ကရင့်အမျိုးသား အစည်းအရုံး ကေအန်ယူက ဒီကနေ့ဘဲ ပဲခူးတိုင်း ကျောက်ကြီးမြို့နယ်မှာ ဆက်ဆံရေးရုံး ဖွင့်လှစ်လိုက်ပါတယ်။ မြန်မာအစိုးရနဲ့ အပစ်အခတ် ရပ်ဆဲရေး သဘောတူညီမှု ရပြီး နောက်ပိုင်း ပထမဆုံး ဖွင့်တဲ့ ဆက်ဆံရေးရုံး ဖြစ်ပါတယ်။  ဒီရုံးကနေ စစ်ရေး ပဋိပက္ခတွေ ဖြေရှင်းဖို့ နောက် အိုးအိမ်စွန့်ခွာ ထွက်ပြေး နေရတဲ့ ရွာပုန်းရွာရှောင် ကရင်ပြည်သူတွေကို ပြန်လည်ထူထောင်ရေး လုပ်ငန်းတွေ လုပ်ဆောင် မယ်လို့လည်း ကေအန်ယူက ဆိုပါတယ်။
မြန်မာ အစိုးရနဲ့ ပြည်ထောင်စု အဆင့် ဆွေးနွေးပွဲတွေ လုပ်ဆောင်ဖို့ ရန်ကုန်ကို ရောက်ရှိလာတဲ့ ကရင့်အမျိုးသား အစည်းအရုံး ကေအန်ယူက ပဲခူးတိုင်း ညောင်လေးပင် ခရိုင် အတွင်းက ကျောက်ကြီး မြို့နယ်မှာ ပထမဆုံး ဆက်ဆံရေးရုံးကို တနလာင်္နေ့မှာ ဖွင့်လှစ်လိုက်ပါတယ်။ ကေအန်ယူရဲ့ အထွေထွေ အတွင်းရေးမှူး နော်စီဖိုးရာစိန် သွားရောက်ဖွင့်လှစ်ခဲ့တာလည်း ဖြစ်ပါတယ်။ ဒီဆက်ဆံရေးရုံးကို ကေအန်ယူ တပ်မဟာ ၃ က တာဝန်ယူသွားမှာ ဖြစ်တယ်လို့ ကေအန်ယူ ကိုယ်စားလှယ် အဖွဲ့ရဲ့  ပြန်ကြားရေး တာဝန်ခံ နော်မေဦး ကပြောပါတယ်။
ဧပြီလ ၇ရက်နေ့က မြန်မာ အစိုးရနဲ့ အပစ်အခတ် ရပ်ဆဲရေး သဘောတူညီမှု နောက်ပိုင်း ဖွင့်လှစ်တဲ့ ဒီဆက်ဆံရေးရုံး တွေကနေ ကနေ ပဲခူးတိုင်းအတွင်း စစ်ရှောင်နေရတဲ့ ရွာပုန်းရွာရှောင် ကရင် ပြည်သူတွေ ထဲက လူဦးရေ ၂ ထောင်လောက်ကို အစဦး လုပ်ငန်းအနေနဲ့ ပြန်လည်ထူထောင်ရေး လုပ်ဆောင်သွားဖို့ ရှိပါတယ်။ မြန်မာ အစိုးရနဲ့ ကေအန်ယူ တပ်စခန်းတွေ ရှိနေတဲ့ ပဲခူးတိုင်း အတွင်းက ဒေသခံတွေ  လူမှုဘ၀ လုံခြုံရေး အတွက် မိုင်းတွေ ရှင်းဖို့ ၊ စားနပ်ရိက္ခာလုံလောက်ဖို့ စတာတွေကို စမ်းသပ် လုပ်ဆောင် သွားမယ် လို့လည်း ဆိုပါတယ်။
မြန်မာ အစိုးရနဲ့ အပစ်အခတ် ရပ်ဆဲရေး သဘောတူညီချက် အရ ကေအန်ယူက ဆက်ဆံရေးရုံးတွေ ဆက်ပြီး ဖွင့်လှစ်သွားဖို့လည်း ရှိနေတာပါ။ ဒီလုပ်ငန်းစဉ်တွေက အပစ်အခတ် ရပ်ဆဲရေးသဘောတူညီချက် ဘယ်လောက် ထိရောက် အောင်မြင်သလဲ ဆိုတာကိုလည်း စမ်းသပ်လုပ်ဆောင်ကြည့်တာ ဖြစ်တယ်လို့လည်း နော်မေဦးက ပြောပါတယ်။
အင်္ဂါနေ့မှာတော့ ကေအန်ယူ ကိုယ်စားလှယ် အဖွဲ့ဟာ ပဲခူးတိုင်းဒေသကြီး အစိုးရနဲ့ ဆက်ဆံရေး ရုံးတွေ ကိစ္စ ဆွေးနွေးဖို့လည်း ရှိနေပါတယ်။ ကရင့်အမျိုးသား အစည်းအရုံး ကေအန်ယူရဲ့ အထွေထွေ အတွင်းရေးမှူး နော်စီဖိုးရာစိန် ဦးဆောင်တဲ့ ကိုယ်စားလှယ် အဖွဲ့ဟာ မြန်မာ အစိုးရရဲ့ ပြည်ထောင်စု အဆင့် ငြိမ်းချမ်းရေး ကိုယ်စားလှယ်တွေဖြစ်တဲ့ ပြည်ထောင်စု ၀န်ကြီး ဦးအောင်မင်း၊ ဦးစိုးသိန်းတို့နဲ့ အပစ်အခတ် ရပ်ဆဲရေး သဘောတူညီချက်ကို ဧပြီလ ၇ ရက်နေ့က ရန်ကုန်မှာ ဆွေးနွေးခဲ့ကြပါတယ်။ သမ္မတ ဦးသိန်းစိန်နဲ့လည်း တွေ့ဆုံပြီး ကေအန်ယူကို မတရား အသင်းကြေညာထားတာကို ပြန်ရုပ်သိမ်းဖို့ ကေအန်ယူဘက်က တိုက်တွန်းခဲ့ပါတယ်။ ကေအန်ယူ ကိုယ်စားလှယ် အဖွဲ့က အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နဲ့လည်း တနင်္ဂနွေနေ့က တွေ့ဆုံခဲ့ပါတယ်။

စစ်မှန်တဲ့ ငြိမ်းချမ်းရေးကို မျှော်လင့်ကြောင်း ပြည်ပရောက် ကရင် အဖွဲ့အစည်းများ ပြောဆို

သမ္မတ ဦးသိန်းစိန်အစိုးရနဲ့ ကရင်အမျိုးသား အစည်းအရုံး KNU တို့ လက်ရှိ တွေ့ဆုံ ဆွေးနွေးပွဲတွေကနေ စစ်မှန်တဲ့ ငြိမ်းချမ်းရေး အကောင်အထည်ဖော် ဆောင်ရွက်နိုင်မယ်လို့ မျှော်လင့်ကြောင်း ပြည်ပရောက် ဥရောပ ကရင်ကွန်ယက်အဖွဲ့က မနေ့က ပြောဆိုလိုက်ပါတယ်။
နှစ်ပေါင်း ၆၀ ကျော်ကြာ တိုက်ပွဲတွေဖြစ်နေတဲ့ ကရင်ပြည်နယ်မှာ ပြည်သူတွေရဲ့ ဘ၀လုံခြုံရေးကို အာမခံနိုင်မယ့် အခြေအနေမျိုး ဖြစ်ပေါ်လာဖို့ အမှန်တကယ် လိုအပ်နေတယ်လို့ ဥရောပ ကရင်ကွန်ယက်အဖွဲ့ ဥက္ကဋ္ဌ ဇိုရာဖန်းက အာအက်ဖ်အေကို ပြောပါတယ်။
ပြည်ထောင်စုအဆင့် ငြိမ်းချမ်းရေး ကိုယ်စားလှယ်အဖွဲ့ခေါင်းဆောင် ဦးအောင်မင်းနဲ့ ကေအဲန်ယူကိုယ်စားလှယ် ခေါင်းဆောင် နော်စီဖိုးရာစိန်တို့ နှစ်ဘက် သဘောတူညီချက်တွေမှာ အပစ်အခတ်ရပ်စဲရေးကို လက်တွေ့ကျကျ အကောင်အထည်ဖော်ဖို့၊ ယုံကြည်မှု တည်ဆောက်နိုင်ရေးနဲ့ ကရင်ပြည်သူတွေရဲ့ ဘ၀လုံခြုံရေး အာမခံနိုင်ဖို့ စတာတွေ ပါဝင်ပါတယ်။
ပြီးခဲ့တဲ့ ဖေဖော်ဝါရီလ အကုန်မှာ ကျင်းပခဲ့တဲ့ ကရင်ညီလာခံမှာ ပြည်ပရောက် ကရင်တိုင်းရင်းသားတွေ အနေနဲ့ ကေအဲန်ယူဟာ ကရင်ပြည်သူတွေအားလုံးကို ကိုယ်စားပြုပြီး ရှေ့တန်းက မားမားမတ်မတ် ရပ်တည်နေတဲ့ မိခင်အဖွဲ့အစည်းအဖြစ် သဘောတူ ထောက်ခံထားကြပါတယ်။

NLD ပြည်သူ့လွှတ်တော် ကိုယ်စားလှယ် ပြည်သူ့လွှတ်တော် အစည်းအဝေးကို ပထမဆုံးအကြိမ် တက်ရောက်မယ်

ပြီးခဲ့တဲ့ ကြားဖြတ်ရွေးကောက်ပွဲမှာ အနိုင်ရရှိခဲ့တဲ့ အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ နေပြည်တော်မှာ ကျင်းပတဲ့ ပြည်သူ့လွှတ်တော် အစည်းအဝေးကို လွှတ်တော်ကိုယ်စားလှယ်အဖြစ် လာမဲ့ ဧပြီလ ၂၃ ရက်နေ့မှာ ပထမဆုံးအကြိမ် တက်ရောက်မယ်လို့ သိရပါတယ်။ ဒေါ်အောင်ဆန်းစုကြည် အပါအ၀င် ကြားဖြတ်ရွေးကောက်ပွဲမှာ အနိုင်ရခဲ့တဲ့ NLD ပြည်သူ့လွှတ်တော် ကိုယ်စားလှယ် ၃၇ ဦးကို လွှတ်တော် တက်ရောက်ဖို့ ပြည်သူ့လွှတ်တော် ကိုယ်စားလှယ်ရုံး အရာရှိက ဒီကနေ့ မနက်က အကြောင်းကြားခဲ့တယ်လို့ ပါတီ အထွေအထွေအတွင်းရေးမှူး ဦးဥာဏ်ဝင်းက ပြောပါတယ်။
ဧပြီ ၁ ရက်နေ့က ကျင်းပခဲ့တဲ့ ကြားဖြတ်ရွေးကောက်ပွဲမှာ လွှတ်တော်ကိုယ်စားလှယ် ၄၃ နေရာ အနိုင်ရရှိခဲ့တဲ့ အမျိုးသားဒီမိုကရေစီ အဖွဲ့ချုပ်ဟာ စစ်တပ်နဲ့ ကြံ့ခိုင်ဖွံ့ ဖြိုးရေးပါတီဝင် အများစု လွှမ်းမိုးနေတဲ့ လွှတ်တော်အတွင်းမှာ အဓိက အတိုက်အခံ ပါတီကြီးတစ်ခု ဖြစ်လာမှာပါ။
NLD ပါတီက အနိုင်ရ ကိုယ်စားလှယ်တွေကို ဧပြီလ ၁၉ နဲ့ ၂၀ ရက်နေ့တွေမှာ ပါတီဌာနချုပ်ကို ဆင့်ခေါ်ထားပြီး လွှတ်တော်အတွင်း ပြင်ဆင်ဖွယ်ရာတွေနဲ့ ကိုယ်စားလှယ်တွေအတွက် ရုံးအဖွဲ့ ဖွဲ့စည်းရေးတွေ ဆွေးနွေးမယ်လို့ သိရပါတယ်။

သတင်းရေးသားသူကို ဖော်ထုတ်ရန် တာဝန်မရှိဟု The Voice ဂျာနယ် အယ်ဒီတာချုပ်ပြော

သတ္တုတွင်း ၀န်ကြီးဌာနက The Voice ဂျာနယ်ကို ပြစ်မှုဆိုင်ရာ ပုဒ်မ ၅၀၀ နှင့် တရားစွဲလျက်ရှိရာမှာ သတင်းရေးသားသူ အမည်ကို ဖော်ပြဖို့ တရားလိုဘက်က တရားရုံးမှာ ဦးတိုက်လျှောက်ထားချက်ကို The Voice ဂျာနယ် အယ်ဒီတာချုပ်က စာနယ်ဇင်းကျင့်ဝတ်အရ သတင်းရေးသားသူကို ဖော်ထုတ်ရန် တာဝန်မရှိဟု ဒီကနေ့ ဒဂုံမြို့နယ်တရားရုံးကို အစီရင်ခံလိုက်ပါတယ်။ သတ္တုတွင်း ၀န်ကြီးဌာနက မတ်လ ၁၆ ရက်နေ့ထုတ် စာစောင်မှာ အစိုးရ ၀န်ကြီးဌာနတချို့၏ အလွဲသုံးစားမှုများ စစ်ဆေးတွေ့ရှိ ဆိုတဲ့သတင်းကို ဖော်ပြခဲ့တာနဲ့ ပတ်သက်ပြီး သတ္တုတွင်း ၀န်ကြီးဌာနက မဟုတ်မမှန် စွပ်စွဲရေးသားချက်ဆိုပြီး ထုတ်ဝေသူ အယ်ဒီတာချုပ်နှင့် သတင်းရေးသားသူတွေကို အရေးယူဖို့ ဒဂုံမြို့နယ်တရားရုံးကို ဦးတိုက်လျှောက်ထားခဲ့တာ ဖြစ်ပါတယ်။
ဒီအမှုနဲ့ ပတ်သက်ပြီး ဧပြီလ ၄ ရက်နေ့ ရုံးချိန်းမှာ တရားရုံးက သတင်းရေးသားသူကို စာဖြင့်တင်ပြဖို့ တောင်းဆိုခဲ့ပါတယ်။ ဒီကိစ္စနဲ့ ပတ်သက်ပြီး The Voice ဂျာနယ်ဘက်က လိုက်ပါဆောင်ရွက်တဲ့ ဗဟိုတရားရုံးချုပ်ရှေ့နေ ဦးသိန်းညွန့်က-
" ၇၄ ပေါ့ဗျာ။ ရုပ်ရှင်မင်းသမီးကြီး ဒေါ်သီသီနဲ့ ဆက်စပ်တဲ့ စီရင်ထုံးမှာ သတင်းရေးသားသူ၊ စာစောင်ထုတ်ဝေသူနဲ့ ပတ်သက်ရင် တာဝန်ခံ အယ်ဒီတာမှာ ယေဘုယျ တာဝန်ရှိတယ်လို့ စီရင်ထုံးပြုပါတယ်။ အဲတာကို ကျွန်တော်တို့ တင်ပြတယ်။ နောက်တစ်ခုက သမိုင်းသာဓကပေါ့။ ၁၉၃၆ ဗိုလ်ချုပ်အောင်ဆန်း အိုးဝေဂျာနယ်မှာ အယ်ဒီတာလုပ်တယ်။ ငရဲခွေးကြီးလွတ်နေပြီဆိုတဲ့ ဆောင်းပါး ပါလာတယ်။ အဲတာ ရေးသူကတော့ သတင်းစာဆရာကြီး ဦးညိုမြ။ သို့သော် ဗိုလ်ချုပ်အောင်ဆန်းက အိုးဝေမှာပါတဲ့ စာရေးသူကို ထုတ်ဖော်မပြောတဲ့အတွက် ကျောင်းထုတ်ခြင်း ခံခဲ့ရတယ်။ အဲဒီ အကျိုးဆက်ကြောင့်လည်း ဒုတိယ ကျောင်းသားသပိတ်ကြီး ပေါ်လာတာပါ" လို့ပြောပါတယ်။
ဒါ့အပြင် သတင်းရေးသားသူကို တင်ပြဖို့ မေးမြန်းချက်ဟာ ပြီးပြည့်စုံခြင်း မရှိဘူးလို့လည်း ဦးသိန်းညွန့်က ပြောပါတယ်။ အမှုကိုလာမဲ့ ဧပြီလ ၂၇ ရက်နေ့မှာ ထပ်မံချိန်းဆိုထားတာ ဖြစ်တယ်လို့ သိရပါတယ်။

ဒီမိုကရေစီအရေး စဉ်ဆက်မပြတ် လှုပ်ရှားရေးအဖွဲ့ လက်ကမ်းစာရွက် အာဏာပိုင်တွေ သိမ်းဆည်း

ပြည်သူလူထု တန်ဖိုးနည်း ဖုန်းရရှိရေးနဲ့ လျှပ်စစ်မီး အပြည့်အဝ ရရှိရေးအတွက် တောင်းဆို လှုပ်ရှားမှုပြုတဲ့ Movement for Democracy Current Force (MDCF) ခေါ် ဒီမိုကရေစီအရေး စဉ်ဆက်မပြတ် လှုပ်ရှားရေးအဖွဲ့ရဲ့ လှုံ့ဆော်မှု လက်ကမ်းစာရွက်တွေကို ဒီကနေ့မနက်က လှည်းတန်းဈေးရှေ့မှာ အာဏာပိုင်တွေက သိမ်းဆည်းသွားတယ်လို့ သိရပါတယ်။ သမ္မတဦးသိန်းစိန်ထံ လိပ်မူပြီး ပေးပို့တဲ့ တန်ဖိုးနည်းဖုန်း အမြန်ရရှိရေး၊ လျှပ်စစ်မီးများ ၂၄နာရီ အပြည့်အဝ သုံးစွဲနိုင်ရေး သမ္မတကြီးမှ လမ်းညွှန်ပေးပါရန်လို့ ရေးသားထားတဲ့ လက်ကမ်းစာရွက်တွေနဲ့ ဗိုလ်ချုပ်အောင်ဆန်းပုံတို့ကို အရပ်ဝတ်နဲ့ အာဏာပိုင် ၆ ဦးက လှည်းတန်းဈေးရှေ့မှာ သိမ်းဆည်းသွားတာလို့ MDCF မှ ဦးဆောင်သူ တစ်ဦးဖြစ်တဲ့ ကိုနိုင်လင်းက ပြောပါတယ်။
“သူတို့ကို မေးတဲ့အခါမှာ မပြောဘူး။ ရိုးရိုး အရပ်ဝတ်တွေနဲ့ပဲ။ မင်းတို့ ဘယ်အဖွဲ့ကလဲလို့ မေးပြီးတော့ သူကစာရွက်တွေ သိမ်းသွားတယ်။ လူတော့ဖမ်းတာ မရှိဘူး။ ဒီဥစ္စာလုပ်ရတာ လူတိုင်းလူတိုင်းမှာ တန်ဖိုးနည်းဖုန်းတွေကို ကိုင်ဆောင်နိုင်မယ်ဆိုရင် ပြည်သူတွေကြားထဲမှာလည်း ဒီဆက်သွယ်ရေးတွေ ကောင်းလာမယ်။ နောက်တစ်ခါ တောင်သူလယ်သမားတွေ ဒီဖုန်းတွေ ကိုင်နိုင်တဲ့အတွက် သူတို့ရဲ့ လယ်ကွက်လေး ယာကွက်လေးထဲက နေပြီးတော့ ဈေးနူန်းတွေကို စုံစမ်းနိုင်ပြီးတော့ အလျင်အမြန် သူတို့ရဲ့ကုန်တွေကို သူတို့ရောင်းချနိုင်မယ်။ နောက်ကုန်သည်ကြီးတွေရဲ့ လက်ဝါးကြီးအုပ်ပြီးတော့ ချယ်လှယ်တဲ့စနစ်တွေကို ပပျောက်သွားမယ်ပေါ့ဗျာ။ ဒီဟာတွေကို ကျွန်တော်တို့ ရည်ရွယ်ပါတယ်”
ဒီလက်ကမ်းစာရွက်တွေကို လှည်းတန်းဈေး၊ သင်္ကန်းကျွန်းစံပြဈေး၊ သိမ်ကြီးဈေးနဲ့ ဘုရင့်နောင်ဈေးတို့မှာ MDCF အဖွဲ့ဝင်တွေက ဖြန့်ဝေခဲ့တာဖြစ်ပြီး အခုလို အသိမ်းဆည်း ခံလိုက်ရတဲ့အတွက် MDCF ဦးဆောင်သူ တစ်ဦးဖြစ်တဲ့ ကိုထင်ကျော်က-
“ကျွန်တော်တို့က သူတို့ဆွဲထားတဲ့ အခြေခံဥပဒေကို ကျင့်သုံးတာဗျ။ အဲဒီတော့ ကျွန်တော်တို့ ပြည်သူတွေရဲ့ အကျပ်အတည်းကို နိုင်ငံတော်သမ္မတ သိအောင်လို့ တရားဝင်စာလည်းပို့တယ်။ ပြည်သူတွေရဲ့အသံကိုလည်း ထုတ်ဖော်ပေးတယ်။ အဲဒါကို အတင်းအဓမ္မ ဒီပစ္စည်းတွေကို သိမ်းဆည်းခြင်းခံရတယ်။ ကျွန်တော် ပြောချင်တာကတော့ ပြည်သူတွေ မကြောက်ကြပါနဲ့။ ဒီကနေ့ ဒီမိုကရေစီစနစ်ကို သွားနေပြီဖြစ်တဲ့အတွက် ကျွန်တော်တို့ စစ်မှန်တဲ့ ဒီမိုကရေစီဖြစ်အောင် ကျွန်တော်တို့ ဖော်ဆောင်နေတာ ဖြစ်ပါတယ်။ ပြည်သူတွေ ကိုယ့်ဆန္ဒကို ငြိမ်းချမ်းစွာနဲ့ ဖော်ထုတ်ကြပါ။ မိမိတို့ အကျပ်အတည်း အခက်အခဲကို တောင်းဆိုကြပါ” လို့ပြောပါတယ်။
၂၀၀၈ခုနှစ် အခြေခံဥပဒေ အခန်း (၈) ပုဒ်မ (၅၄) မှာ ပြည်သူတွေကို လွတ်လပ်စွာ ထုတ်ဖော် ရေးသား၊ စီတန်း လှည့်လည်ခွင့်တွေ ခွင့်ပြုထားခဲ့ပေမယ့် ဒါတွေကို ဝန်ထမ်းအဖွဲ့အစည်းတွေ ဖြစ်တဲ့ ပြည်ထဲရေးအပါအဝင် အဖွဲ့အစည်းတွေက မဖတ်ကြဘူးလို့ ယူဆရတယ်လို့လည်း သူကဆိုပါတယ်။
ဒါ့အပြင် လျှပ်စစ်ဝန်ကြီး ဦးဇော်မင်းက ဒီဇင်ဘာလ သတင်းစာ ရှင်းလင်းပွဲမှာ နိုင်ငံအတွင်း လျှပ်စစ်ကသုံးမကုန်လို့ ရောင်းစားနေရတယ်လို့ ပြောဆိုခဲ့တဲ့ စကားကို ဝန်ကြီးတစ်ယောက်အနေနဲ့ တာဝန်ယူရမှာ ဖြစ်ကြောင်း၊ ဒီကနေ့ ရန်ကုန်တိုင်းအတွင်း မြို့နယ်တချို့မှာ ပြည်သူတွေ မှောင်မှောင်မဲမဲထဲမှာ နေနေရတဲ့အတွက် သမ္မတက အရေးယူဆောင်ရွက်ပေးဖို့ တောင်းဆိုတာဖြစ်ကြောင်းလည်း ကိုထင်ကျော်က ပြောဆိုပါတယ်။

အမေရိကန် နဲ့ မြန်မာ တို့ ဆက်ဆံရေး ပုံမှန် ဖြစ်အောင် ကြိုးစားမှု တစ်ခု အနေနဲ့ အမေရိကန်ဘက် က ပထမဦးဆုံး ဖိတ်ကြားတာ ကို ခံရတဲ့ မြန်မာ ကျန်းမာရေး ဝန်ကြီးဟာ ကျန်းမာရေး နဲ့ ပညာရေး ကိစ္စတွေ အဓိက ဆွေးနွေးဖို့ ဆိုပြီးတော့ အမေရိကန် ပြည်ထောင်စု ကို ရောက်ရှိနေပါတယ်။
မြန်မာနိုင်ငံ ကျန်းမာရေး ဝန်ကြီး ဒေါက်တာ ဖေသက်ခင်ဟာ တနင်္ဂနွေ နေ့က စရောက်လာတဲ့ သူ့ရဲ့ ၁၀ ရက်ကြာ အမေရိကန် ခရီးစဉ် ထဲမှာ ကျန်းမာရေး နဲ့ ပညာရေး အဆင်မြင့် အရာရှိတွေ အပါအဝင် အဖွဲ့ဝင် ၁၁ ပါတဲ့ အဖွဲ့ကို ဦးဆောင် လာခဲ့ ပြီး ဒီကနေ့ တနင်္လာနေ့မှာ အမေရိကန် အဆင်မြင့် တက္ကသိုလ် တစ်ခုမှာ စကား ပြောဖို့ ရှိနေပါတယ်။
အမေရိကန်နိုင်ငံ ဂျွန်ဟော့ကင်း (John Hopkins) တက္ကသိုလ် ရဲ့ ဆေးကျောင်းမှာ စကားပြောမယ့် ဒေါက်တာ ဖေသက်ခင် ရဲ့ အဖွဲ့ အနေနဲ့ ဒီ ခရီးစဉ်ထဲမှာ ကျန်းမာရေး ပညာရေး နဲ့ ပတ်သက်ပြီး ဘယ်လို ကိစ္စတွေကို အဓိက ထား ဆွေးနွေးမလဲ ဆိုတာ မေးရာမှာတော့ ဒေါက်တာ ဖုန်းဝင်းက မြန်မာ နိုင်ငံမှာ ဘယ်ဟာတွေ ကို ဦးစားပေး အဆင့် သတ်မှတ် ပြီး လုပ်ကိုင်နိုင်ဖို့ တိုင်ပင် ဆွေးနွေးမှာ ဖြစ်တယ် လို့ ဆိုပါတယ်။
ဒါ့အပြင် သမ္မတ ဦးသိန်းစိန် ပြောခဲ့ သလိုဘဲ မြန်မာနိုင်ငံ ကို ပညာရေး အဆင့် မြှင့်တင်နိုင်ဖို့ အမေရိကန် နိုင်ငံက ထိပ်တန်း တက္ကသိုလ်တွေ နဲ့ ပူးပေါင်းဆောင်ရွက် နိုင်မယ့် ကိစ္စတွေကို လည်း ရန်ကုန် တက္ကသိုလ် ပါမောက္ခချုပ် နဲ့ ရန်ကုန် နည်းပညာ တက္ကသိုလ် ပါမောက္ခချုပ်တွေ ကိုယ်တိုင်ပါတဲ့ ဒီခရီးမှာ အသေးစိတ် ဆွေးနွေးဖို့ ရှိတယ် လို့ ဒေါက်တာ ဖုန်းဝင်းက ဆက်ပြောပါတယ်။
ဒီနေ့ မြန်မာနိုင်ငံ ရဲ့ ကျန်းမာရေး နဲ့ ပညာရေး စိမ်ခေါ်မှု တွေကို ဖြေရှင်းရာမှာ မြန်မာ နိုင်ငံ အနေနဲ့ ဘယ်လို အခက် အခဲတွေ ကြုံလာခဲ့ ရပါလဲ လို့ ဒေါက်တာ ဖုန်းဝင်းကို မေးရာမှာတော့
မြန်မာ သမ္မတ ဦးသိန်းစိန် အနေနဲ့ အမေရိကန် နိုင်ငံခြားရေး ဝန်ကြီး ဟီလာရီ ကလင်တန် နဲ့ ပြီးခဲ့တဲ့  ဒီဇင်ဘာလ ဆန်းက တွေ့တုန်းက မြန်မာနိုင်ငံ အတွက် အမေရိကန် ထိပ်တန်း တက္ကသိုလ်တွေ ရဲ့ အကူအညီ လိုတယ် လို့ ပြောခဲ့ အပြီးမှာ မကြာခင် ကြားဖြတ်ရွေးကောက်ပွဲ တိုးတက်မှုတွေ ကြောင့် ဝန်ကြီး ကလင်တန် ဘက်ကလည်း ပိတ်ဆို့ မှု တွေ လျှော့ပေးရာမှာ အခုလို ပညာရေး နဲ့ ကျန်းမာရေး ဖွံ့ဖြိုးရေး ကိစ္စတွေကို US Aid အမေရိကန် ဖွံ့ဖြိုးရေး အကူအညီ ပေးတဲ့ အဖွဲ့က ကူညီပေးတာတွေကို စ ခွင့်ပြု လိုက်ပါပြီ။
ဒီတစ်ခေါက် ခရီးစဉ်ထဲမှာ မြန်မာနိုင်ငံက ပြဿနာတွေကို ဖြေရှင်းရာမှာ အမေရိကန်ဘက် က ပို  အကူအညီပေးလာ ဖို့ မျှော်လင့် ချက်ရှိတာကိုလည်း ဒေါက်တာ ဖုန်းဝင်း က ဆက်ပြောပါတယ်။ တကယ်တော့ ဂျွန်ဟော့ကင်း တက္ကသိုလ်ကနေ မြန်မာ ကျောင်းသားတွေကို နှစ်ပေါင်းမှာစွာ ပညာသင် ဆုတွေ ပေးလာရာ ကနေ ဒီကျောင်းသားတွေ နဲ့ တက္ကသိုလ် တို့ ပူးပေါင်းပြီး မြန်မာ အစိုးရ နဲ့ တွေ့ဆုံ ဆွေးနွေးလာရာ ကနေ နောက်ဆုံးမှာ တက္ကသိုလ် ပါမောက္ခချုပ် နဲ့ သမ္မတ ဦးသိန်းစိန် တို့ ကိုယ်တိုင် ဖေဖော်ဝါရီလ မှာ တွေ့အပြီး ဆက်ဆံရေး တိုးတက် လာခဲ့ အပြီး အမေရိကန် ဘက်က လည်း ပထမ ဦးစားပေး အဖြစ် ကျန်းမာရေး ဝန်ကြီးကို စတင် ဖိတ်ခေါ်လာခဲ့ တာ ဖြစ်ပြီး နောက်ပိုင်းမှာလည်း အခုလို ခရီးစဉ်တွေ ထပ်ဖြစ်လာဖို့ ရှိတယ် လို့ ဒေါက်တာ ဖုန်းဝင်းက ဆိုပါတယ်။

မြန်မာနိုင်ငံသား ၁၇ ဦး ထိုင်းစစ်တပ်က ဖမ်းဆီး

မြန်မာနိုင်ငံကနေ ထိုင်းနိုင်ငံမှာ အလုပ်လာလုပ်မယ့် ကလေးငယ် ၃ ဦးအပါအ၀င် မြန်မာနိုင်ငံသား ၁၇ ဦးကို ထိုင်းနိုင်ငံမြောက်ပိုင်း မယ်ဟောင်ဆောင်မြို့အနီးမှာ ထိုင်းစစ်တပ်က ဖမ်းဆီးခဲ့တယ်လို့ သိရပါတယ်။
မယ်ဟောင်ဆောင်မြို့အနီး မယ့်စကစ်ဆိုတဲ့ ရွာနားက တောလမ်းတစ်နေရာမှာ ထိုင်းအထူးလျှို့ဝှက်တပ် အမှတ် ၁၇ တပ်ဖွဲ့က ဒီကနေ့ နေ့လည်ပိုင်းက ဖမ်းဆီးခဲ့တာ ဖြစ်တယ်လို့ သိရပါတယ်။
မယ်ဟောင်ဆောင်မြို့နယ် ရဲစခန်းက ရဲအရာရှိတစ်ဦးက-
"သူတို့ အားလုံးဟာ ဟိုမိန်းနဲ့ လွိုင်ကော်ဘက်က လာကြတာဖြစ်ပါတယ်။ တောလမ်းအတိုင်း လမ်းလျှောက်လာချိန်မှာ ထိုင်းစစ်တပ်နဲ့တွေ့ပြီး ဖမ်းဆီးခံခဲ့ရတာဖြစ်တယ်။ သူတို့ဟာ ထိုင်းနိုင်ငံမှာ အလုပ်လာလုပ်ဖို့အတွက် ကြားပွဲစားကို တစ်ယောက် ထိုင်းဘတ်ငွေ ခြောက်ထောင်စီ ကုန်ကျခဲ့ရပြီး ကရင်နဲ့ ရှမ်းလူမျိုးတွေ ဖြစ်ကြတယ်" လို့ပြောပါတယ်။
ဖမ်းဆီးရမိသူတွေဟာ ခလေးငယ် ၃ ဦးအပါအ၀င် အမျိုးသမီး ၉ ဦး၊ အမျိုးသား ၃ ဦးနဲ့ ကိုရင် ၂ ပါး တို့ ဖြစ်ပြီး သူတို့တွေထဲမှာ ရှမ်းပြည်နယ် မိန်းနိုင်း၊ မောက်မိုင်၊ မိန်းကိန်း စတဲ့မြို့နယ်တွေမှာ နေထိုင်သူတွေလည်း ပါဝင်တယ်လို့ သိရပါတယ်။
သူတို့အားလုံးဟာ မြန်မာနိုင်ငံ ဟိုမိန်းမြို့ကတဆင့် ထိုင်းမြန်မာနယ်စပ် ဟွေ့ဖိန့်ရွာကနေ တောလမ်းအတိုင်း ၅ ရက်ကြာ လမ်းလျှောက်ခဲ့ပြီးနောက် အခုလို ဖမ်းဆီးခံခဲ့ရတာဖြစ်ပြီး ထိုင်းနိုင်ငံသားတစ်ဦးရဲ့ အကူအညီနဲ့ ချင်းမိုင်မြို့ကို သွားရောက် အလုပ်လုပ်ကိုင်ဖို့ တစ်ယောက်ကို ထိုင်းဘတ်ငွေ ခြောက်ထောင်နဲ့ ညီမျှတဲ့ မြန်မာငွေ ကျပ် ၂ သိန်းစီ ကုန်ကျထားတယ်လို့ သိရပါတယ်။

BG သွေးကူညီရေးအဖွဲ့ သင်တန်းအသစ် ဖွင့်လှစ်

အမျိုးသားဒီမိုကရေစီ အဖွဲ့ချုပ်က ဦးစီးဖွင့်လှစ်ထားတဲ့ BG သွေးကူညီရေးအဖွဲ့ကနေ ရန်ကုန်တိုင်း တောင်ဒဂုံမြို့နယ် အန်အယ်လ်ဒီ အသက်မွေးဝမ်းကြောင်း သင်တန်းကျောင်းမှာ လူငယ်တွေအတွက် ဒီကနေ့ သင်တန်းအသစ် ၂ ခု ဖွင့်လှစ်ပွဲ ကျင်းပခဲ့ပါတယ်။
အမျိုးသားဒီမိုကရေစီ အဖွဲ့ချုပ်က ဦးစီးဖွင့်လှစ်ထားတဲ့ BG သွေးကူညီရေးအဖွဲ့ကနေ ရန်ကုန်တိုင်း တောင်ဒဂုံမြို့နယ် အန်အယ်လ်ဒီ အသက်မွေးဝမ်းကြောင်း သင်တန်းကျောင်းမှာ လူငယ်တွေအတွက် ဒီကနေ့ သင်တန်းအသစ် ၂ ခု ဖွင့်လှစ်ပွဲ ကျင်းပခဲ့ပါတယ်။
ဒီကနေ့ ဖွင့်လှစ်လိုက်တာက ဆံပင်ညှပ်သင်တန်းနဲ့ အပ်ချုပ်သင်တန်းတွေ ဖြစ်ပါတယ်။ အခုဖွင့်လှစ်တဲ့ သင်တန်းတွေအားလုံးအတွက် ရန်ပုံငွေကို ဘီဂျီက ဈေးရောင်းရတာနဲ့ မတည်ထူထောင်ထားတာလို့ သင်တန်းကျောင်းက ဆရာမတစ်ဦးဖြစ်တဲ့ မစုဝေက ပြောပါတယ်။
အန်အယ်လ်ဒီပါတီ နာယက ဦးတင်ဦးက ဒီကနေ့ သင်တန်းဖွင့်ပွဲကို တက်ရောက်ပြီး အားပေးစကား ပြောခဲ့ပါတယ်။ အဲဒီ ဘီဂျီ အသက်မွေးဝမ်းကြောင်း သင်တန်းမှာ ဆရာ၊ ဆရာမ ၂၀ လောက်ရှိပြီး သင်တန်းသား ၇၀ လောက်ရှိပါတယ်။
ဘီဂျီအဖွဲ့ဟာ ဆင်းရဲနွမ်းပါးသူ၊ ကျောင်းမတက်နိုင်သူကလေးတွေအတွက် အန်အယ်လ်ဒီကနေ အခမဲ့ သင်တန်းတွေ ပို့ချပေးနေတာဖြစ်ပါတယ်။

နည်းဥပဒေ မထွက်သေးတာကြောင့် ဆန္ဒပြခွင့်မရ

ပဲခူးတိုင်းဒေသကြီး ပြည်မြို့မှာ လျှပ်စစ်မီးများ မကြာခဏ ပျက်နေတာကြောင့် ငြိမ်းချမ်းစွာ လှည့်လည် ဆန္ဒထုတ်ဖော် ပြသဖို့အတွက် သက်ဆိုင်ရာဥပဒေနဲ့ အညီ ပြည်မြို့ဒေသခံတွေက လိုအပ်သော အချက်အလက်များ အပြည့်အစုံဖော်ပြပြီး အခွင့်တောင်းခံတာကို အာဏာပိုင်တွေက နည်းဥပဒေများ ထုတ်ပြန်ထားခြင်း မရှိသေးလို့ဆိုပြီး လျှောက်လွှာကို ပလပ်လိုက်တယ်လို့ သိရပါတယ်။
မီးပြတ်တောက်မှုတွေ ပြည်မြို့မှာ နေ့စဉ် ဖြစ်ပေါ်နေတဲ့အတွက် ရွှေလက်လှရပ်ကွက်နေ ဦးကျော်ဆွေ၊ ဝါးရုံရပ်ကွက်နေ ဦးဝင်းလှိုင်နဲ့ နဝင်းမြောက်ပိုင်းရပ်ကွက်နေ ဦးကျော်ကျော်ဦးတို့  သုံးဦးက ဆန္ဒပြလိုသူ ပြည်သူတွေကိုယ်စား မြိုနယ်ရဲတပ်ဖွဲ့မှူးထံ ဧပြီလ ၅ ရက်နေ့က ဆန္ဒပြခွင့် လျှောက်လွှာတင်ခဲ့တာပါ။ သူတို့ရဲ့လျှောက်ထားချက်နဲ့ ပတ်သက်ပြီး အာဏာပိုင်တွေက နောက်တစ်နေ့မှာ ခေါ်တွေ့တဲ့အကြောင်း ဦးကျော်ဆွေက-
" ခရိုင်ရဲမှူး ပါတယ်။ မြို့နယ်ရဲမှူး ပါတယ်။ မယက ဥက္ကဋ္ဌ ကိုအောင်ဇော်ထက် ပါတယ်။ လူဝင်မှုကြီးကြပ်ရေးက ပါတယ်။ မြို့နယ်လျှပ်စစ် အင်ဂျင်နီယာ ဦးအောင်ဇော်ထိုက် ပါတယ်။ နောက် ရယက အုပ်ချုပ်ရေးမှူးတွေပါတယ်။ ခေါ်တွေ့ပြီးတော့ ကျွန်တော်တို့ တင်ပြတဲ့စာက စီတန်းလှည့်လည်ခွင့်အရ မှန်ကန်ပါတယ်တဲ့။ ဒါပေမဲ့ အဲဒီ ဥပဒေထဲမှာပါတဲ့ ပုဒ်မ ၂၄ အရ နည်းဥပဒေ မထွက်သေးတဲ့အတွက် ခွင့်ပြုလို့လည်း မရသလို ငြင်းပယ်လို့လည်း မရဘူးပေါ့လေ။ အဲတာကြောင့် ပြည်ထဲရေး ဝန်ကြီးဌာနကနေပြီးတော့ ဒီဥပဒေ ထုတ်ပြန်ပြီးမှသာ ဆန္ဒပြခွင့် ပေးနိုင်မယ်လို့ ကျွန်တော်တို့ကို ပြောလိုက်ပါတယ်" လို့ ပြောပြပါတယ်။
နည်းဥပဒေထွက်မှ ဆန္ဒပြလို့ ရမယ်ဆိုရင် နည်းဥပဒေတွေဟာ ဘယ်တော့ ပြဋ္ဌာန်းဖို့ ရှိပါသလဲလို့  မေးမြန်းတဲ့ အခါမှာတော့ ဒီကိစ္စနဲ့ ပတ်သက်ပြီး လွှတ်တော်ကိုယ်စားလှယ်ထံ သွားမေးပါလို့  အာဏာပိုင်တွေက ညွှန်ကြားတယ်လို့ သိရပါတယ်။
ပြည်မြို့မှာ လျှပ်စစ်မီး နေ့စဉ်ရက်ဆက် ပြတ်တောက်လျက်ရှိရာမှာ ဘယ်အချိန်လာပြီး ဘယ်အချိန်ဖြတ်မယ် ဆိုတာကိုလည်း ကြိုတင်အသိပေးခြင်း မရှိတဲ့အတွက် အချိန်ကုန်လူပန်း ဖြစ်ရကြောင်းလည်း မြို့ခံတွေက ပြောကြပါတယ်။
မြန်မာတစ်နိုင်ငံလုံးရှိ ခုတင် ၂၀၀ နှင့်အထက် ပြည်သူ့ဆေးရုံ  ကြီးများတွင် လက်ထောက်ဆရာဝန် ဦးရေ ၁၈၀၀ ကျော် လစ်လပ်လျက် ရှိကြောင်း ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာ ဖေသက်ခင်၏ ပြောကြားချက်များ အရ သိရသည်။
လက်ရှိ လုပ်ငန်းခွင်သို့ မကြာမီ ၀င်ရောက်ရမည့်သစ်လွင်လက်ထောက် ဆရာဝန်ဦးရေ ၄၈၇ ဦးခန့်ရှိပြီး ဆရာဝန်များသည် ပြည်ထောင်စုရာထူး ၀န်အဖွဲ့မှ ရွေးချယ်ပြီး ဗဟိုဝန်ထမ်း တက္ကသိုလ် (ဖောင်ကြီး) တွင်ဖွင့်လှစ် ခဲ့သည့် အရာထမ်းလောင်း အခြေခံ သင်တန်းအမှတ်စဉ် (၃၅)သို့ တက်ရောက် အောင်မြင်ပြီးသူများဖြစ် ကြောင်း သိရသည်။
အဆိုပါသစ်လွင်လက်ထောက် ဆရာဝန်များသည် မြန်မာနိုင်ငံအနှံ့ အပြားတွင် လစ်လပ်နေသည့် လက် ထောက်ဆရာဝန်ရာထူးနေရာများ တွင် တာဝန်ထမ်းဆောင်ရမည်ဖြစ် ကြောင်းသိရသည်။
“ အခု အလုပ်ဝင်ရမယ့် ဆရာ ၀န်တွေက ၂၀၀၉ ခုနှစ် နေပြည်တော် မှာ လူတွေ့ရော ရေးဖြေစာမေးပွဲပါ အောင်ပြီးအရာထမ်းလောင်းအခြေခံ သင်တန်းသုံးလ တက်ရောက်ပြီးသူ တွေဖြစ်ပါတယ်။ ဒီလူတွေက တစ် နိုင်ငံလုံးမှာရှိနေတဲ့ လက်ထောက် ဆရာဝန်လစ်လပ်နေရာတွေမှာတာ ၀န်ထမ်းဆောင်ရမှာ ဖြစ်ပါတယ်။၂၀၀၉ ခုနှစ် မတိုင်ခင်တုန်းကတော့ ဆေးတက္ကသိုလ်အားလုံးက ဆင်းတဲ့ ဆရာဝန်တွေကို အစိုးရ၀န်ထမ်း အဖြစ် တာဝန်ထမ်းဆောင်နိုင်အောင် အားလုံးကိုခန့်တယ်။ နောက် ၂၀၀၉ ခုနှစ်ကစပြီး အစိုးရ၀န်ထမ်းအဖြစ် တာဝန်ထမ်းဆောင်ချင်တဲ့သူတွေက  ဖောင်တွေတင်ရပြီး နေပြည်တော်မှာ လူတွေ့နဲ့ရေးဖြေစစ်ဆေးမှုခံရတယ်။  စစ်ဆေးမှုတွေအောင်တဲ့သူမှသင်တန်း တွေတက်ပြီး  အစိုးရ၀န်ထမ်းအဖြစ် တာဝန်ထမ်းဆောင်ခွင့်ရတာပါ” ဟု ကျန်းမာရေးဦးစီးဌာနမှတာဝန်ရှိသူ တစ်ဦးက ဆိုပါသည်။
“ကျွန်တော်တို့က ၂၀၀၇ ခုနှစ်မှာ ဆေးကျောင်းပြီးပြီး ၂၀၀၈ ခုနှစ်မှာ့ သကျန ဆင်းရတယ်၊၊ ၂၀၀၉ ခုနှစ် မှာ ဘွဲ့ရတယ်။ ၂၀၀၉ ခုနှစ်က ဘွဲ့ရထားတဲ့သူတွေကို အစိုးရအလုပ်လုပ် ဖို့အလုပ်မခေါ်ဘဲနဲ့ ၂၀၁၁ ခုနှစ် လောက်ကျမှခေါ်တယ်။ ကျွန်တော်တို့နှစ်မှာ အလုပ်မခေါ်တဲ့အတွက် ကျွန်တော်တို့ နှစ်နှစ်လောက် စောင့် လိုက်ရတယ်။ ၀င်ဖြေတော့လည်း လူ ၄၀၀ ကျော်ပဲ ပါတယ်။ အခု အလုပ်ဝင်မယ့် လက်ထောက်ဆရာဝန် အများစုက ၂၀၀၉ ခုနှစ်အောင်ထားတဲ့ သူတွေများတယ်” ဟု မြန်မာနိုင်ငံ ဆရာဝန်အသင်းမှ လူငယ်ဆရာဝန် တစ်ဦး၏ ပြောကြားချက်အရ သိရသည်။
လက်ရှိ ကျန်းမာရေးဝန်ကြီး ဌာန ကျန်းမာရေး ဦးစီးဌာနအောက်ရှိ ဆေးရုံပေါင်း ၉၁၅ ရုံတွင် အထူးကု ဆရာဝန်ဦးရေ ၁၈၅၃ ဦး၊ လက်ထောက်ဆရာဝန် ဦးရေ ၂၈၉၆ ဦး နှင့် အုပ်ချုပ်ရေး၊ ပြည်သူ့ကျန်းမာရေး၊ ရောဂါနှိမ်နှင်းရေး ဌာနများတွင် ၆၃၃ ဦး စုစုပေါင်း ၅၃၈၀ ဦး တာဝန်ထမ်းဆောင်လျက်ရှိကြောင်း သိရသည်။