ကမ္ဘာ့သတင်းများ 02/05/2012
နိုင်ငံတကာသတင်း
ကြိုတင်မကြေညာဘဲ သမ္မတအိုဘားမား အာဖဂန်ရောက်ရှိ
အာဖဂန်နစ္စတန်နိုင်ငံကို ကြိုတင်မကြေညာဘဲ လျှို့ဝှက်ရောက်ရှိလာခဲ့တဲ့ အမေရိကန်သမ္မတ ဘရက်ခ် အိုဘားမား (Barack Obama)ဟာ ဒီကနေ့ မေလနှစ်ရက်၊ မကြာသေးခင် မြန်မာစံတော်ချိန် မနက်(၆) နာရီအချိန်မှာ ကဘူးလ် (Kabul) မြို့တော်မြောက်ဘက်က အမေရိကန်တို့ရဲ့ ဘာဂရမ်လေတပ်စခန်း (Bagram Air Base) ကနေ အာဖဂန်စစ်ပွဲနဲ့ ပတ်သက်ပြီး အမေရိကန်လူထုကို တိုက်ရိုက် ရုပ်သံလွှင့် မိန့်ခွန်းပြောကြားခဲ့ပါတယ်။
ဒီလထဲ အမေရိကန်ပြည်ထောင်စု၊ ရှီကာဂို (Chicago) မြို့မှာ မြောက်အတ္တလန္တိတ်စစ်စာချုပ် (NATO) အဖွဲ့ရဲ့ ထိပ်သီးညီလာခံ ကျင်းပတဲ့အခါ နောက်နှစ်၂၀၁၃ ခုနှစ်မှာ အာဖဂန်တပ်ဖွဲ့တွေက အာဖဂန် နစ္စတန် နိုင်ငံတ၀ှမ်း ချေမှုန်းရေး၊ စစ်ဆင်ရေးတွေကို ဦးဆောင်ဆင်နွှဲနိုင်ရေး ရည်မှန်းချက်တစ်ရပ်ကို ချမှတ် သွားမှာဖြစ်တယ်လို့ သမ္မတအိုဘားမားက ပြောကြားခဲ့ပါတယ်။ မနှစ်က ၂၀၁၁ ခုနှစ်မှာ အမေရိကန် တပ်ဖွဲ့ဝင် ၁၀,၀၀၀ ကို အာဖဂန်နစ္စတန်ကနေ ပြန်လည် ရုပ်သိမ်းနိုင်ခဲ့ပြီးတော့ ဒီနှစ်မှာလည်း လာမယ့်နွေ ရာသီကုန်ဆုံးချိန်မှာ နောက်ထပ် အမေရိကန် တပ်ဖွဲ့ဝင် ၂၃၀,၀၀ ကိုလည်း ပြန်လည် ရုပ်သိမ်း မှာ ဖြစ်ကြောင်းနဲ့ အဲ့ဒီနောက် အမေရိကန်တပ်ဖွဲတွေကို အဆင့်လိုက် တဖြည်းဖြည်း ရုပ်သိမ်းသွားပြီးတော့ ၂၀၁၄ ခုနှစ်အကုန်မှာတော့ အာဖဂန်နစ္စတန်ရဲ့လုံခြုံရေးကို အာဖဂန်တပ်ဖွဲ့တွေကပဲ အပြည့်အ၀ တာဝန်ယူ သွားတော့မှာဖြစ်တယ်လို့လည်း သမ္မတအိုဘားမားက ပြောကြားခဲ့ပါတယ်။
အမေရိကန်နဲ့ နိုင်ငံတကာညွန့်ပေါင်းတပ်ဖွဲ့တွေက အာဖဂန်တပ်ဖွဲ့တွေကို ဆက်ပြီး စစ်ရေးလေ့ကျင့်ပေး သွားမှာ ဖြစ်ပြီးတော့ ဒီနှစ် ၂၀၁၂ ခုနှစ် အကုန်မှာ တပ်ဖွဲ့ဝင်၃၂၅,၀၀၀ အထိရှိလာမယ့် အာဖဂန်တပ် မတော်ကို လုံခြုံရေးတာဝန်တွေ စပြီး လွှဲပြောင်းပေးသွားမှာ ဖြစ်ကြောင်းနဲ့ အာဖဂန်နစ္စတန်နိုင်ငံထဲမှာ ဘယ်လို အမေရိကန်စစ်စခန်းမှ ၂၀၁၄ ခုနှစ် နောက် ပိုင်းမှာ ထားရှိမှာ မဟုတ်ဘူးလို့လည်း သမ္မတ အိုဘားမားက ပြောသွားခဲ့ပါတယ်။
မနှစ်က ၂၀၁၁ မေလနှစ်ရက်နေ့မှာ အယ်လ်ကိုင်းဒါး (Al-Qaida) အကြမ်းဘက်အဖွဲ့ခေါင်းဆောင် အိုစမာ ဘင်လာဒင် (Osama bin Laden) ကို သုတ်သင်နိုင်ခဲ့ခြင်း အထိမ်းအမှတ်အဖြစ် အာဖဂန်နစ္စတန်ကို လျှို့ဝှက် ခရီးထွက်ခဲ့တာမှာ ဒီကနေ့ မေလနှစ်ရက် ဒေသစံတော်ချိန် အာရုဏ်မတက်ခင်မှာ ဘာဂရမ် လေတပ် စခန်းကို အရင် ဆိုက်ရောက်လာခဲ့တာပါ။
အဲ့ဒီနောက် သမ္မတ အိုဘားမားဟာ ကဘူး(လ်)မြို့တော်က အာဖဂန်သမ္မတအိမ်တော်မှာ သမ္မတ ဟာမစ် ခါဇိုင်း (Hamid Karzai) နဲ့ နှစ်နိုင်ငံမဟာဗျူဟာ မြောက်ပူးပေါင်းဆောင်ရွက်ရေး သဘောတူညီချက်ကို လက်မှတ်ရေးထိုးခဲ့ကြပါတယ်။ ဒီသဘောတူညီချက်ဟာ အာဖဂန်နစ္စတန်မှာ တည်ငြိမ်မှုရရှိရေးနဲ့ ဒေသ တွင်းက အစွန်းရောက် အကြမ်းဘက်အဖွဲ့တွေကို အပြီးအပိုင်ချေမှူန်းရေး မဟာဗျူဟာစီမံချက် အကြီးစားထဲက တစိပ်တပိုင်းဖြစ်တယ်လို့ အမေရိကန်အရာရှိကြီးတွေက ပြောခဲ့ပါတယ်။
ဆီးရီးယားအစိုးရရော သူပုန်ပါ အပစ်အခတ်ရပ်စဲရေးချိုးဖောက်
ဆီးရီးယားစစ်တပ်တွေက မြို့ကြီးတွေပေါ်မှာ လက်နက်ကြီးတွေ ကိုင်ထားကြဆဲဖြစ်တယ်လို့ ကုလသမဂ္ဂ ငြိမ်းချမ်းရေးတပ်တွေက ပြောပါတယ်။ တနှစ်ကျော်ကြာဖြစ်ပွားခဲ့တဲ့ တိုက်ခိုက်မှုတွေကို ရပ်ဆိုင်းဖို့ ငြိမ်းချမ်းရေး သဘောတူညီချက်ကို ဆီးရီးယားအစိုးရဘက်ကရော အတိုက်အခံများဘက်ကပါ ချိုးဖောက်မှုတွေ ရှိနေတယ်လို့ ပြောခဲ့တာပါ။
ကုလသမဂ္ဂနဲ့ အာရပ်နိုင်ငံများအဖွဲ့ချုပ်တို့ရဲ့ ကိုယ်စားလှယ် ကိုဖီအာနန်ရဲ့ ကြိုးပမ်းမှုနဲ့ရရှိထားတဲ့ ငြိမ်းချမ်းရေး သဘောတူညီချက်ကို နှစ်ဘက်စလုံးက လေးစားကြဖို့ ကုလသမဂ္ဂက အင်္ဂါနေ့မှာ တိုက်တွန်းလိုက်ပါတယ်။ အင်္ဂါနေ့အကြမ်းဖက်မှုများအတွင်း စစ်သား ၁၂ ယောက်နဲ့ အရပ်သားတစ်ဦး အရှေ့မြောက်ခရိုင် ဒိုင်ယာ အက်ဇ္ဇာ (Deir Ezzor) တိုက်ပွဲမှာ သေဆုံးကြတဲ့အကြောင်း အတိုက်အခံတို့က ပြောပါတယ်။
အနောက်မြောက်ခရိုင် အိဒ်လစ် (Idlib) မြို့မှာလည်း မော်တာကျည်ဆံတစ်ခု ပေါက်ကွဲတဲ့အတွက် လူဆယ်ဦး သေဆုံးတဲ့အကြောင်း ဗြိတိန် အခြေစိုက် လူ့အခွင့်အရေး စောင့်ကြည့်ရေးအဖွဲ့က ပြောပါတယ်။ လွတ်လပ်တဲ့သတင်း အတည်ပြုမှုတွေတော့ မရှိသေးပါဘူး။ ဧပြီလ ၁၂ ရက်၊ ငြိမ်းချမ်းရေး သဘောတူညီမှု ရရှိပြီးကတည်းက ဆီးရီးယားမှာ ကလေး ၃၄ ယောက် သေဆုံးခဲ့ရတဲ့အကြောင်း ကုလသမဂ္ဂ ကိုယ်စားလှယ်က ပြောကြားပါတယ်။
ကုလသမဂ္ဂကိုယ်စားလှယ် ရပ်ရှီဂါ ကူမာရ် ဆွာမိက ဆီးရီးယားအစိုးရကိုရော အတိုက်အခံတွေကိုပါ ရမ်းသန်း ပစ်ခတ်သတ်ဖြတ်မှုတွေကို ရှောင်ရှားကြဖို့ မေတ္တာရပ်ခံထားပါတယ်။
လူအခွင့်ရေးလှုပ်ရှားသူကိစ္စ ၀န်ကြီးကလင်တန် တရုတ်ကို သွားမည်
တရုတ်နိုင်ငံကို သွားရောက်ပြီး အဆင့်မြင့် ဆွေးနွေးမှုတွေ လုပ်ဆောင်ဖို့ ရှိနေတဲ့ အမေရိကန် နိုင်ငံခြားရေး ၀န်ကြီး ဟီလာရီ ကလင်တန် ရဲ့ ခရီးစဉ်မှာတော့ နေအိမ်အကျယ်ချုပ်ကနေ ထွက်ပြေး လွတ်မြောက်ပြီး အမေရိကန် ရဲ့ အကာအကွယ်အောက်မှာ ရောက်နေတယ်လို့ သတင်းတွေ ထွက်နေတဲ့ တရုတ် မျက်မမြင် လူ့အခွင့်အရေး လှုပ်ရှားသူရဲ့အရေးက လွှမ်းမိုးနေမယ့် အလားအလာ တွေ ရှိနေပါတယ်။
တနင်္လာနေ့နှောင်းပိုင်း ၀ါရှင်တန်က ထွက်ခွာချိန်မှာတော့ တရုတ် တက်ကြွ လှုပ်ရှားသူ Chen Guangcheng ကိစ္စနဲ့ ပတ်သက်လို့ ၀န်ကြီး ကလင်တန် က တစုံတရာ မှတ်ချက်ပေး ပြောဆိုတာမျိုး မရှိခဲ့ပါဘူး။ ဒါပေမဲ့ လည်း တရုတ်အစိုးရ တာဝန်ရှိသူတွေနဲ့ ဆွေးနွေးမှုတွေအတွင်း လူ့အခွင့်အရေး ကိစ္စ ဆွေးနွေးမှုတွေ ပါဝင်မယ်လို့တော့ ပြောဆိုခဲ့တာပါ။ တရုတ်မျက်မမြင် လှုပ်ရှားသူဟာ ဘေဂျင်းမြို့တော်မှာရှိတဲ့ အမေရိကန် သံရုံးကို ထွက်ပြေးသွားတယ် လို့ သတင်းတွေ ထွက်နေတာကြောင့် ဘယ်မှာရှိမလဲဆိုပြီး တနင်္လာနေ့မှာ တုန်းကလည်း သတင်းထောက်တွေရဲ့ အမေးကို သမ္မတ ဘရက်ခ် အိုဘားမား က ဖြေကြား မသွားပါဘူး။
အမေရိကန် နိုင်ငံခြားရေး ၀န်ကြီးဌာနရဲ့ အရှေ့အာရှနဲ့ ပစိဖိတ်ရေးရာ လက်ထောက် နိုင်ငံခြားရေး ၀န်ကြီး Kurt Campbell ကတော့ တနင်္ဂနွေနေ့ကတည်းက ဘေဂျင်းမြို့တော်ကို ရောက်နေပြီး၊ ကြာသပတေးနေ့မှာ စတင်မယ့် မဟာဗျူဟာနဲ့ စီးပွားရေးဆိုင်ရာ နှစ်စဉ် ဆွေးနွေးပွဲ မတိုင်မီ တက်ကြွ လှုပ်ရှားသူ Chen ကိစ္စကို တရုတ်အာဏာပိုင်တွေနဲ့ ပြောဆိုလိမ့်မယ်လို့လည်း မျှော်လင့်ရပါတယ်။
LWIN PWIN
NLABR
Web-site: www.nlabr.com
http://wanna23-23.blogspot.com/
Subscribe to:
Post Comments (Atom)
0 comments:
Post a Comment