အင်ဒိုနီးရှားနိုင်ငံ ဆူမားတြားကျွန်း မြောက်ပိုင်း ပင်လယ်ပြင်ကို ဗဟိုပြု၍ အင်အားအလွန်ပြင်းထန်သော ငလျင်တစ်ခု လှုပ်ခတ်ဖြစ်ပွားခဲ့ကာ အဆိုပါ ငလျင်ကြောင့် ဆူနာမီ သက်ရောက်နိုင်ခြေရှိသည့်အတွက် မြန်မာအပါအ၀င် နိုင်ငံအချို့၌ ဆူနာမီသတိပေးချက်များ ထုတ်ပြန်ခဲ့ကြောင်း သတင်းရရှိပါသည်။
၂၀၁၂ ခုနှစ် ဧပြီလ ၁၁ ရက်နေ့ မြန်မာစံတော်ချိန် မွန်းလွဲ ၃ နာရီ ၁၂ မိနစ်တွင် ကမ္ဘာအေးမြေငလျင် စခန်းမှ တောင်ဘက် မိုင် ၁၀၀၀ ခန့်အကွာ မြန်မာနိုင်ငံပြင်ပ အင်ဒိုနီးရှားနိုင်ငံ ဆူမားတြားကျွန်း မြောက်ဘက် ပင်လယ်ပြင်ကို ဗဟိုပြု၍ အင်အားရစ်ခ်ျတာစကေး ၈ ဒသမ ၇ အဆင့်ရှိ အင်အားအလွန် ပြင်းထန်သော ငလျင်ဖြစ်ပွားခဲ့သည်ဟု သိရှိရသည်။
ငလျင်၏ သက်ရောက်မှုများကို မြန်မာနိုင်ငံတွင်လည်း တွေ့ကြုံ ခဲ့ရပြီး ရခိုင်ပြည်နယ်၊ ဧရာဝတီ တိုင်းဒေသကြီး၊ ရန်ကုန်တိုင်းဒေသကြီးစသည်တို့၌ သိရှိခံစားခဲ့ရသည်ဟု သိရှိရသည်။
အဆိုပါ ငလျင်သည် အင်အား ရစ်ခ်ျတာစကေး ၈ ဒသမ ၇ ထက် ကျော်လွန်သော ရေအောက်ငလျင် ဖြစ်သည့်အတွက် ဆူနာမီရေလှိုင်းများ သက်ရောက်နိုင်ခြေရှိ၍ ဆူနာမီ သတိပေးချက်များကို မြန်မာနိုင်ငံ အပါအ၀င် နိုင်ငံအချို့တွင် သတိပေးချက်များ ထုတ်ပြန်ခဲ့ရသည်။
''ဆူနာမီသတိပေးချက်တွေကို ကမ်းရိုးတန်းဒေသတွေမှာ ပြုလုပ်ထားပါတယ်။ ဆူနာမီဖြစ်ခဲ့ရင် ဆူနာမီလှိုင်းတွေက အခုသတင်း ထုတ်ပြန်တဲ့အချိန်ကနေ နောက်နှစ်နာရီ အတွင်းမှာ ရောက်ရှိနိုင်ပါတယ်။ ဆူနာမီ သဘာဝဘေးဆိုင်ရာ အဖွဲ့အ စည်းတွေကို ကြိုတင်ပြင်ဆင်နိုင်ဖို့ သတင်းထုတ်ပြန်ထားတာပါ''ဟု မိုးလေ၀သနှင့် ဇလဗေဒညွှန်ကြားမှု ဦးစီးဌာနမှ တာဝန်ရှိသူတစ်ဦးက ညနေ ၄ နာရီ ၁၀ မိနစ်ခန့်တွင် ပြောကြားခဲ့သည်။
လှုပ်ခတ်ခဲ့သည့် ငလျင်ကြောင့် အင်ဒိုနီးရှား၊ အိန္ဒိယ၊ သီရိလင်္ကာ၊ သြစတြေးလျ၊ မြန်မာ၊ ထိုင်း၊ မော် လ်ဒိုက်၊ မလေးရှား၊ ပါကစ္စတန်၊ ဆို မာလီယား၊ အိုမန်၊ အီရန်၊ ဘင်္ဂလား ဒေ့ရှ်၊ ကင်ညာ၊ တောင်အာဖရိကနှင့် စင်ကာပူတို့သည် ဆူနာမီသက် ရောက်မှုများဖြစ်နိုင်ကြောင်း ဟာဝိုင်ရီအခြေစိုက် ပစိဖိတ်ဆူနာမီ သတိပေးရေးဌာနမှ သတင်းထုတ်ပြန်ခဲ့ သည်။
အင်ဒိုနီးရှားနိုင်ငံ ဆူမားတြား ကျွန်းပတ်ဝန်းကျင်တွင် ငလျင်လှုပ်ခတ်မှုကြောင့် ဆူနာမီဖြစ်ပေါ်နိုင်ခြေမှာ နည်းပါးကြောင်း ညနေ ၆ နာရီ ၀န်းကျင်တွင် ဗြိတိန်ဘူမိဗေဒလေ့လာရေးအဖွဲ့မှ ထုတ်ပြန်ခဲ့ကြောင်း၊ ထိုင်းနိုင်ငံ အက်ဒမန်ကမ်းခြေသို့မူ ဆူနာမီလှိုင်း အသေးစားတစ်ခု ရိုက်ခတ်ခဲ့ကြောင်း သတင်းထုတ်ပြန်မှု များအရ သိရှိရသည်။
မြန်မာနိုင်ငံတွင် ကမ်းခြေဒေသများ၌ ဆူနာမီသတိပေးချက်များ ပြုလုပ်ခဲ့ကာ ဧရာဝတီတိုင်းဒေသကြီးရှိ ကမ်းခြေအချို့တွင် သင်္ကြန်ပိတ်ရက်၌ သွားရောက်လည်ပတ်နေကြသော ခရီးသွားများ ကမ်းခြေမှ ပြန်လည်ထွက်ခွာမှုများလည်း ရှိခဲ့သည်။
''ကမ်းခြေမှာ ဆူနာမီသတိပေးချက် ထုတ်ထားတယ်။ ရေထဲကို မဆင်းခိုင်းတော့ဘူး။ တချို့လည်း ပြန်နေကြပြီ''ဟု ချောင်းသာကမ်းခြေမှ ပြန်ရန်ပြင်ဆင်နေသော ခရီးသွားတစ်ဦးက ညနေ ၅ နာရီ မိနစ် ၄၀ တွင်ပြောကြားခဲ့သည်။
ထို့အတူ ရခိုင်ပြည်နယ် စစ်တွေမြို့တွင် ဆူနာမီနှင့် ပတ်သက်၍ သတိပေးချက်များ လိုက်လံကြေညာခဲ့ကာ စစ်တွေ ကမ်းရိုးတန်းတစ်လျောက်တွင် ကမ်းဝေးငါးဖမ်းလှေများ ပြန်လည်ဝင်ရောက်လျက်ရှိပြီး ကမ်းနီးငါးဖမ်းလှေများမှာ ၀င်ရောက်လာခြင်း မရှိသေးကြောင်း စစ်တွေမြို့ခံတစ်ဦးက ပြောပြခဲ့သည်။
''ငပလီကမ်းခြေမှာတော့ ည ၇ နာရီအထိ လာရောက်လည်ပတ်သူတွေနဲ့ အေးအေးချမ်းချမ်း ရှိနေပါတယ်။ ဆူနာမီနဲ့ ပတ်သက်လို့တော့ ထူးခြားမှုမရှိပါဘူး'' ဟု ရခိုင်ပြည်နယ် သံတွဲမြို့နယ် ငပလီကမ်းခြေရောက် ခရီးသွားတစ်ဦးက ပြောပါသည်။ ၂၀၀၄ ခုနှစ် ဒီဇင်ဘာလ ၂၆ ရက်နေ့က လှုပ်ခတ်ခဲ့သော ဆူမားတြားငလျင်သည် အင်အားရစ်ခ်ျတာ စကေး ၉ အဆင့်ရှိ ရေအောက်ငလျင်တစ်ခုဖြစ်ခဲ့ပြီး နိုင်ငံပေါင်းကိုးနိုင်ငံကို ထိခိုက်ခဲ့ရာ လူနှစ်သိန်းသုံးသောင်းကျော် အသက်ဆုံးရှုံးခဲ့ရသည်။
''မြန်မာနိုင်ငံမှာ အဲဒီတုန်းက ကော့သောင်း၊ မြစ်ဝကျွန်းပေါ်နဲ့ ရခိုင်ကမ်းရိုးတန်းဒေသတွေမှာ ထိခိုက်ခဲ့တယ်။ လူ ၆၁ ဦး သေဆုံးခဲ့ပါတယ်။ လှိုင်းရောက်ဖို့ကြာချိန် သုံးနာရီခွဲလောက်ရှိတယ်။ ဆူနာမီရေလှိုင်းအမြင့်က ၁၁ ပေလောက်ရှိ ခဲ့တယ်''ဟု Myanmar Climate Change Watch မှ ဒေါက်တာ ထွန်းလွင်က ပြောကြားသည်။
၂၀၁၂ ခုနှစ် ဧပြီလ ၁၁ ရက်နေ့တွင် ဖြစ်ပေါ်သော ငလျင်ကြောင့် မြန်မာ့ကမ်းရိုးတန်းဒေသများသို့ ဆူနာမီသက်ရောက်နိုင်ခြေမရှိတော့ကြောင်း မိုးလေ၀သနှင့် ဇလဗေဒ ညွှန်ကြားမှုဦးစီးဌာနမှ တာဝန်ရှိသူတစ်ဦးက ညနေ ၆ နာရီ ၃၆ မိနစ် တွင် ပြောကြားခဲ့သည်။
ဆူနာမီနှင့် ပတ်သက်သော သတိပေးချက်ကို နိုင်ငံပိုင်ရုပ်သံများမှ တစ်ဆင့် မိုးလေ၀သနှင့် ဇလဗေဒညွှန်ကြားမှုဦးစီးဌာနက ည ၇ နာရီ ၄၅ မိနစ်ခန့်တွင် ပြန်လည် ရုပ်သိမ်းခဲ့သည်။