ကမ္ဘာ့သတင်းများ 03/05/2012
နိုင်ငံတကာသတင်း
တရုတ် မျက်မမြင် လူ့အခွင့်အရေးလှုပ်ရှားသူ နိုင်ငံမှထွက်ခွာလို
တရုတ်နိုင်ငံမှာ အကျယ်ချုပ်နဲ့အကျဉ်းချခံနေရာကနေ ထွက်ပြေးလွတ်မြောက်သွားခဲ့ပြီး ဘေဂျင်းမြို့တော်က အမေရိကန်သံရုံးမှာ ခြောက် ရက်ကြာခိုလှုံပြီး အမေရိကန်သံရုံးကနေ ပြန်လည် ထွက်ခွာလာခဲ့တဲ့ မျက် မမြင်ရှေ့နေ ချင်ဂွမ်ချဲန်း (Chen Guangchen) က သူနဲ့သူ့မိသားစုရဲ့ လုံခြုံရေးအတွက် ကြောက်ရွံ့နေ ရတာကြောင့် သူ့အနေနဲ့ တရုတ်နိုင်ငံကနေ ထွက်ခွာသွားချင်တယ်လို့ မနေ့က မေလ နှစ်ရက်နေ့က AP နဲ့ CNN သတင်းဌာနတွေကို ပြောခဲ့ပါတယ်။
သူ့အနေနဲ့ ပညာရေးကိုရှေ့ဆက်ဖို့ ခွင့်ပြုချက်ရရှိရေးနဲ့ သူ့မိသားစုရဲ့ လုံခြုံရေးတို့အတွက် တရုတ် အစိုးရဆီကနေ အမေရိကန်က ကတိကဝတ် ရယူခဲ့ပြီးတဲ့နောက် မနေ့က အမေရိကန်သံရုံးကနေ သူပြန်ပြီး ထွက်ခွာလာခဲ့တာလို့လည်း ပြောပါတယ်။ သူ့မိသားစုနဲ့ ပြန်ဆုံပြီးတဲ့နောက် ဇနီးဖြစ်သူရဲ့ ပြောပြချက်အရ အာဏာပိုင်တွေရဲ့ခြိမ်းခြောက်မှုတွေကို သိရှိခဲ့ရတာကြောင့် သူနဲ့ သူ့မိသားစုဟာ မလုံခြုံဘူးလို့ ခံစား ရလာကြောင်းကိုလည်း ချင်ဂွမ်ချဲန်းက ပြောပါတယ်။
အမေရိကန်နိုင်ငံခြားရေးဝန်ကြီးဌာန ပြောခွင့်ရသူ Mark Toner က မေလတစ်ရက်နေ့က ပြောတာမှာတော့ ချင်ဂွမ်ချဲန်းနဲ့ပတ်သက်ပြီး တရုတ်အစိုးရဆီကနေ ဘယ်လို ခြိမ်းခြောက်မှုမျိုးကိုမှ သူတို့ မကြားသိခဲ့ရဘူး လို့ ပြောဆိုသွားခဲ့ပါတယ်။
တရုတ်အစိုးရကလည်း အမေရိကန်အနေနဲ့ ချင်ဂွမ်ချဲန်းနဲ့ပတ်သက်က်ပြီး အများသူငါ ထင်ယောင်ထင် မှားဖြစ်စေတဲ့ လုပ်ရပ်တွေ ရပ်တန်းကရပ်ဖို့ တိုက်တွန်းလိုက်ပါတယ်။ မနက်ဖြန် ကြာသာပတေးနေ့ မှာတော့ နိုင်ငံခြားရေးဝန်ကြီး ဟီလာရီကလင်တန်နဲ့ ဘဏ္ဍာရေးဝန်ကြီး တင်မသီဂိုက်တ်နာတို့ ကိုယ်တိုင် ဘေဂျင်းမြို့တော်က တရုတ်နဲ့အမေရိကန် နှစ်နိုင်ငံ စီးပွားရေးနဲ့ လုံခြုံရေးရာ အစည်းအဝေးပွဲတွေ ကို တက်ရောက်ဖို့ ရှိနေပါတယ်။
တရုတ်လူ့အခွင့်အရေးသမား အမေရိကန်သံရုံးမှ ထွက်ခွာ
တရုတ်မျက်မမြင် တက်ကြွလှုပ်ရှားသူဟာ ဆေးကုသမှု ခံယူဖို့ အတွက် ဘေဂျင်းမြို့က သူတိမ်းရှောင် ခိုလှုံနေတဲ့ အမေရိကန် သံရုံးကနေ ထွက်လာပြီး မိသားစုထံပြန်ရောက်သွားပြီလို့ အမေရိကန် တာဝန်ရှိ သူတွေက ပြောပါတယ်။
တက်ကြွလှုပ်ရှားသူ Chen Guangcheng ကို တရုတ်နိုင်ငံ က ဘေးကင်းလုံခြုံရာ တနေရာကို ပို့ဆောင်ဖို့နဲ့ တက္ကသိုလ် တခုကို တက်ရောက်ဖို့ တရုတ်အစိုးရက သဘောတူခဲ့ကြောင်း အမေရိကန်နိုင်ငံခြားရေးဌာန တာဝန်ရှိသူတယောက်က ဗုဒ္ဓဟူးနေ့မှာ သတင်းထောက်တွေကို ပြောခဲ့တာပါ။
လူ့အခွင့်အရေး လှုပ်ရှားသူ Chen ဟာ အမေရိကန် ပြည်ထောင်စုမှာ ခိုလှုံခွင့်တောင်းခံတာမျိုး မရှိခဲ့ဘူး လို့လည်း အမေရိကန် အရာရှိက ပြောပါတယ်။ သူ့ကို သံရုံးမှာ နေထိုင်ခွင့်ပေးပြီး နောက်ပိုင်း သူ့ဆန္ဒနဲ့သူ အမေရိကန်ရဲ့စံတန်ဘိုးတွေကို မထိခိုက်စေဘဲ ပြန်လည် ထွက်ခွာနိုင်အောင် တာဝန်ရှိသူတွေက စီစဉ်ပေးခဲ့တဲ့ အပေါ်မှာ ကျေနပ်မှုရှိကြောင်းလည်း တရုတ်နိုင်ငံကို ရောက်နေ တဲ့ နိုင်ငံခြားရေးဝန်ကြီး ဟီလာရီ ကလင်တန် ကပြောဆိုခဲ့တာပါ။
မနက်ဖြန် ကြာသပတေးနေ့မှာ စတင်မယ့် လုံခြုံရေးနဲ့ စီးပွားရေးဆိုင်ရာ နှစ်စဉ် ညီလာခံကို တက်ရောက်ဖို့ ၂ ရက်ကြာ ခရီးစဉ်အဖြစ် နိုင်ငံခြားရေးဝန်ကြီး ကလင်တန် တရုတ်နိုင်ငံကို ရောက်နေတာပါ။ တရုတ်နိုင်ငံခြားရေး ၀န်ကြီးဌာနကတော့ Chen ကို အမေရိကန် သံရုံးက လက်ခံခဲ့တာဟာ ပြည်တွင်းရေးကို ၀င်ရောက်စွက်ဖက်တဲ့ လုပ်ရပ်အဖြစ် လက်မခံနိုင်ကြောင်း ပြောဆိုပြီး အမေရိကန်က တောင်းပန်ဖို့ တောင်းဆိုထားပါတယ်။
လက်ခံခဲ့တဲ့ တာဝန်ရှိသူတွေကို အရေးယူဖို့နဲ့ နောက်နောင် ဒီလို အတိုက်အခံတွေကို လက်ခံခွင့် မပြုအောင် စီစဉ်ဖို့လည်း ပြောဆိုခဲ့တာပါ။ အာဏာရ တရုတ်ကွန်မြူနစ် ပါတီနဲ့ ဆက်နွယ်မှုရှိတဲ့ Global Times သတင်းစာရဲ့ အယ်ဒီတာ့ အာဘော်မှာတော့ ဒီအဖြစ်အပျက်ကြောင့် တရုတ်-အမေရိကန် ဆက်ဆံရေးအပေါ် ထိခိုက်စရာ မရှိနိုင်ဘူးလို့ ဖော်ပြထားပါတယ်။
မြောက်ကိုရီးယား ကုမ္ပဏီတချို့အပေါ် ကုလဒဏ်ခတ်
မြောက်ကိုရီးယားရဲ့ ဒုံးကျည်နဲ့ နျူကလီယားအစီအစဉ်မှာ ပတ်သက်မှုရှိနေတဲ့ မြောက်ကိုရီးယား ကုမ္ပဏီသုံးခုကို ကုလသမဂ္ဂက အပြစ်ဒဏ် ခတ်လိုက်ပါတယ်။
လုံခြုံရေးကောင်စီက ပြုလုပ်လိုက်တဲ့ အရေးယူပိတ်ဆို့မှုမှာ မြောက်ကိုရီးယား ကုမ္ပဏီသုံးခုရဲ့ ပိုင်ဆိုင်မှုတွေကို ထိန်းချုပ်ထားတာ ပါဝင်တယ်လို့ ကုလသမဂ္ဂဆိုင်ရာ အမေရိကန်သံအမတ်ကြီး ဆူဇဲန်ရိုက်စ်က ပြောပါတယ်။
မြောက်ကိုရီးယားက တင်သွင်ခွင့်မရှိတဲ့ ပစ္စည်းအမျိုးအစားကိုလည်း ထပ်ပြီးတော့ တိုးလိုက်တယ် လို့ သံအမတ်ကြီး ဆူဇဲန်ရိုက်စ်က ဆိုပါတယ်။ အခု ပြုလုပ်လိုက်တဲ့ အရေးယူပိတ်ဆို့ မှုတွေကြောင့် မြောက် ကိုရီးယားဟာ ပိုပြီးတော့ အထီးကျန်ဖြစ်သွားစေမယ်၊ အများက ကန့်ကွက်နေတဲ့ နျူကလီယား အစီအစဉ်ကို ရှေ့ဆက်လုပ်ဆောင်ဖို့အတွက် မြောက်ကိုရီးယား အစိုးရအတွက် ပိုပြီးတော့ ခက်ခဲ သွားစေမှာဖြစ်လို့ ဒီအရေးယူပိတ်ဆို့မှုဟာ ခိုင်မာပြီးတော့ အားထားစရာလို့ လုံခြုံရေးကောင်စီက မြင်တဲ့ အကြောင်း မစ္စစ်ရိုက်စ်က ပြောပါတယ်။
မြောက်ကိုရီးယားဟာ နိုင်ငံတကာအသိုင်းအဝိုင်းက တားဆီးနေတဲ့ကြားက အရင်လကပဲ တာဝေးပစ် ဒုံးကျည်တစင်းကို စမ်းသပ်ပြီးတော့ ပစ်လွှတ်ခဲ့တာမှာ ဒုံးကျည်က ပစ်ခတ်ပြီးတော့ တမိနစ်မှာပဲ ပင်လယ်ဝါထဲကို ပျက်ကျသွားခဲ့ပါတယ်။
နျုဂင်းဂရစ်ခ်ျ အမေရိကန်သမ္မတလောင်းရွေးပွဲက နုတ်ထွက်
အမေရိကန်သမ္မတရွေးကောက်ပွဲအတွက် ရီပတ်ဘလီကင်ပါတီရဲ့ သမ္မတလောင်းဖြစ်ရေး အတွက် ပြည်နယ် အလိုက် ပဏာမ ရွေးကောက်ပွဲတွေ ယှဉ်ပြိုင်ခဲ့တာမှာ ပြည်နယ်နှစ်ခုမှာပဲ အနိုင်ရခဲ့ပြီးတော့ ရွေးကောက်ပွဲ မဲဆွယ်စရိတ် ဒေါ်လာ ၄ သန်းနဲ့ ၃ သိန်း အကြွေးတင်သွားတဲ့ အောက်လွှတ်တော် ဥက္ကဋ္ဌဟောင်း နျုဂင်းဂရစ် ခ်ျ (Newt Gingrich) ဟာ ရီပတ်ဘလီကင်ပါတီသမ္မတလောင်းဖြစ်ရေး ယှဉ်ပြိုင်နေမှုကို ရပ်ဆိုင်းလိုက်ပြီ လို့ မေလနှစ် ရက်နေ့က ၀ါရှင်တန်ဒီစီ မြို့တော်ရဲ့ ပြင်ပကနေ ကြေညာခဲ့ပါတယ်။
သူ့ရဲ့မဲဆွယ်ကာလတလျှောက်လုံး အလှူငွေထည့်ဝင်ခဲ့ကြသူ ၁၇၉,၀၀၀ ကျော်နဲ့ သူ့ကို ထောက်ခံခဲ့ကြ သူတွေကို ကျေးဇူးတင်ကြောင်း ပြောကြားခဲ့ပါတယ်။
ပြီးခဲ့တဲ့ ဇန်န၀ါရီလက တောင်ကာရိုလိုင်းနား (South Carolina) ပြည်နယ်မှာ စတင်အနိုင်ရရှိခဲ့ တဲ့ နျုတ်ဂင်း ဂရစ်ခ်ျဟာ ရီပတ်ဘလီကန်ပါတီရဲ့ သမ္မတလောင်းဖြစ်ရေး ပြိုင်ပွဲမှာ ထိပ်ဆုံးကို ရောက်လာခဲ့ပေမယ့် ဖလော် ရီဒါ (Florida) ပြည်နယ်မှာ သူ ရှုံးနိမ့်ခဲ့ချိန်ကစလို့ မက်ဆာချူး ဆက် (Massachusetts) ပြည်နယ် အုပ်ချုပ်ရေးမှူးဟောင်း မစ်(တ်)ရော်မနီ (Mit Romney) ကို နျုတ်ဂင်းဂရစ်ခ်ျ က မနိုင်နိုင်တော့ဘူး ဖြစ်ခဲ့ ရပြီးတော့ အခုအခါ မစ်(တ်)ရော်မနီဟာ ရီပတ်ဘလီကန်ပါတီရဲ့ သမ္မတလောင်းဖြစ်ဖို့ သေချာသွားပြီး လာမယ့် နိုဝင်ဘာလ သမ္မတရွေးကောက်ပွဲမှာ ဒီမိုကရက်တစ်ပါတီ (Democratic Party) ရဲ့ သမ္မတလောင်း လက်ရှိသမ္မတ ဘရက် အိုဘားမားနဲ့ ယှဉ်ပြိုင်ရမှာ ဖြစ်ပါတယ်။
စစ်ရှိန်လျော့သည့်တိုင် အာဖဂန်ကို အမေရိကန် ကူညီသွားမည်
အယ်လ်ခိုင်းဒါး အကြမ်းဖက်အဖွဲ့ခေါင်းဆောင် Osama bin Laden သေဆုံးတဲ့ နှစ်ပတ်လည်အချိန်မှာပဲ အမေရိကန် သမ္မတ ဘရက်ခ် အိုဘားမား အာဖဂနစ္စတန်နိုင်ငံကို ရုတ်တရက် သွားရောက်ခဲ့ပါတယ်။
အမေရိကန် ပြည်ထောင်စုမှာ သမ္မတရွေးကောက်ပွဲတွေ ကျင်းပမယ့် နှစ်တနှစ်အဖြစ် အာဖဂန်စစ်ပွဲကို အရှိန်လျှော့ချနေပြီဆိုတဲ့အကြောင်း အမေရိကန် လူထုကို သတင်းစကားပါးတဲ့ အနေနဲ့လည်း အာဖဂန် အစိုးရနဲ့ မဟာဗျူဟာကျတဲ့ သဘောတူညီချက် တရပ်ကို လက်မှတ် ရေးထိုးလိုက်တာပါ။
အာဖဂန်နိုင်ငံက အမေရိကန် လေတပ် အခြေစိုက် စခန်းကနေ ပြောဆိုတဲ့ မိန့်ခွန်းကို ရုပ်မြင်သံကြား က ပြသရာမှာတော့ စစ်ရဲ့တိမ်တိုက် အမှောင်အောက်မှာ ဆယ်စုနှစ်တခုကျော်ကြာ ကျရောက်နေရာကနေ အခုအခါ မိုးကုတ်စက်ဝိုင်းမှာ နေ့သစ်တနေ့ရဲ့ အလင်းရောင် ပျိုးလာနေတာကို တွေ့လာရပြီလို့ သမ္မတ အိုဘားမားက ပြောသွားပါတယ်။ တကယ်တော့ အမေရိကန်နဲ့ အာဖဂန်ကရော စစ်ဖြစ်ချင်ကြတာ မဟုတ်တဲ့ အကြောင်း သမ္မတကပြောဆိုသွားသလို အယ်လ်ခိုင်းဒါး အကြမ်းဖက်အဖွဲ့ကို ချေမှုန်းဖို့ ရည်မှန်းချက်ဟာ လည်း အောင်မြင်ဖို့ လက်တကမ်း ရောက်နေပြီလို့ ပြောခဲ့တာပါ။
အာဖဂန်မှာ ဗုဒ္ဓဟူးနေ့က ၇ နာရီကြာ ရောက်ရှိနေစဉ်မှာတော့ မဟာဗျူဟာမြောက် မိတ်ဖက် သဘော တူညီချက် တရပ်ကိုလည်း အာဖဂန် သမ္မတ Hamid Khazai နဲ့ လက်မှတ်ရေးထိုးခဲ့တာပါ။ သဘော တူညီချက်မှာတော့ လုံခြုံရေး၊ စီးပွားရေး၊ အုပ်ချုပ်ရေး ကိစ္စတွေအပြင် မြောက်အတ္တလန်တိတ် စာချုပ်အဖွဲ့ (NATO) တပ်တွေ တိုက်ခိုက်ရေးလုပ်ငန်းတွေ အဆုံးသတ်မယ့် ၂၀၁၄ ခုနှစ်နောက်ပိုင်း ၂ နိုင်ငံကြား ဆက်ဆံရေး ကိစ္စရပ်တွေကို ထည့်သွင်းထားတာ ဖြစ်ပါတယ်။
ဒီအထဲမှာ အမေရိကန်က တပ်တွေ ဆက်လက်ချထားဖို့ အတိအကျ ထည့်သွင်းမထားပေမဲ့ တပ်တွေ ဆုတ်ခွာပြီးနောက်မှာ အာဖဂန်ကို အမေရိကန်က အကူအညီအထောက်အပံ့တွေ ဆယ်နှစ်ကြာ ဆက်လက်ပေးအပ်ဖို့ ပါဝင်ပါတယ်။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment