ဘူးသီးတောင်-မောင်တော မြို့နယ်များတွင်း ဖြစ်ပွားနေသော ဘာသာရေး ပဋိပက္ခများနှင့် ပတ်သက်ပြီး ကာကွယ်ရေးဝန်ကြီး ဒုဗိုလ်ချုပ်ကြီး လှမင်းသည် ဒေသအာဏာပိုင်များ နှင့် သွားရောက် တွေ့ဆုံခဲ့သည်။

ဗုဒ္ဓဘာသာဝင် ရခိုင်လူမျိုးနှင့် ဘင်္ဂါလီ ရိုဟင်ဂျာတို့အကြား ဖြစ်ပွားနေသော ပဋိပက္ခများနှင့် ပတ်သက်ပြီး မောင်တောတွင် ဝန်ကြီးက မေးမြန်းဆွေးနွေးသည့် အခါ ဒေသခံ ရခိုင်လူမျိုးတို့ကို ခေါ်ယူမေးမြန်းခြင်း မရှိခဲ့ကြောင်း မောင်တော ဒေသခံတဦးက ပြောသည်။
ဇွန်လ ၈ ရက်နေ့တွင် ရခိုင်ပြည်နယ် မောင်တောမြို့တွင် ဆူပူ အကြမ်းဖက်မှုများ ဖြစ်ပွားနေသော အခြေအနေ အားလုံးကို အချိန်မီ ထိန်းသိမ်းပြီး ဒေသရပ်ရွာ တည်ငြိမ်အေးချမ်းမှု ရရှိစေရေးအတွက် မောင်တောနှင့် ဘူးသီးတောင်မြို့နယ်များတွင် ပုဒ်မ ၁၄၄ ညမထွက်ရအမိန့်ကို ထုတ်ပြန် ကြေညာထားသည်။

ရခိုင်ပြည်နယ်တွင်း ဖြစ်ပျက်နေသည့် အကြမ်းဖက် တိုက်ခိုက်မှုများနှင့်စပ်လျဉ်း၍ အမျိုးသား ဒီမိုကရေစီ အဖွဲ့ချုပ် NLD ကလည်း ဇွန်လ ၉ ရက်နေ့ နေ့စွဲဖြင့် သဘောထားကြေညာချက်တရပ် ထုတ်ပြန်ထားသည်။

သက်ဆိုင်ရာတို့ အနေဖြင့် “ထိရောက် လျှင်မြန်သည့် အရေးယူဆောင်ရွက်မှုများ ပြုလုပ်ပေးပါရန်” တောင်းဆိုထားပြီး အကြမ်းဖက် တိုက်ခိုက်သူများနှင့် လှုံ့ဆော်သူများ အားလုံး “ချက်ချင်း ရပ်ဆိုင်းပါရန်” မေတ္တာရပ်ခံထားသည်။

ထို့ပြင် “သက်ဆိုင်ရာ ဘာသာရေးအဖွဲ့အစည်းများ၊ လူမှုရေးအဖွဲ့အစည်းများမှ ရှေ့ဆောင်ရှေ့ရွက်ပြုနေသည့် ပုဂ္ဂိုလ်များကလည်း တည်ငြိမ်အေးချမ်းရေးအတွက် ပါဝင်ဆောင်ရွက်ကြရန်” NLD နှင့် မဟာမိတ် တိုင်းရင်းသားခေါင်းဆောင်များက တိုက်တွန်းထားသည်။

ထိုင်းနိုင်ငံ အခြေစိုက် ရခိုင်ပြည်လုံးဆိုင်ရာ ကျောင်းသားနှင့်လူငယ်များအစည်းအရုံး AASYC ကလည်း ရခိုင်ပြည်နယ်တွင်း ပဋိပက္ခများကို ဖြေရှင်းရန်အတွက် “သမာသမတ်ကျ၍ အများလက်ခံနိုင်သော ဗုဒ္ဓဘာသာနှင့် အစ္စလာမ်ဘာသာဝင် နိုင်ငံရေး၊ ဘာသာရေး၊ လူမျိုးရေး ခေါင်းဆောင်များအနေဖြင့် ပဋိပက္ခ ညှိနှိုင်းဖြေရှင်းရေး ကော်မတီ တရပ်ကို အမြန်ဆုံးဖွဲ့စည်းကာ အစိုးရ၏ အကူအညီဖြင့်” တရားဥပဒေ စိုးမိုးရေး၊ ရပ်ရွာ အေးချမ်းသာယာရေး ကိစ္စရပ်များကို အမြန်ဆုံး ဆောင်ရွက်ကြရန် တိုက်တွန်းလိုက်သည်။

“ရခိုင် ဗုဒ္ဓဘာသာဝင်များနှင့် ရခိုင်ပြည်သို့ အကြောင်းအမျိုးမျိုးဖြင့် ရောက်ရှိနေကြသည့် အစ္စလာမ် ဘာသာဝင် မူဆလင်များသည် နှစ်ပေါင်း များစွာ အတူတကွ နေထိုင်ခဲ့ကြပြီး နောင်တွင်လည်း မိမိတို့၏ ဘုံအကျိုးစီးပွါးကို ရှေးရှု၍ ငြိမ်းချမ်းစွာ ယှဉ်တွဲနေထိုင် ကြရအုံးမည်ဖြစ်သည်” ဟု AASYC ၏ ဇွန်လ ၉ ရက်နေ့ နေ့စွဲဖြင့် ထုတ်ပြန်လိုက်သည့် ‘လူမျိုးစုံ ရခိုင်ပြည်သူလူထုသို့ ပန်ကြားချက်’ တွင် ဖော်ပြပါရှိသည်။

သောကြာနေ့ ဆူပူ အကြမ်းဖက်မှုများကြောင့် “စုစုပေါင်း သေဆုံးသူ ၇ ဦး၊ ဒဏ်ရာရရှိသူ ၁၇ ဦး၊ အိမ်ခြေ ၄၉၄ လုံး၊ ဈေးဆိုင် ၁၉ ခန်း၊ တည်းခိုတန်း တခု”တို့ ပျက်စီးဆုံးရှုံးခဲ့ရသည်ဟု အစိုးရမီဒီယာမှ ထုတ်ပြန်သည်။ မီးရှို့ဖျက်ဆီးမှုများကြောင့် ဒုက္ခရောက်နေကြရသော သူများအတွက် ဘုန်းကြီးကျောင်း သုံးခုတွင် ကယ်ဆယ်ရေးစခန်း သုံးခု ဖွင့်လှစ်ထားသည်ဟု သိရသည်။



ရခိုင်ပြည်နယ်၊ မောင်တောမြို့တွင် သောကြာနေ့က ဖြစ်ပွားခဲ့သော ဆူပူအကြမ်းဖက်မှုများကြောင့် အသက်အိုးအိမ်ပျက်စီးကာ ဆင်းရဲဒုက္ခရောက်လျက်ရှိသည့် တိုင်းရင်းသားများအား အနီးကပ်ကူညီ
စောင့်ရှောက်နိုင်ရန်အတွက် ‘တည်ငြိမ်အေးချမ်းရေး၊ ကယ်ဆယ်ရေးနှင့် ပြန်လည်ထူထောင်ရေးဆိုင်ရာ ကြီးကြပ်ရေးအဖွဲ့’ သမ္မတ၏ ညွှန်ကြားချက်ဖြင့် ဖွဲ့စည်းလိုက်ကြောင်း စနေနေ့က ကြေညာလိုက်သည်။

ထိုအဖွဲ့တွင် နယ်စပ် လူဝင်မှုစစ်ဆေးရေး ကွပ်ကဲမှုဌာနချုပ်မှ ဦးအောင်ကြီး ဥက္ကဋ္ဌအဖြစ် ပါဝင်ပြီး အုပ်ချုပ်ရေးဆိုင်ရာ အရာရှိများဖြစ်ကြသည့် မောင်တောခရိုင် ရဲတပ်ဖွဲ့မှူး ဒုရဲမှူးကြီး မျိုးဝင်း၊ ခရိုင် ဥပဒေအရာရှိ ဦးမြင့်သန်း၊ ခရိုင် လူဝင်မှုကြီးကြပ်ရေး ဦးစီးမှူး ဦးဝင်းစိန်၊ မြို့နယ် စည်ပင်အုပ်ချုပ်ရေးမှူး ဦးအောင်သက်ရှည်နှင့် ခရိုင်အုပ်ချုပ်ရေးမှူး ဦးအောင်မြင့်စိုးတို့ အပြင် ခရိုင်ဆရာဝန်ကြီး ဒေါက်တာ
ကျော်မောင်မောင်သိန်းတို့ အဖွဲ့ဝင်အဖြစ် ပါဝင်သည်။

မောင်တောတွင် သောကြာနေ့က သတ်ဖြတ်ခြင်း၊ လူနေအိမ်အား မီးရှို့ခြင်းများ ဖြစ်ပွားခဲ့ပြီး တည်ငြိမ်မှု
ပျက်ပြားရာမှ ပြန်လည်ထိန်းသိမ်းနိုင်ခဲ့ပြီးဖြစ်သည်ဟု နိုင်ငံပိုင်မီဒီယာများမှ ကြေညာသွားသည်။

သို့သော် သောကြာနေ့ ဆူပူအကြိမ်းဖက်မှုကြောင့် ဒုက္ခရောက်လျက်ရှိသူတို့အား ယာယီနေရာချထားရေး၊ လုခြုံရေး၊ ကျန်းမာရေး၊ စားဝတ်နေရေးနှင့် ရေရှည်ကာလတွင် ဘေးကင်းလုံခြုံရာ၌ နေရာချထားမည့်
ပြန်လည်ထူထောင်ရေးလုပ်ငန်းများအား ဖွဲ့စည်းလိုက်သောအဖွဲ့က အနီးကပ် ကူညီစောင့်ရှောက်ရန်
ဖြစ်သည်ဟု ဆိုသည်။



အကြမ်းဖက် တိုက်ခိုက်မှု ဖြစ်ပွားခဲ့သည့် ရခိုင်ပြည်နယ် မောင်တောမြို့နယ်သို့ ယနေ့ ရောက်ရှိလာသည့် ကာကွယ်ရေး ဝန်ကြီး ဒု-ဗိုလ်ချုပ်ကြီး လှမင်းက နယ်မြေလုံခြုံရေး တပ်မတော်က ကာကွယ်ပေးထားပြီဖြစ်၍ ပူပန်စရာ မလိုတော့ကြောင်း ဒေသခံ တိုင်းရင်းသားများကို ကတိပေးပြောဆို သွားသည်။
ယမန်နေ့က ဆူပူအကြမ်းဖက်သူများက မောင်တော မြို့ပေါ်နှင့် မြို့နယ်အတွင်းရှိ ရခိုင်နှင့် အခြားတိုင်းရင်းသားများ၏ ကျေးရွာ ၂၀ ခန့်နှင့် မြို့ပေါ်ရှိအဆောက်အဦးအချို့ မီးရှို့ဖျက်ဆီးခြင်းခံခဲ့ရပြီး မြို့ခံရဲများက တားဆီးနေသည့်ကြားမှ ရခိုင်နှင့် အခြားတိုင်းရင်းသား ၅ ဦးထက်မက သတ်ဖြတ်ခြင်း ခံခဲ့ကြရသည်။
မွတ်ဆလင် အများစုနေထိုင်သော ယင်းဒေသတွင် လူနည်းစုဖြစ်သော တိုင်းရင်းသားများမှာ အိုးအိမ်ပျက်ဆီးမှု၊ အသက်အန္တရာယ် စိုးရွံ့မှုများကြောင့် မြို့ပေါ်ရှိ ဗုဒ္ဓဘာသာ ဘုန်းကြီးကျောင်းများ၊ စာသင်ကျောင်းနှင့် အစိုးရ အဆောက်အဦး တို့တွင် ခိုလှုံနေကြပြီး ထိုဒုက္ခသည်များကို ဒူ-ဗိုလ်ချုပ်ကြီးလှမင်းဦးဆောင်သော အစိုးရအဖွဲ့ဝင်များက ယနေ့ လာရောက်တွေ့ဆုံ အားပေးခဲ့ကြောင်း သိရသည်။
ဆရာတော်က ထပ်ပြီး “ကြောက်လန့်နေတဲ့လူတွေကိုလည်း အားပေးတယ်။ မီးလောင်ဆုံးရှုံးသွားတဲ့အိမ်တွေ ပြန်စရာမရှိလို့ လောလောဆယ် ဘုန်းကြီး ကျောင်းမှာ ခေတ္တခဏ နေထိုင်ပြီးတော့ အတတ်နိုင်ဆုံး အကောင်းဆုံးဖြစ်အောင် အိမ်တွေဆောက် ပေးမယ် ပြောတယ်” ဟု ဆက်ပြောသည်။
အကြမ်းဖက်သူများ ဝင်ရောက်တိုက်ခိုက်စဉ် အနီးအနားရှိ တောတောင်များအတွင်း ထွက်ပြေးပုန်းရှောင်ခဲ့ကြသော ဒေသခံ တိုင်းရင်းသားများကို အစိုးရတပ်များမှ ဦဆောင်ကာ လိုက်လံ ကယ်ဆယ်လျက်ရှိပြီး မြို့ပေါ်ရှိ အလိုတော်ပြည့်ကျောင်း၊ ဗဟိုကျောင်းနှင့် အောင်မြေဗောဓိကျောင်း အပါအဝင် စာသင်ကျောင်းနှင့် အစိုးရ အဆောက်အဦး အချို့တွင် ကယ်ဆယ်ထားပြီး အလိုတော်ပြည့် ကျောင်းတခု တည်းတွင်ပင် ၄၀၀ ကျော်ရှိနေသည်။
အဆိုပါကယ်ဆယ်ရေးစခန်းများသို့ ကာကွယ်ရေးဝန်ကြီးနှင့်အတူ ကယ်ဆယ်ရေးနှင့် ပြန်လည်နေရာချထားရေး ဒုတိယ ဝန်ကြီး ဦးဘုန်းဆွေ၊ ရခိုင်ပြည်နယ်ဝန်ကြီးချုပ် ဦးလှမောင်တင်၊ အနောက်ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် ကိုကိုနိုင်တို့ လာရောက်ပြီး အားပေးနှစ်သိမ့်ခဲ့ကြကြောင်း ဒုက္ခသည်များက ပြောသည်။
ကြောက်လန့်ပြီး ထွက်ပြေးနေသော တိုင်းရင်းသားများကို ရှာဖွေကယ်ဆယ်ရန်နှင့် ကယ်ဆယ် ထားသူများကို ပြန်လည်နေရာချထားရေးများ လုပ်ဆောင်ရန်အတွက် နေပြည်တော်က ညွှန်ကြားမှုဖြင့် နယ်စပ်ဒေသ လူဝင်မှု စစ်ဆေးရေးနှင့် ကွပ်ကဲမှု ဌာနချုပ် မှ ဗိုလ်မှူးကြီးအောင်ကြီးကို တာဝန်ပေးအပ်ထားကြောင်းသိရသည်။
ထို့အတူ တည်ငြိမ်အေးချမ်းရေး၊ ကယ်ဆယ်ရေးနှင့် ပြန်လည်ထူထောင်ရေး ဆိုင်ရာ ကြီးကြပ်ရေးအဖွဲ့ ကို ဗိုလ်မှူးကြီး အောင်ကြီး ဦးဆောင်သော ၇ ဦးအဖွဲ့ကို ဖွဲ့စည်းတာဝန်ပေးအပ်လိုက်ကြောင်း ယနေ့မွန်းလွဲပိုင်းတွင် ထုတ်ပြန်လိုက်သော နိုင်ငံတော် သမ္မတရုံး၏ ထုတ်ပြန်ချက်ကလည်း ဆိုသည်။
ယမန်နေ့မွန်းလွဲပိုင်းမှ စပြီး ယနေ့နံနက် ၅ နာရီထိ မောင်းတောမြို့နယ်အတွင်း ရခိုင်နှင့် အခြား တိုင်းရင်း သားများ နေထိုင်သည့် အိုးအိမ်နှင့် လုပ်ငန်းများကို အကြမ်းဖက်သူများက ဖျက်ဆီးခဲ့ကြရာတွင် ကျေးရွာ ၁၇ ရွာ လုံးဝပြာကျပျက်စီးခဲ့ပြီး တချို့ရွာများလည်း မီးရှို့ခံခဲ့ရသေးသည်။
၎င်းကိုယ်တိုင် လက်နှင့် ပုခုံးများတွင် ဒဏ်ရာများရရှိခဲ့ပြီး ဖခင်ဖြစ်သူလည်း ချိန်းကြိုးဖြင့် ရိုက်ခံထားရသဖြင့် ဆေးရုံတင်လိုက်ရသည်။ အကြမ်းဖက်သူများသည် နယ်မြေခံများသာမက မျက်နှာစိမ်း လူများကိုပါတွေ့ရကြောင်း ထိုသူများက အတင်းဝင်ရောက်၍ ပစ္စည်းများလုယက်ခြင်း အသက်ရန်ရှာခြင်းများ ပြုလုပ်ကြောင်း သူကဆက်ပြောသည်။
ပုန်းအောင်းနေရာမှ လွတ်မြောက်လာသည့် အခြား အမျိုးသမီးတဦးကလည်း “ကျမတို့က တောထဲမှာ ကုလားတွေ ရှာမတွေ့အောင်ပုန်းနေရတာ၊ သူတို့ကတွေ့ရင် သတ်မှာ၊ ဒီမနက် မီးလောင်တဲ့နေရာတွေမှာ စစ်တပ်တွေရောက်လာတာ နေရာယူတာတွေတော့ အားရှိသွားတယ်။ အဲဒါနဲ့ တောထဲကနေ ပြေးထွက်ပြီးတော့ အကူအညီ တောင်းတယ်။ တပ်က ကျမတို့ တဖွဲ့လုံးကို ကယ်လာတာ” ဟု ပြောသည်။
လတ်တလော အစိုးရက နယ်မြေအေးချမ်းလုံခြုံရေးအတွက် ညမထွက်ရအမိန့် ပုဒ်မ ၁၄၄ ကိုထုတ်ပြန်ထားသည်။ အစိုးရတပ်များ နေရာအနှံ့ လုံခြုံရေးယူပေးထားသည်ကို တွေ့ရပြီး အကြမ်းဖက်သူများ ထပ်မံထွက်လာခြင်းကို မတွေ့ရဟု ဒေသခံများကပြောသည်။မတည်မငြိမ်ဖြစ်နေသော မောင်တောမြို့တွင် မြို့ခံ ရခိုင်များအပါအဝင် တခြား တိုင်းရင်းသားများနှင့်အတူ အစိုးရရုံးဝန်ထမ်းများ၊ လူမှုကူညီရေးအသင်းအဖွဲ့များ၊ NGO အဖွဲ့များသည် မောင်တောမြို့ပေါ်ရှိ ဘုန်းကြီးကျောင်းများတွင် သွားရောက်ခိုလှုံနေရကြောင်း၊ မြန်မာအစိုးရက လုံခြုံရေးတာဝန်ယူ ဆောင်ရွက်ပေးနေသော်လည်း မောင်တောမြို့၏ မြို့စွန်နေရာများတွင် နေထိုင်သော အနည်းစု မြန်မာတိုင်းရင်းသားများမှာလည်း လုံခြုံရေးစိုးရိမ်နေရကြောင်း သိရှိရသည်။



မြန်မာနိုင်ငံ အနောက်ခြမ်း ရခိုင်ပြည်နယ်မှာ လူမျိုးရေး အဓိကရုဏ်းတွေ ဖြစ်ပွားပြီး လူ ၇ ဦးမက သေဆုံးရပြီးတဲ့နောက် ဘင်္ဂလားဒေ့ရှ် နိုင်ငံ နယ်စပ်နားမှာ လုံခြုံရေးတပ်ဖွဲ့တွေ ဖြန့်ချလိုက်ပါတယ်။ သောကြာနေ့ညက မူစလင်တွေနဲ့ ရခိုင်လူမျိုးတွေကြား တိုက်ခိုက်မှုတွေ ဖြစ်ပွားခဲ့လို့ ပုဒ်မ (၁၄၄) ထုတ်ပြန်လိုက်ပြီးနောက် မောင်တောနဲ့ ဘူးသီးတောင်မြို့တွေမှာ အခြေအနေ တည်တည်ငြိမ်ငြိမ် ရှိတယ်လို့ ဒေသခံတွေက ပြောပါတယ်။တိုက်ခိုက်မှုတွေကြောင့် လူ အနည်းဆုံး ၇ ဦးသေဆုံးခဲ့ရတယ်၊ အဆောက်အဦးတွေ မီးရှို့ဖျက်ဆီးခံရတယ်လို့ အစိုးရ သတင်းမီဒီယာက ပြောပါတယ်။ ဒီလို ရခိုင်ပြည်နယ်မှာ ဖြစ်ပွားနေတဲ့ တိုက်ခိုက်မှုတွေနဲ့ ပတ်သတ်ပြီး အမေရိကန် ပြည်ထောင်စုက ပူပန်မိကြောင်း ထုတ်ဖော်ပြောကြားသွားပါတယ်။အခြေအနေတွေကို အမေရိကန်ပြည်ထောင်စုက စောင့်ကြည့်နေကြောင်းနဲ့ အကြမ်းဖက် တိုက်ခိုက်မှုတွေ ချက်ချင်းရပ်တန့်ပစ်ဖို့ တိုက်တွန်းကြောင်း အမေရိကန် နိုင်ငံခြားရေးဝန်ကြီင်္းဌာန ပြောရေးဆိုခွင့်ရှိသူ ဗစ်တိုးရီးယား နျူလန် (Victoria Nuland) က စနေနေ့ကပဲ ပြောကြားသွားပါတယ်။ မြန်မာအစိုးရ အနေနဲ့လည်း တရားဥပဒေ စိုးမိုးမှုနဲ့အညီ ကိုင်တွယ်ဖြေရှင်းဖို့ ဒီကြေညာချက်ထဲမှာ တိုက်တွန်းသွားပါတယ်။



ရခိုင်ပြည်နယ် မောင်တောမြို့နှင့် အနီးတ၀ိုက် ကျေးရွာ ၂၀ ခန့် မီးရှို့ဖျက်ဆီးခံလိုက်ရပြီးနောက် ဒေသခံ ပြည်သူ ထောင်ချီကာ ထွက်ပြေး ပျောက်ဆုံးနေဆဲဖြစ်ကြောင်းမောင်တောမြို့ အာဏာပိုင်များ၏ စာရင်းအရ မီးရှို့ဖျက်ဆီး ခံလိုက်ရသည့် ကျေးရွာများ၌ လူဦးရေ ၅၀၀၀ ကျော် ရှိသည့်အနက် မောင်တောမြို့ပေါ်ရှိ အလိုတော်ပြည့် ကျောင်းတွင် ၄၀၀ ၀န်းကျင် ရောက်ရှိနေပြီ ဖြစ်ကြောင်း၊ အောင်မြေဗောဓိကျောင်း၊ ဗဟိုကျောင်းတို့၌ ရာဂဏန်းအထိ ရောက်ရှိနေပြီဟု ဒေသခံများက ပြောသည်။
ဘုန်းကြီးကျောင်းများ၌ ခိုလှုံနေကြသည့် ဒေသခံပြည်သူများအား နယ်မြေခံ ရဲတပ်ဖွဲ့နှင့် စစ်တပ်တို့က လုံခြုံရေး တာဝန်ယူ ထားပေးကြောင်း၊ ဘေးကင်းရာသို့ ထွက်ပြေး တိမ်းရှောင်နေကြသော ပြည်သူများအား အစိုးရစစ်တပ်မှ လိုက်လံရှာဖွေ နေကြောင်း၊ ဘုန်းကြီးကျောင်း၌ တည်းခိုနေကြသည့် ဒုက္ခသည်များအတွက် အရေးပေါ် စားဝတ်နေရေး လိုအပ်နေကြောင်း ဆရာတော်တပါးက မိန့်ကြားသည်။ရွာလုံးကျွတ် မီးရှို့ခံရသည့် ရွာများတွင် ဝေသာလီ၊ ဗောဓိကုန်း၊ အလယ်ရွာ၊ အထက်ရွာ၊ ရွေရင်အေး၊ ခရေမြိုင်၊ သရေကုန်းဘောင်၊ မောရ၀တီ၊ ဥဒေါင်း၊ ကင်းမချောင်း ကမ်းကြီး (ရွာသစ်၊ ရွာဟောင်း)၊ ဗိုလ်မှူး စသည့် ကျေးရွာတို့ ဖြစ်သည်။
ထိုကျေးရွာများအနက် ရွှေရင်အေး၊ ခရေမြိုင်၊ သရေကုန်းဘောင်၊ မောရ၀တီ၊ ကမ်းကြီး စသည့် ကျေးရွာများမှ ဒေသခံများသည် နီးစပ်ရာ တောတောင်များထဲသို့ ထွက်ပြေးနေဆဲ ဖြစ်ကြောင်း၊ စစ်တပ်မှ ရဟတ်ယဉ်များဖြင့် လိုက်လံရှာဖွေနေဆဲဟု သိရသည်။မောင်တောဒေသ တည်ငြိမ်အေးချမ်းရေးအတွက် ပြစ်မှုဆိုင်ရာ ကျင့်ထုံး ဥပဒေပုဒ်မ ၁၄၄ (နေဝင်မီးငြိမ်းအမိန့်) ထုတ်ထားဆဲဖြစ်ကာ အစိုးရ ကာကွယ်ရေးဝန်ကြီး ဒု ဗိုလ်ချုပ်ကြီး လှမင်းနှင့် ၀န်းကြီးတချို့၊ ရခိုင်ပြည်နယ် ၀န်ကြီးချုပ်၊ ရခိုင်ပြည်နယ် စစ်တိုင်မှူးနှင့် စစ်တပ်အကြီးအကဲများ ဦးဆောင်၍ ဒေသ လုံခြုံရေး လုပ်ငန်းစဉ်များကို ဆောင်ရွက်ပေးနေကြောင်း သမ္မတရုံး၏ ဝက်ဘ်ဆိုက်၌ ရေးသားထာသည်။
မောင်တောမြို့၌ ဒေသခံ ဗုဒ္ဓဘာသာဝင်များကို ဗလီဝတ်ကျောင်းသို့ လာသည့် အစ္စလမ်ဘာသာဝင်များက တိုက်ခိုက်ခဲ့ရာမှ အဓိကရုဏ်းများ ဖြစ်ပွားခြင်း၊ သတ်ဖြတ်ခြင်း၊ မီးရှို့ခြင်း စသည်တို့ဖြစ်ပေါ်ခဲ့ကြောင်း၊ ထိုအရေးအခင်းကြောင့် လက်ရှိ အချိန်အထိ သေဆုံးသူ ၇ ဦး၊ ဒဏ်ရာ ရသူ ၁၇ ဦး၊ နေအိမ် ၄၉၄ အိမ်၊ ဈေးဆိုင်ခန်း ၁၉ ခန်း မီးလောင်ကျွမ်းခဲ့ကြောင်း သမ္မတရုံး ဝက်ဘ်ဆိုက်တွင် ဖော်ပြထားသည်။



ရခိုင်ပြည်နယ် မောင်းတောမြို့ပေါ်တွင် အစ္စလမ်ဘာသာဝင်များက အကြမ်းဖက်မှု ပြုလုပ်သဖြင့် လူနည်းစုဖြစ်သော ဗုဒ္ဓဘာသာဝင် တို့မှာ ၎င်းတို့၏ လုံခြုံရေး အခြေအနေကို စိုးရိမ်နေကြသည်။မွန်းလွဲ ၁ နာရီခွဲခန့် တွင် အစ္စလမ်ဘာသာဝင်များက မြို့ပေါ်ရှိ ဗုဒ္ဓဘာသာဝင်များ နေထိုင်ရာ အိမ်များ၊ ကျေးရွာတချို့နှင့် တည်းခိုရိပ်သာတချို့ကို မီးရှို့ဖျက်ဆီးပြီး ဓားဖြင့် လက်ရောက်ကျူးလွန်သဖြင့် သေဆုံးမှုများလည်း ရှိခဲ့သည်။ ထိုကြောင့် မြို့ခံများမှာ ကြောက်ရွံ့နေကြခြင်းဖြစ်သည်ဟု ဆိုသည်။
ဗုဒ္ဓဘာသာဝင်များသည် ၎င်းတို့အိမ်များတွင် မနေရဲဘဲ မြို့ပေါ်ရှိ ဘုန်းကြီးကျောင်းများတွင် သွားရောက်ခိုလှုံနေပြီး လုံခြုံရေးယူပေး ရန် ရဲစခန်းသို့ အကြောင်းကြားထားသော်လည်း လာရောက် ကာကွယ်ပေးထားခြင်း မရှိသေးသဖြင့် စိုးရိမ်နေကြခြင်းဖြစ်ကြောင်း သိရ သည်။
ယနေ့မွန်းလွဲပိုင်းက ရာနှင့်ချီသော အစ္စလန်ဘာသာဝင် အကြမ်ဖက်သူများ မြို့ပေါ်ရှိ ဗိုလ်မှူး ကျေးရွာသို့ ဝင်ရောက်ကာ အနီးရှိ သဇင် တည်းခိုခန်း အပါအဝင် အိမ်တချို့ကို မီးရှို့ဖျက်ဆီးခဲ့ပြီး ဓားဖြင့် လက်ရောက် ကျူးလွန် ခဲ့သည်။ထို လူတစု၏ လက်ရောက်ကျူးလွန်မှုကြောင့် အသက် ၆၀ ကျော်အရွယ် အမျိုးသားတဦးမှာ နေရာတွင် သေဆုံးသွားခဲ့ပြီး အခြား တဦးဖြစ်သူ ဒေါက်တာ ခင်မောင်လတ် နှင့် ဇနီး အပါအ၀င် အခြားအရပ်သားတဦးမှာ ဒဏ်ရာများနှင့် မောင်းတော မြို့နယ်ဆေးရုံကြီး သို့ တင်ပို့ကာ ဆေးကုသမှု ခံယူခဲ့ရသည်။
မီးရှို့မှု၊ လက်ရောက်ကျူးလွန်မှုများကို ဖြေရှင်းရန် မြို့ခံ ရဲ တပ်ဖွဲ့ဝင်၂၀ ခန့် ဗိုလ်မှူးကျေးရွာသို့ ရောက်ရှိလာသော်လည်း အကြမ်း ဖက် အဖွဲ့မှ ခဲများ၊ တုတ်များဖြင့် လိုက်လံပစ်ပေါက်ခဲ့သဖြင့် ချက်ချင်းထွက်ပြေးသွားခဲ့ရကြောင်း မျက်မြင်များ၏ ပြောဆိုမှုအရ သိရသည်။အတည်မပြုနိုင်သေးသော သတင်းများအရ ဦးခင်မောင်လတ်တို့ ဇနီးမောင်နှံ ဆေးရုံတွင် အသက်ဆုံးသွားပြီဖြစ်ကြောင်း ပြည်တွင်း အခြေစိုက် သတင်းဌာနများက ဖော်ပြကြသည်။ မြို့ခံ အာဏာပိုင်လုံခြုံရေးအဖွဲ့နှင့် အကြမ်းဖက်အဖွဲ့များ အပြန်အလှန်ပစ်ခတ်မှု ရှိကြောင်း သတင်းများ ထွက်ပေါ်နေသော်လည်း အတည်ပြုနိုင်ခြင်း မရှိသေးပေ။
သမ္မတရုံး တာဝန်ရှိသူ တဦး၏ ဖေ့စ်ဘုတ် စာမျက်နှာတွင် “ရခိုင်ပြည်နယ်အတွင်း အထူးသဖြင့် မောင်တော၊ ဘူးသီးတောင် အစရှိသော မြို့များတွင် တည်ငြိမ်အေးချမ်းရေးနှင့် တရားဥပဒေ စိုးမိုးရေး၊ ပြည်သူများ၏ အသက်၊ အိုးအိမ်၊ စည်းစိမ် လုံခြုံရေး အတွက် ရဲတပ်ဖွဲ့ဝင်များသာမက တပ်မတော်သားများပါ ပူးတွဲပါဝင်ကာ လုံလောက်သော အင်အားဖြင့် ဆောင်ရွက်လျက် ရှိပါကြောင်း အသိပေးအပ်ပါသည်”ဟု ဖော်ပြထားသည်။မောင်းတောမြို့တွင် အစ္စလမ်ဘာသာဝင် ၉၆ ရာခိုင်နှုန်းနေထိုင်ပြီး ဗုဒ္ဓဘာသာဝင် ရခိုင်နှင့် အခြားတိုင်းရင်းသား ၄ ရာခိုင်နှုန်း ရှိကြောင်း သိရသည်။



ရခိုင်ပြည်နယ်အတွင်း မောင်တော အပါအ၀င် တချို့မြို့တွေမှာ အဓိကရုဏ်းတွေ ဖြစ်နေတာမှာ စစ်တွေမြို့မှာတော့ ဒီကနေ့ ရခိုင် ဗုဒ္ဓဘာသာဝင်တွေနဲ့ မူစလင်တွေအကြား အခု အသံမလွှင့်ခင် အချိန်ထိ ထိပ်တိုက် ရင်ဆိုင်မှုတွေ ဖြစ်ပေါ်နေတယ်လို့ RNDP ရခိုင်တိုင်းရင်းသားများ တိုးတက်ရေးပါတီက ပြည်နယ် လွှတ်တော်အမတ် ဦးအောင်မြတ်ကျော်က ပြောပါတယ်။ အခြေအနေတွေဟာ အတော်လေး တင်းမာနေပြီး မကြာခင်မှာ ပေါက်ကွဲတော့မယ့် အခြေအနေမျိုး ဖြစ်နေတယ်လို့လည်း ပြောပါတယ်။
“ဟုတ်ပါတယ်။ အခြေအနေက ဆိုးနေပါတယ်။ အခြေအနေက ဒီဘက် ၏က ကျနော်တို့ ရခိုင်မြို့အထက်ဘက်မှာတော့ ဘာမှ ပြဿနာမရှိဘူး။ အပြင်ဘက် မြို့စွန်မှာတော့ ဘင်္ဂါလီ မူစလင်တွေက အကုန်လုံး စုပြီး တက်လာကြတယ်။ တက်လာကြတော့ ဒီဘက်က ရခိုင်တွေကတော့ ကိုယ့်ဟာကိုယ် ကာကွယ်ဖို့အတွက်ကတော့ လုပ်နေရသလို ဖြစ်နေတာပေါ့။ ရဲတပ်ရင်းတွေကလည်း သေနတ်ပစ်ဖောက်ပြီး သူတို့ကို လူထုခွဲမလို့ လုပ်တယ်။ လုပ်ပေမဲ့လည်း မိုးပေါ်ထောင်ပစ်တဲ့ သဘောမျိုးဆိုတော့ လူက ကွဲမသွားဘူး။ အဲဒီအတိုင်းပဲ တင်းခံနေတယ်။ အခု အခြေအနေက ဘုမေ ကျေးရွာမှာ။ မူစလင်တွေ များတဲ့နေရာပေါ့။ အဲဒီဘုမေ ကျေးရွာမှာလည်း နောက်မဆုတ်တော့ဘဲ အဲဒီနေရာမှာ တင်းခံနေတယ်။ အဲဒီလိုမျိုး ဖြစ်နေတယ်။”
ရိုက်တာ ပုပ်တာ အကြမ်းဖက်တာတွေတော့ မရှိသေးဘူးပေါ့။ နှစ်ဘက် ထိပ်တာ ဖြစ်နေကြတဲ့အဆင့်မှာပဲ ရှိသေးတယ်ပေါ့။
“ဟုတ်ကဲ့။ တင်းမာနေပါတယ်။ အဲဒါကို ထိန်းချုပ်ဖို့ ရဲတပ်ရင်းတွေကတော့ လိုက်ပြီး ထိန်းနေကြပါတယ်။ အခြေအနေကတော့ ဒီဘက်ကလည်း ရခိုင်ဘက်ကလည်း ဒီအတိုင်းဆိုရင် တရက်လောက် ကြာလာရင် ပေါက်ကွဲလာနိုင်တယ်။ အဲဒီလိုမျိုး စိုးရိမ်ရတဲ့ အခြေအနေမှာ ရှိပါတယ်။”
ရဲတပ်ဖွဲ့တွေ ချထားတယ်၊ လုံခြုံရေးတွေ ချထားတယ် ဆိုတော့ တပ်အင်အား ဘယ်လောက်လောက် ရှိလဲခင်ဗျ။
“တပ်အင်အားတော့ အဲဒါတော့ အတိအကျတော့ မပြောတတ်ဘူး။ အဲဒီနေရာမှာတော့ ၂၀-၃၀ လောက်ပဲ ချထားပေးတယ်။ ဟိုဘက်က သဲချောင်းဘက်ကလည်း တက်လာကြတယ်လို့ အခုပဲ သတင်းဝင်လာတယ်။”
သူတို့ဘက်ကရော အင်အား တော်တော်များလားခင်ဗျ။
“များပါတယ်။ သူတို့ဆီက လူအင်အား သောင်းဂဏန်း နီးပါးလောက်ကို စုနေကြပြီ။”
ရခိုင်ဘက်ကရော အခု အင်အား ဘယ်လောက်လောက် စုမိနေကြလဲ။ အခု လောလောဆယ်မှာ။
“ရခိုင်ဘက်ကတော့ အဲဒီဟာနဲ့ ထိပ်တိုက်ရင်ဆိုင်ဖို့တော့ မသွားကြဘူး။ ကိုယ့်ရဲ့ ရပ်ကွက်မှာပဲ ကိုယ့်ရပ်ကွက် လုံခြုံရေးအတွက်ကတော့ ကိုယ့်ဟာကိုယ်စုပြီး နေနေကြတယ်။ အဲဒီလို ရှိနေပါတယ်။ မနက်ပိုင်းနဲ့ နေ့လယ်ပိုင်းလောက်မှာ ဘာမှမဖြစ်ဘဲ ညနေပိုင်းလောက်မှာ တင်းမာလာတဲ့ အခြေအနေဆိုတော့ သွေးထိုးလှုံ့ဆော်တဲ့ အဖွဲ့တဖွဲ့ရှိလို့ အဲဒီလိုဖြစ်တဲ့သဘောမျိုး ဖြစ်နေပါတယ်။”
ဆိုတော့ သွေးထိုး လှုံ့ဆော်တဲ့အဖွဲ့ ရှိတယ်လို့တော့ သတင်းကြားရပြီး ဒီကြားထဲမှာ ဒီနှစ်ဖွဲ့ကို စေ့စပ်ပေးမယ့်သူရော မရှိဘူးလား။ ဥပမာ၊ အာဏာပိုင် အဖွဲ့အစည်းတွေကပဲ ဖြစ်ဖြစ်၊ ရဲတပ်ဖွဲ့ကပဲ ဖြစ်ဖြစ်၊ မြို့နယ် အုပ်ချုပ်ရေးမှူးအဖွဲ့ကပဲ ဖြစ်ဖြစ်ပေါ့။ တဦးတယောက် ယောက်က ၀င်ပြီးတော့ စေ့စပ်ပေးဖို့ ကြိုးစားတာမျိုး၊ စီစဉ်နေတာမျိုးရော မကြားမိဘူးလား။
“အဲဒီလိုမျိုးတော့ စီစဉ်နေကြပါတယ်။ ဥပမာ၊ ကျနော်တို့ ဒီဘက်ကဆိုရင် ကျနော်တို့ ရခိုင်ဘက်ကဆိုရင် အကုန်လုံးကို လိုက်ပြီးတော့ ကျနော် ထိန်းထိန်းသိမ်းသိမ်း နဲ့တော့ လုပ်နေတာပေါ့။ ဒါပေမဲ့ ဟိုဘက် မူစလင်ဘက်ကိုတော့ ကျနော်တို့က ဘာမှ ပြောပြလို့မရတော့ ညနေပိုင်းကို ဒီမှာရှိတဲ့ ငြိမ်းချမ်းရေးအဖွဲ့မှာ ပါတဲ့သူတွေကိုတော့ လိုက်ထိန်းတယ်၊ ထိန်းနေတယ်လို့တော့ သိရတယ်။ ဒါပေမဲ့ ထိရောက်တဲ့ပုံတော့ မပေါ်ဘူး။ အဲဒီလို ဖြစ်နေတယ်။”



ရခိုင်ပြည်နယ်မှာ ဖြစ်ပွားနေတဲ့ အကြမ်းဖက်တိုက်ခိုက်မှု အခြေအနေတွေ ပြန်လည်တည်ငြိမ်သွားပြီလို့ နိုင်ငံတော် သမ္မတရုံး ရဲ့  အင်တာနက်စာမျက်နှာမှာ ဖော်ပြထားပါတယ်။မောင်တောမြို့က ဒေသခံပြည်သူတွေအတွက် ပရဟိတကျောင်း၊ အောင်မြေဗောဓိကျောင်း နဲ့ ဗဟိုကျောင်းတွေမှာ ကယ်ဆယ်ရေးစခန်း (၃) ခု ဖွင့်လှစ်ပြီး ကူညီစောင့်ရှောက်ပေးနေကြောင်း၊ ဆေးဝန်ထမ်းတွေ ရောက်ရှိပြီး ကျန်းမာရေး စောင့်ရှောက်မှုတွေ စတင်ဆောင်ရွက်နေပြီ ဖြစ်ကြောင်းလည်း ဖော်ပြပါတယ်။
ကာကွယ်ရေးဝန်ကြီးဌာန ပြည်ထောင်စုဝန်ကြီး ဒုတိယ ဗိုလ်ချုပ်ကြီးလှမင်း၊ ရခိုင်ပြည်နယ် ၀န်ကြီးချုပ် ဦးလှမောင်တင်၊ အနောက်ပိုင်းတိုင်း စစ်ဌာနချုပ်တိုင်းမှူး ဗိုလ်မှူးချုပ် ကိုကိုနိုင်၊ လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေး ဒုတိယ ၀န်ကြီး ဦးဖုန်းဆွေတို့လည်း မောင်တောမြို့ကို ရောက်ရှိကွပ်ကဲနေတယ်လို့ ဆိုပါတယ်။
အခင်းဖြစ်ပွားခဲ့တဲ့ မောင်တောမြို့တ၀ိုက်က ကျေးရွာ (၂၀) လောက် မီးရှိူ့ခံခဲ့ရရာမှာ ရွာ (၁၇) ရွာ ပျက်စီးခဲ့ တယ် လို့ သိရပါတယ်။ ရခိုင်ပြည်နယ်မှာ သောကြာနေ့က စတင်ခဲ့တဲ့ ပဋိပက္ခအတွင်း အနည်းဆုံး လူ (၇)ဦး သေဆုံးပြီး (၁၇) ဦး ထိခိုက်ဒဏ်ရာရခဲ့တယ်လို့ ဆိုပါတယ်။အခုအခါ မောင်တောမြို့နယ်နဲ့ ဘူးသီးတောင် မြို့နယ်တွေမှာ ပုဒ်မ ၁၄၄ ထုတ်ပြန်ထားပါတယ်။ NLD အမျိုးသားဒီမိုကရေစီ အဖွဲ့ချုပ်ကလည်း ရခိုင်ပြည်နယ်မှာ အကြမ်းဖက်တိုက်ခိုက်မှုတွေနဲ့ လှုံ့ဆော်မှုတွေ ချက်ချင်းရပ်ဆိုင်းဖို့ မနေ့က ကြေညာချက်ထုတ်ပြန် မေတ္တာရပ်ခံခဲ့ပါတယ်။


ရခိုင်ပြည်နယ် ရမ်းဗြဲမြို့နယ် ကျောက်နီမှော် ဒေသက မသီတာထွေး အမည်ရှိ အမျိုးသမီးတစ်ဦးကို အဓမ္မ ပြုကျင့် သတ်ဖြတ်မှုနဲ့ ရခိုင်ပြည်နယ်၊ ကျောက်ဖြူထောင်မှာ ထိန်းသိမ်းထားသူ သုံးဦးထဲက ထက်ထက် (ခေါ်) ရော်ရှီး ဟာ မိမိကိုယ်ကို အဆုံးစီရင်သွားကြောင်း သတင်းတွေ ထွက်ပေါ်ခဲ့ပါတယ်။
ဒီသတင်းနဲ့ပတ်သက်ပြီး အတည်ပြုနိုင်ဖို့ ကျောက်ဖြူ အကျဉ်းထောင်ကို အာအက်ဖ်အေက ဆက်သွယ် ခဲ့ပေမဲ့ ဆက်သွယ်လို့ မရခဲ့ပါဘူး။ ကျောက်ဖြူမြို့နယ် ပြည်သူ့လွှတ်တော်ကိုယ်စားလှယ် ရခိုင်အမျိုးသား တိုးတက်ရေး ပါတီက ဦးဘရှင်ကို ဆက်သွယ်မေးမြန်းရာမှာ -
“ဒီအချိန်အထိတော့ ဒီသတင်းတွေမရပါဘူး။ ထောင်အာဏာပိုင်တွေကလည်း လုံခြုံရေးကို ဂရုစိုက်ပြီး ထိန်းသိမ်းထားကြတာပဲ။ ကျွန်တော်သိရသလောက်။ ကျွန်တော်တို့တွေလည်း အဲတာတွေ တာဝန်ရှိတဲ့ ထောင်ပိုင်ကြီးတွေနဲ့ တွေ့တဲ့အခါ သူတို့တွေလုံလုံခြုံခြုံ ရှိဖို့ဟာရယ်၊ ကျွန်တော်တို့ စကားပြောဖြစ်ကြပါတယ်။ တနင်္လာနေ့ နှစ်ဘက်ရှေ့နေစုံရင်တော့ သက်သေတွေမှာထားတယ်နဲ့ တူပါတယ်။ ဒါပေမဲ့ သူတို့တရားစီရင်ရေး လမ်းကြောင်းအရဆိုလို့ရှိရင်တော့ တရားလိုဘက်က အမှုလိုက်ပါမဲ့ ခရိုင်ဥပဒေအရာရှိကတော့ အဆင်သင့်ရှိနေပြီ။ တရားခံတွေဘက်က လိုက်ပါမဲ့ ရှေ့နေ ရှေ့ရပ်တွေ အဆင်သင့်ရှိမှ စစ်လို့ရမှာကိုး။ ကျွန်တော်သိရသလောက် သူတို့တွေက ကိုယ်ပိုင်ရှေ့နေမငှါးနိုင်တဲ့ အတွက်ကြောင့် နိုင်ငံတော်ဘက်က သူတို့အတွက် ရှေ့နေတစ်ယောက် စီစဉ်ပေးမယ်”
သူတို့အမှုကို တနင်္လာနေ့မှာ ကျောက်ဖြူခရိုင်တရားရုံးက အများပြည်သူရှေ့မှောက် ဆက်လက် စစ်ဆေးမယ်လို့ သိရပါတယ်။ ကျောက်ဖြူမြို့မှာတော့ အခြေအနေတွေ တည်ငြိမ်နေတယ်လို့ ဦးဘရှင်က ပြောပါတယ်။



ရခိုင်ပြည်နယ် အနောက်ဘက် မောင်တောမြို့မှာ မနေ့က ပစ်ခတ်မှုတချို့ ဖြစ်ပွားခဲ့ပေမဲ့ အကြမ်းဖက် ဆူပူမှုတွေ မနေ့ကတော့ အတန်ငယ် တည်ငြိမ်သွားပြီလို့ မြို့ခံတွေက ပြောပါတယ်။ ဒါပေမဲ့ စစ်တွေမြို့မှာတော့ ရခိုင် ဗုဒ္ဓဘာသာဝင်တွေနဲ့ မူစလင်တွေကြား ထိပ်တိုက် ရင်ဆိုင်မှုတွေ ဖြစ်ပေါ်နေတယ်လို့ စစ်တွေ ဒေသခံတွေက ပြောပါတယ်။ မောင်တောဘက်က နောက်ဆုံးအခြေအတွေကို ဦးကျော်ဇံသာက ဆက်သွယ် မေးမြန်းတဲ့အခါ မြို့ခံတဦးက အခုလို စပြောပါတယ်။
“မြို့ရဲ့ အခြေအနေကတော့ အားလုံး ငြိမ်ငြိမ်သက်သက်ပါပဲ။ ဟိုဘက်နေ့က ပုဒ်မ ၁၄၄ ထုတ်လိုက်တော့ ညပိုင်းကျတော့ ပစ်တာခတ်တာတွေလည်း ကြားရပါတယ်။ ထိတာ ကျတာတွေလည်း ကြားတယ်။ ကျနော်တို့ ဒီ လူအုပ်ကြီးနဲ့ အကြမ်းဖက်ကြတာတွေ သတင်းရပါတယ်။”
သူတို့ ကြားတယ်ဆိုတာ ဘာပြောတာလဲ၊ သူတို့ သေဆုံးတာ ပြောတာလား။
“ဟုတ်တယ်။ သေတာပါ။ ကျတယ် ဆိုတာကတော့ သေတာပေါ့။”
ဘယ်နှစ်ယောက်လောက် သေတယ်လို့ ကြားပါသလဲခင်ဗျ။
“အဲဒါကတော့ သတင်းက တိတိကျကျ မရသေးဘူးခင်ဗျ။ ခန့်မှန်းချေကတော့ လောလောဆယ် သတင်းကတော့ သုံး လေးယောက်လောက် ခင်ဗျ။”
သူတို့ကို ဘယ်ကို သယ်သွားလဲ။ ဆေးရုံကိုလား။
“ကြက်ခြေနီကားတော့ အသွားအလာတော့ တွေ့ပါတယ်။”
အဲဒါ မောင်တော မြို့ပေါ်မှာပေါ့ခင်ဗျ။
“မောင်တောမြို့ပေါ်မှာကတော့ ဒီနေ့ ဒီညကတော့ အေးအေးဆေးဆေး ပါပဲ။”
ခုနက ပစ်တယ်၊ ခတ်တယ်ဆိုတာ ဘယ်မှာလဲ။ ရွာတွေမှာလား။
“ရွာစွန်ရွာဖျားတွေပေါ့။ ကျနော်တို့ မောင်တောမြို့ရဲ့ ရွာစွန်ပေါ့။ ကျနော်တို့ ရခိုင်ရွာစွန်တွေပါ။ မောင်တောမြို့ရွာအစွန်မှာ ဗိုလ်မှူးရွာ ဆိုတာ ရှိပါတယ်။ အဲဒီဘက်ရယ်၊ နောက်တစ်ခုက ကျနော်တို့ အရင် ထောင်အဟောင်း ရှိတဲ့နေရာဘက်ပေါ့။ အဲဒီဘက်ရဲ့ အရှေ့ဘက်မှာ ဖြစ်ပါတယ်။”
ဆိုတော့ အဲဒီဘက်မှာ ပစ်ခတ်တဲ့အသံတွေ ကြားရတယ်ပေါ့။
“ဟုတ်ကဲ့ ကြားရပါတယ်။”
ကြက်ခြေနီကားတွေ ကြားရတယ်ပေါ့။
“ဟုတ်ကဲ့။ ဟုတ်ကဲ့။”
နောက်ပြီးတော့ အဲဒီ နယ်မှာရှိတဲ ဗုဒ္ဓဘာသာရွာတွေ၊ ရခိုင်ရွာတွေက လူတွေကရော သူတို့လုံခြုံမှုကရော။
“ကျနော်တို့ မြို့ပေါ် အခြေအနေကတော့ ကောင်းပါတယ်။ လုံခြုံမှု ရှိပါတယ်။ ဒါပေမဲ့ နယ်ဘက်ကျတော့ သိပ်ပြီးတော့ လုံခြုံမှု မရှိတဲ့အတွက်ကြောင့် အဲဒီနယ်ကနေ မြို့ပေါ် တက်လာတဲ့သူတွေ ရှိပါတယ်။”
အဲဒီ မြို့ပေါ်တက်လာတဲ့သူတွေကို ဘယ်မှာ နေရာထိုင်ခင်း စီစဉ်ပေးပါသလဲ။
“လောလောဆယ်တော့ ကျနော်တို့ အလိုတော်ပြည့်ကျောင်းမှာ ထားပါတယ်။”
ဘူးသီးတောင်ဘက်ရော ဘယ်လိုကြားပါသလဲ။
“ဘူးသီးတောင်က အေးအေးဆေးဆေးပဲ။”