန်းစုကြည်နှင့်အဖွဲ့ကို အာဏာပိုင်များက ၀ိုင်းဝန်းရိုက်နှက်ခဲ့ပြီး လူအများအပြား သေကြေဒဏ်ရာရရှိခဲ့သော်လည်း ယခုအချိန်အထိ အာဏာပိုင်များက အဖြစ်မှန်ကို ဖော်ထုတ်ခြင်းမရှိသေးပေ။
ဘန်ကောက်ပို့စ် သတင်းစာ ဆောင်းပါးပါ အချက်အလက်များကြောင့် ယခုကဲ့သို့ တိုင်းပြည် ပြန်လည်တည်ဆောက်ရေး အတွက် ညီညွတ်မှု ရှိနေချိန်တွင် အနှောင့်အယှက်ဖြစ်နိုင်ကြောင်း ဗိုလ်မှူးဟောင်း ၀င်းမောင်မောင်က ဆိုသည်။
၎င်းကပင် ဦးခင်ညွန့်သည် ပြည်ပမီဒီယာများကို အင်တာဗျူးဖြေကြားမည် မဟုတ်ဘဲ ပြည်တွင်း သတင်းမီဒီယာများကိုသာ တိုင်းကျိုးပြည်ပြု ပြောဆိုမည်ဟု ပြောဆိုထားပြီးဖြစ်ကြောင်း၊ ဘန်ကောက်ပို့စ် သတင်းစာပါ ရေးသားချက်များမှာ ကနေဒါနိုင်ငံမှ ဦးမြင့်ရွှေဆိုသူက လျှပ်တပြက်ဂျာနယ် အယ်ဒီတာချုပ် ဦးမြတ်ခိုင်နှင့် အွန်လိုင်းအယ်ဒီတာ ၀ဏ္ဏတို့၏ အကူအညီဖြင့် ဦးခင်ညွှန့်ကို တွေ့ဆုံခွင့်တောင်းခဲ့ကြောင်း၊ ယင်းသို့တောင်းခံရာတွင် သာမန်လူကြီးတဦးကို ဂါဝရ ပြုလိုပါသည်ဟု ပြောဆိုပြီး သတင်းထောက်တဦးအနေနှင့် တွေ့ဆုံခြင်း မဟုတ်ကြောင်း၊ ထို့အပြင် တွေ့ဆုံခြင်းနှင့် ပတ်သက်ပြီး သတင်းနှင့် ဆောင်းပါး ရေးသားမည်ဆိုပါက ဦးခင်ညွန့်၏ ခွင့်ပြုချက်ရယူရန် သဘောတူညီခဲ့ကြောင်း၊ သို့သော် ခွင့်ပြုချက်မယူဘဲ ဘန်ကောက်ပို့စ်တွင် မြင့်ရွှေအမည်ဖြင့် ဆောင်းပါးတပုဒ်နှင့် သတင်းတပုဒ်ကို ရေးသားခဲ့ကြောင်း ပြောသည်။
“ဦးခင်ညွန့်နဲ့ မြင့်ရွှေတို့က ၁ နာရီနဲ့ ၅၅ မိနစ်တွေ့ခဲ့ကြတယ်။ တွေ့တုန်းက မပြောတဲ့ဟာတွေကို ထည့်ရေးတယ်။ အဲဒီတော့ မြင့်ရွှေက သဘောတူညီချက်ကို ချိုးဖောက်ပြီး ကာယကံရှင်ရဲ့ ခွင့်ပြုချက် မယူဘဲ ဘန်ကောက်ပို့စ်မှာ ရေးတယ်။ နောက်ထပ်လည်း အဲဒီလို ထပ်ပြီး ထင်ယောင်ထင်မှားဖြစ်စေ နိုင်တာတွေရှိလာနိုင်ပါတယ်။ ဘာဖြစ်လို့လဲဆိုတော့ တွေ့ခဲ့ကြတာ ၁ နာရီနဲ့ ၅၅ မိနစ်ရှိတယ်။ အခု ဘန်ကောက်ပို့စ်မှာ ပါသွားတဲ့အကြောင်းအရာတွေက A 4 စာရွက်နဲ့ သုံးမျက်နှာ၊ အသံဖိုင်နဲ့ဆို နာရီဝက် စာလောက်ပဲရှိသေးတယ်” ဟု ဗိုလ်မှူးဟောင်း ၀င်းမောင်မောင်က ဆိုသည်။
ဦးခင်ညွန့်အနေနှင့် မည်သည့် ပြည်ပမီဒီယာကိုမျှ သတင်းပြောဆို ဖြေကြားခြင်း ပြုလုပ်မည် မဟုတ်ကြောင်း၊ ဘန်ကောက်ပို့စ် သတင်းစာသို့ ကန့်ကွက်ရန် ရှိ မရှိလည်း မိမိမသိကြောင်း၊ မိမိသည် ဗိုလ်ချုပ်ကြီးဟောင်း ဦးခင်ညွန့်၏ ပြောခွင့်ရ ပုဂ္ဂိုလ်လည်း မဟုတ်ကြောင်း ၎င်းက ဆက်လက်ပြောသည်။
ယနေ့သတင်းစာရှင်းလင်းပွဲသို့ ပြည်တွင်းပြည်ပ မီဒီယာအများအပြား တက်ရောက်သတင်းယူခဲ့ကြသည်။
“၁ နာရီ ၅၅ မိနစ် အင်တာဗျူးခံပြီး ဟိုဘက် သတင်းရေးတော့မှ ဒီသတင်းစာရှင်းလင်းပွဲ ထလုပ်တာ။ သူတို့ဘက်က ဘာတွေပြောခဲ့ကြသလဲ ဆိုတာကို တိတိကျကျ ထုတ်ဖော်မပြောဘူး။ အသံဖိုင်လည်း မပေးဘူး။ ဒါပေမယ့် ဘန်ကောက်ပို့စ်က သတင်းက မှားပါတယ်ပဲ အတင်းငြင်းတယ်။ သတင်းမီဒီယာတွေကို ခေါ်တွေ့တာကလည်း ဘန်ကောက်ပို့စ်က မှားပါတယ်ဆိုတာကို ရေးစေချင်လို့ ခေါ်တွေ့တဲ့ပုံစံပဲ။ ဘာမှ အသေးစိတ်အချက်အလက် သက်သေအထောက်အထား ပေးတာမျိုးမရှိဘူး” ဟု ပြည်တွင်းသတင်းထောက် တဦးက ပြောသည်။
ပြည်တွင်း သတင်းအယ်ဒီတာတဦးကမူ ဦးခင်ညွန့်၏ ပြောကြားချက်ကြောင့် နေပြည်တော်ရှိ စစ်ဗိုလ်ချုပ်များအကြား ဂယက်ရိုက်မှု အကြီးအကျယ်ဖြစ်ပေါ်ခဲ့ပြီး အကြမ်းဖက်မှုတွင် ပတ်သက်ခဲ့သူများက ဗိုလ်ချုပ်ကြီးဟောင်း ဦးခင်ညွန့်ကို တားဆီးရန် သမ္မတနှင့် အစိုးရအဖွဲ့ကို ဖိအားပေးခဲ့သည်ဟု ကြားသိရကြောင်း ဆုိသည်။
နေပြည်တော်မှ သတင်းများအရမူ ယခုကိစ္စတွင် ဒီပဲယင်း အကြမ်းဖက်မှုကဲ့သို့သော ကိစ္စများ ပါဝင်လာသဖြင့် အငြိမ်းစားယူပြီဆိုသော ဗိုလ်ချုပ်မှူးကြီးဟောင်း ဦးသန်းရွှေ၏ ပါဝင်စွက်ဖက်မှုများရှိကြောင်း စုံစမ်းသိရှိရသည်။
၁၉၈၈ ခုနှစ်မှစတင်၍ စစ်အစိုးရနှင့် တပ်မတော်မှ ကျူးလွန်ခဲ့သော လူ့အခွင့်အရေး ချိုးဖောက်မှု၊ ခြစားမှုများကို ယခုကဲ့သို့သော အသွင်ကူးပြောင်းရေးကာလတွင် ရေးသားဖော်ပြရန် မဖြစ်နိုင်ကြောင်း အစိုးရထိပ်ပိုင်း အရာရှိကြီးက ဧရာဝတီသို့ ပြောသည်။
သတင်းထောက်တဦးက “အချိန်အကြာကြီး ပြောခဲ့တဲ့အထဲမှာ သေချာပေါက် အတွင်းရေးတွေပါမှာပဲ။ ဖြေပြီးတော့မှ ပြန်ပိတ်ချင်လို့ ဒီလိုလုပ်တယ်လို့ပဲ ယူဆတယ်။ တကယ်တမ်း အရေးကြီးဆုံးက မီဒီယာတွေက မျှမျှတတ ဆုံးဖြတ်ရေးရမှာရယ်၊ သေသေချာချာ သက်သေအထောက်အထား ရှာရေးသင့်တယ်။ မဟုတ်ရင်တော့ သတင်းမီဒီယာက ပြည်ထဲရေးက ရေးစေချင်တာကို ရေးပေးရမလို၊ ပြည်ထဲရေးအာဘော်ဖြစ်သွားမှာ” ဟု ပြောသည်။
ယခု ရုတ်တရက် စီစဉ်ကျင်းပသော သတင်းစာရှင်းလင်းပွဲသည် ယခင် စစ်အစိုးရလက်ထက်က ပြုလုပ်ခဲ့သော တဖက်သတ်ဆန်သည့် သတင်းစာရှင်းလင်းပွဲကဲ့သို့ပင် ဝါဒဖြန့်ချိရေး ဆန်နေသည်ဟု ပြည်တွင်းပြည်ပ မီဒီယာသမားများက သုံးသပ်သည်။
ဘန်ကောက်ပို့စ် သတင်းစာသို့ ဧရာဝတီက ဆက်သွယ်မေးမြန်းရာတွင် ၎င်းတို့က ဦးခင်ညွန့်နှင့် အမှန်တကယ် တွေ့ဆုံမေးမြန်းမှု ပြုလုပ်ခဲ့သည့်အပြင် သတင်းရေးသားသူ ကိုမြင့်ရွှေ ကိုယ်တိုင် ဦးခင်ညွန့်နှင့်အတူတွဲ၍ ဓာတ်ပုံ ရိုက်ခဲ့သေးကြောင်း ဧရာဝတီသို့ အခိုင်အမာ ပြောဆိုသည်။
သတင်းစာရှင်းလင်းပွဲ ပြုလုပ်ပြီး နာရီပိုင်းအတွင်းမှာပင် Facebook လူမှုကွန်ရက် ပေါ်၌ ဦးခင်ညွန့်နှင့် ကိုမြင့်ရွှေတို့ အတူတွဲရိုက်ထားသည့် ဓာတ်ပုံလည်း ထွက်ပေါ်လာခဲ့သည်။