ကမ္ဘာ့သတင်းများ 30/05/2012
နိုင်ငံတကာသတင်း
မြောက်ကိုရီးယားကို ကွန်မန်ဒိုတပ်တွေ စေလွှတ်တဲ့သတင်း အမေရိကန်ငြင်း
မြောက်ကိုးရီးယားမြေအောက်စစ်စခန်းတွေနဲ့ ပတ်သက်တဲ့ ထောက်လှမ်းရေးသတင်းတွေ စုဆောင်းဖို့ အမေရိကန်ကွန်မန်ဒိုတပ်ဖွဲ့ဝင်တွေ မြောက်ကိုးရီးယား ထဲကို လေထီးနဲ့ဆင်းသက်ခဲ့တယ်ဆိုတဲ့ သတင်းဟာ မမှန်ကန်ဘူးလို့ အမေရိကန်စစ်ဘက်အရာရှိတွေက ငြင်းဆိုပါတယ်။
တိုကျိုအခြေစိုက် The Diplomat နိုင်ငံရေးမဂ္ဂဇင်းထဲမှာ မေလ(၂၉) ရက်နေ့စွဲနဲ့ သတင်းမှာ အမေရိကန်စစ်ဗျူဟာဆိုင်ရာ ထိပ်တန်းတပ်မှူးကစ်ဦးက အဲဒီ ကွန်မန်ဒို တပ်သားတွေအစီအစဉ်အကြောင်းကို အမေရိကန် အရှေ့တောင်ပိုင်း၊ ဖလော်ရီဒါပြည်နယ်မှာ ပြီးခဲ့တဲ့ သီတင်းပတ်က ကျင်းပခဲ့တဲ့ ညီလာခံမှာ ထိပ်တန်းတပ်မှူးကစ်ဦးက ထုတ်ဖေါ်ပြောဆို ခဲ့တယ်လို့ The Diplomat မဂ္ဂဇင်းမှာ ရေးသားထားတာဖြစ်ပါတယ်။
အမေရိကန်ကြည်းတပ်က ဗိုလ်မှူးချုပ် နီးလ် တိုလီ (Brigadier General Neil Tolley) ရဲ့ ပြောကြားချက်ကို လွဲမှားစွာ အဓိပ္ပာယ်ကောက်ယူပြီး The Diplomat မဂ္ဂဇင်းက အဲဒီသတင်းကို ဖော်ပြထားခြင်းသာဖြစ်တယ်လို့ အမေရိကန် ကာကွယ်ရေးဝန်ကြီးဌာနရဲ့ သတင်းထုတ်ပြန်ရေးမှူး ဂျော့ခ်ျ လစ်တဲလ် (George Little) က သတင်းထောက်တွေကို ပြောကြားခဲ့ပါတယ်။
ဆီးရီးယားသံတမန်တွေကို အနောက်နိုင်ငံတွေ ပြည်နှင်ဒဏ်ပေး
ဆီးရီးယားနိုင်ငံမှာ အစိုးရတပ်တွေရဲ့ ပစ်ခတ်သတ်ဖြတ်မှုတွေကြောင့် ပြင်သစ်၊ သြစတြေးလျားနဲ့ အမေရိကန်ပြည်ထောင်စုတို့ဟာ သူတို့နိုင်ငံတွေမှာ ရှိတဲ့ ဆီးရီးယားသံတမန်တွေကို နှင်ထုတ်လိုက်ပါပြီ။ ဗြိတိန်၊ ဂျာမဏီ၊ အီတလီ၊ စပိန်၊ နယ်သာလန်နဲ့ ကနေဒါတို့ကလည်း သူတို့နိုင်ငံမှာရှိတဲ့ ဆီးရီးယား သံတမန်တွေကို နှင်ထုတ်မယ်လို့ ကြေညာထားပါတယ်။
ဒီအချိန်မှာ ဆီးရီးယားသမ္မတ ဘက်ရှာ အယ်လ် အာဆတ်ဒ်အနေနဲ့ တိုးတက်မှုခြေလှမ်းတွေကို ချင်ခြင်း စတင်ဖို့နဲ့ နောက်နေ့ကို မရွှေ့ဆိုင်းဖို့ ကုလသမဂ္ဂက ကြားဝင်စေ့စပ်ပေးတဲ့ အချက် ၆ ချက်ပါ ဆီးရီးယား ငြိမ်းချမ်းရေး လမ်းပြမြေပုံအတိုင်း ဆောင်ရွက်ဖို့ ကုလသမဂ္ဂအတွင်းရေးမှူးချုပ်ဟောင်း ကိုဖီအာနန်က ပြောကြားလိုက်ပါတယ်။
မေလ ၂၅ ရက်နေ့က ဝှာလာမြို့မှာ ဖြစ်ပွားခဲ့တဲ့ အမျိုးသား၊ အမျိုးသမီး၊ ကလေးတွေနဲ့ စုစုပေါင်း လူတစ်ရာကျော် အစုလိုက် အပြုံလိုက် သတ်ဖြတ်မှုတွေကို သမ္မတအာဆတ်ဒ်ကလည်း ပြစ်တင် ရှုတ်ချတယ်လို့ မစ္စတာ ကိုဖီအာနန်က သတင်းထောက်တွေကို ပြောပါတယ်။
အယ်လ်ကိုင်းဒါး ဒုခေါင်းဆောင် သေဆုံး
အာဖဂနစ္စတန် နိုင်ငံမှာ ရှိနေတဲ့ အယ်လ်ခိုင်းဒါး အကြမ်းဖက်အဖွဲ့ရဲ့ ဒုတိယအဆင့် အမြင့်ဆုံး ခေါင်းဆောင် ကို လေကြောင်း တိုက်ခိုက်မှု တခုအတွင်း သုတ်သင်လိုက်တဲ့အကြောင်း အာဖဂန်နဲ့ ညွန့်ပေါင်းတပ်ဖွဲ့တွေ က ပြောပါတယ်။ သေဆုံးသူ အကြမ်းဖက်အဖွဲ့ ခေါင်းဆောင်ဟာ Mustaq, Nasim စတဲ့ အမည်တွေနဲ့လည်း ထင်ရှားတဲ့ ဆော်ဒီနိုင်ငံသား Sakhr al-Taifi ဖြစ်တယ်လို့လည်း ညွန့်ပေါင်း တပ်ဖွဲ့ရဲ့ ဒီကနေ့ ထုတ်ပြန် တဲ့ ကြေညာချက် က ဖော်ပြခဲ့တာပါ။
သူဟာဆိုရင် အာဖဂန်နဲ့ ညွန့်ပေါင်း တပ်တွေကို တိုက်ခိုက်ရမှာ ညွန်ကြားနေသူ တဦးဖြစ်သလို၊ အယ်လ်ခိုင်းဒါး ထိပ်တန်း ခေါင်းဆောင်တွေရဲ့ အမိန့်တွေကို ယူဆောင်ပြီး အာဖဂန်နဲ့ အိမ်နီးချင်း ပါကစ္စတန်နိုင်ငံတို့ကြား မကြာခန သွားလာနေသူ၊ အာဖဂန် အရှေ့ပိုင်းမှာ ရှိ တဲ့ သောင်းကျန်းသူတွေကို လက်နက်နဲ့ ထောက်ပံ့ရေး ပစ္စည်းတွေ ပေးပို့နေသူတဦး ဖြစ်တယ်လို့ လည်း ကြေညာချက် က ပြောပါတယ်။
လေကြောင်း တိုက်ခိုက်မှုဟာ အာဖဂန်နိုင်ငံ Kunar ပြည်နယ် မှာ ဖြစ်ပွားခဲ့ပြီး နောက်ထပ် အယ်လ်ခိုင်းဒါး အကြမ်းဖက်သမား တဦးလည်း သေဆုံးခဲ့တယ်လို့ ဖော်ပြခဲ့ပါ တယ်။ ပါကစ္စတန် အနောက်မြောက် ဘက် ဒေသ နဲ့ နယ်စပ်ချင်း ထိစပ်နေတဲ့ Kunar ပြည်နယ်ဟာဆိုရင် အယ်လ်ခိုင်းဒါးနဲ့ တာလီဘန် စစ်သွေးကြွတွေ ခိုအောင်းရာ နေရာအဖြစ် ထင်ရှားတဲ့ ဒေသတခုလည်း ဖြစ်ပါ တယ်။
နျူကလီယား ဒုံးကျည် ပါကစ္စတန် စမ်းသပ်အောင်မြင်
နျူကလီယား ထိပ်ဖူး တပ်ဆင်နိုင်တဲ့ တာတိုပစ် ဒုံးကျည်ကို အောင်အောင်မြင်မြင် စမ်းသပ်ပစ်လွှတ်နိုင်ပြီလို့ ပါကစ္စတန် စစ်တပ်က အင်္ဂါနေ့က ကြေငြာလိုက်ပါတယ်။
Hatf 9 (Nasr) အမျိုးအစား တာတိုပစ် ဒုံးကျည်ဟာ ကီလိုမီတာ ၆၀ အတွင်းပစ်ခတ်နိုင်ပြီး အထူးသဖြင့် သိပ် မဝေးကွာလှတဲ့ ဒေသတွေက ခြိမ်းချောက်မှုမျိုးတွေ ကို တားဆီးနိုင်ဖို့ ထုတ်လုပ်တာဖြစ်ကြောင်း ပါကစ္စတန် စစ်တပ်က ထုတ်ပြန်တဲ့ ကြေငြာချက်မှာ ဖေါ်ပြထားပါတယ်။
ဒါဟာ ဒေသတွင်း တည်ငြိမ်ရေးအတွက် အာမခံရစေဖို့ ဒေသတွင်းကလာတဲ့ ခြိမ်းချောက်မှုမျိုးတွေ ကို တားဆီးနိုင်ဖို့ ကြိုးစားမှုအတွက် ဒီစမ်းသပ်မှုဟာ အဓိက အောင်မြင်မှုကြီးတရပ်လို့ ဒုဗိုလ်ချုပ်ကြီး Kha lid Ahmed Kid wa i ရဲ့ ပြောကြားချက်ကိုလည်း ကြေငြာချက်မှာ ဖေါ်ပြထားပါတယ်။
ဒါဟာ အိန္ဒိယနိုင်ငံက နျူကလီယား ထိပ်ဖူးတပ် ဒုံးကျည်ကို တရုတ်နိုင်ငံ ဘေဂျင်းမြို့ အထိ ရောက်အောင် ပစ်လွှတ် နိုင်တယ် လို့ ကြေငြာခဲ့တဲ့ ဧပြီလက စပြီး ပါကစ္စတန်နိုင်ငံက ဒုံးလက်နက်ကို တတိယ အကြိမ်မြောက် စမ်းသပ်ပစ် လွှတ်တာ ဖြစ်ပါတယ်။
ကျဆုံးသူစစ်သည်တွေ သမ္မတအိုဘားမား ဂုဏ်ပြု
အခု တနင်္လာနေ့မှာကျရောက်တဲ့ အောက်မေ့ဖွယ်နေ့မှာတော့ အမေရိကန်သမ္မတ ဘရက်ခ်အိုဘားမားက အမေရိကန်ပြည်ထောင်စုရဲ့ စစ်ပြန်စစ်မှုထမ်းတွေနဲ့ သူတို့မိသားစုဝင်တွေကို ဦးညွှတ်ဂုဏ်ပြုခဲ့ပါတယ်။ အမေရိကန်တလွှားမှာတော့ အောက်မေ့ဖွယ်နေ့ အထိမ်းအမှတ် အခမ်းအနားတွေကို ကျင်းပနေကြပါတယ်။
ဝါရှင်တန်မြို့အပြင်စပ်နားက Arlinton အမျိုးသားစစ်သင်္ချိုင်းမှာ သမ္မတအိုဘားမားက မိန့်ခွန်းပြောပါတယ်။ အခုဆိုရင် ၉ နှစ်အတွင်း ပထမဆုံးအကြိမ်အဖြစ်နဲ့ အမေရိကန်တွေဟာ အီရတ်နိုင်ငံထဲမှာ စစ်ဆင်တိုက်ခိုက်နေတာတွေ သေဆုံးနေတာတွေမရှိတော့ဘူးလို့ သမ္မတ အိုဘားမားက ပြောပါတယ်။ ဒါ့အပြင် အာဖဂန်ကစစ်ပွဲတွေကိုလည်း အရှိန်လျှော့ချနေတယ်လို့ ပြောပါတယ်။
အမည်းရောင်တိမ်တိုက်စစ်ပွဲတွေကနေ အခု ဆယ်စုနှစ်တခုအကြာမှာ အမေရိကန်ပြည်သူတွေဟာ မိုးကုတ် စက်ဝိုင်းရဲ့ နေ့သစ်အလင်းကို မြင်တွေ့နိုင်ကြပြီလို့ သမ္မတ အိုဘားမားက တင်စားပြောဆိုသွားပါတယ်။ အခုလို အောက်မေ့ဖွယ်နေ့ကို ၁၈၆၈ ခုနှစ်မှာ Decoration Day ဆုတံဆိပ်တွေ ချီးမြှင့်တဲ့နေ့အနေနဲ့ ကနဦး စတင် ကျင်းပခဲ့တာပါ။ အဲဒီတုန်းကတော့ လူပေါင်း ၆ သိန်းကျော်အသက်ဆုံးရှုံးခဲ့တဲ့ အမေရိကန် ပြည်တွင်းစစ်အပြီး သုံးနှစ်မှာ ကျင်းပတာဖြစ်ပါတယ်။
ဒီနေ့နှောင်းပိုင်းမှာတော့ သမ္မတအိုဘားမားဟာ ဗီယက်နမ် စစ်ပြန်စစ်မှုထမ်းဟောင်း အမှတ်တရနေရာကို သွားရောက်လည်ပတ် ကြည့်ခဲ့ပါတယ်။ အခုလို ဗီယက်နမ်စစ်ပွဲနဲ့ စစ်ပြန်တွေကြောင့်ပဲ အမရိကန်ပြည်ထောင်စုဟာ သူ့စစ်တပ်ကို ပိုပြီး ကောင်းမွန်အောင် လုပ်နိုင်ခဲ့သလို စစ်ပြန်တွေကိုလည်း ကောင်းကောင်းမွန်မွန်ဂုဏ်ပြုခဲ့ကြတယ်လို့ သမ္မတအိုဘားမားက ပြောပါတယ်။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment