နိုင်ငံသားအလုပ်သမားတဦး၏ ရပိုင်ခွင့်နှင့် ခံစားပိုင်ခွင့်များ – အပိုင်း (၂)
မောင်လူဝေး
နိုင်ငံသားအလုပ်သမားတဦး၏ ရပိုင်ခွင့်နှင့်ခံစားပိုင်ခွင့်များ အပိုင်း (၂) မှာတော့ နိုင်ငံသားအလုပ်သမားတဦး၏ရပိုင်ခွင့်ဆိုက ဘာတွေလဲ? နောက် နိုင်ငံသားအလုပ်သမားတဦး၏ ခံစားပိုင်ခွင့်ဆိုတာ ..ဘာတွေလဲ? ဆိုပြီး ကျနော်လေ့လာထားမိသလောက်ကို အပိုင်းလေးများခွဲပြီး တင်ပြပါ့မယ်။
မလေးရှားနိုင်ငံရှိ မလေးနိုင်ငံသားအဖြစ်ရှိနေတဲ့လူမျိုးများကတော့ မလေးလူမျိုး (အစ္စလန်ဘာသာကိုးကွယ်) မူလဘူထ နိုင်ငံသားစစ်စစ် များနဲ့ မလေးရှားနိုင်ငံဖွား တရုတ်လူမျိုးနှင့် မလေးရှားနိုင်ငံဖွား အိန္ဒိယလူမျိုးဆိုပြီး လူမျိုးကြီးသုံးမျိုးနဲ့ စုပေါင်းနေထိုင်ကြတာပါ။ ခြွင်းချက် အနေနဲ့တော့ အင်ဒိုနီးရှားနိုင်ငံကနေပြောင်းရွေ့အလုပ်လာလုပ်ပြီး မလေးနိုင်ငံသားအဖြစ် မလေးရှားမှတ်ပုံတင်ရရှိပြီးနေထိုင်ကြတဲ့ အင်ဒို နီးရှားလူမျိုး မလေးနိုင်ငံသားများလည်းရှိကြပါတယ်။ ကျန်တဲ့နိုင်ငံများမှ လာရောက်အခြေချနေထိုင်ပြီး နိုင်ငံသားဖြစ်သွားသူများကတော့ ရှိပေမဲ့ အရေအတွက်အားဖြင့်တော့နည်းပါတယ်။• နိုင်ငံသားအလုပ်သမားတဦး၏ ခံစားပိုင်ခွင့်များ
မလေးရှားနိုင်ငံရဲ့ အလုပ်သမားအခွင့်အရေးအရ နိုင်ငံသားတိုင်း ခံစားပိုင်ခွင့်များကတော့နေထိုင်မကောင်းသောအခါ .
(၁) မလေးရှားနိုင်ငံသားအလုပ်သမားတိုင်းအတွက် ကုမ္မဏီမှ အကောင့်ဖွင့်ထားသောဆေးခန်းများသို့ အခမဲ့ဆေးဝါးကုသခွင့်ကို ကုမ္မဏီ မှ တာဝန်ယူပေးထားပါတယ်။
(၂) လိုအပ်လို့ဆေးရုံတက်ရသည့်အခါ ဆေးခွင့်များ medical leave များပေးထားပြီး အလုပ်သမားဆေးရုံမှ မဆင်းမချင်း အလုပ်မှရပ်စဲခြင်း အလုပ်ဖြုတ်ခြင်းများ လုံးဝမရှိပါ။ (ဖြုတ်လို့လည်းမရပါ။ အလုပ်သမားဥပဒေအရကာကွယ်ပေးထားပါတယ်)
(၃) နိုင်ငံသားအလုပ်သမားတိုင်း မဖြစ်မနေ အာမခံ insurance ထားပေးထားရပါတယ်။ အကယ်၍ လုပ်ငန်းခွင်တွင် ထိခိုက်ဒဏ်ရာရရှိမှု ဖြစ်ပေါ်ခဲ့ပါက ဒဏ်ရာရရှိမှုအပေါ်မူတည်ပြီး insurance အာမခံကုမ္မဏီ မှ လျှော်ကြေးငွေအပြည့်အ၀ပေးပါတယ်။ ဥပမာ- လုပ်ငန်းခွင်အတွင်း ထိခိုက်မှု့ကြောင့် သင်၏လက်ချောင်းလေးတချောင်း ပြတ်သွားသည်ဆိုပါစို့။ လက်ညှိုး၊ လက်မ၊ လက်ခလယ်၊ လက်သူကြွယ်၊ လက်သန်း အစရှိသည့်လက်ချောင်းလေးများအတွက် အာမခံလျှော်ကြေးငွေရရှိပါတယ်။ လက်ချောင်းလေးများရဲ့သဘာဝအရ အာမခံလျှော်ကြေးငွေဟာအနည်းအများရှိပါတယ်။
ကုမ္မဏီမှလည်း လျှော်ကြေး (သို့) ဂရုဏာကြေးဆိုပြီး မနစ်နာအောင်ပေးရပါတယ်။ မလေးရှားအလုပ်သမားဥပဒေအရ နိုင်ငံသားအလုပ် သမားတိုင်းအတွက် insurance အာမခံကို အလုပ်သမားတိုင်းကိုကုမ္မဏီမှ မဖြစ်မနေထားပေးရပါတယ်။ ဒါဟာ နိုင်ငံသားအလုပ်သမားတိုင်း ရဲ့ အခွင့်အရေးပါ။
(၄) ကုမ္မဏီမှ နိုင်ငံသားအလုပ်သမားများအား သုံးလတကြိမ် လစာတိုးပေးပါတယ်။ အလုပ်သမား၏ ကြိုးစားမှုအပေါ်မှာကြည့်ပြီး လစာ တိုးပေးခြင်း အနည်းအများပဲ ကွာခြားတာပါ။ အလုပ်၏နေရာအနေအထားပေါ်မူတည်ပြီး စပေးလစာနဲ့ ဂိတ်ဆုံးလစာရယ်လို့တော့ သတ် မှတ်ချက်ရှိပါတယ်။
ရက်မှန်ကြေး allowance တို့ bonus တို့ ရှိပါတယ်။ ဘောနပ် bonus ဆိုတာကတော့ နှစ်တနှစ် ပြည့်ပြီးလို့ နောက်နှစ်အစမှာ ပထမလ၊ ဒုတိယလောက်မှာ bonus ပေးပါတယ်။ ဘောနပ် bonus သဘောကတော့ တနှစ်တာကာလမှာ ကုမ္မဏီရဲ့အကျိုးအမြတ်များမှ အလုပ်သမား များအား မျှဝေခံစားစေခြင်းဆိုတဲ့သဘော သက်ရောက်ပါတယ်။ အဲဒီလိုပေးတဲ့ဘောနပ် bonus ကိုတော့ မလေးရှားရှိလုပ်ငန်းရှင် တရုတ် များက အန်ပေါင်း (တရုတ်အခေါ်) ဆိုပြီး ပေးတတ်ကြပါတယ်။ အမှန်ကတော့ bonus ပါ။ အဲဒီ bonus ကလည်း လုပ်သက်အလိုက်အနည်း အများရှိပါတယ်။
နှစ်စဉ်ပေးပါတယ်။ ကုမ္မဏီရဲ့ တနှစ်တာ အကျိုးအမြတ်အရ အနည်းအများသာကွာတာပါ။ ဒါပေမဲ့ အနည်းဆုံး လုပ်သက်တနှစ်ရှိနေတဲ့ နိုင်ငံသားအလုပ်သမားတဦးဟာ bonus ဘောနပ် တလစာတော့ သေချာပေါက်ရပါတယ်။
ကျနော်တို့တိုင်းပြည်မှာ ကျနော့်အသိမိတ်ဆွေတဦးက ကျနော့်ကိုပြောဘူးပါတယ်။ သူပြောတာက သူတို့အလုပ်ဆင်းရက်မှာ အလုပ်ပျက်ရင် “ဘော” ပြုတ်တယ်လို့ပြောဘူးလို့ ကျနော်ပြန်မေးကြည့်ဖူးပါတယ်။ ဘာလဲ ဘောပြုတ်တယ်ဆိုတာ..?။ အလုပ်ဆင်းရက်မှာ အလုပ် ပျက် ခဲ့ရင် ဘောနပ်မရတာကိုဆိုလိုတာလို့ ကျနော့်ကိုပြောပြခဲ့ဘူးပါတယ်။ အမှန်က အဲဒါ ဘောနပ် bonus မဟုတ်ပါဘူး။ ရက်မှန်ကြေးပါ။ ရက် မှန်ကြေးပြုတ်တာ (သို့မဟုတ်) မရတာသာဖြစ်ပါတယ်။ နောက်တခါ နေ့ဖက်မှာအလုပ်လုပ်ရတဲ့ တနေ့ဝင်ငွေနဲ့ ညဖက်မှာ အလုပ်လုပ်ရ တဲ့ တနေ့ဝင်ငွေ မတူပါဘူး။ ညဖက်ကပိုပေးရပါတယ်။ ညဖက်အလုပ်သမားများအတွက်ကတော့ မအိပ်ချင်အောင်ဆိုပြီး လုပ်ငန်းရှင်က မုန့်ကျွေးတာ၊ စားစရာတခုခုကျွေးတာ၊ လက်ဖက်ရည်၊ ကော်ဖီ၊ အအေး အစရှိသည်တို့ကို ထောက်ပံ့ပေးပါတယ်။ နောက်တခါ နိုင်ငံသားအလုပ်သမားအမျိုးသမီးများအတွက် ကလေးမီးဖွားခွင့်၊ ဆေးခွင့်၊ အသက်အာမခံ အစရှိသည်တို့ကိုလည်း အပြည့်အ၀ ကုမ္မဏီမှတာဝန်ယူ ပေးထားပါတယ်။ ယောင်္ကျားလေးများနဲ့ တန်းတူအခွင့်အရေးပါ။ အမျိုးသမီးများက မီးဖွားခွင့်ပဲပိုတာပါ။
(၅) နောက်တခါ ကုမ္ပဏီမှ အကြောင်းအမျိုးမျိုးကြောင့် အလုပ်သမားအား အလုပ်ဖြုတ်တော့မည်ဆိုပါက ထိုအလုပ်သမား၏လစာရဲ့ သုံးလ စာကိုပေးစေပြီးမှ အလုပ်ထုတ်ပယ်ရပါတယ်။ (မှတ်ချက် ပြစ်မှုမှလွဲ၍)။ သဘောကတော့ ထိုအလုပ်သမား နောက်အလုပ်တခု မရနိုင်သေးခင် အဆင်ပြေစေနိုင်ဖို့အတွက် ပေးခြင်းပါ။ ဒါကလည်း မလေးရှားအလုပ်သမားဥပဒေအရ ပြဌာန်းပေးထားပါတယ်။
(၆) နောက်တခါ အလုပ်ရှင်နှင့်အလုပ်သမားများ လစာတိုးရေးကိစ္စသော်လည်းကောင်း၊ တစုံတရာနစ်နာမှုရှိသည်ဟု အလုပ်သမားအများစုမှ ယူဆလို့ ဆန္ဒဖော်ထုတ်စဉ်ကာလ ပဠိပက္ခဖြစ်နေစဉ်မှာတော့ နှစ်ဖက်ညှိနှိုင်းပြီး အကောင်းဆုံးနည်းဖြင့် အပေးအယူလုပ်ပြီး ညှိနှိုင်းကြတာ ပါပဲ။ များသောအားဖြင့် နောက်ဆုံးတော့ လုပ်ငန်းရှင်ကသာလိုက်လျှောပေးတာများပါတယ်။ ဒီနေရာမှာ အလုပ်ရှင်နှင့် အလုပ်သမားအများစု ညှိနှိုင်းဖြေရှင်းလို့ အဆင်မပြေတော့မှ အလုပ်သမားသမဂ္ဂဆီရောက်တာပါပဲ။ မလေးရှားအလုပ်သမားသမဂ္ဂဟာ အလုပ်သမားထုကို ကိုယ် စားပြုပေးတာကြောင့် အလုပ်သမားထုကြီးရဲ့အားထားရာတခုဖြစ်ပြီး အင်္ဂလိပ်လိုအတိုကောက်ကတော့ TUMလို့ ခေါ်ကြပါတယ်။ အလုပ်ရှင် နှင့်အလုပ်သမားထု ပဠိပက္ခဖြစ်နေစဉ်ကာလမှာ လုပ်ငန်းရှင်မှ ဗီတိုအာဏာသုံးပြီးတော့ အလုပ်ဖြုတ်မယ်၊ အလုပ်မဆင်းနဲ့တော့ ..အစရှိ သဖြင့် ရာဇသံပေးလို့မရပါဘူး။ ပေးလည်း မပေးကြသလို အဆင်ပြေအောင်ဖြေရှင်းကြရင်းနဲ့ အားလုံးအဆင်ပြေသွားကြတာပါပဲ။
နောက်တခုက ကုမ္မဏီမှာရှိတဲ့ security လို့ခေါ်တဲ့ ဂိတ်စောင့်ဟာလည်း သူ့တာဝန်ဟာ ကုမ္ပဏီ ရှိပင်မတံခါးကြီးကို အဖွင့်အပိတ်လုပ်ပေးဖို့၊ ဧည့်သည်များကို လက်ခံပြောပေးဖို့၊ ကုမ္ပဏီရှိပစ္စည်းများ ပျောက်ရှမှုမရှိအောင်၊ သူခိုးမခိုးရအောင် ကြည့်ရှုစောင့်ကြပ်ရန်တာဝန်မှလွဲပြီး အခြားမည်သည့်တာဝန်မှ မရှိပါဘူး။ security လို့ခေါ်တဲ့ ဂိတ်စောင့်ဟာလည်း ကုမ္မဏီက အလုပ်သမားတဦးဖြစ်တာကြောင့် အဆိုပါဂိတ် စောင့်လုံခြုံရေးဟာ လုပ်ငန်းရှင်ရဲ့ လက်ကိုင်တုတ်သဖွယ် လုပ်ပေးနေစရာမလိုအပ်ပါဘူး။
(၇) နိုင်ငံသားအလုပ်သမားတဦးဟာ သူ့မလုပ်နိုင်တဲ့အလုပ်တခုကို တရားသဖြင့် ငြင်းခွင့်၊ ပြန်လည်ချေပခွင့်ရှိပါတယ်။ အကြောင်းမဲ့အလုပ် ဖြုတ်ခွင့်မရှိပါဘူး။ အကြောင်းမဲ့ အကျိုးမဲ့ အလုပ်သမားတဦးကို လုပ်ငန်းရှင်မှ အလုပ်မှထုတ်ပယ်တယ်။ အလုပ်ဖြုတ်တယ်ဆိုရင် အလုပ် သမားဟာ TUM မလေးရှားအလုပ်သမားသမဂ္ဂဆီကို တိုင်ကြားနိုင်ပါတယ်။ မလေးရှားအလုပ်သမားသမဂ္ဂဟာ လွတ်လပ်သော အဖွဲ့အ စည်းဖြစ်ပြီး အလုပ်သမားထုကို ကိုယ်စားပြုရပ်တည်ပေးပါတယ်။ နိုင်ငံသားအလုပ်သမားတဦးမပြောနဲ့ နိုင်ငံခြားသားအလုပ်သမားတဦးမှ အလုပ်ရှင်မှ မတရားဖိနှိပ်မှု၊ အလုပ်သမားအခွင့်အရေးချိုးဖေါက်မှုလုပ်သည်ဟုတိုင်ကြားလာပါက အဆိုပါ မလေးရှားအလုပ်သမားသမဂ္ဂမှ ၀င်ရောက်ကိုင်တွယ်ဆောင်ရွက်နိုင်ခွင့်တွေရှိပါတယ်။
• နိုင်ငံသားအလုပ်သမားတဦး၏ ရပိုင်ခွင့်များ
မလေးရှားနိုင်ငံသားအလုပ်သမားတဦးဟာ တနင်္ဂနွေနေ့ (အများသူငါ နားရက် Public Holiday မှာ နိုင်ငံသားအလုပ်သမားတဦး၏ ဆန္ဒ အတိုင်း အနားယူခွင့်ရယူနိုင်ပါတယ်။ ကုမ္မဏီမှလည်း ပေးထားပါတယ်။ အတင်းအကြပ်အလုပ်ခိုင်းစေခွင့်မရှိပါ။ (မှတ်ချက်) အကယ်၍အ လုပ်သမားမှ ထိုတနင်္ဂနွေနေ့တွင်အလုပ်ဆင်းခဲ့ပါမူ နှစ်ဆပေးရပါတယ်။ Double charge ရပါတယ်။ ဒါက အလုပ်သမားဥပဒေအရပေးရခြင်း ပဲဖြစ်ပါတယ်။ ကျနော်တို့ မြန်မာနိုင်ငံသားအများစုအခေါ် အခါကြီးရက်ကြီးများဖြစ်သော တောင်သူလယ်သမားနေ့၊ အလုပ်သမားနေ့၊ လွတ်လပ်ရေးနေ့၊ အာဇာနည်နေ့ အစရှိသည့် သမိုင်းဝင်ရုံးပိတ်ရက်များတွင်လည်း အလုပ်သမား၏ဆန္ဒအလျှောက် အနားယူခွင့်အပြည့်အ၀ ရှိသလို ..အကယ်၍ အလုပ်မနားဘဲ ကုမ္မဏီဖွင့်ပါက အလုပ်ဆင်းခဲ့ပါမူ တနေ့လုပ်ခ၏ သုံးဆ Triple ပေးရပါတယ်။ အလွန်အရေးကြီးသော အခါမှ ကုမ္မဏီသည် အဆိုပါရက်များတွင် လုပ်အားခအားသုံးဆပေးလေ့ရှိပြီး များသောအားဖြင့် ထိုရက်များတွင် ကုမ္မဏီသည် အလုပ်ပိတ် လေ့ရှိပါတယ်။
လုပ်ငန်းခွင် အနာတရဖြစ်ခဲ့လျှင်သော်လည်းကောင်း၊ နေထိုင်မကောင်းဖြစ်ခဲ့လျှင်သော် လည်းကောင်း၊ ဆေးခန်း ဆေးရုံမှ သက်ဆိုင်ရာဆရာ ၀န်၏ ထိုအလုပ်သမားသည် ရက်မည်မျှအနားယူရန် လိုအပ်သည်ဟူသောဆေးထောက်ခံစာဖြင့် အလုပ်သမားသည် လွတ်လပ်စွာ အနား ယူခွင့် အပြည့်အ၀ရှိသည်။ လုပ်ငန်းရှင်သည် မည်သို့မျှဖိအားပေး၍မရချေ။ နိုင်ငံသားအလုပ်သမားတဦးသည် နေ့လည်စာစားချိန်အား ၁ နာရီတိတိ အပြည့်အ၀ယူခွင့်ရှိပြီး နေ့လည်စာ ထမင်းစားချိန်သည် ၁၂ နာရီမှ ၁ နာရီထိ ဖြစ်သည်။ နံက် ၈ နာရီ အလုပ်စဆင်းသည့် အလုပ် သမားသည် ညနေ ၅ နာရီတွင် အလုပ်ပြီးဆုံး၍ အခြေခံအလုပ်ချိန် ၈ နာရီသာလျှင် အပြည်ပြည်ဆိုင်ရာအလုပ်သမားအဖွဲ့ချုပ် ILO ၏ ပြ ဌာန်းထားသော အလုပ်သမားဥပဒေအရသော်လည်းကောင်း၊ မလေးရှားအလုပ်သမားဥပဒေအရသော်လည်းကောင်း၊ ထိုအလုပ်ချိန် တနေ့ ၈နာရီသာလျှင် တရားဝင်ဖြစ်သည်။
ထို့အပြင် နိုင်ငံသားအလုပ်သမားများသည် မိမိတို့ရရှိသောလစာသည် လွန်စွာနည်းပါးလွန်းသည်ဟုယူဆခဲ့လျှင်သော်လည်းကောင်း၊ ကုမ္မ ဏီမှ ကျန်းမာရေးစောင့်ရှောက်မှုအရသော်လည်းကောင်း၊အလုပ်သမားများ၏ အသက်နှင့်ဘ၀အာမခံချက်မရှိပါဟုယူဆခဲ့လျှင်သော် လည်းကောင်း၊ အလုပ်ချိန်များပြားလွန်းလျှင်သော်လည်းကောင်း၊ အလုပ်သမားများသည် ငြိမ်းချမ်းသောနည်းဖြင့်မိမိတို့၏ဆန္ဒကို ထုတ်ဖေါ် ပိုင်ခွင့်ရှိသည်။ ထိုသို့ မိမိ၏လွတ်လပ်သောဆန္ဒကို ထုတ်ဖော်ခွင့်သည်ပင်လျှင် အပြည်ပြည်ဆိုင်ရာအလုပ်သမားအဖွဲ့ချုပ် ILO ၏ ဥပဒေအရ သော်လည်းကောင်း၊ မလေးရှားအလုပ်သမားဥပဒေအရသော်လည်းကောင်း တရားဝင်ပေးထားခြင်းဖြစ်သည်။
Over Time – အိုဗာတိုင်ဟုခေါ်သော အချိန်ပို အလုပ်ဆင်းခြင်းသည် အလုပ်သမား၏ စိတ်ဆန္ဒအရ မိမိနှစ်သက်ပါက အချိန်ပိုဆင်းနိုင်သလို၊ မိမိ အချိန်ပိုမဆင်းလိုပါက မဆင်းပဲနေခွင့်ရှိသည်။ ထိုအချက်သည်လည်း ILO ဥပဒေအရသော်လည်းကောင်း၊ မလေးရှားအလုပ် သမား ဥပဒေအရသော်လည်းကောင်း ဖြစ်သည်။ အလုပ်သမားတဦးသည် မိမိလုပ်ငန်းခွင်တွင် အလုပ်ခွင်အန္တရာယ် ကင်းရှင်းမှု၊ လုပ်ငန်းခွင်တွင်လုံခြုံစိတ်ချရမှုမရှိပါက လုပ်ငန်းရှင်အား လွတ်လပ်စွာပြောဆိုပြီး တောင်းဆိုခွင့်ရှိသလို၊ လုပ်ငန်းရှင်မှ မလိုက်လျှောပါကလည်း TUM သို့ တိုင်ကြားခွင့်ရှိသလိုILO အဖွဲ့ကြီးသို့လည်းတရားဝင်တိုင်ကြားနိုင်သည်။ ထိုသို့တိုင်ကြားသဖြင့် လုပ်ငန်းရှင်မှ အလုပ်သမားအား မည် သို့မျှ အရေးယူခွင့်မရှိချေ။
အလုပ်ရှင်သည် အလုပ်သမားတဦး၏ ဂုဏ်သိက္ခာကို ထိခိုက်စေသောနစ်နာမှုမျိုးကိုကျုးလွန်ပါက ထိုအလုပ်ရှင်အား အလုပ်သမားမှ တရား စွဲဆိုပိုင်ခွင့်အား မလေးရှားအလုပ်သမားဥပဒေတို့တွင် ပြဌာန်းပေးထားပါသည်။ ကျနော်လေ့လာမိသလောက် ကျနော်ရောက်သည့်အချိန်မှ စပြီး ယနေ့ချိန်ထိ လုပ်ငန်းရှင်နှင့် အလုပ်သမားများတို့၏ပဋိပက္ခများသည် မရှိသလောက်နည်းပါးရခြင်းအကြောင်းရင်းကား မလေးရှားနိုင်ငံ တွင် တိကျသော၊ ခိုင်မာသော အလုပ်သမားဥပဒေများနှင့် အလုပ်သမားသမဂ္ဂတို့ရှိနေခြင်းကြောင့်ပင်ဖြစ်တော့သည်။
• ယနေ့မြန်မာပြည်နှင့် မျက်မှောက်ကာလ အလုပ်သမားများအခြေအနေ
ယနေ့ ကျနော်တို့တိုင်းပြည်တွင် ပုလဲ၊ ၀ိုင်ဂျေ၊ စပယ်ပွင့်၊ နေမင်းအောင်နှင့် မှော်ဘီ yangon crow myanmar goldenstar (MGS)အချို ရည်စက်ရုံနှင့်အခြားသော ကုမ္မဏီတော်တော်များများမှ အလုပ်သမားထုကြီးသည် လုပ်ခလစာတိုးမြင့်ရေးနှင့် အခြားသောအလုပ်သမားများ ခံစားခွင့်များ၊ ရပိုင်ခွင့်များကို ငြိမ်းချမ်းသောနည်းဖြင့်ဆန္ဒဖေါ်ထုတ်နေကြသည်ကိုအများအသိပင်ဖြစ်သည်။ ထိုအလုပ်သမားထုကြီးသည် ကုမ္ပဏီပိုင်ပစ္စည်းများအား ဖျက်ဆီးခြင်းလည်းမရှိ၊ ဆူပူမှုလည်း အလျှင်းမရှိဘဲ မိမိတို့ရပိုင်ခွင့်နှင့် ခံစားပိုင်ခွင့်များကိုသာ တရားသဖြင့် ငြိမ်းချမ်းစွာ ဆန္ဒဖေါ်ထုတ်နေခြင်းအား သက်ဆိုင်ရာကုမ္မဏီမှ တာဝန်ရှိသူများမှသော်လည်းကောင်း၊ မြန်မာနိုင်ငံအလုပ်သမားဝန်ကြီးဌာနလက်အောက်ရှိ ဌာနခွဲများမှသက်ဆိုင်ရာတို့သည် တက်ကြွစွာဖြင့် အမြန်ဆုံးလုပ်ဆောင်ပေးရန် အပူတပြင်းလိုအပ်လျှက်ရှိနေတော့ သည်။
လက်ရှိမြန်မာနိုင်ငံတွင် အလုပ်သမားထုကြီး၏လုပ်ခလစာသည် အခြားသောတိုင်းပြည်မှ အလုပ်သမားများ၏လုပ်ခလစာနှင့်မည်သို့မျှ နှိုင်းယှဉ်လို့မရအောင် အလွန်အမင်းနိမ့်ကျလျှက်ရှိနေခြင်းသည် အလုပ်သမားများဆူပူအုံကြွမှုဆီသို့ တွန်းပို့နေသကဲ့သို့ပင်ဖြစ်နေတော့ သည်။ ထိုသို့ အလုပ်သမားထုကြီး၏ လုပ်ခလစာတိုးမြှင့်ပေးရေးတောင်းဆိုမှုသည် လက်ရှိ ဦးသိန်းစိန်အစိုးရ၏ အပြောတမျိုး အလုပ် တမျိုး ဖြစ်နေခြင်းအကြောင်းရင်းများ၏ အကျိုးဆက်များဖြစ် ပါကြောင်း ရေးသား တင်ပြလိုက်ရပေတော့သတည်း။
မှတ်ချက် – ယနေ့မြန်မာနိုင်ငံတွင်ငြိမ်းချမ်းစွာဆန္ဒထုတ်ဖေါ်တင်ပြနေကြသော ကုမ္ပဏီအသီးသီးမှ အလုပ်သမားထုကြီးသည် မိမိတို့အလုပ်သ မားရပိုင်ခွင့်နှင့် ခံစားပိုင်ခွင့်များကိုရယူခံစားနိုင်ပြီး သာယာသော အနာဂတ်အလုပ်သမားထုကြီး လူ့ဘောင်သစ်ကို တည်ဆောက်နိုင်ကြပါစေ လို့ဆန္ဒပြုရင်း …။
ကျနော် မောင်လူဝေးပါ။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment