Showing posts with label ဆောာင်းပါး. Show all posts
Showing posts with label ဆောာင်းပါး. Show all posts
သမိုင်းတကွေ့မှ အိုင်စီအက်စ် ဦးတင်ထွဋ်
By သန်းဝင်းလှိုင်
အောက်တိုဘာ ၂၆၊ ၂၀၁၂
အောက်တိုဘာ ၂၆၊ ၂၀၁၂
ဦးတင်ထွဋ်သည်
ကိုလိုနီခေတ်၌ မြန်မာလူမျိုးထဲမှ ပထမဆုံး အိန္ဒိယပဋိဉာဉ်ခံဝန်ထမ်း (အိုင်စီအက်စ်)ကို
ရွေး ချယ်ခန့်ထားခြင်း ခံရသူဖြစ်သည်။ ဦးတင်ထွဋ်ကို အဖ အရေးပိုင် ဦးဖိန်း
(K.S.M., A.T.M) အမိ ဒေါ်မိမိတို့မှ မြင်းခြံမြို့တွင် ၁၈၉၅ ခုနှစ် ဖေဖေါ်ဝါရီလ ၁ ရက်
နေ့၌ ဖွားမြင်ခဲ့သည်။ မွေးချင်း (၇)ယေက်အနက် အကြီးဆုံးဖြစ်သည်။ ညီအစ်ကို ၄ ဦးစ လုံးမှာ
အင်္ဂလန်မှ ဘားအက်လော (Bar.at. Law) ဝတ်လုံဘွဲ့များရ၍ ထူးချွန်ထက်မြက် ထင်ရှားသူများဖြစ်သည်။
ဦးတင်ထွဋ်၏ ညီနှင့်ညီမများမှာ တရားသူကြီးနှင့် ဥပဒေပါမောက္ခ ဦးကျော်မြင့်၊ သံအမတ်ကြီး
နှင့် ဗဟိုတရားရုံးချုပ်အကျိုးဆောင် ဦးမြင့်သိန်း၊ မြန်မာစာပေ မဟာဝိဇ္ဇာဘွဲ့ရနှင့်
ရန်ကုန်တက္ကသိုလ် ကျောက်စာဖတ် ဒေါ်ခင်မြမူ၊ ရန်ကုန်တက္ကသိုလ် ပါမောက္ခချုပ်နှင့် ကမ္ဘာသိ
မြန်မာစာပေပညာရှင် ဒေါက်တာထင်အောင်၊ ဝိဇ္ဇာဂုဏ်ထူးနှင့် ဘီအီးဒီဘွဲ့ရ ခေတ်စမ်းစာဆို
ဒေါ်ခင်စောမူ၊ ရန်ကုန်တက္ကသိုလ် အင်္ဂလိပ်စာဌာနမှူး ဒေါ်တင်စောမူတို့ ဖြစ်ကြသည်။
ဦတင်ထွဋ်သည်
ငယ်စဉ်က ရန်ကုန်မြို့ စိန့်ပေါလ်အထက်တန်းကျောင်း၊ ပဲခူးမြို့
အစိုးရအထက်တန်းကျောင်း၊ ရန်ကုန်ကောလိပ်တို့တွင် ပညာသင်ကြားခဲ့သည်။
ရန်ကုန်ကောလိပ်တွင် လပိုင်းမျှသာနေ၍ ၁၉၁၁ ခုနှစ်တွင် အင်္ဂလန်ဂျူး ဝစ်ကောလိပ်၊ ၁၉၁၄
ခုနှစ်တွင် ကိန်းဘရစ်တက္ကသိုလ် ကွင်းန်ကောလိပ်၊ ၁၉၁၄ ခုနှစ်တွင်
အိုင်ယာလန်ဒဗ္ဗလင်ထရီနတီ ကောလိပ်တို့တွင် ဆက်လက်ပညာသင်ကြားခဲ့သည်။ ၁၉၁၅ ခုနှစ်တွင်
မက်စ်သစ်ထရစ်ပို စာမေးပွဲကိုလည်းကောင်း၊ ၁၉၁၇ ခုနှစ် အီကောနော်မစ်ထရစ်ပို
စာမေးပွဲကိုလည်းကောင်း အောင်မြင်ခဲ့သည်။ ၁၉၁၆ ခုနှစ်တွင် အင်္ဂလိပ်အက်ဆေး ပြိုင်ပွဲ၌
ဟူးစ်ပရိုက်ဆု ရရှိခဲ့သည်။ ၁၉၁၇ ခုနှစ်တွင် ကိန်းဘရစ်တက္ကသိုလ် ဘီအေဘွဲ့
(ဝိဇ္ဇာဘွဲ့)ကို သင်္ချာ၊ ဘောဂဗေဒ ဂုဏ်ထူးတို့ဖြင့် ရရှိခဲ့သည်။ ၁၉၂၀ ပြည့်နှစ်တွင်
ဒဗ္ဗလင်ထရီနတီ ကောလိပ်မှ ဘီအေ (တီ၊စီ၊ဒီ)နှင့် အမ်အေ (မဟာဝိဇ္ဇာ) ဘွဲ့များ ရရှိသည်။
ထို့နောက် ၁၉၂၁ ခုနှစ်တွင် အင်္ဂလန်မစ်ဒယ်တန်ပယ်လ် ဥပဒေကျောင်းမှ ဘာရစ်စတာ
(Barrister at Law) ဝတ်လုံဘွဲ့ ရရှိခဲ့သည်။အင်္ဂလန်ပြည်တါင် ပညာသင်ကြားနေစဉ် အားကစားဘက်၌လည်း ထူးချွန်သည်။ ဒါးလ်ဝစ်ကောလိပ် (Dulwich college) ရတ်ဘီအားကစား လက်ရွေးစင် (ပတ်ဘလစ်စကူးလက်ဝှေ့ချန်ပီယံ)၊ ကိန်းဘရစ်တက္ကသိုလ် ရတ်ဘီအသင်း ခေါင်းဆောင်နှင့် လှေလှော်အသင်း ဥက္ကဋ္ဌအဖြစ် ရွေးချယ်ခံရသည်။
၁၉၁၇ ခုနှစ်တွင် မြန်မာတိုင်းရင်းသားများထဲမှ အိန္ဒိယစစ်တပ်ကော်မရှင် အရာရှိအဖြစ် ခန့်အပ်ခြင်းခံရသည်။ ၁၉၁၉ ခုနှစ်တွင် မြန်မာတိုင်းရင်းသားများထဲမှ ပထမဆုံး အိန္ဒိယပဋိဉာဉ်ခံဝန်ထမ်း (I.C.S) အဖြစ် ရွေးချယ်ခံရသည်။ ၁၉၁၉ မှ ၁၉၂၁ အထိ အောက်စ်ဖို့ဒ် တက္ကသိုလ်၌ အလုပ်သင်အဖြစ် ပညာသင်ခဲ့သည်။
၁၉၂၁ ခုနှစ် ဒီဇင်ဘာလ ၁၂ ရက်နေ့တွင် မြန်မာပြည်သို့ ပြန်လည်ရောက်ရှိသည်။ ၁၉၂၂ တွင် ပဲခူးတိုင်း ကမာဝဲ မှ ဦးဘိုးမင်း၏သမီး မသန်းတင် နှင့် လက်ထပ်ခဲ့သည်။
ယင်းနောက် ၁၉၂၂ ခုနှစ်တွင် ပဲခူးဝန်ထောက်၊ ၁၉၂၄ တွင် သစ်တော်ဌာန အတွင်းဝန်ထောက်၊ သစ်တော်ကော် မတီ အတွင်းရေးမှူး၊ ၁၉၂၅ တွင် ဘဏ္ဍာရေး အတွင်းဝန်ထောက်၊ ၁၉၂၆ တွင် အခွန်တော်နှင့် သဿမေဓစုံစမ်းရေးကော် မတီ အတွင်းရေးမှူး၊ ၁၉၂၇ တွင် သမဝါယမ တွဲဖက်ရီဇစ္စတြာဝန်ထောက်အဖြစ် ဆောင်ရွက်ခဲ့သည်။ ၁၉၂၈ ခုနှစ် ဧပြီလ ၁၀ ရက်နေ့မှ ၁၉၃၃ ခုနှစ် ဧပြီလ ၁၇ ရက်နေ့အထိ အိန္ဒိယနိုင်ငံ ဒေလီမြို့နှင့် ဆင်းမလားမြို့တွင် အိန္ဒိယအစိုးရစက်မှုနှင့် အလုပ်သမားဌာန အတွင်းဝန်ထောက်၊ ဒုတိယအတွင်းဝန် တွဲဖက်အတွင်းဝန်အဖြစ် အမှုထမ်းခဲ့သည်။ ထိုမှတဖန် ၁၉၃၃ တွင် ပြည်အရေးပိုင်အဖြစ်လည်းကောင်း၊ ၁၉၃၅ တွင် အတွင်းဝန်များရုံး (နောင်ဝန်ကြီးများရုံး) ဘဏ္ဍာရေးဌာန ဒုတိယ အတွင်းဝန်အဖြစ်လည်းကောင်း ထမ်းရွက်ခဲ့သည်။ တဖက်မှလည်း ၁၉၃၉ မှ ၁၉၄၂ ခုနှစ်တိုင် ရန်ကုန်တက္ကသိုလ် ဒုတိယ အဓိပတိအဖြစ် ဆောင်ရွက်ခဲ့သည်။
၁၉၄၁ ခုနှစ် စက်တင်ဘာလ ၂၃ ရက်နေ့တွင် နန်းရင်းဝန် ဂဠုန်ဦးစော၏ အတွင်းဝန်အဖြစ် ဂဠုန်ဦးစောနှင့်အတူ မြန်မာ့လွတ်လပ်ရေး အရေးဆိုရန် အင်္ဂလန်ပြည်သို့ လေကြောင်းခရီးဖြင့် ထွက်ခွာခဲ့သည်။ အောက်တိုဘာလ ၁၀ ရက်နေ့ လန်ဒန်မြို့သို့ ရောက်ရှိပြီး အောက်တိုဘာလ ၁၈ ရက်နေ့တွင် ဗြိတိသျှနန်းရင်းဝန် ဆာဝင်စတန်ချာချီနှင့် ဦးစောတွေ့ဆုံ ဆွေးနွေးရာတွင် အတူတက်ရောက်ခဲ့သည်။ ချာချီနှင့် ဦးစောတို့ နှစ်နာရီကြာ တွေ့ဆုံဆွေးနွေးခဲ့သော်လည်း မြန်မာ့အရေး နှင့်ပတ်သက်၍ ဗြိတိသျှတို့ဘက်မှ မည်သည့်ကတိကိုမှ မပေးခဲ့ချေ။ ချာချီ၏ တင်းမာသောသဘောထားနှင့် အခြားဗြိတိသျှ ခေါင်းဆောင်များ. မရေမရာပြောဆိုမှုများသည် ဦးစောကို စိတ်အနှောင်အယှက်ဖြစ်စေခဲ့သည်။ ဦးစောသည် ဗြိတိန်မှ အ မေရိကန်ပြည်ထောင်စုသို့ဝင်၍ သမ္မတတဖရန်ကလင်ဒီရူးစဗဲ့အား ဝင်တွေ့ရာတွင်လည်း ဦးတင်ထွဋ်သည် အတူလိုက်ပါခဲ့ ရသည်။ အမေရိကန်သမ္မတက ဗြိတိသျှကိုလိုနီနယ်တစ်ခု၏ အရေးအရာများတွင် ဝင်ရောက်စွက်ဖက်ရန် လက်တွန့်နေ သည့်သဘောထားကို သိရပြီးနောက် ဦးစောသည် ဦးတင်ထွဋ်အားချန်ထား၍ အမေရိကန်ရှိ ဂျပန်သံရုံးမှ ကောင်စစ်ဝန် အား တကိုယ်တော် ဝင်ရောက်တွေ့ဆုံ ဆွေးနွေးခဲ့သည်။ ဦးစောသည် အမေရိကန်မှအပြန် ပေါ်တူဂီနိုင်ငံ လစ်စကွန်မြို့ရှိ ဂျပန်သံရုံးမှ ကောင်စစ်ဝန်ကို တဦးတည်းတွေ့ဆုံခဲ့ပြန်သည်။ ဦးစောနှင့် ဂျပန်ကောင်စစ်ဝန်တို့ ပြောဆိုခဲ့သမျှ ဗြိတိသျှ တော်လှန်ရေးက ကြားဖြတ်ဖမ်းယူပြီး စကားဝှက်များဖော်ထုတ်၍ လန်ဒန်အစိုးရထံ ပြန်ပို့ခဲ့သည်။ ဦးစောနှင့် ဂျပန်ကောင် စစ်ဝန်တို့ ပြောဆိုချက်အကျဉ်းချုပ်မှာ ဂျပန်က မြန်မာနိုင်ငံကို ကျူးကျော်ဝင်ရောက်လျှင် မြန်မာတိုင်းရင်းသားတို့က ဗြိတိ သျှတို့ကို ဂျပန်တို့နှင့်ပူးပေါင်း၍ ထကြွပုန်ကန်လိမ့်မည်။ ထို့ကြောင့် သူ့အနေဖြင့် ဂျပန်ကို တတ်နိုင်သမျှ အကူအညီပေး မည်ဟူ၍ ဖြစ်သည်။ ဗြိတိသျှနိုင်ငံခြားရေးဝန်ကြီးက ဦးစောနှင့် ဦးတင်ထွဋ်နှစ်ဦးကို ဖမ်းရန် ဆုံးဖြတ်လိုက်ပြီး ဦးစောတို့စီး လာသောလေယာဉ် ပါလက်စတိုင်းပြည် (ယခုအစ္စရေးနိုင်ငံ) ဟိုင်ဖာမြို့သို့ ၁၉၄၂ ခုနှစ် ဇန်နဝါရီလ ၁၈ ရက်နေ့တါင် လေ ယာဉ်ဆင်းသည်နှင့် ဖမ်းဆီးထိန်းသိမ်းလိုက်လေသည်။ ထို့နောက် ဦးစောအား အာဖရိကတိုက် ယူဂန်ဒါနိုင်ငံသို့ ပို့လိုက်ပြီး ဦးစောသည် စစ်အတွင်းကာလတစ်လျှောက် ၁၉၄၆ ခုနှစ် ဇန်နဝါရီလ ၂၅ ရက်နေ့အထိ အထိန်းသိမ်းခံခဲ့ရသည်။ ဦးတင် ထွဋ်ကိုမူ ဗြိတိသျှတို့က ပြန်လွှတ်ပေးပြီး ၁၉၄၂ ခုနှစ် မေလ ၂၀ ရက်နေ့တွင် မြန်မာနိုင်ငံမှ ဆုတ်ခွာလျှက် အိန္ဒိယနိုင်ငံ ဆင်းမလားမြို့၌ ဖွဲ့စည်းထားသော ဆာဒေါ်မန်စမစ်၏ စစ်ပြေးအစိုးရအဖွဲ့၌ သွားရောက်ပူးပေါင်းစေသည်။ သို့ဖြင့် ဦးတင် ထွဋ်သည် ၁၉၄၂ ခုနှစ်မှ ၁၉၄၆ ခုနှစ်အထိ မြန်မာပြည် စစ်ပြေးဆင်းမလားအစိုးရအဖွဲ့၏ ပြန်လည်ထူထောင်ရေးဆိုင်ရာ အကြံပေးအရာရှိအဖြစ် ဆောင်ရွက်ခဲ့သည်။ ၁၉၄၅ ခုနှစ် စက်တင်ဘာလ ၆ ရက်နေ့မှ ၇ ရက်နေ့အထိ သီရိလင်္ကာနိုင်ငံ ကန္ဒီမြို့၌ အရှေ့တာင်အာရှဆိုင်ရာ မဟာမိတ်တပ်များ၏ စစ်သေနာပတိချုပ် လော့ဒ်လူဝီမောင့်ဘက်တန်နှင့် မြန်မာနိုင်ငံမှ ဗိုလ်ချုပ်အောင်ဆန်းခေါင်းဆောင်သော မြန်မာကိုယ်စားလှယ်အဖွဲ့ကို တွေ့ဆုံဆွေးနွေးရာတွင် စစ်ပြေးအစိုးရ အကြံပေး ပုဂ္ဂိုလ် ဦးတင်ထွဋ်လည်း တက်ရောက်ခဲ့သည်။
၁၉၄၅ ခုနှစ် အောက်တိုဘာလ ၂၅ ရက်နေ့တွင် မြန်မာငံ ဘုရင်ခံဆာဒေါ်မန်စမစ်သည် မြန်မာပြည်အစိုးရ၏ အ ကြံပေးအရာရှိ ဦးတင်ထွဋ်ကို ဖဆပလအဖွဲ့ချုပ်သို့ စေလွှတ်ပြီး ဘုရင်ခံအမှုဆောင်ကောင်စီတွင် အဖွဲ့ဝင် ၁၅ ဦးအစား ၁၁ ဦးသာ ခန့်ထားမည်ဖြစ်ကြောင်း ပြောကြားစေသည်။
၁၉၄၆ ခုနှစ် ဇန်နဝါရီ ၁ ရက်နေ့က ဗြိတိသျှအစိုးရက ဦးတင်ထွဋ်အား Order of British Emperor (O.B.E) ချီး မြှင့်ခဲ့သည်။ ၁၉၄၆ ခုနှစ်တွင် အိုင်စီအက်စ် ဝန်ထမ်းဘဝမှ နှုတ်ထွက်၍ The Burma Review ဂျာနယ်နှင့် New Time of Burma သတင်းစာကို အင်္ဂလိပ်ဘာသာဖြင့် ထုတ်ဝေခဲ့သည်။
ထို့နောက် ၁၉၄၆ ခုနှစ် စက်တင်ဘာလ ၂၀ ရက်နေ့တွင် ဖဆပလအဖွဲ့ခေါင်းဆောင် ဗိုလ်ချုပ်အောင်ဆန်းဦး ဆောင်၍ ဘုရင်ခံအမှုဆောင်ကောင်စီ ဖွဲ့စည်းသောအခါ ဦးတင်ထွဋ်သည် ဘုရင်ခံခန့် ဘဏ္ဍာရေးနှင့် အခွန်တော်ဌာန၌ ဝန်ကြီးဖြစ်လာခဲ့သည်။
၁၉၄၇ ခုနှစ် ဇန်နဝါရီလ ၂ ရက်နေ့တွင် ဗိုလ်ချုပ်အောင်ဆန်းခေါင်းဆောင်သည့် မြန်မာကိုယ်စားလှယ်အဖွဲ့ ဗြိတိ သျှအစိုးရနှင့် မြန်မာ့လွတ်လပ်ရေးကိစ္စဆွေးနွေးရန် သွားရောက်သောအခါ ဦးတင်ထွဋ်သည် အဖွဲ့ဝင်အဖြစ် လိုက်ပါသွား ခဲ့သည်။
၁၉၄၇ ခုနှစ် ဖေဖေါ်ဝါရီလတွင် ပင်လုံစာချုပ် ချုပ်ဆိုရေးအတွက် မြန်မာကိုယ်စားလှယ်အဖြစ် တက်ရောက်ခဲ့ သည်။ ထိုနှစ်မှာပင် တောင်တန်းဒေသ စုံစမ်းရေးကော်မတီ (Frontier Area Enquiry Committee)တွင် မြန်မာကိုယ်စား လှယ်အဖြစ် သခင်နု၊ ဗိုလ်ခင်မောင်ကလေး၊ ဦးကျော်ငြိမ်းတို့နှင့်အတူ ပါဝင်ဆောင်ရွက်ခဲ့သည်။
၁၉၄၇ ခုနှစ် ဧပြီလ ၉ ရက်နေ့တွင် တိုင်းပြုပြည်ပြုလွှတ်တော် ရွေးကောက်ပွဲတွင် ဟင်္သာတမြို့မှ ဝင်ရောက်ယှဉ် ပြိုင်ရာ အနိုင်ရရှိခဲ့သည်။ ၁၉၄၇ ခုနှစ် ဇွန်လတွင် ဖွဲ့စည်းပုံအခြေခံဥပဒေမူကြမ်းရေးဆွဲရေး ကော်မတီအဖွဲ့ဝင်၊ အခြေခံဥ ပဒေအချောကိုင် ကော်မတီအဖြစ်ဝင်အဖွဲ့ ဆောင်ရွက်ခဲ့သည်။ ၁၉၄၇ ခုနှစ် ဇူလိုင်လ ၇ ရက်နေ့တွင် လန်ဒန် မြန်မာပြည် ဆိုင်ရာ ကော်မရှင်မင်းကြီးအဖြစ် ဆောင်ရွက်သည်။
ထို့နောက် ၁၉၄၇ ခုနှစ် ဇူလိုင်လ ၂၈ ရက်နေ့တွင် မြန်မာနိုင်ငံ ဘုရင်ခံဆာဟူးဘတ်စ်ရန်၏ အမှုဆောင်ကောင်စီ (ဝန်ကြီးအဖွဲ့)၌ ဌာနလက်ကိုင်မရှိ ဝန်ကြီးအဖြစ် ဆောင်ရွက်ခဲ့သည်။ ၁၉၄၇ ခုနှစ် အောက်တိုဘာလတွင် သခင်နု ဦး ဆောင်သော ကြားဖြတ်အစိုးရအဖွဲ့ ဘဏ္ဍာရေးဝန်ကြီးအဖြစ်လည်းကောင်း၊ ၁၉၄၈ ခုနှစ် ဇန်နဝါရီလ ၄ ရက်နေ့တွင် ပြည် ထောင်စုမြန်မာနိုင်ငံ အစိုးရ၏ နိုင်ငံခြားရေးဝန်ကြီးအဖြစ်လည်းကောင်း ဆောင်ရွက်ခဲ့သည်။
၁၉၄၈ သြဂုတ်လ နိုင်ငံခြားရေးဝန်ကြီးအဖြစ်မှ နှုတ်ထွက်၍ ဗိုလ်မှူးချုပ်ရာထူးဖြင့် အရန်လက်နက်တပ်များ၏ စစ် ဦးစီးချုပ်အဖြစ် ဆောင်ရွက်ခဲ့သည်။ ဦးတင်ထွဋ်ကဲ့သို့ ထိပ်တန်းနိုင်ငံ့ဝန်ထမ်းတစ်ဦးနှင့် အစိုးရအဖွဲ့ဝင်ဝန်ကြီးတစ်ဦးအား စစ်တပ်၏မြင့်မားလှသော ရာထူးတစ်ခု ပေးအပ်ခံရခြင်းမှာ ထူးဆန်းကောင်း ထူးဆန်းပေလိမ့်မည်။ သို့သော် သူ့ဘဝသည် ငယ်စဉ်ကပင် စစ်မှုထမ်းဘဝက စတင်ခဲ့သည်။ ဦးတင်ထွဋ်သည် အင်ဒိုစစ်တက္ကသိုလ်မှ ဘွဲ့ရခဲ့ပြီး အိန္ဒိယပဋိဉာဉ်ခံဘဝသို့ ဝင်ရောက်ရန်အတွက် စစ်တပ်အရာရှိရာထူးကို စွန့်လွှတ်ခဲ့ခြင်ဖြစ်သည်။ မြန်မာနိုင်ငံ လွတ်လပ်ရေးရှိခဲ့ပြီး မကြာမီမှာပင် ပြည်တွင်းစစ်မီးတောက်နေချိန်တွင် စစ်မှုထမ်းဟောင်းများကို ရနိုင်သလောက် ပြန်လည်စုစည်း၍ ခိုင်မာသည့် ပြည်ထောင် စုအရံတပ်မတော် (Union Auxiliary Force) ဖွဲ့စည်းရေးတာဝန်ကို သူ့ဖာသာသူ ကမ်းလှမ်းခဲ့ခြင်းဖြစ်သည်။ သူသည် နိုင်ငံ တော်လုပ်ကြံမှုတရားခံ ဂဠုန်ဦးစောနှင့် နောက်လိုက်များကို စစ်ဆေးစီရင်နေသော တရားသူကြီး ဦးကျော်မြင့်၏ အစ်ကို လည်း တိုက်တိုက်ဆိုင်ဆိုင် ဖြစ်နေခဲ့သည်။ ထို့အပြင် သူ့သတင်းစာတွင် အသုံးပြုရန်အတွက် ဂဠုန်ဦးစောအမှုကို ထိုအချိန် ကပင် ဦးတင်ထွဋ်သည် စူးစမ်းလေ့လာခဲ့သည်။ သူ၏ The New Times of Burma သတင်းစာ အယ်ဒီတာအဖွဲ့ဝင်များ အား ဗိုလ်ချုပ်အောင်ဆန်းလုပ်ကြံမှုနှင့် ပတ်သက်သမျှ သဲလွန်စများကို စုဆောင်းရန် စေခိုင်းခဲ့သည်။
ယင်းနောက် နယူးတိုင်းအော့ဖ်ဘားမား သတင်းစာတိုက်မှ အိမ်သို့အပြန် ၁၉၄၈ ခုနှစ် စက်တင်ဘာလ ၁၇ ရက် နေ့ ည ၉း၃၀ နာရီတွင် လူသတ်သမားတစ်ဦက လက်ပစ်ဗုံးဖြင့် ပစ်ခတ်လုပ်ကြံမှုကြောင့် ကားရှေ့ခန်းတွင် ထိုင်နေသူ ဦး တင်ထွဋ်၏ခြေရင်းတွင် ကျရောက်ပေါက်ကွဲကာ နဖူး၊ ဘယ်ဘက်မေး၊ ဘယ်ဘက်ပေါင်၊ ဘယ်ဘက်ဒူး၊ ဘယ်ဘက်ခြေ မျက်စိ အပါအဝင် စုစုပေါင်း ဒဏ်ရာ ၈ ချက်ထိကာ မေ့မြောသွားခဲ့ရသည်။ ဦးတင်ထွဋ်နှင့်ယှဉ်ကာ ထိုင်နေသူဗမာ့ကိုယ်ရံ တော်တပ်မှ အရာရှိတစ်ဦးနှင့် ယာဉ်မောင်းမောင်အေးဖေတို့မှာ ဒဏ်ရာအနည်းငယ်ရရှိခဲ့သည်။ သို့သော်လည်း ကား နောက်မှ လိုက်ပါသူ ဂေါ်ရခါးကိုယ်ရံတော် သီဘဟာဒူးနှင့် ပီဘဟာဒူးတို့မှာ ဒဏ်ရာပြင်းထန်စွာ ရရှိခဲ့ကြသည်။
ဒဏ်ရာပြင်းထန်စွာရရှိ၍ မေ့မြောနေသော ဦးတင်ထွဋ်အား ဆေးရုံသို့ အမြန်တင်ပို့ခဲ့ကြသည်။ သို့သော် ဆရာဝန် များအားလုံးက အသက်လု ကုသသော်လည်း ၁၉၄၈ ခုနှစ် စက်တင်ဘာလ ၁၈ ရက် ည ၇ နာရီ ၃၅ မိနစ်တွင် ကွယ်လွန် သွားခဲ့သည်။
ဦးတင်ထွဋ်၏ ကြွင်းကျန်သော ရုပ်ကလာပ်ကို အာဇာနည်ကုန်း (ယခုအညတရစစ်သည်ဗိမာန်နေရာ)၌ ဗိုလ်စိန် မှန်၊ ဗိုလ်ပီတာတို့နှင့်အတူ ယှဉ်လျက် ဂူသွင်းသင်္ဂြိုဟ်ထားသည်။ ယခုအခါ နဝတအစိုးရလက်ထက်၌ အာဇာနည်ကုန်း၌ အညတရစစ်သည်ဗိမာန် တည်ဆောက်လိုက်သောအကြောင့် ဦးတင်ထွဋ်၏ အုတ်ဂူလည်း ဖျက်ဆီးခံလိုက်ရသည်။ ကွယ် လွန်ချိန်၌ ဇနီးဒေါ်သန်းတင်နှင့် သမီး (၃)ဦး ကျန်ရစ်ခဲ့သည်။
LWIN PWIN
NLABR
Web-site: www.nlabr.com
စိတ်ဝင်စားမှုနဲ့အတူ
စိုးရိမ်နေရတဲ့ တရားဥပဒေစိုးမိုးရေး
By တူမောင်ညို
“တရားဥပဒေစိုးမိုးရေး၊
၂၀၀၈ အခြေခံဥပဒေပြင်ဆင်ရေး၊ ပြည်တွင်းငြိမ်းချမ်းရေး” ဒီအကြောင်းတွေ
ကြားရတဲ့အခါ ဖတ်ရတဲ့ အခါ စိတ်ဝင်စားမှုနဲ့အတူ စိုးရိမ်စိတ်လည်း
တွဲပြီးပေါ်ပေါက်လာတတ်ပါတယ်။
စိတ်ဝင်စားမှုကို
အထွေအထူးရှင်းပြစရာမလိုပေမဲ့၊ စိတ်ဝင်စားမှုအတူ ယှဉ်တွဲဖြစ်ပေါ်လာတဲ့
စိုးရိမ်မှုကိုတော့ ရှင်းပြရမယ်နဲ့ တူပါတယ်။ ဒီလိုပါ၊ ဒီကိစ္စတွေဟာ
ကိစ္စကြီးတွေဖြစ်နေလို့တင် စိုးရိမ်တာမဟုတ်ပါဘူး။ အုပ်စိုးသူအစိုးရအဆက်ဆက်
မဖြေရှင်းနိုင်ခဲ့တဲ့ ကိစ္စကြီးတွေဖြစ်နေလို့ပါပဲ။
အုပ်စိုးသူအဆက်ဆက်
ကိုင်တွယ်ဖြေရှင်းနိုင်ခြင်းမရှိခဲ့တဲ့ကိစ္စကြီးတွေကို လက်ရှိသမ္မတဦးသိန်းစိန်
အစိုးရကရော ကိုင်တွယ် ဖြေရှင်းနိုင်ပါ့မလား။ ဒါ့အပြင်လွှတ်တော်ထဲမှာ အနည်းစုဖြစ်တဲ့
ဒီချုပ်အမတ်တွေကရော အများစုဖြစ်တဲ့ကြံ့ဖွံ့ပါတီကိုစည်းရုံးပြီး ဒီကိစ္စကြီး တွေကို
ပြေလည်အောင်ဖြေရှင်းနိုင်ပါ့မလား။ ဒီကိစ္စကြီးတွေကို ကိုင်တွယ်ဖြေရှင်းရတာကလည်း
“ရေမှာအရုပ်ရေးပြ” ရတာနဲ့ တူနေလိမ့် မယ်လို့ထင်ပါတယ်။
လွယ်တဲ့ကိစ္စကြီးတွေမဟုတ်ဘူးလေ။
အဲဒီအထဲက
ပထမဆုံးကိစ္စကြီးဖြစ်တဲ့ “တရားဥပဒေစိုးမိုးရေး”ကိစ္စကိုပဲ ဒီဆောင်းပါးမှာတင်ပြပါရစေ။
တရားဥပဒေစိုးမိုးရေး
လို့ပြောလိုက်တာနဲ့ လူတိုင်းစိတ်ထဲမှာ ဘယ်လို တရားဥပဒေရဲ့
စိုးမိုးမှုလဲဆိုတဲ့မေးခွန်းက လူတိုင်း ပါးစပ်ဖျားကို အလိုအလျောက်ရောက်ရှိလာမယ့်
ပထမဆုံးမေးခွန်းဖြစ်ပါလိမ့်မယ်။ ဆက်တိုက်ပေါ်လာတာကတော့ “တည်ဆဲဥပဒေများ”
ကိုစိစစ်ရေးကိစ္စ၊ ဥပဒေပြုရေး၊ အုပ်ချုပ်ရေး၊ တရားစီရင်ရေး၊ တရားရုံးများ၊
တရားသူကြီးများ၊ ရှေ့နေများ၊ လက်တွေ့ တရားစီရင်မှု ဆိုင်ရာကိစ္စများစသဖြင့်
စီကာစဉ်ကာပေါ်ထွက်လာပါတယ်။
လက်တွေ့ပိုင်းအရပြောရင်
တိုင်းပြည်မှာ ၂၀၀၈ ဖွဲ့စည်းပုံအခြေခံဥပဒေ အပါအဝင် တည်ဆဲဥပဒေ ပေါင်း ၃၉၇ ခု
ရှိတယ်လို့ သိရပါတယ်။ အဆိုပါ တည်ဆဲဥပဒေများကို ဘယ်လိုစိစစ်ကြမလဲ။ ၂၀၀၈
ဖွဲ့စည်းပုံအခြေခံဥပဒေ ဟာ (နဝတ-နအဖ) စစ်အစိုးရ စိတ် ကြိုက်ရေးဆွဲခဲ့ပြီး၊
အတင်းအဓမ္မတအတည်ပြုခဲ့တာကို တိုင်းပြည်နဲ့လူထုက သိရှိပြီးဖြစ်ပါတယ်။ ဒါ့အပြင်
(နဝတ-နအဖ)စစ်အစိုးရ ရဲ့ အဓိက လက်သုံးတော် ဖိနှိပ်ရေးဥပဒေများ၊ ပုဒ်မများဖြစ်တဲ့ “ပုဒ်မ ၁၀ (က) နဲ့ (ခ)၊ ၁၉၅၀
အရေးပေါ်စီမံမှု အက်ဥပဒေ ပုဒ်မ ၅၊ ပုဒ်မ ၁၇၊ မတရားသင်းအက်ဥပဒေ ” စတဲ့
ဥပဒေများဟာ တည်ဆဲဥပဒေများ အဖြစ်တည် ရှိနေပါတယ်။
ဒါ့အပြင်
“ဖွဲ့စည်းပုံအခြေခံဥပဒေဆိုင်ရာခုံရုံး နဲ့ ခုံရုံးဥက္ကဋ္ဌ အပါအဝင် ခုံအဖွဲ့ဝင်အားလုံး
ထုတ်ပယ်ခံရမှု” ကလည်း တရား ဥပဒေစိုးမိုးရေး အတွက် လက်တွေ့အကျဆုံး
ထင်သာမြင်သာအရှိဆုံး စိန်ခေါ်မှုကြီးဖြစ်နေပါတယ်။
အကျဉ်းထောင်အသီးသီးမှာ
အကျဉ်းကျခံနေရဆဲ နိုင်ငံရေးအကျဉ်းသားတွေ၊ အကျဉ်းထောင်မှ လွတ်မြောက်လာသော်ငြား လည်း
ပုဒ်မ ၄၀၁ နဲ့ ဆက်လက် နှောင်ကြိုးတဲခြင်းခံထားရတဲ့
နိုင်ငံရေးသမားများအရေးကိစ္စတွေကလည်း တရားဥပဒေစိုးမိုးရေးလုပ်ငန်းနဲ့
တိုက်ရိုက်သက်ဆိုင်နေတဲ့ ကိစ္စတွေပဲ ဖြစ်ပါတယ်။
တိုင်းပြည်အနှံ့အပြားမှာ လယ်မြေယာမြေ၊ ဥယျာဉ်ခြံမြေတွေ
မတရားသိမ်းပိုက်ခံရမှုကလည်း ဥပဒေစိုးမိုးမှုမရှိတဲ့ပြဿနာရဲ့ ဖေါ်ပြချက် မဟုတ်ပါလား။
လောလောဆယ်ကာလမှာ
ငြိမ်းချမ်းရေးနေ့ဆန္ဒထုတ်ဖေါ်သူများဟာ “ပုဒ်မ
၁၈” နဲ့တရားစွဲခံနေရပြီး တစ်လအတွင်းရုံးချိန်း ပေါင်း ၂၆
ခုနဲ့ရင်ဆိုင်နေရတယ်လို့ဆိုပါတယ်။
ကော့မှူးမြို့နယ်လွှတ်တော်ကိုယ်စားလှယ်၊
ဒီချုပ်ဥက္ကဋ္ဌဦးစီးတဲ့ “တရားဥပဒေစိုးမိုးရေးနဲ့ တည်ငြိမ်အေးချမ်းရေးကော်မတီ” က
ကွင်းဆင်းလေ့လာနေပါတယ်။ တိုင်ကြားစာတွေလည်း ထောင်သောင်းချီပြီး
ရောက်ရှိနေတယ်လို့ကြားသိနေရပါတယ်။
တည်ဆဲဥပဒေပေါင်း
၃၉၇ ခုထဲကနေ လုံးဝပယ်ဖျက်ရုပ်သိမ်းရမယ့်ဥပဒေ၊ ပြုပြင်ဖာထေးရမယ့်ဥပဒေ၊ အသစ်ပြဋ္ဌာန်း
ရမယ့်ဥပဒေ စသဖြင့် ဘယ်လိုစိစစ်ခွဲခြားကြမလဲ။
အဲဒီလို
ပယ်ဖျက်၊ ပြုပြင်၊ အသစ်ပြဋ္ဌာန်းရမယ့်ဥပဒေတွေနဲ့ပတ်သက်ပြီး
လွှတ်တော်အသီးသီးမှာတင်ပြတဲ့အခါ အနည်းစုသာ ဖြစ်တဲ့ ဒီချုပ်အမတ်များအနေနဲ့
လွှတ်တော်အတွင်းမှာ ဘယ်လိုအကောင်အထည်ပေါ်လာအောင် ဆောင်ရွက်မလဲ။
အတွေ့အကြုံဘက်ကပြောရင်
(နဝတ-နအဖ) စစ်အစိုးရလက်ထက်မှာ ဒီချုပ်က “ဥပဒေအကူအဖွဲ့”
ဖွဲ့ပြီးဆောင်ရွက်ခဲ့ဖူးတယ်။ “ဥပဒေအကူအဖွဲ့” က ကိုင်တွယ်ခဲ့တဲ့ အမှုပေါင်း
တစ်ထောင်ကျော်အနက် တစ်မှုသာ အနိုင်ရဖူးတယ်လို့လည်း ဝန်ခံထားပါတယ်။ ဒီလို
အနိုင်ရခဲ့ပေမယ့် အဲဒီ အမှုကိုစီရင်ဆုံးဖြတ်တဲ့တရားသူကြီး( အမျိုးသမီး) ဟာ
(နအဖ) စစ်အစိုးရရဲ့နယ်ပြောင်းတဲ့ အပြစ်ဒဏ်ပေးမှု ကို ခံခဲ့ရတယ်လို့ဆိုပါတယ်။
“တရားဥပဒေစိုးမိုးရေး” ဆိုတာ ဒီချုပ်ရဲ့
တာဝန်ကြီး ၃ ရပ်ထဲက ပထမဆုံးတာဝန်ကြီးဖြစ်ပါတယ်။ ဒီတာဝန်ကို ဒီချုပ် နဲ့ ဒီချုပ်
လွှတ်တော်အမတ်တွေ ဘယ်လိုဖြစ်မြောက်အောင်ဆောင်ရွက်မလဲဆိုတာနဲ့ပတ်သက်ပြီးကျနော်အပါအဝင်ပြည်သူအများကစိတ်ဝင်စား
နေကြတာပါ။
ဒါကြောင့် “တရားဥပဒေစိုးမိုးရေး”ကို
ဦးတည်ချက်ထားပြီး လွှတ်တော်အစည်းအဝေးတွေမှာ ဒီချုပ် အမတ်တွေ က ဘယ်လို
မေးခွန်းတွေထုတ်မှာလဲ၊ ဘယ်လိုအဆိုတွေတင်မှာလဲ၊ ဘယ်လိုဥပဒေမူကြမ်းတွေတင်ပြမှာလဲ
ဆိုတာတွေနဲ့ပတ်သက်ပြီး မျက်စေ့ဖွင့် နားစွင့်ထားကြပါတယ်။
အဲဒီလို မျက်စေ့ဖွင့်နားစွင့်နေစဉ်မှာ
ဒီချုပ် ဥက္ကဋ္ဌ အမေရိကခရီးစဉ်အတွင်း “ယေးလ်တက္ကသိုလ်” ပြောခဲ့တဲ့ မိန့်ခွန်း အပြည့်
အစုံကို “ဒီလှိုင်းစာစောင်” မှာ ဖတ်လိုက်ရပါတယ်။
ဒီမိန့်ခွန်းဟာ (နဝတ-နအဖ) စစ်အစိုးရအုပ်စိုးမှုကာလအတွင်း
ဒီချုပ်အပါအဝင်အခြားသော ဒီမိုကရေစီလိုလားသူ နိုင်ငံရေး သမားအားလုံးရဲ့ အသက်၊ သွေး၊
ချွေး၊ ဘဝတွေနဲ့ ရင်းနှီးခဲ့ရတဲ့ ဖြစ်ရပ်မှန်တွေကို ထင်ဟပ်ထားတာဖြစ်ပါတယ်။
ဒါ့အပြင် ဒီချုပ်ဥက္ကဋ္ဌ ကိုယ်တိုင်ကြုံတွေ့ခဲ့ရတဲ့ ဖြစ်စဉ်ဖြစ်ရပ်တွေကိုပါ ဖြည့်စွက်ထားတာဖြစ်လို့
ပိုပြီး အသက်ဝင်နေပါတယ်။
ဘယ်သူမဆို ဒီမိန့်ခွန်းကို
ဖတ်ပြီးတဲ့အခါမှာ အောက်ပါ ထူးခြားချက် ၄ ခုကို
ထင်ထင်ရှားရှားသတိပြုမိကြပါလိမ့်မယ်။
၁။ (နဝတ-နအဖ) စစ်အစိုးရလက်ထက်မှာ
တရားဥပဒေစိုးမိုးမှုမရှိဘူးဆိုတဲ့အချက်
၂။ (နဝတ-နအဖ) စစ်အစိုးရလက်ထက် (၁၉၈၈ မှ
၂၀၁၀) အထိ ဒီချုပ်အပါအဝင်၊ ဒီမိုကရေစီလိုလားသူ နိုင်ငံရေးသမားတွေ ရင်ဆိုင်ခဲ့ရတဲ့
ဖြစ်ရပ်မှန်တွေကိုဖေါ်ထုတ်ထားတဲ့အချက်။
၃။ လောလောဆယ်မှာ တရားရေးမဏ္ဍိုင် ရှိကို
မရှိဘူးဆိုတဲ့အချက်
၎။ အထက်ပါ အချက် ၃ ချက် အပေါ်
ဒီချုပ်နဲ့ဒီချုပ်ဥက္ကဋ္ဌရဲ့ သဘောထားအမြင်တွေ ဖေါ်ပြထားတဲ့အချက် တွေပဲဖြစ်ပါတယ်။
ယေးလ်တက္ကသိုလ်မိန့်ခွန်းထဲက
အောက်ပါကောက်နုတ်ချက်နဲ့ပဲ နိဂုံးချုပ်ပေးလိုက်ပါတယ်။
“(၂၀၀၈)အခြေခံဥပဒေက စစ်တပ်ကို
လွန်လွန်ကဲကဲ အာဏာတွေအပ်နှင်းထားတယ်၊ စစ်တပ်က ဒီအာဏာတွေ ပိုင်ဆိုင်နေ သမျှ
ဒီမိုကရေစီလမ်းကြောင်းမှန်ပေါ်ကို ရောက်တယ်လို့ ကျွန်မတို့ပြောလို့မရပါဘူး၊၊
ဒါကြောင့်ပဲ ကျွန်မတို့က တရားဥပဒေ စိုးမိုးရေး ရယ်၊
တိုင်းရင်းသားပဋိပက္ခတွေအဆုံးသတ်ရေးရယ်၊ အခြေခံဥပဒေကိုပြင်ဆင်ရေးရယ် သုံးချက်ကို
ဒွန်တွဲထားတာပါ။ ဒါတွေ အားလုံး ဆက်စပ်နေပါတယ်။
ဒီမိုကရေစီကိုပြန်လည်ရချင်တယ်ဆိုရင် ဒီသုံးခု ရကိုရမှ ဖြစ်မယ်။ ဒီသုံးခုမှာ
တစ်ခုမရှိရင် နောက် နှစ်ခု လည်း အလုပ်မဖြစ်ပါဘူး။ အခြေခံဥပဒေကိုမပြင်ဘဲ
ဥပဒေစိုးမိုးရေးနဲ့ တိုင်းရင်းသားငြိမ်းချမ်းရေး ဆိုတာမရနိုင်သလို
ဥပဒေစိုးမိုးမှုမရှိဘဲနဲ့ တခြားနှစ်ခုကိုလည်း မရနိုင်ပါဘူး”
ကျနော်သည်
စိတ်ဝင်စားမှုနဲ့အတူ စိုးရိမ်နေဆဲ။
ညွန်း
-
ဒီလှိုင်းစာစောင် အတွဲ ၁။ အမှတ် ၃၈၊ (၈- ၁၀ – ၂၀၁၂)
LWIN PWIN
NLABR
Web-site: www.nlabr.com
ခင်မျိုးချစ်၏ သတင်းစာလောက စာအုပ်အညွှန်း
By ဂျူနီယာဝင်း
စာအုပ်အမည်
– သတင်းစာလောက
ရေးသူ –
ဒေါ်ခင်မျိူးချစ်
ပထမအကြိမ်
– ၁၉၅၂ သြဂုတ်လ မြန်မာနိုင်ငံဘာသာပြန်စာပေအသင်း
ဒုတိယအကြိမ်
– ၂၀၁၂ ဇွန်။ ရန်အောင်စာပေ
အုပ်ရေ
၅၀၀၊ စာမျက်နှာ – ၂၃၀။ တန်ဖုိး – ၂၀၀၀ကျပ်
“ပြည်သူ့သတင်းစာဟူသည်ပြည်သူတို့၏ယုံကြည်လွှဲအပ်ခြင်းခံရသောပစ္စည်းဖြစ်၏
… ဟူ၍လည်းကောင်း၊ သတင်းစာနှင့်မကင်းသူဟူသမျှတို့သည်လည်း တာဝန်ရှိသမျှ
အစွမ်းကုန်အောင် ပြည်သူတို့၏ယုံကြည်လွှဲအပ်ခြင်းခံရသူများဖြစ်သည်ဟူ၍ လည်းကောင်း၊
ပြည်သူ့ဝန်ကိုထမ်းသောအလုပ်ထက် ယုတ်ညံ့သောတာဝန်ကိုလက်ခံခြင်းသည်ပင်လျှင်
ပြည်သူ့ယုံကြည်မူကိုသစ္စာဖောက်ရာကျသည်ဟူ၍လည်းကောင်း ကျွနိုပ်ယုံကြည်သည်။”
ယင်းသည်သတင်းစာဆရာ့လက်သုံးဝါဒဖြစ်သည်။
“သတင်းစာများ၏ကောင်းကျိူးဆိုးကျိူးကို
စောဒကတက်စရာ အများပင်ရှိလာသည်။ သတင်းစာများသည် မဖွယ်ရာသောမုဒိမ်းကန္တသတင်းများကို
ဖော်ပြကာ လူတို့၏အကျင့်စာရိတ္တကိုပျက်ပြားစေသည်။ သတင်းစာလွတ်လပ်မူဟု အမည်တပ်ကာ
စည်းကမ်းမဲ့ရေးသားကြသည်။ လင်ကွာမယား ခိုး အလောင်းကစား ခုိးးမူ သတ်မူတို့ကို
အသားပေးဖော်ပြခင်းဖြင့် လူတို့၏ တိရစ္ဆာန်စိတ်ယုတ်မာများကို အားပေးသည်။
ဤသည်ပင်လျှင်သတင်းစာ၏ လွတ်လပ်မူပေလော။”
ယင်းသည်
အခန်းတစ် စတုတ္ထမဏိုင်အခန်းတွင် ဖော်ပြချက်တစ်ခုဖြစ်သည်။ ယင်းသည်လူတို့၏
တိရိစ္ဆာန်စိတ်ယုတ်မာမူများကို အားပေးနေပါလားဟု ယခုကဲ့သို့ ရေးသားထားသည်ကို
ဖတ်ရသည်။
“နှစ်ပေါင်းများစွာပင်
ဤကဲ့သို့သော အကျင့်စာရိတ္တပျက်ပြားမှန်မသိ၊ မပျက်ပြားမှန်းမသိ ယနေ့တိုင်
သတင်းထဲပါနေသမျှကို ဖတ်နေရသည်မှာ ကြာပြီဖြစ်ပါသည်။ ထိုကဲ့သို့သော
ပြစ်မူများကိုအကြောင်းပြုကာ မဖြစ်သင့်သောအဖြစ်အပျက်များကို ဆွဲခေါ်သလိုဖြစ်နေသည်ကို
တွေ့ရသည်။ အပ်နှင့်ထွင်းရမှာကို ပုဆိန်နှင့်ပေါက်ရသည့်အဖြစ်၏ အဓိကတရားခံများကား
ဤကဲ့သို့သောသတင်းများကို အသားပေးရှေ့တမ်းတင်ကာ ဦးစားပေး ရေးသား
နေကြတာတွေကြောင့်လော ဟုစဉ်းစားစရာဖြစ်ရသည်။”
“သို့သော်
ရာဇ၀င်မှပေးသော အတွေ့အမြင်များအရ အညစ်အပတ်အစုတ်ပဲ့ဆုံးသော သတင်းစာများသည်
ဖိနှိတ်ချူပ်ချယ်ခံရသော သတင်းစာများထက် လိုလားဖွယ်ကောင်းသေးသည်ဟု
ကျွနိုပ်ယူဆသည်ဟု သတင်းစာဆရာကြိး အေဂျေကမ်းမင်းက ရေးသားခဲ့ဖူးသည်။ သို့ဖြစ်လျှင်
သတင်းစာများအား ရေးချင်သလိုရေးနိူင်သည်ဟု လွတ်လပ်ခွင့်ပေးထားရတော့မည်လော။
စည်းကမ်းမဲ့တာဝန်မဲ့ရေးသားခြင်းကို အားပေးရမည်လောဟူသော မေးခွန်းများ
ပေါ်ပေါက်လာခဲ့သည်။”
ယင်းသည်
အခန်းနှစ် – သတင်းစာလွတ်လပ်မူအခန်းမှ ကောက်နှူတ်ချက်တစ်ခုသာ ဖြစ်သည်။
“သတင်းစာလွတ်လပ်မူဟု
စကားထဲထည့်ပြောကြရာတွင် သတင်းစာအရေးအသားများကို အထက်အုပ်ချူပ်သူ အာဏာပိုင်များက
ချူပ်ချယ်သည့်အတွက်ဟူသော အဓိပ္ပါယ်နှင့် အပြောများသည်။ သတင်းစာဖြစ်ပေါ်လာသော
သမိုင်းကြောင်းကိုပြန်ကြည့်သောအခါ သတင်းစာများသည် စတင်ပေါ်ပေါက်လာသည်မှ အစပြု၍
အထက်အာဏာပိုင်များနှင့် အတိုက်အခံ ဖြစ်လာရပြီး
အထက်အာဏာပိုင်များ၏ချူပ်ချယ်ခြင်းကို သတင်းစာများက တွန်းလှန်ခဲ့ကြရသည်ကို
တွေ့ကြရသည်။ …”
ဤသို့အစချီထားသော
ထိုအခန်းတွင် နိုင်ငံတကာတ၀ှမ်းက သတင်းစာများ၏ လွတ်လပ်ခွင့်နှင့်
ပတ်သက်သမျှတို့ကို အကျဉ်းချူပ်တင်ပြထားယုံမက လွတ်လပ်စွာရေးသားခွင့်၊
ပြောဆိုခွင့်၊ သတင်းစာနဲ့ အစိုးရ၊ သတင်းစာ၏ရန်သူ၊ သတင်းစာ၏တာဝန်၊
သတင်းစာဆရာနဲ့ နိုင်ငံရေးခေါင်းဆောင်များအတွက် စဉ်းစားဖွယ်ရာများ အစရှိသဖြင့
်ဖတ်ရူကာ သင်ခန်းစာများ ဗဟုသုတများပေးထားသည်ကို တွေ့ကြရပါမည်။
အခန်းသုံး
– သတင်းစာနှင့် လူထုအခန်းတွင်တော့ လူတွေနဲ့သတင်းစာအပေါ် သဘောထားပုံများ၊
နိုင်ငံရေးကိစ္စများ၌ သတင်းစာသည် လူထု၏စိတ်ကိုပြောင်းရန် အမြဲတမ်း မတတ်နိုင်ပုံ၊
သတင်းစာကို လက်နက်သဖွယ် အသုံးပြုကာ နိုင်ငံရေးပါတီဝါဒဖြန့်ချင်းသည်လည်း
ခရီးရောက်သင့်သလောက် မရောက်နိုင်ပုံ၊ နိုင်ငံခြားသတင်းနဲ့ လူများအပြင် ဆိုဗီယက်၊
ဗြိတိသျှ၊ ဆစ်ဒနီဝက်၊ ချက်ပြည်ထောင်စုတို့က သတင်းစာနည်းနိသရများနှင့်
လူထုပိုင်သတင်းစာဖြစ်ပေါ်လာရေးနှင့် ပတ်သက်သောစာများကို တွေ့ကြရပါသည်။
အခန်းလေး –
သတင်းစာလုပ်ငန်းတွင် သတင်းစာအလုပ်အကြောင်း၊ သတင်းစာဆရာများ၏နစ်နာမူများ၊
သတင်းစာပိုင်ရှင်တို့၏ သတင်းစာပညာကို ဘာသာရပ်တစ်ခုအဖြစ် စနစ်တကျသင်ကြားဖူးသူများ
ဖြစ်ဖို့လိုကြောင်း၊ ကင်စလေမာတန်၏ “လူထုအလိုရှိသောသတင်းစာ”၊
သတင်းစာဖတ်ပရိသတ်တစ်ဦး၏ အပြစ်တင်မှု၊ သတင်းစာအလုပ်မှာတော့ အယ်ဒီတာ၊
လက်ထောက်အယ်ဒီတာ၊ မြို့သတင်းထောက်၊ နယ်နှင့် နိုင်ငံခြားသတင်းထောက် အစရှိသည်တို့အကြောင်းများ၊
သတင်းစာစက်တင်၊ ပုံနှိတ်ဆရာများ၊ စက်ဆရာ၊ စာစီစက်လှည့် သတင်းစာထုတ်ပိုးသူများကနေ၊
သတင်းစာပို့သမားအဆုံး စသည့် အလုပ်အထွေထွေ၊ “ကလောင်ဖျား ဓါးသွားထက် ပို၍ထက်သည်”
ဆိုသည့်စကားဆိုတာ၊ အယ်ဒီတာကလောင်၊ စသည်တို့အပြင် ပျော်စရာကောင်းလှသည်ဆိုသည့်
သတင်းစာလောကကြိးအကြောင်း ကိုလည်း တွေ့ရှိဖတ်ရူကြရဦးမည်။
အခန်းငါးကတော့
သတင်းစာလောကအတွက် အရည်အချင်း။ သတင်းစာအလုပ်ကို လုပ်တော့မည်ဟု
စိတ်ပိုင်းဖြတ်ထားသူတစ်ဦးသည် မိမိ၌လိုအပ်သောအရည်အချင်းများ တကယ်ရှိမရှိကို
စာရင်းချကာ မထောက်မညှာ မှန်သည့်အတိုင်း စစ်ဆေးကြည့်ဖို့လိုကြောင်း အစချီလျက် သိက္ခာ၊
တာဝန်တည်းဟူသော အသွင်သဏ္ဍာန်များကို ရှင်းရှင်းလင်းလင်း ရေးသားထားသည်များတွေ့ရသည်။
သတင်းစာအလုပ်ကိုစနစ်တကျလေ့လာဖို့ သတ်မှတ်ထားသော စည်းကမ်းချက်များ။
သတင်းစာဆရာ၏အဂါင်္ရပ်။ အချက်အလက်ရှာတတ်မူ။ အရေးအသားကောင်းမူ။ သတင်းစာပညာများကို
တစ်ခုချင်းစီ ရှင်းလင်းထားသည်။
အခန်းခြောက်
– သတင်းစာအလုပ်သမားအခန်း။ အထူးသတင်းထောက်၊ အယ်ဒီတာ၊ စစ်သတင်းထောက်၊
ပါလီမာန်သတင်းထောက်များ၏ အရည်အချင်းများကို ဖတ်ရူလေ့လာကြ၇မည်။
အခန်းခုနှစ်မှာ
ခေါင်းကြီးပိုင်း၏ အရေးပါပုံ။
အခန်းရှစ်
– သတင်းနှင့် သတင်းယူနည်းတွင် ကိုယ်တိုင်တွေ့ဆုံမေးမြန်းသူ၏ ရှိသင့်ရှိထိုက်သော
အရည်အချင်းများ၊ တွေ့ဆုံမေးမြန်းခန်းများ ရေးသားပုံများ ပါဝင်သည်။
အခန်းကိုးတွင်
သတင်းဆောင်းပါးနှင့် ဝေဖန်စာဆောင်းပါးများ အကြောင်းဖြစ်သည်။ စာအုပ်ဝေဖန်ခြင်း၊
ဝေဖန်စာရေးခြင်း၊ ရုပ်ရှင်ပြဇာတ်များကို ဝေဖန်ခြင်းများ ဖြစ်သည်။
အခန်းတစ်ဆယ်
– သတင်းထောက်လှမ်းခြင်း အတတ်မှာတော့ သတင်းများကို ဖတ်ချင်စဖွယ်
ရေးသားရသည့်အတတ်ကလည်း အနုပညာတစ်ရပ်ပင်ဖြစ်ကြောင်း ရေးသားထားသည်။ မတော်တဆဖြစ်မှု၊
လေယျာဉ်ပျက်ကျမူ၊ မီးရထားမှောက်မူ၊ ရာထူးခန့်ထားခြင်း၊ အခမ်းအနားပွဲ၊
တရားရုံးသတင်း ၊ရာဇ၀တ်မူ၊ ကွာရှင်းမူ၊ အထိမ်းအမှတ်အဆောက်အဦ ဖွင့်လှစ် ပဏ္ဏက်ရိုက်၊
ကပ်ဆိုက်မူများ၊ အစည်းအဝေး၊ သပိတ်မှောက်မှု၊ နိုင်ငံရေးနှင့် ရွေးကောက်ပွဲသတင်း၊
မဲဆွယ်သတင်း၊ ရွေးကောက်ပွဲသတင်း၊ တရားပွဲနဲ့ စည်းဝေးပွဲသတင်း၊ ဟောပြောပွဲ
အစရှိသည်များကို ရေးသားသည့်အခါ ဘယ်လိုအချက်အလက်များကဖြင့် ပါကို ပါရမည်ကို
တစ်ခုချင်းစီကို ရှင်းပြထားသည်။
အခန်းဆယ်တစ်
– သတင်းစာ၏အခြားအစိတ်အပိုင်းများတွင် ရုပ်ပြသတင်းစာ၊ သတင်းဓါတ်ပုံ အမျိူးအစားများ၊
ဓါတ်ပုံပညာ အရေးကြီးပုံ၊ သတင်းဓါတ်ပုံ၏ ဂုဏ်အင်္ဂါများ၊ ရုပ်ပြောင်ကာတွန်းများ၊
သတင်းဆောင်းပါး၊ အလွတ်ဆောင်းပါး၊ ကော်လံဆောင်းပါးများအကြောင်းအပြင် သတင်းစာနဲ့
စာရေးဆရာတို့၏အလုပ်၊ မဂ္ဂဇင်းဂျာနယ်များ၏ အခန်းကဏ္ဍ၊ စသည်ဖြင့် ပါဝင်ထားသည်။
နောက်ဆုံး
အခန်းဆယ့်နှစ် – ဗမာပြည်သတင်းစာလောကတွင် အထက်မြန်မာပြည်ကို အင်္ဂလိပ်တို့မသိမ်းမီ၊
အင်္ဂလိပ်တို့ သိမ်းပိုက်ပြီး နောက်ပိုင်း၊ မြန်မာပြည်နိုင်ငံရေးခေတ်
ပေါ်ပေါက်ချိန်၊ မြန်မာပြည်ကို ဂျပန်တို့ကြိးစိုးချိန်၊ ဂျပန်တို့ထွက်ပြေးပြီး
အင်္ဂလိပ်တို့ဝင်လာချိန်ဟူ၍ အပိုင်း ၅ ပိုင်း ခွဲခြားကာ ထိုခေတ် ထိုအခါက ထုတ်ကြသော
သတင်းစာများအကြောင်းကို အကျဉ်းချူံး ရေးသားထားပါသည်။
၁၈၇၇ထုတ်
အယ်ဒီတာဘိုးဝဇီရ၏ ရတနာပုံသတင်းစာ၊ မစ်စတာရစ်ပလီထုတ် ဟံသာဝတီသတင်းစာ၊
နောက်ပိုင်းမှာ မြန်မာ့တာရာသတင်းစာ၊ မြန်မာအဆွေသတင်းစာ၊ မြန်မာ့ဝတီသတင်းစာ၊
ကူးသန်းရောင်းဝယ်ရေးသတင်းစာ၊ မန္တလေးတိုင်းသတင်းစာ၊ မော်လမြိုင်သတင်းစာ…..
အစရှိသဖြင့် အထွေထွေသော သတင်းစာအမည်များနှင့် ထိုထိုသော သတင်းစာများအကြောင်းကို
သမိုင်းနှင့် တကွ ယှဉ်တွဲသိလာရသည်မှာ ပျော်စရာကောင်းကာ စိတ်ဝင်စားဖွယ်အပြည့်ဖြစ်ပါသည်။
ထို့ပြင်ရေးသူ
နှစ်ဖက်ချွန် (ဟံသာဝတီသတင်းစာ အယ်ဒီတာချူပ်ဟောင်း ဦးစိန်) ၏ “သတင်းစာလောကကြီး
သန့်ရှင်းပေတော့မည်” ဟူသောခေါင်းစဉ်တပ် ဟံသာဝတီသတင်းစာကောက်နှူတ်ချက်ကို
ဖတ်ရဦးမည်။
သတင်းစာစောင်ရေ၊
အမျိူးသားပိုင်အင်္ဂလိပ်သတင်းစာ၊ ညနေသတင်းစာ၊ စင်ဆာ အစရှိသည့် သတင်းစာအကြောင်း
အထွေထွေများကိုလည်း နိဂုံးပိုင်းမှာပါရှိလေသည်။
ထိုစာအုပ်ပုံနှိပ်ဆဲအခါ
(၁၉၅၂ခုနှစ်ဟု အကြမ်းဖျဉ်း မှတ်ရမည်ထင်သည်) က တက္ကသိုလ်ကျောင်းတွေ၌ သတင်းစာအတတ်ကို
ဘာသာရပ်တစ်ခုအနေနှင့် ပို့ချသင်ကြားနေပြီဖြစ်သည် ဟူသော မှတ်ချက်ကို ဖတ်လိုက်ရသည့်အခါ
ယခုအခါ ထိုအခန်းကဏ္ဍ မရှိတော့သည်မှာ ကြာလေပြီဟု နှမြောခြင်းများ ဖြစ်ရပါသည်။
တကယ်သာသင်ခဲ့ဖူးရင်ဖြင့် သည်လိုသာဆိုရင် သတင်းထောက်လုပ်ချင်စိတ်များက
စာရေးချင်တဲ့စိတ်ထက် ပိုသွားလေမလား၊ သို့မဟုတ် ဆရာဖြစ်ချင်တဲ့စိတ်တောင်
လွှမ်းမိုးခံသွားရမည်ထင်ပါသည်။
မေမေကြိး
ဒေါ်ခင်မျိူးချစ် အလွန်လေးစားသော သတင်းစာသမားတစ်ဦးရှိပါသည်။ ၎င်းအမည်မှာ
“ဂါးဒီယန်းဦးစိန်ဝင်း” ဖြစ်သည်။ သူက ဂါးဒီယန်းသတင်းစာ အယ်ဒိတာချူပ်တစ်ဦးဖြစ်ကာ၊
မေမေကြိးက သူ့အောက်မှာ 1950s လောက်က အတော်ကြာ အလုပ်လုပ်ခဲ့ဖူးပါသည်။ သူသည် သူ၏
သတင်းစာတိုက်က သူ၏သတင်းထောက်များကို ငွေကြေးတောင်းသလောက် ထုတ်ပေးကာ ဘယ်သောအခါမှ
စာရင်းအတိအကျတောင်းသူမဟုတ်ဟု ဆိုသည်။ ကုန်ပြီလား နောက်ထပ်ဘယ်လောက်ယူမလဲ
စသည်ဖြင့်သာ ငွေကြေးကိစ္စပြောဆိုသူဖြစ်သည်။ ထိုသတင်းထောက်များမှာ သတင်းထူး၊
သတင်းဦးရဖို့အရေး ခြေကုန်အောင် လျောက်ရသည်လည်းရှိ၊ သတင်းလိုက်ရင်းနဲ့ ဘတ်စကား၊
တက်စီ၊ ရထား၊ သဘောင်္စသဖြင့် ကြုံရာကို အပင်ပန်းခံကာ လိုက်ကြရ၏။ သတင်းပေးမည့်သူက
အရက်ကြိုက်ရင် အရက်တိုက်၊ ငွေကြေးဆို ငွေ စသဖြင့် အလိုက်ပေးကာ သတင်းကိုလိုက်ကြရ၏။
ထို့ကြောင့် ဂါးဒီယန်းဦးစိန်ဝင်းနဲ့ ပတ်သက်လာလျှင် သတင်းထောက်များအပေါ်
အလွန်ဂရုစိုက်သူအဖြစ် တွေ့မြင်ရသည်။ ဤကား မေမေကြီးပြောတာ ကြားဖူးတာလေး
ထည့်ရေးလိုက်တာဖြစ်ပါသည်။
မေမေကြီးဒေါ်ခင်မျိူးချစ်၏
ထိုသတင်းစာလောကစာအုပ်ကို မေမေကြီးတို့ရှိစဉ်က ဖတ်ခဲ့ဖူးပါသည်။ စာအုပ်သည်
တော်တော်ကြီး ဟောင်းနွမ်းကာ စာရွက်များပင် ပြုတ်နေပြီဖြစ်သည်။ ထိုစာအုပ်လေးကို
အသစ်တဖန် ထွက်လာခဲ့ရင် ကောင်းမှာပဲဟု ကျွန်မ၏စိတ်ထဲမှာ ရှိနေတာကြာပြီဖြစ်ပါသည်။
စာဖတ်သူများကို ယခုလိုဖောက်သည်ချသော အခွင့်အရေးရဖို့က စာအုပ်ထွက်လာဖို့က
အရေးကြီးပါသည်။ ယခုတော့ ရန်အောင်စာပေကနေ ထွက်လာပြီဖြစ်ရာ
အလွန်ဝမ်းမြောက်ဝမ်းသာဖြစ်ရပါသည်။
စာဖတ်သူများကတဆင့်
ကျွန်မတို့၏ သတင်းစာလောကကြီးအား ဤစာအုပ်လေးကိုကိုင်ရင်း ဝေဖန်သုံးသပ်ကာ
တည့်မတ်ပေးနိုင်ကြပါစေသတည်း။ ထို့အပြင် ယနေ့ခေတ် သတင်းထောက်များအတွက်
လက်စွဲစာအုပ်လေးဖြစ်ကာ ထူးချွန်ထက်မြက်သော သတင်းသမားကောင်းများ ဖြစ်လာကြပါစေ။
LWIN PWIN
NLABR
Web-site: www.nlabr.com
Subscribe to:
Posts (Atom)
