ကမ္ဘာ့သတင်းများ 06/06/2012
နိုင်ငံတကာသတင်း
အယ်လ်ကိုင်းဒါး ဒု-ခေါင်းဆောင် အမေရိကန်လေကြောင်းတိုက်ခိုက်မှုကြောင့် သေဆုံး
ပါကစ္စတန်နိုင်ငံ အနောက်မြောက်ပိုင်းမှာရှိနေတဲ့ အယ်လ်ကိုင်းဒါး ဒုတိယခေါင်းဆောင် Abu Yahya Al Libi ကို အမေရိကန် အဝေးထိန်း ဒုံးလက်နတ်နဲ့ ပစ်ခတ်သတ်ဖြတ်လိုက်နိုင်တာဟာ အကြမ်းဖက်အုပ်စုကို သိသိသာသာ ထိခိုက်မှု ဖြစ်စေခဲ့တယ်လို့ အမေရိကန်အရာရှိတွေက ပြောလိုက်ပါတယ်။
အိမ်ဖြူတော်ပြောခွင့်ရ Jay Carney က Al Libi ရဲ့သေဆုံးမှုကို အမေရိကန်စုံစမ်းစစ်ဆေးရေး သတင်း ရင်းမြစ်တွေအရ အတည်ပြုကြောင်း သတင်းထောက်တွေကို ပြောဆိုခဲ့ပါတယ်။ Al Libi ဟာ အယ်လ်ကိုင်းဒါး အဖွဲ့ရဲ့ အထွေထွေမန်နေဂျာဖြစ်ပြီး သူ့နေရာမှာ ဘယ်သူ့ကို အစားထိုးမယ်ဆိုတာ ကွဲကွဲပြားပြားမသိရသေးဘူးလို့ Jay Carney က ပြောပါတယ်။
Al Libi ဟာ အပစ်ခတ်ခံလိုက်ရတဲ့အချိန် အဲ့ဒီ့ဒေသမှာရှိနေခဲ့ပြီးတော့ အမေရိကန်အဝေးထိန်းဒုံးလက်နတ်နဲ့ အပစ်ခံလိုက်ရလို့ သေဆုံး သွားခဲ့ရတယ်ဆိုတာကို စစ်သွေးကြွတွေအချင်းချင်း တယ်လီဖုန်းနဲ့ ဆက်သွယ် ချက်တွေကို ကြားဖြတ်နားထောင်တာကနေ အတည်ပြုနိုင်ခဲ့တယ်လို့ ပါကစ္စတန်အာဏာပိုင်တွေကပြောပါတယ်။
ပြီးခဲ့တဲ့ မေလ ၂၈ ရက်နေ့တုန်းကတည်းက ပါကစ္စတန်အနောက်ပိုင်းက မြောက် Waziristan ဒေသကို အဝေးထိန်းဒုံးနဲ့ ပစ်ခတ်တိုက်ခိုက် ခံလိုက်ရတဲ့အတွက် Al Libi ဒဏ်ရာအကြီးအကျယ်ရခဲ့ပါသေးတယ်။
လစ်ဗျားနိုင်ငံသားဖြစ်တဲ့ အယ်လ်ကိုင်းဒါးခေါင်းဆောင်သေဆုံးတာကို ပါကစ္စတန်က တာလီဘန်တစ်ဦးက အတည်ပြုပြောဆိုခဲ့ပြီး Al Libi အခုလို သေဆုံးခဲ့တာဟာ အကြမ်းဖက်ကွန်ယက်အတွက် ကြီးမားတဲ့ ဆုံးရှုံးမှု ဖြဖစ်တယ်ဆိုတဲ့ သူ့ရဲ့ပြောစကားကို ကိုးကားပြီး သတင်းတွေမှာ ဖော်ပြပါရှိပါတယ်။
ဆီးရီးယားအစိုးရ နိုင်ငံခြားသံတမန်တွေကို ပြည်နှင်ဒဏ်ပေး
ဆီးရီးယားမှာ အပစ်အခတ်ရပ်စဲမှုကို ဆက်လက် အသက် သွင်းပြီး သွေးထွက်သံယိုမှုတွေ အဆုံးသတ်သွားစေဖို့ သံတမန်တွေရဲ့ မျှော်လင့်ချက်တွေ မှေးမှိန်နေချိန်မှာပဲ ဆီးရီးယားအနောက်ပိုင်း လာတာခီယာ (Latakia) ခရိုင်မှာ အစိုးရစစ်တပ်နဲ့ အတိုက်အခံတွေကြား အကြမ်းဖက်တိုက်ခိုက်မှုဖြစ်ခဲ့ပါတယ်။
Haf feh မြို့နဲ့ အနီးတ၀ိုက်က ကျေးရွာတွေက ရဲဌာနတော်တော်များများကို အတိုက်အခံတွေက သိမ်းပိုက်ထားတဲ့ နေရာတွေမှာ အင်္ဂါနေ့က စစ်ပွဲတွေဖြစ်ခဲ့တယ်လို့ လန်ဒန်အခြေစိုက် ဆီးရီးယား အရေးစောင့်ကြည့်တဲ့လူ့အခွင့်အရေးအဖွဲ့ SOHRက ပြောပါတယ်။
အနည်းဆုံး အစိုးရစစ်တပ်က စစ်သား၁၅ယောက်နဲ့ အတိုက်အခံဘက်က သုံးယောက်သေဆုံးခဲ့တဲ့ အဖြစ်အပျက်ဟာ Latakia ခရိုင်ထဲမှာ ၁၅ လတာဖြစ်ခဲ့တဲ့အကြမ်းဖက်မှုတွေထဲမှာ အဆိုးရွားဆုံး တိုက်ခိုက်မှုဖြစ်တယ်လို့ SOHR အဖွဲ့က Rami Ab dur rah man က သုံးသပ်ပြောဆိုပါတယ်။
အနောက်နိုင်ငံတွေက ဆီးရီးယားသံတမန်တွေကို နှင်ထုတ်ခဲ့တာကို တုံ့ပြန်တဲ့အနေနဲ့ ဇွန်လ (၅) ရက်နေ့က ဆီးရီးယားကလည်း ဒမတ်စကပ်မြို့တော်က နိုင်ငံပေါင်းများစွာရဲ့ သံတမန်တွေကို နှင်ထုတ်ခဲ့ပါတယ်။
ဆီးရီးယားမှာ ပြည်ပ၀င်စွက်မှု တရုတ် ရုရှား ဆန့်ကျင်
အမေရိကန်နဲ့ ဥရောပနိုင်ငံတွေက သံတမန် အတော်များများကို လက်မခံတော့ကြောင်း ဒီကနေ့မှာပဲ ဆီးရီးယား အစိုးရက ကြေညာလိုက်တဲ့ တချိန်တည်းမှာပဲ ပြဿနာတွေကို ပြည်ပကနေ ၀င်ရောက် ဖြေရှင်း တာမျိုး ရုရှားနိုင်ငံနဲ့အတူ ညီညီညွတ်ညွတ် ဆန့်ကျင်သွားမှာ ဖြစ်တယ်လို့ တရုတ်နိုင်ငံက ပြောလိုက်ပါ တယ်။
ဘေဂျင်းမြို့တော်ကို ရုရှားသမ္မတ Vladimir Putin ရောက်ရှိလာချိန်မှာပဲ သမ္မတ Bahar al-Assad ၁၁ နှစ်ကြာ အုပ်ချုပ်နေတဲ့ အစိုးရကို အတင်းအကျပ် ဖယ်ရှားဖို့ ကြိုးပမ်းမှုတွေကို ဆန့်ကျင်မယ်လို့ တရုတ်နိုင်ငံခြားရေး ၀န်ကြီးဌာန ပြောခွင့်ရပုဂ္ဂိုလ် Liu Weimin ကပြောလိုက်တာပါ။ အလည်အပတ် ခရီးစဉ်အဖြစ် ရောက်လာတဲ့ ရုရှားသမ္မတကတော့ သမ္မတ Hu Jintao အပါအ၀င် တရုတ်ခေါင်းဆောင်တွေ နဲ့ တွေ့ဆုံနေပါတယ်။
တရုတ်နိုင်ငံခြားရေး ၀န်ကြီးဌာန ပြောခွင့်ရသူကတော့ တရုတ်နဲ့ ရုရှား ၂ နိုင်ငံတို့က ဆီးရီးယား သွေးထွက် သံယို ပဋိပက္ခတွေ အဆုံးသတ်စေရေးအတွက် အစိုးရနဲ့ အတိုက်အခံ ၂ ဘက်စလုံးကို ဆက်လက် တောင်းဆို ထားတယ်လို့လည်း ပြောခဲ့တာပါ။ ဆီးရီးယား နိုင်ငံမှာ အစိုးရ အပြောင်းအလဲ ဖြစ်စေဖို့နဲ့ သမ္မတ အာဆဒ် အစိုးရကို ပိတ်ဆို့ဒဏ်ခတ်မှုတွေ ချမှတ်ဖို့ အနောက် နိုင်ငံတွေနဲ့ အာရပ်အဖွဲ့ချုပ်တို့က အကြိမ်ကြိမ် ကြိုးပမ်းနေတာတွေကိုတော့ နှစ်နိုင်ငံစလုံးက လက်မခံဘဲ ပယ်ချနေတာ ဖြစ်ပါတယ်။
နေစွမ်းအင်သုံး လေယာဉ် ခရီးရှည်ပျံသန်း
ကမ္ဘာပေါ်က တိုက်ကြီးတတိုက်ကနေ တတိုက်ကို လောင်စာဆီ မသုံးဘဲ ပထမဆုံးအကြိမ် ပျံသန်း တဲ့ လေယာဉ်အဖြစ် စံချိန်တင်နိုင်ဖို့ ဆွစ်ဇာလန်နိုင်ငံသား စွန့်စားသူ တဦးက တီထွင်ဆန်းသစ် ထားတဲ့ နေရောင်ခြည် စွမ်းအင်သုံး လေယာဉ်ငယ် တစင်းနဲ့ ဥရောပကနေ အာဖရိက မြောက်ပိုင်း ဒေသကို ပျံသန်းနေပါတယ်။
Bertrand Piccard ဟာ စပိန်နိုင်ငံ မက်ဒရစ်မြို့တော်ကနေ မိုင်ပေါင်း ၁၅၅၀ ကျော် ကွာဝေးတဲ့ မော်ရိုကိုနိုင်ငံ မြို့တော် Rabat ကိုဦးတည်ပြီး နေရောင်ခြည်သုံး လေယာဉ်နဲ့ အင်္ဂါနေ့က ထွက်ခွာခဲ့တာပါ။ စတင်ထွက်ခွာပြီး နာရီ အတော်ကြာချိန်မှာတော့ အမြင့်ပေ ၁၁,၀၀၀ ကျော် က ပျံသန်းပြီး စပိန်နိုင်ငံ တောင်ပိုင်း ကမ်းရိုးတန်း အနီးကို ရောက်လာခဲ့ပါတယ်။
Gibraltar ရေလက်ကြားကို ဖြတ်သန်းပြီး နောက်မှာတော့ လေယာဉ်ဟာ မော်ရိုကို လေကြောင်းပိုင်နက်တွင်း ချင်းနင်း ၀င်ရောက်လာခဲ့ပြီး ဒေသစံတော်ချိန် ၉ နာရီကျော်မှာ မြို့တော် Rabat လေဆိပ်ကို ရောက်လာဖို့ ရှိပါတယ်။ နေရောင်ခြည်သုံး တယောက်စီး လေယာဉ်မှာတော့ လျှပ်စစ်အင်ဂျင်အတွက် နေရောင်ခြည် စုပ်ယူတဲ့ ဓာတ်ခဲပေါင်း ၁၂,၀၀၀ ကို အသုံးပြုထားတာပါ။ ပေ ၂၀၀ ကျော် အရှည်ရှိတဲ့ လေယာဉ် ဖြစ်ပေမဲ့ လည်း အလေးချိန်ကတော့ သာမာန်မိသားစုသုံး ကားတစင်းလောက်သာ ရှိပါတယ်။
ကမ္ဘာပေါ်မှာ နေရောင်ခြည် ထုတ်လုပ်မှု အကြီးဆုံး စက်ရုံ တည်ဆောက်ဖို့ စီစဉ်ထားတဲ့ နိုင်ငံတခုအဖြစ် အများက အာရုံစိုက်လာအောင် မော်ရိုကို နိုင်ငံကို ခရီးဆုံးတိုင်းပြည်အဖြစ် ရွေးချယ် ထားတာလည်း ဖြစ်ပါ တယ်။
LWIN PWIN
NLABR
Web-site: www.nlabr.com
Subscribe to:
Post Comments (Atom)
0 comments:
Post a Comment