မြန်မာကို နိုင်ငံတကာက ထောက်ခံဖို့ ဗြိတိန်ဝန်ကြီးချုပ် တိုက်တွန်း

မြန်မာနိုင်ငံက ပြောင်းလဲတိုးတက်မှုတွေကို နိုင်ငံတကာ အသိုင်းအ၀ိုင်းက အချိန်နှောင့်နှေးမနေဘဲ အားပေးထောက်ခံဖို့ လိုအပ်ကြောင်း ဗြိတိန်ဝန်ကြီးချုပ် David Cameron က မနေ့က အင်ဒိုနီးရှားနိုင်ငံ ဂျာကာတာမြို့တော်က တက္ကသိုလ်ကျောင်းသားတွေနဲ့ တွေ့ဆုံပွဲမှာ ၀န်ကြီးချုပ် မစ္စတာ ကင်မရွန်ပြောခဲ့တာပါ။ဝန်ကြီးချုပ် ဒေးဗစ်ကင်မရွန်က ဒေါ်အောင်ဆန်းစုကြည် အပါအ၀င် မြန်မာနိုင်ငံရဲ့လွတ်လပ်မှု အခွင့်အရေးနဲ့ ပြုပြင်ပြောင်းလဲမှုတွေအတွက် ကြိုးပမ်းခဲ့ကြသူအားလုံးကို ဂုဏ်ပြုရမှာ ဖြစ်တယ်လို့ ပြောပါတယ်။
ဒါ့အပြင် နိုင်ငံရေး အကျဉ်းသားတွေ လွှတ်မြောက်လာတာ၊ ကြားဖြတ်ရွေးကောက်ပွဲ ကျင်းပပေးတာနဲ့ နိုင်ငံရေးပါတီတွေကို တရားဝင် အသိအမှတ်ပြုပေးခဲ့တဲ့ သမ္မတ ဦးသိန်းစိန် အပါအ၀င် မြန်မာအစိုးရကိုလည်း ချီးကျူးဂုဏ်ပြုရမှာ ဖြစ်တယ်လို့ ပြောခဲ့ပါတယ်။ဝန်ကြီးချုပ် ဒေးဗစ် ကင်မရွန်ရဲ့ မြန်မာနိုင်ငံ ခရီးစဉ်ဟာ အနောက်နိုင်ငံကြီးတွေရဲ့ အဆင့်မြင့်ဆုံး ခေါင်းဆောင်တစ်ဦး လာရောက်တာဖြစ်ပါတယ်။
မြန်မာနိုင်ငံဟာ ဒီမိုကရေစီ အသွင်ကူးပြောင်းရေးကို ဦးတည်နေတယ်ဆိုရင် နိုင်ငံတကာအနေနဲ့ အချိန်မနှောင့်နှေးပဲ တုံ့ပြန်သင့်တယ်။ ဒါပေမယ့် မြန်မာနိုင်ငံက အပြောင်းအလဲတွေကို မိမိကိုယ်တိုင် ပထမဆုံး မြင်တွေ့လိုပါသေးတယ်လို့လည်း ဗြိတိန်ဝန်ကြီးချုပ်က ပြောခဲ့ပါတယ်။
ဗြိတိန်ဝန်ကြီးချုပ်ဟာ အရှေ့တောင်အာရှ ငါးနိုင်ငံခရီးစဉ် လှည့်လည်နေရာမှာ မနက်ဖြန် မြန်မာနိုင်ငံကို ရောက်ရှိမှာဖြစ်ပြီး၊ သူ့ရဲ့ခရီးစဉ်ဟာ အရှေ့တောင်အာရှနိုင်ငံတွေမှာ စီးပွားရေး ရင်းနှီးမြှုပ်နှံမှုနဲ့ ကုန်သွယ်ရေးကိစ္စတွေ ညှိနှိုင်းဆောင်ရွက်ဖို့အတွက် အဓိကကျတယ်လို့ ဆိုထားပါတယ်။

NLD ကိုယ်စားလှယ်များ လွှတ်တော်တက်ဖို့ မသေချာ

ဧပြီလ ၂၃ ရက်နေ့မှာ ပြန်လည်စတင်မယ့် လွှတ်တော်အစည်းအဝေးတွေကို ပြီးခဲ့တဲ့ ဧပြီ ၁ ရက် ကြားဖြတ် ရွေးကောက်ပွဲမှာ အနိုင်ရခဲ့တဲ့ အမျိုးသားဒီမိုကရေစီ အဖွဲ့ချုပ် လွှတ်တော်ကိုယ်စားလှယ်တွေ တက်ရောက်နိုင်မှာ မဟုတ်သေးဘူးလို့ သတင်းရရှိပါတယ်။
NLD အတွင်းရေးမှူးနှင့် ပြောခွင့်ရ ဦးဥာဏ်ဝင်းက  ပြည်တွင်း၊ ပြည်ပ မီဒီယာများကို အခုလိုပြောပါတယ်။
" ကျွန်တော်တို့ ၂၃ ရက်နေ့ လွှတ်တော်တက်ဖို့ဆိုတာ အဲဒီမှာ ကျမ်းသစ္စာကျိ်န်ဆိုရမယ်လေ။ ကျမ်းသစ္စာကျိ်န်ဆိုပွဲမှာ ဖွဲ့စည်းပုံ အခြေခံဥပဒေကို ကာကွယ်စောင့်ရှောက်ပြီးလို့ သူတို့ပြောတယ်။ အဲတော့ ကျွန်တော်တို့က ဖွဲ့စည်းပုံအခြေခံဥပဒေကို အရင်ကတည်းက ကျွန်တော်တို့ မူဝါဒက လေးစားလိုက်နာမယ်။ ကျန်တဲ့ဥပဒေတွေကိုလည်း လေးစားလိုက်နာမယ်။ ကာကွယ်စောင့်ရှောက်တဲ့ဟာက ကျွန်တော်တို့နဲ့ မဆိုင်ဘူးလို့ ကျွန်တော်တို့ ဒီလိုမူဝါဒထားတယ်။ အခု အဲဒီအခက်အခဲလေးကို ကျွန်တော်တို့ ကြိုးစားဖြေရှင်းနေတယ်။ နိုင်ငံတော် သမ္မတနဲ့လည်း ပူးပေါင်းဆောင်ရွက်နေတယ်။ အဲဒီဟာ ပြေလည်သွားတာနဲ့ ကျွန်တော်တို့ တက်မယ်။ ၂၃ ရက်နေ့ ဆိုတာကတော့ အချိန်အားဖြင့် နည်းနည်းအကန့် အသတ်ရှိနေတော့ သိတ်မမီလောက်ဘူးလို့တော့ ကျွန်တော်တို့ ခန့်မှန်းထားပါတယ်"
အမျိုးသားဒီမိုကရေစီ အဖွဲ့ချုပ် လွှတ်တော်ကိုယ်စားလှယ်တွေ အနေနဲ့ လာမယ့် ဧပြီလ ၂၃ ရက်နေ့မှာ လွှတ်တော်အစည်းအဝေး တက်မယ် မတက်ဘူးဆိုတာကို ပြည်သူ့လွှတ်တော်ရုံးကို ဒီရက်ပိုင်းအတွင်း အကြောင်းကြားမယ်လို့ ဦးဥာဏ်ဝင်းက ပြည်တွင်း၊ ပြည်ပ မီဒီယာများသို့ ပြောပါတယ်။
ဧပြီလ ၂၃ ရက်နေ့မှာ ပြန်လည်ကျင်းပဖို့ ရှိတဲ့ လွတ်တော်အစည်းဝေးတွေကို NLD ပါတီက ရွေးကောက်ခံ ကိုယ်စားလှယ် တက်ရောက်ဖို့ မသေချာဘူးလို့ NLD ပါတီက ပြောပါတယ်။ ဒါကလည်း ရွေးကောက်ခံ ကိုယ်စားလှယ် တွေ ကျမ်းသစ္စာ ကျိန်ဆိုစဉ်တွင်း  ရွတ်ဆိုရတဲ့  ၂၀၀၈ ဖွဲ့စည်းအုပ်ချုပ်ပုံအခြေခံ ဥပဒေကို ကာကွယ် စောင့်ရှောက်ရမယ် ဆိုတဲ့စကားလုံးအစား  ဖွဲ့စည်းပုံ အခြေခံကို လေးစား လိုက်နာမယ် ဆိုတဲ့ စကားလုံးပြင်နိုင်ဖို့ NLD အမျိူးသား ဒီမိုကရေစီအဖွဲ့ချုပ်က ကြိုးစားနေတာကြောင့် ဖြစ်တယ် လို့လည်း ဆိုပါတယ်။
ပြည်သူ့လွှတ်တော်က တတိယအကြိမ် ပုံမှန် အစည်းဝေးထဲ မပြီးပြတ်တဲ့ ကိစ္စတွေကို ဆက်ဆွေးနွေးဖို့ အတွက် ဧပြီလ ၂၃ ရက် တနင်္လာနေ့ မှာ ပြန်ကျင်းပမယ့် ပြည်သူ့ လွှတ်တော်အစည်းဝေးကို အ၀င် NLD ပါတီ ရွေးကောက်ခံ ကိုယ်စားလှယ် ဒေါ်အောင်ဆန်းစုကြည် အပါအ၀င် အဖွဲ့ဝင် ကိုယ်စားလှယ်သစ် တွေ တက်ဖိှု့ စီစဉ်ထားကြတာပါ။
ဒါပေမယ့် ရွေးကောက်ခံ ကိုယ်စားလှယ်သစ်တွေ ကျမ်းသစ္စာ ကျိန်ဆိုတဲ့အခါ ရွတ်ဆိုတဲ့အခါ  ဖွဲစည်းပုံ အခြေခံဥပဒေကို ကာကွယ် စောင့်ရှောက်ရမယ်ဆိုတဲ့ စကားလုံးအစား  NLD ကိုယ်စားလှယ်လောင်းတွေ ဟာ လေးစား လိုက်နာရမယ်ဆိုတဲ့ စကားလုံးကို ပြင်ဆင်ရွတ်ဆိုနိုင်ဖို့ NLD ပါတီက ညှိုနှိုင်းတာတွေ လုပ်နေတယ် လို့ NLD ပါတီရဲ့ အတွင်းရေးမှူး အဖွဲ့ဝင် ဦးဥာဏ်ဝင်းက ပြောပါတယ်။
NLD ပါတီဟာ ပြီးခဲ့တဲ့ ကြားဖြတ် ရွေးကောက်ပွဲမှာ ၄၃ နေရာထိ အများဆုံးအနိုင်ရခဲ့တဲ့ပါတီတခု ဖြစ်ပြီး ပြည်သူ့ လွှတ်တော် ကိုယ်စားလှယ်တွေအဖြစ် ဥက္ကဋ္ဌ ဒေါ်အောင်ဆန်းစုကြည်အပါအ၀င် အမျိုးသား ဒီမိုကရေစီ အဖွဲ့ချုပ် ပြည်သူ့ လွှတ်တော် ကိုယ်စားလှယ် ၃၇ ဦး လွှတ်တော်တက်ရမှာ ဖြစ်ပါတယ်။

ဗိုလ်ချုပ် အောင်ဆန်းကို အကြည်ညိုဆုံးဟု ဗိုလ်ချုပ်မှူးကြီး သန်းရွှေ ပြော

ဗိုလ်ချုပ်မှူးကြီးဟောင်း ဦးသန်းရွှေ၏ အကြည်ညိုဆုံးပုဂ္ဂိုလ်မှာ လွတ်လပ်ရေးဖခင် ဗိုလ်ချုပ် အောင်ဆန်းသာဖြစ်ကြောင်း အမျိုးသားလွှတ်တော်ဥက္ကဋ္ဌ၊ ပြည်ထောင်စုလွှတ်တော် နာယက ဦးခင်အောင်မြင့်က ထုတ်ဖော် ပြောဆိုလိုက်ဟု သိရသည်။

နယ်စပ်ဖြတ်ကျော် အကူအညီများ ဆက်လက် ပံ့ပိုးသင့်

နိုင်ငံတကာ အလှူရှင်များအနေနှင့် ပြည်တွင်းထဲသို့ ပံ့ပိုးကူညီမူများ တိုးမြှင့်ပြုလုပ်နေချိန်တွင် နယ်စပ်ဖြတ်ကျော် ကူညီထောက်ပံ့မူများကို လျှော့ချ၊ ဖြတ်တောက်ခြင်းများအပေါ် စိုးရိမ်သည်ဟု နယ်စပ်ဒေသတလျှောက် လှုပ်ရှားနေသည့် လူမူကူညီရေးအဖွဲ့ ၃၆ ဖွဲ့က ဧပြီလ ၁၀ ရက်နေ့တွင် ထုတ်ပြန်ကြေညာလိုက်သည်။
၂၀၁၀ ရွေးကောက်ပွဲပြီးချိန်မှ စ၍ နိုင်ငံတကာအလှူရှင်များက ပံ့ပိုးမူများ လျှော့ချမည်ဟု သတင်းထွက်ပေါ်ခဲ့ကြောင်း၊ ထို့နောက် သမ္မတ ဦးသိန်းစိန် အစိုးရက နိုင်ငံရေးအကျဉ်းသားများ လွှတ်ပေးခြင်း၊ နိုင်ငံရေးပါတီများနှင့် ပတ်သက်ပြီး ဖြေလျှော့ပေးခြင်းများ ပြုလုပ်ပြီးနောက်ပိုင်းတွင် နယ်စပ်ဒေသများအတွက် နိုင်ငံတကာ အကူအညီများ စတင်လျှော့ချလာခြင်းဖြစ်ကြောင်း သိရသည်။
ထို့အပြင် တိုင်းရင်းသား လက်နက်ကိုင်အဖွဲ့များနှင့် အပစ်အခတ်ရပ်စဲရေး သဘောတူညီချက်များ ပြုလုပ်ပြီးသည့်နောက်တွင် လျှော့ချမူများ ပိုမိုသိသာလာသည်ဟု ဆိုသည်။
မြန်မာနိုင်ငံရေး အပြောင်းအလဲများသည် အပေါ်ယံသာဖြစ်ပြီး တိုင်းရင်းသားဒေသများသို့ သက်ရောက်မှု မရှိသေးသဖြင့် အမှန်တကယ် ငြိမ်းချမ်းရေးရပြီဟု မပြောနိုင်ကြောင်း တိုင်းရင်းသားလူမျိုးများ လူထုဖွံ့ဖြိုးရေးအဖွဲ့မှ ကိုစိုင်းခေးဆိုင်က ဆိုသည်။ အလှူရှင်များအနေဖြင့် တဖက်ကို ပံ့ပိုးပေးသည့် ရန်ပုံငွေများကို ရပ်တန့်လိုက်ပြီး အခြားတဖက်သို့ ပေါင်းပေးလိုက်ခြင်းဖြင့် နယ်စပ်ဒေသမှ အဖွဲ့များနှင့် ပြည်တွင်းမှ အဖွဲ့များ၏ ပူးပေါင်းလုပ်ကိုင်နိုင်စွမ်းကိုလည်း အကန့်အသတ် ဖြစ်စေနိုင်ကြောင်း ကိုမန်းမန်းက ပြောသည်။ ကြေညာချက် ထုတ်ပြန်ရာတွင် ပါဝင်ခဲ့သည့် အဖွဲ့အများစုသည် ပြည်တွင်း တိုင်းရင်းသားဒေသများတွင် အဓိကလုပ်ကိုင်ခြင်းဖြစ်ပြီး နယ်စပ်ဒေသများတွင်လည်း ဆက်ဆံရေးရုံး ထားရှိကြကြောင်း သိရသည်။
ထိုင်း-မြန်မာ နယ်စပ်တလျှောက်တွင် မြန်မာနိုင်ငံမှ ဒုက္ခသည် ၁ သိန်းခွဲကျော်ရှိသည်။
လက်ရှိ ကချင်ပြည်နယ်တွင်လည်း တိုက်ပွဲများ ဖြစ်ပွားနေသည့်အတွက် နေရပ်စွန့်ခွာပြေးရသူ ၆၅၀၀၀ အထိ ရှိနေပြီး ယင်းဒုက္ခသည်များမှာ ပြည်တွင်း၊ ပြည်ပမှ ထိရောက်သည့် အကူအညီများ မရရှိကြဘဲ ဖြစ်နေဆဲဟု သိရှိရသည်။

မြန်မာလုပ်သားတွေအတွက် အကာအကွယ်ပေးမဲ့ သဘောတူညီချက်များလို

မလေးရှားကို မြန်မာအိမ်ဖော် အလုပ်သမားတွေ စေလွှတ်မယ်ဆိုရင် မြန်မာအလုပ်သမားတွေရဲ့အခွင့်အရေးကို အကာကွယ်ပေးနိုင်မဲ့ အခြေခံ သဘောတူညီချက်တွေကို မလေးရှားအစိုးရနဲ့ ဦးစွာကတိက၀တ် ပြုထားဖို့လိုကြောင်း မလေးရှားနိုင်ငံမှာ မြန်မာအလုပ်သမားအရေး ဆောင်ရွက်ပေးနေတဲ့ Burma Campaign Malaysia အဖွဲ့က သမ္မတ ဦးသိန်းစိန်အစိုးရကို ပေးတဲ့ အိတ်ဖွင့်ပေးစာထဲမှာ ဖော်ပြထားပါတယ်။
မြန်မာအစိုးရနဲ့ မလေးရှားအစိုးရတို့အကြား အိမ်ဖော် အလုပ်သမားတွေအတွက် MOU ခေါ် နားလည်မှုစာချွန်လွှာ လက်မှတ်ရေးထိုးတဲ့အခါ ပါဝင်သင့်တဲ့ အချက်တွေကို ဒီအိတ်ဖွင့်ပေးစာထဲမှာ ဖော်ပြထားပါတယ်။
အိတ်ဖွင့်ပေးစာနဲ့ ပတ်သက်ပြီး Burma Campaign Malaysia အဖွဲ့ရဲ့ညွန်ကြားရေးမှူး ကိုထွန်းထွန်းက အခုလိုရှင်းပြပါတယ်။
" အဲဒီ MOU မှာ အဓိကပါရမယ့် အချက်တွေကို ကျွန်တော် high light ပေးထားတယ်။ ဒီအချက်တွေပါခဲ့မယ် ဆိုလို့ရှိရင် အဲဒီ MOU ကိုမှီးပြီးတော့ ရေးရမယ့် အလုပ်ရှင် အလုပ်သမားစာချုပ်တွေ အကုန်လုံးက ကောင်းမွန်တဲ့ စာချုပ်တွေ ဖြစ်သွားနိုင်တယ်။ လာမဲ့ ကျွန်တော်တို့ အလုပ်သမားတွေအတွက် အများကြီး အဆင်ပြေမယ်။ အဲဒီအတွက် ရည်ရွယ်ပြီး ဦးသိန်းစိန်ကို ကျွန်တော် အိတ်ဖွင့်ပေးစာကို ပေးတာဖြစ်ပါတယ်"
ဒီအိတ်ဖွင့်ပေးစာထဲမှာ နိုင်ငံတကာ အလုပ်သမားအဖွဲ့ချုပ် ILO ရဲ့သတ်မှတ်ချက်တွေကို အခြေခံပြီး ပါဝင်သင့်တဲ့ အချက်အလက်တချို့ကို ဖော်ပြထားပါတယ်။
ဥပမာ မြန်မာအလုပ်သမားတွေအနေနဲ့ အလုပ်ရှင်နဲ့ လွတ်လွတ်လပ်လပ် စာချုပ်ခွင့်ရှိရမယ်။ လုပ်ကိုင်ရမယ့် အလုပ်အမျိုးစားနဲ့ အလုပ်ချိန်ကို တိတိကျကျ သတ်မှတ် စာချုပ်ထားရမယ်။ အလုပ်လုပ်ရမယ့် အလုပ်ခွင်အနေအထား၊ ရမယ့်လစာ စတာတွေကို မလေးရှားကို မသွားရောက်မီကတည်းက မြန်မာအလုပ်သမားနဲ့ မလေးရှားအလုပ်ရှင်တို့ သဘောတူ စာချုပ်ထားရမယ် စတဲ့အချက်တွေ ပါဝင်ပါတယ်။
ဒါ့အပြင် အလုပ်သမားရှာဖွေရေး ကုမ္ပဏီတွေ အနေနဲ့လည်း ဒီအချက်တွေကို ကြိုတင်စာချုပ်နိုင်အောင် ကူညီဆောင်ရွက်ပေးရမယ် စသည်ဖြင့် မနေ့က ရက်စွဲနဲ့ ပေးပို့ခဲ့တဲ့ အိတ်ဖွင့်ပေးစာထဲမှာ ဖော်ပြထားပါတယ်။
ဒါပေမယ့် ဒီအချက်အလက်တွေကို အာမခံတဲ့ နိုင်ငံတကာ သဘောတူညီချက် C189 ကို မလေးရှားအစိုးရက လက်မှတ်ထိုး မထားတဲ့အတွက် မလေးရှားနိုင်ငံမှာ လာရောက် အလုပ်လုပ်ကိုင်နေတဲ့ အင်ဒိုနီးရှား၊ ဖိလစ်ပိုင်စတဲ့ အိမ်ဖော် အလုပ်သမားတွေဟာ ခါးသီးတဲ့ အတွေ့အကြုံတွေကို ရင်ဆိုင် ခံစားနေရကြောင်းကိုလည်း အဲဒီအိတ်ဖွင့်ပေးစာထဲမှာ သတိပေး ဖော်ပြထားပါတယ်။

 LWIN PWIN

Blog:                         http://wanna23-23.blogspot.com/