မြန်မာသတင်းများ ဧပြီလ ၂၂ ရက် ၂၀၁၂ ခုနှစ်


နိုင်ငံရေး အကျဉ်းသားအားလုံး လွှတ်ရင် အီးယူ ပိတ်ဆို့မှု လုံးဝ ရုပ်သိမ်းနိုင်မည်


မြန်မာအစိုးရ အနေနဲ့ ကျန်ရှိနေသေးတဲ့ နိုင်ငံရေး အကျဉ်းသားအားလုံး ပြန်လွှတ်ပေးမယ်ဆိုရင် အီးယူအနေနဲ့ မြန်မာအပေါ် ပိတ်ဆို့ အရေးယူမှုတွေကို လွတ်လွတ်ကျွတ်ကျွတ် ရုပ်သိမ်းပေးနိုင်တယ်လို့ ပိုလန် နိုင်ငံခြားရေး ၀န်ကြီးက ပြောလိုက်ပါတယ်။လာမယ့် ဧပြီလ (၂၃) ရက်နေ့ လူဇင်ဘတ်နိုင်ငံမှာ ကျင်းပမယ့် အီးယူ နိုင်ငံခြားရေးဝန်ကြီးများ ဆွေးနွေးပွဲမှာ မြန်မာအပေါ် ပိတ်ဆို့ အရေးယူမှု အများစုကို တစ်နှစ်တိတိ ယာယီ ဆိုင်းငံ့ပေးဖို့ အီးယူအဖွဲ့ဝင်နိုင်ငံတွေ သဘောတူညီထားကြကြောင်း ကြေညာအပြီးမှာ ပိုလန် နိုင်ငံခြားရေးဝန်ကြီး မစ္စတာ Radoslaw Sikorski က ပြောဆိုခဲ့တာပါ။
နိုင်ငံရေး အကျဉ်းသားအားလုံး လွတ်မြောက်ပြီး၊ မြန်မာပြည် နောက်ပြန်မလှည့်နိုင်တဲ့ ဒီမိုကရေစီ လမ်းကြောင်းပေါ် ရောက်ပြီဆိုရင် ယာယီ ဆိုင်းငံ့ထားတဲ့ အီးယူ ပိတ်ဆို့မှုတွေ အားလုံးဟာ လုံးဝ ပွင့်သွားနိုင်ပါတယ်လို့ ၀ါဆောမြို့မှာ သတင်းထောက်တွေကို ပြောလိုက်ပါတယ်။
အီးယူက ဆိုင်းငံ့ထားမယ့် ပိတ်ဆို့မှုတွေထဲမှာ သစ်လုပ်ငန်း၊ သစ်အချောထည်လုပ်ငန်းနဲ့ သတ္တုတူးဖော်ရေး လုပ်ငန်းတွေမှာ ပါဝင်ကြတဲ့ ကုမ္ပဏီ (၈၀၀) ကျော်နဲ့ ကုန်သွယ်ခွင့်၊ ရင်းနှီးမြှုပ်နှံခွင့်၊ မြန်မာစစ်အစိုးရ ထိန်းချုပ်ထားတဲ့ ကုမ္ပဏီ ( ၅၂) ခုမှာ ရင်းနှီးမြှုပ်နှံခွင့်၊ စစ်အစိုးရအဖွဲ့ဝင်တွေနဲ့ သူတို့နဲ့ နီးစပ်သူ ပုဂ္ဂိုလ် စုစုပေါင်း (၄၉၁) ယောက်အပေါ် ဥရောပ၀င်ခွင့် ဗီဇာပိတ်ပင်ထားတာတွေ ပါဝင်ပါတယ်။
ဒါပေမဲ့ ယာယီ ဆိုင်းငံ့ထားမယ့် ပိတ်ဆို့မှုတွေထဲမှာ စစ်လက်နက်ပစ္စည်း ရောင်းချမှု မပါဝင်ပါဘူး။ မြန်မာအပေါ် ပိတ်ဆို့မှု (၁၂) လတိတိ ယာယီ ဆိုင်းငံ့ထားစဉ်အတွင်း အခြေအနေ တိုးတက်မှုရှိမရှိကို အီးယူက အနီးကပ် အသေအချာ စောင့်ကြည့်နေမှာဖြစ်ပြီး အောက်တိုဘာလမှာ ပြန်လည်သုံးသပ်မှာ ဖြစ်ကြောင်း အီးယူ အကြီးတန်း အရာရှိတစ်ဦးက ပြောပါတယ်။
ဒါအပြင် သမ္မတ ဦးသိန်းစိန်ဟာ လက်ရှိ ပြုပြင်ပြောင်းလဲရေး လမ်းကြောင်းပေါ်မှာ ဆက်လက် လျှောက်လှမ်းနေတယ်ဆိုရင် (၁၂) လ မတိုင်ခင်အတွင်း အီးယူအနေနဲ့ ပိတ်ဆို့မှုတွေ ပြန်လည် ရုပ်သိမ်းသွားနိုင်တယ်လို့ ဆိုပါတယ်။
ပိုလန် နိုင်ငံခြားရေးဝန်ကြီးကလည်း ပိုလန်နိုင်ငံဟာလည်း စစ်အစိုးရလက်အောက် ကျရောက်ခဲ့ရဖူးပါတယ်။ အသွင်ကူးပြောင်းရေး ဆောင်ရွက်လိုက်လို့ ပိုလန်ဟာ နောင်တမရတဲ့အပြင် စံနမူနာ ယူစရာတောင် ဖြစ်လာခဲ့ပါတယ်။ မြန်မာ စစ်ဗိုလ်ချုပ်များ အတွက်လည်း နမူနာယူစရာပါလို့ ပြောဆိုပါတယ်။

ထိုင်းတောင်ပိုင်း မြန်မာအလုပ်သမားအရေး မြန်မာသံရုံး ညှိနှိုင်းပေးနိုင်ခဲ့


ဆန္ဒပြမှုတွေ ဖြစ်ပွားခဲ့တဲ့ ထိုင်းနိုင်ငံတောင်ပိုင်း ဆောင်ခလာခရိုင် ဖတ်တနာ ပင်လယ် အစားအစာ စက်ရုံက မြန်မာ အလုပ်သမားအရေး ကိစ္စကို ဘန်ကောက်အခြေစိုက် မြန်မာသံရုံးက သံမှူးကြီး ဦးမျိုးတင့်၊ အလုပ်သမားရေးတာဝန်ခံနဲ့ ရွှေ့ပြောင်းအလုပ်သမားအရေး ဆောင်ရွက်နေသူတွေက သွားရောက် ညှိနှိုင်းပေးခဲ့ရာမှာ အဆင်ပြေ သွားခဲ့ပြီလို့ သိရပါတယ်။ နှစ်နိုင်ငံ သဘောတူညီမှု စာချွန်လွှာ (MOU) နဲ့ လာရောက် အလုပ်လုပ်ကိုင်နေတဲ့ မြန်မာအလုပ်သမားတွေရဲ့ ရပိုင်ခွင့်တွေကို ကန့်သတ်ထားပြီး၊ သူတို့ပိုင်ဆိုင်တဲ့ ယာယီပတ်စပို့စ်တွေကိုလည်း သိမ်းဆည်းထားခဲ့တဲ့ အတွက် ဒီလ (၈) ရက်နေ့က စက်ရုံမှာ အတူလုပ်ကိုင်နေတဲ့ ကမ္ဘောဒီးယား အလုပ်သမားတွေနဲ့ အတူ မြန်မာအလုပ်သမားတွေက စုပေါင်းပြီး ဆန္ဒပြခဲ့ကြတာ ဖြစ်ပါတယ်။
ဒါကြောင့် ညှိနှိုင်းမှုတွေ အဆင့်ဆင့်ပြုလုပ်ခဲ့ရပြီး ပြီးခဲ့တဲ့ရက်ပိုင်းကတော့ သိမ်းဆည်းထားတဲ့ ယာယီပတ်စပို့တွေက စက်ရုံက ပြန်လည် ပေးအပ်ခဲ့ပါတယ်။ မနေ့ကစပြီး မြန်မာသံမှူးကြီး ဦးဆောင်ပြီး ကိုယ်စားလှယ်အဖွဲ့က အသေးစိတ်သွားရောက် ညှိနှိုင်းပေးရာကနေ အခုလို အားလုံး ပြေလည်မှု ရတာပါလို့ မြန်မာအစိုးရ အလုပ်သမားရေး တာဝန်ခံ ဦးကျော်ကျော်လွင်က
“အဲဒါ ပြေလည်သွားပြီဗျ၊ ပြေလည်သွားတော့ အလုပ်သမားတွေနဲ့ အလုပ်ရှင်နဲ့ ကျနော်တို့ မနေ့က သဘောတူစာချုပ်ချုပ်ပေးခဲ့တယ်၊ ချုပ်ပြီးတော့ အလုပ်သမားတွေလည်း ဆက်ပြီးတော့အလုပ်ဝင်နေတာပေါ့နော်၊ ပြန်ပြီးတော့ ပျော်ပျော်ပါးပါးပဲ အလုပ်ဝင်သွားပြီ။ မနက်ကတောင် ကျနော်တို့ အဲဒီအလုပ်သမား တန်းလျားကိုသွားကြည့်ခဲ့သေးတယ်။ ကျန်းမာရေးအတွက် လိုအပ်ချက်တွေ သွားတွေ့လို့ ကုမ္ပဏီကို ဒါလေးတွေ ထပ်လုပ်ပေးပါဦးလို့ ကျနော် မေတ္တာရပ်ခံခဲ့သေးတယ်။”
အရင်က အလုပ်သမားတွေက တနေ့လုပ်ခ (၁၇၇) ဘတ်ရရှိခဲ့သလို၊ အချိန်ပိုကြေး ၃၃ ဘတ်ပဲ ရရှိခဲ့တာ ဖြစ်ပါတယ်။ အခုညှိနှိုင်းမှု အပြီးမှာ ယခင်ကာလနစ်နာခဲ့မှုတွေ အတွက် စာချုပ်ပါ အတိုင်း (၂၀၅) ဘတ်နဲ့ နေ့တွက်ခကို ပြန်လည် တွက်ချက်ပေးခဲ့တာ ဖြစ်ပါတယ်။ သူတို့ ညှိနှိုင်းပေးခဲ့မှုတွေကိုတော့ သူက အခုလို ဆက်ပြောပါတယ်။
“အဓိက ကတော့သူတို့ ၂၀၅ ဘတ် မပြည့်တဲ့ ကိစ္စလေးကို ပြန်ပြီးတော့ ဖြည့်ပေးပါ တောင်းတယ်။ အဲဒါလေးဖြည့်ပေး လိုက်တယ်။ နောက်တခါကြတော့ နေအိမ်ကို အခမဲ့ပေးပြီးတော့ ရေဖိုးနဲ့ မီးဖိုး ညှိယူကြတာပေါ့။ အဲဒါမျိုး လုပ်လိုက်တယ်။ သူတို့ပြောတာလေးတွေက အလုပ်သမားရေးရာလေးတွေ၊ အဲဒါလေးတွေ ကျနော်တို့ အသေးစိတ် အကုန် လိုက်ညှိပေးလိုက်တယ်။ သူတို့ကျန်းမာရေးနဲ့ ပတ်သက်လို့ သောက်ရေကိုလည်း လုံလောက်စွာ ထားပေးဖို့တို့ အိမ်သာကိုလည်း လုံလောက်စွာထားပေးဖို့တို့။”
ဒီလိုညှိနှိုင်းမှုတွေကြောင့် အလုပ်သမားတွေဟာ အခုဆိုရင် တရက်ကို နေ့တွက်ခ (၂၆၆) ဘတ်အထိ ရရှိမှာဖြစ်ပြီး၊ အချိန်ပိုလုပ်ခ အနေနဲ့ ယခင် (၃၃) ဘတ်ကနေ အခုတနာရီကို ဘတ် (၅၀) ခန့် ရရှိမှာဖြစ်ပါတယ်။  ဒီအလုပ်သမားတွေဟာ MOU နဲ့တရားဝင် စာချုပ်ချုပ်ပြီးလာတာ ဖြစ်တဲ့အတွက် လိုအပ်လာရင် မြန်မာအစိုးရ အနေနဲ့ အခွင့်အရေး အပြည့်အဝ ရအောင် ကူညီနိုင်တာဖြစ်လို့ တရားဝင်ဖို့ လိုကြောင်းလည်း ဦးကျော်ကျော်လွင်က ပြောပါတယ်။

မြန်မာနိုင်ငံ အပူရှိန်မြင့်၍ လူသေဆုံးနေ


မြန်မာနိုင်ငံတွင် စံချိန်တင် အပူရှိန်များမြင့်တက်နေမှုများဖြစ်ကာ သက်ကြီးရွယ်အိုများနှင့် အရက်သေစာ သုံးစွဲသူများ အပူဒဏ်ကြောင့်သေဆုံးမှုများရှိနေကြောင်းစုံစမ်းသိရှိရသည်။အပူဒဏ်ခံနေရသော မကွေးတိုင်း၊ ရေနံချောင်းမြို့ပေါ်တွင် ယခုလအတွင်း သေဆုံးသူ ၃၀ ကျော်ရှိကြောင်း သေဆုံး ရုပ်အလောင်း များကို အခမဲ့ မီးသင်္ဂြိုဟ်ပေးနေသော မိတ်ဆွေကောင်း နာရေးကူညီမှုအသင်း က ပြောသည်။
မကွေးမြို့တွင် ယခုလ ၁၆ ရက်နေ့က အပူချိန် ၄၄ ဒီဂရီ စင်တီဂရိတ် ရှိကြောင်း နေပြည်တော် မိုးလေဝသနှင့် ဇလဗေဒ ညွှန်ကြားမှု ဦးစီးဌာန က ထုတ်ပြန်ထားသည်။ချောက်မြို့နှင့် မင်းဘူးမြို့တို့တွင် သက်ကြီးရွယ်အိုများ သေဆုံးမှုရှိသော်လည်း ၂၀၁၀ ပြည့်နှစ်ကကဲ့သို့ များပြားမှုမရှိကြောင်း၊ သို့သော်လည်း အပူဒဏ်ကြောင့် နေလယ်ပိုင်းများတွင် အိမ်တွင်း၌သာ နေထိုင်ကြရကြောင်း မြို့ပေါ်ရှိ နာရေးကူညီမှုအသင်းများနှင့် မြို့ခံများက ပြောသည်။၂ဝ၁ဝ ပြည့်နှစ် မေလပိုင်းတွင် စံချိန်တင်အပူရှိန်မြင့်မှုကြောင့် မန္တလေးတိုင်း၊ မကွေးတိုင်းနှင့် ရန်ကုန်တိုင်းတို့တွင် သောက်သုံးရေ ပြတ်လပ်မှု ဖြစ်ခဲ့ရပြီး သုသာန်များတွင်လည်း အပူရှိန်ကြောင့် သေဆုံးသူအများအပြားကို သင်္ဂြိုဟ် ပေးခဲ့ရသည်များပင် ရှိခဲ့သည်။
ယခုနှစ် အပူဒဏ်ကြောင့် သေဆုံးသူ မန္တလေးမြို့တွင် ယနေ့အထိ ကြားသိရခြင်း မရှိသေးသော်လည်း ရန်ကုန်မြို့တွင် သင်္ကြန် ရက်နှောင်းပိုင်းမှ စတင်ကာ ယနေအ့ထိ အပူဒဏ်ကြောင့် သေဆုံးသူ သက်ကြီး ရွယ်အိုပိုင်းများ၏ ရုပ်အလောင်း ၁၀ ခုခန့် သင်္ဂြိုဟ် ပေးနေရကြောင်း ဦးကျော်သူ ဦးဆောင်သည့် နာရေးကူညီမှုအသင်းက ပြောပြသည်။
အပူဒဏ်မြင့်တက်မှုနှင့် ကြုံတွေ့နေရသည့် မင်းဘူးမြို့တွင် တချိန်တည်းမှာပင် သောက်သုံးရေးရှားပါးမှုဖြင့် ရင်ဆိုင်နေရသဖြင့် မြို့ပေါ်နေထိုင်သူအများစုမှာ ဂါလန် ၅၀ ဆံ့ရေစည်တစည်ကို ကျပ် ၅၀၀ မှ ၁၅၀၀ အထိ ပေးဝယ်သုံးစွဲနေရကြောင်း ဒေသခံခံ ဦးကျော်စိုးလွင် က ပြောသည်။
မြန်မာပြည် အထက်အညာနှင့် မြေလတ်ပိုင်းများတွင် နွေရာသီကာလရောက်ရှိလာသည်နှင့်အမျှ ရေတွင်း၊ ရေကန်များ ခမ်းခြောက်ပြီး သောက်သုံးရေးလိုအပ်မှုဖြင့် သောက်ရေတွင်းများ တူးလှူပေးရန် ရန်ကုန်နာရေးကူညီမှုအသင်းထံသို့ မကွေး၊ ရေနံချောင်း၊ နေပြည်တော်နှင့် နတ်မောက်မြို့နယ်များက တောင်းဆိုလာမှုများရှိကြောင်း အသင်းတာဝန်ရှိသူ ဒေါ်မြင့်မြင့်ခင်ဖေ က ပြောပြသည်။
ယခုကဲ့သို့ အပူရှိန်မြင့်တက်မှုများဖြစ်ပေါ်နေခြင်းသည် နွေရာသီကာလ အရ ပုံမှန်ဖြစ်နေသော်လည်း မိုးတိမ်တောင်များ ဖြစ်ပေါ်မှုအားနည်းခြင်း၊ မိုးရွာမှုမရှိခြင်းတို့ကြောင့် အပူရှိန်ပိုမိုပြင်းထန်ပြီး မကြာမီရက်ပိုင်းအတွင် မိုးရွာလာနိုင်ကြောင်း၊ အကယ်၍ မိုးရွာခြင်း မရှိပါက အပူရှိန် ပိုမိုပြင်းထန်လာနိုင်ကြောင်း မိုးလေဝသ ပညာရှင် ဦးထွန်းလွင် က ခန့်မှန်းပြောဆိုသည်။မန်မာနိုင်ငံတွင် လတ်တလော အပူရှိန်မြင့်တက်နေသဖြင့် နေ့လယ်ပိုင်း နေပူချိန်အပြင်ထွက်သူများကို ခန္ဓာကိုယ်အား နေရောင်ခြည် အကာအကွယ်ပေးနိုင်သော အင်းင်္ကျီလက်ရှည်၊ ထီး၊ နေကာမျက်မှန်တို့ကို အသုံးပြုရန်၊ နေပူထဲတွင် အချိန်ကြာမြင့်စွာ နေ ထိုင် ခြင်းများမပြုရန် ဦးထွန်းလွင်က သတိပေးပြောဆိုသည်။
ဧပြီ ၁၉ ရက်နေ့ထုတ် ကြေးမုံသတင်းစာတွင် မန္တလေး၊ မကွေးနှင့် ပဲခူးတိုင်းတို့တွင် လာမည့် ၁၀ ရက်အတွင်း ပျမ်းမျှအပူချိန် ထက် ပိုဦးမည်ဖြစ်ကြောင်း နေပြည်တော် မိုးလေဝသနှင့်ဇလဗေဒ ညွှန်ကြားမှုဦးစီးဌာနက သတိပေးစာ ထည့်သွင်းထုတ်ပြန်ထားသည်။

NLABR
Web-site:                   www.nlabr.com
Blog:                         http://wanna23-23.blogspot.com/

0 comments:

Post a Comment