ကမ္ဘာ့သတင်းများ 03/06/2012
နိုင်ငံတကာသတင်း
ဆီးရီးယား စစ်မီးတောက်မယ့်အရေး ကိုဖီအာနန် သတိပေး
ဆီးရီးယားနိုင်ငံမှာ စစ်မီးတောက်မယ့် အရိပ်အယောင်တွေ တနေ့တခြား တိုးလာနေတယ်လို့ အာရပ်အဖွဲ့ချုပ်ရဲ့ အထူးကိုယ်စားလှယ်က သတိပေးပြောဆိုလိုက်တဲ့ တချိန်တည်းမှာပဲ ဆီးရီးယားသမ္မတ ဘက်ရှာအယ်လ် အာဆဒ်ကို ဖိအားတွေ တိုးပေးဖို့ အာရပ်အဖွဲ့ချုပ် ခေါင်းဆောင်တွေက ကြိုးစားနေကြပါတယ်။ အာရပ်အဖွဲ့ချုပ် အထူးကိုယ်စားလှယ် ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန်နဲ့ ကုလသမဂ္ဂတို့ကြား ဆွေးနွေးကြမယ့် အရေးပေါ် ဆွေးနွေးပွဲတရပ်အတွက် အာရပ်အဖွဲ့ချုပ် အဖွဲ့ဝင်တွေ ကာတာနိုင်ငံ ဒိုဟာမြို့မှာ စနေနေ့က တွေ့ဆုံခဲ့ကြပါတယ်။
မစ္စတာ အာဆဒ် အနေနဲ့ သူ့ရဲ့ အချက်ခြောက်ချက်ပါ အပစ်အခတ် ရပ်စဲရေး စီမံကိန်းကို အကောင်အထည်ဖော်တဲ့ အရေးကြီးပြီး ထင်သာမြင်သာရှိတဲ့ ခြေလှမ်းတွေ ချက်ချင်း ယူရလိမ့်မယ်လို့ မစ္စတာ အာနန်က တောင်းဆိုလိုက်ပါတယ်။ ဒါပေမဲ့လည်း ပဋိပက္ခတွေဟာ ထိန်းမနိုင်တော့တဲ့ အခြေအနေကို အလျင်အမြန် ရောက်လာနေတယ် ဆိုတာ မကြာသေးခင်က ထိတ်လန့်စရာ ဖြစ်ရပ်တွေက သက်သေပြနေတဲ့အကြောင်း ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန်က ၀န်ခံပြောဆိုခဲ့ပါတယ်။ ခုလို ဆီးရီးယား ပဋိပက္ခတွေ တနေ့တခြား ပိုပြီး ကြီးထွားလာနေတဲ့ အခြေအနေကိုလည်း မစ္စတာ အာနန်က သတိပေးခဲ့ပါတယ်။
အလားတူပဲ ပဋိပက္ခတွေ ကြီးထွားလာနေတဲ့အပေါ် ကာတာဝန်ကြီးချုပ် Sheik Hamid bin Jassim al-Thani ကလည်း စိုးရိမ်ကြောင်း ပြောဆိုခဲ့ပါတယ်။ တနေ့တခြား ဆိုးရွားလာနေတဲ့ ဆီးရီးယားနိုင်ငံရဲ့ အခြေအနေတွေ ပေါက်ကွဲထွက်မသွားအောင် ဘယ်နိုင်ငံကမှ အပြည့်အ၀ မဟန့်တားနိုင်ကြဘူးလို့လည်း သူက ပြောပါတယ်။ ဆီးရီးယားနိုင်ငံသားတွေ အနေနဲ့ သူတို့ရဲ့ မျှော်လင့်ချက်တွေ အကောင်အထည် ပေါ်လာအောင် အာရပ်အဖွဲ့ချုပ်က ကြိုးပမ်းသွားမယ်လို့လည်း သူက ကတိပေး ပြောဆိုခဲ့ပါတယ်။
အီဂျစ်သမ္မတဟောင်း မူဘာရက် ထောင်ဒဏ် တသက်တကျွန်း
အီဂျစ်နိုင်ငံမှာ ပြီးခဲ့တဲ့နှစ်တုန်းက ဖြစ်ပွားခဲ့တဲ့ လူထု အုံကြွမှုတွေအတွင်း အစိုးရဆန့်ကျင်သူ ရာနဲ့ချီကို သတ်ဖြတ်ခဲ့မှုနဲ့ သမ္မတဟောင်း Hosni Mubarak ကို ထောင်ဒဏ်တသက် ချမှတ်လိုက်ပါတယ်။ အဂတိလိုက်စားမှုနဲ့ စွဲခံထားရတဲ့ အမှုတွေကိုတော့ တရားသေ လွှတ်ပေးလိုက်ပါတယ်။ မနေ့က စနေနေ့မှာ ပြစ်ဒဏ်ချမှတ်ခဲ့ပြီးနောက် Mr. Mubarak ကို Tora အကျဉ်းထောင်ကို ပို့လိုက်ပါတယ်။
ပြည်ထဲရေးဝန်ကြီးဟောင်း Habib al Adly ကိုလည်း သတ်ဖြတ်မှုတွေနဲ့ ထောင်ဒဏ်တသက် ချလိုက်ပေမဲ့ ရဲမှူးကြီး ၆ ယောက်ကိုတော့ တရားသေလွှတ်လိုက်ပါတယ်။ မနေ့က စနေနေ့ တရားရုံး ဆုံးဖြတ်ချက်ချခဲ့တာမှာ အဂတိလိုက်စားမှု စွဲချက်တွေနဲ့ တရားစွဲခံရတဲ့ သမ္မတဟောင်းရဲ့ သား ၂ ယောက် ဖြစ်တဲ့ Alaa နဲ့ Gamal တို့ကိုလည်း တရားသေလွှတ်လိုက်ပါတယ်။
တရားရုံး ဆုံးဖြတ်ချက် ချခဲ့ပြီးနောက်မှာ ကိုင်ရိုမြို့ထဲမှာ လူတွေ စတင်စုဝေးနေကြပြီး အများစုဟာ အမျက်ဒေါသ ထွက်နေကြပုံရပါတယ်။ နိုင်ငံကို နှစ်ပေါင်းများစွာ အုပ်ချုပ်ခဲ့တဲ့ သမ္မတဟောင်းအပေါ်ချမှတ်ထားတဲ့ ပြစ်ဒဏ်တွေဟာ သက်ညှာတယ်လို့ အများစုက ပြောကြပါတယ်။ အာရပ်နိုင်ငံတွေမှာ ဖြစ်ခဲ့တဲ့ လူထုအုံကြွ လှုပ်ရှားမှုတွေကြောင့် ရာထူးကနေ ဆင်းပေးခဲ့ရတဲ့အထဲက အီဂျစ်သမ္မတဟောင်း မူဘာရက်ဟာ နိုင်ငံထဲမှာပဲ တရားစီရင်ခံရတဲ့ ပထမဆုံးခေါင်းဆောင် ဖြစ်ပါတယ်။
အဲလိဇဘက်ဘုရင်မကြီး စိန်ရတု
ဗြိတိသျှနိုင်ငံက ဒုတိယမြောက် အဲလိဇဘက် ဘုရင်မကြီးရဲ့ နန်းသက် အနှစ် (၆၀) ပြည့် စိန်ရတု အထိမ်းအမှတ် အခမ်းအနားတွေကို ဗြိတိန်နိုင်ငံတဝှမ်းမှာ ကျင်းပနေကြပါတယ်။ ဒီကနေ့ စနေနေ့မှာ Epsom Derby မြင်းပြိုင်ပွဲကို ဘုရင်မကြီး တက်ရောက်ပြီး ၄ ရက်ဆက်တိုက် ကျင်းပမယ့် စိန်ရတုနန်းသက် အခမ်းအနားတွေကို စတင်ခဲ့ပါတယ်။
ဘုရင်မကြီး နန်းတက်ခဲ့ချိန်အတိမှာ လန်ဒန်၊ အီဒင်ဘာ့က်၊ ကားဒစ်ဖ် နဲ့ ဘဲလ်ဖက်စ်တ် မြို့တွေမှာ အမြောက်တွေ ပစ်ဖောက်ပြီး ဂုဏ်ပြုခဲ့ပါတယ်။
မနက်ဖြန် တနင်္ဂနွေနေ့ကျရင်တော့ ဗြိတိန်နိုင်ငံတဝှမ်းနဲ့ ဒနသဟာရနိုင်ငံတွေက သင်္ဘောပေါင်း ၁,၀၀၀ ကို သိမ်းမြစ်ထဲမှာ အလှပြ ခုတ်မောင်းတဲ့အခါ ဘုရင်မကြီးနဲ့ ကြင်ယာတော် ဖိလစ်မင်းသားကြီးတို့က တော်ဝင် ဖောင်တော်နဲ့ အလယ်ကနေ လိုက်ပါမှာဖြစ်ပါတယ်။
မျိုးချစ်စိတ်ကို ပြသတဲ့အနေနဲ့ လန်ဒန်မြို့လမ်းတွေ ဆိုင်တွေမှာ ဗြိတိန်အလံတွေကို ချိတ်ဆွဲ လွှင့်ထူထားကြပါတယ်။ စိန်ရတု အခမ်းအနားတွေကျင်းပရာ လမ်းဘေး တဘက်တချက်မှာလည်း သက်တော် ၈၆ နှစ်ရှိပြီဖြစ်တဲ့ ဘုရင်မကြီးကို နှုတ်ဆက်နိုင်ဖို့ ထောင်ပေါင်းများစွာသော ပြည်သူတွေက စီတန်းစောင့်ကြဖို့ ပြင်ဆင်နေကြပါတယ်။ တနင်္လာနေ့မှာတော့ Buckingham နန်းတော်မှာ နာမည်ကျော် အဆိုတော်တွေ ပါဝင်ဖျော်ဖြေကြမယ့် စိန်ရတု ဖျော်ဖြေပွဲတခုကို ကျင်းပမှာဖြစ်ပါတယ်။
ဘုရင်မကြီးရဲ့ စိန်ရတုနန်းသက် အခမ်းအနား နောက်ဆုံးနေ့ဖြစ်တဲ့ အင်္ဂါနေ့မှာတော့ St Paul’s Cathedral ဘုရားကျောင်းမှာ ဝတ်ပြုပွဲ၊ Westminster ခန်းမမှာ နေ့လည်စာ စားပွဲတွေ ရှိပြီး Buckingham နန်းတော်ဆီကို ဘုရင်မကြီးက မြင်းရထားစီးပြန်မှာ ဖြစ်ပါတယ်။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment