ကမ္ဘာ့သတင်းများ 05/06/2012
နိုင်ငံတကာသတင်း
ဟောင်ကောင်နှင့်ထိုင်ဝမ်မှာ တီယန်မဲန်ရင်ပြင်အထိမ်းအမှတ်ပွဲ ကျင်းပ
အလားတူ တိုင်ဝမ်ကျွန်းရဲ့ မြို့တော်တိုင်ပေမှာလည်း တီယန်မန်အောက်မေ့ဖွယ်အခမ်းအနားကို ရာချီတဲ့ ဆန္ဒပြသူတွေက ကျင်းပခဲ့ကြပါတယ်။
ဟောင်ကောင်နဲ့တိုင်ဝမ်မြို့က တီယန်မန်ရင်ပြင် အခမ်းအနားတွေကျင်းပနိုင်ခဲ့ပေမယ့် တရုတ်နိုင်ငံထဲ မှာတော့ ကျင်းပခွင့်မရခဲ့ပါဘူး။ တရုတ်ရဲ့ အင်တာနက်စိစစ်ရေးကလည်း ဒီအခမ်းအနားနဲ့ ပတ်သက်တဲ့ သတင်းတွေကို ဖြတ်တောက်ခဲ့ပါတယ်။ အလားတူပဲ ရှန်ဟိုင်း စတော့ခ်ဈေးကွက်နဲ့ပတ်သတ်တာကိုလည်း ပိတ်ဆို့ခဲ့ပါတယ်။ ကိန်းညွှန်းဂဏန်းတွေထဲမှာပါတဲ့ ၆၄.၈၉ ဆုံမှတ်နဲ့ တရုတ်မိုက်ခရို ဘလော့ခ်တွေရဲ့ လျှို့ဝှက်ဂဏန်းတွေနဲ့ ဆက်စပ်လိုက်ရင် ၁၉၈၉ ခုနှစ် ဇွန်လ ၄ ရက်ဆိုတဲ့ ပြက္ခဒိန်ရက်စွဲ ထွက်ပေါ် လာနိုင်တဲ့အတွက်ဖြစ်ပါတယ်။
တနင်္လာနေ့အစောပိုင်းက ၁၉၈၉ ခုနှစ် တီယန်မန်ရင်ပြင်အရေးအခင်းမှာ ပါဝင်လူပ်ရှားခဲ့ပြီး အခုချိန်အထိ အကျဉ်းချခံနေရဆဲဖြစ်တဲ့ နိုင်ငံရေးအကျဉ်းသားတွေကို လွှတ်ပေးဖို့ အမေရိကန်နိုင်ငံကတောင်းဆိုတဲ့ အပေါ် တရုတ်နိုင်ငံခြားရေးဝန်ကြီးဌာနက အကြီးအကျယ် မကျေမနပ်ဖြစ်ခဲ့ပါတယ်။
အမေရိကန်နိင်ငံခြားဝန်ကြီးဌာနအနေနဲ့ တရုတ်နိုင်ငံရဲ့ပြည်တွင်းရေးကို ၀င်ရောက်စွက်ဖက်တာဖြစ်ပြီး တရုတ်အစိုးရကိုဆန့်ကျင်တဲ့ အခြေအမြစ်မရှိတဲ့ စွတ်စွဲချက်တွေဖြစ်တယ်လို့ တရုတ်နိုင်ငံခြားရေး ၀န်ကြီးဌာနပြောခွင့်ရက သတင်းထောက်တွေကိုတွေ့ဆုံတဲ့အချိန် မက်ဒရင်းဘာသာနဲ့ထုတ်လွှင့်တဲ့ ဗွီအိုအေအမေရိကန်အသံရဲ့ မေးမြန်းချက်ကိုတုံ့ပြန် ဖြေဆိုသွားပါတယ်။
၁၉၈၉ ခုနှစ် ဇွန်လ ၄ ရက်နေ့မှာ တရုတ်အာဏာပိုင်တွေဟာ ဘေဂျင်းမြို့ရဲ့ မြို့လည်ခေါင်ဖြစ်တဲ့ တီယန်မန်ရင်ပြင်မှာ စုရုံးနေကြတဲ့ တရုတ်ကျောင်းသားတွေဦးဆောင်တဲ့ ဆန္ဒပြသူတွေကို တင့်ကားတွေ အကူအညီနဲ့ အကြမ်းဖက်လူစုခွဲခဲ့တာဖြစ်ပါတယ်။ ဒီလို အကြမ်းဖက်လူစုခွဲမှုမှာ ထောင်ချီတဲ့ပြည် သူတွေ သေဆုံးခဲ့ရတဲ့အတွက် ကမ္ဘာတ၀ှမ်းက တုန်လူပ်ခဲ့ရပါတယ်။
တီယန်နန်ရင်ပြင် နှစ်ပတ်လည်
တရုတ်နိုင်ငံမှာ ၁၉၈၉ ခုနှစ်၊ တီယန်နန်ရင်ပြင် ဆန္ဒပြပွဲမှာ ပါဝင်ပတ်သက်လို့ ဖမ်းဆီးထားသူတွေအားလုံးကို လွှတ်ပေးဖို့နဲ့ တရုတ်ပြည်သူတွေရဲ့ ရပိုင်ခွင့်တွေနဲ့ ကာကွယ်စောင့်ရှောက်ရေးကို ပိုပြီးလုပ်ဆောင်ဖို့ အမေရိကန်နိုင်ငံက တောင်းဆိုလိုက်ပါတယ်။
ဆန္ဒပြသူတွေကို အကြမ်းဖက်နှိမ်နင်းမှုတွေအတွင်း သေဆုံးခဲ့ရသူတွေရဲ့ စာရင်းအပြည့်အစုံကို ထုတ်ပြန်ပေးဖို့ တရုတ်အစိုးရကို အမေရိကန်နိုင်ငံက ပန်ကြားလိုက်တာနဲ့အတူ ဒီလိုထုတ်ပြန်ရဲအောင် အားပေးတယ်လို့ တနင်္ဂနွေနေ့က အမေရိကန် နိုင်ငံခြားရေးဝန်ကြီးဌာန ပြောခွင့်ရ မာ့ခ် တိုနာက ကြေညာချက် ထုတ်ပြန်ပြီး ပြောဆိုလိုက်တာပါ။
ဒါ့အပြင် ဒီအရေးအခင်းမှာ ပါဝင်ပတ်သက်နေသူတွေကိုသာမက သူတို့ရဲ့ မိသားစုဝင်တွေကို အခုထိဆက်ပြီး ခြိမ်းခြောက် အကျပ်ကိုင်နေတာမျိုးတွေကို ရပ်တန်းကရပ်ဖို့လည်း တောင်းဆိုလိုက်ပါတယ်။ အခုလို အမေရိကန်ရဲ့တောင်းဆိုမှုအတွက် တကယ့်ကို မကျေမနပ်ဖြစ်ရတယ်လို့ တရုတ်အာဏာပိုင်တွေက ပြောကြားလိုက်ပါတယ်။
တရုတ်နိုင်ငံခြားရေးဝန်ကြီးဌာနပြောခွင့်ရ လျူဝေမင်းက အမေရိကန်နိုင်ငံဟာ တရုတ်နိုင်ငံရဲ့ ပြည် တွင်းရေးကို အကြီးအကျယ် ဝင်ရောက်စွက်ဖက်နေတဲ့အပြင် အခြေအမြစ်မရှိဘဲ တရုတ်အစိုးရကို စွပ်စွဲနေတယ်လို့ ဗွီအိုအေ တရုတ်မက်ဒရိန်းဌာနရဲ့ မေးမြန်းချက်ကို ဖြေကြားခဲ့ပါတယ်။
၁၉၈၉ ခုနှစ်၊ ဂျွန်လ ၄ ရက်နေ့က တရုတ်နိုင်ငံ၊ ဘေဂျင်းမှာရှိတဲ့ တီယန်နန်ရင်ပြင်မှာ ကျောင်းသားတွေ ဦးဆောင်ပြီး တရုတ်အစိုးရကို ဆန္ဒပြခဲ့ကြတာကို တရုတ်အစိုးရက သံချပ်ကာကားတွေ သုံးပြီးချေမှုန်းခဲ့တာပါ။
ဒီချေမှုန်းမှုမှာ သေဆုံးသူအရေအတွက်ကို အတိအကျ မသိရပေမယ့် ရာပေါင်းများစွာ၊ ထောင်ပေါင်း များစွာ သေဆုံးမယ်လို့ တွက်ဆကြတဲ့အပြင် နိုင်ငံတကာက ဝိုင်းဝန်းပြစ်တင် ရှုတ်ချတာကိုပါ တရုတ် အစိုးရ ခံခဲ့ရတာ ဖြစ်ပါတယ်။ တရုတ်အစိုးရကတော့ ၁၉၈၉ ခုနှစ်၊ ဒီ - တီယန်နန်ရင်ပြင် အရေးအခင်းနဲ့ ပတ်သက်ပြိး ကိုင်တွယ်ရာမှာ သူတို့ဘက်က တစုံတရာ ဘာမှ အမှားမလုပ်ခဲ့ဘူးလို့ ပြောဆိုနေတဲ့အပြင် ဒါက သူပုန်ထပြီး တန်ပြန်တော်လှန်ရေးလုပ်တာလို့ သတ်မှတ်ထားပါတယ်။
ဗြိတိန်ဘုရင်မကြီး Elizabeth နန်းသက် ၆၀ ပြည့်နှစ် ဆင်နွှဲ
ဗြိတိသျှ အဲလဇ္ဇဘက်ဘုရင်မကြီး နန်းသက် နှစ် ၆၀ပြည့် အခမ်းအနားကို လန်ဒန်မှာ စိတ်လှုပ်ရှားဖွယ် ကျင်းပနေချိန်မှာပဲ အဲလဇ္ဇဘက် ဘုရင်မကြီးက အထိမ်းအမှတ် မီးတိုင်ထွန်းညှိပေးလိုက်ပါတယ်။
ဘုရင်မကြီးရဲ့ အရိုက်အရာဆက်ခံမယ့် သားဖြစ်သူအိမ်ရှေ့စံ ချားလ်မင်းသားဟာ ဗြိတိသျှ အကျော်အမော်တွေဖြစ်တဲ့ Paul McCartney နဲ့ Elton John တို့နဲ့ ရံပြီးထွက်လာပါတယ်။ အခု အခမ်းအနားဟာ ပြည်သူတွေအတွက်အမြဲရှိနေတဲ့ ဘုရင်မကြီးအတွက် ဗြိတိသျှပြည်သူတွေ ကျေးဇူးတင် ဂုဏ်ပြုနိုင်မယ့် အခွင့်အလမ်းဖြစ်တယ်လို့ ပြောသွားပါတယ်။ လူအုပ်ကြီးဟာ သုံးကြိမ်ဟစ်အော်ပြီး God Save the Queen ဘုရားသခင်က ဘုရင်မကြီးကို ကောင်းချီးပြုပါတယ်ဆိုတဲ့ ဗြိတိသျှ နိုင်ငံတော်သီချင်းကို သီဆိုကြပါတယ်။ ဒီနောက် အဲလဇ္ဇဘက် ဘုရင်မကြီးက မီးတိုင်ကို ထွန်းလိုက်ချိန် Buckingham နန်းတော်ပေါ်မှာ မီးရှူးမီးပန်းတွေ ပစ်ဖောက်လိုက်ပါတယ်။
ဗြိတိသျှတော်ဝင်ဘုရင်မကြီးရဲ့ ခင်ပွန်းဖြစ်သူ ကြင်ယာတော်မင်းသားကြီး Phillip ဟာ သည်းခြေအိတ်ရောဂါနဲ့ ဆေးရုံတင်ထားရလို့ အခမ်းအနားကို မတတ်နိုင်ပါဘူး။ လူအုပ်ကြီးက ကြင်ယာတော်မင်းသားကြီးအတွက် ကျန်းမာစေဖို့ ဆုမွန်တွေပေးခဲ့ကြပါတယ်။
ကမ္ဘာအ၀ှမ်း ဗြိတိန်အပါအ၀င် ဓနသဟာယနိုင်ငံအရပ်ရပ်က မီးတိုင်ပေါင်း လေးထောင့်နှစ်ရာထွန်းညှိခဲ့ပြီး အခု နောက်ဆုံး လန်ဒန်က မီးတိုင်ကို ဘုရင်မကြီးက ထွန်းညှိလိုက်တာပါ။ အခမ်းအနားကို လေးရက် ကျင်းပမှာဖြစ်ပြီး အဆုံးသတ်အင်္ဂါနေ့မှာတော့ St.Paul ဘုရားကျောင်းမှာ ၀တ်ပြုပွဲကို ဘုရင်မကြီး ကိုယ်တိုင် တတ်ရောက်မှာဖြစ်ပါတယ်။
တော်ဝင်မိသားစုတွေလည်း Buckingham နန်းတော် လေသာဆောင်ကနေထွက်ပြီး လူထု ပရိတ်သတ်ကို နှုတ်ခွန်းဆက်ဖို့ရှိပါတယ်။ အဲလဇ္ဇဘက်ဘုရင်မကြီးဟာ ၁၉၅၂ ခုနှစ်၊ ခမည်းတော် ဂျော့ခ်ျ်ဘုရင်နတ်ရွာစံပြီးနောက် နောက်တနှစ်မှာ နန်းတက်လာတာဖြစ်ပါတယ်။
နိုင်ဂျီရီယား လေယာဉ်ပျက်ကျ ၁၅၃ ဦးသေဆုံး
နိုင်ဂျီးရီယားနိုင်ငံ Lagos မြို့က အဆောက်အဦးတခုအပေါ်ကို နိုင်ဂျီးရီယား ခရီးသည်တင် လေယာဉ်တစင်း ပျက်ကျသွားတာကြောင့် လေယာဉ်ပေါ်ပါလာတဲ့ ခရီးသည် ၁၅၃ ဦးစလုံး သေဆုံးသွားတယ်လို့ နိုင်ဂျီးရီးယား အာဏာပိုင်တွေက ပြောပါတယ်။ နိုင်ဂျီးရီယား သမ္မတ Goodluck Jonathan ကတော့ ဒီ အဖြစ်အပျက်ကို စုံစမ်းစစ်ဆေးမှုလုပ်ဖို့ အမိန့်ပေးလိုက်ပြီး သေဆုံးခဲ့သူတွေအတွက် နိုင်ငံတော်ရဲ့ ၀မ်းနည်းမှု အထိမ်းအမှတ် နိုင်ငံအ၀ှမ်း သုံးရက်ကြာ ပြုလုပ်ဖို့ ကြေညာ သတ်မှတ်လိုက်ပါတယ်။
Dana လေကြောင်းလိုင်းပိုင် အဲဒီ လေယာဉ်ဟာ တနင်္ဂနွေနေ့တုန်းက Abuja မြို့ကနေ Lagos မြို့ကို ပျံသန်းတာဖြစ်ပြီး၊ Lagos မြို့က လူနေထူထပ်တဲ့အရပ် နှစ်ထပ်တိုက် အဆောက်အဦးပေါ်ကို ထိုးကျသွားခဲ့တာလို့ နိုင်ဂျီးရီယား လေကြောင်း အာဏာပိုင်တွေက ပြောပါတယ်။ လေယာဉ်ပျက်ကျပြီးနောက် အနားက အခြား အဆောက်အဦးတွေလည်း မီးလောင်ကျွမ်း သွားခဲ့ပါတယ်။
လေယာဉ်ပေါ်ပါလာတဲ့ ခရီးသည် ၁၅၃ ဦးစလုံး သေဆုံးခဲ့ပါတယ်။ မြေပြင်ပေါ်မှာရှိတဲ့ သူတွေထဲက သေဆုံးသူရှိမရှိတော့ မသေချာသေးပါဘူး။ Dana လေကြောင်းလိုင်းဟာ နိုင်ဂျီးရီယား ပြည်တွင်းပြေးဆွဲတဲ့ လေကြောင်းလိုင်းဖြစ်ပြီး၊ အခု ပျက်ကျတဲ့ ဘိုရင်း MD 83 လေယာဉ်ဟာ Abuja မြို့ကနေ Lagos ကို ပြေးဆွဲနေတာပါ။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment