နောက်ဆုံးရမြန်မာသတင်းများ    ဧပြီလ ၁၉ ရက် ၂၀၁၂ ခုနှစ်


မြန်မာနိုင်ငံအပေါ် ဒဏ်ခတ်အရေးယူမှုတချို့ အမေရိကန် လျှော့ပေါ့လိုက်ခြင်း


ဧပြီလအစောပိုင်းက ကျင်းပခဲ့တဲ့ အထင်ကရ ကြားဖြတ်ရွေးကောက်ပွဲ နောက်ပိုင်း မြန်မာနိုင်ငံမှာ နောက်ထပ် ပြုပြင်ပြောင်းလဲမှုတွေ ဆက်ပြီး ဖြစ်လာအောင် တွန်းအားပေးနိုင်ဖို့ မျှော်လင့်ချက်နဲ့ မြန်မာနိုင်ငံအပေါ် နှစ်ရှည်လများ ချမှတ်ထားတဲ့ ဒဏ်ခတ်ပိတ်ဆို့မှုတွေထဲက တချို့ကို အမေရိကန်က ဒီတပတ်အတွင်း လျှော့ပေါ့ပေးလိုက်ပါတယ်။
မြန်မာနိုင်ငံတွင်း လူသားချင်း စာနာကူညီတဲ့ လုပ်ငန်းတွေ ဆောင်ရွက်နိုင်ဖို့အတွက် လူသားချင်းစာနာမှု ဆိုင်ရာ အဖွဲ့တွေ၊ ဘာသာရေးနဲ့ တခြားသော လူမှုရေးနဲ့ ဖွံ့ဖြိုးရေးဆိုင်ရာ အစိုးရမဟုတ်တဲ့ အဖွဲ့အစည်းတွေရဲ့ လုပ်ငန်းတွေ မြန်မာနိုင်ငံမှာ ဆောင်ရွက်ခွင့်ပေးသွားမယ့်အကြောင်း အမေရိကန် ဘဏ္ဍာရေးဝန်ကြီးဌာနရဲ့ အင်္ဂါနေ့က ကြေညာချက်ထဲမှာ ဖော်ပြထားပါတယ်။ ဒီအထဲမှာ သဘာဝ ဘေးအန္တရာယ် ဆိုင်ရာ အကူအညီတွေ၊ ကျန်းမာရေးနဲ့ ဆက်စပ်တဲ့လုပ်ငန်းတွေ၊ ပညာရေးနဲ့ အားကစားလို ကဏ္ဍတွေအပြင် စီးပွားရေးအမြတ်ထုတ် ဆောင်ရွက်တာမျိုးမဟုတ်တဲ့ စာသင်ကျောင်း၊ စာကြည့်တိုက်နဲ့ ဆေးရုံ စတာတွေ တည်ဆောက်ရေး စီမံကိန်းတွေ ပါဝင်ပါတယ်။
ဘာသာရေးအဖွဲ့အစည်းတွေအနေနဲ့ ဘုရားကျောင်း အပါအ၀င် ဘာသာရေး အဆောက်အဦးတွေ နဲ့ မိဘမဲ့ကလေးဂေဟာ စတဲ့ လုပ်ငန်းတွေ ဆောင်ရွက်ခွင့် ရမှာဖြစ်ပါတယ်။
၂၀၀၈ ခုနှစ် မေလက လူထောင်ပေါင်းများစွာ သေဆုံးခဲ့ရတဲ့ နာဂစ် ဆိုင်ကလုန်းမုန်တိုင်းဒဏ် ခံခဲ့ရပြီးတဲ့နောက် မြန်မာပြည်သူတွေကို ငွေကြေးအကူအညီတွေ ပေးနိုင်ဖို့အတွက် လူသားချင်းစာနာထောက်ထားတဲ့ အေဂျင်စီတွေ၊ လူပုဂ္ဂိုလ်တွေရဲ့ ငွေကြေးလွှဲပြောင်းမှုတွေကို ခွင့်ပြုတဲ့ ဘဏ္ဍာရေးဆိုင်ရာ ပိတ်ဆို့မှုတချို့ကို အမေရိကန်က ယာယီ ရပ်ဆိုင်းခဲ့ပါတယ်။
အမည်ခံ အရပ်သားအစိုးရ ရွေးကောက်တင်မြောက်တဲ့ ၂၀၁၀ ခုနှစ် ရွေးကောက်ပွဲ ကာလကတည်းကစလို့ မြန်မာအစိုးရကို အထီးကျန်ထားတဲ့ အမေရိကန်ရဲ့ နှစ်ရှည်လများစွာ မူဝါဒတွေကနေ မြန်မာအစိုးရရဲ့ ဒီမိုကရေစီ ပြုပြင်ပြောင်းလဲရေး လုပ်ငန်းတွေနဲ့အညီ တုံ့ပြန်တဲ့အနေနဲ့ ဒဏ်ခတ်ပိတ်ဆို့မှုတွေကို တဖြည်းဖြည်းချင်း ရုပ်သိမ်းပေးသွားမယ်ဆိုတဲ့ မူဝါဒကို အမေရိကန် အိုဘားမား အစိုးရက ပြောင်းလဲ ချမှတ်လာခဲ့တာပါ။ ဆယ်စုနှစ် နှစ်ခုကျော်ကာလအတွင်း ပထမဆုံးအကြိမ်အဖြစ် မြန်မာနိုင်ငံမှာ အချိန်ပြည့် တာဝန်ထမ်းဆောင်မယ့် သံအမတ်ကြီးအဆင့် ခန့်အပ်ဖို့လည်း အမေရိကန်အစိုးရက စီစဉ်ထားပါတယ်။ တချို့သော မြန်မာအစိုးရ အရာရှိတွေနဲ့ လွှတ်တော်အမတ် တချို့ကိုလည်း အမေရိကန်ပြည်ထောင်စုကို လာရောက် လည်ပတ်ခွင့် ပြုမှာဖြစ်ပါတယ်။
၁၉၈၈ ခုနှစ်က ငြိမ်းချမ်းတဲ့ ဒီမိုကရေစီ တောင်းဆိုဆန္ဒပြမှုတွေအပေါ် ယခင် မြန်မာစစ်အစိုးရရဲ့ အကြမ်းဖက် နှိမ်နင်းမှုတွေနဲ့ ၁၉၉၀ ရွေးကောက်ပွဲ ရလဒ်ကို စစ်အစိုးရက ငြင်းဆန်ခဲ့ပြီးတဲ့နောက် အမေရိကန် ပြည်ထောင်စုက မြန်မာအစိုးရကို လက်နက်ရောင်းချမှု ပိတ်ပင်ခဲ့သလို အကြီးတန်း မြန်မာအစိုးရ အရာရှိတွေ အမေရိကန် ပြည်ဝင်ခွင့် ဗီဇာ ပိတ်ပင်မှုတွေ ချမှတ်ခဲ့တာ ဖြစ်ပါတယ်။
အဲဒီနောက် ၁၉၉၇ ခုနှစ်မှာ အဲဒီအချိန်က သမ္မတ Bill Clinton ရဲ့ အုပ်ချုပ်ရေးအာဏာနဲ့ အမေရိကန်က ကုမ္ပဏီတွေနဲ့ လူပုဂ္ဂိုလ်တွေ မြန်မာနိုင်ငံမှာ ရင်းနှီးမြှုပ်နှံမှုအသစ်တွေကို တားမြစ်တဲ့ ဥပဒေတွေကို ချမှတ်ခဲ့ပါတယ်။
၂၀၀၃ ခုနှစ်မှာတော့ မြန်မာနိုင်ငံက သွင်းကုန်တွေကို တားမြစ်တဲ့ Burmese Freedom and Democracy Act ဥပဒေကို အမေရိကန် ကွန်ဂရက်လွှတ်တော်က ပြဌာန်းခဲ့ပါတယ်။ စစ်အစိုးရ အရာရှိတွေ၊ သူတို့ရဲ့ မိသားစုနဲ့ မိတ်ဆွေ အပေါင်းအပါတွေကို အမေရိကန်ရဲ့ ဘဏ္ဍာရေးစနစ်ကို သုံးစွဲခွင့် ပိတ်ပင်တဲ့ ဘဏ္ဍာရေးဆိုင်ရာ ကန့်သတ်မှုတွေကိုတော့ ၂၀၀၇ ခုနှစ်မှာ အဲဒီအချိန်က သမ္မတ George W. Bush ရဲ့ အမိန့်နဲ့ ချမှတ်ခဲ့သလို ကန့်ကွက်ခံရသူတွေရဲ့ စာရင်းကို ၂၀၀၈ ခုနှစ်မှာ ထပ်တိုးခဲ့ပါတယ်။
၂၀၀၈ ခုနှစ်မှာပဲ Tom Lantos Block Burmese JADE Act လို့ခေါ်တဲ့ နောက်ထပ် ပိတ်ဆို့မှု ဥပဒေတရပ်ကို ကွန်ဂရက်စ်လွှတ်တော်က ချမှတ်ခဲ့ပါတယ်။ ဒီဥပဒေ ချမှတ်နိုင်ရေး ဦးဆောင်ခဲ့တဲ့ ကွယ်လွန်သွားပြီဖြစ်တဲ့ အောက်လွှတ်တော် နိုင်ငံခြားရေးရာ ကော်မတီဥက္ကဋ္ဌ ကယ်လီဖိုးနီးယားပြည်နယ် လွှတ်တော်အမတ် Tom Lantos နံမည်တပ်ထားတဲ့ ဒီဥပဒေအရ မြန်မာနိုင်ငံက ပတ္တမြားနဲ့ ကျောက်စိမ်းတို့လို အဖိုးတန် ကျောက်မျက်ရတနာတွေ အမေရိကန်နိုင်ငံထဲ တင်သွင်းခွင့်ကို ပိတ်ပင်ထားပါတယ်။
မြန်မာနိုင်ငံအပေါ် ဒဏ်ခတ်ပိတ်ဆို့မှုတချို့ လျှော့ချပေးမယ်လို့ ကြေညာခဲ့တဲ့တချိန်တည်းမှာလည်း မြန်မာနိုင်ငံအနေနဲ့ ဒီမိုကရေစီရေး ပြုပြင်ပြောင်းလဲရေး အများကြီး ရှေ့ဆက် လုပ်သွားရဦးမယ်ဆိုတာကို အမေရိကန် နိုင်ငံခြားရေးဝန်ကြီး ဟီလာရီကလင်တန်က သတိပေးပြောဆိုခဲ့ပါတယ်။ ပိုပြီးတော့ပြည့်ဝတဲ့ ဒီမိုကရေစီ ပြုပြင် ပြောင်းလဲမှုတွေကို မြန်မာအစိုးရဘက်က ဆက်ပြီး ဆောင်ရွက်နေတာနဲ့အမျှ အမေရိကန် ပြည်ထောင်စုဘက်ကလည်း ပိတ်ဆို့ဒဏ်ခတ်မှုတွေကို ဆက်ပြီး လျှော့ပေါ့ပေးသွားမယ့်အကြောင်းလည်း ၀န်ကြီး ကလင်တန်က ပြောဆိုခဲ့ပါတယ်။

 ကုလားတန် ဘက်စုံဖွံ့ဖြိုးရေး စီမံကိန်း ရေရှည်အကျိုးပြုနိုင်လို့ CPP ပါတီက ပြောဆို



အိန္ဒိယ မြန်မာနှစ်နိုင်ငံ ပူးပေါင်း အကောင်ထည်ဖော်နေတဲ့ ကုလားတန် ဘက်စုံဖွံ့ဖြိုးရေး စီမံကိန်းဟာ ချင်းပြည်နယ် အကျိုးစီးပွားအတွက် ရေရှည်အကျိုးပြုနိုင်တဲ့ စီမံကိန်းတစ်ခုဖြစ်တယ်လို့ ချင်းတိုးတက်ရေးပါတီ (CPP) က ပြောဆိုလိုက်ပါတယ်
ချင်းတိုးတက်ရေးပါတီ (CPP) ဥက္ကဋ္ဌ ချင်းရေးရာဝန်ကြီး ပူးနိုးထန်ကပ် နဲ့ ချင်းသစ်တောရေးရာဝန်ကြီး ဦးကျော်ငြိမ်းတို့ ဦးဆောင်တဲ့ လေ့လာရေးအဖွဲ့ဟာ ဧပြီလ ၆ ရက်နေ့က ၁၀ ရက်နေ့အထိ ကွင်းဆင်းလေ့လာခဲ့ပြီးနောက် ကုလားတန် ဘက်စုံဖွံ့ဖြိုးရေးစီမံကိန်းဟာ ချင်းပြည်နယ်အတွက် အဓိကအားထားရမယ့် စီမံကိန်းတစ်ခုဖြစ်တယ်လို့ (CPP) ပါတီက ဒီကနေ့ ထုတ်ဖော် ပြောဆိုလိုက်တာပါ။
(CPP) ရဲ့ တွဲဖက် အထွေထွေအတွင်းရေးမှူး (၂) ဦးရှိန်းထွန်းက “ စီမံကိန်းနဲ့ ပတ်သက်ပြီးတော့ လူထုအတွက် အရမ်းထိခိုက်နစ်နာမှုမျိုးမရှိဘူး။ ချင်းတိုးတက်ရေးပါတီ အနေနဲ့ကတော့ လက်ရှိ ဆောက်လုပ်နေဆဲကို ထပ်ပြီးတော့ ဆောက်စေချင်တယ်။ ထောက်ခံတယ် ’’ လို့ ပြောပါတယ်။
ဒီစီမံကိန်းကြောင့် စီးပွားရေးအခွင့်အလမ်းတွေ ပွင့်လာမှာဖြစ်သလို ချင်းပြည်နယ် အစိုးရအတွက်လည်း အခွန်ကောက်ခံမှုနဲ့ ၀င်ငွေကောင်းလာမှာဖြစ်တယ်။ ရေရှည်အနေနဲ့ ကြည့်မယ်ဆိုရင် အင်မတန်ကောင်းတဲ့ အလားအလာတစ်ခုပါပဲလို့ ဦးရှိန်းထွန်းက ပြောပါတယ်။
အမေရိကန်ဒေါ်လာ သန်း ၁၂၀ ကျော် ကုန်ကျမယ့် ကုလားတန်မြစ်စီမံကိန်း အကောင်အထည်ဖော်ဖို့ အိန္ဒိယနဲ့ မြန်မာအစိုးရတို့က ၂၀၀၈ ခုနှစ် ဧပြီလက သဘောတူ စာချုပ်ဆိုခဲ့ကြပြီး အိန္ဒိယနိုင်ငံ မီဇိုရမ်ပြည်နယ်မှ ကုန်စည်တွေကို နိုင်ငံတကာသို့ တင်ပို့နိုင်ရန် ရည်ရွယ်လုပ်ဆောင်တာ ဖြစ်ပါတယ်။
ကုလားတန် ဘက်စုံဖွံ့ဖြိုးရေးစီမံကိန်းနဲ့ ပတ်သက်ပြီး ချင်းအမျိုးသားပါတီ CNP က ပြုလုပ်ခဲ့တဲ့ ကွင်းဆင်းလေ့လာချက်မှာတော့ စီမံကိန်းလုပ်ဆောင်ရာမှာ ပွင့်လင်း မြင်သာမှုမရှိကြောင်း၊ ကုလားတန်မြစ်ကို အားထား အသက်မွေးဝမ်းကြောင်း ပြုနေသူ ရွာသားတွေအတွက် ထိခိုက်မှုရှိနိုင်ကြောင်း တင်ပြထားပါတယ်။
ဒီစီမံကိန်းအရ ကုလားတန်မြစ်ကိုချဲ့ပြီး စစ်တွေမှ ပလက်ဝကို ပင်လယ်ကူး သင်္ဘောများ ဝင်ရောက်မှာဖြစ်ပြီး ပလက်ဝက တဆင့် အိန္ဒိယနိုင်ငံ အရှေ့မြောက်ဘက် မီဇိုရမ်ပြည်နယ်အထိ ကားလမ်းဖြင့် ဆက်သွယ်မှာဖြစ်ကြောင်း သိရပါတယ်။

မယ်တော်ဆေးခန်းတွင် သက်ကြီးပူဇော်ပွဲ ကျင်းပ


ထိုင်း မြန်မာနယ်စပ် မဲဆောက်မြို့နဲ့ အနီးပတ်ဝန်းကျင်က သက်ကြီးရွယ်အို ၇၀၀ ကို မယ်တော်ဆေးခန်းက ဒေါက်တာ စင်သီယာမောင်နဲ့အတူ ရွေ့ပြောင်း အလုပ်သမားအရေး လှုပ်ရှားနေတဲ့ အဖွဲ့အစည်းတွေက သက်ကြီးပူဇော် ကန်တော့ပွဲတရပ်ကို မနေ့က ကျင်းပခဲ့ပါတယ်။မြန်မာနှစ်ဆန်းတစ်ရက်မှာ ကောင်းမှုကုသိုလ် လုပ်ရတဲ့အကြောင်းနဲ့ တိုင်းပြည် ငြိမ်းချမ်းရေး ရစေချင်တဲ့အကြောင်းတွေကို ဒေါက်တာ စင်သီယာမောင်က အဲဒီသက်ကြီးပူဇော်ပွဲမှာ ပြောခဲ့ပါတယ်။
မြန်မာနှစ်ဆန်း တစ်ရက်နေ့ ရောက်တိုင်း ဒေါက်တာစင်သီယာမောင်ရဲ့ မယ်တော်ဆေးခန်းမှာ သက်ကြီးပူဇော်ပွဲ ကျင်းပလာတာ ၁၂ ကြိမ် ရှိပြီ ဖြစ်ပါတယ်။
တစ်နှစ်ထက် တစ်နှစ် သက်ကြီးရွယ်အို အရေအတွက် ပိုများလာတယ်လို့လည်း သိရပါတယ်။ အခုနှစ်အတွက် သက်ကြီးရွယ်အို ၇၀၀ ကို ဖိတ်ကြားခဲ့ပေမယ့် ၆၀၀ ဝန်းကျင်သာ ကန်တော့ပွဲကို တက်နိုင်ခဲ့တာပါ။ ကျန်သက်ကြီးရွယ်အိုတွေကိုတော့ အိမ်တိုင်ယာရောက် သွားရောက် ကန်တော့ကြမှာ ဖြစ်တယ်လို့ သိရပါတယ်။


ဗြိတိန်နှင့် နော်ဝေသို့ ဒေါ်အောင်ဆန်းစုကြည် သွားမည်


မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်သည် နှစ်ပေါင်း ၂၄ နှစ်ကျော်အတွင်း ပထမဆုံး ပြည်ပခရီးစဉ် အဖြစ် နော်ဝေနှင့် ဗြိတိန် နိုင်ငံများသို့လာမည့် ဇွန်လတွင် သွားရောက်မည်ဖြစ်ကြောင်း အမျိုးသားဒီမိုကရေစီ အဖွဲ့ ချုပ်ပါတီ (NLD) က ယနေ့ ထုတ်ပြန်သည်။ ယခင်က နိုင်ငံတကာ သတင်းဌာနများနှင့် တွေ့ဆုံမေးမြန်းမှုများတွင် ဒေါ်အောင်ဆန်းစုကြည်က ပြည်ပ ခရီးစဉ် သွား ဖြစ်မည် ဆိုပါက နော်ဝေနိုင်ငံကို ပထမဆုံး သွားရောက်ရန် ရွေးချယ်ထားခြင်းဖြစ်ကြောင်း၊ နော်ဝေနိုင်ငံသည် မြန်မာ့ ဒီမိုကရေစီအရေးနှင့် လူ့အခွင့်အရေးအတွက် ရုန်းကန်းလှုပ်ရှားမှုများကို အထူးထောက်ခံနေမှုကြောင့် ဖြစ်သည်ဟု ပြောဆိုခဲ့ဖူးသည်။
ဒေါ်အောင်ဆန်းစုကြည်သည် နော်ဝေ အခြေစိုက် နိုဗဲလ်ငြိမ်းချမ်းရေးဆု ရွေးချယ်ရေးအဖွဲ့က ပေးအပ်သော ၁၉၉၁ ခုနှစ် အတွက် ငြိမ်းချမ်းရေး နိုဗဲလ်ဆု ချီးမြင့်စဉ်ကလည်း တက်ရောက်ယူနိုင်ခဲ့ခြင်း မရှိပေ။
မြန်မာနိုင်ငံသို့ လာရောက်လည်ပတ်ခဲ့သော ဗြိတိန်ဝန်ကြီးချုပ် မစ္စတာ ဒေးဗစ် ကင်မရွန်းက ဒေါ်အောင်ဆန်းစုကြည်အား ဗြိတိန်နိုင်ငံသို့ အလည်လာရောက်ရန် တရားဝင် ဖိတ်ကြားခဲ့ပြီး ဒေါ်အောင်ဆန်းစုကြည်ကလည်း ဖိတ်ကြားမှုကို လက်ခံခဲ့ကြောင်း သိရသည်။ ဒေါ်အောင်ဆန်းစုကြည်သည် ခင်ပွန်းဖြစ်သူ ဗြိတိန်နိုင်ငံသား ဒေါက်တာ မိုက်ကယ်အဲရစ် နှင့် သား ၂ ဦး တို့နှင့်အတူ ဗြိတိန် နိုင်ငံ တွင် နှစ်ပေါင်းများစွာ နေထိုင်ခဲ့သူဖြစ်သည်။ ထို့အပြင် ဒေါ်အောင်ဆန်းစုကြည်သည် အင်္ဂလန် နိုင်ငံ Oxford University မှ နိုင်ငံရေးသိပ္ပံ ဘာသာရပ်ဖြင့် ပါရဂူဘွဲ့ ကို ရယူခဲ့သူလည်းဖြစ်သည်။
ခင်ပွန်းဖြစ်သူ ဒေါက်တာ မိုက်ကယ်အဲရစ် နာမကျန်းဖြစ်စဉ် ယခင် စစ်အစိုးရ တာဝန်ရှိသူများက ခင်ပွန်းသည်ကို နောက်ဆုံး အချိန် ပြုစုရန်အတွက် ၁၉၉၉ ခုနှစ်က ဗြိတိန်နိုင်ငံသို့ ထွက်ခွာခွင့်ပြုခဲ့သော်လည်း မြန်မာနိုင်ငံသို့ ပြန်လည် ၀င်ရောက်ခွင့် မရမည်ကို စိုးရိမ်သဖြင့် ဒေါ်အောင်ဆန်းစုကြည်က ပြည်ပခရီးကို ငြင်းပယ်ခဲ့သည်။
ဒေါက်တာ မိုက်ကယ်အဲရစ်သည် ၁၉၉၉ ခုနှစ် မတ်လ၂၇ ရက်နေ့က ဗြိတိန်နိုင်ငံတွင် ကင်ဆာ ရောဂါ ဖြင့် ကွယ်လွန်ခဲ့သည်။ ဒေါ်အောင်ဆန်းစုကြည်သည် ၁၉၈၈ ခုနှစ်က မိခင် ဒေါ်ခင်ကြည် နာမကျန်းဖြစ်စဉ် အနီးကပ်လာရောက်ပြုစုရန် မြန်မာနိုင်ငံသို့ ပြန်လာခဲ့ချိန်မှ စ၍ မြန်မာ့ဒီမိုကရေစီ လှုပ်ရှားမှုများတွင် ဦးဆောင်ပါဝင်ခဲ့ပြီး နှစ်ပေါင်းများစွာ နေအိမ်အကျယ်ချုပ်နေခဲ့ရသည်။
၁၉၈၈ ခုနှစ် မြန်မာနိုင်ငံသို့ ပြန်လာခဲ့ပြီးနောက်ပိုင်း ဒေါ်အောင်ဆန်းစုကြည်သည် ပြည်ပ ခရီးစဉ်များသို့ ထွက်ခွာခဲ့ဖူးခြင်း မရှိပေ။

ဒေါ်အောင်ဆန်းစုကြည် ပြည်ပခရီးထွက်မည်


အမျိုးသားဒီမိုကရေစီအဖွဲ့ချုပ် (NLD) ဥက္ကဋ္ဌ၊ ပြည်သူ့လွှတ်တော် အမတ် ဒေါ်အောင်ဆန်းစုကြည်သည် ၂၄ နှစ်တာအတွင်း ပထမဆုံးအကြိမ် ပြည်ပခရီးစဉ်အဖြစ် နော်ဝေနှင့် ဗြိတိန် နိုင်ငံတို့သို့ သွားရောက်မည်ဟု သိရသည်။ ခရီးစဉ်များသည် လာမည့်ဇွန်လအတွင်း ဖြစ်ဖွယ်ရှိကြောင်း NLD ပြောခွင့်ရပုဂ္ဂိုလ် ဦးဉာဏ်ဝင်းကို ကိုးကား၍ သတင်းများက ဖော်ပြသည်။ ဤခရီးစဉ်သည် ပြီးခဲ့သည့် သီတင်းပတ်က ဗြိတိန်ဝန်ကြီးချုပ် ဒေးဗစ် ကင်မရွန်၏ မြန်မာပြည် ခရီးစဉ်အပြီး ထွက်ပေါ်လာခြင်းဖြစ်သည်။


ဒေါ်အောင်ဆန်းစုကြည် ပြည်ပခရီး သွားမည်

ငြိမ်းချမ်းရေး နိုဘယ်လ်ဆုရှင် ဒေါ်အောင်ဆန်းစုကြည်ဟာ နှစ်ပေါင်း ၂၀ ကျော်အတွင်း ပထမဆုံး ပြည်ပခရီးစဉ်အဖြစ် လာမဲ့ဇွန်လမှာ နော်ဝေးနဲ့ ဗြိတိန်နိုင်ငံတို့ကို သွားရောက် လည်ပတ်မယ်လို့ သိရှိရပါတယ်။ဒါနဲ့ ပတ်သက်ပြီး NLD ပါတီ ပြောခွင့်ရပုဂ္ဂိုလ် ဦးဥာဏ်ဝင်းကို မေးမြန်းကြည့်တဲ့အခါ ဗြိတိန်နိုင်ငံ ခရီးစဉ်အတွင်းမှာ ဒေါ်အောင်ဆန်းစုကြည်ဟာ ၁၉၇၀ ခုနှစ်တွေကာလ သူတက်ရောက် ပညာသင်ယူခဲ့တဲ့ Oxford တက္ကသိုလ်ကို လည်ပတ်မှာဖြစ်ကြောင်း ပြောပါတယ်။
ဒေါ်အောင်ဆန်းစုကြည် ဘယ်နေ့ဘယ်ရက် ခရီးစဉ် စတင်မယ်ဆိုတာနဲ့ ဘယ်နိုင်ငံကို အရင်သွားရောက်မယ်ဆိုတာ မသိရှိရသေးကြောင်း။ ဒါပေမဲ့ သူပြည်ပခရီးစဉ် သွားရောက်မယ်ဆိုရင် နော်ဝေးနိုင်ငံကို အရင်ဆုံးသွားဖြစ်မှာပါလို့ ဒေါ်အောင်ဆန်းစုကြည်က အရင်က ပြောကြားဘူးတာ ရှိကြောင်းလည်း ဦးဥာဏ်ဝင်းက ပြောပါတယ်။
နော်ဝေး နိုင်ငံခြားရေးဝန်ကြီးကို လာမည့်ဇွန်လမှာ ဒေါ်အောင်ဆန်းစုကြည် နော်ဝေးနိုင်ငံ၊ အော်စလိုမြို့ကို သွားရောက်လည်ပတ်မဲ့ ခရီးစဉ်နဲ့ ပတ်သက်ပြီး တနင်္ဂနွေနေ့က ဆွေးနွေးခဲ့ကြောင်း နော်ဝေးနိုင်ငံခြားရေး ၀န်ကြီးဌာန ပြောရေးဆိုခွင့်ရှိသူ တစ်ဦးက ပြောကြားခဲ့ပါတယ်။

လွှတ်တော် တက်ရေး မတက်ရေး NLD အမတ်များ ဆွေးနွေးမည်

 
ကျမ်းကျိန်လွှာတွင် ၂၀၀၈ ခုနှစ် ဖွဲ့စည်းပုံအခြေခံဥပဒေကို ကာကွယ်စောင့်ရှောက်ပါမည်ဆိုသော စကားလုံးအစား ဖွဲ့စည်းပုံအခြေခံ ဥပဒေကို လေးစား လိုက်နာပါမည်ဟု ပြင်ဆင်ပေးရန် အမျိုးသားဒီမိုကရေစီ အဖွဲ့ချုပ် (NLD) က တင်ပြထားကြောင်း၊ လွှတ်တော် အစည်းအဝေး တက်ရေး မတက်ရေးကို ဧပြီ ၁၉ ရက်နှင့် ၂၀ ရက်နေ့တို့တွင် အနိုင်ရ NLD အမတ်များ တွေ့ဆုံဆွေးနွေးမည်ဖြစ်ကြောင်း သိရသည်။

အမျိုးသားဒီမိုကရေစီ အဖွဲ့ချုပ် သက်ကြီးပူဇော်ပွဲ အခမ်းအနား ကျင်းပ

                            
အမျိုးသားဒီမိုကရေစီ အဖွဲ့ချုပ်ရဲ့ သက်ကြီးပူဇော်ပွဲ အခမ်းအနားကို ရန်ကုန်မြို့၊ ဗဟန်းမြို့နယ်၊ ရွှေဂုံတိုင်လမ်းရှိ NLD ရုံးချုပ်မှာ မြန်မာနှစ်ဆန်းနှစ်ရက် ဒီကနေ့ နေ့လည်ပိုင်းက ကျင်းပခဲ့ပါတယ်။
ဒီအခမ်းအနားမှာ ဝါရင့် နိုင်ငံရေးသမားကြီးတွေဖြစ်တဲ့ သခင်သိန်းမောင်၊ သခင်သိန်းဖေ၊ သခင်ချန်ထွန်း၊ ဦးနိုင်ငွေသိမ်း၊ ဦးအုန်းမောင်တို့ အပါအဝင် သက်ကြီး နိုင်ငံရေးသမားကြီး ၃ဝ ဝန်းကျင်ကို ဒေါ်အောင်ဆန်းစုကြည်နဲ့ အခမ်းအနား တက်ရောက်လာသူတွေက ကန်တော့ဖွယ်ပစ္စည်းတွေနဲ့ ဂါရ၀ပြုခဲ့ကြကြောင်း ဗဟိုကော်မတီဝင် ဒေါက်တာမေ၀င်းမြင့်က ပြောပါတယ်။
ကန်တော့ခံ သက်ကြီး နိုင်ငံရေးသမားကြီးတွေ ကိုယ်စား NLD နာယက ဦးတင်ဦးက ဆုံးမသြဝါဒစကား ပြောကြားပြီး နှစ်သစ်ဆုတောင်းမေတ္တာ ပြန်လည်ပို့သ ပေးခဲ့ပါတယ်။
ဒီအခမ်းအနားကို NLD ပါတီ ခေါင်းဆောင်တွေဖြစ်တဲ့ ဦးအောင်ရွှေနဲ့ ဦးလွန်းတင်တို့ ကျန်းမာရေး အခြေအနေကြောင့် တက်ရောက်နိုင်ခြင်း မရှိပေမယ့် ဦးတင်ဦး၊ ဦးဝင်းတင်၊ ဦးလှဖေ၊ ဦးသန်းထွန်းနဲ့ ဦးညွန့်ဝေတို့ တက်ရောက် ကန်တော့ခံခဲ့ကြပါတယ်။
ဒီသက်ကြီးဝါကြီး ပုဂ္ဂိုလ်တွေကို ဒေါ်အောင်ဆန်းစုကြည်ကိုယ်တိုင် လှူဖွယ်ပစ္စည်းတွေ ပေးအပ်ခဲ့ပြီးနောက် NLD ပါတီဝင်တွေက ဒေါ်အောင်ဆန်းစုကြည်ကို ကန်တော့ကြပါတယ်။


မြန်မာအစိုးရနှင့် အပစ်ရပ်ရေး ဆွေးနွေးရန် နာဂ NSCN (K) ပြင်ဆင် 


နာဂအမျိုးသား ဆိုရှယ်လစ်ကောင်စီ NSCN (K) နှင့် မြန်မာအစိုးရတို့ အကြား ဧပြီလကုန်ပိုင်းတွင် အပစ်အခတ်ရပ်စဲရေး ဆွေနွေးရန် ပြင်ဆင်မှုများ ရှိနေကြောင်း သိရသည်။၃၂ နှစ်ကျော်ကြာ နာဂတိုင်းရင်းသားအရေး လက်နက်ကိုင် လှုပ်ရှားနေသည့် NSCN (K) အနေဖြင့် ပထမဆုံးအကြိမ်မြန်မာအစိုးရနှင့် အပစ်ရပ်ရေး ဆွေးနွေးရန်အတွက် လိုအပ်သည့်ပြင်ဆင်မှုများ ပြုလုပ်ရန် ဧပြီလ ၂ဝ ရက်နေ့တွင် ၎င်းတို့ ဌာနချုပ်ရှိရာ စစ်ကိုင်းတိုင်းအထက်ပိုင်း နာဂတောင်တန်း တနေရာတွင် ထိပ်ပိုင်းခေါင်းဆောင်များ တွေ့ဆုံကြမည်ဖြစ်သည်။

သို့သော် မည်သည့်အကြောင်းအရာများ ဆွေးနွေးမည်ဆိုသည်ကိုမူ သတင်းထွက်ပေါ်မှု မရှိသေးကြောင်း နာဂအမျိုးသားဒီမိုကရေစီအဖွဲ့ချုပ် ဥက္ကဋ္ဌ ဦးစောစ က ပြောသည်။

“သူတို့ အပစ်အခတ်ရပ်စဲရေးကို လုပ်ဖို့ စိုင်းပြင်းနေကြတာ ကြာလှပြီလေ။ လောလောဆယ် အနေအထားကတော့ အပစ်အခတ် ရပ်စဲတာပဲလုပ်ကြမယ်။ လောလော ဆယ်တော့ ဘယ်အချက်တွေ ဆွေးနွေးမယ်ဆိုတာ မသိရသေးဘူး။ တဖြေးဖြေးနဲ့ နိုင်ငံရေးဆွေးနွေးကြမယ် ဆိုရင်လည်း ကောင်းပါတယ်” ဟု ပြောသည်။ ထိုအစည်းအဝေးသို့ တက်ရောက်ရန် နာဂခေါင်းဆောင်များ မြန်မာပြည်သို့ လမ်းကြောင်းနှစ်ခုခွဲ၍ ထွက်ခွါသွားကြပြီဖြစ်ပြီးမဟာဗျူဟာနှင့်အပစ်ရပ်ရေးအတွက်စံချိန်စံညွှန်းများကိုဆွေးနွေးချမှတ်ကြမည်ဖြစ်
ကြောင်း နာဂလန်းပို့စ်တွင်ဖော်ပြထားသည်။

S.S.Khaplang ဦးဆောင်သည့် NSCN (K) အဖွဲ့သည် ယခုအခါ အင်အား ၅ဝဝ ခန့်ရှိပြီး မြန်မာပြည် နာဂတောင်တန်းဒေသ၊ စစ်ကိုင်းတိုင်း လဟယ်မြောက်ခြမ်းဒေသနှင့် နန်းယွန်းမြို့နယ်များတွင် အခြေစိုက်လှုပ်ရှားနေကြောင်း သိရသည်။

မူလ NSCN ကို ၁၉၈ဝ ခုနှစ် ဇန်နဝါရီလ ၃ဝ ရက်နေ့က စတင်ဖွဲ့စည်းပြီး အိန္ဒိယ အရှေ့မြောက် ပြည်နယ်များတွင် အခြေချနေထိုင်သည့် နာဂမျိုးနွယ်စုများနှင့် မြန်မာနိုင်ငံ စစ်ကိုင်းတိုင်းအတွင်းရှိ နာဂမျိုးနွယ်စုများ ပြန်လည်သွေးစည်းညီညွှတ်ရေး၊ နာဂအမျိုးသားများ လွတ်လပ်ရေးအတွက် လက်နက်ကိုင် လှုပ်ရှားခဲ့ကြသည်။ ၁၉၈၈ ခုနှစ်တွင် NSCN အဖွဲ့သည် S.S.Khaplang ဦးဆောင်သည့် NSCN (K) နှင့် Isak Chisi Swu နှင့် Thuingaleng Muivah တို့ ဦးဆောင်သည့် NSCN (IM) ဟူ၍ နှစ်ခြမ်း ကွဲသွားခဲ့သည်။ IM အဖွဲ့မှာ အိန္ဒိယနယ်မြေတွင် အခြေစိုက်ကာ K အဖွဲ့မှာ မြန်မာနယ်မြေတွင် အခြေစိုက်လှုပ်ရှားနေကြခြင်းဖြစ်သည်။

၂ဝ၁၁ ဧပြီလ ၂၈ ရက်နေ့က NSCN (K) အဖွဲ့သည် အိန္ဒိယအစိုးရနှင့် အပစ်အခတ် ရပ်စဲရေး သဘောတူ လက်မှတ်ရေးထိုးထားပြီး ဧပြီလ မကုန်မီ သက်တမ်းထပ်မံ တိုးမြင့်ရန်ရှိသည်။ မြန်မာနိုင်ငံ ၂ဝဝ၈ ခုနှစ် ဖွဲ့စည်းပုံတွင် နာဂတောင်တန်းဒေသ လေရှီး၊ လဟယ်၊ နန်းယွန်းမြို့နယ်များကို စုစည်းကာ နာဂ ကိုယ်ပိုင်အုပ်ချုပ်ခွင့်ရဒေသအဖြစ် ဖော်ပြထားပြီးနောက် ၂ဝ၁ဝ ခုနှစ်တွင်းမှစ၍ မြန်မာအစိုးရနှင့် NSCN (K) တို့အကြား တိုက်ခိုက်မှုများ မရှိခဲ့ကြောင်း သိရသည်။


ရထား ၀န်ကြီး ဦးအောင်မင်း နော်ဝေး ရောက်


အစိုးရ ငြိမ်းချမ်းရေး ဖော်ဆောင်ရေး အဖွဲ့ ခေါင်းဆောင်တဦး ဖြစ်သည့် မီးရထား ၀န်ကြီး ဦးအောင်မင်းသည် ဧပြီ ၁၅ ရက်က နော်ဝေး နိုင်ငံသို့ ရောက်ရှိနေကြောင်း သိရသည်။ ယင်းခရီးစဉ်သည် မြန်မာနိုင်ငံတွင်း တိုင်းရင်းသား လက်နက်ကိုင် အဖွဲ့များနှင့် အစိုးရကြား ဆွေးနွေးနေသည့် အခြေအနေများနှင့် ပတ်သက်ပြီး နော်ဝေးအစိုးရကို ရှင်းလင်းပြောဆိုရန် ဖြစ်ကြောင်း သိရသည်။


ဝန်ကြီး ဦးအောင်မင်း၏ နော်ဝေ ခရီးစဉ် အတိုင်းထက်အလွန် အောင်မြင်ဟုဆို 


မြန်မာအစိုးရ ဝန်ကြီးတဦး၏ ပထမဆုံးသော နော်ဝေနိုင်ငံ ခရီးစဉ်အဖြစ် ပြည်ထောင်စုအဆင့် ငြိမ်းချမ်းရေး ဆွေးနွေးရေးအဖွဲ့ခေါင်းဆောင် ရထားဝန်ကြီး ဦးအောင်မင်း နော်ဝေ အစိုးရဝန်ကြီးများနှင့် အော်စလိုမြို့သို့ သွားရောက် တွေ့ဆုံဆွေးနွေးခဲ့ရာ အလွန်အောင်မြင်သည့် ခရီးစဉ် ဖြစ်ခဲ့သည်ဟု ခရီးစဉ်အတွင်း လိုက်ပါသွားခဲ့သူဒေါက်တာ ကျော်ရင်လှိုင်က ပြောသည်။

ဦးအောင်မင်း ဦးဆောင်သည့် မြန်မာကိုယ်စားလှယ်အဖွဲ့သည် နော်ဝေ နိုင်ငံခြားရေးဝန်ကြီး Jonas Gahr Støre နှင့်ဒေသတွင်း ဖွံ့ဖြိုးရေးဝန်ကြီး Liv Signe Navarsete တို့နှင့် အင်္ဂါနေ့က တွေ့ဆုံရာတွင် မြန်မာပြည် ငြိမ်းချမ်းရေး လုပ်ငန်းစဉ်များ၊ စစ်ပြေးဒုက္ခသည် အရေးတို့တွင် နော်ဝေမှ အဓိကထား ကူညီသွားမည်ဖြစ်ပြီး ဖွံ့ဖြိုးရေး လုပ်ငန်းများ တွင် ကူညီမှုများပြုလုပ်သွားနိုင်ရန် ဆွေးဆွေးခဲ့ကြသည်ဟုလည်း ဒေါက်တာ ကျော်ရင်လှိုင်ကိုပြောသည်။

မြန်မာကိုယ်စားလှယ်အဖွဲ့တွင် ဦးအောင်မင်း နှင့်အတူ ငြိမ်းချမ်းရေးအကျိုးဆောင်များ ဖြစ်ကြသည့် ဦးတင်မောင်သန်း၊ ဦးလှမောင်ရွှေ၊ ဒေါက်တာကျော်ရင်လှိုင် တို့အပါအဝင် ကိုယ်စားလှယ် ခြောက်ဦး လိုက်ပါသွားခဲ့ကြသည်ဟု သိရသည်။ ဗုဒ္ဓဟူးနေ့တွင်လည်း နော်ဝေနိုင်ငံရှိ NGO များမှ တာဝန်ရှိသူများနှင့် မြန်မာကိုယ်စားလှယ် အဖွဲ့တို့ ဖွံ့ဖြိုးရေးလုပ်ငန်း များအတွက် အကူအညီပေးနိုင်ရန် ဆွေးနွေးလျက်ရှိသည်။ မြန်မာကိုယ်စားလှယ်အဖွဲ့သည် သောကြာနေ့တွင်မြန်မာနိုင်ငံသို့ ပြန်လာကြမည် ဖြစ်သည်။


အစိုးရထံ လက်နက်ချသွားသူများမှာ ပြည်သူ့စစ်များဟု KIA ပြော


မြန်မာအစိုးရထံသို့ လက်နက်ဖြင့် ဝင်ရောက်သွားသူများမှာ ကချင်လွတ်လပ်ရေးတပ်မတော် KIA တပ်ဖွဲ့ဝင်များ မဟုတ်ဘဲ အရပ်သား ပြည်သူ့စစ် အဖွဲ့ဝင်များဖြစ်ကြောင်း KIA ဒုစစ်ဦးစီးချုပ် ဗိုလ်မှူးချုပ် ဂွမ်မော်က ပြောသည်။

ဗုဒ္ဓဟူးနေ့ထုတ် နိုင်ငံပိုင် ကြေးမုံသတင်းစာတွင် ပါရှိသည့် “ကေအိုင်အေ တပ်ဖွဲ့ဝင် ၄၂ ဦး လက်နက်နှင့်ငြိမ်းချမ်းရေး လဲလှယ်ဝင်ရောက်” ဟူသည့်သတင်းအား KIA မှ တုန့်ပြန်လိုက်ခြင်း ဖြစ်သည်။

“ကျနော်တို့ အမြဲတမ်းစစ်သားတွေ မဟုတ်ပါဘူး။ ကျေးရွာအုပ်ချုပ်ရေးနဲ့ တိုက်နယ် အုပ်ချုပ်ရေးဌာနမှာ ဖွဲ့စည်းထားတဲ့ပြည်သူ့စစ် အဖွဲ့ဝင်တွေ ဖြစ်ပါတယ်။ သူတို့ အဖွဲ့ အချင်းချင်း၊ သူတို့ခေါင်းဆောင်နဲ့ သင်္ကြန်ကာလအတွင်းမှာ ခွင့်တောင်းတာကို ခွင့်မရလို့ စကားများကြပြီးတော့ အဲဒီနီးစပ်တဲ့စခန်းကို လက်နက်နဲ့ ဝင်သွားတာ ဖြစ်ပါတယ်”ဟု ဗိုလ်မှူးချုပ် ဂွမ်မော် က ပြောသည်။ ကြေးမုံသတင်းစာတွင် ဧပြီလ ၁၆ ရက်နေ့က KIA တပ်မဟာ ၅ မှ တပ်ကြပ်အဆင့်ရှိ ကျော်ဆန်း ဦးဆောင်သော တပ်သား ၃၅ ဦးက လက်နက်မျိုးစုံ ၂၃ လက်နှင့်အတူ မြစ်ကြီးနားမြို့နယ် တာလောကြီးစခန်းသို့လည်းကောင်း၊ ဧပြီလ ၁၇ ရက်နေ့တွင် မြစ်ကြီးနားတပ်စခန်းသို့ ကေအိုင်အေ တပ်ဖွဲ့ဝင်နှစ်ဦးနှင့် တာလောကြီး တပ်စခန်းသို့ကေအိုင်အေ တပ်ဖွဲ့ဝင် ငါးဦးကလည်းကောင်း လက်နက်နှင့် ငြိမ်းချမ်းရေးလဲလှယ် ဝင်ရောက်လာခဲ့ကြောင်း ဖော်ပြ ထားသည်။

“သင်္ကြန်မှာ အထက်ကို ခွင့်တောင်းတဲ့ကိစ္စကို သင်္ကြန်ဆိုပေမယ့် လုံခြုံရေးအရ အခက်အခဲ ရှိတယ်ဆိုပြီးတော့ စကားများကြတယ်။ စကားများတာက တပ်ဖွဲ့မှူးနဲ့ ဖြစ်တယ်လို့ပြောတယ်။ စကားများပြီး အဲဒီအဖွဲ့က နီးစပ်ရာစခန်းကို ဝင်သွားတာပါ။ ကျနော်တို့ အဲဒီတပ်ဖွဲ့မှူးကို ရှာနေတာ သူကလည်း သူ့တပ်တွေ အဲဒီလို ဖြစ်တော့ စိုးရိမ်ပြီးတော့ရှောင်နေတာနဲ့ ကျနော်တို့ ရှာလို့ မရသေးဘူး”ဟု ဗိုလ်မှူးချုပ် ဂွမ်မော် က ဆက်ပြောသည်။

KIO တွင် မြို့နယ်အဆင့် လက်အောက် ကျေးရွာအလိုက် ပြည်သူ့စစ်အင်အား ၄ သောင်းနီးပါး ဖွဲ့စည်းထားရှိသည်ဟု ဗိုလ်မှူးချုပ် ဂွမ်မော်က ပြောသည်။ ယခုကဲ့သို့ ပြည်သူ့စစ်တပ်ဖွဲ့များ အစိုးရတပ်များသို့ ဝင်ရောက်သွားခြင်းမှာ ပြည်သူ့စစ်ခေါင်းဆောင်ပိုင်း အုပ်ချုပ်မှု အားနည်းနေခြင်းကြောင့် ဖြစ်ပြီး အဆိုပါ ပြဿနာအား သက်ဆိုင်ရာတပ်ဖွဲ့များ စုံစမ်းရန် တာဝန်ပေးထားပြီးဖြစ်ကြောင်း သိရသည်။

KIA တပ်မဟာ ၂၊ ၃၊ ၄၊ ၅ နယ်မြေများတွင် အစိုးရတပ်များနှင့် တိုက်ပွဲများ ဖြစ်ပွားနေဆဲဖြစ်သည်ဟု KIA က ဆိုသည်။ အစိုးရဘက်မှ KIA တပ်မဟာ ၂ နယ်မြေအတွင်း ပြီးခဲ့သည့် သင်္ကြန်ရက်များအတွင်း စစ်ကိုင်းတိုင်း အခြေစိုက် နမခ မှ အနည်းဆုံး တပ်ရင်း ၃ ရင်းခန့်က ချင်းတွင်းမြစ်မှ ဝင်ရောက်လာနေသည်ဟု ဗိုလ်မှူးချုပ် ဂွမ်မော်က  “တိုက်ပွဲက အရင်လောက် မဖြစ်ဘူး။ ဒါပေမယ့် တပ်လှုပ်ရှားမှုတွေ များလာပြီးတော့ အခုက စစ်ကိုင်းတိုင်း နမခ တပ်တွေက ကျနော်တို့တပ်မဟာ ၂ ဂွင်ထဲကို ဝင်လာတာ ရှိတယ်။ ချင်းတွင်းမြစ် အထက်ပိုင်း ဟူးကောင်းချိုင့်ဝှမ်းဒေသ၊ ခန္တီးအထက် တနိုင်းမြို့ရဲ့ အောက်ဘက်မှာ ဗျူဟာအလိုက် ဝင်လာတာပါ။ ချင်းတွင်းမြစ်ကြောင်းကနေ ကားနဲ့ရော စစ်လှေတွေနဲ့ ဝင်လာတယ်”ဟု သူက ပြောသည်။

မြန်မာအစိုးရအနေဖြင့် နိုင်ငံရေးအရ တွေ့ဆုံ ဆွေးနွေးမှု ပုံစံမဟုတ်ဘဲ အပစ်အခတ် ရပ်စဲရေးကိုသာ ဖော်ဆောင်ရန် အတွက် ဖိအားပေးခြင်း ဖြစ်သည်ဟု KIO က ယူဆနေသည်။ ယနေ့ထိ အစိုရး၏ ငြိမ်းချမ်းရေး ကိုယ်စားလှယ်များ ဘက်မှ ထပ်မံ ဆွေးနွေးရန် အကြောင်းကြားလာခြင်း မရှိသေးကြောင်း သိရသည်။

ဗုဒ္ဓဟူးနေ့ထုတ် ကြေးမုံသတင်းစာတွင်မူ ကချင်ပြည်နယ် တည်ငြိမ်အေးချမ်းမှု ညှိနှိုင်းရေးအဖွဲ့နှင့် ကေအိုင်အို/
ကေအိုင်အေတို့အကြား ၂ဝ၁၁ ခုနှစ် ဇွန်လမှ သြဂုတ်လအတွင်း သုံးကြိမ် တွေ့ဆုံဆွေးနွေးခဲ့ပြီး ပြည်ထောင်စုအဆင့် ငြိမ်းချမ်းရေးဆွေးနွေးရေးအဖွဲ့နှင့် ကေအိုင်အို/ကေအိုင်အေတို့အကြား ကေအိုင်အို/ကေအိုင်အေဘက်မှ တောင်းဆို သည့်အတိုင်း ရွှေလီမြို့တွင် သုံးကြိမ်တိုင်တိုင် တွေ့ဆုံ၍ ထာဝရငြိမ်းချမ်းရေးနှင့် အပစ်အခတ်ရပ်စဲရေး ညှိနှိုင်းဆွေးနွေးမှုများ ပြုလုပ်ခဲ့သည်ဟုဆိုသည်။

သို့သော် ထာဝရငြိမ်းချမ်းရေး အလှမ်းကွာဝေးနေရသည်မှာ “တဖက်သတ် သဘောထားအမြင် တင်းမာကြသည့်ကေအိုင်အို/ကေအိုင်အေ ခေါင်းဆောင်ပိုင်းအချို့ကြောင့်” ဟု ကြေးမုံသတင်းစာတွင် ရေးသားဖော်ပြထားသည်။

သမ္မတ ဦးသိန်းစိန်နှင့် အစိုးရ၀န်ကြီးအဖွဲ့ ဂျပန်အစိုးရနှင့် တွေ့ဆုံဆွေးနွေးမည်


သမ္မတ ဦးသိန်းစိန်နဲ့ အစိုးရ၀န်ကြီး အဖွဲ့ဝင်တချို့ဟာ ဂျပန်နိုင်ငံကို လာမယ့် ဧပြီလ ၂၀ ရက်နေ့ ကနေ ၂၄ ရက်နေ့အထိ သွားရောက်လည်ပတ်ပြီး ဂျပန်အစိုးရ ခေါင်းဆောင်တွေနဲ့ တွေ့ဆုံဆွေးနွေးမယ်လို့ သိရပါတယ်။
ဂျပန်နိုင်ငံမှာ ရောက်ရှိနေစဉ် သမ္မတ ဦးသိန်းစိန်ဟာ ၀န်ကြီးချုပ် ယိုရှီဟီကို နိုဒါး (Yoshihiko Noda) နဲ့ တွေ့ဆုံဆွေးနွေးမှာ ဖြစ်ပါတယ်။ ဒါ့အပြင် လာမယ့် ဧပြီလ ၂၁ ရက်နေ့ ဂျပန်နိုင်ငံမှာ ကျင်းပမယ့် မဲခေါင်ဒေသနိုင်ငံတွေနဲ့ ဂျပန်နိုင်ငံ ထိပ်သီးအစည်းအဝေးကိုလည်း တက်ရောက်မှာ ဖြစ်ပါတယ်။
မဲခေါင်ဒေသ အဖွဲ့ဝင်နိုင်ငံတွေကတော့ မြန်မာ၊ လာအို၊ ကမ္ဘောဒီးယား၊ ထိုင်းနဲ့ ဗီယက်နမ်နိုင်ငံတွေ ဖြစ်ပါတယ်။ အနောက်နိုင်ငံတွေက မြန်မာနိုင်ငံအပေါ် ပိတ်ဆို့အရေးယူမှုတွေ ချမှတ်ခဲ့စဉ်ကတည်းက ဂျပန်ုအစိုးရဟာ မြန်မာအစိုးရ အဆက်ဆက်နဲ့ ဆက်ဆံရေး နီးကပ်အောင် ကြိုးပမ်းခဲ့တာ ဖြစ်ပါတယ်။
ပိတ်ဆို့ အရေးယူမှုတွေ ချထားခြင်းဟာ မြန်မာအစိုးရကို တရုတ်နိုင်ငံနဲ့ နီးကပ်သွားအောင် တွန်းအားပေးသလို ဖြစ်မယ်ဆိုတဲ့ အယူအဆကို ဂျပန်နိုင်ငံက လက်ခံယုံကြည်ထားတယ်လို့ ဆိုပါတယ်။ သမ္မတ ဦးသိန်းစိန်ဟာ ၀န်ကြီးချုပ်အဖြစ် ၂၀၀၉ ခုနှစ်က ဂျပန်နိုင်ငံကို သွားရောက်လည်ပတ်ဖူးပါတယ်။

ကူညီရေး လုပ်ငန်းတွေအတွက် ဘဏ္ဍာရေး ပိတ်ဆို့မှုတချို့ အမေရိကန် လျှော့ပေါ့


အမေရိကန် ပြည်ထောင်စုက မြန်မာနိုင်ငံအပေါ် ချမှတ်ထားတဲ့ ပိတ်ဆို့ အရေးယူမှုတွေအနက် ဘဏ္ဍာရေးဆိုင်ရာ ပိတ်ဆို့မှုတချို့ကို အင်္ဂါနေ့က လျှော့ချပေးလိုက်ပါတယ်။ဧပြီလ (၄) ရက်နေ့ က အမေရိကန် နိုင်ငံခြားရေးဝန်ကြီး မစ္စစ် ကလင်တန် ထုတ်ပြန်ခဲ့တဲ့ ကြေညာချက်နဲ့အညီ အမေရိကန် ဘဏ္ဍာရေး ဝန်ကြီးဌာနက အခုလို လျှော့ချပေးတာ ဖြစ်ပါတယ်။
အဲဒီတုန်းက နိုင်ငံခြားရေးဝန်ကြီး ကလင်တန်က ကြားဖြတ်ရွေးကောက်ပွဲ အောင်အောင်မြင်မြင် ကျင်းပ ပြီးစီးခဲ့တဲ့အပေါ် အမေရိကန်အနေနဲ့  ပြန်လည် တုံ့ ပြန်မယ်လို့ ကြေညာခဲ့တာပါ။
အခုလို ဘဏ္ဍာရေးဆိုင်ရာ ပိတ်ဆို့မှုတချို့ လျှော့ချပေးလိုက်တာကြောင့် မြန်မာနိုင်ငံအတွက် အမေရိကန်နိုင်ငံသားတွေရဲ့ လူသားချင်း စာနာမှုဆိုင်ရာ အကူအညီပေးရေး လုပ်ငန်းတွေ၊ ဒီမိုကရေစီ မြင့်တင်ရေးဆိုင်ရာ လုပ်ငန်းတွေဟာ ဘဏ္ဍာရေးဆိုင်ရာ ကန့်သတ်မှုတွေကနေ လွတ်ကင်းသွားပြီ ဖြစ်ပါတယ်။
ဒီကိစ္စနဲ့ ပတ်သက်ပြီး အမေရိကန် နိုင်ငံခြားရေး ဝန်ကြီးဌာန ဒုတိယ ပြောခွင့်ရပုဂ္ဂိုလ် Mark Toner က - အမေရိကန် ပြည်ထောင်စု ဘဏ္ဍာရေးဝန်ကြီးဌာနက မြန်မာနိုင်ငံမှာ ကုသိုလ်ဖြစ် လူမှုရေးလုပ်ငန်းတွေအတွက် ဘဏ္ဍာရေးဆိုင်ရာ ကန့်သတ်မှုတွေကို လျှော့ချပေးလိုက်ပါတယ်။ ဒီလုပ်ငန်းတွေထဲမှာ ကျန်းမာရေးလုပ်ငန်း၊ ပညာရေးလုပ်ငန်း၊ကောင်းမွန်တဲ့ အစိုးရဖြစ်ရေးလုပ်ငန်း စတာတွေ ပါဝင်ပါတယ်လို့ ပြောဆိုပါတယ်။
ကန့်သတ်မှုတချို့ ရုပ်သိမ်းလိုက်တဲ့အတွက် အမေရိကန် ဘာသာရေးမစ်ရှင်တွေ အနေနဲ့လည်း မြန်မာနိုင်ငံမှာ ငွေကြေးသုံးစွဲနိုင်ခွင့် ရရှိသွားပြီ ဖြစ်ပါတယ်။ ဒါပေမဲ့ ဒီမိုကရေစီရေးကို ဆန့်ကျင်တဲ့ပုဂ္ဂိုလ်တွေနဲ့ လူ့အခွင့်အရေး ဖောက်ဖျက်ကျူးလွန်တဲ့ ပုဂ္ဂိုလ်တွေ အတွက်ကတော့ ဒီလျှော့ချမှုတွေဟာ အကျုံးမဝင်ဘူးလို့ သိရပါတယ်။

EU နိုင်ငံခြားရေးမူဝါဒအကြီးအကဲ မြန်မာ ခရီးစဉ် အတည်ပြု


မြန်မာနိုင်ငံမှာ ကျင်းပပြုလုပ်ခဲ့တဲ့ ကြားဖြတ်ရွေးကောက်ပွဲဟာ မြန်မာနိုင်ငံရေးမှာ အရေးကြီးတဲ့အခြေအနေဖြစ်သလို ကြီးမားတဲ့ တိုးတက် ဖြစ်ထွန်းမှုတရပ်ဖြစ်တယ်လို့ EU ဥရောပသမဂ္ဂရဲ့ နိုင်ငံခြားရေး မူဝါဒဆိုင်ရာအကြီးအကဲ Catherine Ashton က ပြောလိုက်ပါတယ်။ ဒါကြောင့်မို့ မြန်မာနိုင်ငံအတွင်း ပြုပြင်ပြောင်းလဲမှုတွေ အရှိန်ပိုရလာဖို့ EU အနေနဲ့ မြန်မာနိုင်ငံနဲ့ တတ်တတ်ကြွကြွ ပူးပေါင်း ဆောင်ရွက်မှာ ဖြစ်သလို သူ့အနေနဲ့လည်း မြန်မာနိုင်ငံကို အခုလကုန်ပိုင်းမှာ သွားရောက်ဖို့ရှိတယ်လို့ EU နိုင်ငံခြားရေးအကြီးအကဲက ပြောလိုက်ပါတယ်။ ဒီအကြောင်း ကိုသားညွန့်ဦးက တင်ပြပေးထားပါတယ်။

မြန်မာနိုင်ငံအတွင်း အပြောင်းအလဲတွေ အထူးသဖြင့် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ သမ္မတဦးသိန်းစိန်တို့အကြား ယုံကြည်မှုတည်ဆောက်နိုင်တဲ့ အခြေအနေတွေကို မြင်တွေ့နေရပြီလို့ EU ဥရောပသမဂ္ဂ နိုင်ငံခြားရေး မူဝါဒပိုင်းဆိုင်ရာ အကြီးအကဲ Catherine Ashton က မနေ့တုန်းက ဥရောပပါလီမန်မှာ ပြောသွားတာပါ။ EU ရဲ့ မြန်မာအပေါ် မူဝါဒပိုင်းဆိုင်ရာ ပြန်သုံးသပ်တဲ့အခါမှာ အဓိကအားဖြင့်တော့ မကြာသေးခင်တုန်းက နယ်ပယ်သုံးခုအတွင်း ဖြစ်ထွန်းတိုးတက်မှုတွေကို ပြန်ကြည့်ရမယ်လို့ Ms.Ashton က ပြောပါတယ်။

ပထမဆုံးအချက်ကတော့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ အာဏာပိုင်တွေ အကြား ပြန်လည်ရင်ကြားစေ့ရေး၊ ဒုတိယ အချက် နိုင်ငံရေးအကျဉ်းသားတွေ လွတ်မြောက်မှုကိစ္စနဲ့ တတိယအချက်ကတော့ တိုင်းရင်းသားဒေသတွေမှာ ငြိမ်းချမ်းကြိုးပမ်းမှုတွေ ဖြစ်တယ်လို့ ဆိုသွားပါတယ်။ မကြာသေးခင်တုန်းက ကျင်းပပြုလုပ်ခဲ့တဲ့ ကြားဖြတ်ရွေးကောက်ပွဲကို ကြီးမားတဲ့ ဖြစ်ထွန်းတိုးတက်မှုကြီး တရပ်အဖြစ်နဲ့ Ms.Ashton က သုံးသပ်ပါတယ်။

“မဲလိမ်မှုတွေ အကြီးအကျယ်ရှိခဲ့တဲ့ ၂၀၁၀ ရွေးကောက်ပွဲနဲ့ ယှဉ်ရင်တော့ ဒါဟာ အတော်ကြီးကို တိုးတက်လာတဲ့အခြေအနေပါ။ အပြောင်းအလဲအတွက် နှစ်ငါးဆယ်လောက် စိတ်ပျက်လက်ပျက် အခြေအနေတွေနဲ့ စိတ်ရှည်ရှည်စောင့်ဆိုင်းခဲ့ရတဲ့ မြန်မာလူထုအတွက်တော့ ဘာမှ မဟုတ်လောက်တဲ့အခြေအနေတွေဆိုပေမယ့် ဒါဟာ အရေးကြီးတဲ့ဖြစ်ရပ်တွေပါ။

"နိုင်ငံရေးအကျဉ်းသား အတော်များများ လွတ်မြောက်လာတာနဲ့ပတ်သက်လို့ အသိအမှတ်ပြု ချီးကျူးပေမယ့်လည်း တဘက်မှာ အရေအတွက် ခန့်မှန်းလို့မရတဲ့ နိုင်ငံရေးအကျဉ်းသားတွေ အကျဉ်းထောင်တွေအတွင်း ကျန်နေသေးတယ်ဆိုတာကိုလည်း Catherine Ashton က ထောက်ပြခဲ့ပါတယ်။ ဒီကျန်သူတွေ လွတ်မြောက်ရေးကိုလည်း EUအနေနဲ့ ဆက်လုပ်သွားမယ်လို့ ဆိုပါတယ်။
EU နိုင်ငံခြားရေးအကြီးအကဲ Catherine Ashton ကိုယ်တိုင် ဦးဆောင်တဲ့ EU ဥရောပသမဂ္ဂ ကိုယ်စားလှယ်အဖွဲ့ဟာ မကြာခင်မှာ မြန်မာ နိုင်ငံကို သွားရောက်ဖို့ စီစဉ်နေပါပြီ။ အစိုးရကိုရော အတိုက်အခံကိုပါ တွေ့ဆုံသွားမှာဖြစ်တယ်လို့ ဥရောပသမဂ္ဂ နိုင်ငံခြားရေးမူဝါဒရုံး ပြောခွင့်ရသူ Mara Kocijancic က ဗွီအိုအေကို ပြောပါတယ်။

“ခရီးစဉ်အတွက် ရက်သတ်မှတ်တာမျိုး နောက်ဆုံးအဆင့်တော့ မရောက်သေးပါဘူး။ ဒါပေမယ့် ခရီးစဉ် ကတော့ ဧပြီ ၂၈ ရက်နေ့နဲ့ ဧပြီ ၃၀ ကြား ဖြစ်ဖို့ များပါတယ်။ EU ကိုယ်စားလှယ်အနေနဲ့ သမ္မတနဲ့ ၀န်ကြီးတွေအပါအ၀င် အစိုးရအဖွဲ့ဝင်တွေရော ဒေါ်အောင်ဆန်းစုကြည်အပါအ၀င် အတိုက်အခံခေါင်းဆောင်တွေကိုပါ တွေ့ဆုံဖို့ မျှော်လင့်ထားပါတယ်။”

ဒီ ခရီးစဉ်မထွက်ခင်မှာတော့ EU ဥရောပသမဂ္ဂအနေနဲ့ မြန်မာနိုင်ငံအပေါ် ချမှတ်ထားတဲ့ အရေးယူမှုတွေကို ပြန်လည်သုံးသပ်ပြီး၊ ဆုံးဖြတ်ချက်တခု ချဖွယ်ရှိနေပါတယ်။ ဒီဆုံးဖြတ်ချက်ဟာ အပြုသဘောဆောင်တဲ့ အခြေအနေဖြစ်ဖို့များတယ်လို့ ပြောခွင့်ရသူက ဆိုပါတယ်။

“EU ဥရောပသမဂ္ဂ နိုင်ငံခြားရေးဝန်ကြီးတွေဟာ အခုလာမယ့် တနင်္လာနေ့ ဧပြီ ၂၃ ရက်နေ့ မှာ မြန်မာနိုင်ငံအပေါ် အရေးယူ ဒဏ်ခတ်ထားမှုတွေ ကိစ္စကို ဆွေးနွေးကြမှာပါ။ အပြုသဘောဆောင်တဲ့ တုန့်ပြန်မှုမျိုးဖြစ်လာမယ်လို့ မျှော်လင့်ထားပါတယ်။”

လက်ရှိ မြန်မာနိုင်ငံအခြေအနေကို တုံ့ပြန်ဖို့ EU ဥရောပသမဂ္ဂအနေနဲ့ ပိတ်ဆို့အရေးယူမှုတွေကို ရုပ်သိမ်း ရုံတင်မလုံလောက်ဘဲ EU ကုမ္ပဏီတွေ မြန်မာနိုင်ငံတွင်း အခွင့်အလမ်းကောင်းတွေ ရှာဖွေနိုင်အောင်နဲ့ တဘက်မှာလည်း ဒီလုပ်ငန်းကုမ္ပဏီတွေအနေနဲ့ မြန်မာ ပြည်သူတွေအပေါ် လူမှုဝတ္တရားတွေရှိတယ်ဆိုတာ အသိစိတ်နဲ့ တာဝန်ယူဖို့ပါ အားပေးတိုက်တွန်းဖို့ လိုမယ်လို့ Ms.Ashton က EU ပါလီမန်ကို ပြောပါတယ်။ သူ့အနေနဲ့ လာမယ့် မြန်မာခရီးစဉ်အတွင်း တိုင်းရင်းသားဒေသတွင်း တည်ငြိမ်ဖွံ့ဖြိုးမှုတွေအတွက်ပါ ကြိုးစားသွားချင်တယ်လို့ EU ပါလီမန်ကို ပြောပါတယ်။

“တိုင်းရင်းသားဒေသတွေမှာ တည်ငြိမ် အေးချမ်းမှုတွေရဖို့ ဆောင်ရွက်သွားချင်ပါတယ်။ ဒီ ဒေသတွေ ဖွံ့ဖြိုး တိုးတက်ရေးအတွက် ရေရှည် အမြင်နဲ့ ဆောင်ရွက်ရမှာပါ။ အဲဒီ ဒေသတွေမှာ အပစ်အခတ်ရပ်စဲရေးနဲ့ တည်တံ့တဲ့ ငြိမ်းချမ်းမှုတွေဖြစ်လာဖို့ ဆောင်ရွက်တဲ့နေရာမှာ အဖွဲ့ဝင်အားလုံးက ကျမကို ကူညီထောက်ခံမယ်လို့ ယူဆပါတယ်။ ဖြစ်ထွန်းမှုတွေအားလုံးမှာ အစိုးရနဲ့ရော အတိုက်အခံနဲ့ပါ ပူးပေါင်းဆောင်ရွက်သွားကြရမှာပါ။”

မြန်မာနိုင်ငံအတွင်းပြုပြင်ပြောင်းလဲတွေအရှိန်ကောင်းလာဖို့နဲ့ စီးပွားရေး၊ နိုင်ငံရေး၊ လူမှုရေး ဖွံ့ဖြိုး တိုးတက်မှုတွေအတွက် EU အနေနဲ့ မြန်မာနိုင်ငံနဲ့ တတ်တတ်ကြွကြွ ပူးပေါင်းဆောင်ရွက်သွားမယ်လို့ Ms.Ashton က ပြောသွားပါတယ်။ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာလည်း လွန်ခဲ့တဲ့ ၂၁ နှစ်တုန်းက EU ပါလီမန်က ပေးထားတဲ့ Sakhrov ဆုကို ကိုယ်တိုင် လက်ခံယူနိုင်ဖို့ မကြာခင် EU ပါလီမန်ကို လာရောက်နိုင်လိမ့်မယ်လို့ မျှော်လင့်တဲ့အကြောင်းလည်း Catherine Ashon က EU ပါလီမန်အတွင်းမှာ မနေ့တုန်းက ပြောခဲ့ပါတယ်။

မြန်မာအပေါ်ပိတ်ဆို့မှု အီးယူ ပိုမိုလျှော့ပေါ့မည်


ဥရောပသမဂ္ဂ အီးယူ အနေနဲ့ မြန်မာအပေါ်ချမှတ်ထားတဲ့ ပိတ်ဆို့ အရေးယူမှုတွေကို အရင်ကထက် ပိုပြီး လျှော့ပေါ့သွားမယ်လို့ အီးယူ နိုင်ငံခြားရေး မူဝါဒဆိုင်ရာ အကြီးအကဲ မစ္စ ကက်သရင်း အက်ရှတန်က အင်္ဂါနေ့က ပြောလိုက်ပါတယ်။ပြီးခဲ့တဲ့ ဇန်န၀ါရီလက မြန်မာအစိုးရအပေါ် ဥရောပ ခရီးသွားလာခွင့်ဗီဇာ ပိတ်ပင်ထားတာကို မိမိတို့ ယာယီဆိုင်းငံ့ ခဲ့ပါတယ်။ ဒီလကုန်ပိုင်းမှာတော့ ပိတ်ဆို့မှုတွေကို ပိုပြီး လျှော့ပေါ့ပေးသွားမှာ ဖြစ်ပါတယ်လို့ ဥရောပပါလီမန်မှာ ပြောကြားခဲ့ပါတယ်။
မိမိတို့ အနေနဲ့ လက်ရှိမြန်မာပြည်မှာ တွေ့မြင်နေရတာတွေဟာ ရှေ့ကိုတိုးတက်ရေးအတွက် အခွင့်အလမ်းပဲလို့ မျှော်လင့်ပါတယ်။ မိမ်ိတို့ အနေနဲ့လည်း အခုထက်ရှေ့ကိုတိုးပြီး မြန်မာပြည်နဲ့အတူ ပူးပေါင်းဆောင်ရွက်ဖို့ လိုပါတယ်။ မြန်မာ့ပြုပြင် ပြောင်းလဲမှုတွေကို ပံ့ပိုး၊ စီးပွားရေး၊ နိုင်ငံရေး၊ လူမှုရေး တိုးတက်ဖွံ့ဖြိုးလာအောင် အားပေးကူညီကြရမှာ ဖြစ်ပါတယ်လို့ မစ္စ အက်ရှတန်က ပြောဆိုပါတယ်။
ဒါပေမဲ့ ဘာတွေကို ဘယ်လောက်အထိ ပိုပြီးလျှော့ပေါ့ပေးမှာလဲဆိုတာ အသေးစိတ် မပြောဆိုခဲ့ပါဘူး။ လာမယ့် ဧပြီလ (၂၃) ရက် တနင်္လာနေ့ကျရင် အီးယူ နိုင်ငံခြားရေးဝန်ကြီးတွေ ဂျာမဏီနိုင်ငံ လူဇင်းဘတ်မြို့မှာ မြန်မာကိစ္စ ဆွေးနွေး ဆုံးဖြတ်ကြမှာ ဖြစ်ပါတယ်။
အဲဒီအခါ ဥရောပနိုင်ငံတွေကို မြန်မာပြည်မှာ ရင်းနှီး မြှုပ်နှံခွင့်တွေ ဖွင့်ပေးတာ၊ အရင်က တင်သွင်းဖို့ ပိတ်ဆို့ထားခဲ့တဲ့ မြန်မာ့ ကျောက်မျက်ရတနာ၊ သစ်၊ သတ္တုစတာတွေအပေါ် ပြန်ဖွင့်ပေးတာတွေ ပေါ်ပေါက်လာလိမ့်မယ်လို့ လေ့လာသူတွေက မှန်းဆနေကြပါတယ်။ ဒါပေမဲ့ လက်နက် အရောင်းအ၀ယ် ပိတ်ဆို့ထားတာကိုတော့ ဆက်လက် ကိုင်စွဲထားလိမ့်မယ်လို့လည်း မျှော်လင့်ကြပါတယ်။
ဒီအတွင်း မြန်မာ နိုင်ငံခြားရေးဝန်ကြီးကို ဘရပ်ဆဲမြို့ကို လာရောက်ဖို့ ဖိတ်ကြားထားပြီး၊ မိမိလည်း ဧပြီလ ၂၈ ရက် ကနေ ၃၀ ရက်နေ့အထိ မြန်မာနိုင်ငံကို သွားရောက်မှာဖြစ်ကြောင်း အီးယူ နိုင်ငံခြားရေးမူဝါဒဆိုင်ရာ အကြီးအကဲ မစ္စ ကက်သရင်း အက်ရှတန်က ဥရောပပါလီမန်မှာ ပြောဆိုခဲ့ပါတယ်။


အမေရိကန် နှင့် သြစတြေးလျ ပိတ်ဆို့မှု လျှော့ချ


အမေရိကန်နှင့် သြစတြေးလျ နိုင်ငံများက မြန်မာအပေါ် ပိတ်ဆို့ အရေးယူမှုတချို့ကို လျှော့ချပေးလိုက်သည်။ အမေရိကန်က ဘဏ္ဍာ ရေး ဆိုင်ရာ ပိတ်ဆို့မှုကို ပြန်လည် လျှော့ပေးခြင်းဖြစ်ရာ မြန်မာနိုင်ငံတွင်း အကူအညီများပြုလုပ်နိုင်ရန် ရည်ရွယ်၍ အမေရိ ကန် အဖွဲ့အစည်းများက မြန်မာနိုင်ငံသို့ တိုက်ရိုက်ငွေးကြေး လွှဲပြောင်းမှုကို ခွင့်ပြုလိုက်ကြောင်း ယမန်နေ့က အမေရိကန် ဘဏ္ဍာရေး ၀န်ကြီးဌာနက ထုတ်ပြန်သည်။ မြန်မာ အစိုးရခေါင်းဆောင်များအား ပြည်ဝင်ခွင့် ပြန်ခွင့်ပြုခြင်း၊ အမေရိကန် အစိုးရ၏ နိုင်ငံ တကာဖွံ့ဖြိုးရေးအေဂျင်စီ ရုံးကို မြန်မာပြည်တွင် ဖွင့်လှစ်ခြင်း၊ မြန်မာနိုင်ငံဆိုင်ရာ အမေရိကန်သံအမတ်ကြီး ပြန်လည်ခန့်အပ်ခြင်းတို့ကိုလည်း စီစဉ်နေကြောင်း သိရသည်။

အရှေ့အာရှဒေသ လုံခြုံရေးရာဆိုင်ရာ ဆွေးနွေးပွဲ မြန်မာ့နိုင်ငံရေး ကိစ္စဆွေးနွေးမည်


မြန်မာနိုင်ငံက နိုင်ငံရေး အပြောင်းအလဲကိစ္စကို အရှေ့အာရှဒေသ လုံခြုံရေးရာဆိုင်ရာ အမေရိကန်နဲ့ အိန္ဒိယအစိုးရတို့ ဆွေးနွေးပွဲမှာ အဓိက အကြောင်းအရာတစ်ခုအဖြစ် ထည့်သွင်း ဆွေးနွေးကြမယ်လို့ သိရပါတယ်။
အမေရိကန် နိုင်ငံခြားရေးဝန်ကြီးဌာန အာရှနဲ့ ပစ္စဖိတ်ဒေသဆိုင်ရာ လက်ထောက် နိုင်ငံခြားရေးဝန်ကြီး Kurt Campbell နဲ့ အိန္ဒိယအစိုးရ အရှေ့အာရှဒေသဆိုင်ရာ အကြီးအကဲ Gautam Bambawale တို့ဟာ ဒီကနေ့ နယူးဒေလီမြို့မှာ တွေ့ဆုံဆွေးနွေးကြမှာ ဖြစ်ပါတယ်။ မြန်မာနိုင်ငံက ကြားဖြတ်ရွေးကောက်ပွဲမှာ အမျိုးသားဒီမိုကရေစီ အဖွဲ့ချုပ် အနိုင်ရပြီး လွှတ်တော်ထဲ ၀င်ရောက်တော့မယ့် နိုင်ငံရေး အခြေအနေနဲ့ အိန္ဒိယနိုင်ငံရဲ့ အရှေ့မျှော်မူဝါဒ ဆက်စပ်မှု၊ သက်ရောက်မှုနဲ့ ဖြစ်ပေါ်လာနိုင်တဲ့ ဒေသတွင်း နိုင်ငံရေး အခြေအနေကိုလည်း ထည့်သွင်းဆွေးနွေးမယ်လို့ ဆိုပါတယ်။
အရှေ့အာရှနဲ့ အရှေ့တောင်အာရှဒေသဟာ အမေရိကန်နဲ့ အိန္ဒိယ နှစ်နိုင်ငံစလုံးရဲ့ နိုင်ငံခြားရေးမူဝါဒမှာ ထိပ်တန်းက ပါဝင်လာမှာ ဖြစ်တဲ့အတွက် အိန္ဒိယနဲ့ အမေရိကန် နှစ်နိုင်ငံစလုံးဟာ ဒေသတွင်းလုံခြုံရေး ပူးပေါင်းဆောင်ရွက်ရေး ကိစ္စတွေကို ညှိနှိုင်း ဆွေးနွေးကြမှာလို့ ဆိုပါတယ်။

မနန်းဝိုးဖန်အမှု တိုင်ကြားချက် ရဲလက်မခံ


အထူးစုံစမ်း စစ်ဆေးရေး ဦးစီးဌာန (စသုံးလုံး) ၏ ခေါ်ယူ စစ်ဆေးမှုအတွင်း မနန်းဝိုးဖန် သေဆုံးရမှုအပေါ် သူ၏ မိသားစုဝင်များက စသုံးလုံးဌာနကို အမှုဖွင့် အရေးယူပေးရန် မြန်မာနိုင်ငံ ရဲတပ်ဖွဲ့သို့တိုင်ကြားခဲ့ သော်လည်း ရန်ကုန်တိုင်း ရဲမှူးကြီး အောင်ဒိုင်းက လက်မခံဘဲ ပယ်ချလိုက်ကြောင်း သိရှိရသည်။

အမေရိကန်ပိတ်ဆို့မှု လျှော့ချရေးတုံ့ပြန်မှု မြန်မာအစိုးရ၊ NLD နဲ့ NGO ကြိုဆို

မြန်မာနိုင်ငံအပေါ် အမေရိကန်ပြည်ထောင်စုက ချမှတ်ထားတဲ့ ငွေရေးကြေးရေးဆိုင်ရာ ဒဏ်ခတ် အရေးယူမှု တချို့ကို ရုပ်သိမ်းပေးလိုက်တဲ့အပေါ် အဓိက နိုင်ငံရေးပါတီကြီးဖြစ်တဲ့ အမျိုးသားဒီမိုကရေစီ အဖွဲ့ချုပ် NLD က ကြိုဆိုလိုက်သလို သမ္မတအကြံပေး ပုဂ္ဂိုလ်တဦးကလည်း ဒါဟာ ကောင်းမွန်တဲ့ ကိစ္စဖြစ်တယ်လို့ ပြောပါတယ်။ ဒီလို ဖြေလျှော့ပေးလိုက်တဲ့ အတွက် မြန်မာနိုင်ငံအတွင်း လူသားချင်း စာနာမှုဆိုင်ရာနဲ့ ဖွံ့ဖြိုးတိုးတက်ရေးဆိုင်ရာ လုပ်ငန်းတွေမှာ အများကြီး အထောက်အကူဖြစ်စေမယ် လို့ ပြည်တွင်း အစိုးရမဟုတ်တဲ့ အဖွဲ့အစည်းတခုရဲ့ တာဝန်ရှိသူတဦးကလည်း ပြောပါတယ်။
အမေရိကန်အခြေစိုက် အစိုးရမဟုတ်တဲ့ အဖွဲ့အစည်းတွေအနေနဲ့ မြန်မာနိုင်ငံက လူထုအခြေခံ လိုအပ်ချက် ဆိုင်ရာ ဒါမှမဟုတ် ဒီမိုကရေစီမြှင့်တင်ရေးဆိုင်ရာ စီမံကိန်းတွေကို အကောင်အထည်ဖော် လုပ်ဆောင်မယ် ဆိုရင် ဘဏ္ဍာငွေကြေးဆိုင်ရာကန့်သတ်ချက်တွေကို ဖြေလျှော့သက်သာပေးတော့မယ်လို့ အမေရိကန် ဘဏ္ဍာရေးဝန်ကြီးဌာန၊ ပင်လယ်ရပ်ခြားပိုင်ဆိုင်ပစ္စည်းများ ထိန်းချုပ်ကွပ်ကဲရေးဆိုင်ရာ ရုံးကနေ အင်္ဂါနေ့မှာ ကြေညာခဲ့တာပါ။

ဒီလိုဖြေလျှော့ပေးလိုက်တဲ့အပေါ် NLD ရဲ့သဘောထားကို ပြောရေးဆိုခွင့်ရှိသူ ဦးဉာဏ်ဝင်းက အခုလိုပြောပါတယ်။

"ကျနော်တို့အမြင်ကို ပြောရရင်တော့ ကြိုဆိုတယ်။ သို့သော် ဒီလို ဆောင်ရွက်ခြင်း၊ မဆောင်ရွက်ခြင်းသည် သက်ဆိုင်ရာနိုင်ငံရဲ့ အဆုံးအဖြတ်သာ ဖြစ်ပါတယ်လို့ ပြောချင်ပါတယ်။"

သမ္မတဦးသိန်းစိန်ရဲ့ အကြံပေးပုဂ္ဂိုလ်တဦးဖြစ်သူ ဒေါက်တာနေဇင်လတ်ကလည်း လုပ်နေတဲ့ အပြောင်းအလဲတွေကို အထောက်အကူဖြစ်စေမယ်လို့ မြင်ပါတယ်။

"နံပါတ်တစ်၊ အလွန်ကောင်းတာပေါ့ဗျာ-နော်၊ နံပါတ်နှစ်ကတော့ ကျနော်တို့က democratization လုပ်နေတဲ့ အချိန်မှာ အထောက်အကူတွေ အများကြီးရတာပေါ့။ လိုချင်တဲ့ ခရီးကို စောစောလေး ရောက်တာပေါ့ဗျာ။"

ဘဏ္ဍာငွေကြေးပိုင်းဆိုင်ရာ အခုလျှော့ပေါ့ပေးလိုက်တာတွေထဲမှာ အကျုံးဝင်တဲ့လုပ်ငန်းတွေ ကတော့ ပြည်တွင်းမှာ အိုးအိမ်စွန့် ထွက်ပြေး ပုန်းအောင်းနေရသူတွေအတွက် အ၀တ်အထည်၊ အစားအစာနဲ့ ဆေးဝါးတွေ ကူညီထောက်ပံ့တာအပြင် အင်္ဂလိပ် ဘာသာစကား လေ့လာသင်ယူရေးနဲ့ စာမတတ်သူ ပပျောက်ရေးဆိုင်ရာ အစီအစဉ်တွေ ပါဝင်ပါတယ်။ ဒါ့အပြင် ကောင်းမွန်တဲ့ အုပ်ချုပ်ရေးကို အထောက်အပံ့ဖြစ်စေတဲ့ စီမံကိန်းတွေ၊ ကျန်းမာရေး၊ ပညာရေးနဲ့ အားကစားကဏ္ဍဆိုင်ရာ စီမံကိန်းတွေ အတွက်လည်း အကျုံးဝင်ပါတယ်။

ဒီိစီမံကိန်းတွေအတွက်ဆိုပြီး လျှော့ပေါ့ပေးလိုက်တာဟာ ဖွံဖြိုးတိုးတက်ရေးအတွက် အထောက်အပံ့ ဖြစ်စေမယ်လို့ ဦးဉာဏ်ဝင်းက ယုံကြည်ပါတယ်။

"ကျနော်တို့မြင်တာကတော့ ဒီ လုပ်ငန်းရဲ့ အသေးစိတ်ကဏ္ဍတွေကပေါ့- အခုသွားနေတဲ့ ပြုပြင်ပြောင်းလဲမှု က အတိုင်းအတာတစ်ခုအထိ သွားနေတယ်ဆိုတာကို လက်ခံတဲ့အနေနဲ့ အတိုးအလျှော့လေးနဲ့ ရုပ်သိမ်းတဲ့ သဘောပါပဲ၊ အဲဒီတော့ လူမှုရေးကိစ္စတွေ၊ ကောင်းမွန်သော အုပ်ချုပ်ရေးကိစ္စတွေဆိုတာ အများကြီးပါ။ လုပ်ငန်းတွေ အများကြီးပါ။ ဒီလုပ်ငန်းတွေအများကြီးအပေါ်မှာ လျှော့လိုက်တော့ ဖွံ့ဖြိုးတိုးတက်ရေးမှာ အထောက်အကူဖြစ်တယ်လို့ ကျနော်တော့ ယုံကြည်ပါတယ်။"

မြန်မာနိုင်ငံအပေါ် ချမှတ်ထားတဲ့ နိုင်ငံတကာရဲ့ ဒဏ်ခတ်အရေးယူမှုတွေဟာ ဒီရက်ပိုင်းတွေအတွင်းမှာပဲ ဆက်တိုက်ဆိုသလို ဖြေလျှော့လာတာဖြစ်ပါတယ်။ မကြာခင်မှာလည်း ဥရောပနိုင်ငံတွေဘက်က ဒဏ်ခတ် အရေးယူမှုတွေ လျှော့ချတော့မယ့် အသံ တွေကိုလည်း ကြားနေရပါတယ်။ ဒဏ်ခတ်အရေးယူမှုတွေ မကြာခင်ကာလအတွင်းမှာ ထပ်ပြီးဖြေလျော့လာဖို့ မြင်ချင်ပါတယ်လို့ ဒေါက်တာနေဇင်လတ်က ဆိုပါတယ်။

"အခုဟာက လူတစ်ယောက်ပြေးနေတဲ့အခါမှာ အပေါ်မှာ ဆန်အိတ်ထမ်းပြီးတော့ မလိုအပ်တဲ့ အလေး အပင်တွေနဲ့ ပြေးနေရတာပေါ့ဗျာ၊ ဆိုတော့..ခရီးက မြန်မြန်ထက်ထက် မရောက်ဘူးပေါ့။ ဒဏ်ခတ် အရေးယူမှု လျော့ကျသွားမယ်ဆိုရင် ကျနော်တို့ကျောပေါ်မှာ ရှိနေတဲ့ အလေးကလည်း ကျသွားမှာပေါ့ဗျာ။ ကျသွားတယ်ဆိုရင် သွားသလောက်ခရီးက ရောက်မှာပေါ့။"

သမ္မတရဲ့ အကြံပေးပုဂ္ဂိုလ်တဦးဖြစ်သူ ဒေါက်တာနေဇင်လတ်ပါ။

ဒေါက်တာခင်ဇော်ဝင်းကတော့ ပြည်တွင်းမှာအခြေစိုက်တဲ့ တမ္ပာဒီပအင်စတီကျူဆိုတဲ့ အစိုးရမဟုတ်တဲ့ အဖွဲ့အစည်း NGO တခုက ညွှန်ကြားရေးမှူးပါ။ ဘဏ္ဍာငွေကြေးပိုင်းဆိုင်ရာ အရေးယူဒဏ်ခတ် မှုတွေကြောင့် ဆိုခဲ့ပါ စီမံကိန်းတွေ အကောင်အထည်ဖော်ရေးမှာ အခက်အခဲ အဟန့်အတားတွေ အများအပြား ကြုံတွေ့ခဲ့ရတဲ့အတွက် အခုလို ဖြေလျှော့ပေးလိုက်တာဟာ အချိန်ကြာမြင့်စွာ ကတည်းက လုပ်သင့်ခဲ့တဲ့ကိစ္စ ဖြစ်ပါတယ်လို့ သူက ပြောပါတယ်။

"ကျနော်ဆိုလို့ရှိရင် ဖွံ့ဖြိုးရေးလောကမှာလည်း ကြာပြီလေ။ NGO လည်း လုပ်နေတယ်ပေါ့။ ကျနော်တို့ အခက်အခဲတွေ အများကြီးတွေ့ရတယ်ခင်ဗျ။ ဗမာပြည်က လိုအပ်ချက်တွေကလည်း များတယ်။ ကိုယ့် donor တွေ၊ fun တွေက နိုင်ငံခြားကနေ သွင်းမယ်ဆိုရင် အခက်အခဲတွေ အများကြီး တွေ့ရပါတယ်။ တခြား INGO (International NGO) တွေလည်း ပါတာပေါ့ဗျာ။ ကျနော်ကတော့ local NGO ပဲပေါ့။ အခုလို လုပ်ခြင်းအားဖြင့် မြန်မာပြည်မှာ လူသားချင်းစာနာမှုဆိုင်ရာ အကူအညီ၊ တခြားလိုအပ်ချက်တွေ၊ ဖွံ့ဖြိုးမှုလုပ်ငန်းတွေအတွက် အများကြီး အထောက်အကူ ဖြစ်နိုင်ပါတယ်။ အခုဟာ ပြောမယ်ဆိုရင်တော့ sanction ကို ရွေးပြီးတော့ လျှော့လိုက်တာပေါ့။ အဲဒါကတော့ အများကြီးပဲ အကျိုးရှိပါတယ်။ ပြောရမယ် ဆိုလို့ရှိရင် လုပ်သင့်နေတာ တော်တော်ကို ကြာပါပြီ။"

မြန်မာနိုင်ငံအပေါ် နိုင်ငံတကာကနေ ဒဏ်ခတ်အရေးယူမှုတွေ ချမှတ်ထားတာမှာ အမေရိကန်ပြည်ထောင်စုက ချမှတ်ထားတာဟာ အများဆုံးနဲ့ အရှုပ်ထွေးဆုံးလို့ ဆိုရမှာပါ။ ဒီအချက်ကို အမေရိကန် တာဝန်ရှိသူတွေ ကိုယ်တိုင်ကလည်း အသိအမှတ်ပြု ပြောဆိုထားပါတယ်။ အရေးယူထားတာ အားလုံးကို တပြိုင်တည်းမှာ ချက်ခြင်းရုပ်သိမ်းဖို့ မဖြစ်နိုင်ဘူးဆိုပေမဲ့လည်း အခုလို တဆင့်ချင်း ဖြေလျှော့ပေးတာတွေကိုတော့ သိပ်မကြာခင် အနာဂတ်ကာလအတွင်းမှာ နောက်ထပ် ဆက်တိုက်လို တွေ့လာကြရဖို့ ရှိပါတယ်ခင်ဗျား။

 LWIN PWIN

NLABR

Web-site:                   www.nlabr.com
Blog:                         http://wanna23-23.blogspot.com/

0 comments:

Post a Comment