လူထုအကျိုးပြုလုပ်ငန်း အမြန်စတင်မည် NLD ကြေညာချက်ထုတ်

အမျိုးသားဒီမိုကရေစီအဖွဲ့ချုပ်အနေနဲ့ ကြားဖြတ်ရွေးကောက်ပွဲ ပြီးသွားတဲ့နောက် လူထုရဲ့ စီးပွားရေး၊ လူမှုရေးတွေ ပြန်လည်ပြုပြင်ရေးမှာ ဒီမိုကရေစီမူတွေနဲ့အညီ အမြန်ဆုံး စတင်ဆောင်ရွက်မယ်လို့ ဒီကနေ့ ကြေညာလိုက်ပါတယ်။

မြန်မာနိုင်ငံ နိုင်ငံတကာ ပါလီမန်လွှတ်တော်များ သမဂ္ဂအဖွဲ့ဝင် ဖြစ်ပြီ

IPU ခေါ် နိုင်ငံတကာ ပါလီမန်လွှတ်တော်များ သမဂ္ဂက မြန်မာနဲ့ တောင်ဆူဒန်နိုင်ငံတို့ကို အဖွဲ့ဝင်အဖြစ် ကြာသပတေးနေ့က လက်ခံလိုက်ပါတယ်။
အဖွဲ့ဝင်နိုင်ငံပေါင်း ၁၆၀ ရှိတဲ့ IPU မှာတောင်ဆူဒန်က ၁၆၁ နဲ့ မြန်မာက ၁၆၂ နိုင်ငံမြောက် အဖွဲ့ဝင်နိုင်ငံတွေ ဖြစ်သွားကြပါတယ်။
ယူဂန်ဒါနိုင်ငံ ကမ်ပါလာမြို့မှာ ကျင်းပနေတဲ့ ၆ ရက်ကြာ IPU ညီလာခံ နောက်ဆုံးနေ့မှာ အဖွဲ့ ဥက္ကဋ္ဌ မစ္စတာ ရာဒီ က- " မြန်မာနဲ့ တောင် ဆူဒန်နိုင်ငံတွေ အသစ်ပါဝင်လာကြလို့ အခုဆိုရင် IPU မှာအဖွဲ့ဝင် ၁၆၂ နိုင်ငံ ရှိသွားပါပြီ။ အခုလို IPU အဖွဲ့ဝင်ဖြစ်လာတာဟာ သက်ဆိုင်ရာ နိုင်ငံတွေအတွက် သူတို့ရဲ့ ဒီမိုကရေစီ ဖွံ့ဖြိုးတိုးတက်မှုမှာ စာမျက်နှာသစ် ဖွင့်လိုက်တာပဲဖြစ်ပါတယ်။ နိုင်ငံသစ်တွေကို IPU က ကြိုဆိုပါတယ်။ သူတို့ တိုင်းပြည်တွေမှာ ပါလီမန် ဒီမိုကရေစီစနစ် အခြေခံအုတ်မြစ်တွေ ခိုင်မာလာအောင် တည်ဆောက်တဲ့နေရာမှာ မိမိတို့က ကူညီထောက်ပံ့ အားပေးကြမှာ ဖြစ်ပါတယ်" လို့ ပြောဆိုခဲ့ပါတယ်။
IPU ခေါ် နိုင်ငံတကာ ပါလီမန်လွှတ်တော်များ သမဂ္ဂကို ၁၈၈၉ ခုနှစ်မှာ စတင်တည်ထောင်ခဲ့ပါတယ်။ ကမ္ဘာလုံးဆိုင်ရာ ပါလီမန်ကိစ္စတွေ ဆွေးနွေးရေး၊ ငြိမ်းချမ်းရေး ဆောင်ရွက်ရေး၊ တိုင်းပြည် လူထုတွေကြား ပူးပေါင်းဆောင်ရွက်ရေး၊ ဒီမိုကရေစီစနစ် ခိုင်မာရေးတို့အတွက် ထူထောင်ခဲ့တာဖြစ်ပါတယ်။

ရွေးကောက်ပွဲအပြီး နိုင်ငံခြားလုပ်ငန်းတွေ ၀င်ရောက်ဖို့ တာစူ

ဒေါ်အောင်ဆန်းစုကြည်နဲ့ NLD ပါတီဝင်အများစု အနိုင်ရခဲ့တဲ့ ကြားဖြတ်ရွေးကောက်ပွဲအပြီး အမေရိကန် ပြည်ထောင်စုနဲ့ ဥရောပသမဂ္ဂ အီးယူတို့ မြန်မာအပေါ်ချမှတ်ထားတဲ့ စီးပွားရေးပိတ်ဆို့ အရေးယူထားတာတွေကို လျှော့ပေါ့ဖို့ ပြင်ဆင်နေတာနဲ့ အတူ နိုင်ငံခြား ကုမ္ပဏီတွေကလည်း မြန်မာပြည်ကို လာရောက် ရင်းနှီးမြှုပ်နှံဖို့ တာစူနေကြပြီ ဖြစ်ပါတယ်။
ဂျပန်နိုင်ငံရဲ့ ဒုတိယအကြီးဆုံး Mizuho ဘဏ်တိုက်ကြီးက သူတို့ရဲ့ ရုံးခွဲတစ်ခုကို ရန်ကုန်မှာ သောကြာနေ့က ဖွင့်လှစ်လိုက်ကြောင်း ပြောဆိုပါတယ်။ အဲဒီရုံးကနေ မြန်မာပြည် အခြေအနေတွေကို လေ့လာပြီး၊ Mizuho ဘဏ်ရဲ့ လုပ်ငန်းတွေကို တိုးချဲ့မှာ ဖြစ်ပါတယ်။
ဂျပန်နိုင်ငံရဲ့ အကြီးဆုံး လက်လီ ကုန်စုံဆိုင်ကြီးဖြစ်တဲ့ Lawson ကုမ္ပဏီကလည်း ဒီနှစ်ကုန်ပိုင်းလောက်မှာ ပထမဆုံး ဆိုင်ခွဲတစ်ခု ရန်ကုန်မှာ ဖွင့်လှစ်ဖို့ ပြင်ဆင်နေပြီလို့ ဆိုပါတယ်။
Lawson ကုမ္ပဏီဟာ တရုတ်နဲ့ အင်ဒိုနီးရှားမှာ ဆိုင်ခွဲပေါင်း (၃၀၀) ကျော် ဖွင့်လှစ်ထားပြီး အိန္ဒိယနဲ့ ဗီယက်နမ်အထိ တိုးချဲ့ဖို့ ရည်ရွယ်ထားပါတယ်။
အမေရိကန် အခြေစိုက် GE ခေါ် General Electric ကုမ္ပဏီကြီးက အကြီးတန်း အရာရှိတစ်ဦးလည်း သောကြာနေ့က မြန်မာပြည်ကို ရောက်ရှိနေပြီလို့ သိရပါတယ်။ အလားတူ အမေရိကန်ပြည်ထောင်စုရဲ့ စီးပွားရေးပိတ်ဆို့ အရေးယူတာတွေ လျှော့ပေါ့ပေးမှုနဲ့အတူ ဘဏ်စနစ်ကို ခေတ်မီအောင် ကူညီမယ်လို့ ပြောဆိုထားတဲ့အတွက် visa အကြွေးကတ်ကုမ္ပဏီကလည်း မြန်မာပြည်ကို လာရောက် လေ့လာဖို့ ရှိနေပါတယ်။
အမည်မဖော်လိုသူ အမေရိကန် အရာရှိတစ်ဦးကတော့ မြန်မာပြည်မှာ ပိတ်ဆို့မှုတွေ ရုပ်သိမ်းဖို့ အချိန်တန်နေတဲ့ ကဏ္ဍတွေက စိုက်ပျိုးရေး၊ ခရီးသွားလုပ်ငန်း၊ ဆက်သွယ်ရေးနဲ့ ဘဏ်လုပ်ငန်းတွေ ဖြစ်တယ်လို့ ရိုက်တာသတင်းကို ပြောဆိုပါတယ်။

လက်ရှိ မြန်မာအစိုးရဟာ တိုင်းရင်းသားတွေနဲ့ တန်းတူရည်တူ ဆက်ဆံရမယ် ဆိုတဲ့အချက်အပေါ် အခြေခံပြီး ငြိမ်းချမ်းရေး ဖော်ဆောင်နေ တာကို တွေ့ရှိရတယ်လို့ KNU ကရင်အမျိုးသားအစည်းအရုံး က ဒီကနေ့ ပြောလိုက်ပါတယ်။ နေပြည်တော်မှာ သမ္မတ ဦးသိန်းစိန် နဲ့ KNU ငြိမ်းချမ်းရေး ကိုယ်စားလှယ် အဖွဲ့တို့ တွေ့ဆုံခဲ့ကြပြီးတဲ့နောက်ပိုင်းမှာ KNU တာဝန်ရှိသူတစ်ဦးက ပြောလိုက်တာပါ။ ဒါ့အပြင် တိုင်းရင်း သားလက်နက်ကိုင်တွေနဲ့ ငြိမ်းချမ်းရေးရဖို့ သမ္မတ ဦးသိန်းစိန်အစိုးရရဲ့ ပြောဆိုချက်တွေနဲ့ ဆောင်ရွက်ချက် တွေဟာ တထပ်တည်းကျ တာကို တွေ့ရှိရတယ်လို့လည်း ပြောဆိုခဲ့ပါတယ်။
မြန်မာနိုင်ငံမှာ အရပ်သားအစိုးရ တက်လာခဲ့ပြီး ၁ နှစ်အကြာမှာ ပထမဆုံးအကြိမ် ပြည်ထောင်စုအဆင့် ငြိမ်းချမ်းရေး လက်မှတ်ထိုးနိုင်တဲ့ KNU ငြိမ်းချမ်းရေး ကိုယ်စားလှယ်အဖွဲ့တွေနဲ့ သမ္မတ ဦးသိန်းစိန် တို့ စနေနေ့ မနက်က နေပြည်တော်မှာ တွေဆုံခဲ့ကြတာပါ။ ဒီတွေ့ဆုံမှုအတွင်း သမ္မတ ဦးသိန်းစိန် က ပြည်ထောင်စုအဆင့် ငြိမ်းချမ်းရေးဆွေးနွေးပွဲ အောင်မြင်မှုအပေါ် ကြိုဆိုတဲ့အကြောင်းနဲ့ တိုင်းရင်းသားတွေနဲ့ တန်းတူရည်တူ ဆက်ဆံပြီး ထာဝရငြိမ်းချမ်းရေး ရရှိဖို့ ကြိုးပမ်းနေတဲ့အကြောင်းကို KNU ငြိမ်းချမ်းရေး ကိုယ်စားလှယ် အဖွဲ့ကို ရှင်းပြခဲ့တယ်လို့ KNU ကိုယ်စားလှယ်အဖွဲ့ဝင် တစ်ဦးဖြစ်တဲ့ စောသာဒိုမူး က ပြောပြပါတယ်။
သမ္မတကြီး ဦးသိန်းစိန်ရဲ့ ရှင်းလင်းချက်တွေနဲ့ပတ်သက်ပြီးတော့ သမ္မတကြီးဟာ တိုင်းပြည်အကျိုးကို လိုလားတယ်ဆိုတာ လက်ခံလို့ရပြီး သူ့ရဲ့ ပြောဆိုချက်တွေနဲ့ လက်တွေ့ ဆောင်ရွက်ချက်တွေဟာ ကိုက်ညီမှု ရှိတာကိုလည်း တွေ့ရတယ်လို့ KNU က အခုလို မှတ်ချက်ချခဲ့ပါတယ်။
KNU အထွေထွေ အတွင်းရေးမှူး နော်စီဖိုးရာစိန် နဲ့ KNLA စစ်ဦးစီးချုပ် ဗိုလ်ချုပ်ကြီး မူတူးစေးဖိုး တို့ ဦးဆောင်တဲ့ ကိုယ်စားလှယ်အဖွဲ့ဟာ ဧပြီလ ၆ ရက် သောကြာနေ့က မြန်မာအစိုးရရဲ့ ပြည်ထောင်စုအဆင့် ငြိမ်းချမ်းရေး ကိုယ်စားလှယ်အဖွဲ့တွေနဲ့ ရန်ကုန်မှာ တွေ့ဆုံဆွေးနွေး ခဲ့ကြပြီး ငြိမ်းချမ်းရေးမှာ အဓိက ကျတဲ့ အချက် ၆ ချက်နဲ့ပတ်သက်ပြီး မှတ်တမ်းတင် လက်မှတ်ရေးထိုးနိုင်ခဲ့ကြပါတယ်။ ဒီအချက်တွေထဲမှာ ကြောက်ရွံ့ မှုကင်းတဲ့ ပြည်သူလူထုရဲ့ ဘ၀ကို ဖန်တီးပေးဖို့နဲ့ လူထုကို အကျိုးရှိစေမယ့် ငြိမ်းချမ်းရေးမျိုးကို ဆက်လက် အကောင်အထည် ဖော်သွားဖို့တွေ ပါဝင်ပါတယ်။
အခုလို မြန်မာအစိုးရရဲ့ ငြိမ်းချမ်းရေး ကိုယ်စားလှယ်အဖွဲ့တွေနဲ့ KNU အကြား ငြိမ်းချမ်းရေး ဆွေးနွေးမှုတွေအပေါ် KNU အနေနဲ့ အားရကျေနပ်မှု ရှိပြီး နှစ်ပေါင်း ၆၀ ကျော်ကာလအတွင်းမှာ ပထမဆုံးအကြိမ် တန်းတူရည်တူ ဆွေးနွေးပြောဆိုတာမျိုးကို တွေ့ခဲ့ရတယ်လို့လည်း သူက ပြောပါတယ်။ ဒါပေမဲ့လည်း စစ်မှန်တဲ့ ထာဝရငြိမ်းချမ်းရေး ရဖို့ကတော့ အဆင့်တွေ ကျန်သေးတယ်လို့ KNU ငြိမ်းချမ်းရေး ကိုယ်စားလှယ်အဖွဲ့ဝင် စောသာဒိုမူး က ပြောပါတယ်။
KNU ငြိမ်းချမ်းရေးကိုယ်စားလှယ် အဖွဲ့ဝင် စောသာဒိုမူး ဖြစ်ပါတယ်။ KNU ငြိမ်းချမ်းရေး ကိုယ်စားလှယ် အဖွဲ့ဟာ သမ္မတ ဦးသိန်းစိန်နဲ့ တွေ့ဆုံခဲ့ပြီးနောက် ညနေပိုင်းမှာ ရန်ကုန်ကို ပြန်လည် ထွက်ခွာခဲ့ကြပြီး တနင်္ဂနွေနေ့မှာတော့  မြန်မာ့ဒီမိုကရေစီခေါင်းဆောင် ဒေါ်အောင်ဆန်း စုကြည်နဲ့လည်း တွေ့ဆုံဖို့ စီစဉ်ထား သလို ရန်ကုန်မှာရှိတဲ့ ကရင်အသိုင်းအ၀ိုင်း ခေါင်းဆောင်တွေနဲ့လည်း တွေ့ဆုံဖို့ ရှိပါတယ်။ ဒါ့အပြင် တနင်္လာနေ့မှာတော့ ပဲခူးတိုင်း ကျောက်ကြီးမြို့နယ်မှာရှိတဲ့ IDP ကရင်ဒုက္ခသည် ၂ ထောင်ကျော်ရဲ့ အခြေအနေတွေကိုလည်း သွားရောက် လေ့လာကြမှာ ဖြစ်ပါတယ်။ အဲ့ဒီနောက် ပဲခူးတိုင်းဒေသကြီး ၀န်ကြီးချုပ် အပါအ၀င် တောင်ပိုင်းတိုင်း စစ်ဌာနချုပ်က အရာရှိတွေနဲ့ အင်္ဂါနေ့မနက်ပိုင်းမှာ ဆက်လက် တွေ့ဆုံဖို့ရှိပြီး အဲ့ဒီဒေသတွင်းမှာရှိတဲ့ အစိုးရတပ်တွေနဲ့ KNLA တပ်တွေရဲ့ လှုပ်ရှားမှု အခြေအနေတွေ အကြောင်း ဆွေးနွေး ပြောဆိုကြဖို့ရှိတယ်လို့ KNU ငြိမ်းချမ်းရေး ကိုယ်စားလှယ်အဖွဲ့ဝင် စောသာဒိုမူး က ရှင်းပြခဲ့ပါတယ်။
KNU အဖွဲ့ဟာ မြန်မာအစိုးရ အဆက်ဆက်ကို ၆၃ နှစ်ကြာ တော်လှန်လာခဲ့တဲ့ အဖွဲ့ဖြစ်ပါတယ်။ ပြီးခဲ့တဲ့ ဇန်န၀ါရီလ ၁၂ ရက်နေ့ကပဲ ကရင်ပြည်နယ် ဘားအံမြို့မှာ KNU ငြိမ်းချမ်းရေးကိုယ်စားလှယ်အဖွဲ့နဲ့ မြန်မာအစိုးရ ငြိမ်းချမ်းရေးကိုယ်စားလှယ်အဖွဲ့ဟာ ပြည်နယ်အဆင့်နဲ့ တခါ - ပြည်ထောင်စုအဆင့် ဆက်လက်ဆွေးနွေးဖို့အတွက် တခါ ၂ ပိုင်းခွဲ လက်မှတ်ရေးထိုးခဲ့ကြတာဖြစ်ပါတယ်။
ယခင် KNU ခေါင်းဆောင်ကြီး ဗိုလ်ချုပ်မြနဲ့ အဲဒီအချိန်က မြန်မာဝန်ကြီးချုပ်အဖြစ် တာဝန်ယူထားတဲ့ ဗိုလ်ချုပ်ကြီး ခင်ညွန်တို့ဟာ ၂၀၀၄ ခုနှစ် ဇန်န၀ါရီလဆန်းမှာ ငြိမ်းချမ်းရေးဆွေးနွေးဖို့အတွက် ရန်ကုန်မှာ တွေ့ဆုံတဲ့အထိ သမိုင်းဝင်ဖြစ်ခဲ့ဖူးပါတယ်။ ဒါပေမဲ့လည်း ၂ ဘက်အကြား အပစ်အခတ် ရပ်စဲထားဖို့သာ ယာယီအားဖြင့် သဘောတူညီနိုင်ခဲ့ပြီး အခုလို လက်မှတ်ရေးထိုးနိုင်တဲ့အဆင့်အထိတော့ အောင်မြင်မှု မရှိခဲ့ပါဘူး။

သမ္မတနဲ့ ကေအင်ယူတွေ့ဆုံ

ပြည်ထောင်စု အဆင့် ငြိမ်းချမ်းရေး ဆွေးနွေးရန် ရောက်ရှိလာခဲ့တဲ့ ကရင်အမျိုးသား အစည်းအရုံးရဲ့ ငြိမ်းချမ်းရေး ကိုယ်စားလှယ်အဖွဲ့ဟာ ဒီကနေ့မနက်ပိုင်းမှာ အစိုးရရုံးစိုက်ရာ နေပြည်တော်ကို အထူးလေယာဉ်ဖြင့် သွားရောက်ပြီး သမ္မတ ဦးသိန်းစိန်နဲ့တွေ့ဆုံခဲ့ပါတယ်။

တိုင်းရင်းသား လူမျိုးပေါင်းစုံပါဝင်တဲ့ ညီလာခံတစ်ရပ် ကျင်းပရေး KNPLF တိုက်တွန်း

NLD ပါတီဥက္ကဋ္ဌ ဒေါ်အောင်ဆန်းစုကြည်အနေနဲ့ တိုင်းရင်းသား လူမျိုးပေါင်းစုံပါဝင်တဲ့ ညီလာခံတစ်ရပ် ခေါ်ယူကျင်းပရေး ကြိုးပမ်းဆောင်ရွက်ပေးဖို့ အပစ်အခတ်ရပ်စဲထားတဲ့ (ကလလတ) ခေါ် ကရင်နီ လူမျိုးပေါင်းစုံ ပြည်သူ့လွတ်မြောက်ရေးတပ်ဦး ( KNPLF ) က တိုက်တွန်းလိုက်ပါတယ်။
ငြိမ်းချမ်းရေးနဲ့ ပွင့်လင်းလူ့အဖွဲ့အစည်း ဖော်ဆောင်ရေးအတွက် ကယားပြည်နယ်ကို ရောက်ရှိနေတဲ့ ၈၈ မျိုးဆက် ကျောင်းသားခေါင်းဆောင်များအဖွဲ့ နဲ့ ကလလတ အဖွဲ့ ခေါင်းဆောင်တွေ ဒီကနေ့ လွိုင်ကော်မြို့မှာ တွေ့ဆုံဆွေးနွေးစဉ် အခုလို ပန်ကြားလိုက်ကြောင်း ၈၈ မျိုးဆက်ကျောင်းသား ခေါင်းဆောင် ကိုမြအေးက မြန်မာနိုင်ငံတွင်းက တိုင်းရင်းသားပြည်သူတွေအနေနဲ့ ပြည်ထောင်စုက ခွဲထွက်လိုတဲ့ ဆန္ဒမရှိကြောင်း ဒါပေမဲ့ ပြည်ထောင်စုအတွင်း ကိုယ့်ကြမ္မာကိုယ် ဖန်တီးခွင့် ရလိုကြောင်း KNPLF တာဝန်ရှိသူတွေက ထောက်ပြ ဆွေးနွေးခဲ့တယ်လို့ ကိုမြအေးက ပြောပါတယ်။
ကိုမြအေး၊ ကိုပြုံးချို ဦးဆောင်တဲ့ ၈၈ မျိုးဆက်ကျောင်းသား ခေါင်းဆောင်များအဖွဲ့ နဲ့ KNPLF အဖွဲ့ လူထုဆက်ဆံရေး တာဝန်ခံ အတွင်းရေးမှူးအဖွဲ့ဝင် ဦးဟက်စတာ၊ ဗိုလ်မှူး ဦးစိန်လှိုင်အပါအ၀င် လူငယ်အဖွဲ့ ခေါင်းဆောင်တွေနဲ့ ဒီကနေ့ တွေ့ဆုံပွဲမှာ ဒီမိုကရေစီ ဖော်ဆောင်ရေးနဲ့ ပြည်သူ့အကျိုး ဆောင်ရွက်ရေး အခြေခံအချက်တွေကို ဆွေးနွေးခဲ့တယ်လို့လည်း သိရပါတယ်။ ၈၈ မျိုးဆက်ကျောင်းသား ခေါင်းဆောင်များအဖွဲ့ဟာ ဧပြီ ၄ ရက်နေ့က ကယန်းပြည်သူ့ တိုင်းရင်းသားရေးရာဝန်ကြီးနဲ့ ကယားပြည်နယ် ဖယ်ခုံမြို့မှာ တွေ့ဆုံခဲ့သလို ဧပြီ ၅ ရက်နေ့က မျိုးဆက်သစ်လူငယ်တွေ ဒေသခံ တောင်သူလယ်သမားတွေနဲ့လည်း မိုးဗြဲမြို့မှာ တွေ့ဆုံခဲ့ပါတယ်။

ကချင်ပြည်နယ်ကို ကမ္ဘာ့ အမွေအနှစ်အဖြစ် ထားရှိဖို့ မြသားကွန်ယက်အဖွဲ့ ကြိုးစားနေ

မြသားကွန်ယက်အဖွဲ့ Green Network ဟာ ဧရာဝတီမြစ်ဆုံ အပါအ၀င် ကချင်ပြည်နယ် တစ်ခုလုံးကို ကမ္ဘာ့အမွေအနှစ်အဖြစ် ထိန်းသိမ်းရမယ့် နေရာအဖြစ် သတ်မှတ်အောင် တင်ပြမယ်လို့ Green Network အဖွဲ့ကို ဦးဆောင်တဲ့ ဆရာကြီး ဦးအုန်းက ဒီနေ့ ပြောကြားလိုက်ပါတယ်။
မြန်မာ့ သဘာဝပတ်ဝန်းကျင်နဲ့ သယံဇာတတွေကို ထိန်းသိမ်းကာကွယ်ဖို့ ဆောင်ရွက်လိုစိတ်ရှိသူတွေ စုပေါင်းပါဝင်တဲ့ Green Network မြသားကွန်ယက်အဖွဲ့ဟာ ဧရာဝတီမြစ်ဆုံ အပါအ၀င် ကချင်ပြည်နယ် တစ်ခုလုံးကို UNESCO ကုလသမဂ္ဂ ပညာရေးသိပ္ပံနဲ့ ယဉ်ကျေးမှုအဖွဲ့ကနေ world heritage လို့ပြောတဲ့ ကမ္ဘာ့အမွေအနှစ်အဖြစ် တစ်သက်လုံး မပျောက်ပျက်ဖို့ ထိန်းသိမ်းရမယ့် နေရာအဖြစ် သတ်မှတ်နိုင်အောင် ကြိုးစားနေပါတယ်။
ကမ္ဘာ့ သစ်တောတွေ၊ တောင်တန်းတွေ၊ ရေကန်တွေ၊ မြစ်ချောင်းတွေ၊ သဲကန္တာရတွေ မပျောက်ပျက်ရအောင် UNESCO က ကမ္ဘာ့အမွေအနှစ် နေရာတွေအဖြစ် သတ်မှတ်တာမို့ bio diversity ဇီဝမျိုးစုံမျိုးကွဲ အမျိုးမျိုးရှိတဲ့ ကချင်ပြည်နယ်ကိုလည်း ကမ္ဘာ့အမွေအနှစ်အဖြစ် သတ်မှတ်ဖို့ ပတ်ဝန်းကျင် မြတ်နိုးသူတွေက စီစဉ်နေတာပါ။
ကချင်ပြည်နယ် ဧရာဝတီ မြစ်ဆုံဒေသကို ပထမဦးစားပေးထားပြီး ဒုတိယအနေနဲ့ တနင်္သာရီတိုင်း ထားဝယ်၊ တတိယအနေနဲ့ ရခိုင်ပြည်နယ် ကျောက်ဖြူကနေ တရုတ်နိုင်ငံ ယူနန်ပြည်နယ်ထိ ဆက်သွယ်မယ့် ရေနံနဲ့ သဘာဝဓာတ်ငွေ့ပိုက်လိုင်း ကိစ္စတွေမှာ သဘာဝပတ်ဝန်းကျင် မထိခိုက်ရေးအတွက် ဆောင်ရွက်ဖို့ ရှိတယ်လို့ သစ်တောနဲ့ သဘာဝပတ်ဝန်းကျင် ထိန်းသိမ်းရေး ပညာရှင် ဆရာကြီး ဦးအုန်းက ပြောပါတယ်။
ကချင် တစ်ပြည်နယ်လုံးကို ကမ္ဘာ့အမွေအနှစ်အဖြစ် ထားရှိဖို့ Green Network အဖွဲ့က ကြိုးစားနေတဲ့ အကြောင်း ဒေါ်စမ်းစမ်းတင်က တင်ပြထားပါတယ်။